• دخول الاعضاء

    صفحة 2 من 6 الأولىالأولى 1234 ... الأخيرةالأخيرة
    النتائج 16 إلى 30 من 83

    الموضوع: أجمل الناس .. هم الذين تكون معهم كما انت ! ( منوعات )

    1. #16
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )



      | سندوتشات الشيش طاووق |



      العجينه ..

      بالخلاط ..
      كاس ماء دافي
      فنجال حليب بودره
      فنجال سكر
      فنجال زيت
      ملعقه كبيره خميره فوريه
      ملعقه صغيره بكنج بودر
      نص ملعقه صغيره ملح
      تخلط بالخلاط مدة 5 دقائق
      ثم توضع على كاسين الى 3 كاسات طحين
      الى ان تتماسك

      تتخمر مده نص ساعه

      بعد التخمير نفردها رهيف شوي
      ونقصصها دوائر
      ونشويها على الصاجه
      ثم تحشى بالدجاج

      ( طريقه الدجاج )

      قطع صدور دجاج مقطعه مكعبات
      يتبل الدجاج بـ

      علبه زبادي
      1 حبه بصل كبيره
      4 فصوص ثوم صحيحه
      1 ملعقه صغيره ملح
      ربع ملعقه صغيرة فلفل اسود
      1 ملعقه صغيره زنجبيل مبشور
      1 ملعقه صغيره كزبره ناعمه
      1 ملعقه بهارات مشكله
      نص ملعقه صغيره ببريكا
      ربع كوب زيت زيتون

      ( نضع التتبيله بفرامه البصل ثم توضع على الدجاج )
      تترك بالثلاجه 3 ساعات او اكثر

      ثم توضع باعواد الشوي .. وتشوى على الصاجه



      نحشي الخبز بالدجاج واي اضافات اخرى / مايونيز / خس / كاتشب / جرجير / طماطم و اللي تحبين ...

    2. #17
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )




      | اصابع التوست |

      توست ينزع الاطراف و يفرد بالفراده

      نضع شريحه جبن سلايس
      خس .. طماطم
      ونقلي شرائح برقر دجاج من اي شركه
      انا استخدمت امريكانا وبعد القلي تقصقص شرائح

      ونلف التوست زي الرول
      ونسكر الاطراف بجبن سائل
      ومن ثم نقلبهت ببيض وبقسماط
      تدخل الثلاجه قبل القلي بنص ساعه
      ثم تقلى
      وبالعافيه

      * ممكن استخدام اي حشوه تحبين *

    3. #18
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )



      | برياني |



      برياني الدجاج ماسبق وجربته مع لحم للامانه


      المقادير:
      بصلتين مقطعين سلايس، ومقلية بالزيت،
      صدور دجاج مقطعه حجم صغير
      رز حسب الكميه


      ****
      بهارات الخلطة اللي نضيفها على الدجاج، بدون مانحمس أي شي،:

      كزبرة، ونعناع ناشف، زيت , مسمار حب، هيل، أعواد الدارسين، ملعقتين ليمون
      ورق الغار . ملعقتين كركم بودرة
      1م كمون بودرة
      1 م كزبرة بودرة
      1 م فلفل أحمر بودرة
      ملح
      كمون حب،
      فلفل أسود حب،
      معجون ثوم وزنجبيل (ملعقتين كبار)
      نعناع ناشف أو طازج..
      فلفل اخضر (قرنين أو على حسب رغبتكم، يقطع ويوضع على الدجاج)
      بصل مقلي
      كزبرة طازجة،
      وعلبتين زبادي
      ****
      نتبل الدجاج بهالخلطه ونحطها بالثلاجه اطول مده


      للرز:
      زعفران منقوع بماء الورد، ويضاف عليه ملون الطعام (ملون بالزعفران)

      نجي للطريقة السهله جدا:

      نجهز ماء لسلق الرز،
      باضافة البهارات الحب (كمون، وكزبرة، ، مع أعواد دارسين و مسمار)، وزيت ولازم نضبط الملح في هذه المرحلة لنجاح الرز..

      طبعا نسلق الرز، نص سلقة،
      يعني الرز يتكسر، لازم مايكون لين، ولا بيخرب عليك البرياني كله ..


