زوجي ذبحني مليووون مره خلال 4 سنوات

امانه ايش رايكم بهذا القصه
وربي مت قهر ونا معرفها شوفو كيف عنوان قصتها يقطع القلب
الله يعينها ويصبرها ع الدفش الي عندها
تصدقون اكتبلوكم وانا غرقانه بدموع تعبت وتعبت نفسيتي خلااااص مليت ..

سالفتي هي ..
زوجي لي اربع سنوات متزوجه وعندي طفلين ومجنني معذبني بس ينتقدني

ويعلق احس وانا متاكده ان مافي شيء عاجبه فيني

اطرافك نحيفه .. يمه من رجلينك مررره نحيفه واصابعك طوال كنها مضارب تنس وغيره وغير

والخافي اعظم واشياء معقوله واشياء سخيفه .. وعلى فكره الحمدلله انا ماني شينه بس

هو لوع كبدي يعلق على اي شيء وتعبت واانا اقوله هذي خلقة الله ولا تعيب لكن مافي فايده

تصدقون كرهت اشتري شيء معه خاتم ساعه جزمه والله مليت وكرهت حياتي ..


تدرون اخر الانتقادات اللي تضحك ريحة الشامبو اللي تستخدمينه ماهي حلوه(برت بلس) وغيرته

على مزاجه وماقال شيء بس احس بعد ماهو عاجبه والله نفسيتي تعبت وصرت اشك في نفسي

مافي شيء عاجبه جسمك يضحك كله رجلين ورموشك قصار ماهي مثل رموشي وغيره وغيره

بس ماابي ازعجكم بس بنفجر وابي افضفض شوي لاني مااقدر اقول لاحد اني ماني عاجبه زوجي.

تصدقون مليت من الملابس وبس اغير من فتره لفتره ستيل لبسي ومع هذا مافي فايده مستحيل

يمدح شيء وماااايتكلم ابد ابد ابد الا اذا بينتقد الشيء في نظره .


هو طبعه دفش بالكلام ويرمي الكلام رمي بس تعبت وانا 4 سنوات اعلم فيه ابيه يحس مافي فايده

تصدقون فكرة اقولها له في وجهه اذا انتقد واقوله روح تزوج بس اخاف من انفعالي هذا !!!

ياااااااااااااااااااااااااارب صبرني ماادري وش اقولكم ..

ساعدوني .. لو بالدعااااااااااااااااااااااااااااااااااااااااااااا اء .


الله الهادي
الصراحه فيه ناس ما تدري كيف متزوج

سبحااااااااان الله

الله يعينها ويساااعدها ..*_*

والله في ناااس متخلفة عقلياااا...

يسلموو بنت عز على الموضوع ...

ماعليها منه يمكن هو يشوفها تتنرفز من هالاشياء وحاب يرفع ضغطها شوي
بس هيا اذا قالها هالكلام تقوله محد جبرك علي انت شفتني الشوفه الشرعيه وكنت مقتنع
وتخلي ثقتها بنفسها قويه وتحاول تمدح نفسها قدامه خليه يدري انها واثقه من نفسها وان ولاشي يجرحها والايحطها
واذا قالها هالكلام تقوله انا عاجبيني
ومن هالكلام الي يخيله يسكت وماعاد يعيدها

يسلمووووو بسووووووووومه

كافي كفوووو ماقصرتي يا الغلا
الله يسعدكم ع ردودكم

[align=center][/align]

شوفي بنت عز


هي حاجتين

اما انه يدور اي عذر عشان ينفصل عنها


او


انه يمزح لكن مزحه شئ وجه وزاد بقووووووووة عن حده


وانا اعتقد والله العالم انه السبب الاول

لانه حتى ريحة الشامبو مو عاجبته

لو واحد يحب زوجته

ينتقد بعقل

ويفهمها هو ايش يحب وايش يكره او ايش مايناسبه

يعني مثلا موضوع ريحة الشامبو

يلمح لها انه تصدع فيه

او تدوخه لا شممها

انتقاد مايجرح مشاعرها

لكن كذا هب دب

باين انه يدوور اي علة فيها




يسلمووووووووو بنت عالقصة

يسلموووووووو الشامخ
ع هيك رد
دمت بخير خيوووووووووو

الله يعينها ويساعدها
انا من رئيي انه احتمالين
الاحنمال الاول ان الزوجه غبيه وغير مهتمه في نفسها وهو حاول معها بشتى الطرفق مانفع معها ولجاء اخر شي لاسلوب الاستفزاز يمكتن ينفع معها

