• دخول الاعضاء

    النتائج 1 إلى 7 من 7

    الموضوع: رواية زوجي إمامي

    1. #1
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رواية زوجي إمامي


      زوجي_إمامي_بقلم_مي_أبو_الشعر
      الجزء الأول
      فقدت أبويها والظروف شاءت بأن تعيش عند خالتها التي لم تتزوج لتربي بها.. وللأسف شاءت خالتها بأن تجعلها راقصة تضع المال بين يديها ... وتبدأ قصتنا عندما كانت ترقص بأحد الفنادق.. انتهت فقرتها
      سماهر: خالتي بدي اياكي بوضوع
      رنا: احكي شو في
      سماهر: خالتي انا تعبت من الشغل هاد ..انتي ليه هيك بتعملي في تعبت انا ما لازم اكون هيك ليش خليتيني بهل شكل انتي بتكرهيني اشي
      (تنفست رنا بملل وأمسكتها من يدها بقوة):شوفي وله انا بس بقلك ارقصي بترقصي ..بكفي اني ربيتك بدك تضلك ترقصي وتحطي المصاري عندي فهمتي
      سماهر : بس ..
      رنا: من غييير بس
      ((دائماً هذا الحديث يأخذ هذا المجرى سئمت سماهر حياتها ولكن أين تذهب إنها بلا سند ولا مأوى))
      (أنهت سماهر ليلتها ورجعت للبيت مع خالتها ورمت بنفسها على السرير تحاول أن تجد حلاً ))
      وفي هذه الأثناء كانت رنا تتحدث مع مدير أعمال سماهرعلى الهاتف
      ياسر: رنا حكيتي معها بلي اتفقنا عليه
      رنا: لسا كنت هسا بدي أحكي معها
      ياسر: رنا انا حكتلك قبل بتزوجيني سماهر الك عندي مصاري مرتبه بس خليني اتزوجها
      رنا: طيب خليني اسكر وبدي أحكي معها وبردلك خبر بكره ..تخافش سماهر مش رح ترفضك
      ((دخلت رنا على سماهر))
      رنا: احكيلي كيفك ارتحتي؟
      ((نظرت لها سماهر نظرة استغراب)):غريبه ما الك بالعادة تسألي
      رنا : له له ..انا اكتر وحدة بخاف عليكي ..بس بدي اياكي بموضوع يا سماهر
      سماهر: اتفضلي خالتي
      رنا: انتي عارفه ياسر بشتغل معنا من زمان وانه بعاملك بأحسن ما يكون
      سماهر : طيب وشو ماله ياسر
      ((جلست رنا على السرير بجانب سماهر وأمسكت بيد سماهر)): ياسر طلب ايدك وبده ينزوجك
      ((وقفت سماهر فزعه)): نعم نعم ..بقلك بديش اياه فهمتي علي بديش اياه ..فوق ما انا بحاول اخلص من شغل الرقص والوساخه بدك تزوزجيني اياه عشان اضلني طول عمري رقاصه
      رنا: انتي بتعرفي ياسر قديه بحبك مش بحاجه افهمك
      سماهر: بحبني ولا عمره ما حبني بديش اياه سمعتي علي.. وطلعي بره الغرفه بدي انام
      أنهى أيمن صلاته في الجامع ورجع لمحل النجارة الخاص به واذا به يرى سماهر ذات الشعر الناعم الطويل والملابس الضيقة تعبر أمام محله
      ((شعر أيمن بالضيق وأمسك بالمطرقة وبقي يضع كل غضبه في عمله)): ليش يا سماهر ليش
      وصلت سماهر للجامعه ككل يوم وكالعادة نظرات الجميع لها لا ترحمها لأنها راقصة
      سماهر: اخ بس يا رهف لمتى رح اضل هيك
      رهف: يختي بكفيكي دراما واللبس اللي انتي لابسيته السياره الي بتركبيها من وين جايه
