هجرك أبد ما هز قلبي دام الشموخ مني و فيني / كاملة

طال البعاد ولوع القلب فرقــاك..ومن غيبتك صاب المولع مضـره
أسهر طوال الليل وأعيد ذكراك..وأرجع الماضــي وبالقلب حــــره
يذكر زمان فات بالخير ويــــاك..الله يعيـــــــــده لو بالأيـــام مـــره

يوم الأثنين..
8الصبح..
حجرة راشد..

هالوقت كان توه بو حميد ظاهر من عند راشد وأم سلطان سعيد واليازيه وسلطان ومهره يالسين للحينه عند راشد..
سلطان:راااشد خلك ريال شرات ما قال عمي..ما ابغي اشوف دمعتك وهي اتسيل..جنك الا حرمه..الريااااييل ما يصيحون..
راشد:شوو ؟؟ما تباني اصيح وان خلااص ما ابا امشي مرة ثانيه..ولا بركب اي درااايه..شو اللي حل عليّيه؟؟؟؟
سعيد:راشد اسمحلي يا راشد كله هاذا مني..ابسبتي..
راشد:......شو اقولك يا سعيد..خلاص كل شي استوى وصار وهاذا حكمة ربي..
اليازيه:وانشالله يا راشد اترد شرات قبل..
ام سلطان:ياااااااالله علني فداااااااااك يااا راااشد..ليته فيني ولا فيييك..
راشد"يلوي ع امه":لا فديييييتج يالغاليه هاذي اول مرة تتفديني جدااااامهم..عيديها عسب يتغااايضون..
الكل:ههههههههههههههه..
ومن بعدها يو بو منصور ومنصور وموزة وظبيه ووياهم سهولي ومهووي..الي من شافوا راشد يربعون عنده..حسبالهم هالمرة بيردفهم افدرياته..مرت الساعات ..وراشد مرة ايسولف وياهم ومرة يسكت ويفكر بحالته..لين ما يأ الوقت اللي قالوا بيظهرون من المستشفى..ويا بوله الكرسي اللي بيستوي رفييجه وين ما يكون..طالعه رااااشد بنظرة كلها قهر..الم وخووف من المستقبل القريب..
حلف راشد انه ما يدخل بيتهم الا بعد ما يتعالج..لأنه ما يريد ايشوف رصة الدرايات كلها ولا يركب وحده منهن..وبجيه ساروا كلهم لبوظبي..وهم شالين شناط سفرهم ويااهم..سعيد وراشد وحميد..اللي اليوم بيودعون اماراتنا الغاليه..
وفي بيت بو ناصر..بوناصر "عوض"..وناصر وسيف وحمدان..الكل ظهر لهم من يوا..هل العين..وكانوا في استقبالهم..شي طبيعي ان الرياييل اول شي حدروا الميالس..بو منصور وبو حميد ومنصور وسلطان وحميد وسعيد وراشد..اللي كان منقهر من انه يشوفهم ايسيرون ع ريولهم..بس هو هالكرسي هو اللي يسيره ويمشيه..بس كان ايحاااول انه ما يبين شي افوييهه..كله عشان ما يحسس سعيد بالذنب..
اما الحرمات اول ما حدرن الصاله لقن ام ناصر وبنتها الهنوف في الإستقبال..سارن كلهن لحجرة الحرمات واهناك فسخن عبيهن وتمن بالمصلى بس..ومن بعد ما اتقهون وتفاولن سارن البنات فووق..ظبيه والهنوف واليازيه ومهره..ويلسن ارواحهن..لين ما يتهن سلامه وموزة..ووياهن سهوولي اللي تم امسوي حششششرة عندهن..وهن يضحكن علييه وعلى امه يوم اتصارخ افوييهه..
ومر الوقت ولا حد حسبه..ومن بعد صلاة العصر الكل ظهر برع في الحوي..يودعون المسافرين..من صج كان توديع حااار...كلهن صااحن ما غير يزوي والهنوف اللي كانن ميودات عمارهن جدام الكل..وكم تمنت الهنوف انها اتشوووف سعيد لوحده عسب اتخبره بالسالفه كلها..بس الظروف ما سمحتلها..وبجييه ساروا الرياييل وياهم المطار.ومن اهناك ودوعووهم وطارت الطيارة وهي اتشل بين ركابها ثلاث من ابطال قصتنا..

. . . . . . . .

حبك حبيبي في الظماير كواني ... كل الجوارح تشتكي من طعونك
لو بخـــــتياري مافترقنا ثواني ... ولا عشت لحظه ياحياتي بدونك

بيت بو عبيد..
يوم الثلاثااء..
الحوي..

هالوقت توهن ميرة وميثا يلسن يتفاولن..وعبيد وابوهن ساروا لعزبتهم..اما امهن كانت امجابلتنهن تسقي الزرع..
ميرة"بصوت واطي ما تبغي امها تسمع":دريتي ميثوو؟؟عن اللي استوى؟؟
ميثا"اتصبلها جااي":جيه شو مستوي؟؟
ميرة:بوعسكور امس مسافر ..
ميثا:وشو يعني؟؟ميرة لااتمين جيه ترمسين عن سعيد..تراني والله والله نسيته..
ميرة:شوو يعني؟؟
ميثا:يالله..خلاص سكتي ميرة دخيييلج لا اتميين اتيبن طااريه...
ميرة:ومنو احسن مطر ولا سعيد..
ميثا:شو بلااااه مطر ما فيه شي..ريال والنعم فيه..
ميرة:بس منو أحسن..
ام عبيد"تزاقر عليهن من بعيد":فدييييتج ميثوه سيري طالعي جااان البشكاره شلن الفواله للميالس ولا لا..لا اييون ربايع بووج اللحينه..
ميثا:ماااااا طلبتي السااااع...
ام عبيد:ماا عليييج زوود فدييتج..
ونشت من مكانها وعيون ميرة اتراقبها وهي تشرب الجااي على مهلها وتضحك ع حالة ختها..مرت دقايق ويلست ميثا ويا امها وختها ايسولفن ..واشوي الا اتييهن ام عيسى..يارتهم..
ام عبيد:مرحبا مرحبا ملاااييين ولا يسدن افذمتيه..
ام عيسى:مرحبااابج زوود فدييتج..
وتسلم عليها وخلاف اتسلم على ميثا وميرة..
وييلسن كلهن..
ام عبيد:هلا والله ..حي من ياانا..
ام عيسى:والمهلي ما يولي ..شحااالج ؟؟ربج ال اما تشكين بااس؟؟
ام عبيد:لا الحمدالله ما نشكي بااس...شحالج انتي وعلوومج؟؟
ام عيسى:ابخير ونعمه علني فدااج..وشو الحال عليهم عيالج انشالله بخير؟؟
ام عبيد:ابخير وعافيه فديت قلبج...
ام عيسى:وشحالج يالميث ..عساج طيبه..؟؟
ميثا:بخير يعلج الخير..اشحالج انتي؟؟
ام عيسى:الحمدالله...شحالج ميرووه؟؟
ميرة:بخير يعلج تسلمين فدييتج..يلا تامرون ابشي انا بسير..
ام عيسى:لا فديتج..
وتنش ميرة وتربع للصاله ..اول ما حدرت دق التيلفون سارت تربع..
ميرة"بصوت كله دلع":الووو..
مطر:مرحبا..
مييرة:مرحبتين..
مطر:شحالج ميرة؟؟
ميرة:بخير يعلك الخير شحالك انت؟؟
مطر:ابخير ونعمه..الا وينها ميثوه ادق ع تيلفونها كله يعطيني مغلق..عسى ما شر؟؟
ميرة:ما من شر يا بوغيث..تلاقي التيلفون امفضي..
مطر:اها وينها اللحينه..؟؟
ميرة:اشوي وبخليها تتصلبك تراها مشغوله اللحينه ويا الحرمات اللي ين..
مطر:اوكيك قوليلها ابغيها ضروري..
ميرة:ما طلبت الشيخ..
مطر:مشكورة لا عدمناج..تامرين بشي؟؟
ميرة:تسلم..
مطر:الله يسلمج..فداعة الله..
ميرة:فمان الله..
وسارت ميرة تزقر ميثا من عند الحرمات عسب اتخبرها ان مطر داق يبغيها..

. . . . .

برق لمع في مقلتي والحــــشا نار..واشـــوف من بين المقادير حتفي..
جاني رسول اخبار الموادع وسـار..قاسي حروفه فاقت احزان وصفي..

بيت بوسلطان..
بعد صلاة العصر..الخميس..
الصــاله..

اليازيه و أمها ومهره..يالسات ايسولفن في الصاله..
اليازيه"تاكل بسكويت وترمس":يامايه الله يهديج بلاااج جيه منكده ع عمرج..امسات مرمسه راشد وانتي سمعتيه يوم ايسولف ويضحك..ومستانس ان عمليته بعد ثلاثة ايام..وبعدين بيعالج علاج طبيعي ثلاثة اشهر..شو اللي مضيجنج الحينه؟؟
أم سلطان:شوو درااج انتي صخي يلا..ودي اشوفه اللحينه..بعدين لا ترمسين والأكل في ثمج..
مهره:خخخخخخ..لقطي ويهج يلا..
اليازيه:يزاتي وانا اخفف عنج"وتسرطاها حبة بقلاوه"..الا وينها سلاموووه ما اشوفها..لا يكون تعبانه وبتحمل..
مهره:شهر ما كملووه من عرسوا بسسسسسسم الله الرحمن الرحيم..
اليازيه:بلاااج اسوي سوااالف كلتيني بقشووري عنبوووه..
مهره:لا كلتج ولا شي..بس مستغربه استويت مثل العياييز ..
أم سلطان:شووو قصدج..
مهره:......ما اقصد شي......
اليازيه:هههههههههههههههههههههههههه..مسكيييييييينه. .
واتييهن سلاموه وهي متكشخه ولابسه كندورة حمرا..
سلامه:السلااااااام علييييييييكم..
الكل:وعلييييييكم السلام..
اليازيه:بل بل ياا حلاااااااااتج بالبرقع..ثرج غاااااااويه..
ترى سلاموه كانت لابسه برقع..
مهره:اتخيلي شكلج يزوي من اتعرسين تلبسين برقع..
اليازيه:اسمييييييييني بعق الطير من السماا..
سلامه:هههههههه..واااثقه من عمرها..
اليازيه:فديتني حلللوووة...
جان ينفج باب الصاله ويحدر سلطان..
سلطان:السلااااااام عليييييييييهم..
الكل:وعليييييييك السلااااام..
اليازيه:قرب قرب بوو مييد..تصدق انيه ما تقهويت ولا ذقت لي حبة تمر الا يااالسه اتريااااك..
أم سلطان:اتجذبين يا ويه العنز..
مهره:كمن فنيال جاي حليب شاربتنه ..وكمن حبة بسكويت سارطتنها..
سلطان"ييلس عدال سلامه":اشووفهم كشفووج يزوووي..
اليازيه:ههههههههههههههه...اف والله مله واحن يالسين في الصاله..ليت ما شي حر عسب نيلس الحوي..
سلامه:هيه صح كلامج..يلا فتره وتعدي وبيي الشتا وبتشبعين وبتملين من الحوي..
سلطان:ما اظني العيوز اليازيه اتمل من مجابلة حويها وخيمتها..
الكل:ههههههههههههههه..
اليازيه:سلطان شو رايك اتودينا السوق..انا وسلامه ومهره وظبيه..شفت دخلت سلامه في السالفه عسب اتودينا..
سلطان:هههههههه..اوكيك متى تبن اتسيرن..
اليازيه:سلاموه متى تبينا انسير..
سلامه:انتي اللي متى تبينا انسير..
اليازيه"اتنش وتضحك":خخخخخهههههه..اللحينه..
وتربع فوق عسب تتلبس..وتقول في نفس الوقت..
اليازيه:هههههههههههه..مهرووووه العنز نشي تلبسي..ترا سلطان ما بيتريانا..
بيتريا سلاموووووه.."وتغني"..يا مساافر للجفا؟؟ يا مسافر للجفا..والوصل يبكي عليك..وين عهدك للووفا ..وين عهدك للوفا..للخفوق اللي يبيك....
والكل يسمعها وهي اتغني..ويضحكون على خبالها..ومن بعد ما تلبسوا خطفوا على ظبيه..وساروا السووق..

. . . . . .

اهواك انا ولا حد غيرك فتني..لك صادق الإحساس والعمر يفداااك..
اهواك يا ساكن بفكري وظنـي..ارعاك بعيوني وادور على رضــاك..

بيت بو ناصر..
الصاله..
بعد صلاة المغرب..

الهنوف لابسه تنورة زيتونه..والقميص شرا اللون..وظهره قصتها ومسويه ميكب خفيف..تتريا ربيعتها فطوم اللحينه بتيي..ربعت حيرة الحرمات اتشوف جان كل شي مرتب..من ظهرت شافت حمدان خوها..
ون تو ثريي..ضرااااااااااابه..
حمدان:بسم الله الرحمن الرحيم..منو انتي؟؟الصراحه زيغتيني..؟؟
الهنوف:لا من زين ويهك عيل..اتقول غوريلا..
حمدان:شو بلاج حارقه اعصاابج..جنج الا فرعونيه بهالعيووون..عافانا الله..
الهنوف:تتمصخر حضرتك..
حمدان:لا أطنز..خخخخخ..
الهنوف:دمك ثجييييييييل..
حمدان:وانتي دمج خفيييييييييف...شو امسويت له ريجيييم..
الهنوف:هيه امسات امودتنه عسب ياخذ الوصفه..
حمدان:جي بس جب..وين نظاراتج..؟؟
الهنوف:مااااااالك خص يالراااااسب..عايد اول ثنوي ثلاث مرااات..انشالله اتعيده المرة الرابعه عسب يطردونك..
حمدان:اللحينه بدخل الفنيه وبتشوفين شو بسوي يا البصله..
الهنوف:اللحين انا بصله..
حمدان:هيه..وباجر بتستوين ثوم وبتفتحين مطبخ..
ويدق التيلفون مال االبيت وثنينهم بترابعون صوبه..غياض في الثاني..
حمدان:انا برد لا افتح مطعم افويهج.."ويشل السماعه"..مررررررحبا ملاااايييين..يسرك الحال ومن صوبك..حييييييييهم هل امكيييرا..ههههههههه..لا والله من زمان ما يتنا..اسميها مطيحه عند خالي ولا ودها بشوفتنا ...ههههههه..والله ماشي اعلوم..ومن صوبك؟؟وشالحال عليه راشد بن سهيل..بعد ثلاثة ايام؟؟اه خير ان شالله..ووينهم عنك......وعلومه بو حمد....الله يسلمه....رد السلام علييهم كلهم..والله عندي خندوشه تعرفها..ههههههه...اسميييييك متفيج..لا طولي بعمر سيف سار ويا علي ربيعه للشمال..وناصر صوب العزبه..ماشي يتحوطون..والوالده عند تتحوط في الفريج..اوكيك..هاك خذها..
الهنوف:منووووووووو؟؟ذياب؟؟
حمدان:ترمسين شباب من ورانا..هاذا واحد اسمه خندووش يبغي يرمسج بترمسينه؟؟
الهنوف:خخخخخ..أكيد ما استغني عنه..
حمدان"يضربها ع راسها بخفيف":مضيعة المذهب ما تتحين دواج عند بووويه يأدبج..
الهنوف:هههههههههه..انزين انزين.."وتاخذ السماعه من عند حمدان"..هلا هلا هلا وااااالله..
ذياب:المهلي ماا يولي..شحاااااااالهم؟؟
الهنوف:يسرك حااااالهم..ومن صوووووووووبهم؟؟
ذياب:مااا يشكون باااس..شو اخبارج ويا الإجااااااازة..؟؟؟
الهنوف:اخييييييييج ملل ملل ملل..ما نظهر مكان..خوانك ع الفاظي متفيرزين..اللهم نصوري فديته الوحيد اللي يوديني السووق..ربي لا خليت منه..
ذياب:اوعدج يوم ايي بوديج راس الخيمه تتحوطين..
الهنوف:يااااااالله علني فدا روووووووحك..متى بتيي؟؟
ذياب:ههههههههه..تخبرتي يوم بحوطج..عنلااااااتج يالسباااااااله..
الهنوف:لا خليت منك ذيووبي فديت رووحك ربي لا هانك..وين بتحوطني؟؟بس راس الخيمه ..
ذياب:هيه غلاي بس راس الخيمه ووايد عليج عاده..
الهنوف:ظهرت اخس منهم..
ذياب:خخخخ..ووينها امايه..وين سارت؟؟
الهنوف:مرت عليها ام علي سارن يتحوطن في الفريج ويسيرون ع الحرمات..
ذياب:اها..من اتيي سلمي عليها.وانشالله برد باجر وبتصل..اف نفس هالوقت..اوكيك؟؟
الهنوف:اووووووكيك..
ذياب:يلا فداعة الله..
الهنوف:الله يحفظك..
بندت عنه..وتمت اتطالع السماعه..وهي تتذكر الموقف اللي استوالها ويا سعيد يوم رمسته تيلفون وهو يتخبر عن ذياب..ااااااااااه..كم تولهت عليييييك يااا سعيد..
ردت لمكانها..ويلست اتجلب في القنوات..وتسمع غنيه من غنيه..لين ما يت غنية حاتم العراقي ياا طير..جان اتغني ويااااااااه..وارتبشت..بس تذكرت فطوم للحينه ما يت..سوتلها تيلفون وقالولها فطوم ظهرت..من بندت عنهم ربعت اتطالع شكلها في المنظرة..اللي في الصاله..وردت يلست تتريا فطوم اتيي..ودها تظهر الحوي وتستقبلها..بس حرررر..
اشوي ويت فطوم ويلسن في حجرة الحرمات..وتمن ايسولفن ..وسارت الهنوف ويابت الاب توب مال ناصر..وتمن يالسات على النت..

. . . . . .

حبـــــــك يسوى كل العمــــــر ... والعمــــر من دونك زهيـــــد
عالــــي مقامـــــــك والقـــــدر ... وا عتز بك خلــــــي اكيـــــــد

بيت بو حمد..
الصــــاله..
يوم السبت..

منيرة يالسه ويا حمد اخوها تتضارب وياااه بمخدات الكنب...ونورة امها يالسات ع الأرض..وبعيد عنهم اشوي..
منيرة:وووووووووااااااااااااااي....لييييييش تتفرني.."وتفر عليه وحده"..
حمد"تتيه ع ويهه":كتمتي انفااسي يالمنتفه..هااااج"ويفر عليها وحده اتيي في بطنها"..
منيرة:شو ناااااااااوي تذبحني..ارويك يالمصرقع..
وتفر عليه وحده ما صابته..
حمد:ههههههههههههههه..شو الأخت حوووووله..
منيرة:لا اتم تتطنز عليه..امااايه شوفي بو شهوبي كيف يتمصخر..تراني مب شراته اعرف اصوب..
نورة:ههههههههههههه...
ام حمد:منيرة عن الخباااال..
حمد:ههههههههه..امايه فديتج هاي من يومها خبله..
منيرة:اسميكم ما قلتوا شي يديد..
ويدق تيلفون حمد..
حمد:مرحبا والله بحميد..حي هالصووت..وينك كم مرة ادق عليك ويعطيني مشغول..بالحل بالحل..وعلوومم..والله نشقح..بس ما ننطح.ههههههههه..هههههههههه..وعلومه بو سنيده..لا الحمدالله الحمدالله....سلم عليهم كلهم..افا عليييك..مسمووحين..حياك الله..
وبعد ما بند..
حمد:هاذا حميد بن عبدللله يبشرني ان عملية بو سنيده نجحت..
ام حمد:يااااااااالله الحمدالله..بسير ببارك لحصه فديتها..قلبها ع ولدها..
وتنش ام حمد ترمس تيلفون عسب تبارك لأم سلطان..ويظهر حمد من البيت..جان اتطالع منيرة فختها..
منيرة:يااااااا وييييييييلج العرس بعد اسبووووعييييين..
نورة:منيرة لا اتميين اتزيغيني جيييييه..حراااااام عليييييج..
منيرة:هههههههههههه..من اتيي خاليته غبوشي سلمي عليها..اوكيك..اعرفها بتاخذج وبتسير..وقوليلها انا عازمتنها ع العشا..
نوره:اوكيييييييييييك..ماا طلبتي..
منيرة:ما علييج زووود يالعرووس..
وتسير منيرة فوق وتبطل الاب توب..واتفج المسن..وتطرش رساله لليازيه..تباركلها بنجاح عملية خووها..من بعدها تمت اترمس ربايعها ع المسن..لين ما ملت وبندت الاب توب..وظهرت لها ورقه وقلم وكتبت اللي في خاطرها..

بعدك على هالحال زاد اشتياقي..
ابنتظر لو طول البعد وارجيك..
اشيل حمل الشوق لو ما يطاقي..
انا على عهد المحبه مصاافيك..
ولو تحدا الوقت لا زلت باقي..

كانت هالخاطره قاريتنها افمكان.وتحبها مووووووت..ودووم اتذكرها بحميد..اللي حبته بس من شاااافته..

. . . . . .

أحبس الانفاس والاشواق فيني...واستحي من قلبي يكثر سؤاله
اخنق الآهات واصبر حنينـــــي...ياحبيب الروح حبيبي تعـــــاله

بيت بو سلطان..
يوم الأحد..
الساعه5ونص العصر..

هالوقت كانت اليازيه يالسه ارووحها جدام باب المطبخ ع الدري..وهي تشربلها عصير ليموون بااااارد..والهوى يلعب بخصلات شعرها..
مهره راقده..وسلامه وسلطان سارووا دبي يتحوطون..عسب المهرجان..وامها سارت صوب ام منصور..وظبيه بعد رااقده..حست بالملل..طفرت من مجابلة النت والتيلفزيون..بس هي من زمان ما رمست هيوور ولا الشله..شلت كوب العصير وياها وحدرت الصاله..ويلست ع الكنبه وشلت سماعة التيلفون ودقت ارقام بيت هل هيوور..
هيور:مرحبااااااا بالقااااااطعه...
اليازيه:والمرحب لاهااااااااان.عنلاااااات عدوينج اتولهت عليييج دبووووه..
هيور:هههههههه..حرااااااام علييييييج..ضعفت اللحينه..
اليازيه:لا زين والله..وانا اقول افخاطريه هيور بتمتن زوود في الإجازة..المهم شحااالج وعلوومج..
هيور:والله ماا شي علووم..شحالج انتي؟؟
اليازيه:انا بخير وعااافيه..
هيور:هيه صح مبرووووووووك تستاهلون سلامة بو سنيده..
اليازيه:الله يسلمج ويسلمني..
هيور:ههههههه...توها امايه فديتها مخبرتنيه..
اليازيه:السمووحه منج كنت بدقلج بس موول ما فضيت..العرب من كل صوب يدقوون و يباركون...صح سباااالوه..سرتي دبي ولا خبرتيني..
هيور:ههههههههه..منو مخبرنج؟؟
اليازيه:سهيله امس داااقتليه وقالتلي..
هيور:سكتي ما خبرتج؟؟
اليازيه:شوو استوى..
هيور:وااحد خطبني..
اليازيه:اووووووووووووووووه...اونه اونه..والله وكبرتي..
هيور:عنلااات صداااااج..
اليازيه:منو وولد منو وشو اسمه..
هيور:ربيع ولد عميه..اسمه خليفه..من هل العين..
اليازيه:لا زين زين والله..انا الصراحه ما انصدمت الا بملجة سهووله..
هيور:يااالله فدييتها سهيله..
اليازيه:عاده اللحينه بتيينا بترمسلنا عاامري..بتقول ني عيّبش..
هيور:ههههههههه..عاده خوالها عن تسمعج الللحينه وبتسفرج..
اليازيه:هههههههههههه..
وتمت يزووي ترمس ويا هيور لين ما يت موزة ختها ويا سهولي..وبندت عن هيور..وظهرن الحوي ويلسن ..ون بعد ما صل صلاة المغرب..يت ام سلطان..وخبرت اليازيه انهم بعد يومين بيساافرون امريكا..وتبا يزوي وياها..؟؟؟!!!!!؟؟؟!!!!

ظنكم هل بتواقف يزوي اتسير امريكا.."امكيرا"..صووب مبارك؟؟؟
ظنكم هل وضع منيرة بيتم جيه ولا بيتغير..؟؟
ظنكم ظبيه شو نهايتها ويا عبيد..؟؟
ظنكم ميثا بتتأقلم مع الوضع اليديد ويا مطر..؟؟

الجزء الثاني والعشريين..

ناديتك بصوتي ولا فـــــــاد..جريـــــت لك كل التناهيد..
حبك ذبحني والغلا زااااااااااد..يا غايبن عن عيني بعيد..

اليازيه:امايه شو يالسه اتقولين؟؟
أم سلطان:اظني سمعتيني..
اليازيه:شو له انسافر وسعيد بعد اسبوعين بيرد..
أم سلطان:شو له بعد؟؟ابغي اشوف اخوج...ابغي اعرف شو الحال علييه..؟؟
اليازيه:امايه عرس نواري وحمد جريب ..
أم سلطان:ما بيستوي شي..اهم شي خووج..
اليازيه:انا ما أريد اسييير..خلي مهروه اتسير..
أم سلطان:مهروه تقول ودوني اي مكان الا امريكا..
اليازيه:لييش..؟؟اتخااف منهم؟؟
ام سلطان:ههههههه..أظني جييه..
اليازيه:يمايه الله يهديج..انتي كل يوم والثاني مرمسه بو سنيده..
أم سلطان:ارمسه بس ما اشوفه..زهبي عمرج يلا..بعد باجر طيارتنا من مطار بوظبي..توه سلطان مرمسني وقايللي انه حجز ثلاث تذاكر ترى بوحميد ويانا..
اليازيه:اااااااه..يمايه ماروم اردلج طلب..
أم سلطان:خلاص فديتج يزوي تراها الا اسبوعين بيمرن بغمضة عين..
اليازيه:فديييييت روحج غلاااي ما اروم اقولج لأ...
موزة:هاه خلصتوا حواركم..
اليازيه:وانتي ليش صااااخه؟؟ما تشاركينا اطراف الحديث..
موزة:هههههههه..ويااا ويهج شو لي انا..بس اشوف العيوز غيرت رايج ابدقايق..
ام سلطان:دومها بنت سهيل تغير رايي الا هالمرة انا غلبتها..
اليازيه:ههههههه..علني فداها بنت خالد اللي تغلبني..
موزة:طاعن انتن اسهيل وين وصل.."وتزقر عليه"..سهييييييل...سهييييييل..
وهو ما يصد صوبها..وكان اشوي وبيظهر خاري..
ام سلطان:سيري يزوي ييبيه..
اليازيه:من عيوني من عيوني ...من عيوني من عيوني.."اتغنيها على لحن على هونك...تراها متفيجه"..
وتنش من مكانها وهي اتكمل غنيتها..
ام سلطان:واتغني بعد؟؟!!عنلات ذي الصووت..
اليازيه"واصله قريب سهيل":اوووووووووو..اووووووووووووو..سهولي طالع وراك حرامي حرامي..اووووو...
موزة:امايه شوفي بنتج اتزيغ الياهل..بيتم ايصيح وما بيرقد الليله..
ام سلطان:يزووي يالسباله...قنالج ييبي الياهل مب اتزيغينه..
اليازيه"شاله سهيل اللي كان يمط خشمها":ابغي ازيغه قام هو ومط خشمي..علني بلااه..
ام سلطان:يعلج ما تربحين..بيتم الياهل ايصيح..
وتييهن مهره..وتيلس حذال موزة..
اليازيه:هاه توج نااشه من الرقااد..وياا هالعيون المدفنه..امايه زين جيييه..مخليه البنيه ترقد..ما اتجابل هلها..
ام سلطان:عيل انتي اذا رقدتي محد رمسج..ترقدين ولا اتحسين بالعالم اتقوول ميته..
اليازيه:علني فدااج بنت خالد لا تاخذين افخاطرج..مهروه الصخله..سويت بيتزا وورق عنب جانج بغيتي تاكلين..
موزة:يبيلي ويااج مهروووه..
مهره:انشاالله..
اليازيه:لعنبوووها من بطن عندج..دنكر مااي...توج مااكله..
موزة:مب من افلوووسج وجيه ترمسين..عيل لو من فلوسج..اسميج بتبندييين المطبخ كامل..سهيل لا تلعب بالفوز حق يدوووه..
أم سلطان واليازيه:هههههههههههه..
اليازيه:لازم نهاية كل جمله اتقولينها سهيل لا تسوي جيه...خخخخخخ..
موزة:شو اسويبه..؟؟واحد ومطفرني..عاد اللي في الطريج..الله يعين بس..
أم سلطان:قد المسؤوليه بنت سهيل..
موزة:أعيبج امايه..
ام سلطان:يزوي علني بلا ريحج التيلفون وينه..جان ظهروه لج احسن..
اليازيه:وااااايه فديتج ..علني ما خلا منج.."وتظهره من مخباها"..والله والله ثم والله نسيييييييييته عنديه..
وتعطيه امها..وتم اتطالع فيها تترياها ترمس..
ام سلطان:يزوي..
اليازيه"على طول":لبيه لبيه..لبيه لبيه يا اغلى محبيني..<<<اتغني..
ام سلطان:انا زقرتج ما قلت لج اتغنين ويا هالصوت..
اليازيه:جرحتني كلمتن منك..
ام سلطان"اتقاطعها":دقي ع يدوتج شيخه بنشوف حوالها..
اليازيه:تاااااااااااااااااااامرين امر فدييت قلبج.."وتدق الأرقام..وتحط التيلفون ع اذونها"..اللحينه ساعه يدوه شيخه لما ترد.."وتسكت اشوي"..هلاااا والله..بخير يعلج الخير..ماا نشكي بااس ومن صوبج..علني فدااج والله شو اسويبهم الا يبغوني اسافر وياهم..وش رايج اتسافرين ويانا يدووه..هههههههههه..لا اتخافين محد بيقولج شي..هههههههههههه...بخير والله هل سويحان يتخبرون عنج..هيه فديتج ام أحمد..ودها اتشوفج..الا انتي اشوفج طولتي عند قوم عمي..محد سلطان ولا جان يابج..منو ..خالد بن سعيد..هيه فديتج توه الا امسات كان عرسه..لا لا امايه ما سارت صوبهم...ولا عموه عايشه لا خليت منج..هههههههههههه..وين انسير بعد..هيه انتي ما رمستيه بو سنيده..لا لا الريال مستانس ولا عليه من شي.. ايقولج سعيد اممممرة شاااق الحلج..لا الحمدالله كلهم ابخير و عافيه..موزة..لالا ما سارت مكان..ابخير هي وحمالها الا سهيل عايابها..ووينه هدوف؟؟اهااا..مهره توها ناشه من الرقاد وسارت تاكل..هيه ام المر امطرشه دبس بغته لج..وطرشته صوبكم ويا الدريول..لا افا ما عاش من ينساج..هكي امايه بغت اترمسج..تامرين ابشي؟؟شووو..اها ظبيه..بلاها؟؟افا عليج لا يز شعرها يز اللحينه..ولاا عليج بنت عبدالله..هههههه..سلمي سلمي على عموه ريسه..هاج امايه....
ام سلطان"تاخذ اتيلفون":عنبوووه ساااااعه..الووو..مرحبا الساااااع..............
اليازيه:فديتها والله اتولهت علييها..
موزة:علني فداها..انا ما غمضتني الا يوم سارت اتسلم على راشد..اسميني مت من الصياح يوم شفتها..
اليازيه:لا عدمناها بنت عبدالله..
ونشت اليازيه من مكانها وسارت صوب المطبخ..ومن حدرته شافت مهره اتطلع لها ورق عنب من الجدر..
اليازيه:الأخت ليش ما بغيتي اتسافرين..؟؟
مهره:بس واللي يسلمج..سافرت هاييج المره وكرهت عمريه..أمممممرة ما ادانيها امريكا..
اليازيه:ههههههههههههههه...طرشي تيلفون موزة ويا سهيل يوم اتسيرين..
وظهرت اليازيه ويلست ع الدري مال الصـاله..واتشوف امها جدامها..ومهره وموزة..واشوي الا سهيل ياي صوبها وعطاها التيلفون..ودقت ع سلاموه وتمت اترمسها..

. . . . . .

قلبي لحبك دوم منقــــــــاد..حبك ابد ما ينــــــقص ايزيد..
ان جيتني كل الهنا عـــــاد..وان طال هجرك فرحي بعيد..

سيارة سلطان..
دبي..

هالوقت سلامه كانت توها الا مبنده من اليازيه..ردت التيلفون في الشنطه..ردت وطالعت سلطان..اللي كان يطالعها وموقف السياره ع طرف الشااارع..
سلامه:سلطووني..
سلطان:عيييووووووووووووون سلطوووونج...امري فديييييتج شاللي افخاطرج..
سلامه:...اممم..ماشي يزووي اتسلم عليك واتقول الوعد ف البيت..
سلطان:هههههههههههه..الأخت ما تبا اتساااافر..
سلامه:وليش؟؟
سلطان:عسب عرس بطي بن محمد وحمد بن حمدان...
سلامه:اهاااااااا...بطي هو اللي بياخذ نواري صح..؟؟اغلط تراني في اسمه...
سلطان:هيه فديت قلبج..
سلامه:....................................
سلطان:مادري لو ما خذتج..مادري شو بيستوي فيني..بمووووت..
سلامه:بعيد الشر عنك..فديت قلبك يا سلطان ما ابغيك اتقول هالمرسه مرة ثانيه..والله انها اتعذبني..
سلطان:اتحبيني؟؟
سلامه:هههههه..ويباله سؤال...؟؟؟الا احبك مووووووووت..
سلطان:يااااااااااااااالله كم بعيش انا..ليش ما كنتي اتقولين لي هالرمسه ايام ملجتنا..كله اتسكتيييني..
سلامه:ههههههههه...ماادري..
سلطان:يالله علني فدا هالضحكه وصاحبتها..
سلامه:..............................."اتصد صوب الشارع"..
سلطان:بلاج سلامي..
سلامه"اتصد صوبه":سلطان حبيبي..
سلطان:امري غناتي..شو بغيتي؟؟؟
سلامه:ااااااااااااااه..تدري اني كنت اتعذب بسبتك..
سلطان:مني انا؟؟!!!!؟؟؟!!
سلامه:لأنك اتحبني..
سلطان:كيف هاذي بعد؟؟
سلامه:حتى حبك عذااااب..
سلطان"يحط يد ع خد سلامه":فدييييتج سلامي..أحبج وربي يشهد علي..ما اصدق انج اخييييييراً استويتي لي..وودرتي رمستج الفاظيه عن الدراااسه..
سلامه:فطيين ماشالله عليك..للحين اتحيدها هالرمسه..
سلطان:والله ما انسى كلمه منه ياتني..يلا وين تبين..اوديج مول الإمارات..؟؟
سلامه:شورك حبيبي..
سلطان:لا عدمناااااااااااااج..أحبك ياا نظر عيني غنااتي..وأحب الأرض لي تمشي عليها..

أحبك يا نظر عيـــــــني غناتي..وأحــب الارض لي تمشي عليها
وأحبك حتى أكثر مــــن حياتي ..وأســوم الروح لجلك وأشتريها
معي ذكراك لزوق وحــــــلاتي ..يشافــــي القلب والروح يحييها
اداوي به جروحن مخفيـــــاتي..فلا يقدر طبــــــــــــــيبن يعتنيها
ولو يازين تعرف واجباتـــــــي ..دروب الحق تاخذ وتعـــــــطيها
فلا تنحل بعض المشكلاتـــــــي..وانا دعواي حاكمها وليـــــــــها
عليه الحق بشهود واثباتــــــي.. لكن شهودها منها وفيــــــــــها
ولولا الخوف وأثر العاجباتي .. اخاف الناس يكثر بي حجـــــيها

***اول اثنين ايحبون بعض افقصتنا ..ويعيشون ويا بعض للأبد..يا ترى باااقي عربنا وش بيستوي بهم؟؟..***

. . . . . . .

أعلنت لك حبــــي وتالي انسحابي..من قلــــــبك القاسي وقلبي جبرته..
حبن عفيف وافـــــــــــين ما يعابي..حبن كتمــــته وسط يوفي وصنته..
علقت فيه امال عمري وشبـــــابي..ياما تمنيته ويــــــــــــا ما انتظرته..
حبن سكن ما بين جفني وهدابـــي..والله ما تتصوره لو وصــــــــــفته..
لا واعذابي في الضماير سطابـــي..بيدي حييته وثم تالي دفنـــــــــــته..
انته معاناتي وانته عذابـــــــــــــي..وانته اللذي فرحي ونومي سرقــته..
ضحيت لعيونك وسكرت بابـــــــي..عن شوف غيرك والغرام احتضرته..
رسمت لك لوحه وصارت سرابـي..بينت لي خافي شعورن كتمـــــــــته..
هاذي النهايه يا مسبب صوابـــي..سامحك ربي في فؤادن حرقتــــــــه..

أمريكا..
جداااام البحيرة..
اليوم الثاني...

سعيد:ااه ..يا حميد اللي فيني والله مب اشويه..
حميد:انزين خبرني كيف عرفت..منو قالك؟؟
سعيد:خلها مستووورة..أخاف تنصدم شراتي خلاف..
حميد:لهالدرجه يعني..
سعيد:وأكثر..فكرة ان ميرة هي اللي كانت اترمسني تعذبني واايد..اللي قاهرني ميثا..ليش ما رمست مرة ثانيه..أحس عمري ظلمتها..
حميد:قاهرتك؟؟مب انته اللي قلت لا لا ترمسيين عن السالفه مرة ثانيه..اللحينه انا شو ذنبي أعضاء المنتدى كلهم امعصبين وقايلين هاذا كله من حميد..ولد عم سعيد وقلبه فندق..؟؟!!؟؟!!؟؟
سعيد:ههههههههه..انزين ..
حميد:وبعدين توك حسيت انك ظلمتها..والله انك حاااله..
سعيد:خلاص حميد بند السالفه..انا احاول انساها..بس والله والله حبها للحينه افقلبي..
حميد:طالعني انا اللي حبيت عليا من كل قلبي..شفني اللحينه نسيتها ..رقدت وفي اليوم الثاااني نسيتها..
سعيد:ههههههههههههههههههههههههه..هههههههههههههههههه ..
حميد:مممممممرة الصراحه يضحك..ضهرتلنا اضروووسك..
سعيد:يااخي خلني الضحكه فارقتني من فارقت خلي..
حميد:حاااااالتك حااااله ومتخشع..شف شف هاذي البنيه الكتكوته..انشالله يوم اعرس حرمتيه اتييب مثلها.."ويأشر على بنوته تمشي جدام البحيرة وابوها وامها جدامها"..
سعيد:ليش الأخ ناوي اتعرس..
حميد:تسمع خبر خطبتي جرييب انشااالله..
سعيد:مبروك مقدماً..
حميد:الله يبارك فيك..عقبالك..
سعيد:ههههههه..
حميد:عاد اللي يسمع ايقول خلاااص...رمسنا هل البنيه وواقفت..
سعيد:خخخخخخخخخهههههههه..والله انك ...
حميد:فنتكه..اكمللللل الفرااغاااات..اللحينه اليازيه بتيينا اسمينا بنتمصخر من الخاطر..
سعيد:علني فداها تولهت ع بغيمها وصوتها المزعج..فديتها توميه..
حميد:مب انا اللي ختيه زين زين اترمسني..
سعيد:ماتنلام ..عرست..
حميد:ههههههههه..خذت الحبيب سلطون ونساها الدنيا..هههههههه..
سعيد:ههههههههههههه..اشوفك طااايح ف العرب اليوووم..
حميد:يااا بوووك افراق الوليف قلب عقولنا..
سعيد:هههههههههههه..ليتني وسط عراقيبي اللحينه اطرهن طر..
حميد:اسميك ما عندك سالفه ويا عراقيبك..
سعيد:والله اتولهت ع العراقيب..على سويحان..وعلى الإماارااات ابكبرها..
حميد:وهل الهير..؟؟
سعيد:اتولهت علييهم..ولكن ما يفيد التوله بعد الفراق..ذاك الأول يوم اتوله ويدري بتولهي..ويدري اني بلياه لا ما اعيش دقايق..يدري اني ابدونه من اكون ابدونه..واللحين تفارقنا وصار خلي انا..خل غيري..الفراق..اااه يا مصعب الكلمه..
حميد:................................بو عسكور..
سعيد:عووونك..
حميد"ايصد صوب سعيد":ما بتنساها...؟؟
سعيد:ما هو بسهل انسا حب سكن ابداخلي وحشاي..ليته حب جذاب عشان انساه بدقايق..
حميد:ترى ما شي فهالدنيا يسوى انك تتضايج..
سعيد:انا ادري يا خوويي بهالدنيا..ولكن القلب وما يهوى..نش نش فديتك والله قلبي متقطع..
حميد:ليت اللي فيك فيني..
سعيد:لا الشيخ ما بغينا قلبك يهتم..سرينا نرقد يا ولد الحلاااال..
ونشوا من مكانهم..وهم يمشوون..
سعيد:ما قلت لي حجزت الشقه اللي عدالنا..
حميد:اها عسب الشيخه اليازيه بنت سهيل تااخذ راحتها..
سعيد:هههههههه..تدري انها داقه اتقول حجزوا لي شقه ابعيد عنكم..تبغي اتفارق ويوهنا..
حميد:علني بلااها مسودة الويه..اسميها سوااالف..
سعيد:ههههههههههه..لا خليت منها..تلاقي بو سنيده امحرج علينا اللحينه..

. . . . .

فكرك معي دومه موجــود..طيفك معي يا حلو الأرهاب..
عصمتني عن جملة الخود..وأنســـــــــيتني كل ما فات..

بيت بو منصور..
حجرة ظبيه..
الساعه4ونص العصر..

هالوقت ظبييه توها متلبسه..عسب اتسير صوب اليازيه وتشوف شو زهبت مال السفر..وودها اتسافر ويا اليازيه بس بوها ماا طااع..وفي نفس الوقت ما تبى اتسافر عسب تحضر عرس نورة ووحمد عيال عمها..بس قررت انها تحضر العرس..ومن بعده بتسافر...شوو بيمنعها..؟؟..
من جحلت اعيونها ردت الجحال امكانه..وطالعت افحيرتها..نظرة أخيرة وظهرت منها وهي جنه حد يربع وراها من زوود لقافتها..طاحت على اخر الدري طيحه معتتتتبببره..موول ما بتنساها..
شافها منصور وربع صوبها..وموزة وسهيل وام منصور اللي كانوا يالسين في الصاله تموا ناقعين ضحك ع شكلها..
ظبيه من صج تعورت وكانت بتصييح..شلها منصور وهو كااتم ضحكته عن يضحك جدامها وحطها فوق الغنفه..طالعت فيهم تمت تضحك وتضحك.. هم سكتوا وهي بعدها..
منصور:بس بس عنلاااتج حتى سهيل لا خليت منه ضحك علييج..
ظبيه:ههههههههههه..استويت مطنزه..بينشرها عند عيال الشعبيه بيقول عموه ظبيه طاحت من الدري..
منصور:سهيل حبيبي بتقول لحد..
سهيل:هيه..
منصور:بتقول لمنو؟؟
سهيل:حح..حالوه يزوي عسب تضحك ع عموه دبيووه..
ظبيه:عنلااات صداك يا ولد الذين هربوا..
موزة:وين هربنا ما هربنا مكان؟؟..
منصور:ما نفارج البيت..
أم منصور:وانتي سودا الويه ليش مستعيله منوا يربع وراااج؟؟
ظبيه:فديتج بس جييه..عسب يزووي..
أم منصور:ظبيه مره ثانيه لا ترابعين جيه ع الدري جنج يااهل..
مها:هيه تراها ياااهل..
ظبيه:سكتي انتي..
مها:ماا بسكت..شو بتسويين؟؟
ظبيه:قليلة أدب.
مها:لا انتي اللي في قمة الأدب.
ظبيه:عافانا الله..توج الا ثالث ابتدائي وجيه لسانج عيل يوم تكبرين لين وين بيوصل..
مها:ماالج خص..يالغبيه..
منصور:مهوووووي مضيعة المذهب حشمي لا افرج برع اللحينه..
مها:..............................<<<<<<<زاااااغت. .هههخخخخخههههههخ..
ظبيه:دوواااج لازم تحترمين اللي أكبر عنج..عاده محد مبارك ولا لعن خير خير خيرج..اماااااايه غناتي بسير صوب يزووي..
ام منصور:هيه فديتج سيري صوبها وساعديها جان شي عندها..
ظبيه:افا عليج عنوني ماا طلبتي غناتي..يلا تامرون بشي..
مها:بسير وياااااااج..
ظبيه:قري قري قري مكانج وين بغيتي..هدووف مب عندهم..
منصور:يلسي لاعبي سهيل اهنييه..
مها:لا ابغي اسير صوب مهروووه..بتسويلي اكل..
ظبيه:المطبخ فااظي..صح؟؟
مها:احب مهروه تاكل وياايه..
موزة:هههههههه..خلاص خلوها اتسير..
ونشت ظبيه ووياها مها..ومن ظهرن للحوي بيتهم..استلمن بعض..
ظبيه:يعني دوم دوووم دوووووم ويااايه..
مها:شفتي كيف ما استغني عنج..وياا ويهج.
ظبيه:لا عيل من زين ويهج..
مها:مب احلى مني..
ظبيه:لا فديتج احلى منج..
مها:ههههههه..بس هدوف ما يحبج..><<<>><<<طاالعوا كيف تفكييرها..هههههههه...
ظبيه:خخخخخخخخخخ..شو ياب هدووفي اللحينه..
مها:لا واتدلعينه..مااالت علييج وع ويهج..ملعونة الصير..تراه ما يحبج..تدرين ظبيه..
ظبيه"داقه سوالف":شوووو؟؟"فظووول.."
مها:انا احب هااااااادف واااااااااااايد..فديته بيستوي صف رابع..
ظبيه"ميته من الضحك على ختها":اتحبينه؟؟كيف يعني.."وكاتمه الضحكه افخاطرها"..
مها:امممممممم..يعني لو ما شفته احس عمريه بمووت..واستانس يوم العب ويااه وايلس وياه..
ظبيه"انفجرت مرة وحده وما رام اتيود عمرها زود":هههههههههههههههههههههههههههههههههههههههههههه ه ههههههه....والله يهاااااال ويحبوووووووون..صدق ان الحب يسكن قلب الصغير والكبير..
مها:ماظني قلت شي يضحكج هالكثر..
ظبيه:خلج من ضحكي..تراه اخو حميد عادي يعلمه ..وفي النهايه يخليج شروات حالتنا..هههههههههههههههههههههههههه..
مها:انا الغبيه اللي يالسه ارمس وحده غبيه شرااتج..
ظبيه:ههههههههههههههههههههههههههههههههههههههه...وال له انج حااااله..
مها:سكتي سكتي سودا الويه..يينا بيت العرب صخي عن ايسمعونا شو نقول..
ظبيه:والله عشنا وشفنا..مهووي الكتكوته اتسكتني..انتي اللي سكتي عن اشوتج شروات الكورة يا كووورة..
مها:مستواي ما يسمحلي ابد ارمس هالأشكال..اللي من مستواااج..
ظبيه:لااا دخيييييييييلج بمووت ان ما رمستيني..صخخخخخخخي..
مها:اخخخخخخخييييييج منننننننج..وع ما احبج..
ظبيه:لا عاده انا اللي ذايبه ابحبج..
مها:هيه ادري هالشي من زمان..
حدرن الحوي مال بيت بو سلطان ومها تسحب شيلة ظبيه..
ظبيه:مهوووي عنلاااااااااااااااااااااااااات عدوينج شو بغيتي بها الشيله..
مها:عسب مرة ثانيه تتأدبين وما اتبيني فااااااهمه؟؟
وسحبت شيلة ظبيووووه كااااااااااااااامله..جان تتنرفز ظبيوه وترد خصلات من قصتها ورى اذونها..وتصااااااارخ بصوت عالي..
ظبيه:ييييييييييها مها بلا اللعب السخيف...ييبي الشيله عن يظهرليه سلطان افويهي اللحينه..
مها:وين يظهر اتلاقينه ميلس عند سلامووه..
ظبيه:مها ييبي الشيله..يلا والله لا أخبر عليج منصور والله العظيم والله والله والله.."مفوووووووووووووووووووله"..
مها:مااااااااااررررريييييييييد..>>بأبرد ما عندها..
وتلف الشيله ع رقبتها..وتتدلع ابشعرها..جان تربع وراها ظبيه وهي معصبه..وحلفت ان يت مها اف يدها والله لتنضرب لين ما اتصييح..تمت تربع وراها..لين ما سارت مها المطبخ من باب..وظبيه حدرت المطبخ من الباب الثاني..ع بالها بتكون اذكى من مها وبتيودها..بس مها قصت ع ظبيه وشردت للميالس مال الرياييل..تمت اتدور ع مها في المطبخ..ولا لقتها..جان تظهر وهي تلف ابنظرها خوفها ايي سلطان اف اي لحظه..وتقول افخاطرها.."والله يا مها تتأدبين ع اللي سويتيه"..
حطت يداتها ع خصرها وهي مجابله ميلس الرياييل..وحست ابقهر وهي اتشوف مها واقفه جدام الباب مال الممر..وينفتح في هالممر ثلاث ميالس للرياييل..ومها واقفه ع الباب مال الممر وحاطه الشيله ع خصرها"اتسوي عرض الأزياء"..ومن لمحت ظبيه تركت الشيله ع الأرض وظهرت خاري البيت ابكبره سايره لبيتهم..خااايفه من ظبيه واللي سوته افظبيه..
تنهدت ظبيه بتعب بعد هالركييض كله..نست حتى ما ترفع قصتها عن ويهها من هالحر والشمس اللي اتي ع راسها..وصلت الممر وهي تعبانه ومنغااااااضة من حركات مهووووي..
نزلت تحت وشلت شيلتها ومن رفعت راسها فوق جان اتشوف واحد واقف ع راسها..من زوود خوفها ما عرفت شو تسوي..نشت ببطء شدييييييييييييد...وقلبها يفزبه خووف فظيييع....؟؟!!!!!
وقفت بعودها الميال..من بعد ما ردت خصلات قصتها واتطيييح ع خدها الناعم عسب توصل للثمها الصغير..و ترد خصلات ثانيه فوق الخصلات الأوليه وتغطي ذيج العيون العسليه الناعسه..ثواني للين ما ردتهن ظبيه بحركه بسييطه من يدها وخلتهن ورى اذونها..بس في خصله ما تسمع الكلام..وردت ونزلت ع خدها..
هالمنظر من صج طيح قلب "عبيييييييد"..وذوبه "كالشمع لي ذاب" ع قولت مييحد حمد....منو كان متوقع انهم ايشوفون بعض..ولا في هالموقف..وظبيه بليا شيله ولا هم يحزنووون..
منو كان متوقع ان ظبيه بتشوف اعبيد من بعد هاك اليوم اللي شافته في المستشفى..كانت اخر شي تتوقع انه ييستوي ..شوفة عبيد.؟؟!!!منوو كان يتوقع ان عبيد بيشوف من دخلت قلبه بدوون استئذان..وفرضت وجودها ع حنايا قلبه..
ماااااااااادري كم من ثواني مرت... وكم من دقايق مرت..وكلن ايطالع في الثاااني..مادري شو من أحاسيس ومشاعر حسووبها وكلن ايشوف حبيبه جدام نظر عيونه..مادري شو كانت مغزى هالنظرات اللي يتبادلونها..!!!!!
وافلمحة بصر..اختفت ظبيه عن عبيد..لمحة بصر..صحى عبيد من احلاامه..ورد وحدر الميلس والحلق شااااقنه ع الأخيييييييير..
اما ظبيه حطت شيلتها ع راسها..وربعت صوب المطبخ وشربت اربع قلاصات مااي من زوووووود فرحتها ومن زوووووووود خوفها عن حد ايشوفها..ويلست ع الطاوله ونصخها واصل على بعد كيلو..وحاطه يدها ع قلبها..
"اوووف..اوووف..اووف..اوووف..شووو هااااااااااذي الحياااااه..يعني ما يستوي اشوفه الا في مواقف محرجه..مره يحدر علي المطبخ ومره ييبلي ملاعق الأيسكريم ومرة يدعمني جدام البيت ومرة ايشوفني اصيح في المستشفى ومرة ايشوفني بليا شييييييييييييله..لعنبوووووووووها من حاااااااله..."
سكتت..ما رامت اتفكر اكثر..وما رامت اتطلع صووت اكثر..حطت القلاص ع الطاوله..بقوووووووو..ونظرات بشكارة قوم بو سلطان اتراقبها..مستغربه من اللي حل ع ظبيووه..ومية ألف علامة استغراب واستفهام ع ويهها؟؟!!؟؟!!؟؟!!؟؟!!؟؟!!؟؟؟!؟!؟؟!؟؟!؟؟!؟؟!؟؟!؟؟!؟ !؟!؟!؟!؟!؟؟؟!؟!؟>>>>ما ظني هاذيلا بيوصلون المية ألف..خخخخخخخ..
..............................
"نرد للقصه"
..............................
نشت ظبيه من مكانها وفسخت شيلتها وخلاف حطتها ع راسها وهي اتحاول اتسوي عمرها طبيعيه لأنها اللحينه بتسير صوب يزووي وما فيها تكشفها وتلعن خيرها.. ظهرت من المطبخ واهي تمشي مشية وحده واثقه من عمرها...وصلت الصاله وحدرت وشافت ام سلطان وسلامه..سلمت عليهن وتمت اتسولف دقايق عندهن..وخلاف طاااارت فووق..حدرت الطابق الثاني..وشافت مهروووه يالسه ع الغنفه وماااده ريولها ع الطاوله..وفي يدها صحن بطاطا شيتوز..سلمت عليها وشلتلها كمن حبه..وكلتلهن ابسرعه..ووقفت جدام حجرة اليازيه..وهي اتهدي عمرها..عسب ما تنكشف من ملامح ويهها..وقالت بسم الله وفجت الباب..
اليازيه:مرحبا مرحبا مرحبا مرحبااااا مليااااااااااااااااااااار..
ظبيه:مرحباااااااااااااااااااااا بج زووووووووووووود..
يتوايهن..
اليازيه:بلاااااااج شو مستوي؟؟
ظيه:شووو؟؟>>>تلف ويهها اتطالع الحيره..
اليازيه:ههاههااههاها..لا اتمين اتغيرين السالفه..بلاج مرتبشه..شو اللي استوى..؟؟
ظبيه:ماشي استوى هاللي ما تستحي مهوي طفرتني..
اليازيه:اممممممممممم...ما اصدقج..
ظبيه:كيفج..المهم متى يوا قوم سلطون..
اليازيه:بعد الغدا بالضبط..دخلوا وهم محملين اكياس..ساروا يتقضون مب يتمشوون..
ظبيه:هههههههههه..الله حلووووووووووة هالتنوررررررة..كشششخه..
اليازيه:هيه تراها مالتيه من عند سلاموه..ويابتلج نفسها بالضبط ..وحتى حق مهروه وهنوفي..
ظبيه:اوووه لا لا زين منها..والله طالعه كشششخه علييج وااايد..
اليازيه"اتلف جدام المنظرة":لونها واايد عايبني زيتوني ع وردي احسه ستايل حلو..
ظبيه:اهااااا..وعلوومج..شو المعنويات عسب السفر؟؟
اليازيه:شو بعد ..عاااادي..
ظبيه:منو قدج سايرة صوب الحبيب..
اليازيه:هيه فديته رشوودي تولهت عليييه..
ظبيه:ماا اقصد راشد..أقصد مباااارك ..
اليازيه:لا واايد امتحنت من شوفه خووج..فديتني سايرة عسب خوويه..
ظبيه:اووووونج...
اليازيه:والله الغالي اني سايرة عسب رااشد..انا بنزل تحت عسب اوريهم التنورة كيف علي..لبسيها انتي مالتج ونزلي تحت سلطون محد ساار العزبه..
ظبيه:اوكيك ترييوني..
اليازيه:باااي..
نزلت تحت يزووي..وظبيه من لبست نزلت تحت صوبهم..

ودي لكم ما هو بـــعادي..وانتوا بهاذا الحكم ظـلام..
وان كان تسعون بنفادي..لا تحكمون الغايب اعدام..بيت بو ناصر..
حجرة الهنوف..
الساعه9ونص..

في هالوقت كانت الهنوف يالسه ع النت..ما صدقت الأجازة اتيي عسب تاخذ راحتها من دون حد ايقولها درسي..
من ملت..بندت الكمبيوتر على طول وحطت شيلتها ع راسها وظهرت..راحت الصاله وكانت فااظيه كالعاده..ومن ظهرت الحوي..وقفت ع الدري مال الباب العود..ومدت يداتها فوق جنها الا تتنشط من بعد هالكسل..اشوي والا تسمع صوت رياييل..جان تحدر الصاله وترققققععععع البااااب بقووو وبصوت واايد ينسمع..وربعت صوب الدريشه عسب اتوايق واتشوف منو عندهم..جان اتشوف ناصر وسيف ظاهرين من قسم الريااييل....ع بالها حد عندهم..جاااان تظهر مرة ثانيه والأبتسامه ع ويهها..سارت صوبهم وسلمت عليييهم..ويلسوا كلهم ع القعده..
ناصر:الا وينها امايه مالها شوف؟؟
الهنوف:سارت ويا شيبتها صوب بو خالد..
ناصر:اها..سمعي من ايي حمدان مسود الويه خليه ايي حجرتيه فاهمه؟؟
الهنوف"اتهز راسها جنها هنديه":فااهمه..
نش ناصر من عندهم..وحط سفرته ع جتفه وظهر تيلفونه من مخباه وحط السماعه في اذنه وسار داخل البيت..ومن اختفى عن عيون الهنوف..صدت هنايف صوب سيف اللي كان مشغول بالتدخين..
الهنوف:يعلك السم..
سيف:وهاذا اكبر سم..
ويأشر ع كرتون الدخان اللي عداله..
الهنوف:وتعترف..؟؟
سيف:هيه اعترف..ومع هاذا ادخن..
الهنوف:انزين لييش تهدم صحتك يالغبي..
سيف:عاده من الضييييجه اللي في خاطريه..
الهنوف:خلنا من ضيجتك وقلي شو مسوي حمدااانوووه..
سيف:حمدان..هههههههههههههههههههههههههههه...الله يخليج لا اتذكريني بسالفته..؟؟
الهنوف:عنلااااااااااات صداك ...سيفوووووووه قووولي؟؟
سيف:لا دخييلج عطيني كف وااحد بس..واحد واحد ع الطاير..
الهنوف:سيييييييف قوووووووول؟؟
سيف:متضارب ويا شلة شباب..ارووحه..اسميه ريال اربعه منهم ولعن بو سااابعهم بن عوض ..لا واتخيلي كلهم شباب اكبر عنه..توه اللحينه واحد يأ منهم ويشتكي عند ناصر..
الهنوف:عنلاااااااته ثره قوي..
سيف:ماااا عليج منه هاذا اخو السيف..بو هناد طولي بعمرج..
الهنوف:واااااااايه التراااب وااااااايد خااااااق بعمرك انته..
سيف:هيه علني فداااج..
الهنوف:واللحين شو بيسون..؟؟
سيف:اونهم كانوا بيشتكون عليه في الشرطه..بس شافوا هالشي مب في مصلحتهم..لأنهم هم اللي بدوا وتموا ايعقون رمسات عليه لما نش وعطاهم من الزين..ههههههههههههههههههه..
الهنوف:ووينه الأخ اللحينه..
سيف:تدرين انا شو سويت..؟؟
الهنوف:شو..؟؟
سيف:ضحيت بالأودي مالتيه وعطيتها حمدان ع اللي سواه في الشباب..واللحين الأخ ايهيت في الشوارع..بس وييييييلج ان درا الأخ ناصر..تعرفيييين انتي شو بيسوي..
الهنوف:هههههههههههههه..يوم كان ذياب اهنيه حسبالي انك انته اعقل منه لأنك انت اكبر منه..بس اشوووف العكس..
سيف:فديتني بقالي هالكورس وبتخرج..مب انتي..يالبيبي..
الهنوف:لا تم تتمصخر جيييه..لا اقحص افويهك اللحينه واسير صوب ناصر واخبره باللي سويته..
سيف:يااااااااالله جاني الا حفلتتتتتج..سيري ع بااالج بخااف..
الهنوف:هههههههههههه..لا بس اشوووف ردة فعلك..
سيف:وياا ويهج..
الهنوف :شو بلاااه ويهج..
سيف:محروووق...
الهنوف:شووو..؟؟عيل ازقر المطافي..
سيف:هههههههههههههههههه...والله واستويتي ...نكيته..
الهنوف:مااااااااااالت علييييك..
سيف:بس بس اسكتي ولا نفس..سمعه؟؟>>اونه مصري.."ويتم يرمس تيلفون"..
والهنوف اتطالعه بنظرات اونها ذايبه فيه وهو مب مصدق نااافخ عمره...
وبعد فتره بسيطه نش سيف من عند الهنوف وسار خاري وين سيارة ربيعه علي..وركب وسااار ويااه..وفضى البيت افنظر الهنوف...حدرت الصاله..وتمت اتدق ع ربايعها وتسولف فياهن..لين ما ملت "تراها اتمل بسرعه"..وبندت عنهن وتمت امشغله الإف ام..لأين ما يت غنية ماجد المهندس والله واحشني موت..عاد هي تمووووت على هالغنيه وتمت اتغني ومرتبشه ويااه..

والله واحشني موت خاف بعدك اموت
قلبي لو من حديد ذاب وانته بعيــــــــد
لو خسرتك حبيبي اشلون احب من جديد
وين القى وفا او احــــس بدفــــــــــــــا
ظلمه بعدك حياتي كل شي بيــــه اختفى
روحي يمك حبيبي بيدك اتمنى امـــوت
وين ذاك الحنان معــــــــقوله هـــان
ماخدعنا بعضنا الزمن بيـــــنا خــان
وينك انته وجيك ورفى مابين ايديـــك
لو شفتني حبيبي حالي يصعب علـــيك
خاف امشي ودموعي بيها اغرق واموت
ليلي بعدك طويل عالبعد مالي حــــــيل
تدري شوقي اللي بيه ينتهي مســــتحيل
سوى بيه هواك قلبي يمشـــــــــي وراك
يلي ماخذني مني من يوم خـــــــــــذاك
قلبي يتمنى يوصل يمك انته ويمــــــــوت

وحدرت عليها امها وبوها ..امها تمت تهزبها ع ينونها واستهبالها..وبوها تم يضحك عليها..
. . . . . .

ياحبيب الروح بكتبلك وصاتي ..أن غديت اليوم في حبك جتـيل..
أنشدك بالاه لي طفت أبرفاتي ..لا تخلي دمعت أعيــونك تســيل..


امكيييييييييرااااا...

في هالوقت كانوا الشله كلهم ظاهرين من المستشفى..وحميد يسير راشد ع كرسيه..ومبارك عداله..اما سعيد وذياب وراهم..كلهم كانوا ايسولفون ويا بعض..الا واااااااحد مهمووووووم ومتضاااااااايج ..واااااحد من بد هالعالم كله ايعاني من حب سكن ابحشاه..من اللي شرات مبارك اتعذب؟؟من الي شرات مبارك كتم حزنه..؟؟لا ايي في بالكم انيه امدحه..بس ودي كل واااحد منكم يالقراء ايحط نفسه افمكان مبارك..ابغيكم اتحسون باحساسه اللحينه..احسااس انسان متعذب حيييل حييل من كل شي افهالدنيا..ابغيكم اتحسون بعذاب هالآدمي..بالأحرى..بعذاب قلبه..
من قال ان الحب شي طبيعي وسهل..شي ايمر في الخافق ومع مرور الإيام يقل او ينتسى..من قال ان الحب شعور مثله مثل اي شعور..من قال ان الحب موجه من الأحاسيس يومين وتختفي.......؟؟؟
ما حس بنفسه يوم انه ابتعد عن شقتهم..ما حس بريوله وهي اتقوده صوب مكااانه..المكان اللي يخفف عن معاناته اشوي..المكان الي يختلي ابروحه فيه من ييلس..ولا يروم ايفكر الا بشي وااحد بس..****اليازيه****..
وبدووون شعور..وبدوون اي احساس بالوقع..يلس ع الكرسي اللي مجابل هالبحيرة بالضضضضضبببببط..وبدا ايشل بصوته..اللي ما قد مرة حد سمعه ايشل..ما قد مرة حد يسمع صوت مبارك متعذب..الإنسان ..اللي فارض وجوده افكل مكان..اللي من طروا اسمه في ميالس الرياييل فزوا وقالوا والنعم ..الإنسان اللي نظرته حاده..بسمته مميزة..طوول خشمه السيوفي..شخصيته القويه الطاغيه ع ملامحه..طوله وعرضه..كل شي فيه غير..وما ظني بتلاقون شراته..الا واااحد بس ..هو ذياب..كووووبي من مبارك..
ألف مرة أون..وألف مرة أنوووح..وألف مرة أصيح وش يفيد الصياح..
إنته قلبك مريح..وأنا كلي جرووح..أسهر الليل كله لين بان الصـــباح..هالمقطع المحسوس فيه بالعذاب..هالمقطع الي تلتمسون فيه شقا وعنا هالإنسان..عاده مرة ومرتين وثلاث..وده ايقول اي شي يرفه عن خاطره..وده ايقول اي شي يخوز هالضيجه اللي حلت عليه..وده ينش من رقاده..ويعرف ان ذياب في يوم جذب عليه ابحب اليازيه..
الف مرة اون..ونة خفووووق شكى بعااد خله..ونة خفوق وده ابشوف خله..
والف مرة اانوووح..نووح مبارك الخاافي..والكاتم..نووح يدل ع الجرح الخافي اللي في قلبه..جرح سببه توأم رووحه..بدون ما يدري..
والف مرة اصيح..صياح صاحه مبارك افداخله ع حالته الأليمه..الحزينه..
وش يفيد الصياح...قال افخاطره"صج والله وش يفيد الصياح..اتعذب انقهر اشقى واتعنى..بس اهم شي ذياب...ذياب..ذياب..كلللله ولا ذياب.."..
تنهد تنهيده من قلبه المتألم..ونش من مكانه وكأن شيئاً لم يكن..نش ومشا مشية واحد اتقول ان الحياة مسعدتنه..رسم ابخفه ذييج الأبتسامه اللي ترد رووح كل من شافها..شل الكاب..ومرر يده بين شعره النعيم..ورد وحطها ع راسه..وشغل اغاني في تليفونه....وتم يتسمع اغاني لين ما شاف عبدالله ..وسلم علييه وساروا ارباعه العماره مالتهم..

"كم بيتحمل هالإنسااان..وكم بيصبر؟؟؟"..

. . . . . .

ممتـلي يوفـي من العلــه.. بـين ضيـج وهاجس أفكاري..
ليتـني أعيـش في ظلــــه.. فـي رياض ونـهره الجـاري..

بيت بو عبيد..
الساعه 12ونص ..
الصاله..

هالوقت كان عبيد توه حادر البيت..وشاف ميرة اخته ميلسه في الصاله...وجدامها صينيه مليان حلويات وبسكويت ومن هالشغلات الخفيفه..سار صوبها ووااييها..ويتم ايطالع فيها..كيف اتغيرت حالتها من ذيج الأنسانه الكتومه العبوسه..لهالإنسانه المرحه واللي اربع وعشرين مستانسه..كانت ميرة لابسه تنورة قصيرة ..لين تحت ركبتها بشوي..لونها بني..ولابسه قميص وردي فاااتح..ولافه شعرها كله فوق مخلتنه طاايح ع جتوفها وحاطه قصتها ابصوب وراسمه اعيونها..
طالعها عبيد بنقمه..من فووق لين تحت..
عبيد:شوفي هالمرة بعديها لج..وان شفتج مرة ثانيه لابسه تنورة في البيت شوفي شو بيستوي بج..شباب الهير دوومهم في ميالسنا..جان حد شافج بهالشكل شو بيقول..لبس لج كندورة وشيله شروات ختج وخلج حشيم..
قفابها وبدون ما ايخليها ترمس بكلمه وحده بس..وتمت اتطالعه منصدمه..سار فوق..ودق ع حجرة خته ميثا..بس محد فج له الباب..قال في خاطره "اكيد راقده..خلصنا من ميرة يتنا ميثا مقفله الباب ..وما ترمس حد..شو هي حاله متنقله بين عايلتنا..عن اتييني انا بس..خلني اسكت الا افاول ع عمريه..فديت عمريه ظبيه..."..
حدر حجرته ومن خذله شور..مدد جسمه ع الشبريه وشعره مخرووس ماي..وتم ايشيك في تيلفون لين ما دق ع قوم سعيد بس محد رد..قال افخاطره اكيد هااييل الشبااببيه الخربانيين ارقوود..
صد صوب صورتهم ومن هم اصغار..وتم يضحك افخاطره ع اشكالهم..لين ما دق عليه سلطان.
عبيد:مرحبااااااا مليووووون ولا يسدن..
سلطان:والمرحب لا هان..شحااااااالك؟؟
عبيد:بخير يسلم حااااااااالك..وعلووووومك؟..؟؟
سلطان:ماشي اعلوم ومن جداكم..؟؟
عبيد:لا ابدن طولي بعمرك..وين الحرمه عنك الساعه اللحينه 12 ونص..انا انا العزابي ورديت بيتنا وانته المعرس وبعدك هايت في الشوراع..
سلطان:ههههههههه..عنلااااتك زاااد..
عبيد:هاه سمعنا ان عموه فديتها باجر بتسافر مع طويلة اللسان ..
سلطان:هههههههههههه..هيه طال عمرك..العيوز اذتنيه الا بغت تطمن ع عيالها..
عبيد:عيل بنصبح بكم بااجر..
سلطان:حيااااكم الله ..
عبيد:الله يحيك ويبجيك..يلا شي في الخاطر..؟؟
سلطان:بلااك مستعيل يا ريال شو وراااك؟؟
عبيد:ابغييي ارررررقد..
سلطان:نوم العوااااافي..مع السلامه..
عبيد:فداعت الله..
بند عبيد عن سلطان..وهو يفكر في ظبيه ووده ايشوف ظبيه باجر ان سرح سويحان.."يييييها كم قلبت حسي ذيييج البنيه"..
حط تيلفونها في الشراشه وظهر من حجرته وهو لابس وزار فانيله..ظهر خاري..جدام البيت..وهو يطالع الشارع كيف فااظي ومحد فييه..؟؟!!؟؟!!
رد وحدر البيت وسار المطبخ شربله مااي..وفج الثلاجه وظهرله عصير ليمون وتم يشربه ابهوووونه..وببطء شديد..
ظهر للحوي وتم يطالع في السما..وتنهد تنهيييده من خاطره..وحدر سيارته اللي كان اموقفنها وخلا الباب مفتوح..وتم يتسمع اغاني في هالليل..صج ما يستحي..

يا مشعل القلب تكفى خفف اشــويه..القلب من كثر صدك ويلي لـحــــــــاله..
دامه ايحبـــــــك ولا له غيرك بـغيه..وشله تحطه بدنيـــــا الهم وتـــــــلاله..
انته حبيبي لقلبي نوره وضـــــــيّـه..تحلــا بعيني وقلبي صرت تحـــــــلاله..
وانته ربيع الخفوق وشمسه وفيــّه..وأن حب غيرك خفوقي بقطع وصـاله..
ماريد بك حد لولو ولو كان حوريه..انته مهدي الغـــــــــــرام وانته زلزاله..
للموت أنا لك حبيبي صورتن حيـه..ميت بحـــــبك وأحبك صرت انا سـعاله..
يا بوعيون مثل عين الدمــــــــانيه..حــــــــــــوره هدبها مظل ودعج قـتاله..
كاسنك الحسن وأواصفك خيـــاليه..ومــــــــــن راد يوصف جمالك يتهـياله..

عبيد واثق افداخله ان هو يعني لظبيه شي..حس بهالإحساس من ايشوفها ومن نظرة اعيونها..شي بداخله ايقوله انه ايهم ظبيه وااايد..ومن يفكر عبيد بهالشي يستااااانس وااااااااايد..



. . . . . . .

اتردد للمكان اللي انـــت فيه..كن فاقـــــــــد شي في ذاك المكان ...
اتعذر بأي شي واســأل عليه..والوله في نـــــــظرة عيوني يبان ...
ان سألت اقول لي شي وابيه..بس مدري وين في ذا الركن كان ..

بيت بو حمد..
الساعه 5ونص العصر..
ميالس الرياييل..

هالوقت كانت منيرة ميودة المدخن وتدخن الميلس..واتطالع في المكان للي كان حميد يالس فيه ويطالعها..اتطالع المكان وهي اتفكر كيف حبت حميد وهامت في هواه..سار طيف حميد عايش معاها افكل مكان..اتشوف حميد في كل مكان..في حجرتها..في الصاله..في الحوي..وياها في المطبخ..يوم اتسير بيت ربيعتها نوف..ويوم تظهر فليل خاري وييلسن ويا ربيعاتها جدام البيوت...
ما حست عمرها الا وهي تغني ...............
منيرة: اتردد للمكان اللي انـــت فيه..كن فاقـــــــــد شي في ذاك المكان ...
اتعذر بأي شي واســأل عليه..والوله في نـــــــظرة عيوني يبان ...
ان سألت اقول لي شي وابيه..بس مدري وين في ذا الركن كان ..
ااااااااااااااااااااااااوووووووووووووووووووووووووو ووووف...
جان يحدر عليها حمد خووها..ويسمعها وهي تغني..
حمد:بلاااااج منووور قلنا لج دخني الميلس مب اتغنين فيه..يلا حركي حركي..جلدي..جلدي..؟؟!!!"ويزيغها بنظراته"..
منيرة:لااااااااااا احلف انته بس..شايفني اصغر عيالك ولا وحده من بشاكيرك..لا اتم اتقولي جيه..لا افر المدخن واخلي الميالس كلها اتشب ضووو..
حمد:الصرااحه خوفتيني وقلبي طاح افبطني..يلا خلصي وتزهبي عسب انسير صوب عموه ناعمه..
منيرة:لا يكووون قوم عمي سهيل يوا اهناك..
حمد:توه بو ميد مرمسني ويقول انهم وااصلين بوظبي اللحينه..
منيرة:واااااااااااااااااااااااااااااااايه..
وتربع منيرة صوب اخوه وتعطيه المدخن وتظهر من الميلس وهو يطالع فيها يوم تربع ومرة ايطالع في المدخن اللي عنده..ومستغرب افداخله من هالخبله اللي عايشه وياهم..الله يعين اللي بياخذها بس..
ربعت منيرة حجرتها وفي اقل من ربع ساعه خلصت الأخت ويالسه بعباتها في الحوي..جان اتخطف عليها نورة وهي هب منتبه..
منيرة:عنلاااااااااااااات ذي الويه..للحينه ما خلصتي..
نورة:بسسم الله الرحمن الرحيم..اللحينه بتلبس ..كلتيني بقشووري..
منيرة:يلا يلا ابي ايلس ويا البنات ..متولهه ع هنوفي م زمان ما سرنالهم..
نورة:اوكيك اوكيك..كلتيني..بسير اللحينه..
وتسير نورة..جان تيلس منيرة اروحها..وتطالع في البشاكير وهن يسقن الزرع..لين ما اتزهب الكل وساروا بيت بو ناصر..واهناك يلسن البنات ارباعه في الحوي قريب المطبخ..اما الرياييل جدام الخيمه..والحرمات الكبار في القعده..وع الساعه 8ونص..الكل سار المطار ايودعون ام سلطان واليازيه ووبوحميد..
طوول الوقت اليازيه اتسلم ع البنات بس من شافت ظبيووه ما اتحملت ..وتمت اتصييح وياها..لين ما هدتهن مووزاني..هادف من صوب يبغي ابوه..وسهيل من صوب يبغي يدوته..وظبيه من صوب اتصيح يزوي..ومهره من صوب اتوصي..والحشره في المطار..لين ما يأ الموعد..وتفارقوا عند نقظة..وانشالله يتلاقون عند هالنقطه..
ركبوا الطياره.....الطياره اللي بتودي يزوي امريكا..صوب مبارك..

. . . . . . .

لك درب فالدنيا ولي درب..رّوح عساك اتعيش هاني..
و أنا على ذكراك بــــرقب..ربــــــــي يعوضني بثاني..

امريكا..
تحت في العماره..

هالوقت اسعيد توه حادر العمارة وميود اكياس فايده ..تراه كان في السوبرماركت..وصل الطابق الثاني..وظهر المفتاح مال شقة هله وفجها وتم ايحط الأغرض في الثلاجه..وخلاف ظهر من الشقه..وحدر شقتهم..
سعيد:سلللللاااااااااااام...
الكل:وعليك السلام..
راشد يالس ع كرسيه يلعب قيم بوي..ومبارك واقف عند الثلاجه يظهرله أكل..وذياب يالس ع الكمبيوتر..وحميد منسدح ع الغنفه ايغني..صج شباب عزاااااااابيه..ولو شفتوا الشقه كييف..منعفسه فووق تحت..المخدات ع الأرض من أمس يوم كانوا ايتابعون الفيلم..وبقايا العصير والشيبس فوق الطاوله الصغير..والمزهريه اللي فر\ي الركن طايحه ومكسره..كله من مبارك وسعيد اللي كانوا امس يلعبون كورة في الشقه..هههههههههه..
سعيد:وعععععي شووو هالشقه.."ويأشر ع المزهريه المكسره"..
مبارك:هههههههه..شرااااات ويهك..
حميد:بس بس انتوا اخر من يرمس ملاعين الصير..اتضاربتوا امس واونه لعب وكسروا ابو المسكينه..>>>يقصد المزهريه..
ذياب:بالله عليكم انتوا شو يايبنكم امكيرا وانتوا ما تعرفوون شي..بدوو..
سعيد:لاااااااااه انته الحضري..بتم بدوي بدوي..
ذياب:اوكيك انا بدوي بس مب شراتكم..اتبدواا اهناك في دياركم..اللحينه الحرمه يوم بتيي اتنظف شو بتقول عنا..>>يقصد حرمه كل يومين اتيييهم اتشل ثيابهم تحت وتغسلها..وتنظف الشقه..
مبارك:عادي بتقول عنا يهاالووه..
حميد:تيكت ايزي يا عزيزي..
ذياب:يلا نشوا خالي عبدالله على وصول..
مبارك:لزوووووووم نستقبله بو حميد..طولي بعمره..
حميد:طبعاً هاذا ابوي.."وفر ش عمره ع الغنفه"..
راشد:عليييييييييه يالقوم..على الخقااااق..>يباهم يتتضاربون..
سعيد:لا لا يا بو سنيده اليوم بنسمحله ابوه اهنيه..ولا من يسافر عمي..من صج علييييييييه...
الكل:ههههههههههههههههههههه..
وظهر الكل من الشقه من بعد ما لبسوا كلهم كنادير امارتيه..اسمييييهم طر..من الخاطر..وصلوا المطار..ويوم نزلوا قوم بو حميد..يوهم شلة الشباب..
ودي لكم ما هو بـــعادي..وانتوا بهاذا الحكم ظـلام..
وان كان تسعون بنفادي..لا تحكمون الغايب اعدام..بيت بو ناصر..
حجرة الهنوف..
الساعه9ونص..

في هالوقت كانت الهنوف يالسه ع النت..ما صدقت الأجازة اتيي عسب تاخذ راحتها من دون حد ايقولها درسي..
من ملت..بندت الكمبيوتر على طول وحطت شيلتها ع راسها وظهرت..راحت الصاله وكانت فااظيه كالعاده..ومن ظهرت الحوي..وقفت ع الدري مال الباب العود..ومدت يداتها فوق جنها الا تتنشط من بعد هالكسل..اشوي والا تسمع صوت رياييل..جان تحدر الصاله وترققققععععع البااااب بقووو وبصوت واايد ينسمع..وربعت صوب الدريشه عسب اتوايق واتشوف منو عندهم..جان اتشوف ناصر وسيف ظاهرين من قسم الريااييل....ع بالها حد عندهم..جاااان تظهر مرة ثانيه والأبتسامه ع ويهها..سارت صوبهم وسلمت عليييهم..ويلسوا كلهم ع القعده..
ناصر:الا وينها امايه مالها شوف؟؟
الهنوف:سارت ويا شيبتها صوب بو خالد..
ناصر:اها..سمعي من ايي حمدان مسود الويه خليه ايي حجرتيه فاهمه؟؟
الهنوف"اتهز راسها جنها هنديه":فااهمه..
نش ناصر من عندهم..وحط سفرته ع جتفه وظهر تيلفونه من مخباه وحط السماعه في اذنه وسار داخل البيت..ومن اختفى عن عيون الهنوف..صدت هنايف صوب سيف اللي كان مشغول بالتدخين..
الهنوف:يعلك السم..
سيف:وهاذا اكبر سم..
ويأشر ع كرتون الدخان اللي عداله..
الهنوف:وتعترف..؟؟
سيف:هيه اعترف..ومع هاذا ادخن..
الهنوف:انزين لييش تهدم صحتك يالغبي..
سيف:عاده من الضييييجه اللي في خاطريه..
الهنوف:خلنا من ضيجتك وقلي شو مسوي حمدااانوووه..
سيف:حمدان..هههههههههههههههههههههههههههه...الله يخليج لا اتذكريني بسالفته..؟؟
الهنوف:عنلااااااااااات صداك ...سيفوووووووه قووولي؟؟
سيف:لا دخييلج عطيني كف وااحد بس..واحد واحد ع الطاير..
الهنوف:سيييييييف قوووووووول؟؟
سيف:متضارب ويا شلة شباب..ارووحه..اسميه ريال اربعه منهم ولعن بو سااابعهم بن عوض ..لا واتخيلي كلهم شباب اكبر عنه..توه اللحينه واحد يأ منهم ويشتكي عند ناصر..
الهنوف:عنلاااااااته ثره قوي..
سيف:ماااا عليج منه هاذا اخو السيف..بو هناد طولي بعمرج..
الهنوف:واااااااايه التراااب وااااااايد خااااااق بعمرك انته..
سيف:هيه علني فداااج..
الهنوف:واللحين شو بيسون..؟؟
سيف:اونهم كانوا بيشتكون عليه في الشرطه..بس شافوا هالشي مب في مصلحتهم..لأنهم هم اللي بدوا وتموا ايعقون رمسات عليه لما نش وعطاهم من الزين..ههههههههههههههههههه..
الهنوف:ووينه الأخ اللحينه..
سيف:تدرين انا شو سويت..؟؟
الهنوف:شو..؟؟
سيف:ضحيت بالأودي مالتيه وعطيتها حمدان ع اللي سواه في الشباب..واللحين الأخ ايهيت في الشوارع..بس وييييييلج ان درا الأخ ناصر..تعرفيييين انتي شو بيسوي..
الهنوف:هههههههههههههه..يوم كان ذياب اهنيه حسبالي انك انته اعقل منه لأنك انت اكبر منه..بس اشوووف العكس..
سيف:فديتني بقالي هالكورس وبتخرج..مب انتي..يالبيبي..
الهنوف:لا تم تتمصخر جيييه..لا اقحص افويهك اللحينه واسير صوب ناصر واخبره باللي سويته..
سيف:يااااااااالله جاني الا حفلتتتتتج..سيري ع بااالج بخااف..
الهنوف:هههههههههههه..لا بس اشوووف ردة فعلك..
سيف:وياا ويهج..
الهنوف :شو بلاااه ويهج..
سيف:محروووق...
الهنوف:شووو..؟؟عيل ازقر المطافي..
سيف:هههههههههههههههههه...والله واستويتي ...نكيته..
الهنوف:مااااااااااالت علييييك..
سيف:بس بس اسكتي ولا نفس..سمعه؟؟>>اونه مصري.."ويتم يرمس تيلفون"..
والهنوف اتطالعه بنظرات اونها ذايبه فيه وهو مب مصدق نااافخ عمره...
وبعد فتره بسيطه نش سيف من عند الهنوف وسار خاري وين سيارة ربيعه علي..وركب وسااار ويااه..وفضى البيت افنظر الهنوف...حدرت الصاله..وتمت اتدق ع ربايعها وتسولف فياهن..لين ما ملت "تراها اتمل بسرعه"..وبندت عنهن وتمت امشغله الإف ام..لأين ما يت غنية ماجد المهندس والله واحشني موت..عاد هي تمووووت على هالغنيه وتمت اتغني ومرتبشه ويااه..

والله واحشني موت خاف بعدك اموت
قلبي لو من حديد ذاب وانته بعيــــــــد
لو خسرتك حبيبي اشلون احب من جديد
وين القى وفا او احــــس بدفــــــــــــــا
ظلمه بعدك حياتي كل شي بيــــه اختفى
روحي يمك حبيبي بيدك اتمنى امـــوت
وين ذاك الحنان معــــــــقوله هـــان
ماخدعنا بعضنا الزمن بيـــــنا خــان
وينك انته وجيك ورفى مابين ايديـــك
لو شفتني حبيبي حالي يصعب علـــيك
خاف امشي ودموعي بيها اغرق واموت
ليلي بعدك طويل عالبعد مالي حــــــيل
تدري شوقي اللي بيه ينتهي مســــتحيل
سوى بيه هواك قلبي يمشـــــــــي وراك
يلي ماخذني مني من يوم خـــــــــــذاك
قلبي يتمنى يوصل يمك انته ويمــــــــوت

وحدرت عليها امها وبوها ..امها تمت تهزبها ع ينونها واستهبالها..وبوها تم يضحك عليها..
. . . . . .

ياحبيب الروح بكتبلك وصاتي ..أن غديت اليوم في حبك جتـيل..
أنشدك بالاه لي طفت أبرفاتي ..لا تخلي دمعت أعيــونك تســيل..


امكيييييييييرااااا...

في هالوقت كانوا الشله كلهم ظاهرين من المستشفى..وحميد يسير راشد ع كرسيه..ومبارك عداله..اما سعيد وذياب وراهم..كلهم كانوا ايسولفون ويا بعض..الا واااااااحد مهمووووووم ومتضاااااااايج ..واااااحد من بد هالعالم كله ايعاني من حب سكن ابحشاه..من اللي شرات مبارك اتعذب؟؟من الي شرات مبارك كتم حزنه..؟؟لا ايي في بالكم انيه امدحه..بس ودي كل واااحد منكم يالقراء ايحط نفسه افمكان مبارك..ابغيكم اتحسون باحساسه اللحينه..احسااس انسان متعذب حيييل حييل من كل شي افهالدنيا..ابغيكم اتحسون بعذاب هالآدمي..بالأحرى..بعذاب قلبه..
من قال ان الحب شي طبيعي وسهل..شي ايمر في الخافق ومع مرور الإيام يقل او ينتسى..من قال ان الحب شعور مثله مثل اي شعور..من قال ان الحب موجه من الأحاسيس يومين وتختفي.......؟؟؟
ما حس بنفسه يوم انه ابتعد عن شقتهم..ما حس بريوله وهي اتقوده صوب مكااانه..المكان اللي يخفف عن معاناته اشوي..المكان الي يختلي ابروحه فيه من ييلس..ولا يروم ايفكر الا بشي وااحد بس..****اليازيه****..
وبدووون شعور..وبدوون اي احساس بالوقع..يلس ع الكرسي اللي مجابل هالبحيرة بالضضضضضبببببط..وبدا ايشل بصوته..اللي ما قد مرة حد سمعه ايشل..ما قد مرة حد يسمع صوت مبارك متعذب..الإنسان ..اللي فارض وجوده افكل مكان..اللي من طروا اسمه في ميالس الرياييل فزوا وقالوا والنعم ..الإنسان اللي نظرته حاده..بسمته مميزة..طوول خشمه السيوفي..شخصيته القويه الطاغيه ع ملامحه..طوله وعرضه..كل شي فيه غير..وما ظني بتلاقون شراته..الا واااحد بس ..هو ذياب..كووووبي من مبارك..
ألف مرة أون..وألف مرة أنوووح..وألف مرة أصيح وش يفيد الصياح..
إنته قلبك مريح..وأنا كلي جرووح..أسهر الليل كله لين بان الصـــباح..هالمقطع المحسوس فيه بالعذاب..هالمقطع الي تلتمسون فيه شقا وعنا هالإنسان..عاده مرة ومرتين وثلاث..وده ايقول اي شي يرفه عن خاطره..وده ايقول اي شي يخوز هالضيجه اللي حلت عليه..وده ينش من رقاده..ويعرف ان ذياب في يوم جذب عليه ابحب اليازيه..
الف مرة اون..ونة خفووووق شكى بعااد خله..ونة خفوق وده ابشوف خله..
والف مرة اانوووح..نووح مبارك الخاافي..والكاتم..نووح يدل ع الجرح الخافي اللي في قلبه..جرح سببه توأم رووحه..بدون ما يدري..
والف مرة اصيح..صياح صاحه مبارك افداخله ع حالته الأليمه..الحزينه..
وش يفيد الصياح...قال افخاطره"صج والله وش يفيد الصياح..اتعذب انقهر اشقى واتعنى..بس اهم شي ذياب...ذياب..ذياب..كلللله ولا ذياب.."..
تنهد تنهيده من قلبه المتألم..ونش من مكانه وكأن شيئاً لم يكن..نش ومشا مشية واحد اتقول ان الحياة مسعدتنه..رسم ابخفه ذييج الأبتسامه اللي ترد رووح كل من شافها..شل الكاب..ومرر يده بين شعره النعيم..ورد وحطها ع راسه..وشغل اغاني في تليفونه....وتم يتسمع اغاني لين ما شاف عبدالله ..وسلم علييه وساروا ارباعه العماره مالتهم..

"كم بيتحمل هالإنسااان..وكم بيصبر؟؟؟"..

. . . . . .

ممتـلي يوفـي من العلــه.. بـين ضيـج وهاجس أفكاري..
ليتـني أعيـش في ظلــــه.. فـي رياض ونـهره الجـاري..

بيت بو عبيد..
الساعه 12ونص ..
الصاله..

