الله يجازي من يسوي سواتك *** وبذنوب من سوى سواتك يجازيك
مشيت بدرب الثقل وتحب ذاتك *** ماتدري انه للمهالك يوديك
غرك جمالك يا خسارة حلاتك *** ماتدري ان ماغيرك طبعك يحليك
بتقول زينك يشفع لسيئاتك *** الحسن ماهو عن وفى الحب يعفيك
لو التواضع والوفا من سماتك *** بعت الحبايب كلهم دين واشريك
لاكن عجزت اغيرك يا جراتك *** علي الاغياب اللي بلا عذر ينجيك
خطاي في توضيح وشهي غلاتك *** وخطاك في توضيح وشهو تغليك
وشلون توصيني وتنسى وصاتك *** وتصد عن صوتاً تقطع يناديك
مافاتك التجريح والعذر فاتك *** تبغى ارضاي الحين ماعاد يمديك
صحيح احبك بس هذي جزاتك *** بعلمك درساً يفيدك ويحييك
تدري وش ابيض من خفوقك عباتك *** وتدري وش اللي غرني نظرتي فيك
ادري بتستغرب تصبر وجاتك *** قصيدةٍ من واحد كان يبغيك
تبغي تناظر وانت عايش مماتك *** شف وحدتك والناس تجلس حواليك
وتبغي تشوف اشجع رجل بحياتك ***شفني وانا مقفي علي كثر مغليك
لكم مني اجمل تحيه
المفضلات