      سماهر: وتكفريني مبسوطة أنا ضااايعه ضااايعه
      رهف: اذا بدك تفتحيها مناحه خليني اقوم احسن هاد لو قتلتك انه سمير و سيف بدهم يقعدوا معنا شو رح تعملي
      سماهر(بغضب): انا الف مرة قلتلك تقعدينيش مع شباب مش ناقصني سمعه وسخه انا
      ((لم تكمل سماهر جملتها فجلس سمير وسيف))
      سيف: شو يا سماهر .. بدكيش تعزمينا ع حفله من حفلاتك
      سماهر : طب احترم حالك أحسلك
      سمير: اووووه احنا شو حكينا بدنا نشوفك ونتي بترقصي
      ((تركتهم سماهر والدموع بعينيها فركضت بكل سرعتها فاصطدمت ب رزان .. رزان متدينه تلبس لباساً شرعياً وترى النور ينبع من وجهها))
      رزان: خير حبيبتي فيكي اشي
      سماهر : لا لا بس بدي اروح
      ((أكملت سماهر جريها فلم تحس على نفسها الا على الأرض فقد وقعت جراء اصطدامها بحجر))
      هرعت اليها رزان
      رزان : قادرة تحركي رجلك
      سماهر: لا حاسها انكسرت(صرخت من المها فاتصلت رزان بالاسعاف))
      اتصل أيمن على رزان
      أيمن: كملتي ؟؟ عشان أخدك
      رزان : أيمن أنا بالمستشفى
      أيمن (بخوف): شوفي ليه بالمستشفى
      رزان: تخافش تخافش بس في بنت انكسرت رجلها وهيني معها عشان يجبصولها رجلها
      أيمن: طيب هيني جاي
      ((وصل أيمن للمشفى فاستقبلته أخته رزان))
      رزان: أيمن خلينا نوصلها لبيت أهلها حرام ابصر شو مالها البنت كانت تبكي قبل ما توقع
      ((كانت سماهر تبكي بشده فدخل عليها أيمن فتفاجأ ))
      رزان : حبيبتي ليش بتبكي
      سماهر: روحوني عل بيت هلأ بتكون خالتي قلقانه علي
      ((اعتصر قلب أيمن حزناً وتمالك أعصابه))
      غض أيمن بصره للجانب الآخر وتكلم مع سماهر
      أيمن : أختي انتي ساكنه بنفس مكان شغلي انا بعرف بيتك لإنك كل يوم بتمري من قدامي
      نظرت سماهر باستغراب وسألت رزان بهمس: هوليه أخوكي لاف وجهه
      رزان: هههههه لأنه ما بطلع ع بنات
      ((أعجبت سماهر بتصرفه )):طيب روحني لو سمحت
      ((جلست سماهر علىال كرسي المتحرك وكانت تحركها رزان ))
      أيمن : استنوا بدي أشتري عكاز
      ((أوصل أيمن سماهر لمنزلها وساعدتها رزان على الوصول لبيتها ))
      سماهر : يسلمو رزان واشكريلي اخوكي
      رزان : ولو هاد واجبنا
      ((ذهبت رزان وركبت في السياره مع اخيها))
      أيمن: انتي بتعرفيها لهاي البنت
      رزان : بعرفها بس شكل
      أيمن : طب كيف وقعت
      رزان: كانت تركض واتعرقلت بحجر
      أيمن: طب ليه كانت تركض ..متأخره ع محاضرتها
      رزان: ههههههه ايش ايش مالك بتسأل كل هالاسئله
      أيمن : لا لا بس فضول ..انسي اني سألت
      ((رزان في نفسها : ع رزونه؟ بعرفك من تعابير وجهك وشكلك حابها))
      رنا : كيف انكسرت رجلك كيف .. وشغل اليوم
      سماهر: خالتي شو أعمل مو بإيدي

