بسم الله الرحمن الرحيم
لقاء الجمعه مع الأخت شقيه وبكيفي
فكرة الموضوع كل جمعه رآح استضيف عضو ورآح اطرح عليه اسئلة مكونه من مجموعات
(1) المجموعه الأولى اسئلة شخصيه ( عن العضو في حيآته الواقعيه , طفولته , وضعه الحالي وهكذا )
(2) المجموعه الثانيه اسئلة عن المنتدى (كيف وصلت للمنتدى, مواقف مع الاعضاء وهكذا )
(3) المجموعه الثالثة اسئلة عآمه ( ممكن تكون سياسيه , ممكن تكون رأيه في مواقف وهكذا)
(4) المجموعه الرابعه والاخيره راح اعرض مقطع او صورة للضيف واخذ منه تعليق
هذا رد اختنا شقيه لما طلبت منها تكون ضيفتنا ..
يسعد صباحك يارب امير :..
الحمدلله اخويا بخير .. انت اخبارك ان شاءالله تكون بخير يارب ..
والله ماعندي مانع ابدا ياقدع :71:
نبدأ باللقاء
اسئلة شخصيه ..
1) بطاقتك الشخصيه ؟
اسمي : شقيه وبكيفي :3:
عمري : 22 سنه
سعودية الجنسيه :20: مدري ايش اقول تاني
طالبه جامعيه وايش تاني :3457:!!
المهم نكتفي بالمعلومات دي :41:
2) هواياتك؟
1) القراءه بس حسب المحتوى وحسب الاشياء الي اميل لها
2) وكمان احب اتفرج على اشياء واكسسوارات المطبخ :20:
3) اوقات اميل للطبيخ وشغل ستات البيوت :41: حسب المزاج طبعا :47:
4) احب اتابع اشياء الديكورات واحب اخد افكار جدا احب الاشياء اللي زي كدا 004 004 :29:
وفيه اشياء تانيه بس مدري ماهي على بالي حاليا :3:
3) كتاب حياتك بما تصفه؟؟"
بصراحه شغل الفصاحه مرا مالي فيه :4: !!
ابغا اجيب مسمى يوصف الي ابغا اقوله موعارفه :30:
المهم المعنى انه لو الواحد كان مع ربه مستحيل ربي يخيب ظن عبده فيه مهما كانت الظروف :rose::rose::66:
4) لوعاد الزمن ما الشيء الذي ستفعله مرة أخرى؟
ابوس راس ويد جدي حبيبي الي اعتبره ابويا الله يرحمه ويجعله ربي من اهل الجنه :( 004
5) اكثر شيء يحرجك؟
اني اتكلم قدام احد كتير :20: معرف اتكلم التزم الصمت دايما
يعني طبعي كدا مااتكلم كتير ابدا قدام الخلق سواء اهلي او غير اهلي افضل مبتسمه طول الوقت وفي حالة صمت الي يهرجني تكلمت لكن اتكلم من نفسي مرا ماحب احس اني انحرج ..
وكمان صراحه لمن القى بنوته بسني وتكون ثقافتها في الدين اعلى مني صح احب استفيد منها لكن انحرج واتضايق من نفسي ليش مااكون زييها وافضل :9:
وفيه اشياء كتير لكن دا الي جا ببالي حاليا والمخ فاصل :mornincoffee::20:
6) قبل اسمك ايش تحبي ينكتب ؟
بنت جدو نيوتن :47:
7) متى يقسو قلبك ؟
لمن اكون صادقه ومخلصه مع شخص بكل شيء ويبادلني بالعكس مرا الشي دا يضايقني بشكل ماينوصف ....
8) ايش حلمك ؟
اول شي انه ربي يحسن خاتمتي ومايقبض روحي الا وهوا راضِ عني 004
ثانيا : حلمي اكون مع اللي اتمناه وانسى انه يكون لي اهل نهائيا ..
9) شخص جرحك ؟ وايش كان السبب ؟
اسالو ماما :20: صراحه مااحبيت اجاوب عليه ..
والله يسامح الجميع :82:
10) اوصفي طفولتك ؟؟
صراحه .. كانت جدا جميله وكنت المدلعه عند العيله كلها خصوصا اهل بابا :3:
وكنت اتدلع من كل الشباب ماشاءالله :20:
كل ساعه مع واحد شايلني وموديني البقاله :41:
وحتى حارس البيت كان يحبني ياخي ويلعب معايا لمن اكون مع بابا في الشارع وكنت جدا مدلعه واكتر طفله لها صور وفيديوهات في العيله هيا انا :47::tears:
خصوصا اني كنت اول بنت لاول ولد كبير عندهم بالعيله
المهم عشت طفولتي بشكل اكتر من جميل الحمدلله
بس يارب زوجي المستقبلي مايدري عنها :3: :3:
ونقول الحمدلله 004 :41:
11) اوصفي يومك لنا ؟
اول ششي اصحى افتح جوالاتي الاتنين اشوف البي بي واول محادثه اشوفها جري حقت عجايب روح قلبي البنت دي :41: 004 004 ..
وارميلها هرج ان ردت كلمتها شويه وقمت وان ماردت رميتلها كم جمله وبعدين اشوف الكيك + اشوف الواتس اب :20:
بعدين اطفي المكيف وافتح الابجوره :41: :3:
بعدين افتح الباب وانادي البساس حقوني :29: 004
وينكي ونايلا 004 004 واحضن فيهم وابوس فيهم واحطهم عند اكلهم واخش الحمام الله يكرمكم :20:
وبعدين اصلي فروضي الي فاتتني واكل وافتح لابي والتلفزيون والجوالات قدامي واجلس عليهم وكل شويه تنطلي شغله
اسيبهم مفتوحين واسويها وارجع وعلى كدا لين انعس وانام :41::mornincoffee:
12) موقف حزين ؟
استغفرالله حياتي النص الاكتر فيها اشياء حزينه :4: !!
يعني كتير مواقف حزينه اواجه ..
ومنها يوم جيت اشوف جدي وهوا متوفي خلاص عشان يندفن .. وشفت جدتي كيف تبكي عليه وطاحت بالارض وتكلمو وخالتي الصغيره تبكي بشكل يحزن موقف عمري ماانساه ونفس الشي صار لمن اتوفى خالي قبل جدي الله يرحمه .... والله يطول باعمار الجميع يارب في طاعة الرحمن 004
13) موقف مضحك ؟
:20: مدري ايش اقول موقف حاليا مع مخي الفاصل
لكن بقول موقف من مواقفي مع اخويا الي ليا معاه يوميات خاصه من التلطيش والعناد والمقالب :20: :30:
طبعا انا واخويا دا يوميا لنا اوقات نتعاند فيها نتضارب ويتلطش مني :3: اول شي هوا اكبر مني عمره 26 سنه ماشاءالله :29: قولو ماشاءالله يلا :30:
المهم .. ولازم يوميا يجي يتمحرش فيا ويعاندني عشان اقوم اجري وراه والطشو ويلطشني ونقلب البيت :3:
طبعا هوا كيف يقومني للاسف الشديد ( يكرع ) :4: :4: مقررف مرا يقهر :62:
ويشوفني جالسه مؤدبه بريئه عالتلفزيون وحالي حال نفسي يفتح باب غرفته ويجي لين اول الصاله يقولي انا نفسي بشي ويحسحس على بنطه ويطل فيا كدا :15:
اقوم اطنش :4: .. يجي يقرب مني ويخبطني بيدو بوجهي يقولي ماتسمعي صنجه !! انا ابغا اسوي شي ... لسه مايكمل الا يلاقي بوكس ببطنو يخليه يقول ااااااااااع :20: :30:
ويجي تاني عندي ينكش شعري يقولي انا ابغا اكرع ممكن :4: !!
اقولو والله اقوم الطشك وخر عني يامعفن :62:
يجي يقول طيب لانك تسبي وقليلة حياء ( ويكرع )
واخويا الي بالغرفه التاني يقولو ( صحه ياحبيبي صحه ياضنايا ) :7: :7: :7: انا كدا وجهي يصير :sm1::9:
واقوم ارمي الي عليا واججري وراه جري الي هوا مافي شي يوقفني غير الجدار :20: :41:
واديه بوكسات في بطنو اقولو عشان تبطل تكرع ياعفن يقول والله حفقع وجهك وينكش شعري بيدو :20:
ونتضارب ونجري من بعض ونكب على بعض مويه وصريخ لين يتعب مني يجري عالحمام يقفل الباب :3:
بس مسكين دايما ندالتي تزبط معاه :20: استخبى منه واسوي اني رحت ويطلع شعرو منكوش ومفرصع كدا :3457:
يقول فينها الكلبه دي ويبغا يشرد على غرفته يلاقيني وراه امشي بشويش وانط عليه :20: ونتماسك وهوا يصارخ بطني بطني كفايه :62: وانا كل ضربي في بطنه يستاهل :20:
المهم يومياتي معاه لاحد لها ولا نهاية لها من الحديث :3:
يكفي وضحت جزء او نقطه منها لانه الهرج محيخلص :41: :20: ... :30: :mornincoffee:
14) هل تعرضت للخيانه من شخص قريب لك ؟
ايوا للاسف ..
