**
شفيك ما تشتاق لي مثل ما كنت
.......... وإلا على هذي العلاقة كبرنا ..؟!
شاللي حصل ( هذا أنا و هذا أنت )
.......... حنا اللي اخترنا بعض .. ما انجبرنا !
تذكر ليا ضميت صدرك تطمنت
.......... ونخش ضحكتنا ونستر خبرنا
ما أعذب غناوينا ليا جيت دندنت
.......... وما أجمل حكاوينا وما أكثر عبَرنا
مسكتها يديك وعلى الوقت دونت
.......... وكتبت ( حنا بدو و الحب بَرنا ) !
أنا تحملتك وحتى أنت لاهنت
.......... للحب كفّينا .. وياما صبرنا
كل ما أبتذكّر ليال الهوى لنت
.......... وجسر الجفا قدامنا وما عبرنا
هو أنت ما تشتاق لي مثل ما كنت ,
.......... وإلا على هذي السوالف كبرنا ؟
آتمنى تنآل رضآ ذآئقتكم
![]()
المفضلات