    2. #2
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رد: رواية زوجي إمامي

      لجزء الثاني
      ((اتصلت رنا بياسر وأخبرته بما حصل))
      ياسر:خلص مو مشكله المهم سماهر تقوم بالسلامه وأي مصاري بدكو اياها انا جاهز.. بس احكيلي شو صار بموضوع سماهر
      رنا: البنت مش متقبله حالياً بس وعد أخليها تقتنع
      ياسر: اخ بس المشكله بحبش الدلال الزايد معك أسبوع تقنعيها
      كان أيمن بتناول الطعام مع أمه وأخته
      فاطمه: أيمن يا ابني متى أفرح فيك .. عمرك رح يسير 30 ونت مش قابل أخطبلك
      أيمن: يا أمي مو مفكر يعني بدك تخلصي مني
      فاطمه:ماشي بس انا مش مرتاح قلبي هيك
      ((قبل أيمن يد أمه )): تخافيش يا أمي أخرتك تفرحي في
      ولكن تفكير أيمن يقول: كيف رح تفرح في ونا قلبي عند وحده مستحيل أتزوجها
      ..أيمن : رزان بتقدري تجيبي الواجبات المحاضرات للبنت بوصلك كل يوم عندها
      رزان: أكيد اصلاً كنت رح أحكيلك
      ....
      كانت سماهرتتحدث مع رهف على الهاتف
      سماهر: اخيراً رح ارتاح من شغل الرقص لمدة
      ((سمعت سماهر صوت خالتها تناديها ))
      رنا: سماهر اجا ياسر تعي
      سماهر(بضيق): اوووف ..هيني جايه
      خرجت سماهر لتقابل ياسر فجلست بمكان بعيد عن ياسر
      ياسر: تعي اقعدي جنبي
      سماهر : احترم حالك
      ((حاولت رنا أن تبرد الأجواء)): أحطلك اشي بارد تشربه
      ((مسك ياسر بقطعة أثريه فسكرها..خافت سماهر وصرخت)):شو انت مجنون؟؟
      ياسر: بحبش الدلع والدلال.. انا بحبك وبدك تتزوجيني ولا بفرجيكي أيام سودة
      رنا: شو يا ياسر مالك؟ البنت معها حق ترفض او توفق
      ياسر : لا بدها توافق فهميها هالشي قدامها اسبوع ورح اجيب اهلي ونخطبها
      خرج ياسر غاضباً وبكت سماهر خوفاً وحاولت رنا تهدئتها
      سماهر : ابعدي عني انتي السبب
      رنا: ياسر بده تداريه عشان توخدي منه اللي بدك اياه .. اذا كنتي منيحه معه بقلب متل الولد الصغير
      سماهر: يحل عني
      ..
      جلس أيمن يقرأ القرآن ويدعي بهداية سماهر رجعت ذكرياته قديماً عندما كانت سماهر صغيره في الثالثة من عمرها خرجت للشارع فكاد أن تصدمها سياره فأنقذها بينما كان يلعب .. تذكر عندما أخذ عهد على نفسه بأن يحميها وظلت تكبر وظل يراقبها وحبه لها يزيد حتى تحولت لراقصه كسرت قلبه....
      رزان : تقبل الله أيمن يلا خلينا نروح عل بنت بدي أوديلها المحاضرات
      سماهر : بديش اياه يا خالتي
      رنا: سماهر هيهم ع وصول هو و أهله بترجاكي ملناش عل مشاكل
      سماهر : بس شو ذنبي أنا شو ذنبي
