ليـه، خليتـو..ْ} جروحـي{ .. مـن فعايلكـم تسـيـل ..{..!!]

[عنفوان الاجوديه]

صبـأحكم / مسائكمـ
شِعُرٌ
نحن البَشَر .. نضعفُ بِـ لحظة أَلم .. ونقوى بِـ لحظة أمل..!
ومابين الإثنان (حدٌ فاصل) يتذبذب مابين دمعةٍ وإبتسامة..!
لانملك معه إلا (القناعة والرضا) بخُطى القَدَر .. في كل أَمْر..
مما راق لي واحببت ُ مشاركتم بهذه الرائعه
واتمنى أن تنال على الرضى والقبول 0

مايرد النفس عن درب السخط غيـر القناعـه
و[الرضا حِكمة] تشدّ العـزم بالحـزن الثقيـل
مالنـا لاثـار مـوج الهـم وإشتـد إندفاعـه
غير دعوة رب هذا الموج و [الخافـق ذليـل ]
نوب نضعف لا غزانا الهـم وأتعبنـا شِراعـه
نفقد الحِكمة و [نبحر بالأسى ]مـن دون حيـل
ونوب تِفقِدنا المصايب من بلاويهـا الشجاعـه
ونوب [نخوات الشجاعه] ترمي الخافـق قتيـل
عايشين بطيب عيش ونشتكي ظُلـم المجاعـه
في [مظاهرنا سكون] , وفـي مخابرنـا فتيـل
نشتكي ونقول: جرح الوقت يا كبـر إتساعـه
والحقيقـه لاتمايـل هالزمـن [قمنـا نميـل ]
ماخذتنا هالليالـي .. بيـن أياديهـا بضاعـه
لين [جيناها عروض] .. وسعرنـا جـداً قليـل
إن وقفنا ماوقفنا .. غير فـي وجـه الجماعـه
وإن جلسنا ماجلسنا .. غير عن [ فعل الجميل ]
وإن حكينا ماحكينا .. غيـر بفـلان ومتاعـه
وإن سكتنا ماسكتنا .. غير عن [ حق ودليـل ]
تشتكي منّا أخوّة .. أصبحت وهـم , وإشاعـة
ليه خليتوا [جروحي] .. مـن فعايلكـم تسيـل
وتشتكي منّا صداقة .. أصبحت زيف وصِناعة
ليه وقفات الصداقة .. مالقت فيكـم [ أصيـل ]
وتشتكي منّا مبـادي .. مالقـت منّـا شفاعـة
حقّها مُجحف وفينا [ مالقيت ] درب وسبيـل..!
هالزمن لو مايطيعك طاوعه وإحـذر خداعـه
نوب [ تغرينا ] ملامح , وسطها وجـه ٍبديـل
و الشقا وإن طال غيمه .. تالي الغيم إنقشاعـه
ماخبرت الغيم يبقى .. في سمانا [لـو يخيـل]
و الوجع موجود طبّه .. بس يحتـاج لمناعـه
و [المناعه] حزم قلب , وصبر , مع قلب ٍ يشيل
و الزمن وإن زاد قسوة .. يبتسم لك لو لساعـه
وإن تبسّم لو لساعـه إحمـد [الـرب الجليـل]
إبتسامة عقب دمع ٍ .. حرّق الجفـن إلتياعـه
خير من دمع ٍ [فقد ضحكات] من وقت ٍ طويـل
بإختصار إرضى بواقع دنيتك وإقبـل سماعـه
و اقتنع بأحكام وقتك لوغـدى [قلبـك عليـل]



لاهنتم

0

[عنفوان الاجوديه]

انتظر اآآرائكمــ :)

[خيالي]

رووووووووعة والله

الله لايحرمنا منك عنفوان

لك تحياتي

[لمسة ناعمة]

الله يعطيكي العافيه يا الغلا

لموسهـــ

[هيبـة ملڪ]

الله يعطيك العافيه ياذووووق ...

[عنفوان الاجوديه]

هلابك اخوي بلاحدود

الاروع حضورك

:)

[عنفوان الاجوديه]

هلا حبيبتي لموسه منوره فديتس

[عنفوان الاجوديه]

يسلم راسك اخوي هيبه

:)