هالوقت كان عبيد توه حادر البيت..وشاف ميرة اخته ميلسه في الصاله...وجدامها صينيه مليان حلويات وبسكويت ومن هالشغلات الخفيفه..سار صوبها ووااييها..ويتم ايطالع فيها..كيف اتغيرت حالتها من ذيج الأنسانه الكتومه العبوسه..لهالإنسانه المرحه واللي اربع وعشرين مستانسه..كانت ميرة لابسه تنورة قصيرة ..لين تحت ركبتها بشوي..لونها بني..ولابسه قميص وردي فاااتح..ولافه شعرها كله فوق مخلتنه طاايح ع جتوفها وحاطه قصتها ابصوب وراسمه اعيونها..
طالعها عبيد بنقمه..من فووق لين تحت..
عبيد:شوفي هالمرة بعديها لج..وان شفتج مرة ثانيه لابسه تنورة في البيت شوفي شو بيستوي بج..شباب الهير دوومهم في ميالسنا..جان حد شافج بهالشكل شو بيقول..لبس لج كندورة وشيله شروات ختج وخلج حشيم..
قفابها وبدون ما ايخليها ترمس بكلمه وحده بس..وتمت اتطالعه منصدمه..سار فوق..ودق ع حجرة خته ميثا..بس محد فج له الباب..قال في خاطره "اكيد راقده..خلصنا من ميرة يتنا ميثا مقفله الباب ..وما ترمس حد..شو هي حاله متنقله بين عايلتنا..عن اتييني انا بس..خلني اسكت الا افاول ع عمريه..فديت عمريه ظبيه..."..
حدر حجرته ومن خذله شور..مدد جسمه ع الشبريه وشعره مخرووس ماي..وتم ايشيك في تيلفون لين ما دق ع قوم سعيد بس محد رد..قال افخاطره اكيد هااييل الشبااببيه الخربانيين ارقوود..
صد صوب صورتهم ومن هم اصغار..وتم يضحك افخاطره ع اشكالهم..لين ما دق عليه سلطان.
عبيد:مرحبااااااا مليووووون ولا يسدن..
سلطان:والمرحب لا هان..شحااااااالك؟؟
عبيد:بخير يسلم حااااااااالك..وعلووووومك؟..؟؟
سلطان:ماشي اعلوم ومن جداكم..؟؟
عبيد:لا ابدن طولي بعمرك..وين الحرمه عنك الساعه اللحينه 12 ونص..انا انا العزابي ورديت بيتنا وانته المعرس وبعدك هايت في الشوراع..
سلطان:ههههههههه..عنلااااتك زاااد..
عبيد:هاه سمعنا ان عموه فديتها باجر بتسافر مع طويلة اللسان ..
سلطان:هههههههههههه..هيه طال عمرك..العيوز اذتنيه الا بغت تطمن ع عيالها..
عبيد:عيل بنصبح بكم بااجر..
سلطان:حيااااكم الله ..
عبيد:الله يحيك ويبجيك..يلا شي في الخاطر..؟؟
سلطان:بلااك مستعيل يا ريال شو وراااك؟؟
عبيد:ابغييي ارررررقد..
سلطان:نوم العوااااافي..مع السلامه..
عبيد:فداعت الله..
بند عبيد عن سلطان..وهو يفكر في ظبيه ووده ايشوف ظبيه باجر ان سرح سويحان.."يييييها كم قلبت حسي ذيييج البنيه"..
حط تيلفونها في الشراشه وظهر من حجرته وهو لابس وزار فانيله..ظهر خاري..جدام البيت..وهو يطالع الشارع كيف فااظي ومحد فييه..؟؟!!؟؟!!
رد وحدر البيت وسار المطبخ شربله مااي..وفج الثلاجه وظهرله عصير ليمون وتم يشربه ابهوووونه..وببطء شديد..
ظهر للحوي وتم يطالع في السما..وتنهد تنهيييده من خاطره..وحدر سيارته اللي كان اموقفنها وخلا الباب مفتوح..وتم يتسمع اغاني في هالليل..صج ما يستحي..

يا مشعل القلب تكفى خفف اشــويه..القلب من كثر صدك ويلي لـحــــــــاله..
دامه ايحبـــــــك ولا له غيرك بـغيه..وشله تحطه بدنيـــــا الهم وتـــــــلاله..
انته حبيبي لقلبي نوره وضـــــــيّـه..تحلــا بعيني وقلبي صرت تحـــــــلاله..
وانته ربيع الخفوق وشمسه وفيــّه..وأن حب غيرك خفوقي بقطع وصـاله..
ماريد بك حد لولو ولو كان حوريه..انته مهدي الغـــــــــــرام وانته زلزاله..
للموت أنا لك حبيبي صورتن حيـه..ميت بحـــــبك وأحبك صرت انا سـعاله..
يا بوعيون مثل عين الدمــــــــانيه..حــــــــــــوره هدبها مظل ودعج قـتاله..
كاسنك الحسن وأواصفك خيـــاليه..ومــــــــــن راد يوصف جمالك يتهـياله..

عبيد واثق افداخله ان هو يعني لظبيه شي..حس بهالإحساس من ايشوفها ومن نظرة اعيونها..شي بداخله ايقوله انه ايهم ظبيه وااايد..ومن يفكر عبيد بهالشي يستااااانس وااااااااايد..



. . . . . . .

اتردد للمكان اللي انـــت فيه..كن فاقـــــــــد شي في ذاك المكان ...
اتعذر بأي شي واســأل عليه..والوله في نـــــــظرة عيوني يبان ...
ان سألت اقول لي شي وابيه..بس مدري وين في ذا الركن كان ..

بيت بو حمد..
الساعه 5ونص العصر..
ميالس الرياييل..

هالوقت كانت منيرة ميودة المدخن وتدخن الميلس..واتطالع في المكان للي كان حميد يالس فيه ويطالعها..اتطالع المكان وهي اتفكر كيف حبت حميد وهامت في هواه..سار طيف حميد عايش معاها افكل مكان..اتشوف حميد في كل مكان..في حجرتها..في الصاله..في الحوي..وياها في المطبخ..يوم اتسير بيت ربيعتها نوف..ويوم تظهر فليل خاري وييلسن ويا ربيعاتها جدام البيوت...
ما حست عمرها الا وهي تغني ...............
منيرة: اتردد للمكان اللي انـــت فيه..كن فاقـــــــــد شي في ذاك المكان ...
اتعذر بأي شي واســأل عليه..والوله في نـــــــظرة عيوني يبان ...
ان سألت اقول لي شي وابيه..بس مدري وين في ذا الركن كان ..
ااااااااااااااااااااااااوووووووووووووووووووووووووو ووووف...
جان يحدر عليها حمد خووها..ويسمعها وهي تغني..
حمد:بلاااااج منووور قلنا لج دخني الميلس مب اتغنين فيه..يلا حركي حركي..جلدي..جلدي..؟؟!!!"ويزيغها بنظراته"..
منيرة:لااااااااااا احلف انته بس..شايفني اصغر عيالك ولا وحده من بشاكيرك..لا اتم اتقولي جيه..لا افر المدخن واخلي الميالس كلها اتشب ضووو..
حمد:الصرااحه خوفتيني وقلبي طاح افبطني..يلا خلصي وتزهبي عسب انسير صوب عموه ناعمه..
منيرة:لا يكووون قوم عمي سهيل يوا اهناك..
حمد:توه بو ميد مرمسني ويقول انهم وااصلين بوظبي اللحينه..
منيرة:واااااااااااااااااااااااااااااااايه..
وتربع منيرة صوب اخوه وتعطيه المدخن وتظهر من الميلس وهو يطالع فيها يوم تربع ومرة ايطالع في المدخن اللي عنده..ومستغرب افداخله من هالخبله اللي عايشه وياهم..الله يعين اللي بياخذها بس..
ربعت منيرة حجرتها وفي اقل من ربع ساعه خلصت الأخت ويالسه بعباتها في الحوي..جان اتخطف عليها نورة وهي هب منتبه..
منيرة:عنلاااااااااااااات ذي الويه..للحينه ما خلصتي..
نورة:بسسم الله الرحمن الرحيم..اللحينه بتلبس ..كلتيني بقشووري..
منيرة:يلا يلا ابي ايلس ويا البنات ..متولهه ع هنوفي م زمان ما سرنالهم..
نورة:اوكيك اوكيك..كلتيني..بسير اللحينه..
وتسير نورة..جان تيلس منيرة اروحها..وتطالع في البشاكير وهن يسقن الزرع..لين ما اتزهب الكل وساروا بيت بو ناصر..واهناك يلسن البنات ارباعه في الحوي قريب المطبخ..اما الرياييل جدام الخيمه..والحرمات الكبار في القعده..وع الساعه 8ونص..الكل سار المطار ايودعون ام سلطان واليازيه ووبوحميد..
طوول الوقت اليازيه اتسلم ع البنات بس من شافت ظبيووه ما اتحملت ..وتمت اتصييح وياها..لين ما هدتهن مووزاني..هادف من صوب يبغي ابوه..وسهيل من صوب يبغي يدوته..وظبيه من صوب اتصيح يزوي..ومهره من صوب اتوصي..والحشره في المطار..لين ما يأ الموعد..وتفارقوا عند نقظة..وانشالله يتلاقون عند هالنقطه..
ركبوا الطياره.....الطياره اللي بتودي يزوي امريكا..صوب مبارك..

. . . . . . .

لك درب فالدنيا ولي درب..رّوح عساك اتعيش هاني..
و أنا على ذكراك بــــرقب..ربــــــــي يعوضني بثاني..

امريكا..
تحت في العماره..

هالوقت اسعيد توه حادر العمارة وميود اكياس فايده ..تراه كان في السوبرماركت..وصل الطابق الثاني..وظهر المفتاح مال شقة هله وفجها وتم ايحط الأغرض في الثلاجه..وخلاف ظهر من الشقه..وحدر شقتهم..
سعيد:سلللللاااااااااااام...
الكل:وعليك السلام..
راشد يالس ع كرسيه يلعب قيم بوي..ومبارك واقف عند الثلاجه يظهرله أكل..وذياب يالس ع الكمبيوتر..وحميد منسدح ع الغنفه ايغني..صج شباب عزاااااااابيه..ولو شفتوا الشقه كييف..منعفسه فووق تحت..المخدات ع الأرض من أمس يوم كانوا ايتابعون الفيلم..وبقايا العصير والشيبس فوق الطاوله الصغير..والمزهريه اللي فر\ي الركن طايحه ومكسره..كله من مبارك وسعيد اللي كانوا امس يلعبون كورة في الشقه..هههههههههه..
سعيد:وعععععي شووو هالشقه.."ويأشر ع المزهريه المكسره"..
مبارك:هههههههه..شرااااات ويهك..
حميد:بس بس انتوا اخر من يرمس ملاعين الصير..اتضاربتوا امس واونه لعب وكسروا ابو المسكينه..>>>يقصد المزهريه..
ذياب:بالله عليكم انتوا شو يايبنكم امكيرا وانتوا ما تعرفوون شي..بدوو..
سعيد:لاااااااااه انته الحضري..بتم بدوي بدوي..
ذياب:اوكيك انا بدوي بس مب شراتكم..اتبدواا اهناك في دياركم..اللحينه الحرمه يوم بتيي اتنظف شو بتقول عنا..>>يقصد حرمه كل يومين اتيييهم اتشل ثيابهم تحت وتغسلها..وتنظف الشقه..
مبارك:عادي بتقول عنا يهاالووه..
حميد:تيكت ايزي يا عزيزي..
ذياب:يلا نشوا خالي عبدالله على وصول..
مبارك:لزوووووووم نستقبله بو حميد..طولي بعمره..
حميد:طبعاً هاذا ابوي.."وفر ش عمره ع الغنفه"..
راشد:عليييييييييه يالقوم..على الخقااااق..>يباهم يتتضاربون..
سعيد:لا لا يا بو سنيده اليوم بنسمحله ابوه اهنيه..ولا من يسافر عمي..من صج علييييييييه...
الكل:ههههههههههههههههههههه..
وظهر الكل من الشقه من بعد ما لبسوا كلهم كنادير امارتيه..اسمييييهم طر..من الخاطر..وصلوا المطار..ويوم نزلوا قوم بو حميد..يوهم شلة الشباب..
...................وطاحت عين مبارك في عيون اليازيه.....................
انتهىىىىىىى الباااااااااااااااااااااااااااااااااااااااااااارت


...................وطاحت عين مبارك في عيون اليازيه.....................
انتهىىىىىىى الباااااااااااااااااااااااااااااااااااااااااااارت

الجزء الثالث والعشرين..


يوم طاحت عيني بعينه..كل الذكرياات دارت ابخاطري..أيام سوالفنا وضحكنا..يوم طاحت عيني بعينه..انتفض خافقي بنظراته..فز قلبي من مكانه..قالي والله والله أحبه..والله اعشقه..والله أذوب افهواه..غيابك عني شتتني..خلاني وحيد ...مهمووم..حزين..بعادك عني بعثرني..دخيلك لا تجافيني..أنا اهواك وأغليك..ومن قدي يعيش بهيامك..حبك سكن بحشاي..أبد ما أقدر انساه..كيف قلبي ينسى من حكمه ولا راااام يعيش بلياه..وكيف ينسى من غيره ..وخلاه يعشقه..شوقي عليك يالغالي ما أقدر أبد أحكمه..ما أقدر أداري دمعتي بغيابك ..شوف حالتي من عقب فرقاك..عايش بالدنيا بدون قلب..لأن قلبي معاك..قلبي معاك في غيابك..في حضورك..في منامك في كلامك..يذكرك لا نسيته..يعشقك لا جفيته..وينذبح لا شاف صدك وجفاك..يووم طاحت عيني بعينه..كل الأشواق لبت مطالبها..يوم طاحت عيني بعينه..كل نبضه من نبضات قلبي نادت باسمه..


في وسط هاللقاء الحار..اللي ممتلي بالبهجه والضحكه..ودموع الفرح..وقفت قلوبهم من لقاهم..وقفت قلوبهم كأنها مب مصدقه لقاااهم.بعد هاييج الفتره التقوا..التموا..اجتمعوا..
مبارك..واليازيه..
تبادلوا نظراتهم الخاصه ابهم..بعيد عن العالم اللي هم منه وفيه....بعيد عن الواقع الأليم اللي عايشينه..بعيد عن هلهم اللي وياهم..
مرت فتره..وانتقلوا من المطار لشققهم..امممره متلاصقات في بعض..الشقه اللي استأجروها قريب كانت حيرة لأم سلطان..وحيرة لليازيه..وحيرة للراشد اللي ودر الشبابيه..أما الشقه الثانيه..حيرة لسعيد وحميد..وحيرة لذياب ومبارك..وحيرة لبوحميد ارووحه..
اول ما حدرت اليازيه حيرتها..فسخت عباتها..وشيلتها ..وفجت شعرها..كانت لابسه كندورة سماويه"اتعرفونها يزووي الا بالكنادير ما تتعامل الا وياها"..
تنهدت من الخاطر..تنهيده ما نعرف على شو اتدل..قلبها ناغزنها..ان في شي مستوي..من هاك اليوم اللي رمست فيه مبارك..حاسه ان فيه سالفه..بس حاولت وحاولت تربط اي شي يخصها بمبارك..بس للأسف ما لقت الا انهم ايحبووون بعض واااايد واااااااايد واااااااااااايد..
خذتلها شور..ومن ظهرت من الحمام –الله يعزكم- وقفت جدام التواليت واتطالع هالخصلات اللي طايحه ع ويهها..وهي مب مصدقه ابد انها اللحينه قرييييييييييبه من مبااارك..فجت الشنطه مالت ملابسها..طاحت عينها ع التنورة الزيتونه اللي من عند سلامه..بس هي ما ترتااح بالتنورة..حياتها بالكندورة..تمت اتظهر ملابسها بطريقه سريييعه..بس هالمره هي واتفكر بظبيوووه.."يالله من اللحينه اتولهت علييها..اوووووووف..ليتني ما ييت"..
وقفت عن الخراب في الشنطه..ومدت يدها وخذت الكندورة البرتقاليه..لووونها واايد حلوووه..وفيها شغل خفيف..لبستها..وردت ووقفت جدام المنظره..
بعد ما حطت لها كريم ترطيب البشرة..خطت بالجحال الأزرق خط تحت عيونها الوسااع..وشوية قلووس ..وسحت شعرها..وحطت قصتها ع صووب..كالعاده..وأخيراً حطت شيلتها.. وشافت شكلها النهائي..تحجبت ودخلت قصتها..لأنه ما فيها تظهر واتشوف حد من الشبابيه اللي برع..وقالت في خاطرها ..وهي اتفج باب حجرتها.."اوووويع..كلهم شبااااب..محد بنوتة حلوه شراتي تيلس وياايه..اوووووف..متى بتيي ظبيوووووه؟؟؟؟؟؟؟؟؟!!!"..
ظهرت الصاله..شافت امها يالسه اترمس تيلفون..يلست وياها..وتمت ترمس عماتها وخواتها..لين ما بندوا..
ام سلطان:يزوي جانج تبين شي..سيري الثلاجه وكلي..باجر ابغيج اتسيرين ويايه المستشفى..عند خوج موعد..
اليازيه:حشى من اول يوووم..؟؟!!
ام سلطان:شو نسوي عاده..
اليازيه:اوكيييك..وين سعييد تولهت علييه..
ام سلطان:هههه..سعيد..؟؟!!توهم يااايين كلهم اهنيه يبغون ايسولفون ..طاردتنهم كلهم ولاعنه خيرهم..كله من ذيووب وبروك اليوم متفيجين..باجر معطلين..
اليازيه:ههههههههههههه..والله انج يمايه فنتكه..ووينه بو سنيده..
ام سلطان:يالله علني هب بلاه..فديت روحه افحيرته رااقد..من الصبح ما رقد..يالله انا بسير أرقد..الساعه 10ونص..
اليازيه:هيه انا بعد بسير برقد..
ويمشن ارباعه صوب الممر اللي فيه حيرهم..
اليازيه"اتبوس امها ع ر اسها":هاه ام سلطون..تامرين بشي..؟؟
ام سلطان: سلامتج لا خليت منج..بس انتي ما كلتي شي..
اليازيه:مب مشتهيه..تصبحين ع خير..
ام سلطان:وانتي من هله..
حدرت اليازيه حيرتها وهي تتفدى امها..سارت صوب البلكونه..أكثر شي عايبنها للحينه انه حيرتتها ع البلكونه..سارت وفجت الباب خلاف ظهرت..وشافت العالم من تحتها..امممممم..سوبر ماركت..عداله مطعم عووود..وعدال المطعم محل ورود..بس شكله امبند...ربعت يداتها وتمت اتطالع تحتها..لاحظت ان الكل اللي يخطفون اشكالهم عربيه..اشوي الا واتشوف اشكال خوانها..حميييييييد..و سعييييييييد..الا اشكال عربيه من الخاااطر...ههههههههههههههههههه..انصدمت من شافتهم وهم ايسون لها حركات عسب تنتبه لهم..وتمت ميوده بطنها من الضحك..فهمت انهم بيونها وبياخذونها عسب يتحوطون..امممره هاييلا الصراحه في الخدمه..ظهرت من حيرتها..وفجت باب الشقه..وشافتهم متفيرزين..لابسين شورتات رماديه..ع جواتي برتقاليه وتي شيرتات برتقاليه..سلمت عليهم..وتمت امبحلقه اعيونها فيهم..
حميد:بلاااج ..
سعيد:جنج عنز..
اليازيه:بلااااااااكم انتوا..العرب بيموتون من البرد ...وانتوا لابسين جيييه...
سعيد:احن ما صدقنا انشووف جو باارد..
حميد:استغلينا الفرصه..
سعيد:وبعدين ما شي برد...الا مهب اشووووي..يلا يلا يزووي بنسير نتحوط..
اليازيه:شووو ابغي ارقد..وباجر بسير المستشفى ويا ماماتي.
حميد:ما عليج انتي..ما بنطبي..الا انا مستغرب منج..يزووي وترد الحوااطه..لالالالا...متغيره الأخت..
اليازيه:ههههه..وياا ويهك..تريووووا بييب عبايته...
سعيد:بلا عبااة..اعتبري عمرج سايرة تتحوطين في الفريج..واللحينه ما شي عرب ..ظاهرين الكل رااقد..بااجر لبسي..
اليازيه:وفرت علييينا..هياااا بنااااااا..
حميد وسعيد:هياااااااااااا..
ظهروا من الشقه..ولايموا الباب..وتموا يتسابقون ع الدري..يزووي كانت بتطيح..بس زين يودت عمرها..سبقهم حميد..وكان يمشي جدامهم..لين ما وقف وترياهم..ظهروا من العماره..وساروا للمطعم اللي جدامهم..حست اليازيه بأن شكلها غلط..ويلسوا ع الطاوله اللي دومهم الشله ييلسون فيها..
اليازيه:اخخخخخخخخي..ويهي محترق..
حميد:لييش؟؟
اليازيه:افمطعم وبليا عباااة..
حميد:طالعي انتي المطعم كييف فااظي..بعدين فليل في هالحي محد يظهر حي عرب وكلهم ارقوود هالحزه....اما في الحي الثاني كله أجانب..اتشوفين كيف الزحمه من الخاطر..
سعيد:خلصت المحااظرة..
حميد:اهدي نفسيتها..نش نش نش ..
سعيد:شو له انش..انته نش..انا متوله ع ختيه..
حميد:أوووه بلا خربطيشناتك بو عسكور..ما فيني اسير اطلب..
سعيد:انا ماشي معاي بيزات..
حميد:لا لا عازمنكم انا اليوم..
سعيد:تخقق ابوك يأ..
حميد:هههههه..فقرناه علني فداااه..
سعيد:وااضح عليه متأذي منك..
اليازيه:خخخخخخ..
حميد:لا تضحكين عليه لا امسح بج الأرض..
سعيد:مسكينه خلوج مكنسة..
اليازيه:يووووووعااااااااااانه..
حميد:صكري هالثم.. يعلها العوق الضروووس اللي مظهرتنها..طالعي الريال شقااايل يطالعج..
اليازيه:وينه اي وااحد.."وتشوف سعيد ساير صوبهم"..اللي عند سعيد..
حميد:ولا ودج اتشوفينه..لا احط هالخاشوقه افعينج..
اليازيه:حميييييييدوووه..لا تخليني اسدحك اللحينه واخلي سعييد يدبك فوقك..
حميد:لا وعاد سعيد يدبك..لا لا هوناها..يزوي ابغيج افسالفه..
اليازيه:ارمس قبل ما ايي سعيد..
حميد:سكتي هاك اليوم سرت بيت عميه حمدان فبوظبي..وفالميلس حدرت وحده من بناته..مااادري اي وحده منهن..
اليازيه:خخخخخ..أكيييد حبيتها..انا لو يبت لك بنت راعي الدكان بتحبها..
حميد:يااخي شسوي..اذا قلبي يحب ابسرعه..في دقيقه..مب دقيقه..الا ثانيه..
اليازيه:هعههعههعهعهعهعهعهعهع..
حميد:ويااا هالضحكه..قوليلي اي وحده منهن..نورة ولا منيرة..
اليازيه:لاااا دخيييييلك بس..شقااايل بخبرك وانا ما اعرف اي وحده منهن..انزين شو كانت لابسه..وكيف شكلها..وليين وين طولها..وكيف عيوناتها..
حميد:اممممممم..كانت لابسه تنرة فوشيه وحاطه قصتها ع ويهها..اقصر منج بشوي..................
اليازيه:بسسسسسسس خلااااااص عرفففففففتها...
حميد"بانفعال":منووووووووووووو؟؟
اليازيه:هد اعصاااابك يااااااااااخي..حطها افثلاجه..
حميد:افثلاجه افغساله حتىلو تبين مكيف..اللي تبينه..قولي لي منووو..
اليازيه:هاااي طولي بعمرك..؟؟
حميد"يوقف":يزوووي رمسي يالعنز..
الياازيه:احلف انته بس..اللحينه انا عنز..ايلس ايس يا ريااال..بلاك لبقت ضوو..
حميد"ييلس ويتتهد":اااااااه منج..تبين اتذليني..
اليازيه"مطنشة رمسته الأخيرة":هاي منيرة..
حميد"فج عيوناته":عنلااااااااااتها مارحمها..خبريني عنها..
سعيد"ييلس":ليش اتصاارخ؟؟
طالعته اليازيه هالمرة وهو يرمس ودققت افشكله..ضعف واايد..وظهرله سواد تحت عيوناته..حزن قلبها علييه..
حميد:من أختك هاللي ما تنفع..هاااللي ظهرتليه قرووون...
سعيد:تتخبرها عن البنيه اللي شفتها في الميلس..
حميد:هيه تتوقع منو؟؟
سعيد:ماا يهمني..لو كانت الملكه اليزابيييث..
حميد"ايرمس اليازيه ويأشر باصبعه على سعيد":هاذا اخووج فاقد الأمل انه يحب مرة ثانيه..يااخي اللحينه عندك فرااغ عاطفي..لازم تمليه وما اتخلييه جيييه..
اليازيه:هههههههههه...ليش يعني..لازم ايحب؟؟
حميد:حياه بدون حب..هب حيااه..
اليازيه:سمعوا من يرمس..رئيس حب الفنادق..
حميد:ويااا ويهج..وصفيلي كيف حياتها..
اليازيه:أمممممم..شو اقولك..هالإنسانه ما يهمها شي ابد في هالدنيا..اخلاقها تووب..سوالفها كشششخه..طيوووبه ويا الكل..عليها سوااالف نكيتيه..اممم..تعيبني واايد..ومن اتفج ويها انهدم البيت..وهاذا كله ما يساوي جمالها..ورقتها ودلعها..باخصتار..الوضع كله باختصار..تنفعلك واايد..وان سمعت يا حميييدوه انك سرت لها وقلت لها كالعاده يعني..انا احبج..شوف شو بسويبك..يا اتسير بيتهم وانته اتدله وتخطبها..هاذا جااانك انته اتحبها من صج..اما انك تتسلى..ادوواك عند عميه طولي بعمره وربي يحفظه..بنات العااايله مب لعبه عندك كل يوم والثاني طااب عند وحده منهن..لا تنسى منيرة بنت عمك..وابوها ولد عم ابووك.بلا فضاايح وخلك ريال حشيم..ريال بمعنى الكلمه..ومنيرة الصراحه ما بتلاقي احسن عنك..احم احم..ولد عم اليازيه..
سعيد:هههههههههههههههههههه.."ويصفق لها"..الصراااحه محااضره ولا ارووووع..
حميد"يقلد يزوووي":احم احم..ولد عم اليازيه..لا من زييينج انتي عيل..المهم مشكوورة بنت سهيل..ونخدمج في الأفراح..وانت لا اتم اتصفقلها جيه..بيكبر راسها..
سعيد:ههههههه..من يومه كبير لا توصي عليه بابن العم..يزووي طلعت لج لقب..
حميد:عهههعهعهعهعهعهعهعهع..
اليازيه:ليش تضحك..؟؟؟؟؟؟
حميد:لقب؟؟سعيد لا اتودي عمرك ابمشكله..اذا ظهرت لها لقب بتظهرلك امية الف لقب..
اليازيه:والله ان محد يغلبني ابد الا بو عسكوور..الوحيد اللي يخليني انطم..
حميد:تراه مب تومج ع الفاااظي..
سعيد:لالالا..هاذا لقب شبه محترم..وبيعيبها واايد..
حميد واليازيه:ههههههههههههههههههههههههههههههههههه..
سعيد"مستاانس نسى همومه":من اليوم وراايح لقبج..امممم..اممممم..ادنوووك..
حميد واليازيه:!!!!!؟؟؟؟؟!!!!!!شوو يعني؟؟؟؟!!!!؟؟؟!!!؟؟
سعيد:حميد انته ما تلاحظ ان احن اذا بغينا شي ربعنا صوب يزووي..تراها في الخدمه اربع وعشرين سااعه..طووااال اليووم..شرااات محطة ادنوووك..خخخخخ..
حميد:هههههههههههههههههههه..هيه والله..
اليازيه: لالا..لقب ايمشي حاااله..
يأ عشااهم..وتعشوا..وخلاف ساروا البحيره..وتموا ايحوطون ويسولفون..واليازيه اتييب لهم علوم يدوتهم شيخه..واخبااار موزة وسهيل..ومن هالسوالف..لين ما سكت الكل..حميد ويزوي يالسين ع الكرسي..اما سعيد واقف جدام البحيره..
لحظة صمت..الكل ساااكت وباالع لسانه..لين ما تنطق سعيد وقاال:
سعيد: مكشوف امرك وعندي اخبارك..عقب المـــــــوده فؤادي صار مجفنك..
مرفوض عذرك ولا بتقبل اعـــــــذارك..ولا انته معــدا ضماي الشوق ما ينك..
كنت احسبنك ثقيل الروز معـــــــــيارك..اثرك خفيـــــــــف هبوب النود شلنك..
من دنيتي بمسح الا يازين تذكـــــــارك..وبجعل ليالي السعد من فكري يمحنك..
مالي بتبعك ما دام انكشفت اســــرارك..يا بايع الود فـــــــــــــــني معتلي عنك..
عاتب الريح لي هبت من ديـــــــــــارك..ولا اصغي لعلم الريــح لو نسنت منك..
لكن خسارة ضعت في موية تيـــــــارك.. احسنت لك ظني ولــكن خاب لي ظنك..
يا مدعي الحب وين اليوم مسيــــــارك..وين الوفا والعــــــهد لي كان لي منك..
سكت سعيد..وهو يطالع البحيره ابحزن وألم..فجت اليازيه ثمها تبى اترمسه واتقوله انت للحينه ما نسيت ميثوه..للحين انت عااايش بهالعذاب..بس حميد اشر لها انها تسكت وتلتزم الصمت..خلووه هو ايدواي اجرووحه برووحه..مع الأيااام بينسى..والأيام ما اتخلي الجرح على حااله..لزووومن عليها تبريه..
رمس سعيد..
سعيد:يزووي جانج تبين تيلسين براايج خلاف تعالي ويا حميد..بسير برقد عند قوم مبارك..
مشى سعيد وظهر من الحديقه دوون ما يسمع رد يزوي...تمت يزووي يالسه اقل من نص ساعه ويا حميد ايسولفون..ويضحكون..مرة كانت سوالفهم تخصهم..ومرة كانت اتخص سعيد..
حميد علاقته ويا اليازيه شرات علاقته ويا سلامه اخته..ويمكن اكثر بعد..اشيااء سلامه اخته من الأب والأم ما تعرفها..اولها سالفة عليا اللي هي اكتشفتها..عكس اليازيه اللي كانت تدري بعليا لأن حميد من اول ما رمسها وهو يخبر اليازيه..
عاشوا افبيت واحد في منطقة العين لين ما استوى عمر يزوي 16سنه..خلاف انتقلوا سويحان..اتخيلوا..16 سنه..كانت عايشتها ويا حميد..أكلهم ونومهم ولعبهم ونشتهم الصبح وظهرتهم..دوووم ويا بعض ..يزوي وسعيد وحمييد..دوومهم ارباااعه..عسب جيه يزوي عادي تيلس ويا حميد ارووووحها..
نشوا من مكانهم..وساروا للعمااره..ومناك اتفارجوا وكلن سار شقته..


. . . . . . .


روحي فداك خذها معــــــــاك.. لكن يـــا عمري لا تغيب..
امشي بهواك واكسب رضاك.. مالــــي انا غيرك حبيب..

بيت بو منصور..
جدام المطبخ..ع الدري..
الساعه 12ونص..

ظبيه:اوووف ملل..من اول يوم سافرت فيه يزوي وانا ملانه..
مهره:ما تنلامين توأم رووحج..
ظبيه:هيه والله..مهروه فديتج شرايج بااجر انسير السوق..
مهره:امممم..عشان خاطرج...شو تبين تتشريين..
ظبيه:اممممم...شو اقولج..اكسسورات ونعال..وبعد ابغي افصل لي عبايه وشيله..
مهره:شوو رااايج انفصل ارباعه..وبنفصل ليزووي ويانا..ويوم بنسافر صوبهم بناخذها ويانا..
ظبيه:هيه والله صح كلااامج..احسن شي ان ابوي وافق انيه اسافر وياكم..وناااسه..
مهره:يالله علني فداه عميه دووم ما يقصر..وده انه يخليج اتسافرين ويا قوم عميه عبدالله..بس عرس عيال عمج..لزوومن علييج تحضرينه..
ظبيه:هيه والله..أصلاً انا بموووت من القهر لو ما حضرته..
مهره:هيه..اوكيك ظبيه نشي وصليني..
ظبيه:حرررررررراااااام مهروتي يلسي اشوي..
مهره:وين ايلس بعد..بسير برقد..ميهوووده..
ظبيه:امممممم..بييج الصبح عسب انسير السووق..لا تنسين..
مهره:اوكيييك..يلا نشي..
وينشن ارباعه ويسيرن صوب الباب العود مال الفله وهن يضحكن ويسولفن..وتمت ظبيه واقفه ابمكانها لين ما حدرت مهره البيت..
سارت ظبيه المطبخ..وسوتلها نسكويك وشلته وياها فوق لحجرتها..يلست ع المسن اترمس ربايعها..لين ما شافت ايميل اليازيه اووون..جان تنصصدددددددم من الخاطر..وعلى طول رمستها وبندت كل المحادثات اللي عندها..وسوتلهم بلووك..
أحبك كلمه بقلبي تحبك..غرام ما قوا صدري يشيله..:
يزووووووووووووووووووووووووووووووووي..
كفى ماجرالــي ياغلا منك وجاني..كفاني ترا حكم الجفى منك يكفيني:
ظبيووووووووووووووووووووووووووووووووووه..
أحبك كلمه بقلبي تحبك..غرام ما قوا صدري يشيله..:
شو يابج انتي ع المسن؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
الا انتي اللي شو يابج ع المسن..
أحبك كلمه بقلبي تحبك..غرام ما قوا صدري يشيله..:
الله يخلي كمبيوتري..
كفى ماجرالــي ياغلا منك وجاني..كفاني ترا حكم الجفى منك يكفيني:
وانا الله يخلي لاب توب ذياب..
أحبك كلمه بقلبي تحبك..غرام ما قوا صدري يشيله..:
المهم شحاااااااااااااااالج؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
انا بخير ومن صوووووبج؟؟
أحبك كلمه بقلبي تحبك..غرام ما قوا صدري يشيله..:
امممرة ما نشكي الا فرقااااكم..
كفى ماجرالــي ياغلا منك وجاني..كفاني ترا حكم الجفى منك يكفيني:
يالله علني هب بلااج اتولهت علييييييييج
أحبك كلمه بقلبي تحبك..غرام ما قوا صدري يشيله..:
وانا اتولهت علييييييج زوود..هاه شو امكيرا؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
ههههههههههههههههههه..حلوووووووووة..كشششششششششخه..ب س ياليتج وياااايه..تدرين شوو؟؟
أحبك كلمه بقلبي تحبك..غرام ما قوا صدري يشيله..:
شوه؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
كلهم شبااب ااهنيه..ارووحي متفيرزة وياهم..بعد شوي بنسير المستشفى عسب موعد رشوود لا خليت منه..
أحبك كلمه بقلبي تحبك..غرام ما قوا صدري يشيله..:
حشى من اولها..
كفى ماجرالــي ياغلا منك وجاني..كفاني ترا حكم الجفى منك يكفيني:
شو نسوي عاده..
أحبك كلمه بقلبي تحبك..غرام ما قوا صدري يشيله..:
وشو سويتي امس..؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
طولي بعمرج من ييت اتغسلت..وبدلت ملابسيه ويلست امايه اشويه وظهرت صوب البلكونه الا حميد وسعيد يأشرولي تحت يبوني انزل..المهم نزلنا وتحوطنا اشوي..اقووولج سرنا مكااان ايخببببببببببببببببببببببببببل..
أحبك كلمه بقلبي تحبك..غرام ما قوا صدري يشيله..:
شو من مكان؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
البحيرة..اف اف اف لو شفتيييها كييف عذااب..
أحبك كلمه بقلبي تحبك..غرام ما قوا صدري يشيله..:
هيه هاااي اللي يرمس عنها بو حميد..هيه صح شفتيييه؟؟
كفى ماجرالــي ياغلا منك وجاني..كفاني ترا حكم الجفى منك يكفيني:
ظبيوووه بخلييج حميد يزاعج فوق رااسيه يباني اتلبس عسب انسييير..
أحبك كلمه بقلبي تحبك..غرام ما قوا صدري يشيله..:
اوكيك سلمي عليهم..وخصي السلام لبو عسكور وبو سنيده..وموفجيين انشااالله..
مع السلامه..
كفى ماجرالــي ياغلا منك وجاني..كفاني ترا حكم الجفى منك يكفيني:
الله يحفظج..
وظهرت يزوي اووف..تمت اتطاالع الشاشه..وقلبها معورنها ع فرااق يزووي..دقايق..سارت ومددت يسمها ع الشبريه ورققققققددددددت..


. . . . . .


احبك عد مانوري استضاح..وخـــــدك يرسم نور الشعيل
واحبك بسمة فيها مـــــزاح..تبين رسمها فيك وجمـــــيل

امريكا..
شقة قوم يزووي..

هالوقت يزوي ظاهره من حيرتها وميوده الاب توب..مال ذياب..ظهرت للصاله..محد الاا امها وذياب وراشد وسعيد..
اليازيه:ذيااااااااب..
ذياب:هاااااااه.. بلااااااااج؟؟
اليازيه:شو هاه الاب توب مااالك..مب شي..
ذياب:شو بلاه الاب توب..قولي الا انتي لاعبه فييه..بالله انتي شودرااج بالاب توب وخرابيطه..
اليازيه:لااا احلف انته بس..شايف عمرك مادري ع شوووه؟؟
ذياب:هههههههههههههههههه..تنفعين للمواقعه جنج الا يااهل..
سعيد:لا اتوصيها..
اليازيه:ع العموووم ...بوسهيل مشكووور ..ونخدمك في الأفراااح..
ذياب:افا عليييج بنت خالي دوومنا الا في الخدمه..
اليازيه:تسلملي..هيه صح ظبيوووه اتسلم عليييكم..
اول ما قاالت جييه..انفج باب الشقه وحدر حميد ومبارك وراه..
حميد:يزووووي العنز للحينه اشوفج ما تلبستي..
اليازيه"تربع لحيرتها":هاه ؟؟خلاص خلاص اللحينه بتلبس..لا اتزاعج فووقي..يعلني ما حلم رقعتك..
حميد:لاا دخييلج بمووت ان ما حلمتيني..انقفضي..هبابنا انخلص..
مبارك:هيد يا ريااال بلاك مستهم اللحينه..باقي نص ساعه ع الموعد...
حميد:والله ان الهم ياااني من هالصخله يزووي..
اليازيه"اتطالعهم وااحد وااحد":وينه عميه ما اشوفه..
حميد:بويه ياخذله شور اللحينه بيي..
اليازيه:فديييته لو كان هنيه بيدافع عني..ماااااالت علييييك يا حميد البعييييييير..
نش حميد من مكانه اونه بيضربها...حركات يباها اتخلص بسرعه..شردت لحيرتها..
من حدرت ترددت كلمات مبارك افخاطرها.." هيد يا ريااال بلاك مستهم اللحينه..باقي نص ساعه ع الموعد..."هاااي اول جمله تسمعها من مبارك من يوم ما يوا امريكا..حست بنشااط وفرحه من سمعت صوته..حست ان اشواق قلبها فزت من سمعت صووته..دووومه هالريال غاامض وحتى نبرة صوته..صحيح انه يحب ايسولف ويضحك...بس ولو انسان مزااجي..وينقلب حاله ابسسرعه..وشخصييته غاامضة...وقالت افخاطرها"والله ما ينعرفلك يا برووك..ما ظني بحصل واحد شراتك فهالدنيا..غامض ومزااجي...؟؟؟!!"
تركت هالأفكار ..وظهرتلها تنورة بنيه جلد..ع قميص نص كم بييج..ولبستلها بووت بيج..وحطتلها كريم وجحلت اعيوناتها وسوت قلووس برتقالي..لبست عبايتها وحطت شيلتها المطرزه بالبيج والبني..وشلت شنطتها الصغيره المصنوعه من جلد ولونها شرات لون التنورة..ظهرت من حيرتها وشافت امها يالسه تترياها..
ام سلطان:يزووي يلا الله يهديج حيرتينا..
اليازيه:خلاص فديتج خلصت..يلا..
ام سلطان:ما تريقتي..
اليازيه:اللحينه بتريق.
ام سلطان:شوو انتي ما تفهمييين..صدق انج صخله..
اليازيه:ههههههههه..أثر عليج هالبعير حميد.."وتاخذلها حبة بسكويت وسندويشه صغيره"..ماا عليج باكلهن في ثواني..
ظهرن من الشقه ..وتحت..شافتهم كلهم متلبسين..اللي عيبها انهم كلهم لابسين كنادير..واشكااااااالهم طر..سارت صوب عمها وسلمت علييييه..وتمت تمشي وياه..لين ما ظهروا من العماره..وتحت..كانن ثلاث سيايير..سعيد وامه ويزوي افسيارته..وحميد وابوه افسيارته..ومبارك وراشد وذياب في سيارة ذياب ..
وبجييه الكل سار المستشفى عسب موعد بو سنيده..من حدروا المستشفى ويزوي صااخه..اتحس عمرها خاايفه ما تعرف من شووو..اول شي بوحميد وهو اللي يسير راشد بكرسيه..وعدالهم اسعيد..ويسيرون ورااهم بالضبط..مبارك وذياب وسعيد..وآخر شي يزوي وامها..حدر بو سنيده صوب الدكتور ووياه أمه وعمه..والبقيه كلهم يالسين ع الكراسي..اول شي اليازيه خلاف سعيد وعدال سعيد مبارك..أما مجابل مبارك فكان ذياب وعداله حميد..تأخروا عند الدكتور..جان ينشون الشبابيه امخلين يزووي ارووحها..مرت فتره..
واليازيه تتريا حد يظهر ..كان ودها تحدر اتشوف شو قالوا لأخوها..بس الدكتور ماااااانع هالشي..فجت شنطتها..وظهرت منظرتها وتممت اتشوف شكلها..الا واحد واقف ع راسها..
مبارك:حلووووه بدون ما تتأكدين..
طالعته اليازيه..وردت عليه بصووت واطي..
اليازيه:وياا ويهك..سكت لا حد يسمع..
مبارك"ييلس":شحاالج؟؟
اليازيه:لا تو النااس..تعال باجر خلنا نكمل يومين في اهنيه خلاف تخبر عن حاليه؟؟
مبارك:حتى عتاابج حلووو..
اليازيه:سخييف ومحد يعطيك ويه..
نش مبارك وقفى باليازيه..ع أساس انه بيروووح..
اليازيه:وين بتسير..
مبارك:ادورلي بقعه بعيد عنج عسب ما اضايقج>>>>كلمها دووون ما يصد صوبها..
اليازيه:شو شايفني وحده من خدمك اترمسني من ورا ظهرك..
صد مبارك صوبها وبنظرته الغامضه اللي تعذب قلب اليازيه وقالها بكل حنيه..
مبارك:تدرين انيه اتولهت علييج واايد..
اليازيه:.......................................... ..........
مبارك"ييلس مكانه":ااااااااااااه ياليازيه..لو تدرين شاللي حل عليه .. والله لتصيحين دم ع حالتيه..والله لتصيحيني ليل ونهار..تدرين غناتي انا ياالس اتعذب بسبتج..يالس اذووق العذاب بأشكاله وانواعه بسبتج..تدرين ليش؟؟لأني بس أحبج وامووت ع الأرض اللي تمشين عليها"ويأشر على قلبه"..ياااماا هالقلب حبج وانتي تجفينه..عشقج وانتي اتصدينه..لين ما لاااان قلبج وحبيتيني..تدرين كان يوم السعد يوم أشوووف نظرات الوله افعيونج..استااانس وااايد يوم اشوفج متولهه علي..وياامااا هالقلب يتعذب وهو مااااله ذنب..ذنبه الوحيد انه يحبج..بس والله ما بتووب عن هالذنب..لين ما أموووت..
اليازيه:.................انزين بو حمد فدييت رووحك قلي قلي شاللي يعذبك..بالله الليل كيف برقده وانا معذبتنك ومب حااسه..بلييز قلي..
مبارك:اااه يا حلاتها هالكمله منج..
اليازيه:مبارك خلك من حلات كلمتيه وقلي..شو اللي حل عليك..انتي من منو تتعذب ..فهمني لا تخليني جييه اعاني ارووحي..شو الساااالفه؟؟
مبارك:شو اقولج ياليازيه شوو اقوولج..
اليازيه:طلبببتك مبارك..طلبببتك لا تردني..
مبارك:لو تطلبين اعيوني والله ما يغلن علييج يا بنت سهيل..بس هالشي ..ابغيه ايتم سر...ويندفن ويايه افقبري..
اليازيه"معصبه":تراك طلعتلي اعصابي..كل دقيقه والثانيه طريتلي المووت والقبر..بلاك يا ريال جيه مستهم..لا اتم مغبي كل شي افقلبك..ابغيك تتذكر ان في انسان يفرح لفرحك ويحزن لحزنك..ووده ايعيش معاك معاناتك.. عسب ما اتم ارووحك متعذب..
مبارك:علني ما خلا منه هالإنسااان.والله اتولهت عليييه وااايد واايد وااايد..
اليازيه"اتحط عينها ابعينه":قووول اللي في قلبك..يلا ..
مبارك"يصد جدامه امطنشها":مااريد اقوول..اقوولج سر اتقولين لي قوول..والله انج..
اليازيه"اتلف ويهها..":اوكيك خلاص ع بالك بيستوي بي شي اذا ما عرفت..انت الخسران..وبكييفك..
مبارك:ادري انه بكيفي.."ويبتسم لها وهي مطنشتنه ولا اتطالعه"..
اليازيه:عييل مبرووك...
مبارك:الله يبارك فيييج..يزووي..
اليازيه:............................... . . . والله ما فيني ارد علييك..
مبارك:سمحيلي ع اللي استوى..واللي بيستوي.."والله انه قطع قلبي عليييييه"..
اليازيه:ع اللي استوى واللي بيستوي؟؟!!!..انت شكلك اليوم شارب شي..ولا شيبت وخرفت..شبلاك اتخبص في الرمسه..شو اللي بيستوي؟؟
مبارك"بجديته المعروفه":تراني ما أمزح ويااج..واللي صار واللي بيصير..والله والله انه غصب عني..ولا انا مستحيل..مستحيل..
اليازيه:مستحييل شووو؟؟
مبارك:مااشي..
اليازيه"اتنش وشلت شنطتها":اقوول..انا اللي بستسمح منك ع اللي استوى..واللي بيستوي انشااالله..باااي..
قالت هالجمله ابكل غيض..وبكل عصبيه..وقفت بمبارك واعصااابها فووول..
"شكلك يا بوحمد نسيت انك حبيت اليازيه بنت سهيل..اللي شمووخها عدا شموخ اليبال..واللي كبريائها محد يوصله..واللي بتجفيك قبل ما انته تجفيها..واللي ما بتعطيك مجاااال تبين لك جانبها الثاني من شخصيتها"..
ترددت الكلمات افخااطر مبارك..وهو متضااايج حييل..اول لقااء لهم ..من بعد الفرااق الطويل..اول لقاء لهم..وكلن لام الثاني..وعاتب الثاني..وانتهى هاللقاء..بشي يمكن ايسمونه الوداع..
"شو تبيني اقوولج..انيه مستحيل اجفيج..مستحيل اودرج..انا بودرج وبجفيج مب من قلبي..والله عسب ذياب ربيعي ..توأم رووحي..ااااااااااااااااااه يهالدنيا..شفت منج العذاااب ..والله يعين من اليااي..اااااااااه ياليازيه..شوو تبيني اقولج..ان اللي بيصير غصب عني..ولا انا مستحييل اودرج واتركج..انا مبااارك اللي أسرتيه ..اللي عذبتيه..اللي خليتيه هااايم بهواج..اللي يحبج كبر هالكون..كثر هالرمال..حب ما ظني حد يروم يحبج شرات حبي لج..وانتي الإنسانه الوحيده افعالم الكبير..والواسع..اللي بتدخل السعاده في قلب روحي وقلبي..ذياب..انتي الوحيده اللي ينسى همه وحزنه من يشوفج..وانتي الوحيده اللي حبها ذياب..وانتي ولا غيرج حد ثاني..بتاخذ ذياب.."؟؟؟!!!؟؟؟!!
نش من مكانه..في الوقت اللي ظهروا قوم بو حميد من حيرة الدكتور..