      ((هيهم وصلوا)) تأملت سماهر وجهها الشاحب في المرآه مسحت مكياجها ومسحت دموعها وقررت بأن تخضع للأمر الواقع فهي الخاسره بالنهايه ..خرجت سماهر لهم ونظرت لها رنا بألم
      أم ياسر: ايش هالقمر هاي
      ((دق الباب ))
      سماهر : هاب صاحبتي بدي أخد منها غرض
      فتحت سماهر لرزان الباب فسلمت عليها..نظرت رزان لياسر وأهله فأحست باحراج
      رزان: الظاهر اني اجيت بوق غير مناسب ..خدي هاي محاضراتك
      سماهر: لا ولو ..يسلمووو جد اذا صاحبتي ما عملتها
      رزان: لا حبيبتي احنا بالخدمة ((كان بعقل رزان تساؤلات حول من هؤلاء لكن سماهر عرفت تفكيرها))
      سماهر : جاييني خطابه
      رزان: يييييي حبيبتي مبارك مبارك
      سماهر : تسلمي حبيبتي
      ((نزلت رزان وركبت في السياره))
      رزان : شو هالاحراج اجيت وفي خطابه عندها
      ((فتح أيمن عيونه استغراباً)): شووو ..قصدي سماهر رح تخطب؟
      رزان: اه
      ((زاد أيمن سرعته في القيادة))
      رزان : أيمن شوي شوي مالك
      أيمن : فش اشي ((خلينا نصلي بالمسجد لإنه أذن))
      ((وتمت مراسم خطب سماهر من ياسر ورجلها مكسورة فلم يرض ياسر بأن ينتظر أكثر ))
      ياسر : أنا مبسوووط .. خليكي هيك منيحه وبتردي علي بكون خدام تحت رجليكي ..بس تغلبيني وقتيها بقلب واحد تاني
      سماهر : تخافش بس يا ريت تخليني أبطل أرقص.. يعني مو حلو مرتك ترقص قدام الشباب
      ياسر : صح بغار عليكي بس الشغل شغل وبيجينا مصاري كتير
      سماهر : يعني رح تخليني ارقص .. جد انك بلا دم ولا نخوة
      ((ضرب ياسر سماهر على وجهها وأمسكها من شعرها )): اسمعي علي جاي انا بنحكاش معي هيك
      سماهر : طب احنا بالشارع بلاها الفضايح
      مرت الشهور وتعافت قدمها ورجعت للجامعه أما أيمن فكان جسداً بلا روح مرت عليه الشهور سنوات
      ((أوصل أيمن أخته للجامعه فوجد سماهر تنتظر في الخارج))
      رزان: سماهر ليه مروحه لسا الدنيا صبح
      سماهر: تعبانه شوي بدي استنى ياسر يوصلني
      ((نظر أيمن لخاتمها الذي في اصبعها فأحكم قبضته قهراً))
      سماهر : هي ياسر اجا
      ((نظر ياسر لها فأمسكها من يدها بقوة ))
      ياسر : مش انا حكتلك فش جامعه بتخليني كل يوم اجيبك خاوة عنك
      أيمن : لو سمحت تمسكهاش هيك
      ياسر: ونت شو دخلك
      أيمن : مش هيك التعامل حرام عليك
      ياسر: اتفضلي ست سماهر من وراكي شوفي شو بسير
      سماهر خلص خلص بكفي خليني اطلع بالسياره بلا فضايح اكتر
      ذهبت سماهر وياسر فنظرت رزان لايمن.. وضعت يدها على كتفه
      رزان : بتحبها؟
      أيمن باستغراب : شو هالسؤال
      رزان : انت اخوي وبعرف كلشي جواتك
      أيمن : بحبها بس شو فايدة هالحب ..فوتي ع محاضراتك