الاحتمال الثاني ان الرجل شايف نفسه ومريض نفسي او جاهل
يبيله شو تثقيف وتذكير
وان الله قادر ان يبتليه في عياله او في نفسه
والاحتمال الثاني هو الاقراب لاني اشوف نااااااااااااس كثير كذا
الله يشفيهم

ودمتم سالمين يا بنت عز

والله لو ينتقد لبكره مدام انا واثقه من نفسي ومو مهدرة بنفسي ومهتمه بنفسي مع نفسه
لانه هذا اسلوب استفزاز وفعلاً يدور عذر عشان ينفصل عنها ومو لاقي
الله يعينها ويصبرها

يسلموو بنت عز عالقصه
تحيتي

شكله مريض
يسلمووووووووووووووو ع ردودكم
الله يسعدكم دوووووم

ماأقول غير الله يشفيـهـ
والله إنـهـ متخلف عقلياآ

يعطيك العافيه ياآرب
تقبلي مروري...

هذا انسان يعاني من نقص بذاته

المفروض تدخل شخص من اقربائها عاقل

على ان ينصحه

لان بعض الكلام لايحتمل

انا لو مكانها بقوله مو عاجبتك لاتخبي قولها وامام اهلي

وننهي علاقتنا باحسان وروح تلاقي الي تبي مواصفاتها

وربي غير يبلاه الله بوحدة تربيه هالمريض الناقص

الله يشفيه ويهديه ويصبر الزوجة المكلوبة

معروف انهم الجنس الخشن حتى بمزحهم


عادي تصارحه و تسأله انا مو عاجبتك وتشوف الرد بنفسها وعلى أساسـه تتصرف

يمكن هو يقول هيك بـس بينرفزها بيهز من ثقتها عشان تحط في بالها انها لو تطلقت محد ماخذها وهي شينه على وصفه

والله يهدي الجميـع ويصبرها

لا حول ولاقوة الا بالله


مستحيل تكون مهدرة بنفسها / دامها تقول كل مره تغير ستايلها ولايحس

مايعرف غير الانتقاد


اولا / هالرجل مريض نفسي وفيه شوفة نفس وغرور

ثانياً / ليش متزوجهاا وجايب منها طفلين ان ماكانت عاجبته ..؟!!

ثالثاً / يمكن زوجته ماتمدحه ولاعمرها ابدت اعجابها فيه ولو بالمجامله

فصارت عنده ردت فعل سلبيه ينتقدها عشان يبين انه الافضل والاحلى و و و ....

يعني مثل عقل الطفل عقله

فلازم هي تنتبه لهالنقطه وتدلعه وتمدحه لو كاان شين خلاص بما انه صار زوجك :)

رابعاً / على كل حرمه هي او غيرها تجدد في حياتها وفي نفسها وفي اسلوبها من فتره لفتره

عشان مايمل زوجها ولاتمل هي وعلى الرجل بعد انه يجدد ويغير

خامساً / لو كان قصده استفزاز او فعلا شكلها وطريقتها مو عاجبه يقولها بتفاهم وباسلوب

من غير انتقااد وتجريح وينه هذا عن حديث الرسول عليه الصلاة والسلام ( خيركم خيركم لأهله / وانا خيركم لأهلي )

، وأستوصوا بالنساء خيراً ،،


سادساً / هي اذا مانفع معه ولاطريقه المفروض تعااقبه وياكثرها طرق العقاب ماتسكت له

ترى الرجل مايحب المرأه الضعيفه والغبيه والخااضعه له في كل وقت


لو بكتب من هنا لبكره ماراح اسكت

بس ربي يعينهاا ويكبرهاا في عينه ،، وهي المفروض تدعي له بكل صلاه ان الله يهديه ويجعلها قرة عينه

/


همسة لكل الرجآل

( رفقاً بالقواريـر ) =)

يارب لاتبلانا بدي الاشكال المريضة

يسلمووووووووووووووووووووو الله يعطيكم العافيه
ع ردكم الكريم
صيته جزاك الله كل خير ع ردك الذووق
الله يسعدكم دووووووم