ماعرفتك !! والعذر اقبح من ذنوب الخطيّـه
حتى شكلك صدقيني ان قلت لك : بعضه نسيتـه

اذكر عيونك حورها من الخجل زايد شويّـه
بس هذا اذكره وغيره من الذكرى محيتـه

لابعد اذكر ,, شعرك اللي يحب لعبة يديّـه
سالفه شعرك لحـالـــه لو ابشرح ماوفيتــه


واذكر ان فمك حضن جمرن ٍ حمر فوق ابرديّـه
لابتسم لي رحت له كلي من اللهفه وجيتـه

واذكر ان غمازة اخدودك عذاب ومهمهيّـه
وردتني للطــريق اللي ابتدى يوم انتهيتـــه

واذكر ان اطعونك اللي بالظهر كانت قويّـه
ايه اعرفك بس اخاف الجرح يكبر لا طريتـه

انتي كنتي شي ثاني .. كنتي شي مني وفيّـه
اقرب انسانه لقلبي حطمت قلبي في بيتـه

تذكرين .. الورد الأحمر يوم جبتي لي هديّـه
قلتي : تكفى لا يموت الورد لكَ غالي شريتـه


مات قلبي قبل يموت الورد وجروحه نديّـه
في يديني جبت دم القلب للورد وسقيتـه

كنت احسب اني اضحي .. مادريت اني ضحيّـه
كنت احسب ان العطى يثمر بعين اللي عطيتـه

راحت أحلام العمر ~ روحه كذا من غير جيّـه
حتى زرعي اللي زرعتـہ .. ماتوفقت وجنيتـه

من عقب ماكان ليّـه .. صار له ماهو بليّـه
من خذاه !! وقلبي يسئل عنه لكن مالقيتـه

دايم اسمع عن خوي ٍ خان في خوة خويّـه
موقف ٍ يمكن كتبتـہه بالشعر قبل وقريتـــه

المهم .. ماكنت احسـه لين ماجتني بليّـه
.من يديك وحسستني وخاب كل اللي هقيتـه

يابدويّه مو كذا رد الجمايل يابدويّـه
البداوه علمتني كيف ارد اللي خذيتـه

في الزمن هذا .. محال الوافي يلقى له وفيّـه
الزمن هذا خذلني في محبتـك وبكيتــه

كنت اقول : الطيّبـه أحسن من علوم الرديّـه
كنت اقول وكنت اقول ولانفعني ماحكيتـه

ما بقى عندي كلام ولا بقى بصدري بقيّـه
من تفارقنا بصدري هالـعتاب ولاشكيتـه

هذا كلـه اللي عليك .. وقولي انتي ماعليّـه
بسمعك للصبح يمكن منك اسمع مابغيتـه

امآ شكلڪك اعرفه عرف الموصى للوصيّـه
قلت : ماعرفـه .. وفي قلبي اقول:اني فديتـه

ايـه اعرفك والعذر اقبح من ذنوب الخطيّـه
انتي شكلك صدقيني راح اموت ولانسيتـه


ثآمر شبيب
:rose:




ودي لقلوبكم 004004