ذبحني غلاك الله لايجزي البعاد بخير
وأنا كنت احسب البعد للعاشق الخيره !!

ياليت الزمن يرجع معي يوم كنت صغير
الأحلام محدوده .. والايـام تقزيره ..

ماكنت اتضايق .. ضيقة اللي غداله طير
بجوٍ خلا موحش ولا بحولهم ديره ..

يلوح على الحروه بعد ضاق منه عصير
وتل موتره قبل الغياب وانكسر قيره ..

على اللي تعبت أنسى ( غلاه ) وتعبت اسير
على جرته من يوم قفت مضاهيره ..

حداني على شيين يا ( الموت يا التهجير )
بعد ماكنت في بيت الغلا اغلا مساييره ..

فرحة بلقانا الاولي فرحة .. التحرير
وحبسة الدموع بنظرة العين الاخيره ..

لو ان القصايد دلو تلقى المشاعر بير
رحل وانتهى سيرة وصل وابتدة سيره ..

قصيدٍ يدبش راعي الهم والتفكير
ويضيق وسيع الصدر ويفك ازاريره ..

صويب الهوى والشعر مثل ابرة التخدير
ولاني بحاجة للطبيب وعقاقيره ..

طعني بسيف .. الهجر ..والبعد .. والتأخيـر
مع أن الخليج بأكلمه قريه صغيره ..

حزينٍ عليه ومن نشدني أقول .. بخير
وانا ضايق من جور هجره وتقصـيـره ..

( يقولون خيره واعتبر كل شي يصير
وأنا اقول ماكل خيره تجي خــيــره )