    3. #3
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رد: رواية زوجي إمامي

      الجزء الثالث
      في يوم كانت رزان و سماهر يمشون في الجامعه فأذن مسجد الجامعه
      رزان: سماهر شو رأيك تيجي معي تصلي
      سماهر: بس بس انا ما بصلي
      ((ابتسمت رزان وأمسكت سماهر من يدها))؛ لا تخافي ربنا غفور رحيم تعي صلي معي
      ((توضأت سماه ولبست ملابس الصلاه فنظرت لها رزان)*
      رزان: سماهر انتي كتير حلوة بحجاب مو مجامله
      سماهر: بحب اتحجب بس ما بقدر..بحس اذا تحجبت رح اشوه صورته للحجاب بما اني برقص
      رزان: ما بدي اتدخل بس شو بدك بهل شغله ..كلها وساخة بوساخة
      ((سكتت سماهر صمتاً)): خلينا نصلي اشتقت للصلاه
      سجدت سماهر وظلت تبكي بحرقه
      ((سماهر في سجودها)): يا رب خلصني من اللي انا فيه بدي رضاك تعبت ونا بعيده عنك تعبت
      ((بعد انتهاء الصلاه))
      سماهر:رزان خليكي معي ولا تتركيني وسيري كل وقت آذان تذكريني بالصلاه وادعيلي اخلص من الرقص لو علي زمان تركته
      رزان: لا تخافي انتي فيكي خير يلا خلينا نوكل
      ******
      ((قررت سماهر بأن تلتزم بالصلاه وتبدأ أول خطوة في طريق الهدايه ولكن كيف لها أن تنهيه ولا تستطيع
      التخلص من الرقص
      ياسر: جهزي حالك كمان ساعه عندك حفله
      سماهر: بديش اروح.. ومش رح تقدر تخليني ارقص انا بطلت هالشغله ويتقدر تحرق اواعي الرقص تاعتي
      ((اشتعلت النار بقلب ياسر فبدأ بضرب سماهر ..فأفلتت من يده وهربت ولحق خلفها))
      ((نزلت سماهر في الشوراع تزكض حافيه القدمين والمطر فوقها وياسر كالوحش الذي لايهدأ))
      واخيراً استطاعت سماهر أن تهرب منه ويضلها...ظلت تركض بلا هدف فقط تحاول أن تبتعد قدر الامكان ..وجدت نفسها بمكان مليء بالاشجار أصوات الكلاب تخيفها ..أركت بجسدها على جذع شجره فنامت ..استيقظت فجراً على صوت هاتفها يرن
      رزان: يلا بلا كسل قومي صلي الفجر
      سماهر بصوت ضعيف ومتقطع: دليني ع بيتكو انا بره نايمه
      رزان: حبيبتي اسمعي علي ..احنا مكانا ***********
      سماهر: سمعت سماهر العنوان فذهبت وظلت تتمايل تعباً وكل دقيقه تركئ نفسها بشيء ثابت
      ((وصلت سماهر فرنت الجرس))
      كان ايمن يصلي الفجر ..فأسرعت رزان لفتح الباب ..فتحت رزان لسماهر الباب وعندما رأتها رمت بجسدها على رزان
      رزان: ايمن الحقني سماهر بتردش علي
      قام أيمن فزعا
      أيمن: شو صرلها
      رزان: ما بعرف حرارتها عاليه وجسمها برجف
      ام ايمن : ايمن انزل ع أي صيدليه جيب خافض حرارة
      ((كانت ام ايمن تضع الكمادات على جبين سماهر))
      سماهر: تعبتكو معي خالتي
      فاطمه: له يا حبيبتي منتي زي بنتي رزان ..ريحي حالك وهي كمان شوي بيجي ايمن بالدوا
      رجع أيمن ودخل على سماهر ولكن وجهه للناحيه الأخرى
      أيمن: سلامتك اختي هي جبتلك دوا و رزان حضرتلك شوربه
      سماهر: مستحيه منكو يسلمو
      أيمن : خدي الدوا ولا تتدللي
      ((دخل أيمن على رزان في المطبخ))
      ايمن: رزان شو صاير مع سماهر خلاها بالفجر بره البيت
      رزان: ما بعرف بس هالبنت حياتها صعبه ..خليها عنا عبيل ما نشوف شو رح تحكي
      ..نامت سماهر بجانب رزان واستيقظت على صوت القرآن
      سماهر: يا سلام محلا الواحد يصحى ع صوت القرآن
      رزان: ماما دايماً حاطيته ..انتي خليكي مريحه حالك بدي اطلع عل جامعه
      سماهر: لا لا تتركيني
      رزان: هههههه لا تخافي امي حبتك وبدها تتسلى معك ..وهي ايمن جاب فطور يلا نقوم نفطر