15) اقرب شخص لك في حياتك ؟
عجايب 004 004
16) في شخصيتك براءة وطيبه ؟ ماتخافي الناس تستغل طيبتك ؟
الحمدلله كتير يقولو لكن انا مدري :20: :41:
الا والله وللاسف صارتلي كتير وخصوصا اصحاب المصالح
يجوني وقت المصلحه يستغلو طيبتي وانا غبيه :4:
اسئلة عن المنتدى
1) كيف وصلتي للمنتدى ؟
صراحه عن طريق عضو سابق جدا اسمه OSOS :41:
كنا انا وهوا وقروب معانا بس ماكملو معانا يعني
المهم كنا ندور منتدى وقال انه صاحبه كان هنا زمان مرا
ودخلنا سوا وشاركت فيه وعرفت المنتدى اتمسكت في
وعجبني مرا المنتدى رغم انه بالبدايه كنت رافضته صراحه وماكان عاجبني لكن تتحمس لمن يكون معاك احد :3:
وبعدين استقريت فيه لين اليوم الحمدلله :20:
2) ليش مستمره لليوم بالمنتدى ؟
بصراحه وبكل صدق عشان ناس احبهم وعشان فيه ذكريات مرا حلوه بالمنتدى 004 004 :4:
3) اقرب الاعضاء لقلبك ؟
عجايب - سولافه - هيوم - خيالي - وفيه ناس قداام :4: ربي يذكرهم بالخير 004 004 وربي يسعد الي ذكرت اسمائهم :82:
4) عضو صورته الرمزيه تعجبك ؟
شقيه وبكيفي :41: :30:
وعجايب :29: 004 004
ومافتكر صور احد تاني :20: :41:
5) عضو تحبي تشوفيه متواجد ؟
عجايب - سولافه - خيالي - شويمخ - غيومه -
تعبونه - وفيه كتير وخايفه انسى احد :3:
6) مشكله حصلت لك مع عضو ماتنسيها ؟
اممم ماتوقع اني اكون فاكره شي زي كدا بالتفصيل :20:
لكن حكايتي مع عجايب مدري ليش سبحان الله ياخي ماانساها :4: :3:
يعني افتكر كانت تكرهني من جد وكل ماجيت الشات كتبت برب :20: وكانت تقول عني المصريه :3:
وماكانت تطيقني مرررا وانا كنت ماحب اسوي مشاكل اتجنب واطنش لكن الواحد زي مايقول للصبر حدود :3:
وصراحه كنت اخاف منها :20: احسها متوحشه وشريره :30: وسبحان من غير الاحوال :41: 004
7) كم لك وانتي ادارية ..؟هههههههههه
اممم والله مافتكر بس يمكن سنتين !! او اكتر :4: الايام تجري ماشاءالله ومانلحق نحسب :3:
8) ارسلي رسالة لهالاعضاء .. ايش حابه تقولي لهم :
خيالي .. " الله يسعد قلبك ويجبر بخاطرك ربي قد مانتا طيب معانا وقد مانتا دايما تسعى وتحاول انك تسعدنا وتجبر بخواطرنا يااخونا الكبير ياقدع :29: :66:
هايمه .. " عمري ماانسى الطيب الي قدمتيه ليا وعمري ماانسى وقفتك جنبي بيوم من الايام وعمري ماانسى انتي قد ايش علمتيني اكون قويه وعلمتيني اشياء في الامور الدينيه كتير 004 004 ربي يسعدك دنيا واخره هيومتي 004 :82:
سولافه .. " رغم اني ماتعقمت معاها بعلاقتنا لكن البنت دي احبها بشكل :4: 004 .. لانها من جد طيبه وقلبها كبير ومتفاهمه وتعجبني باسلوبها واخلاقها وتفكيرها يعجبني مرا ماشاءالله عليها 004 004 "
الشامخ .. " شويمخ اخ طيووب وفرفوش جدا ربي يسعده واحسو من طبعه يحب يدخل الفرحه والسعاده بقلب الي حولو ماشاءالله عليه .. ربي يسعده ويحققله الي يتمناه يارب .."
