عفواً ... دعونا ندخل في صلب الموضوع ؟

[00.00.01]

الواقـــــــــع يتكلــــــم عن نفســـــــــــــه ...


إخواني / أخواتي .. الأعزاء .. يسعدني أن أشارككم .. أرائكم .. أفكاركم .. مناقشاتكم .. في موضوع حيرني كثيراً .. !!! لم يجد الحلول المناسبه .. !!! لم أتوصل إلى حل مناسب ..!!! أتمنى أن تجدون لنا الحلول من خلال إطلاعاتكم .. الميمونه ..


نحن نعلم جميعاً ... أن الورده في الحديقه ... تنشأ .. وتتفتح .. وتملأ المكان بكل ألوان .. البهجه .. والسرور .. وتضفي على المكان .. ألوان من الجمال .. وألوان من السحر الرباني ...

فإن وجدت .. هذه الورده الجميله .. البريئه .. أرضاً خصبه .. ومكان مناسب .. وعنايه فائقه .. وجو مناسب .. حتماً ستكون هذه الورده الجميله .. سبب لإسعاد الكثير .. لأنها أضفت وملأت المكان ..برحيقها .. وجمالها الخلاب ...


وإن لم تجد .. هذه الورده الجميله .. هذا الجو المناسب .. وهذه الرعايه .. حتماً.. ستذبل هذه الورده ..وتنطفي .. ويسلب منها رحيقها .. وجمالها الخلاب ...



عفواً .. دعونا .. ندخل في صلب الموضوع ...


نحن ... ولله الحمد مجتمع محافظ .. مجتمع متمسك بأداب الشريعه الإسلاميه السمحه .. مطبيقين للأداب الإسلام .. وهذا مايميزنا عن غيرنا ..... ولكن ..... ؟؟ ورغم ذلك .. أغفلنا جانباً مهم .... هو الجانب التربوي ... فنجد البنت ... في البيت ينقصها الشي الكثير .. سواء من (((الناحيه العاطفيه))) أو غيرها .. فنجد البنت في البيت .. تريد أن تشكي همومها .. أفكارها .. أرأها .. متطلباتها .. ولكن .... ؟ ولسان حالها يقول ... لا حياة لمن تنادي ... فالفتاه وللأسف الشديد في مجتمعنا .. تنادي .. تصرخ .. تطلب .. تشتاق .. تريد .. ولكن لسان حالها يقول لا حياة لمن تنادي .. أنا لا أعمم ولكن أقول الغالب ..


س/ .. هـــــــــــــــل مـــــــــــن حلـــــــــول لـــــــــذلك ؟





تقبلوا مني خالص الشكر ... وعظيم الإمتنان ... دمتم بخير

[«|● OS os ~]

يعطيك العافية يامبدع

لفتني الموضوع وعجبني المحتوى

ويشرفني توآجدي المبكر فيه


,,

البنت حقها مهضوم وربي في مجتمعنا

في مجتمعنا احنا بالذاااااااات

تحسها منبوذة

والبنت في التربية ترى اصعب من الولد بمليون مرة

ومو بالساهل حتى انه امها تكسبها

كتير بنات امهاتهم حاولو لين يئسو انهم يكسبوهم ولا قدرو !

وطبعا كتير منهم اللي فضل انه مايحاول ولا يتعب نفسه بمجرد محاولة


وطز في البنت .. مصيرها تكبر وواحد يلمها

دا تفكير الاغلبية للأسف الشديد

البنت تحتاج تتكلم تفضفض اكتر من الولد

الولد بيطلع بيشوف بيتمشى اكتر من البنت

البنت تفضل كاتمة وحابسة بنفسها

بس لين متى ؟!

اذا احنا الشباب وبنطيح في ضغوطات نحتاج نتكلم لأي احد وقتها ومننا اللي يفضّل مايتكلم غير لأقرب الناس له


فـ مابالكم البنت !!!


تفضل تشيل تشيل تشيل لما تنفجر خلاص


والشي دا يخليها تسلك طرق ثانية يرفضها مجتمعنا

تتكلم مع واحد .. تشوفه يسمعها ! يعوضها مكان اهلها اللي مفروض هما يستغلو المكان دا

لكن للأسف ..


هوا يجي ويستغل الموقف دا

والله عالم ايش حيجي للبنت من ورى العلاقات دي


الكلام في الموضوع دا كتير وربي كتير


لو كل اب وكل ام

حطو عينهم عالبنت زي مابيحطوها عالولد ويهتمو بالاثنين بنفس درجة البنت "ولو اني اشوف البنت بحاجة الاهتمام اكتر"

والله مارح تميل البنت لأي علاقة وعندها اللي مكفيها ومريحها " امها وابوها "


..


لي عودة ان لزم الأمر

:)

[sħăgίąħ ώ βкёfè]

[align=center]
موضوع رائع يارايق وبجد انا كمان لفتني وشدني للدخول ..


