لك كم سنة تسال وانا اقـول بعديـن
...........لاعاد تسالني عن اسباب هالصمـت

بيني وبين الصمت عشرة من سنيـن
...........واخاف اخون الصمت لامن تكلمـت

بعض الحكي يوجع ولوكان حرفيـن
............وش ينفعك لامن حكيـت وتندمـت

واجد جروحي..بـس والله غاليـن
...........ومن كثر مااغليهم الى شفتهـم قمـت

‏ جرحي ليااقبل قلت ياجرحي اهليـن
............معـروف انـي مـن عـذابـه تعـلمـت

والا زماني لو ضحك عارفه زين
.............ماهوب يبطي لـو بوجهـه تبسمـت

لاعاد اجل تطرح عليه هالسؤالين
............وش فيك ماتضحك؟وش فيك مانمت