إن ماخذيت اللي له القلب ميّال........ **
لو خيروني بين مليون رجال
.................................................. والكل منهم عاشقن مشتريني
بقول كلمه دايم الدوم تنقال
.................................................. دوم إتردد بين قلبي وبيني
(إن ماخذيت اللي له القلب ميّال
.................................................. .عقبه فلا آخذ كل رجل(ن) يبيني)
يمكن بعيدن بالمسافه والأميال
.................................................. .لكن قريبن بين قلبي وعيني
أشوف به شيخن على كل الأزوال
.................................................. .إليا لفى فزوله الحاضريني
متسيّدن في وسط قلبي ويختال
.................................................. ..يملك حياتي بس وينه وويني
اللي رفض كل العذارى ولاطال
.................................................. ..إلا خفوقي بالغلا و الحنيني
وشلون ابقنع خافقي لاالزمن مال
.................................................. ...إن الظروف القاسيه ما تليني
وشلون ابرضى عقبها بأي رجال
.................................................. .....وشلون أبدّل نور عيني بيديني
دامه حفظني في عيونه و لازال
.................................................. .....طيفه على طول الليالي يجيني
ابيه يذكر كلمتن دوم تنقال
.................................................. .....دوم إتردد بين قلبي وبيني
( إن ماخذيت اللي له القلب ميّال
.................................................. ......عقبه فلا أخذ كل رجل(ن) يبيني )
