-
رواية أطياف الغرام / الكاتبة : معاميريا ; كاملة
قصة روعه قريتها و حبيت انقلها لكم
اتمنى تنال إعجابكم
و اتمنى تفاعلكم معي
اخليكم مع القصة
السلام عليكم
صباح الخير
هذه هي المرة الاولى التي اشارك فيها
قد اكون جديده على المنتدى لكن المنتدى ليس جديد علي
وهذا ما دفعني لاغامر بوضع تجربتي الاولى هنا
واتمنى ان الاقي الدعم منكم
اراودتني فكرة ان اكتب قصه ولا اعرف اهي فكرة حمقاء ام مغامرة سخيفه ولكني اتمنى ان تكون تجربه ((لن اقول رائعه ولكني اتمنى ان تكون ناجحه))
وانتم من سيحدد ان كان على المواصله ام ترك الميدان لفرسانه
الجزء الاول
((زواج اجباري))
ضايق خلقي واحس ان جو الغرفه طابق على صدري وخاطري اصيح من قلب لكن القهر ان حتى دموعي رافضه تريحني وتغسل همي ااااااااااااااااااااااااااااااااااه خاطري اصرخ وطلع كل الي في قلبي لكن هذي نعمه انا محرومه منها لاني لو صرخت كل الي بحصله هوشه محترمه ومحاضره عن ان البنت المحترمه لازم ما يطلع صوتها لبرى غير انهم اذا سألوني عن السبب بيستسخفونه وبيقولون ما عندش سالفه
وانا غرقانه في همي وسرحانه في المصيبه اللي حلت علي سمعت صوت طق على باب الغرفه
...... :- علياء ، علياء بطلي الباب يلا عاد صار لي ساعة على الباب بسرعه قبل ما يمر واحد من خوالش
وتعض على ضروسها وتقول :-علياء ووجع بسرعه بطلي الباب
قمت بالغصب من مكاني ورحت بطلت الباب ورجعت مكاني من غير ما التفت لها
..... :- تعالي هنا وش فيش ؟ وش صاير؟ ولا تقولين ما فيش شي
علياء :- ولش لازم يكون في شي وثانيا وش جابش هالحزه(هالوقت)
........ :-موبايلش مقفلتنه وقافله عليش حجرتش وقاعدة بين الكبت والسرير وشكلش يقول لا حد يكلمني ...كل هذي اعراض ان في شي خطير صاير ... وتغمز بعينها .... اما عن اللي جايبني يابنتي اليوم خالتي بتجينا على العشا وبما ان اقرب طريق لقلب الرجل معدته قلت اخذ وصفه الحلاوه الي تسوينها
علياء :- هجور اخذي دفتر الطبخ ويلا انقلعي برى
طبعا ما قلت لكم من هذي هذي هاجر بنت جيرانا صديقتي الروح بالروح من قبل حتى ما ندخل المدرسه والعجيب ان ما في وجه شبه بينا بالعكس نختلف في كل شي هاجر قصيره وخمريه شعرها اسود فاحم وناعم وكل يوم والثاني قاصته قصه شكل تكره الشعر الطويل جسمها مدور لاهي متينه ولا ضعيفه ما تحب المدرسه والدراسه ما صدقت خلصت ثانويه وقعدت في البيت ما رضت تدخل الجامعه تحب الهذره ملقوفه تبي تعرف كل شي اجتماعيه لها معارف وصديقات وش كثر صريحه ما تهتم اذا ما عجبش رايهاو سرش وياها في بير عميق
هاجر عيلتها كبيره وهي اخر العنقود عندها خمس خوات كلهم متزوجات واربع اخوان بعد متزوجين وساكنين بعيد عنهم ما عدا سالم اكبر من هاجر باربع سنوات عمره24 سنه وسالم هذا واحد مغازلجي درجه اولى المهم ما علينا منه
هاجر تربعت على السرير مقابلتني والدفتر في حضنها : شوفي عاد طلعه من اهني ما في قبل ما اعرف وش السالفه
رديت عليها من غير نفس: هجور ما ابي اتكلم اللحين السالفه طويله واذا قعدنا على السوالف ما بتلحقين تطبخين لحبيب القلب مازولا
هاجر وهي تحط يدها على قلبها وتسبل بعيونها وتتنهد :- ااااااااااااااااااااه واخيرا بشوف حمودي بس ولو ما اطلع قبل ما اعرف واذا على حمودي ترى بيقعد شهررررررررررر
واذا ما طبخت له اليوم بطبخ بكره
حمد هذا يصير ولد خاله هاجر يدرس في مصر قانون ولانهم ناس على قد حالهم فما ينزل البحرين الا في اجازة نهايه السنه
ما ادري ليش من تجيب هاجر سالفه حمد يتغير مزاجي يمكن لانه الموضوع الوحيد اللي اقدر استفزها به:- ايه هانت كلها سنه وبيقعد على قلبش على طول لين تملين منه
ما عطتني وجه وحاسه بوزها على صوب فقلت علشان اقهرها
:-هجور يعني حمد عقب سنه بيرجع محامي تتوقعين انه بيرضى يتزوج وحده ما عندها الا شهاده ثانويه
شهقت هاجر وفتحت عيونها على كبرهم:- اصلا يحصل له هاجر بنت جاسم ترضى فيه واذا على الشهاده انتي تدرين ان ما دخلت الجامعه لاني ما احب الدراسه رغم ان نسبتي تدخلني
وثانيا وش فايدة الشهادة واخرتها محد بيرضى اني اشتغل
ضحكت عليها :-هههههههههههههه زين زين لاتاكليني تدرين اني احب اشوفش معصبه
هاجر حطت ايدها على خصرها وتطالعني بنص عين :- لا والله ترى عطيتش وجه وتعالي اهني وش سالفتش
نزلت راسي لحضني وانا العب باظافيري :- هجور انا بتزوج
هاجر وقفت على طولها فوق السرير : لااااااااااااااااااا احلفي الف الصلاة والسلام عليك يا حبيب الله محمد كلللللللللللللللللللللللللللللللللللللوش
اشرت عليها بيدي انها تقعدوباليد الثانيه انها تكتم الصوت :- وش فيش استخفيتين قعدي لا بارك الله في ابليسش اللحين جدي يسمعش ويجي يهزئنا
حطت ايدها على فمها بمعنى سكت وهالمره نزلت عن السرير وقعدت على الارض قبالي
زين بتتزوجين ليش هالاكتئاب
تنهدت تنهيده من قلب وتاملت هاجر ونزلت دموعي اللي كانت محبوسه في صدري يمكن لاني شفت الاهتمام في عيون هاجر
حضنتني هاجر ومسحت على راسي بحنيه وقالت:-علياء حبيبتي لا تصيحين تدرين ان دموعش تعور قلبي بعدين انتين تبين تعقديني تراش اذا صحتين تخرعين
بعدت روحي من حظنها ودزيتها على ورى وقلت وانا امسح دموعي :- من الغيره لاني احلى منش
هاجر :- ماعلينا من خزعبلاتش المهم ابي اعرف انتين ليش بدل ما تفرحين انش بتتزوجين قاعدة تصيحين
قلت لها وانا محتاجه اني اتكلم مع احد يفهمني ويحس فيني :- لانه زواج بالاجبار لاني ما ابي العريس ولا حتى اهله
هاجر وشدها الموضوع قربت لي اكثر وقالت بصوت واطي :- ليش من هالعريس وليش بالاجبار ؟؟؟؟؟؟؟؟؟؟؟؟؟؟؟؟؟؟؟؟؟؟
هذي مقدمه للقصه وان شاء الله تعجبكم وانا في انتظار ردودكم
علشان اشوف تستاهل اكمل او لا
اعذب وارق التحايا
-
رد: رواية أطياف الغرام / الكاتبة : معاميريا ; كاملة
هـــــــــــاجــــــــــر
الصراحه استغربت وحده في هالزمن تتزوج غصب ومو أي وحده هذي علياء
ايه صح انتو ما تعرفون علياء عليا ء بنت طويله بالنسبه لي لاني قصيرة بس هي طولها حلو رشيقه عليها جسم يهبل وبيضاء شعرها بني فاتح ناعم وطويل يوصل الى اخر ظهرها وكثيف احلى ما فيها عيونها وساع ورموشها كثيفه وطويله عيونها عسليه وخشمها طويل وحلو وفمها صغير وشفايفها ممتليه خدودها وشفايفها على طول ورديه ذكيه كانت الاولى على الدفعه حاليا تدرس في الجامعه سنه ثانيه تخصص تارخ (وع ما احبه) هادئه مالها اصدقاء واجد او بالاصح ما لها الاانا والباقي مجرد زميلات ما تحب تهذر واجد ومن الصعب انها تعبر عن مشاعرها يمكن السبب انها تربت على يدجدها بعيد عن امها وابوها
اكيد خطر على بالكم انها يتيمه لا امها وابوها عايشين بس كل واحد لاهي بحياته عنها
علياء الله رزق جدها خلفته صبيان وبنت وحده اللي هي ام علياء وكانت جميله جدا ومدلله لانها اخر العنقود والوحيده بين ثلاث صبيان لمن صار عمر ام علياء 18 سنه تزوجت من واحد سعودي متزوج اسمه يوسف بن سلمان عاشت معاه ام علياء خمس سنوات كانت كلها مشاكل تطلقت عقبها وردت البحرين وعلياء عمرها سنه ونص في البدايه ابو علياء ترك علياء عند امها لين تكمل السنتين ولمن جاء علشان ياخذها امها عارضت ولولا تدخل جدها كان وصلت المسأله للمحاكم ورجع ابو طلال( ابو علياء)للسعوديه وانشغل بعياله وزوجته وما كان بينه وبين علياء أي نوع من الاتصال غير انه يطرش لها فلوس كل شهروبعض الزيارات الخاطفه في الاعياد اما امها تزوجت وعمر علياء 6 سنوات وتركت علياء عند ابوها وامها اللي ماتت عقب زواج بنتها بسنه ومن تزوجت وعلياء ما تشوف امها الا في المناسبات يا دوب تقعد خمس دقايق وتطلع وحجتها انشغالها بعيالها وزوجها
جد علياء فعلا رجال كبير وشديد وربى علياء على السنع والاخلاق الحلوه ورباها احسن مما ربى امها وصحيح انه شديد وما يقبل احد يناقشه في امر هو مقتنع فيه بس مع ذلك ما توصل انه يجبر علياء على الزواج وعلياء اساسا يمكن تكون الوحيده اللي تعرف شلون توصل رايها لجدها وتقنعه علشان جذي قلت لها
هاجر :- علياء انتين اكيد تمزحين يعني من هذا اللي بيجبرش جدش انش تتزوجينه
رفعت علياء راسها وقالت :- امزح ياليت امزح مو انتين لو تعرفين من العريس كان ما قلتين اني امزح العريس يا طويله العمر اسمه خالد بن مشعل بن سلمان
حكيت راسي وهزيت كتوفي وقلت :- خير يا طير من يعني هالخالد
علياء:- هذا يا طويله العمر وقصيرة القامه يصير ولد عمي امس جا ابوي وعمي يخطبوني من جدي او بالاصح يقولون لجدي انهم خطبوني لولد عمي
طالعتها باستغراب :- زين وبعدين صراحه للحين ما فهمت ليش رافضته ولا تقولين لانش بتروحين السعوديه ترى في الاول والاخير انتي سعوديه وبعدين من بعدها السعوديه يعني
علياء بغضب تضغط على ضروسها وتدز راسي بيدها :- انا ابي اعرف انتين شلون تفكرين والقهر انا اقول محد يفهمني كثر هاجر وفي الاخير يطلع كلامش نفس كلام خالي محمد بالظبط
قلت لها وانا افرك راسي مكان يدها :- زيييييييييييييييين لا دزين وفهميني يا حكيمه زمانش
علياء شبكت اياديها مع بعض وحطتها على شفتها وبعديتن قالت :- خايفه يا هاجر خايفه
تدرين انا اذا تزوجته بدخل عالم ثاني غريب ومختلف
تعرفين احنا ناس على قد حالنا وهم ناس اغنياء يعني شلون بتصرف شلون بتعامل وياهم غير اني ما اعرف اذا بيتقبلوني او لا
قاطعتها :- علياء وش هالكلام ترفضين واحد لانه غني !!!!!!!!!! واكيد بتقبلونش لانهم لو ما يبونش ما خطبوش لولدهم
علياء: انا ما قلت اني رافضه لانه غني انا قلت انه شي يخوف انتين تعرفين ان امي وافقت تتزوج من ابوي بس لانه غني ووسيم ورغم غناه ما قدرت تعيش معاه بعيد عن اهلها
فشلون انا اللي ما عندي أي مبرر لقبول هالشخص وثانيا انا خايفه انهم ينظرون لي على اساس ان البنت مثل امها
هاجر وباندفاع ومن غير تفكير:- امش ما تطلقت لانها بعيده عن اهلها امش تطلقت لان ابوش ما صار مثل الخاتم في صبعها ولا نه ما طاعها وما رضى يطلق بنت عمه ولمن عرف انها تزوجته طمع في فلوسه طلقها ولو هم ينظرون لش انش مثل امش ما خطبوش
الصراحه ندمت اني تسرعت وقلت لها هالكلام بس مشكلتي ان اللي في قلبي على لساني وما اعرف اجامل
علياء والعبره خانقتها :- ادري ما يحتاج تذكريني بس انتين تعرفين انهم ما كانو يحبون امي وكانو يعاملونها على اساس انها اقل منهم واخاف انهم يعاملوني بنفس الطريقه
هاجر وهي تتافف وترفع ايدها بالدعاء :- يا رب ارحمني من غباء هالبنت يا بنتي اسمعيني زين اولا الكلام اللي انتين قاعده تقولينه مصدره امش يعني مو اكيد ولو فرضنا انه صحيح بقول لش من حقهم وحده وتزوجت على بنتهم شلون تبين يعاملونها يعني انا مثلا اكيد بحتقر أي وحده تتزوج ابوي او زوج خالتي او عمتي فشلون لو عرفنا انها ما تزوجته الا لفلوسه
وثانيا انتين بنتهم مو غريبه واذا ابوش غني يعني انتين غنيه
وتعالي اهني لو كلامش صحيح وش اللي يخليهم يخطبونش يعني ما في شي يجبرهم
علياء وهي تفكر في كلام هاجر وسرحانه فيه :- هذا اللي محيرني ماني شايفه سبب مقنع مرات اقول ابوي يبيني اعيش جنبه بس ارد واقول لو يبيني يكفي انه ياخذني ما يحتاج يزوجني ولد اخوه
هاجر بتفكير :- ولد عمش شافش؟
علياء :- صدق انش خبله شلون يعني شافني وين بيشوفني
هاجر :- وين يعني في السوق ولا في الجامعه ولا في بيتكم
علياء بعصبيه :- شوف هذي اللي يسمعش ما يقول قاعده على جبدي 24 ساعه وين يشوفني يابنتي من متى والحريم يقعدون مع الرجال انا لو ادخل المجلس وفيه رجال يوم ثاني تحضرين عزاي على طول هذا وانتين تعرفين ان جدي وافق على الجامعه بالموت كله بسبب الخلط
اخذت علياء نفس من عقب الصراخ وقالت :- اذا ابوي لو شافني في الشارع يمكن ما يعرفني فشلون ولد اخوه وثانانيا وش دخل شافني وما شافني بالسالفه
هاجر وبكل عفويه :- يعني قلت لو شافش اكيد سحره جمالش مثل ما جمال امش سحر عمه
الا بقول لش جدش وش قال عن السالفه
علياء وهي مبوزه:- تدرين انش سخيفه وما ادري عن جدي هو قال بكل بساطه ترى عمش خطبش لولده خالد وانا قلت لهم يسوون الملكه في البحرين تراني حالف ما اطلعش من بيتي الا وانتي متزوجه واخذ روحه وراح المسجد يصلي العصر
هاجر وهي ترفع حواجبها وكتوفها دليل على الاستغراب :-غريبه يعني ما قال لش شي عن خلودي وليش هو وافق بهالسهوله
علياء :- سألته قلت له انت موافق يا جدي على هالخطبه ؟ قالي ايه ولمن قلت له بس انا مو موافقه قال لي عقب صلاة العشا لي كلام معاش
هاجر :- يمكن قصده انه بيتفاهم معاش ويعرف ليش انتين رافضه مو يجبرش
علياء وتعض على شفايفها وتتنهد :- اللي يسمعش يقول ما تعرفين جدي أي يتفاهم تعرفين يعني شنو لي كلام يعني هو اللي بيتكلم وتعرفين جدي ما بيقتنع باسبابي
هاجر بجديه :- زين ليش ما تستعينين بامش تعرفينها ما تحب اهل ابوش
علياء تطالع هاجر باندهاش :- والله جبتيها ما ادري شلون راحت عن بالي بس ان شاء الله تقدر تقنع جدي
هاجر وشافت ان هالاقتراح غير مزاج علياء فحبت تلعب على اعصابها قالت لها وهي تغمز:- لا تنسين وانتين تكلمين جدش تسالينه عن خلودي حلو مثل ابوش او لا
رفعت علياء راسها لهاجر واخذت علبه الكلينكس ورمتها لكن ما اصابه الهدف لان هاجر شالت عليه وراحت بيتهم
في مكان اخر في السعوديه في الرياض تحديدا
طالع من الفيلا بسرعه وسويج السياره في يده مبين عليه انه معصب حده شكله ونظراته تخلي أي عاقل يبعد عنه وما يحاول يتكلم معاه يحسس الل يقدامه انه مستعد انه يقتل أي واحد يوقف في طريقه دخل سيارته وسكر بابها بكل قوته ظغط على سكان السيارة بكل قوته كانه يفرغ كل غضبه في السكان وغمض عيونه بقوه واخذ نفس عميق وطرد كل الهوا اللي احتبس في صدره
عل وعسى اعصابه تهدأ
فتح عيونه على صوت موبايله طالعه كان المتصل طلال ولد عمه ما حب يرد عليه طنش لكن طلال كان مصر اخيرا قرر انه يرد
طلال:- واخيرا رديت وينك من الصبح اسأل عنك
..... :- انا هنا ما رحت مكان امر عسى ما شر
طلال :- ابدا بس ........... كنت يعني بقول .................
