آآهـ ../
تكـــــــــون البنت لإبن العــم .. ..!!
ورغبــآتـــ الكبار تصيــر ..~

دعَتْني وجيت للموعد وكنت مْـن الفـرح كالطيـر

وجيت من العصر طاير مـع ان الموعـد المغـرب

وجتني بس مدري ليه شعرت الجيّـة هـذي غيـر

وهي تقرب من عيوني شعرت إن الممـات أقـرب

وقلت الله يهوّنها عسـى فـي جيّتـك لـي خيـر

أنا من شفتـك أقبلتـي وأنـا خايـف ومستغـرب

على كثر الحكـي مـدري كأنّـه خانهـا التعبيـر

وقالت لـي جُمـل وأشيـاء لا تكتـب ولا تعـرب

هدت فجأة تطالعنـي وأنـا فـي حاجـة التفسيـر

لجل نحكي بهدوء اكثر سألت: الحلوة وش تشرب ؟

صاحت بي أنا أحبك ولـك فـي هالحشـا تقديـر

وتدري ان المثل فينـا وفـي احساسنـا يُضـرب

وكنت أنت الوفي وأنت البري من تهمـة التقصيـر

ولكـن ذي عوايدهـم مـن أيـام وزمـن يثـرب

تكون البنت لابن العـم ورغبـات الكبـار تصيـر

وتدري الاقربون أولى .. مع إنك للخفـوق أقـرب

وتـدري للقـدر كلمـة .. لعـادات الأهـل تأثيـر

لذا أرجوك تتركنـي وأنـا مـن وآقعـك باهـرب

شعرت بحكيهـا كنّـه قصـاص وأمـر بالتعزيـر

شعرت الدنيا ضاقت بي من المشرق ليـا المغـرب

مشت خلّت وراها طفـل مـا يـدرك وش التدبيـر

يحسب أن الغرام أشعار شاعـر وأغنيـة مطـرب

ضحكت وماقدرت انـي ألاقـي لضحكتـي تبريـر

من اللي بوقتنا مرّه ضحـك مـن لدغـة العقـرب

رفضت أستوعب اللي صار ولا استسلمت للتغييـر

ثمان سنين اجي نفس المكـان بساعـة المغـرب

ورغم أن الثمـان سنيـن جـرح وكلّفتنـي كثيـر

أنا لليوم أجي وأدعي.. تجي يارب .. تجي يـارب