يا شين الدنيا لا ضاقت عليك وصـــــــــار حالك حــــال
جروحٍ تمتحن قلــــبــــك ولا تقـــدر تجاريهــــا


رحل عنك حبيب الروح وجـــاك الـهــــم وهو يختــــال
خذاها غيرك لحضـنــه وقلبـــك مـيـــت فيهـــا


تبعته ماني مصـــدق وعـــشـــت الحـل والترحـــــــال
ورحت لشرق موطنها لجـــل بالعــــرس اهنيهـــا


لقيت الناس مجتمعه ومقسومة نســـــــاء ورجـــــــال
فجأة انشلت اقدامي وقـــام الدمـــع يرجيهـــا


قطعتي لشوف محبوبك طريقٍ صعب وســــــط رمـال
وباقي عــ القصر خطوة رجيتــك يله امشيهـــا


دخلت وشفت منهو خذ حياتــي مـنـــي والآمـــــــال
في بشته واقف يسلم على نــــاسٍ ويمشيهـــا


صرخت وصحت في صدري واشوف الدمع مني سال
ذكرت الريم في ليله تحاكينـــــي واحاكيهـــا


تقول بعرسنا يا حب باســـوي شـــــي ما ينقـــــال
بأعلم هالبشر وشلون تحب الـــروح مغليهــــا


قربت وجيت ابـــارك لــــه وقــفــت وكنني تمثــــال
وقفت قباله اتبسم واطالع عينـــه وأوصيهـــا


أوصيّها على ريمي يعيشها فـــي احســــن حــــال
تعيش العمــر في راحـــة ولا يــــومٍ يبكيهــــا


تراهـــا غاليــــة عنـــدي حتــــى غيابهــا لو طــال
أنا باقي أسيـــر لعينها اللي منفتــن فيهـــا