للأيام ,,, مع خالص الشكر..

[عجآيب]

صـبـاحـكـم/مسائكم خير و مسرات جميعاً
راقت لي ,,أتمنى أن ترقى إلى ذائقتكم ..

لاتقول الحال متلفها السهر
شوفني رغم المصايب ماشكيت


لو احسبْ اللي خذيت من البشر
والله اني ماخذيت الاّ عطيت !
والله اني ماخذيت الاّ عطيت !

[


ياعل .. الايام تعطيني .. سبب مقنع
............. ومع خالص الشكر لو تقدر وتقنعني !
خذيت .. من مرّها / مايجرح .. ويوجع
............. اللي جعلني .. هنا ! والناس تسمعني !
الحر لاعاف ملواحه .. نوى يطلع ..
............. يكفخ بعرض السما ويقول طالعني !!


يجذبني افرد جناحي للسماء واشلع
............. لاصار ما بـ البسيطه ..شي يآسعني
آحيان عوج السوالف تجرح المسمع !
............. لاصار سود الوجيه .. تقول ماتعني !
قادر على الذم .. بس الذم .. ماينفع
............. اخلاقي .. وعزتي / ترفض وتمنعني


اصنع شعوري بفكري وابتكر وابدع
............. لو بعض الاوقات تلقى الجرح يصنعني !
شرهاتي البيض .. ناتج طيبة المنبع
............. وكثر المواقف .. تبيّن لي وتنفعني !
لاضاق لي خاطر ولابان لي مدمع
............. كسرت خشم المواقف .. قبل تلفعني


اطرقت راسي طناخه / مارضيت ادنع !
............. من غير اسمي الى من طحت يرفعني !
ورثت سمعة .. ابوي وهيبة المرجع
............. اللي على ارض الوفاء والطيب تدفعني
هي راس مالي ولا لي غيرها مطمع ..
............. لاشان وجه الزمن ثم قام يصفعني !

ياليت الايام / تعطيني سبب مقنع ..!

\
\

بقـى فـي ذمـة افكـاري (ثــلاث اربــاع ).. ماتـسـوى !
................ اردد .. " ربي ارحمني ".. وارتل سورة .. " التوبه "
اخـذنــي هـاجـسـي , طـفــلً زُرع فـكــره عــلــى الـتـقــوى
................ يخـاف يضيـع فـي زحـمـة طـريـق , ويجـهـل دروبــه !
مــن ايـامــي ســـواد الـحــظ .. لا نـجــوى ولارجـــوى ..
................ ضمـيـرة صـلـف , ..عرضـنـي عـلـى نـومــة وغيـبـوبـه
طلـبـتـه كـنّــي اطـلــب ذمّـــة المـلـحـد .. ابـــي فــتــوى !
................ : عطيتـه دمـع شاعـر طاحـت همومـه علـى ذنـوبـه !
سلـيـتـه يـمـكـن الـقــى مـــن بـعــد سـلــواي لـــه ســلــوى
................ اثـرنــي كـــل مـاوجـهـت .. الآقـيـنـي اجـــي .. صــوبــه
تــردا بــي .. بـعـد مـاقـلـت مـــن حـظــي انـــا اقـــوى ..
................ احسـب انـي .. ابـي اسلـم واثرنـي طـحـت ...بعيـوبـه
بــجـــاوب يــاســـؤالً يـنــشــد ايــامـــي عــــــن الــفــحــوا :
................ انـا حظـي كسـر عزمـي وشـلـت احــلام .. مسلـوبـه !
كــــــذا شــفــنــي تـعـانــقــت الــشــقــا والــمــلــح والــبــلــوى
................ زرعـت وماجنـيـت الا .. السـهـر , والتـيـه , وعقـوبـة
رمـيــت الــذنــب فـبــيــوت الـقـصـيـد وجــابــت الـشـكــوى
................ : تــرى ضحكـتـك يامحـمـد لـهــا عـامـيـن مخـطـوبـة !!
(ثلاث ارباع ) ! يالتقـوى , ويالنجـوى, ويالرجـوى :
................ عليـهـا ( ربــي ارحمـنـي ) .. بــردد ســورة التـوبـة ..
\
\

ماقلت لك والحكاية .. سرّها مخفي
................ تخمينها سلّم جروحي على , خوفي !
خل السوالف تعدّي والضيآ مطفي
............... النور يكشف خفايا تسكن , بجوفي
خذ مني اللي بغيته / واترك المجفي
................ خذ كل شيً هديّه , واترك حروفي
بعيش للحزن غلطة واصدق بحلفي
................ابشعل الحرف واحطب له من ظروفي
من مايعيش القصيدة مآهو بمنفي
................ ولو تفهم اللي كتبته تعرف وصوفي
من تجربة ذاتي ومن فلسفة حرفي
................ مسحت عيني ولا ! قصّرت في شوفي
اللي عصتني / بعزمي جابها كفي
................ ماطاح لي راس وكتوفي هي كتوفي !
اشوم مالي ومال اللي حكا خلفي
................ مادام محداً قدر يآقف على وقوفي
وقفت وقفه , بعدها خلني بـ اقفي !
................ مادامني ماحسبت حساب معروفي !
هذا كلامي ولو هو جاب لي حتفي
................ تركت لك هالقصيده علّها توفي
لاعاد تسئل وش اللي سببه نزفي ..
................ لو تفهم اللي كتبته تعرف وصوفي

الحال ماهي حـال / والساعـه تمـوت
بيـن الثوانـي والدقايـق (كفنـهـا) !
واليوم ماهـو يـوم / ياعلّـه يفـوت
(قسوة نصيب) وغصب ابدفـع ثمنهـا !

للمبدع محمد العارضي"

دمــتــم كــمــا تــحــبــون وأكــثــر

[الووواافي]

أبيات روووووووووووووووعه

يالبا قلبك عالاختيار الذوق

بأنتظارجديدك

[عجآيب]

مششكور آخوي من ذوقك ..
. مرورك الارووع ..~

[Ghla]

كلمآآت بالمرهـ رائعه


عوافي يآ عسسل ,,~ع النقل الرائع


تقبلي مروري ,,~

[عجآيب]

ـآآششكر مرورك عزيزتي ..~

[شمس ألاحلام]

كلمات في منتهى الرقه والجمال
جميل آختيارك آختي
يعطيك الف عافيه
صح لسان قايلها وسلمت اناملك ناقلتها
..لك خالص تحيآتي..
شمس ألاحلام

[عجآيب]

يسسلموو خيتوـآع المرور ..
مَننحرمش من ردودك الحلوه ..~

[" كريمَ ، المشآعر "]

آخييييييييراً شوشه شفت لك موضوع وردود ..



يعطيك العافيه ع النقل .. ذوووق واللـــــــــــه ..

[مشـآعر خجولـه]

مرره نايس ياسكر استمري