. . . . . .

انته كل الناس تكتبلك قصيد ... تخطف الانظار وتسحر بالسلام
مالكٍ قلبي وماغيرك بديــــل ... ذاب قلبي فيك ياحـــــسن الختام

بيت بو سلطان..
بعد صلاة العشا..
الحوي..

ع طرف حوي بيت بو سلطان..وفي المكان اللي في النافورة العوده..واللي فيه الورود والزرع الخضر ايحيط بأطراف ذييج الحديقه الصغيره اللي مجابل الخيمه وموقد النار..وع الكرسي البني..سلامه وسلطان يالسين ايسولفون..
سلطان:بلاااج اليوم جيييه؟؟
سلامه"زاغت":بسم الله بلاني..
سلطان:اشوووفج محلوه.."ويطالعها بتمعن"..
سلامه:الله يهداك..من يومي حلوووه..بنت عبدالله بن راشد الــ......ي..شو تتوقع يعني؟؟
سلطان:يييييييييها..قامت اتخق لنا اللحينه..
سلامه:من حقي..تدري لييش؟؟
سلطان"بكل حنان":ليش غناتي؟؟
سلامه:حرم الشيخ سلطان بن سهيل بنر اشد الــ.......ي..
سلطان:تدرين سلاموه انيه احبج..
سلامه:هيه ادري..وواثقه من حبك..
سلطان:انزين شاللي يأكدلج؟؟
سلامه:عيوونك..
سلطان:شو بلاها اعيوني..
سلامه:ههههههههههههههههههههه..اتزيغني واااايد..
سلطان"يصد عنها":جرحتيني..
سلامه:انجرح عاادي عندي..
سلطان:افا والله اهون عليييييييييج..
سلامه:هيه اتهووون..
سلطان:مشكوورة..
سلامه:حيااك احن في الخدمه..ههههههههههههههه..سلطووني فديتك حلوو شكلك وانته محرج..
سلطان:لااا حلفي انتي بس..>>>عصب اكثر..
سلامه:والله الغالي ما جذب علييك..
سلطان:اوكيك..
ويودها من خشمها وتم ميود علييه ابقووو..وهي بتموت من الصراااخ..
سلامه:سلطااااااااااااااااان دخييييييييييييييل واااالديك فج عن خشميه..أااااااااي والله عورتني.
سلطان:ههههههههههههههههههههههه..شكلج حلوو وانتي تصارخيين..
ومن فجها حمرت عيونها دمعت..
سلامه:الغلط مني اللي انا يالسه وياك يالسبال يالدب..
وتنش من مكانها..جان يودها سلطان ييلسها غصب..
سلامه:مااااااا رييييد ايلس عندك..انته تأذيني..
سلطان:انزين خلاص برااضيج..
سلامه:...................>>>مؤدبه مااشاالله عليها..
سلطان:شكلج حلوووو وانتي محرجه..
سلامه"تضربه ع كتفه":ماااالت علييك يالسبال..اللحينه اونك بتراضيني اتم تتمصخر علي..
سلطان:يااااااااالله علني فداااج عورتيني..
سلامه:جذااب واكبر جذاااب اصلن انا ضربتك بخفيف..
سلطان:فديييييتج بعدج زعلانه..
سلامه:هيه بعدنيه زعلاااانه..
ايبوسها سلطان ع خدها ابدون ما تحس..من باسها طالعته وهي فااجه اعيونها..تلومت وااااااحلييلها..
سلطان:هههههههههههه..واللحينه رضيتي..
سلامه"أتنش من مكانها":مااااااااالت عليييييك يالسبال..ما اتعب عمرك يوم ترااضي..
صوت مهره من بعيد..:سلطااااااااااااااااان..سلاااااااااااااااااا ااااااامه..
سلامه تيلس مكانها:سلطوون لا تتنطق بكلمه من اللي صار قبل اشوي ادريبك مفضوووح..
سلطان ايعاندها:مهروووه احن هنيه تعالي بخبرج باللي استوى..
اتييهم مهره وهي معصبه..عاد هااذي نادرن ما اتعصب واذا عصبت الله يعييين..
مهره"بصوت عاالي اتزاعج ع رووسهم":زييييييييين جييه يالسبلان..اول شي يااالسه ارووحي..وملاانه..والصبح ما سرت السوق ويا ظبيوه عسب الصداع اللي ياني..وانتوا ميلسين ارواحكم ولا حاطين اي اعتبار لغيركم..وانا الضيحه حلت افقلبي وحرقته..وانتوا مستانسين ومكيفين..
سلامه:امبييييييييييييه ثرج محرجه وميوده علينا..
سلطان:ما تعرفينها هااي اذا عصبت تقلب الدنيا..
مهره:سلطوون عسب امايه مسافره ويزوي محد بتقصر في حقي...والله انيه متضاااااااااااايجه..ولا حد حاااسس فيني ..كافي ان ماماتي مسافره..
نش سلطان من مكانه..وحظنها..وتم يهديها..
سلطان:يلا سيرن اتزهبن وبنخطف ع ظبيه وبنسير العين نتحوط..اوكيك..
سلامه:يلا مهرووه..
وسارن وتزهبن.وبعد فتره بسيطه من خلصوا خطفوا ع ظبيه وسارت وياهم..العين..ومناك اتحواطوا واتعشوا في مطعم..


. . . . . . . .


~*¤®§(*§لابان برهان الغلا من يساويك نجمك طلع ونجوم غيرك تهاوت.*~ˆ°©°ˆ~*.ولوشفت أحد مثلي يعزك ويغليك أصرخ وقل أن الأصابع تساوت§*)§®¤*~ˆ°

بيت بو ناصر..
حجرة الهنوف..
الساعه10ونص..

كانت الهنوف توها ماحذه شور..ومن بعد ما تلبست وتكشخت نزلت تحت ولاقت امها وابوها يلست وياهم وتقهوت وسولفت..لين ما يأ حمدان اخوها..
بو ناصر:هاه حمدان سمعنا انك مسوي مشكله..
حمدان"اشووو؟؟ابويه الله يهداك بس ون انا وين المشاكل..امممممممرة ما دل دربهن..
بوناصر:هيه والله ادريبك..بتخبرك انت لين متى بتم جييه..طالع اخوانك اللي اكبر عنك..كل واحد احسن ع ن الثاني..وانت مخلي راسي تحت بين هالعرب..
حمدان:محشوووم يا بوناصر..الله يهداك انا شو سويت..؟؟
ام ناصر:شو بلاك انته..اللي يسمع ان الولد امسوي امصيبه..راعي مخدرات ولا شاربله خمر..الا متضارب ويا شبابيه..
بوناصر:وانتي تعرفين ليش تضارب وياهم..
الهنوف:اهاااااا يعني في سالفه..
حمدان:جب انتي ماالج خص..
الهنوف:اووووويه قلبي طااح في بطني..يماايه حطيني افحظنج ترااه واايد خوفني..
حمدان:اقوولج سكتي انا ما قلت لج شي..
الهنوف:ليش شفتني انا الي قلت شي..بس بس يالراااسب..
حمدان:انا رااسب يالسبااال؟؟لو تدرينانا احسن منج..
الهنوف:هيه صدقتك الصرااحه؟؟
ناصر"ظاهر من قسمه:ببببببببس..بلاكم جيه متهادين واصواتكم شااله البقعه..حشموا بويه الميلس اهنيه..الهنوف يا ان سمعت حسج مرة ثانيه يا ويلج مني..وانت حمدان..مسدو الويه مضيع المذهب..
ام ناصر:خلاص يا جماعة الخير ما استوى شي..
قطع هالحوار صوت تيلفون البيت ..سار ناصر صوب التيلفون ورد..
ناصر:هلا العنود..بخير بي يسلمج ومن صوبج؟؟وينج اللحينه.."ويصد صوب باب الصاله االلي انفج.."بسم الله شو يابج؟؟
العنود:سبراااااااااااااااايز...السلاام عليكم..
الكل:وعلييج السلام..
الهنوف:جيه يايه بدون ما اتدقين الا وانتي عند الباب..
العنود:ههههههههه..اسوي حركاااات..
وسلمت على ابوها وناصر وحمدان..وخلاف سلمت ع امها والهنوف..ويلست..
ابوناصر:ووينه بطي..؟؟
العنود:اللحينه بيي..
ام ناصر:تعال خلووفي فدييتك تعااال..
خليفه:بييج بس وينه سوافي..
الكل:ههههههههههههههههههه..
ناصر:ولا يدلعه بعد..
الهنوف:ياالله علني هب بلاااك اللحينه بيي خالك يسترغد برع..
الكل:هههههههههههههههه..


. . . . . . .


~*¤®§(*§ (اسافر فيك باحساسي واضمك وسط قلب وعين .. واحط ايدك على قلبي وانسى عالمي وياك.. يهلي بك فوادي وينتشهي ليل الهوى ويزين.. واقول الله لا يحرمني لحظه وحده من دنياك) §*)§®¤*~ˆ°


شقة بو سلطان..
الصاله..
الساعه10ونص..
يزوي توها ظاهره من حيرتها..وتوها نااشه من الرقاد..كانت لابسه بيجامه وشعرها فاجتنه. ..من ظهرت شافت امها وراشد..سلمت عليهم ويلست..
ام سلطان:زين انج نشيتي..هاج هالبيزات"وتمد يدها صوب يزوي"..سيري الدكان اللي تحت وييبي من اغراض..
اليازيه"تاخذ البيزات":اللحينه..؟؟
ام سلطان:هيه..
اليازيه:يلا رشوود نش ويايه..
راشد:مافيني.. سيري ويا حد من الشبابيه..
ام سلطان:هيه من بعد لا تتلبسين سيري شقتهم اللي واعي منهم خليه ايسير ويااج..بس يا ويلج ان سرتي ارووحج..
اليازيه:خلاص خلاص..ما بسير ارووحي..
وسارت لحجرتها..ولبست لها تنورة جينز على بدي احمر..ولبس عباتها المسكرة وفيها تطريز بالأحمر..ولبست شيلتها..وجحلت اعيونها..وشلت شنطتها وحط البيزات ..وظهرت من شقتهم..وهي تدعي ربها ان مبارك راقد عسب ما اتسير وياه..
فجت الباب وانصدمت..شكلهم دووم امخلين باب شقتهم مفتوح..من حدرت شافت الصاله منعفسه فوق تحت..بليستشن وبطاطا وبيتزا وحششرة..سارت للمر..اول حجرة ..فجت الباب شافت عمها رااقد وحجرته كيييف مرتبه..تفدته..وبندت الباب بشوي شوي..عسب ما اتوعيه..يلا..الحجرة الثانيه..سعيد وحميد.ماااالت علييكم..طاعوا اشكالهم كيف رقوود..حميد فوق الشبريه..واطول منها..ههههههههه..وسعيد راقد تحت بدوون لحاف..حدرت الحيره ودورتلها على لحاف..ولحفته..والحيره ثلللج من برودتها..والأخ مب متلحف..طاااح قلبها يوم سمعت وااحد يرمسها..
.......:شو تسوين؟؟
صدت صوب صاحب الصووت وحالتها مب حااله..خايفه انه هاذا مبارك..لأنه صوته..بس ارتاحت يوم شاافت ذياب وراها..
اليازيه:ذيااب؟؟انا ييت ييت عسب....>>>ما تعرف شو اللي خلاها اتوقف عن الكلام..
ذياب:رمسي اليازيه شو فييج؟؟
اليازيه:بغيت حد منكم ايسير ويايه السوبر ماركت..بغيت لي اغرااض..
يظهر ذياب من الحيرة..واليازيه تمشي وراه..ويفج باب حيرته هو ومبارك اللي كانت مجابل حيرة سعيد وحميد..
يحدر ذياب الحيرة عكس اليازيه اللي واقفه عند الباب..واتشوف مبارك وهو رااقد ومتلحف وذياب اللي يمشط شعره المبلل بالماي جدام التواليت..
ذياب:ما قلتي شو تبين من السبر ماركت..
اليازيه:اغراض للمطبخ امايه طولي بعمرها وصتني اييبها..
ذياب:اوكيك ..
في كلامه في حركة يده وحتى يوم يصد صوبها شكل مبااارك بالضبط..والفرق بينهم بسيط..ان ذياب احلى شوي..لبس كندروته الكركميه..وتسفر بسفره بنيه وشل جاكيته الجلد اللي لونه بني..ولبس نعاله..وظهر من الحيرة..واليازيه تمشي وراه..من ظهروا من الشقه..
ذياب:ما ابغيج تمشين ورايه اوكيك؟؟
اليازيه:اوكيك..
ويبتسم لها ذياب وهي تردها باحلى..ما تعرف ليش اتحس انها مع هالإنسان طفله ..يمكن بسبة تعامله وياها..مشورا رباعه ..وذياب كان يسول ويا اليازيه..ايخبرها ان باجر اول امتحان لهم..وانه للحينه ما ذاكر..واليازيه مندمجه معااه..واتسولف ..وصلوا لسوبر ماركت..واليازيه ما تعرف شي فيه ابد..اول مرة تحدره..كانت تتخبر ذياب عن كل شي..وهو يساعدها بكل رحابة صدر..
ذياب:هاه يزوي شو بقالج؟؟
اليازيه:امممم..الازانيا...
ذااب ذياب من حلات منطوقها وحلاتها..وتفداها مية مليون مرة افخاطره..ومن خلصوا دفع ذياب الحساب وظهروا من السوبر ماركت..
طوول الوقت وهم ايسولفون ويضحكون..ع الراايح والرااد..ذياب يشبه مبارك حتى يوم يضحك ويسولف..ابتسمت اليازيه وهي اتفكر بهالفكره..وهم واقفين جدام محل الورود..
ذياب:ليش يابتنا اهنييه..
اليازيه:خاطري فورود..ابخلي حيرتيه ممزوورة ورود..
ذياب:اوكي شو من لون تبين؟؟
اليازيه:امممممم..وردي وابيض..
تم ذياب سااعه يتفاهم مع راعي المحل الغبي..مره ايقوله شي ورود ورديه ومرة يقوله مااشي..لين ما تدخلت اليازيه في الموضوع.
اليازيه:خلاص ذياب ما يحتاي ..
ذياب:صخي انتي ولا كلمه..
انصصصصصدمت اليازيه..بلااااه الريال..توه وش حلاته اللحينه انقلب..لا يكون هو الثاني مزااجي..
اليازيه:عنبوووه كلتني..
ووقفت بعيد عن المحل اشوي في الوقت اللي هي ماتشوف ذياب..فجت ثمها من شافت ذياب ياي صوبها..ملامح ذياب ما تبين من تبين من كثر الورود اللي يابنه..احمر وردي ابيض ..بنفسجي واصفر..واللون الأحمر غالب على كل الألوان..
حط الورود جريب اليازيه..وعدل سفرته ورد شلها مرة ثانيه..وقبل ما يشلها طالع اليازيه بنظرات ابد ما فهمت مغزاها..نظرات كلها غمووض ..؟؟!!
ومشوا لين العماره مناك ساعدهم حارس العمارة وشل عنهم الوورد والأكياس..وصلوا صوب الشقق..وقبل ما تحدر اليازيه شقتهم..زقرها ذياب..صدت صوبه..ومن صدت سار لين عندها..
ذياب:السمووحه منج يزوي يوم صارخت عليييج..مب قصدي.."ومد يده وعطاها ورده بيضا"..
اليازيه:......مسموووح..
وخذت الورده وحدرت الشقه..وشافتها فااضيه..سارت حيرة راشد الريال رد ورقد..وامها اكيد تتسبح..سارت لحيرتها ولبستلها كندورة..وظهرت للصاله..وفجت الأكياس وظهرت الأغراض..وتمت اترتبها..لين ما هزها صوت مبارك من وراها..صدت صوبه.
اليازيه:هاه شو تبى؟؟
مبارك:ييت اتفاهم ويااااج؟؟
.
.
.
.
انتهىىىىىىى البارت عند هالنقطه..
.
.
.
ظنـــــكم مبـــــارك شو بـــــــيقول لليـــــــازيه؟؟
هل بيـــــخبرها عن سالفـــــــــته ويــــا ذياب؟؟
ظنكم الهنوف شو نهايتــــها ويا سعيد؟؟وخاصــةً بعد ما عــرف سعيد حقيقتهــــــــا؟؟
ظنكم ذيــاب هل بيقول لليــازيه باللي في خاطره؟؟؟
ظنــكم اليازيه شو بتفهــم من هالوردة اليضا اللـــي مــن عنــد ذياب؟؟
.

الجــزء الرابــع والعشرين..

طاوعك قلبك تغيب وتهجر احبابك..
تنسا غلاهم وتتركهم وتنساهم..
حرام تترك خفوقي يشكي غيابك..
وانته بقلبي اعز الناس واغلاهم..
ناديت والصوت لا شكك ولا يابك..
يا سيدي يا عديل الرووح يا فاهم..
وانته بوجه اشتياقي تغلق ابوابك..
وانا اقرب الناس من قلبك واوفاهم..
نسيت حتا تقول وش فيك وش صابك..
يوم الألم عذب عروقي واشقاهم..
بديت ناسن على ناسك واصحابك..
واتعبت نفسك تدورهم وتلقاهم..
نامت عيونك ونام الليل بهدابـــــك..
واللي شكوا غيبتك ذا النوم ما ياهم..
زادوا على جرهم كم جرح باسبابـك..
وان اقبل الليل صوت الجرح صحاهم..
ارسلك عتاب قلبي واحسب احسابك..
وابياتي البيض دايم باسمك ابداهم..
يجبرني الشوق يجبرني على عتابك..
واتمنا تقرا ودادك قبل تقراهم..
دمت الخفوق اذا قابلك هلابك..
يا اطيب الناس في عيني واغلاهم..

اليازيه:عن شو تبى تتفاهم؟؟مفـــــــروض انا اللي اقولك اتفهمني السالفه..ونترك التفاهم..
مبارك:اممممم..السالفه!!؟؟..اي ســــالفه..؟؟
اليازيه:برووك عن الإستــــهبال..هب وقته..
مبارك:اوكيك..بطوفها لـــج..
اليازيه:طوفها شو اســـويلك يعني؟؟
مبارك:بـــــلااج محرجه..ترى ذياب اللي صارخ علييج مب انا..
اليازيه"اتصــــد صوبه":شوووو؟؟وشو دخل اذياب في السالفــــه..؟؟
مبارك:يوم ســـــرتي قبل شـــوي ويااه..وعند محــــل الورود..وصارخ علييج..
اليازيه:اها..ترى الريال ما كان قااصد..وفيه الخيـــر والله.. ياني واستسمح مني..
مبارك:طبعاً بطريقته الخاصه..وعطاج الوردة البيـــظا..
اليازيه:لحظه لحظه..وانت شـــو دراك بهاه كله..هــــو مخبرنك..؟؟
مبارك:لا فدييت قلبج مب مخبرني..أكيد كنتـــي ما تبيني اعـــرف...
اليازيه:مرة ثانيـــه لا تتفداني ..عيل اذاا ما خـــبرك اشقايل عرفت؟؟شو الأخ سااحر؟؟
مبارك:من عرفتج وانا ســـااحــــر..
اليازيه:هاهاهااا..نكيت ماشـــالله عليك..
مبارك:من عرفتج وانا سااحـــــر يتعذب من عذابه ساحر مسحور بجمالــج....دوم طيفـــه يلاحقج ولا صديتي لقيتيه..من عرفتج وانا شاعر يكـــتب اجرووحه على اوراقه..يكتب عن صدج الأولي والتالي..واللي ماله نهايــــــــة..من عــــرفتج وانــــا احاول ارضي غرورج من البــــــداية..من عـــــــــــرفتج وانتي لي مـــــــنية وغايه..اليازيه..
اليازيه:........................."واتطالع في الــــورده"..>>اتطنشه المقوي..
مبارك:قوليلي لـــــــيش سرتي ويا ذياب؟؟
اليازيه:شو افسر هالســــؤال..؟
مبارك:فسريه باللي تبينه..فضول..غيــــــرة..قهر..اللي تــــبينه..المهم جــوابه..
اليازيه:دامك تعرف انيه سرت ويااه..عيل اكيد تعرف السبـــب..بـــس ودك تســـــــمع شي ثاني مني..ع بالك بجذب عليك وبقهرك..لا "اخــــووي"*شدت على هـــالكملة*..سرت ويـــااه لأنيه ابغي اغراض من السوبرمــــاركت..الوالده اموصــــية فيهن..سرت شقتـــكم..والوحيـــد اللي كان واعـــي هو"ذياب"..
وخـــــوانيه حــــــميد وسـعـيد كلهم ارقـــــوود..وما فينـــي اوعيــــهم لأني ما بروملهم..فسار ويـــايه..مبـــــارك..ادري انك تعـــرف هالسالفه كلـــها..وادري انك كنت اتراقبنا من البلكونه..وأدري انــك كـــنت اتطالعنا من ورا باب شــــقتكم..تراني شفتك..سبحان الله حتــى انا من عرفـــتك وانا شاعره..تتعذب من عذابك..دووم طيفها يلاحقك ويكون وياك وين ما اترووح..مــن عـــرفتك وانا عزيزة وشامـــخه ما ترضى بالمذلــــــه..هالشي اكييد تعرفه يا بوحمد...وانته اكثر النـــاس اللي تفهمني..
تحركت من مكانــــــــــها وشلت الورده..وشمتها..وتنطقت بكلمات اخيره قبل لا"توادع"مبارك..
اليازيه:مبـــــــــــارك..ترى ذيــــاب ولد عموتي شراتك بالضبط..ومعزتك شرات معزته..أوكيــــك؟؟
صدت بنظرة أخيـــرة للورده..وسارت لحيـــــــرتها..مخليه مبارك..وحيد..حيران..
تاااائـــــــه فـــي مـتاهه ودوامـه كبــيره مـن افكـــاره..
هاذا اللي يبيه مبارك..يبا الــــيازيه تـــبدا فـــي جفااه..يبا اليازيه تبدا العتاب ..وتبدا الفراق..كان بالعمد ايراقبها عشـــان ايــــثير غضبــهــا..كــان بالـعمد يستفزها..ويجرحــــها..كان بالعـــمد يظهـــــر جانــبه البــارد مـن شخصيتـه جدامــــها..وفي نفـــس الوقـــت يظهـــر جانـــبه العاطـفي..عـــــسب يــــمزجهم ويخـــليها تحتار..لين ما تـــــمل مـــنه ومن تصـــرفاته..و"""تــتـــركـــه.."""ومعنــــى هالكلـــمة إنهم يتفـــارقون...........!!!!!!؟؟!!!..
كان بالعمد ايقـــارن نفسه بذيـــاب..يباها دوووم اتـــــحط اذياب في الصورة..اتحط ذياب في بالها..يباها اتفكر ليش مبارك يطري ذيــــــــاب دووم جدامها..
هالشي ما يـخطف عــلى مبـــارك طــبيعي وسهــل..كل كلـــمه يتنـــطق ابها..كل ما زاد المه وعذابه..كل ما يطـــري ذيـــاب للــــــيازيه..كـــل مـــا زاادت جـــرووحه..
ما تتوقــعون اشكثر اليــازيه جرحت خــــفوق مـــبارك بأن هو وذياب نفس الشي..بس سرعان ما مسح هالـــفكره من باله..ورســـــم ابتسامه خفيفه مصطنعه ع ويهه وقال بـــــصــوت مسمـــــوع..ايـــرمـــس رووحــــه..
.
.
.
.
.
.
.
.
.*~ˆ°©°ˆ~*أحلــف بربي الغالي اللي في سماه..ان فــــي يوم بيي..بتكوون غـــلات اذياب في قلــــــــــبج عدت غــــلاتي يـــــــا غـــــــناتي.*~ˆ°©°ˆ~*
.
.
..
.
.
.
مــرر اصـابـع يـده بـحـركــه خفيفــــه بين شعره الناعم..وحــط يــداته فــي مــخــباه ..ومــشى..وظـــهر مــن الشـــقه..وقـــلبه معـــلق فيــها..


. . . . . .


ياحبـــيب الروح وين انته وانا ... ليتني اشوف شخصك كل يوم
لو تحول اصعب ظروفي ضدنا ... مايحول الشوق عنك والحلوم

بيت بو ناصر..
الساعه 7ونص الصــبح..

يوم وكالعاده مثل باقــي الأيــام..شرقت الشمس ..تعلن بدايــة هاليوم اليديد..مــن الصبح..كانت الهنــوف تتجلب ع فراشها..تبغي الرقــاد..بس هو ما يبغيها..نشت وبكــــــسل..لبست شبشبها المليان فروو ولونه بنفسجي..ع لون بيجامتها..ومشت ابهونها صوب الستاره الحمــرا ..فجتـــها..وغمضت اعيونها بـــقووو..اشعة الشمس وصلت لها..ومن بـــعد هالظلام اللي كان طــاغي على حيرتها..اتحولـــت الحيرة كلها نوور..
خذتلها شـــور فـــي غضــــون ربـع ســاعــة..لبستلها تنورة بيــج..ع قميص بنــي..سوتلها روج بني مع بودرة خفيــفه..لفــت شعرها ويا قذلتها كلهم فوق..ونزلت خصلتين ع ويهـــهـــا..
ناظرت نفسها في المنظرة...اتشيك ع شكــلها النهــائــي..على قد هدووء الهنــوف ورزانتها..ع قــد جمالها الحلوو والطفوولي..وستايلها المعــروف انه هــادي وبسيـــط..وذوقــه اللي الكــل ياخــذه ابعــين الإعتــبار..
طالعت الحيرة بطرف اعيونــها وقالــت ابصوت مســموع ..
",,,"بالله عليكــــم هــاي حيـــرة..هاي ازباااله بمعنى هالكلمـــه.."،،،"*_*
سارت صــوب الشبريــة وعدلــتها..وويهـــت صوب طاولــة الكـــمبيوتر شلت الأوراق اللي عليها وعدلـــت المناظر..وعدلت مخدات الغنفه..وشلت الأجيــاس اللي عقتهن ع الأرض أمس يوم ســـــارت الســوق..وبجيه انته الهنــوف من تعديل حيرتها..اللي كان كل شــي فيها باللـــون الأحمـــر..
ظهرت من الحيــرة وهي متفاااائله..ولا تعــرف شو سبب هالتفـــائل..يمكن لأنــها رقدت وحلمــت اسعيــد يرمسها..تراه غــاسل مخها مــــن زمان..نزلت مـــن ع الــدري بخطواتها البطيئــه..ومن نزلت شافت بشكارتهم هواتــي..زقــرتها..وقالت لها اتسويلها نــــسكاافيه..
ظهـــرت مــن البــــيت..ويلست في الحوي ع الكراسي اللي كانت افصوب..و ورود الجوري افكل مكـــان..من مختلـــف الأنوااع..وتمت تدعي لليازيه لأنها هي من زرعتها لهم..هــــالمــــكان اللي فــي الحوي يذكرها بالضبط حوي قوم خالها سهيل..تراها نفس الشي ..اليازيه زراعتــــــنهن اهناك واهنيه..
أستــرخت ع الكرســي..وغمضت اعيونها وتمت تبحر في بحر ذكريــاتها..اللي كان سعيد هو اساس فكرها..امممممم..تتخيله ..يالس حـــــذالــهـا اللـــــحينه ويرمسها..يشكيلها اهموم قلبه..يشكيلها افــراق الميث..اللي قــلب حالته..وغيّر شخصيــته..وتحول اسعيــد الأولانـــي لسعيد من يشــوفه ايقول مب هاذا سعــيد..
كانت تتذكـــر يوم كــانت اتسييير دوووم بيت خــالها..وودها وغايتها بس تشبع عينها بشــوفة حبيب الروح(سعيد)..كــانت تتذكــر كيف كــانت الظل ..لــ سعيد..وين مــا يروح..الهنــوف ويااه..ظهر برع الهــــنوف ويااه..تمشــي وراه..من كان عمرها 13 سنه..دوومـــها وياااه..كــانت تتجاهل اللي تسمعه..تتجــاهل العبــارات اللي ينطـــــري فيها اســـم ميــثا..تتجـــاهلها..وتقنع نفـــسها ان سعيد أخـــوها..فــــقط لا غير..او ان الحظ ما بيحالف لا سعيد ولا ميــثا..وبيتفاارقون..لأنها رمســة شواب ..وخرابيطــهم..
كملت الهنوف 15 سنه..وهي ع حــالها..أخت سعــيد..ما تغير شي..الا انها ما صارت تيلس وياه شــرات قبل..بينهم ســلام وســوالف بسيطه وعــادية..وع شوية مصخره وضحـــك..هالشي كان يفرحـــها واايد واايد..لأنها اتحس بعمــرها قريبــه واايد من سعيــد..!!
وعلــى صوت العصافير..وهي اتــغرد في هالصبــاح..ردت الهنــوف بذاكرتــها لورى..الفترة اللي كان عمرها 15 سنــه..الكــل متيمع افبيت بو سلطان.. أيام ما كان بيتهم فالعين ..اليوم اللي تأكدت ان سعيد حبيبها مب أخوها..
يوم العيد الكبير..اللي كان قبل عرس موزاي بأسبووع..الكل مستانس..والكل مرتبش..كانت سهره صباحيه..للشباب والبنات..اما الشــــواب فـــرقــدوا عـ الســـاعه هنـــــتين..
الســاعه ست ونص..الشبــاب بالدرايات جدام الباب من صباااح الله خير..ياالله بالستر..والبنات اللي منهن يوايقن من الباب..واللي رقت السطح عسب اتشوف..واللي في المطبخ..واللي ميلسه في الحـــوي..
موزة والعنود ونورة..ايام ما كــانـــن بنوتــات..يالسات ع العشــب في الحـــوي..مهروه راقده في الصاله وياه مييرة..ظبيه ويزووي والهنوف وميـــثا يوايقــــن من الباب العود..
وكل وحده اتدز الثانيه وتكفخها عسب ايشوفن الشباب اللي كانوا جدام الباب بدراياتهم يقحصون ويلعبون..
اليازيه:ظبيوووه ويه العنز..ظهري ظهري بعدج عسب احميد ايشوفج ويلعن خييرج..
ظبيه:اويييييييي..صح كلامج"وترد ع ورا"..يا ويلي من حميد فديته..ما يبااني اظـــــهر بــــرع..
ميثا:طالعـــوا طـــالعوا اســـعيد انتوا بس..اســـميــــييه شيــــخهم..
اليازيه:ييييها ياتنا هاي اللــــحينه برمــــــستها..ما جنــــها الا بقـــــره ..سكــــــتي سكتي...عنـــلاااتهم..ليــتني شراتـهم..
ظبيه:مسكيــــنه ثـرج..يالعــننننز..
اليازيه:شووو؟؟اللحينه انا عنز..يا عنــز..
ظبيه:لا تييس..
الهنوف وظبيه:هههههههههههههه..
الهنوف:يززووي..لقطي وييييهج ..خخخخخخ..
اليازيه"اتصـــاارخ علييهن":اشووو..؟؟؟اللحــينه انتن ترمـــــــسن عنـــي جيه..لا دخيلكن عاده ما شفتن عمــــــــاركن..وحده ما جنها الا عيوز خبله..والثانيه عافانا الله..عيوز مخـــرفه..سكـــتن خل انطـــالع لـــعلكن العدم..
واتفج البـــــاب شوييييي اشويييييي..عسب ما يــــشوفونهن..الا ومبــــارك يــبركن جدام ويــــه الـــيازيه..أنصـــدمــت اليـــازيه مــن شـافـتـه..
اليازيه:ويدي..انت شــو ياااابك اهنــيييه؟؟
مبارك:سألي عمرج هالـــسؤال يالخريش..حـــدرن البيت يلا..
اليازيه:مااااااا بحــدر..ابغــي اشوف خوانــيه..
مبارك:محـد هــم ســـااروا..
اليازيه:كركركركركر..وخــلووك ارووحـــك اهـــنيه..كركركركركركر..
مبارك:جـــب يالنــااااااقه..
اليازيه:انــا نــااقه يالبـــعييييييييييير..
مبارك"يبتســـم ويغايضها":طااااع ويهج...ياا عنــــز الحااااره..
اليازيه:لا عــــاده مــن زيـنك..برووكــ ســراااق تواااايـــر..
مبارك:أحســن عنــج وتـــاج راســـج وشـــيييخج..
اليازيه:اششـــووو؟؟بتبطي الســـاااع..
مبارك:انجلعــــــي دااخـــــل يــلا..
اليازيه:انزيــــن مـحـد فالشـــارع..خلــونا نــتنفس اشوي..
مبارك:شـــــدعوه..ماشــــــــي هوا دااخل..
اليازيه:لا خلصـــناااه..هههههههههههههه..
الكل:هههههههههههههههه..
مبارك:ههههه..صج انــــج خريييش ..يــلا بااخذج ع قد عقلج..
اليازيه:كيف يعني؟؟
مبارك:تدرين يزووي..انا اللحينه بســـير ..بلحق الشبــابيه..وانت ظهرن برع عسب ايي راعي الشاص..هاك الهندي اللي يخطف الــــبنات..اوكــــي؟؟
ظبيه:امبييييييي..انا ابغي اعيش الصـــرااحه بدخل...يلا ميثوه.يلا هــــنايف..
ميثا:يزووي خل نحدر..تراه ما يجـــــذب..امســـات مــخبرني عنــه عبيــد..
الهنوف:هيييه..حتــــــى ذيــــاب خــووويه قالي عنه..
اليازيه:يجذبوون..انـــتوا ما تـعـرفون ذيـــاب ومبارك كثـــــري..هاذيل اكبر حرامــــــيه ونصابييين..
مبارك:اوكييــــــــك كيييييييفج..ظبيـــه حــــدري انتــي ختيه وما ابغيـــلج الأذية..
شوي وذياب يظهـــرلهن..
ذياب:ماااااااااااااااااشــــــــااااالله..متفــــي رزات اهنـــيه..شعندكـــن..؟؟
الهنوف:أمبيييه كــملت السـاالفه..قفينا قفينا بهم..
ذياب:يلا يلا حــدرن..
اليازيه:مب ع كــــييفك ذبااح اتـــيووس..<<هاذا لقب ذيااب..
ذياب:سكتي سكتي عننننز الحـــاااره..
اليازيه:ما بسكت شو بتســـــوي..؟؟
مبارك"يصاارخ عليها ابصوت ":يـــلااااااااا دااااااااااخل..
شردن على طول..لأنه من مبارك ولا ذيــــاب ايصارخ عليهن..جنه حد حكم عليهن بالمـــوووت..
وقفن عند مـــــوزة والعنود..
العنود:ادواااااااكن..محــــد قالكن تظهرن..
موزة:حمدن ربكن سلمتــــن من ذيـــاب ولا عادي عند بوسهيل يمردغكن بالعصا كلكن..
اليازيه:شووو ؟؟بالله علييج احن شــــو سوينا..ولا هااذيل اكبر مقصه..غبياااااات وخواااااافاااااااات..محد سلامــــــوه فديتها...ولا منيرة لا خليت منها..الا صج وين ســـارن..؟؟؟
نورة:اوووووووووه..ايســــلمن عــــليييكن ..في ســـاااااااابع نووووومه..
اليازيه:مااالت عليييهن مخوتهن مخـــــــــــوة بـــــــــوش..
الهنوف:اااااااااه..ابغي ارقد..حياااااااكـــــم..
اليازيه:لا والله محد منكن ترقــــد الا بعد ما أدب هالسبلاااان..
ميثا:شو بتسوين يعـــني؟؟
اليازيه:بأدبهم وماا عــــلييج..
ظبيه:دخيييييييييلج ..فكـــــينا من افكارج..بتوديــنا فـي مشاكــل..
اليازيه:اي مشاكـــل الله يهـــداج بــس..اكشــن ومــغامرات..
موزة:هههههههههه..ظبيوه خفـــتي منها؟؟
ظبيه:الااا بمووت من الـــــخوف..
بعد ما اقنعتهن يزووي..سارن وطرشن البشكــــاره اتســــير بيـــت بو حميد للــــي كان عدال بيت بوسلطان..واتييــــب بلونات من حيرة هــــــدووفي..اشلن البونات ومزرنها مااي..ويابن لهن اجيـــاااس وحطــــن الـــــــــبلونــات فييها..وكل وحد ميوده ثنينه او ثلاث اجياس..وتوزعن في الحــــوي كله..العنــــود وموزة ونورة اتـــــبرن منهن..وسارن داخل عسب يرقدن...اما شلة يزووي ما غيرن راايهن..مخبببــــــــــــــــــل بالقووو..
ع الساعه 7ونص..اكتفوا الشبــــــابيه من اللعب بالدرايـــــــــات..بركنـــوا دراياتهم في بيت بو حميد..ويوا وهم مــــيهوودين..كل واحـــــد منـــهم ياالله يااالله بالغصب يفج عيوناته..مبارك وذيـــــاب وعبـــــيد وسعــيد وسيف..كــــانوا بيرقدون في بيت بو سلطان..اما ناصر وسلــــطان ومنصـــــور افبـــيت بو حميد..راشد وحمدان بعدهــــــــــم صغااااااار.."بيبــــــــي"..
من حدروا البيت..ياااهم هجــــــوووم قـــوووي من شـــلة البنااات..بس كالعاده الشباب اذكى وافطن من البنـــــــات..
ربعوا بسرعه ورا كل وحده وشلوا اجياس البلونات منهن..وانقلبت الســـــــــــالفه علييهن..تخيسن البنات من فوووق لين تحت مااااااي..
لين ما انتهت اللعبه..والكل يلــــس ايــــريح..والـــيازيه تتوعد لهم وتتحلف..الا وترد الحركه لهم..
بعد فتره ..وبعد ما غيرن البنــــــات مـــــلابســـــــــهن..واســــتعدن للرقاد..كانت الساعه8..
وكانن يبن يرقدن ابسرعه..لأن الشواب بينشون في أي لحظه..ومحد بتسلم من لســـــــــان اليده شيخه..."لا يكووون نسيتوووها"..
الهنوف وظبيه واليازيه فــــــي حيرة يزووي..نورة ومــــوزة والعـــنود في حيرة موزة..مهـــرووه وميـــرة في حيــــرة مـــهرووه..ســــلامه ومنيرة وميثا كانن راقدات في حيرة عدال حيـــرة يزوووي..
نشت الهنوف من فراشــــها..تبغي تشربلها مااي..لأنها حست بعطش من بعد هاك الربيع والضحك والصـــقيع..نــــزلت تــــــحت..وســـارت المــــطبخ..سمعت صوت حد يرمس..اتقرب بكل هدووء..جان اتشوووف سعيد ومييثا..وكان سعــــيد يحلف لميثا انه مستحييييييل ينسااها..ومستحييييييل يتركها لغيره..
اهنيه فجت عيوناته الهـــــــــــــنوف من بعد هالذكريات الحلوة والمؤلمه..ع صوت البشكاره وهي اتـــــــــــمد كوب النسكافيه للهنوف..
شلت الكــوب..
الهنوف:ثاانكيوو هواااتي..
هواتي:ويلكم..
الهنوف:حمدان نش ولا بعده..
هواتي:همدان داخل مطبــخ..
ابتــسمــت الهنوف وهي اتشوفــ حمدان يـــــاي صوووبها..
حمدان:ســلاااام ..
الهنوف:وعليـــك السلااام..
حمدان:شالحــال..
الهنوف:ايسرك..ومن صوبــك..؟؟
حمدان:مــان شكي باااس..بلاج ناااشه من وقت..تــانسين شي؟؟
الهنوف:لا والله..بــس جيــه..شو الشيخ سيف للحينه ما عطن من الشمــال..>>>تقصد مــا رد..
حمدان:لا الأخ يتحوط ويــا الشبابيه..وين تبينـــه ايعطن وهو من مكان لي مكان..
الهنوف:ويــا ويهه..أربــع أيــام مـــا شفنــاه..ســاد افراق ذيــأب علنــي فدا قلبــــه..

. . . . . . .


وانـــت ميعادي وسهدي والعنا .. وانت تعذيبي وصبري والجلد
وانـت راحاتي وروحي والضنا .. وانــــت الاول مابها قبل وبعد
بيت بو منصور..
الساعه11ونص..
حيرة ظبيه..

نشــت ظبيه من شبريـــتها .. وسارت صــوب الثلاجه..وشلــت الماي وشربـــت..ردت ووطت راســـــها عسب ترقـــد..ومن اتلحفـــت الا وينفج البــاب..
حدرت مهــوي ختها..وتمشي بشوي شــوي..عسب ما تحس ابـــها ظبيووه..فجت الثلاجـــة..وخذت لها كااااافيااات وااااااايد..أشكــال وانــواع..وظبيــوه اتسوي عمرها ما أتشــوفها..ومن وقفت عند الباب عسب تظهـــر وقفــــتها ظبيووووه.. بصــوتها.......!!؟؟!!؟؟!
ظبيه:وين تبين يالســـــرااااااقه..؟؟!!
مها من سمعت حس ظبيه..عطت ششششششرده من الحيره..ومــن زوود خوفها..الحلويات اللي وياها..معظمهن طااحن في الصـــــاله..
نشت ظبيــه من شبريـــها وربعت ورى مهــا صوب حيرتها..اللي كانت امجااابــل حيرة ظبيوه..
ظبيه"وهي بعدها بالبيجامــه":مهووووووي ويه العنز فجي يلا..
مها:بـــن عرووووه..
ظبيه:يعل ولــــده ايعرســــبج..يلا فجييييي..
مها:مااا بفج..سيري رقدي..امبونج راقد ع ويه الفير..يا ســــــاااحــــرة الليل..سيـــري سيري طولــي بعمرج وريحي..
ظبيه:عنــــــلااااااات صدااج يالمقوي..وشو دراااج اني ما رقدت الا ع ويه الفير..أكييييييييد كنتي سهراننننه..أعـــرفج ويــا حركــاتج القرعـــة..
دووواااج عند مامتي يالمقـــوي..
مها:هاهاهايي..اللحينه شو تبيــن..خلصيني ورايـــه شغل..؟؟>>>>>عاااشوا..
ظبيه:احللللللىىىى..اتروغوني يا مسودة الويــه..؟؟وانا بعدنــي ما حدرت..
مها:محد طلب منــج اتييني حيرتيه..بالله عليج من متى انــا اي حــــيرتج..قوليلي؟؟!!
ظبيه:أقوووول فجــي البـــاب...لا تخليــــني أعصب..واتصرف تصــرف ثانــي..
مها:كركركركر..ليش انتي للحــنه ما عصبتي؟؟انشالله متى بتعصبيــن؟؟
ظبيه"اتزاااعج بأعلى صووووت":فجـــــــــــــــــــــــــــــــــــ ـي الباااااااااااااب يا مضيعة المذهب يالسراقــه ياللي مــا تستحييين..انـتي محد دااس ع خشمج ولا جنج مصطلــــــبه..
مها"ببرود أعصـــــاب":لا دخيــلج عاده..انتي المصطلبــه..خلهم ايدوسون ع خشمج اخلاااف اييون عنديــه..
ظبيه:شو يعني ما بتفتحيــن..؟؟
مها:قلت لج هب فااظيــه..شو الأخت صمخــا وما تسمعــين؟؟
ظبيه:دوااج عند منصــــور..خله ايأدبج يا مسودة الويــه..
مها:اقــــوول سيــري سيــري..شكلج فااظيــه وما عندج شغل..ترى هب الكل فااظــي شرااتج..
ظبيه:محــد غيري بيأدبج يالمبزاايـــه..بس صبري علــيّ...
مها:ضيــعت وقتيه ويا وحــده سخيييفـــه..ياخـــــي فااارجي وفجينا من حشرتج هاللي ما تــــــخلص مـــووول..
ظبيه:مـــااعليييــــه يــــا مضيــعة المذهب..
مها:كــل مرة ياايــتنا بمنكــــر يديـــد..اول شـــــي ســراقه وبعدين مســودة الويه..وخلاف مضيـعـة المذهب..محااولاتــج هاي كلــها ما تنفــع وياايه..حلاااوة ومــا برده..وبــــــــاب ما بفجــه..شــــــو بتســــــوييين يعنـــي..؟؟
ظبيه:الرمســه مووول ما نفع ويــاج يالمبزايــه..رمستيــه ويا بووويه وامايه هم اللي مدلعــيـنج..
مها:انزيــن انزيـــن عاده فااارجــي يلا..افففـــــف..مليييــ ت منج ومن رمســــتج المنعــاده..يوووزي عنــي..
ظبيه:بيووز عنــج عقب ما تتأدبيـــن..آخــر مرة أقووولج فجي البااااب..
مها:حشى ما ينرزا عليييـــنا..طوووول نهــارج وانتي فجي البــاب وفجي البااااب..عسب حلاااوة..قلت لــج ألـــف مـــررررة..البــــاب ما بفجــــه..شو مـــا تفهميـــــن؟؟؟
ظبيه:اوكيــــــك يـالمقــوي..والله لضــــربج ضرب ما صـــار ولا استـــوى...بااااي..
مها:الله يحفظج ختيــــه..وقربي عندنا ولاتقطعيـــن..
ساارت ظبيــه من حيرة مهــا وهي معصبـــه ع الأخيييييير..صج انهــا مدلعه..ولســانها ماشـــي أطــــــول عنــه..وفوق هاذا بدت الأخــــت تسرق بعد..يعني لـــو قالت عطــــوني..محد بيـــردها..
حدرت حيــــرتها وخذتلـــــها شوور..وتكشخـــت ونزلت تحت..امها وبــوها اللي كانوا يالسيـــن..سلمت عليييهـــم..ويلست عــدال بووها>>تراها دلووعـــته..
بو منصور: حي من يانا يسير .. لا بطويل ولا بقصير ..
ظبيه:الله يحيـــك يا بوويه ويطـــولي بعمــــرك..ياااااالله علني فدااا ذا الويـــه..تو مــــــا نور البيت..
ام منصور:لا خلااانــي الرب منـــج...الا شكــلج متضاايــجه..شو اللــــي استوى؟؟
ظبيه:ييييها ذكرتــني يا بووويييــــه..أمااايه..ترأأني أحلــف اللحينه..ان ما يـــازت مهووي عنيــه..والله لأدبــها..
ام منصور:وااعثرتيــه..خل عنج يــــلا..مهوي بعدهــا يااهــل..وما تعـــرف شو تســـوي و شو تقــــول..؟؟
ظبيه:وين ياهل وهي اشوي بتتتاكلني من رلسااانها..دخييلكم عاده ان ما يودتوها عنيه..والله لضربها ضرب ما صار ولا تسوى..سووود الويه..
ام منصور:جيـــه شـــو مسوتلج المسيجيـــــنه؟؟
ظبيه:مسيجينــه؟؟الا سجيييينه هي وراســـها..
ابو منصور:هههههههههههه..انزين شـــو سوتلج..انا بأدبــها ما علييييج؟؟
ظبيه:ياااتني الحيــرة..ويـــالسه تســرق..
أم منصور:شو تســــرق؟؟
ظبيه:حــلاوة من الثلاجه؟؟
ام منصور وابو منصور:ههههههههههههههههههههههههه..
ظبيه:بلاكـــم تضحكوووون؟؟ظنتيه ما قلت شي يضحــــك..
ام منصور:حرااام عليـــج يا ظبيــوه..ظلمتـــي البنيــه..
ابو منصور:البنيه مــا سوت الا اللي قــاله خووهــا..
ظبيه:اشـــو؟؟ماا عليييه يا صرصوووور..مسود الويــه..
ام منصور:حراام عليج شو دخــل منصــور في السالفــه..افدييت روحــه..
ابو منصور:كله مــن بو حمــد..هو الي داق قبــل اشوي..ومرمس مهــوي..وقايللها نرفــــــــزي بظبيــه..
ظبيه:الا يالنــذل..مــــااا عليييه يــا مسود الويـــه..
ابو منصور:وانتــي بلاااج كل ما طريـــتي حد ع لســـانج..قلتيله مسود الويــــه..
ظبيه:هههههههه..مــاااااادري شاللــــــي حــل عليـــه..؟؟
جان اتيي مها وتيلس ورى أمهــأ عسب محد يرمســـها..
ظبيه:جييه يا سودا الويــه..تسمعيــن رمسة بروووك سراق توايــــر..
مها:مــــالج خص ..
ظبيه:بس تدريــن محد هو اللحينه..ولا جــان لعــن خيرج من طولــة اللسان هاااي..كله من الشــواب امدلعينج ع الأحيــــر..
أبو منصور:هيه عاده..تراها هاي الصغيــرووونه..
مها..تبتسم وتظهر لســانها من ثمها..وترفع حياتها فــوق وتنـــزلن تحــت..>>اتغايـــض ظبيــــوووه...
ام منصور:ولا انتــي جريــب بتعرسيـــن وبتودرين هالبيـــت ابكبـــره..
ظبيه:الله لا قـــاله..بسسم الله من هالفـــاال..
ونشــت من مكــانها وبوها وأمهــأ يضحكـــــون على مستــحاهــا..واللي زاااد الطيييين بله..
مها:هههههههههههههه..أتخيــل ظبيوووه عروووس..هههههههههه..الله يعنيه..امه داعية عليـــه..
ابو منصور وام منصور:ههههههههههههههههههههههه..
ظبيه:بس صخـــي انتــي..يعلــج العــرس بريـــل أحـــــوووول..
مها"اتقلد ظبيــه":الله لا قــاله..بسسم الله من هالفــال..
الكــل:هههههههههههههههههه..


. . . . . . .

ليتك لصوت المغرم أصغيــــت..أوتار صوتـــــــه يعزفنّك
كل حرف منّك يستوي بــــيت..واربـــــَعْ حروفٍ ينطقنّك


بيت بو حميـــد..
بعد صلاة المغـــرب..
الحـــوي..

هالـــوقت سلطـــان وسلامـــه ومهـــره كانـــــوا عنـــــد ام هادف وهدوفــــي ايسولفون..وطبعاً ما ننسى الشيخه"""" شيخه""""..البووس العود للعايله..
اللي كانت مرات محتشرة ومرات سااكتـــه..
سلطان:هاه يــدووه شو قلــــتي بتسيـــرين ويانــــا..؟؟
أم عبدالله:والله يــاو لدي محتــاره..وديه بشــوف بو سنيده..وما وديــه بفراق البلاد..
سلطان:يا يــــدووه الله يهــداااج الا أسبــوع وبنــرد..
سلامه:دخيييييييـــلج يا يــدوه..والله إنهم بيستــانسون من شوفتـــج..
مهره:وهالأسبــوع بيمر في لمحــة بصــر..
أم عبدالله:خلاص خلاص لا تصدعووونــي زوود..بسيـــر بسيـــر ويـــاكم..
مهره وسلامه:هييييييييييييييييييييييييييييييييييي..
ام هادف:استويــتن يهـــال..
سلطان:هاه عمــوه شو رايــج اتسيرين ويــانا..؟؟؟وويـــانا هــــدوف..
أم هادف:اشوووو؟؟لا لا الشيخ انـــا مـــا أقـــوى ع فـــراق البــلاد..وشو لــه أســـافر وريــلي بيي بعــد يوميــن..منو بيجــابله..ولا ودي والله أسيــر وأتطمن ع حالة بو سنيــده..
أم عبدالله:وفييــج الخيــر يا بنت محمـــد..الله يعطيــج العــافيه..
أم هادف:ويعــــافيــج خالتيه لا خليـــت منج...
هادف:لحظه لحظه لحظه..أنا مب فــاهم شي..
سلامه:يييييييييييها..يـــــــــانا هدوف وفلسفته..
سلطان:بالله عليــــكم شو بيفجنا اللحيـــنه من لســانه..
أم عبدالله:يالله علنــي هــــب بــــــلاه..
مهره:حــرام خلــوه يـرمس نعرف شــاللي ابخــاطره..هــدوف حبيــبي ارمــس مــأ عليك من هالمخبــل اللي عندنــا..سلامـوه وسلطــان..
هــادف:اول شي قووم عميه وبويه وحميــد امشــافرين..واللحيــنه يالأغبيــاء بتاخذون يدتيــه..بالله عليــكم بيلــس انا اهنيـــه اجابل منــوو؟؟
ام هادف:اممممممه علييك يا مسود الويــه..قطعها قطعها الرمسه اللي ما منهــا فايــده..اشــو مب مــاليه عيـــنك..؟؟
الكــل:ههههههههههههههههههههههههههههههه..
سلامه:خذتيه بشـــراع وميــداف..
هادف:والله أمــايه يوم اتكــون محرجــه علــي تعيبـــني..
الكل:ههههههههههههههههههههههههههههه..
هادف:سمعــوا انتوا متى بتســافروون..؟؟
سلطان:باجرالعــرس..ومن بعده بنســـافر..
هادف:وشو بتطولون أهنــــــاك..
سلطان:أسبــوع وراديـــــن انشــالله..هاه الشيـــخ ويــانا..؟؟؟
هادف:لا طــولي بعمرك عيــوز اهنييــــه بجــابلهـــا..
أم هادف:عيزن اركبك مضيــع المذهـــب..!!
الكل:ههههههههههههههههههههههههههههه..
هادف:يماييـــه الله يهدييــج بس..لا اتقوليــن جيه جــدام العــرب..
ام عبدالله:يالله علنـــي فدا روحــك..في ذمتيه انك ريــال ومااحد شــرواك..
سلطان:واللحيــنه شــو عليــك..البـــوس العـــود مــا يمــدح ولا يتفدى الا انـــــت..
هادف:انزيـــن ياخي شــو اسوي اذا كنـــت محبــوب الجمــاهير..
الكل:هههههههههههههههههههههههههه..
اشــوي الا ومــوزة حــادرة عليــهم..وويــاها اسهيـــل لابس كنــدورة بيــج وسفــره حمــرا..والبشكــارة"سليــمه"..تمشــي وراهــم ..وميــودة شنظة ملابــس سهــــولي..
أم عبدالله: حيالله مـــن يـــانا ولفـــانا..
أم هــادف:يــا مرحبــا الســاع..تــو مــا نــور البيت..
مـوزة:مرحبـــا بكم زووود...امنــور بوجودكم...
وقفت عندهم اول شي سلمـــت على سلطــان وهادف..وخلاف سلمت ع البقيـــه..ويلســوا..
أم عبدالله:ويــا مرحبـــا ملاييـــن..
موزة:والمــرحب لا هـــان فديــتج..
أم عبدالله:شحــالج يالمــوز؟؟وشحال هلج وعربــانج وتواليــج؟؟
موزة:بخير يعلج الخير..يسرج حــالهم ولا يضــرج..الا انتي شحـــالج؟؟ربج الا بخير؟؟
أم عبدالله:بخير واعافيـــه مــا نشكي بااس لا خليـــت منج..وشحــالج وشحــال ولــــدج..؟؟
موزة:ما نشكي بااس الكل ابخيــر وعــافيه..
سلطان:جيــه وينه منصور مــا حدر..؟؟
موزة:ايقولــك ســوله تيلفـــون..
سلطان:وليــــش ما يدق هو..ريلج زطـــي..
الا ودق تيلفــون سلطان.."بو سهيــل يتصل بــك"..
سلطان:هههههههههههه..هو اللي داق اللحيــنه..
موزة:لعلك مـا تربح..واتقول عنــه زطي..هاه اللحيــنه هو اللي داق عليـــك..
سلطان:خلاص الشيخه بنانا ع قولت يزووي.."ويرد على منصور"..المهلي ما يــولي..بخير ومــن صوبــك؟؟اوكيك..اللحينه بظهـــر..ههههههههه..يلا في حفــظ الرحمــن.."ويبند"..يلا انا بستأذن..هاه يــدوه شيخه..تــامرين ابشي؟؟
أم عبدالله:سلامــــتك الشيــخ..اتحمــل ع عمرك افديــت قلبــــك..
أم سلطان:الله يسلمـــج ويسلـــم غــاليــج ومغليـــج.."وينش"..يلا مع السلامه..
الكل:الله يحفظـــــك..
مهره:ليش ما يبتـــي ظبيــاني ويـــاج..
موزة:اتقــول انها بتزهــب اغراضــها حق بــاجر..ومــا فيــها اتيي..تدرين بــاجر العري وكلن محـــتشر..
مهره:اهــاا..
سلامه:الموز طالعي ولدج ويــن وصـــل..؟؟
موزة"اتحط فنيال القهوه ع الأرض":واااعثرتيـــه..حرق فؤادي عليــه هالهـــرم..
هادف:سهييييل رد رد عن ايييــك جاســـوس البشــاكير..
أم عبدالله:ويدي ..امنووو هاااذا؟؟
سلامه:الله يسلمج هاه دريــول ييرانــا الظواهـــر..ودوومــه ويـــا البشاكيــر..
جــان ايقــول هدوووف ما اتسمــــونه حكيـــم..بس جاســوس البشاكير..
الكل:هههههههههههههههههه..
موزة:ظهر ولدكم ايعرف ايلقب..ماااشاللله عليييه..
هادف:اخجلتوا تواضعنــــا..

. . . . . . .

وين هذيك السوالف روحت من وقت ســــالف..
يوم كان الحب يسمو في المــــــــــحبه الاولية
ياحبيب الروح انا منساك طول العــــمر حالف ..
وش حياتي دون حبك مثل مجهـــول الهوية
والله اني من غيابك يا أعز الناـــــــــــس تالف ..
ماتعرف ان ابتعادك يالغلا يأثر علــــــــــــــيه
لان قلبي ياويليفي عند غيرك مايوالـــــــــــف ..
اشعر براحه اذا شفتك واحس بجاذبيـــــــــــة
عن سوالفك وكلامك ماتعوضني السوالـــــــف..
انت شفــــتي القلب همسات ومشاعر داخلية
روحك وروحي يجــــــمعهن على اللقيا تآلف ..
كل مـــــــــــــاشفتك تجدد دافع الأشواق هيّه..


أمريكــــــــا..
شقة قوم يــزوووي..
بعــد صلاة المغرب..

حدر اذيــاب الشقه وشاف يزوي امجابلة التي في..واتقلب في هالقنــــوات..
ذياب:يلا الشيــخه اليازيه ..اتزهبتي؟؟
اتنش اليازيه من مكــــانها..وتبند التلفزيون..
اليازيه:ههههههه..هيه الشيخ اذياب اتزهبت..كلهم برع..
ذياب:هيه..يلا..يتريـــونج..
وقف اذيــاب مكــانه يتريا يــزووي اتــوقف عـــداله..
اليازيه:مــا قلت لــي منو تحــت..؟؟
ذياب"يبند باب الشقه":سعـــــيد و حميد ..
اليازيه:جيه وين البــاقيين..؟؟
ذياب:ســاروا ويا بــو سنيـده عسب ايشووف قــاعة العــلاج الطبيــعي..
اليازيه:ومتى بيـــون..؟؟
ذياب:ما بتوقفيـــن اسئله..؟؟حدري..
ويأشرلهــأ ع اللفت..وتحدر اللفت وهي رافعــه وحده من حيــاتها..
اليازيه:ليش ضايجــــتك..؟؟
ذياب:لا مب جيـــه السالــفه..انا وااحد مــا أحب أرد ع الإسئـــله..
اليازيه:بمعنى ضاايجـــتك..
ذياب:شو بــلاج انتي ما تفهمـيـن؟؟
اليازيه:لا الحمـــدالله أفهم وأحســن عنــك بعد..السمــوحه جــاني ضايجـــتك..
ولو سمحــت عدل أسلوبــك ويــايه مـــرة ثــانيه..
انفج بــاب اللفت..وظهرت اليــازيه وهي معصبـــه..
هالمــوقف ذكرها بمبــارك والهـــده اللي استوت ويــاه من يــوم..
سارت صوب اخووها اسعيد ..ومشـــى الكــل..اللي حرق قــلب يــزوي..إن ذيــاب ولا عليــه..يــالس ايســـولف..وينكـــت..ومطنشنــها ع الأخيـــر..هاللي قـــاهرها..لأنها دوووم اتحصــل الإهتمــام وين ما اتسيـــر..كسر خشمها..
وصلوا الحديــقه اللي فيـــها البحيـــرة..يلس الكل ع الكــراسي واليــازيه مــووول مــا ترمس..دق تيلفون حميــد ونش من عندهـــم..وتم بالســاعات يرمس..ما نعــرف منو....؟؟!!
نش ذياب من مكــانه..ورمــس..
ذياب:انا بسيــر اييب لنــا ايسكريــم..شــو في خــاطركم؟؟
سعيد:انا بسيــر..انت ما أتعـــرف انا شو أحب..
ذياب:ولا أنــت اتعــرف انا شوو أحــب..
سعيد:خلاص عيـــل بنسيــر ويــاك..يلا يزوي؟؟
اليازيه:لأ انــا ما بسيــر بييلس أهنيــه اتريــاكم..
ذياب:ما بتخافيــن؟؟
اليازيه:......لا من شو أخــاف؟؟
ذياب:ابراحتج..يلا بو عسكــور..
سعيد:يلا..
وســاروا اربـــاعه صوب محل الآيسكــريم اللي كان جريــب واايد من الحديــقه..
فضى المكــان لليــازيه انــــها تتختـلي بأفكـــارها..ذيــــاب ..ليش جيــه ايعـــاملها..يمكن هو جييــه طبعه.....!!!
ومبـــارك..شو سالفتــــــه....؟؟
قطع تفكيـــره صوت يــاما عــانت منـــه..و يــا ما لقت العــذاب منه..
مبــارك:شو اتفكريـــن فيني؟؟
اليازيه:منــو قاااال؟؟
مبارك:شحــالج؟؟>>>>صوته صوت وااحــد متفيـــج..وراااايق..
اليازيه:يسرك الحــال..
مبارك:ليـــــش ما تتخبريـــن عن حاليـــه؟؟
اليازيه:أعـــرفه حــألك..ما تهتــم لشعور غيــرك..
مبارك:ياااااللله علنــي فــدا شعــور غيـــري..
اليازيه:بســك تفدي..
مبارك:أحبــج وع كيـــفي بتفدى..محد ايلومـــني..
اليازيه:شو افســر تصرفــك اللي سويـــته..؟؟
مبارك:أي تصـــــــرف؟؟..ومتـــى؟؟
اليازيه:تستهبـــل؟؟
مبارك:لا استعبــــط..
اليازيه:وبعدين ويـــاك..؟؟
مبارك:كنــــت أمــزح..مــن زمــان ما تضاربنـــا..
اليازيه:..........................من صجـــك؟؟
مبارك:هههههههههههههههه..انصدمتي؟؟
اليازيه:بلاهــم اتأخروا؟؟
مبارك:منـــو؟؟
اليازيه:قــوم اسعيـــد..
مبارك:طــالعي جدامــــج..
واتطالع يزوي جدامها..
اليازيه:يعلني بلا ريييحهم..وين بيــون..؟؟
كــانت اتشوف اسعيــد وذياب سايرين صــوب حميد ويظهــرون من الحديــقه..
مبارك:مرمسنهــم قبل اشوي وقايل لهم سيــروا صووب راشــد..يبغيكم..وخالتيه حصه بغت الســوق..
اليازيه:ومــن صج هالــرمسه..؟؟
مبارك:ع الساعــه عشر ونص فليل بيظهر راشــد..اما خالوه والله ماااادري متى بتيي..وخاليه عبدالله بيسير ويا ذياب يتحوطون..وما بيووون الا بعد يوميـــن..ومن بعدهــا بيرد للبلاد..يعنــي الرمســه كلهــا من صج..وانــا اللي دبرتــها..
اليازيه:ولـــيش؟؟
مبارك:عشـــان ايلــس ويــاج..اسعيد قالي خذ ليزووي ايسكريم وردها البيــت..وان ظهــــرت اضربهــا..
اليازيه:اتنكت ولا تحـــاول..
مبارك:...................."صد صوبها بنظره"...تراني ما أحب الجذب..يلا جــدامي..
اليازيه:امممممممممم..انزيـــن..
نشــوا من مكانهــم وكلـــن ســـــــــــااااااكت..ومحد ظهــر كلمه من ثمــه..جنهــم الا مستـــانسين ابهــالأجــواء..وما ودهـــم ايعكــرون صفــوها..
من بعد مــا اتشروا الآيسكريــم..وصلوا شققهـــم..
مبارك:يزووي مثل مــا وصيتــــج..لا تظهــرين من الشقــه..انا بحدر شقتنا بتسبــح وبدرس عسب الأمتحانات واايد قربــت..اوكي فدييتج؟؟
اليازيه:اوكي..وانا بحــدر برقد..ميـــهوده..
مبارك:سلامات يــا قلبي..
اليازيه:الله يسلمـــك..
مبارك:تامرين بـــشي؟؟
اليازيه:لأ تسلــــم..
وحدرت الشقه وبندت البـــاب..أمــا مبــارك حدر شقتهم..وهو يتفــداها من خــاطره..اتسبــح وفج اكتبـــه..والاب تــوب..وغــرق وسطــهم..ومــا رفع راســه الا يــوم انفج بــاب الشقه وحــدر اسعيــد..ووياه اذيــاب..كانت الساعــه 11ونص..
سعيد وذياب:الســلام عليـــكم..
مبــارك:وعليــكم السلام..بسسم الله بلاكم جيـــــه..
سعيد:نبغي الرقــــــــــاد..
ذياب:تصبحــون ع خير..
وحدر حيرته عسب يرقـــد..
مبارك:وانته من هله..وين الباقيين؟؟
سعيد:امايه وولدها ساروا ويا عمي وحميد..وقالوا ما بييلسون الا يوم..وبيردوون..وحميد حيزلهم افندق ..
مبارك:اها جييــه السالفه..
سعيد"ساير لحيرته":تصبــــح ع خيـــر..؟؟؟؟
مبارك:وانت من هله..
بند مبــارك الاب تــوب..وعــدل اوراقــه في الــفايل..وظهــر من الشقــه ساايــر صوب السوبر مــاكرت اللي تحت..
انصـــدم يوم شــاااااااااف شقــة قــوم اليازيه ...الباب املايـــم..كيف وهــو قايللها بنــدي..ولا تظهــرين؟؟
حـــدر الشقه ابسرعــه..وتم ايدورهــا افكــل مكــان ولا لقاهـــــا..شو اوصف لكم حــالــة مبارك..
بيمووووووووووووووت من الخوووف علي اليازيه..كللللللله ولا اليازيه..الا نظـــــر اعيونـــه..
نزل تحت عند حــارس العمــأره..واتخبره..جــان ايقــوله انها ســارت السوبــر مــاكرت اللي مجابلنهــم..وخلاف ظهــرت منه..
طــــــــــــاح قلب مبــــارك..وقضــى ليله وهـــو يــدور على يــزوووي..ليــن مــا صب المطـــر صبيـــــب..واشتــد خوفــه عليـــها..........؟؟؟!!!!!
"ويــــــــــن راااااااحــــت..؟؟؟والله لو استــوابها شي..بمووووووووووت"..
.
.

الجزء الخــامس والعشريــــن..

تعال ياوجه الـــــسعد واشطب عــلـــى وجه البغيض
ياحــــيك وطلتـــــــــــك في وجـــهي بعد ياحيـــــــها
تنعشني انعاش الشفاء..العاجـــل.. القلب.. المريض
ياايـــــها تدري يالبـــــــــــيك انـــت وش ياأيها ..؟!
ماانتـــــــه بزي الــــناس واكتبها لك بــخط عريض
تبغيــــــــــني احلف لا ورب الـــــــبيــت منت بزيها
ياللــــــــي غرامك في خفوقي من كثـــر قدره يفيض
النفــــــــــس تندب حظهــا والعــــــــــين تبكي حيها
من عوضك اليا فقدك وان وجد كيـــف استـــــعيض
وانتي النــــــــــهار وشمسي وشــجرة غلاي وفيها
هاجرت واصبح زولك في عيني يــهاجرني واميض
يااول جــــــــــــروحي دخـــــــــــــيل الله من تاليها
احيا على وصلك واموت في كل برد وكل قـــــيض
تضمــــــــى مشــــــاعر خافقي لك وانت سبة ريها
لبيك يلي من عشـــــــقتك قمت احس اني حضيض
يامــــــغوين نفسي .. ونفـــــــــسي ذايبه من غيها
انا ادري ان كل الليـــــالي ســـــــــود والايام بيض
دامــــــــــــــك معي ماهـــــــــــمني من كــــــــثرها

تبلل شعره وجسمه كـــامل..من هالمطر اللي يصب ابكل غزاره..الجــو ما يساعد الظهره من البيت اببببببببد...وقف مبارك افنهايـــة الشارع...خلاص ..تعب من زوود مــا دورها...تعب من زوود الحواطه ولا لقى شي يدل على وجووودها..وكأنها شمس غاابت وما خلفت وراهــأ اي أثر..اللحينه الساعه 3ونص..وينــــها..أختفت جيــه مرة وحده...
وقف وقلبه يرقـــع من الخووف..وفجـــأة..حس بوحــدانيه حزيـــــنه..حس بالفعــل ما يسوى شي بليا اليــازيه..هي حياته..روحه..قلبه..هي كلللللللللل شي افدنيته..واذا فقدها..معناته..فقد هالدنيا كلـــــــها..
فقدها للحينه دقايــق وحاااس ان الدنيا ما تســوى ابدونـــهاا...فقدهــــا ويا كــره هالكلمـــه لا تردد صداها في سمــع مبــارك..
شي مكــان للحيــنه ما سارلــه..قلبه ايقوول أكيييد بتلاقــي غناتــك اهنـــاك..شي شجــعه انه يسير...وينفذ اللي افراســــــه..
أبــد مــا ترد افخطـــواته..كــان واااثق من نفسه..كأنه يعــرف ان اليازيه أكييييد في الحديقه..
ربع صوبــــها من شافها يالسه ع الأرض وضامه اريولــــها ولاااصقه فالكــرسي..وقطرات المطـــر اتطيييح عليــها وهي جنها مب حــاسه موووول..
شيلتهــأ اشوي وبتطييح..وخرسااااااااااااااااااااانه مااااااي..وشنطتها طاايــحه عدالها..
زقرهـــا ابكل حنان..ابكل شوووق ووله..زقرها ويتريا سمــاع صوتها..
مبارك:يزوووي غناة قلبي......................................؟؟؟ !!!
لا حيـــاة لمن تنااااادي..
مبارك"والماي يمشي ابكل سرعه ع ويهه..وشعره مبلل وطايح ع ويهه":يزوووي بلاااج ردي علي..يزوووي؟؟
ما سمع الا صوت المطر وهي ايصب ع الأرض ابكل قووووة..وحييييييييد...محد عنده..الكل محتمي من هالجوووووو.. رفع رااســــها.وسنده ع الكرسي..شــاف أحلى ويه شافته عيوون مبــارك..
فز قلبــه وكــأنه اول مرة ايشوفهــا..وابكل حنان...شل هالخصلات المتلصقه ع ويهها ابسة المااي وردها ورى اذوونها..لبسها شيلتها..حـــاول ايوعيها بس مــارام..تم يزقرها...بس مــا كانت اترد عليــه..
وقفها..كان بيشلها بس غيّر رايه..شل يدها اليمين وحطها ع رقبته..وخلاها تمشي بشوي شوي..
مشــوا تحت المطـــــر..وكلن ميهووود..والمطر ايصب عليــــهم..مسافه طويله لين ما يوصولن عمارتهم..طوول الوقت وهو يزقرها..بس هي ابد ما كانت اترد علي..للحظه اتأكد ان مغمي عليها..
على كل خطوه..كانت اتزيـــد اجراااح مبارك..كيف يطاوعه قلبه ع فرااق وهجر هالإنسااانه..اللي مستعد انه يشقى طووول حياته..بس هي اتكووون بخير..اللي
يضحي بعيوونه..بس هي اتكوون مستانسه ابحياتها..ووناستها ما بتكوون الا ويا ذياب..لأن هو الوحيــد اللي بيحفظهــــا..الوحيـــد اللي يبتحمــل عنــادها..الوحيد اللي بيصوون هالجووهــرة..واللي من صج بيعرف قيمتها..
اليازيه..اللي حبـها مبارك ابكل جوارحه..عشق شوفتها وضحكتها..عشق قوتها وعنــادها..عشق نظرتها..ورنة صووتها..عشق مزاياها..معقوولـــه يني في الأخيـــــر...ينســاها......ويجفـــاها...؟؟؟! !
وصلوا العمــاره..ووقفوا جدام اللفت..واليازيه للحينه على حالتـــها..تم يهووس ع زر اللفت..وحالته لله..بس اللفت مووول مب راضي يفج..اضطر انه يركب الدري..للطابق الثالث......؟؟؟؟!!
مــا رام ايمشي ع الدري..اضـــطر ايشلهـــا..وقلبه يرقع امن الخووف لا حد ايشووفه اللحينه..والله ليلعنووون خيـــره وخير من خلفـــه..وليحفر قبره بيدينه..
مشى خطوواااته ابسرعـــه..ووقف جدام باب الشقه..فج الباب ..اللي كان ملايمنه من قبل..ووبطل ليتات الشقـــــه..وشلها ابسرعه لين حيرتها...
حدروا الحيرة..وحطـــها بشوي شوي ع الشبريه..وشل شيلتها وهو يحاول انه ما يشووف شعرهـــا..شل اللحاف ولحفها..ســار صوب المطبخ وياب قلاص مـــااي..كان بيشربها..بس قــال أكيد بتنش اذا شربتها...فحط القلاص ع الكوميدينه..وطالع في الحيرة اللي ممزووووورة ورود جوري..وقال ابصوت مسمـــوع..
"من بدايتـــــها"
وصد بنظره صوب اليازيه..
"والله أفديـــــج بقلبي يا قلــــب مبــــارك..أحبـــــج للنهـــاية..وليـــــتج اتعرفين باللي يستويلي..جانج عذرتيني..السمـــــوووحه..السمووحه يا غناتــي..لا تحطين افخــاطرج من اللي اسويه..واللي بسويـــــه..والله اني أحبــــــج مووووت.."..
قــال هالكلمات البسيطه..والعبــــرة خانقتنه...كيف يتركها..كيف يتركــــــــــها؟؟كييييف..........؟؟؟!! وهو يحبها..الا يموووت فيـــــها...
تركـــها وظهر من الحيره..وقال افخاطره.."اللحين تركتج لساعات..عقبها بتركــج لسنيــــن..علني فداج والله"..
لين متــى وهو يتحمــل هالعذاب كله..بيكمــل مسيــرة تضحيــاته..؟؟ولا بيوقــــف عند نقطه..مب متحمل افراق محبيــــنه..
هالسؤال الوحيد اللي حيركم ..والسؤال الرئيسي لهالقصه كلهــــا..مبارك هل عنده الإراده الكافيه اللي بتخليه اينفذ اللي افراســـه..........................؟؟!!؟؟؟!!

. . . . . .

لو غبت عن عيني بك القلب مشغول ... ياواحـــــــد له الحـــــــب قـــاده
لك منزل بالقـــــــلب ماهوب مــنقول ... لا والذي زينك على الناس زاده

بيت بو منصور..
الساعه12ونص..
حيرة ظبيه...

هالوقــت..عربنــا توهم يايين من العرس..غير ملابسها وتسبحت..ويودت تيلفون امهــا ادق على تيلفون ام سلطان..بس محــد يرد..لبستلها كندورة عاديه..وسحت شعرها..ولبست شيلتها..وظهرت من الحيرة..نزلت تحت..شافت اسهيل راقد مجابل التلفزيون..ولابسه كندورته مالت العرس للحينه ..وراقد ابها..افديييييته..

سارت صوبه وباسته ع خده..وفجت عقم الكندورة..الا وسليمه يايه صووبها..ميود ملابسه..
ظبيه:اللحينه تو النــاس..
سليمه:سنو؟؟؟
ظبيه........ههههههههههههه...ما فيني اضحك..سنو اونه..سيري سيري يالخبله وغيريله خل يرقد ابراحه مسيجين...
ودرت اسهيل والبشكاره..وسارت صوب المطبــخ..الله شافته..مهــا يالسه فوق الطاوله..وجدامها كرون فليكس..وقلاص حليب..وبطاطا ليز كبير..وأربعه جلكسي..وايسكريم..وتاكل من هاذا وتبلع من هاذاك..جان اتييها ظبيه.وتبدا بالرمسه..

ظبيه:هاه العنز شي بقى من هالأكل ولا عبرتي عليه..
مها:اللحينه شو تبين..أكل ما في..
ظبيه:ههههههههههههه..ياخي عطيني..
مها:ماريييييييييييييد..شفتيني واحد من الشباب..
ظبيه:لا من البنوتات..اقولج عطينــي..؟؟
مها:مااااارييييييييييييييييد..
ظبيه:عنبوووه...زطيه..
مها:خليني ع كيفي..
ظبيه:امبووونج ادرااام..وبعدج تاكلين هالكثر..ما بتدخلين بالباب..
مها:بدخل بالدريشه..شو تبين فيني..خلوني ع كيفي..
ظبيه:بلا زط يلا وعطيني..
مها:قلت لج ما بعطيج شي...لا اتعبين رووحــج حبيبتي..
ظبيه:يلا عاد قبل ما اصفعج..
مها"اتصارخ":انا اللي بصفعج يالهنديه..>>>>>>>شو ياااب هاااذ؟؟
ظبيه:قصووورج ..شليتي اذووني ويا بغييمج..
مها:اعدااااااااااال..صوتج الرقيق الحلييييوووو..صــــــح؟؟
ظبيه:صح ميه بالميه..
مها:وع..مالت علييج صدقتي..؟؟
ظبيه:أكيييييد صدقت..سيري سيري امايه تزقرج..
مها:بل بل بل يا كبرها عند ربي..من وين ظويتي صووتها..؟؟
ظبيه:ههههههههههههه..سيري عـاد لا تتأخرين عليها...
مها:مــــــــــــــــــــــــــــاريييييييييي د..
ظبيه:اوكيك اوكيك بي كوول..يعلني بلاج يعلني ماحلم رقعتج يعلني بلا رييحج..
مها:تضرب بيدها ع الطاوله بقوووو..قصدها تزعج ظبيه..
ظبيه:عنلاااااات عدوينج يالسباله..قمحتي الطاوله..منو بيعدلها خلاف انتي؟؟
مها:بوويه علني فدا رووحــه..باباتي لا خليييت منه..عسى ربي يسلم قلبه..
ظبيه:هيدي على بوزج عن ايطيح مسيجين..
مها:صخي صخي عكرتي مزاجي..
ظبيه:لا حلفي انتي بس..
مها:والله ما جذب..يلا عطيني عرض كتافج..خليني آكل ع راحتيه..
ظبيه:افذمــــــــــــتج؟؟حلفي حلفي انتي بس..
مها:اووه وبعيدن وياااج؟؟
ظبيه:جب يلا جب..
مها"بأدب":ظبيوووه..
ظبيه:والضريييييس..هاه شعندج شو تبغين ..؟؟
مها:شراايج بااجر الصبح سير نتحوط..
ظبيه:وين تبين ترتغدين؟؟
مها:عادي اي مكان..
ظبيه:بتبطيييييييييييين...يالمسيجينه..والله لو امووت ما اخذج مكاااان..عسب تتأدبين يا مسودة الويه..
مها:شو يعني..؟؟فرحانه عشاانج بيظا..
ظبيه:اتقولين هالرمسه لأني بيظا من ربي...مب شرااتج يالسسسسووووووده..امبونيه بسافر بااجر..وما بييبلج شي من امريييييييكا..بس اتصدقين ماليه خاطر اسافر...مادري ليش..
مها:مااا عندج سااااالفه..
ظبيه:تدرين انا اللي ما عندي سالفه ومجابلتنج..

ظهرت ظبيه من المطبخ..وقالت افخاطرها مالي حايه اسافر لأمريكا..شعندي اهناك اسيرله..الا مجابلة حمييييدووووه..خلاص هونت ما بسير..

. . . . . . .


من هويت من العلالي لك هويت ... مثل طيرن صابته نيران حربــــك
لا تعذبنــــي من الـــود اكتويــــت... ومااريد الا اعيش العمر جنبــــك

شقة قوم يزووي..
حيرة يزووي..

اليازيه توها ناشه من الرقــاد..انصدمت يوم شافت عمرها راقده فوق الشبريه..كانت اتحيد عمرها طايحه عند الكرسي..شاللي يباها اهنييه..نشت وتغسلت وصلت الفير..اللحينه الساعه8ونص..وامها ما تنبان في الصاله...

سارت لحيرة امها..لقتها فااظيه..ونفس الشي حيرة رشووود..استغربت..معقوله للحينه ما يوا..فجت الستاير اللي في الصاله..وعطت المجال لأشعة الشمس انها تنور الصاله..بعد الظلام اللي كان فارض وجوده..

فجت الثلاجه..اتحس عمرها بتمووت من اليووع..انصدمت يوم شافتها..وقالت"امبييه..هاي للحينه فاظيه"..واللحينه بدت ذاكرتها اتردها لورا..

كانت يوعانه..وتبي تاكل شي..بس كالعاده الثلاجه فاظيه..ومحد يمزرها..لأنهم اييبون كل اكلهم من برع..لبست عبايتها وشلت شنطتها..ع اساس انها بتسير للسوبر ماركت اللي تحت..وظهرت من الشقه..من بعد ما لايمت الباب..

تذكرت بعد..انها وصلت للسوبر ماركت..بس كانوا امبندينه..لأن الكهربا تعطلت عندهم اشوي..ودلتها وحده سوريه كانت تمشي في الشارع..عن سوبر ماركت افنهاية هالشارع..

مشت لنهاية الشارع.بس ضيعت بسبة الزحمه اللي مناك..ومن هطل المطر..تلاشوا الناس اللي جدامها..لفت ابنظرها يمين..جان اتشوف الحديقه..وسارت لها..من بعد ما تعبت من الحواطه ..وتذكرت اخر شي انها يلست ع الأرض عدال الكرسي..ومن بعدها خلااااص ما ذكرت شي..

اللي حيرها شيابها اهنيه..منو ظهر افهاك الجو ودورها..ويابها للشقه..ولا.. فسخ شيلتها ورقدها ع شبريتها..من بعد ما حط قلاص الماي عدالها..

انفج باب الشقه..وتنقطع افكارها..سعيد ميود التيلفون..
سعيد:هاااااااااااااج..هاي ظبيووه مأذتنا..الا وتبغي ترمسج..
اليازيه:علني فداها والله..
وخذت التيلفون عنها..وتمت لهاا ساعه ترمس ظبيه.
اليازيه:اشوووو الظاااهر انج بديتي تستهبلين..
ظبيه:اشوو افعينج..خلاص ما اريد اسييير..
اليازيه:لا يكون عشان حمــ..............وسكتت لأن سعيد كان عدالها..
ظبيه:اشوووو..يلا يلا من متى وانا حافلتنه..دخييلج عااد..بس بويه ومنصور امبين عليهم انهم ما يبوني اسير..وفي نفس الوقت ما يبوني احس بنقصان..فليي الأحرااج..
اليازيه:اوووووه منج..اتقهرين الصراااحه..الظاهر اني برد مع عمي عبدالله..مللللله اهنيه..
ظبيه:غبيه..ليش انتي كل يوم افأمريكا..باجر بيوونكم مهره وسلامه..واستانسي..
اليازيه:وانتي..بتملين؟؟
ظبيه:هاهاهاي..خبرج عتييييييييج..منصور اليوم بيخطفنا على منوورة..وبنسير ارباعه صوب دبي..وبنيلس اهناك يومين..وبنرد..وعمي بشششششششده وافق ايخليها اتسير..وناسه وخاصتن ويانا سهوولي..
اليازيه:الله..تريوووني لين ما ايي..
ظبيه:سيري لااااااااه..وابشرج من بعد ما نيي من دبي..بناخذلنا راحه يوم في سويحان..وخلاف بنطييير صوب دلما..ترومين انتي علييينا...
اليازيه:اللللللللللللللللللللللللللللللله..اب ا اسير وياكم..
ظبيه:يوم اتيين بوديج حفيت..والله انه يينن..
اليازيه:بس بس..قوليلي قوم سلطون متى بيسيرون للمطار..؟؟
ظبيه:والله مادري..بس على حسب معلوماتي السابقه..بعد صلاة العصر..من مطار بوظبي..يلا يزوي خسرتيني تامرين بشي..
اليازيه:لأ سلامتج..بس ابغي اقولج شي واااحد..كان خاطريه من زمان اقوولج..؟؟
ظبيه:شووو؟؟
اليازيه:انتي وحده سخييييييييييييييييفه..بمعني الكلمه..
ظبيه:اووه ع بالي شي يديد..ادري انيه سخيفه..حبيبتي شي طبيعي مرابعتنج تراني..
اليازيه:ويــا ويهج..
ظبيه:ههههههههه..يلا بااي..
اليازيه:الله يحفظج..
بندت اليازيه وعطت التيلفون لسعيد فالوقت اللي حدرت امها وراشد....بعد فتره..يلست يزوي ويا ماماتها..بس حاولت ان لسانها ما يزل وتخبرها باللي استوالها امس..

. . . . . .

ظلمــــــــني صاحبي اكبر ظليمة..ظلمني دون قدر ودون شيمه..
ظلمني وصرت انا بالظلم راضي..ولــو هو مرتكب اكبر جريمة..

بيت بو عبيد..
الساعه9ونص..
حيرة ميثا..

هالوقت كانت ميثا جدام المنظرة اتشوف شكلها النهائي..لأن مطر اللحينه يترياها..في ميلس الرياييل..بعد ما تعطرت نزلت تحت..وشــافت ميرة ختها يالسه ووياها غبووش..

غبوش:ماااااااااشاالله..والله انج قمر..عيل يااا حظك يا بوغيث..
ميرة:افديييييييييت رووحها ختيه..والله محد شراتها..
ميثا"بكل بروود":تسلمن..يلا مع السلامه..
غبوش:محد يلومج..بغيتي افراقنا..تبين اتشوفين مطر..حبيب القلب..
ميثا"اتوخي تحت":حبيب القلب هو واحد مالي سواه..بس الله يهداه..بيي يوم ويعرف انه ظلمني..ويعرف اني ما خنت حبه..
غبوش:الله يهداج يا ميثا..اللحينه شو بتسوين؟؟بتميين جيه على ذكراه..ترى مطر ما يستاهل..
ميرة:هيه يا ميثا الريال شو ذنبه..
غبوش:صدقيني يا ميثوه ..مطر بينسيج اسعيد باسلوبة وطيبة قلبه اللي توسع هالعالم كله..ولد خالتي واعرفه عدل..شباب دبي افكووم..وهو افكووم..
ميرة:ومطر ريال ما يعيبه شي..ريال والنعم فيه..شاللي قاصرنه ما تحبينه زوود عن سعيد....؟؟!!!!
ميثا:بتمن طوول عماركن جييه..للحينه ما عرفتن شو الحب..اللي ابيه منكن شي واحد بس..ادعوولي ان الله يوفقني ويا مطر..ولا اظلمه وياي..
سارت عنهن..وهي كللللها امل..ان حياتها تتغير..وتنسى حبها الأولي..وتعيش الباقي من عمرها ويا مطر..ما بيدها شي..سوى انها ترضى باللي كاتبنه رب العالمين لها...
ومن ظهرت من الصاله..صدت غبوش صوب ميرة وهي منغاااضه..
غبوش"مفووله":الا ياللي ما تخيلين ولا تستحين..جييييه اتسوين في اختج انتي شو من ادميه..انا متأكده مليوووووون بالميه..انتي ما عندج ذرة من الإحساس..بالأحرى ما عندج قلب..
ميرة"مقربه ظفورها من عيونها وتتمعن فيه":لا عندي قلب..عيل كيف للحينه عايشه..انا ما سويت شي..
غبوش:اشووووووو؟؟؟ميرة خافي ربج اللي يشوفج وانتي ما اتشوفينه..كل هاااذااا وما سويتي شي..
ميرة:والنعم بالله..انا ارد حقي..
غبوش:اي حق خذته ميثووه منج..دخيييلج خلي هالتفكير المعقد واللي ما منه فايده..واللي ماله معنى..اي حق ..اي حق؟؟
ميرة:هزاااع..هزااااع..خذت قلبي وروحي ..خذت حبيب روووحي..
غبوش:لااا حلفي انتي بس..سيري دوريه افحيرتها..يمكن خاشتنه في الكبت..ولا تحت الشبريه..نشي ييلا..
ميرة:بلا استهبااااال..لو انه ميثا ما كانت موجوده..جان عمي بو هزاع ما فكر ياخذها لميثا..هي من طروووها لهزاع ..ظهر من البيت..
غبوش:اشووو؟؟وجود ميثا في هالدنيا اراده من رب العالمين..اتعارضين ربج يا ميرة..انتي وحه حراام حد يرابعج..اتخربين على اللي افبيتج..عيل لو شو بتسوين فاللي ما يعنونج شي..ما بيني وبينج الا السلام..مثل ما تخليت عنج..هلج بعد بيتخلوون عنج..وتبقين افهالحياااة وحيييده..وفي الأخرة خااسرة..

وظهرت غبوش صوب الحوي..يلست ميرة افيلستها وحيده..

"معقوووله ..انا كل هاذ اسوييييه؟؟وكل هاذا يستويلي؟؟أنا..ليييش؟؟شاللي حل عليه..شاللي خلاني اسوي جيييه..الهنوف اللي اموت فيها..وتعلقت ابكل شي فيها..تركتني..واللحينه غبوش تتركني..لييييييييييييييش؟؟معقوله انا لهالدرجه نذله ..وخاايسه..وقلبي اسووود..شووو اسووووي؟؟يعني ارد ميثا لسعيد؟؟لأ مستحييل....."..

. . . . .

اسنين عمري مالها بدونكم لون..عـــجّل بطبك دام انته طبيبي..
ما دامني بالحب غالي ومصيون..أقولـها منهو يساوي حبيبي..

بوظبي..
بيت بو ناصر..
الساعه11ونص..

حدرت الهنوف الصـــاله..وهي محمله اكــــيااس..توها رااده من الســـوق..وناصر اموديها..شافت حمدان وسيف وامها يالسيين..ايهت خوانها وباست امها ع راسها..ويلست ع الغنفه وهي مكسرها..وناصر سار لحيرته..

سيف:عنبووووه..انزين فسخي عباتج..غيري اثياابج..طالعي حالتج كييف؟؟
الهنوف:مكسسسسسسسسسسرة..ما اروم اوقف ع ريوولي من زوود المشي والتعب..
حمدان:هاه ريحتي فوادج يوم سرتي السووق..لعنتي خيير خيير خييرنا..ودونا السووق ودونا السوق..صرت اردد هالعباره قبل ما ارقد..
سيف:حكاايه ما قبل النوووم..هههههههههههه..كفك ..
حمدان:ههههههههههههههه..
ويضربون كف بكف..
الهنوف:امااايه شو فيييهم كيف يستهبلوون عليه..
ام ناصر:ماا علييج منهم..مضيعين المذهب..عاقينه فالشارع يتريون حد يااخذه..
سيف:ههههههههه..
حمدان:افا واللله يا بنت رااشد..
سيف:اتخونين فيييينا..
ام ناصر:ما قلتيلي شو تشريتي؟؟؟
تنش الهنوف ويا قشارها وتيلس عدال امها..
الهنوف:شوفي هالتنورة شاريتنا من المارينا..وخذت وياها هالقميص السويتر مالها...امايه يبتلج دهن عووود..أممممرة طر مييييقا كسرتيين..وتشريت لج هالساعه الذهب حلووووة..ولا مب عايبتنج..؟؟
ام ناصر:من ذوقج ولا ذووق ناصر..
الهنوف:ذوووقيه..
ام ناصر:عيل مب حلووة..
الهنوف"تحظن امهــا":اماايه......؟؟؟
ام ناصر:افدييت قلبج..
حمدان:طااع هااييلا بو هناد..
سيف:الله فيلم بدوي ..مأخووذه مقاطع منه من فيلم مصري ابيض واسود..بس يديد..وملون.
حمدان:قريبن في دور عرض السينما..
سيف وحمدان يضربون كف ابكف..
الهنوف:اسميييكم متفييييييجيييين..
حمدان:كييفنا..
سيف:يلا فااارجي لوعتي جبدي ابهالقشار مالج..يلا انقفضي فوووق..
الهنوف:الا انا اللي تلوعت جبدي من مجابل شيفكم يالمفلع..
حمدان:وبكل سهووووله..فاااااااااارجي..
ام ناصر:بلاااكم ع البنيه ..كليتوها بقشوورها..
سيف:اوه..لالا في تطورات..ولا من متى العيووز اتدافع عن الهنوف..
حمدان:من يابتلها الساعه والعطر..هههههههه..
سيف:والله لاغرقج في بحر من هدايا..
الهنوف:صج ما تستحون تتمصخرون على امكم..ما تشوفونها اللحين خذت افخاطرها..
سيف"يفز صوب امه":من صج..امايه والله والله والله والله والله انيه امزح..حررراام يمايه سامحيني..
حمدان"يبوس راس امه":اماايه والله انا قلتها على شكل سوالف..والله ما اتحمل زعلج عليه..افديييييييت روووووحج...
الهنوف..افخااااااطرها اتموووت من الضحك..
ام نااصر:خوووز عن رااسيه..لا افرك ابهالدله..وانت فج عنيه يلا يالس تترضااني..عنلااات صداك انت وهو..اللحينه انا امكم اتقولون لي جذيييه..
الهنوف:الا وين الشايب ولا جان سفرهم ورى مغيب الشمس..
ام ناصر:ههههه..ما يقصر بو ناصر..
الهنوف وحمدان وسيف:فديييييت هالضحكه..
وطالعوا افبعض يوم قالوا الرمسه ..افنفس الوقت..وفزت الهنوف ولمست الطاوله اللي من الخشب ابسسسسسسرعه..
حمدان:ليش لمستي الطاوله..
الهنوف:عسب اعرس قبلكم..
سيف:لاا والله..حلفي انتي بس.."ويضربها ع راسها"..مرة ثانيه لا تقلديني..
الهنوف:ليييييييييش تضربني ولا تضرب حمدان تراه هو بعد قلدك............
وكانت تبي تكمل رمستها..ودق تيلفون امها..وسكتت..
ام ناصر:هلا والله بظبيه..شحالج؟؟انا بخير وعافيه..وشحالج وشحال هلج وعربناج وتواليج..علني فدااج والله..الهنوف هكي عدالي. ..وسلمي ع اللي عندج..هاج الهنوف هاي ظبيه..
ونشت الهنوف وسرت فوق في الصاله ورمست ظبيه..
الهنوف:وشو علومج وشو اخباارج..
ظبيه:والله ما شي علووم..ومن جداااكم..
الهنوف:سااكنه..شو كلمتي قووم يزوي..متى بيوون..امس كلمتها اشوي..وبندت كانت مشغووله..
ظبيه:هيه تونيه مبنده عنهن..ويسلمن علييج..
الهنوف:الله يسلمهن ويسلمج..الا ما قلتي لي متى بيوون..
ظبيه:بعد بااجر..مب مصدقه اخيييرن بتي..بتنور اسويحان..
الهنوف:فديتها واله انها شيخه ومحد شراتها..
ظبيه:يلا الهنوف السموحه منج اللحينه ببند..سهيل عايابي..
الهنوف:بالحل يالشيخه..سلمي عليهم..
ظبيه:سلامن يبلغ..وان رمستي العنود سلمي عليها..ترى اندقلها وكله مغلق..
الهنوف:هيه تراها غيرت رقمها..وبطاقتها الأوليه للحينه عندها بس ما تستعملها..
ظبيه:أوكيك طرشيلي رقمها ان مااشي كلافه..
الهنوف:اممممرة عاد بتعبيني انتي الصراحه...
ظبيه:ههههههههه..لا خليت منج تامرين ابشي..
الهنوف:لا تسلمين..
ظبيه:الله يسلمج ويسلم غاليج ومغليج..يلا فداعة الله..
الهنوف:الله يحفظج..

بندت الهنوف..وردت التيلفون عند ماماتها..وخلاف سارت فوق..صوب حيرتها..
. . . . . .

لا لاح براقك وبرق الشعر لاح..أصرخ من الأعماق واقول الصحيح..
انك مليح وتعتبر سيد المـــلاح..تستــــــــقبلك أفواه ويفيض المديح..

امكييرا..
جدام العمارة..

اليازيه:شو يعني هااي مهرووه بتيي ولا لأ..
موزة:ماادريبها..تراها تحيرت وحيرتنا..
اليازيه:انا الحييييره ما أحبها..بسير بزقرها..
أم سلطان:هكييه يت كلتنها بقشوورها..
مهره:سوووري ع التأخير..
اليازيه:قالت سوري..مشي مشي يلا..

ركبن السيارة ويا حميد..موزة واليازيه ومهره لابسات عبي امسكره..وتطريزهن كلهن نفس الشي باللون الوردي..اما سهيل ملبسينه كندورة اماراتيه...طالع شكله طر كسرتييييم..

وصلوا المستشفى..وظهرت ام سلطان..صوب ولدها..هاذا اخر موعد له..واليوم سفرهم.صوب ديارهم ووطنهم الغااالي..

من بعدها راحن الشله ووياهن سهيل يتحوطن قريب المحلات..ومرن وخذن ايسكريم افهالجو الباارد..واشترت يزووي هدايا لشلتها واربايعها الثانيات..وخذت ملابس لمهووي وهادف..وما نست سلاموه والهنوف ومنيرة ونورة وميثا وميرة..يابتلهن اكسسورا وشنط..

وع الساعه تسع..ردوا البيت ..وغيرن ملابسهن..ولقن سلطان واقف يرتياهن..نص سااعه وطيارتهم بتطير..أغراضهن كانت امزهبااات..وبجيه ظهرن ابسرعه..وطبعن ذياب ومبارك ووياهم..

حارت ابنظراتها ادور على من سلب قلبها..بس للأسف ما لقتلها وجوود..وكأنه معلن انسحاابه عن بعادهم..طالعت جدامها.الا وذياب..
ذياب:توصولن بالسلامه...
اليازيه"مبتسمه":الله يسلمك..
ذياب:السمووحه ولا تاخذين افخاطرج..جاني غثيتج و لا شي..
اليازيه :مسموح بالحل يالشيخ..
صدت صوب مهره اللي عدالها اطالعهم باستغراب..
اليازيه:يلا مهروه..مع السلامه ذياب..
ذياب"مبتسم ابتسااامه مذوووبه":في حفظ الرحمن..
ردتها اليازيه بابتسامه أحلى..وعطن ذياب عرض كتوفهن..في الوقت اللي هو اختفى يدور على ربيعه اللي من حدروا المطار ما شافه..
مشن اليازيه ومهره..وسااكتات..بس في يد يودت يد اليازيه..ووقفته افمكانها..خلت اليازيه جاامده افمكانها كانها جماد..همس مبارك قريب اذونها ..
مبارك:سمعيني ولا تقاطعيني..اول شي بتوله علييج..ومرة ثانيه سمعي رمستيه ولا تظهرين في الشقه..واتخليني اتعنا واخر شي اتم شالنج وامشي ع الدري.."وشاف اليازيه اتحط يدها ع ثمها"..ههههه..السمووحه منج..وثاني شي..ترى كل اللي سويته فييج..والله والله مجبووور علييه..وما هو باختياري..أحبــج موووت..يا بعد رووحي وقلبي..طمنيني علييج اول ما توصلين البلااد..الله يحفظج ويبعدج عن عيون الحساد..بااي..
صدت اليازيه صوبه واعيونها دمعه..جان يزيييغ مبارك..وتجااااهل هالعااالم كله..وهالحضوور كله..ولا حسب احساب سعيد وسلطان وحميد..للي بالأصل كانوا في الطيارة..حط يداته ع عيون اليازيه وغمضها وخلاها كأنها نايمه..وما زالت يده الثانيه ميودة يدها..
مبارك:كله ولا دمووووعج..فديت قلبج لا اتصيحين..
اليازيه:مبارك..مبارك..<<<تبا ترمس بس ما تعرف شتقووول..
مبارك:أعيون مبارك ..قلب امبارك..امري فدييتج..
اليازيه"ويالا ويالا اتنطق الحرووف":لا ..لا تعذبنــ..ـي..دخيــ..يــلك..
ما تتوقعون كيف هالكلمات دخلت افقلب مبارك وكأنها سجاجين..
فجت يدها..وردت خطوه ع ورى..وفجت اعيوناتها..ورااااااااااااااااااااااااااااااااحت..و قلب وروح مبارك راااااااحت وياها..سكت مبارك..دقيقه..وقال ابصوت مسموع..وهو يشوف اليازيه تمشي ابسرعه صوب طايرتهم..وهي اتصيييييح..بس كانت تسمعه..


كنت اظن هالدمعه اللي وسط عينــي..وانتـــه رايج جت معايه اتودعك..
لين طاحت مني كنها ما تبينـــــــــــي..من غـــــــلاتـك ودها ترحل معك..
هاذا قلبي هاذي عيني وذي سنينـــي..ما يبونك تــــــرحل..وكيف اقنعك..
حتى روحي واقفه بينك وبينــــــــــي ..لا هي عندي ولا هي تقدر تمنعك..
خذتني كلي انا وش باقي فيــــــــــني..خــــايف اوقف والقى ظلي يتبعك..
روح وسافر بس طلبتك يا ظنيـــــني..ع الأقـــــــــــل ما اشوفك اسمعك..
روح ســــــــافر بس توعجني تجيني..وانت ســـالم لأنــي انطر مرجعك..
اما عني روح ولي ربن يعينــــــــــي..الله يعــــــــــــلم كيف حالم يودعك..
صرت أحسد من كثر شوقي وحنييني..حتى هاذا الخاتم اللي في اصبعك..

. . . . . . . . . . . . . . . . . .

بعد مرور 6أشهـــــــــر..

. . . . . . . . . . . . . . . . . .


اهواك يا مشعل غرامي..ياللي بحشايه حطني حرق..
حبك على الفواد نامــي..حبــــــن جديد احسبه برق..

بيت بو منصور..
الساعه 2ونص فليل..
حجرة ظبيه..

اليازيه:هاه ظبيه شرايــــج..؟؟
ظبيه"تخوز عينها عن الكبيوتر واتصج صووب يزوي وهي منصدمه":عنلااااااااااااااااااااااااااااااااااااااا ااااااااااااااااااااااااتج اتغرمين اتغرمين ..اوف اوف..
اليازيه:طالع حلو علي الميكب الأسود والذهبي..صح؟؟
ظبيه:شو حلو وبس..الا يخبل..باجر فالعرس سوي جيييه..
اليازيه:افـــا عليج..والله لطلع ملكو جمال..هاذا عرس ولد عمــي مب حيالله شي..ومنو عاده..حميد..أخوووي..
ظبيه:يالا انشااالله الله يوفقهم..سكتي مبارك اليوم امرمس امايه..من ثلاثة ايا كان متخرج..ااااااااااه فديت قلبه وروحه..ولا النذل مب مخبر حد من قبل..
اليازيه:مبرووووووووووووك..
ظبيه:الله يبارك فيج..
اليازيه:ما قال متى بيي..
ظبيه:انشالله باجر عسب يحضر عرس حميد..تولهتي عليه..
صخت اليازيه وهي تتذكر باللي استوالها في المطار..وتمت سرحانه..
ظبيه"اتحرك يدها جدام اعيون اليازيه":يبنا طااريه جان يضييع عقلج..يلا نشي سويلي ميكب..
اليازيه:أفــــــــــــــــا عليييييييج..من عيوووني..
يلست ظبيه وتمت يزوي اتسويلها ميكب وصوت حسين الجسمي..منتشر في اجواء الحيرة..على غنيته الرهيييييييييييييبه..الحلووووة..."بصبر على فرقاكم..

بصبر على فرقـــــــاكم..مهـــــــما تـــمر سنين..
اتخيل امحيــــــاكـــــــم..يا حبيبــــــــن العيــــن..
سبحان من انشـــــاكم..وكملك بالزيـــــــــــــــن..
قلب العنا يهواكــــــــم..ياناس يانسيــــــــــــــن..
افرح انا بلقياكـــــــــم..وانتوا علي قاسيـــــــن..
وابكي على لاماكـــــم..وأيام مرت ويــــــــــــن..
القلب يبغي رضــــاكم..مجروح به جرحيـــــــن..
جرح الجفا وفرقاكـــم..وجرحن نزيف اللحيــن...
الله يا ذكـــــــــــــراكم..على العيون تبـــــــــين..
يا ليتنا بس شفناكـــم..نتعاتب الإثنــــــــــــــين..
وان مر بي طرواكــم..اصغي شرا مصليـــــــن..
باقي على ملقاكــــــم..يالين يوم الديـــــــــــــن..

اليازيه:انتهينا..طالعي شكلج..اتقلين وحده من ملكات االجمال..الا قولي خلاص استويتن منهن..
ظبيه:اللللللللللللله محلاااااااااااااااااااااني...كل يووم سويلي..
اليازيه:تعالي والله لعدله وأخلييييييييييج تخبلييييييييييين..ام سعيد وهي متعدله...
دقايق..وظهرت يزوي من الحيره وهي ميته ضحك من شكل ظبيه..خربت لها الميكب سوت لها اللون الأسود والروج رفعته لين خشمها..وظبيه تربع وراها..بس يزوي كانت سريعه..
وصلت الصاله اللي كانت من الخاااااااااااطر مظللللللمه..مشت وهي خايفه..جان تصدم كتوفها يد شخص..ابتعدت عنه..في الوقت اللي ظبيه بطلت الأنوار..ووصرخت..
ظبيه:مباااااااااااااااااااااااااااااااااااارك..بال فعل كانت صدمه كبيييييييييرة على قلب يززووي المتولهه...ما تتوقعون شكثر هالصدمه ..اوقفتها عن التفكير..وكأن عقارب الساعه وقفت لمدة دقايق تستريح..
شافت المشهد..شافت ظبيه وهي تلوي على اخووها..وكيف كانت اتبوووسه..بس هي ما كانت تتحرك..
صد مبارك صوب حبية قلبه..وتخبرها عن الحال..بالفعل كان لقاااء باارد وتاافه و ماا عنده ساالفه...يا ترى هل هو بداااية الجفاا والهجران الحقيقي..بدون ما ايي مرة ثانيه ويتعذرلها.............؟؟؟؟؟؟؟!!!!!

. . . . .

الحب مايســـكن قلوب ومـــــــحــاني..الحب اسمى عاطفه تسكن الـــروح..
يا حبك اللي كل مضمى سقـــــــــاني..سرى بنا والدرب مهجور ومــــزوح..
ماقول منك اللي لفاني كفـــانـــــــــي..لأني أحبك هجر وعناد وجــــــــروح..
ان غبت عني طال عمرك ثوانــــــي..تقول عمرك ثانيه من عمر نـــــــوح..
وان جيتني مرت ليالي زمانـــــــــي..ما كنها الا البرق بعيوني يلـــــــــوح..
قبل الجفا عذرك سبقني وجانـــــــي..لا تعتذر ذنبك من العام مسمــــــــوح..
أبني على شوفك صروح وامانـــي..وشلون ما تبني على شوفي اصـروح..
ان كان غيري عوضك عن حنانــي..ماعاد لي غيرك من الغيد ممــــــلوح..
انته الأخير وانــــــــــــــته الأولاني..لو كان حبك حد قلبي على الصـــــوح..
والله ماباح بغرامك لســـــــــــــاني..الا عيوني يوم يطرونك اتبـــــــــــــوح..
كتمت سرك لين دمعي عصانــــي..راعي الهوى لو يكتم السر مفضــــوح..
لا تلوم قلبن در فيك الأغانــــــــي..حتى الحمام ايجره الشوق وينــــــــوح..


على ألحان غنية حمد العامري..وكلمات الشيخ فزاع..الشله كلهن يرقصن فوق الكوشه اللي كانت كلها اقلوب وورود جوري حمرا..وشرايط نازله عليها ومعلقين على نهايتها اقلوب صغيره..تلمع..عاطية منظر رهيب....
كانن يرقصن جدام منيرة..العروس الرحييمه..اللي كانت ابكاامل اناقتها..وجمالها المميز الحلوو..وفستانها الرقيق..و تسريحة شعرها اللي يايه ع صووب..وميكبها الأحمر..وباقة ورودها الحمرا..
ومن بعد الرقص..سارن يزوي هنوفي صوب سلامه..اللي كانت حامل افشهرها الخامس..بشس كرشتها امبينه واايد...ولابسه مغربي أخضر..
اليازيه:بل بل ع الكرشه..
سلامه:تتمصخرين؟؟
يزوي:لا اتطنز..
سلامه:بنشووفج يوم تحملين كيف بيستوي شكلج..
الهنوف:هههههههههههه..اتخيلي شكلها من الضحك..
سلامه:لا عاده..انتن اليوم امغطيات ع الكل..طالعن الحريم كيف يطالعكن..بتصبحن بااجر وانتن مخطوبات..
الهنوف و يزووي:ههههههههههههه..
لمحت يزوي يدوتها موزة..أخت يدوتها شيخه ام ابوها..وسارت اتسلم عليها..عاد موزة هاي هي ام حمد الخيلي...لو شفتوها كيف كانت بتااكل يزووي بعيونها..وتمت ساعه تتخبرها عن الحال..
ساعات مرت كأنها دقايق..وقالوا انا المعرس بيحدر..ودخلته عموته أم هادف..وسلم على منيرة..عاد طااااااااااحن البنات مصخره وحركات..
وبجيه انتهى العرس وتم ع خير..وسافروا المعاريش شهر عسل في بانكوك..

"ودااامت ديااركم عامرة بالأفراح والمسرات"..
. . . . . . .

روح أبتعد وانت عنـــاي..واتـــرك عذاب امولعك..
مسموح أبعد عن هــواي..مقــدر أجامل وأخدعك..

بيت بو عبيد..
يوم السبت..
الساعه10ونص..

هالوقت الكل كان ظااهر في الحوي..يودعون قوم بو سلطان لأنهم بيردون بعد ما قضوا يومين في الهير..وطبعن اسعيد ما كان وياهم..الا اليوم يأ عسب ياخذهم افسيارته..لأن الدريول ميهود ومطيح في البيت..
وبالصدفه النحيسه..كان مطر موجود....ويوم وقفوا بيركبون سياييرهم..لمج مطر وهو واقف عند ميثا..ويرمسها و لا..اللي يقهر..ميثا ميته من الضحك..
كانت فكرة ان ميثا خلاص ابتعدت واستوت لواحد ثاني..واللحينه هي حامل..للحينه ما دشت افبااله..........؟؟!!!!معقوووله هاان علييها....واللحينه من سابع المستحيلات اترد ميثا لسعيد...يعني نهاية حبهم الفراااق...
ما تتخيلون اشقد هالموقف عذب قلب سعيد..رغم الهجر والفراق الأليم..الا المشاعر ما زالت هي..والحب اللي بقا افقلبه..ما زال هو..بس هاذي هي حكمة الأقدار..

بعد وصول أهل سويحان لبيتهم..اول ما حدروا البيت..زقر سلطان يزوي..وقالها من بعد ما تتلبس يبغيها افموضوع ضرووري............؟؟!!!

الجزء الســادس والعشريـــن...

ماترحم اللي مات قبل انتــحاره..اجرم بنفـسه وانت في قلبه اجرمت ...
اثر التجاره والمحبه شطــــاره..وانا مــــــن انصار الهوى ماتعلمت ...

سلطان:اباج اتفكرين زين..ولا تستعيلين..وأنا من بعد أربعة أيام..برد وبرمسج في السالفه..اوكي؟؟
اليازيه"متولمه وخدودها حمر وتهمس":اوكي..
نقع سلطان ضحك من الخاطر على شكلها..صدت صوبه..وضربته ع كتفها..وظهرت من الحيرة..كان اسعيد في استقبالها..
سعيد:هاه شوووووو الساااااالفه..اشوف ويه متلوم و خدود حمرا..شو السااالفه؟؟قولي قولي يلا..
اليازيه:سيييييييييييير لااااااااااه..
سعيد:اللحينه انا اتقولين لي هالرمسه..
ويسير صوبها جان اتخاف يزووي..
اليازيه:لااا أخر مرررررة...
سعيد"يود شعرها":ترى عاااادي عندي اسوي جريمة فيييج..قولي اسففففففففه..
اليازيه"من زووود خوفها قلبت الرمسه":افسه...
سعيد بغى ايمووت من الضحك..فج يده من شعرها وظهر برع الصاله..أما اليازيه سارت فوق صوب حيرتها..
من حدرت بندت الباب بالمفتاح..وفجت الستارة..ومن عقبها...الدريشه..والهوى البارد يضرب في ويهها..والخصلات تنرد على ورى تلقائيا..ومغمضه اعيونها..كانت صج ملاااك..
بدت بأفكارها..الشي اللي كانت متوقعتنه يستوي في الإجازة..لأازم حد يرمس ويقول ابغي اخطب اليازيه..
"ااااااه..ليش ما يخلوني افحالي..بس مردي بعرس لو شو ما يستوي..للحينه انا تحت أثر الصدمه..اللحينه الريال اللي حدرت عليه افميالس قوم عمي عبدالله..خطبني..حمد الخييلي..معقوله من بعد هااذيج الفترة وهو يفكر فيني..ولا امه قالت له عنيه..واختارتني من بد هالبنات كلهن..وأنــا اقوول ليش كانت في العرس مهتمه فيني زوود عن البقيه..أتاريها العيوز شي افخاطرها..واللحينه شو الحل..أوافق..وأخلي مبارك..ومبارك ايحبني ويمووت فيني.أنا اصلن ماريد اظلم اللي بياخذني ويايه..شو الحل..من بعدر اربع ايام..انشالله بقول لسلطون..انيه ما ابغيييييييييه..يعني لين متى برفضهم ومبارك حتى ما رمس عن العرس وخرابيطه..بس انا مستحييل اعرض نفسي عليييه.."
تمت يزووي اتفكر وحالتها لله..

. . . . . . .

شف عيــوني هي تقول اني هويتك..شف خفــوقي من بعـــادك هـــو يعــاني
تسكــن بقلبي وفي عينــي مبيتـــك..بك صدى صـــوت بأشواقـــه دعــــــاني


أبوظبي..
حيرة الهنوف..
الساعه عشر ونص..

هالوقت الهنوف كانت تغير ملابسها..لأنه مزون و وفطوم اللحينه بيخطفن عليها ويا بنات الشعبيه عسب يروحن يتحوطن ويغيرن جو..لبست وخلصت..وطبعن بتظهر بدون عباية الا قريب عند البيت..
نزلت تحت وشافت أمهــا..ويلست تيلس وياها الا عنود أخت فطوم حدرت البيت وسلمت عليهن وقالت لهن ان البنات يترين الهنوف برع..
ظهرت الهنوف صوب بنات الشعبيه..وهن يمشن..تمن يسولفن..
مزون:ووينج يالهنوف ااممممرة انقطعتي عنا...؟؟
الهنوف:والله منشغله ويا هالجامعة...
فطوم:هيه والله شيبت شعر راسي..؟
عايشة"وحده من بنات الشعبيه":هيييييه بعدكن ما شفتن الويل من الجااامعه..والله لتكرفن كريييف..
خوله"هي بعد وحده من بنات شعيبتهم":فدييييييتني انا بعد الثنوية ع طووول عرس..ماااشي لا جامعه ولا هم يحزنون..
الهنوف:عاد هاذا ولد خالتج ما شجعج ع الدرااسه موول؟؟
خوله:لاااا يا شقااايه ما صدق..
فطوم:لاا دخييلج هم ما يصدقووون ان البنيه اتقول ما ريد أدرس..
مزون:واذا قلت ع الأقل بكمل دراستيه..هبوا افوييها هلها من صوب وهو من صوب لما اتغير رايها..
فطوم:شو تبيغين بالدراسه ؟؟..وشلج فيها؟؟؟..جابلي ريلج وبيتج وعيالج...ومن هالإسطوانه لما يكرهون البنيه ويغيرون اللي في راسها..
الهنوف:هيه والله صح رمستكن ما جذبتن افشي..ترى دور الأهل وووايد قوي افهالسالفه...وانتي غبيشه فيج هبه ع السكن وجامعة العين..؟؟
غبيشه"أخت فطوم":أكييييييييد..
مزون:تعرفنها هاي من يوم يومها مصصصصصصرية..تاكل الكتب أكل..
الكل:ههههههههههههه..
الهنوف:أشووفكن خطفتن على بيت مووزة..
خوله:تونيه مرمستنها جان اتقول انها مالها باارض ع الحوااطه..
عايشه:غبيه تمشي عسب تضعف اشوي عرس أخوها قرب..
فطوم:هيه والله..عاد موزاني الله يهداها همها الوحيد جرشتها..الا تمزرها أكل..
الهنوف:ماشالله عليها..عن تضربن البنيه بعين اللحينه يصيبها مقص في معدتها تسري ميهوده صوب الدختر..
مزون:هههههههههههه..خايفه عليها..
غبيشه:ماا عليكن منها موزة..اترووم اتصبر نفسها عن القووت لين ما تضعف..قالت لي انها بتظهر غيييييييييييييييير في عرس اخووها..نيو لوك..
مزون:المسكينه بغت حد يخطبها..
الكل:هههههههههههههه..
فطوم:من قلهم والله راصين طابور عند باب بيتهم..الا هي مادري بلاها..يالسه ترفض وترفض..
عايشه:تبى شوقها يتقدم خطوة ويخطبها..
خوله:يسدكن حش في البنيه..كلتنها..يلا منو وياها موبايل اتدق على شيخوه عسب تظهر..
الهنوف:هاج تيلفون امايه..
مزون:لا لا خذي تيلفون أمايه..
دق تيلفون ام الهنوف..جان ينقعن البنات ضحك كلهن مرة وحده..
خوله:الحمدالله ما خذيت تيلفونج..
وردت الهنوف على ظبيووه..
الهنوف:مرحبتيييييييييين كباااار.....بخير ومن صوبج...ما نشكي بااس..والله نتحوط في الشعبيه..اوووه شله ..خلاص خلاف بكلمج...سيري سيري رمسي عبيد حبيب القلب...هههههههههه..سلامن يووصل...اوكي سلمي ع يزوووي..
من بندت يت شيخه صوبهن ووايهتن وكملن سيرتهن..
عايشه:اها ومنو هاااي الهنوف اللي من دقيقه امرمستنها..
الهنوف:هااي بنت خالتيه ..ظبيوووه..
مزون:هيه هاي اللي من سويحان..
الهنوف:هيه..وتسلم عليكن..
الكل:الله يسلمها..
شيخه:لحظه لحظه..اللي ملج عليها واحد من الهير..ورميثي؟؟
الهنوف:هيه..
شيخه:هيه واخته اسمها ميثا..؟؟؟
الهنوف"ذكرت اسعيد":هيه..وانتي شو درااج..؟؟
شيخه:تراهم ييران قوم عمتيه اللي في الهير..
الهنوف:اهاااااااا...صدفه..
عايشه:متى كانت ملجتهم..؟؟
الهنوف:امممم..تقريباً من اربع شهور..
فطوم:الله يهنيهم..
مزون:لحظه وبنت خالج الثانيه..الرحييييييمه اللي شفت صورتها عندج هااك اليوم..
الهنوف:هيه هاذيك يزووي فديت رووحها...
عايشه:لا يكون اللي شفت صورتها وياج في عرس ..منيرة بنت حمدان اللي في مدرستكن ذييج السنه...
الهنوف:هيه واللي خذ منيرة هو حميد يكون ولد عم يزوي وولد خالي..
مزون:اسميييييها ملكة جمال..مشااااالله عليها..يا حظ من يضويها..
خوله:للحينه ما انحطبت..؟؟؟
الهنوف:يااا كثرهم اللي يبونها ما ينعدون..تخيلي من كانت افثالث عدادي وهي كل من شافها وشاف اخلاقها رمس عنها..ويخطبونها بس هي ترفض..
عايشه:الا قولي غريبه ولد عمها ودرها وضيعها من بين يده..
الهنوف:تراهم رابين ويا بعض لين ما استوى عمرها 16 سه خلاف انتقلوا لسويحان..وتعتبره شراات اخوها..
شيخه:واللحينه يزوي في جامعة العين..؟؟
الهنوف:لأ هالسنه موقفه..تبى ترتاح من الدراسه وعناها..انشالله السنه اليايه بتسجل..
غبيشه:وظبيه..؟؟
الهنوف:لا دخييللللج ظبيه مع انها شااطره ما تبى تكمل لأنها بتعرس ع شهر ثمانيه في الإجازة الصيفية..
خوله:هيه هاذا التفكير ولا بلاش..انا معاها الصراحه..
الكل:هههههههههههههه..
غبيشه:لأنها شراااااتج..
فطوم:لحظه لحظه..لا يكون هاذي يزووي هي اخت سعيد..
شيخه:ويدي..منو سعيد؟؟
خوله:لا يكون نسييتيه..هاذا سعيد غناة قلب هنووفي..
شيخه:اوووووووووووه دقه قديمة..للحينه اتحبينه؟؟
مزون:ماااااااااال اول..
غبيشه:والله ع بالي نسيتيه..؟؟
فطوم:قولي الا زاااااااااااد عشقها..
الهنوف:صخن عاااد..
عايشه:من صجها لا اتمن تضايجن البنيه..
مزون:هيه والله جاد ما تبى تتذكره..
الهنوف:واااحليلج ليش من متى انا ناسيتنه..؟؟
الكل:اوووووووووووووه..
وتمن البنات يتمشن في الشعبيه وحاطنها كلهن..وخلاف وصلن لكل وحده بيتها..

. . . . . . .

حيــل أحبـــك ياسمــا عمري فديتك...حيــل أحبــك ماحــد غيـرك حوانـــي
لاتقــول اليـــوم انــي ماهويتــــــــك...قـول قلبي مايعيـشه شخص ثانــــي

بيت بو منصور..
الحــوي..
الساعه12ونص..

اليازيه:عوااااااااااشي ..اغي اغي..مس بنانا بلاها بنتج ما تبتسم..من صبح الله خير وانا مبركنه عندها اناغيها..لألأسف الشديد طلعت تعرف اتطنش..
موزة:ههههههه..لا يكون امسويتلها رعب..
اليازيه:لاا دخيلكم عااده..تحلمني فليل مسكينه..
منصور:مشكله اذا ما تضحك لج..تراه بالنسبه لنا عاادي..تراها تضحك لبوها وامها..شو نبغي زووود عن هاذا؟؟
اليازيه:ووويييه مالت عليييكم..خقيتوا ببنيتكم..افذمتيه ما تسوى ظفر سهيل..
ومن قالت هالرمسه..يت الكورة ع راسها والسبه سهيل اللي كان يلعب قريب منها..الكل نقع ضححححححححححححك عليها..حتى سهيل..
أم منصور:شو يا بن منصووور ما تشوووف؟؟
سهيل:هع هع هع ...
ام منصور:فقدتها من ضحكه..بعد بعد عنا العب بكورتك اللي شروات راسك هالصوب..
الكل:هههههههههههههههههههههه..
ظبيه:هاللي اتدافعين عنه يزووي..؟؟شوفي شو سوابج..؟؟قمّح راااسج.."تقصد كسره"..
اليازيه"محرجه":جب جب انتي وخلج افحالج..ما عندج شغل الا عبيد مزرتي تيلفونه بمسجاتج يااااالعاشقه..
الكل نقع ضحك ع ويه ظبيه اللي تلون..أحمر..اصفر...أخضر..
ظبية:عنلااااااااات صداااج ويا رمستج الماصخه..
اليازيه:ههههههههههههه...يلا يلا يلا نشي ويبيلي باتشي..امسات امخلصه اللي في ثلاجتيه..لهفتي ابوووووه..
ظبيه:انزين انزين..كله ولا حقها بتموووت..
ام منصور:حقانيه هالبنيه..
اليازيه:هههههههه..مادري على منو طالعه..؟؟
ونشن وسارن فوووق..وخذتلها بااتشي..وظبيه تمت في حيرتها..عكس اليازيه ..اللي نزلت تحت وشافت الحوي انفضى..كلن سار يرقد..وسارت المطبخ عسب تاخذلها الأيسكريم اللي حاطتنها في الثلاجه من العصر..
حدرت المطبخ..وشافت مبارك يشربله مااي..هو لمحها..وهي اتحسب انه ما شافها..شي افداخلها قال لا تحدرين المطبخ..جان اتوقف عند الباب..وكاتمه صوت انفاسها...
ويلس مبارك ع الطاوله..وحط تيلفونه ع اذونه..اونه يرمسله وحدة.................؟!!
مبارك:مرحبااااااااا مليووووووون ولا يسدن افذمتيه..هلا هلا هلا والله بغناة قلب مبارك..شحالج عيوني..بخير ربي يسلمج ومن صوبج؟؟ها..ليش صوتج جيه..زعلانه منيه..شو اللي زعلج..شووووووو؟؟منو قال انيه أحبها؟؟اصلن يزووي بنت خالي سهيل كنت طوول الوقت العب علييها..عشانها حلوة وبس..والله انج أنتي احلى منها..تعالي منو مخبرنج؟؟..والله انكن يا بنات سويحان ما يغتركن شي..امممرة علوم العرب كلهم عندكن..هاذا يحب هاذي..وهاذا يغرم على هاذي..لا ااييج شك انيه ما احبج..صدقيني انيه أحبببببببج مووووووت..وانتي الوحيده اللي في بالي..ولو تبين من باجر يايين نخطب عندكم..ههههههه..فديت هالضحكه علني ما خلا منها...اميين يا رب..اها وشعلووومج؟؟تولهت علييج طول ما انا مساافر في امريكا..فديييت هالقلب اللي توله علي..والله والله أحبـــج مووت..
وسمعي هالبيت اهدااااااااء مني لج...:لو تبي هالروح ماتغلــى..عطيــتــك ......اطلب البسمــة وبك جرحـــي نســــاني
بس أبيك اتكــون في قربي رجيــتـك .......جيت لك بهديـك عمـري مع زمانــــي
"صدقووووووووووووني كان افخاطره يقول هالبيت لج يا يزووي"...
انزين وشو علووومج ؟؟؟............................................... .........

؟؟؟!!!!! يخوني..يلعب بأحاسيسي..؟؟؟؟!!!

هاللي رامت اتقوله اليازيه...هالفكرة اللي خلتها تتشنج وتتجمد اطرافها..ما رامت تتحرك من مكانها..ودموعها اتسيل ع خدها لين ما اتطييييييح ع الأرض..
دمعه..اتطيح ع الأرض..والدمعه الثانيه وراها واتطيح..
"معقوووووووووله؟؟؟انا ومبارك ونتفاااارق..والسبه خيانته..كيف هنت علييه..كيف هاان عليه اسم الله.. وهو يحلفلي بالله انه يمووت فيني..ولا فكر في يوم ينساااني..كيييف؟؟معقوله..نهاية مشوارنا الفراااق..بعد هالحب كله..نتفااارق..ونتبااعد...؟؟؟!!"..
طاحت علبة الزجاج اللي في إيدها..وتناثرت حبات الباتشي عند ريولها..
يأ مبارك صوبها..شووو اقوولكم عن هالموقف..مبارك كان ابرووحه بيصيح..عشااانه شااف هالدموع افعين يزووي..


انته عمري وانت أغلى ذكرياتــي ..... وانــت في قلبي ولا غيرك خليل


كان وده يخبرها انها بيكذب عليها..وهاللي يسويه كله عسب ذيااااااب..هو يحبها..هو يموت فيها..هو يموت في الأرض اللي تمشي عليها..ونفس الشي ويا ذيااب..


كم على ذكراك هليت أعبراتي..وانت عني يامنى روحي ذهيل


كان وده يقول لها سامحيني في اللي سويته لج..سامحيني وبنرد شرات قبل وأحلى بمليووون الف مرة..بس طلبتج لا تسيلين ادموووعج..والله انها غاليه عنديه..


لو تقضى عمرنا الوردي وفاتي ..... وانقضى وانزاح شروى حلم ليل


كان وده يقولها انا ما رمست حد..وانا ما أحب حد غيرج..انتي الوحيده الي سكنتي قلبي بمزاياج..انتي الوحيده اللي شليتي عقلي ..وانتي الوحيده اللي عشقها فؤاادي..


في صدى ذكراك باجزر حياتي ...مستحيل احب غيرك مستحيل


كان وده يقولها اليازيه ..أحبج مووووت..أحبج مووووت..احبج مووووووت..
بس بضحي بحبي عسب ربيعي اللي ما شفت منه الا كل خير..ربيعي اللي يازيني بالخير..وقف معااي بفرحي وضيقتي..اربيعي وتوأم رووحي..اخوي اللي ما يابته امي..ذياب نصي الثاني..بضحي لأنه يحبج...وسعادته ابشووفج..وهنااه بحياتج وياااه..لأن قلبه ينسا كل همه اذا شااف ابتسامه بسيطه ع محيااج..


صار عمري حزن ويامي حسراتي ..و الفرح من دنيتي شد الرحيل


بضحي بكل شي حلووو كان امبينا..عسب ذياب...بضحي بقلبي يا قلبي..عسب ذياب....بضحي ببسمتج ومشاعرج واحاسيسج..بضحي بحياتي يا حياتي..بضحي بسعادتي..وفرحتي..بضحي بحبنا البرئ..بحبنا العذري..بحبنا الكبير..بضحي بهالحب اللي سكن قولبنا دوون ما يستأذن..دووون ما انحسبه..بضحي باشتياااقي..بضحي بخافقي وشجوني..بضحي بج يا غناتي..كله عشان ذياب..


تصبح الاطلال في فكري وذاتي ... ... في الضمير تعيش لا يمكن تحيل


نظرات كلها ألم في ألم..كلها حزن في حزن..شقا عنا ..مع ظهور خيانه وصدمه..ودموووع كونت بحيرة ع الأرض..
طاحت عين مبارك افعين يزوووي..وهو يشوووف هالدمعه اتسييل ع خده من تأثير اللي سمعته..شي بالفعل كاااااان قااااااسي علييييه...شي بالفعل تمنى الموت على انه يشوووفه..شي بالفعل هز قلب مبارك لأول مرة..القلب اللي ينقال عنه صخر من قوته..القلب اللي ما هزه موقف..كثر هالموقف اللي يشوفه ويشهده اللحين..
صدق عذاااب..صدق ألـــم..صدق قهر يحرق الفؤاااد..وانته تكتشف ان خلك كان يلعب باحاسيسك..يبكي جدامك..وعند عذالك يضحك ع فراااااقك..شي يقهر..وانته تعييش ايام وسنين وما ترقد الا بطيفه..وتذكر كل حركاته ونظراته وصوته افكل لحظة وافكل حين...تعييييش ايام وسنين..وحبه ساكن افقلبك..ومتثبت كأنه جبل صااامد...
وفي الأخير..وبدون ما تحسب اي حساااب للحظة الفراااق..تنصدم فيه..وهو يحلف لغيرك انه ما يحبك..بس كان يقضي وقته ويلعب بمشاعرك..ذيج اللحظه..شو هو شعورك...................؟؟؟!!"بالفعل ابا شعور كل واحد منكم وياليت ايوافينا هالشي اففـــرده؟؟؟لا تنسوووون"..
مد مبارك يده ع خدها عسب يمسح هالدمعه اللي كأنها تتلذذ وهي تسيل ع خد يزووي..بس انصدم يوم شلت يده اليازيه قبل لا يلمس خدها..وابقووه...وقالت له ابكل حقد وقهر من اللي يصير..
يزوي:صدق انك حقييير..حقييير وبمعنى الكلمة..يالنذل..
طالعته بنظرة أخيييييييييرة..أخر نظرة في مشواار حبهم..ليتها كانت نظرة حب وهياام..شوق ووله..بس للأسف كانت نظرة حقد وقهر وكره..
ربعت اليازيه وظهرت من البيت..وهي منهــــاره..عكس مبارك اللي يلس افمكانه..وشل قطعه من الزجاج المنثووور.. وسار ورى البيت..وجرح ايييييييده وكان يتلذذ وهو يعذب عمره..كأنه يعاقب نفسه باللي سواه في حبيبته..يوم عذبها ويوم قهرها..وفي الأخير يوم مثل عليها دوووور الخياااااانه..
كتب ابدمه بخط صغير ع اليدار..حرفه وحرفها..يمكن في يوم اتشوفه وتعذره......؟؟؟!!!"اللي عليّ سويته يا ذياب...والباقي عليييك"..

. . . . . . .

شلني من خيالك شلني من حيـــــاتك..انسا حبي وقربي وانســـا ذيج الليالــي..
انته الحب كله والسبب امتـــــــــدادك..بس يكفي يا غالي يكفي اللي جرالـــي..
هاتلي ذكرياتي واستلم ذكرياتــــــــك..رد قلبي وروحي..حتى باقي خيالـــــــي..
كنت احبك حقيقه..كنت اداري غلاتك..كنت تسوى حياتي..بالفعل كنت غالـــي..
غلطتك وانت تدري حطمت امنيـــاتك..شلت عينك بصبعك وانت تبغي وصالي..
راح عنك قطاري لا تلوح عصاتــــك..كم محطه ومحطه من يميني وشمـــالي..
لا تنادي كفايه..فاتك الحب فاتـــــــك..لا تحاول رجوعه هذا سابع محالـــــــي..

