ياجرح بستأذنكـ بانام لي ساعـہ
وارجوكـ دخيل الله لاتصحّيني
(مواساة)
لي خمسة ايام اعيش السّمع والطّاعـہ
ولك خمسة ايام تامرني وتنهيني
(شرح)
والمشكله جت عروق القلب فزّاعّـہ
..مايكفي انكـ سرقت النوم من عيني
(تحليل)
اصبحت انا القاز وانت امسيت ولاّعـہ
..شبيتني ينعن اهلكـ وش يطفّيني
(علة)
دكتور وممرضه وابره وسمّاعـہ
في كل ليله ولايدرون وش فيني
(ترجى)
ياسيدي الجرح قلبي يشتكي راعـہ
لا الذنب ذنبي ولا الموضوع بيديني
(اخلاص)
حبيت وأخلصت وأثر الحب فقاعہ
روّح وباقي يموتني ويحييني
(خيانة)
غيري هدر دم عشق وللاسـف باعـہ
غيري قتل كل حب بحد سكيّني
(ندم)
وانا الي اصبحت للأخطاء شمّاعـہ
وادفع ثمن كل غلطه من محبيني
(متاهة)
قبلي في العشق ناس وتشكي اوجاعـہ
قالوا متاهـہ وانا جيتہ برجليني
(أغراء)
بدايتـہ سلسلـہ ..والنّفس طمّاعـہ
اغـراني ادري ولا في شي يغريني
(تحرر)
واليوم لو قلت ياأهل الحب واطباعـہ
انتوا على دينكم وانا على ديني
(أعفاء)
اجبرني الجرح اعيش السّمع والطّاعـہ
حتى ولو قلت له ياجرحي اعفيني
(صحوة)
من خمسة ايام وانا في رجاهـ ساعـہ
وان جيت بأنامها جرحي يصحّيني
بقلمى. النازف