• دخول الاعضاء

    النتائج 1 إلى 6 من 6

    الموضوع: {..آكلآت مكآوية وباللهجه المكآوية ..}

    1. #1
      الصورة الرمزية فــــراشــــة
      تاريخ التسجيل
      Sep 2008
      المشاركات
      6,993
      معدل تقييم المستوى
      78

      325805990285 {..آكلآت مكآوية وباللهجه المكآوية ..}

      الأكلات المكية لهاطعم ونكهة ونشأة

      واللي يحلي الأكلات ويطعمها زيادة إنو لكل أكلة مناسبة تتعلق بيها

      وما ناكلها إلا في المناسبة حقتها





      نحنا كدا المكاوية وبالزات العتقية القدم لنا تصانيف وتباتيك في الاكل والشرب مايعلم بيها الا الله عزوجل

      ماشية معانا من أيامما فنو الأوادم








      هيا خدو عندكم ....



      الرزبحمبص والسقط والمعرق أوالمختوم والششني هادي الأكلات خاصة بالعزا وزيادة فيالتوضيح


      اليوم الأول والتاني والتالت يطبخو الرز البحمبص واليوم التالت اللي يسموه قطع العزا يسوو الششني والمعرق والمختوم والسقط


      الكابلي أوالزربيان والسمبوسك والطورمبة هادي يسووها وقت المناسبات والأفراح للرجال

      أما الحريم يجيبولهم الميز طبعا زمان أول مافي لا ميز ولا يحزنون ياكلو من نفس أكل الرجال بس يسوو قليل بريك او بف بالجبنة والا باللحمة شغل بيتي يعني واللي تعرف تسوي كيك بالبرتكان اوالموز تسوي صينية علشان يحلو بيها

      بعدين جانا الميز والشغلات الجديدة هادي






      المعدوس ( الرز بعدس) هادا يسووه المكاكوة يوم الغيم والمطر ومعاه روبيان مكشن بالقوطة والبصل والفلفل الأخضر وسلطة حمر


      وكيف لو كنا ساكنين في بلاد الخواجات على كدة كل يوم معدوس ألين البطن تسير زي الطبلة


      الملوخية الخضرا هادي تتعمل في اليوم الأول من السنة الهجرية الجديدة على الغدا من باب التفائل إنو ربنا يجعلها سنة خضرا وخير للجميع


      الحليب أبو الهيل هادا برضو كمانة ينشرب في صبحية أول يوم في السنة الهجرية الجديدة



      السليق هادا يسووه في المناسبات لمن يكون الجو باااااااااااااااااارد



      الدبيازة معروفة على ماأعتقد للجميع يسووها للفطور أول يوم العيد


      المعمول والغريبة يسووها في أيام الحج


      السمك مايتاكل إلا في الشعبنة علشان في رمضان

      الناس ماتاكل السمك بس هيا كدة عادة
      شعبنة يعني اضرب سمك وصيادية











      عشرة عاشورا (10 محرم) رز زربيان الحلو وسلطة لبن أبوالفلفل



      السحلب

      يسووه في الأيام الباردة علشان يلم العضم ويدفي الجتة بالزات لو فيلو شوية زنجبيل





      القهوة الملوزة اللي يحطولها لوزبجلي مهروش طبعا هادي وقت البزورة ما ينجحو والا يسقطو يسوولهم هيا قيد ماتفرق


      لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة









      وغير أكلات رمضان




      الخشاف والماسية والقطايف هادي ياكلوها منالسنة للسنة



      المجلب ( مجموعة أعشابمخلوطة عن العطارين) زماااااان ويمكن دحين مافي حرمة تنفس وتولد إلا يصنجوها مغراف مجلب علشان يكرت وصخ البطن والولادة وينضفها




      الزلابية واللقيمات ( اللنقطة ) أول ما ينقال اسمها نتزكر العيد والفطور حق العيد



      السلالي والمقلقل واللحم نفتكر على طول عيدالحج يندبح الطلي ومايبقى شي منو تبارك الرحمن


      كل شي يتاكل فيه حتى الرجول يسوو بيها مقادم والمفاصل نلعب بيها كبوش والفروه يفرشوه على عتبة البيت زي الدعاسات دحين والديل نشوح البزورة بيه زيالبواكير






      @من ايميلي @..

      لعنون آهل مكة حبآيبي .. :34:





    2. #2
      فوضوي له مكانه الصورة الرمزية اميرة ينبع
      تاريخ التسجيل
      Aug 2009
      المشاركات
      512
      معدل تقييم المستوى
      62

      افتراضي



      السمك مايتاكل إلا في الشعبنة علشان في رمضان

      الناس ماتاكل السمك بس هيا كدة عادة
      شعبنة يعني اضرب سمك وصيادية
      شهيتيني
      يسلموووووووو فراشة

    3. #3
      الصورة الرمزية ๑яâmâ๑
      تاريخ التسجيل
      Sep 2009
      المشاركات
      6,812
      معدل تقييم المستوى
      73

      افتراضي

      [align=center] فديـــــــــــــــت مكة واهلها

      جــوعتينـي فــراشــه
      [/align]
      إلـهي ,,
      إليكَ وجّهت أمْري فـ إلطفْ بتصآريف قدري
      واكتبْ بأمِركَ لحظة سَعآدتـي ,,

      ( )

    4. #4
      لَحْظَﮧ بَسْ شوَيْ .. بآخِذْ لِيْ / شهيْق »--• الصورة الرمزية ← τмяĐ ’
      تاريخ التسجيل
      Aug 2008
      الدولة
      حيث يكون الحـلمـ..
      المشاركات
      631
      معدل تقييم المستوى
      66

      افتراضي

      [align=center]
      يعطيك العافيه على هالمعلومات..
      ينقل للقسم المناسب..

      لاخلا ولا عدم
      [/align]
      وبقيتُ أنا , بعيده عني !



    5. #5
      فوضوي له مكانه الصورة الرمزية jooOooly..
      تاريخ التسجيل
      Sep 2009
      المشاركات
      546
      معدل تقييم المستوى
      61

      افتراضي

      يســــــــــلمووووووو فراشـــــــــه
      يلا عاد ورينا شطــــــــارتكـــ 000

    6. #6
      الصورة الرمزية فــــراشــــة
      تاريخ التسجيل
      Sep 2008
      المشاركات
      6,993
      معدل تقييم المستوى
      78

      افتراضي

      [align=center]
      المرجوجهـ .. رآمـا .. روح آنثى .. جوولي ..

      تسلموووو حبيبآت قلبي ..
      [/align]

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •