• دخول الاعضاء

    صفحة 2 من 5 الأولىالأولى 1234 ... الأخيرةالأخيرة
    النتائج 16 إلى 30 من 75

    الموضوع: رواية أطياف الغرام / الكاتبة : معاميريا ; كاملة

    1. #16
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء التاسع ))

      (فقدتك)


      علـــــــــيــــــــــــاء


      بلعت ريقي وقبل ما ارد عليه رفعت يدي للبرقع اتأكد اني مغطيه عيوني (ااخ يا ربي ...الله يستر وش يبي بعد؟!!!!) رفعت عيني له لقيته قريب حيل مني ارتبكت رجعت خطوه ورى ونادى مره ثانيه

      :- عليا (طالعني ولما تأكد اني منتبهه له كمل) ليه ما شريت لك شي ؟؟

      استغربت شدراه ؟:- من قال؟ بالعكس أي حاجه تعجبني اشتريها

      رفع حاجب والقى نظره بمعنى مو علي هالكلام وقال:- وكل اللي تحتاجينه قميصين وتنوره ؟!!! غير اني من جيت ما شفتك تشترين شي

      وشدراه ومن غير ما احس سألته :- وش دراك انا وش شريت ؟؟؟

      ابتسم وقال :- ادري مثل ما ادري انتي ليه ما تشترين واللحين اسمعيني زين يعليا اما انك تشترين كل اللي ناقصك او راح ادخل معك وانقي لك كل شي بنفسي
      خفت لا يسويها فقلت :- ما له داعي تتعب نفسك انا اذا عجبني شي بشتريه
      ميل فمه على جنب وقال :- بنشوف (سكت شوي مشى ومشيت وراه وفجأة التفت لي ) تعالي قدامي

      فعلا مشيت قدامه وانا افكر اني افك نفسي واشتري من فلوسي ولا استخدم بطاقته بس المشكله انه اكيد بيلاحظ خاصه ان ما عندي غير فلوس بحرينيه... طبعا ارتحت اول ما شفت ان العنود قاعده قدام كملنا تسوقنا على خير ورجعنا البيت المغرب نزلنا كلنا في البيت اما خالد تركنا وراح المسجد يصلي

      نزلت عقب صلاة المغرب للصاله ادور البنات ما لقيتهم وما لقيت غير فيصل يلعب بلايس تيشن رفع راسه لي

      :- وش رايك تلعبين معي دور ؟
      ضحكت :- كرة قدم عاد...ما اظن افلح فيها (ما حبيت اكسر بخاطره واذا عل البنات انا طول اليوم كنت معهم ) بس ما عليه يلا عاد انا ابي يطاليا

      قعدت وكنت ناويه العب شوط واحد بس تحمست رغم الخساره الفادحه وقررت العب الشوط الثاني ....واثناء اللعب دخل طلال
      :-سلام ..وين الباقي ؟

      ردينا عليه السلام وعيونا معلقه في التلفزيون وسألنا مره ثانيه
      :- وين باقي اهل البيت؟

      رفعت راسي له :- خالتي في غرفتها عند ابوي الحين تجي ..والبنات مع بنات عمي في الحديقه

      رد طلال :- يعني مافي احدغريب

      ما انتبهت للي قاله لاني التفتت لقيت فيصل سجل علي هدف اعترضت
      :- لالالالالا هذا غش ما اقبل هذا هدف غير محسوب

      فيصل ماتنازل:- لا مو غش وهذا هدف محسوب

      تخصرت وقلت له :-لا يا عيني.. لايا حبييي ..لا يا عمري هذا غش هدف غير محسوب انت استغليت اني مشغوله مع طلال وسجلت علي هدف
      (ولفيت راسي لطلال وكملت ) مو....
      ما عرفت اكمل كلامي لان عيني طارت للثوب الثانيه وصاحبها اللي قال
      :- السلام عليكم
      بعدني في حالة صدمه مو مستوعبه شي وانتبهت على فيصل يقول له
      :- وعليكم السلام .. هلا خالد شفت علياء ما تبي تنفذ الشرط اللي عليها
      فقالت اني اغش

      ابتسم طلال :- ليه علياء أي فريق؟؟

      فيصل :- ايطاليا

      ضحك خالد وطلال لكن خالد سكت قبل وقال :- ما يضر يا فيصل لا تحسب هالهدف وبنشوف من يفوز

      قهروني واحرجوني وهم يضحكون علي لان فرق الاهداف كان 6 اهداف لصالح فيصل فتركت اللعبه وقفت
      :- بس خلاص ما بلعب
      وعلى طول رحت جهت الدرج وقفني فيصل من وراي
      :- بس كذا انتي خسرتي ولازم تنفذي الشرط

      لفيت رحت المطبخ وقعدت على الطاوله ما سكه راسي وصحت قهرشلون طلال خلاه يدخل جذي ما يشوفني وش لابسه طالعت ثيابي
      بدله سبور من ثلاث قطع ورافعه اكمامها للكوع وشعري مرفوع بكلبسه باهمال رفعت راسي على صوت خطوات من وراي وصوت خالتي ام طلال تقول:- عليا انتي هنا وانا ادورك .

      ابتسمت لها :- امري خالتي
      ردت على ويدها على كتفي :-ما يامر عليك ظالم ..بس خالد برى (ابتسمت بحنان) يبي يشوفك ..روحي بدلي هدومك وروحي له المجلس
      ما ابي اروح ما ابي اشوفه بس ما اقدر اقول لخالتي هالكلام فقلت :-
      بس فيصل يبيني اسوي له كيكه بالشوكولا و........

      نادت الشغاله علشان تجهز العشا وقالت لي :- ما عليك من فيصل
      روحي شوفي زوجك
      طعتها صعدت بدلت هدومي لبست تنوره جينز لتحت الركبه مع بلوزه صفرا ناعمه وصندل خفيف وطبعا اللبس من اختيار الثنائي نجود وسعاد
      نزلت ورحت المجلس واول ما فتحت الباب انصدمت بان اللي قدامي طلال مو خالد وكان شكل طلال تعبان ما يطمن على طول رحت له

      :-طلال وش فيك ...(على طول جا على بالي خالد قاله شي عني نرفزه ) خالد قالك شي

      رد علي بكلمتين :- ايه ذبحني
      خفت وش قال خالد وش سوىفي طلال ؟؟؟مسكت طال من كتوفه وسألته
      :- طلال يا عمري ...وش فيك وش قالك خالد

      لكنه رفع عيون حمرا من الدموع المتجمعه فيها ورافضه تنزل وقال :- مو اللحين بعدين ...بعدين
      وتركني وقام ((اااااااااااااااااااه يا ربي وش اللي صار وش اللي قاله خالد وعفس طلال جذي ...لا ويقول ذبحني ))قعدت شوي احاول اهدي من نفسي لكن ابد ما في فايده فرحت لعند غرفة طلال مديت يدي بدق الباب
      لكن تراجعت في اخر لحظه قلت خله يرتاح على الاقل ساعه بعدين اكلمه

      قعدت في غرفتي لكن التوتر ما خف والتفكير في اللي صار مو مريحني فقررت انزل تحت عل وعسى الهي شوي مع الجماعه


      هـــــــــاجــــــــــــــر


      عقب ما شبعت صياح نمت من التعب وقعدت على صوت امي تدق الباب
      :- هاجر قعدي اذن العشا وانتي للحين نايمه
      فزين من فراشي وطالعت الساعه لميت شعري وقلت لامي
      :- بس كاني قعدت
      ردت امي :- زين عجل صلي وانزلي تعشي
      ما ابي عشى اصلا نفسي مسدوده عن الاكل لكن امي واعرفها ان ما نزلت على العشى بترجع مره ثانيه صليت ونزلت اتعشى ومن القهر اكلت اللي في صحني كله ولا حسيت بالشبع ففتححت الثلاجه واخذت كاسه ايسكريم
      ودخل سويلم :- وين بتضعفين وانتي متوليه الحلاوات (مد يده واخذ كاس اليسكريم من يدي ) ترى هاليومين ما يبون الا الرشيقه

      وقفت وتخصرت :- انا رشيقه غصب عنك واللي مو عاجبه يرقع راسه بالطوف( وسحبت الايسكريم من يده ورحت الصاله تربعت على الكرسي وكلت كل الايس كريم من القهر)

      مر سالم من قدامي وفي يده مفاتيح السياره :- اذا سألت عني امي اوابوي قولي لهم راح القهوه

      ما رديت عليه وقلت في نفسي ( يعني جبت شي جديد مو انت يا في القهوه تشيش يا تغازل في المجمعات والتلفون )

      فتحت التلفزيون قلبت القنوات ما عجبني شي( اااااااااااااف وينش يا عليا تعالي شوفي هاجر وش صار فيها ) تلفت الصاله ما فيها احد والتلفون جنبي يلا خلني اتصل على عليا افضفض شوي
      دقيت عليها واول ما ردت قلت لها :- وانتي ان شاء الله لمتى بتقعدين في السعوديه
      بكل برود ردت على :- اولا وعليكم السلام ..ثانيا عرس جاسم بجيكم وبقعد اسبوع بعد
      تأففت :- يعني عقب يومين ....انا وش يصبرني يومين

      اكيد علياء حست فيني لانها قالت :- وليش تصبرين يومين قولي فضفضي وش فيش

      حكيت جبيني :- وش فيني بعد غير حمد واخته الملقوفه جواهر
      ضحكت :- وانا اقول يمكن عندها سالفه جديده

      كان ودي لو علياء جنبي كنت ضربتها:- انا بموت من القهر وانتين تضحكين

      ردت بكل هدوء :- بسم الله عليش من القهر وعسى يومي قبل يومش

      رديت عليها بكل رواقه :-عليا من جد تحبيني هالكثر ؟

      ضحكت علي :- لا مو لهالدرجه بس اجاملش

      تناسيت همي ورديت :-وانتي تطولين بنت جاسم تكلمش

      ردت علياء :- بدينا... ولا تحطين راسش براسي ترى منتي قد بنت يوسف

      رجعت لهمي وقلت :- عليا انا غلطت اني ما كملت دراستي ؟

      ردت علياء :- انتي تعرفين رايي ان اهلش او بالاصح سالم اذا ما خلاش تشتغلين هذا مو معناه ما تدرسين في الجامعه

      ضحكت بسخريه :-هه اللي يسمعش يقول الاخ مو واقف عظم في البلعوم
      وسمح ادخل الجامعه

      علياء :- صدقتي .. بس انتي بعد ما كنتي مهتمه هالكثر ...هاجر وش صاير يخليش تقولين جذي

      تنهدت بقوه وقلت :- جواهر اليوم كالمعتاد ثقلت دمها وسألتني بكل وقاحه قدام خواتها (قلدت صوت جواهر اللي تتكلم من انفها ) هاجر بجد ومن دون لف ولا دوران انتي قلبك ما به احد؟ وطبعا رفعت راسي ورديت عليها لا حبيبتي انا قلبي فاضي وما يملاه أي احد
      وطبعا الاخت ما وقفت ثقاله دمها عند هالحد وقالت :- ولا حتى حمد اخوي ؟؟....ولو تدرين وش صار فيني يا عليا احس ارتفعت حرارتي و
      ما عرفت ارد هذي شلون خطر على بالها هالسؤال لكن استدركت نفسي وقلت لها:-ومنو حمد علشان يشغل قلبي ولا يترس راسي
      والخبيثه قالت :-يعني تبين تقولين ان حمد مو قد المقام ؟
      ورديت بكل غباء :- ولا يسوى عندي شي
      غبيه غبيه مو ادري اني غبيه ااااااااااه يا عليا لو كنتي موجوده ما كنتي سمحتي لي اقول جذي

      ردت علياء :- انتي غلطتي والمفروض ما تقولين هالكلام
      رديت احاول ادور عذر لنفسي :- يعني تبيني اقول قدامهم جذي بكل بساطعه اني احبه ....مستحيل

      حسيت علياء ابتسمت :-ادري ان كبريائش ما يسمح لش تقولين لهم انش تحبينه بس المفروض تتصرفين بدلوماسيه خاصه ان حمد ولد خالتش وهالمره خذي حذرش يعني تخيلي لو خالتش سمعت

      رديت ودموعي تحدرت على خدي :- مو هني المصيبه

      شهقت علياء:- اووووووه خالتش سمعت ؟!!!!!!!!! تدرين انا من رايي تعتذرين وتقولين انه كلام قلتيه علشان تغيضين جواهر خاصه ان خالد خوش رجال وما يستاهل

      صدق هم يبكي وهم يضحك :- يا هو اصحي أي خالد حمد حنا نتكلم عن حمد (وبوزت مره ثانيه )وياريت خالتي الي سمعت لان اللي سمع الكلام هو حمد بنفسه

      اتوقع ان علياء بطلت عيونها وفمها بعد لانها شهقت وقالت :- يا ربببببببببببي..من جد تتكلمين لو مقلب ؟ زين وش قال ؟ لو ما تكلم ؟ وش رديتي عليه ؟

      تذكرت اللي قاله وشوي وبصيح :-اتمنى لو اني امزح لو انه حلم بس سمعني وقال ويا ريته ما قال ....تدرين وش قال لي .......قال مو حمد الللي يلتفت او يهتم لناس جهال واقل منه مستوى واللي بتزوجها وبملك قلبها اكيد بتكون على قد ما هي حلوه ومزيونه على قد ماهي مثقفه
      ومؤدبه وقريب ان شاء الله تعرفونها والتفت لي وكمل ولا تنسين تغطين شعرش عدل ( بس ما قدرت بكيت من الحره والقهر) شفتي طلع يحب
      اكيد وحده تدرس معاه في مصر ....

      ردت علياء :- اهدي يا هاجر .. الخير فيما وقع ما دام الصبي حاط عيونه على وحده ثانيه(سكتت شوي وتنهدت ) يعني انه سمع انش ما تحبينه اهون من انه يسمع انش تموتين عليه

      دق جرس البيت سلمت على علياء وسكرت التلفون بسرعه ورحت اشوف من عند الباب لبست جلالي وقفت ورى الباب سألت:- من؟

      رد على بصوته المميز :- انا حمد خالتي هني ؟

      حبست انفاسي وبعدها رديت وانا مغمضه عيوني بقوه :- لا هي عند الجيران ( طالعت الساعه ) كلها خمس دقايق وترجع

      ولانه متعود ينتظرها داخل البيت قلت له وانا افتح الباب :- تفضل حياك

      دخل خطوه داخل البيت :-عمي بو عيسى موجود او حتى سالم

      رديت وانا منزله راسي :- ابوي عند عمي بو محمد في مجلسهم
      وسالم ...
      وقبل ما اكمل كلامي كمل سالم اللي وصل فجأه :-وسالم هنا وصل وشاف بعيونه (مسك حمد من قميصه ) تستغل غيبه اهل البيت وجاي تتعدى على محارمنا
      انا انذهلت من كلام سالم وفهمه للموقف غلط لكن حمد كان اسرع مني وقال وهو ينزل يد سالم عن قميصه :- اتركني يا سالم ومو انا اللي يخون هله انا كنت ........
      قاطعه سالم ومسكه مره ثانيه يبي يجره للشارع :- لا تكذب تراني اعرف هالاعذار والحيل زين

      طبعا لان حمد اقوى من سالم بحكم الفرق بين بنيه سالم الضعيفه وقصر قامته بينما حمد اطول واعرض منه ما قدر يجره بره بس بعد اصواتهم
      كانت واصله لبره فمسكت سالم اترجاه :- سالم تكفى بلا فضايح ترى حمد ما سوى شي
      لكن سالم ما اهتم في كلامي ودزني على الجدار ساعتها طحت ولا دريت وش صار بعدها لاني ما وعيت الا وانا في غرفتي

    2. #17
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      طـــــــــــلال


      دخات غرفتي وطفيت اللمبات ما ابي احد يدخل علي ويكلمني شغلت التكييف ورميت روحي على السرير حطيت ايديني ورى راسي وتوسدتهم حاولت الاقي حل للمشكله وش اسوي انزل لابوي واكلمه
      طيب وش اقول له مو هم يدرون اساسا شلون عمي يتصرف بهالطريقه
      ولا حد يقول لي انه مجرد كلام ما يصير اظل طول عمري متعلق بأمل وفي لحظه وحده يسلبونه مني ضغطت على راسي بقوه اااااااااااااااه يا راسي
      راسي يعورني مره وكله بسبب الطرق المقفله لكن ما في الا.....

      قطع حبل افكاري صوت دق على الباب هذي اكيد علياء جتني مرتين تبي تعرف وش فيني بس انا كنت ارد عليها انها مشكله في الشغل واكيد عقب اللي قلته في المجلس ما صدقتني
      فقلت :- عليا ..صدقيني ما فيني غير عوار راس
      ردت علي زين على الاقل كل لك لقمه علشان تشرب لك حبتين بنادول وترتاح
      عرفت انها ما بتستسلم فتحت النور وبعدها فتحت الباب
      :- تفضلي
      ابتسمت وحطت الصينيه على الطاوله اللي قبال التلفزيون ومسكتني من يدي جلستني وقالت
      :- ممكن تتفضل وتاكل
      اكلت سندويشه بالغصب وبلعت رواها حبتين باندول وكل هالوقت وعلياء تناظرني نزلت كاسه الماي وقلت
      :-اللحين تطمنتي ..يلا بنام

      ناظرتني وعلى وجهها علامات القلق:- لا ما تطمنت من جد طلال وش فيك وش قال لك خالد

      اغتصبت ابتسامه وقلت :- مشكله في الشغل اظطرت خالد يطلع من البيت حتى من دون ما يسلم عليك واللي ذبحني ان هالمشكله بطيح على راسي خاصه ان حلها بياخذ وقت وخالد عنده مشاريع ثانيه يتابعها
      ( اشرت على نفسي ) يعني ما في غير الفقير لله يحلها ويتحمل مسؤليتها

      طالعتني علياء وكأنها مو مصدقتني :- زين اذا هو سوى المشكله ليش انت تحلها

      ابتسمت :- لانها مو ظمن تخصصه انتي تعرفين خالد شغلته تعاملات اداريه عقود صفقات تعرفين مدير اداري والمشكله ماليه يعني من تخصص(اشرت على نفسي ) مدير الحسابات

      ابتسمت :- تدري اول مره اعرف انك محاسب ؟

      ضحكت احاول اغطي على همي :- مو حنا وحده اداريه متكامله
      ابوي وعمي اداره اعمال وخالد شؤون قانونيه وانا ماليه وتركي هندسه

      استغربت :- توك تقول خالد اداره اعمال

      ابتسمت :- لا تستغربين ترى الخبره خلت خالد يتولى بعض الامور الاداريه مع الشوؤن القانونيه ترى زوجك يتدخل في كل شي تلاقينه
      يلم بكم شغله في المحاسبه والهندسه ( ابتسمت لها ) والله يستر بكره يتدخل لك في امور البيت والمطبخ

      اشتعل وجه علياء وصار احمر من الحيا استأذنت وطلعت وكلها كم دقيقه ودقت وداد الباب دخلتها
      :- امري وش تبين تراني تعبان وابي انام

      ابتسمت وداد :- اذا عليا اللي صار لها كم يوم معانا عرفت انك متضايق حيل وان السالفه اكبر من مسائل شغل تبيني انا اصدق
      انه ما بك شي

      طبعا ممكن اكذب على الكل واداري عنهم بس لان وداد تعرف كل السالفه والاهم تعرف حقيقه شعوري قلت لها كل السالفه

      جلست على الكنبه وجلست قبالي على الطاوله وقالت
      :- علياء تقول دخلت عليك المجلس ولقتك في حال غير الحال
      وبعدها رقيت لغرفتك من غير ما تكلم احد وش صاير يا طلال

      رفعت راسي اناظرها :- وما قالت لك اني قلت ان خالد ذبحني
      فتحت وداد عيونها على وسعهن واخذت نفس قوي :-
      ليش وش سوى خالد والسالفه تخص عليا ولا ...

      ما كملت خلت جملتها معلقه وكملت بدالها :- السالفه تخص العنود
      ضغطت بيدي على راسي وكملت :-عمي اتصل على خالد وخبره
      ان في رجال جاه يخطب بنته وان عمي اتفق معاه يمره بكره عقب صلاة العشا و........
      قاطعتني وداد :- انت متأكد انه يخطب العنود مو يمكن يخطب نجود

      رفعت راسي لها :- يا ريت لنجود .. بس المشكله انه خطب العنود

      رجعت وداد تقول وهي مو مصدقه :- انت متأكد انه خطب العنود

      مسحت وجهي بيدي :- بنفسي سمعت عمي يقول لخالد ( اليوم جوني خطاب لاختك وادري اني محيرها بس الرجال طلبني وانا اعطيته
      وما اقدر ارجع في كلمتي) .....حتى خالد ما وع لنفسه الا وهو يقول لابوه( ولمن حيرتها مو كنت عاطي كلمه كيف رجعت فيها ) لكن اللي كسرني وخلى خالد طلع على وجهه لمن قاله عمي ( المشكله اللحين اني ما ابي اعطيها للاثنين علشان كذا ابيك تجيني ضروري )

      حطيت يدي في شعري وشديته بقوه :- وما في غيرها محيره لي عرفتي يا وداد ان الخاطب جا للعنود

      ردت وداد وتبي تتعلق بأوهام :- بس عمي قال ما يبي الرجال يعني اكيد بيلاقي له حل وبيرده ولو انه يعرف انه يوم طلبه انه يبي العنود كان ما تمم له

      ابتسمت بسخريه :- بس عمي قال بعد انه ما بيعطي بنته حتى للي محيرنها يعني ما بيعطيني اياها وش اسوي يا وداد وش الحل

      رفعت كتوفها علامه ما ادري وقالت :- ما ادري ..ما ادري ..طيب طيب ليه ما تروح بكره وتحجر عليها و........

      ما كملت لاني قلت لها :-فكرت اسوي كذا ...بس ولو مو انا اللي اخذ العنود غصب عن اهلها انا ابيها برضاها ورضى اهلها واولهم عمي

      ابتسمت وداد :- بس العنود تبيك مثل ما تبيها

      مسحت على راس وداد:- لكنها ما تبي واحد ابوها ما يرضاه لها ولا انا ارضى لها تاخذ واحد ابوها ما يبيه

      ابتسمت لوداد:- عرفتي اللحين ليش احس اني مذبوح ليش احس ان الدنيا خانقتني وظاغطه بكل ثقلها على صدري (دمعت عين وداد مسحت دمعتها وكملت ) بس انا زين والدليل اني ما زلت اتنفس ما زلت حي
      (وكملت في نفسي....وان كان الموت ارحم....وواصلت اطمنها ) وبكره ان شاء الله نفتك من الخاطب الجديد (تنهدت ) وبعدها انا بشوف وش اللي يخلي عمي وابوي زعلانين علي

      غلطت وجبت سيرت ابوي وداد ما فاتها هالشي لانها قالت :- وابوي ؟!!!!!!!! ليش وش فيه ابوي

      اصطنعت ابتسامه وكانت باهته وقلت :- الظاهر اني مسوي غلطه كبيره مره وانا ماني حاس لاني اول ما قلت لابوي عن اتصال عمي قال لي
      (اعرف الرجال طلب عمك وعمك تمم له قبل يعرف طلبه لكنه ان شاء الله بيشوف له حل وللثاني بعد ) ساعتها سألته من الثاني ليكون ما قدرت اقول انا فقلت اللي محيرنها ورد علي يا وداد ويا ريته ما رد لانه قال ( ايه تراه بعد ما يستاهلها ) انا ما استاهلها يا وداد انا طيب يمكن اكون ما استاهلها بس مو يحرموني منها

      حسيت اني بانهار علشان كذا طلبت من وداد تتركني لحالي


      ســـــــــــــاره


      فتحت الدرج وطلعت الجوال الثاني فتحته لقيت فيه مسجات كثيره ما اهتميت اقراها وعلى طول رحت لقائمة الاسماء وصلت لاسم خالد اللي سجلت رقم تلفونه عندي بعد ما خليته يتصل على امي في المزرعه
      المهم فكرت اضغط على زر الاتصال واكلمه بس تراجعت ...اكيد بيعرف صوتي وساعتها بتنقلب الامور ضدي ... طيب خليني ارسل له مسج
      يا ربي وش ارسل له فتحت المسجات اللي واصلتني عل وعسى الاقي مسج مناسب لكن كلها كانت .....وينك؟ وحشنا الصوت والله ؟ واخرها من عصام يطلب يشوفني ........ افففففففف والله انك فاضي
      شفت كم مسج عجبوني وتوني بأرسل واحد منهم الى خالد الا الجوال يرن في يدي والمتصل عصام افففففففف اللحين وش يفكني منه رفعت السماعه قال لي :- هلا بعمري هلا بقلبي ....والله اني مشتاق لك مووووووووووووت صارلي زمان ما سمعت صوتك

      مديت رجليني وفكيت شعري العب فيه :- ابدا ... بس كنت مع العايله في المزرعه ولا قدرت اخذ الجوال معي (تنهدت ) انت بعد وحشتني

      رد بهيام :- دامك مشتاقه لي تعالي نطفي نار الشوق ونقعد مع بعض
      فتحت عيني وعظيت على شفايفي :- لا ما اقدر الوقت ما يسمح غير ان امي حاطه بالها علي هاليومين

      تنهد ورد بحزن :- يعني ما اقدر اشوفك ؟ ترضينها لي اتعذب ؟ وانتي تدرين انك الهوا اللي اتنفسه

      ابتسمت ورديت بدلال :- اكيد ما ارضاها لك ..واتعذب لعذابك بس
      سالفه اننا نشوف بعض خليها لوقتها ...(وحطيت يدي على خدي )
      علشان تشتاق لي اكثر

      وظل عصام على هالحال ربع ساعه يقنعني اننا نتقابل الى ان وعدته
      :- طيب انا اللحين ما اقدر بس اوعدك اول ما تبدأ الدراسه ادبر لي يوم ونلتقي

      صرخ عصام صرخة انتصار :- تسلمين يا عمري اللحين بس ردت لي روحي ... ااااه يا من يصبرني لين تبدأ الدراسه

      ضحكت بنعومه :- علشاني اصبر ...ولا نا ما استاهل

      عصام بلهفه :- الا تستاهلين ونص بعد .... يلا قبل ما اتركك تأمرين على شي

      ضحكت :- سلامتك حبيبي

      سكرت التلفون ورحت على المسج اللي كان ((تعاتبني نفسي عند ذكراك الا اوفيك حقك ..واخبرك بان قلبي لا ينبض الا بحروف اسمك ))

      لا غيرت رايي المسج قديم وما يصلح غير ان خالد بيطنشه ولا بيعطيه وجه الاحسن استنى الى ان تبدأ الدراسه وساعتها ابتدأ الشغل
      اول مسجات من فاعلة خير تبعد عليا من طريقي وبعدها نقلب الى المواساة والعواطف الى ان اكسب قلبه
      عجبتني الفكره ايوه كذا هذي الطريقه المناسبه لشخص مثل خالد

      رضيت عن نفسي وشغلت الكاسيت ورقصت لين تعبت


      الى هنا وانتهى البارت
      انتظر ردودكم وتعليقاتكم وتوقعاتكم

      ارق واعذب التحايا

    3. #18
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء العاشر))

      (ابي املكك)


      اكثرنا اذا مو كلنا حبينا... بعضنا كان حب مراهقه واكتشف بعدين انها مجرد مشاعر اعجاب... وبعضنا كان حبه حقيقي بمقدار حقيقه وجودنا وطبعا بعضنا فقد حبيبه في اول او نص او حتى نهايه الطريق لكن هل هالفئه حاربت علشان حبها وصرخت بكل لغه ممكنه(( انت لي وابي املكك......لانك اذا ما كنت تدري ....انت لي انا وبس ))

      ويبقى السؤال حتى بعد هالصرخه بتقدر تستعيد اللي فقدته او لا؟؟؟؟؟؟؟؟؟
      وش حال اللي مو عارف اساسا يترجم مشاعره ؟


      سعـــــــــــــــاد


      اليوم على الفطور كان الوضع كئيب ما حبيته امي وابوي كانو يتبادلون نظرات ما فهمت معناها وطلال كان واضح على وجهه انه تعبان مره ومو طايق ياكل وشكله جلس معنا على الفطور غصب ...انتقلت بنظري لوداد واضح انها مهمومه وتاكل وبالها مو معنا وكل شوي ترفع راسها تناظر طلال شكلهم بينهم شي ...اما عليا كانت تناظر بصحنها وتقلب
      الاكل اللي فيه بالملعقه ...اما فيصل فهو الوحيد اللي كان ياكل ولا هامه شي ...كنت ناويه اسأل وش فيكم بس صوت عليا قطع الصمت

      رفعت راسها عن صحنها ونادت :- يبه
      ابتسم لها ابوي :- امري يبه

      ناظرته وناظرت من بعده امي :- تسلم لي يبه ...يبه انا ابي اروح البحرين

      الكل التفت لعليا واستنينا نسمع رد ابوي

      تسند ابوي على كرسيه :-احم ... ليش يبه عسى ما شر ؟؟؟(ودار عيونه بينا ) احد قايلك شي ؟ او سامعه شي ؟

      ردت عليا باندفاع:- ابد بس زواج جاسم ولد خالي عقب كم يوم وانا ابي احضر عرسه ومن بعد اذنك ابي اقعد اسبوع هناك

      زفر ابوي زفرت ارتياح وقال :- من عيوني ...واليوم بحجز لك على اقرب رحله للبحرين

      قام ابوي من على السفره ناظر طلال وقال :- يلا يا طلال والا منت بناوي تداوم اليوم ؟

      وقف طلال :- بس بنزل شويه اوراق عندي فوق وبتلاقيني وصلت الشركه قبلك

      ناظره ابوي باهتمام :- عن السرعه (والتفت لنا ) هاااا تامرون على شي قبل ما اروح

      طبعا اول شخص رد هو امي :- سلامتك يا بو طلال

      طلع ابوي وكلها دقيقتين وطلع عقبه طلال وانا توجهت لعليا :- انت من جدك بتجلسين في البحرين اسبوع ؟!!!