.............:- طلال وش فيك عمي به شي
طلال قاطعه :- لا يا ابن الحلال لا يروح فكرك لبعيد انا كنت بقول لك عن روحت ابوي وعمي الى البحرين
.................:- ايه قالت لي الوالده والي قاهرني انهم يتصرفون ولا كأني المعني بالامر يروحون يخطبون لي وحده من غير ما يسألوني حتى اذا ابغى اعرس وابغى البنت او لا
طلال :- هدي هدي لا يطق لك عرق اسمعني يا خالد انا الحين بفهمك بالسالفه كلها
خالد بعصبيه :- أي سالفه بعد يخطبون لي من غير ما يشاوروني او حتى يعطوني خبر
مثل الغريب يقولون لي خطبنا لك كانهم يعزموني على عرس واحد من الجيران والقهر ان امي اللي خبرتني موابوي
طلال :- والله اني فاهمك وحاسس باللي فيك المهم انت وين اللحين وانا اعلمك هم لش سوو كذا
خالد :- انا اللحين بطلع من البيت التقي وياك بالكوفي الي دايم نروحها
طلال :- زين اجل انا بسبقك بما اني قريب
سكر خالد موبايله ورماه على الكرسي اللي جنبه وقال في نفسه((اذا انا كذا وش حال ساره؟ والاهم وش اللي يخلي ابوي وعمي يخطبونها لي وش معنى هي ؟ وش معنى انا؟ المشكله اهم حاصروني وصار من الصعب اقول لا اااااااااااااااااااااااااااااااااااه راسي بينفجر))
ياترى من تكون ساره؟
وش سبب هالخطبه؟
وش مبرر عم خالد وابوه ؟
-
رد: رواية أطياف الغرام / الكاتبة : معاميريا ; كاملة
هـــــــــــاجــــــــــر
الصراحه استغربت وحده في هالزمن تتزوج غصب ومو أي وحده هذي علياء
ايه صح انتو ما تعرفون علياء عليا ء بنت طويله بالنسبه لي لاني قصيرة بس هي طولها حلو رشيقه عليها جسم يهبل وبيضاء شعرها بني فاتح ناعم وطويل يوصل الى اخر ظهرها وكثيف احلى ما فيها عيونها وساع ورموشها كثيفه وطويله عيونها عسليه وخشمها طويل وحلو وفمها صغير وشفايفها ممتليه خدودها وشفايفها على طول ورديه ذكيه كانت الاولى على الدفعه حاليا تدرس في الجامعه سنه ثانيه تخصص تارخ (وع ما احبه) هادئه مالها اصدقاء واجد او بالاصح ما لها الاانا والباقي مجرد زميلات ما تحب تهذر واجد ومن الصعب انها تعبر عن مشاعرها يمكن السبب انها تربت على يدجدها بعيد عن امها وابوها
اكيد خطر على بالكم انها يتيمه لا امها وابوها عايشين بس كل واحد لاهي بحياته عنها
علياء الله رزق جدها خلفته صبيان وبنت وحده اللي هي ام علياء وكانت جميله جدا ومدلله لانها اخر العنقود والوحيده بين ثلاث صبيان لمن صار عمر ام علياء 18 سنه تزوجت من واحد سعودي متزوج اسمه يوسف بن سلمان عاشت معاه ام علياء خمس سنوات كانت كلها مشاكل تطلقت عقبها وردت البحرين وعلياء عمرها سنه ونص في البدايه ابو علياء ترك علياء عند امها لين تكمل السنتين ولمن جاء علشان ياخذها امها عارضت ولولا تدخل جدها كان وصلت المسأله للمحاكم ورجع ابو طلال( ابو علياء)للسعوديه وانشغل بعياله وزوجته وما كان بينه وبين علياء أي نوع من الاتصال غير انه يطرش لها فلوس كل شهروبعض الزيارات الخاطفه في الاعياد اما امها تزوجت وعمر علياء 6 سنوات وتركت علياء عند ابوها وامها اللي ماتت عقب زواج بنتها بسنه ومن تزوجت وعلياء ما تشوف امها الا في المناسبات يا دوب تقعد خمس دقايق وتطلع وحجتها انشغالها بعيالها وزوجها
جد علياء فعلا رجال كبير وشديد وربى علياء على السنع والاخلاق الحلوه ورباها احسن مما ربى امها وصحيح انه شديد وما يقبل احد يناقشه في امر هو مقتنع فيه بس مع ذلك ما توصل انه يجبر علياء على الزواج وعلياء اساسا يمكن تكون الوحيده اللي تعرف شلون توصل رايها لجدها وتقنعه علشان جذي قلت لها
هاجر :- علياء انتين اكيد تمزحين يعني من هذا اللي بيجبرش جدش انش تتزوجينه
رفعت علياء راسها وقالت :- امزح ياليت امزح مو انتين لو تعرفين من العريس كان ما قلتين اني امزح العريس يا طويله العمر اسمه خالد بن مشعل بن سلمان
حكيت راسي وهزيت كتوفي وقلت :- خير يا طير من يعني هالخالد
علياء:- هذا يا طويله العمر وقصيرة القامه يصير ولد عمي امس جا ابوي وعمي يخطبوني من جدي او بالاصح يقولون لجدي انهم خطبوني لولد عمي
طالعتها باستغراب :- زين وبعدين صراحه للحين ما فهمت ليش رافضته ولا تقولين لانش بتروحين السعوديه ترى في الاول والاخير انتي سعوديه وبعدين من بعدها السعوديه يعني
علياء بغضب تضغط على ضروسها وتدز راسي بيدها :- انا ابي اعرف انتين شلون تفكرين والقهر انا اقول محد يفهمني كثر هاجر وفي الاخير يطلع كلامش نفس كلام خالي محمد بالظبط
قلت لها وانا افرك راسي مكان يدها :- زيييييييييييييييين لا دزين وفهميني يا حكيمه زمانش
علياء شبكت اياديها مع بعض وحطتها على شفتها وبعديتن قالت :- خايفه يا هاجر خايفه
تدرين انا اذا تزوجته بدخل عالم ثاني غريب ومختلف
تعرفين احنا ناس على قد حالنا وهم ناس اغنياء يعني شلون بتصرف شلون بتعامل وياهم غير اني ما اعرف اذا بيتقبلوني او لا
قاطعتها :- علياء وش هالكلام ترفضين واحد لانه غني !!!!!!!!!! واكيد بتقبلونش لانهم لو ما يبونش ما خطبوش لولدهم
علياء: انا ما قلت اني رافضه لانه غني انا قلت انه شي يخوف انتين تعرفين ان امي وافقت تتزوج من ابوي بس لانه غني ووسيم ورغم غناه ما قدرت تعيش معاه بعيد عن اهلها
فشلون انا اللي ما عندي أي مبرر لقبول هالشخص وثانيا انا خايفه انهم ينظرون لي على اساس ان البنت مثل امها
هاجر وباندفاع ومن غير تفكير:- امش ما تطلقت لانها بعيده عن اهلها امش تطلقت لان ابوش ما صار مثل الخاتم في صبعها ولا نه ما طاعها وما رضى يطلق بنت عمه ولمن عرف انها تزوجته طمع في فلوسه طلقها ولو هم ينظرون لش انش مثل امش ما خطبوش
الصراحه ندمت اني تسرعت وقلت لها هالكلام بس مشكلتي ان اللي في قلبي على لساني وما اعرف اجامل
علياء والعبره خانقتها :- ادري ما يحتاج تذكريني بس انتين تعرفين انهم ما كانو يحبون امي وكانو يعاملونها على اساس انها اقل منهم واخاف انهم يعاملوني بنفس الطريقه
هاجر وهي تتافف وترفع ايدها بالدعاء :- يا رب ارحمني من غباء هالبنت يا بنتي اسمعيني زين اولا الكلام اللي انتين قاعده تقولينه مصدره امش يعني مو اكيد ولو فرضنا انه صحيح بقول لش من حقهم وحده وتزوجت على بنتهم شلون تبين يعاملونها يعني انا مثلا اكيد بحتقر أي وحده تتزوج ابوي او زوج خالتي او عمتي فشلون لو عرفنا انها ما تزوجته الا لفلوسه
وثانيا انتين بنتهم مو غريبه واذا ابوش غني يعني انتين غنيه
وتعالي اهني لو كلامش صحيح وش اللي يخليهم يخطبونش يعني ما في شي يجبرهم
علياء وهي تفكر في كلام هاجر وسرحانه فيه :- هذا اللي محيرني ماني شايفه سبب مقنع مرات اقول ابوي يبيني اعيش جنبه بس ارد واقول لو يبيني يكفي انه ياخذني ما يحتاج يزوجني ولد اخوه
هاجر بتفكير :- ولد عمش شافش؟
علياء :- صدق انش خبله شلون يعني شافني وين بيشوفني
هاجر :- وين يعني في السوق ولا في الجامعه ولا في بيتكم
علياء بعصبيه :- شوف هذي اللي يسمعش ما يقول قاعده على جبدي 24 ساعه وين يشوفني يابنتي من متى والحريم يقعدون مع الرجال انا لو ادخل المجلس وفيه رجال يوم ثاني تحضرين عزاي على طول هذا وانتين تعرفين ان جدي وافق على الجامعه بالموت كله بسبب الخلط
اخذت علياء نفس من عقب الصراخ وقالت :- اذا ابوي لو شافني في الشارع يمكن ما يعرفني فشلون ولد اخوه وثانانيا وش دخل شافني وما شافني بالسالفه
هاجر وبكل عفويه :- يعني قلت لو شافش اكيد سحره جمالش مثل ما جمال امش سحر عمه
الا بقول لش جدش وش قال عن السالفه
علياء وهي مبوزه:- تدرين انش سخيفه وما ادري عن جدي هو قال بكل بساطه ترى عمش خطبش لولده خالد وانا قلت لهم يسوون الملكه في البحرين تراني حالف ما اطلعش من بيتي الا وانتي متزوجه واخذ روحه وراح المسجد يصلي العصر
هاجر وهي ترفع حواجبها وكتوفها دليل على الاستغراب :-غريبه يعني ما قال لش شي عن خلودي وليش هو وافق بهالسهوله
علياء :- سألته قلت له انت موافق يا جدي على هالخطبه ؟ قالي ايه ولمن قلت له بس انا مو موافقه قال لي عقب صلاة العشا لي كلام معاش
هاجر :- يمكن قصده انه بيتفاهم معاش ويعرف ليش انتين رافضه مو يجبرش
علياء وتعض على شفايفها وتتنهد :- اللي يسمعش يقول ما تعرفين جدي أي يتفاهم تعرفين يعني شنو لي كلام يعني هو اللي بيتكلم وتعرفين جدي ما بيقتنع باسبابي
هاجر بجديه :- زين ليش ما تستعينين بامش تعرفينها ما تحب اهل ابوش
علياء تطالع هاجر باندهاش :- والله جبتيها ما ادري شلون راحت عن بالي بس ان شاء الله تقدر تقنع جدي
هاجر وشافت ان هالاقتراح غير مزاج علياء فحبت تلعب على اعصابها قالت لها وهي تغمز:- لا تنسين وانتين تكلمين جدش تسالينه عن خلودي حلو مثل ابوش او لا
رفعت علياء راسها لهاجر واخذت علبه الكلينكس ورمتها لكن ما اصابه الهدف لان هاجر شالت عليه وراحت بيتهم
في مكان اخر في السعوديه في الرياض تحديدا
طالع من الفيلا بسرعه وسويج السياره في يده مبين عليه انه معصب حده شكله ونظراته تخلي أي عاقل يبعد عنه وما يحاول يتكلم معاه يحسس الل يقدامه انه مستعد انه يقتل أي واحد يوقف في طريقه دخل سيارته وسكر بابها بكل قوته ظغط على سكان السيارة بكل قوته كانه يفرغ كل غضبه في السكان وغمض عيونه بقوه واخذ نفس عميق وطرد كل الهوا اللي احتبس في صدره
عل وعسى اعصابه تهدأ
فتح عيونه على صوت موبايله طالعه كان المتصل طلال ولد عمه ما حب يرد عليه طنش لكن طلال كان مصر اخيرا قرر انه يرد
طلال:- واخيرا رديت وينك من الصبح اسأل عنك
..... :- انا هنا ما رحت مكان امر عسى ما شر
طلال :- ابدا بس ........... كنت يعني بقول .................
.............:- طلال وش فيك عمي به شي
طلال قاطعه :- لا يا ابن الحلال لا يروح فكرك لبعيد انا كنت بقول لك عن روحت ابوي وعمي الى البحرين
.................:- ايه قالت لي الوالده والي قاهرني انهم يتصرفون ولا كأني المعني بالامر يروحون يخطبون لي وحده من غير ما يسألوني حتى اذا ابغى اعرس وابغى البنت او لا
طلال :- هدي هدي لا يطق لك عرق اسمعني يا خالد انا الحين بفهمك بالسالفه كلها
خالد بعصبيه :- أي سالفه بعد يخطبون لي من غير ما يشاوروني او حتى يعطوني خبر
مثل الغريب يقولون لي خطبنا لك كانهم يعزموني على عرس واحد من الجيران والقهر ان امي اللي خبرتني موابوي
طلال :- والله اني فاهمك وحاسس باللي فيك المهم انت وين اللحين وانا اعلمك هم لش سوو كذا
خالد :- انا اللحين بطلع من البيت التقي وياك بالكوفي الي دايم نروحها
طلال :- زين اجل انا بسبقك بما اني قريب
سكر خالد موبايله ورماه على الكرسي اللي جنبه وقال في نفسه((اذا انا كذا وش حال ساره؟ والاهم وش اللي يخلي ابوي وعمي يخطبونها لي وش معنى هي ؟ وش معنى انا؟ المشكله اهم حاصروني وصار من الصعب اقول لا اااااااااااااااااااااااااااااااااااه راسي بينفجر))
ياترى من تكون ساره؟
وش سبب هالخطبه؟
وش مبرر عم خالد وابوه ؟
-
رد: رواية أطياف الغرام / الكاتبة : معاميريا ; كاملة
الجزء الثاني
(( ليش))
طــــــــــــــــــلال
من البارحه وانا افكر في خالد الله يهديه عمي ما لقى الا خالد يزوجه من ........... استغفر الله حتى اسمها ما عرفته الا امس .............. المشكله وش اقول له اللحين اذا انا السالفه كلها مو داخله مخي كيف خالد يعني بكل بساطه يفرضون عليه انه يتزوجها............. اساسا هم يعرفون ان خالد مو من النوعيه اللي تمشيه على كيفك خالد رجال حر وكلمته وحده رجال ينشد فيه الظهر يفرض عليك احترامه رغم تواضعه بس عيبه انه عنيد وفي مشاعره اما ان يعطي بلا حدود او انه يجفو الى ابعد حد ........... انا اللي محيرني ليش عمي وابوي اختارو خالد بالذات هو صحيح مايرفض لابوه طلب لكن بعد عمي عمره ما اجبر احد من اولاده على شي وبالذات خالد يعامله على انه ند له ياخذ ويعطي معه ويهتم لرايه
وهو في غمرة افكاره انتبه على صوت مفاتيح السيارة اللي رماها خالد على الطاوله
رفع طلال راسه لولد عمه :-هلا كيف حالك
خالد جلس سند ظهره للكرسي ومد يده يلعب في المفاتيح :- احوالي انت تعرفها .....(( سكت شوي وفجأة قال)) ........ طلال ليش يبون يزوجونها ؟
طلال ابتسم ابتسامه باهته على جنب :- ابو ي يقول علشان ترجع بنته لحضنه و...............
رفع خالد راسه وطالع طلال بنضره حاده وقال :- أي حضن هذا اللي يبيها ترجع له ؟ وينه عنها كل هالسنين اللي طافت ؟وبعدين انا شدخلني تراها بنته يعني يقدر يروح ياخذها يعني سالفه الزواج مالها داعي
طلال وهو ياشر لخالد بيده بمعنى بشويش :- هدي وانا اخوك ترانا في مكان عام وشوي شوي علي انا بعد ما كملت كلامي .......... هو صدق الوالد عمره من قبل ما قال انه بيرجعها بس هذا مو معناته انه ما فكر في هالشي ..........((اخذ نفس عميق وحط مرفقه على الطاوله ))
جدها اتصل على الوالد من يومين وقال له ان في واحد خطب علياء وانه يبي راي ابوي في الخطبه قبل ما يرد على الرجال
خالد بابتسامه تهكميه :- هه وش رد عليه ؟ اكيد قاله لا البنت لولد عمها
طلال:- هو رفض بس مو بهالطريقه انت تعرف ابوك وعمك لو يفكرون كذا كان انت من زمان متزوج ندى بدل عزيز
خالد وهو يضرب صدره يقبضه يده:- انا هذا الي حارني لييييييييييييييييييييييييش لييييييييييييييييييييييييييش
وش معنى انا؟
طلال يفرك جبينه :- ابوي اتصل على ابوك وخبره بالمكالمه وقرروا ان البنت ما عاد تقعد في البحرين خلاص
لانهم مو كل يوم والثاني بيردون الخطاب ابوي يقول ما يبغى يزوجها أي واحد ويبغاها جنبه وابوك يقول انها ما ينفع تتزوج واحد من برى العايله لانه بكذا الحلال يروح برى العايله .............. واتفقوا يخطبونها لك بكذا تعيش قريب من ابوي ويضمنون الحلال
خالد بعصبيه :- هذا كلام ما يدخل دماغي كلام غير منطقي.......... ليش عزيز من العيله يوم يزوجونه اختك ندى لو لان ابوه شريكهم في مشاريع الشرقيه ((سكت شوي وغمض عيونه كانه بهالطريقه بيهدأ من انفعاله ))
على فرض اني وافقتهم على منطقهم الغريب هذا طيب ليش انا وش معنى انا بالذات ليش مو تركي او سلطان او حتى ماجد ولد عمتى ........... أي احد بس مو انا ........
طلال وهو يطالع ولد عمه بنضرة اعتذار :- ما ادري بس انت تعرف سلطان اصغر منها بسنه لانها في سن اختى وداد واختك العنود غير انه لا زال يدرس وماجد خاطب وداد وتركي ...................
خالد :- وتركي اكبر منها ومو خاطب احد لكن انا متكلم على ساره ............... ليش يا طلال انا بالذات تدري اني ما عرفت الا عقب ما راحو البحرين وكلمو جدها كاني كرسي يشيلونه ويحطونه بكيفهم ومتى ما بيغون
ما كاني انسان له قلب ومشاعر وعقل ............طلال انا رجال واتحمل لكن ساره ما فكرو فيها في ردة فعلها
اذا مو علشان مشاعرها علشان امها هذي اختهم مو غريبه ............. انا ابي افهم من هي علياء((واشر اشاره تدل على انها شي صغير وحقير من غير قيمه)) اللي علشانها يجرحون ساره ويذبحون كرامتى ..............انا يا طلال انا انجبر على شي ما ابغاه
لو واحد ثاني غير طلال كان زعل من خالد انه يتكلم عن اخته بهالطريقه لكن خالد مو أي واحد هذا ولد عمه واعز واقرب صديق على قلبه باختصار اخوه اللي ما جابته امه ولانه يعرفه مثل ما يعرف نفسه فهو عاذره لانه يعرف وش قد خالد يعز ساره ويحبها ...........بس مع ذلك حميته وغريزه الاخوه وتربيته وغيرته على محارمه خلته يقول
طلال:- ليش انت بالذات هذا شي اسأل عنه ابوك وعمك وثانيا انا عارفك زين وادري انك مو من النوع اللي ينجبر وانا اللي اسألك وش الي جابرك واذا على علياء تراها بنت عمك ويمكن تكون اخير لك من ساره
خالد قاطعه والكلام مو عاجبه :-اللي جابرني؟!! قول اللي كاسر ظهري ان هالعلياء تصير بنت عمي اللي كاسر ظهري كلمه ابوي لعمي اللي كاسر ظهري اني ما اقدر اقول لعمي ما ابي بنتك ما اقدر لاني لو سويتها بذبح عمي واوطي راسه ومو انا اللي اسوي كذا لو على كسر رقبتي ولو مو كذا ما كنت تنازلت عن ساره وانت تدري من هي ساره ومستحيل في احد احسن منها
طلال :- كلامك هذا مردود عليه انا ما اعرف شلون هي علياء لكني اعرف ابوي ولو جدها مو رجال ويعرف يربي ما كان امنه على بنته وساره من دخلت الجامعه وهي تغيرت حتى على وداد والعنود يقولون انها ما عادت مثل اول واسأل العنود وهي تقول لك................. واذا انت منت راضي بعلياء تكلم مع عمي وقوله عن تركي تراه يناسبها واللي ادري عنه ان قلبه خالي وبكذا ابوي ما بيزعل ولا صاير عليه شي
خالد :- كانك ما تعرف ابوي هو قاصد اني ما اعرف بالموضوع الا بعد ما يسوي كل اللي يبغاه علشان يقطع على الطريق وما اقدر اعتذر او اتراجع ابوي لعبها صح .............((شرب من كاسه الماي اللي قدامه وكمل))
ابوي خطب علياء من عمي في مجلسكم قدام الرجاجيل واهمهم زوج عمتي ابو ماجد فلو اعترضت اكيد الناس بتتكلم وش فيها بنت عمه علشان يردها والناس بتحكي فيها وهذا شي ما ارضاه على بنت عمي وعمي
غير ان ابوي قال قدام ابو ماجد بعد ما وافق عمي على هالخطبه اني مستعجل وابيهم يروحون البحرين يتممون الخطبه قبل ما ارجع من جده .............. واكيد هالكلام وصل لساره وصدقت ...............اخ بس لو عندي طريقه اوصل لساره الحقيقه
طلال :- يا ابن الحلال ما يصيبك الا نصيبك وهذا اللي الله كاتبه لك وعسى ان تكرهوا شيئا وهو خيرا لكم
خالد :- ونعم بالله بس اللي يده في الما مو مثل اللي يده في النار انت وش عليك العنود وضامنها في جيبك
طلال :- يا اخي خليها على الله اللي يسمعك يقول هي عندي في البيت او حتى مالك عليها
يكفي انها شارطه انها ما تتزوج الا بعد ما تكمل جامعه
خالد بابتسامه:- اللحين اللي يسمعك يقول بيستناها عشر سنين ترى كلها دبلوم يعني سنه وحده لسى باقي لك تستنى
وتغيرت وجهة الحديث ويمكن اللي يشوف البسمه والضحكات اللي تخللت كلامهم يقول انهم نسو او رضو بالامر لكن لا كل واحد منهم داخله شايل على قلبه هم
خالد يفكر في ابوه وليش اختاره هو بالذات ويفكر في............... ساره وشعورها ناحيه خطبته وشلون يوصل لها انه مجبور على هالخطبه خاصة ان ما بينهم أي اتصال حتى العنود اللي كانت تنقل له اخبارها وتكلمه عن احاسيس ساره واحلامها تجاهه ما عادت مثل اول صارت تتهرب هي صحيح تجاوبه على اسألته بس ما عادت تسولف له عنها مثل اول يحس ان العنود تغيرت على ساره علاقتها معها مو مثل اول كانو على طول مع بعض وين ما تكون العنود تلاقي معاها ساره و وداد اللحين ما عاد ينشافون ثلاثتهم مع بعض الا في جمعات العيله وبعض طلعات السوق يا ترى بترضى توصل لساره حقيقه موقفي .................. ويفكر وش ردة فعل امه هو يذكر انها ما تحب نجاة ايه كان اسم امها نجاة ..............ردة فعل العنود يمكن تكون ما عادت بهالقرب من سارة بس لا زالت صديقتها وبنت عمتها غير انها تعرف اني احب ساره...................ردة فعل نجود اللي كانها توم لسعاد بنت عمي اللي تكرهه وحده منهم تكرهه الثانيه واللي تحبه وحده منهم تحبه الثانيه
.....................اما تركي عاد من رد من بريطانيا العام اللي فات عقب ما تخرج وهو غير ما عاد تركي المرح اللي يحب الجمعات حتى علاقته بماجد احسها يسودها نوع من البرود وما اظن يهتم بالذات في امور تخص بيت عمي ابو طلال.....................اما سلطان كل شي عنده ايزي
طلال يفكر في خالد شايل همه يتخيل لو هو مكانه وجبروه يتخلى عن العنود وش بيكون احساسه
اكيد مو ارحم من الموت ................. وشايل هم امه كيف بتستقبل بنت ضرتها كيف بتتحمل وجودها معاها في نفس البيت
وخواته...................... ندى اللي يعرف انها ما تتقبل زيارات ابوي القليله لبنته شلون بتقبل ان هالبنت تقعد في البيت ويجيبونها هنا .....................وداد اللي عارفه ان مشروع خطبة خالد لساره مو مجرد كلام لانها تعرف مشاعر ساره تجاه خالد بحكم صداقتها لساره وعارفه بمشاعر خالد لساره بحكم صداقتها للعنود
................سعاد بنت ال16 سنه الدلوعه اللي اكيد بيزعجها وجود بنت الحرمه اللي العايله كلها تكرهها لانها تزوجت ابوها على امها وفي الاخير تخيره بينها وبين امها ...................... وما مرتاح الا فيصل
ابو العشر سنوات اخر العنقود الوحيد اللي موهامه شي وبالعكس يمكن يترقب يشوف هالعلياء بس من باب الفضول
يفكرون في الكل ومهتمين في الكل لكن محد فكر في علياء شعورها احساسها ردة فعلها يمكن في احد مهتم لكن للاسف ما في يدها غير انها تخفف عنها وتحسسها ان في احد جنبها صديقتها وجارتها هاجر
في البحرين على العشا في بيت جد علياء
الجد وهو قايم من السفره :- الحمد لله اللهم ادمها نعمه واحفظها من الزوال................... علياء
علياء وهي تشيل الصحون من على السفره :- سم يبه
الجد ابو محمد:- سم الله عدوش يبا اليوم بشرب الشاي في الصاله ابي اكلمش في موضوع ولد عمش
علياء وقلبها يدق بسرعة جنونيه ((قرب وقت المواجهه يا علياء)):- ان شاء الله يبه
عقب ما خلصت علياء من غسل الصحون جهزت صينيه الشاي وراحت بها الصاله قعدت على الارض قبال جدها القاعد على الجلسه العربيه وصبت له استكانه ((بياله)) الشاي ومدتها عليه
علياء :- تفضل يبه
ابو محمد :- زاد فضلش يا بنتي ((شرب رشفه من الشاي ونزلها في الارض قدامه)) علياء ابوش البارحه تعنى هو عمش من السعوديه للبحرين علشان يخطبونش لولد عمش الكبير اللي اسمه خالد ويبون ياخذونش وياهم السعوديه بكره
بدون وعي وبتسرع علياء قاطعة جدها ولاول مره :- بس انت قلت اني ما اطلع من اهني الا مالكين علي شلون اروح السعوديه بكره غير اني ما ابيه ما ابي اتزوج ما ابي اتزوجه
علياء ابتدت كلامها بصوت عالي ومع سيرت الزواج غلبها الحياء وانخفض صوتها وبالنسبه لها قمة الشجاعه انها قالت هالكلام في وجه جدها
يمكن تستغربون بنت عمرها 20 سنه في هالزمن وتستحي انها تقول لا ما ابي اتزوج لا وتعتبر شجاعه بعد بس لا علياء شخصيتها مو ضعيفه بس شخصية جدها وطبيعة تربيتها هي اللي تخلي تصرفها هذا عادي
علياء رباها جدها على ان البنت السنعه لازم تلتزم بشغل البيت كله ويمكن هالشي فرضه تفكيره كرجل كبير في السن ووضعهم المادي اللي ما يسمح ان يستقدمون خدامه يكفي ان في ايام الدراسه ان زوجه خالها محمد تطبخ الغدا لهم ومثل ما ربى في نفسها ان شغل البيت واجب المره بعد ربى في نفسها الخلق الكريم من احترام الغير الالتزام بالصلاة والصوم والاهم اكتسبت من جدها انها ما تتكلم قبل ما تفكر وان كسب احترام الشخص لك واقناع غيرك برايك ما يجي بالصراخ او الدلال او الصياح بالعكس الرصانه والهدوء والصبر هو اللي يوصلك لهدفك ويخلي الناس تحترمك وتعلمت بعد شلون تخفي وتسيطر على مشاعرها
جدها له هيبه مو معقوله وبنضره وحده وكلمه وحده يخلي اللي قدامه يطيعه ويخافه بعد لو كان قاصد... عمره ما صرخ عليها او ضربها علشان تنفذ شي طول عمره يوصل لمبتغاه بكلمات قليله ودائما قول وفعل عمره ما قال شي وما سواه علشان جذي كلمته اقوى من افعال ناس واجد........... ومتى ما عاملته بطيب واحترام وكلمته بمنطق كلما زادت فرصتك انه يطيعك وينفذ لك طلبك
ابتسم ابو محمد :- ما ابي اتزوج هذا مو كلام كل بنت مسيرها تتزوج .................اما ما ابي اتزوجه هذي عاد تحتاج تقولين لي ليش؟ والسعوديه بنروح عقب يومين وياي وما راح اخليش الا اذا ملكو عليش
علياء وهي تبلع ريقها تفكر وش الشي اللي ممكن يقنع جدها :- يبه انا ما ابي اروح السعوديه يعني 20 سنه ما سألو عني ولا اهتمو اللحين اروح واتزوج من هناك انا ابي اقعد وياك قريب منك ما ابي اخليك بروحك وثانيا خالد هذا ما اعرفه .......... اقصد ما نعرف عنه شي اتزوج واحد كل اللي اعرفه عنه ان اسمه خالد
.... غير ان امي يمكن ما توافق يعني اقول يبه انت تدري ان امي ما تحب اهل ابوي شلون اتزوج واحد تكرهه امي
ابو محمد بكل هدوء:- شوفي اول شي ابو ش ما كان راميش وما سأل عنش بالعكس وانتي تدرين ان لبسش واغراض المدرسه ومصروفش كل من عنده ما في غير هالسياره الي تسوقينها واكلش اللي من عندي غير انه يجي لش في الاعياد وغيرها كم مره
علياء :- بس هذا واجبه ومو دليل اهتمام
ابو محمد وشوي خلقه ضاق:- علياء انا ما كملت كلامي واللحين اللي يسمعش مهتمه في راي امش يقول انها مو مقصره ويوميا عندش وتسأل عنش وترى اذا لانها ما تحب اهل ابوش ما بتتزوجينه عجل تبري من ابوش لانها ما تحبه...غير انها ما لها كلمه في زواجش ولا شور...............
((ابو محمد اللي مربي علياء ويعرفها زين حس بالدموع اللي بدت تتجمع في عيون علياء وخلتها تلمع كمل وهو يخفف من حدته لهجته))
واذا علي انا ما بتم بروحي انا بس تروحين بيقعد عندي ولد خالش وزوجه خالش تقوم بخدمتنا الى ان يتزوج ولد خالش ومرته تقوم بالبيت ومو من بعدها السعوديه متى ما بغيتين تجين تعالي
وثاني شي اذا انتين ما تعرفين ولد عمش يعني غيره بتعرفينه يا بتي ؟!!
هزت علياء راسها اشارة لاوواصل ابو محمد كلامه:- انتي ما تعرفينه لكن انا اعرف ابوش واعرف عمش بعد رجال ما يربون الا رجال ولو ما هو يستاهل ما زوجه بنته ترى مهما يكون الابو ما يرمي بنته لاي واحد ولو كان ولد اخوه............. وابوش انا اعرفه وما دام قال ان خالد رجال ما يتعيب عليه خلا ص .................
والمره يكفيها انها تعرف ان رجلها على دين وخلق ولد اصل وفصل وعنده شغله حلال يعيل فيها بيته ومرته واولاده............ وانا ما اقدر اقلول لا على الرجال وهو ما يعيبه شي خاصه ان ابوش ولي امرش موافق عليه ............. غير انه لو جاني يخطبش ما رديته
وقام ابو محمد منهي بهالحركة الكلام في الموضوع وطبعا بالنسبه له علياء ما قدمت أي عذر مقبول ولو انها كلمته عن مخاوفها كان ما بيكلف نفسه حتى عناء الرد عليها يعني خلاص جدها حكم عليها بالزواج من خالد وقام حتى من غير ما يهتم اذا كانت اقتنعت او لا
حست علياء ان الدنيا ضاقت عليها وان خلاص ما في امل حتى امها اللي كانت بتكلمها اليوم عن موضوع الخطبه وتعتمد على كراهيتها لاهل ابو طلال علشان تساندها وتدعمها في قرارها ما عاد ينفع لا جدها قال وكلمته وحده(( امش ما لها راي ولا شور))وهي في غمرة افكارها سمعت صوت موبايلها وكانت المتصله هاجر
ردت علياء وقبل ما تسلم قالت هاجر :- هاه وش صار ؟ وش قلتين لجدش ؟ وش قال ليش؟ اتصلتين بامش؟
علياء بهدوء عكس حماس هاجر :- بسم الله علي شوي شو ي حبه حبه واول يسلمون
هاجر وحماسها ما خف :- سلاااااااااااااااااااااااااااام والحين وش الاخبار بسرعه ما عندي لا وقت ولا رصيد
علياء ضحكت على هاجر :- وعليكم السلام ما في اخبار تسرش جدي ما قتنع بكلامي وقالي باختصار ولد عمش رجال دين وخلق واصل وفصل ويشتغل وهذا يساوي رجال ما ينرفض وامي حتى لو باتصل فباتصل علشان اخبرها لان جدي قال امش ما لها شور يعني قفلها وطلع وهو اكيد في نفسه يقول انه ضيع وقته على لا شيء
هاجر بهدوء يدل على حماسها اللي انطفى :- زين كان قلتين له عن مخاوفش من هالزواج يعني قدرتين تقنعينه بدخول الجامعه والسياقه ما تقدرين عليه في هذي
علياء باحباط :- هذي غير والجامعه والسياقه غير تدرين الجامعه شي يخص العلم وجدي محب للعلم يحترم سعي الواحد لانه يتعلم ومع هذا ما وافق الا بعد ما قبلوني في تخصص تدريس يعني مستقبل الوظيفه ما في خلط........... والسياقه تدرين زحمت مواعيد باصات الجامعه تطلعين من صباح ربي وما ترجعين الا العصر وفي عز الشتا قريب اذان المغرب غير ان الباص فيه خلط وهذا ما يعجب جدي حتى لو الاولاد في ناحيه والبنات في ناحيه وعدم وجود من يلتزم بروحتي وجيتي لكن هذي وش اقوله خابفه من ابوي وعيلته خايفه من نظرتهم لي خايفه من هالعالم الجديد (( تتنهد بقوه)) خليها على الله
هاجر وحست بعلياء وما حبت تتركها جذي قالت لها بنبره هيام وعشق علشان تغير مزاجها:- زين ما قلتين اهم شي جدش ما قال لش شلونه خلودي طوله عرضه عيونه خشمه خدوده صوته
علياء وفعلا تغير مزاجها :- خلودي في عينش وما دورتين الا جدي اسأله عن هالسخافات
هاجر وعجبها تعصيب علياء :- في عيني هاااااااااااه لكن ما اقول الا حسبي الله على الغيره وعلى العموم بكره بجي وبعرف التفاصيل وريوقي عليش
علياء وبحمق:- غيره ... غارت عليش .............. وش اقول حسبي الله على عدوينش واي ريوق ليكون ناويه تجين من صباح الله خير
هاجر وبكل برود :- اكيد بكره الجمعه وغير الصبح ما بشوفش بروحش لان خوالش وعائلاتهم عندكم ..................واحم احم حمودي بعد بيتغدى عندنا بكره
علياء باستسلام :- زين امري لله تعالي يلا مع السلامه
هاجر :- مع السلامه ايه ولا تنسين تقولين لجدش يعطيش صورة لخلودي
وسكرت التلفون قبل ما ترد عليها علياء
اتمنى ان يحوز هذا البارت على اعجابكم
مع اعذب وارق التحايا
-
رد: رواية أطياف الغرام / الكاتبة : معاميريا ; كاملة
الجزء الثاني
(( ليش))
طــــــــــــــــــلال
من البارحه وانا افكر في خالد الله يهديه عمي ما لقى الا خالد يزوجه من ........... استغفر الله حتى اسمها ما عرفته الا امس .............. المشكله وش اقول له اللحين اذا انا السالفه كلها مو داخله مخي كيف خالد يعني بكل بساطه يفرضون عليه انه يتزوجها............. اساسا هم يعرفون ان خالد مو من النوعيه اللي تمشيه على كيفك خالد رجال حر وكلمته وحده رجال ينشد فيه الظهر يفرض عليك احترامه رغم تواضعه بس عيبه انه عنيد وفي مشاعره اما ان يعطي بلا حدود او انه يجفو الى ابعد حد ........... انا اللي محيرني ليش عمي وابوي اختارو خالد بالذات هو صحيح مايرفض لابوه طلب لكن بعد عمي عمره ما اجبر احد من اولاده على شي وبالذات خالد يعامله على انه ند له ياخذ ويعطي معه ويهتم لرايه
وهو في غمرة افكاره انتبه على صوت مفاتيح السيارة اللي رماها خالد على الطاوله
رفع طلال راسه لولد عمه :-هلا كيف حالك
خالد جلس سند ظهره للكرسي ومد يده يلعب في المفاتيح :- احوالي انت تعرفها .....(( سكت شوي وفجأة قال)) ........ طلال ليش يبون يزوجونها ؟
طلال ابتسم ابتسامه باهته على جنب :- ابو ي يقول علشان ترجع بنته لحضنه و...............
رفع خالد راسه وطالع طلال بنضره حاده وقال :- أي حضن هذا اللي يبيها ترجع له ؟ وينه عنها كل هالسنين اللي طافت ؟وبعدين انا شدخلني تراها بنته يعني يقدر يروح ياخذها يعني سالفه الزواج مالها داعي
طلال وهو ياشر لخالد بيده بمعنى بشويش :- هدي وانا اخوك ترانا في مكان عام وشوي شوي علي انا بعد ما كملت كلامي .......... هو صدق الوالد عمره من قبل ما قال انه بيرجعها بس هذا مو معناته انه ما فكر في هالشي ..........((اخذ نفس عميق وحط مرفقه على الطاوله ))
جدها اتصل على الوالد من يومين وقال له ان في واحد خطب علياء وانه يبي راي ابوي في الخطبه قبل ما يرد على الرجال
خالد بابتسامه تهكميه :- هه وش رد عليه ؟ اكيد قاله لا البنت لولد عمها
طلال:- هو رفض بس مو بهالطريقه انت تعرف ابوك وعمك لو يفكرون كذا كان انت من زمان متزوج ندى بدل عزيز
خالد وهو يضرب صدره يقبضه يده:- انا هذا الي حارني لييييييييييييييييييييييييش لييييييييييييييييييييييييييش
وش معنى انا؟
طلال يفرك جبينه :- ابوي اتصل على ابوك وخبره بالمكالمه وقرروا ان البنت ما عاد تقعد في البحرين خلاص
لانهم مو كل يوم والثاني بيردون الخطاب ابوي يقول ما يبغى يزوجها أي واحد ويبغاها جنبه وابوك يقول انها ما ينفع تتزوج واحد من برى العايله لانه بكذا الحلال يروح برى العايله .............. واتفقوا يخطبونها لك بكذا تعيش قريب من ابوي ويضمنون الحلال
خالد بعصبيه :- هذا كلام ما يدخل دماغي كلام غير منطقي.......... ليش عزيز من العيله يوم يزوجونه اختك ندى لو لان ابوه شريكهم في مشاريع الشرقيه ((سكت شوي وغمض عيونه كانه بهالطريقه بيهدأ من انفعاله ))
على فرض اني وافقتهم على منطقهم الغريب هذا طيب ليش انا وش معنى انا بالذات ليش مو تركي او سلطان او حتى ماجد ولد عمتى ........... أي احد بس مو انا ........
طلال وهو يطالع ولد عمه بنضرة اعتذار :- ما ادري بس انت تعرف سلطان اصغر منها بسنه لانها في سن اختى وداد واختك العنود غير انه لا زال يدرس وماجد خاطب وداد وتركي ...................
خالد :- وتركي اكبر منها ومو خاطب احد لكن انا متكلم على ساره ............... ليش يا طلال انا بالذات تدري اني ما عرفت الا عقب ما راحو البحرين وكلمو جدها كاني كرسي يشيلونه ويحطونه بكيفهم ومتى ما بيغون
ما كاني انسان له قلب ومشاعر وعقل ............طلال انا رجال واتحمل لكن ساره ما فكرو فيها في ردة فعلها
اذا مو علشان مشاعرها علشان امها هذي اختهم مو غريبه ............. انا ابي افهم من هي علياء((واشر اشاره تدل على انها شي صغير وحقير من غير قيمه)) اللي علشانها يجرحون ساره ويذبحون كرامتى ..............انا يا طلال انا انجبر على شي ما ابغاه
لو واحد ثاني غير طلال كان زعل من خالد انه يتكلم عن اخته بهالطريقه لكن خالد مو أي واحد هذا ولد عمه واعز واقرب صديق على قلبه باختصار اخوه اللي ما جابته امه ولانه يعرفه مثل ما يعرف نفسه فهو عاذره لانه يعرف وش قد خالد يعز ساره ويحبها ...........بس مع ذلك حميته وغريزه الاخوه وتربيته وغيرته على محارمه خلته يقول
طلال:- ليش انت بالذات هذا شي اسأل عنه ابوك وعمك وثانيا انا عارفك زين وادري انك مو من النوع اللي ينجبر وانا اللي اسألك وش الي جابرك واذا على علياء تراها بنت عمك ويمكن تكون اخير لك من ساره
خالد قاطعه والكلام مو عاجبه :-اللي جابرني؟!! قول اللي كاسر ظهري ان هالعلياء تصير بنت عمي اللي كاسر ظهري كلمه ابوي لعمي اللي كاسر ظهري اني ما اقدر اقول لعمي ما ابي بنتك ما اقدر لاني لو سويتها بذبح عمي واوطي راسه ومو انا اللي اسوي كذا لو على كسر رقبتي ولو مو كذا ما كنت تنازلت عن ساره وانت تدري من هي ساره ومستحيل في احد احسن منها
طلال :- كلامك هذا مردود عليه انا ما اعرف شلون هي علياء لكني اعرف ابوي ولو جدها مو رجال ويعرف يربي ما كان امنه على بنته وساره من دخلت الجامعه وهي تغيرت حتى على وداد والعنود يقولون انها ما عادت مثل اول واسأل العنود وهي تقول لك................. واذا انت منت راضي بعلياء تكلم مع عمي وقوله عن تركي تراه يناسبها واللي ادري عنه ان قلبه خالي وبكذا ابوي ما بيزعل ولا صاير عليه شي
خالد :- كانك ما تعرف ابوي هو قاصد اني ما اعرف بالموضوع الا بعد ما يسوي كل اللي يبغاه علشان يقطع على الطريق وما اقدر اعتذر او اتراجع ابوي لعبها صح .............((شرب من كاسه الماي اللي قدامه وكمل))
ابوي خطب علياء من عمي في مجلسكم قدام الرجاجيل واهمهم زوج عمتي ابو ماجد فلو اعترضت اكيد الناس بتتكلم وش فيها بنت عمه علشان يردها والناس بتحكي فيها وهذا شي ما ارضاه على بنت عمي وعمي
غير ان ابوي قال قدام ابو ماجد بعد ما وافق عمي على هالخطبه اني مستعجل وابيهم يروحون البحرين يتممون الخطبه قبل ما ارجع من جده .............. واكيد هالكلام وصل لساره وصدقت ...............اخ بس لو عندي طريقه اوصل لساره الحقيقه
طلال :- يا ابن الحلال ما يصيبك الا نصيبك وهذا اللي الله كاتبه لك وعسى ان تكرهوا شيئا وهو خيرا لكم
خالد :- ونعم بالله بس اللي يده في الما مو مثل اللي يده في النار انت وش عليك العنود وضامنها في جيبك
طلال :- يا اخي خليها على الله اللي يسمعك يقول هي عندي في البيت او حتى مالك عليها
يكفي انها شارطه انها ما تتزوج الا بعد ما تكمل جامعه
خالد بابتسامه:- اللحين اللي يسمعك يقول بيستناها عشر سنين ترى كلها دبلوم يعني سنه وحده لسى باقي لك تستنى
وتغيرت وجهة الحديث ويمكن اللي يشوف البسمه والضحكات اللي تخللت كلامهم يقول انهم نسو او رضو بالامر لكن لا كل واحد منهم داخله شايل على قلبه هم
خالد يفكر في ابوه وليش اختاره هو بالذات ويفكر في............... ساره وشعورها ناحيه خطبته وشلون يوصل لها انه مجبور على هالخطبه خاصة ان ما بينهم أي اتصال حتى العنود اللي كانت تنقل له اخبارها وتكلمه عن احاسيس ساره واحلامها تجاهه ما عادت مثل اول صارت تتهرب هي صحيح تجاوبه على اسألته بس ما عادت تسولف له عنها مثل اول يحس ان العنود تغيرت على ساره علاقتها معها مو مثل اول كانو على طول مع بعض وين ما تكون العنود تلاقي معاها ساره و وداد اللحين ما عاد ينشافون ثلاثتهم مع بعض الا في جمعات العيله وبعض طلعات السوق يا ترى بترضى توصل لساره حقيقه موقفي .................. ويفكر وش ردة فعل امه هو يذكر انها ما تحب نجاة ايه كان اسم امها نجاة ..............ردة فعل العنود يمكن تكون ما عادت بهالقرب من سارة بس لا زالت صديقتها وبنت عمتها غير انها تعرف اني احب ساره...................ردة فعل نجود اللي كانها توم لسعاد بنت عمي اللي تكرهه وحده منهم تكرهه الثانيه واللي تحبه وحده منهم تحبه الثانيه
.....................اما تركي عاد من رد من بريطانيا العام اللي فات عقب ما تخرج وهو غير ما عاد تركي المرح اللي يحب الجمعات حتى علاقته بماجد احسها يسودها نوع من البرود وما اظن يهتم بالذات في امور تخص بيت عمي ابو طلال.....................اما سلطان كل شي عنده ايزي
طلال يفكر في خالد شايل همه يتخيل لو هو مكانه وجبروه يتخلى عن العنود وش بيكون احساسه
اكيد مو ارحم من الموت ................. وشايل هم امه كيف بتستقبل بنت ضرتها كيف بتتحمل وجودها معاها في نفس البيت
وخواته...................... ندى اللي يعرف انها ما تتقبل زيارات ابوي القليله لبنته شلون بتقبل ان هالبنت تقعد في البيت ويجيبونها هنا .....................وداد اللي عارفه ان مشروع خطبة خالد لساره مو مجرد كلام لانها تعرف مشاعر ساره تجاه خالد بحكم صداقتها لساره وعارفه بمشاعر خالد لساره بحكم صداقتها للعنود
................سعاد بنت ال16 سنه الدلوعه اللي اكيد بيزعجها وجود بنت الحرمه اللي العايله كلها تكرهها لانها تزوجت ابوها على امها وفي الاخير تخيره بينها وبين امها ...................... وما مرتاح الا فيصل
ابو العشر سنوات اخر العنقود الوحيد اللي موهامه شي وبالعكس يمكن يترقب يشوف هالعلياء بس من باب الفضول
يفكرون في الكل ومهتمين في الكل لكن محد فكر في علياء شعورها احساسها ردة فعلها يمكن في احد مهتم لكن للاسف ما في يدها غير انها تخفف عنها وتحسسها ان في احد جنبها صديقتها وجارتها هاجر
في البحرين على العشا في بيت جد علياء
الجد وهو قايم من السفره :- الحمد لله اللهم ادمها نعمه واحفظها من الزوال................... علياء
علياء وهي تشيل الصحون من على السفره :- سم يبه
الجد ابو محمد:- سم الله عدوش يبا اليوم بشرب الشاي في الصاله ابي اكلمش في موضوع ولد عمش
علياء وقلبها يدق بسرعة جنونيه ((قرب وقت المواجهه يا علياء)):- ان شاء الله يبه
عقب ما خلصت علياء من غسل الصحون جهزت صينيه الشاي وراحت بها الصاله قعدت على الارض قبال جدها القاعد على الجلسه العربيه وصبت له استكانه ((بياله)) الشاي ومدتها عليه
علياء :- تفضل يبه
ابو محمد :- زاد فضلش يا بنتي ((شرب رشفه من الشاي ونزلها في الارض قدامه)) علياء ابوش البارحه تعنى هو عمش من السعوديه للبحرين علشان يخطبونش لولد عمش الكبير اللي اسمه خالد ويبون ياخذونش وياهم السعوديه بكره
بدون وعي وبتسرع علياء قاطعة جدها ولاول مره :- بس انت قلت اني ما اطلع من اهني الا مالكين علي شلون اروح السعوديه بكره غير اني ما ابيه ما ابي اتزوج ما ابي اتزوجه
علياء ابتدت كلامها بصوت عالي ومع سيرت الزواج غلبها الحياء وانخفض صوتها وبالنسبه لها قمة الشجاعه انها قالت هالكلام في وجه جدها
يمكن تستغربون بنت عمرها 20 سنه في هالزمن وتستحي انها تقول لا ما ابي اتزوج لا وتعتبر شجاعه بعد بس لا علياء شخصيتها مو ضعيفه بس شخصية جدها وطبيعة تربيتها هي اللي تخلي تصرفها هذا عادي
علياء رباها جدها على ان البنت السنعه لازم تلتزم بشغل البيت كله ويمكن هالشي فرضه تفكيره كرجل كبير في السن ووضعهم المادي اللي ما يسمح ان يستقدمون خدامه يكفي ان في ايام الدراسه ان زوجه خالها محمد تطبخ الغدا لهم ومثل ما ربى في نفسها ان شغل البيت واجب المره بعد ربى في نفسها الخلق الكريم من احترام الغير الالتزام بالصلاة والصوم والاهم اكتسبت من جدها انها ما تتكلم قبل ما تفكر وان كسب احترام الشخص لك واقناع غيرك برايك ما يجي بالصراخ او الدلال او الصياح بالعكس الرصانه والهدوء والصبر هو اللي يوصلك لهدفك ويخلي الناس تحترمك وتعلمت بعد شلون تخفي وتسيطر على مشاعرها
جدها له هيبه مو معقوله وبنضره وحده وكلمه وحده يخلي اللي قدامه يطيعه ويخافه بعد لو كان قاصد... عمره ما صرخ عليها او ضربها علشان تنفذ شي طول عمره يوصل لمبتغاه بكلمات قليله ودائما قول وفعل عمره ما قال شي وما سواه علشان جذي كلمته اقوى من افعال ناس واجد........... ومتى ما عاملته بطيب واحترام وكلمته بمنطق كلما زادت فرصتك انه يطيعك وينفذ لك طلبك
ابتسم ابو محمد :- ما ابي اتزوج هذا مو كلام كل بنت مسيرها تتزوج .................اما ما ابي اتزوجه هذي عاد تحتاج تقولين لي ليش؟ والسعوديه بنروح عقب يومين وياي وما راح اخليش الا اذا ملكو عليش
علياء وهي تبلع ريقها تفكر وش الشي اللي ممكن يقنع جدها :- يبه انا ما ابي اروح السعوديه يعني 20 سنه ما سألو عني ولا اهتمو اللحين اروح واتزوج من هناك انا ابي اقعد وياك قريب منك ما ابي اخليك بروحك وثانيا خالد هذا ما اعرفه .......... اقصد ما نعرف عنه شي اتزوج واحد كل اللي اعرفه عنه ان اسمه خالد
.... غير ان امي يمكن ما توافق يعني اقول يبه انت تدري ان امي ما تحب اهل ابوي شلون اتزوج واحد تكرهه امي
ابو محمد بكل هدوء:- شوفي اول شي ابو ش ما كان راميش وما سأل عنش بالعكس وانتي تدرين ان لبسش واغراض المدرسه ومصروفش كل من عنده ما في غير هالسياره الي تسوقينها واكلش اللي من عندي غير انه يجي لش في الاعياد وغيرها كم مره
علياء :- بس هذا واجبه ومو دليل اهتمام
ابو محمد وشوي خلقه ضاق:- علياء انا ما كملت كلامي واللحين اللي يسمعش مهتمه في راي امش يقول انها مو مقصره ويوميا عندش وتسأل عنش وترى اذا لانها ما تحب اهل ابوش ما بتتزوجينه عجل تبري من ابوش لانها ما تحبه...غير انها ما لها كلمه في زواجش ولا شور...............
((ابو محمد اللي مربي علياء ويعرفها زين حس بالدموع اللي بدت تتجمع في عيون علياء وخلتها تلمع كمل وهو يخفف من حدته لهجته))
واذا علي انا ما بتم بروحي انا بس تروحين بيقعد عندي ولد خالش وزوجه خالش تقوم بخدمتنا الى ان يتزوج ولد خالش ومرته تقوم بالبيت ومو من بعدها السعوديه متى ما بغيتين تجين تعالي
وثاني شي اذا انتين ما تعرفين ولد عمش يعني غيره بتعرفينه يا بتي ؟!!
هزت علياء راسها اشارة لاوواصل ابو محمد كلامه:- انتي ما تعرفينه لكن انا اعرف ابوش واعرف عمش بعد رجال ما يربون الا رجال ولو ما هو يستاهل ما زوجه بنته ترى مهما يكون الابو ما يرمي بنته لاي واحد ولو كان ولد اخوه............. وابوش انا اعرفه وما دام قال ان خالد رجال ما يتعيب عليه خلا ص .................
والمره يكفيها انها تعرف ان رجلها على دين وخلق ولد اصل وفصل وعنده شغله حلال يعيل فيها بيته ومرته واولاده............ وانا ما اقدر اقلول لا على الرجال وهو ما يعيبه شي خاصه ان ابوش ولي امرش موافق عليه ............. غير انه لو جاني يخطبش ما رديته
وقام ابو محمد منهي بهالحركة الكلام في الموضوع وطبعا بالنسبه له علياء ما قدمت أي عذر مقبول ولو انها كلمته عن مخاوفها كان ما بيكلف نفسه حتى عناء الرد عليها يعني خلاص جدها حكم عليها بالزواج من خالد وقام حتى من غير ما يهتم اذا كانت اقتنعت او لا
حست علياء ان الدنيا ضاقت عليها وان خلاص ما في امل حتى امها اللي كانت بتكلمها اليوم عن موضوع الخطبه وتعتمد على كراهيتها لاهل ابو طلال علشان تساندها وتدعمها في قرارها ما عاد ينفع لا جدها قال وكلمته وحده(( امش ما لها راي ولا شور))وهي في غمرة افكارها سمعت صوت موبايلها وكانت المتصله هاجر
ردت علياء وقبل ما تسلم قالت هاجر :- هاه وش صار ؟ وش قلتين لجدش ؟ وش قال ليش؟ اتصلتين بامش؟
علياء بهدوء عكس حماس هاجر :- بسم الله علي شوي شو ي حبه حبه واول يسلمون
هاجر وحماسها ما خف :- سلاااااااااااااااااااااااااااام والحين وش الاخبار بسرعه ما عندي لا وقت ولا رصيد
علياء ضحكت على هاجر :- وعليكم السلام ما في اخبار تسرش جدي ما قتنع بكلامي وقالي باختصار ولد عمش رجال دين وخلق واصل وفصل ويشتغل وهذا يساوي رجال ما ينرفض وامي حتى لو باتصل فباتصل علشان اخبرها لان جدي قال امش ما لها شور يعني قفلها وطلع وهو اكيد في نفسه يقول انه ضيع وقته على لا شيء
هاجر بهدوء يدل على حماسها اللي انطفى :- زين كان قلتين له عن مخاوفش من هالزواج يعني قدرتين تقنعينه بدخول الجامعه والسياقه ما تقدرين عليه في هذي
علياء باحباط :- هذي غير والجامعه والسياقه غير تدرين الجامعه شي يخص العلم وجدي محب للعلم يحترم سعي الواحد لانه يتعلم ومع هذا ما وافق الا بعد ما قبلوني في تخصص تدريس يعني مستقبل الوظيفه ما في خلط........... والسياقه تدرين زحمت مواعيد باصات الجامعه تطلعين من صباح ربي وما ترجعين الا العصر وفي عز الشتا قريب اذان المغرب غير ان الباص فيه خلط وهذا ما يعجب جدي حتى لو الاولاد في ناحيه والبنات في ناحيه وعدم وجود من يلتزم بروحتي وجيتي لكن هذي وش اقوله خابفه من ابوي وعيلته خايفه من نظرتهم لي خايفه من هالعالم الجديد (( تتنهد بقوه)) خليها على الله
هاجر وحست بعلياء وما حبت تتركها جذي قالت لها بنبره هيام وعشق علشان تغير مزاجها:- زين ما قلتين اهم شي جدش ما قال لش شلونه خلودي طوله عرضه عيونه خشمه خدوده صوته
علياء وفعلا تغير مزاجها :- خلودي في عينش وما دورتين الا جدي اسأله عن هالسخافات
هاجر وعجبها تعصيب علياء :- في عيني هاااااااااااه لكن ما اقول الا حسبي الله على الغيره وعلى العموم بكره بجي وبعرف التفاصيل وريوقي عليش
علياء وبحمق:- غيره ... غارت عليش .............. وش اقول حسبي الله على عدوينش واي ريوق ليكون ناويه تجين من صباح الله خير
هاجر وبكل برود :- اكيد بكره الجمعه وغير الصبح ما بشوفش بروحش لان خوالش وعائلاتهم عندكم ..................واحم احم حمودي بعد بيتغدى عندنا بكره
علياء باستسلام :- زين امري لله تعالي يلا مع السلامه
هاجر :- مع السلامه ايه ولا تنسين تقولين لجدش يعطيش صورة لخلودي
وسكرت التلفون قبل ما ترد عليها علياء
اتمنى ان يحوز هذا البارت على اعجابكم
مع اعذب وارق التحايا
-
رد: رواية أطياف الغرام / الكاتبة : معاميريا ; كاملة
الجزء الثالث
((احكام مسبقه))
علــــــــــــيـــــــــــــاء
قعدت اليوم من وقت رغم انه يوم الجمعه لان خوالي وعايلتهم يتجمعون عندنا وبما انها اخر جمعه اكون وياهم فيها فقلت لزوجة خالي محمد اني راح اطبخ هالجمعه بدلها.............. لبست دشداشه بيت قطنيه ربع كم ورفعت شعري بكلبسه ونزلت سويت الريوق ........... جهزت صينيه الريوق ورحت ناديت جدي
ابو محمد اول ما قعد يتريق اخذ من علياء كاس الشاي ورقع عينه لها:- علامش يبه وش فيش ما بتتريقين وياي
علياء:- لا يبه انا عازمه هاجر بنت عمي ابو عيسى على الريوق
هز الجد راسه بمعنى انه عارف خاصه انه متعود على جيات هاجر البيت
طبعا ابو عيسى اللي هو ابو هاجر مو عم علياء بس لانه صديق ابو محمد وعلى طول وياه فعلياء تعودت تناديه عمي
عقب ما خلص ابو محمد ريوقه طلع كلمعتاد يشوف زراعته الصغيرة اللي ورى البيت وعلياء قامت تكنس البيت عقب ما غسلت الصحون وبس طفت المكنسه الا هاجر قدامها
حطت علياء ايدها على صدرها وفتحت عيونها على وسعها:-بسم الله خرعتيني من وين طلعتي
هاجر وهي تطالع علياء بنص عين:- ليش قالو لش جني؟ وهذا بدل ما تعتذرين ترى صار لي ساعتين وانا على الباب لو ما جدش فتح لي الباب
علياء بابتسامه وترفع حاجب :- وعليكم السلام .... كنت اكنس ما سمعت الجرس واعرفش ما بتخليني اكنس وانتي اهني بتقولين ما اعرف اسولف لان المكنسه مزعجه
هاجر :- زين سويتين بس عاد من صباح الله خير تكنسين
علياء وهي ترفع المكنسه وتوديها المخزن:- لان هالجمعه انا اللي بطبخ الغدا ويلا تعالي تريقي ترى من قمت من النوم ما اكلت شي
عقب الريوق اللي طال مع السوالف وتفاصيل احداث الامس وفي المجلس الواسع اللي مفروش بجلسه عربيه على كبره وعلياء تنظفه وتبخره لان الرجال يجتمعون فيه شهقت هاجر
:- ويش ؟!!!! يومين يعني عقب بكره وان شاء الله بيملكون مباشره من توصلون السعوديه؟
علياء وهي تضحك من حركة هاجر وشلون تعفس وجهها :- لا اجلناها ليوم الثلاثاء علشان يمديني اوقف قيدي في الجامعه تدرين اني ماخذه مادتين صيفي والمعاملات الباقيه علشان اكمل دراستي هناك بيقوم بها خالي وعلى كلام جدي الملكة بتكون يوم ثاني من وصولنا
هاجر وهي تحوس فمها على صوب:- هه خيبه اجلنا (تقولها بتهكم) اللي يسمعش يقول مأجله شهر... اذا جذي ما لش الا فستان جاهز للملكه ويا الله يمديش
علياء اللي ما فكرت في هالشي ابدا:-تدرين ما فكرت بس ولو يعني وش اشتري وانا ما اعرف اذا بتكون ملكه بسيطه او فخمه ...
((سكتت شوي تفكر وكلامها ما عجبها)) اكيد بتكون بسيطه جدا يعني من انا علشان تكون كبيره
وتوها هاجر بتعترض الا علياء تسألها عن حمد واهني انقلب حال هاجر وردت بهيام:-شفته يا علياء محلو ظعفان(نحفان) بس تدرين الضعف لايق عليه بس هالمره ما قعد ويانا بس سلم على امي وطلع
علياء وقاصده تغايظ هاجر:- اكيد ما يبي يشوف رقعة وجهش قال اطلع ابرك لي
هاجر تخصرت بيد واليد الثانيه تأشر على نفسها :- ليش هو يطول اصلا يشوف هاجر بنت جاسم (( وبحزن تقول)) هو ماقعد لاني اتغطى عنه
علياء باستغراب:- تتغطين بس انا خبري انكم ما تتغطون عن اولاد عمكم وخالاتكم
علياء وهي ترفع يدها بالدعاء :- شفتي شلون حسبي الله على سويلم
كل منه اجبرني اني اتغطى عنهم وانا اصغر وحده صايره عجوز بين خواتي تدرين هم رجالهم عندهم عادي ما يغطون وجوهم ....
((ووطالعت حضنها وبنبره حزينه قالت )) تدرين حمد سلم على خواتي كلهم بالاسم ويوم وصل عندي قال شخبارش حاجيه... انا حاجيه!!!!!!!!!!!
علياء ما مسكت نفسها من الضحك وابتدت التعليقات والمزح
في الرياض
عقب صلاة الجمعه دخل خالد مع ابوه واخوانه بيتهم لقو ام خالد مع بناتها قاعدين في الصاله سلمو وقعد ابو خالد جنب ام خالد واشر لاولاده انهم يقعدون شوي معاهم قبل ما يروح كل واحد غرقته
ابو خالد وهو يوجه نظراته لخالد:- احنا قدمنا رجعتنا من البحرين لان ابو محمد ((وردا على نظرات الاستفهام قال)) جد علياء بنت اخوي
اتصل وقال انهم ما يقدرون يجونا قبل الثلاثاء...........
سكت كانه ينتظر احد يسأله عن شي فقالت ام خالد:- يعني على كذا بتأجلون الملكه؟
وقبل ما يرد ابو خالد قالت نجود بلقافتها المعهوده:-زين احسن بعد اجلوها على الاقل اسبوع كان نقدر نشتري شي يسوى للملكه
العنود ناظرتها بمعنى سكتي احسن وخالد تمنى ان التاجيل يكون اكثر من اسبوع وتركي عاقد حواجبه وسرحان في شي ثاني وسلطان متكتف وماخذ موقف المتفرج اما ابو خالد ابتسم وقال
:- بنأجلها ليوم الخميس ((يناظر ام خالد)) ودبروا روحكم انتي والبنات في هاليومين وشوفي البنات كم يبون وانا اعطيكي... اما انتم ((يقصد الشباب)) تركي وسلطان بعطيكم فلوس وتتكفلون بامور الملكه وهالله هالله ابيكم ترفعون راسي تراها ملكه خالد ولد مشعل بن سلمان ال........ ((والتفت لخالد )) اما انت ابغاك تروح مع طلال ولد عمك البحرين تجيبون ابو محمد وعلياء ((وكمل كانه بيقطع على خالد الاعتراض )) ترى الرجال ما يسوق واولاده كلن لاهي بشغله
وعمك وانا ما نقدر ننزل البحرين هاليومين
خالد وما زال غير مقتنع:-طيب يبه ماله داعي اخاوي طلال هوبالحاله يروح
ابو خالد وهو قايم علامة انتهى النقاش:- ولد عمك ما يدل بيت ابو محمد وانت سبق ورحت مع عمك
خالد وبشبه رجا لابوه انه يتفهمه:- هي مره وحده وصلته ورحت اكمل شغلي حتى ما نزلت معه اخاف اخربط ما ادل البيت عدل
ابو خالد وهو يناظر ولده بنظرة اني فاهمك زين:-دامك تدل الحي خلاص ما بتضيعون ما ضاع من سأل... يلا انا برقى غرفتي ابدل على ما تزهبون الغدا
رقى ابو محمد وخالد بعد ما طاق يجلس من بعد هالخبر هو مو طايق البحرين بكبرها كيف اللحين يبونه يروح يجيبها
اما تركي قال وهو قايم غرفته علشان يبدل هو بعد:- طيب ما قال لنا وين فيه يبون الملكه
ام خالد :- في الاستراحه اوسع واكبر والصاله توسع حريم العيله(( وتاشر على بناتها)) يلا قومو ساعدوني نجهز الغدا
العنود قامت ورى امها ونجود تاففت وقالت :- ليش حنا نجهز والشغالات وش مهنتهم؟ وبعدين يمه الاستراحه توسع للرجال بس الحريم ما توسعهم الصاله
العنود ومو عاجبها كلام نجود :- وانتي ليش مهتمه هالكثر من زينها بنت نجاة علشان تبين تتزينين وتبين مكان واسع
نجود وهي تتخصر :- انا ما تهمني بنت نجاه انا يهمني برستيجي
تبين يقولون نجود بنت مشعل ما تعرف تلبس او يقولون ابو خالد ما اهتم وسوى لولده ملكه على قد الحال
ام خالد علشان توقفالمشاده بين الثنتين اللي يمكن تقلب هواش:- بس انتي وهي واشتغلو بسكات ولعلمكم ثنتينكم بتتعدلون لملكه اخوكم
والصاله توسع لان الملكه ما راح يحضرها من الحريم غير بيتنا وبيت عمكم وعمتكم والحريم اللي بيجون من اهل علياء سمعتون اسمها علياء لا تنسون انها بنت عمكم وابوكم بيذبحكم لو سمعكم ((وكملت وهي تحط يدها على راسها وتغمض عيونها)) وانا ما حب اسمع سيرة نجاة في بيتي والله يستر ما تكون مثل امها
يوم الثلاثاء في البحرين
خــــــــــــــــالد
من اعلن الطيار وصولنا البحرين وانا وطلال حل علينا صمت رهيب كل واحد سارح في عالم مختلف عن اللي حولنا خلصنا امورنا واخذنا تكسي وطول الطريق وانا بالي مشغول حتى ما فهمت شي من هذرة السائق وفقت على طلال يناديني
طلال:- خالد الرجال يقول لك وصلنا والحين وين يروح
وصفت للسائق الطريق وقفنا على باب بيت ابو محمد باب خشي لبيت شعبي قديم بس واضح انهم يرممونه بين فتره والثانيه كنت اطالع الباب واتسأل عن الناس اللي عايشه ورى هالباب او الاصح عن وش الي بيجيني من ورى هالناس غير حرماني من ساره وما انتبهت الا على صوت التكسي متحرك من المكان سالت طلال
خالد :- ليش مشيت الرجال ؟
طلال وكان الامر مسلم به:- احنا ما ندري كم بنجلس عند ابو محمد
فما اقدر اخلي الرجال يستنى في هالقايله
تظايقت من فكرة اننا ممكن نطول هنا ناظرت الساعه وقلت :-واحنا جايين شفت مسجد قريب من هنا خلنا اول نصلي الظهر ونرجع
وافقني طلال وبعد الصلاة وقريب من بيت ابو محمد قلت لطلال ما دام رحلتنا للرياض الساعه ثلاث خلنا نتغدا اول بعدين نجي للرجال
هالمره طلال عارضني وقال:- لا اول نروح له علشان يستعدون تعرف الحريم عاد ما نبيها تعطلنا على اخر لحظه
كنت ابي ااجل بس وش اسوي طلال عنده حق وصلنا عند الباب ودقينا الجرس .........مره .........مرتين .........ثلاث....محد رد قلت بتفاؤل
:- اكيد ما في احد في البيت
طلال :-يعني وين بيروحون في هالوقت؟ وبعدين هالجيب اللي عند كراجهم اكيد لهم
توني برد على طلال الا بشاب طالع من بيت جيرانهم التفت لنا وجا سلم علينا وسالنا
الشاب:-امرو من بغيتو
طلال :- بيت الحاج عبد الرحمن ابو محمد
الشاب :- وصلتو خير هذا هو بيتهم
طلال :- الظاهر ما في احد ندق عليهم ولا حد يرد
الشاب طالع ساعته وقال :- كلها ربع ساعه ويوصل اكيد مر مع الوالد الدكان .... شكلكم مو من البحرين؟
رديت بحده وانا مو عاجبني هالولد ما اعرف ليش :- احنا اهله من السعوديه
رد الشاب وهو يدخل ايده في شعره:- هااااااااا زين تفضلو انطروه في المجلس اذا ابو محمد يدري عن جيتكم اكيد خلاه مفتوح
واشر على باب خشبي صغير قريب من باب البيت الرئيسي وقبل ما يشوف اذا الباب مفتوح او لا دق جواله رد
الشاب :- نعم وش بغيتين؟
الطرف الثاني:-...............
الشاب :- زين اللحين بحركها ((سكر جواله وكمل)) اهل البيت وصلو
والتفت لوراه شفنا بنت جايه مقبله علينا راح لها الشاب بس سلم عليها ومد يده بياخذ شي من عندها الا طلال راح وراه وقف بين الشاب والبنت هنا انا طالعت وجهها شكلها مألوف ليكون...........
اخ هذي اللي اخير من ساره كاشفه الوجه وتكلم ولد الجيران عادي
ضغطت على ضروسي وشديت قبضت ايدي وغمضت عيوني
علشان امسك نفسي ما اروح اصرخ عليها واكفخ الولد
علــــــــيـــــــــاء
اليوم كان متعب انهد حيلي من المراكض من قسم القبول والتسجيل الى رئيس القسم الى العميد صار لي يومين اراكض علشان تواقيعهم
وعاد المسافات وهالحر زين اني خلصت قريب اذان الظهر رحت مسجد الجامعه ومنه طلعت على طول الى البيت وما قدرت ادخل سيارتي الطبيله لان سالم موقف جيبه قدام الطبيله اووووووووووووووووف ما لي الا هاجر
دقيت على هاجر ومن غير ما اسلم
علياء:- هاجر قولي لاخوش يحرك سيارته من قدام الطبيله ابي ادخل سيارتي
هاجروتعرف ان ما في احد يسويها غير سالم:- بس سالم توه طالع من البيت...ان شاء الله ما طلع مع واحد من ربعه باتصل عليه واقول له
رديت من غير نفس:- ااااااااف زين عجل اذا جا خليه يدق جرس بعطيه مفاتيح السيارة يدخلها مره وحده مع السلامه
هاجر :- فيش خير انا قلت ما سلمت ما بتقول مع السلامه على العموم الله يسلمش
قفلت موبايلي وبندت السياره لميت اوراقي نزلت من السياره قفلتها مريت من جنب جيب سالم الا واشوف ثلاثة رجال عند باب المجلس الخارجي اثنين منهم مقابليني والثالث يتكلم في تلفونه وصلت قريب باب البيت الا يلتفت لي الثالث استغربت هذا سالم من متى يمشي مع ناس كشخه جذي شوي الا جاي ناحيتي وعلى وجهه ابتسامه عريضه
سالم وابتسامته شاقه الوجه :- سلام يالجاره شخبارش؟
رديت ببرودالصراحه انا ما اطيق سالم بالذات اني اعرف انه راعي بنات :-الحمدلله
وقبل ما اكمل كلامي قال :- عطيني سويج سيارتش انا بدخلها لش الطبيله
واحد من الشباب اللي كان واقف وياهم جا وما لقيته الا واقف بيني وبين سالم واخذ السويج اللي مديته لسالم قبل ما ياخذه سالم وقال
:- انا بدخل سيارتك ((طالع سالم وكمل )) وانت حرك سيارتك ((رد التفت لي وقال)) باب المجلس الخارجي مفتوح او لا
تجمدت مكاني كان واقف قريب مني بلعت ريقي ورديت من غير وعي:-هاه!!! لا الباب مقفول
رد بكل بساطه :- طيب بس ارجع لك مفاتيحك عطيني مفاتيح الباب
كنت متنحه وقبل ما ارد عليه رد سالم بحده :- نعم يا الحبيب وين تحسب نفسك ومطيح الميانه بعد تعطيك المفاتيح
الشاب الثاني جا وقف بين سالم والشاب الاول وقال للاول:- خير يا طلال وش فيه
رد طلال وهو يطالع سالم :- بصفتي اخوها (( وطالعني بغضب )) للحين واقفه دخلي
دخلت البيت بسرعة وحمدت ربي اني كنت مطلعه مفاتيح البيت من قبل قفلت الباب وراي وركضت في الحوش لين وصلت لباب الصاله دخلت الصاله ورميت اغراضي على الارض طاحت عباتي على كتفي وسندت روحي على باب الصاله هذا طلال؟!!! هذا اخوي؟!! شلون عرفني ؟
وانا ما عرفته واللي معاه يمكن يكون هو بعد اخوي ايه اكيد اخوي لانهم يتشابهون مشاء الله على اخواني طوال وحلوين صدق طلال اقصر شوي وحظه في الوسامه اقل من الثاني رغم ان طلال ابيض وهذاك خمري بس مبين ان طلال بشوش عكس اخوه شكله ما ادري شلون له هيبه وحظور قوي ومبين انه جاف في المعامله وش اسمه يا ربي ............. ضغطت على راسي ابي اتذكر ابتسمت ايييييه فيصل بس فجأة استدركت ان حسب كلام ابوي في زياراته القصيره ان فيصل هذا اخر العنقود صغير ضربت بايدي على جبهتي وقلت بصوت مسموع
:- هذا مو فيصل من هذا؟
وفجأة سمعت صوت الجرس اخذت نفس وعدلت حجابي ورفعت دفتي على راسي ورحت عند الباب وبصوت عالي علشان يسمعني اللي ورى الباب:- من بالباب؟
رد على صوت رجولي صرت اعرفه:- انا طلال فتحي الباب
فتحت له الباب ومد يده يعطيني سويج سيارتي وقال بابتسمه على جنب
ما تعرف هو يمزح او يتهكم:- وتسوقين بعد....هم ما علينا وين مفتاح المجلس ؟
حطيت ايدي على فمي وفتحت عيوني وقلت :- نسيت لحظه بجيبهم لك
طـــــــــــلال
بعد ما دخلت سيارة علياء داخل الكراج طلعت للولد وصرفته تحرك الولد من هنا ونطق خالد من هنا وقال ولا زالت عيونه مليانه غضب
:-من هذا ؟ وش كان يبي منها؟
قلت له وانا حاط يدي على كتفه :- هذا ولد جيرانهم وكان مسكر على الكراج بسيارته فراح ياخذ المفاتيح علشان يدخل سيارتها بنفسه
خالد وزاد غضبه ما قل :- وتسوق بعد ؟ وليكون هي اللي اتصلت عليه
يحرك سيارته ؟ هذا اللي ناقص بناتنا يكلمون شباب في الشارع وفي التلفونات بعد....... والله ثم والله ان كانت تكلمه لكسر راسها
هذا خالد حليم وصبور لاخر درجه لكن لمن يغضب ما يشوف اللي قدامه ((صدق من قال اتق شر الحليم اذا غضب )) بس اول مره اكون انا رغم توتري وغضبي اهدأ منه يمكن لان الضغوط اللي عليه كبيره وفجرها هالموقف
مسكته من كتوفه وضربته عليهم مرتين بخفيف وانا اقول:- هدي هدي اولا من قال لك انها تكلمه في التلفون وثانيا من قال لك انها تكلم شباب في الشوارع (( طالعني بنظره كانه يقول انت وش قاعد تألف)) وثالثا بعدها ما تصير حرمتك علشان تكسر راسها واخيرا انا بروح اجيب مفاتيح المجلس ولا ناوي نحترق من الشمس لمن يجي الرجال
تركته ورحت دقيت جرس البيت بطلت لي الباب عقب ما سالت من على الباب كنت ناوي ان اعطيها المفتاح واهاوشها لان اللي قاله خالد كان يدور في مخي بس مهما يكون ما ارضى احد يتكلم على اختي كذا بس مجرد ما شفت وجهها الشبيه بوجه وداد احلى واهدأ خواتي ما ادري شلون فكرت انه من المستحيل هالبنت تسوي اللي احنا نفكر فيه فسألتها عن مفتاح المجلس وضحكتني حركتها انها نست نفس حركة سعاد و شوي بس الا وهي ردت من الباب اللي دخلت منه كانت شبه تركض ولمن وصلت قالت لي بابتسامه
:- هذا مفتاح الباب الخارجي والباب الداخلي مفتاحه موجود في الباب من داخل بس شوي وبدق عليك اجيب لكم شي تشربونه على ما يوصل جدي..... ما بيتاخر كل ها خمس دقايق ويجي
اخذت المفاتيح ودخلنا انا وخالد المجلس اللي رغم قدمه وصغره بالنسبه لمجلسنا لكنه نظيف ومرتب وريحته حلوه الظاهر شغالتهم تشتغل بضمير
مو مثل شغالاتنا لو ما امي وراهم ما سوو شي عدل توعيت من افكاري على صوت خالد يقول وفي عيونه نظره غضب وحيره
:- يعني بنت تطلع لحالها وترد لحالها في هالوقت وجدها ولا هو هنا وين تروح ؟؟؟؟؟؟؟؟؟
وقبل ما ارد عليه دخل علينا رجال كبير في السن شيباته غازيه لحيته وعاطتنه هيبه فوق هيبته ونور الايمان يطل من وجهه وبابتسامه سلم وقال بعد ما رحب :-سامحوني يا عيالي ما توقعت ان مشوار بو عيسى بيطول ....
رد عليه خالد بابتسامه دافيه ونظرته تقول ان هالرجال دخل قلبه ونال احترامه وهذا كان احساسي بعد:- ما عليك قصور يا ابو محمد وترى احنا اللي جينا بدري ومن غير ما نتصل عليك
ابتسم ابو محمد دليل ان كلام ومنطق خالد اعجبه وقال :- تسلم يا ولدي الا ما قلتو لي من فيكم طلال
واحنا نعرفه عن انفسنا دق الباب الداخلي للمجلس تو ابو محمد بيقوم بس انا اشرت عليه يقعد وقلت له :- استريح يبه انا بشوف وش يبون
رحت للباب لقيت علياء لابسه جلال وحامله في ايدها صينيه فيها عصيرات بارده مع مويه شكلها استغربت اني طلعت لها اخذت منها الصينيه على طول لفت بترجع للباب اللي جت منه وشكله الباب الخارجي لمطبخهم بس انا وقفتها وخليتها تلتفت لي لمن قلت
:- علياء... على الساعه ثنتين لازم نكون في المطار لان رحلتنا على الثلاث
نزلت راسها تطالع الارض وقالت :- شناطي جاهزه واغراض ابوي بعد ((رفعت راسها ناظرتني وكملت)) على جذي بروح انجب لكم الغدا علشان يمديكم تاكلون لقمتين
بعد ما لزم علينا ابو محمد نتغدا عنده اكلنا وعقب ما شربنا الشاي قلت
:- يلا يبه صار لازم نشوف لنا تكسي يودينا المطار
رد ابو محمد بابتسمه هادئه :- وليش التكسي يبه ما دام سيارة علياء موجوده نروح فيها
قلت باعتراض :- بس يبه (( وما ادري ليش صرت اناديه يبه يمكن للراحه اللي يبعثها بنفسك لمن تجلس معه ويمكن لانه جد اختي واللي رباها.... ما كذب خالد انا حساس جدا تجاه خواتي وكاني امهم احب اقعد معهم واسمع منهم وهذا اللي مخلني اعرف كل وحده فيهم وشلون تفكر
ومخلني احس بمسؤليه تجاهم وكاني ابوهم... رغم ان امي وابوي مو مقصرين معهم ... المهم اني كملت)) من بيرد السياره هنا
ابو محمد وهو يومئ براسه :- ما عليك محمد بياخذها من مواقف المطار هو عنده نسخه من سويجها
وقف خالد وقال :- اجل يلا توكلنا على الله
وعقب ما حطينا الشنط في صندوق السيارة اصر خالد انه هو اللي يسوق وطبعا في هالحاله انتظرت ابو محمد يختار وين يركب وركب ورى بحجه ان علياء مو متعوده علي وما بقى لعلياء الي كانت تقفل الباب الا انها تجلس ورى خالد
خــــــــــــالد
ما ادري ليش اصريت اني اسوق سيارتها وكاني بعرفها من خلال سيارتها او كأني بعرف وين تروح بسيارتها او وين كانت او يمكن
علشان اغايضها لاني اعرف ان البنات او على الاقل خواتي ما يحبون احد يلمس او يستخدم اشيائهم لفت نظري علاقة المفاتيح كانت على شكل جوتي رياضه بخيوط ومعلقه على المرايه دبدوب صغير وقران في علبه خشبيه صغيره ما ادري ليش ضبطت المرايه الاماميه علشان اشوفها ولمن التقت عيوني بعيونها ناظرتها بنضره تحمل غضب وقهر
حست فيني ونزلت راسها ومن غير سبب ارتحت انها نزلت عينها
ما صدقت اننا وصلنا مطار الرياض واخيرا بنزل هالحمل عن اكتافي
الشهادة لله اني احترمت جدها حبيته وارتحت له بس هي بالعكس كرهتها اكثر لانها من اول لحظه شفتها فيها حركت بداخلي مشاعر كثيره وكلها سلبيه غضب وحقد وغيره لا يروح فكركم بعيد ترى هالغيره غيره على محارمي مو هي بنت عمي........ التفت لها تمشي ورانا وريحني انها غطت وجهها من وصلنا مطار البحرين الظاهر جدها نبهها لهشي
بس وانا التفت شفت شباب ورانا فعلى طول قلت لطلال
:- طلال خلك جنب اختك
التفت طلال وشاف الشباب وراها على طول راح جنبها بعد مارمى الشباب بنظرة تهديد رغم انهم ما صدر منهم أي تصرف مسيئ
وهالمره طلبت من تركي اني اسوق وما اهتميت باحتجاجه وهالمرة لاني حسيت اني لازم انشغل بشي لان افكاري ما تفارق العبايه اللي وراي وهالمره جلست ورى جدها وطلال وطبعا تركي جلس معي قدام
علــــــــــــــياء
عرفت في طريقنا للمطار ان الشاب الثاني اسمه خالد والشبه اللي بينه وبين طلال يقول انه هو ايه اكيد بيشبهه مو ابوتهم اخوان وامهاتهم بنات خاله ما ادري ليش صابتني رجفه لمن فكرت انه في يوم بيكون هذا الرجال الجامد صاحب النظره المخيفه الغامضه زوجي رفعت راسي شفته يطالعني من المنظره بنظره تشبه اللي شفتها عند باب البيت نزلت راسي ما ابي اشوف هالنضره غير اني ما احب احد يبحلق فيني شلون عاد لو كان رجال ومو أي واحد هذا خالد صاحب النضره الجليديه الخاليه من المشاعر طول ما انا معهم وهو بس مستمع ما يتكلم ما حبيت اني اشوفه او يشوفني علشان جذي لبست الغشوه وغطيت وجهي قبل ما ننزل مطار البحرين ............. وفي المطار والطائرة شغلت نفسي بقصه وفعلا عقب كم صفحه اندمجت ونسيت خالد ........... لكن في السياره عند وصولنا الرياض رجعت لي افكاري كان على عكس البحرين كان طول الطريق يتكلم عن مشاريع وشغلات ما افهمها مع اخوه تركي ((عرفته لانهم عرفوه على جدي)) صوته كان شي ثاني كان عميق وهادئ يوحي انه شخص واثق من نفسه واسلوبه يقول ان كلمته وحده لا تناقش واضح انه معتد بنفسه ......... ومبين من كلامهم انه صاحب
مركز وراي مسموع في شغلهم صحيت من افكاري على صوت جدي يناديني
:- علياء
قلت بهمس مسموع :- امر يبه
ابتسم بحنيه وقال :- ما يامر عليش عدو بس اقول يبه ترى بنروح بيت ابوش ((تنهد )) الله يهديه ابو طلال ما رضى انزل بفندق (( كمل وكانه عارف وش بقول)) وانا ما ردني عنه الا اني ما اقدر اقعدش في فندق وبيت ابوش موجود
سكتني ما قدرت ارد عليه غير ان وجود الشباب منعني من اني اقول أي كلمه وظليت طول الطريق افكر شلون بيستقبلوني اهل ابوي ؟؟؟؟؟؟؟؟؟؟؟؟؟
ياترى وشلون راح يكون الاستقبال؟
علياء وش ردة فعلها وشعورها؟
وش تتوقعون انه يصير؟
مع اعذب وارق التحايا
-
رد: رواية أطياف الغرام / الكاتبة : معاميريا ; كاملة
الجزء الرابع
(( مشاعر مختلطه))
دائما لمن نكون متوترين ومتضايقين وخاصه اذا كنا مقدمين على شي مجهول نحس بانقباضه في صدورنا وقلوبنا تزيد سرعة دقاتها لدرجه انا نحس اللي حوالينا يسمعونها .... بس لما نكون شبه عارفين اللي بنواجهه لحظتها نعتقد اننا نعرف وش المشاعر اللي بتخالجنا لكن الغريب انك في لحظة المواجه ينتابك شعور غير او عدة مشاعر
ســــــــــــــــاره
انقهرت الا مت قهر من جا ابوي من عند خالي ابو طلال وخبرنا عن خطبه خالد للي ما تسمى وانا ما لي حال ما عارفه اكل ولا انام حالي حال الناس واللي ذابحني ان خالد مستعجل يبي يملك بسرعه اتذكر اني صحت قهر لان كرامتي انجرحت وانهانت اجل انا ساره يتركني خالد علشان بنت نجاة وامي كانت تقولي كلام بدل ما يهديني يزيدني غيظ ............اتذكر انها من سمعت الخبر ضربت على صدرها بقوه وقالت لابوي
:- انت وش تقول؟ انا ما اصدق اكيد انه كذب
ابوي اللي ما له مزاج لسوالف الحريم:- قصري حسك يامره ومهو كذب بوخالد خطب بنت بو طلال قدامي
امي وما زالت في طور النكران :- ما يصير هالحكي وخطبتهم لساره
اصلا ام خالد ماتحب بنت نجاة شلون بترضى ولدها ياخذها ومافي احد يخلي ساره ويروح لبنت نجاة ((وكانها تقنع روحها)) ايه اكيد السالفه فيها إن لان ام خالد تبي ساره لخالد ((تأشر على ابوي وتقوله بلوم)) وانت يا ابوماجد شلون تسكت لهم ترضى يخطبون له قدامك وهو متكلم على بنتك؟؟؟؟؟؟؟؟؟؟؟؟؟؟؟؟؟
ابوي وهو يقلع شماغه ويرميه جنبه على الكنب:- وش تقولين ؟ تبيني افشل حالي وانزل كرامتي الارض قدام الرجال علشان حكي حريم!!!!
امي وهي تجلس جنب ابوي وتواجهه:- حكي حريم ؟ بس ام خالد قالت لي ان ودها بساره لخالد لنها رغبة خالد وابوه
ابوي وقف وشماغه مع عقاله وطاقيته في يده:- مو قلت لك حكي حريم
وحكي الحريم ما ينوخذ به.... يا ام ماجد لو اخوكي وولده يبون ساره ما خطبوا له بنت عمه وخطبوا بنتك بدالها...... يلا انا برقى انام
وتركنا انا وامي في الصاله توني انفك عني الجمود اللي صابني توني استوعب اللي صار احس ان امي ممكن تقتنع بكلام ابوي لكن انا لا
انا اعرف ان خالد يبيني ويحبني من دخلنا الثانويه العنود كانت تقول لي
انه مهتم فيني ويسأل عني ..... صح اني من دخلت الجامعه ما صرت اجتمع فيهم كثير وما صارت تكلمني عنه ... يمكن لاني ما أسألها عنه
لاني ...... وقاطعة امي افكاري لمن قالت
:- ما عليكي يا بنتي ولا تهتمين وبتشوفين اذا ما طلقها ولد عمك مثل ما عمه طلق امها وترى هم الخسرانين اجل احد يخلي ساره ويروح لبنت نجاة عز الله انه بيندم ولا هو متوفق معاها..... وساعتها بيرجع لك
تكلمت من غير شعور تكلمت كرامتي المذبوحه :- اصلا ولد اخوكي هذا انا ما ابيه ((وكملت وانفاسي تتسارع من حدة انفعالي)) واحد مليان عقد وشايف نفسه تلقينه شافني ما اهتم فيه ولا اسأل عنه مثل ما يسوي قال
بيحرني لكن والله ان ما تبرد ناري الا لمن اخربها عليه((ناظرت امي وقلت باستهزاء)) اجل انا ساره بنت ابو ماجد يفضل علي وحده ما تسوى ... ان ما خليته يجيني يترجاني وساعتها انا اللي برده
انتبهت اننا وصلنا البيت اليوم قضيته كله في السوق احضر حالي لملكة خالد ........كنت مصره اني اكون في اجمل حالاتي لازم ابين قوتي واسجل انتصاري من اول جوله....على قد ما انا كاره هالعلياء على قد ما انا متشوقه لاول لقاء لنا.....((ابتسمت ابتسامه ماكره ودخلت البيت))
وداد
كلنا جالسين في الصاله نترقب وصول علياء وكل واحد منا يحمل في داخله شعور مختلف....ابوي وباين على وجهه الشوق واللهفه.....و فيصل اللي الفضول غالبه كل همه انه يشوف هالقادم الجديد وبعدين على ما يقول بيشوف اذا تنحب او لا...وامي ما ادري وش شعورها بالضبط صايره غريبه مرات تتصرف على اساس انها بتستقبل ضيف ومرات تتصرف على اساس انها بتستقبل بلاء وطول الوقت تردد الله يستر الله
يستر ......اما ندى فهي كارهه حتى انها تشوفها وما جت من الشرقيه الا علشان ابوي......وانا احس بالشفقه تجاهها ...وسعاد كل همها ان القادمه الجديده ما تاخذ مكانها عند ابوي....قاطع افكاري صوت فيصل يكلم ابوي ويقوله وابتسامته شاقه وجهه
:- يبه طلال يقول انهم اللحين عند الباب
وقف ابوي على طوله وقال :- زين اجل انا بروح استقبلهم برى ((ويلتقت على امي ويكمل)) المجلس زهبتوه ؟
امي هزت راسها اشارة نعم وقالت :- ايه بخرناه والشاي والقهوة وكل شي جاهز لاتحاتي وروح استقبل ضيفك
طلع الوالد وفيصل ما تحرك من مكانه فقلت له :-فيصل وش يقعدك هنا روح اجلس مع الرجال
رد علي وهو حاط صبعه على راسه:-كيفي وين اجلس... بعدين اذا رحت المجلس ما بشوفها
ندى وهي تطالع فيصل وبسخريه تقول:-ما بشوفها((تقلد حركته)) يعني بتشوف الجنه
علــــــــــــــــيـــــــــــــــــــاء
دخلت السياره من بوابه كبيره مشت مسافه على ما وقفت قبال باب الفلا
انذهلت صح انا اعرف انه غني بس ما توقعت انه غني الى هالدرجه هذا قصر مو بيت مثل ما يسميه طلال قعدت اتأمل المبنى وانا ناسيه الناس اللي وياي ونبهني لهم صوت طلال يكلم اولاد عمه
:- ما يصير تروحون قبل ما تتعشون
خالد يرد عليه بصوت مبين عليه التعب:-أي عشا انا عن نفسي بروح اصلي العشا وبحط راسي وبنام
طلال وهو ماسك يد خالد :- لاتخليني احلف وما في نوم من غير ما تتعشى و.........
قبل ما يكمل طلال كلامه قال تركي لخالد:- اجل انا بروح للربع ومتى ما خلصت دق علي
طلال يلتفت لتركي :- تعال يا رجال انا ما صدقت اشوفك في البيت و.........
ما سمعت بقية الكلام لان في هذي اللحظه طلع ابوي من الباب سلم على جدي وبعدها فضى المكان من حولي ما عاد في المكان إلا انا وهوكانت عيوني معلقه به وكل خطوه يقربها قلبي تزيد دقاته ما ادري احس في عيونه شي غريب اشتياق؟؟؟ لا شي اكبر من جذي شي مختلف عن اللي اشوفه في عيونه كل مره يجي يزورني .... قرب مني رفع الغطى عن وجهي ابتسم ابتسامه دافيييييييييييييييييييه خلت شفايفي ترجف والدموع تتجمع في عيني وقال بغصه
:- هلا يا قطعه من الروح
ومد يده وضمني وهالمره كان حضنه غييييييييييير كان ادفى واحن من كل مره حضنه كان يقول انتي في امان انتي الدنيا يا بعد الدنيا كلها
ساعتها خنقتني العبره وفرت دموعي من عيني كانها ما صدقت لقت صدر حنون تفرغ احمالها عليه .... بعدني عن صده وهو ما زال ما سك كتوفي مد يده اليمين ومسح دموعي بعدين حط كفوفه على خدي وباس جبيني وابتسم ابتسامه خلت وجهه يشرق وقال
:- تبكين وانا ابوك ؟ الا الدموع تراها تفتت القلب ... بناتي ما يبكين وانا ما توسدت التراب...
مسكت يده بستها وقربت وبست راسه عظيت على شفايفي علشان امسك دموعي لا تسيل من محاجرها ونطق قلبي:- عسى الله يحفظك لنا يا تاج راسي...عسى يومي قبل يومك
طوق كتوفي ومشى معي لباب البيت فتحه لقيت اربع حريم قاعدين يتكلمون مع بعض وصبي صغير يلاعب طفل يحبي على الارض وقبل ما ينطق ابوي التفت الولد وشافنا على طول ترك الطفل وجا يركض مد يده يسلم ورفع حاجب وقال
:-انتي علياء؟ ((كان تقرير واقع مو سؤال)) انا اخوكي فيصل((تأملني ولازالت يده في يدي)) تدرين ؟((واشر على وحده من البنات)) انتي تشبهين وداد كثير((ابتسم وغمز بعينه)) يعني انتي حلوه
ابتسمت له وقلت وانا عيني على وداد:- عيونك الحلوه
تقدمت وداد مدة يدها سلمت وعينها على وجهي كانها تبي تعرف وين وجه الشبه بيني وبينها او تبي تعرف وش يدور في بالي كان سلام بارد
غريب ما في أي نوع من المشاعروفجأة ابتسمت وقالت
:-تعالي اعرفك على الباقي
تقدمنا واشرت على سعاد اللي كانت لابسه برمودا ورديه لنص الساق فيها خط ابيض على جنب ولابسه بلوزه كت لونها ابيض فيها وورود ورديه على شكل قلب ورافعه شعرها ذيل حصان كانت كيوت ومبينه اصغر من سنها قالت وداد
:-هذي سعاد دلوعة البيت رغم انها مو اخر العنقود
ابتسمت سعاد ابتسامه على جنب وقالت:-هذا لاني مميزه ((سلمت وميلت راسها على صوب)) علياء وش بك للحين بعباتك ترى ما في احد غريب ((ومدت يدها واخذت عبايتي وشيلتي (طرحتي) وطالعت لبسي كانها تقيمني من خلاله))ستيييييييييي تعالي خذي عباية مدام علياء
تباعدت سعاد وجات ندى اللي كانت حامله الطفل الصغير وقالت من غير نفس وهي تمد يدها:-انا ندى ((وتأشر على الصغير)) ولدي فارس
ما ادري ليش رغم برودتها وجفاها تجرأت وشديت خدود فارس وقلت بابتسامه واسعه:- يا حياتو يا قلبو فروسي((وبسته بقوه والحلو انه ضحك وما خاف والاحلى انه نقل عدوى الابتسامه للكل حتى لندى))
رفعت راسي ما بقى الا ام طلال اكثر شخص كنت خايفه من مقابلته كانت لازالت واقفه جنب الكرسي اللي كانت جالسه عليه تقدمت تجاهها بخطوات صغيره وانا اتأملها وصلت عندهابلعت ريقي ومديت يدي صافحتها تقربت اكثر بست راسها قلت وانا اطالع عيونها وانا ادور على نظره معينه فيها ما لقيتها وما عرفت افرح او احزن وقلت
:- شخبارش خالتي...((ما ادري ليش انتابني احساس اقول لها سامحيني مو بيدي ))
ردت علي بنبره هادئه تبعث على الراحه :- الحمد لله وانت وش اخبارك؟
رديت عليها بصوت واطي اقرب للهمس:- الحمد لله
وبعدين طلبت من وداد انها توديني غرفتي علشان ابدل واصلي فرض العشا اللي ما صليته .... وداد وصلتني غرفتي من غير كلام بس اول ما وصلنا لباب الغرفه قالت
:- الغرفه اللي جنب غرفتك غرفتي وهذي واللي جنبها((واشرت على غرفتين مقابلين غرفتي وغرفتها)) غرفة سعاد وندى والباب اللي في نهاية الممر جناح طلال والجهة الثانيه جناح ابوي وغرفة فيصل (( سكتت شوي بعدين قالت )) بس تخلصين تلاقينا نستناكي تحت و... ايه القبله من هنا(( واشرت على اتجاه القبله))
راحت ودخلت اكتشف الغرفة كانت واااااااااااااااااااسعه مقارنه بغرفتي في بيت جدي... جدرانها خضراء فاتحه وستايرها والكنب اللي في مواجهة الباب كانوا زيتيين وباب عن يدي اليمين كان باب غرفة الملابس و الحمام ((وانتو بكرامه))ومن جهة اليسار فتحه على شكل قوس فيها غرفه النوم وكانت بنيه فاتحه خلصت من تأملاتي وانا اتسائل شلون بقضي بقيه ايامي معاهم ؟؟؟؟؟ المهم اخذت شور سريع بدلت لميت شعري من غير ما اجففه فرشت السجادة وصليت ركعتين وعقبها دعيت ربي يسر لي اموري ويحنن قلب ام طلال علي .... لو تسألوني شمعنى ام طلال بقول لكم ما ادري يمكن علشان عيونها...لا تضحكون ترى في عيونها شي غريب فيها حنان حب عطف امان راحه باختصار جنه
كل هذا شفته في عيونها لمن شالت فارس وحظنته ... ايه هذا اللي دورته في عيونها وحزنت اني ما لقيته لمن طالعتني بس فرحت اني ما شفت حقد فيها.....العشاء كان صاااااااااااااامت حد السأم عقبه مباشره صعدت لغرفتي لبست دشداشه قطنيه خفيفه وحطيت راس على الوساده
وقبل ما انام قلت لنفسي وكاني اكلم واحد قبالي
:- لو باوصف كل واحد منهم بكلمه بقول ابوي = حنون
طلال= حساس
ندى = شفافه
وداد= غامضه
سعاد= طفله اكثر مما هي مراهقه
فيصل=جرئ
ام طلال = اتمنى ان لي أم مثلها تحب وتهتم وعيونها تقول لعيالها انتو دنيتي
نمت على هالفكره نوم خالي من الاحلام
تــــــــــركــــــــــــــــــــي
قعدت من النوم على صوت نجود وهي تهزني في البدايه ما كنت مستوعب هي وش تقول وكنت ارد عليها بهمهمه بس اللي قالته في الاخير خلاني اقعد على حيلي واقول لها
:- وشو وش تقولين؟!!!!!!!!!!!
نجود يدها على خصرها وثقلها على رجل وحده:- اقول قوم علشان توصلنا الاستراحه خالد سبقنا ومعاه امي وابوي والعنود والشغالات
وانا بروح معاك وبنمر بيت عمي بناخذ البنات وخالتي ام طلال
مررت يدي في شعري وقلت لها :-شوفوا لكم احد غيري
نجود بوزت وقالت لي :- ما في غيرك يلا عاد تروكي قوم البس تكفى
وتكفى تهز رجال
اخذت نفس عميق :- افففففففففف انا هالحركات ما تمشي علي وعندكم طلال وسلطان ولا ماجد
نجود وشوي وتصيح:- طلال عنده اشغال وبس يخلصها بياخذ معاه عمي وسلطان وفيصل... واساسا انا ما احب لا سلطانوه ولافيصلوه...وماجد اذا بيودينا اكيد بتكون ساره معه وانا ما احب هالمغروره((قالتهاوهي ترفع ارنبه انفها بصبعها))
قلت لها وانا ابي اتخلص من هالتوصيله :- ما دام قلتين عن بنت عمتك كذا عقابا لك باتصل لماجد يوصلكم
نجود نطت عندي على السرير ومسكت يدي :-تركي علشان خاطري اصلا سيارة ماجد ما تشيلنا كلنا وانا تعرفني ما اقدر افارق سعاد
((وابتسمت)) غير ان عندي فضول اشوف العروس... سعاد وفيصلوه يقولون انها تشبه وداد....
استسلمت وقلت لها تتصل على بيت عمي وتخليهم يتجهزون وعقب ما جهزت نزلت ولقيت نجود لاول مره جاهزه تستناني وعبايتها في يدها وكلها ربع ساعه وصلنا فيها قدام بيت عمي قلت لنجود
:- دقي عليهم خليهم يطلعون
ومن غير ما ترد طلعت جوالها كانت حاطته على السبيكر واول ما انقطع الرنين قالت:- احنا عند الباب يلا ظهروا بسرعه
سمعت ضحكه وخزة قلبي وبعدين رد:-الله يهديك اول يسلمون
ضحكت نجود وقالت :-سلاااااااااااااااااام حسبتك سعاد وينها الدبه
ردت بنعومه:-وعليكم السلام راحت تجيب الاب توب وتركت الجوال هنا
نجود :- دودو عجليها قولي لها اننا بنروح مع تركي مو اكبر علشان تتأخر بكيفها
ردت عليها وداد:- طيب درينا ان اخوكي المغرور روحه في خشمه ما يتنازل يستنى احد
ما ادري ليش انقهرت ورديت علشان احرجها:-كل من يرى الناس بعين طبعه وانا لجل ام طلال استنى ولا غيرها ما يستاهل
وكان الرد طوووووووووووووووووووووووووووووووووووووووط
سكرت التلفون في وجه نجود ابتسمت حسيتها انحرجت وهذا الشي امتعني واللي خلاني اضحك هو نجود لمن قالت
:-وجع ...سكرت في وجهي ((التفتت لي))وانت ما دورت الاوداد تمزح معها اللحين اكيد ما بتجي معنا
ناظرت نجود وانا عاقد حواجبي وقلت:- اللحين هي تغلط وبعدين تزعل لا وتقول عني مغرور.... وبتجي معي غصب عن خشمها
استغربت من نفسي توني كنت كاره المشوار وما ابيها هي بالذات تركب سيارتي واللحين اتوعد انها ماتروح الا معي مسكت رقبتي من ورى ميلتها على جنب واخذت نفس... شوي الا البنات ركبوا السياره كلهم سلموا في نفس الوقت فما عرفت اذا هي سلمت او لا علشان كذا سلمت عليهم وحده وحده بالاسم ولمن وصلت لها ما سمعت ردفقلت لخالتي
:- الا يا خالتي وداد مهي معكم؟
ام طلال باستغراب :- إلا ؟؟؟؟؟؟؟؟؟؟
قلت علشان ابرر سؤالي :- غريبه تأكدي يا خالتي اخاف ما جت لاني يوم سلمت عليها ما سمعت رد
ام طلال ضحكت وقالت :- هذي وداد كذا ما ينسمع لها حس ((والتفتت وراها ونادت))وداد
ردت وداد بهمس :- سمي
ام طلال :- سم الله عدوك بس اتأكد انك معنا
لبست نظارتي الشمسيه وابتسمت على جنب مرتاح لفكرة اني عرفت وين هي جالسه بالتحديد...مديت يدي على المسجل وشغلت الشريط وكانت اغنيه اغنية ماجد المهندس آه.......يالخسرتك
آه يالخسرتك من وقت ............ آه يالخسرتك
عالفرقه ليش استعجلت ............... لا لا على بختك
لو بس الك جيه وتجي ليل ونهار ابقى ارتجي
صدقني لو ميه سنه كان انتظرتك
آه يالخسرتك
رديت خسران وكنت بس بيك رابح
لا لا على بختك من رحت ماقلت رايح
اعيوني انا يالمبتعد بالدنيا شو تشوفن بعد
بس انت تظوي بدنيتي طفو شمعتك
آه يالخسرتك
ايا وردتي اللي ذبلت بأول عمرها
ياوسفتي مالحقت اشتم عطرها
بلياك تعبني الزمن وشموعي من بعدك طفن
تملي علي كل دنيتي كانت ضحكتك
آه يالخسرتك
آه يالخسرتك
ظايقتني الاغنيه ذكرتني بوضعي وان مومن حقي اني ابتسم ذكرتني بان وجودها عذاب مو راحه واني لازم اكرهها لاني اذا حبيتها بكون خاين للكل لابوي وعمي وماجد .... ماجد اللي خلتني ما اقدر ارفع عيني في عينه لاني احس انه اذا شاف عيوني بيشوف اللي في قلبي ...... آآآآآآآآآآه ياقلبي خلاص صارت الفرحه محرمه عليك ...طفيت المسجله ما عدت ابي اسمع شي نفسي انسدت بس الوضع ما عجب نجود فقالت
:- حرااااااااااام ليش طفيتها
ردت عليها سعاد:-احسن الاغنيه تجيب الاكتئاب ... الا اذا عندكم شي مبهج
نجود وتغير مودها :- احلى يالمبهج ..بشوف اذا في شي حلو
قامت تحوس في الاشرطة مسكت يدها وقلت لها:- لا تحطين شي مالي مزاج اسمع شي
بغت تفتح الراديو هزيت راسي لا فقالت
:- تروك تراك مصختها لا مسجله لا اذاعه شلون نقضي هالساعتين
ناظرتها بحده ونسيت اني لازلت لابس النظاره وقلت لها:- اصغر عيالك تروك....وبعدين من متى تحتاجين لشي يسليك وسعاد معك
ردت بلهجه منكسره:- المشكله ان سعاد مو جنبي علشان اخذ راحتي معها ((وتميل علي وتمسك كتفي )) تركي عادي اروح اجلس جنبها
رديت بنعومه كاني اكلم طفل :- لا مو عادي((وبشده كملت)) سواقك انا؟؟
ردت بقهر:- انا قايله ان الروحه مع تركي .......
