https://www.youtube.com/watch?v=S12ImWPjdXM
بياع العنب ماجاني
شكله ياسعد زعلاني
خلا خاطري وجعاني
مدري عاد ويش اعذاره
________________
وش غير طباع الغالي
قص الوصل والمرسالي
خلاني كسير البالي
في قلبي تولع ناره
_________________
من بعد الوفاء والطيبه
باءت كلها بالخيبه
والمجروح في تعذيبه
ما وده تبيح اسراره
_________________
دام الزين ماهو داري
عن حالي وكل اخباري
ماهو بالوصالي اجباري
كلٍِ يقتنع باصراره
_________________
لازال الوفاء من طبعي
لو بان الخلل ياربعي
يبقى مثل ما هو وضعي
والعاقل حكيم افكاره
________________
قلبي ما تـناسى خله
مهما قال غيري خله
المطلوب كيف اصله
وانا ماعرفت دياره
______________
لا هب الهبوب الغربي
واعطى مايكنه قلبي
هاجوسي بدا يلعبي
والنفس اصبحت محتاره
__________________
ياهمس الليالي قلي
وش وصاك فيني خلي
تكفى قله اني كلي
في ساحة ربيع اشعاره
_________________
قلبي من جفاه ينادي
ويقول الحبيّب الغادي
كان الامر عنده عادي
من حب الجفا يختاره
_________________
بياع العنب لا تنسى
خلك لا ظواك الممسى
ماظنيت قلبك يقسى
لو زادت عليه اخطاره
________________
؛
المفضلات