      ابتسمت عليا :- كنت حابه اقعد اكثر بس استحيت اطلب من ابوي اكثر من اسبوع

      تخصرت وقلت :- لا والله .. استحيتي هااا ...وانااقول هالاسبوع باستغلك وكل يوم نطلع لمكان شكل بحجه نعرفك على الرياض

      ابتسمت عليا و وداد ولا هي هنا انتبهت لها :- دودو وش فيك ؟ من صباح الله خير وانتي مبوزه ومو على بعضك ؟

      وداد ناظرتني وكانها ما فهمت وش قلت لها لكنها ردت :- ما فيني شي بس انتي يتهيأ لك ( وناظرت امي تكلمها ) يمه ابي اروح بيت عمي بو خالد

      وقفت امي ونادت الشغاله ترفع الصحون من على الطاوله :- ستي نظفي المكان عدل و بلغي الطباخ اننا اليوم بنتعشى بره ( وقبل ما اسأل وين بنروح ردت على وداد ) اجلي روحتك اللحين ترى كلنا المغرب بنروح عازمتنا خالتك ام خالد على العشى

      راحت امي وتركتنا و وداد راحت غرفتها وبقيت انا وعليا قلت لها بهمس :- تظنين ليش هالعزومه ؟ ليكون على شرفك ؟

      فتحت عليا فمها :- هاااا لا ما اظن لو السالفه جذي كان خالتي قالت لنا
      ...اكيد عزومه عاديه (سكتت شكلها تفكر في كلامي بعدها قالت ) عن اذنك بروح اشوف وداد شوي

      تركوني لحالي كنت ناويه اسلي نفسي باتصال لنجود بس قلت اكيد هي نايمه اللحين احسن شي اخذ لي قصه اتسلى فيها


      علــــــــيــــــــاء


      صعدت فوق وصلت لغرفة وداد دقيت الباب ما ردت اخذت نفس ودقيت الباب مره ثانيه فتحت الباب شكلها كانت بتقول شي بس اول ما شافتني قالت :- دخلي عليا (واشرت على سريرها ) تعالي هنا ما لي خلق اجلس على الكنب
      قعدت على السرير وسندت ظهرها على مخدتها وتغطت بلحافها وسحبت
      الدبدوب حظنته ... قعدت قبالها على السرير ميلت راسي على جنب

      :- وداد ... ما بسألش وش فيش لان اللي فيش في طلال ...وداد طلال وش فيه ؟

      تنهدت وداد ونزلت راسها تلعب في الدبدوب:- طلال اذا ما انحلت مشكلته بيموت وهو حي

      ما ادري ليش قلبي قام يدق بقوه وخوف على طلال :- ليش طمنيني وش السالفه ؟

      قالت لي وداد سالفه الخطاب وكلام عمي وطبعا قبلها وضحت لي شكثر طلال و العنود يحبون بعض .... حسيت بالعجز وما عرفت شلون ارد او اواسي وداد لكني قلت
      :- الحمد لله ان عمي بيرد هالرجال وهذي بما انها محيره ما في اسهل منها
      فتحت وداد عيونها وقالت :- طيب وش استفدنا ما دام عمي مو قابل طلال بعد

      عضيت شفتي وانا افكر بعدين قلت :- تدرين هذي حلها عند ابوي
      المفروض طلال يكلم ابوي ويشوف ليش هم معارضين
      (حطيت يديني على خدي وتأففت ) اساسا انا ما اصدق ان طلال ممكن يسوي شي يزعل احد منه ....اكيد طلال فهم السالفه غلط

      ظمت وداد الدبدوب بقوه وقالت :- وانا من رايك علشان كذا كنت ناويه ازور العنود واعرف منها السالفه ...بس امي الله يهديها ما رضت اروح

      رديت بتساؤل :- زين ليش ما اتصلتي عليها ؟
      لوت وداد بوزها :- حاولت بس جوالها مغلق

      وتركت وداد وهي تحاول تدق على العنود تذكرت هاجر قلت اتصل اتطمن عليها من اللي صار لها امس وابشرها اني بكره او بعده بكون عندهم في البحرين لكني دقت لين قطع الخط ومحد يرد
      غريبه عمرها هاجر ما تأخرت في الرد على موبايلها حاولت مره ثانيه لمن عطاني اشاره ان الهاتف مغلق... هالشي وترني وخلاني احاتيها
      توني بدق على بيتهم لقيت موبايلي يرن في يدي
      طالعت لقيت المتصل لهيب الروح (وش يبي هذا اللحين داق ) استجمعت قوتي ورديت :- سلام عليكم

      رد بجفاء :- وعليكم السلام ..كل هذا الخط مشغول من كنتي تكلمين ؟

      ضايقني السؤال بس ما لي مزاج اخذ واعطي معاه فرديت :-كنت ادق على رفيقتي

      رد باستهزاء :- واكيد خبرتيها عن سفرك للبحرين ...وانا متى كنتي ناويه تخبريني ؟ عقب ما تروحين ولا مو على بالك

      قهرني اسلوبه فرديت :- ما في داعي تعرف ما دام ابوي يعرف وسمح لي

      رد باستهزاء :- يعني انا رايي مو مهم طيب بنشوف من بيحجز لك ..وشلون بتسافرين من غير اذن زوجك ...اوه نسيت اساسا شلون بتسافرين وجوازك معي ..مع السلامه

      سكر الخط قبل ما ارد عليه اوف هذا وش فيه كل شي يعسره وانا الغبيه
      استفزيته ادري عنه واقف لي على الحبه والمصيبه ان جوازي عنده
      يا ربي ما لي غير ادق عليه

      حاولت ادق عليه لكن ابد حاقرني ولا رد وصلت عدد المكالمات عشر مكالمات اخرتها انقهرت سكرت الموبايل توني بحذفه بس تذكرت هاجر يمكن تشوف المكالمات وترد اخذت التلفون ونزلت تحت
      ما لقيت احد في الصاله طليت بره لقيت فيصل يلعب كره وسعاد عند المسبح تقرأ تذكرت طلال والعنود فكرت اخليها تدق على نجود وتعرف منها السالفه بس تراجعت ما حبيت ان الكل يعرف وساعتها تكبر المشكله
      مليت ما عندي شي اسويه فقررت اشغل نفسي في المطبخ دخلت المطبخ لقيت خالتي ام طلال هناك تكلم الشغاله وتوصيها تقول للطباخ على كم طبق حلاوه فقلت
      :-ما عليه خالتي الحلو انا بسويه
      ردت خالتي :- بس انا بوصي على اكثر من صنف ناخذه معنا بيت عمك
      :- مو مشكله انتي قولي لي وش تبين واللي ما اعرفه الطباخ يسويه

      عددت ثلاثه اصناف كلها اعرفها وكلها تبي منها طبقين ابتسمت ورديت
      :- خلاص خالتي ما في داعي انا بسويهم كلهم (كانت بتعترض ) ترى انا مو متعوده اقعد من غير شغله تملي وقتي

      اعترضت :- بس يعليا ما يصير تتعبين حالك والطباخ موجود

      ابتسمت :- تعبكم راحه اللحين بابتدي بالاطباق البارده وعقب الغدا بشتغل على الفرن

      رفعت خالتي كتوفها علامة استسلام :- على راحتك (ابتسمت ) وبيضي وجهنا ترى جدة خالد وخالاته هناك

      طلعت وتركتني متوتره حيل خايفه من هالناس الجدد اللي بشوفهم والكريه اني اكيد بكون محل تقييم وما ادري وش الانطباع اللي باتركه عندهم بيحبوني او لا


      ((وداد))


      نزلت العصر لقيت امي وعليا وسعاد جالسين في الصاله وامي تتقهوى وجلست بين امي وسعاد
      :- متى ان شاء الله بنروح بيت عمي ؟
      ردت سعاد :- عقب صلاة المغرب علشان امي تساعد خالتي (وغمزت ) وناخذ معنا الحلا اللي مسويته عليا

      التفت لعليا بدهشه :- انتي اللي سويتي الحلا ؟؟طيب والطباخ وينه

      هالمره امي تكلمت :-اختك لزمت ...ويلا ما بقى شي على الاذان علشان تصلن وتجهزن حالكن ترى ام خالد عازمه عمتك هذا غير امها وخواتها

      سعاد من سمعت ان اهل خالتي معزومين نطت واقفه ومسكت عليا من ايدها تقول :- وللحين جالسه يلا ما في وقت ..لازم تكونين برفكت

      ضحكت امي على جنان سعاد وقالت لي :- وانتي بعد روحي مع خواتك

      ابتسمت لامي وسألتها :- مع من بنروح ؟

      :- مع السواق ..لان ابوك بيطلع من المسجد على بيت عمك

      سألتها مره ثانيه :- وطلال متى بيروح ؟

      قامت والصينيه بيدها :- ما ادري ... ليش عاد تسألين ؟

      وقفت اخذت من ايدها الصينيه :-ابدا بس اذا بيتأخر ..نروح انا وعليا معاه (وكملت اعلل) ما يصير العروس تروح كذا من وقت

      ما اهتمت امي لكنها ردت :- اجل دقي عليه وبلغيه

      فعلا اتصلت عليه ولزمت عليه يودينا الى ان وافق صراحه ما كنت حابه انه يروح بيت عمي في هاليوم لحاله وخذت سالفه عليا حجه علشان ما يردني

      عقب صلاة المغرب امي وسعاد سبقونا على بيت عمي جهزت حالي ورحت لعليا اخبرها اننا بنروح مع طلال .... مرنا طلال عقب صلاة العشا ركبنا السياره كان الصمت سيد الموقف ما عرفت وش ممكن اقول له كلها عشر دقايق ووصلنا بيت عمي وقف السياره مشينا ورى طلال وشفت تركي ماسك جواله يكلم احد بس اول ما شافنا سكر الجوال وتقدم صوبنا والابتسامه شاقه وجهه

      :- هلا طلال واخيرا جيت ؟ (وقبل مايرد طلال التفت لنا وكمل ) حيا الله بنات عمي كيف حالكم ؟

      طبعا مالي نفس ارد عليه فردت عليا :- بخير عساك بخير

      و قبل ما نتحرك قال لطلال :- تعال ابيك تراني من عقب الصلاه وانا استناك

      بس طلال رد بلا مبالاه :- مو اول خلنا ندخل المجلس نشوف وش بيصير وبعدين انا تحت امرك

      لكن تركي مسك طلال من يده وقال :- لا ما يصلح تدخل المجلس ترى كل شي يخرب ... تعال ابيك في مشوار ضروري

      لكن طلال ما همه تركي ورد وعيونه مليانه الم :- مشوارك مو اهم من اني احضر خطبة بنت عمي

      تركي سحب نفس قوي وقال :- أي خطبه يا ابن الحلال !!ترى من اللحين اقول لك ان العريس بيردونه ... ومشوارنا اهم من هالخطبه
      وخالد موصيني ان محد يروح معي هالمشوار غيرك

      وقبل ما يعترض طلال سحبه تركي لناحيه السيارات وساعتها صرنا ما نسمع وش اللي يدور بينهم سحبت عليا من يدها وقلت
      :- يلا ندخل قبل ما يطلع احد من الرجال وحنا واقفات هنا

      دخلنا وكانت الصاله فاضيه الظاهر ان الكل متجمع في مجلس النساء
      تركنا عباياتنا في غرفة العبايات واول ما وصلنا مجلس النساء سمعنا صوت ساره
      :- اجل وين وداد وعليا ؟ والله ناويات ما يجون ؟
      ردت امي :- تلاقينهم على الباب
      ما لحقت امي تكمل جملتها الا ودخلت وانا ساحبه في يدي عليا كان الكل موجود ما عدا سعاد ونجود قامت العنود ومسكت عليا من يدها وقدمتها لجدتها
      :- هذي جدتي (وقالت لام مالك ) وهذي عليا بنت عمي

      تقدمت عليا من ام مالك سلمت عليها وباست راسها وايدها ابتسمت ام مالك ورفعت راس عليا :- الله يرضى عليك يا بنتي (والتفتت لبنتها ام خالد ) يا زين ما اخترتوا جمال واخلاق

      طبعا عليا احمرت وزين انها قدرت تسلم على بقية الجماعه وعقب ما سلمت على ام نواف وام حياة خوات ام خالد راحت بتجلس جنبنا لكن ام مالك قالت وهي تأشر جنبها :- تعالي جلسي هنا جنبي

      طبعا عليا ما قدرت تعترض وراحت جلست جنبها

      اما انا قعدت بين العنود وساره اللي همست :- يعني اللحين لحقت جدتك تعرف اخلاق عليا
      ناظرتها بمعنى وش هالكلام لكن العنود ردت :- طول عمرها جدتي تعرف الشخص من اول نظره ولا مره خابت نظرتها

      لوت ساره فمها وقالت :- بنشوف

      طبعا قضينا الوقت في السوالف اما الجده والخالات ما خلوا عليا فصفصوها من الاسئله خاصه انهم ما يعرفون عنها الا انها بنت يوسف بن سلمان وهي كانت تجاوب بكل لباقه وبكل صبر خاصه على اسئله الجده اللي في بعض الاحيان كانت خاصه لكن من وجه نظرها انها تبي تتطمن على عزيزها ومدللها اول حفيد لها خالد

      اما انا كنت في علم ثاني احاتي طلال ومستغربه من العنود اللي ولا على بالها ...معقوله لانها تدري انهم بيردون هالخاطب .. وما تدري ان ابوها حتى طلال ما يبيه
      وعلى سيره طلال يا ترى لوين اخذه تركي وليش ابعده ؟!!!!!

    4. #19
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      طــــــــــــــلال


      ما كنت ناوي اطيع تركي لاني كنت ناوي ادخل المجلس واول ما يرد عمي الرجال وقبل ما تتفرق الجماعه احجر عليها واطلبه قدام الكل
      ان املك عليها الليله بدون تأجيل وساعتها عمي ما بيقدر يردني وفي نص الطريق قلت لتركي
      :- تركي ارجع ما بقدر اروح معاك لمكان ارجع اللحين

      استغرب تركي اصراري وسألني :- ليش وش بترجع تسوي

      ومن حرتي قلت له اللي افكر فيه وساعتها فتح تركي عيونه مستغرب من كلامي ومستنكرنه لكنه فجأة ضحك من قلب لدرجه ان عينه دمعت وقال :-
      هاااااااا علشان كذا خالد لزم انك ما تدخل المجلس وتجي معي
      هالمشوار

      التفتت له :- تركي وش فيك انت ما تحس ؟ انا روحي تنسحب مني شوي شوي وانت تضحك (ضربت الباب بقوه ) انت قلبك من وشو مخلوق

      مسك كتفي بيده اليمين وقال :- اهدى وصدقني انا حاس فيك بس كل اللي تسويه ماله داعي
      ناظرته بغضب لان كلامي ماعنى له شي لكنه قال
      :-طلال معقوله طول اليوم خالد ما اتصل عليك او حتى راح لك المكتب ؟
      سؤال بعيد كل البعد عن اللي حنا فيه صدق مالك سالفه يا تركي
      :- جوالي صامت من البارح وخالد اليوم ما شفته

      ابتسم :- افتح جوالك وشوف كم مكالمه من خالد
      ما كنت حاب اشوف شي بس قلت يلا ما يضرني واستغربت ان في 56 مكالمه لم يرد عليها من خالد ناظرت تركي
      :- وش عنده خالد وش كان يبيني فيه

      ضحك تركي بمكر :- بس نخلص مشاويرنا بتعرف كل شي (وناظرني بخبث ) وبتحمد ربك اني ما خليتك تسوي اللي براسك

      الا اخاف اندم اني ما سويت اللي معزم عليه انتبهت اننا وقفنا عند مركز الشرطه سألت تركي :- وش عندك هنا ؟

      نزل من السياره ورد علي :- بكفل واحد من الشباب
      ما كفتني هالمعلومه :- ليش مسوي حادث ؟

      دخل تركي وسأل عن الظابط المسؤل وبعدها قال لي :- لا ...اعوذ بالله سكران وفي شقه ذعاره

      استغربت معقوله تركي يعرف هالاشكال :- وانت من وين تعرفه وش لك فيه تكفله ؟

      ابتسم تركي قبل ما ندخل مكتب الظابط وقال : بعدين بتعرف من وين عرفته وليش كفلته

      ما عجبتني اجابته دخلنا على الظابط ولقينا محامي الشركه موجود داخل وهو اللي دبر امر كفاله الشاب وطبعا اكد الظابط على انه ما يسافر بره السعوديه من الان الى موعد محاكمته وواضح من كلامه انه صاحب الشقه وان امر كفالته كان صعب وشائك

      طلعنا من المركز وما عرفت اسأل تركي عن شي لانه اصر انا نوصل الشاب لبيته والاعظم انه نزل واشر علي ننزل بيتهم وطلب يكلم ابو الشاب
      دخلنا المجلس نستنى الرجال وتفاجأت انا اعرف هالشايب هذا الحاج عبد الكريم صديق ابوي وعمي معقوله هذاك الشاب يكون ولده ... الحاج عبد الكريم عرفنا بدوره رحب فينا وشكرنا على اللي سويناه لولده وضيفنا القهوه ساعتها حط تركي فنجاله على الارض قدامه وقال للحاج عبد الكريم
      :- طلبتك يا عمي تقول تم
      من نظرته حسيته عارف او حاس بطلب تركي بس ما قدر غيريقول
      :- تم ...وطلبك البيه لك يولدي

      شرب تركي قهوته وقال :- يا عمي طلبتك تحلل ابوي من عهده لك

      الشايب ما عجبه الكلام فقال :- بس يا ولدي هذا

      قاطعه تركي اللي نفذ صبره :- انت تممت لي يا عمي ...ثانيا ترضاها يا عمي تزوج بنتك لشارب خمر يلعب باعراض الناس ..تأمن بنتك عند واحد عاصي لابوه وما يخاف الله

      نزل الشايب راسه للارض وقال :- لا والله ما ارضاها على بناتي ولا على بنات الناس ... وابوك محلل وجميله فوق راسي

      سلمنا عليه وطلعنا في السياره زفر تركي بارتياح وقال من غير ما يناظرني:- تخيل هالرجال كان محير نجود لولده هال..... استغفر الله

      طبعا عقب اللي شفته وسمعته كان بالي في وادي ثاني يعني انا كنت حارق دمي وذابح عمري وفي الاخير اطلع فهمت الامر غلط والكلام كله كان عن نجود وعيت على ضحك تركي
      :-ههههههههه اتخيلك يا طلال تحجر على نجود لا وتملك عليها الليله
      تكون فرحان وشاق الحلق واول ما يوقول لك المملك اسم العروس اتخيلك هههههههههه
      ما قدر يكمل جملته من الضحك اكيد كنت بتمنى الموت ساعتها ولا يصير هالشي بس في هاللحظه شاركت تركي ضحكه

      مسح تركي دموع الضحك وقال :- عساك ارتحت اللحين

      جاوبته بعد ما تنهدت :- ايييييه احس حمل جبال نزل عن ظهري بس بعد عقب اللي شفته ما ني مستعد اصبر الى ان تتخرج

      ما فهمني تركي ومن غير ما يسأل قلت له :- خلاص انا اليوم بخطب العنود

      ناظرني تركي :- لا تقول بتملك الليله !!!

      ابتسمت :- ودي بس بعد ما ودي ملكه العنود تكون كذا سكيتي

      رد تركي وهو يوقف السياره بيتهم :- احسب بعد ...تراك مجنون وتسويها ( وغير لهجته ) انا جوعان تتوقع انهم تعشوا ولا لسه

      رديت عليه :- والله اذا ابوي وعمي يدرون عن مشوارك اكيد لسه

      دخلنا المجلس وفعلا كانوا يستنونا لان عمي وابوي من شافونا همسوا لخالد اللي جانا على الباب وسألنا :- بشروا

      ابتسم تركي :- تم والله يسر لنا ...وانت بشر تعشيتوا

      ضحك خالد :- اللحين بس راح سلطان علشان يجهز السفره

      دخلنا وسلمنا وطبعا اجلت مشروعي لعقب العشى


      خــــــــالــــــــد


      من البارحه وانا مزاجي مو شي اول شي مكالمة ابوي اللي خلتني اطلع من بيت عمي على وجهي وكنت حامل هم طلال والعنود وحتى عقب ما عرفت ان المقصوده هي نجود ما ارتحت بالذات لمن عرفت ان اللي خاطبها عنده الجنسيه الامريكيه و ما فيه شي يدل على انه سعودي ومسلم غير بيانات هويته ...والامر انها محيره لواحد اعوذ بالله منه طبعا ضاقت بي الدنيا معقوله نجود الصغيره الحساسه تزوج واحد من هذولا يذلها ويعذبها ...هذي يبيلها واحد يداريها يعاملها مثل بنته قبل ما يعاملها مثل زوجته يبيلها رجال ينشد به الظهر يحميها من كل شي
      وطبعا ما نمت انا وابوي الا لمن عرفنا شلون بنتخلص من هالاثنين
      ...ناظرت طلال اللي جالس جنبي على السفره وشكله مشغول البال
      من كثر ما كنت شايل هم نجود نسيت اخبره ان العنود مو هي المقصوده وما تذكرت الا يوم ثاني حاولت اتصل عليه لكن ابد ولا عبرني ....
      خفت يتهور اذا دخل المجلس ويسوي شي يخرب كل شي ويندم عليه
      علشان كذا وصيت تركي ما يدخله المجلس وياخذه معه

      وما لحقت اتهنى الا وعمي يوصيني احجز لعليا على اول رحله للبحرين
      وقهرتني حضرتها ولا معتبرتني زوجها هذا وانا موصيها ما تطلع مكان
      الا قبل تخبرني ساعتها اتصلت عليها وقلت اللي قلته وسكرت الجوال في وجهها دقت على اكثر من عشر مرات لكني طنشتها... يا انا يا انتي يعليا وبنشوف وش بتسوين علشان تروحين البحرين

      قمنا من على العشا وهالمره انا اللي رحت المطبخ علشان اجيب القهوه والحلا وعلشان اتطمن على نجود واطمنها بعد ترى المسكينه من درت وهي حابسه حالها في غرفتها

      دخلت المطبخ لقيت العنود مع خالتي ام نواف واقفات يجهزن الحلا
      سلمت وبعدين قلت :- العنود جهزتي الحلا والقهوه

      ردت وهي تأشر :- كاهي جاهزه هناك
      رحت وفتحت الصواني لقيت من ظمنهم الحلا اللي اكلت منه في بيت عمي وقال طلال ان عليا مسويته فقلت للعنود وانا شايله في يدي
      :- هذا رجعيه الثلاجه والباقي يكفي
      حملت اطباق الحلا وكملت قبل ما اطلع :- رفعيه لي ولا حد يمد يده عليه

      ضحكت خالتي ام نواف وقالت :- ليه وش معنى
      رديت عليها :- ابد بس انا احب هالحلا
      غمزت خالتي :- تحبه ... غريبه العروس ما قلت انها مسويته لك

      لفتت نظري جملة خالتي فقلت :- ليش ؟...هي عليا اللي مسويته
      ابتسمت العنود :- كل الحلا مسويته عليا
      ردت خالتي :- لا لا تصدقيه اكيد هو عارف ولا ما وصى عليه
      ابتسمت على تفكير خالتي ورحت المجلس بعد ما وصيت العنود انها تدق علي عقب ما تسوي لي درب لاني ابي اكلم نجود

      عقب ما خلصت الحلا دق جوالي وكانت العنود ساعتها ناظرت طلال ورديت :- هلا بالعنود
      طارت اذون طلال وعيونه عندي اما العنود قالت
      :- اهلين ...خالد نجود للحين بغرفتها بس قبل ما تروح لها جدتي تبيك تسلم عليك في مجلس النساء

      تأففت طبعا مو لاني ما ابي اسلم عليها لا بس لاني ما احب ادخل عند الحريم فقلت :- طيب انا جاي بس خليها تطلع لي في الصاله

      فهمتني العنود فقالت :- لا تخاف قبل ما تجي بصرف البنات
      تنهدت :- امري لله كلها خمس دقايق واكون عندكم


      علــــــــيــــــــاء


      من طلبت ام مالك من العنود تدق على خالد وتقول له يجيها تسلم عليه وانا قلبي يدق وفرحت لمن قالت العنود بعد ما كلمته
      :-كلها خمس دقايق ويجي (ناظرت جهة وداد وساره ) يلا يا بنات نفضي المكان لخالد علشان ياخذ راحته

      وقفت وداد لكن ساره قالت :- ما له داعي نروح مكان ... كلها دقيقتين يسلم على جدته يكفي نلبس عباياتنا

      ردت عليها ام مالك :- بس انا ابي خالد في مويضيع وما ابيه يتضايق

      تأففت ساره وقالت لي :- ما بتجين معنا ؟

      وقفت وقبل ما اتكلم قالت ام مالك وهي ماسكتني :- لا عليا بتقعد معي
      لوت ساره بوزها وانا ما حبيت اقعد ولا اكسر خاطر خالتي ام مالك فقلت
      :- ما عليه يا خالتي بس انا بروح اقعد مع البنات شوي

      ابتسمت ام مالك :- ناديني يمه ...وبعدين وين تروحين ترى اللي بيدخل رجلك مو غريب

      حسيت درجت حرارتي ارتفعت حاولت ادور عذر :- بس يمه
      مسكتني من ايديني وقعدتني :- لا بس ولا شي واذا على زينتك
      ترى انتي زوينه وما له حاجه تسوين شي
      استسلمت قعدت وانا اطالع الارض ورفعت راسي لا اراديا اول ما سمعت صوته يتنحنح دخلته امه واول شي سواه سلم على جدته حب راسها و يدينها سألها عن احوالها بعدين سلم على خالاته وعمته واخر شي سلم على خالتي ام طلال وقبل ما يجلس قالت له جدته
      :- يعني ما سلمت على حرمتك
      ساعتها بس طالعني بنظره غريبه كأنها نظره تقيميه قرب عندي مد يده وقال وهو حاظن يدي في يده بقوه :- شخبارك يا بنت عمي
      بلعت ريقي ورديت بهمس :- طيبه طاب حالك
      ترك يدي رفعت راسي لقيت عيونه في عيوني وكأن فيها نظره تهديد
      قعد جنب جدته وقال لها
      :- تدرين يمه انك وحشتيني مووووووووت
      ميلت فمها على جنب :- ايه اضحك علي بهالكلام لو واحشتك كان جيتني

      ابتسم :- والله مشاغل ما تخليني احك شعر راسي (مسك يدها وقال ) ترى انا عتبان عليك ما جيتي ملكتي

      لفت راسها عنه :- انا اللي زعلانه لو همك اني ما جيت ملكتك كنت سألت عني
      هالمره ردت ام طلال :- خالد ما يسأل عنك يمه ؟!!!!!!!!هذي عاد ما اصدقها وهو كل يوم يكلمك في التلفون

      ردت على بنتها :- بس ما اهمه لو اهمه كان جاني يوم ثاني من ملكته
      وجاب عروسه بعد علشان اشوفها

      قالت عمتي ام ماجد :- هذا انتي شفتيها حالها حال هالبنات ما بها زود

      ردت ام مالك :- ايه شفتها يا ام ماجد وشفتها احلى من كل البنات
      ام ماجد باستنكار:- من تقصدين بكل البنات؟
      وقبل ما تشب حريقه بين الثنتين تكلم خالد يقطع الجدل وقال لجدته
      :- افااااااا يمه زعلانه مني طيب قولي وش اللي يرضيكي واسويه
      بس انتي قولي وش يرضيك

      ابتسمت له جدته التفتتت لي :- عليا قهوي رجلك يا بنيتي

      وقفت رحت للصينيه حطيت له صحن حلا وقربت عنده وجدته توشوشه
      ابتسم على كلامها بلعت ريقي مديت يدي بالصحن :- تفضل

      اخذ من يدي الصحن وتبسم على جنب ورفع حاجب على طول رجعت مكاني وانا العن نفسي يوم طعت سعاد ولبست هالفستان لانه قصير لتحت الركبه واكمامه جبانيز وفتحته دائريه واسعه نوعا ما ماسك عند الصدر والخصر وواسع من عند الحوض لتحت هذا غير الخلخال اللي في رجلي اكيد شافه لانه طالعني لمن سلم علي من فوق لتحت والحين ما ادري وش قالت له جدته علشان يطالعني جذي

      وعيت من افكاري على صوته يقول :- اذا كان هذا يرضيك ولا يهمك
      اقنع عمي بو طلال واجيبها لك براس الخدمه لعندك

      ردت عليه وهي تنقل نظرها بين خالتي ام طلال وعمتي ام ماجد :-
      انا اقدر اجيبها عندي وهذي امها ام طلال تسمعني انتي وبناتك معزومين عندي على الغدا الاسبوع الجاي ...

      لفتت نظري كلمتها امها ما ادري ليش فرحت فيها بس تهدمت فرحتي لمن قالت عمتي ام ماجد
      :- من وين بنتها بعد يا ام مالك ترى عليا بنت نجاة ولا نسيتي

      شوي وكنت بقوم احب على راس خالتي ام طلال لمن قالت
      :- كيف ما هي بنتي يا ام ماجد دام هي بنت يوسف يعني هي بنتي
      ( وكملت كلامها وهي تناظر خالتي ام خالد ) ولا انا غلطانه يا ام خالد ؟!!!

      ردت خالتي ام خالد :- لا منتي بغلطانه وترى عليا من يوم صارت حرمه لخالد صارت بنتنا

      عمتي ام ماجد ما عجبها الكلام وقفت وقالت وهي لاويه بوزها :- ايييييه الله يهنيكم فيها ...اذا ما عليك امر يا ام خالد نادي لي ساره بروح البيت

      ام مالك :- ليه منت بقاعده تشوفي هديتي لعليا
      ردت عمتي :- مالي حاجه اشوفها يلا مع السلامه

      طلعت عمتي بعد ما وصت خالتي ام خالد الشغاله تنادي لها ساره وراحت وياها توصلها للباب
      لاحظت ان خالد خلص الحلاوه اللي في يده وحط الصحن على الطاوله اللي قدامه قمت اخذت الصحن وحملت دله القهوه والفنجال وقفت جنبه علشان اقهويه صبيت فنجال وقدمته له اخذه من يدي وهو يطالعني لمست يده الدافيه يدي البارده سحبت يدي بسرعه وزين انه ماسك الفنجال زين ولا كان انكت عليه

      عقب ما شرب القهوه طلعت ام مالك علبه وقدمتها لي مع دخول ام طلال
      :-هذي هدية الملكه ومنها ان شاء الله الى هديه العرس ( اشرت) فتحيها
      ابتسمت بأحراج :- ما له داعي يمه كلفتي على نفسش
      ام مالك :- لا كلافه ولا شي وتراها اقل من غلاتك

      تشاغلت بفتح العلبه واذوني عند خالد اللي قال :-
      افاااااا وانا مالي هديه ... واشوف الغلا راح لغيري بعد
      ضحكت ام مالك:- ترى ما هديتها وعزيتها الا من معزتك (والتفتت لخالتي ام طلال ) ما رديتي على عزومتي

      ردت خالتي :- وحنا ما نقدر نردك بس عليا بتروح البحرين تحضر عرس ولدخالها وبتقعد هناك اسبوع

      ردت ام مالك :- اذا كذا نأخرها للاسبوع اللي بعده ...سمعت يا خالد ؟
      فتحت العلبه لقيت فيها عقد ذهب يجنن مشغول بطريقه حلوه
      قلت لها :- مشكوره يمه
      ابتسمت لي وقالت :- ودي اشوفه عليك ( التفتت لخالد ) قوم لبسها العقد ما بتعرف تلبسه لحالها
      هاااااااا شنو يلبسني اياه لا اعترضت :- ما في داعي انا اعرف البسه بروحي
      لكنه قام والا اهتم اخذه من يدي وفتحه وقبل ما ينزل نفسه علشان يلبسني وقفت درت له ظهري وبعدت شعري علشان يعرف يسكر العقد
      ما صدقت متى سكره وقبل ما اشم نفسي مسك كتوفي ولفني في مواجهته مسك العقد ضبطه على صدري واول ما لامست يده صدري زادت رجفتي وما عرفت شلون اتصرف فعلى طول رجعت مكاني
      قال لجدته :- والله ان ذوقك حلو يمه
      ردت عليه :- ترى حرمتك اللي زينت العقد مو العقد اللي زينها
      ابتسم وطالع الساعه :- زين يا جده صار لازم اخليك غير اني ابي اكلم نجود (طالعني ) عليا قومي سوي لي طريق لغرفه نجود

      هذا وش فيه وش وراه اكيد ناوي على نيه ولا ما قال جذي وهو يعرف اني اول مره ادخل بيتهم وتوني بقول اني ما ادل غرفه نجود
      قالت ام خالد :- يلا يعليا وصلي رجلك لغرفة اخته
      قمت وانا حاسه ان وراه شي


      تــــــــركــــــــي


      عقب ما طلع خالد من المجلس وشاف طلال انه تأخر دق عليه
      :- وينك فيه ليه تأخرت وانا قايل لك ....
      ما كمل كلامه الظاهر ان خالد قاطعه
      :- طيب بس ربع ساعه بعدها بتوكل على الله ومو لازم وجودك
      قال خالد شي بعدها وصلنا صوت ضحكه
      سكر طلال جواله فقلت له بهمس
      :- انا اشوف انك تأجل السالفه لغير اليوم على الاقل علشان خاطر نجود
      رد بحده ومن تحت الضرس انما بصوت واطي :- انت لا تشوف شي
      وعلشان خاطر نجود بسوي اللي ناوي عليه اليوم علشان تفرح من بعد النكد
      ابتسمت :- علينا ...علشان نجود ولا علشان قلبك
      طنشني وواضح عليه التوتر خفت اتحرش فيه ازود يقوم يضربني

      جاء ماجد وجلس جنبي :- بطلع اليوم اسهر مع الشباب في الشاليهات
      وخاطري تجي معي

      ناظرته :-ما اقدر بكره عندي شغل بدري
      ما كأنه سمعني :-كلنا ورانا دوامات ... بس تدري يوم الخميس من يداوم بدري غير انك ولد صاحب الشركه يعني محد بيحاسبك

      رديت :- لاني ولد صاحب الشركه والحلال حلالنا لازم اداوم بدري واحاسب نفسي مثل ما احاسب غيري ولا راح الحلال بسبت الاهمال

      ما تراجع :- طيب وش رايك في بكره ليله جمعه يعني اجازه

      عدلت جلستي :- تدري يا ماجد انا ما احب اسهر في أي مكان او مع أي احد
      ماجد:-افاااااااا انا أي احد
      هزيت راسي :-انا ما قصدتك بس هم ما اعرف هاللي بتسهر معهم غير ان واحد من ربعي بيوصل بكره من لندن و وعدته اقضي اليوم معه

      ما اقتنع ماجد لكنه سكت دخل على نهايه حديثنا خالد وعلى وجهه ابتسامه ما اعرف كيف افسرها كأنه داخل حرب وكاسبنها ابتسامه فيها فرح ومكرجلس جنب طلال وواضح انه سرحان في اللي مخلي مزاجه متغير كذا المهم دام مزاجه تمام هذا معناه ان نجود صارت تمام وهمها كله راح اما طلال اللي ما كان ملاحظ أي شي والسبب الي شاغل باله
      قال لخالد :- اخيرا شرفت
      التفت له خالد :- طيب لا تاكلني وروح اجلس جنب ابوك وتوكل على الله
      فعلا طلال طاع خالد وراح لعند ابوه وهمس في اذن ابوه بعدها لاحظت ان عمي قطب حواجبه وقال شي لطلال
      رجع طلال وهمس في اذن عمي ساعته عمي ابتسم وهز راسه
      التفت عمي لابوي وقاله
      :- يا بو خالد انا اليوم جاينك وابي اخطب بنتي العنود لولدي طلال

      ابوي ناظر طلال بعدين قال لعمي :- والله البنت بنتك ... وطلال اولدي ما ينرد واذا على الخطبه انت تدري انهم من زمان مخطوبين لبعض

      رد عمي :- تسلم ياخوي بس ترى هالخطبه طولت وانا اقول نبي نملك عليهم
      ابوي ناظر طلال وقال :- بس انت تدري ان البنت ما تبي تتملك
      قبل ما تخلص دراستها
      عمي بعد ناظر طلال وبعدها قال لابوي :- يتملكون اللحين وبعد ما تخلص دراستها نزوجهم

      رد ابوي :- ما اقول الا اول اشوف وش راي البنت
      هنا تكلم عمي ابو ماجد واظن ان طلال اكيد كان وده يقوم يحب راسه
      :- وش تشور فيه البنت بعد ...ترى البنت محيره له من زمان واذا ما ملكوا اليوم بيملكون اللي بعده وانااقول خير البر عاجله

      ناظر ابوي طلال وقال له :- هاا يا طلال متى تبي تملك ؟
      طبعا طلال كان يبي الملكه في اقرب فرصه بس عمي اجلها اسبوعين علشان الكل يلحق يجهز حاله غير ان عليا الاسبوع الجاي بتكون في البحرين


      خــــــــالــــــــد


      تعمدت ان عليا هي اللي تسوي لي الدرب بس علشان اكلمها خاصه عقب اللي قالته جدتي وعلى باب مجلس النساء قالت عليا
      :-خالد انا اول مره ادخل بيتكم وما ادله
      ابتسمت :- انا ادل وكل اللي ابيه تشوفين اذا نجود معها احد او لا
      اشرت لها على جهة الدرج وقبل ما ترقى الدرج التفتت لي وقالت
      :- خالد بغيت اكلمك عن روحتي البحرين انا...
      قاطعتها عمد :- مو وقته اجلي الموضوع لوقت ثاني
      ردت على وعيونها مليانه رجى :- بس زواج جاسم عقب كم يوم واخاف ما يكون عندك وقت قبلها
      ما ادري ليش نظرتها هذي اضعفت قلبي وخلتني من المستحيل افكر في اني اردها لكني قلت :-بس انا اللحين مشغول خليها لبعدين
      عضت على شفايفها :- بعدين متى ؟؟
      وقبل ما ارد عليها جاني اتصال من طلال يستعجلني علشان يبي يخطب العنود اللحين وبوجدي وعقب ما سكرت الجوال ناظرت عليا وقلت لها

      :-شفتي هذا طلال يبيني ضروري ويهددني ما اتأخر اكثر من ربع ساعه
      فاذا ما شفتك الليله دقي علي وباشوف موضوعك

      واضح ان كلامي ما عجبها لكنها استسلمت دليتها على الطريق لغرفه نجود وقلت لها :- هذاك باب غرفة نجود بس شوفي لي الدرب وانا بانطر هنا

      وبعد شوي رجعت العنود وقالت :- تفضل نجود بروحها
      بس لفيت بروح لنجود لمست عليا كتفي وقالت وواضح على وجهها الحرج :- وين غرفة العنود ؟

      ابتسمت ورفعت حاجب :- تدرين اول دخلي معي لنجود وبعدين ادلك على غرفة العنود

      دخلت غرفة نجود ودخلت عليا وراي شفت نجود متضايقه وللحين اثر البكى باين على وجهها جلست جنبها على سريرها ومسحت على شعرها
      :-ممكن اعرف وش اللي مزعل الحلو
      رمت نجود نفسها في حظني وقالت وهي تصيح :- ما ابيه ما ابيه
      امم امم اهئ اهئ ما ابي اتزوج ما ابيه
      حظنتها حاولت اهديها وشوشتها في اذونها :- خلاص اللي تبينه صار
      رفعت راسها تناظرني برجا وعيون غرقانه بالدمع :- جد؟!!
      ابتسمت وانا العب في شعرها :-وجد الجد بعد انا من الاصل ما كنت ابيك تعرفين
      قطبت حوجبها :- ليش ؟
      اشرت على راسها :- لاني ما ابي اشغل هالراس والقلب بمواضيع ما لها داعي ( وقبل ما تعترض كملت ) لاننا مستحيل في يوم من الايام نزوجك لواحد ما يعرف قدرك انتي اذا بنزوجك نزوجك للي يحفظك ويصونك وفوق هذا يحبك بعد
      خجلت نجود بعدت عني وقالت :- بس انا ما بتزوج ...يكفيني انتم حولي
      شديت خدودها :- بس حنا مو دايمين لك
      بوزت :- لا تقول جذي ترى انا ما اقدر استغني عنك
      تذكرت ان عليا موجوده معنا فقلت :- لا تقولين كذا قدام عليا تراها تغار
      التفتت نجود لعليا وضحكت وانا حسيت نظرات عليا ترمي سهام
      قالت لها نجود :- لا تخافين مكانك بقلبه محفوظ ولا حنا مالنا الا الفتافيت
      ردت عليا :- وليش اغار ما في شي يخليني اغار
      اما انا فوقفت وحبيت راس نجود :- اخر مره اشوف هالدموع ...ويلا انا بروح ترى طلال يستناني
      وصلت عند الباب وتذكرت ان نجود ما تعشت :- وتعشي قبل ما تنامين
      (اشرت لعليا ) تعالي
      طلعت من غرفة نجود وقلت وانا اتأملها :-عليا وش سويتي لجدتي
      ما فهمتني بعدين ناظرتني بتحدي وقالت :- سحرتها مثل ما سحرت الكل
      بس الظاهر سحري على ناس وناس
      عجبني انها انغاضت فواصلت :- ومن هالناس عمتي ام ماجد ؟
      تنهدت وناظرتني في عيني :- وساره (رفعت يدها واشرت علي ) واولهم انت
      مسكت يدها تأملت الدبله :-اذا صنتيها اكيد سحرك بيتمكن مني
      نظرتها تبدلت ذهول وبعدين خجل حمر خدودها وقالت بهمس
      :- مو انا اللي يأمنوني واخون الامانه ...لكن عيبي اني ما اعرف اسحر
      كان ودي احظن وجهها بين يديني لكني تركت يدها وقلت
      :-الوقت بيحكم اذا انتي قد الامانه أما عن السحر فعيونك مليانه سحر
      ازدادت حمره خدودها نزلت راسها وسألت بارتباك :-وين غرفة العنود ؟

      اشرت على غرفة العنود تركتها وانا نفسي ما ني عارف شلون قلت هالكلام الظاهر ان كلام جدتي اثر على دخلت المجلس وانا افكر بان اللي سويته جرعة كبيره على عليا معقوله تكون فعلا تأثرت معقوله تكون كلماتها صادقه مثل ما توحي عيونها ولا فعلا عيونها مليانه سحر مثل ما قالت جدتي ابتسمت على جنب لمن تذكرت جدتي تقول ((قول الصراحه
      هالسحر كله ما هز قلبك والله اذا مو سحر عيونها حركك اكيد حلاوة روحها وجمال اخلاقها ومبسمها نساك حالك وخلاك تتوه )) هي فعلا خلتني اتوه اتوه من الحيره في امرها مو من شي ثاني رغم ان كلام جدتي شغلني وخلاني افكر اعطيها فرصه واشوف وش ممكن يجي منها
      واولها وش بتقول يا ترى علشان ترد البحرين وخلني اشوف حيلها


      طولت البارت
      ادري ان ما جبت شي عن هاجر
      او حتى وش صار بين البنات في غرفة العنود ؟
      وش رد فعل عليا على كلام خالد؟ وش بتقول له علشان تخليه يوافق على روحة البحرين من غير شوشره؟

      والاهم العنود وش رد فعلها اذا عرفت عن ملكتها القريبه؟
      وش اللي ينتظر تركي البارت الجاي؟
      وش راح تسوي

      وش صار في البحرين وش ممكن يصير


      انتظر ردودكم وتعليقاتكم
      اعذب وارق التحايا

    5. #20
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      طــــــــــــــلال


      ما كنت ناوي اطيع تركي لاني كنت ناوي ادخل المجلس واول ما يرد عمي الرجال وقبل ما تتفرق الجماعه احجر عليها واطلبه قدام الكل
      ان املك عليها الليله بدون تأجيل وساعتها عمي ما بيقدر يردني وفي نص الطريق قلت لتركي
      :- تركي ارجع ما بقدر اروح معاك لمكان ارجع اللحين

      استغرب تركي اصراري وسألني :- ليش وش بترجع تسوي

      ومن حرتي قلت له اللي افكر فيه وساعتها فتح تركي عيونه مستغرب من كلامي ومستنكرنه لكنه فجأة ضحك من قلب لدرجه ان عينه دمعت وقال :-
      هاااااااا علشان كذا خالد لزم انك ما تدخل المجلس وتجي معي
      هالمشوار

      التفتت له :- تركي وش فيك انت ما تحس ؟ انا روحي تنسحب مني شوي شوي وانت تضحك (ضربت الباب بقوه ) انت قلبك من وشو مخلوق

      مسك كتفي بيده اليمين وقال :- اهدى وصدقني انا حاس فيك بس كل اللي تسويه ماله داعي
      ناظرته بغضب لان كلامي ماعنى له شي لكنه قال
      :-طلال معقوله طول اليوم خالد ما اتصل عليك او حتى راح لك المكتب ؟
      سؤال بعيد كل البعد عن اللي حنا فيه صدق مالك سالفه يا تركي
      :- جوالي صامت من البارح وخالد اليوم ما شفته

      ابتسم :- افتح جوالك وشوف كم مكالمه من خالد
      ما كنت حاب اشوف شي بس قلت يلا ما يضرني واستغربت ان في 56 مكالمه لم يرد عليها من خالد ناظرت تركي
      :- وش عنده خالد وش كان يبيني فيه

      ضحك تركي بمكر :- بس نخلص مشاويرنا بتعرف كل شي (وناظرني بخبث ) وبتحمد ربك اني ما خليتك تسوي اللي براسك

      الا اخاف اندم اني ما سويت اللي معزم عليه انتبهت اننا وقفنا عند مركز الشرطه سألت تركي :- وش عندك هنا ؟

      نزل من السياره ورد علي :- بكفل واحد من الشباب
      ما كفتني هالمعلومه :- ليش مسوي حادث ؟

      دخل تركي وسأل عن الظابط المسؤل وبعدها قال لي :- لا ...اعوذ بالله سكران وفي شقه ذعاره

      استغربت معقوله تركي يعرف هالاشكال :- وانت من وين تعرفه وش لك فيه تكفله ؟

      ابتسم تركي قبل ما ندخل مكتب الظابط وقال : بعدين بتعرف من وين عرفته وليش كفلته

      ما عجبتني اجابته دخلنا على الظابط ولقينا محامي الشركه موجود داخل وهو اللي دبر امر كفاله الشاب وطبعا اكد الظابط على انه ما يسافر بره السعوديه من الان الى موعد محاكمته وواضح من كلامه انه صاحب الشقه وان امر كفالته كان صعب وشائك

      طلعنا من المركز وما عرفت اسأل تركي عن شي لانه اصر انا نوصل الشاب لبيته والاعظم انه نزل واشر علي ننزل بيتهم وطلب يكلم ابو الشاب
      دخلنا المجلس نستنى الرجال وتفاجأت انا اعرف هالشايب هذا الحاج عبد الكريم صديق ابوي وعمي معقوله هذاك الشاب يكون ولده ... الحاج عبد الكريم عرفنا بدوره رحب فينا وشكرنا على اللي سويناه لولده وضيفنا القهوه ساعتها حط تركي فنجاله على الارض قدامه وقال للحاج عبد الكريم
      :- طلبتك يا عمي تقول تم
      من نظرته حسيته عارف او حاس بطلب تركي بس ما قدر غيريقول
      :- تم ...وطلبك البيه لك يولدي

      شرب تركي قهوته وقال :- يا عمي طلبتك تحلل ابوي من عهده لك

      الشايب ما عجبه الكلام فقال :- بس يا ولدي هذا

      قاطعه تركي اللي نفذ صبره :- انت تممت لي يا عمي ...ثانيا ترضاها يا عمي تزوج بنتك لشارب خمر يلعب باعراض الناس ..تأمن بنتك عند واحد عاصي لابوه وما يخاف الله

      نزل الشايب راسه للارض وقال :- لا والله ما ارضاها على بناتي ولا على بنات الناس ... وابوك محلل وجميله فوق راسي

      سلمنا عليه وطلعنا في السياره زفر تركي بارتياح وقال من غير ما يناظرني:- تخيل هالرجال كان محير نجود لولده هال..... استغفر الله

      طبعا عقب اللي شفته وسمعته كان بالي في وادي ثاني يعني انا كنت حارق دمي وذابح عمري وفي الاخير اطلع فهمت الامر غلط والكلام كله كان عن نجود وعيت على ضحك تركي
      :-ههههههههه اتخيلك يا طلال تحجر على نجود لا وتملك عليها الليله
      تكون فرحان وشاق الحلق واول ما يوقول لك المملك اسم العروس اتخيلك هههههههههه
      ما قدر يكمل جملته من الضحك اكيد كنت بتمنى الموت ساعتها ولا يصير هالشي بس في هاللحظه شاركت تركي ضحكه

      مسح تركي دموع الضحك وقال :- عساك ارتحت اللحين

      جاوبته بعد ما تنهدت :- ايييييه احس حمل جبال نزل عن ظهري بس بعد عقب اللي شفته ما ني مستعد اصبر الى ان تتخرج

      ما فهمني تركي ومن غير ما يسأل قلت له :- خلاص انا اليوم بخطب العنود

      ناظرني تركي :- لا تقول بتملك الليله !!!

      ابتسمت :- ودي بس بعد ما ودي ملكه العنود تكون كذا سكيتي

      رد تركي وهو يوقف السياره بيتهم :- احسب بعد ...تراك مجنون وتسويها ( وغير لهجته ) انا جوعان تتوقع انهم تعشوا ولا لسه

      رديت عليه :- والله اذا ابوي وعمي يدرون عن مشوارك اكيد لسه

      دخلنا المجلس وفعلا كانوا يستنونا لان عمي وابوي من شافونا همسوا لخالد اللي جانا على الباب وسألنا :- بشروا

      ابتسم تركي :- تم والله يسر لنا ...وانت بشر تعشيتوا

      ضحك خالد :- اللحين بس راح سلطان علشان يجهز السفره

      دخلنا وسلمنا وطبعا اجلت مشروعي لعقب العشى


      خــــــــالــــــــد


      من البارحه وانا مزاجي مو شي اول شي مكالمة ابوي اللي خلتني اطلع من بيت عمي على وجهي وكنت حامل هم طلال والعنود وحتى عقب ما عرفت ان المقصوده هي نجود ما ارتحت بالذات لمن عرفت ان اللي خاطبها عنده الجنسيه الامريكيه و ما فيه شي يدل على انه سعودي ومسلم غير بيانات هويته ...والامر انها محيره لواحد اعوذ بالله منه طبعا ضاقت بي الدنيا معقوله نجود الصغيره الحساسه تزوج واحد من هذولا يذلها ويعذبها ...هذي يبيلها واحد يداريها يعاملها مثل بنته قبل ما يعاملها مثل زوجته يبيلها رجال ينشد به الظهر يحميها من كل شي
      وطبعا ما نمت انا وابوي الا لمن عرفنا شلون بنتخلص من هالاثنين
      ...ناظرت طلال اللي جالس جنبي على السفره وشكله مشغول البال
      من كثر ما كنت شايل هم نجود نسيت اخبره ان العنود مو هي المقصوده وما تذكرت الا يوم ثاني حاولت اتصل عليه لكن ابد ولا عبرني ....
      خفت يتهور اذا دخل المجلس ويسوي شي يخرب كل شي ويندم عليه
      علشان كذا وصيت تركي ما يدخله المجلس وياخذه معه

      وما لحقت اتهنى الا وعمي يوصيني احجز لعليا على اول رحله للبحرين
      وقهرتني حضرتها ولا معتبرتني زوجها هذا وانا موصيها ما تطلع مكان
      الا قبل تخبرني ساعتها اتصلت عليها وقلت اللي قلته وسكرت الجوال في وجهها دقت على اكثر من عشر مرات لكني طنشتها... يا انا يا انتي يعليا وبنشوف وش بتسوين علشان تروحين البحرين

      قمنا من على العشا وهالمره انا اللي رحت المطبخ علشان اجيب القهوه والحلا وعلشان اتطمن على نجود واطمنها بعد ترى المسكينه من درت وهي حابسه حالها في غرفتها

      دخلت المطبخ لقيت العنود مع خالتي ام نواف واقفات يجهزن الحلا
      سلمت وبعدين قلت :- العنود جهزتي الحلا والقهوه

      ردت وهي تأشر :- كاهي جاهزه هناك
      رحت وفتحت الصواني لقيت من ظمنهم الحلا اللي اكلت منه في بيت عمي وقال طلال ان عليا مسويته فقلت للعنود وانا شايله في يدي
      :- هذا رجعيه الثلاجه والباقي يكفي
      حملت اطباق الحلا وكملت قبل ما اطلع :- رفعيه لي ولا حد يمد يده عليه

      ضحكت خالتي ام نواف وقالت :- ليه وش معنى
      رديت عليها :- ابد بس انا احب هالحلا
      غمزت خالتي :- تحبه ... غريبه العروس ما قلت انها مسويته لك

      لفتت نظري جملة خالتي فقلت :- ليش ؟...هي عليا اللي مسويته
      ابتسمت العنود :- كل الحلا مسويته عليا
      ردت خالتي :- لا لا تصدقيه اكيد هو عارف ولا ما وصى عليه
      ابتسمت على تفكير خالتي ورحت المجلس بعد ما وصيت العنود انها تدق علي عقب ما تسوي لي درب لاني ابي اكلم نجود

      عقب ما خلصت الحلا دق جوالي وكانت العنود ساعتها ناظرت طلال ورديت :- هلا بالعنود
      طارت اذون طلال وعيونه عندي اما العنود قالت
      :- اهلين ...خالد نجود للحين بغرفتها بس قبل ما تروح لها جدتي تبيك تسلم عليك في مجلس النساء

      تأففت طبعا مو لاني ما ابي اسلم عليها لا بس لاني ما احب ادخل عند الحريم فقلت :- طيب انا جاي بس خليها تطلع لي في الصاله

      فهمتني العنود فقالت :- لا تخاف قبل ما تجي بصرف البنات
      تنهدت :- امري لله كلها خمس دقايق واكون عندكم


      علــــــــيــــــــاء


      من طلبت ام مالك من العنود تدق على خالد وتقول له يجيها تسلم عليه وانا قلبي يدق وفرحت لمن قالت العنود بعد ما كلمته
      :-كلها خمس دقايق ويجي (ناظرت جهة وداد وساره ) يلا يا بنات نفضي المكان لخالد علشان ياخذ راحته

      وقفت وداد لكن ساره قالت :- ما له داعي نروح مكان ... كلها دقيقتين يسلم على جدته يكفي نلبس عباياتنا

      ردت عليها ام مالك :- بس انا ابي خالد في مويضيع وما ابيه يتضايق

      تأففت ساره وقالت لي :- ما بتجين معنا ؟

      وقفت وقبل ما اتكلم قالت ام مالك وهي ماسكتني :- لا عليا بتقعد معي
      لوت ساره بوزها وانا ما حبيت اقعد ولا اكسر خاطر خالتي ام مالك فقلت
      :- ما عليه يا خالتي بس انا بروح اقعد مع البنات شوي

      ابتسمت ام مالك :- ناديني يمه ...وبعدين وين تروحين ترى اللي بيدخل رجلك مو غريب

      حسيت درجت حرارتي ارتفعت حاولت ادور عذر :- بس يمه
      مسكتني من ايديني وقعدتني :- لا بس ولا شي واذا على زينتك
      ترى انتي زوينه وما له حاجه تسوين شي
      استسلمت قعدت وانا اطالع الارض ورفعت راسي لا اراديا اول ما سمعت صوته يتنحنح دخلته امه واول شي سواه سلم على جدته حب راسها و يدينها سألها عن احوالها بعدين سلم على خالاته وعمته واخر شي سلم على خالتي ام طلال وقبل ما يجلس قالت له جدته
      :- يعني ما سلمت على حرمتك
      ساعتها بس طالعني بنظره غريبه كأنها نظره تقيميه قرب عندي مد يده وقال وهو حاظن يدي في يده بقوه :- شخبارك يا بنت عمي
      بلعت ريقي ورديت بهمس :- طيبه طاب حالك
      ترك يدي رفعت راسي لقيت عيونه في عيوني وكأن فيها نظره تهديد
      قعد جنب جدته وقال لها
      :- تدرين يمه انك وحشتيني مووووووووت
      ميلت فمها على جنب :- ايه اضحك علي بهالكلام لو واحشتك كان جيتني

      ابتسم :- والله مشاغل ما تخليني احك شعر راسي (مسك يدها وقال ) ترى انا عتبان عليك ما جيتي ملكتي

      لفت راسها عنه :- انا اللي زعلانه لو همك اني ما جيت ملكتك كنت سألت عني
      هالمره ردت ام طلال :- خالد ما يسأل عنك يمه ؟!!!!!!!!هذي عاد ما اصدقها وهو كل يوم يكلمك في التلفون

      ردت على بنتها :- بس ما اهمه لو اهمه كان جاني يوم ثاني من ملكته
      وجاب عروسه بعد علشان اشوفها

      قالت عمتي ام ماجد :- هذا انتي شفتيها حالها حال هالبنات ما بها زود

      ردت ام مالك :- ايه شفتها يا ام ماجد وشفتها احلى من كل البنات
      ام ماجد باستنكار:- من تقصدين بكل البنات؟
      وقبل ما تشب حريقه بين الثنتين تكلم خالد يقطع الجدل وقال لجدته
      :- افااااااا يمه زعلانه مني طيب قولي وش اللي يرضيكي واسويه
      بس انتي قولي وش يرضيك

      ابتسمت له جدته التفتتت لي :- عليا قهوي رجلك يا بنيتي

      وقفت رحت للصينيه حطيت له صحن حلا وقربت عنده وجدته توشوشه
      ابتسم على كلامها بلعت ريقي مديت يدي بالصحن :- تفضل

      اخذ من يدي الصحن وتبسم على جنب ورفع حاجب على طول رجعت مكاني وانا العن نفسي يوم طعت سعاد ولبست هالفستان لانه قصير لتحت الركبه واكمامه جبانيز وفتحته دائريه واسعه نوعا ما ماسك عند الصدر والخصر وواسع من عند الحوض لتحت هذا غير الخلخال اللي في رجلي اكيد شافه لانه طالعني لمن سلم علي من فوق لتحت والحين ما ادري وش قالت له جدته علشان يطالعني جذي

      وعيت من افكاري على صوته يقول :- اذا كان هذا يرضيك ولا يهمك
      اقنع عمي بو طلال واجيبها لك براس الخدمه لعندك

      ردت عليه وهي تنقل نظرها بين خالتي ام طلال وعمتي ام ماجد :-
      انا اقدر اجيبها عندي وهذي امها ام طلال تسمعني انتي وبناتك معزومين عندي على الغدا الاسبوع الجاي ...

      لفتت نظري كلمتها امها ما ادري ليش فرحت فيها بس تهدمت فرحتي لمن قالت عمتي ام ماجد
      :- من وين بنتها بعد يا ام مالك ترى عليا بنت نجاة ولا نسيتي

      شوي وكنت بقوم احب على راس خالتي ام طلال لمن قالت
      :- كيف ما هي بنتي يا ام ماجد دام هي بنت يوسف يعني هي بنتي
      ( وكملت كلامها وهي تناظر خالتي ام خالد ) ولا انا غلطانه يا ام خالد ؟!!!

      ردت خالتي ام خالد :- لا منتي بغلطانه وترى عليا من يوم صارت حرمه لخالد صارت بنتنا

      عمتي ام ماجد ما عجبها الكلام وقفت وقالت وهي لاويه بوزها :- ايييييه الله يهنيكم فيها ...اذا ما عليك امر يا ام خالد نادي لي ساره بروح البيت

      ام مالك :- ليه منت بقاعده تشوفي هديتي لعليا
      ردت عمتي :- مالي حاجه اشوفها يلا مع السلامه

      طلعت عمتي بعد ما وصت خالتي ام خالد الشغاله تنادي لها ساره وراحت وياها توصلها للباب
      لاحظت ان خالد خلص الحلاوه اللي في يده وحط الصحن على الطاوله اللي قدامه قمت اخذت الصحن وحملت دله القهوه والفنجال وقفت جنبه علشان اقهويه صبيت فنجال وقدمته له اخذه من يدي وهو يطالعني لمست يده الدافيه يدي البارده سحبت يدي بسرعه وزين انه ماسك الفنجال زين ولا كان انكت عليه

      عقب ما شرب القهوه طلعت ام مالك علبه وقدمتها لي مع دخول ام طلال
      :-هذي هدية الملكه ومنها ان شاء الله الى هديه العرس ( اشرت) فتحيها
      ابتسمت بأحراج :- ما له داعي يمه كلفتي على نفسش
      ام مالك :- لا كلافه ولا شي وتراها اقل من غلاتك

      تشاغلت بفتح العلبه واذوني عند خالد اللي قال :-
      افاااااا وانا مالي هديه ... واشوف الغلا راح لغيري بعد
      ضحكت ام مالك:- ترى ما هديتها وعزيتها الا من معزتك (والتفتت لخالتي ام طلال ) ما رديتي على عزومتي

      ردت خالتي :- وحنا ما نقدر نردك بس عليا بتروح البحرين تحضر عرس ولدخالها وبتقعد هناك اسبوع

      ردت ام مالك :- اذا كذا نأخرها للاسبوع اللي بعده ...سمعت يا خالد ؟
      فتحت العلبه لقيت فيها عقد ذهب يجنن مشغول بطريقه حلوه
      قلت لها :- مشكوره يمه
      ابتسمت لي وقالت :- ودي اشوفه عليك ( التفتت لخالد ) قوم لبسها العقد ما بتعرف تلبسه لحالها
      هاااااااا شنو يلبسني اياه لا اعترضت :- ما في داعي انا اعرف البسه بروحي
      لكنه قام والا اهتم اخذه من يدي وفتحه وقبل ما ينزل نفسه علشان يلبسني وقفت درت له ظهري وبعدت شعري علشان يعرف يسكر العقد
      ما صدقت متى سكره وقبل ما اشم نفسي مسك كتوفي ولفني في مواجهته مسك العقد ضبطه على صدري واول ما لامست يده صدري زادت رجفتي وما عرفت شلون اتصرف فعلى طول رجعت مكاني
      قال لجدته :- والله ان ذوقك حلو يمه
      ردت عليه :- ترى حرمتك اللي زينت العقد مو العقد اللي زينها
      ابتسم وطالع الساعه :- زين يا جده صار لازم اخليك غير اني ابي اكلم نجود (طالعني ) عليا قومي سوي لي طريق لغرفه نجود

      هذا وش فيه وش وراه اكيد ناوي على نيه ولا ما قال جذي وهو يعرف اني اول مره ادخل بيتهم وتوني بقول اني ما ادل غرفه نجود
      قالت ام خالد :- يلا يعليا وصلي رجلك لغرفة اخته
      قمت وانا حاسه ان وراه شي


      تــــــــركــــــــي


      عقب ما طلع خالد من المجلس وشاف طلال انه تأخر دق عليه
      :- وينك فيه ليه تأخرت وانا قايل لك ....
      ما كمل كلامه الظاهر ان خالد قاطعه
      :- طيب بس ربع ساعه بعدها بتوكل على الله ومو لازم وجودك
      قال خالد شي بعدها وصلنا صوت ضحكه
      سكر طلال جواله فقلت له بهمس
      :- انا اشوف انك تأجل السالفه لغير اليوم على الاقل علشان خاطر نجود
      رد بحده ومن تحت الضرس انما بصوت واطي :- انت لا تشوف شي
      وعلشان خاطر نجود بسوي اللي ناوي عليه اليوم علشان تفرح من بعد النكد
      ابتسمت :- علينا ...علشان نجود ولا علشان قلبك
      طنشني وواضح عليه التوتر خفت اتحرش فيه ازود يقوم يضربني

      جاء ماجد وجلس جنبي :- بطلع اليوم اسهر مع الشباب في الشاليهات
      وخاطري تجي معي

      ناظرته :-ما اقدر بكره عندي شغل بدري
      ما كأنه سمعني :-كلنا ورانا دوامات ... بس تدري يوم الخميس من يداوم بدري غير انك ولد صاحب الشركه يعني محد بيحاسبك

      رديت :- لاني ولد صاحب الشركه والحلال حلالنا لازم اداوم بدري واحاسب نفسي مثل ما احاسب غيري ولا راح الحلال بسبت الاهمال

      ما تراجع :- طيب وش رايك في بكره ليله جمعه يعني اجازه

      عدلت جلستي :- تدري يا ماجد انا ما احب اسهر في أي مكان او مع أي احد
      ماجد:-افاااااااا انا أي احد
      هزيت راسي :-انا ما قصدتك بس هم ما اعرف هاللي بتسهر معهم غير ان واحد من ربعي بيوصل بكره من لندن و وعدته اقضي اليوم معه

      ما اقتنع ماجد لكنه سكت دخل على نهايه حديثنا خالد وعلى وجهه ابتسامه ما اعرف كيف افسرها كأنه داخل حرب وكاسبنها ابتسامه فيها فرح ومكرجلس جنب طلال وواضح انه سرحان في اللي مخلي مزاجه متغير كذا المهم دام مزاجه تمام هذا معناه ان نجود صارت تمام وهمها كله راح اما طلال اللي ما كان ملاحظ أي شي والسبب الي شاغل باله
      قال لخالد :- اخيرا شرفت
      التفت له خالد :- طيب لا تاكلني وروح اجلس جنب ابوك وتوكل على الله
      فعلا طلال طاع خالد وراح لعند ابوه وهمس في اذن ابوه بعدها لاحظت ان عمي قطب حواجبه وقال شي لطلال
      رجع طلال وهمس في اذن عمي ساعته عمي ابتسم وهز راسه
      التفت عمي لابوي وقاله
      :- يا بو خالد انا اليوم جاينك وابي اخطب بنتي العنود لولدي طلال

      ابوي ناظر طلال بعدين قال لعمي :- والله البنت بنتك ... وطلال اولدي ما ينرد واذا على الخطبه انت تدري انهم من زمان مخطوبين لبعض

      رد عمي :- تسلم ياخوي بس ترى هالخطبه طولت وانا اقول نبي نملك عليهم
      ابوي ناظر طلال وقال :- بس انت تدري ان البنت ما تبي تتملك
      قبل ما تخلص دراستها
      عمي بعد ناظر طلال وبعدها قال لابوي :- يتملكون اللحين وبعد ما تخلص دراستها نزوجهم

      رد ابوي :- ما اقول الا اول اشوف وش راي البنت
      هنا تكلم عمي ابو ماجد واظن ان طلال اكيد كان وده يقوم يحب راسه
      :- وش تشور فيه البنت بعد ...ترى البنت محيره له من زمان واذا ما ملكوا اليوم بيملكون اللي بعده وانااقول خير البر عاجله

      ناظر ابوي طلال وقال له :- هاا يا طلال متى تبي تملك ؟
      طبعا طلال كان يبي الملكه في اقرب فرصه بس عمي اجلها اسبوعين علشان الكل يلحق يجهز حاله غير ان عليا الاسبوع الجاي بتكون في البحرين


      خــــــــالــــــــد


      تعمدت ان عليا هي اللي تسوي لي الدرب بس علشان اكلمها خاصه عقب اللي قالته جدتي وعلى باب مجلس النساء قالت عليا
      :-خالد انا اول مره ادخل بيتكم وما ادله
      ابتسمت :- انا ادل وكل اللي ابيه تشوفين اذا نجود معها احد او لا
      اشرت لها على جهة الدرج وقبل ما ترقى الدرج التفتت لي وقالت
      :- خالد بغيت اكلمك عن روحتي البحرين انا...
      قاطعتها عمد :- مو وقته اجلي الموضوع لوقت ثاني
      ردت على وعيونها مليانه رجى :- بس زواج جاسم عقب كم يوم واخاف ما يكون عندك وقت قبلها
      ما ادري ليش نظرتها هذي اضعفت قلبي وخلتني من المستحيل افكر في اني اردها لكني قلت :-بس انا اللحين مشغول خليها لبعدين
      عضت على شفايفها :- بعدين متى ؟؟
      وقبل ما ارد عليها جاني اتصال من طلال يستعجلني علشان يبي يخطب العنود اللحين وبوجدي وعقب ما سكرت الجوال ناظرت عليا وقلت لها

      :-شفتي هذا طلال يبيني ضروري ويهددني ما اتأخر اكثر من ربع ساعه
      فاذا ما شفتك الليله دقي علي وباشوف موضوعك

      واضح ان كلامي ما عجبها لكنها استسلمت دليتها على الطريق لغرفه نجود وقلت لها :- هذاك باب غرفة نجود بس شوفي لي الدرب وانا بانطر هنا

      وبعد شوي رجعت العنود وقالت :- تفضل نجود بروحها
      بس لفيت بروح لنجود لمست عليا كتفي وقالت وواضح على وجهها الحرج :- وين غرفة العنود ؟

      ابتسمت ورفعت حاجب :- تدرين اول دخلي معي لنجود وبعدين ادلك على غرفة العنود

      دخلت غرفة نجود ودخلت عليا وراي شفت نجود متضايقه وللحين اثر البكى باين على وجهها جلست جنبها على سريرها ومسحت على شعرها
      :-ممكن اعرف وش اللي مزعل الحلو
      رمت نجود نفسها في حظني وقالت وهي تصيح :- ما ابيه ما ابيه
      امم امم اهئ اهئ ما ابي اتزوج ما ابيه
      حظنتها حاولت اهديها وشوشتها في اذونها :- خلاص اللي تبينه صار
      رفعت راسها تناظرني برجا وعيون غرقانه بالدمع :- جد؟!!
      ابتسمت وانا العب في شعرها :-وجد الجد بعد انا من الاصل ما كنت ابيك تعرفين
      قطبت حوجبها :- ليش ؟
      اشرت على راسها :- لاني ما ابي اشغل هالراس والقلب بمواضيع ما لها داعي ( وقبل ما تعترض كملت ) لاننا مستحيل في يوم من الايام نزوجك لواحد ما يعرف قدرك انتي اذا بنزوجك نزوجك للي يحفظك ويصونك وفوق هذا يحبك بعد
      خجلت نجود بعدت عني وقالت :- بس انا ما بتزوج ...يكفيني انتم حولي
      شديت خدودها :- بس حنا مو دايمين لك
      بوزت :- لا تقول جذي ترى انا ما اقدر استغني عنك
      تذكرت ان عليا موجوده معنا فقلت :- لا تقولين كذا قدام عليا تراها تغار
      التفتت نجود لعليا وضحكت وانا حسيت نظرات عليا ترمي سهام
      قالت لها نجود :- لا تخافين مكانك بقلبه محفوظ ولا حنا مالنا الا الفتافيت
      ردت عليا :- وليش اغار ما في شي يخليني اغار
      اما انا فوقفت وحبيت راس نجود :- اخر مره اشوف هالدموع ...ويلا انا بروح ترى طلال يستناني
      وصلت عند الباب وتذكرت ان نجود ما تعشت :- وتعشي قبل ما تنامين
      (اشرت لعليا ) تعالي
      طلعت من غرفة نجود وقلت وانا اتأملها :-عليا وش سويتي لجدتي
      ما فهمتني بعدين ناظرتني بتحدي وقالت :- سحرتها مثل ما سحرت الكل
      بس الظاهر سحري على ناس وناس
      عجبني انها انغاضت فواصلت :- ومن هالناس عمتي ام ماجد ؟
      تنهدت وناظرتني في عيني :- وساره (رفعت يدها واشرت علي ) واولهم انت
      مسكت يدها تأملت الدبله :-اذا صنتيها اكيد سحرك بيتمكن مني
      نظرتها تبدلت ذهول وبعدين خجل حمر خدودها وقالت بهمس
      :- مو انا اللي يأمنوني واخون الامانه ...لكن عيبي اني ما اعرف اسحر
      كان ودي احظن وجهها بين يديني لكني تركت يدها وقلت
      :-الوقت بيحكم اذا انتي قد الامانه أما عن السحر فعيونك مليانه سحر
      ازدادت حمره خدودها نزلت راسها وسألت بارتباك :-وين غرفة العنود ؟

      اشرت على غرفة العنود تركتها وانا نفسي ما ني عارف شلون قلت هالكلام الظاهر ان كلام جدتي اثر على دخلت المجلس وانا افكر بان اللي سويته جرعة كبيره على عليا معقوله تكون فعلا تأثرت معقوله تكون كلماتها صادقه مثل ما توحي عيونها ولا فعلا عيونها مليانه سحر مثل ما قالت جدتي ابتسمت على جنب لمن تذكرت جدتي تقول ((قول الصراحه
      هالسحر كله ما هز قلبك والله اذا مو سحر عيونها حركك اكيد حلاوة روحها وجمال اخلاقها ومبسمها نساك حالك وخلاك تتوه )) هي فعلا خلتني اتوه اتوه من الحيره في امرها مو من شي ثاني رغم ان كلام جدتي شغلني وخلاني افكر اعطيها فرصه واشوف وش ممكن يجي منها
      واولها وش بتقول يا ترى علشان ترد البحرين وخلني اشوف حيلها


      طولت البارت
      ادري ان ما جبت شي عن هاجر
      او حتى وش صار بين البنات في غرفة العنود ؟
      وش رد فعل عليا على كلام خالد؟ وش بتقول له علشان تخليه يوافق على روحة البحرين من غير شوشره؟

      والاهم العنود وش رد فعلها اذا عرفت عن ملكتها القريبه؟
      وش اللي ينتظر تركي البارت الجاي؟
      وش راح تسوي

      وش صار في البحرين وش ممكن يصير


      انتظر ردودكم وتعليقاتكم
      اعذب وارق التحايا

    6. #21
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة


      ((الجزء الحادي عشر))

      (ضــــــــيــــــــاع)


      اسوء شي انك تتوه وتحتار في نفسك ما تدري انت وش تحس فيه بالضبط ولا انت قادر تحدد سبب تصرفك ... او انك تعرف لكن في شي في دخيله نفسك يمنعك من الاعتراف فيصور لك غرورك وكبريائك
      اسباب بعيده عن الواقع كل البعد


      ســــــــــــاره


      قعدت على سريري وفتحت الاب توب ومن الملل ما عرفت وين اروح مالي خلق افتح المسن واكلم احد فقلت اروح اتسلى في الشات لكن روحي المعنويه ما ساعدتني كل من هالعجيز لو بس تموت وتريحني احسها عظم واقف لي في البلعوم طول عمرها تنقد تصرفاتي ...سكرت الاب توب بقوه ادري انها حابه الحيه علياء بس علشان تغيضنا انا وامي
      ...وهذيك مثل الحيه عرفت شلون تحبب العجيز فيها ... تأففت وانا اتذكر امي في السياره تقول لي
      :-ما سمعتين العجيز تبي تحرني تقول جايبه للمقروده هديه لااااااااا وتنبيني اجلس اشوفها

      ما كان كلامها هامني لكن انقهرت اكيد هديتها مب قليله فسألت :-وش جابت لها ؟

      ردت امي وهي تلوي بوزها :- ما شفت شي قهرتني العجيز ما حشمتني حتى قدام خالد وانا في بيت اخوي عازمه الكل قدامي على غدا عندها
      ...وانا حتى ما عزمتني ولو رفع شره

      ناظرت امي :- بس المقروده ما بتروح لان اللي فهمته من وداد انها بتروح البحرين تقعد لها اسبوع هناك

      تنهدت امي :- مو عشان كذا اجلوا عزومتهم لرجعتها

      تدخل ماجد:- الا ماقلت لكم...اليوم طلال طلب العنود من عمي
      لويت فمي :- ما جبت شي جديد
      ناظرني من المنظره :- الجديد انهم حددوا الملكه بعد اسبوعين
      رفعت حواجبي وشهقت :- صدق !!!بس لا وداد ولا العنود جابوا سيره
      ابتسم ماجد:-لانه شي ما كان مخطط له( ونادى امي ) شفتي يمه هذا طلال وبيملك يعني ماله داعي استنى لش ما نتوكل على الله ونحدد ملكتي على وداد مع طلال

      اعترضت :- لا ما يصير نبي كل واحد ملكته لحاله علشان نلبس ونفرح
      بوز ماجد :-وانتي من اخذ شورك
      لكن امي ردت :- وانا اقول اركد احسن و اختك عندها حق انا ابي افرح فيك لحالك (انتبهت امي لان ماجد ما عجبه الكلام فقالت تراضيه )
      لا تخاف بتكون قريب ان شاء الله بس بعد ملكت طلال
      رديت :-بس الدراسه بتكون ابتدت و.........
      قاطعني ماجد:- سكتى بس اللي يسمعك يقول مقطعه حالها في الدراسه

      ما حبيت ارد عليه لان في شي ثاني شاغل بالي عزومة العجيز للحيه عليا لازم امنعها او على الاقل اضمن ان عليا ما تروحها خاصه ان العجيز مو هينه لها مكانه وغلا عند خالد فوق الكل واذا تقربت من عليا
      بتهد كل شي انا مخططه له


      العنــــــــــــــــود


      طول ما حنا قاعدات في غرفتي وساره تتأفف من تركنا الجماعه وحبستنا في الغرفه ادري ان الفضول ذابحها تبي تعرف وش يصير تحت
      لكن وداد اللي صايره ما تستحمل شي من ساره قالت لها
      :- ومن متى يا ساره تحبين تجلسين مع الجماعه طول عمرك تقولين جلست العجايز تملل
      ردت ساره :-ادري بس كان خاطري اجلس مع خالات العنود من زمان ما جلست معهم
      ابتسمت الطف الجو :-اذا على خالاتي ولا يهمك انزل اناديهم لك اللحين
      مسكتني ساره :- خلاص ما له داعي (سكتت شوي بعدين سألت ) الا ما
      قلتي لي جدتك وش تبي علياء فيه؟
      رفعت كتفي وقلت :- علمي علمك
      ابتسمت وداد:- يحليلها ام مالك احسها حبت عليا من اول نظره
      ناظرت وداد:- عندك حق اول مره اشوفها تعامل احد بهالطريقه
      تدخلت ساره :-الله العالم بعد ما تعرفها اكثر وش يكون رايها فيها
      ما عجب وداد الكلام وخفت تثور وتقول شي يجرح ساره فقلت
      :-اكيد بتحبها زود يعني من ناحيه عليا حبابه ومن ناحيه ثانيه زوجه الغالي
      في هالوقت دخلت الخدامه تنادي ساره طلعت ساره والتفتت لوداد
      :-هالمره ابيك تردين علي بصراحه من غير ما تتهربين
      ابتسمت وداد:- وانا من متى اتهرب او حتى اخبي عنك شي
      ناظرتها بجديه :-طيب بنشوف (تربعت على الكنبه وقابلتها )حطي عينك في عيني وقولي لي بصراحه وش بينك وبين ساره؟
      ولا اهتزت وداد وكل اللي قالته :- غير اللي تعرفينه ما بينا شي
      قربت منها :- من غير لف ودوران ليش تعاملينها كذا بجفاف وعدائيه

      سحبت وداد نفس طويل وزفرته بقوه :-لان حالها مو عاجبني من تعرفت على هالبنات وهي في النازل وكل ما نصحتها ما تسمعني وانتي تعرفين شقد ساره تهمني

      بعد ما عجبتني اجابتها :- هذا شي نعرفه من اول ما دخلت الجامعه بس بعد ما كنت كذا معاها (رفعت صبعي احذرها )وداد لا تكذبين

      نزلت راسها :-بتعرفين بس في وقته واذا تأكدت اكثر
      كنت بصر عليها تعلمني بكل شي اللحين بس دخول سعاد منعني
      قعدت قبالنا وقالت :- خالد عند نجود ...(ناظرتني بتوسل )اكيد يقول لها ان السالفه انحلت وما له داعي تزعل مو؟
      ابتسمت :-ما ادري بس ملامح خالد لمن دخل البيت كات تقول انه مرتاح وان كل شي تمام
      وحنا على هالموضوع دخلت عليا على طول غمزت لها وقلت :-واخيرا تعالي جنبي يا مرت اخوي
      جلست جنبي وشكلها في عالم ثاني دزيتها وقلت :- احم وش صار ؟
      ردت بنبره هاديه :- ما صار شي
      وقبل ما اسألها انتبهت وداد للعقد وقالت :-الله يهبل من وين لك ؟
      طبعا ساعتها كلنا التمينا حواليها ضحكت وقالت :-تركوني بفكه واعطيكم تشوفونه ...وهذا من عند امي ام مالك

      سعاد:-الله وطلعت ام مالك ذوق وحنا ماندري
      رديت عليها :- هاااااااااا كل شي ولا جدتي

      شوي الا نجود دخلت وطمنتنا عليها وبعدها قالت :- عنوده عنادي جوعانه ابي عشى
      ضحكت على حركتها وقلت :-والله عشاك وعشى الانسه سعاد في المطبخ
      سخنيه على الميكرويف واكلوه (تذكرت الحلا فقلت علشان احرج عليا ) ولا تلمسون الحلا اللي في الثلاجه ترى عليا موصيه عليه ما يضوقه احد قبل خالد...
      البنات صفروا وهي احمرت وقالت تدافع عن نفسها :- بس انا ما وصيت على شي و......
      قاطعتها :- انتي ما وصيتي بس الاخ من شاف الحلا عرف انك مسويته
      وهدد محد يمد يده عليه(غمزت) تتبعين مخطط الطريق لقلب الرجل معدته ؟
      دزتني عليا وقالت :-صدق انش مثل اخوش ما تستحين لكن الله يوريني فيش يوم

      ردت نجود:-زين انا جوعانه (اشرت على لبسها )ومالي خلق انزل كذا
      (ميلت حالها تدلل علي )هاتي لي العشا
      تخصرت :- لا والله خدامتك ؟؟؟؟؟
      وقفت وداد :- خلاص لا تتخانقون انا بنزل اجيب لكم عشا (ناظرتني ) في احد من الشباب تحت ؟
      رديت :- لا كلهم في المجلس


      تــــــــــركـــــــــــي


      ضايقه فيني الدنيا واحس اني اذا طولت في المجلس بختنق توني كنت
      فرحان حيل لطلال والعنود وكسر ماجد فرحتي ومسك روحي وعصرها لمن همس في اذني سم
      :-وش رايك اكلم ابوي نخطب وداد ونملك مع طلال
      حسيت النفس انقطع عندي وحاولت اشهق علشان اخذ نفس فتحت زر الثوب وقلت بصوت مبحوح
      :-وليه العجله خلكم على كلامكم الاولي احسن
      ما طاعني:-لا خير البر عاجله وخلني استغل الفرصه اخاف ما تتكرر

      توه بيقوم يكلم ابوه لكني سحبته من كمه كان ودي اصرخ فيه وقف لا تروح على الاقل استنى الى ان اطلع بعدين تناقش في موتي لكن كل اللي قلته :- تعال اصلا مهي بعدله تخطب البنت هنا انا اقول الكلام يصير في مجلس ابوها احسن
      قبل شوري على مضض اذا انا نفسي مو مقتنع بكلامي لانه بيأخر المصيبه لكن ما بيمنعها بس بعد اهون لاني بكذا اقدر ابعد ولا احضر دفن قلبي وعزا روحي
      طلعت ابي اشم هوا ابي اتنفس لفيت للحديقه الخلفيه ولمن قربت عند المطبخ سمعت حوسه هذي اكيد العنود او نجود دخلت لقيتها فاتحه الثلاجه تحوس فيها تنحنحت :- عندي لك خبر بمليون ريال
      ما في حس درت ظهري :- عنوده اقول.........
      تجمد الكلام على لساني وانا اشوفها قدامي مذهوله ومتجمده مكانها ونطقت :- انت ما تستحي تدخل من غير ...
      قاطعتها ابرر :- بس انا كنت احسبك العنود
      ما قبلت عذري لانها صرخت :- اييييه وتبيني اصدق انك مو قاصد مو هذا اللي ناقصك غرور وتكملها بـ....
      ما كملت لاني طلعت من المطبخ خلاص ما عادت الدنيا توسعني ماادري وين اولي وين اروح على طول رحت لسيارتي ركبتها وسقت وضليت كذا الى ان وصلت اطراف الرياض في الصحرا فتحت الدريشه علشان نسايم الليل تلفحني وترجع لي نفسي لكن هيهات ترد لي الروح... اليوم شفتها اخذت روحي في اول زفره زفرتها في وجودها وما ردتها لي
      ...شعرها هذا هو ما تغير لونه نعومته ولا عيونها وسعها كثافة هدبها وشفافية نظرتها ااااااااااه من عيونها ما صوب قلبي غير عيونها وما حرق روحي ونثرها رماد غير نظرة الاحتقار في عيونها ...شفت وليتني ما شفت شكثر موبس كارهتني الا محتقرتني بعد

    7. #22
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((وداد))


      ما ادري شلون جتني الجرأة وقلت هالكلام وليش قلته اساسا وش اللي خلاني واقفه وما تحركت من مكاني ...احس اني غلطت عليه انا بعد بدل ما اترك المكان قعدت اتساير معاه ...لكن هو كذا دايم وجوده يستفزني ويثيرني فشلون وهالموقف حاصل معاه والغريب انه اول مره ما يلقى كلام يسم بدني فيه ويغايضني ...الصراحه ما ادري لكن عيونه كان فيها شي ما ادري هم او تعب وعقب ما صرخت عليه شفت في عيونه نظره اول مره اشوفها كأنها انكسار او حزن او........ اوووووه انا ما ادري ليش شاغله بالي فيه وهو اكيد ولا على باله اللي صار .... رجعت الوم نفسي بس انا قطيت كلام قاسي ما خليت مغرور ولا صايع وقليل حيا واخلاق ... نزلت الدموع اللي كانت متجمعه في عيني كرهة نفسي اني بكيت وكرهته اكثر انه بكاني...رجعت انفض راسي من هالافكار على اخر الزمن افكر في تركي بصراحه هو يستاهل محد قال له ما يستأذن ....
      تذكرت البنات حملت صينية العشا ورقيت فوق


      علـــــــــيـــــــــاء


      ماني مصدقه اني في طريقي للبحرين فرحانه اني بردالبحرين لدرجه ان وجود خالد جنبي مو مضايقني او حتى مزعجني لكنه طلع روحي علشان في النهايه يوافق تذكرت ذيك الليله انشغلنا بخبر ملكة العنود قمنا نصارخ من الفرحه وكل وحده تحظنها وتبارك لها وكأنه يوم ملكتهاوما لاحظنا انها جامده ولا على بالها والغريبه ان حتى وداد القريبه منها حيل ما لاحظت الظاهر ان في شي شاغل بالها ومخليها مو على بعضها...لكن نجود لاحظتها وطلعت البنيه مو عارفه شلون تعبر عن شعورها... فرحتها كانت اكبر من انها تعبر عنها ببسمه او حتى صرخت فرح وخجلها اساسا منعها من هالشي غير انها كانت مقهوره ان كل شي صار بشكل فجائي ومو بالصوره اللي كانت مخططه لها فكان التعبير الوحيد اللي فجرت عواطفها فيه انها تبكي وبحرقه وكأنها لا سمح الله فاقده حبيب

      طبعا نسيت ليلتها اكلم خالد او بالاصح ما تذكرت الا بوقت متأخر فاستحيت اكلمه ...حاولت اتصل فيه يوم ثاني لكنه ولا عبرني مارد واخرتها قطع الاتصال في وجهي وعقبها بربع ساعه اتصل فيني
      :-سلام ...عسى ما شر داقين علي
      ما عجبتني لهجته :-وعليكم السلام ... انت قلت لي ادق عليك
      حسيته ابتسم بخبث لانه قال :-والله بس اللي اذكره ان المكالمه المفروض تكون البارحه مو اليوم
      اكتئبت ليكون بياخذها حجه وما بيخليني اتكلم :- بس حنا ما رجعنا البيت الا متأخر وخفت ادق عليك ازعجك
      رد ببرود :- واللحين اتصالك ما ازعجني ؟
      احرجني ليكون فعلا كان مشغول وانا ازعجته حاولت اتعذر
      :- ما كنت ادري انك مشغول حسبت ....
      قاطعني :- ما صار الا الخير وما له داعي تتعذرين وانا لمن قلت دقي علي ما حددت الوقت (سكت شوي )وهذا انا اقول لك الوقت قدامك مفتوح متى ما حبيتين دقي

      ما عرفت وش ارد عليه :-زين ...ما قلت شلون عن عرس جاسم ؟
      احسه كان يلعب باعصابي :- تبين تروحين ؟
      جاوبت بسرعه :-اكيييييد هذا ولد خالي محمد
      سأل :- لهالدرجه غالين عندك ؟
      ابتسمت :- مو انت ما تعرف خالي محمد ولا خالتي ام جاسم ... تراها في حسبة امي وما عندها بنات فمو عدله البنت ما توقف مع امها في عرس اخوها
      خالد باستتغراب :- اخوها؟
      ابتسمت :- تقدر تقول انا متربيه بين عيال خوالي وكلهم في حسبة اخواني وخواتي
      رد :-طيب علشان جدك وخالك بتروحين البحرين...وحسبة خواتي على عيني وراسي لكن حسبة اخواني انسيها
      هذا وش فيه لازم يغثني بس بعد فرحتي غطت على كل شي الى ان قال
      :- طبعا ما بتروحين لحالك وبما ان الكل مشغول فبتروحين معاي
      لا اراديا قلت :-شنو؟!!!وابوي وطلال ؟؟؟
      رد علي :- وراهم اشغال ...وعمي لمن عرف ان عندي شغل في البحرين
      ترك جملته معلقه بمعنى فهميها ابوش اللي امرني مو مني لنفسي لكن احساسي كان يقول انه كان مخطط لهالشي..... انتقل تفكيري لهاجر يا ترى وش صار عليها وليش ما ترد على موبايلها فقلت ادق على بيتهم لكن تراجعت خلني افاجئها باني صرت في البحرين احسن وصلنا على باب البيت نزلت ونزل خالد وراي ينزل شنطتي فتحت باب البيت الوقت اللحين ظهر واكيد جدي في المسجد ترك خالد الشنطه على الباب من داخل وقال :-يلا ...واذا احتجتي أي شي دقي علي
      دار ظهره لكني وقفته :-خالد (طالعني وفي عيونه سؤال وش تبين؟ )
      اقول يعني ما بتجي تتغدى عندنا ؟
      ابتسم :-لا... الجايات اكثر اخليك ترتاحين
      وقفته مره ثانيه :- زين وين بتاكل وبتبات؟ و... ما بتجي تسلم على جدي؟
      قرب عند الباب :-وش افهم هذا اهتمام فيني او.......؟؟
      تراجعت خطوه على ورى :-هااا ابدا بس جدي اكيد بيسألني عنك
      ضحك :- قولي له خالد بيمرك العصر ...وساعتها برد على كل اسئلته
      مع السلامه
      سكر الباب اووووووووف وانا لازم احرج نفسي وياه ما ادري ليش دائما يفسر كلامي على كيفه ياحبه لانه يحرجني
      عقب ما صليت تذكرت هاجر دقيت عليها وابد ما ترد واخيرا قررت ادق على بيتهم :-سلام عليكم
      رد علي صوت اظنه صوت سالم :-وعليكم السلام نعم امري اختي؟
      :-هاجر موجوده
      سأل :-من يبيها ؟
      وش عليك انت من يبيها صدق ثقيل دم :-قولها بنت جيرانكم ابو محمد
      رد بدفاشته :-هلا بالجاره هلا عليا لحظه اناديها
      اوف يحسب نفسه خفيف يا ثقلك (تخرعت لاني سمعت هاجر ):- هلا
      رديت :-بس هذا اللي قدرتين عليه (ما ردت فواصلت ) زين هجور انا في البحرين
      ردت من غير حماس :- متى وصلتين ؟
      لا هذي مو هاجر اكيد فيها شي :-هجور وش فيش ؟ ولا اقول تعالي عندي وقولي لي كل شي
      ردت وكأنها بتصيح :- عليا انتي تعالي عندي ضرور ي ابي اكلمش
      خوفتني نبرتها فوعدتها :-خلاص ولا يهمش على اربع بكون عندش


      هــــــــــــــاجـــــــــــــــــر


      ما ادري ليش مجرد ان عليا جنبي هالشي ريحني يمكن لانها الوحيده اللي تحس فيني وتعرف عني كل شي في البدايه ما عرفت وش اقول بعدين ابتديت معها من خلصت مكالمتي وياها......
      :-ما وعيت لنفسي الا وانا بغرفتي في البدايه ما استوعبت وش اللي صار الظاهر اني كنت احلم لكن الالم اللي براسي واثر الضربه على جبيني قالت شي ثاني غير موبايلي اللي اختفى
      استغربت عليا :- اختفى وين راح ؟ وما دريتي وش صار بين حمد وسالم عقب ؟
      ابتسمت بتهكم :-قولي من خذاه(سألت بنظره من؟)سالم اخذ موبايلي وللحين ما رده اما عن اللي صار فما عرفت الا عقب يومين
      فتحت عليا عيونها على وسعها :- يومين ؟!! يعني امس ...وش هالبرود معقوله ما سألتي قبل
      حطيت يدي على وجهي ومسحت شعري على ورى :-ما عرفت وش اسأل ومن اسأل حاولت اسأل امي بس خفت اني اسوي فضيحه وانها ما تعرف شي اساسا بس عقبها بيومين دخلت امي غرفتي وقالت لي
      :-يمه يا هاجر بكره بيجونش خطاب وجهزي نفسش
      شهقت عليا :-خطاب اليوم !!! ومن هذولا ؟
      ارتفعت حرارتي ودمعت عيني :- حمد يا عليا
      ابتسمت عليا ودزتني :-خرعتيني وبعدين تقولين لي حمد (مسحت دموعي وضمتني ) المفروض ترقصين من الفرح مو تصيحين

      صحت زود وقلت من بين شهقاتي :- مو انتي ما تعرفين وش صار
      فكتني عليا :-هاجر لا تلعبين باعصابي يعني وش صار ؟

      اخذت نفس علشان اهدأ وقلت :-عقب ما قالت لي امي ما صدقت انا بنفسي سمعت حمد يقول انه يحب وحده وبيخطبها فوش اللي يجبره يخطبني الا اذا سالم مسوي له شي فرحت لسالم لكنه بكل بجاحه قال لي اسألي ابوش هو اللي كلم ولد خالتش مو انا (سكت ما عرفت اواصل تذكرت شعوري بالحرج شلون اروح اسأل ابوي وش صار وليش حمد بيخطبني ) استجمعت قوتي ورحت له تدرين وش قال ؟؟؟؟

      مسكت عليا يدي وقربت مني :- انا واثقه ان عمي بو عيسى تصرف صح (ابتسمت )ما اظن انه تصرف بتسرع او حتى من غير ما يسمع حمد واكيد انه اكتفى بالي قاله حمد ولا كان سألش انتي بعد

      ابتسمت :-يمكن يكون توقعش للاحداث صح بس ما فكرتين اذا السالفه جذي وش اللي دفع حمد لخطبتي وعينه على وحده ثانيه ؟

      طالعتني عليا بنظرة استفسار :- ما ادري ....حيرتيني

      تأملت اظافري وقلت :-ابوي دخل البيت وانا مرميه عند الجدار وسالم ماسك حمد من ثيابه يهدده طبعا صرخ ابوي في سالم يترك حمد وطاعه واشر لهم يدخلون المجلس ساعتها حاول يصحيني وخذاني على غرفتي وانا بنص وعيي بعدها رد لهم سمع منهم وطلب يكلم حمد بروحه
      (سكت الكلام وقف في حلقي ما قادره اتكلم )
      حطت عليا يدها على كتفي ضغطت عليها تواسيني :- حبيبتي اذا ما تبين لا تقولين
      حطيت يدي على فمي علشان ما اصيح :- ابوي شاف ان سالم غلطان لكن اصواتهم وصلت للجيران وهذا سوى شوشوره في الفريج (صحت من قلب طلعت كل اللي كنت كاتمته من سمعت السالفه ) وعلشان محد يقول ان السبب في هوشتهم هاجر وعلشان محد يتكلم علي (رجعت اصيح )

      حظنتني عليا :-خلاص سمي بالرحمن ولا تسوين في روحش جذي واذا
      كان هذا تفكير حمد فنعم الرجال اللي يفكر في شوفاته قبل ما يفكر في نفسه
      عطتني كاس ماي وهي تسمي علي بالرحمن شربت شوي بعدين قلت :-
      مو هو ...ابوي اللي عرضني عليه مثل أي شي يعرضونه في السوق
      (كملت من بين شهقاتي )انا يا عليا يرخصني ابوي وبهالطريقه (ضربت خدي ) لا والاخ حمد رد على ابوي انه بيفكر يومين بعدين بيرد عليه

      حظنتني عليا الى ان هدأت وقالت :- انا اقول قومي توضي وصلي لش ركعتين لله علشان تهدين وترتاحين (ابتسمت ) ترى اليوم بيجي حمد يخطبش وش تبينه يقول عنش جيكره

      دزيتها :-يحلم انا اصلا احلى منه ومن الصايعه اللي يحبها ويحمد ربه اذا وافقت عليه

      استغربت عليا بعدين ضحكت :-من جد تتكلمين ؟(هزيت راسي ايه فكملت)خلاص ولا يهمش ما دام في مجال ان توافقين او لا رفضيه
      (مسكت خدودي شدتهم ) ولا تقولين ان عمي رخصش لاحد

      مسحت دموعي وقفت وقلت :- مثل ما تكبر ورد بعد يومين انا بعد بخليه ينطر يومين وبعدين برده

      ابتسمت عليا :-هذي هاجر اللي اعرفها بس اقول اخذي هاليومين وفكري فيهم بجديه ترى حمد مثل ما تعرفين رجال كامل والكامل الله
      ما ناقصه غير هالسنه ويتخرج (حطت يدها على قلبي ) وشاوريه اذا رفض رفضي واذا وافق وافقي

      ميلت فمي على جنب :-هه وش الفايده وهو يحب وحده ثانيه

      ابتسمت عليا:-احساسي يقول انها مو احسن والا احلى من بنت جاسم
      وان بنت جاسم اذا بغت قدرت تنسيه الدنيا كلها مو بس بنت وحده

      دخلت اتوضأ طلعت لقيت عليا مجهزه جلابيه شك خفيف مخصره وقالت :-هذي انسب حاجه وتكشخي وغيضي جواهر
      لبست جلالي :-ما له داعي لان جواهر مجرد تعرف ان حمد بيخطبني اكيد انفجرت من القهر وثانيا انا عندي ثياب اكشخ من جذي
      غمزت :- بس هذا الوحيد المحتشم اللي يناسب الشوفه
      شهقت :-نعم ومن قال ان في شوفه
      ابتسمت عليا وكأنها تشمت علي :-مو يمكن يطلب يشوف الحاجيه

      تذكرت اول ما رجع من السفر لمن شافني متغطيه وقال لي حاجيه رفعت المخده بحذفها على عليا لكنها جت في الباب اللي سكرته


      حــــــــــمـــــــــــــــد


      صعقني طلب عمي بو عيسى ما توقعت انه يعرض علي اتزوج هاجر في البدايه تحججت باني ما اشتغل فشلون اخطب لكنه قال مو مشكله اللحين خطبه واذا اشتغلت اتزوج ما عرفت وش ارد عليه فطلبت مهله يومين

      في هاليومين كان كل تفكيري شلون اتزوج وحده ما اعرف عنها غير القليل من طفولتها اذكرها كانت متينه وخدودها حمر وماترضى تتمشط ولبسها دائما صبياني وكانت دائما تلعب مع الاولاد وما عندها من البنات ربع تلعب معاهم غير بنت جيرانهم .....صار لي سنين ما شفتها وتقريبا ما اعرف عنها غير انها من خلصت ثنوي قعدت في البيت .......اففففففف ما فيها شي من الي اتمناه كنت احلم ان زوجتي تكون ناعمه كلها انوثه مثقفه تحاورني تناقشني نظرتها وبسمتها تسحر وكلامها ....مو وحده مثل هاجر نظرتها كلها تحدي وكلامها سم صبياينه وعنيفه والله يستر يمكن تكون جيكره وللحين متينه حتى اخر مره شفتها ما لحقت اشوف ملامحها من كثر ما قهرني كلامها
      ما قدرت ارد على عمي بو عيسى اني ما ابي بنتك وش اقول له وش عيبها... بما ان كلامها هذاك اليوم يدل على انها ما تقبلني ولا تطيقني قلت يلا انا بروح اخطبها واكيدهي بترفض وبتفكني
      فقلت لامي واصريت على خطبتها بالاول عارضوا لاني ما اشتغل بس لمن اصريت وقلت انها مجرد خطبه وافقوني
      وهذا انا اليوم في بيتهم عقب ما خطبها ابوي طلبت اني اشوفها طبعا سالم عارض لكن عمي بو عيسى قال انه من حقي

      دخلت لقيت امي وخالتي في الصاله واشر علي سالم ادخل وحده من الغرف شكلها مجلس النساء قعدت انطرها انفتح الباب و........




      انتهى البارت
      في انتظار تعليقاتكم وردودكم
      اعذب وارق التحايا

    8. #23
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء الثاني عشر))

      (ألوم قلبي)


      في بعض المواقف يكون رد فعلنا اقل مما نتوقع ويحسسنا بعدم الرضا عن انفسنا لان الموقف كان يستحق رد فعل اقوى من هذا بكثيييييييير .....وش اللي يمنعنا ؟؟؟ ما ادري!! احيانا تربيتنا
      واخلاقنا واحيانا صدمتنا و ذوهولنا واحيانا كرامتنا ....لكن الغريب ان الامر اذا تعلق بأحد نقدره او نعزه او نحبه دائما دائما نتناسى هالاسباب ونتهم نفسنا بالضعف
      ونلوم قلوبنا


      علـــــــــــــــــيــــــــــــاء


      رديت من عند هاجر وانا قلبي معاها شاغله تفكيري ومخليتني سارحه في عالم ثاني سكرت باب البيت تقدمت بس خطوتين وصدمت بشي شهقت بقوه وقبل ما استوعب اللي يصير حولي سمعت زوجة خالي محمد تناديني
      :- هلا بعليا تو ما نور البيت (تقدمت مني ولمتني لصدرها بقوه ) الحمد لله على سلامتش يمه
      قاطعتها ناديه بنت خالي سعود :- عاد يام جاسم تركي لنا مجال شوي
      وتقدمت مني وسلمت علي دخلتهم الصاله وقبل ما اسكر الباب تلفتت ما لقيت احد في الحوش
      الظاهر انه راح المجلس..... كانت لمتنا حلوه من زمان عن بنات خالي وبالذات ناديه لانها اقرب وحده لسني ما تفرقنا الا عند صلاة المغرب وعقب الصلاه دخلت على ناديه الحجره
      :-عليا ...حبيبتي بغيت اطلب منش طلب
      ابتسمت في وجهها اللي يشوفها شلون خجلانه يقول تستحي من ثيابها لكنها ابد بس تتمسكن علشان حاجتها :- امري عمتي وش بغيتي
      تربعت على سريري :-الصراحه اخواني كلهم مشغولين مع جاسم في تجهيزات العرس
      ومحد فاضي لي .....
      سكتت قربت منها قومتها من على السرير :- كم مره اقول لا تقعدين على سريري ...وما فهمت وش حاجتش بالضبط ؟!!
      رمشت بعيونها :- تودينا السوق (لمحت نظرة الاعتراض على وجهي ) ما بنطول ناقصني بس
      صندل يناسب فستاني والبنات يبون يمرون يشترون اكسسوارات بس
      كنت برفض لكن تذكرت اني نفسي ما شريت شي والعرس عقب بكره فقلت :- ما عندي مانع (توها بتنط تبوسني لكني وقفتها ) لكن جدي ما يرضى اطلع باليل وبالذات السوق
      غمزت ولا يهمش احلها لش في لحظات بس انتي جهزي نفسش وطلعت من غير ما تقول هي وش ناويه عليه وفعلا ردت عقب شوي وقالت
      :- يلا لا تأخرينا ترى جدي وااااااااااااافق وبالثلاثه
      استغربت هذي وش قالت علشان جدي يوافق بهالسهوله سألتها وكل اللي قالته :- بعدين اقول لش
      نزلت لقيت خالتي في المطبخ تطبخ العشا وصتني على شوية بخور وعطور علشان الصباحيه واسبوع العرس طلعنا انا وناديه ودعاء وسمر فتحت باب الطبيله لقيت سيارة سالم كالمعتاد ساده على الطريق تلفتت لقيته واقف على باب بيتهم وياه واحد ناديت سمر بما انها الصغيره
      :- سمر حبيبتي روحي نادي سالم يجي يحرك سيارته علشان نقدر نطلع
      فعلا راحت سمر وكلنا نطرناها داخل السيارة عدلت المنظره وعدلت البرقع تليقفت ناديه
      :- هييييييييييه ليش بعد هذا (تأشر على البرقع )ترانا في البحرين مو السعوديه
      دزيتها :- لا توقلين هيه ناديني عليا ترى والله ما في سوق
      ردت بادب مصطنع :- ان شاء الله عمتي
      ابتسمت من تحت البرقع :- ايه جذي تمام ...والبرقع خلاص تعودت عليه وانا ما احب البس شي وبعدين اقلعه على حسب الخريطه لاني على جذي بقلع الحجاب اذا سافرت لندن ولا ....

