مكرونه بالبشاميل
الخطوه الاولى
مقادير الحشوه :
لحم او دجاج مفروم + بصل + كزبره + فلفل رومي + جزر مبروش + فلفل اسود
+ بهارات + ملح +صلصله الطماط + حبه طباط صغيره
الطريقه :
نحمس اللحم او الدجاج المفروم مع البصل مع شوي زيت لين مايتشقر البصل
ثم نضيف الصلصه و الكزبره وباقي المكونات لين ماتستوي
ونحطها على جنب >> طبعا الخضار حسب رغبتكم
الخطوه الثانيه :
نسلق مكرونه + شوي زيت + شوي ملح
ونجهز صلصه البشاميل
انا احب استخدم خلطه البشاميل الجاهزه واشتري معاها 1 لتر حليب
و اضيف عليها ثوم مطحون و فلفل اسود
وعلى نار هاديه لين ماتثقل
الخطوه الاخيره :
نجيب فايركس
ونحط طبقه من الباشميل
ثم طبقه مكرونه مسلوقه
ثم الحشوه
ثم طبقه مكرونه
ثم خلطه البشاميل الباقيه
وندخلها الفرن نص ساعه
وقبل لانطلعها نرش جبن شيدر و نخليها شوي لين مايذوب الجبن
و بالعافيه عليكم
ورق عنب بدبس الرمان
المقادير :
علبه ورق عنب + بصل + كزبره +بقدونس+ شبنت مدري شنو تسمونه + رز مصري + دبس الرمان
+ ماجي + بهارات + طماط
الطريقه :
ننقع الرز المصري نص ساعه
و نقطع الخضار و نضيف نص كوب دبس الرمان + بهارات و ماجي مذوب بماء
و نخلطه مع المقادير الثانيه
ونلفهم ونصفه بالقدر ( القاعده بطاطس طبقتين )
طريقه الطبخ ,,
3 اكواب زيت زيتون و نص كوب عصير ليمون و شوي مويه
و خلوه ساعتين على النار وبالعافيه
توست مشوي
المقادير :
توست + جبن شيدر كرفت + جبن سائل كرفت + قشطه
+ بصل + فلفل رومي + زيتون + جزر + بهارات
( المقادير حسب رغبه كل شخص )
نحمس بقدر
بصل + فلفل رومي + الخضار الي متوفره عندكم او الي تحبونها ونضيف البهارات
ونخليها على جنب
نجيب وعاء >> وش اسمه توهقت
ونحط فيها ( قشطه + جبن كرفت شيدر مبروش + ملعقه جبن سائل + الخضار الي حمسناها)
ونخلطهم مع بعض لين ماتتجانس الخلطه
و نجيب التوست و نقطعه بالنص او بأي شكل تحبونه
ونصفه بفايركس او بصينيه الفرن الكبيره
وشغلي الفرن من فوق و تحت لين مايتحمص التوست وبالعافيه
المفضلات