السلام عليكم ورحمة الله وبركاته

اسعد الله مساءكم بالخير

يسعدني ويشرفني أن انقل لكم هذه القصه وهي من قصص الوفا والشهامه عند المراوين



مر ثلاثه من رجال المراوين كاد أن يهلكهم العطش بديار شمر وشمر قطين على الهدانيه بالأراضي العراقيه
فلما اتجهوا الى القطين واجهوا في طريقهم حرمه شمريه تسوق زواملها قالوا يا بنت حنا ضميا ونبيك تدلينا على راعي بيت يزينا ويزي زواملنا .
قالت يا بعد حيي شفتوا البيت هذاك المروبع اللي بأخر القطين اسم راعيه عطيوي أن ما ازاكم ما احد مزيكم
قالوا توكلنا على الله ونصوا بيت عطيوي
رحب بهم واكرمهم وجاب الدلو ونزل الرشا وعبا ( اقربهم )
وحملها على زواملهم وقال لهم :
بالله علموني يا حروب من دلكم عليه من بين كل هالقطين
قالوا حرمه تسوق زوامل بأول القطين
قال عطيوي :هل الزوامل معهن جمل اوضح ؟
قالوا : الله الله .... وهو يضحك
قالوا : ليه ضحكت يا عطيوي
قال هاذي زوجتي طامحٍ عند ابوها
قالوا وش السبب يا عطيوي
قال اوله زعل ٍ بسيط وبعدين تطور يا بعد حيي
قالوا وين بيت ابوها
قال االبيت هذاك القرنين اللي بأخر القطين
وهم يشيلون على زملهم والشمس عند الغياب
لين وصلوا بيت ابوها
وهم يتعدون المراكي وينوخون الزمل بحموله على ذرى البيت
الا راعي البيت جايهم ( عليه له صايه ) قال :
ابوكم يارجال عسى ما شر أنتم علامكم ؟!!!
قالوا ما جينا الا نبي نعلمك
حنا جايين لراعية هالزوامل ( على جيتها للبيت تسوق زواملها )
قال وش تبون فيها
قالوا نبيها ترجع لبيتها وزواملنا رضاوه لها
قال يا حيل الله خليهن .. خليهن يا بنتي وانهجي لبيت رجلك علي الطلاق من امك أن تمشين هالحين
مشوا المراوين من عند الشمري وتركوا زملهم بحموله اللي عليه رضاوه للشمري وبنته
ولكنه حلف عليهم ان يأخذونها

هذه القصه من قصص الوفا عند المراوين