عجآيب .. " دي الي اسميها " سعادتي بالاصح " :004
عجايب " صحبتي - اختي - توأم روحي - أحلى شي بحياتي عرفته وربي اهداني اياه من ججد وربي - 004 جدا احبها حب مايعلم بيه الا ربي .. دي الي توقف جنبي بوقت ضيقتي وضعفي والاقيها تفرح معايا وقت فرحتي وتسعدني دايما 004 اتمنى من قلبي انه ربي مايحرمني منها ابدا لين اخر يوم بعمري 004 :41: حبيبتي والله عجوبه الله يسعدك وويحفظك ويحققلك كل الي تتمنيه بحياتك يارب ولايحرمنا من بعض ربي004 "
غيمة شتاء .. " صراحه ماعرفها كويس ولاقد تعرفت عليها عدل يعني هيا مرا وحده افتكر الي دخلنا في بعض شوويه فيها :20: 004 لكن مايعتبر اني اعرفها لسه !!
علاقتي بيها يعني حدها من مشاركات بالمنتدى وهرج بالتقييم وكدا بس .. لكن مرا حبوبه هيا وعرفت انها فرفوشه وتدخل القلب صراحه وجدا محترمه واخلاق ربي يسعدها يارب ولايحرمنا منها العسووله 004 004
9) اكثر قسم تحبيه ؟
الازياء - المطبخ - الديكورات - الاخبار ( بس حسب المزاج :20: ) - الطفووله 004 - تقريبا كدا بس :3: 004
10) ايش تعني لك مدونتك ؟
مكاان خاص فيا .. افضفض فيه اوقات بس مو الفضفضه الي هيا .. يعني اكتب فيها شي بسيط مرا من الي احسه او ابغا اقوله .. اغير جو فيها اوقات .. اكون طفشانه اجلس انزل صور واكتب عبارات 004 .. يعني عالم يروق المزاج ويغير الاجواء بس :3: 004
11) اختاري عضو ووجهي له كلمه ؟
امممم .. مااحب اذكر الاسم .. لكن بقوله تبغاني احترمك احترمني وعاملني زي مااعاملك عشان لانضايق بعض .. :3:
12) لكل شيء بدايه ونهايه .. عضو ترك المنتدى وتمنيتي بقائه ..؟
اممم ( نونو - اللؤلؤه النادره - كبرياء ملكه - وفيه بنوتات حقون زمان مرا تاثرت بقطيعتهم ) :4: 004
13) اكثر شخص تمشكلتي معاه ؟
الله يذكرهم بالخير :20: مزون وبعدين توق ..وماتطيق الصبر و فيه غيرهم المهم وفيه البعض منهم ناس صراحه كانو يحبو المشاكل يعني تجي تنصحهم يرفعو اخشامهم ويقلو ادبهم وانا الصنف دا عمري مااتحمله ابدا :66: والله يسعدهم برضو ويوفقهم بحياتهم :82:
14) عضو يعجبك اسلوبه ؟
سولافه 004 004
15) كنت في اكثر من منتدى وماشفت اعضاء يحبوا مديرهم كثر اعضاء ينبع البحر ايش السبب ؟
لانه دايما يكون المدير تبع الموقع رافع خشمه مايتفاهم والاغلب تلقاه مايفهم بالمنتديات ويتفلسف ويلعب فيه بكيفه ومايعطي مجال للاعضاء يطرحو ارائهم وافكارهم ابدا
تلاقيه يبغا يسيطر على كل شيء وخلاص :3:
16) اذكر كنت بمنتدى .. وكانوا في اشخاص من الاداره يكرهوني او شي كذا لاسبباب عديدهـ .. وبالنهاية حظروني .. رأيك في الي يستخدم منصبه الاداري في تصفية حسابات او قمع الاعضاء ..؟
اول شي انا تشاكلت قبل المنتدى دا مع مدير المنتدى :20: السبب كان يظلم ابد مايعدل وكان كل من هب ودب من اصحابه مشاركتهم 0 عطاهم اداره !! وكان لمن نطرح افكار يقولنا مالكم دخل وماتدخلو انا الي اتكلم ! وكنت ماسكه اشراف على كذا قسم وقتها وكان انسان حقير صراحه وقل ادبو عليا وماخليت ولابقيت له وماسكت لين وقفني :20:
قفلت الموقع ومعد فكرت حتى اني ادخل الموقع او حتى اشوفه بدون مااسجل :3: خلاص النفس تقفل منه مرا :3:
ورأيي صراحه .. قبل كل شي احب انه يكون فيه عدل وبعيد عن الظلم .. ان كان يستاهل وقل ادبه حلال فيه التوقيف
لكن لو كان السبب فيه مجال للنقاش فيه والتفاهم ليش ياخي اتسرع واوقف كل من تكلم معايا ؟؟ او غلط بكلمه وهوا له بصماته بالمنتدى اقوم اوقفه علطول !! الموضوع موضوع تفاهم مو سيطره واني املك خاصيه كبيره واذل بيها الخلق واظلمهم بيها ...!!
