اسباجيتي كاربونارا
المقادير:
½ كيلو مكرونة اسباجيتي
¼ كيلو لحم بقري مقطع شرائح صغيرة
3 ملعقة كبيرة جبنة رومي مبشورة
2 ملعقة كبيرة بقدونس مفروم
5 فصوص ثوم مفرومة
3 ملعقة صغيرة ملح
بصلة صغيرة مفرومة
6 ملعقة كبيرة زيت
3 بيضات مخفوقة
ملعقة فلفل
الطريقة:
1- حطّي لتر ميه على النار وحطّي فيها الملح و4 ملعقة زيت وسيبيها تغلي، وحطي فيها المكرونة وسيبيها تستوي ¾ سِوى.
2- هاتي طاسة كبيرة حطّي فيها باقي الزيت مع الثوم والبصل وسيبيهم على نار متوسطة لحد ما لونهم يصبح دهبي، وحطي عليهم اللحمة لحد ما تستوي، وفي الآخر حطي الفلفل.
3- صفي المكرونة من الميه وحطيها على اللحمة في الطاسة وقلبيهم كويس، ولو نشفت ممكن تضيفي ملعقة زيت زيتون تاني، وحطي عليهم البيض وقلبيهم حتى تستوي.
4- قدميها وهي سخنة مع رشة بقدونس والجبنة الرومي من على الوش.. وبالهنا والشفا.
المفضلات