أجمل الناس .. هم الذين تكون معهم كما انت ! ( منوعات )

[فروووحه]

الخطوه الاولى
مقادير الحشوه :
لحم او دجاج مفروم + بصل + كزبره + فلفل رومي + جزر مبروش + فلفل اسود
+ بهارات + ملح +صلصله الطماط + حبه طباط صغيره
الطريقه :
نحمس اللحم او الدجاج المفروم مع البصل مع شوي زيت لين مايتشقر البصل
ثم نضيف الصلصه و الكزبره وباقي المكونات لين ماتستوي
ونحطها على جنب >> طبعا الخضار حسب رغبتكم
الخطوه الثانيه :
نسلق مكرونه + شوي زيت + شوي ملح
ونجهز صلصه البشاميل
انا احب استخدم خلطه البشاميل الجاهزه واشتري معاها 1 لتر حليب
و اضيف عليها ثوم مطحون و فلفل اسود
وعلى نار هاديه لين ماتثقل
الخطوه الاخيره :
نجيب فايركس
ونحط طبقه من الباشميل
ثم طبقه مكرونه مسلوقه
ثم الحشوه
ثم طبقه مكرونه
ثم خلطه البشاميل الباقيه
وندخلها الفرن نص ساعه
وقبل لانطلعها نرش جبن شيدر و نخليها شوي لين مايذوب الجبن
و بالعافيه عليكم

[فروووحه]

المقآاديـر :
دجاجة كاملة مقطعة 8 قطع
كوبين رز بسمتي
الخضار:</B> (2 طماط شرايح، بصلتين كبيرة مقطعة شرايح، ½ كوب بقدونس مفروم، ¼ كوب كزبرة مفرومة، بصل أخضر مفروم، شبنت مجفف،
فلفل أخضر حار مفروم، جزرتين مبشورة، حبتين بطاطس كبيرة مقشرة ومسلوقة نص، ملعقتين كبيرة زنجبيل طازج مفروم، 5 فصوص ثوم مفرومة، عصير ليمونة)
البهارات:</B> (توابل برياني هندية، كركم، كمون، بهارات حليم ماسالا "تلقينها مع البهارات الهندية"، ماجي وملح)
ملعقة كبيرة معجون طماط
علبة زبادي + كوب لبن
نص باكيت زبدة + زيت
صبغة الزعفران + ماي ورد

الطّريقـة :
نظفي الدجاجة واغسليها بماي وخل، تبليها بس ببهارات البرياني وشوية عصير ليمون وخليها ع جنب لين تقطعين الخضار ..
ذوبي الزبدة مع الزيت وحمري فيها البصل لين يذبل بدون مايتغير لونه، وبعدين ضيفي الطماط، الجزر، البصل الأخضر، الفلفل الحار وحركيه لين يذبل الطماط ..
حطي الثوم والزنجبيل والشبنت والكزبرة والبقدونس وعصير الليمونة ومعجون الطماط ..
اخلطي الزبادي واللبن بالخلاط لين يتجانس "عشان مايتكتل بعدين" وضيفيه ع الخضار واخلطي معاه كل البهارات ..
ضيفي الدجاجة واذا حسيتيه ناشف زيدي شوي لبن لين تتغطى الدجاجة، وخليه ع الفرن لين تنضج الدجاجة ..
آخر شي ضيفي البطاطس "لأنه تقريبا مستوي يعني مايحتاج وقت" ..
الحين اغسلي الرز وعقب اسلقيه بماي مع ملح وزيت وماجي ..
واذا استوى شيليه من الماي وخليه يتصفى ..
في جدر (قدر) حطي شوية زيت وبعدين نص كمية الرز، وفوقها الدجاج وبعدين النص الثاني من الرز ..
وآخر شي اخلطي صبغة الزعفران مع شوية ماي ورد وصبيه ع الرز من فوق وخليه ع نار هادية لين ينشف ويستوي ..


و بـ العافية ..

[فروووحه]

المقآديـر:
كوبين مكرونه
1 صدر دجاج مقطع شرايح رفيعة (فيليه) ومتبل بـ:
"عصير ليمونة، ملعقة كبيرة صلصة صويا، ملعقتين كبيرة خل بالسميك، بزار دجاج، كركم، كاري، ملح وفلفل أسود"
بصلة مفرومة + فصين ثوم مفروم + طماطة مفرومة + شبنت مفروم + فلفل أخضر حار مقطع صغاار
1 قشطة + علبة جبنة شيدر صفرا صغيرة مبشورة + نص كوب جبنة موزاريلا مبشورة

الطّريقـة:
اسلقي المكرونة مع مكعب ماجي + ملح + زيت ..
حمري البصل مع شوية زيت، وبعدين ضيفي الطماط، الثوم، الفلفل الحار، والشبنت ..
حطي الدجاج "مع الصلصة اللي منقعته فيه" على البصل وضيفي القشطة ..
وكل شوي زيدي ماي لين يستوي الدجاج ..
بعد ماينضج الدجاج حطي المكرونة + الجبن وحركيه شوي لين يذوب الجبن بعدين قدميه ..

و بـ العآفية ..

[فروووحه]

المقآديـر:
العجينة:</B>
كوبين طحين، ملعقتين كبيرة حليب بودرة، ملعقة كبيرة خميرة
3 ملاعق كبيرة ماي، علبة زبادي، ¼ كوب زيت
ملعقة كبيرة سكر + ملعقة صغيرة ملح
الحشوة:</B>
صدر دجاج مسلوق مع ماجي وملح ومفتت
بصلة مفرومة + فصين ثوم مفرومة + بقدونس مفروم + عصير ليمونة حاامضة
ملح، فلفل أسود، كركم، كمون، بزار دجاج
الصلصة:</B>
ربع كوب جبن سايل + رشة أوريغانو + شوي حليب سايل
- حليب سايل + سمسم
الطريقة:
اخلطي مقادير العجينة مع بعض "لازم تكون كلها بحرارة الغرفة" وغطيها وخليها تتخمر ..
جهزي الحشوة: حمري البصل والثوم بعدين الدجاج وباقي المقادير ..
الصلصة: بالمايكروويف أو ع الفرن اخلطي الجبن مع الحليب والأوريغانو لين يغلي بعدين ارفعيه ..
بعد ما تتخمر العجينة، خذي شوي واحشيها وكوريها وصفيها بصينية مدهونة ومرشوشة طحين، لين تخلصين الكمية كلها ..
بعدين ادهني العجين بشوي حليب سايل ورشي سمسم "تقدرين تحطين بيض بدل الحليب بس انا ما أحبه تصير زفرة" ..
دخليها الفرن من تحت وبعدين من فوق تحمر، وقبل التقديم زينيها بالصلصة ..


و بـ العآفيـة ..

[فروووحه]

المقآديـر:
علبة ورق عنب مغسول
كوبين رز مصري مغسول
بصلة مفرومة + طماطة مفرومة + بقدونس ونعناع مفروم
¼ كوب عصير ليمون ، ربع كوب زيت زيتون
تتبيلة كنور + كركم + كمون + فلفل أحمر حار مجروش + ملح
شرايح بطاطس
الصلصة:</B>
مكعب خضار + ملعقة صغيرة سكر + ¼ كوب زيت زيتون + ¼ كوب تمر هني منقوع بماي + كوب عصير ليمون حامض + شوي ملح + ماي مغلي

الطّريقـة:
حمري البصل بشوي زيت وبعدين حطي الطماط، البقدونس، والنعناع ..
ضيفي البهارات كلها والرز وحركيه شوي ..
بعد ماترفعينه عن النار حطي زيت الزيتون وعصير الليمون ..
احشي ورق العنب ورتبيه بجدر (قدر) وتحته شرايح البطاطس ..
بعدين اخلطي مقادير الصلصة مع بعض وصبيها فوقه ..
حطيه عليه ثقل وخليه ع الفرن لين يغلي عقب قصري عليه وخليه ساعة تقريبا لين يستوي ..


و بـ العآفيــة ..

[فروووحه]

خليط الدجاج3 قطع فيلية دجاج1 حبة كبيرة بصل مقطع أرباع4 فص ثوم2 ملعقة كبيرة عصير لميون2 ملعقة كبيرة خل1/2ملعقة صغيرة ملح1/4ملعقة صغيرة فلفل أسود1 ملعقة صغيرة كزبرة ناعمة1ملعقة صغيرة بابريكا (فلفل حلو)خليط الدقيق1 كوب دقيق1 كوب دقيق ذرة2 ملعقة صغيرة بيكنج باودر1 ملعقة صغيرة ملح1 ملعقة صغيرة بابريكا (فلفل حلو)1/2ملعقة صغيرة كركم1 ملعقة صغيرة كزبرة مطحونة1 ملعقة صغيرة كمون مطحون1/2ملعقة صغيرة فلفل أبيض2حبة كبيره بيضللقليسمن نباتي-

[فروووحه]

محشى الكوسة بالرز والبصل والثوم والشبث والكزبرة يممممممم يممممي

المقادير والطريقة :

كالطريقة المعهودة والمعروفة اول شي نحضر كيلو كوسة ونزيل الاقماع منها
ونحفر وسطها او نقوم بتقويرها ثم استخراج اللب منها ووضع اللب في
صحن ( يجب ان لانتخلص منه ضروري استخدامه )

بعدها نشرشر الكوسة بالشوكة ( انا ماشرشرتها كلها نظرا لضيق الوقت )

نحضر الصحن اللي فيه اللب ونضع عليه كوب رز مغسول وبصل مفروم او
مقطع صغار وثوم مفروم وفلفل رومي مفروم وبهارات مشكلة وكاري وفلفل اسود
وملح وشبث مفروم وكزبرة مفرومة وقليل من زيت الزيتون
نحركهم جيدا ثم نحشي فيها الكوسة ونصفها في صينية او قدر يكون مجهزين
فيه الصلصة وهي عبارة عن :
بصل مقطع صغار وثوم ويحمس مع الزيت الى ان يشقر ثم نضيف عليه البهارات
ونحركه جيدا ثم نضيف عليه الطماطم المطحونة والصلصة والكركم ونحركهم جيدا
ونسكب عليهم الماء تقريبا ربع القدر ونحرك جيدا ثم نضيف الكوسة بالتدريج
ونرفع على النار وبعد ان يغلي نوطي النار ونخليها لحد ماتنضج الكوسة
وحشوة الرز .. ثم بعدها تقدم بصحن ..

او الطريقة الثانية اذا صفينا الكوسة بصينية بايركس نصب خلطة الصلصة المطبوخة
ونغطيها بقصدير وندخلهم الفرن من تحت .. ونقدمهم بصحن ويؤكل مع الرز
او مع الخبز او يؤكل هكذا ..

وبالهناء والعافية ..

[فروووحه]

مصقعة الباذنجان و البطاطس




بطاطس
باذنجان " يفضل الكبير المخصص للمتبل أو الشوي " و ياليت كميته ضعف كمية البطاطا
لحمة مفرومة
طماطم
بصل ، ثوم
ملح و بهارات ، زيت

نقطع البطاطا و الباذنجان شرائح و نقليها
نقطع البصل و الثوم مع شوي زيت و نشوحهم على النار ، بعدها نضيف عليهم اللحمة المفرومة و البهارات

الخلاط " الكأس " نطحن فيه الطماطم و نضيفه على اللحمة و نخليهم يتسبكون ..
بعدين نجيب صينية نحط شوية من خليط اللحمة و بعدين طبقة بطاطس و اللحمة بعدين باذنجان و كذا إلى ما تمتلي الصينية

و بالعافية ()

[فروووحه]

Pizza







ندهن الصينية بزيت ونرشها بشوي سميد
ونفرد العجينة بالصينيه حد مانوصل للسمك اللي نبيه، ونخرمها بالشوكه
بعدين ندهن الوجه بالخليط:
1/2 علبة قشطة
5 ملاعق جبنه سائله أو 5 حبات كيري
2 ملعقة كبيرة طحينة سايلة
2 ملعقة كبيرة مايونيز

