بنــتك لمن عوى الذيب [ذيبه ]..

اتمنى ان تنال اعجابكم القصيده




يابووي جعلك للبقا والمكااسيب
عمري بدوونكـ [يالغلا] وش ابي به .!!



يابوي تسأل عـن شفـاك المراقيـب
طلعـة سواتـك للنّوايـف غريـبـه


ليه المرض مايعرف الزّين والعيـب ؟
مايـدري انـك للمخاليـق هيبـه !!


ابســـــألك وش بك غزا وجهك " الشـــيب "
والقــلب لا يـــــعور للنـــــــــواظر شحيبــه


وش بك لا نوى الموت تغريب ..
تخشى علينا الليالي [الكئيبـــه]


خذ دلتـك .. واركي على مسند الجيــب ،،
وعطني[شماغك] اتلثم واحتمى به


ونروح لارض بها العشب والطيب !
وتسمع كلام [يالغلا] تحتفى به


يابــوى بنتك لا نحكي بالتــجاريب
كلن يشهق لهيب من صيتا(ن) تجيبه ..!


يابوي ماني من سـوات المخاريـب
اللّـي تجيـب لعليَـة القـوم خيبـه


وماني من اللّي لامشت حفّها الرّيـب
أنـا مـن اللّي مايدنّـس حليـبـه


مرفوع شاني عـن غـرام المكاتيـب
وأكبر من انّنـي أرتضـي بالحبيبـه


وان كان ((زينـــي)) فتنة للمصاويب
احط وجهــي بالحريق ولهيبه


زينــي ابيعـه واشـترى سمـعة الطــيب
اســم ينومس بالصـروح الذهـــــيبه


وان كان عندي [بالحلا] شي ٍ صعيب
عنـدي جـدود ٍ مارضـت بالغليبـه


دموع القبايـل فـي لقانـا مساكيـب
كـن المقابـر لاحضـرنـا قريـبـه


خضّبت لك كفّي من العـز تخضيـب
ورفعـت راسـي للنّجـوم الصّعيبـه


والله لأسـدّك بالفعـول المصالـيـب
والله لأشيلـك بالرخـا والمصيـبـه


طلع المعالـي ماانحكـم للشّواريـب
بنت ٍ وأناطح فـارس القـوم باالطيبـه

ويااشيــخي ابشـر لو تدور الدواليب
بنــــــتك لمن عوى الذيب [ذيبه ] ..!!