~{ الجـَرْح ْ..

.

.


.


. . . ~




مسآئكم / صبآحكم
,‘ خيـرْ ..


قَصِيده رآئعه ..
للشآعر / عبدالله الظفِيريْ ~


إستمْتعوآ !




اللي بقى لـي مـع الأيـام .. وفّيته
والضيق لـو ينهمر تشربْه وديانـي

ماهي كبيـره علـي والحـزن غنيته
وْلاهـي غريبـه إذا وقتـي تحـداني

الخوف -يا من نبشت القلب وادميته
-لاعشت زهرة شبابك وانت وحداني!!

كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي

مطعون؟ عادي ،، جفا الأقراب؟ داويته
تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته
مقرود؟ أدري ،، وإذا حرمان؟ عدّاني

ما فاح هـمّ ٍ لـك الله مـا تقهويتـه
ما مرّ حـزن ٍ بغيـري مـا تبلاّنـي!

ياما وياما مـن الخـذلان .. عديتـه
إلا بصاحبْ .. بعد عِشـره تناسانـي!!

أزريت لأنسـى غيابـه ليـن ناديتـه
والموت لامـن تجاهلنـي وجافـانـي

وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!

من كنت طفل ٍ وانا أرجـاه فـي بيتـه
شيّبت.. واثره على هالحـال خلانـي!

حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي

يا قلب صبرك .. ترى كل شيّ سويتـه
ما كان أفضل من اللي كـان بإمكانـي

لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!
.

.

مشكوووووووورة ياالغلا على القصيدة

لموسهـــ

نقل رائع
سلمت يمناك
وبإنتظار جديدك بشوق
لكِ ودي

سلمت اناملك يالغلا
على النقل الرائع
ربي يسعدك يارب