ياضايق الصدر بالله وسع الخاطر
دنياك يازين ما تستاهل الضيقه


الله على ما يفرج كربتك قادر
والله له الحكم في دبرة مخاليقه


حلو العيون استهانت دمعها الحادر
كف العباير حزين الدمع ما اطيقه


حسايف الحزن يغشى وجهك الطاهر
والورد في وجنتك حرام تغريقه


يفداك قلب على ماتشتهي حاضر
يفداك بالي بقلي من معاليقه


مافات خله ولا تهتم من باكر
واغنم من اليوم ما ساقت توافيقه


ياضايق الصدر بالله وسع الخاطر
دنياك يازين ما تستاهل الضيقه
:34: دمتم لنا بخير :34: