( جا لك شعوري و لكنّك خذلته
ما انت كفو انّك تبادلني شعوري ) !

بيت قلته , ليتني ما فيك قلته
ضقت من صدّك و قلت ارضي غروري ,

و الكلام اللّي بوسط القلب شلته
شوفه بعيني و تقراه بسطوري ,

انت أجمل حظّ في دنياي نلته
و انت أكبر حلم يحتاجه سروري

و انت لو عمري على شانك بذلته
أعتبرْه شوي , و آحس بقصوري !

قلت شعري في دفا قلبك و طلته
شوف هالعالم تبي تقطف زهوري ,

طاح جرحي فوق الايّام , و نقلته
من ظلام غيابي لنجمة ظهوري ,

ما تصنّعت الحضور و ما جهلته
ليت كنت اجهل أو اتصنّع حضوري !

رح فمان الله يا حمل ٍ حملته
سكّة الايّام ما تقبل مروري ,

ذي نهاية حلمي اللّي ما وصلته
و انتهى ويّاه في دنياك دوري ,

لكن اسمع شي ما في يوم قلته
انت ما غيرك يبادلني شعوري !