بعدها نبدأ بالترتيب:
حلقات رفيعة بصل
حلقات رفيعه فلفل أخضر بارد
زيتون أسود
شرائح ماشروم
قطع صغيره من دجاج الفيليه
جبن موزاريلا
زيتون أخضر
رشة زعتر ��
بعدها للفرن لين تستوي ��
نطلعها ونضيف عليها جبن القشقوان ورشة من الريحان والاوريقانو ��، ومن جديد للفرن "5 دقائق بس لين يذوب الجبن"
وبالهنأ والعافية ��.. </B>

[فروووحه]

المقادير :
بيضه
خبز تورتيلا *الابيض او الحار براحتك بس أفضل الابيض *

جيبي الصاج حطيه ع النار وادهنيه بزيت
افقعي البيضه بصحن واخفقيها وحطي معها اللي تبين * ملح , بهارات , فلفل اسود *
اذا صار الصاج حار مرا صبيها عليه وحاولي بالملعقه تخلينها دائريه
بعدين تكونين مقطعه طماط صغار وتحطينها عليها , ولو ودك ببقدونس , او كراث مقطع صغار
اللي تبين حطيه وبعدين حطي جبن * تشيدر او موزريلا او جبن البرقر *
بس يبي له سرعه قبل لاتتماسك البيضه بسررعه حطي خبزة التورتيلا عليها واضغطي عليها
بعدين اسفطيها بالملاس وحمريها مع الجهتين عشان البيض من فوق السايح يتماسك ومايصير ني
بعدين طلعيها
ولو كنتي من عشاق الجبن ادهني التورتيلا بجبن قبل ماتحطينها ع البيض

وبالهنا والعافيه *.*

[فروووحه]

أومليت تورتيلا</B>

الطريقه شفتها كمقطع فيديو لوحدة الله يعافيها
وعدلت عليها بلمساتي ..

المقادير والطريقه :

*4-5 بيض
*(طماط متوسطه,حفنة جرجير,بقدونس,فلفل بارد,فلفل حار أخضر)
نقطعهم ونحطهم بزبديه ونرش عليهم ليمون
+</B>
رشة ملح,ثوم بودره,بهارات مشكل,كمون وفلفل,زعتر,سماق,حبة سوداء
نقلبهم سوا مع البيض والخضار ونحمي القلايه أو الصاج ع نار هاديه
نرش شي بسيط زيت زيتون ونصب مقدار من الخليط بالنص وراح ينتشر معاك ع شكل دائري تقريبا.

ولاتماسك شوي نحط خبز التورتيلا عالوجه ونضغطها من كل جهه
ثم نشيل قرص البيض من تحت ونقلبه ونصفطها وجهين
مع الضغط قليلا حتى تتحمر شي بسيط وممكن تتقطع مع النص ,تقدم وبالعافيه

جربوها لذيذه وتشبه للمطبق كثير

*</B>التورتيلا المستخدمه حاره
*</B>قبل وضع التورتيلا وإستواء البيض ممكن اضافة شرايح جبن
*</B>ممكن تتقدم مع صوص طحينه أو أي صوص آخر

دعوااتكم

[فروووحه]

دجاجة كاملة
نص ملعقة من البهارات :
" كمون ، كزبرة ناشفة ، كركم ، فلفل أسود ، ،زعتر بري ، فلفل أحمر مطحون إذا حابته حار "
ملعقة كبيرة ملح
ثلاث ملاعق زيت

تغسل الدجاجة بجلدها ، تقطع من جهة واحدة
نجيب صينية فرن و نفرش الدجاجة عليها و نضغطها من كذا جهة شوي بالسكين
نخلط البهارات و الملح و الزيت و ندهن فيها الدجاجة جيدًا ..
ندخلها الفرن تقريبًا ساعة و نص
" أنت و حسب حرارة فرنك فكل شوي شيكي عليها لأن ممكن تتسوي قبل الساعة "


و بالعافية ��

[فروووحه]

