لي باك
في وقت اكون ممخمخ فيه ..
السلام عليكم ورحمة الله وبركـــــاته
اخواااااني واخوااااااتي
بناقش معاكم ظاهره متواجده ومنتشره كثير في مجتمعنا السعودي
بكل صراحه استحقر هذا التفكير مع احترامي للكل
وهو مقولة
يابنت تغطي ... قدامكـ سعودي
عــادة العين أصدق من الأذن وهناك العديد من المشاهد التي تلفت الانتباه
خـاصه حينما نسمع مقولـــة !!
تغطي يابنت هذا سعودي!!
لمــاذا ؟!!
الموضوع صريح ويتحدث عن واقع نعايشه
بعض من هذه المشاهد :
المشهد الأول
فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي
تغطي كأنها ما كانت تكلم رجال مثله مثل اللي دخل وتغطي يا بنت سعودي.
المشهد الثاني
إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة
أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت سعودي
المشهد الثالث
بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل
وتأخذ منه الطلب مع الشكر والتقدير ويمكن بقشيش وتغطي يا بنت سعودي.
المشهد الرابع
مجموعه من الفتيات في أحد المجمعات أو في أي مكان ودهم يسألون عن شي
صادفوا شخص لابس جينز وقميص لو سمحت يرد سمي آووه آآآآسفين
وتغطي يابنت هذا سعودي < طلع سعودي.
المشهد الخامس
بخارج المملكه تنزع الحجاب وتتحرر في لبسها ولكن عندما تعود
تلبس حجابها وتتستر وكأن لها رب في السعوديه ورب خارج السعوديه وهذا قمة التناقض .
وغيرها من المشاهد كثيرر
طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث
مع أجنبي بعكس أن هي تحدثت مع سعودي !!
ولانريد التحدث عما يحصل في سياراة الليموزين (( taxi )) لأنها وبكل اسف غنيه عن التعريف الله لا يبلانا
وفي الأخير أنا لأأقول أن هذه المشاهد تحصل في
مجتمعنا السعودي كله ولكنها تحصل في البعض .. أو الغالبية إن صح التعبير
وهناك إضافه مهمه :
وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري
لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي اكيد بتسكت او تبتسم
طيب تخيلو ان اللي يبيع سعوودي وقال من عيووني يالغاليه او انتي تامرين امر
اش بتكوون ردة فعل البنت ؟؟
أتمنى أشوف آرآئكم بصرآحه ..
_________
إضافة مني
( انا أتوقع البنت بتقول : الله يلعنه .. ما تربى )
بس الأجنبي جا من بـرى متربي ..
معلومة : 90 % من جرائم التحرش الجنسي والدعارة والسلوك الشاذ من الأجانب
والسبب : إنهم متربين !!
اترك لكم الحرية في النقاش والتعبير .. وارجو الرد والنقاش وليس الشكر
لي باك
في وقت اكون ممخمخ فيه ..
😔بالسلامة يا قصة عشق إنتهت بالسلامة😔
موضووع واااقعي وسااير كثير هالايام
وحده من زميلاتي اخوها تخيلي اخوها حآمي عرضهآ يشجعهآ ومايخآصمهآ ولا شي آبدا كآنها موب مسسويه شي عنده عاتي انهآ تكشف
واذا كانوآ خآرجين مكآن وشآف واحد من قرايبهم آو ولد جيرانهم
قال يابنت تغطي جاك السعودي
يعني كل هآلعآلم اللي كآنت كآشفه عندهم موب رجآل وسعوديين بعد
والرجآل قريبكم وولد جيرانكم ..
ولا يعني حلآل عليهم وحرآم ع ولد جيرآنكم وقريبكم ..
انآ بصرآحه لمآ قآلتلي حسيت انو آخوهآ فيه نقص او انه موب بعقله
كيف ترضى ع آختك آنهآ تكشف قدام آجانب ..
