تفتكروا ايه اصعب جلسات بتقابلني؟!
اقولكم على سر..
انا عملت جلسات لأمهات من كل مكان تقريبا في مصر وبره مصر ناس في دول اوروبيه وناس في كندا وامريكا ودول عربيه كتير
و والله لكم ان تتخيلوا ان اصعب جلسات مش متعلقه بالمشاكل النفسيه..
ولا الصدمات اللي سببها الطفوله والتربية الغلط..
ولا حتى جلسات متعلقه بتحرش ولا حتى اغتصاب..
تخيلوا !!
تصدقوا ان اصعب جلسات بجد لقيتها في قلب قلب مصر ..
الجلسات اللي الواحده فيها بتكون
" فاقدة السيطرة "
بتكون مؤمنه تماما ان معندهاش اختيار وان" كلام الناس" ونظرتهم ليها يتعمل لها الف حساب..
و "اهل جوزي" هما السبب وهما الرعب اللي بخاف وافكر مليون مره قبل ماتصرف او ماتصرفش قدامهم.. بيحاسبوني طول الوقت
و "حماتي وامي“ اللي ممكن يمشوا كل حياتها بمزاجهم بمنتهى التسلط والجور على حقوق بيتها وخصوصيتها
و" جوزها" من حقه كل حاجه.. منهم حتى اللي شايفه ان العنف الاسري عادي وان ضرب الحبيب زي اكل الزبيب !!
باختصار سمحت للموروثات الاجتماعيه الفاسدة تقيدها من ايدها ورجلها
مبتقدرش تراجع نفسها ولا تفكر تطلع بره الخط المرسوم لها من وهي طفلة..
ودي صعبه شوية
بس الخبر الأحلى انه دايما دايما..
النوع ده من الأمهات اول ما " اللمبه" بتنور عندهم بيعملوا قفزات وتطورات اكبر من غيرهم ..
بيعرفوا قيمة نفسهم ودورهم وحدودههم وحدود غيرهم وامكانياتهم
بيبقى مرجعهم حلال ولا حرام.. وضميري راضي ولا لاء.. مش الناس حتشوفني ازاي ولا حتقول عليا ايه
وبينوروا وينشروا النور في كل حته يكونوا فيها..
وبتكون النتيجة ستات تشرف بجد