      نضع في اسفل القدر، زيت
      ونصف فوقه الدجاج بشكل مرتب مع ونكبس شوي عليه بالملعقة،

      نشغل النار 5 دقائق لين يسخن الدجاج شوي

      وبعدها نضيف الرز فوق الدجاج،
      مع اضافه على الوجه
      باقي البصل، والكزبرة، والنعناع، وملون الطعام،

      ونسكر على الرز ، كويس بالقصدير، وتكون الحرارة متوسطة،
      ويفضل قبل مايجهز، نحط شبك تحت القدر عشان مايحترق،

      والف عافيه

    4. #19
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )



      | سيقان الدجاج المشويه |

      ممكن تسوونها بالسيقان بس وممكن بالدجاجه كامله مافيه مشكله


      نجهز التتبيله

      ملعقتين كاتشب
      ملعقتين مايونيز
      عصير ليمونه
      شوي خل
      ملح
      فلفل اسود
      بهارات مشكله
      وشوي بهارات ايطاليه
      ثوم مفروم وزنجبيل مفروم

      نحطها على الدجاج ونخليها تتبل باكثر وقت ممكن

      بعدين نحطها بصينيه وعلى الفرن بنار هاديه لين ماتتحمر
      وبالف عافيه

      طبعا المقادير تزود وتنقص على حسب الاشخاص
      هالكميه تكفي دجاجه متوسطه الحجم

    5. #20
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )





      | عجينه فطائر جميله جدا ومعتمده |



      بالخلاط
      كاس ماء دافي
      ملعقه كبيرة خميره
      ملعقه صغيره ملح
      ملعقه صغيره بكنج بودر
      فنجال زيت
      فنجال سكر
      فنجال حليب بودره

      تخلط لمده 5 دقائق

      ثم تسكب على كاسين او ثلاثه طحين وتخلط باليد او العجانه حتى تتماسك
      تخمر لمده نص ساعه وتشكل

      للوجه بدال البيض انا احط شوي حليب ابو قوس مع نص ملعقه صغيره نسكافيه
      تعطي الفطائر لون جمممميل ولا يبين ريحه النسكافيه ابد



    6. #21
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      نجي للدجاج بالكزبره والثوم






      احمسي بصل مع زيت وحطي ثوم مفروم<<كثري لاوصيك يعني 3 حبات بالعاده وحطي الدجاج حطي الملح والبهارات اللي تحبينها
      حطي كزبره وفلفل رومي مقطع
      حطي بطاطس بس بشرط خليه بقشره يجي اطعم

      وحطي شويت مويه لا تكثري يعني نص كوب تقريبا
      وكل ماقلت المويه زيديها شوي بس لاتحترق انتبهي
      وخليها تقريبا اقصى حد نص ساعه لين ساعه الا ربع





      بالعافيه



    7. #22
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      ا لمندي





      بصينيه بايركس حطي رز منقوع
      جيبي قدر صغير واحمسي فيه بصل مقطع صغار مره او مفروم لين يذبل حطي ملح على قده وشوية كمون وحطي مويه تقريبا كاس لكاس ونص وبعدين حطيه على الرز يكون مغطي الرز وزياده شوي حطي بهارات حب زي هيل وقرفه وحبة ورق غار اذا تبي قرن فلفل وليمون اسود وحده




      غلفيه بطبقتين قصدير وخرمي بالسكين وخليها كثير علشان موية الدجاج تنزل معاها



      حطي الدجاج متبل بملح وبهارات وكركم فوق القصدير المخرم وغطيهم بطبقة وحده قصدير





      40 دقيقه تقريبا كافيه انو يستوي
      شيلي القصدير وحمريه من فوق وبالهناء والعافيه







    8. #23
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )




      هذه هي الوصفة

      مكرونة أقلام تسلق مع قليل من الملح و بهار مشكل بعد نضوج نتركها جانباً ..
      ثم نبدأ بطريقة اللحمة المفرومة ..
      بصلة و لحم مفروم امريكانا أو اي نوع تفضلونه .. بعد أن يتغير لون البصل إلى اللون الذهبي الغامق نضع اللحمة عليه و تغطى بغطاء - القدر طبعاً - و إلى أن
      يتغير لونه ثم نضع 1 طماطم مفرومة / 2 ملعقة معجون طماطم و يتبل ببهار مشكل و كمون و تترك على نار هادئة .. و نضيف ملح عند نضوج اللحمة ..

      ثم نبدأ بعمل الصوص - الباشميل -
      2 ملعقة زيت في القدر نضعه على نار هادئة ثم نضيف 6 ملاعق -طعام- دقيق و نحركها مع الزيت على نار هادئة / و في دورق ماء 6 ملاعق حليب بودره ونضع عليه 3 كاسات
      من الماء نحركها مع الحليب ثم نضعها على الدقيق و الزيت في القدر و نحركها إلى أن تنضج ثم نضع قليل من الملح .. بعد نضوجها إن كان بها تكتلات نضعها في الخلاط الكهربائي


      ثم نحضر صينية الفرن ..
      طبقة المعكرونة أولاً ثم اللحمة ثم الصوص أو - الباشميل -

      و بالعافية

    9. #24
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      فطاير البف باستري



      المقادير :
      شرايح بف باستري
      دجاج مفروم
      فلفل رومي + بصل
      بهارات
      جبن شرايح

      نفك شرايح البف باستري وعلى مايذوب الثلج اللي عليه نجهز الحشوة
      نشوح البصل بزيت وشوي ثوم اذا تحبون ونضيف الدجاج المفروم ونخليه لين تبدا تنشف مويته بهالوقت نضيف البهارات وقبل نطفي عليه نضيف الفلفل الرومي وملعقه من سومطرا ..
      ونضيف الحشوة عالبف باستري وشريحة جبن صغيرة ونسكر العجين زين
      وبطرف السكين نسوي خطوط من فوق .. وعالفرن من فوق وتحت وبالعافيه

      -

    10. #25
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      فطاير جيب التاجر



      مقادير العجينه :
      3 كاسات دقيق
      ملعقه كبيرة خميرة
      فنجال سكر + رشه ملح
      3 ملاعق كبيرة حليب باودر
      بيضه وحدة مخفوقه
      الماء من كاس الى كاس وربع
      تعجن وتخمر انا خليته 45 دقيقه وعقب افردة واخليه سميكة شوي
      وبعد التقطيع تقلى ..
      والحشوة اي حشوة حابه انا سويت صدور دجاج وشوي خس ..
      لذيذة جدا .. اخذته من غرور انثى

      -

      قوالب الكفته



      المقادير :
      كفته جاهزة
      خبز تورتيلا
      بطاطس مقلي
      صلصه زبادي وطحينه
      وبقدونس

      نقصص التورتيلا دوائر ونسويه بصينيه الكب كبك وعالفرن شوي لين ماياخذ شكل القالب .. انا ماكان عندي وسويته بخبز عادي بس التورتيلا افضل ..
      نقلي الكفته والبطاطي وبعد مايخلص الخبز نوزع الفته عليه ونجمله بالصوص والبطاطس والبقدونس
      الوصفه اظن اخذته من هنا بس ماني ذاكرة اسم العضوة

      -

      صينيه التوست وصينيه البطاطس



      صينيه التوست
      المقادير :
      توست منزوع الاطراف
      دجاج مفروم
      كريمه خفق
      دقيق ابيض
      جبن موزاريلا

      اول شي نجهز الحشوة حمست دجاج مفروم مع بصل وزيت وشوي صلصه طماط وفلفل رومي وبهارات بعد ماتسبكت وجهزت ..
      فرشت الصينيه بالتوست ونوزع فوقه الحشوة ونغطيه بطبقه توست وبقدر صغير نصيف كوب كريمة خفق وملعقه دقيق ونحركة عالنار اول مايبدا يثقل نشيله ونشربه التوست ونرشه جبن موزاريلا وعالفرن يتحمر .. وبالعافيه

      [COLOR="rgb(221, 160, 221)"]صينيه البطاطس [/COLOR]
      [COLOR="rgb(221, 160, 221)"][/COLOR]الصراحة زاد من الحشوة كثير ومع الحر خفت يخرب وسويت هالصينيه
      سلقت بطاطس وهرسته وخلطت معه شوي كريمة خفق وملح وفلفل اسود
      بطنت الصينيه به ووزعت الحشوة فوقة وباقي البطاطس سويته كور اجمل ..
      صفيت الكور ورشيته جبن وصبيت فوقة شوي كريما وعالفرن لين تحمر .. وبالعافيه

      -

      اصابع البيتزا



      هالوصفه من اختراعي .. بس لذيذة
      المقادير :
      توست منزوع الاطراف
      صلصه بيتزا
      شطة سومطرا او تويا
      جبن موزاريلا
      زيتون شرايح
      اوريقانو

      نشيل اطراف التوست وندهنه بشوي من الشطة ونوزع الزيتون ونرش الموزاريلا ورشه اوريقانو وعالفرن من فوق وتحت لحد مايتحمر على خفيف
      وبعد الفرن نقطعه اصابع ونرتبه بالصحن وبالوسط نضيف صلصه البيتزا .. وبالعافيه



      -

      سباغيتي بالصلصه الحمرا



      المقادير :
      سباغيتي
      طماط معلب
      فلفل اسود + ملح + اوريقانو + ثوم بودرة
      مكعب ماجي

      نسلق المكرونة وبالخلاط نخلط الطماط المعلب خلط خشن ..
      نحمس بصل مع شوي ثوم وزيت زيتون ومكعب ماجي .. نضيف الطماط والملح والفلفل واذا تشبك نرش الاوريقانو
      نصفي المكرونه ونضيفه عالصلصله ونخليه عالنار شوي لين تتشرب الطعم
      نرتبه بصينيه ونرشه شوي موزاريلا ورشه بقدونس وعالفرن ثواني بس يسيح الجبن .. وبالعافيه

      -

    11. #26
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      باستا الفريدو




      المقادير :
      مكرونة بينيني
      صدور دجاج
      فلفل اسود + ملح + ثوم بودرة + اوريقانو
      كريمة خفق
      جبن سايل

      نسلق المكرونة ونشوح الدجاج بشوي زيت ونتبله بالملح والثوم والفلفل ونخليه لين يستوي
      بعد الاستواء نضيف له المكرونة ونضيف كريمة الخفق على حسب الكميه اللي نحب وملعقتين جبن سايل .. ونحركة ونقصر عليه لين يتشرب الكريما ..
      وبالاخير رشه اوريقانو وبقدونس وبالعافيه

      -
      التعديل الأخير تم بواسطة فروووحه ; 13-04-2014 الساعة 06:53 PM

    12. #27
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      " قوارب الجبنة البيضا "



      قبل لا نبدا بأي شي نحط شوي زيت زيتون + 2 فص ثوم مدقوق ونتركهم على جنب .



      نبدا نسوي العجينة .. مقاديرها :-
      3 ك طحين و تقول لكم اختي لازم حق مطاحن الكويت
      3 ملاعق كبيرة حليب نيدو + 1 ملعقة كبيرة سكر + رشة ملح + بيالة شاهي زيت زيتون
      1 ك مويه دافيه و نذوب فيها ملعقة كبيرة خميرة فورية
      " نعجنها بالعجانه والافضل تنعجن كويس بعد كذا باليد على سطح نظيف وتتخبط باليد "
      نغطيها بفوطه نظيفة مبلولة شوي و نتركها تخمر 1/2 ساعة



      الحشوة :-
      علبة كبيرة جبنة البقرات الثلاث تقريبا بنحتاج ثلاث ارباعها
      نحط معها حبة فلفل احمر بارد مفروم فرم ناااعم زي الصورة
      + ملعقة صغيره نعناع ناشف انا اخذته من المهباج اللي في السيفوي
      +شوي بقدونس مفروم مثل اللي بالصورة




      نهرسهم مع بعض كويس بالشوكه




      بعد ماتخمر العجينة نبدا نشتغل فيها
      لا تنسون تشغلون الفرن اول ما تبدون تفردون عشان يصير جاهز



      نفردها كويس على سطح نظيف و مرشوش عليه شوي دقيق .. لا تكثرون بعدين ما ترضى تلزق
      نقطعها دوائر الحجم اللي تبون .. شفتوا القطاعات اللي 3 مع بعض ؟ انا استخدمت الوسط
      ونحط تقريبا ملعقة اكل صغيرة في كل قطعة


      نسكرهم على شكل قوراب بعدين ندهن جوانبها بالفرشة بزيت الزيتون اللي نقعنا فيه الثوم
      انتبهوا بس حطوا زيت لا تاخذون من الثوم اللي تحت



      نجيب صينية التشيز كيك وندهنها برضو بزيت الزيتون اللي نقعنا فيه الثوم وندهن الجوانب بعد
      ونبدا ناخذ كل حبة ونرش على جوانبها شوي أوريقانو "زعتر بري" شوي لا تكثرون تصير مرّه


      نصفها بهذا الشكل اللي ما اعرف أوصفه بس انهم كذا مايلات و لاصقات ببعض
      ندخلها الفرن 350 درجه و تكون النار من تحت لما تتحمر نقلب الحراره من فوق الين ما تاخذ لون يخقق




      هنا و هي توها فرش طالعة من الفرن و ريحتها
      حقتي شكلها حوسة اول مرة اسويها ما شفتوا حقت اختي شلون مرتبه




      طعمها يجنن مب باين فيه نكهة الفلفل الاحمر ابد صاير الطعم

    13. #28
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      ::
      ::




      "
      Mixed Meat Pasta "





      المقادير :-
      1/2 كيلو لحم عجل مفروم بدون دهن
      بصل احمر + ابيض+ 4 فصوص ثوم مدقوق
      علبتين طماطم ايطالية معلبة
      حبة ماجي - صلصة طماطم - ملح - فلفل اسود - أوريقانو "زعتر بري"
      علبة صغيرة قشطة خفق whipping cream
      مكرونه اي شكل تحبون


      نحمس نوعين البصل بـ زيت ولما يبدا يذبل نحط الثوم
      ونحط عليهم اللحمه و نطقطقها كويس



      هذي صورة مقربة للطماطم المعلبة و لعدّة الخلطه
      في الخلاط :- الطماطم المعلبه+ملعقة صغيرة اوريقانو+ملعقة صغيرة سكر+مكعب ماجي+ملعقة كبيرة صلصه+شوي ملح و فلفل اسود كثيـــر .



      نكب الخلطه على اللحمه




      نقصر النار عليها نتركها تقريبا 20 دقيقه او نص ساعه و يكون القدر مكشوف



      في هالوقت نسلق المكرونه انا هذا النوع اللي استخدمته والشكل الملولو هذا




      بتكون صلصة اللحمه ثقلت بعد نص ساعه
      نكب عليها علبة قشطة الخفق




      نقلب كويس ونذوق الملح والفلفل لو احتجنا نزيد و نطفي النار على طول




      نشخل المكرونه من الموية ونرجعها لقدر السلق
      نكب فوقها المكرونه ونقلب كويــــس
      و خلاص صارت جاهزة






      رشيت عالوجه شوي أوريقانو
      اسهل و ألذ مكرونه مرة أحبها

    14. #29
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      صينية كرات البطاطس المحشية





      أعشقها
      لأنه فيها كل المكونات اللي أحبها
      آلوو يعني بطاط + بشاميل + جبن + دياي

      المقادير:

      جبن موزريلا مبشور للوجه

      لـ البطاطس:
      من 3 إلى 4 حبات بطاطس متوسطة الحجم
      1/2 ك بقدونس مفروم
      1/4 ك كريمة خفق
      فلفل أسود مطحون - ملح
      ماي للسلق

      لـ حشوة الدجاج:
      شوية زيت
      نص كيلو صدور دجاج
      بصلة متوسطة
      فصين ثوم
      حبتين جزر متوسط الحجم
      مكعب ماجي
      فلفل أسود محطون - كمون مطحون - كزبرة مطحونة - ملح
      1 م ك صويا سوس
      بقدونس مفروم

      لـ البشاميل:
      50 جرام زبدة
      ا م ك زيت
      2 فص ثوم مهروس
      3 م ك طحين أبيض
      2 ك حليب سايل
      3/4 ك كريمة خفق
      فلفل أسود مطحون - ملح
      1 ك جبن موزريلا مبشور

      الطريقة:

      لـ البطاطس:



      نسلق البطاطس لين تصير ذايبة
      بالغوا في مدة السلق لأنه كل ما صار البطاطس ألين كل ما كانت ألذ



