ياشموخك وش اسباب انكساره؛؛

**اتعبني غيابك** · 29-11-2012, 06:12 PM

كنت اشوف عيون من حولي تناظر
ادركت حزني النواظر
والالم في جوفي حاظر
يزرع بقلبه كدر
آحتضن هالدمع عيني
أختنق بارض المحاجر
هو يكآبر باختناقه هو يكابر
لـآجل بس ماينكسر ,,
,

طاح كلي وانتثر
بس بعضه استند بـ كف يد
كان عابر
قلت : اسف اعتذر
ابتسم : ومن فوق كتفي
شفته حاذاني ومر
ولما ابتعد
امتطيت صهوة الحلم الكسير
واسكنتني عبره فيني تحتضر
صرت اشبه طفل في عمره صغير
يخطي الخطوه شمال و يتهاوى في اليمين
آه من غدر الزمن..
يجرح القلب الحزين
يرسم بجوفه انين
يكتويه بزفر آهات وحزن,,

,

ولـآزلت اشكي للبحر
ارمى بوسطه حجر
واتأمل أي اكثرهم غدر
الوجيه نفس الوجيه والعيون
اعتادت تشوف الفرح
فيني ضرير
,

ذاك العابر ظهر
هي صدفه اللي جمعتنا
او تكون حكمة قدر
شفته مني يقترب

...... :- انتي ساره
قلت :- لا بدون حس واكتفيت بالاشاره

جيت برحل
: ادري انك منتي ساره
بس بسال : ياشموخك وش اسباب انكساره
التفت بكلي يمه
وبان اندهاشي من سؤاله
:- و ابتسم
ناظرته بنص عين
وحاجب مرفوع(ن) يساره

شفت بعيونه حكي من رعشة ايدينه وشفاهه
قلت :- سم وش تبي
قال :هالحزن بعيونك وش قراره
ابتسمت ومن الغرابه صرت اضحك
وابتعدت:-
نعنبو هالحزن فيني علم الناس اللقافه
وارتبكت لما وقفني بكلامه:-
هو هذا واعذابك
والروح بايده سواره
هذا هو من خان قلبك
ورضى بجرحك وناره

التقت عينه بعيني والغضب ينطق شراره :-
ماتت البسمه بشفاهك
واسكنت دمعه بجفونك
والحزن يطق بابك
شايف روحك هي داره
وين فرحك
ليه رضيتي باحتضاره
يمكن انك بس نسيتي
ان حياتك تختصرها ابتسامه
تذكرين هالعباره
الحياه تختصرها ابتسامه