هنتكلم انهاردة عن مشكلة السرقه عند الاطفال :
======================
السرقة مفهومها عندنا هي محاولة الشخص ملك شيء لا يملكه.
بالنسبة للأطفال بيبقوا شايفين أنهم محور العالم و أن كل شىء ملكهم , و أنهم ياخدوا أى شىء ده طبيعى...
واجب الأبوين أنهم يعلموهم حدود الملكية و إن أخذ حاجة محتاج لإذن معين و إلا يبقى سرقة حتى لو حاجات بسيطة و مع أى حد , لو أخد ورقة من أخوه بدون إذن ده يعتبر تصرف مرفوض و يبقى لازم يرجعها مكانها و ياخد الإذن و يقبل الموافقة أو الرفض .
كتير مننا كأمهات أو أباء بشكل عادى بيفتحوا مثلا محفظة الأخر و أخذ أموال بدون إذن و بالتالى بنلاقى الطفل بيعمل نفس الحاجة بس رد الفعل عليه بيبقى مختلف !!! و لأننا أتفقنا أننا قدوة فلازم نستأذن من بعضنا
أحيانا لما تلاقى طفلك رجع من المدرسة بحاجة مش بتاعته ممكن تاخديها ببساطة , لكن الواجب إنك تقوليله إن ده غلط و تخيل لو حد خد حاجتك اللى بتحبها هتحس بإيه و إلزميه بإرجاع الشىء لصاحبه .