இஐ° شوف لك حد غيري دام هاذي صفاتك.. இஐ°
இஐ° ببتعد عن حياتك وهــــــاذا اخر مقالي.. இஐ°


ليله بالفعل كانت حزينه..أليييمة..كيف ترقد..واليوم مفارقه حبايبها للنهاية..كيف ترقد..؟؟وقلبها يعتصر من الموقف اللي استوى..؟؟وكيف ترقد ودمووعها هماله ..

كيف أسمي حبك الحب المثالـي
كيف أمنّك الهوى وأنتـه عـدوه

مبارك..معقووله مبارك..مبارك.؟؟؟!!!..الإنسان اللي رعاني بحنانه!!..وحبني بكيفه!!...وداراني بعيونه!!..في الأخير طلع يقص علييييه!!..

كيف أحبك كيف أقول اليوم غالي
وأنت مثل اللي دخل في الحب توه

ظهر لي ويهه الثاني وانا كشفته..وكشفت لعبته الدنيئه..كشفت انها خاااااااااين.. والله انها تسبب جرووح مالها أول ولا آخر في قلبي هالكلمـــة...!!!

إلا الخيانه مالها عندي عذر..هاذي النهايه مقدر أكمل معاك..

ظهر يلعب باحاسيس قلبي...بشعورهي..يلعب بقلبي..يلعب بعقلي..يستانس ويقضي وقته..معقوووله..معقوووله؟؟؟يعني اذا انت ما تحبني..ليش خليتني أحبك..بس خلاص هاذي هي نهاياتنا..

مالك فالـــــــــــهوا ذم.. لــــــو شفتنــي عقبك أعانـي..
ما ينجبر قلب على قلب.. ولا يستـــوي العاشق أناني..

ليش تخليني أحبـــك..وخلاف تتبرى مني..انا شو سويت لك..متى أذيتك..متى قهرتك..عسب اتسوي فيني جيه يا مبارك..متى؟؟أنا الغلطانه لأني حبييييتك..

غلطان من حبك وخــــــاواك..يا خاينن حبي يا ظــــــــــــلام..
عقب المودة تقول مابــــــاك..مبعد وناوي هجر وخصــــــام..
خيبت ظني فيك وش يــــــاك..وأنا أعدك فوق الأنـــــــــــــام..

هااذي هي نهايتنا..وهاذي هي نهاية مشوار عشقي لك..تفارقنا..تفارقنا..
انا في درب وانته في درب..ولا تحسبني بتم طوول عمري عايشه ع ذكراااك...بدالك مليووون لو تدري..؟؟!!!

لك درب فالدنيا ولي درب..رّوح عساك اتعيش هاني..
و أنا على ذكــــراك برقب..ربــــــــي يعوضني بثاني..

بس تدري..صدق أحلى نهاية بيني وبينك..زين من الله دامنيه كشقتك يا مباارك..وكشفت حبك الزايف..؟؟؟!!

خلاص مات الحب وأنا اتحداك..أحلى نهايه صدق بينك وبيني..

خلاص.. .. .. عيونها بدت تحمر أكثر وأكثر من دموعها..وصيااحها اللي يحرق القلب..ووناتها الحزينه اللي تظهر من قلبها المجرووح..
تمت تتقلب بفراشها وهي اتصيييييييييييييييييييييييييييح بكل حرقه..هاذي يعني نهايتها..نهايته ويا هالحب اللي داام اسنيييين ..
وتمت موااصله لين الساعه ثمان الصبح...وخلاف رقدت..

. . . . .

ازعل لزعلك واشتري بعمري ارضاك ..يامصدر الهامي ترى العمر يفديك
اشبك بعيني وشاغل البال ذكــــــــراك.. طــــــــيفك يراودني وقلبي يناديك

بيت بو ناصر..
الصاله الفوقيه..
بعد صلاة الظهــر..

بندت الهنوف الباب وهي مبتسمه لسيف وروضه..سيف كان ميود يد روضخ ويمشيها اشوي شوي..خايفه عليها وع اليااهل..
الهنوف:والله اشكالكم حلوووييين..
سيف:من زمااااان توج اكتشفتي..
روضه:ههههههه..
الهنوف:عاد اللحينه هو بيخق وهي بتظهرلنا اضرووسها..تعال بو هناد لازم اتدلعها يعني؟؟بعدها الشهر الثاني..يعني دلعها ع الشهر الثامن.يعني يعني بالتاااسع..
سيف:ماااااااااالج خص..يلا طوفي جدامنا..اخاف تمشين ورانا وع الدري ترفسينا ونطيح رباااعه..
روضه:طالعي الأفكر انتي بس..
الهنوف:ع باله نذله شرااته..انا لو ابا اطيحك جاان من زمان طيحتك..بس اتصدقون والله والله اشكالكم حلووووة..
روضه:بسسسسسسسم الله منج ..ساااااااااااحره..
سيف:قولي ماااااااااشاالله عن اتعينينا اللحينه..
الهنوف:والله انه ناصر وعليا احسن عنكم يالمخااااابيل..>>عليا حرمت ناصر..ترى في الست شهوور كل شي تغير....؟؟!!
ووصلوا تحت...وشافوا الكل متيمع..وام ناصر توها امبنده التيلفون..وسارت تيلس عندهم..ذياب وابووه وحمدان يالسين ع الأرض ومتساندين بظهورهم ع الكنبه الي وراهم..وجدامهم ناصر ويا حرمته يالسين نفس اليلسه..ويت ام ناصر ويلست عدال عليا..أما الهنوف يلست عدال ابوها..وسيف وحرته يالسين بين الهنوف وأمها..
أبو ناصر:وش من علوم عندها ام سلطان..؟؟
ام ناصر:والله اتقوول ان واحد من ربع عيالها..اسمها حمد رمس وقال انه يبا يزووي حرمة له..وللحينه ما ردوا علييه..والله يعلم جان يزوي تباه ولا لا..والله خوفاتي البنيه اتسير عنا..وانا ابغييها لذيااب..
ذياب:يماايه..تراني ابغيها البنيه..بس اتريااا اني اشتغل واضبط عمري..واللحينه اشتغل بشهادة زينه..شو تتريين..؟؟قولي لأم سلطان انا ولد عموتها وأقربلها من الغريب..
ابو ناصر:داااامك تباها يا مسود الويه اشعنه ما رمست من قبل..؟؟ع الأق حيرناها لك..
حمدان وسيف:هههههخههعععهعهعهع...
ذياب :كنت مشغغووول بالدرااسه..وما يت ع بالي فكرة العرس..
حمدان وسيف:هههههههههههههه..
ذياب:صخوا عااااد...
كلن كتم ضحكته هالمرة...
ناصر:زين عيل..امايه ترمس خالوه حصه اليوم..
الهنوف:ااااااااااااااالله كششششششششششششخه..بيستوي بيتنا ممزووور حريييم..اخييييييييييرن..
حمدان:خل العرب يوافقون أول..خلاف حلمي ع كييفج..؟؟
الهنوف:ليش ما يوافقووون..تراهم بيلفووون الدنيا كلها..وما بيلاقون شرات ذياب..
سيف:لا وفي ذمتي بيلقون..الظاهر انج نسيتي بوحمد..
الكل:هههههههههههههه..
ابو ناصر:يلا والله انشالله بيجدم الخير..
استااانس ذياااب من خاطره..وهو متأكده قوم خاله سهييييل موول ما بيردونه..تراهم هله..

اخلفت في وعدي والله ماودي..
كل الظروف ضدي..في عالمن مجهول
غلطه وانا المسؤول..غلطة وانا المسؤووووووول...

العـــراقيب..
قبل صلاة المغرب بشوي..

مبارك وسعيد يالسييين..
مبارك:اسعيد..؟؟
سعيد:عوونه؟؟
مبارك:عانك الرحمن..امسااات حميد مرمسني وعاطيني اسئله؟؟
سعيد:شووو؟؟اسئلة..حق شوو؟؟
مبارك"يظهر من مخباه ورقه":ماادري ..ارووحي انا استغربت منه..اسعيد انا اعرف انك حبيت وحده وفي الأخير اتفارقتوا.. وهو عطاني هالإسئلة..وقال اسئلها سعيد..وهو بيرد علييك..واباكم اتسجلوونه ضروووري..مادري شو يبغيبه..
سعيد:الله وعلم..تدريبه انته حميد كييف..
مبارك:اوكي انا بسألك وانته جاوب..
سعيد:ما عندي مشكله اذا تسوون معي مقاابلة..
ضحكوا ضحكه اليمه ما طولت..وبدا مبارك يقرا السؤال الأول..
مبارك: من انت؟؟
سعيد:أنا المظلوم لكني أغاضي….
مبارك عيبه الرد..وقال لسعيد يسئله سؤال وهو يرد عليه بشعر..وبدى مبارك يعيد من اول ويديد..وسعيد يرد بكل سرعه وكأنه يحكي معاناته..
مبارك:كيف توصف نفسك؟
سعيد:عزتي هي تاج راسي هي تكابر سيف للذلة ودرعٍ مالدروع
مبارك:شو أسباب ونينك؟
سعيد:لو ما هوى الحيّين ما ضاق صدري..ولا ونيت مشنوق
لي مـــــا يــــــــــــردد آه ما ذاق طعم الهوى ومعانق الشوق
مبارك:وشو أسباب هالدمعه؟
سعيد:ما تدمع العين إلا الها سبايبها إما وغف أو بها علة ونكادة
مبارك:شو هيه مشكلتك بالضبط؟
سعيد:جفاني الحب واجفتني الليالي وجافاني زماني ثم خلي
تغير صاحبي عنـــــــي ومالـــــي وعزا النفس عني بالتسلي
مبارك:وشو حلها؟
سعيد:لابد للانسان ياخذ حذرها واعرف ترى الايام تطوي رحاها
مبارك:كيف توصف النا الحب؟
سعيد:الحب كم طبع ملايين راحوا وانا بالمثل باروح
مبارك:نريد كلمة تنصح بها اللي يبا يجرب الحب؟
سعيد:المحبة تتلف الجسم الثقيل لا تفكرها لعوب ومسخره
مبارك:كيف توصف حبيبك؟
سعيد:ثقيل العقل لو سنّه صغــــــير خجول ما يكثر م الكلامي
ويعطي الهرج منطوق لطيف كلامٍ به تأدب واحتــــرامي
مبارك:شو كنت تقوله؟
سعيد:حبيبي..
إن نطقت الكل يسمع لك يسمعك لطرش ويصغالك
والبليد إن سج يفهم لك والطيــور اتحــل عــــــدالك
مبارك:كيف اكتشفت أنه يحبك؟
سعيد:قريت الحب في مقلة عيونه وعيني فسرت قصد انظراته
مبارك:شواللي يصير يوم تشوفه؟
سعيد:يوم أشوفه أرتبش كنـــي شـــايــفٍ حــــــــكام مع قــادة
واسكرات الموت يغشني وضغط دمي زادت أعداده
مبارك:أوصف لي اشكثر تحبه!!
سعيد:أحبه حب صعب أوصف شعوري عن التعبير يعجز بي لساني
مبارك:سمعت أنك كنت تغار عليه..شو كنت تقوله؟
سعيد:ما بيك تضحك لهم حتى ولو بالغلط أخاف لي من ضحكت يفهمونك غلط
مبارك:انزين شو الكلمة اللي كنت تقولها له من القلب؟
سعيد:لولاك ما حبيت لولاك ولا عشت في دنيا المحابيب
مبارك:هل كنت حاس أنك بتفترق عنه؟
سعيد:لا شك أنا أشعر بالنهاية وش تصير وأحسب حساب فراقنا بالثواني
مبارك:كيف عرفت أنه يريد لفراق؟
سعيد:بدى الهجران مثل الشمس يظهر وما ينوي حبيبي ما خفاني
مبارك:وش أسباب لفراق؟
سعيد:اليوم حالوا به من الناس عدوان وأصبح طريق الود عفيٍ أثرها
مبارك:يوم تأكدت أنه يبا الفراق ..شو حسيت؟
سعيد:كن القلب يا خل تدميه لمواس والصدر كنه مثور به براكين
مبرك:انزين ما طلبت منه شي قبل الفراق؟
سعيد:تمهل قبل لا ترحـــــــل وتبعد وانحرم شوفـك
أريدك بالغلا تســـــــــأل إذا ما يمنعك خوفـــــك
تعال ودع عــــــــيونـــــي تراها مفارقـة مثــــــــلك
وهدي ثورة أشجوني وفارقنـــــــي على مهــلك
مبارك:ما قلت شي زياده؟
سعيد:لا باس وإن صديت لا باس تشفى جروحي وأتعافا بعد حين
مبارك:انزين ما بتقول كلمه للعذال؟
سعيد:حسبي الله ع الذي سبب شقاتي لي سقاني المر عقب السلسبيل
مبارك:ما دامه لقى غيرك بديل، وش تقول له؟
سعيد:ما ينجبر قلبٍ على قلب مادام قلبك ما هواني
مبارك:وكلمة من قلب.مجروح؟
سعيد:انته قلبك ما عرف طعم الهوى وما هوى ولا حب يوم ولا انكوى
مبارك:قالوا انك شفت حبيبك بعد الفراق..شو قلت له؟
سعيد"وهو يذكر مطر وميثا ويسولفون"::شفتك مع اللي صار عقبي حبيبك واحتارت الدمعــــــه بعينـــي وصديــت
مدري هي الصدفه لدربي تجيبك ما أدري أنا اللي في دروبك تحريت
مبارك:واذا حبيت أتزيد كلمة ..وش تقول؟
سعيد:خذ راحتك عيش الهنا عيش الوفا مع من تريد
وعسى الليالي تسعدك وتهنى مع الجو الجديد
مبارك:شو تقول للحبيب في الوقت الحالي؟
سعيد:ليتني ما عرفتك ليتني ما هويت ولا رسمتك في عيني أجمل الأمنيات
مبارك:لا تلوم الحبيب يمكن الظروف أقوى ..والا شو رايك؟>>>زاادت اجرووح قلب مبارك وهو يقول يا رب يزووي تعذرني..تراها ما تعرف شو هي ظرووفي..
سعيد:لي ما عرف معنى الهوى ولا ذاق تلويع الغرام
يا صاحبي صعبٍ عليه يكمل غرامــــــــه بالكـلام
مبارك:كلمة أخيره للحبيب؟
راح تعرف ان حبي مع مرور الوقت صايب
راح تعرف في النهايه ما حد يعوض مكاني
راح يكشف لك زمانك من هو اللي كان طايب
ومن هو اللي لجل خله عاند أظروف الزماني
مبارك:أقول ..ما بتوعد الحبيب بشي؟
سعيد:لو تفــــــرق بينـــنا ســود اللــــــــيالــي ولو يحول الدهر واصــــروف السنينا
لا حشا ما أنساك لو طال المطالي في الحشا مطبوع رسمك يا الضنينا
مبارك:انزين بحاول أشوف لك حل علشان يرد لك الحبيب..شو قلت؟
سعيد:من تقنع النفس قنعـــــت لــــو تعاتبـــها ما عاد ترجع كما لول على العـــــــادة
ونفسي على ما كرهت ماني بغاصبها ما هي على المخدعه والشين معتاده
مبارك"وهو مركز على هالسؤااال"::ليش تقول إن الليالي ظلمتك؟
سعيد:خذت مني الليالي أعز غالي تفارقنا ولا باليد حيله
مبارك:انزين شوه اللي يزيد عذابك..خبر حبيبك؟
سعيد:أمسح دموع العين لي من تذكرت حبك وهمساتك وذيك السوالف
مبارك:لين متى بتم تذكر حبيبك؟
سعيد:لين جسمي يندفن تحت الرمالي وارتحل من دنيتي وأصبح دفينا
مبارك:ليش كل هالذكريات..شو اللي ذكرك اليوم.؟
سعيد:ذكرت الخل والعبره اخنقتني ودار بخاطري وقتٍ مضالي
وهبت مطلعيــــــــــة وبــــيتـــتني ويابت لي روايح حد غالــــي
آلا يا ليتــــــــهــا مـــا ذكرتنـــي وخلتني من الليعات سالـــــي
مبارك:أنا أقول لك كله هذا مكتوب..ولازم تصبر..؟؟
سعيد:مضت لاقدار والاقدار تجري ومن له في ردع الأقدار حيله
مبارك:شو تقول كلمه لنفسك تخفف معاناتك؟
سعيد:أنا مــــو أول ولا اخـــــــر حبـــيب في النهاية مع حبيبه يفتـــرق
من متى صابت معي حتى تخيب البخت وياي عمره ما صدق
مبارك:كلمني عن الحظ؟
سعيد:حد نجمة في الهوا صاعد وحد نجمه ضايعٍ فيها
مبارك:شو تتمنى؟
سعيد:ليت لي قلب خلي ما عرف فرقى الوليف لا عليه ولا علي لا ربيع ولا خريف
مبارك:توعدني أنك ما تنساني؟
سعيد:ما أوعدك من يضمن أظروف الزمان لا تصدقي من قال للدنيا أمان
مبارك:هل لك طلب؟
سعيد:هاتوا حبيبي..لو دقيقة بحاكيه يمكن يطيب الجرح..ويطيب مابي
مبارك:بتوصي علي شي؟
سعيد:لكن وصية للنشاما لي بدت لعلــــوم وقالوا رحمة الله ما مات من شيبي
لفوني بثوبه وقولوا طلبت المرحوم ومن عطره المخصوص كثروا تصبيبي
مبارك:تنصحنا بشي؟
سعيد:أنصحك عن كثر الضجر والتكدير الأيام ما تسوي تكدير بالك
مبارك:نبغي منك دعوة من القلب…؟؟
سعيد:أطلب ربي المعبود يجمع كل خل بخل ..ولي له خل وامحروم أكيد يقول آميني
مبارك:آميييييييني...
ويوقف التسجيل..
مبارك:والله انك رهيييييييييييييييييييييييييييب ومن الخااطر..
سعيد:رهيب..بس زاااادت جرووحي يوم ذكروتني بحبيبي..
مبارك:دخييلك يا بوعسكوور..لا تزيد المواجع..في الهوى سوى..امسااات انا مفااارق خلاني..جرحوني وجرحتهم والسبب تضحية....؟؟!!ليتنا يا بوعسكور ما هوينا..
صخ سعيد ما يبا ايزيد جرووح مبارك اللي شكله من صج متعذب..اكتفى بكلمه..
سعيد:صح كلامك..ليتنا ما هوينا ولا تعنينا..ما اقول..الا..الله يعينك..ويعيني..

"هالحوار اللي استوى بين مبارك وسعيد..انا قاريتنه من فايل وحده من ربايعي مطرشتلي اياه عالإيميل..الصراحه عيبتني الأشعاار واايد والأسئلة بعد..وحسيت ابها انها تنفع لسعيد..غلا المااضي..طالبه راايــج..؟؟؟دامج علقتي ع الأشعاار اللي أحطهن...؟؟!!"

. . . . . .

الله يسامــــحك رووح..بس يكفيني جرووح
لين متى اتحمل خطاك..الله يسامحك رووح..

في بيت بوسلطان..
الحوي..بعد صلاة المغرب..

يزوي يالسه ويا امها وسلطان..بخصوص سالفتها الخااصه..
سلطان:يلا يامايه رمسي.
اليازيه:ليش في شي يديد..؟؟
ام سلطان:ياليازيه يا بنيتي..اليوم انا مرمسه عمتج ناعمه ومخبرتنها عن رمسة حمد..جان تصلتبي واتقوول ان ذياب يبغيج له..وهو أقرب من الغريب..
سلطان:هاه يزووي؟؟شو قلتي..
اليازيه:صح كلام ذياب..هو اقربلي..
ام سلطان:وذياب ريال والنعم فيه...وما بتلاقين حد شراته في هالدنيا..
اليازيه"اتنش من مكانها واترمسهم وهي واقفة": حمد وردووه..وانا موافقه ع ذياب..
"جيه يكون أحسن..خذت وااحد يشاااااااااابهك يا مبارك..عسب ينحرق قلبك انيه خذيت خوييك..وربيعك وتوأم رووحك..خل اتحس انك في خيانتك فقدت انساانه وهبت قلبها لك.."..
مشت وهي وردة ذبلاااانــه..كلها اسى الم جرووح مالها اول ولا اخر..يلست في الصاله..وليعات الهم تكويها..وجروحها كلها تدمي ..
يت مهره صوبها وسلمت عليها وباركتلها..
مهره:اووه يالا من قدج يالعرووس..اذياااب؟؟اذيااب مرة وحده؟؟اسميييج ضويتي الخير من اللحينه..ريال الصرالااحه..ماروم ارمس عنه..
جان ايي راشد صوبهم..
راشد:يزووي صج اللي سمعته..
اليازيه"ابضييجه":شو اللي سمعته..
مهره:هيه صج اللي سمعته..اليازيه بتعرس ..
راشد:اوووه مبروووك مبرووووك..
يلست اليازيه بين خوانها مهره وراشد اللي كانوا مستانسيييين بهالمناااسبة..ومستااائيين لـأن يزووي بتظهر من البيت..
يت ظبية بيتهم..وسحبت يزوي ع حيرتها فووق..
ظبيه:شووو انتي ينيتي..كيف توافقين ع ذياااااااب ومبااارك يبغييييج..
اليازيه:امبارك؟؟بس بس ولي يرحم والللللللدييييج..قالتلي مبارك..ليش اخووج يبغيني؟؟
ظبيه:هي والله انها حلفني هاك اليوووم..
اليازيه"منهاارة":بس بس..مبارك يهون عليه كل شي ..حتى اسم ربه..مباارك جذااااااااب جذاااااااااب يا ظبيه..
ظبيه:في شوو جذااب قوليلي..
اليازيه:مااريد أخبررررج..
ظبيه:انزين..حد غصبج على ذياب..
اليازيه:لأ محد غصبني..تدرين بهم اهليه..
ظبيه:أنزين شالسبب اللي يخليج.......
اليازيه:خلاص ظبيه..انا ومبارك تفااارقنا..
ظبيه"منصدمه":اشووووووووووو؟؟انتي شووو تقوولين؟؟شو تفاارقتوا؟؟انتي اللحينه بعقلج.من بعد هااك الحب اللي شهدته من أولــه..تتفارقون والسبب؟؟قوليلي شو السبب؟؟
اليازيه:بس جييه..انا عفته..
ظبيه:يزوووي قوليلي..شو السبب..
توقف يزووي صوب الدريشه اللي كانت مفتوحه..وتشوف امها ومنصور وموزة وسلطان وعموتها وسهيل يالسين تحت..وترمس بكل قهر..
اليازيه:هجرني..هجرني يا ظبيه..وخاني..وبعدج تبيني أحبه..كييف؟؟؟
هجــرك ابد ما هز قلبي .. دام الشموخ مني وفيني..أغلييك أدري وهاذاا دنبي..واللحين غلاك ما يعينيني..أكرر واقولك ما يهز قلبي..حبن ولو من مولدي مخاويني..
ظبيه:مستحييييييييييييل مبااارك يخوونج؟؟
اليازيه:سير لاه..اونه مستحييل..لو بسمع من غيري يمكن..بس الحلو في الموضوع انيه انا كشفته..كشفته وهو يخوووني ويحلف لغيري انه بس كان يلعب علي..ظبيه..شو شعورج افهااذيك اللحظه..لو كنتي بدالــي؟؟
ظبيه:معقوووله؟؟
اليازيه:هههههههه..الا معقوله واكبر معقووله..اخووج يحسب انيه بصيييح افرااقه طوول عمري..شوفيني اليوم الثاني وافقت على ربيعه..ههههههه..سالفه حلوووة ابصراحه..
ظبيه:يعني اللحينه انتوا اتفــارقتوا؟؟
اليازيه:أنتهينا...انتهينا...

. . . . . .

معي ذكراك لزوق وحلاتي ..يشافي القلب والروح يحييها
اداوي به جروحن مخفياتي..فلا يقدر طبيبــــــــن يعتنيها

في سيارة ذياب..
جدام بيت بو منصور..

ذياب:تدري مبارك يوم قالتلي امايه ان يزووي وافقت..والله انيه استاانست من الخاااطر..أحس حلم عمري تحقق..
مبارك:الله يوفجك يا ذياب..وعقباالنا انشاالله..
ذياب:اميييين..
مبارك:يلا انزل خل نرقد..الساعه2ونص..
ذياب:لالا انا بسييير..الحكومه تترياني..
مبارك:ههههههههه..عيل مع السلامه..
ذياب:فمان الله..
ظهر مبارك من سيااارة ذياب والدمعه افطرف عييينه..كانت تبى تنزل..بس هو مسحها ورسم بدالها ابتسااامه..شاف ظبيووه يالسه ع الدري تترياه..بس كانت امقفيه به..وما حست ابوجوده..لأنه يمشي بشوي شوي ..يبغي يخوفها..بس شده اللي اتقووله اللحينه..شي طعن قلبه وهو يسمع هالرمسه..وكأن البيت معدوووود فيه..
ظبيه:هجرك ابد ما هز قلبي..داام الشمووخ مني وفيني..
اغليك ادري وهاذا ذنبي..واللحينه غلاك ما يعنيني..
اكرر واقولك ما يهز قلبي..حبن ولو من مولدي مخاويني..
مبارك:منوو عاد هالقصيد؟؟
ظبيه:اوووه مبارك تعال تعال اباك في سالفه..ههههههه..كنت ارمس رووحي..
مبارك:ييلس عدالها":منو اللي عادنها؟؟
ظبيه:اليازيه بنت سهيل..
مبارك:في منو؟؟
ظبيه:فييك..
نش مبارك من مكانه..
ظبيه:وين؟؟
مبارك:برقد..
ظبيه:بس بعد ما اعرف السالفه..والأسباب؟؟
مبارك:يوم اغيب عنكم بتفهموون كل شي..
ظبيه:شوووو؟؟
بس ميارك ما رمسها..حدر حيرته..وفج هااالك الدفتر اللي وياه في امريكا..وفج صفحه يديده..وبدى يكتب؟؟
"ياليت تقرون القصيده وتتمعنون فيها"..
احبك كثر ماتنبت على خد الثرى اشعــــــــــــــــــاري...
كثر ماالشمس تمطر نور وكثر الحزن في عيني
احبك لين صار الحب ثوبي وقوتـــــــــــــــــي وداري....
واحبك لين مل الصبر وعيا لا يواسينــــــــــــي
وهبتك للاسف روحي وعمري واجمل ازهـــــــــاري...
وزرعتك والسبب ضعف جروحن في بساتينــــي
ورغم حبي واخلاصي وعشقي الصادق العــــــــاري...
رحلتي وصارت الغربه خناجر في شراييـــــــنــي
كرهت الامس والصدفه واقدامي واقـــــــــــــــــداري....
وكل اللي يجمع في يوم مابينك ومابينــــــــــــي
وصرت اركض ابي ادفن في عين الشمس اصراري....
وكل اللي بقى منك وكل اللي بقى فينـــــــــــــــي
جمعت الحب في كلمه هديتك عذر لأعـــــــــــــذاري....
جمعتي لي الجفا بكلمه وفي كلمه جمعتينـــــــــي
تلحفت الوجع لاجلك وصرتي دمي الجــــــــــــــاري....
تبعتك لو امل كاذب يضحكني ويبكيــــــــــــــــني
نويت وكانت القصه بدا والحزن مشــــــــــــــــواري....
كأن جروح خلق الله غدت عقبك عناوينــــــــــي
رحلت وكانت الغربه وظل هناك تذكـــــــــــــــــــاري....
وحلم اني بعد كم عام اشوفك او تشوفيـــــــــني
مضيت وصورتك نجمه يداعب ضيها افكــــــــــاري...
واصد وصورتك فعيني ودمعه فوق خدينـــــــــي
مظاهر هالجفا والكره كانت اخــــــــــــــــــر ادواري....
تناسى مانسى قلبي ولو انك نسيتـــــــــــــــيني
وصيتي تذكريني بخير اذا ماجابوا الطــــــــــــــاري....
واذا مامات حب الكون قصيدة حب غنيــــــــــني
يااجمل من هنا الماضي فمان الحافظ الـــــــــــباري....
ترى مابه في هالدنيا سوى موتي ينســــــــــيني
الم هم وفرح اصفر وهذي اخر اخبـــــــــــــــــــاري....
وامانه ان كان باقي جرم اخذيه ولاتزيدينـــــــي
وهذا اخر احساس القصيد ونبض انهـــــــــــــــاري....
واذا قد هو بدى تقصير ..فليتك لو تعذرينـــــــــي

وكتب في نهايتها..شي خلاف بتعرفووونه..

الجــزء الســابع والعشريـــن..والأخيــــر...

حبنا لو يوزع على البشر كــان زاد ... لانه بكل لحــــــظه وكل ساعه يزيد
لك صدوق المحبه من ضمير الفؤاد... كيف ينســاك قلبي وانته للغــيد سيد

دخــل اذياب حجرته..والفــــرحه شاقة ويهه..للحينــه مب متخيل ان كل اللي صـــار من صج..الفرحه حلت ابقلبه واعلنت وجودها من يوم ما قالت له أمه ان يزوي وافقت..
هو يحبها..هو يغليها..هو يموت فيها..تخيلوا شعوره ان بيعيش ويا اللي يبحها من يوم ما كان صغير..وبيعيشون تحت سقف واحد..كان دوومـــه يحلم بهالشي..واليــــوم وابكــل بســاطه تحقق حلمــه اللي انتظره من زمــن طويل..
من عد مــا خذله شور وغير ملابسه..يلس ع الشبريـــة ..ودق لمبـــارك..
ذياب:مــــــرحبا مليوووووون ولا يسدن افذمتيه..
مبارك:مرحباااابكم زوود..
ذياب:شحـــالك يا بوحمد..
مبارك:يسرك الحال ولا يضرك..شحالك انته وشعلوومك؟؟
ذياب:اها وينك اللحينه؟؟
مبارك:صوب العراقيب..
ذياب:اللحينه..تدري اللحينه الساعه كم؟؟
مبارك:ادري الساعه ثنتين ونص..
ذياب:وشو ميلسنك للحينه..سير بيتكم ارقققققد..
مبارك:لو تشووووف المهب البااارد..والسما الصاافيه..وتشوف القمر فاارض وجوده فيها..هالمشهد يمكن يواسيني ويلملم جرووحي لم..
ذياب:اسميييييييك..مبارك..ليش ما نخلي عرسك وعرسي افليلة وحده..
مبارك:ههههههههههه..لا احلف انته بس؟؟
ذياب:صدق والله ماجذب عليك..هاه شالراااي؟؟
مبارك:لالالا..انا بعدني مطول..لين ما انسى..يصير خير ذيج الساعه..
ذياب:تنسى شوو؟؟
مبارك:عنايه وجرووحي..
ذياب:مللتني ترااك..اي جروحي واي عناا..من متى اتخش عني؟؟؟ارمس يلا وظهر اللي في خاطرك.
مبارك:......................................
ذياب:لييش صخيت وكتمت انفاااسك..؟؟
مبارك:تدري متى بعرس انا؟؟
ذياب:متى؟؟
مبارك:يوم اييك ولد واتسميه مبارك..وانعرس انا وياه مرة وحده..
ذياب:ههههههههههههههههه..حلووة حلوووة..
مبارك:يلا ذياب انا بسير البيت برقد..تامر بشي؟؟
ذياب:لأ سلامتك..فمان الله..
مبارك:الله يحفظك..
من بند ذياب.."غرييييييييب هالمبااارك..على طوول هالعشره بس بعدني أحس عمري للحينه مب فاهمنه..هاذا لو سموه الغامض احسن من مباارك..افدييت قلبه والله.."..

. . . . . .


بديناها محبتنا جمــــــــــــيلة ..ولازم تنتهي مـــــــثل البداية ...
ما دام السعد لحظاته قليلـــــة ..وكل ظروفنا عكـــــس النوايا ...
حبيبي أدري الفرقا عضيــــلة ..وهذا هو سبب رجفة عضايه ...
على لساني ترى والله ثقيـــلة..ولكن كل شي وله نـــــــــهاية ....
ألا يا من خذى قلبي بحيـــــله ..وأنا في غفلة بين البرايـــــــا ....
أنا لازلت أقول انتي الأصيلة ...وأفاخر كل ما عد الصبايــــــا ....
معك عشت الحياة المستحيلة ..بلا هم وكدر وبلا وشايــــــــا ....
ولكن كم لي فارق خليـــــــله..ولا له بالجفا غبة وغايــــــــــة ....
بديناها محبتنا جميــــــــــــلة ..ولازم تنتهي مثل البدايـــــــــة ....
ما دام السعد لحظاته قليلــــة ..وكل ظروفنا عكس النوايــــــا .....


وقف سيـــارته..من بعد ما بند شريط الشلات اللي كان يسمعه..ابتدا شريط ذكرياتهه ينعرض جدامه..وابكل تفاصيله..
تذكر اول لقاء له ويا اليازيه من بعد ما تركها في صف اول ثنوي وردلها وهي افصف ثالث ثنوي..تذكر ملامح ويهها وهي اتهزبه..وتذكر وقفتها عند الثلاجه..ومن بعد ما تذكر هالشي..بدت الأحداث اتجر بعضها البعض..ومبارك حاط راسه ع السكــــان..لدرجة انه يتذكر الأياام اللي كان يستهبل عليها..ويبتسم لها افنفس الوقت..تذكر موقفه وياها في امريكا يوم كانوا في المطار وفي الحديقه..وفي المستشفى..
من بعد هالذكريااات الألييمة..ظهر مبارك من السياره سفرته ع جتفه..ســار فوق صوب ظبيه..يشوف احوالها..فج باب الحيره..بس محد هي..قال افخاطره اكيد في الحمام..
ربع صووب كبتها وفج السده الأخييرة..ودور من بين اغراضها..لين ما لقى اللي يباه..ورتب الأغرااض ابصورة سريعه..وظهر من الحيرة وكأن شئ لم يكن..
من حدر حيرته..بند الباب وتم يطالع اللي فيده..لين ما يلس ع الشبرية..
"أحبــــــــــــــــــــــــــــــــــــــــــ ـــج موووووت"..
تأمل صورة اليازيه..تأمل جمالها الربــاني..تأمل طفولتها وبرائتها..تأمل حلاها الصاارخ..تأمل كل شي فيها..رموشها الكثيفه اعيونها الوساع..
مــن استوت السالفه..ماشي فرحّه الا ابتساامة ووناسة ذياب..وماشي زااد من حزنه الا البيت اللي عادتنه يزووي في مبارك..
رقد مبارك وصورة اليازيه رقدت وياه في حظنه..وهو طالب ربه ان يوفجه في حياته بدون يزوووي....................؟؟؟؟!!!!!!
رقد مبارك وكل اجرووحه بدال ما تبرى اتزيييد من تعمقها..بدت بسمته وكأنها دمعه..وضحكته كأنها نووح..وبدت أحلامه كوابيس..ورقاده سهر..
من صج حياته ألييمه..كلها شقا وعنا..عاني لين ما خلا اليازيه اتحبه وما تصبر عنه..خلاها اتموت في طلته وضحكته..وتذووب في ابتسامته..خلاها تعشق مبارك بمعنى تعشقه..وخلاها اتعيييش في نار اشواقها اذا غاب عنها..وهو بعد بادلها الشعور..ايموت في طلتها وضحكتها..ايذووب في ابتسامته..يعشقها بمعنى يعشقها..ويعيش افنار الشوق اذا غابت عنه..
عشقها مبارك..عشقها الم ..عشقها خبال..عشقها عناد..عشقها ضحكه وبسمه أليمه..عشقها مسحوور بجمالها..معجب بشخصيتها ..منجذب بشموخها..متمني وصالها..حالم ابوجودها..عشقها مبارك..ومن بداية عشقه والشقا مخاويه..عشقها وما كان يدري ان من ورا هالعشق تكسير خواطر وتجريح قلوب..ودموع سايله مع حلول الليل..مع تمثيل لدور الخيانه..
رقد مبارك وهو متمني السعااده لذياب ويا اليازيه..رقد وهو رااضي اتم الرضا باللي يصيرله..رقد وافخاطره قبل لا تتركه اليازيه..او هو يتركها..ايقولها..بكل اللي صار..لأنه للحينه مب متقبل انه اليازيه تكره وتعاف شوفته.......؟؟؟!!!

. . . . . . .


بسكت واخبي جرح قلبي عن الناس ..مادمت ياخلي في بعدي تناسيت
افهم ترا مافيني شي من اليـــــــاس ..لاني عرف الحب صادق وحبيت
دام الغلا مع كل شخص له اقيــــاس..مات الغلا من يوم عني تخـــليت


بيت بو سلطان..
يوم الأحــــد..

طــــاحت يزووي ع شبريتها وحظنت مخدتها وهي اتطالع السقف..
"العرس بعد شهـــر..وقبله بأسبوووع الملجة..أأأأأأه ليتني ما وواااافقت...قلبي للحينه ينبض بـــإسم مبـــــاررررك..ليتني ما هويـــتك.."
يلســــت يزووي سجيــنة أفكــأرها لين مــا أذن العصــر..من سمعت الأذاان سارت وتيددت وصلت وقرتلها قرآن..
ومن بعد ما غيرت ثيابها..واشوي..الا تسمــع صووت صبيب مطر..ربعت صوب الدريشه وفجت الستارة ومن بعدها فجت الدريشه..ومدت يدها برع..الا وقطرات من المطر يت ع اييدها..
سوت حفله سوت عرس..من زوود وناستها..المهم انها شلت شيلتها وطييييييييييران ع تحت..
بالفعل كااااااااان الجووو رهيييب بمعنى الكلمه..يلست في الحوي..وكأن الأحدااث تنرد مرة ثااانيه..>>شرات بداية القصه..
أم سلطان:يزووووي حدري يلا..عن اتطيحين ميهوودة..
اليازيه:لالالالا..انا بيلس اهنه..امايه..
ام سلطان:والضرييس.؟
اليازيه:حرام عليكم حوطوني اشويه..
ام سلطان :صكي الدعنة يلا..ان يااج الإفرااج من ظبيوه سيرن..هزري اخوانج ما بيودونج مكان..
اشوي الا ويسمعوون صوت درااايه..أكيييييييييييد رشووود..وقف عدال اليازيه وهي للحينه ما توسخت بالمااي..
اليازيه:وين وين وين وين؟؟
راشد:العراقيب العراقيب العراقيب العراقيب..
اليازيه:حراااام خذني ويااااااااااك...
راشد:سييير لاااا..الكيمرا الكيمرا الكيمرا وينهي؟؟يبيها يلا بسسسسرعه..
اليازيه:سييير لااااا..سير افحيرتيه ع في سدة الكبت اللي تحت بتلاقيها..
راشد:اسمييييج نذله..
ويسير راشد فوق..وتصد اليازيه جان اتشووف سلطان وسلامه..جان اتعفد على سلطان..
اليازيه:دخييييييلك سلطان حوطنا اشوي اشوي..
سلطان:يلا يلا يوم ارد بخذكن كلكن ووياكن ظبيوه ومواني ومهوي..يلا سيري عني اللحينه..
وصدوا كلهم ع نيسان اسعيد اللي قحـــــــــــص وياخذ ويلات.. في الحوي..وخلاف وقف عندهم..
سعيد:هاه بو ميد ما بتظهر..؟؟
سلطان:وياا ويهك اول العرب بظهر..
سعيد:بس بس ..دخيلك سر العرقوب العود..افذمتيه ذمه ان شباب الرماح وشباب بوظبي وشباب اليحر ..وشلة شباب من الهير..يقزوووووون قز محترم...اللحينه داقلي حميد قالي بيوطي حرمته اهنه وبيي صوبنا..
ام سلطان:ياا مــرحبااابها والله..مهروه سيري صوب ميلس الحرمـــات تونيه حطيت الفواله فيه..شيكي عليها ودخني الميلس..
سعيد:يلا بسير بطرهم..
سلطان:وااااثقين منك..
وشخط سعيد ويل في الوقت اللي سار سلطان وركب سيارته..وتلاقف جدام الباب مع منصور ورااحوا اربااعه..لأن شوفة العرقووب اللحينه محد يفوتها مووول..سلامه وأم سلطان ومهره يالسات في الصاله..وفاتحاات الستارة ع دريشه عوووده..يعني من نص اليدار لي نهايته تحت..وكانن يشوفن اليازيه وهي يالسه تحت المطر بدووون ما اتسوي شي..
نشت اليازيه من مكــانها وسارت المطبخ ويابت المدخن عسب اتدخن ميلس الريااييل..ودخنته...
بدى المطر يخف اشوي..وهاللي قلل من وناسة اليازيه..جان اتسير حيرتها وتتسبح بمااي دااافي..وخلاف لبستلها كندورة بنية ويا شيلتها.."المصلى"..وجففت شعرها ومن بعدها حطت قصتها ابصوب وااحد..وسوتلها كريم وحطت جحال وقلوس..وبعدين نزلت تحت..
اتفااجئت بوجود ظبيووه..سلمت عليها وسحبتها ظبيووه صوب السيااره..بدون ما ترمسها ..
اليازيه:حووووه وين تبين بي؟؟
ظبيه:جب يلا جب..بنسير نتحوط..
اول ما قــال هالرمسه حدرت سيارة حميد البيت..ووقفت عدال السيارة اللي يابت ظبيه..
حمدت ربها اليازيه.خـاطرها اتشووف منو اللي في السيارة..خاصتن انها لا سيارة لا منصور ولا مبارك..ولا حتى عمها خليفه...انفج باب السيارة وظهر مبارك منها..فز قلب يزووي وكأنها اول مرة اتشوووفه..كان لابس كندورة سوودا..وفااج شعره ومب حاط لا سفره ولا قحفيه..وشعره امبلل ماااي..كــــــــان شكله من صج عذااااااااب..ووسااااامته محد يتحداها..
سلم على حميد وعلى منيرة..وسارت اليازيه وسلمت على حميد وحرمته..ورحبت بمنيرة..في الوقت اللي كانن سلامه ومهره وام سلطان واقفات يترين منيرة اتحدر..
حدرت منيرة البيت..
حميد:يلا عيل بو حمد اشوفك عند العرقووب..
مبارك:بعد نص ساااعه بكــون اهنــاك..بعدني بحوط هاييل الثنتين وخلاف بييكم..ما بطي..
حميد:رمست ذياب..ووينه؟؟
مبارك:اوووه ذياب اول الواصلين اهناك..اتلاقيه يقز اللحينه..
حميد:يلا عيل بسير صوبهم..
مبارك:الله يحفظك..
سار حميد وصد مبارك صوب اليازيه وظبيه..وقـــال
مبارك:يلا طوفن..
سار مبارك وركب سيارته..
اليازيه:سييري اروووحج..انا بيلس عند منور بجوف اعلوومها..
ظبيه:قلت لج اقل من ربع ساااعه حرااااااام عليييج..ياخي خل عندج ذكريات قبل عرسج..
اليازيه:أوووووووووف..
ظبيه :لا تتأففييين..يلا طوفي جدامي..
رضت يزوي بالأمر الوااقع..ركبت ظبيووه جدام..وفجت اليازيه الباب اللي ورى ظبيه..بس لقت كوووم أكيااس وكنـــادير..
مبارك ما علق..عكس ظبيه..اللي علقت..
ظبيه:ركبي الصوب الثاني..
حاست اليازيه ببوزها ..وركب ورى مباارك..واللي قهرها حركة مبارك اللي عدل المنظرة ويباان ويه اليازيه بالكاااااامل..وكانت تسمع ميحد حمد يغني..

أمطرينا ياسحابــــــــة .. أروي الأرض المحيلة
هلي بجود وصـــــبابة .. أشفي النفـــس العليلة
عالجي القلب وصوابة .. بالهوى اروي غــليلة
أغسلي عنه الكــــــآبه .. بالهني كوني وسيــلة


من ركبت وراه..حست انها من صج اول مرة اتشووفه..صج وسامته محد يتحداااه فيها ..وشخصيته الرجووليه الطااااغية..شافت شعره المبلل وودها تلمسه..بس وخت براسها تحت الشي اللي ما خلا مبارك ايشووف ملامح ويهها..
ماتعرف وين ساروا..ووين وقفوا..كانت مب حاااسه موول فيهم..قلبها ينبض بكل قوه..كل ما رمس مبارك..ولا ضحك..كــانها ما تأثرت باسالفة خيانته..كـــانها للحينه اتحبه..بس هي من صج للحين اتحبه..وصعب تكرهه او تنســاه..وقفوا عند العراقيب..بس كان ابعييييييد واااايد عن عرقوب الشباب والقز..
ظهر مبارك من بعده اليازيه وظبيه..
مبارك:هاه ظبيوووه ارتحتي اللحينه يوم سرتي العرااقيب..
ظبيه:والله اعديبهن اخر مرة ويا بويه طولي بعمره..
مبارك:انزين يلا سيرن اتحوطن اشوي يوم اييكن بنرد..لا تبعدن
ظبيه:انشااالله..
ويوم بعدن عن مبارك..
اليازيه:عنلاااااتج يا النذله..شوو افسر حركتج هاااي؟؟
ظبيه:صدفه ..ههههههههههه..
اليازيه:ظبيوه حرام عليج ليش سويتي جيييه..والله انج فتحتي اجرووح قلبي كلها..
ظبيه:اووه انتي بتفهمين كل شي اخلااااف..
ويلسن يلعبن الرمل اشوي..جان اييهن مبارك وييلس عدال ظبيه..
ظبيه:مبارك شي أكل في ثلاجة موترك..
مبارك:هيه ..فاتح دكان هناك..
ظبيه:هههههههههه..يلا اانا اللحينه بيي..
اليازيه:تريي بسير ويااج..
مبارك:لا انتي لا اتسيرين..اباج افكلمة رااس..
انقادت اليازيه لأمر مبارك..ماتعرف هو فظوول حرق قلبها تبى تعرف هو شو يبا؟؟ولا شعور الحب للحين متملك فؤادهــا..
اليازيه:ليش في شي ثاني عندك تبى اتقوله؟؟
ظبيه:يلا مع السلامه..
وسارت ظبيه..
اليازيه"واتحط عينها افعينه":ولا عندك جرح للحين ما غرسته افقلبي كانت ناسنه ..؟؟
دق تيلفون مبارك وكان ذياب..رد عليه مبارك..من زوود ربشته وانفعاله فر التيلفون ع الرمل بدون ما يتأكد اذا بنده او لا..
مبارك:قبل كل شي..لا تعاتبني..موول ما اتحمل عتاابـــج..
اليازيه"بدت اعيونها تدمع":مبــارك..بلييييز كااافي تمثييييل بليييز..
"بليييييييز قروا القصيده"..