وبصراحه ابدعت في اختيارك للموضوع .. موضوع يستحق النقاش ..



خلينا ندخل عالموضوع وانا حتكلم واطلع اللي عندي كله ..



..



انا كلام ؤص ؤص مره عجبني وصحيح مليون في الميه بصراحه ..


وبصراحه احنا في مجتمعنا داايما ظالمين البنت في حقووقها كإنسانه يعني



اول مره اعرف ان الحرص يكون خنقه منع من الخرجه ومنع من اشياء كتيره تكون من حقها



وغير الاهمال الكامل للبنوته في بيتها .. والله بجد زي ماقال ؤص ؤص



داايما يهتمو باالولد اكتر .. والبنت تكون محتاجه اللي يكون معاها دااايما



ويتكلم معاها وتفضفض ليه .. البنت ضعيفه ولانها ضعيفه الكل اكل حقها ..



والبنت تحتاج لحنان واهتمام امها لها .. ولمن تعيش وسط اهلها وفاقده كل الاشياء دي



اللي هيا بحاجتها .. والله الشي دا يدخل في دماغها السكه الغلط



ودا اول سبب يخلي البنت تكلم ولد وبذات لمن تلاقي اللي اتقرب منها لصقت فيه



لانه البنت عموما تبغا احد يكون قريب منها تشكيلو همومها ويسمعها ..


ولمن ماتلاقيه فـ من الطبيعي حتمشي بالسكه دي .. شي اكيد كمان ..



ودايما كدا الاهالي يهملو في البنت ولمن تمشي في السكه دي .. شوف اللي يسووه في البنت



مايفكرو في السبب .. ولايشوفو ايش الدافع اللي خلاها تروح للسكه دي



تكلم وتقابل وغيره .. والله البنت دااايما تكون محتاجه انسان يحن عليها ويسمعها وتفضفض ليه



ويكون معاها علطووول مديها اللي محتاجه ليه .. بس مجتمعنا للاسف مايفكر بالشي دا



الامهات دااايما بعيدين عن بناتهم ليش كدا معرف نفسي افهم ..



يعني بجد المشكله دي ماتوقع بيكون لها حل في مجتمعنا بذات .. لانه لاحياة لمن تنادي



يعطيك العافيه رايق عالموضوع الرائع .. وانا ايضا لي عوده ان لزم الأمر هع



تقبل مروري


..
[/align]

[00.00.01]

اعجبني ردودكم ع الموضوع بجد
بس اذا البنت تبغى تطلع الي في قلبه مين بيسمع كلامه هل الام او الاب بيكوون حل للمشكله هذي
هذا اذا جلسوو معاهاا وسمعووو منهااا من ايش تعااني هذا مستحيل ونادر ان الام او الاب بيجلس مع بنته وبيسئل هل انتي محتااجه شي او لا
بس البنت تطر الا شي ثااني الي هوو العلاقه بشاااب بس علشاان تطلع الي في قلبه وترتااح
بس مين يحااسب الثااني اذا طااح الفاس برااااس

[sħăgίąħ ώ βкёfè]

[align=center]
بـآكـ ..


رايق المفروض الام تخلي بنتها صحبتها واختها مو بس بنتها ..


ومن المفرووض الأم كل فتره ولاكل مافضيت حتى تجلس مع بنتها تشوف ايش عندها ايش ماعندها


تتقرب منها .. وبجد لو حصل الشي دا وتقربو من بعض وربي مافي شي حيكون صعب



وكمان الأم واجب عليها تكون كدا .. مو الأب .. لانه الأم طبيعي حتكون متفاهمه مع البنت اكثر من الاب



والأم ممكن تكون صبوره ..والدليل .. مثلا البنت تكون ماشيه في شي غلط .. والبنت تكون قريبه من امها


وجات صارحتها .. الأم حتدلها عالطريق الصح وتساعد بنتها انها تعدل غلطها ..لكن الأب..!


ممكن يموتها قبل ماتكمل الموضوع .. الأم غير عن الاب في الشي دا ..


وهوا عشانه نادر الشي دا ..البنات بيخربو كل يوم ويضيعو كل يوم اكثر من اللي قبله ..


والامهات مو حاسين ولاشي ..



والله اتمنى الشي دا يتعدل في مجتمعنا .. وقسمن في مصر الامهات يعجبوني رغم انهم مفتريات هع



بس والله الام تكون صحبة بنتها بقووووووه وولدها كمان .. وداايما تكون معاهم في ضيقتهم وافراحهم



ودااايما عارفه عنهم كل شي .. مهتمه فيهم .. كل همها عيالها وكدا .. بجد احلى شي في الامهات المصاريه الشي دا


يلا عقبالنا احنا كمان .. والله يهدي عباده ..
[/align]