تعالـي يابعـد حيـي جفـا هالوقـت مليت ـه
تعالي واملكي قلبي خوذينـي نقـوة أحبابـك
تعالي واجبري كسر ٍ زمان ٍ فـات داريتـه
تعالي دام لك رغبة وقفت اليـوم فـي بابـك
أهني بك أهل حائـل وحتـى البيـت هنيتـه
ياحظ الدار في شوفك ياحظ اهلك مع اصحابك
أهني بك سحاب ٍ مر مـن فوقـك وراعيتـه
وأهني بك جبال الطيّ وأهني بالخطا ترابـك
ترى كل شي في حائل علشانك أنـا اغليتـه
أحب الدار والديرة وأحب النـاس وأقرابـك
ولو جيت الصدق وأصدق ترى قربك تمنيتـه
ولابه شي أبد فيني يقـاوم نظـرت أهدابـك
ترى مافيني أتحمل وجمـر الشـوق شبيتـه
تعالي نضوي الشمعه كرهت الكون بغيابك
وإذا مالك أبد فينـي هـذا قبـري وسويتـه
أموت اليوم من شانك قتيل ٍ مـات بأسابـك
وأشوف الموت لي رحمه على عالم تحديتـه
ولا اشوفك معا غيري يعيش الحـب يهنابـك
هذا قلبي فدا عينيـك تعالـي واسكنـي بيتـه
تعالي دام لك رغبه صدوق ٍ ما أتسلـى بـك

تعالـي يابعـد حيـه تعالـي يابعـد ميـتـه
تعالي واملكي قلبي خوذيني صفـوة أحبابـك

مع تقديري :2::2:
http://www.youtube.com/watch?v=Mu1Ne8J1ikU