    4. #4
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رد: رواية زوجي إمامي

      ياسر: وينها المغضوبه هاي
      رنا: من يومت ما ضربتها وهي لا حس ولا خبر حتى بترضاش عل تلفون تحكيلي وينها
      ياسر: اتصلي عليها لشوف
      كانت سماهر في هذه الاثناء تساعد فاطمه في البيت والطعام
      سماهر: اه خالتو
      رنا: وبعدين لمتى رح تضلك برا البيت
      سماهر: لحد ما تفهمي اني بطلت رقص ولحد ما يطلقني ياسر ريتها تنكسر ايده
      ((اخذ ياسر الهاتف))
      ياسر: مفكره حالك مخبيه حالك انك مبسوطه اخرتي اجيبك واذا جبتك فش حدا رح يخلصك مني
      سماهر: ماشي سيد ياسر انا بطلت اخاف منك سلام
      سمعت فاطمه صوت سماهر يعلو فقصت عليها سماهر ما حدث
      فاطمة: لا حول ولا قوة إلا بالله ..في هيك ناس؟ حتى مش تاركينك بحالك تنهدي ..خليكي عنا معززة مكرمه
      ((كان أيمن فرحاً لأن،حب حياته امام عينيه يطمئن عليها ..كان ينام في شقته فوق شقه امه واخته ..رجع أيمن واذا به يرى سماهر بحجاب شرعي ..رجعت الحياه لقلبه وابتسم حباً))
      احست سماهر باحراج فتلعثمت
      سماهر: اخ ايمن اتفضل هي الاكل جاهز
      خلعت سماهر حجابها فانفعل ايمن
      ايمن: ليه خلتني الحجاب
      سماهر: كنت بصلي
      ايمن: اختي فكري بموضوع الحجاب احلى للبنت سدقيني
      سماهر: ان شاء الله
      جلس الجميع على مائدة الطعام فرن هاتف سماهر وكان يضيء باسم ياسر ..ولكنها لم ترد ظل يرن بلا رد
      ياسر: نفسي اعرف وينها مخبيه ..عل جامعه بتروحش نفسي اعرف وين ممكن تكون..انتي عارفه وين ممكن تكون احكيلي مكانها ونا بعطيكي مصاري مرتبه
      رنا: هو انا مش متأكده بس في الها صاحبه جديد كانت دايماً تيجي عليها اخر فتره
      ياسر: ممتاز هاتي العنوان
      رنا: بس انا ما بعرفه
      ياسر: هاتي اسم البنت وابوها وعيلتها
      ........
      اخرجت سماهر صورة ابويها واحتضنتها
      سماهر: يا رزان انا ضايعه بدون اهلي ..وخالتي خلتني رقاصه وهاد ياسر مجرم مش قادرة اتخلص منه
      رزان:يا حبيبتي اهدي انتي هيك بلشتي تصلي وعن قريب رح تتحجبي واللي معه الله بنخافش عليه
      ((لم تكمل رزان جملتها واذا بها تسمع صوت الباب يدق بقوة))
      ايمن: هيه هيه شوي شوي عل باب
      دخل ياسر البيت بلا استئذان فأمسك به ايمن
      ايمن: هاد بيت فيه نسوان اطلع بلاش افرجيك اشي مو حاب تشوفه
      ياسر: وينها المغضوبه وينها
      ((سمعت سماهر صوت ياسر ))
      سماهر:رزان خبيني هاد ياسر جاي يوخدني
      رزان: لا تخافي ايمن مش رح يخليه
      ياسر: هاي خطيبتي بتقدرش تمنعني اخدها
      ايمن: لا بقدر
      ياسر:اسمع تخلينيش احطك براسي بدها تيجي معي
      ((أمسك ايمن به وأخرجه من البيت وبدأ يضربه ويياسر يرد له الضرب ولكن استسلم ياسر))
      ياسر: ماشي النا لقاء تاني
      ايمن: روح من هون
      ((دخل ايمن والدماء تسيل منه واثار الضرب على يده خافت رزان وبكت على ايمن وكذلك امها واحسن سماهر بالاحراج))
      ايمن: هيني منيح ..سماهر انتي من هون وطالع تحت حمايتي تخافيش بدنا نطلقك منه ورح اتزوجك
      ((كان الخبر صادماً على الجميع ومفرحاً لسماهر ..فهي تريد ايمن زوجاً لها))
      سماهر: بس انا هيك بجبلك مشاكل
      ايمن : بس تسيري مرتي فش حدا بقدر يعملك اشي ..في اثار ضرب منه ع جسمك؟
      سماهر: اه
      ايمن: وبعدك معه ..بس سؤال اذا ما فيها غلبه..انتو مكتوب كتابكو
      سماهر: لا
      فاطمه: يا بنتي كيف بتطلعي وبتروحي معه ونتو مو مكتوب كتابكو
      سماهر: اهله طلبوني بس ما حدا وعاني
      ايمن: خلص ياسر ما اله اشي عندك تخافيش باقرب وقت رح اتزوجك
      ********

