بس ركعتين !!! قصص للدكتور خالد بن جبير

[مومهم اسمي]

هل تدخن ... هل تغتاب .. هل تكذب . ... هل تتأخر في صلواتك ... هل تنظر الى الحرام ... !!!!

هل قيدتك ذنوبك و تريد الخلاص منها ...*

اذا فلدي علاج فعال و مجرب .. .. و سوف ترى نتيجته في أسرع وقت ...*

ذكر الشيخ خالد بن الجبير علاج تم تجريبه من قبل أناس ... و كان العلاج !!!!

/

/

/

بس ركعتين !!! ..*

/
/

و سوف أنقل لكم التجارب الناجحة ...*

< <.. أول قصة ..>>

أخ فاضل .. يناظر بنظرة عجيبة للنساء ...و يعمل في محل للنساء ...فجيت قلت له : يا فلان انت تناظر !!.. قال: لا ما أناظر ..قلت : لا انت تناظر لا تضحك علي ..لكن تبي العلاج و الا ما تبي !! ..
علاج مئة في المئة ..قال لي : يوخر عني النظر ... والله أنا مبتلى به .. قلت : انت تبي .. قال : وش هو ؟؟ قلت له : ناظر على كيفك بس بعد كل مناظرة روح توضأ و صلي لك ركعتين !!..قال : هذي كثيرة ..قلت : انت تبي النار و الا الجنة ..قال: والله أنا ابيي الجنة...قلت : بس ركعتين .. والله الشيطان بيغض بصرك .. قال لي : طيب .. قلت : كلمني بعد شهر .. ركعتين و سوف يعينك ربي .. بعد شهر كلمته : ها شو الأخبار ؟؟ قاعد يضحك .. قلت :ليش تضحك ؟؟.. قال لي : والله يا دكتور ..الاسبوع الأول عشر تسليمات ..و ثماني تسليمات ..قلت : و الثاني ... قال : خمس تسليمات .. قلت : و الثالث .. قال : اثنين .. قلت : الحين هالاسبوع .. قال : واحد .. قلت .. طيب كلمني بعد اسبوعين .. قال : طيب ... بعديين ما كلمني . كلمته أنا ... قال : يا دكتور والله انقلها عني .. اذا أنا جييت أبا أناظر .. في شي يقول لي ..: فيها صلاة .. فيها وضوء ..!!! ..لا تناظر .. ( ميين يمنعه الشيطان .. لييش ؟؟؟!!! لأنه بيغفر له ما تقدم من ذنبه ..)... قال : يا دكتور .. أنا أقول للمرأة في الاستقبال .. خذي الكارت و ادخلي .. قلت : انت ما تناظر ؟؟... قال : والله أبا أرفع أناظر ..يقول لي الشيطان : ويين في وضوء .. في صلاة .... بس لا تناظر ... !!!!


< < القصة الثانية >>

جاني واحد ... يدخن .. قال لي : يا دكتور أنا بطلت كل شي ..الا الدخان ....قلت : انت تبيي تتوب ؟؟*
قال : والله هالدخان أزعجني .. عجزت اني أتوب منه ... قلت : اسمع .. مع كل سيجارة ركعتين .. قال : ركعتين !!! .. قلت : توضأ حتى لو كنت متوضأ .. بعدها شافني و هو يضحك .. قال لي : والله يا دكتور .. أول يوم ..خمس سجاير .. من ثلاثين سيجارة الى خمس ..صرت اذا طلعت أبا أولعها .. قال لي الشيطان ...مب لازم يا أخي .. فيها وضوء .. فيها صلاة .. لا لا لا .. يقول : أول يوم . خمس .. ثاني يوم ثلاث .. و بأمر الله لم يتم اسبوع الا و قد انقطعت عن الدخان .. قال الدكتور : والله ما كنت أتصور انها تنفع في الدخان ..اللي يبي يبطل دخان .. يتوضأ ركعتين ..*

< < القصة الثالثة >>

الشاهد اني زرت الجبيل ..و ركب معي شاب .. قال لي : يا دكتور ممكن أركب معك عشان بقول لك قصة عندي .. قلت : تفضل .. ركب ..بعدها قال لي : يا دكتور تذكر شريطك الفلاني . قلت : نعم .. قال : أنا سمعته ... الشيطان كان باليني ينومني عن صلاة الفجر .. لي شهرين أو ثلاث ... يوم قريت عجبتني الفكرة .. قلت والله .. بكرا لو أضيع صلاة الفجر ..لأصلي مئة ركعة ..قلت : ايش سوى بك ..؟؟؟.. قال : صار يقومني على صلاة الفجر ..لي سنة و نص .. أقوم قبل الآذان بعشر دقايق ..يقول لي : قم .. انت و وجهك ... (هذا نوى .. ما طبق !!!) .. مئة ركعة يا ظالم !!!.. قم .. صلي الفجر.. يقول لي :سنة و نص ..المؤذن لما شافني أقعد عند المسجد .. قال لي خذ هذا المفتاح انت راعي طاعة ..مادرى اني أنا حرقت الشيطان .. ..*

كلمة أخيرة للدكتور خالد بن الجبير :*
فيا اخوان والله ما يقدر علينا ...
لابد أن يكون لنا همة ...*
لا نقعد نلف و ندور ذنوبنا .. ذنوبنا ذبحتنا ..
ويين الهمة ..*

كذبت .. صلي ركعتين ..
دخنت صلي ركعتين ..
غيبة .. ركعتين في نفس المجلس ..*
ركعتين تهلك الشيطان ..*
ركعتين تكون عصا في وجه الشيطان ..*
ركعتين بس و اجلدها به ..*
والله انه ما يقاوم ...*

[شمس ألاحلام]

[read]شكرآ جزيلا ..
طرح قيم..
جعله الله في ميزآن حسنـآإتك ..
عسـآإآك على القوؤوؤة وربي يعطيك الع ـآإآفية ..
ولاعدمنـآإآك ..
وفقك الله دنيـآإ وـآإآخره ..
دمت بسعادهـ.[/read]

[βέşђ]

جعله الله في ميزان حسناتك وجزاك الله الف خير

[منارالكون]

[صمتي مهابه]

[ALIGN=CENTER][TABLE1="width:95%;"][CELL="filter:;"][ALIGN=center]جزاك لله خير[/ALIGN][/CELL][/TABLE1][/ALIGN]

[فلسفة ترف]

جزاك الله خير

[سولافه]

جزاك الله خير
وجعلها في ميزان حسناتك 004:82: