أشوفك تبني الفرحه بيتن ورى بيت ،،
أشوفك تروي أحزاني وتوهمني ولا أذمك ،،
أشوفك تجرح الآمال وتنفيني بلا تثبيت ،،
ترويني بأكاذيبي وأنا عطشان من يمك ،،
أنا ماخذلت الفرح لجل تهديني التشتيت ،،
ولا تنكرت للبسمه لجل تضيعني بهمك ،،
ولابكيت الضحكه لجل أتمنى وأقول ياليت ،،
ولاودعت كل فرحي لجل أشوفه يضمك ،،
ولاغيرت عناويني لجل أرجع ولاحنيت ،،
ولا سارت بي دروبي على شان تتهمك ،،
أنا كلي أمل صارخ وكلي حرب وكني بيت ،،
أنا كلي هيام وعشق وقلب بالهوى يضمك ،،
أنا كلي غلا صادق بالتأكيد وبلا تصويت ،،
أنا كلي لك أشتاق كم أشتاق يا كمك ،،
وكم آقف على دروبك لاني حي ولاني ميت ،،
تطيح بكفي الدمعه ولا حسيت على دمك ،،
كم ناديت بعذب أسمك أنا عليك كم ناديت ،،
ولا تاصلك أصواتي ولا قد جت من يمك ،،
يرضيني منك الجرح يرضيي وأنا حييت ،،
بكل جرح عشته لك أو عشته لجل همك ،،
يرضيني منك إهمالك يرضيني منك التفويت ،،
يرضيني منك كل صدك بس أعيش بدمك ،،
أبي أملك كل دنياك أبيها لي وأنا صديت ،،
عن الدنيا وبلاويها لجل عينك وضمك ،،
أبي أملك إحساسك وأداعب فيك لين مليت ،،
من نفسي ومن غيرك ومن كل ماهمك ،،
أبيك أنت ولا غيرك يرضيني ولا رضيت ،،
إلا بوصلك الدافي أو شوفتك او شمك ،،
أبيك تنهي أحزاني وتفرحني إذا أمسيت ،،
تغتال بعيني الدمعه وتعطيها عطفك ولمك ،،
تعوضها عن اللي راح وإذا أقبلت ما أقفيت ،،
أبي أرتاح وأخيرا" أقولها ضمن حلمك ،،
قلت كل اللي بخافقي لك ولكني ما وفيت ،،
لجل تعطيني الضحكه بس أنت ولا همك ،،
المفضلات