موضوع حساس شوي ويستاهل النقـــــــــــــــــــاش
بسم الله الرحمن الرحيم
راح اطرح موضوع حساس شوي وأتمنى التفاعل وارجوا أن كل واحد أو وحده يكون منطقي بردوده
راح اطرح موضوع عن حقوق الفتيات والشباب
يالله أبدا
أولا الشباب يوم يأخذون معهم مقابلات بالتلفزيون ويقولون ايش ناقصكم بالله عليكم ايش هو ردهم
يقولون ( نبغا سينما) أو يقولون( كل مكان نروح له يقولون عوايل عوايل) صـــــــح مو هذا جوابهم ؟
طيب ركزوا معي شوي بليز
البنات ايش طلباتهم ؟ ايش الفرق بين الولد والبنت عندنا بمجتمعنا السعودي
أولا الولد دايم برا البيت أما البنت أربع وعشرين ساعة بالبيت صح؟
معليش اعذروني على هالنقطه لأنها شوي حساسهاذا الولد مثلا غلط مع وحده وحاكموه راح ينفذ فيه الحكم صح؟ لكن بعد الحكم !! الولد راح يطلع من السجن وبعد سنه سنتين وتنسى الناس ويقولون طيش شباب وراح يمارس حياته طبيعي ويتزوج ويعيش ولا كأنه سوى شي وانا عن نفسي اعرف نماذج
أما البنت إذا كانت جاهلة وصارت راعية تلفونات على قولتنا طبعا هذا راجع للتربية وتواعدت هي وخويها في سوق ومسكتهم الهيئة أو الشرطة وش راح يصير الناس راح تأكلها بأسنانها حتى ولو هي تابت وراح يطلق عليها مصطلحنا المعروف ( داشره) صح ؟ بالله بسألكم من المفروض الناس تأكله بأسنانها ؟
أنا مااقولكم البنت ماغلطت!!كنها تابت !!
آما الولد خطيئته كبيره ومن السبع الموبقات لكنهم سامحوه ونسوا
أسفه لكن أنا بتكلم بحساسيه
النقطة اللي بعدها هذه أنا أعاني منها وأكيد نص البنات يعانون منها بالله مو في مدارسنا وبشوارعنا الولد اذا
حب يقهر خويه ايش يقول ؟مو يقول ياولد فلانة ولا يااخو فلانة صح؟ طيب مو الفروض انك تفتخر بأمك اللي
أنجبتك وبأختك اذا كان العرب قديما يقولون ( أنا اخو فلانة) ليه دائما اسم البنت عيب ؟
طيب أخر نقطه البنت اذا جاء عمرها 30 قالوا خلاص عنست أو فاتها القطار مع أن بالدول الأخرى بهالسن مناسب الارتباط لأنها تكون عاقله أما الرجل اذا بلغ 60 سنه عادي لأنه رجل
وإذا وحده ارتبطت بواحد اصغر منها مثلا بكم شهر قالوا يووووووووه اخذ وحده اكبر منه
واذا واحد شايب أبو 70 سنه اخذ بنت 16 قالوا ماشالله عليه يجدد شبابه !!!
ايش هالتنــــــــــــــــاقـــــــض
أسفه اذا كان كلامي قاسي لكنه يحكي مجتمعنا
انا مااقول مجتمعنا سيئ لا مجتمعنا جدا راقي لكن ينقصه توعيه وتوجيه
فيه نقاط كثيرة لكنني ابي الكل يتفاعل معي بليز
واللي عنده اضافه يضيف
واللي ينتقد المجال مفتوح له
أمانه ماابي احد يكون زعلان ؟
او كلامي يضايق احد هذه وجه نظري
واختلاف الآراء لايفسد للود قضيه
واعذروني على العفوية اللي كتبت بها الموضوع بس حبيت أتكلم بتلقائية أكثر ليكون الموضوع بسيط وتتقبلونه
إن اصبنا فمن الله
وان أخطئنا فمن أنفسنا والشيطان
لا تبخلوا بالردود
اريـــــــــــــــــــــــــــد تفاعل
احساسك يكفيني:18:
