يسعدلي مساء/ صباح الجميع..
اليوم جات ببالي كم شغله مهمه لـ صالح فوضانا ولـ راحة الأعضاء..
وهي انه على مشرف كل قسم يتبع الآتي:
حاولو تثبتو بعد كل فترهـ موضوع لـ العضو وهذا يشجعه على العطاء..
كمان لاتنسوا التقييم مهم لبث روح الحماس..
وأهم شي المواضيع المثبته في كل قسم لاتزيد عن أربعه مواضيع ..كل واحد يمر على قسمه ويتأكد الله يسعدكم..
شي ثاني بعد..احنا اللي نزيد روح العطاء والتواجد في روح الأعضاء..فياليت تدخلو ملفاتهم..تسألوا عن أحوالهم..وتتطمنو عليهم..وتدعوهم لمواضيعكم اللي يهمكم انهم يتطلعو عليها..
يعني ودي نكون روح وحدهـ مافي فرق بين مديرنا وعضونا..كلنا هنا أسرهـ..وكل الهدف من التمييز بالألوان هو للتكاليف والمهمات وليس للتفاخر..ولكن مكانتكم كاأعضاء ادارهـ تجعل الأنظار عليكم وعلى أخلاقكم أكثر..
وشي مهم كمان إنه ترد على كل موضوع في قسمك..وإن مر يوم مافيه حركه بالقسم..لابد انك تضع فيه موضوع لتحريك القسم..
اللي عندهـ فكرهـ أو مسابقه خاصه لـ قسمه أو أي قسم ينزلها ولا يهتم للجوائز راح تكون علينا..
قسم الترحيب..أبغى الكل يرحب بالضيوف الجدد..علشان ياخذو انطباع جيد عن المنتدى..
اممممم..ايش كمان..
ايوا المواضيع المتجددهـ بالمنتدى حاولو انكم تتابعوها وتنشطوها حتى لو ماكان القسم قسمك التعاون مطلوب..
وآخر شي..
اعذروني على الاطاله..وعلى الأسلوب العامي..بس حبيت المعلومه توصل من قلب لـ قلب
واللي عندهـ اضافات لايبخل علينا فيها..
ايوا في شي..قسم الشكاوي ان وصلت شكوى وشفتوها لاتطنشوها ردوا اي رد "غطوا علي ان كنت غايبه:18:"..يعني يد وحدهـ ماتصفق خليكم معاي على طول..
وكونو على ثقه اي قرار يصدر منكم او أي طلب ماراح اتجاهله بالعكس راح نحطه بعين الاعتبار وندرسه وننفذهـ..
وباقي أقولكم شي..لاتتضايقو ان مارديت على مواضيع كثير هالفترهـ..وحطوا ببالكم اني منشغله علشان المنتدى يعني انا متابعه كل شي بس والله منشغله بالتنظيمات فماراح الحق ارد على كل المواضيع..والخير والبركه فيكم..بس كلها فترهـ الين يصير المنتدى تمام الف بالميه وقتها راح افضى للردود
المفضلات