البسبوسه </B>



علبة قشطه + بنفس علبة القشطه لما نفرغها بالزبديه علبتين سميد + علبة جوزهند</B>
+ ثلاث ارباع العلبة سكر ناعم + ثلاث ارباع العلبة زيت + بيضه وحده + ملعقه وسط B.B + ملعقه صغيرة فانيلا </B>



علبة القشطه نقيس عليها كل المقادير وضحت الفكره </B>



بعدين نخلطهم سوا بخلاط اليد ونجيب اي صينيه والسر هنا ندهنا بطحينه سايله وكثري شوي انا اكثرها ويطلع طعمها جداً لذيذ بعدين على الفرن من تحت ثم فوق واول مانطلعها نسقيها حليب نستله ونكثر شوي عشان لابردت تكون متماسكه وبالاخير فستق وبالعافيه عليكم </B>

[فروووحه]

كيكة منها وفيها
هذي كيكتي نفس طعم بيتي كروكر بالنهاية تصير
كل من سآلني يحسبها الكيكة الجاهزة



وهي طبعاً لا , يالله معاي عالمقادير والطريقة مع بعض



آول شي تاخذين كاس الخلاط وتحطين فيه :
كاس ماء
كاس زيت
كاس سكر
4 ملاعق كاكاو بودرة مرة
4 ملاعق حليب بودرة



وتخلطين لمدة دقيقة وبتلاحظين الخليط بدى يثقل وصار كريمي شوي
توقفين الخلاط وتاخذين منه كوب واحد بس وتحطينه بالثلاجه
فهمتو ؟
كوب وآحد من الخليط وهو بيكون بمثابة الصوص فوق الكيكة لاخلصت



نكمل
تاخذين بيضة وتحطينها عالخليط الباقي وتخلطين 15 ثانية
وتصبين الخليط في علبة بلاستيك
وحطي عليه :
كاس طحين كويتي
وملعقة كبيرة بيكنج بودرة



وحركي بالمضرب اليدوي لما يتجانس وصبيه بصينية مدهونه وعالفرن



تكونين مولعته من آول عشان يكون حار
آحسبي نص ساعه تحت آو لما تنضج بس تراها ماتطول لاحظت
مو زي الكيكة الدايم وبعدين من فوق
ولاخلصتي طلعيها من الفرن وهاتي كوب الصوص اللي بالثلاجه
وصبيه عليها وحركيه بترتيب وغطي الكيكة كلها
ودخليها الثلاجه لما تبرد وقدميها



طعمها آلييييييييييييييييييييييييم وآطلق من بيتي كروكر الجاهزة
آعتمدتها كيكتي الدايمة + سرعه تنفيذها + طعمها خقة

[فروووحه]

صينيه كرات البطاطس



+




الطبقه الأولى :
كشني البصل شرايح مع الثوم .. بعدين أضيفي الدجاج مقطع طولي (طول اصبع اليد الصغير)
وقلبي فيه لين ينضج أضيفي الملح والبهارات واللي تبين . وقلبيه دقيقتين بعدين أضيفي المشروم والزيتون الاخضر والفلفل الرومي الالوان

حركيهم سوا دقيقه بعدين شيليهم عن النار واضيفي ملعقه قشطه وملعقه جبن وقلبيهم وصبيه بالصينيه ..

نجي لكرات البطاطس :
اسلقي الكميه اللي تبين من البطاطس . بعدين اهرسيه بالشوكه بس انتبهي تحطينه بالخلاط راح يسيل .. أضيفي له الملح والفلفل الاسود وملعقه جبن واعجنيهم سوا وابدي كوري الحجم اللي تبين ..

اذا صفيتي الكور فوق الدجاج رشي فوق كل حبه من البهارات الايطاليه تعطيها طعممم


اللحين جيبي كريمه الخفق حطيها ع النار ومعها نص حبه ماجي بس يذوب الماجي شيليه عن النار
انتبهي يغلي..

صبيه فوق الكور ولاتغطين الكور بيطلع طعمها ماصصل مدرري شلون

دخليه الفرن 10 دقايق يتسسبك سوا


وبالعافيةة