مبارك:إجرحيني لا بغيتي .. كان لج جرحي إبتسامه
المهم إنـج تكونـي يـا بعـد ذاتـي.. سعيـده"ويأشر عليها"..
روحي له الحين يالله وإسمعي صوته وكلامـه
ولا تشيلي هم قلبـي"ويأشر على قلبه".. عيشـي دنيـاج اليديـده
قولي لذياب إنج ما عرفتي فـي الحيـاة إلا غرامـه
وقولي إنج قبل حُبه تمشين فـي دربـج وحيـده
ولا تيبين لي طاري وتسمعـين منـه ملامـه
سولفي عنّج وعنه وصيري عـن قلبـي بعيـده
وإن بغيتيني"ويأشر على عمره" تعالي وعوّضي فينـي خصامـه
وصدقيني في النهايـه إنتـي وحـدج مستفيـده
دام قلب ذياب من غلاتج..... ايتفزز مـن منامـه
أشهد إنه حيل حَبج مـن وريـده لـي وريـده
وان كان همي بس اشوفج طايره مثـل الحمامـه
وإن فرحتي كنت أفرح وأكسر بيـوت القصيـده
كنت أشوفج في عيوني مثل (زرقاء اليمامـه(
وين ما قلبج يسافـر كانـت عيونـي تصيـده
شفتي هذا الكون كلـه بالرجولـه والشهامـه"يأشر على هالكون اللي جدامه"..
لـو بغيتينـي أبيـده .. والله لعيونـج ابـيـده
كنت أحارب لجل حبج والقوي أكسر عظامـه
وكان قلبي لج أسيرٍ وكانـت عيونـي شهيـده
قلبي والله من عرفتج صرت مدري وش علامه
كل ما صرتي في عيني شفت نبضاتـه شديـده
وقدرج اللي إنحنى لي وقلت: عـز الله مقامـه
عالي قدرج في عيوني وكل مـا شفتـج أزيـده
إنتي لو عني تغيبين صارت جروحـي يتامـه
خافي الله لا نويتـي ولا تضحـي فـي عبيـده
كان ودي بس احظى بحـب قلبـج وإهتمامـه
والشعر عنّـج اقولـه وأنتهـي منـه وأعيـده
كنتي أمنيتي بحياتي وكنتي في قلبـي مرامـه"ويأشر عليها"..
وإن كتبتج في حروفي صارت القصـه فريـده
وكنت أشعل لج كفوفي لجل أنور لج ضلامـه
وإن خذيتي العلم منـي تطلـع علومـي أكيـده
حتى لما كـان يرمـي كلهـا فينـي سهامـه
كنت أضحي في حياتـي لـو نوالـج بالمكيـده
شاعرٍ ما رد حتى ...علـى لبّاسـي العمامـه
وقلبج إنتي صار فجـأه والله يـا حلـوه يقيـده
في الزمن نادر وجودي ويا كثر فيه الرخامـه
وصار عادي في زمنّا الأخـو يقتـل عضيـده
الحديـده فـي إيدينـي والقضيـه.. إتهامـه
وإنتي القاضي وطبعاً ما تحسـين فـي الحديـده
مركبي الغرقان بسّج لا تزيدين فـي حطامـه "يطالعها بنظرة كسيرة ويوخي براسه تحت"..
كل ما ألمح نجاتي صـارت أمواجـج شديـده"يزيد من كلمة شديده"..
صدقيني حيل أحبـج والوعـد يـوم القيامـه
ويل من هو كان يكذب وكانت ذنوبـه جريـده
إتركيني لجل عينه .. كان لج حُبـه إبتسامـه
المهم إنـج تكونـي يـا بعـد مبارك سعيده
إنسي اللي صار كله وصيري له منبع هيامـه
وإن ذكرتيني بغيابي قولي عن روحـي فقيـده
ما أبي من قلبك إلا .. طول عمره والسلامـه
خلي بالج مـن زمانـج دنيتـج هـذي عنيـده
خلي ذياب في عيونج ودووم نوريله ظلامه..
لا ترديني طلبتج ..وخليج افحياتج سعيده..
خلي توأم روحي ينسى كل جروحه واحطامه..
وانا ما تركتج الا لجله وهو يحبج والله من وريده..


ضاعت احرووفي مني..وفقدت هواية التعبير..وانا اعبر لكم عن هالموقف..اي كلمة بتوفيني اعبر بها لكم..واي شعرو بوصفه لكم..كــان الرمسه خانتني اللحينه..وكأن اصابعي تشللت ورفضت انها تكتب ولو حرف..
أي دمعه اللي سالت ع خد اليازيه وهي تسمع هالقصيده..
اي قدر هاذا اللي لعب معاهم لعبته..
أي حب اللي سكن قلوبهم وغير مجرى حياتهم..
اي صدمه حلت ع قلب يزووي وهي تسمع هالقصيده..
واي الم حسوا بها اثنيناتهم افهاللحظه..
وكــــان الزمن وقف عند حده..وعقارب الســــاعه اعلنت راحتهــــا لمدة دقايق....بس عسب يسمع مبارك واليازيه..ومبارك يشكي لغناته اهمومه..كل هاذا حسوبه مبارك واليازيه وهم يتبادلون الكلام..والملام..
وخى مبارك براسه تحت من بعد اللي قاله..
مبارك:كااااااان ايأشر عليج ويقول..مبارك هاللي قلبي هواها..مبارك هالبنيه ابسبتها ما ارقد الليل..مبارك هالبنيه اعد فيها القصيد..مبارك هي اللي سلبت قلبي وروحي..مبارك هالبنيه اللي حروف اسمه تسري في دمي.. صدمه حلت بقلبي ذييج الساعه يالياازيه.. الم عاااشه فؤاادي ذيييج اللحظه..تاااهت بي نظراتي وانا احاول استوعب اللي صااار..مادري..مادري شو اللي حل عليه..تشللت اطرافي جسمي وماا رمت ارمس بكلمه..وكأني اشوف البسمه تودعني وانا ما فـــ يدي حييلة..
تلوميني..تلوميني من بعد اللي صار..بعدج تلوميني..ادري انا الغلطان..ادري انا الغلطان ..مظاهر هالجفا والكره والخيانه كانت اخر ادواري..صدقيني ما مثلت عليج الخيااانه الا اني اباج تكرهيني...اباج تنسيني..عشان اتعيشين ويا ذياب ابراحه وهنا..
أبــد ما كنت أظــن في يوم انيه بفـارقج يا عيووني..كنتي حياتي ولا زلتي حياتي وبتظلين حياتي..جرحتج يالعمد ..أدري والله جرح تتألميين منه..أدري انج تحبيييني..أدري..والله أدري..بس شسوي..إذا ذياااب ربيعي..توأم رووحي يهواااج..شسووي؟؟..اخطبج واخلييه شاااهد عشــان يتألم..اقووله باللي بقلبي ..؟؟؟!!السمووحه منج ثم السمووحه ثم السموووحه؟؟
يزوي انا بفاارق البلاد عسبتكم..من بعد ما أحضر عرسكم بودع ترااابي ووطني الغالي..لأني ما اتحمــل اشووفج ويا ذياااااب..
بدى مبارك يحكي كل شي لغناته كل شي ..شعورة..المه..قهره..مواقفه ويا ذياااب..وردة فعله..واليازيه كانت تسمع بصمت..بدون ما تظهر كلمه وحده..

يعالج قلب منه ماستراح ودايم همـــــه العاشق ثقيل
دعيته ربيه اطلب سماح ويرحم لي به الجرح المليل

العـــــرقوب العــود..

بدت ملامح الصدمه ع ويه ذياب..بالفعل صدمه أليييييييمة ..سمع كل كلمة قالها مبارك..كل كلمة كل حرف..كل همسه..كل الامه وجراحه..سمع حتى الشقا والعنا..سمع عذاااب شخص والسبه هو..
"اسم يزوي انذكر..ونفس الشي في وحده كانت تزقر وتقول مبارك..شو السالفه يعني؟؟هم كــانوا يحبون بعض وانا اللي خربت عليييهم..مبارك الغبي ليش ما قالي من قبل..اااااااااااه..ياقهر..كنت ارمس عن اليازيه جدامه..وابكل وقاحه اتفداها واتفدى عيونها..وهو ساااكت يتألم..سااااكت يداااري جرااحه..اللحينه فهمت معنى الكلام اللي كتبه مبارك في الدفتر..ياما طاااااح الدفتر في يديني وكنت اقرى الكلام مرة ومرتين وعشر..بس كنت ابد ما افهم معنااااه..انا الغبي اللي ما كنت افهم مبارك..انا الغبي اللي ما كنت فاهم حركته وانعزاله عنا في اليوم اللي خبرته عن من هواها قلبي..
انا الغبي اللي ما كنت افهم تغيراته وهدووءه وتغير مزاجه..انا الغبي اللي ما لاحظت نظراتهم ويا بعض..انا النذل اللي خربت بين اثنين.."
سكت ذياب..شو يقول شو يسوي..فج السدة اللي في سيارته وظهر الدفتر اللي ويا مبارك..قرى الكلام ابصوووت مسموع..
ذياب:مكتوب لي أحب وأشوف غيري ياخذ احبابي..
مكتوب لي أحلم واشوف غيري تتحقق له احلامي..
مكتوب لي أحزن واشوف غيري يسرق أفرااحي..
مكتوب لي أحب بصمت واشوف غيري يعلنه للخلق..
مكتوب لي اداري دمعتي وارسم ويهي ابتسامه..تخفي جراحي..
الله يا علييك يا بوحمد..اللحينه ضحيت ابحبك عشان انا اكون مستانس وسعيد..
انقطع تفكيرة وسعيد يدق على جامة السيارة..فج ذياب الباب ..
سعيد:بلاك يا ريال مستهم؟؟
ذياب:ماشي ادق على مبارك مــا يرد..
سعيد:مبارك هاذا هو منشغل بالتقحيص والقز..حرك سيارتك يلا بنرااابعهم..
وقف حميد سيارته..
حمد:حوووووووه..دومهم هااييلا سلطان وصرصور يسبقونا ع رااس العرقوب..يلااااااا..
راشد" فوق درايته":لي سااااعه امشغل الكيمرا يلا عااد روونا شطارتكم.."ويدق تيلفون"هاه حمدان وينكم..يلا عاد استعيلوا اشويه..الشباب زاااد حماسهم..الله يحفظك..
حميد:هاه وينهم؟؟
راشد:قريب..
حميد:يلا عيل..
ساروا سعيد وحميد ووراهم راشد..عكس ذياب اللي تحرك ابسيااارته وهو محرررج وع الأخييير صوب مبارك..
ذياب:مبارك..
مبارك"يبتسم":عووووووونه..>>يوزع ابتسامات..
ذياب:نتحااسب بعدين عسب تضحيتك..
عقد مبارك حياته.."شوو يقول هاذا؟؟"
مبارك:شو سالفتك؟؟؟
ذياب:بعدين بعدين..جيه اتسوي فيني..؟؟
وشخط ويل وكااااااااان مسسسسسرع من زوووود ما هو محرج..ووصل راس العرقوب والشباب ايدقون له هرن عسب ايخفف السرعه بس هو مااا عليه من حد..ويوم وصل ع رااس العرقوب الكل تم يصفقله..
اما مبارك حلف انه ما يلس ويا ذيااب دقيقه..ارووحهم..قلبه ايقوول اكيد عرف شي عن سالفته ويا اليازيه..ومبارك بدووره ما يبا شي يتخرب بعد اللي سوااه كله..
خطف الوقت ع الشباب ابسسرعه..ومن بعد صلاة المغرب بدى المكان يفضى اشوي..وما بقوا الا شباب سويحان..اللي كملوا وناستهم بالجو والبرااد..مع إنه المطر وقف.....؟!؟؟!؟؟!؟

. . . . . . .

اعتــذر دمــع العين وهلــت تعابيره اقبلت ركاب فكري تجر لـــها مـواويل
افترقنا والشـــــوق جتني طـــوابيره يالله تجعل الليالي من دونكم تسـاهيل

بيت بو سلطان..
الساعه تسع ونص..
الحـــوي...

افهالوقت عربنا كللللللللهم متيمعين ..الحرمات ..يالسات ع القعده..ام عبدالله وام هادف وام سلطان وام منصور وام حمد وام ناصر..وعدالهن موزة وسلامه وخوله"حرمت حمد"..وروضه وعليا..حتى نورة والعنود ين..ومنيرة اللي كانت عندهم من العصر..وعدال منيرة كانت يزووي وظبيه ومهره واخر شي الهنوف..
وجدام الحرمات بشوي..جدام الخيمه..كانوا الرياييل شابين الضو..يتدفون من هالجو البارد..
حميد وسعيد وراشد وسيف وحمدان وناصر وسلطان ومنصور..وحمد ..والشواب طبعن..
وعند سوالف الحرمات..البنوتات يسولفن ويا منيرة ابصوووت وااطي..
الهنوف:اووه اووه منورة ظهرتي غاااوية بالبرقع..
منيرة:افديتني مبوني غاويه بالبرقع ولا بلاااه..
اليازيه:محد يلووومج ..ظاهره ع ريلج خقااااق..
منيرة:فديت ريلي والله..طالعن طالعن انتن بس؟؟ يلسته ووسامته وكشخته..والله انيه اغيير علييييه..
الهنوف:سييييييييري لاا..محد ذيـــــــاب.. افديت قلبه ولا جان طرهم طر..
ظبيه:الا محد بوووو حمد ..اسميييييييييه ذبح بالكندووورة السووودا..
اليازيه:يلا يلا يلا..طالعن بو عسكوور تووميه..افذمتيه انه شييييخهم كلللهم..
موزة"تدخلت فالسالفه":هاهاهاها..طالعن منصوووور..
اليازيه:سكتي سكتي انتي وسكتي بنتج هاي ..من يوم ما عرفتها وهي فاجه هالثم وتبااغم..اصورتنا بصيااحها..
موزة:خلييها مب ع راااسج..
ظبيه:الله واصلني مسج من عند عبيييد..
الهنوف:مسكييينة مب مصدقه..
اليازيه:هههههههههههههه..
منيرة:بلاه سعيد امدخل نيسانه الحوي..
اليازيه:انشــــاالله يولون قووولن أميييييين..
الكل:امييييييييييين...
سعيد وقف سيارته جدام الحرمات..ومطووووووول ع الأغاني.."غلا الماضي ما يبتلج موضي ..يبتلج حربي وميحد وحمد والوسمي..عاد هزي الخصر علييهم"..
سعيد"ابصوت عاالي":يلا شبااااب عاد شدووا الهمه..
ذااااابت الهنوف وهي تسمع صووته...
أم عبدالله:عاد خوز موترك خل انشوفهم وهم يولون..؟؟
سعيد:لا بس حركاااات اغايضكن اشويه..
تدرونبهن الحريم اللي منهن ضحكت واللي تمت تتفداه..امبووونهن جيييه..وخوز سيارته..بس بطرييييقه رهيبه..كان بإمكانه يحرك سيارته ع جدام ويظهرها من الحوي..بس هو لفها ع صوب ما البنات يالسات ..وخص الهنوف اللي كانت أخر وحده..وطالعها..جان يبدن البنات تعليقات..
ظبيه:ترن ترن ترن..
اليازيه:نظظظرة من العين تكفيني..
ظبيه:حرككككككات..يالس ايطالع بنظرات..
الهنوف"خدودهن حمرن":ضخن يلا..وانتي جب جابلي مسجات ريلج..
ظبيه:اوني اوني..
اليازيه:أوني استحي..
ظبيه ومنيرة:ههههههههههههه..
منيرة:السالفه فيها إن..
الهنوف:صخن صخن..بدوا باليوووله..
صج كااااااااانت ربببشه من الخاااااااااطر..على غنية حربي .."قاااالوا تحبه"..اشتلت البقعه ابربشتهم..الكل نش يوول من الشباب..وكل واحد احسن من الثااااني..سعيد ابو الحركااااات كانوا ايوول ويدخن..مرة يدخن ومرة ايووول..
أم عبدالله:بيحرق فؤااديه هالولد..اربع وعشرين ساااعه دخان..ان ما وسمته في يده عسب ايتووب..
سمعها سعيد وفر الدخان وسار صوبها وييبس جدامها..وهو ملاحظ نظرات الهنوف لها..وخلاف سار صوب اليازيه وموزة خواته اللي تمن ايصفقن لها ويشجعنه .. ويوم نش طالع الهنوف وسااار..جان ايطيحن البنات تعليقات مرة ثااانيه..
اليازيه:الريال صابه شي؟؟
ظبيه:شاللي حل عليه ويا نظرااته..
منيرة:لغز ولزوومن علينا انحله..
مهره:طالعن طالعن شمووه بنت نورة..
اليازيه:اتخبل هالبنيه..
استاانست الهنوف يوم غيروا الرمسه..
منيرة:هاهاها..لا تلومونها..طالعه ع خالتها..
اليازيه:الله والخاله عاااده؟؟من زينها..
منيرة:لالالالا..انتيي جيه تجرحين شعووري..
صخن مرة وحده وقطعن الرمسه يوم حدرت همر مبارك ..ووراها همر ذياب..ونزلوا وهم لابسين كنادير سودا شتوبة..وسفر حمرا..ومتسفرين ابطريقه اتخلي شعورهم ظاهره..بالفعل اشكاااااااااااااااالهم طر كسرتيييييييييم..
ظهر ذياب السلاح من سيارته ونفس الشي ويا مبارك..وعادوا الغنيه بنـــــــاءً على طلبهم..وارتبشوا الشباب من أول ويديد..
فالوقت اللي اليازيه نشت صوب يدوتها شيخه..لأن يدوتها الا تباها تيلس عندها ..وتمت اتسولف ويا يدوتها بس عيونها صوب مبارك..اللي من شاف اليازيه عند يدته..سار صوبهم ايبس..
ما تتوقعون كيف كانت المسافه اللي بين مبارك واليازيه واااااااااااااايد بسيييييييطه واقل من الشبر..كانت اتحس به..وبحركة شعره..وموخيه براسها تحت وافعيونها دمعه..من نش مبارك وسار صوب امه..نشت اليازيه وربعت فوق..وانتبهوا لها مبارك وذياب..
وصلت حيرتها وبندت الباب بقوووو..طاااااحت ع شبريتها وهي ميته من الصيااح..ما تتخيل حياتها دووون مباارك..أبد ما تسوى شي بليااااااااه..
"غلطانه يوم قلت ان هجرك ما يهز قلبي..اااااااه يا مبارك هجرك يحرق قلبي.."..
مبارك هو عيونها وحياتها ..هو غناتها هو قلبها..هو كل شي ابحياتها..ما تطييق البعاااد عنه..هالكمن يوم اللي عاشتهم وهي بعيد عن سوالفه وطماااشته..حست انها غريييييييييبه افهالعالم..وحييييييييده..محد يفقدها..وكأنها ما تعرف الا مبااارك..وكانه محد مهتم فيها الا مبارك..وكانه محد يحبها الا مبارك.............؟؟؟!!
شد انتباااهها الورقه اللي طايحه ع شبريتها..وفوق الورقه خاتم صغير..فزت صوبها والفظوووول ذابحنها..صوت من قلبها ايقوول انها من طرف مبارك..فجت ومازالت ادمووعهاع خدينها..
"


بحضر زفافك يا حياتي ..بحضر زفاف اللي هويته
وبرزف عشانك لا تحاتي ..وبهديك كل اللي بغيته
بهديك دمعي وعبراتي ..والهم اللي فيني رميته
بحضر ولو بعرسك مماتي ..شايل معي قلب نسيته
واجمل قديم الذكرياتي ..والظيم اللي منك خذيته
وبذكر ليالي الماضياتي ..كنت الوليف اللي اهتويته
كنت الذي لجله اباتي..ساهر ونومي ما هتنيته
بهديك في ليله وفاتي...حلم الليالي لي طويته
واعطيك من قلبي امنياتي ..تلقى الهنا بدرب مشيته
وتعيش في راحه وسباتي ..ويا الذي عقبي لقيته
بحضر زفافك يا حياتي ...بحضر زفاف اللي هويته

سمعت ان عرسكم نهاية هالشهــر..وإن ملجتكم قبله بأسبوووع..اهم شي انج اتشوفيني في ليلة العرس..تراااه بيكون أخر يوم لي في سويحان..من بعدها بتم عاايش باستراليا..كأني متهرب من سرااب حبج..ومن طيف ذكرياتنا الأوليه..

تحياتي..

المعذب والسبه عيوونج..

مبارك الـــــ.........ــي..."..

حظنت الورقه ودموووعها كأنها جزء من نار يحرق ويهها..ولبست الخاااتم..صااااحت بحرقه..وبألم..صاااحت من هالوااااقع اللي بتعيشه ويا شبيه مبااارك.."مبارك"..الإنساااااان اللي كل ثانيه وكل دقيقه تتمنى وصاااله..وفي الأخير تركها ابسبة توأم رووحه..مبارك قريب اللحين منها..بس مازالت تبا اتحس بوجودها..لو رحل وهجرهم..شو بيحل عليها..عادي تتخبل......؟؟!!
بندت ليتات الحيرة ..ووقفت صوب الدريشه وهي مازالت ميودة الورقه افحظنها..وتشوف ناهب قلبها ايووول تحت..اتصدقون انه لمحها..ورام ايشوف وضعيتها ويا الورقه..كأنه ايشووفها جدامه وما يبعد عنهم الا كمن شبر..
من شافها رمى بسلاحه في السما ..ومر جدام دريشة حيرتها بالضبط..والحرمات يصفقن لها بحرااارة..
من سمعت هالربشه..نزلت ع الأرض..وشهقاتها اتزيد واتزيييد..والمها يزيد ويزيد..

رياح الشوق تستأذن سكونك...بها من الوجد فوق اللي انتظرته
يكفيك العـمر فدوة عيــــــونك... وكل الحــــــب في دربك نــثرته

الأربعــــــــــــــاء..
بيت بومنصور..
الصـــــــاله..

صاااحت ظبيه وهي شااله البيت بصووتها..
ظبيه:خلاااااااااص اماااااايه انا ما بسير وياااكم..
كانت ظبيه اترمس امها وهي في الطابق الثاني وتروم اتشوفها..وام منصور واقفه وميودة سهيل..
ام منصور:واشعنه؟؟
ظبيه:رمست يزوي وقالت ما بتسير..فقلت بسير صوبها..
ام منصور:خلاص براايج..سويلي تيلفون عسب نتطمن عليكن..
ظبيه:من عنووووووووووني..
ام منصور:يلا مع السلامه..
ظبيه:في حفظ الرحمن..
من ظهرت ام منصور وسهيل من البيت..ما صدقت ظبيه..على طول ظهرت تيلفونها وسارت الحيرة ترمس عبيد..
كان الكل مقرر ايسيرون بوظبي بيت بو ناصر..امسوين عزيمه لواحد من هلهم..مادري شو بلاااه..؟؟المهم انهم بيردون فليل..عسب جيه يزوي ما بتسير ونفس الشي ويا ظبيه..
تمت ظبيه اترمس عبيد فوق النص ساعه..وخلاف بندت وطيييييييراااان صوب بيت بو سلطان..لقت يزوي يالسه ع الدري اللي جدام باب الصاله العوود..سارت صوبها ويلست..
ظبيه:شالعلووووم؟؟
اليازيه:شقا وحزن ودموع مالها اول ولا تالي..
ظبيه:ياااااااااالله يا يزوي..ما عهدناااج جييه..اللحينه انتي تستوين ظعيفه..
اليازيه:قويه جدام كل شي افهالدنيا..الا محبة مباارك..أكبر ظعيفه..
ظبيه:ما كنت متوقعه هالنهااية الحزينه..كنت متأكده انكم من نصيب بعض..
اليازيه:حكمة ربج ولعبة الأقداااار..
ظبيه:هاه سرتي السوووق اليوم..
اليازيه:هيه تدرين العرس بااقي عليه أقل من ثلاثة اساابيع..
ظبيه:هيه صح؟؟وشو تشريتي؟؟
اليازيه:ما اعرف..
ظبيه:شوووو ؟؟
اليازيه"اتطالع تحت":موزوة اللي تشرت ..اتقولي يعيبج اقولها هيه..
ظبيه:يزووي عيشي هاللحظات..وذوقج ما يعلى علييه..هالزهبه بتنعرض جدام العرب..
اليازيه:أدرييييييي والله ادري..بس ما رووم..
ظبيه:والله انها موزاني دوومها تتشكى منج..الحرمه مودرة بنتها عند البشاكير وترابع ويااج وتفازعج..وانتي موول مب محطية لها اعتباار..رحميها عااد..وتقبلي الوضع اشوي..
اليازيه:مب بيدي..هالشي موول مب بيدي..
ظبيه:الله يهديج..افكل شي عنيده..
اليازية....اكتفت بالسكوووت..
اليازيه:بسير بييب لج سوويت.."وتتأمل الخاتم اللي اهداه اياااااه مبارك.."..
ظبيه:لالا انا بسير..
ونشت ظبيه..وسارت المطبخ..ومن بعد ما ظهرت السويت..ظهرت من المطبخ وهي اتغني..بس من شاافت المشهد الفظيييع..طاااحت الصينيه من يدها..وبدون ما تحس ربعت وهي اتصييح صوب يزوي اللي كانت طاايحه افنص الحوي..
زقرتها بدال العشر الف..بس اليازيه موول ما ترد علييها..ما عرفت شو تسوي..الكل ظهر من سويحان صوب بوظبي..ماا عرفت شو تسوي..
يودت تيلفونها ودقت لسلطان..محد يرد..وسعيد مغلق..فدقت لمبارك..
ظبيه:الوووووو..مباارك دخيييييييييييلك تعال يزوي طاحت علي..
ما رامت ترمس لأن مبارك بند في ويهها..ما هي الا ثواني الا ومبارك عايش الموقف وياهم..
ظبيه:مبارك البنيه كانت تسولف سرت المطبخ..ويوم رديت لقيتها طايحه..مادري شحل عليها..
مبارك:اوكي اللحينه سيري ييبي عبايتها وشيلتها..يلا لا تبطييييين..فااااهمه؟؟
ظبيه:فاهمه فاهمه..
طالع مبارك في اليازيه..والله كأنها ورده ذااابله..ملامحها تغيرت وضعفت واايد..همس مبارك في اذونها باسمها..بس هي ما تحركت..في امريكا كانوا ارواحهم..ورام يشلها ويوديها للعماره..بس اللحينه مب ارواحهم..ولا كان شلها ووصلها للسيارة..
تم ميود يدها وهو يتأمل الخاتم اللي لابستنه..اللي وصلها عبر ظبيه..
"يااااااااااااالله كم أحب هالإنساانه وما اقوى ع فراااقها.."..
دقايق ووصلت ظبيه صوبهم..وقدرت اتحركها بمسااعدة من مبارك لين ما وصلوها المستشفى ..وهناك اتنهى دووووورهم..

. . . . . . .


انا اهواك ياعمري انا اهواك انا اتمناك..وشوقي لمن هويناهم يزيد ودوم عمالي..
غريم الشوق ما يقوى يبات ومطلبه لقياك..ونار الشوق في صدري لهيبن دوم شعالي..

بيت بو نــاصر..
الصاله الفوقيه..

الهنوف:ههههههههه..عاد الله يعينا من سلاموه يوم بيي ولدها..بتقول الا ولدي لا تمسونه ولاتسوون فيه شي..
مهره:تدرين شو بتسويبه..؟؟بتحبسه افقفص جنه الا طير..
منيره:عيل من اللحينه اشفق لحال ولدج يا سلاموه..
سلامه:يالله بالستر..استلمتوني ..انتن لا شفتن ولديه بتموووتن من حلاته..
مهره:دامه جيه بتحبسين افقفص وما اتخلينها يفجج راسه اشوي..
الكل:ههههههههههههههههههههه..
الهنوف:والله القعده بدوون ظبيوه ويزوي ما تسوى شي..
منيرة:يزوي مسوتلنا فيها..اونها عروس وما تظهر من البيت..
مهره:ههههههههههههه..خايفه عن حد ايشووفها..
سلامه:يلا بندق للبيت بنشوف اخباارهم..
ودقت سلامه..وبعد ثواني..
سلامه:بلاهـــن؟؟ليش ما يردن؟؟
مهره:تلاقينهن يالســـات في الحوي..
سلامه:حتى تيلفون ظبيه مغلق..
الهنوف:ناسيتنه الأخت..يلا انا بنزل تحت..بلاهن البشاكير للحينه ما يابن شي فواله فوق..
وسارت الهنوف نازله للمطبخ تحت..انصدمت يوم شافت البشااكير للحينه ما سون شي..
الهنوف:دارسيينا بلاج للحينه ما سويتن الفواله..
تذكرن البشاكير هالشي..ويلا خلصن الفواله بسرعه وعدلن الشااي وكل شي ..ومن ظهرن ظهرت وراهن الهنوف..الا وتشوف اسعيد فويهها..
سعيد:السلام عليكم..
الهنوف:وعليكم السلام..
سعيد:شحاالج ؟؟
الهنوف:بخير يعلك الخير ومن صوبك..
سعيد:ما نشكي بااس..ييبي ماي للرياييل..
الهنوف:اوكي دقايق..جيه وينهم حمدان والباقيين..
سعيد:ليش فيها شي اذا حدرت مطبخكم..الا ولد خالج..
الهنوف:لا ما فيها شي ..بالعكس..
يلس سعيد ع الكرسي ..وهو يتذكر موقفه ويا ميثا..يوم كانوا في المطبخ..
الهنوف:سعيد..سعيييييد..
سعيد:.............................................
الهنوف:سعيييييييييد بلاااااااااك؟؟
سعيد:اعيووون سعيد..هيه الماي.."وخذه"يلا مشكوورة ربي لا هانج..
الهنوف:العفوو..
ومن وقف سعيد دق تيلفونه..جان يحط السماعه وخذ الماي وظهر من المطبخ بكل بروود من بعد ما خلى الهنوف في دوووواامه كبيرة من التسااااؤلات..
وبرع المطبخ..
سعيد:هلا مبارك..
مبارك:اهلييين..شحالك؟؟
سعيد:يسرك الحال ومن صوبك؟؟
مبارك:ابخير ونعمه..سعيد..
سعيد:عووونك..
مبارك:عانك الرحمن..تعال ابغيك افمستشفى توام..
سعيد:شوووووو؟؟وليش؟؟حد صاابه شي؟؟؟
مبارك:اختك اليازيه طااحت على ظبيووه..ووديناها المستشفى...
سعيد:شوووووووو؟؟اليازيه...؟؟شو صابها..ولا اقول اللحين اللحين ياينك..
ومن بعد ما وطى الماي عند الرياييل ركب سيارته الرنج وشخط ويل وطيييييرااان صوب مستشفى تواااام..

................................
بعد مرور خمس ساعات
...............................

فجت اليازيه عيونها بكل بطء..وهي اتشوف سعيد اخوها في ويهها..
سعيد:الحمدالله ع سلامتج.."وباسها ع راسها"..
اليازيه"اتعدل في يلستها":الله يسلمك..ويـــن أنا؟؟
ظبيه:في توااام..عنلات هالويه..
اليازيه:لا عاااده من زين ويهج يالسباله..
الكل:هههههههههههه..
ظبيه:جيه اتسبيني..زيغتيني ..
اليازيه:ليش شو استوى؟؟؟
ظبيه:يوم سرت المطبخ..اييب السويت..ويوم رديت..لقيتج طااايحه..جان ارتبش ادق على سعيد وسلطان..محد يتوايبلي..ويوم دقيت على مبارك يااني ابسرعه..
صخت اليازيه..يعني مبارك شاافها..وشاف الخاتم اللي افإصبعها..
سعيد:يلا عــاد انتي رقدي اللحينه..وظبيوه بترقد عندج..
اليازيه:وأماايه..ابغي اشوف امايه..؟؟
سعيد:اللحينه بخليج اترمسينها..والصبح بنييج كلنا..
ومن بعد ما رمست اليازيه امها وامها العوده..ظهر سعيد من عندهن..
اليازيه:ظبيوه ظبيوه ويه العنز خبريني شو استوى للحينه؟؟شو السالفه؟؟
ظبيه:ابغي ارقد..والله واخر زمن صرت ارقد ع ويه الفير والسبه يزووي..
اليازيه:ليش الساعه كم اللحينه؟؟
ظبيه:اربعه..
اليازيه:يلسي بنسوولف؟؟
ظبيه:سييييييري لااااه..

. . . . . . .

ارحل وطيفك معي ويـــــن مـاأروح باقي معي حتى تجيني المنـــــــية
خليت قلبي في التجاويــــف مذبـوح لا واحسافة صرت نهب البلــــــية
والدمع يعصاني على الخد مسـفوح خطيتك ياكبرها من خطــــــــــــية
عشت الشقا والحزن والهم والنوح حتى الفرح والحزن صارت سوية

"يسلموو نواري ع الأبيااات الرووعه"..

بيت بو سلطان..
الساعه خمس ونص..

وقفت اليازيه جدام دريشتها ..اللي ما يعدي يوم والا اتوقف جدامها..شافت الكل متيمع تحت..قوم بو منصور كلللهم..حتى مبارك..ويا هلها يالسين..وبعيد عنهم مها وسهيل يلعبون..ومهره وموزة وظبيه وسلامه يرمسن بعضهن البعض..مبارك وسعيد يتمصخروون..وابو منصور ويا ام عبدالله يسولف..ومنصور و سلطان..والحرمات ويا بعضهن البعض..وشوي الا تشوف سيارة حميد حادرة البيت ومن وراها سيارة عمها عبدالله..
يعني الكل تيمع..ويلسوا ويا بعض يسولفون..الا اليازيه..واقفه جدام هالدريشه وميودة كل اوراق ورسايل مبارك.وشوي..الا مهب قوي ينثر هالأوراااق في حيرتها ويطيرها من يدها..بس ما اهتمت لها ..كثر ما اهتمت للربشه اللي استوت تحت..
الشبااب كلهم ركبوا سياييرهم..ونفس الشي ويا بو منصور وبو حميد..وهاه كله بسبب اتصااال يأ لمبارك..الكل ظهر من البيت..شووو اللي صاار؟؟شو اللي استوى؟؟شو اللي حل عليهم انقلبت حوالهم جيه مرة وحده..؟؟؟
فزت من مكانها بليا شيله وهي تربع ع الدري..قلبها ناغزنها..حاااسه ان في شي ما يسر..
ربعت ع الدري وشعرها يربع وراها..وهي حاطه يدها ع قلبها..للأسف نزلت الحوي..شافت الكل يستغفر والكل يذكر الله..محد مسويلها اعتباار..تحس ان صوتها رااح..تبى تزقر اي حد منهن..تبى تقوول شي..بس ما رامت..كانت اتحرك لسانها..كانت ترمس بس بليا صووت..كانت تنادي ظبيه وسلامه..بس محدن لها سمووع..لأنها تزقر وتنادي بدوون صوت..
يأست وتعبت من هالحال..ردت للصاله وهي ميته من الصيااح..شافت هادف..زقرته ويأ صووبها..
اليازيه:هــ...هــاد....ف..شو اللي صــ..ار...؟؟
هادف:ذياب بن عوض امسوي حاادث عنيييف..
صدمـــــــــــــــــــه كبيييييييييييييييييرة..عجزت اليازيه تحرك لسانها من بعدها..بس دمووعها سااالت ع خدينها..ولو..هاذا كان يباها..وهاذا ولد خالوتها..إنسان عرفته وتعاملت ويااه.وسولفت ويااه وضحكت ويااه..هاذا الإنسان كانت ملجتها هي وياه تحدت..وعرسهم بعد....؟؟؟؟؟؟؟؟؟؟؟؟؟؟؟؟؟؟؟؟؟؟؟!!!
قامت بهدووء صوب حيرتها وتمت سجينتها..لين ما يت ظبيه وواستها..
. . . . . . . . .

ودي ابكي لين مايبقى دموع ودي اشكي لين مايبقى كلام
من جروح صارت بقلبي تلوع ومن هموم احرمت عيني المنام
انطفت في دنيتي كل الشموع والهنا مايوم في دنياي دام
غربتي طالت متى وقت الرجوع كل عام امني احلامي بعام
ان شكيت الحال ماحد لي سموع وان سكت الناس زادوني ملام
طال صبري والزمن عيا يطوع والرجا باللي عيونه ماتنام

الكل كان مرتبش..ما تتوقعون كيف الخبر انتشر بسسرعه..والشباب كيف ملتمين في المستشفى..شاب العايلة كلهم..وع رااسهم مبارك اللي كان يالس عند باب الحيرة..ثلاثة أيـــــام متواصله وهم على هالحال..ومبارك ما فارق حيرة ذياب دقيقه وحده..
ظهر الدكتور..وزقر على سلطان ومبارك..على اساس ان ذياب طالبنهم..حدروا الغرفه..ما راموا ايودون عمارهم..صاااحوا حال خويهم..ما خلوا جهاز الا و ركبوه له..صاااحوا حاله وهم يتذكروون قول الدكتوور..
ذياب:قربوا ابا ارمسكم..
قربوا منه..وهم ما ظهروا ولا كلمه ابدن..
ذياب:انا عارف ان ثواني وينتهي عمري..سلطان..اسمع شو بقولك..اليازيه اختك محد ياخذها الا مبااارك..محد بيهتم فيها قد مبارك..
تشهد ذياب من بعد ما قال هالكم كلمه..وغمض اعيونه..ظهر سلطان من الحيرة ابسرعه..عكس مبارك اللي تم ايصييييييييييح بكل حرقه عند ربيع عمره..توأم رووحه..أخووووه الثاااااااني..تم يصيح عند من رد التضحيه بتضحيه ثانيه..تم يصيح عند رفيقه في روحاته ويياته..تم يصيح على ذياااب..اللي تركه وراااح وروحته مالها رده..تم يصيييح..اللحين كيف بيضحك..كيف بياكل..كيف بيسولف..كيف بيرقد بدون سماع صوته..
بدت ذكرياته ويا ذياب تنعاد من اول ويديد بشكل سريييع..يوم يروحون المول..يوم يسيرون الجامعه..يوم يشوفون بعض..يوم ياكلون ويا بعض..يوم يطنزون..ويوم يستهبلووون..
كانت دمووع مبارك اتي ع ويه ذياااب..اللحين من له في هالدنيا..شبيهه وتوأم رووحه ودره..................................؟؟؟!!!!

. . . . . . .

بعد مرور اربع سنــــوات..

. . . . . .


تعــــــالــي يــــا بعــــــد روحــــي تعـــــــالــــــي .. واسمعـــــي الأنغـــــــام
عــــــزفهـــــا قلبــــــي المجــــــروح .. وغنتهــــــــا لــــك أيـــــــــامـــــــــي

تعـــــالــــــي واسكنـــــــي روحــــــي ..تعـــالــــي واطــــردي الأوهــــــــــام
تــــراهــــــا عـــــاثـــــت بقلبـــــــــي..وزادت جـــــرحــــــــي الدامــــــــــــي

تعــــــالـــي هـــاتــــي ايدينـــــك .. نحلـــــــق فــــي سمـــــــا الأحـــــــــــلام
أنـــــــا ودي أســـــــولــف لــــك عـــن أول .. وآخـــــــــر هيــــــــامـــــــــي

تعــــالـــي بــــس لـــــــو لحظــــــــه ..وغيبـــــي بعــــــــدهــــــا أيـــــــــــام
وخلـــــــي طيفــــك الغــــــالــــــي .. يــــــذوب أجمــــــــل أحــــــــلامــــــي

تعــــــالــــــي شـــــــوفـــــي الدمعــــــه .. تحيـــــــر ريشـــــــــة الرســــــــام
رســــــــم قلبــــــــي ولكنــــــــــه..معـــــــــــذب .. متعـــــب وضـــــــــامـــي

تعـــــالـــــــي يـــــاهــــــوى روحـــــــي .. تعـــــــالــــــي خففـــــــــــي الالام
تـــــــرى همــــــــي تعـــــــب منــــــــي ..وكســـــــــــر ليـــــــــن عظـــــــامي

تعـــــالــي واسمعــــي شعـــــــــــــــري..فقــــــد مـــن بعـــــــدك الالهـــــــــــام
وأنــــــا مــــــاقــــدر مــــــن أسبــــــابــــك .. أكـــــــايد قســـــــوة الهــــامـــــي

تعـــــــالـــي وانصفـــــي قلـــــــب .. مـــن همـــــــــوم الــــــزمـــــن منظــــــام
عليـــــــــل ومنجـــــــــرح منـــــــــك .. يــــــا أغلــــــــى كـــــــل أيـــــــــامـــي


ذياب:ماااااااااااااااااااااااما ابا عصييييييييييييير..
مبارك:اسكت يا ويه العنز غثيت بأمك..
ذياب:انزين عيل سر انته وييب لي عصيييييييير..
مبارك:يزوووي حبيبتي ..
اليازيه"يايه صوبهم":اعيوووووووون يزووووي..
نش مبارك..وقابلها ويه بويه..
مبارك:فدييييييت هالعيوووون..
اليازيه:هاه شو تبوون؟؟
مبارك:ييبي عصير لهالبيبي..
اليازيه:انزين..
ذياب:اسكت يا ويه العنز غثيت بامايه..
نقع مبارك ضحك..
اليازيه:شو الساااااالفه؟؟
مبارك:ماشي فديتج هاذا ولدج متفلسف.؟
ومن بعد ما تلبسوا وخلصوا..لأنهم سايرين لسويحان..وقف مبارك وهو شال ولده ذياب..وحاط يده ع جتف يزووي..ويطالع صورة ذياب ربيعه..وهو يترحم علييه..
من وصلوا سويحان..وحدروا بيت قوم بو سلطان..لقوا سهيل ولد سلطان سلامه يلعب بهوز الزرع..ومن شاااف ذياب ربع صوبه..وعبدالله ولد حميد وياهم..وما ننسى سهيل العود..كان متزعمهم..
سار مبارك صوب الرياييل الي يالسين جدام الخيمه..اما يزوي سارت صوب الحريم اللي يالسات داخل في الصاله..ومن حدرت شافت غلا بنت سعيد والهنوف..باستها وسلمت على الحرمات..وسارت فووق ويا ظبيووه عسب تنزل عباتها..
اليازيه:ظبيووه الخريش وينها بنتج؟؟
ظبيه:راااااقده افحيرة مهرووه..
اليازيه:ههههههه..وحليلها مهرووه متلومه من الحرمات..تعالي بنسير لها..
وسارن صوب مهره..وتمن يرمسنها ويرفعن معنوياتها لأنه عرسها بعد اربع ايام..وبتاخذ حمدان "الرسّيب"..اللي دومها يتواقع ويا اخته الهنوف....خخخخ..
ومن بعدها ظهرن جان اتقولهن اليازيه..
اليازيه:تعالوا تعالوا ..لين اللحينه ما شفت سعيد والهنوف وينهم..
وسارت اليازيه اتدق دق فظيييييييع ع حيرتهم لين ما ظهروا وسلموا عليها..ويلسن في الصاله الفوقيه جنهن الا بنااات ...
اليازيه:ظبيووه بلاها ام ريلج جيه شكلها..والله انها قطعت قلبي..
ظبيه:مسكيينه افديت روحها..للحين تذكر بنتها ميرة اللي احترقت وتوفت..
اليازيه:الله يرحمها انشاالله..
يتهن موزة..ووياها بنتها عواشي..
موزة:ع بااااالكن انتن للحينه بنات..نشن يلا صوب الحرمات يتخبرن عنكن..
الكل:يـــلا..
نزلن تحت..وكان راشد بن سهيل موجود...وسارت يزووي وسلمت ع اخوها راااشد االي استوى ريال ويدرس في جامعة لإمارات..بس للحينه متولع بالدرايات..
وصللها مسج..وسارت المطبخ وهي تربع ..ع بالها استوى شي..ومن حدرت شاافت مبارك..
اليازيه:هاه حبيبي شو فيك..
مبارك:مااشي..بس تولهت عليييج..بعاااااااااادج عني شرات هجرج..يحرق قلبي..

النهــــــــــــــــــــ ـــــــــــــــــــــــــاية..