      ما كملت لان سالم جا علشان يحرك سيارته لكنه عقب ما حركها اشر علينا ما نتحرك ونزلت الدريشه اشوف وش صاير يمكن في تاير نايم ولا شي لكن كل اللي قاله
      :- مسامحه علياء بس كنت بعتذر على اللي صار اليوم
      استغربت وش يقصد لكني ما حبيت اطول معاه فقلت :- مو مشكله ما صار الا الخير
      لكنه رجع يقول :- والله ما كنت ادري ان توأم روحي هو انتي لاني ساعتها كنت
      بطلت عيوني ما فهمت شي :- هااااااا وش تطلع توأم روحي هذي بعد ؟!! أنت ما تستحي؟!!
      ابتسم بدفاشه :- لا تفهميني غلط ..اقصد اسمك في الموبايل توأم روحي
      تأخر استسعابي شوي وقبل ما ارد سمعت صوت من وراه
      :- بعد عن السياره احسن لك
      التفت سالم لوراه وكان واضح انه مرتبك ومصدوم :-هه انا بس كنت اتحمد للجاره بالسلامه و......
      ما كمل كلامه الا وخالد شادنه من ثوبه وقرب منه حيل وقال والشرر يتطاير من عيونه
      :- تتحمد لها بالسلامه ولا .....(قطع جملته ورمى سالم على الارض ) والله لو تعيدها وتقرب من حرمتي مره ثانيه ما يخلصك مني الا الموت (رفسه )وحط في بالك زين بنات الحمايل لا تقربهم
      وقف سالم وثوبه كلها متوصخه تراب ورجع بيتهم ركض احسه كان خايف ومنحرج في الوقت نفسه اما انا فحسيت ان روحي بتطلع وان الدور جاي على والمفروض اني ابعد اللحين بالسياره لكن رجولي ما طاعتني حسيتها تجمدت نفض خالد يده وقرب مني
      :- وين رايحيين بهالليل
      بلعت ريقي :- ابد ناقصتنا شويه اغراض من السوق بناخذها ونرد
      قرص بعينه :- وما في رجال توديكم مشواركم
      نظرته كانت تقول انه لازال ثاير وماسك اعصابه بالزور خفت من عيونه وما عرفت وش اقول له غير :- كلهم مشغولين
      قرب من الدريشه لدرجة اني حسيت انه بيدخل راسه :- طيب ...وهذا انا جيت انزلن انا بوديكن السوق
      رغم هدوء صوته لكن لهجة الامر والسلطه كانت واضحه لدرجة ان البنات نزلوا من غير نقاش ساعتها قلت من غير تفكير بس ثرثره علشان اقدر اسيطر على اعصابي
      :- ليش انت تدل الاسواق ؟
      ابتسم من غير نفس:- مو اول مره اجي البحرين واللي ما ادله تدليني اياه
      فتح باب السياره واشر علي اطلع منها واول ما طلعت وعطيته ظهري ابي اروح سيارته
      وقفتني جملته الحاده :- احمدي ربك ان بنات خوالك معك ولا كان لي تصرف ثاني معاك

      سرت رعشه في جسمي وش يقصد ؟!!! ليكون على باله اني وسالم حسيت ان الغضب والقهر تمكن مني والتفت له :- وش بتسوي يعني بتضربني ولا بتذبحني واذا كنت فاهم اني
      ريخصه فهذي غلطتك ولا يمكن اتحملها ...(ارتجفت شفايفي وهددت دموعي بانها تنزل )
      ولا تظن اني سهله و.....
      ما قدرت ضعفت ما عرفت وش اقول وشلون اوقف سهام الاتهام والحتقار من عيونه
      ما ادري ليش جرحتني هالنضره واللي خلاني فعلا ابكي انه ما اهتم ابد
      وكل اللي قاله :- هذا مو وقت الكلام وامسحي هالدموع اللي ما تودي ولا تجيب
      البنات يستنونا في السياره (وكمل بسخريه ) ولا تنسين تغطين عيونك يا...حرمي المصون

      ركبنا السياره وهو طول الوقت ساكت ما تكلم وكان صمته اثقل من كلامه حتى انه ما حاول يلتفت لي او يقول لي كلمه وحده طول الطريق الى ان خلصنا كل المشتريات وما بقى غير اني اشتري فستان بمستلزماته دخلنا واحد من المحلات وقمت انقي مع البنات من غير نفس فستان وصاروا كل وحده تأشر على واحد الى ان استقروا على اثنين واحد اصفر والثاني بنفسجي الصراحه الاثنين كانوا حلوين واحترت اخذ اي واحد فيهم
      ناديه اصرت :- ما عليش من دعاء وسمر خذي النبفسجي بيطلع يهبل عليش ولونه يطيح على بشرتش اكثر من الاصفر هذاك يناسب السمر اكثر
      تأففت :- ما ادري احس ما عارفه اختار يعني كلامش صح بس قصات الاصفر احلى
      ساعتها ناديه سحبت الاثنين وقالت لي :- تدرين الحل الامثل تدخلين وتشيكينهم وتشوفين ايهم احلى
      التفتت لخالد الواقف ورانا على بعد خطوات ورجعت اطالع ناديه :- اخاف ما يرضى
      ثنت حواجبها وقربتهم من بعض :- ليش رجلك غيور ولا معقد ترى ما بيشوفونك رجال ولا في كامرات في غرف التبديل
      ما عجبني كلامها :- بس انت تعرفيني ما احب غرف التبديل(رفعت كتوفها بمعنى ما عندي لش حل ثاني تأففت ولويت فمي ) امري لله بقوله واشوف وش يرد على

      الامر تطلب مني طاقه وشجاعه كبيره اني اتوجه له واكلمه عقب الكلام اللي قاله خاصه ان الوضع صاير معكوس وقاعد يتصرف على اساس اني انا الغلطانه وفوق هذا يعاقبني
      بانه يتجاهلني لكن كله من قلبي الغبي اللي حاطه في مكانه اعلى منه وما يستحقها
      صرت قريبه منه حيل رفعت عيوني لعيونه لااااااااااا مستحيل اكون احب قلب الصقيع
      اللي عيونه ميته ما فيها احاسيس واذا تحرك فيها الاحساس يكون غضب وسهام مسمومه تجرح في الصميم هذي مجرد احترام لعمي ولصله الدم اللي يخليني ما ارد عليه بشكل مناسب
      لكن خلاص مثل ما هو لغى هالاعتبارات انا بعد بلغيها وبرد عليه بنديه
      :- خالد ( رفعت الفساتين اللي في يدي )انا محتاره اشتري اي واحد فيهم
      ما كان مهتم اني قربت منه لكن لفت انتباهه كلامي وطالعني بنظره تقول والمطلوب
      كملت وانا ما اعرف وش اقول :- عادي ادخل اجربهم علشان اشوف ايهم انسب ؟؟؟
      طالعني وبعدين نقل نظره للفساتين اللي في يدي :- عرضيهم اشوف
      استغربت طلبه لكن نفذت من غير ما افهم شي طالعهم بنظره انتقاديه بعدين قال
      :- ما في داعي الاثنين ما يصلحون الاصفر قصير مره والثاني صدره عاري مره
      طالعتهم مره ثانيه عنده حق بس وش اسوي العرس عقب بكره وانا ما شريت شي
      يأست وقلت بانفعال لكن بصوت واطي :- زين وش اسوي ما في شي عاجبني وما عندي وقت الف السوق (بان على صوتي اني شوي وبصيح ) يعني اروح بعباتي !!!!
      ابتسم بشكل اول مره اشوفه :- انا عندي عباتك افضل (كنت بهيج عليه لكنه كمل )بس ولا يهمك ما بترجعين الا وانتي شاريه كل اللي تبين
      مسك يدي وتقدم يشوف الفساتين قام يقلب فيهم الى ان وصل لفستان لونه اخضرحرير طويل ضيق عند الصدر ونازل واسع وبانسيابيه من عند الخصر ومشغول بشك عند الصدر وسيره حول الرقبه والظهر عاري شوي اخذه وقال لي
      :- وش رايك ؟
      ما عجبني ابدا وبالذات لونه خاصه اني ما احب هالدرجه من الاخضرلكن بكل غباء رديت
      :-على كيفك
      ندمت اني ما قلت له ان الفستان مو حلو خاصه انه ابتسم وقال :- خلاص الفستان ومستلزماته انا اللي بختارهم لك
      وراح للبائع وكلمه شوي عقب دخل البائع المخزن وطلع وفي يده فستان نفس موديل الاخضر لكن لونه اسود اخذه خالد ورجع عندي وبابتسامه على جنب
      :- وش رايك مو احلى من الاخضر؟
      فعلا كان حلو بشكل غريب لدرجه كأنه فستان ثاني هالمره هزيت راسي اشاره نعم وقلت
      :- مو بس احلى الا روعه
      ما عرفت ليش ضحك وقبل ما تشتد ضحكته كتمها وراح يحاسب على الفستان
      طلعنا من المحل وفعلا اختار بنفسه الصندل والاكسوار وكانوا حلوين لدرجة ان البنات صاروا
      يتهموني باني اخترت الاحسن لي وهم خليتهم على الهامش
      خلصت مشاويرنا تقدم خالد للسياره وانا عيوني عليه وتفكيري معاه... ذوقه حلو وشكله بعد مو اول مره يتسوق لحريم ولا شلون عرف قياسي من غير ما يسألني ليكون كان يتسوق لحريم و
      اشتعلت النيران براسي على هالفكره ايه ليش لا واضح انه مو اول مره يسويها
      دخلت السياره وهالفكره لاعبه براسي وماني عارفه اتكلم لان البنات ويانا وصرت اهز رجلي بقوه من التوتر
      لغاية ما وقفنا عند مطعم وسألنا :- ها وش تأمرون عليه
      البنات خجلوا وما ردوا عليه فوجه سؤاله هالمره لي بشكل خاص :- عليا وش تامرين عليه
      كان ودي ارد عليه واقول(( ودي اعرف كل اسرارك وكل شي عنك ودي..ودي اتخلص من سيطرت صورتك على افكاري ودي تكون مثل ما كنت شخص عادي كل اهميته انه ولد عمي ودي ان المساحه اللي محتلنها في عقلي تنقص وتتضاءل ما تزيد)) لكني رديت
      :-ما ادام انت عازمنا فخليها على ذوقك
      نزل من السياره وما رجع الا ومعاه اكياس العشا مد يده اول بثلاثة اكياس من ريحتها واضح انها مشويات ومعجنات وكيس فيه عصير وقال لي هذا عشا البنات
      وصلته لهم وعطاني الاكياس الباقيه وقال :- وهذا عشانا(قرب مني وهمس ) لاتنسين حنا بعدنا ماتكلمنا
      اول ما قرب مني قلبي رجف وحراتري ارتفعت لكن عقب اللي قاله زادت رجفة قلبي وبردت اطرافي ما ادري ليش احاسيسي صارت متناقضه يعني خايفه اني اكلمه واقعد وياه بروحي وبنفس الوقت اترقب بلهفه على امل ان يكون لي نصيب من الكلام ويفتح لي قلبه ويسمعني

    9. #24
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      حـــــــــــــــمــــــــــــد


      رجعت البيت وانا تفكيري في هاجر اتذكر لحظة اللي انفتح فيها الباب ودخلت منه وقفت عند
      الباب ولا تحركت وكل اللي شفته بنت قصيره نوعا ما وشعر اسود ناعم واصل لكتوفها ومغطي ملامحها حاولت اتبين ملامح وجهها لكن ابد فقلت
      :- يعني بتظلين واقفه عند الباب جذي ؟
      ابد ولا تحركت ولا حتى ردت بكلمه تنهدت هذي اكيد ناويتها من الاول قربت انا منها ولمن صرت على بعد كم خطوه قلت لها
      :- زين رفعي راسش اشوفش مو تنحسب علي شوفه وانا ما شفت غير شعر
      رفعت راسها وانصدمت اني قريب منها لهالدرجه لدرجة انها بعدت خطوه على ورى
      كانت خدودها حمر وعيونها مرتبكه حلوه والخجل على عكس ما توقعت لايق عليها ومخلنها شي ثاني ...فكرت اني ابي في هالحظات القليله اني اشوفها في كل حالاتها يا ترى شلون بتكون
      وهي زعلانه مدهوشه والاهم لمن تكون ثايره ولسانها مثل المدفع لفت نظري لون عيونها
      عسليه مايله للاخضرار :- هاجر هذا لون عيونش ولا عدسات
      رمشت بعيونها مو فاهمه وش علاقه عيونها لكنها ردت بكل تلقائيه :- لا هذا لونهم ....ليش فيهم شي ؟!!!
      حبيت اغيضها واستفزها فقلت وانا رافع كتوفي وكان الامر عادي جدا :- ابد بس كانها عيون قطوه
      رفعت عيونها لعيوني وهي تقذف شرار :- شنوووو!!!! يحصل لك عيون مثلها علشان تتكلم

      حلوه حتى في انفعالها حبيت ازيد عليها فقلت
      :- تدرين انتي ما يعيبش شي غير لسانش بس مع الوقت هالشي بيتصلح ان شاء الله
      تخصرت وقرصت في عيني :- والله انا ما يعيبني شي ...واذا مو عاجبك ترى الباب يوسع جمل
      كنت بضحك لكني مسكت نفسي وقلت ارد لها كلامها عني قدام جواهر
      :-رغم انش ماترسين عيوني ولا تملين قلبي ...بس ماشي الحال
      حسيت انها مو على بعضها طرفت بعيونها ونزلت راسها ولمن رفعت راسها كانت عيونها غرقانه بدموع رافضه تنزل ااااااااااخ وشكثر انا غبي واضح اني جرحتها في الصميم غمضت عيوني على صورة عيونها وتوني باعتذر الا تقول لي
      :- بس انا اللي ما يترس عيني ويملى قلبي ما ابيه
      حسيتها عطتني كف على وجهي.... صفعه على العين ثار دمي من الغضب ولا اراديا مسكتها من كتوفها وهمست في اذنها :- بتوافقين يا هاجر ...وما بتكونين لغيري واذا مو طيب غصب

      وطلعت وانا نيران تشتعل في راسي وتلتهب في صدري تسويها وتردني صحيح اني ما جيت اخطبها الا بعد ما كلمني ابوها ويمكن انا رحت لخطبتها من غير حماس وعلى امل انها ترفضني لكن ............ما ادري شلون هالبنت كل ما تتواجد في مكان تلفت انتباهي وتخليني اختبر جميع احاسيسي خلال تواجدها ..... واليوم عقب ما شفتها تملكني احساس بانها لي مو لغيري واحساس ثاني يقول اني في شي ناقص ما شفته واني بحاجه للوقت علشان اشوف واكتشف الناقص ...واحس ان هالشي يخصني ......اااااااااااه كل شي كوم وعيونها كوم
      تحسها تخترق قلبك خجلها وبرائتها تثير فيني الغرور والفخر ....دهشتها تذهلك وتخليك تسعى لاكتشافها وانك تطفي شعلة الفضول فيها ....وفي غضبها تحسسك بانها ند لك وتخلي الدم يغلي في عروقك .... وحزنها يضعفك ويهز قوتك ويخلي كل همك انك تراضيها ويخليك متلهف انك تضمها وكانك تحميها من كل شي حتى من نفسك .... ياترى وش الشعور اللي بتزرعينه في نفسي اذاابتسمتي او ضحكتي ؟؟؟؟
      ابتسمت على هالفكره لكن في شي هدم هالابتسامه لو رفضت وش راح اسوي وشلون انفذ وعدي لها .... ايه هذا وعد وعهد اخذته على نفسي سواء كان الدافع له التحدي او اي شي ثاني لكن ما راح تكونين لغيري مهما تطلب الامر مني يا هاجر


      خــــــــــالــــــــــد


      كنت عند الباب بطلع اقضي شويه مشاوير قبل اذان المغرب وفهاللحظه دخلت وصدمت في صدري ما اضنها استوعبت وجودي الا وحده من الحريم تناديها على طول طلعت وانا حاط في بالي اني ما بعديها لها تطلع من دون اذني هذا وتونا واصلين اجل بعدين وش بتسوي هذا وانا موصيها ....وعقب الصلاة رديت بيتهم تحت الحاح من جدها ابو محمد علشان اتعشى معاه
      لفت نظري باب الكراج مفتوح دخلت لقيت سيارتها وداخلها حريم وعند السياره رجال في البدايه ما عرفت هذولا من لكن اول ما قربت عرفتها من عيونها الظاهره من البرقع ...وعرفته هذا هو نفس الشاب اللي شفته يوم جينا ناخذهم للرياض غاضني الموقف انا من البدايه وهالشاب مو نازلي من زور واللي زاد وغطى اني سمعته يقول لها
      :- لا تفهميني غلط ...اقصد اسمش في الموبايل توأم روحي
      ساعتها ما قدرت اتحمل على طول دزيته وقهرني انه يكذب علي يقول يتحمد لها بالسلامه ساعتها مسكته من ثوبه وعقبها رميته على الارض ورفست ااخخخخخخخخخ يالقهر لولا وجود البنات وخوفي من اني اسبب فضيحه كنت ذبحته وما تركته الا عقب ما يسلم روحه لباريها ...والجبان هرب عقب اول رفسه والله اني كنت ناوي عليه ما اخليه الا عقب ما يتكسر ولا ينزف ويترجاني اتركه ...شرد وانا صدري مليان غل وقهر ما ادري شلون تحملت اكلمها
      ....وطول الوقت في السياره وانا ساكت عنها وحتى ما اناظرها كل هذا في محاوله مني لمسك اعصابي
      ما كنت حاب ابين وجود اي خلاف بيني وبينها قدام اهلها غير ان سكوتي افضل لاني لو تكلمت اكيد كنت بجرح فيها وباهينها ويمكن حتى امد يدي عليها وهذا شي ما احب اسويه في حرمه فشلون .........نفضت راسي عن هالفكره ولاول مره من طلعنا السوق التفتت لها كانت تناظرني وكانت عيونها تحاول تقول شي وشي من الاعتذار والعتب واضح فيها ....لكني تجاهلتها الى ان جت وقالت
      :- خالد ( رفعت الفساتين اللي في يدها )انا محتاره اشتري اي واحد فيهم
      كنت ناوي من البدايه اساعدها بس لا زلت مقهور فناظرتها بمعنى وش المطلوب مني فالت
      :- عادي ادخل اجربهم علشان اشوف ايهم انسب ؟؟؟
      طبعا انا غرف التبديل في المحلات والاماكن العامه ما احبها واكرهها وبالذات لاهلي فشلون حرمتي فقلت لها :- عرضيهم اشوف
      كان واضح انها ما فهمت الغايه لكنها طاعتني عرضتهم كانوا حلوين لكني اول ما تخيلت شلون بيكونون عليها ما عجبني ان احد غيري يشوفهم عليها حتى لو كانوا حريم فتحججت بقصر الاول وفتحة الثاني الواسعه
      ساعتها قالت لي :- زين وش اسوي ما في شي عاجبني وما عندي وقت الف السوق (بان على صوتها انها بتصيح ) يعني اروح بعباتي !!!!

      ابتسمت عليها كانت تبان مثل الطفله الصغيره اللي تبي شي بالحاح وابوها منعها تشتريه وعجبتني فكره انها تروح بعباتها فقلت استفزها :- انا عندي عباتك افضل (لكن بعد ما هانت علي ترد من غير ما تاخذ اللي تبيه فكملت) بس ولا يهمك ما بترجعين الا وانتي شاريه كل اللي تبين
      ساعتها سحبتها من يدها مثل الاطفال وحاولت انقي فستان حلو ومناسب واهم شي يكون طويل ومو عاري شفت فستان اخضر قطعته وقماشه وحتى قصاته حلوه لكن لونه ما حسيته مناسب
      فسألتها عن رايها ....وكنت بضحك لمن سمعتها تقول لي على كيفك ولهجتها تقول ارجوك كل شي ولا هالفستان ...رحت للبايع وتفاهمت معاه على انه يشوف لي نفس الموديل بس بلون ثاني عدد لي كذا لون وما عجبني الا الاسود وساعتها سألتها عنه وما قدرت امسك نفسي لمن
      لمحت فرحتها الواضحه في صوتها وهي تقول :- مو بس احلى الا روعه

      وقفت عند احد المطاعم شريت عشا وتعمدت ان عشانا انا وعليا يكون لحاله لاني كنت ناوي ما ابات الا وانا مكلمنها وفعلا وصلنا بنات خوالها لبيوتهم وبعدها رديت معاها بيت جدها
      حملت العشا ونزلت هي الاكياس الباقيه توجهت للمجلس لكنها وقفتني تقول لي
      :-اذا ما عليك امر ...حطهم في المطبخ
      سألتها :- ليش ما بناكل في المجلس
      هزت راسها اشارة لا وقالت :- بنتعشى في الصاله (وكملت تبرر) البيت ما فيه غير جدي
      حسيتها تبينا نكون قراب من جدها علشان ما اكلمها لكن هيهات يا بنت عمي ما راح انام قبل ما اتكلم معاك
      فعلا حطيت الاكياس في المطبخ وطلعت للصاله لقيتها بترقى الدرج حسيتها تبي تأجل لحظة المواجهه فقلت :- على وين ؟
      التفتت لي وقالت وهي حامله الاكياس في يدها :- بحط الاغراض في غرفتي وببدل هدومي وبرجع
      رديت عليها :- خليها لبعدين ...انا جوعان غير اني ابيك في موضوع مهم

      رجعت وحطت الاغراض على جنب قلعت عباتها وكانت لابسه بنطلون جينز وبلوزه سوده مرسوم عليها زهور بالذهبي جهزت السفره وجلست قبالي
      :- تفضل ...سم
      ادركت ان هذي او مره نجلس مع بعض لحالنا على وجبه لكن يا خساره مالي نفس اكل شي
      :- سم الله عدوك بس بغيتك اول في سالفه
      رفعت راسها وناظرتني وادهشني انها قالت :- على شرط تسمعني مثل ما راح اسمعك
      كنت بقول لها ان اللي بقوله ما يتطلب منها انها تتكلم لكني وبكل بساطه هزيت راس وقلت
      :- طيب يا بنت عمي ...سمعيني وقولي لي وين كنت طول النهار ؟....والاهم ليه ما
      استأذنتي ؟
      بللت شفايفها وقلت بصوت هادئ :- كنت عند الجيران ازور صديقتي و....
      ما تحملت يعني كانت في بيت الحقير قاطعتها بحده وانا احاول ما ارفع صوتي
      :- عند الجيران...بيت اسود الوجه هالنذل؟!!
      مسكت يدي وقالت وعيونها تترجاني :-خالد ...انت وعدتني تسمعني ...وانا كنت رايحه لصديقتي
      نفضت يدها عن يدي وقلت بسخريه :- لا والله وليه هي ما تجيك ؟....وكيف رحتي من غير اذن ؟
      هالمره خالطت نضرة الرجا في عيونها نظرة اسف وعتب وقالت :-ظرفها ما سمح ...وهذي صديقتي واحتاجتني اقول لها لا؟؟؟(استنتني اجاوبها لكني ما حبيت انطق كنت بشوف اخرتها فكملت )...وانا يا ولد عمي ما اخطي خطوه من غير اذن.. وجدي كان يعرف وسمح لي ازورها

      قربت منها وناظرت عيونها مباشره :- وانا ؟؟تمثال من غير لزمه يا.....حرمي المصون
      علشان تطلعين للاسواق وغيرها من غير شوري

      بلعت ريقها وقالت :- خالد انا استأذنت من جدي و.........
      قاطعتها وانا شاد على قبضت يدي عن لا اتصرف اي تصرف اندم عليه :-
      جدك على عيني وراسي ...بس دامني موجود الاولى تاخذين الاذن مني .....واقولها لك ولاخر مره ...ما تتحركين الا بشوري(شدست على اسناني) فهمتيني ؟؟؟؟

      تبللت عيونها بالدمع ونزلت منها دمعه خاينه ما كانت تبيها تنزل وقالت بصوت متقطع وهي تحاول تداريها عني :- اسفه ...والله اسفه ...اعذرني يا خالد ما تعودت اخذ شور احد غير جدي...وما حسبت انه ممكن يوافق على شي انت ما ترضاه

      دمعه يتيمه لكنها هزتني من الداخل ولهجتها حسستنس باني جلادها مع ان المفروض اكون سندها وحمايتها لكن اللي سوته مو قليل وما ادري ليش بدل ما احسسها بغلطها اكثر وارد عليها الرد اللي يشفي غليلي قلت وانا احاول ابين اني هادئ بس علشان تهدأ وتتطمن
      :- يمكن يكون كلامك صحيح ....بس خلي في اعتبارك اني صحيح ما كنت بمنعك من السوق
      بس ما كنت بسمح لك تروحين لحالك وبالذات في الليل
      رفعت عين حمره من الدمع المحبوس :- بس انا ما كنت بروحي بنات خوالي
      اعترضت :- مهما يكون كلهم حريم ....وهذا انا اقول لك في وجودي ما له داعي تسوقين
      حاولت تبرر لنفسها :- انت ما كنت موجود وجدي سمح لي
      ناظرتها بحده :- مو لو كنت حاطه في بالك اعتبار لزوجك (واشرت على صدري ) واتصلتي علي اكيد كنت بجي وباخذك للمكان اللي تبين ....(اخذت نفس بقوه ) وبيت جيرانكم لا عاد تدخلينه
      فتحت عيونها على وسعهم وقالت :- ليش ؟!!وهاجر انا....
      يمكن للمره الالف اقاطعها :-هاجر خليها هي تجيك ولا كلميها ....لكن روحه لبيتهم لا لا
      ردت :- زين ما قلت شي بس ليش ؟؟؟عطني مبرر؟؟

      الى هنا ما قدرت امسك نفسي مسكتها من كتوفها وقلت وانا ضاغط على اسناني بصوت منخفظ لكن غاضب :- وتسألين ليش ...عقب عقب (كنت بقول سواد وجهك مع النذل جاركم بس قلبي بكل غباء تدخل ومنعني اجرحها رغم انها بهالحركه ذبحت كرامتي ) عقب سواد وجه جاركم و
      توأم الروح يا عليا ...توأم الروح ؟؟؟؟

      نزل الدمع من عينها وانت من الالم ضعفت لمن شفت دمعتها تجري على خدها انهار وتركتها
      :- انت فاهم غلط هذا كان يقصد
      كرهت اني اسمع مبررات ما لها داعي وخفت اسمع اكاذيب وقفت وقلت
      :- سمعته باذني ...وما اظن اني سمعت غلط
      درت ظهري خفت اني اضعف اكثر قدام دموعها واصدق اكاذيبها لكني سألت سؤال كنت محتاج اسمع اجابته :-هذا هو نفسه صاحب هذيك المكالمه ؟
      همست بصوت مخنوق :- لا
      سألت مره ثانيه :- ومن هذاك ؟؟ومن هذا ؟؟
      ردت بنفس الصوت :- واذا تكلمت بتصدقني ؟؟
      حسيت انها بتشعل جمر في صدري واني مو قادر اسمع صوتها وخالطته الدموع فقلت
      :-تصبحين على خير يا............. عليا
      توجهت للباب وسمعت خطواتها من وراي مسكت يدي وقالت برجى :- خالد ارجوك اسمعني
      لكني نفضت يدها وطلعت ما ابي اسمع اكاذيب ما ابي اكون غبي اكثر مما كنت اليوم ما ابي اكون مستغفل يكفي اني تهاونت لو كان الوضع في احد غيرها كان ما يكفني اني ابكيها بدل الدموع دم(ضربت على صدري بقوه) كله من قلبي


      الى هنا انتهى البارت
      اتمنى انه اعجبكم
      اعذب وارق التحايا

    10. #25
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      حـــــــــــــــمــــــــــــد


      رجعت البيت وانا تفكيري في هاجر اتذكر لحظة اللي انفتح فيها الباب ودخلت منه وقفت عند
      الباب ولا تحركت وكل اللي شفته بنت قصيره نوعا ما وشعر اسود ناعم واصل لكتوفها ومغطي ملامحها حاولت اتبين ملامح وجهها لكن ابد فقلت
      :- يعني بتظلين واقفه عند الباب جذي ؟
      ابد ولا تحركت ولا حتى ردت بكلمه تنهدت هذي اكيد ناويتها من الاول قربت انا منها ولمن صرت على بعد كم خطوه قلت لها
      :- زين رفعي راسش اشوفش مو تنحسب علي شوفه وانا ما شفت غير شعر
      رفعت راسها وانصدمت اني قريب منها لهالدرجه لدرجة انها بعدت خطوه على ورى
      كانت خدودها حمر وعيونها مرتبكه حلوه والخجل على عكس ما توقعت لايق عليها ومخلنها شي ثاني ...فكرت اني ابي في هالحظات القليله اني اشوفها في كل حالاتها يا ترى شلون بتكون
      وهي زعلانه مدهوشه والاهم لمن تكون ثايره ولسانها مثل المدفع لفت نظري لون عيونها
      عسليه مايله للاخضرار :- هاجر هذا لون عيونش ولا عدسات
      رمشت بعيونها مو فاهمه وش علاقه عيونها لكنها ردت بكل تلقائيه :- لا هذا لونهم ....ليش فيهم شي ؟!!!
      حبيت اغيضها واستفزها فقلت وانا رافع كتوفي وكان الامر عادي جدا :- ابد بس كانها عيون قطوه
      رفعت عيونها لعيوني وهي تقذف شرار :- شنوووو!!!! يحصل لك عيون مثلها علشان تتكلم

      حلوه حتى في انفعالها حبيت ازيد عليها فقلت
      :- تدرين انتي ما يعيبش شي غير لسانش بس مع الوقت هالشي بيتصلح ان شاء الله
      تخصرت وقرصت في عيني :- والله انا ما يعيبني شي ...واذا مو عاجبك ترى الباب يوسع جمل
      كنت بضحك لكني مسكت نفسي وقلت ارد لها كلامها عني قدام جواهر
      :-رغم انش ماترسين عيوني ولا تملين قلبي ...بس ماشي الحال
      حسيت انها مو على بعضها طرفت بعيونها ونزلت راسها ولمن رفعت راسها كانت عيونها غرقانه بدموع رافضه تنزل ااااااااااخ وشكثر انا غبي واضح اني جرحتها في الصميم غمضت عيوني على صورة عيونها وتوني باعتذر الا تقول لي
      :- بس انا اللي ما يترس عيني ويملى قلبي ما ابيه
      حسيتها عطتني كف على وجهي.... صفعه على العين ثار دمي من الغضب ولا اراديا مسكتها من كتوفها وهمست في اذنها :- بتوافقين يا هاجر ...وما بتكونين لغيري واذا مو طيب غصب

      وطلعت وانا نيران تشتعل في راسي وتلتهب في صدري تسويها وتردني صحيح اني ما جيت اخطبها الا بعد ما كلمني ابوها ويمكن انا رحت لخطبتها من غير حماس وعلى امل انها ترفضني لكن ............ما ادري شلون هالبنت كل ما تتواجد في مكان تلفت انتباهي وتخليني اختبر جميع احاسيسي خلال تواجدها ..... واليوم عقب ما شفتها تملكني احساس بانها لي مو لغيري واحساس ثاني يقول اني في شي ناقص ما شفته واني بحاجه للوقت علشان اشوف واكتشف الناقص ...واحس ان هالشي يخصني ......اااااااااااه كل شي كوم وعيونها كوم
      تحسها تخترق قلبك خجلها وبرائتها تثير فيني الغرور والفخر ....دهشتها تذهلك وتخليك تسعى لاكتشافها وانك تطفي شعلة الفضول فيها ....وفي غضبها تحسسك بانها ند لك وتخلي الدم يغلي في عروقك .... وحزنها يضعفك ويهز قوتك ويخلي كل همك انك تراضيها ويخليك متلهف انك تضمها وكانك تحميها من كل شي حتى من نفسك .... ياترى وش الشعور اللي بتزرعينه في نفسي اذاابتسمتي او ضحكتي ؟؟؟؟
      ابتسمت على هالفكره لكن في شي هدم هالابتسامه لو رفضت وش راح اسوي وشلون انفذ وعدي لها .... ايه هذا وعد وعهد اخذته على نفسي سواء كان الدافع له التحدي او اي شي ثاني لكن ما راح تكونين لغيري مهما تطلب الامر مني يا هاجر


      خــــــــــالــــــــــد


      كنت عند الباب بطلع اقضي شويه مشاوير قبل اذان المغرب وفهاللحظه دخلت وصدمت في صدري ما اضنها استوعبت وجودي الا وحده من الحريم تناديها على طول طلعت وانا حاط في بالي اني ما بعديها لها تطلع من دون اذني هذا وتونا واصلين اجل بعدين وش بتسوي هذا وانا موصيها ....وعقب الصلاة رديت بيتهم تحت الحاح من جدها ابو محمد علشان اتعشى معاه
      لفت نظري باب الكراج مفتوح دخلت لقيت سيارتها وداخلها حريم وعند السياره رجال في البدايه ما عرفت هذولا من لكن اول ما قربت عرفتها من عيونها الظاهره من البرقع ...وعرفته هذا هو نفس الشاب اللي شفته يوم جينا ناخذهم للرياض غاضني الموقف انا من البدايه وهالشاب مو نازلي من زور واللي زاد وغطى اني سمعته يقول لها
      :- لا تفهميني غلط ...اقصد اسمش في الموبايل توأم روحي
      ساعتها ما قدرت اتحمل على طول دزيته وقهرني انه يكذب علي يقول يتحمد لها بالسلامه ساعتها مسكته من ثوبه وعقبها رميته على الارض ورفست ااخخخخخخخخخ يالقهر لولا وجود البنات وخوفي من اني اسبب فضيحه كنت ذبحته وما تركته الا عقب ما يسلم روحه لباريها ...والجبان هرب عقب اول رفسه والله اني كنت ناوي عليه ما اخليه الا عقب ما يتكسر ولا ينزف ويترجاني اتركه ...شرد وانا صدري مليان غل وقهر ما ادري شلون تحملت اكلمها
      ....وطول الوقت في السياره وانا ساكت عنها وحتى ما اناظرها كل هذا في محاوله مني لمسك اعصابي
      ما كنت حاب ابين وجود اي خلاف بيني وبينها قدام اهلها غير ان سكوتي افضل لاني لو تكلمت اكيد كنت بجرح فيها وباهينها ويمكن حتى امد يدي عليها وهذا شي ما احب اسويه في حرمه فشلون .........نفضت راسي عن هالفكره ولاول مره من طلعنا السوق التفتت لها كانت تناظرني وكانت عيونها تحاول تقول شي وشي من الاعتذار والعتب واضح فيها ....لكني تجاهلتها الى ان جت وقالت
      :- خالد ( رفعت الفساتين اللي في يدها )انا محتاره اشتري اي واحد فيهم
      كنت ناوي من البدايه اساعدها بس لا زلت مقهور فناظرتها بمعنى وش المطلوب مني فالت
      :- عادي ادخل اجربهم علشان اشوف ايهم انسب ؟؟؟
      طبعا انا غرف التبديل في المحلات والاماكن العامه ما احبها واكرهها وبالذات لاهلي فشلون حرمتي فقلت لها :- عرضيهم اشوف
      كان واضح انها ما فهمت الغايه لكنها طاعتني عرضتهم كانوا حلوين لكني اول ما تخيلت شلون بيكونون عليها ما عجبني ان احد غيري يشوفهم عليها حتى لو كانوا حريم فتحججت بقصر الاول وفتحة الثاني الواسعه
      ساعتها قالت لي :- زين وش اسوي ما في شي عاجبني وما عندي وقت الف السوق (بان على صوتها انها بتصيح ) يعني اروح بعباتي !!!!

      ابتسمت عليها كانت تبان مثل الطفله الصغيره اللي تبي شي بالحاح وابوها منعها تشتريه وعجبتني فكره انها تروح بعباتها فقلت استفزها :- انا عندي عباتك افضل (لكن بعد ما هانت علي ترد من غير ما تاخذ اللي تبيه فكملت) بس ولا يهمك ما بترجعين الا وانتي شاريه كل اللي تبين
      ساعتها سحبتها من يدها مثل الاطفال وحاولت انقي فستان حلو ومناسب واهم شي يكون طويل ومو عاري شفت فستان اخضر قطعته وقماشه وحتى قصاته حلوه لكن لونه ما حسيته مناسب
      فسألتها عن رايها ....وكنت بضحك لمن سمعتها تقول لي على كيفك ولهجتها تقول ارجوك كل شي ولا هالفستان ...رحت للبايع وتفاهمت معاه على انه يشوف لي نفس الموديل بس بلون ثاني عدد لي كذا لون وما عجبني الا الاسود وساعتها سألتها عنه وما قدرت امسك نفسي لمن
      لمحت فرحتها الواضحه في صوتها وهي تقول :- مو بس احلى الا روعه

      وقفت عند احد المطاعم شريت عشا وتعمدت ان عشانا انا وعليا يكون لحاله لاني كنت ناوي ما ابات الا وانا مكلمنها وفعلا وصلنا بنات خوالها لبيوتهم وبعدها رديت معاها بيت جدها
      حملت العشا ونزلت هي الاكياس الباقيه توجهت للمجلس لكنها وقفتني تقول لي
      :-اذا ما عليك امر ...حطهم في المطبخ
      سألتها :- ليش ما بناكل في المجلس
      هزت راسها اشارة لا وقالت :- بنتعشى في الصاله (وكملت تبرر) البيت ما فيه غير جدي
      حسيتها تبينا نكون قراب من جدها علشان ما اكلمها لكن هيهات يا بنت عمي ما راح انام قبل ما اتكلم معاك
      فعلا حطيت الاكياس في المطبخ وطلعت للصاله لقيتها بترقى الدرج حسيتها تبي تأجل لحظة المواجهه فقلت :- على وين ؟
      التفتت لي وقالت وهي حامله الاكياس في يدها :- بحط الاغراض في غرفتي وببدل هدومي وبرجع
      رديت عليها :- خليها لبعدين ...انا جوعان غير اني ابيك في موضوع مهم

      رجعت وحطت الاغراض على جنب قلعت عباتها وكانت لابسه بنطلون جينز وبلوزه سوده مرسوم عليها زهور بالذهبي جهزت السفره وجلست قبالي
      :- تفضل ...سم
      ادركت ان هذي او مره نجلس مع بعض لحالنا على وجبه لكن يا خساره مالي نفس اكل شي
      :- سم الله عدوك بس بغيتك اول في سالفه
      رفعت راسها وناظرتني وادهشني انها قالت :- على شرط تسمعني مثل ما راح اسمعك
      كنت بقول لها ان اللي بقوله ما يتطلب منها انها تتكلم لكني وبكل بساطه هزيت راس وقلت
      :- طيب يا بنت عمي ...سمعيني وقولي لي وين كنت طول النهار ؟....والاهم ليه ما
      استأذنتي ؟
      بللت شفايفها وقلت بصوت هادئ :- كنت عند الجيران ازور صديقتي و....
      ما تحملت يعني كانت في بيت الحقير قاطعتها بحده وانا احاول ما ارفع صوتي
      :- عند الجيران...بيت اسود الوجه هالنذل؟!!
      مسكت يدي وقالت وعيونها تترجاني :-خالد ...انت وعدتني تسمعني ...وانا كنت رايحه لصديقتي
      نفضت يدها عن يدي وقلت بسخريه :- لا والله وليه هي ما تجيك ؟....وكيف رحتي من غير اذن ؟
      هالمره خالطت نضرة الرجا في عيونها نظرة اسف وعتب وقالت :-ظرفها ما سمح ...وهذي صديقتي واحتاجتني اقول لها لا؟؟؟(استنتني اجاوبها لكني ما حبيت انطق كنت بشوف اخرتها فكملت )...وانا يا ولد عمي ما اخطي خطوه من غير اذن.. وجدي كان يعرف وسمح لي ازورها

      قربت منها وناظرت عيونها مباشره :- وانا ؟؟تمثال من غير لزمه يا.....حرمي المصون
      علشان تطلعين للاسواق وغيرها من غير شوري

      بلعت ريقها وقالت :- خالد انا استأذنت من جدي و.........
      قاطعتها وانا شاد على قبضت يدي عن لا اتصرف اي تصرف اندم عليه :-
      جدك على عيني وراسي ...بس دامني موجود الاولى تاخذين الاذن مني .....واقولها لك ولاخر مره ...ما تتحركين الا بشوري(شدست على اسناني) فهمتيني ؟؟؟؟

      تبللت عيونها بالدمع ونزلت منها دمعه خاينه ما كانت تبيها تنزل وقالت بصوت متقطع وهي تحاول تداريها عني :- اسفه ...والله اسفه ...اعذرني يا خالد ما تعودت اخذ شور احد غير جدي...وما حسبت انه ممكن يوافق على شي انت ما ترضاه

      دمعه يتيمه لكنها هزتني من الداخل ولهجتها حسستنس باني جلادها مع ان المفروض اكون سندها وحمايتها لكن اللي سوته مو قليل وما ادري ليش بدل ما احسسها بغلطها اكثر وارد عليها الرد اللي يشفي غليلي قلت وانا احاول ابين اني هادئ بس علشان تهدأ وتتطمن
      :- يمكن يكون كلامك صحيح ....بس خلي في اعتبارك اني صحيح ما كنت بمنعك من السوق
      بس ما كنت بسمح لك تروحين لحالك وبالذات في الليل
      رفعت عين حمره من الدمع المحبوس :- بس انا ما كنت بروحي بنات خوالي
      اعترضت :- مهما يكون كلهم حريم ....وهذا انا اقول لك في وجودي ما له داعي تسوقين
      حاولت تبرر لنفسها :- انت ما كنت موجود وجدي سمح لي
      ناظرتها بحده :- مو لو كنت حاطه في بالك اعتبار لزوجك (واشرت على صدري ) واتصلتي علي اكيد كنت بجي وباخذك للمكان اللي تبين ....(اخذت نفس بقوه ) وبيت جيرانكم لا عاد تدخلينه
      فتحت عيونها على وسعهم وقالت :- ليش ؟!!وهاجر انا....
      يمكن للمره الالف اقاطعها :-هاجر خليها هي تجيك ولا كلميها ....لكن روحه لبيتهم لا لا
      ردت :- زين ما قلت شي بس ليش ؟؟؟عطني مبرر؟؟

      الى هنا ما قدرت امسك نفسي مسكتها من كتوفها وقلت وانا ضاغط على اسناني بصوت منخفظ لكن غاضب :- وتسألين ليش ...عقب عقب (كنت بقول سواد وجهك مع النذل جاركم بس قلبي بكل غباء تدخل ومنعني اجرحها رغم انها بهالحركه ذبحت كرامتي ) عقب سواد وجه جاركم و
      توأم الروح يا عليا ...توأم الروح ؟؟؟؟

      نزل الدمع من عينها وانت من الالم ضعفت لمن شفت دمعتها تجري على خدها انهار وتركتها
      :- انت فاهم غلط هذا كان يقصد
      كرهت اني اسمع مبررات ما لها داعي وخفت اسمع اكاذيب وقفت وقلت
      :- سمعته باذني ...وما اظن اني سمعت غلط
      درت ظهري خفت اني اضعف اكثر قدام دموعها واصدق اكاذيبها لكني سألت سؤال كنت محتاج اسمع اجابته :-هذا هو نفسه صاحب هذيك المكالمه ؟
      همست بصوت مخنوق :- لا
      سألت مره ثانيه :- ومن هذاك ؟؟ومن هذا ؟؟
      ردت بنفس الصوت :- واذا تكلمت بتصدقني ؟؟
      حسيت انها بتشعل جمر في صدري واني مو قادر اسمع صوتها وخالطته الدموع فقلت
      :-تصبحين على خير يا............. عليا
      توجهت للباب وسمعت خطواتها من وراي مسكت يدي وقالت برجى :- خالد ارجوك اسمعني
      لكني نفضت يدها وطلعت ما ابي اسمع اكاذيب ما ابي اكون غبي اكثر مما كنت اليوم ما ابي اكون مستغفل يكفي اني تهاونت لو كان الوضع في احد غيرها كان ما يكفني اني ابكيها بدل الدموع دم(ضربت على صدري بقوه) كله من قلبي


      الى هنا انتهى البارت
      اتمنى انه اعجبكم
      اعذب وارق التحايا

    11. #26
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء الثالث عشر ))
      (الوم قلبي )
      الفصل الثاني


      تـــــــــــــركــــــــــــــــــي


      من يوم موقفي مع وداد وانا اتحاشى اني اسمع اسمها وكأني بهالطريقه بانساها او بتروح من بالي ....المشكله انها عمرها ما فارقت خيالي وبالذات عقب اللي صار صرت احمل معاي نظرة الكره الممزوج باللوم والغضب اللي وجهتها لي ....وما صدقت ان خالد سافر علشان ادفن نفسي بالشغل وتقريبا شكرت طلال على انه مزعجني بمشاويره ومخططاته لملكته الى ان اتصل فيني اليوم

      :- سلام ..تركي اسمعني ابيك اليوم عقب صلاة المغرب تمرني

      كنت تعبان مره وما لي خلق لشغلات طلال بالذات وهمي اني احط راسي وانام
      :-وعليكم السلام ...انت اللي اسمعني انا رجال تعبان وابي انام فأجل شغلك لبكره
      اصر طلال :- لا هذي شغله ما تتأجل وكلها خمس دقايق وحنا مخلصين
      تأففت وش يفكني منه رديت عليه :- اذا انت ما تتعب فانا شحني خالص وما اظن اني اقدر استوعب شي
      ضحك طلال :- بنشوف اذا جيت تملك وش بتسوي ....ويلا عاد انا استناك (حاول يتمسكن ) يعني شفتوني لحالي وخالد بعيد عني تسوون فيني كذا
      ضحكت :- بس بس ترى ما يلوق لك الدلع ...طيب امر يا عمي وين تبيني اجيك؟
      احسه اكيد ابتسم ابتسامه انتصار :- في البيت ...يلا سلام
      سكر الجوال وانا بعدني ما استوعبت اللحين انا اتهرب من طاريها اقوم اروح برجلي لبيتهم
      كنت بدق على طلال واتفق وياه اننا نتقابل بره لكن رجعت وفكرت كوني بروح بيت عمي مو معناه اني بشوفها....طبعا كنت ناوي اريح شوي قبل ما اروح لطلال لكن التفكير في وداد منع عني النوم


      طلعت من المسجد ورحت على طول لبيت عمي دخلت السيارة وقبل ما انزل دقيت على طلال
      :- يلا انا عند الباب اطلع لي
      رد على :- وين ؟؟؟ ادخل وصف السياره في الكراج انا ابيك هنا
      رديت عليه :- طيب اجل تلقاني في المجلس
      سكرت ودخلت المجلس ولعت اللمبات وجلست استناه الا فيصل دخل
      :- هلا بولد عمي ..طلال يقول لك تعال داخل
      ابتسمت لفيصل :-هلا فيك ...وين داخل ؟؟
      ابتسم طلال :- جناح طلال ....حياك
      رحت ورى فيصل وصلنا لفوق واشر على باب وقال
      :- هذا جناح طلال
      دقيت الباب ودخلت لقيت طلال جالس وقدامه خريطه يتأملها
      :- خير ....وش تبي مني ؟؟وش معنى هنا ؟؟
      التفتت لي وابتسم :-ابد كنت ابي شورك في هالخريطه وعن بعض التعديلات
      جلست قباله اخذت الخريطه :- هذي خريطة لبيت (رفعت حاجب ) لا تقول بيت المستقبل
      ابتسم :- ايه كنت ناوي اخليك انت تصممها بس شفتك مشغول واشفقت عليك
      ضحكت عليه :- افااااااا يالحنون واضح انك مشفق على ولا اقول لك تعبان تقول تعال وفي الاخير علشان تبي تعدل في الخريطه ...يا اخي روح للمهندس اللي صممها وخليه ايشيل ويضيف اللي تبيه
      سند ظهره على الكنبه وناظرني على جنب وقال :- مو هذا اللي انا جالس اسويه
      ما فهمته لكنه رجع وقال :- دقق في الخريطه زين
      ناظرتها كأني شايفها قبل ... ابتسمت توني استوعب ان هالخريطه انا راسمها كجزء من مشروع التخرج ...اذكر اني كنت مصمم مدينه سكنيه وعقب ما خلصتها لقيت ان عندي وقت قبل تسليم المشروع فرسمت هالخريطه للفلل لكني استثنيتها بسبب تكلفتها العاليه وغيرت التصميم ....واذكر ان خالد وطلال لمن شافوها اعجبوا فيها سألت طلال
      :- من وين جبتها ؟؟
      ابتسم :- انت خليتها عندي ...تذكر انك لغيتها من مشروعك وقلت انك ما عدت بحاجتها وساعتها عرضت اشتريها منك لكنك رفضت ؟؟
      تذكرت الموقف :- ايه بس كنت اضنك تمزح
      ابتسم :- لا ما امزح والصراحه ما ني قادر اصبر ابي اشتغل عليها بأسرع وقت
      حكيت راسي وقلت :- زين اجلها لمن يخف ضغط الشغل (هز راسه بمعنى لا ) افففففففف يعني ما في مفر ؟؟....طيب وش تبي تغير ؟؟
      ابتسم بمكر :- ولا شي بس كنت ابي اعطيك اياها لاني بكلفك بتنفيذها
      طويت الخرائط ووقفت :- طيب اجل متى ما فضيت بروح اعاين الارض واشوف متى ابتدي شغل ....واللحين شوف لي درب بروح اناااااااااااام
      :- ما يصير اول تعشى وبعدين طير بيتكم مثل ما تبي
      طلع وتركني لحالي ما لقيت شي اشغل نفسي فيه ففتحت الخريطه شوي الا الباب ينفتح هذا اكيد تركي رجع لكن اللي صدمني الصوت اللي سمعته
      :- اسمع انا للحين ما جهزت حالي لملكتك
      حاولت ابين لها انها غلطانه واني مو طلال فتنحنحت :-احم احم
      لكنها ما ميزت الصوت :- لا تحاول تنحنحت او لا ...تودينا السوق يعني تودينا ولا يرضيك اروح مبهذله وانا اخت المعرس
      قربت مني وهي تنهي جملتها نزلت راسي وجمعت شجاعتي قبل لا تقرب اكثر
      :- طلال مو هنا
      سمعت شهقه قويه :- هذا انت !! شلون ....
      ما كملت جملتها وتراجعت خطوات لورى توها بتطلع الا صوت طلال في الممر ارتبكت ما عرفت وين تروح اشرت لها على باب على جنب انها تدخله وفعلا راحت سكرت الباب وراها وفتح طلال الباب حط صينيه الاكل على الطاوله وقال
      :- تخيل البنات يبون اوديهم السوق بكره
      رديت عليه :- وش عليه ودهم مكان ما يبون خاصه انك بكره اجازه
      فتح عيونه :- لا وين بكره بروح اتفق مع المطعم وبشوف لي مقهوي وغيره
      ابتسمت بخبث :- تعال يا رجال على الاقل تأنسني لا ني بودي العروس واختها السوق
      تنهد طلال :- ودي بس هالمشاغل لازم اخلصها بكره .....(هالمره هو ناظرني بخبث )
      دامك كذا كذا رايح السوق خذ معاك بنات عمك
      بلعت ريقي يطلب مني اخذها معاي كنت ناوي ارفض بس تذكرت انها محبوسه في الغرفه الثانيه فقلت لطلال :- طيب انا بخلي العنود تدق عليهم ويتفقون (اشرت على العشا )
      اقول مو ننزل نتعشى في المجلس احسن
      وقفت وحملت الخرائط ونزلنا المجلس يا ترى وش بتقول هل بتقول اني استغليت الامر وتعمدت اني اوديهم السوق او ان الامر مايعني لها شي ....وصلت البيت وحطيت راسي على الوساده ابي انام لكن هالمره هاجمتني صورتها وهي مذهوله ومرتبكه مو عارفه وين تروح وش تسوي... لا يق عليها الوردي طالعه حلوه وصغيره ابتسمت وانا اتذكر شكلها برموده رياضيه وعليها بلوزه ربع كم من نفس اللون وشعرها رافعته ذيل حصان ....شكلها وحتى تصرفها وارتباكها حسسني اني كنت واقف قبال طفله ...ابتسمت وغمضت عيوني على هالصوره



      علــــــــــــــــــيــــــــــــــــــــاء


      قهرني مو مقهوره الا بموت قهروغيظ طلع ولا اهتم وش ترك وراه ما كلف نفسه حتى يسمعني مسحت دمعه خاينه نزلت على خدي و وعدت نفسي انها بتكون اخر دمعه ضعف اذرفها ...ايه دمعة ضعف شلت صحون العشا وحاولت اشغل نفسي بترتيب المطبخ على امل ان اعصابي تهدأ لكن هيهات كل ما تزداد سرعتي في ترتيب المطبخ زاد غضبي ...

      ركبت غرفتي وانا اوجه هالمره اللوم لنفسي كل مني لو انا عرفته حدوده من البدايه وما سكت عنه ما كان تجرأ واهاني لااااااااا وانا اللي عمري ما سكت عن حقي ارتبكت وما عرفت شلون ارد عليه
      ....تربعت على السرير وحطيت المخده في حضني وليش اساسا انا قاعده اسوي جذي وعلشان من ؟؟علشان اهلي ؟!!! هه ليش هم دارين عن هوى داري او مهتمين انا وش احس فيه
      ولا علشان ابوي ؟!!! يمكن اكون احبه رغم علاقتي السطحيه فيه بس بعد هو اللي قدمني ذبيحه سهله لولد اخوه ..... لكن علشان شيبات ابو محمد ما بسكت لك يا خالد ....عجل انا عليا ينظر لي بانتقاص ويشكك باخلاقي ....والله اللي رفع سبع وبسط سبع يا خالد الا اعرفك من عليا واخليك تندم على كل كلمه قلتها في حقي في ساعه ما ينفع فيها الندم ...وماني تربيه بو محمد اذا خليتك تفكر مره ثانيه تجرح فيني او حتى تنتقد تربيتي.... لعبت في دماغي فكره وقلت لازم انفذها ...ونمت وانا مرتاحه من قراري


      هـــــــــــــــــــــــــاجــــــــــــــــــــــ ــر


      طلع حمد وتركني مبلمه وبعدني ما استوعب وش قال وما وعيت الا على صوت الباب يتسكر
      ضغطت على اسناني وقبضتي بقوه لدرجةان اظافري ارتزت في راحة يدي وش هالغباء وش هالغباء شلون سكت له شلون ما رديت عليه شلون خليته يطلع وهو معتقد انه افحمني وانه حكرني في زاويه وما عرفت ارد عليه .....طلعت انا بعد من الغرفه والف شيطان يلعب في
      راسي طلعت وانا ما اشوف قدامي مرت على امي وخالتي وانا ابد ما كأني اشوفهم نادتني امي ولا رديت وسمعت خالتي تقول
      :- خليها على راحتها اكيد مستحيه تقابلني ...تعرفين البنات في هالمواقف ....خاصه اول مره تتكشف على غريب

      طبعا ما سمعت رد امي لاني وصلت عند باب غرفتي...... مستحيه يمكن يكون هذا شعوري اول ما دخلت لكن ولدش ما قصر فيني طلعني مهانه ومجروحه وخلاني اغضب من نفسي لمن ضعفت وما رديت عليه .....انا يهددني اني بوافق اذا مو طيب غصب ما عليه بنشوف يا حمد من اللي رايه يمشي على الثاني وشلون تقدر تغصبني ........ طلعت من غرفتي ادور على سالم
      لقيته في وجهي مديت يدي له وقلت
      :- ابي موبايلي ( فجأة تنبهت لشكله كان مبهذل وثوبه كلها تراب ومتكرمشه ونعله في يده كانه طرار في نهاية دوامه كنت بسأله كم حصيلت اليوم و مسكت نفسي عن لا اضحك وكملت ) اظن ما في داعي يضل عندك
      طالعني من غير اهتمام وقال :- تعالي اخذيه ودام فعلا توأم الروح طلعت عليا حلال عليش الموبايل
      دخلت وراه اخذت الموبايل الي كان طافي لان الشحن خالص وسألته باهتمام
      :- سالم وش اللي مسوي فيك جذي ؟ليكون تهاوشت ويا حمد مره ثانيه ؟؟

      عبس في وجهي وقال :- لا حمد ما يقدر يسوي جذي ...هذا واحد من انساب الجيران السعوديين (ضغط على اسنانه )صدق ان السعوديين جلوف ومتخلفين وغير حضاريين
      وبالذات هالمغرور

      استغربت وش بينه وبين اهل علياء علشان يصير فيه جذي اكيد مسوي شي فسألته والفضول بياكلني :- ليش انت وش مسوي ؟
      صرخ على :- انتي ما يخصش .....ويلا طلعي برى داري قبل لا يجيش كف

      طلعت من غرفته وانا ماسكه نفسي عن لا اضحك ودخلت غرفتي خساره كنت بدق على عليا بس ما ينفع خليها لبكره لمن الموبايل يشحن...... بدبت ثيابي و توني بسويها لاول مره في التاريخ وبحط راسي وبنام من وقت ولاااااااا بدون عشا الا وباب غرفتي يدق ....امي ما تدق الباب الا اذا شافته مقفول ...معقوله سالم؟ بس توني جايه من عنده سألت بصوت عالي
      :- نعم من ؟
      جاني صوت ابوي :- انا ...فتحي الباب وانا ابوش
      نطيت بسرعه ولبست جلال الصلاه لاني كنت لابسه بيجامه قطنيه قصيره وانا مو متعوده اقعد قدام ابوي جذي وعلى طول رحت فتحت الباب دنقت على راسه
      :- هلا والله بو عيسى تو ما نورت داري
      ابتسم ابتسامه حانيه وقال لي وهو يقعد على السرير ويأشر على اقعد صوبه (صوبه =جنبه )
      :-يبه انتي شفتين اليوم حمد واذا كنتون اول مره تقعدون مع بعض فهذا مو معناه انكم ما تعرفون بعض

      سكت شوي وانا في حالة ترقب يا ترى وش اللي تبي توصل له يبه لكنه كمل
      :- وانا ما بستعجلش واقول لش وش رايش فيه اللحين... لكن انا اقول صلي استخاره وبعدها ردي علي خبر (وقف وحط يده على كتفي ) وفكري يا بوش زين .... و ترى ان سألتيني وانا اخبر منش بالرجال اقول ان حمد رجال ما يعيبه شي والرسول (ص) يقول ((اذا جاءكم من ترضون دينه وخلقه فزوجوه ))
      ما ادري ليش حسيت اني اذا تركت ابوي يطلع او حتى تركته يواصل كلام بيقرر بعدها اني خلاص لازم اوافق على حمد فقلت له وانا ما سكه يده ابوسها
      :- واذا قلت يبه انا حمد هذا نفسي عايفته ما ابيه ؟؟؟؟؟؟؟

    12. #27
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة


      العــــــــــــــــــــنود


      من يوم تحدد موعد ملكتي وانا مو على بعضي ....وداد تقول انه توتر اي انثى مقبله على خطوه مثل هذي بس انا احساسي غير انا طول عمري او بالاصح من فتحت عيوني على طلال وانا اتمنى هذا اليوم وارسم عدة لوحات لفرحتي بهذا اليوم بس ما ادري ليه لمن قربت هالامنيه تتحقق حسيت ان في شي يشوب فرحتي ....قلبي مقبوض ومتوتره حدي ...الكل يعتقد ان السبب التجهيزات وموعد الملكه القريب ....لكن قلبي يقول شي ثاني ....ما عارفه اترجم هالشي غير انه خوف ...من شنو وليش ؟؟؟هذا اللي ما عندي اجابه له
      حبيت انفض عن راسي هالافكار قلت اروح لنجود لكن اول ما طلعت من غرفتي لقيت سلطان قدامي اللي من شافني ابتسم وغمزلي
      :- ايييييييييييه وش عليها العروس عقب كم يوم وتصير حرم طلول
      حمر وجهي ضربته على كتفه :- انت ما فيك حيا !!
      ضحك :- لا ما استحي ولا ني بعاقل الا اذا زوجتوني (قرب مني وهمس في اذني ) بجد ما تشوفين لاخوش الفقير بنت كذا يعني على كيفك
      دزيته وقلت :- مو اذا كبرت بعدين نتكلم في الموضوع (شفت تركي مقبل وراه ) واول نزوج
      هذا بعدين نلتفت لك
      عبس طلال واشر على نفسه :- تركوا هذا في حاله لانه ما يبي يتزوج
      اتجهت له :- وليش ان شاء الله ...وش ناقصك
      ابتسم على جنب :- مو كل الناس تشوفني بعيونك
      مسكت فيه وجلسنا في الصاله اللي فوق :- ولو بعد بتظل ما يعيبك شي والبنات تأشر عليك وتقول هذا يشبه فارس احلامي
      ناظرني بعين مرهقه وحزينه :-بس لو قربوا بيقولون مغرور ورافع خشمه وما ينطاق و.....
      رفعت يدي قدامه :-وقف وقف وقف ... من هذا اللي يقدر يقول عنك هالكلام ....واذا في احد اكيد انه مو صاحي ...
      دخل يده في شعره وقام :- فيه يالعنود من قال فيه (غمض عينه ) واخاف يكون على حق
      اندهشت من كلامه وما حبيت يروح عني وما وضح قصده :-ومن هذا ؟؟وليش يقول جذي ؟؟
      دار ظهره لي :- انا تعبااااااااااااان وابي انام
      مسكت يده ودرته علشان يواجهني :- وش الي متعبك يا خوي ؟
      ابتسم ابتسامه باهته :- طلال ...مو يقولون العرس لثنين والجنون لتركي
      نزلت راسي وتركت يده وقبل ما ارد عليه قال :- على فكره بنات عمك بيجون معنا السوق بكره
      ودخل غرفته وسكر على نفسه الباب وتركني بدل ما يخف توتري وتروح عني همومي افكر فيه يا ترى من يوجه كلام مثل هذا لتركي وليش ؟؟واللي مضايقني ان هالكلام مأثر كثييييييير فيه وجارحنه من داخل لان عيونه كانت تلمع من الالم وهو يتكلم .... واضح انه مشاعره وروحه متألمه بسبب قرب هالشخص منه وما اضن انه الم كبرياء بس


      ((وداد))


      ما ادري ليش كل ما اروح مكان الاقي هالمخلوق اللي اسمه تركي في وجهي لا واللي يقهر اني هالمره داخله عليه ولا على بالي وعقب اللي قلته وسويته فيه اكيد بيقول اني متقصده وان هذي حركات بنات علشان الفت نظره ...واللي زاد وغطى ان هو اللي بيودينا السوق وكأن ما
      في البلد الا هالولد... حطيت صبعي في فمي وعضيت على اظافري وانا اهز رجلي بقوه
      بس خلاص بكره اذا دقت على العنود باعتذر وباتحجج بالتعب ولا بلا قي لي عذر
      لكن اني اركب معاه في نفس السياره لاااااااااااااااااا....مو هذا اللي ناقص عقب اللي صار اذا رحت وياه ساعتها بيقول اني ما استحي ووجهي مغسول بمرق....وقفت وناظرت شكلي في المرايه لمست شعري اللي رافعته ذيل حصان وجبته قدام دققت في لبسي وشكلي ...ويا ريت كنت لابسه شي عدل ولا مضبطه حالي مثل الاوادم وش بيقول عني ....اكيد ضحك على شكلي واكيد يتشمت على ان ما عندي ذوق وبيقول عني مبهذله و........نفضت راسي وش هالتفكير
      يا وداد !!!وش يهمك شلون ينظر لك او ش يفكر عنك ..... حطيت يدي على جبهتي ....ليكون سخنت وقمت اهذي ....اذا ماجد اللي اسمه خطيبي عمري ما فكرت شلون يفكر فيني او وش بيكون رايه اذا شافني ...اجي اليوم وافكر فهالمغرور تركي ...غمضت عيوني ورجعت لسريري فكرت ادق على العنود بس تراجعت وش اقول لها اكيد بتحس من صوتي ان في شي ...رميت الجوال على جنب وحظنت المخده .....خلاص بكره بروح معهم السوق وامري لله .... يعني مو معقوله احسس تركي بالانتصار او ان الموقف اللي صار اثر علي وما خلاني اروح معهم

      حطيت راسي على الوساده وسألت نفسي ((ليش انا عاطيه تركي كل هالمساحه من تفكيري وليش انا مهتمه))
      جاوبت نفسي (( طول عمره محتل اكبر مساحه من تفكيرك في الاول كان صوره لفارس الاحلام المثالي طول وعرض ووسامه رغم ان اخوانه اوسم منه بس كنت اشوفه اوسمهم ...والاهم كان دائما المدافع عنا في الصغر الى ......))
      عصرت المخده وغمضت عيوني عن لا تنزف دمع وانا اتذكر لمن كنت في ثالثه متوسط كنت رايحه بيت عمي علشان اذاكر مع العنود وساره لقيته واقف مع ماجد يسولف عليه ....ايامها كنت اتحجب وما اتغطى عنهم فوقفت في زاويه اضبط نفسي واتأكد ان شكلي مرتب واني مو مبهذله وساعتها.......

      قطع فيض الذكريات صوت دق الباب وقفت قدام المرايه تاكدت ان شكلي مضبوط وان ما في اثر الحرب النفسيه اللي خضتها وفتحت الباب لقيت سعاد وراها فيصل يقولون
      :- ممكن نتفضل ؟
      اشرت لهم يدخلون :- نعم ...وش صاير انتوا اثنينكم هنا ؟
      حاست سعاد شعر فيصل وقالت :- انا مو جايني نوم قلت اجيك نتسلى مع بعض اما (اشرت على فيصل ) فضولي فما اعرف ليش جاي
      بعد فيصل يد سعاد عن شعره وتكتف وقال :- انا جيت علشان اضمن انها (يقصد سعاد ) ما تغثك بدل ما تسليك
      ابتسمت لفيصل :- انا ادري وش بتتكلم فيه اكيد عن عرس طلال لكن انت وش وراك ؟
      ابتسم :- مو جايني نوم وش رايكم تسهرون معاي ؟
      تخصرت سعاد :- انا اسهر مع بزر وش نسوي نسهر على فلم كارتون ولا نلعب بليس تيشن
      فيصل يعرف ان سعاد تحب تلعب اونو فقال
      :- الفلم اللي تبينه سهري عليه وانا بلعب مع وداد اونو
      سعاد اللي اخر اونو شرتها قطعتها عقب ما تهاوشت مع فيصل لمن غلبها قالت
      :- صدق !!! ومن وين لك الاونو ؟
      ضحكت عليها :_ الحمد لله والشكر ..انتي البزر مو فيصل
      سعاد ما اهتمت وقالت لفيصل :- فصيل ... مو ابوي عقب مل تخانقنا نبه عليك ما في اونو تدخل البيت ؟

      تنحنح :- هو قال بس انا بعد فيصل مو اي احد بس قلت له خاطري فيها ..سمح لي اشتريها

      ابتسمت :- يا كذاب ...اساسا ابوي ما سمح لك الا لمن بكيت عنده ووعدته ما تتخانق مع اختك
      وثانيا لو سمحتم تبون تسهرون مو في غرفتي ...عندكم الصاله يرمح فيها الخيل سهروا على كيفكم انا وحده تبي تنام ....يلا مع السلامه

      طلعتهم وقفلت الباب عليهم وحاولت اني انام


      خـــــــــــــــــــالـــــــــــــــــــــد


      طلعت من بيت عمي بو محمد وانا اعصابي فلتانه درت في الشوارع شوي بعدها وقفت السياره عند البحر نزلت وجلست قدام البحر اناظر امواجه وهي تضرب الشاطي كانت هايجه وغضبانه
      تبي تكسر الصخور اللي قدامها وتفتتها مثل ما موج صدري يبي يفتت عروقي من الالم اللي يكسر قلبي ويوزعه شضايا تمزق رئتي ...ناظرت البحر وحسيته قدام المي صغيييييييييييير وما يقدر يحتويه قعدت القرفصاء ونزلت راسي على ركبي وضغطت على راسي بقوه
      :- بس بس لا عاد تفكر فيها....ما يكفيك اللي جاك منها ؟ وين كرامتك وين عزتك علشان تخلي حرمه تهز كيانك
      ااااااااااااااااااااااه نفثتها اهه حاره من صدري يا ريت كانت اي حرمه كنت ما اهتميت ولا ترددت لحظه في اتخاذ قراري لكن.... هذي بنت عمي يعني لحمي ودمي
      هذي زوجتي يعني سمعتي كرامتي ونفسي .... بس لو هي مهتمه وحاسه بهالشي ما كانت سوت فيك كذا .... هه وهي اساسا كانت تبيك علشان تهتم فيك او حتى تراعي احساسك
      .... بس مهما يكون الحرمه اذا تزوجت يكون من واجبها انها تحافظ على كرامة زوجها وتحفظ لها هيبته قدام الناس مو تسويه مهزله وبيزه ما يسوى ....
      ماني قادر انسى الموقف اللي صار قدامي الا ما ني قادر انسى كلماتها في مكالمتها مع هذاك
      ولا انسى استهانتها بي واستغفالها لي تطلع ومرتين في نفس اليوم ولا همها وجودي

      دق جوالي ما كنت ناوي ارد لكن المتصل كان لحوح طلعته من مخباي ابي اقفله اول ما شفت اسم المتصل ما قدرت الا اني ارد
      :- نعم ؟
      الطرف الثاني :-....................
      :- وعليكم السلام
      الطرف الثاني :-.................
      :- ما اقدر
      الطرف الثاني :- .........................
      :- طيب طيب ....على الساعه تسع بكون موجود
      الطرف الثاني :- .................................................. .......... ......
      وقفت بسرعه وصرخت :- نعم !!!!!!!!!!!!



      الى هنا وانتهى البارت
      قراءة ممتعه ان شاء الله
      اعذب وارق التحايا
      وفي امان الله

    13. #28
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الجزء الرابع عشر ))
      (جمرات في القلب)


      عمركم حسيتوا انكم بين المطرقه والسندان ....وان احلى الخيارين مر؟؟؟
      عمركم حستوا انكم لازم تقررون بين امرين ....وبداخلكم تتمنون لوفي خيار ثالث؟؟؟
      عمركم جربتوا تقبضون على الجمر ؟؟؟
      عمركم حسيتوا ان صدركم ضام بين ضلوعه جمره ؟؟
      بعض ابطالنا راح يطرون يختارون بين اثنين وهم عارفين انهم بهالخيار يقبضون على جمر يلهب نار .... وبعضهم في جمره اساسا قاعده تسعر في قلبه فيشوف نفسه مدفوع دفع لهالتصرف ......لكن هل خيارهم راح يكون خيار صحيح ؟؟؟ وهل هالدافع او التصرف راح يلقى القبول؟؟؟
      وهل من الممكن ان تشفى الحروق ومن غير ما تترك اثر؟؟؟



      نـــــــــــــــــــــــدى


      كنت قاعده في الصاله قبال شاشه التلفزيون وفروسي نايم بحضني ...وطبعا ما نام الا عقب ما هد حيلي...مليت اليوم طول النهار وانا لحالي وكل تفكيري في الرياض تمنيت لو اني هناك مع البنات اكيد طوال الاسبوع فرفره في الاسواق ....راح بالي لطلال وارتسمت ابتسامه على شفايفي اكيد اللحين طاير من الفرح واكيد مو عارف ينام وتلاقيه مزعج الكل بكلامه عن ملكته وعن العنود ...صحيت من افكاري على صوت الباب دخل عزيز وقلع شماغه ورمى جسمه على الكنبه جنبي التفت له بابتسامه
      :- وعليكم السلام والرحمه ....كلنا بخير الحمد لله
      ناظرني بعيون مرهقه وقال :-اففففففففف اليوم كان متعب وما فيني حيل حتى اتكلم
      سألته :- طيب انت اكلت شي ؟؟
      رد وهو مغمض عينه :- لا انا ما ابي شي غير اني انااااااااااااااااام
      انا عاذرته بس بعد انا ميته ضيق وملل وما صدقت يجي احد اجلس معاه
      :- معقوله بتنام من اللحين ؟!!! لسه بدري (طلبت برجى ) اقعد معاي شوي
      وقف :- ندى هذي مو سالفه اقول لك تعبان تقولين اقعد
      فتحت عيوني :- طيب شوي شوي ليش معصب
      تنهد بقوه :- شوفي نفسك وش جالسه تسوين يعني بدل ما تقولين لي حبيبي قوم نام وارتاح
      تقولين تعال اشغل وقتك بسخافات
      هذا وش فيه ما صارت مره في حياتي طلبت منه يجلس معاي :- انا يا عزيز الجلسه معاي
      سخافه (دمعت عيني ) غير انها اول مره اطلب منك هالطلب

      صرخ :- اوهووووو مو اول مره تجر ثاني مره
      انزعج فراس من صراخ ابوه فصحى وظل يبكي وطبعا هالامر كالمعتاد يزعج عزيز
      :- سكتي ولدك تراه صدع راسي
      ضميت فراس لصدري وانا اهمس في اذنه بشويه كلمات تهديه واول ما رجع يهدأ قلت لعزيز
      :- مو انت اللي صحيته من صراخك وثانيا مثل ما هو ولدي تراه ولدك
      ما اهتم للي قلته عطاني ظهره ورقى الدرج ...طفيت التلفزيون وحملت فراس لغرفته نزلته في سريره وجلست جنبه اتأمله(( اساسا مو مصبرني على اطباع عزيز الحاده الا شيئين ولدي ومعرفتي ان عزيز من داخله طيب وحنون ....بس المشكله الكبيره انه تربى على ان اي شي يطلبه ينوجد وما تعود على الرفض واذا احد رفض طلبه ما يهدأ الا اذا نفذ له طلبه ....وكل هالدلال من خالتي ام عبد العزيز الله يسامحها ..هذا كله ليش انه ولدها البكري الله يعين لوان ما عنده اخوان صبيان )) قمت من عند فراس وتركت الباب اللي يفصل بين غرفته وغرفة نومنا مفتوح سحبت لي بجامه ودخلت الحمام ....طلعت عقب شوي وعزيز غرقان في النوم أو كنت اظنه نايم ...تسحبت ودخلت في الفراش توني بحط راسي على المخده وبغمض عيوني الا عزيز ملتفت لي يقول :- اقول نامي جنب ولدك احسن
      قعدت ومسكته من كتفه :- عزيز وش قصدك ؟
      رد بكل برود :- خلك عند ولدك الى ان تغيرين رايك
      اخذت نفس علشان ما تنزل دموعي وحاولت امسك اعصابي :- بس يا عزيز حنا اكثر من مره تناقشنا في هالسالفه وقررنا اننا ........
      قاطعني :- انتي قررتي لكن انا بعدني على رايي ...اتركي المانع
      نزلت دموعي :- بس يا عزيز خاف الله فيني فراس بعده صغير ....وانا اقول خله لمن ...
      قعد على حيله :- وانا اقول ما بصبر الى ان يكمل سنتين ....وتراني احذرك انك قاعده تعصيني
      في شي من حقي
      وقفت ولبست الروب وقلت بعصبيه مخلوطه بالدمع :- ومن حقي بعد اني ارتاح شوي ...ومن حق فراس انه يلاقي الحنان والاهتمام ...مو احمل عليه وهو بسن 6 اشهر وساعتها اكيد بينهمل
      ابتسم بسخريه :- هه هذا لانك مو قد المسؤليه يا مدام ....ولا غيرك ربى توم
      صحت قهر:- غيري مو انا يا عزيز ...وانا ماقلت ما ابي عيال انا قلت نأجل هالمسأله شوي
      دار لي ظهره ونام :- وانا اقول ما بستنى ...ومن هنا الى ملكة اخوك ابي اسمع قرارك وبعدها انا بتصرف
      حز في قلبي تجاهله لي غير اني خايفه من سالفه بتصرف ((ااااااااااه ما اقساك يا عزيز هانت عليك العشره وتطردني من غرفتنا )) طلعت ورقدت في غرفه فراس وما قدرت انام وكل بالي مشغول مع عزيز ...وش اسوي له علشان يقتنع ويرضى ؟؟ واذا ما رضى يا ربي معقوله
      اطيعه واحمل في هالوقت ؟؟....ناظرت فراس ...بعده صغير يا عمري واعرف نفسي في الحمل والوحام ما انطاق على طول تعبانه وما اقدر حتى ارفع راسي .... يا ربي وش اسوي
      اخاف اطيعه وساعتها ولدي وين اوديه عند امي في الرياض وانا في الشرقيه ولا عند ام عبد العزيز اللي ما تقدر تتحرك من المرض وكبر السن ولا اترك ولدي في يد الخدامات ما ادري
      وش يسوون فيه ...... واخاف اظل معنده مع عزيز وما يقتنع وساعتها ربي يغضب علي
      ااااااااااااه يا ربي انا مو حمل كذا ابد ...بكيت قهر وذل ومهانه من اللي يسويه عزيز فيني
      حسيت ان التعب هدني لكن ماقدرت انام ...لان ما في حد يقدر ينام على سرير من جمر وشوك
      وهذا اللي كنت حاسته


      خـــــــــــــــــــالد


      كنت ناوي اقفل الجوال واطنش لكن اول ما شفت المتصل طلال قلت ارد عليه اعرفه ما بيتركني الا اذا رديت عليه اعرفه كل ما يشغل باله شي يجافيه النوم وساعتها لازم يسهرني معاه
      ولان مزاجي متعكر ومالي خلق شي رديت برود
      انا:-نعم ؟
      طلال بنفس ضايقه :- السلام عليكم
      انا:- وعليكم السلام
      طلال :- خالد اجل اشغال البحرين وارجع
      انا:- ما اقدر
      طلال :- كنت عارف انك بترد كذا ....اجل اسمع انا بكره على التسع ونص بكون في المطار ابيك تجيني
      انا:- طيب طيب ....على الساعه تسع بكون موجود
      طلال :- .الصراحه كنت ابيك في موضوع ملكتنا انا والعنود ...... انا ابي الغيها
      وقفت بسرعه وصرخت :- نعم !!!!!!!!!!!!
      ما لحق طلال يرد علي لاني واصلت :- انت واعي للي انت تقوله ....انت انجنيت
      رد بكل هدوء:- واعي لكل كلمه انا اقولها .... انت اهدا واسمعني
      هذا مو عاقل عقب اللي قاله يبيني اهدأ:- يعني تبي تقول لي عقب ما جهزتوا كل شي وانطبعت الكروت للمعازيم ويمكن نصهم اذا مو كلهم وصلتهم الدعوه تجي تقول لي غيرت رايي وما ابي اختك وتبيني اهدأ ..... شوف يا طلال انت ولد عمي وصديقي لكن مو على حساب اختي ومشاعرها وكرامتها فهمت
      ساد الصمت من بينا شوي بعدها قال لي طلال :- انت اللي ما فهمت ...انا عمري ما بسمح
      لاحد مهما يكون يهين العنود او يحط من كرامتها ...وصدقني اللي يهينها ما بيرضيني غير دمه

      ضغطت على اسناني وغمضت عيني بقوه :- باين يا ولد عمي وهذي اولها تبي تفضحنا وتنكس روسنا
      سمعت تنهيدت طلال :- لا حول الله هذا ظنك فيني وانا اقول ما حد بيناصرني غير خالد
      وقلت اجيك البحرين علشان ارد معك وتوقف معاي قدام ابوي وعمي
      حسيت بالم فضيع في راسي وكأن الي سوته اخته ما يكفيني فجا اخوها واغلى انسان على قلبي يكمل علي :- في كل شي انا معاك يا طلال الا هذي انا اول واحد يوقف ضدك
      .... رغم انه يعز علي اعطي اختي للي ما يقدرها
      ردطلال بحده :- افااااااااااا انا ما اقدرها ؟!!!! اصلا لو ما كنت اقدرها واحبها ما كنت فكرت اني الغي سالفه الملكه واسويها عرس مره وحده
      كأن احد ضربني على راسي :-هااااااااااااا وش تقول ؟!! يعني انت ما تبي تتخلى عن العنود ؟

      ضحك طلال :- فالك ما قبلناه ...اتخلى عن روحي ولا اتخلى عنها
      ضحكت على غبائي وعلى حركة طلال فيني :- طيب واذا قلت لك انا مع ابوك وعمك واقول مثلهم اول املك وعقب ما تخلص البنت دراسه اعرس
      انصدم طلال :- اللحين اقول لك انا ما اقدر اصبر على فراقها اكثر من كذا تقول
      اقعد سنه بس مملك ...تدري انا بكره عندك ولاني بتاركك الا اذا اقتنعت

      ابتسمت :- طيب على فرض انا اقتنعت ....ما سألت نفسك العنود وش بيكون رايها؟؟
      سكت طلال شوي بعدين رد :- تدري انا بكلم وداد اللحين تشوف ردها بعدين نتناقش في الموضوع
      صرخت عليه :- تعال يالمجنون ... انت شايف الساعه اللحين كم ؟ انا اقول اجلها لبكره وكذا كذا انا برجع السعوديه قبل موعد الملكه وساعتها نتكلم في ذا الموضوع

      انا متأكد انه ما اقتنع لكنه قال :- اللي تشوفه بصبر لبكره ....وخلاص ماله داعي تجيني المطار
      بجلس هنا اكمل تحضيرات الملكه احسن

      ركبت السياره وسندت راسي على السيت وقلت :- طيب انا بكره وراي قومه من الصبح
      ضحك طلال :- لا تحاول ما ني بتاركك
      نزلت راسي على السكان :- بس انا تعبااااااااااااااان وابي ارتاح
      كالمعتاد حس طلال ان تعبي ما له علاقه بالبدن وانه تعب الروح فقال
      :- سالفة عليا ؟اسمعني يا خالد اذا ضليت كذا عايش على فكره انك مجبور عليها وانها سبب حرمانك من ساره فـ........
      قاطعته :- يا ريت السالفه جت على كذا (اخذت نفس بقوه وزفرته اهه حاره ) تعرف زين اني عقب ما كلمت ابوي تناسيت انهم اجبروني عليها ....وساره ما ادري اذا كنت بتصدقني اولا
      ما كانت في نظري غير مثال للمرأه اللي تصلح تكون زوجتي ....وثورتي في البدايه بس لانهم
      حرموني من اختياري وفرضوا على شخص مجهول ...اما اللحين فهي ما تعني لي اكثر من كونها بنت عمتي

      اظن ان طلال تحير لانه قال :- زين ليش الضيق انا اشوف انك بكذا بديت توزن الامور بشكل صحيح وتجتاز العقبات اللي كنت انت واضعنها ....وعلى حسب معرفتي بعليا المفروض انك اللحين على الاقل على الاقل عرفت انها زوجه مناسبه لك

      كنت ناوي اداوي جراح كرامتي بنفسي واقفل عليها صدري من غير ما احد يعرف عنها شي بس خلاااااااااااااااص فاض فيني وماعدت اتحمل اكثر وما لقيت نفسي غير وانا اقول لطلال
      عن اكثر شي حارق قلبي ومشعل النار فيني عن اول مكالمه لها سمعتها وادعيت اني ما سمعت منها شي وعن الخسيس النذل ولد جيرانهم... اول ما خلصت كلام حسيت ان في احد شاركني همي وفي احد حاس فيني ومقدر المي وحيرتي لكن لازال ثقل الهم مثل ما هو ماذي روحي
      لكن طلال رد بشكل مغاير للي توقعته صحيح ما كنت متوقعه يلوم اخته او حتى يصدق عليها
      بس ما توقعته يلومني
      :- اذا تبي كلمة الحق يا خالد سمعها مني للاخير مثل ما سمعت منك وحطيت طين وعجين على قلبي علشان ما اهادك على اللي قلته عن اختي تراك اذا ما كنت واعي انت تتهمها في شرفها واخلاقها ولو ماني عارفك زين كان بيكون لي معاك تصرف ثاني .....يا خالد انت غلطااااااااان
      ....انت سمعت مكالمه من طرف واحد يعني ظنك ممكن يكون خاطئ غير ان المكالمه ممكن تحمل الف معنى غير اللي فهمته ....وانت غلطتك انك اتهمتها من غير ما تسمع تبريراتها للموقف وهذا شي انت عدته اليوم يعني انا ما بقول انك سمعت غلط ...ولا بفسر الموقف على كيفي لكن .....
      قاطعته :- طلال انت منت حاس فيني ...لمن تكون الحرمه موضع الشك اختك يمكن تكذب نفسك وتقول انك غلطان ...لكن لمن تكون زوجتك وقبلها بنت عمك ...فساعتها ما بيكون عندك وقت تفكر هالتفكير وكل اللي بيخطر في باللك الم كرامتك المهدوره واستغفالك والحط من قدرك ومن قبل من؟؟ من قبل لحمك ودمك

      رد طلال بنفس هدوءه السابق :- شوف انا ما باخترع مبررات ولا بعذرك لانك مهما يكون غلطت في حق عليا لمن ما سمعتها لكن الغلط مدروك والسالفه محلوله
      زاد الم راسي وحسيته بينفجر وتمنيت انه يكون في حل فعلا
      :- وشلون تنحل
      سألني :- انا اعرف ان عندك بكره اجتماع مع بو نادر ...متى بيكون هالاجتماع ؟؟
      ما فهمت وش علاقه الاجتماع بالموضوع لكني رديت :- الساعه عشر
      تنهد :- طيب اجل بكره من الساعه ثمان تكون عند عليا وتسمعها وش تقول وما له داعي تتكلم
      ابتسمت بسخريه :-وانت تتوقع انها تقبل تتكلم معاي او اني اقدر اتحمل اللي بسمعه
      ردطلال :- غصب عنك وعليا ما عليك منها انا بتفاهم معاها وانت ما عليك الا انك تكون عندها الساعه ثمان ...ويلا مع السلامه بحاول انام عقب ما غثيتني

      سكر الجوال وخلاني لحالي تتقاذفني موجه جديده من الافكار جالس اناظر البحر وافكر في كلامه... معقوله لو سمعتها بلاقي راحتي ؟؟او ان المي وجرحي بيتسع ؟؟
      وفي الحالتين كيف بتصرف ؟؟والاهم هي كيف بيكون رد فعلها وكيف بتتصرف ؟؟
      وحتى اذا كنت غلطان ياترى بيرضيني تبريرها ؟بيريحني ؟بيغسل همي ؟
      ولا بيحملني هم جديد ؟!!!


      هـــــــــــــــاجـــــــــــــــــــر


      وطيت على يد ابوي وبستها وقلت :- واذا قلت يبه انا حمد هذا نفسي عايفته ما ابيه ؟؟؟؟؟؟؟
      سحب ابوي يده ومسح على راسي وقال بلهجه حانيه :- ليش وش فيه حمد وش يعيبه ؟
      بلعت ريقي وش اقول اللحين وشلون ارد على ابوي لكن اخذت نفس وقلت
      :- حمد ما عليه قاصر ومثل ما قلت على دين وخلق بس
      سكت ما عرفت اكمل لكن ابوي قال :- شوفي يا بنتي صدق ان الزواج مو غصب والراي والشور لش ...لكن بعد انا ولي امرش ومن حقي اسأل عن السبب لمن ترفضين واحد
      مثل حمد ما يعيبه شي وكل واحد يتمنى يناسبه

      يا ربي ابوي صعبها وما اعرف وش ارد عليه وفجأة خطر على بالي اني اقول
      :- انا ما انكر يبه ان كل بنت تتمنى رجال مثل حمد بس بعد ما في حره ترضى على نفسها يزوجونها رجال ما يبيها
      عبس ابوي وقف :- ومن قال ان حمد مايبيش او اني ارضى لش بهالشي ؟؟
      خفت لا ابوي يعند ويقلب علي وساعتها يجبرني عليه فقلت
      :- يبه انت تعرف مثلي ان حمد ما جا يخطبني الا عقب ما كلمته انت من بعد اللي صار مع سالم
      قاطعني ابوي :- يمكن اكون قلت له يملك عليك بس ما جبرته وهو ما اعترض اصلا واليومين اللي اخذهم كان يفكر فيهم شلون يقنع اهله بالخطبه وهو بعده ما كمل دراسه وانا اقول رجال مثله ما ينرد

      طالعت ابوي وحاولت معاه للمره الاخيره :- لكن انت تدري يبه ان الجيران سمعوا اللي صار بين سالم وحمد واكيد يبه تلقاهم يتكلمون .....واذا وافقت اكيد بيقولن ان اخوها على حق ولا ليش يجي يخطبها وهو بعده ما خلص دراسه وهي وافقت على طول ؟....لكن اذا رفضت بينقطع كلام الناس وبيقولون ما رفضته الا لان ما بينهم شي

      سكت ابوي يفكر في كلامي وحسيت انه استساغ الفكره وانه بيعدل عن رايه لكنه قال
      :- شوفي يا هاجر كلام الناس ما يخلص والزواج يبه حياة ومستقبل وعمر ما يصير نقرر فيهم على حسب كلام الناس لاننا جذي بنخسر واجد وانا اشوف انش تبعدين عن راسش هالافكار ....والاحسن تصلين استخاره وعسى الله يهديش للاحسن

      وتركني وطلع من غير ما استفيد شي وكأنك يا بو زيد ما غزيت تضايقت حاولت انام يمكن ظليت على هالوضع ساعتين بعدها استسلمت وفكرت اتصل على عليا طالعت موباليلي لقيت اني ومن غبائي ما شغلت الشاحن شغلته ورحت اتسحب على الدرج اشوف اذا في احد في الصاله او لا ولمن شفت المكان خالي نزلت ورحت عند التلفون ودقيت على عليا
      طولت عليا على ما ردت
      :- هلا واخيرا ....وين كنتين ما تردين على
      رديت من غير حماس :- ابدا هني بس نايمه
      طالعت الساعه لقيت انها 1 فقلت امزح :- من اللحين نايمه ؟؟(ورفعت حاجب ) زين ما تبين تعرفين وش صار اليوم

      الظاهر اني ما حركت فضولها لانها قالت :- وش رايش بكره تمريني وتقولين وش صار بالتفصيل
      تنهدت :- يعني ما تبين تسمعيني ؟؟وثانيا انتي تعرفين ان سويلم مسوي لي حظر تجول

      ردت عليا بصوت مبحوح :- ما اظن اخوش يمنعش عقب ما جا حمد يخطبش ...غير اني ما اقدر اجيكم لان خالد مانعني من دخول بيتكم ؟
      نسيت موضوعي ورديت بحده :- نعم؟؟؟خير ان شاء الله ؟؟؟ ليش السيد خالد ما يبيش تدشين البيت ؟؟
      تنهدت بضيق :- اسألي اخوش
      على طول تذكرت منظر سالم وكلامه فقلت :- يعني السعودي اللي تهاوش مع سالم هو خالد ؟

      ردت عليا :- تهاوش!! ليش هو اخوش الجبان اصلا قدر حتى يواجه خالد هو ما تحمل رفسه
      وشرد
      ضحكت وقلت :- وليش تهاوشوا ...اقصد رجلش ضرب سويلم

      قالت لي عليا على الموقف وشلون كلمها سالم وان خالد سمعه وانها مقهوره من سالم اللي حطها في هالموقف مع خالد:- تصوري يا هاجر ...ان خالد على باله ان بيني وبين اخوش شي
      ولا شلون يتجرأ ويقول لي هالكلام واللي زاد الطين بله اني بكل غباء طلعت من البيت من غير اذنه وكأني اتقصد الغيه

      هديتها وقلبتها مزح علشان اغير مزاجها :- يا عيني كل هذي غيره الظاهر الولد خلاص ذاب وما عاد يشوف غيرش
      تنهدت عليا :- اي غيره اي خرابيط الا قولي غيظ قهر حقد و.........الم
      ابتسمت :- الم ؟؟وتقولين مو غيره مو لو ما تهمينه ما تألم
      سكتت شوي بعدين ردت :- اهمه لاني بنت عمه واسمي مقرون باسمه لا غير ......يا هاجر لو شفتينه وهو يطق سالم او حتى شلون يهدده كنتي عذرتيني ساعتها تمنيت اني ما انوجدت
      ...لو شفتي شلون ما كان طايق حتى يكلمني وشلون غصب نفسه وكلمني ...كانت عيونه مليانه ما ادري عتب ولوم و......... ذبحني يا هاجر لمن صغرني واحتقرني لمن ...

      وقفتها :-بس بس يا جولييت كل هذا عرفتيه من عيونه وتقولين ما احبه !!!! ولا تقولين انها مجرد ثوره كرامه وكبرياء لان صوتش يقول غير جذي....وبكره بكون عندش وساعتها بنتكلم على راحتنا

      ردت برجا :- هاجر لا تسكرين خلش شوي ...ترى ماني عارفه انام خاصع عقب اللي قررته

      استغربت في العادة تقول اذونها عورتها واني اهذر على الفاضي لكني استسلمت:- وش هذا اللي قررتيه ؟؟
      ردت بغموض :- مو وقته وصدقيني بتعرفين قبل غيرش
      عرفت انها مستحيل تعلمني فغيرت الموضوع :- زين سمعي اهم شي .....
      وقلت لها عن كل اللي صار لي اليوم الى لحظة اتصالي فيها وكملت :- والظاهر اني ما لي غير اكلمه بنفسي
      ردت عليا :- اولا من وين بتجيبين رقمه ؟ثانيا فكري زين مو يمكن هالفكره تنقلب ضدش ؟
      ثالثا والاهم ان ابوش على حق وانا من رايه وفكري زين قبل ما تتهورين وفي ذمتش وش بتقولين له ؟؟

      رديت بانزعاج لانها كانت ضد فكرتي:- رقمه موجود في دفتر الارقام عند امي وهذا ما في اسهل من الحصول عليه لان امي تتركه في الصاله عند التلفون ...وما اظن ان الفكره بتنقلب ضدي لان اللي بقوله اكيد بيخليه يتراجع عن خطبتي بنفسه
      احبطتني لانها قالت :- وما فكرتين في عمي وش بتكون ردة فعله اذا جاه حمد وقاله له خلاص ما ابي بنتك ؟
      حكيت راسي انا فعلا ما فكرت في هالنقطه فقلت :- من اللحين لبكره بشوف لي دبره في هالسالفه (وقلبت الموضوع ) ما قلت لش سالم وش قال
      ردت بلا مبالاه :- يعني وش بيقول اخوش غير كلام يسد النفس مثل وجهه

      ابتسمت بمكر وقلت لها عن اللي قاله لمن سألته من طقه وفوق ما توقعت ثارت عليا وقالت بحده :- يخسي الا هو الـ............ ما ابي اوسخ لساني علشان واحد مثل هذا ما يعرف وش معنى الرجوله وعمره بيكون رجال ....واللي يتكلم عنهم تراهم احسن منه وما هو الا اقل من تراب رجولهم الا هو الوسخ اللي نعولهم انظف منه ....وخالد هذا اللي مو عاجبه يسوى بلد من اشكاله وتراه عمه وتاج راسه وان كان خالد ما يقبل يكون على راس واحد مثل هذا

      ضحكت عليها من قلب :- شوي شوي لا تنفقع مرارتش السعوديين وقلنا هذولا اهلش وانتي على حق...لكن خلودي لا تقولين ان السالفه بس لانه ولد عمش وان رجال وكفو ....ترى انا عارفتنش زين واعرف ان قلبش اللي ثاير على سويلم الله لا يسلمه اللي باليني وبالي الاوادم بس لانه كان يقصد خلودي

      وعلى اخذ ورد بيني وبين عليا انا احرق اعصابها كل ما قلت لها انها تحب خالد وهي
      وبكل اصرار تنفي هالشي واخر شي قالت
      :- انا اصلا ما قلت غير الحق وهذي شهاده فيه لكن بعد مستحيل انسى او اسامحه عقب ما جرحني وشكك فيني

      كنت برد عليها لكنها قالت ان في مكالمه جايتها من اخوها

    14. #29
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((وداد))


      طلعنا للسوق من الصبح علشان نلحق على الوقت خاصه ان العروس معنا كانت طلعه عاديه استمتعنا فيها لكن الغريب فيها ان تركي من ركبنا الى اللحين ما يتكلم الا اذا سألوه خواته او طلبوا منه شي وكانت ردوده مختصره على غير عادته في انه ياخذ ويعطي معهن ....كنت بسأل العنود وش فيه اخوش ؟....لكن تراجعت اخاف يسمعنا ويحسب اني مهتمه فيه
      والظاهر ان السالفه مو لافته نظر احد غيري ....طبعا سعاد ونجود نقوا لهم فساتين وما بقى احد غيري اساسا انا احب اخيط في هالمناسبات وما احب الجاهز بس الله يسامحهم الوقت ما يسمح وزين ان العنود قدرت تخيط لها فستان راح يجهز قبل الملكه بيوم ....اخذت العنود على جنب في المحل علشان انقي لي فستان وسألتها
      :- وش فيه اخوك اول مره اشوف هالمغرور قافل فمه ولا بالعاده مصدعنا من ظرافته ؟

      ناظرتني العنود من تحت البرقع بعتب :- حرام وداد لاتقولين عنه جذي ترى والله تركي حباب وما في منه اثنين .... ويا ريت ادري وش فيه كنت على الاقل شاركته همه
      بطلت عيوني :- همه؟؟
      سحبت نفس :- ولو انه مو الوقت او المكان المناسب بس الظاهر ان في مشكله او سوء تفاهم بين تركي وبين حد
      قطبت حواجبي مستغربه :- حد مثل من ؟؟ومشكله من اي نوع ؟؟
      التفتت العنود تتأكد ان تركي بعيد وما يسمعنا :- ما ادري نوع المشكله يعتمد على هالحد من يكون ...وانا شاكه انه اما يكون واحد من ربعه او ......... وحده ما خذه قلبه وهي ولا على بالها
      ماادري ليش ضايقتني فكره ان تركي يحب وحده وما حبيت ابين هالشي فشغلت نفسي باني انقي لي فستان ....خلصنا شراء وباقي لنا نشتري جزم طلعنا من المحل وكان يكلم احد في الجوال التفتت للعنود وسأل:- وين بتروحون اللحين ؟؟
      اشرت العنود على محل احذيه قريب وقالت بندخل هنا بنشوف
      ناظر اسم المحل وذكره وقال :- طيب استناك

      دخلنا المحل وهو وقف عنده ما دخل معنا ما عجبنا شي وطلعنا لقيناه واقف مع ماجد وساره
      سلم ماجد علينا وبعدين رجع يقول لتركي :- ما قلت لي ان بنات خالي معك ؟

      رد تركي عليه :- انت ما سألتني من معي
      ناظرني ماجد وسأل :- افطرتوا ؟؟
      انحرجت اول مره من خطبني يكون بينا كلام غير السلام لكني رديت :- افطرنا
      ابتسم وقال :- اجل انا عازمكم على كوفي ومنها تريحون شوي
      ردت عليه ساره :- بس انا ما افطرت (غمزت له ) وفطوري اليوم عليك
      وقربت مني وقالت :- ما قلتي لي وش شريتوا؟؟
      رديت عليها وحنا نمشي للمحل ورى ماجد وتركي اللي دق جواله ورد عليه بحراره
      تركي :-هلاااااااااااااااااا عاش من سمع هالصوت
      :-..................................
      تركي :- وينكم فيه اللحين ؟؟
      :-.....................
      تركي :- جد !!من متى ؟
      :-.......................
      تركي :- افاااااااااااااااااا والله انكم على طول في البال
      :-......................
      ضحك تركي بقوه :-لاااااااااا إلا هذي و الليله ان شاء الله انا عندكم

      مزاجه من هالمكالمه انقلب 180 درجه الظاهر فعلا ان السالفه فيها بنت وواضح من المكالمه انها كانت بعيده عنه ولمن رجعت ردت له الروح ....لمت نفسي وش لك فيه قلعته حب ولا ما حب على راحته ....واذا كان يعرف بنات مثلها ما يسوون فهو الخسران ...والله من يتوقع ان تركي يعرف بنات ؟.....لكن الغروريسوي كل شي .............

