ليتني أقدر على رد الجميل
لـلغالي اللي مستحيل ألحق جزاه
مستحيل ألحق جزاه مستحيل
الله يسعدلي صباحه مع مساه
والله إن المدح في مثله قليل
ليتني أقدر أحقق له مناه
الحنون اللي ابد ماله مثيل
الله اللي عزه يوم إن عطاه
الرحوم هو لنا الظل الظليل
الحظيظ اللي قدر يكسب رضاه
العطوف ومانبي غيره بديل
كل مانملك بذا الدنيا فداه
علمني أعشق الصبر الطويل
كيف أعشق دنية(ن) يتعب مداه
علمني مبدأ الحب الأصيل
هو بدايات المحبه ومنتهاه
هو دوايه لاغدا قلبي عليل
وين ماراحت خذا قلبي معاه
لا أبتعد عني غدا جسمي نحيل
من غلاته بس أهوجس في لقاه
ولاازعل عني وقام بالرحيل
قمت أنا كلي ندم أطلب رضاه
هو أساس الخير جيل(ن) بعد جيل
مايشوف الخير مخلوق(ن) عصاه
من عصاه عاش بالدنيا ذليل
ومن جفاه خاب يوم انه جفاه
تاج راسي جعل تاجي مايميل
نور عيني جعل عيني بس تراه
دمعتك دامني حيه ماتسيل
الله ينساني إذا قلبي نساه
أدعي المعبود والمولى الجليل
كل ماصليت يحفظ لي خطاه
ليتني أقدر على رد الجميل
لـ ابوي الي مستحيل ألحق جزاه
المفضلات