      بعد ما نسلقها نشخلها من ماي السلق ونتركها تبرد شوي
      بعدين نهرسها بـ شوكة, إذا كانت مسلووقة واايد راح تنهرس بكل سهولة
      نضيف لها كريمة الخفق + الفلفل الأسود المطحون + الملح .. ونكمل هرس
      نعتمد على الذوق في تقدير الملح والفلفل
      لما نوصل الطعم اللي نبيه نضيف البقدونس المفروم ونهرس
      وبس صارت جاهزة
      لذيذة كل شوي آكل منها

      لـ حشوة الدجاج:



      نقصص صدور الدياي لـ مكعبات صغيرة جدًا جدًا جنه مفروم
      أحسن قطعوها واهيه شبه مثلجة يصير تقطيعها سهل ومرتب
      نقصص البصل لـ مكعبات صغيرة بعد
      بـ المقلاة .. نسخن شوية زيت وبعدين نحط عليه البصل مع رشة ملح
      نقلب لين يصير البصل شفاف بدون ما يشقر عقب نحط عليه الدياي



      نقلب الدياي مع البصل هلى نار متوسطة لين يصير أبيض ويبتدي ماايه ينشف
      نهرس الثوم ونضيفه للدياي قبل لا ينشف واااايد يعني يكون رطب شوي
      هي نخلي النار هادية
      نضيف الماجي والملح والبهارات والصويا ونقلب كل شي مع الدياي
      كمية البهارات والملح نعدلها حسب ما نبي



      نبشر الجزر ونضيفه للدياي ونقلب



      لما يذبل الجزر وينضج الدياي نبند النار
      ونضيف البقدونس المفروم

      حشوة بسيطة ويمي أحبها واستخدمها بـ واايد أشيااء

      لـ البشاميل:



      نحط مقدار الزبدة والزيت على النار لين تذوب الزبدة
      نضيف كمية الطحين ونخليهم شوي يتحمصون تحميص خفيف جدًا



      نشيل الجدر عن النار ونبتدي نضيف كمية الحليب بـ التدريج
      لازم يكون الحليب دافي أو حار وما نضيف مرة وحدة
      نحط شوي ونخلط لين يندمج مع الطحين ونحط شوي وهكذا لين نخلص
      عقب نضيف كريمة الخفق ولازم تكون دافية أو حارة بعد
      نضيفها بـ التدريج بعد
      بعدها نضيف الثوم المهروس والفلفل الأسود المطحون والملح
      ممكن تضيفون فلفل أبيض مطحون أو أي نكهات تحبونها
      نرجع الجدر للنار
      نخليه لين يثقل مع التحريك المستمر
      أنا أحبه سااااايح فـ ما أخليه يثقل واايد
      حطو في بالكم إنه يثقل أكثر عقب ما نبند النار عنه ولين ندششه الفرن



      نبند النار عن البشاميل بعد ما يجهز ونضيف الموزريلا
      نحركها معاه واهيه بـ تذوب مع الحرارة



      ناخذ شوية من البطاطس بـ يدنا وعقب نحشيه بـ حشوة الدياي ونكوره



      نوزع الموزريلا على الوجه



      نصبّ البشاميييل عليهم
      وندخل الصينية الفرن من تحت لين تاخذ لون وبعدين نشغلها من فوق
      الغرض تحمير البشاميل بس

      إذا غرفتوها على طول عقب ما تطلعونها من الفرن
      بـ تجوفون إنه الكور بـ تنهرس ويخترب شكلها
      شي طبيعي لأنها واايد حاارة
      أحسن نطروها شوي تتماسك يعني تقريبًا 10 دقايق
      عقبها راح تقدرون تغرفونها واهيه محافظة على شكلها
      بس حاسبوا وانتوا تغرفون .. شوي شوي



      بـ العافية

    15. #30
      • ريشـہ مـبـدع الصورة الرمزية فروووحه
      تاريخ التسجيل
      Jul 2012
      المشاركات
      1,700
      معدل تقييم المستوى
      52

      افتراضي رد: أجمل الناس .. هم الذين تكون معهم كما انت ! ( منوعات )

      شاورما الدجاج



      من الحين أقولكم, كل الطرق اللي بين يديكم قطوها بحر
      جربوا طريقتي متأكدة راح تعجبكم
      لذيييذة والأهم شغل نظيف

      المقادير + الطريقة مع بعض :



      ناخذ نص كيلو صدور دجاج, كل صدر نقطعه لـ أربع أو خمس قطع
      شلون نقصه ؟
      ناخذ الصدر نقصه من النص عشان ما يكون متين
      عقب نقص كل قطعة لـ قطعتين أو ثلاث, على حسب حجم الصدر
      بـ جذي بـ يصير عندنا شرايح شبه نحيفة ومتوسطة الحجم
      نتبلها بـ | 1/4 ك خل بلسميك + 1 م ك خل أبيض + عصير نص ليمونة +
      3 فصوص ثوم مهروسة + ملح + 1/4 م ص من " كزبرة مطحونة +
      فلفل أسود مطحون + دارسين مطحون + كمون مطحون + بهارات الدجاج" |

      نتركها بـ التتبيلة ليلة كاملة أفضل
      التزموا بـ المقادير



      ناخذ تيفال أو أي مقلاة ما تلصق
      نحط فيها زيت, الزيت بس عشان نعطي شوية دسامة حق الدياي
      ما نخليه غزيير وبـ نفس الوقت ما يكون شوي
      نحط عليه قطع الدياي المتبلة ونخليها على نار هادية لين تاخذ لون



      نقلب كل قطعة على الصوب الثاني لين تاخذ لون حلوو بعد
      طبعًا حطو في بالكم إنكم قاعدين تتعاملون مع صدور
      يعني تستوي بسرعة, كلها أقل من عشر دقايق للوجه الواحد
      إذا طبختوها زيادة بـ تصير ناااشفة واهيه حلاتها رطبة يمممي
      أنا أحب يكون في الصدر حرق
      عشان جذي ارفع النار عشان ياخذ لون غامج شوي
      لا تغسلون المقلاة إذا تبون تستخدمونها مرة ثانية
      بس مشوها بـ كلينكس واستخدموها حق الدفعة اللي عقبها



      ننتف الدياي
      وخلاص صاار بااارز



      شاورما بدون سوس الطحينية ما تصير
      ناخذ | علبة روب + 5 م ك طحينية + 1 م ك خل أبيض +
      عصير ليمونة + 1 م ك مايونيز + رشة ملح + فلفل أسود مطحون |

      مقدار الطحينية والليمون تقللونه وتزيدونه على حسب ما تحبون



      نخلطهم مع بعض ونذوق
      يمكن تحتاج ملح أو فلفل أو ليمون
      عقب ناخذ فصين ثوم نقصهم من النص ونحطهم بـ السوس
      ندخلها الثلاجة فترة مب قليلة عشان السوس ياخذ نكهة الثووم
      عقب لين نستخدمه نتخلص من الثوم



      ناخذ خبز عربي أو ممكن تسوون طريقة خبز فاشنويستا
      نحط الشاورما + الطحينية + مخلل خيار + بصل مخلوط مع سمّاق +
      بطاط مقلي + بقدونس مفروم ..بعدين نلفها



      بـ العافية

    صفحة 2 من 6 الأولىالأولى 1234 ... الأخيرةالأخيرة

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المواضيع المتشابهه

    1. الناس كالفواكه فتعامل معهم كل على حسب نوعه
      بواسطة الأميره في المنتدى الارشيف
      مشاركات: 8
      آخر مشاركة: 04-09-2011, 04:53 AM
    2. الناس كالفواكه فتعامل معهم كل على حسب نوعه
      بواسطة الأميره في المنتدى منتدى المواضيع العامة
      مشاركات: 7
      آخر مشاركة: 03-09-2011, 03:35 PM
    3. متى تكون أسعد الناس
      بواسطة ملاك الروح في المنتدى منتدى المواضيع العامة
      مشاركات: 7
      آخر مشاركة: 16-01-2011, 07:33 PM
    4. كيف تكون تاج على راس كل الناس
      بواسطة سمو الذات في المنتدى منتدى المواضيع العامة
      مشاركات: 6
      آخر مشاركة: 23-10-2010, 03:05 AM
    5. حتى تكون اسعد الناس
      بواسطة مومهم اسمي في المنتدى منتدى المواضيع العامة
      مشاركات: 5
      آخر مشاركة: 29-11-2008, 04:20 PM

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  
    www.yanbualbahar.com