    5. #5
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رد: رواية زوجي إمامي

      لجزء الخامس ال
      وبمده قصيره تزوجت سماهر من أيمن وعاشا مع بعضهما في شقه فوق شقة رزان وامهم ولكنهم يقضون معظم وقتهم معهم..كان أيمن سعيداً والسعاده ظاهره عليه وكذلك سماهر
      أيمن: حبيبتي اليوم رح ترجعي عجامعتك عشان ما يروح عليكي الفصل
      ((سكتت سماهر ولكن أيمن فهمها))
      أيمن: تخافيش انتي هسا مرتي ياسر مش رح يقدر عليكي لو ع موتي
      سماهر: تجيبش سيرة الموت انا ما صدقت لقيتك يا ايمن الله عوضني فيكو
      ((قبل أيمن سماهر على جبينها))
      ايمن: شوفي محلا لل الشرعي عليكي شوفي كيف النور طالع من وجهك
      سماهر: بعمري ما حسيت بهل راحه الحمدلله
      ايمن: طيب خليني اكون إمام عليكي ونصلي قبل ما اوصلك للجامعه
      ايمن في سجوده: الحمدلله رزقنني سماهر زوجه لي
      سماهر في سجودها: الحمدلله رزقتني ايمن زوجاً لي
      ****
      في الجامعه
      رهف: هههههههه هاد انتي سماهر ما غيرك..شو عامله بحالك
      سماهر: ايش فيه ..انا الحمدلله انهديت
      رهف: ههههه الرقاصه بتلبس لبس شرعي
      رزان: احترمي حالك انتي ..احسن من الديق والملزق اللي لابستيه
      ذهلت رهف ونظرت سماهر لرزان والدموع بعينيها
      سماهر: انا رح يضلهم الناس يجرحوني ..طب ربنا غفور رحيم
      رزان:انسي الناس والمهم انتي راضيه ربك
      ******
      ((تفرق سماهر ورزان للذهاب لمحاضرتهما فتفاجأت سماهر))
      سماهر انت شو بتعمل هون
      ياسر: بديش اشي غير شغل ..العقد بحكي اه رح تضلك ترقصي لسنه
      سماهر: بله هالعقد واشرب ميته انا مش رح اشتغل
      ياسر: طب اذا حكتلك اني رح احبسك
      سماهر: بهمنيش
      ياسر: شوفي يا حلوة ..بترقصي كمان مره بتحكي حبيب القلب
      يعني اذا رقصتي مره رح تحميه من انه اقتله
      سماهر: لا لا تقربش ع ايمن
      ياسر: اليوم بتجهزي حالك الحفله عل١١ بالليل
      ((ذهب ياسر وعلامات النصر على وجهه مع ضحكه شريرة))
      #في البيت
      ايمن: حبيبتي مالك مش ع بعضك
      سماهر: فش اشي يا ايمن بدي انام
      ايمن: وجهك ما بتفسر
      ((صرخت سماهر))
      سماهر: بقلك ما في اشي
      ايمن: خلص خلص اهدي نامي
      سماهر: انزل نام عند امك واختك
      ايمن: انتي منيحة؟
      سماهر: بديش تنام معي الليله خلص اتركني ع راحتي
      ((خضع ايمن لطلبها وظلت سماهر تراقب الساعه))
      جهزت بدلة الرقص والدموع تغطي البدله
      سماهر: معلش بس هالمره عشان ايمن
      خرجت سماهر واذا ب ياسر ينتظرها بسيارته ركبت وأوصلها مكان الحفله بدأت ترقص وشريط ذكرياتها يمر كالبرق ..لأول مرة تقرف لهذه الدرجه من نظرات الرجال ومن الخمر الذي يعبي رائحته المكان..ولكن حصل ما لم يكن بالحسبان ..أيمن وقف صادماً
      وعندما رأته سماهر توقفت عن الرقص ونزلت على ركبتها
      تابع

    6. #6
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رد: رواية زوجي إمامي

      لجزء السادس قبل الاخير
      وقف أيمن صادماً وانذهلت سماهر ... اسرع لها وأمسك بيدها وأخذ خارج المكان والغضب بادٍ على وجهه
      سماهر: ايمن خليني افهمك ايمن وجعتلي ايدي
      ((لم يرد ايمن عليها وقاد السياره بلا هدف بأقصى سرعه))
      سماهر: ايمن تخوفنيش
      ايمن: اتفضلي انزلي ع محل الاواعي استري حالك
      سماهر: ايمن طيب اسمعني
      ((صرخ ايمن بها))
      ايمن : او احكيلك انا بجبلك مش رح اخليكي تنزلي من السياره بهل منظر ..متت الف موته ونظرات الزلام عجسمك ..ولك كسرتي قلبي حطيت ثقتي فيك
      سماهر((بصوت يتخلله البكاء)): لا تظلمنيش انا عملت هيك عشان احميك ياسر هددني فيك ونا كنت هاي اخر مره ارقص فيها
      ايمن: اسكتي
      بديش اسمع منك كلمه
      مرت الايام و أيمن لا يتكلم مع سماهر وفي يوم
      سماهر: بكفي بكفي انا عملت هيك عشانك ..ليه مو راضي تعذرني
      ((لم يتفوه ايمن بكلمه ))
      سماهر: رد ي بحكي معك
      أيمن : انا نازل عند امي سلام
      ((خرج ايمن وترك سماهر في حالة يرثى لها))
      كسرت سماهر المرآة غضباً فرأت فتات المرآه على الأرض فخطرت لها فكره
      رزان: ايمن بدي اياك بموضوع
      ايمن: احكي
      رزان: سماهر حكتلي قبل ما تروح ترقص انه ياسر طلب منها ترقص اخر مره ولا بقتلك ..والدليل ع هيك انه اجتك رساله روح شوف مرتك شو بتعمل ..لعاد ياسر اله علاقه
      ايمن:عارف بس ما قدرت اتحمل انتي ما شفتي المنظر كان نفسي احرق المكان بلي فيه
      رزان: روح طيب خاطرها اللي عملته دليل حبها الك
      ((صعد ايمن مسرعاً ))
      ايمن: سماهر وينك
      دخل ايمن فوجد سماهر غارقه في دمها
      ايمن: ولك شو عملتي بحالك
      حملها بدون تفكير والدماء تلطخه
      تابع

