من اجمل ما قراته للشاعر تركي الميزاني

اضعها بين ايديكم




الله ولا الهاجس اللي مايريحنـي
اسهر عيوني وعنانـي وعنيتـه
احاول اخفيه مير الحزن يفضحني
متمركز بالحشاء كن الحشاء بيته
ياللي تعابت غموضي لاتوضحني
ماباقي في الضميـر الا تناهيتـه
اصافح الهم قبل انـه يصافحنـي
واحب خشمه وردد فالخفي ليتـه
ليته قبل لاتزل خطاي ينصحنـي
ولايريح خفوقـي مـن عفارتيـه
والغالي اللي على الشوق ذابحني
اقفي به الوقت ماجاني ولاجيتـه
ياسيد الغيد قبل اقول لـك بحنـي
بخبرك عن كـلام عنـك خفيتـه
تدري وش اكبر خطا الله يسامحني
اقفايتي عنك وانت اللـي تمنيتـه
وهذا هو اللي معذبني وجارحنـي
اقـول ابنسـي وانـا ماتنسيتـه


وسلامتكم :more19: