يسعد أوقاتكم بكل خير
مبارك عليكم الشهر<<< بدري
وأخيراً إستحيت على وجهي.. وصار عندي ذمه وضمير
وقررت أرتب موضوع .. وأرسله لقروبنا العزيز
وعلشان إنه أول موضوع لي بالقروب...
ما يحتاج أكتب مقدمه... لأني.. فعلاً توني أعرف فإنها صعبه بقوه
المهم .. موضوعي
طبعاً ما أخفيكم .. إني من محبين الجرافيكس..
وبرامج التصميم .. وكل ما يخص التصميم والمونتاج...
ومن شقفي وحبي ... لكل صوره فيها إبداع سواء تصميم .. أو تصوير فوتوغرافي..
حبيت أدخل مجال التصوير الفوتوغرافي.. وفعلاً مجال واسع وخيالي .. وفينظري من أروع المجالات
لأن يعتمد على أفكار .. وذوق .. وإبداع المصور... وطبعاً هو ما يخفى علينا..
إن المصور المبدع.. هو إللي يصنع جمال اللقطة .. في الدرجة الإولى..
عموماً .. مالكم بالطويلة والهرج الفاضي...
في الفترة الأخيرة إشتريت كاميرا .... جيده نوعاً ما...
قلت أتعلم التصوير... وأساسياته..<<< ركزوا أتعلم
نوع الكاميرا...
canon
PowerShot A630
وبعدها بإذن الله إذا الله وفق...وتوفرت السيوله المناسبة
.. إشتريت كاميرا إحترافية .. وأتمنى إني أمتلكها .. وهي
canon 400D
أو
canon 450D
ألحين أترككم .. تستمتعون بالصور... من بدايتي بالتصوير
إلى آخر لقطة إلتقطتها...
وأتمنى تحوز على رضاكم وإعجابكم
وإللي تعجبه أي صوره حلال عليه...
ويمكن تنفع بعض المصممين .. إللي لهم خبره...

أول ما إشتريت الكاميرا على طول اليوم الثاني سافرت..
وإخترت لكم 3 لقطات




ومن حبي لتصوير الماكرو إخترت لكم هذي اللقطات..
طبعاً تصوير الماكرو .. هو التصوير الدقيق.. أو التركيز على تفاصيل الصورة الدقيقة
وإخترت لكم 3 صور


والصورة الثانية... سالفتها .. سالفة .. هذي النملة
ساعتين علشان اصورها.. بنت الكلب .. تتغلى علي..
تقولي لاتصورني أخاف تنشرني بلوتوث
بس صورتها .. صورتها وهي حاطه رجلها تبي تدخل بيتها


الصورة الثالثة
قطرة ماء... بس أحسها ما طلعت واضحه


تجربتي للتصوير التجريدي
وهو إحدى أنواع التصوير
إخترت لكم 3 صور




تجربتي .. للتصوير الإعلانية ..
ما كانت موفقه... إخرت لكم هذي الصورتين
لعطري المفضل



صور منوعة
إخترت لكم 6 صور







هذي لقطة طريفة
كنت طالع رحله للهافمون
وإلتقطت هذي اللقطة
إللي محيرني فيها... ليه هذي العجوز مجلسينها على الساحل.. ومعطينها سناره صيد...
يعني بتصيد حوت مثلاً...ههههههه
مسكينه.. شكلهم مصرفينها... أزعجتهم...
لالا... وعلبة بيبسي جنبها..يعني صيدي وإشربي .. ولا تزعجينا...
هههههههههههههه..... قسم بالله أراقبها.. ما قامت إلا بعد المغرب...
طبعاً مع كم هائل من صيد الحيتان والضفادع...ههههه
أحسها تناظرني بنص عين.. تقول في خاطرها... وش يبي ذا..هههه


تجربتي مع تصوير البرتريه..
من أصعب أنواع التصوير في نظري
إخترت لكم 6 صور

وإللي إني لاعب فيهم لعب .. بزارينا
وهذي لقطة للكتكوت
أموت على الجلسه أنا.. إماراتي صغنون
وااا.. فديته بس

بحلوس عليكم

تجربتي في تصوير تصوير السيلويت

طبعاً هذي آخر صورة إلتقطتها..
طلعت بشكل مناسب نوعاً ما ... ولكن الإضاءة شوي... أتعبتني..
كنت أتمنى إضاءة السوفت بوكس تكون سداسية.. أوخماسية
علشان تطلع الإضاءة في عدسة العين دائرية .. أحلى من إنها مربعات
ولو تلاحظون شوي العين إللي على اليسار .. فيها ظل كثير...
عموماً طلعت بنتيجة مقبولة نوعاً ما..
وعلى فكرة الصورة .. مع شوية فوتوشوب... خفيف جداً...

في النهاية أتمنى إن الصور تكون حازت على إعجابكم..
وأتقبل نقدكم على أي صوره.. ولا سيما إعجابكم بأي صوره..
قد ألفتت إنتباهكم...
وترقبوني في الجزء الثاني من...
المكتفي من خلف العدسة
أجمل تحية ود... وتقدير للجميع