وبصرآآحه قل الحيآء فهالوقت سآر الكل يكشف سواء قدام سعودي او اجنبي الا من رحم ربي ..
الله يستر ع المسلمين ..
يعطيك الف عاافيه طرح ولا آروع ..
ماتَحَسَّرَ أَهْلُ الجَنَّةِ عَلى شَىءْ
كَمَا تَحَسْرُوا عَلَى سَاعَةٍلَمْ يُذْكَرَ فِيها اسْمُ اللَّـَـَـَـْـْهفَلْنُرَدِدْ :[ سُبْحَآن الله ][ و الحَمْدُ لله ][ و لا اله الا الله ][ و اللهُ أكْبَرْ ][ و لا حَوْلَ و لا قُوَةَ إلا بِالله ].
يسلموو يالغلااا على مروركـ الذي عطر متصفحي
هذا شي حاااصل للكثير للأسف
بس الأجانب يقولون الكلام سهالات <يعني متعودين عشان كذا احيان نطنش
وفيه لا اللي يقصدهـــا <وتوضح اصلا وكثير يتضايقون
وللعلووميه موضوعك قديم والحين عاتي تتكلم مع سعودي خلاص اهم شي يكون بأحترام<كثير ناس هيك
شووفي اصلا ناخذ راحتنا مع السسوري وطقتهم لأنهم متعودين اووب زي السسعودي ماصدق بنت تكلمه
هذا بوجهة نظري وكتبت كلام سريع بس اذا جا ببالي راح يكون لي باك
ويعافيك على هيك مووضوع يا أوطه
مودتي~
يسلموو على مــــروكـــم الذي عطــــر متصـــفحــــي
شدني موضوعك وفيت ودخلته
انا رائي في الموضوع
كل الاسباب والبلاوي بسبب نقص الوازع الديني
والضعف في التربيه والعيب يرجع للزوج للاب للاخ
يعني بالله اش الفرق بين السعودي والاجنبي كلهم عباد الله
وانا اش الا يخليني اتقبل كلام معسول من بائع اجنبي ولا سعودي
كلهم سواسيا وكلهم في الهواء سواء
بس تصدق على حسب كلامك تقول ان الجرائم اكثرها
من الاجانب امانه ياوفيت خليك صادق معاي مين السبب مين فتح لهم
المجال والله آنآ سمعت بنت ابوها يقولها صيعي مع اجنبي بس سعودي لا
والمثل الا يقول (المال السايب يعلم السرقه )والله ثم والله لو الاباء والازوج
والاخوان قالوا لي محارهم عاملوا السعودين ذي ماتعاملوا الاجانب
بالله اش حيصير في رايك ؟!اترك لك تخيل الامر
والمشكله هذي كلها اسبابها
*ضعف الوازع الديني
*نقص في العقول
*التربيه السيئه
والسموحه على الاطالة
ومشكور على الطرح
لكي ودي وحبي :2:
يسلموو يالغلااا على مروركـ الذى عطر متصفحي:13:
هلا فيك وفيت ودائما مبدعه في اختيار مواضيعك
بصراحة انا اتفق معك بهذا الشي وخاصة في مجتمعنا السعودي يعني الحين السواق صار مثل المحرم للبنات
وعادي عندها والوضع ايزي لكن تبقى التربية لها دور مهم رغم ان السعودي ممكن مايضرها مثل الآجنبي
واليويتوب طبعا ماقصر في بنات السعودية مع العمالة الاجنبية يعني من جد شي تستحي العين تشوفه ..
اتمنى هذي الفكره تنمسح من عقول فتيات السعودية ولا فرق بين السعودي والاجنبي كلهم رجال والدين حرم على الكل ماهو ع الديانة..
يسلموووو على مروووكـم الذي عطر متصفحي
الذين يشاهدون الموضوع الآن: 1 (0 من الأعضاء و 1 زائر)
المفضلات