    7. #7
      • ريشـہ مـبـدع
      تاريخ التسجيل
      Jul 2017
      المشاركات
      500
      معدل تقييم المستوى
      30

      افتراضي رد: رواية زوجي إمامي

      لجزء الأخير
      انتظر أيمن ورزان وفاطمه طويلاً في المشفى
      رزان: طمنا دكتور
      الطبيب: احنا عملنالها عملية وقطبنا
      الجرح منيح انكو لحقتوهاومعافايه
      دخل أيمن غرفة سماهر ..دخل بخطوات بطيئه ونظره موجه لها ..عندما رأته أبعدت وجهه للناحيه الأخرى جلس بجانبها وتحسس وجهها فنزلت دمعه منه رغماً عنه
      ايمن: عارف اني غلطان عارف كل هاد بس انا بغار عليكي ..انتي ما بتعرفي بهديك اللحظه كنت بدي اقتل حالي ..وبعدين ليه تعملي هيك بحالك مش انتي ما بدك تغضبي ربنا
      سماهر: غصبن عني ما تحملت زعلك ما تحملت اللي حولي حياتي كلها ضغطتني
      ايمن: الك عندي هديه ..حجزت لرحلة عمره انا وياكي بس بعيد عن المشاكل
      سماهر: عنجد بتحكي
      ايمن: اه عنجد
      ((حضتنه ونسيت كل شيء في لحظة ..دخلت رزان فاطمه ففرحوا بما رأوا))
      رزان: يا عمي يا،عمي نطلع بره احسن
      سماهر: عمتي ..رزان جد شكراً عكل شي انا بدونكو ما كنت اعرف سو رح اعمل جد يسلمو ��
      فاطمه: انتي بنتي بنتي
      *****
      كان ياسر في بيته فسمع صوت الباب
      ياسر: شو بدك يا ايمن
      ايمن: اسمع علي انت اذا بتقرب ع سماهر بدفنك فهمت علي ..حتى حكي تحكيش معها واذا بسمع انك قربت عليها ما تلوم الا حالك
      ياسر: ههههه شوي شوي عحالك انا اصلاً لقيت بنت تانيه غير سماهر ريح حالك وروق
      بعد مرور خمس سنوات
      سماهر: ايمن يلا خلينا نلحق العرس
      ايمن: معقول رزان رح تتزوج
      سماهر: اه رح تتزوج
      ايمن: هاي بنوتي الصغيره
      سماهر: له له يا ايمن ونا شو
      ((حملها ايمن ودار بها))
      ايمن: انتي بنتي التانيه
      ((جاءت ابنتهم الصغيره غزل))
      غزل: لا انا بنتك
      ايمن: هههههه انتي حصتي..يلا نصلي
      كان ايمن الامام وغزل و سماهر خلفه في الصلاه .. علاقه نشأت في طاعه الله لن تنتهي أبداً

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المواضيع المتشابهه

    1. بياض خلا زوجي يمووت علي
      بواسطة انا الورده في المنتدى عالم حواء
      مشاركات: 3
      آخر مشاركة: 17-05-2016, 06:50 PM
    2. زوجي يا كبير القلب
      بواسطة بنت الديره في المنتدى عالم الحياة الزوجية
      مشاركات: 2
      آخر مشاركة: 10-01-2015, 08:35 AM
    3. زوجي ما يحوبني
      بواسطة هايمه بذكراك في المنتدى منتدى المواضيع العامة
      مشاركات: 16
      آخر مشاركة: 05-11-2013, 12:10 AM
    4. ام زوجي تنام معي بالسرير
      بواسطة يغار الحلا في المنتدى القصة والرواية
      مشاركات: 5
      آخر مشاركة: 07-09-2011, 11:54 AM
    5. اللهم ارحم من كان زوجي
      بواسطة الأميره في المنتدى منتدى المواضيع العامة
      مشاركات: 17
      آخر مشاركة: 07-08-2011, 07:11 AM

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  
    www.yanbualbahar.com