      نبهتني من افكاري ساره تسأل :- الا متى بترد عليا من البحرين ؟

      استغربت اهتمام ساره وسؤالها عن عليا لكني رديت :-عقب اربعة ايام ليش تبين منها شي ؟
      رفعت حواجبها مستنكره :- انا ابي منها شي !!! مستحييييييييييييييل
      لويت فمي مع انها ما تشوفه وقلت :- وليش مستحيل ؟
      ماردت ساعتها قلت للعنود بهمس :- الظاهر ان حبيبة اخوك رضت عليه
      همست لي :- ليه وش معنى حكمتى ان عنده حبيبه ؟
      رديت:- ما شفتي كيف مزاجه انقلب لمن كلمته واضح من كلامه انه يكلم بنت
      قرصتني في يدي وقالت :- حرام عليك تظنين ...وثانيا ما كان مبين اذا يكلم بنت او ولد واذا فعلا يحب بنت تركي مستحيل يسوي اللي في راسك ترى تركي اذا حب ما بيكلم ويبني علاقات زي كذا لا ...تركي اذا حب بيروح من باب بيتهم ويخطبها

      يخطبهاااا تركي يخطب...عورت قلبي هالكلمه ما عرفت ليش كرهت ان تركي يحب او يخطب... لا المفروض انه يضل عازب اصلا تركي ما يناسبه ان يكون متزوج
      دخلنا الكوفي وجلسنا على طاوله في جنب متداريه عن باقي الطاولات باصيص من نبات الزينه وجلسوا الشباب في الطاوله اللي قدامنا تكلموا شوي وبعدها جانا سالم
      :- وش تشربوا ؟
      ردت نجود :- كلنا نبي كابتشينو وساره ما اعرف وش تبي
      ردت ساره :- كلها كرواسون وكوفي
      نزل لها ماجد وهمس في اذونها بشي ابتسمت وقالت :- طيب طيب اللحين بقول
      ابتعد ماجد وصى على الطلب وجنبه تركي وهم راجعين قال شي لتركي على طول تركي عبس وجا عند طاولتنا في اللحظه اللي همست ساره في اذوني
      :- ماجد يبي طلب صغيرون ....يبي شيئين طلبهم مني وانا قلت اول اشاورك ....يبي صوره لك ويبي رقم جوالك
      ذي من جدها جالسه تشاورني وقبل ما ارد عليها سمعت صوت طلال بغضب يقول
      :- يلا مشينا
      قالت نجود :-والكابتشينو
      رد عليها بحده :- اذا وصلنا البيت صلحي لك واحد
      شهقت نجود :- نرجع الحين ؟؟بس حنا ما كملنا اغراضنا
      رد بهدوء لكن بلهجه امره :- مره ثانيه خذوا اللي ناقصكم بس اللحين كلكم بتجون قدامي على البيت
      ساعتها قرب ماجد منه وقال :- والله اذا بترجع خواتك على كيفك بس بنات خالي بو طلال خلهم يكملون اغراضهم معنا
      التفت له تركي ولازالت عيونه تنفث شرار :- كلهن مثل ما جوا معي بيرجعن معي
      ومشى قدامنا تقدمت نجود والعنود ووقفت سعاد لكني وقبل ما اوقف قال ماجد
      :- وداد انتوا تبون تردون البيت ؟؟
      ما رديت لان اللي الكلام اللي قالته ساره صدمني خلاني اغص بعبرتي ولا عرفت اتكلم لكني اخذت نفس وقلت
      :- يلا يا سعاد نرجع البيت
      رجعنا البيت نزلت سعاد وقبل ما انزل قال تركي
      :- نجود نزلي واتنوا خلكم معي
      نزلت نجود وفتحت الباب بنزل لكنه قال :- سكري الباب ترى ما تشوفين طيب
      خفت من حدة لهجته وسكرته وقبل ما يحرك السياره سألني
      :- وش ردك على ماجد يا وداد ؟
      انصدمت هذا وش دراه :- وانت شدراك ؟
      رد ببرود وهو يناظرني من المرايه :- هو قال

      ثار الدم في عروقي لهالدرجه يعتقدون اني رخيصه رايح يعرض على اخته انه يبي يكلمني ويبي صورتي وهو ما بينا اي شي غير كلام يعني ما احل له او يحل لي وفوق هذا يقول لصاحبه والثاني جاي يسمع ردي رديت بغضب وحراره مثل حراره النار اللي تلهب بجوفي
      :- انتم ما تحسون؟ ...تحسبون بنات الناس لعبه ...انا ابي اعرف من سمح لكم تعتدون على بنات الحمايل وتسترخصونهم و...........
      ردبهدوء :- يعني انتي رافضه عرضه ؟
      قهرني بروده :- ليه هو انتم تحسبوني رخيصه ولا قليله تربيه علشان اقبل عرض وقح ومشين مثل اللي عرضتوه
      هاج تركي وصرخ :- لا تعمممين وهالكلام وجيه له مو لي
      سكت ونزلت دموعي تجري انهار عمر ي ما تصورت اني انحط بهالموقف نزلت العنود وجلست جنبي ضمتني وقامت تهديني وعقب ما خلصت نوبه بكاي قلت لها
      :- ابي انزل البيت
      لكن تركي رد :- مو قبل ما نقضي مشوارنا
      استغربت وش هالمشوار لكن العنود قالت :-اي مشوار الله يهداك انت ما تشوف حالة البنت
      غير ان هالمشاوير كلها تتأجل
      رد برود:- الا هالمشوار ...بتنزلين تجلسين قدام ولا احرك ؟؟
      طبعا العنود شافت انها مو عدله تترك تركي جالس قدام وكأنه سواقنا وفي نفس الوقت مو عارفه تتركني علشان كذا قالت لي
      :- وداد انا بنزل قدام ...عادي اتركك؟
      لكني مسكت في يدها وقلت ومو هامني اذا صار تركي لحاله قدام او لا
      :- لا خليكي جنبي


      علــــــــيــــــــــــاء


      الساعه اللحين سبع ونص طبعا البارحه ما نمت من اول وانا بالي مشغول احترق بافكاري وهمومي على مهل وكل ما احاول انسى او اتناسى يجي شي ويذكرني وطبعا الي خلاني اترك محاولاتي اليائسه في اني انام هو مكالمه طلال في اخر الليل ....اول ما شفت ان المكالمه منه وفي هالوقت قلبي نط من مكانه وقمت اهوجس يا ترى وش صاير يخلي طلال يدق في هالوقت
      رديت على مكالمته بيد ترجف ونفس لاهث
      :- هلا طلال عسى ما شر
      رد بهدء :- اهلين ....حنا الحمد لله ما فينا شي بس انتم وش فيكم ؟
      ارتحت شوي ان ما فيهم شي بس بعدني حايره من سبب اتصاله هالوقت ومستغربه سؤاله
      :- ابد حنا ما فينا شي
      رد علي :- طيب ممكن تقولين لي ليش خالد معتفس وانت مو على بعضك ؟؟
      كذبت :- تلاقي الشغل تاعبه وانا ما فيني الا العافيه
      الظاهر ان عنده خبر بكل شي لانه قال :- عليا اذا حبيتين تدعين انك بخير وانكم ما بينكم شي فبراحتك ....لكن خالد انا عارفه زين وعارف انه فيه شي شاغل باله ومو مريحه
      ومثل ما انتي اختي وارتاح لراحتك ترى خالد اكثر من اخو ويضايقني اني اشوف الهم ماكله

      سحبت نفس طويل يعني هو يغلط وانا انلام :- وانا وش دوري في هذا كله ؟؟
      سكت طلال شوي بعدين قال :- ريحيه ترى عذابه وراحته في يدك
      انا بكبري مخنوقه واحس ان كرامتي مهدوره بس عقب اللي قاله طلال حسيت انه يبيني اقدم روحي قربان لراحة اللي طعني :- وشلون بالله اريحه ؟؟ اذبح روحي ولا اسمح له انه يهيني ويذلني اكثر
      رد طلال رد غريب :- ريحي حالك وساعتها بيرتاح
      ما فهمت وش يقصد فقلت :- شلون يعني ؟؟

      طلال :- خالد كرامته مجروحه وتنزف بقوه والسبب هو ذاته اللي متعبك ومبعدك عن الكل
      وانا اقول انك اذا سمحتي له يشوف روحك من الداخل اكيد بيرتاح وانتي بعد بترتاحين

      غمضت عيني طلال يبيني اعري نفسي وروحي قدام خالد :- انت وش تبيني اسوي بالضبط

      طلال :- ولا شي ابيك تجلسين مع خالد وتفتحين له قلبك
      رديت بعصبيه :- بس ولد عمك ما يبي يسمع شي انا اخاف اذا قعدت معه بدل ما يسمعني يطعني ...

      طلال :- هالمره غير هالمره خالد بيسمعك والى الاخير بس على شرط ......انش تقولين له كل شي وبالذات تفاصيل مكالمتك مع امك لانها هي اللي حارقه قلبه ومسهدته .....الصراحه انه كسر خاطري وكنت بقوله كل شي ...بس انا وعدتك غير اني اشوف انه لازم يسمع هالكلام منك ...وعلشان يقدم لك الاعتذار المناسب ....وبالمره وضحي للاخ الغيور سالفه ولد الجيران اللي ماني عارف لها ساس من راس

      حتى هذي وصلت طلال :- هو قالك عن اللي سواه سالم
      رد :- هو ما كان بيقول شي بس عمرك شفتي احد يقبض على جمر وما يصرخ اااااه

      اذا كان قابض على جمر فانا قلبي هو اللي ضام الجمره :- انا بقول له كل شي بس خليه يعرف اني ما بقبل اعتذارته واني اذا كنت بسامح فبشروطي

      رد طلال :- قويه يا بنت يوسف وانا اقول انه يستاهل علشان يحرم ..... انا اللحين بروح انام وانتي بكره بنفسك قولي له هالكلام ...تراني عزمته عندك على الفطور الساعه ثمان

      ومن سكر التلفون وانا مو عارفه انام اخيرا نزلت وشغلت نفسي في تنفيض الغبار من ولهيت نفسي بشغل البيت الى الساعه سبع دخلت المطبخ عقب ما تحممت ولعت فحمه علشان ابخر البيت
      ولاني شفت ان عندي وقت قبل ما يجي شغلت نفسي في اني اقلي كم بيضه وحطيت الشاي على النار..... دق الجرس طالعت الساعه لقيتها ثمان بالضبط جدي اللي كان شاغل نفسه في الزرع هو اللي راح يفتح الباب وانا ساعتها ارتبكت ما عرفت وش اسوي
      حملت صينية الريوق وحطيتها في الصاله ووقفت اضبط نفسي على السريع
      وساعتها انفتح باب الصاله ودخل خالد بروحه



      الى هنا وانتهى البارت
      في انتظارردودكم وتعليقاتكم
      اعذب وارق الاماني
      في امان الله

    15. #30
      • ريشـہ مـبـدع الصورة الرمزية النآيفه
      تاريخ التسجيل
      Jul 2015
      المشاركات
      577
      معدل تقييم المستوى
      38

      افتراضي رد: رواية أطياف الغرام / الكاتبة : معاميريا ; كاملة

      ((الفصل الخامس عشر))
      ( اماني مجنونه)


      وما نيل المطالب بالتمني ......ولكن تأخذ الدنيا غلابا
      يمكن كلنا متفقين على هالشي كل امنيه علشان نحققها لازم نسعى اليها
      لكن هل كل امنيه تستحق منا العناء ؟؟؟.....واذا كانت هل تحقيقها راح يرضينا ؟؟؟
      طبعا اذا توقفنا مع انفسنا واجهناها بهالسؤال.. هل فعلا حنا نبي هالشي؟؟ ...اكيد بتكون الاجابه فرحه لتحقيق الامنيه ....لكن لمن تكون هالامنيه امنيه مجنونه نتخيل ان تحقيقها هو الحل فساعتها اشك ان النتايج تكون مرضيه .....على العموم معظم ابطالنا يسعون وراء امنيه من هالنوع ...هل بينجحون في تحقيقها اولا ؟؟؟
      وأذا تحققت هل بيرتاحون ؟؟


      تـــــــــــــــــركـــــــــــــــــــي


      لا زالت اعصابي فالته صحيح اني ارتحت لمن عرفت انها رافضه عرض ماجد بس بعد انا للحين ما شفيت غليلي فيه ....كسرت خاطري وهي تبكي لكني ما بينت هالشي ... من طلعنا من بيت عمي وانا في فكره تلعب براسي واناوي انفذها بس كل شي يعتمد عليها وحنا في الشارع كلمت العنود
      :- هدأت بنت عمك ولا للحين ؟؟
      ردت العنود :- هي اللحين احسن ...بس ما قلت لنا وين بنروح ؟؟
      ناظرتها من المرايه الاماميه كانت تمسح دوعها من تحت البرقع :- اول بنتكلم وساعتها بقول لكم وين؟؟؟
      ردت وداد بحده :- وانا ما بيني وبينك كلام رجعني البيت
      حطيت يدي على راسي وقلت :- على راسي بس عقب ما نخلص مشاويرنا
      همست شي في اذن العنود اللي قالت :- تركي وداد تعبانه وتبي ترتاح فعلشان خاطري اجل مشاويرك لوقت ثاني وخلي الكلام لبعدين
      وقفت السياره عند احد المطاعم وقلت :-نزلوا
      طبعا ما تحركوا من مكانهم فقلت اوضح نقطه مهمه للكل :- هو احد الامرين اما تجلسون وتسمعون وبعدها نقرر نكمل مشاويرنا او لا ....او نرجع لكن ساعتها بتكلم مع عمي وطلال
      وما اظن ان في حد ساعتها يقدر يلومني
      طبعا كلماتي جابت نتيجتها كنت متوقع انها رغم رفضها لعرض ماجد الا انها ما تبي احد يعرف عنه فنزلت مع العنود ....اخترت وحده من الكباين وطلبت لهم شاي اخضر علشان يهدأون وانا طلبت تركش كوفي علشان توقف راسي
      العنود :- طيب وش الكلام المهم اللي بتقوله ؟؟
      رديت وانا افكر في الخطوات اللي ناوي عليها :-بس يجي الطلب بنتكلم ما احب كل شوي احد يقاطعني
      وفعلا عقب ما وصل طلبنا قلت عقب اول رشفه :- العنود وماني بحاجه لموافقتها على اي شي لكن يا بنت عمي وان كنت اليوم مسؤل عنك في هالمشوار الا اني بحاجه اسمع ردك

      ما ردت على في الاول لكنها عقب شوي قالت وبهدوء :- ليش انت وش ناوي عليه ؟؟
      تنهدت وسندت نفسي على الكرسي اللي مقابلهم ثنتيناتهم :- كل شي يعتمد عليك كل شي
      ورجعت ارشف من قهوتي وقلت والفنجان في يدي :- ما بقول وش اللي خلى ماجد يتجرأ ويطلب طلب زي كذا....ولا بقول انه تجاوز حدوده ويستحق انه يتعاقب ....لـــ

      ما كملت لان وداد قاطعتني :- وش قصدك باللي خلاه يتجرأ ؟.....ليكون انت بعد مثله تفكرني سهله ورخيصه ...او لاني مخطوبه له خلاص صار من السهل وبهالحجه التعدي على كرامتي
      وطلب اشياء مهينه .... او انه لمن اهاني اعطاك الحق في اهانتي ؟؟؟

      ما توقعت ثورتها فقلت اقاطعها :- يعني ما سمعت شي من هالكلام توجه له او لاخته (رفعت يدي علشان ما تقاطعني مره ثانيه ) وبالمناسبه ما قلتي انتي وش ناويه تسوين عقب ما ....وباستخدم كلماتك تعدى على كرامتك وطلب اشياء مهينه ؟؟؟

      ردت وليتها ما رت كنت متوقع عقب هالثوره تقول قلعته وما ابيه واذا هذا اولها ينعاف تاليها او في اسوء الاحوال ما لك دخل لكنها قالت :- مو هو يبي ردي ؟؟؟وراح يوصله ردي عن طريق اخته ....و

      قهرتني ما ناقص الا تدور له الاعذار... وين راح لسانها اللاذع اللي ما رحمني رغم اني ما اخطيت وما تقبلت عذري ... ايه مو هذا ماجد خطيبها ويمكن بعد حبيبها مو تركي المغرور
      الـ..... اكيد تلاقيها بتوجه له عتب خفيف ويمكن تزعل منه بس لانه خبرني وطبعا الكل يعرف ولا تركي .....على طول قطعتها وقلت بكل ثقه
      :- شوفوا انتي وهي ... اذا ماجد غلط وطلب شي ما يجوزه لا الدين ولا المجتمع فساره بعد غلطت ...والله في وحده متزنه و....(هزيت راسي ما ابي اغلط عليها ) تساند اخوها في سالفه زي ذي وبكل اريحيه تلعب دور الوسيط ....هذا بدل ما تلومه وتوجهه ...ومثل ما هو غلطان وبياخذ جزاه هي بعد غلطانه .

      العنود اللي كانت تسمع لنا قالت :- تركي ...انا ابي اعرف انت وش ناوي عليه بالضبط ....وعذرا بس اذا كان ماجد وساره غلطوا انا وش دخلي بالموضوع

      حطيت يدي على الطاوله وسندت راسي :- دخلك انها صديقتك مثل ما هي صديقة بنت عمك
      وانتوا الثنتين بتسوون مثل ما اقول لكم ...اول شي ارقامكم هذي بتتغير وما راح توصل لساره
      وثا.....
      قاطعتني وداد :- ومن قال اني بغير رقمي ؟
      قرصت بعيني ورديت بحده :- انا...انتي مستوعبه وش اللي ممكن يصير لو ما استأذنتك ساره
      وفاهمه وش معنى انها تستأذنك ؟؟
      تراجعت وسندت ظهرها على كرسيها وقالت :- ولو .... انت ما لك حق علي

      نرفزتني طلعت الجوال وقلت :- طيب يا بنت عمي..انا مالي حق ...اختاري من الاحق علشان يتصرف طلال ولا عمي يوسف

      حطيت الجوال على الطاوله وكتفت يديني انتظرها ترد وابتسمت لمن قالت
      :- وعلى فرض غيرته ...وش بقول للبيت ليش غيرته وساعتها أكيد الكل بيعرف باللي صار

      ابتسمت ابتسامة انتصار وقلت :-قولي ان جوالك تكسر ولا طاح في الماي والبطاقه احترقت
      علشان كذا طلعنا هالمشوار تشترين لك جوال(اشرت على العنود )وانها طلبت مني استخرج لك بطاقه ولها بعد ..

      تدخلت العنود :- طيب بطاقه لها ويمكن يصدقون لكن انا؟؟ليش
      ابتسمت واناارفع الجوال واتصل على واحد من الربع يشتغل في الاتصالات :- لانها ارقام مميزه (رد على سعود فقلت له ) سلام هلا بمطول الغيبات
      رد علي بضحكه :- وعليكم السلام أنا مطول الغيبات ولاانت القاطع
      ضحكت :- وش اسوي والله كل ما يكون عندي وقت واروح عندكم الديوانيه اسأل عنك يقولون مسافر
      سعود :- ايه اضحك علي وقول ان هالمكالمه لله ما وراها شي
      ضحكت:- افااااااااااا يا سعود اللحين انا ما ادق عليك الا لحاجه ؟؟؟وانا اللي اقول بعزمك على عشوه محترمه الليله
      سعود اللي اهم شي بطنه قال :- والله انا حاضر لك بس اهم شي العشا دسم ويستاهل
      ابتسمت :- اجل جوع حالك علشان تقدر تاكل ترى الليله عازمكم على العشا بمناسبه رجوع عبد الله من بريطانيا ولا يفوتك ترى راجع بالحرمه من هناك

      ضحك سعود :- عسى مهي بجانيت
      عفست وجهي :- سديت نفسي الله يسد نفسك جانيت عاد ....الرجال عنده ذوق تزوج مريم اللي كانت معنا في كلاس مستر جون بيرل .....المهم انا بغيت منك رقمين وعلى ذوقك
      ابتسم سعود :- رقمين عاد ...ليكون اللي ما سويته في لندن بتسويه هنا
      كشرت :- ليش تحسب الناس مثلك ...هذولا للاهل وتكفى ابيهم في اسرع وقت
      سعود بكل ثقه :- الليله الرقمين بيكونون عندك ....بس ما قلت لي وين العزومه؟
      ابتسمت :- لا تخاف انا بنفسي بمرك
      سكرت الجوال وقلت لوداد :- وهذي البطاقات بتوصلكم الليله ...واللحين بنروح تشترين لك جوال جديد بدل اللي خرب

      وطلعنا من المطعم على اول محل نزلت لحالي ورفضت ان اي وحده منهم تنزل معي نقيت احدث جوال وبلون بناتي ورجعت بالكيسه عطيتها للعنود توصلها لوداد اللي فتحت الكيس تدور على الفاتوره لانها قالت
      :- بكم ؟؟
      طنشتها لكنها اصرت فقلت :- ما بينا حساب ....واعتبريه هديه من العنود
      وطلعنا لمشوارنا الاهم والاصعب


      علــــــــــــــيــــــــــــــاء


      اول ما انفتح الباب وبانت ثوبه منه حسيت بجسمي كله يرجف تقدم مني ومد يده يصافحني
      :- السلام عليكم ...صباح الخير
      بلعت رقي واستجمعت قوتي علشان ارفع راسي له كان مبين على وجهه الارهاق والتعب معقول اللي قاله طلال؟ ومعقول اللي بقوله بيريحه ؟واذا ريحه انا..برتاح او لا؟؟ رديت وانا احس بحراره كفه ابتدت تتسرب الى جسمي ونقلت لي احساس غريب خلى قلبي يرجف وبلذه فسحبت يدي
      :-وعليكم السلام ...صباحك نور ...تفضل
      اشرت عليه يقعد وقربت منه صينيه الريوق وقلت
      :- تفضل ولو انها مو من مقامك
      ابتسم ابتسامه صغيره لكن مؤثره :- انا من الجوع مستعد اكل اي شي ...وفي عيوني هذي وليمه
      ما رديت عليه لكن سألته :-تشرب شاي ولا عصير
      :-شاي احسن علشان يهدأ الصداع شوي
      صبيت كاس الشاي وحطيته قدامه رفعت عيني لعينه كان واضح عليهم التعب .... الظاهر انه مثلي لا تعشى ولا نام شغلت نفسي بان اسوي له سندويشات وقدمتها له اخذ وحده منهم وناولني اياها :- ما احب اكل لحالي ... وما يصح ما تاكلين مع ضيفك

      اخذتها من يده وحاولت اكلها لكن التوتر والترقب عندي كان احد من الجوع فما قدرت اكل وهو نفس الشي ما مد يده عزمت عليه :- اذا مو عاجبك اسوي لك غيره
      لكنه اشر علي وقال :- عاجبني وصدقيني جوعان ....لكن ما تعودت اكل وانا تعبان (مسك ذقني ورفع راسي لين صارت عينه بعيني وكمل ) وطلال قال ان راحتي عندك

      صعبه والله صعبه اني اكشف نفسي بهالطريقه وخاصه ان عارفه اني اذا تكلمت ما بيكون علشان اخفف حمل عن ظهري لا بيكون دفاع عن النفس وانا ما احب اني اكون موضع شكوك علشان ادافع عن نفسي بس بعد هذي فرصتي علشان اعرفه من هي علياء واحترت من وين ابدأ لكني في الاخير اخترت ابتدي من البدايه
      :- خالد انت وش معلوماتك عن امي ؟
      كان مبين انه استغرب من السؤال لكنه رد :- تزوجت عمي مده وعقب خلافات تطلقوا

      نزلت راسي وانا احرك كاس الشاي في يدي :- وما قالوا لك ان سبب هالخلافات طبيعة امي التملكيه والانانيه (سحبت نفس من الصعب ان تنتقد امك ) يعني ما تحملت ان يكون لابوي زوجه غيرها رغم انها هي الثانيه ...ما تحملت انها تطلب من ابوي شي ما يوافق عليه
      وهذا ادى الى انقلاب مشاعر امي تجاه ابوي وهله اللي هم بطبيعه الحال انصاره

      فرك خالد عيونه وجبينه :- ما ني فاهم وش دخل امك في......(ما كمل وواضح انه غير رايه عن اللي بيقوله لانه قال ) بس المرأة بالذات في امور الحياه الزوجيه تحكمها في اغلب الاوقات عاطفتها واكيد انقلاب مشاعرها تجاه الكل كان رد فعل على الطلاق

      ابتسمت ابتسامه ساخره :- بس امي تشوف ان قبولي فيك خيانه لها وعصيان لها ....لانها تعتبر الامر حرب قائمه وان موافقتي عليك انضمام لحزب العدو ....وجدي كان يعرف انها بتحكم على الامر بشكل غير عقلاني علشان جذي لمن خبرها بأمر خطبتي خبرها على اساس انه امر منتهي وحذرها من التدخل(نزلت دمعه من عيني حاولت امسحها قبل ما يلاحظها خالد)
      لكنها اتصلت فيني يومها تبيني الغي امر الخطبه كلها لان الامر في نظرها خيانه لها وطلبت مني اترك كل شي وارد البحرين(ساعتها ان سيل من الدموع يهدد بالنزول لكني كبتها وكملت ) وحتى لمن قلت لها اذا رديت وين اروح قالت لي اجي هني في بيت جدي (اخذت نفس علشان اقدر اطرد الالم من صدري ) كانت تبيني افشله قدام الناس كلها وبكل بساطه اقول له استقبلني في بيتك لان امي ما تبيني عندها

      خلاص احس ان قوتي كلها انهارت وما عاد فيني حيل اتحمل اكثر كنت ابي ابكب و بحرقه لكني حاولت اتماسك :- تبوني اقول لكم هذي امي متصله تقول انها تكرهكم وانها مو راضيه على زواجي وفوق هذا ما تبيني ولا تتحملني لاني بكون ازعاج لزوجها ولاني من ريحة ابوي
      تبوني اقول امي ما تحبني ما تبيني ..ما تبيني

      ساعتها ما حسيت الا بحرارة الدمع اللي جرى على خدي وشهقه طلعت غصب عني وفي لحظه حسيت بدفى الكون كله يلفني لكن ريحه عطره نبهتني الى اني في حضنه وسمعت همساته الدافيه تقول
      :- بس حنا نبيك و.......
      رفع راسي وامرني :- عليا ناظريني (وما ملكت غير اني اطيعه طالعته ومسح بكفه دموعي )
      دام اني حي ما ابي اشوف هالدموع و............
      قاطعته وانا ابعد نفسي عن حضنه الموقف احرجني وحسسني بضعفي وانا ما ابي اضعف قدامه مسحت دموعي وقلت :- اليوم تعال على الغدا الكل راح يكون موجود وامي من ضمنهم
      قابلها وشوف بنفسك

      ابتسم وقال :- بس عاد ابي اذوق طباخك ؟!!
      ما حبيت اعلق غير ان في موضوع لازال معلق بينا :- اما بالنسبه لسالم

      انقلب وجهه وتحولت الابتسامه الى عبوس غمض عيونه بقوه وعصر جبينه براسه وقال
      :-راسي بينفجر ....ما عندكم بندول اكسترا يهدأ هالصداع شوي ؟

      وقفت :- بلى شوي واجيبه لك
      رحت ورجعت بحبتين بندول اكسترا وكاس ماي وقلت :- بس اول كل شي ترى مو زين على معده فاضيه
      مديده :- واللي يعافيك ....عطيني اياها

      قعدت قباله وضميت قبضتي عليهم :- اول اسمع (دقيت على هاجر واول ما سمعت صوتها حطيته على المايك ) سلام هجور شخبارش

      ردت وكانها توها صاحيه من النوم :- وعليكم السلام ما يسرش الحال
      كنت ابي اتطمن عليها لكن مو وقته فسألتها :- حبيبتي بقول لش امس لمن اخوش جاني عند السيار قال لي شي غريب ما فهمته

      اكيد سيرت سالم ضايقت هاجر لانها ردت :- وش قال سويلم الله لا يسلم فيه ولا عظمه
      ترى هو سبب اللي انا فيه
      لمحت ابتسامه على وجه خالد لهالدرجه مضايقه سالم ومستانس ان اخته تدعي عليه فقلت
      :-حرام هجور ما يجوز تدعين
      لكن مزاجها كان متعكر فقالت :- عليا اختصري وخلش من اللي يجوز واللي ما يجوز وش قال ؟؟
      قلت لها عن جملته :- يقول لي لو كنت اعرف انش توأم روحي ولمن عصبت عليه قال اني فهمته غلط لان توأم روحي اسمي في الموبايل

      تنهدت هاجر وتأففت :- يعني النحيس ما صدقني الا عقب ما سوى لش سالفه هذي يا طويله العمر انا مسجله رقمش البحريني باسم توأم روحي وخبرش اليومين اللي فاتوا حرز على موبايلي حوله صامت وتركه في غرفته ولمن رجعتي البحرين وحاولتي تزعجيني بمكالمتش
      انتبه الاخ ان المتصل اسمه توأم روحي وكان بيرد عليش وبيهزأش لكن الله ستر والشحن خلص ولمن سالني قلت له انه رقمش ....وهذي السالفه كلها

      رفعت حاجب لخالد وطالعته بمعنى اقتنعت وارتحت لكنه اشر انه يبي يقول شي
      فقلت لهاجر :- لحظه حبيبتي اسمع كأن ينادوني ( رجعت الموبايل لوضع الهاتف وسكرت على السماعه وهمست لخالد ) نعم وش تبي ؟؟
      قال بكل برود :- اسأليها تحت اي اسم مسجله رقمك السعودي
      استغربت ما فهمت وش الفايده من هالسؤال بس ما حبيت اطول على هاجر وعلشان يسمع بنفسه الاجابه رجعته على السبيكر وسألتها لكنها ضحكت وقالت
      :- تطمني سالم مستحيل يشك في الرقم السعودي او حتى يفكر فيه لاني مسجلته تحت اسم ام الوليد
      عصبت عليها :- شنو ...ليش ان شاء الله شايفتني جدتش ؟وشمعنى الوليد ؟
      ضحكت :- اهدي شوي ....ترى مسيرش بتجيبين عيال يزعجونا ....وخبري خالد يسمونه ابو الوليد
      كحيت وارتفعت حرارتي كل مني انا اللي احرجت نفسي على طول ودعتها وسكرت الخط
      وما رفعت راسي لخالد اللي سمعته يقول
      :- يعني ماله داعي نغير الرقم لكن الرقم البحريني خلاص الغيه

      ما عجبني تحكمه فيني وقت بتحدي :- بس انا ما استغني عنه وما اقدر ....
      ما كملت لانه قاطعني :- عليا الولد هذا ممكن يكون اخذ رقمك وساعتها بياذيك بالمكالمات الغير مرغوبه وغيرها وانا ما ارضى انك تتعرضين لمواقف زي كذا ورقمك السعودي مدول وتقدري
      تستخدمينه هنا

      يمكن يكون كلامه مقنع لكني لازلت مقهوره منه ومن اتهامته وحتى عقب ما سمع كل شي بدل ما يعتذر قاعد ويتأمر علي خلااااص لازم يعرف حدوده واني مو عبدته يأمرني ومن غير نقاش يبيني اطيعه انا انسانه لي كياني واذا كانت حجته اني زوجته لازم يعرف انه ما بيملكني غير بانه يحترمني :-ما ترضى لي مواقف مثل هذي ولا شاك اني ممكن اكلمه او ارد عليه واسايره

      ما ادري ليش طالعني بغضب وبسرعه تحولت الى نظرة حزن وبعدها قال بصوت التعب ما قلل من نبره الثقه فيه
      :-عليا يمكن الكل يشوف اني غلطان ومالي عذر حتى انا نفسي
      لمن عرفت حقيقه الوضع جالس الوم نفسي لكن عمرك جربتي تعيشين تجربتي تسمعين الشخص اللي بترتبطين فيه واللي المفروض بيكون شريك عمرك والشخص اللي شرفك وسمعتك وكرامتك قبل اسمك بيرتبط فيه يطعن فيك حي في مكالمه لو سمعتيها من طرف واحد بتحسينها مكالمه بين محبوب ومحبوبه ......عليا ترى اللي سمعته يجرح الحجر الصم فشلون كرامة بني ادم (غطى وججه بكفوفه وكمل ) عليا ترى كرامتي المجروحه والاهانه اللي حسيتها من ورى المكالمه خلتني اعمى عن اني انظر للامر بعقلانيه ومنعتني اني اجلس معاك مثل هالجلسه قبل .....يمكن ما تعتبرين كلامي هذا عذر مقبول بس انا مستعد اسوي اللي يرضيك

      ما توقعت ان الفرصه تجيني لعندي وبهالسهوله فقلت وانا ما ابي افكر في اللي قاله
      :-وانا ما يرضيني اني ارتبط في شخص بدل ما يكون سندي وحمايتي يكون هو اللي يطعني في صدري ويهيني كل ما سنحت له الفرصه وبدل ما يصوني ويحفظ كرامتي هو اللي يهيني ويبهذلني ويرخصني في كل مره اشوف نظره الاتهام في عيونه (طالعته وياريت ما طالعته لان نظراته اللي تمثل ثورة غضب مكتومه سلبتني كل شجاعتي لكني ضغطت على نفسي وكملت ) خالد احنا ماننفع نكون مع بعض (بلعت ريقي )خالد طلقني ........

    صفحة 2 من 5 الأولىالأولى 1234 ... الأخيرةالأخيرة

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 2 (0 من الأعضاء و 2 زائر)

    المواضيع المتشابهه

    1. حرف الغرام دائم
      بواسطة بكاء بلادموع في المنتدى نبض القوافي
      مشاركات: 2
      آخر مشاركة: 10-11-2017, 04:12 PM
    2. قلبي يبث الغرام
      بواسطة نسمات الجنة في المنتدى نبض القوافي
      مشاركات: 4
      آخر مشاركة: 28-12-2016, 02:03 PM
    3. الكاتبة حصة الـ ال*** كلام جديد
      بواسطة الحسام في المنتدى اخبار ينبع مناسبات افراح وفيات
      مشاركات: 5
      آخر مشاركة: 22-05-2015, 10:30 PM
    4. الغرام بين المتزوجين
      بواسطة حكايه قلب في المنتدى عالم الحياة الزوجية
      مشاركات: 1
      آخر مشاركة: 16-03-2015, 03:43 PM
    5. ][ الآلة الكاتبة , تأثير تشويش •» درس 3 ][
      بواسطة carly في المنتدى عالم الفوتوشوب
      مشاركات: 24
      آخر مشاركة: 21-03-2010, 11:55 AM

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  
    www.yanbualbahar.com