مقشر الشفاه المنزلي بالكرز

[بروق الفجر]

مرحبا ..

اليوم جايبتلكم سكراب لذيذ كثير كثير .. للشفاه بطعم الكرز

انا انسانه طبيعتي غريبه شويه .. حساسه كثير تجاه ملامح الناس .. وادقق كثير وتستفزني الملامح البليده الميته ..

وجهنا وتعابيره ونظافته هو واجهتنا الأولى التي نقابل بها الأخرين ، فلازم يكون الوجه كل مافيه بريق وحياة .. لانه يعطي الإنطباع الأول للآخرين ..
وسبحان الله يبين الانسان من وجهه وعيونه خاصه واااه يا العيون يا كثر ما تستفزني خصوصاً العيون البليده البارده ..
اكره البرود بشكل مو طبيعي أكره الناس الباردين والعيون البارده .. حتى الشتاء أكرهه كره مو طبيعي
لآن البرد بالنسبه لي مرتبط بالموت وانعدام الحياه .. فأي شيء باهت بارد فهو ميت معدوم الحياه
أحب الحرارة احب العيون الي فيها بريق واشتعال .. يدل ع حب الحياه والذكاء

ولهالسبب بعد هالفلسفه الطويله العريضه جبت لكم هالسكراب الحلو للشفاه حتي يعيد لها الحياه والدم ويخليها ناعمه ..
ويزيل التشققات واخ من هالتشققات انا والحمدلله شفايفي ورديه ما اقول حمرا لا ورديه ومافيها تشققات ..
الحمدلله بس لازم العنايه حتي نتجنب بالمستقبل حدوث أي تغيير .. بس في الناس الي شفايفهم متشققه وما يعتنون فيها أأأخ منهم
وإلا الشفايف الباهته والمصفره وفي تصبغات وبقع .. يعني البنت لما تمشي وكلها ثقه ماشاء الله وشفايفها قدامها كلها قشووور --- شنو هالثقه كلها :hysterical:.
.. لو انا كنت انتحرت


يا ماما اعتني بشفايفج حطي مرطب .. فازلين .. عسل اي شي
والا لما يحطون الروج .. ويكون أحمر مصيبه بجد .. الأحمر جريء ويحتاج شفاه نااعمه ومليانه

صراحه انا وايد اقرق معلش بنات سامحوني .. احس في ناس ماسكين عصا ودهم يجلدوني ..
بس ما حطيت هالموضوع الا اني مقهورة من مناظر اووف .. عشان جذي عملت كل هالهيصه .. فشة خلق

السكراب طريقته تعتمد على استخدام الجلي .. لانه يحتوي علي الجيلاتين بشكل كبير
والجيلاتين ماده تتكون أغلبها من البروتين بنسبه 90 % الي 85% وكما ان الجيلاتين اساساً يحوي الكولاجين
.. والكولاجين مفيد جداً لاعطاء امتلاء جميل وطبيعي ..

المواد ..

سكر كميه قليله ---- لان الجلي فيه سكر

علبه جلي كرز

ملعقه عسل

قليل من زيت الزيتون بكميه تكفي للسكراب

الطريقه :

نخلط المكونات كلها مع بعض بحيث ان كل المواد تختلط مع بعض وبعدها نضعها بعلبه مناسبه للاحتفاظ فيها ..

وهيك بيكون شكل السكراب

نضع القليل من السكراب على الشفاه .. وبنعومه ندلكها ..
طبعاً الطعم ودج تاكلينه والريحه تهبل تهبل والأحلي انه يعطي لون أحمر يجنن ..

افضل استخدام فرشاه اسنان مخصصه للشفايف بس عند استخدامها بشويش ندلك لأن هذه شفاه مو قاع القدم ..

وبعد ما نعمل التدليك بالسكراب نغسل بالماء .. ويفضل استخدام مرطب شفاه او زبده شفاه او فازلين ..

انا عملتها من يومين لليوم شفايفي مورده ورجعت اليوم عملتها .. ولونها كأني حاطه روج خفيف ..

اتمني تستفادوا من الموضوع .. وتجربوا السكراب اللذيذ ويكون موضوعي خفيف عليكم

[دارين]

لا جديد سوى رائحة التميز
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز

[نقاء الروح]

يعطيك الف عافية عزيزتي على جمال انتقائك وحضورك المتالق كروحك
كلي شوق لمتابعة جديدك الاجمل والاروع

[حكايه قلب]

شكراً لأناملك التى خطت
هذا الإبداع وهذا الجمال
بإنتظار إبداعاتك القادمة..
لك منى كل الود والإحترام

[ملاك الغلا]

يعطيك العافيه طرح رائع وانت دائما رائع في طرحك .
أنتظر جديدك بكل الشوق والود ,,,
تقبلي مروري المتواضع

[مزيونه]

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق
لك خالص حبى وأشواقى

[دلوعة الخليج]

آنتقاء جداً رآئع ي قمر
الباري يسعدكك
تقبلي مروري