اختيار حلو وكتير ذووق
تسلم دياتك على رائعتك واختيارك الحلو
لروحك كل تحايا عطر الورد
لحمة غنم ( أو بقر ) هبرة و معها كمية من الدهنة تقل أو تكثرعلى حسب ذوق و رغبة عيلتك , و لازم نحط معها دهنة و لو بكمية قليلة , ما بيصير تكون هبرة عالحل مشان ما تطلع ناشفة
للأمانة , نحن ما استخدمنا كل اللحمة اللي بالصورة , تركنا الشقفة الكبيرة يلي باينة عالوجه
كمية مبحبحة من البصل
عند الفرم , لاقينا إنه الكمية ما بتكفي ففرمنا كمان بصلة وسط
دبس رمان , لازم دبس رمان و مو أي حامض تاني , لأن دبس الرمان إله نكهته الخاصة اللذيذة و هيي اللي بتعطي الصينية نكهتها المميزة
دبس فليفلة ( حلوة أو حدة ) ( حدة يعني حارة ) , و إذا ما عندك ممكن تستغني عنه , بس لا تحطي بداله فليفلة ما بيمشي الحال
ملح , كمون , أي خلطة بهار طيبة معتمدة عندك
لتزيين الوجه : بندورة و فطر
( ما حطينا فطر عالوجه , لأن بالصدفة ما كان عنا فطر اليوم )
راح نفرم اللحمة و البصل بماكينة فرم اللحمة , و لاحظوا مقاس مصفاية الفرم المستخدمة
حطينا دبس الرمان
كمية دبس الرمان على حسب ذوقك و رغبتك ( فيكي تتذوقي و تتحكمي بالكمية , طبعآ فقط لحمة الغنم يلي فيكي تتذوقيها أما إذا لحمة بقر لا تاكلي منها نية , انتبهي )
و حطينا الملح و الكمون و البهار ( بكمية مناسبة لكمية اللحمة و البصل ) , و كمان حطينا ملعقة كبييرة دبس فليفلة متوسطة الحد
( الكمية بس لتعطي نكهة الفليلفة و الحد للصينية , هيك راح تطلع أطيب ) , إذا الدبس حد كتير لا تكتروا مشان ما تطلع اللحمة حدة
منخلط كل المقادير مع بعضها البعض جيدآ
و منوزعها بالصينية متل مو شايفين و منرفع اللحمة على جناب الصينية
و منقطع البندوراية دوائر و منوزعها على وجه الصينية , و منحط فطر بالفراغات ( ما حطيت اليوم , لأن ما كان عنا فطر )
و عالفرن ( هالكمية بتكفي حوالي 5 – 6 أشخاص )
راح نلاحظ , إنه اللحمة راح ينزل منها مي و تتقلص , أكيد راح يصير هيك , فينا نخلي نار الفرن هادية مشان ما تنشف المي , بس راح تاكل الصينية وقت أطول لتنضج
و هي بعد ما طلعت من الفرن
بتقدميها و بتقدمي جنبها سلطة خضار و بطاطا مقلية
و في ناس بيحبوها مع الطحينة , فيكي تقدمي معها طحينة مشان يلي بدو يحط على صحنه
جربوهااااااااااااااااااا و ادعولي
منقول
اختيار حلو وكتير ذووق
تسلم دياتك على رائعتك واختيارك الحلو
لروحك كل تحايا عطر الورد
اختيار رائع
سلمت يداك لروعة ماقدمت
يعطيك الف عافية يارب
ماننحرم من طرحك المميز
تسلم يداك
جدا جميل طرحك
شكرا على المجهود المميز
يسلموـو على طرحك الراقي
يعطيك الف عافيه
دمتي بخير
اللهم يا جامع الناس يومآآ لا ريب فيه
اجمعنى انا وخطيبى فى الحلا عاجلآ غير اجلآآ يـ الله ..
اللهم ارزقنى انا وخطيبى رزقآآ حلالآ مباركآ يـ الله ..
اللهم أسعد قلبى بحب خطيبى وأسعد قلب خطيبى بحبه لى ..
يعطيك العافية على ذوقك الجميل
الذين يشاهدون الموضوع الآن: 1 (0 من الأعضاء و 1 زائر)
المفضلات