17) انتي كنتي تقدمي مسابقة رمضانيه في رمضان الماضي اتوقع .. ايش كانت فكرتها ؟؟
اممم قدمت كذا مرا .. وقدمت في كذا مسابقه بس الزهايمر شغال على مدار الساعه :20: مو فاكره انا مسكت الصور افتكر ومسابقة الطبخ افتكر ومدري اذا صح كلامي ولالا :20:
وان شاءالله رمضان دا حمسك مسابقات ويارب نلاقي افكار جديده ونقدمها لكم :29: 004
18) كلمه للاعضاء؟
احب اقولكم اني احبكم كلكم ياجميلين 004
واحب اقولكم انكم من جد اعضاء من احسن وافضل الاعضاء الي مرو عليا من خلال المنتديات 004 :82:
والله يسعدكم واحد واحد ويتقبل الله منا صيام رمضان
وكل عام وانتم بخير مقدمن :29: 004 :41:
اسئلة عامة
1) حكمتك في الحياة ؟
عامل الناس كما تحب ان تعامل - حرص ولاتخون :3:
مدري هيا مكتوبه صح ولالا بس المقصود اتوضح اهم شي :20: :41:
2) افضل شخصيه اعلامية ؟
معرف صراحه ماليا بالاشياء دي :3:
3) رأيك بالصداقه بين الجنسين؟
لاتوجد ابدا .. ولااؤمن بوجودها حتى :30: !!
4) جريمة تتمنى ان تفعلها؟
اعوذ بالله :20: خليني اتعلم كيف اخد حقي بعدين افكر كيف اخطط لجريمه :3:
5) طالعه رحله بريه مين تحبي تاخذي معك ؟
اصلا اي شي فيه كلمة بر انا اول وحده اسحب منها :4:
اككره شي اسمه بر ماحب ابدا :4:
عشان كدا مابفكر اخد احد لاني مابروح :3:
6) برامحك المفضله ع التي في ؟
اممم احب اتابع افلام كوميديه ومسلسلات كمان :3:
واحب اتابع للمصاريه ماحب لاابوشام ولاالخليجي :20:
احس دمهم تقيل مرا ماينبلعو ليا :44:
وبس :mornincoffee:
7) ليش دايم اهل الام اقرب من اهل الاب ؟
لانه اهل الاب دايما يكونو ملاقيف - عقارب زي مايقولو :20: - ومن جد يعني كل البلاوي تلقاها منهم عموما :20:
الله يسسسعدهم اهل ماما بسسس اعششقهم :29: 004 004
كل الكلام والصفات الحلوه تلقاهم عندهم من جججد :82:
8) ايش تخصصك الدراسي ؟
موارد بشريه 004
9) رواية قرأتيها وعجبتك ؟
:20: ماحب اقرا قصص او روايات :mornincoffee:
10) ايش احلى طبخه تعمليها؟
اممم صراحه كتير :4: !!
انا بطبعي لمن احب اطبخ احب اسوي اشياء اقدر ابدع فيها
اقدر اسويها بنفس :41: والحمدلله مافتكر مرا سويت طبخه ماعجبت اخواني والله مو امدح بنفسي لكن من جد دا الي صاير :3: :66:
كلمة اخيره ..
واحب اشكر اخونا القدع المحبوب امير على اختياري واستضافته ليا الي جدا اسعدتني وغيرتلي جوي وانبسطت مرا وقسم :82: :29: ربي يسسعدك يااارب .."
اخيراً اشكر اختنا شقيه على اخلاقها وتقبلها للاسئلة واتمنى اني ما قصرت قد تكون اخر استضافه اعذروني اذا قصرت بـ أي شي
اليوم الجمعه لاتنسوا اخوانكم المستضعفين في كل مكان ارفعوا ايديكم بالدعاء لهم واكثروا من الصلاة على الحبيب المصطفى ..
اهداء اخير لكل من تابعني بجميع الاستضافات ..
https://www.youtube.com/watch?v=Y69MeB9bOmQ
ششكراً لكم ..
لقاء الجمعه مع شقيه وبكيفي
رد مع اقتباس
رد: لقاء الجمعه مع شقيه وبكيفي
المشاركة الأصلية كتبت بواسطة خيالي
المفضلات