احدن لبس للعيد اجمل ثيابه

**عبدالله اللحيم** · 22-08-2012, 05:28 PM

لكم مني هذه الابيات بقلمي

احدن لبس للعيد اجمل ثيابه
وبانت على وجهه علامات الافراح
واحدن يمر العيد هو مادرابه
بين القذايف والجنايز والاشباح
يسهر على بيته ونومه نهابه
والبيت حوله حام نزاع الارواح
وينظر لهل بيته بنظرة كآبه
ويضحك مجامل لكن الدمع فضاح
ياكبر فرق الحال مابه تشابه
هذا نكد يومه وهذاك مرتاح
سؤالنا اللي مالقينا جوابه
كيف الجسد يهنى ودم العضو ساح
وقتن علينا فك للشر بابه
وموج البحر ماعاد يقواه سباح
والكفر هرشه قام يضرس بنابه
وريح الكره من شدقه الملتوي فاح
وكلا علينا قام يشعب ركابه
والدين شاره بين مبغض ومزاح
لاواعذاب القلب لا واعذابه
الهم مع هالوضع ماهوب منزاح
يالله اللي مالنا الا جنابه
تجعل لنا من عزك ونصرك وشاح

عبدالله اللحيم

**عجآيب** · 23-08-2012, 09:10 AM

[align=right]

صح لسآنك وعلاآ شانك
كلمآت في محلهآ
شآكرهہ لك هذآ المتصفح الزاخر بالجمال
لآهنت :82:
* تثبيت + تقيم

[/align]

**سرآب** · 24-08-2012, 01:27 AM

[align=center]يسهر على بيته ونومه نهابه
والبيت حوله حام نزاع اﻻرواح

**سرآب** · 24-08-2012, 01:31 AM

[align=center]

يسهر على بيته ونومه نهابه
والبيت حوله حام نزاع الارواح

وينظر لاهل بيته بنظرة كآبه
ويضحك مجامل لكن الدمع فضاح
:
:

آبيات جميله ومعبرة رااقت لي
صح لسانك أخوي
ويعطيك العاااافيه
[/align]