قلت لها وانا ارفع حاجب :- وش فيها كملي
رمشت بعيونها وقالت بدلع:-حلوه تشرح القلب
رديت وانا اضحك على حركتها:- ابوك يالمصالح ... وان اقول الروحه معك تسد النفس
ضرتني على كتفي وبوزت ورغم اننا متعودين نراضيها بحكم كونها الصغيره المدلـله بس سكت عنهاوما كلمتها يمكن بسبب الحركه اللي لفتت نظري حركتها وهي مايله تكلم اللي جنبها الظاهر انها تكلم علياء لان ندى يميزها ولدها اللي قاعد في حظنها وسعاد عرفتها من صوتها لمن تكلمت وخالتي ام طلال ما تغطي وجهها عني اناواخواني... وعم السياره الهدوء النسبي الا من بعض الاحاديث الجانبيه واول ما وصلنا الاستراحه نزلوا البنات ورحت عنهم اشوف خالد والشباب وينهم فيه
نـــــــــدى
بكره ملكتها على خالد صحيح ما شفتها الا امس بس ما استلطفتها بس اللي قهرني ان وداد جالسه تكلمها وهي تدري مثل الكل ان ساره تحب خالدوقررت اكلم وداد اول ما ننزل الاستراحه....وفعلا اول ما نزلنا مسكت وداد وقلت لها:- تعالي ابيكي في موضوع
وداد ما عارضتني لكن سعاد قالت :- دلال تعالي خذي اغراضك
راحت دلال وما صارت لي فرصه اكلمها دخلنا البيت لقينا العنود جالسه في الصاله تستننانا ومن شافتني جت تركض لعندي اخذت فارس مني وجلست تبوس فيه ابتسمت
:- الله لنا وانا اقول شقة الحلق والابتسامه لي انا
العنود باست فارس من خده وناظرتني على جنب وقالت :- وش لي بالنجوم والقمر معي
عصبت عليها وقلت لها:- هاتي ولدي ترى هالقمر لي انا
ضحكت العنود وما رضت تعطيني فارس لكنها قربت مني وباستني وقالت
:- اول مره اشوف ام تغار من ولدها
توني برد عليها الا بصرخه نجود من ورانا تقول:-دودو من جد علياء تشبه لك
وداد على طول ثارت على نجود:- انتي لا تكلميني تحسبيني نسيت اللي سويتيه
كلنا طالعناها باستغراب إلا نجود نقعت من الضحك وانا ااشر عليهم وش فيه ردت وداد بعصبيه
:- وتضحكين هاااااااا ... اسألي بنت عمك متصله ومخليته على السبيكر قدام تركي و........
سكتت وداد وابتسمت العنود بخبث وقالت :-وانت عاد حبك لتركي غير اعتيادي اكيد قلتي عنه كم كلمه والغبيه ما نبهتك انه يسمعك
ضحكت نجود:- مو بس سمعها الا هزئها بعد
وداد انقهرت وقالت للعنود تصرف :- العنود الا ما قلتيلي وين ساره
هنا العنود والكل ناظر علياء اللي مبين ان ما عندها أي فكره عن ساره وقالت لوداد:- تقول انها ما بتجي اليوم((وتأشر على علياء )) ما عرفتونا
سعاد على طول قالت بلقافه :-ايه صح ... شوفي علياء هذي نجود توأمي ((وتأشر على ملابسهم اللي زي بعض)) وهذي العنود خوات العريس ((وتوقف بيني وبين العنود وتقول بهمس)) انا اشوفها احلى من ساره... ونجود تقول أي وحده بتكون احسن من ساره...
ما تحملت كلام سعاد وعلى طول شديت اذنها وقلت:- لا عاد اسمك ثاني مره تقولين هالكلام... ويلا روحي من هنا
فركت سعاد اذونها واخذت نجود في ذراعها وقالت :- احنا بنروح نتمشى ...سي يو
ما بقى في الصاله الا انا وداد والعنود وهي ما حبيت اطول قعده معاها عقب ما سعاد فورت دمي يمكن لان كلامها نصه صح ونصه الثاني
علمه عند رب العالمين فقلت للعنود
:- عنوده وين امي وامك اختفوا
العنود وهي تعطيني فارس:- تلاقينهم قاعدين في مجلس النساء ..ولدك ثقيل وش تأكلينه
اخذته وانا اكش عليها :- قولي ما شاء الله
وطلعت عنهم ورحت لامي وخالتي
-
رد: رواية أطياف الغرام / الكاتبة : معاميريا ; كاملة
العنــــــــــــود
كنت ابي اتكلم مع وداد لحالنا علشان كذا قلت لعلياء:-علياء ما تبين تسلمين على امي وتتعرفين عليها؟؟
هزت راسها اشارة نعم وقلت لها :-اجل يلا تعالي معنا
دخلنا مجلس النساء وبدخولنا عم السكوت وقفت عند الباب وأشرت على امي وقلت لعلياء : هذي امي ام خالد ((وناظرت امي وكملت)) هذي علياء يمه
ما ادري ليش ما طلعت جلست ابي اشوف لقاء امي مع علياء شلون بيكون تقدمت علياء من امي سلمت عليها ونزلت باست راسهاوقالت لها
:-شخبارش خالتي؟
امي ردت عليها بشبه ابتسامه:-هلا يمه انا الحمد لله ...انتي كيفك؟
واشرت عليها تجلس بينها وبين خالتي ام طلال واستغربت ان امي جلستها هناك ياترى وش ناوين عليه انتي وخالتي وطبعا لاني كنت تايه في افكاري ما سمعت ردها ولا حتى سلام وداد على امي وانتبهت على وداد تمسك يدي وتقول تعالي ابغاكي في سالفه ورحت معها الغرفه اللي بنبات فيها وجلسنا على السرير متقابلين وقلت لها
:- هاتي اللي عنك اطربيني اشجيني
قالت لي وداد عن وصول علياء وشلون كان الاستقبال وسألتها
:-طيب انتي كيف تشوفينها؟ صحيح مثل امها ولااااااااا
ردت وداد وعلامات الحيره بوجهها:- ما ادري انا احس من كلامهم وكلام ندى عن نجاة انها غير بس بعد ندى تقول ان نجاة في البدايه كانت وش زينها وبعدين قلبت ...((طالعت السقف كأن اللي بتقوله موجود هناك)) تدرين في البدايه كنت منفعله وكنت انظر لها على اساس انها بتخرب العلاقه اللي بين ساره وخالد بس ارد اقول انها ماتعرف عن حبهم لبعض اذا اساسا محد يعرف ان خالد يحب سارة الا انا وانت وطلال
((ناظرتني والحيره في عيونها )) تدرين ان هالبنت تحير... انا كنت مستعده اكرهها بس لمن شفتها انتابتني احاسيس غير والغريب ان الكره مو منها
سألتها وانا تقريبا مو فاهمتها:- طيب والباقي شلون تحسينهم
ردت علي :- البنت فعلا تحير وما ادري هل احنا فكرتنا عنها غلط ولا مثل ما تقول ندى ياما تحت السواهي دواهي((ضحكت وكانها تذكرت شي وقالت )) فيصل يشوف انها حلوه وتشبهني وشعرها مثل سعاد والاهم انها ما تشبه ندى إلا في الطول لذلك قرر انها تنحب ويقول انها اذا طلعت حنونه مثل طلال راح يصادقها
ضحكت وقلت :-اذا هي كذا خلاص اجل كلنا بنصادقها....طيب و.......
قبل ما اكمل قالت :-وش فيك سكتي قولي وطلال((وجهة لي ابتسامه
خبيثه وكملت ))اللي بتصادقينها علشان تشبه له... تدرين انه يقول انه يبي يجلس معاها ويتكلم معاها ويقول مهما كانت هي اختي (( عضت على شفايفها )) هو الوحيد اللي فكر فيها كأخت
حطيت يدي على قلبي وقلت بطريقه دراميه:- آآآآآآآآآآآآآآآآآآه فديت الحنون انا
ضحكت ودادوضربتني على فخذي وقالت :-تتفدينه قدامي وهو بعده ما ملك عليك
فركت مكان ضربتها :-وجع يوجع عدوينك...عورتيني(( وكملت وانا احط المخده في حضني))وسعاد وندى
نامت على ظهرها على السرير بالعرض وقالت:- ندى موقفها انها ماتحبها وانها تتحامل على نفسها علشان ابوي وهذا شي مبين في عيونها تعرفين ندى عيونها مرايه لقلبها ((انقلبت على جنبها علشان تقابلني )) وسعاد كان كل خوفها ان علياء تاخذ مكانها في قلب ابوي او ان وجود علياء بيخفف من حب ودلال ابوي لها بس اول ما جلست مع ابوي وعرفت ان مكانها بقلبه باقي ما تغير قررت ان علياء حليفتها
استغربت وعقدت حواجبي :-كيف يعني حليفتها وضد من؟؟؟
ابتسمت وداد:- ضد ساره ... تعرفين ان نجود وسعاد ما يحبون ساره خاصه انها دائما تعاملهم على اساس انها احسن منهم وانهم بزران
ولانهم مثل الكل يعرفون ان ساره تبي خالد
كملت لاني فهمت الامر :-هم يشوفون ان زواج خالد من علياء ضربه لساره ومثل ما تقول نجود أي وحده إلا ساره ... علشان جذي علياء حليفتهم
ردت وداد:- عليكي نور((تأملتني وواضح انها متردده تقول او لا)) العنود ...... خالد وش قال عنها و..........وش قال عن ساره
قلت لها :- يمكن تستغربين لو قلت لك ان خالد ما عاد جاب سيره ساره
نجود واخواني مو هامنهم هالشي لانهم ما يعرفون انه يحب ساره اما امي فمرتاحه انه ما يجيب سيرتها بالنسبه لها هذا معناه ان كلامه عن خطبته لساره كان شي عادي واحد وحاب يخطب وشاف ان بنت عمته اولى من غيرها((سندت ظهري على السرير وكملت)) ويمكن تستغربين اكثر لو قلت لك اني مرتاحه انه ماعاد سأل عنها او جاب سيرتها
ناظرتني باستغراب وقالت بلهجة استنكار:- مرتاحه!!!!!!!!!!!!!!
رديت :- ايه مرتاحه ما ادري يمكن لانها تغيرت في الفتره الاخيرة واحسها ماعادت تحبه مثل اول و.....ما عادت تناسبه
وداد ونظرة تساؤل كبيره في عيونها:- ما عادت تحبه مثل اول وفهمتها لكن ما تناسبه؟...((وكانها استدركت الامر)) قصدك على صديقاتها الجدد
لااااااااا انا ما اعتقد ان تأثيرهم وصل لابعد من اللبس ((ابتسمت على جنب وقالت)) وعلياء ياحكيمه زمانك هي اللي تناسبه؟
قلت لها وانا اتنهد :- يمكن ليش لا ((رفعت حاجب وابتسمت )) احنا مانعرفها علشان نحكم لكن تدرين اختك فعلا محيره وغريبه
وداد وعلى وجهها علامات الحيره:-ما فهمتك؟
ابتسامه واسعة غطت وجهي:-تدرين ان خالد ما تكام عنها من رجع من البحرين رغم انه شافها هناك
جلست وداد دليل على الاهتمام :- وش عرفك انه شافها
رديت بنفس الابتسامه:-سألته عنها وقال بغضب لا تسألوني عنها كفايه اللي شفته والقهر ان ولد عمك عنده ولا كأن شي صار
ميلت وداد راسها على صوب واشرت بيدها بمعنى ما فهمت فواصلت
:-اكيد صار له موقف معاها وهالموقف ((ضحكت)) اثار غضب خالد المتروى المتأني الحليم يعني علياء لها تأثير على خالد
وداد بدهشه:- صحيح من الصعب ان خالد يظهر غضبه لانه يسيطر على مشاعره لكن دامه غضب منها هالكثر معناه مسويه شي كايد
هزيت راسي اشارة لا:- لا لا لا لانها لو مسويه كذا كان طلال ذبحها بس الوضع كان بالعكس خالد ثاير وطلال بارد((ومسكت ذقن وداد )) وهذامعناه يا حلوه ان علياء لها سلطه على مشاعر خالد ((وابتسمت ))
يا حبي له خلودي اول مره اشوفه كذا حايس من غير كنترول على اعصابه
واستمر الحديث الى ان اذن الظهرصلينا ونزلنا نشوف الباقين
علـــــــــــــــــيـــــــــــــــــاء
اول ما أشرت لي خالتي ام خالد اني اقعد معهم ووييييييييييين بينها وبين خالتي ام طلال حسيت مثل المتهم اللي ينطر حكم المحكمه عليه
هو صدق انهم ما سووا لي شي لكن العيون تتكلم وعيونهم تقول اني دخيله وان وجودي بينهم غلط.... في البدايه ام خالد وام طلال يسولفون على بعض ولا كأني وياهم وندى مشغوله او تتشاغل بولدها فارس تحاول تنيمه وعقب شوي تحول حديثهم لترتيبات الملكه ساعتها التفتت لي ام خالد وسألتني
:- ما فلتي لي يا بنيتي من من اهلك بيحضر الملكه؟
رديت عليها وانا ابلع ريقي :- خوالي ونسوانهم يعني ثلاث حريم
الكل انظاره اتجهة لي لكن ام خالدرفعت حواجبها وقالت باندهاش:- بس؟؟ ((سكتت شوي كأنها متردده تسأل او لا)) طيب وامك؟
الكل كان يترقب الاجابه وانا احترت وش اقول...... اقول ان امي من يوم ما خبرها جدي وهي حتى تلفون ما دقت علي ولا اقول انها تكرهكم ومستحيل تجي عندكم لكني قلت بكل هدوء
:- بس ...لان بناتهم مسافرات... وامي ما بتحضر
سمعت تنهيدة ارتياح من ام طلال ولمحت ابتسامه ما عرفت ام خالد تخفيها عدل والغريبه مفعول هالجمله على ندى اللي قالت بحماس وكأنها فعلا مهتمه
:- علياء ما قلتيلي وش بتلبسين لبكره؟
رفعت راسي لها وقلت :- فستان ((توني بوصفه لها لكن قلت)) حياش تعالي شوفيه وقولي لي رايش
ابتسمت واشرت على فارس اللي نام في حضنها:-ما اقدر اقوم اللحين بس الليله ان شاء الله اشوفه مع البنات((وقالت بشي من الكبر))واذا طلع ما يناسب بعطيك فستاني لانك نفس مقاسي والباقيات مقاسهم يختلف
حسيت انها تلمح ان ذوقي مو حلو وكنت برد عليها بس مسكت روحي وقبل ما ارد قالت ام طلال وهي تحاول تعدل لبنتها
:- والله اذا طلع فخم واجد تروح السوق مع طلال عندها الصبحيه بكبرها
ابتسمت لها :- لا ياخالتي ما في داعي فستاني مناسب
على طول ام خالد ردت:- كان ودي بحفله كبيره بس ابوك وعمك الله يهداهم كانوا مستعجلين وما امدانا نسوي شي
حسيت انها بكلامها تحاول تعتذر عن بساطة الملكه وخاصه ان ام طلال قالت :- ولا يهمك يام خالد معوضه في العرس((وحطت يدها على كتفي))
هو صحيح الملكه عائليه وصغيره بس عقب اسبوعين بنسوي حفله بمناسبه ردت علياء لاهلها وبنعزم فيها الجيران والمعارف
حسيت بغصه وش قد غريبه هالناس يراعون مشاعري ويعتذرون لمجرد
اعتقادهم ان مشاعري انجرحت رغم اني حاسه إلا متأكده اني مفروضه عليهم ....... يمكن يسوون جذي من باب حسن الضيافه بس انا مو ضيفه بتقعد ايام وتروح انا بقعد وياهم باقي عمري....او يمكن من محبه ام طلال لابوي ومحبة ام خالد لعمي ولدها...يصير ليش لا مو يقولون لجل عين تكرم مدن....ما ادري ليش حسيت اني لازم ارد عليهم فقلت
:-انا اساسا اشتريته فستان لحفله بسيطه لاني متعوده ان الملكه تكون عائليه يعني اللي يلبسون فخم هذولا اللي يسوون حفله عقب الملكه وكنت من جد بتوهق لو كنتوا مسوين حفله كبيره
ردت ندى:- زين اجل اننا استعجلنا وما سويناها مثل ملكتي ((اتوقع ان امها عطتها نظره وعيد لانها خففت من حده لهجتها وكملت)) على العموم حفلة استقبالك قريبه... صحيح اني ما بقدر انزل معك السوق لكن وداد وسعاد ما بيقصرون خاصة انهم لسى ما شروا لهم لبس
قالت ام خالد تعقيبا لكلام ندى:- الله يعينك على فرة السوق معهم تكسر الظهر ((وابتسمت لي )) وكل شي بكفه وسعاد ونجود بكفه ما يعجبهم العجب
ام طلال بشبه ضحكه على كلام ام خالد:- ما عليك يا علياء هم صدق ما يعجبهم شي بس بتستانسين معهم ((وتميل لي وهي تقول )) ولاتطيعين شورهم لانك اذا طعتيهم ما بتاخذين شي.....
ضحكت ندى وقالت:-ما عليك من امي وخالتي ذوق سعاد ونجود ما عليه بس مادام وداد والعنود معك اخذي برايهم ترى ذوقهم احلى
فرحت ان ندى فكت شوي وانها تكلمت من غير ما يكون ورى كلامها عدة معاني بس في هاللحظة دخلوا نجود وسعاد اللي سمعت كلام ندى
:-وشو ؟ لا حبيبتي ترى ما في((تأشر على نفسها ونجود))احلى من ذوقنا ((وتلتفت لي)) العصريه بنقضيها في المسبح تجين معنا ؟؟
قبل ما ارد قالت ندى:-وطي حسك ما صدقت الولد نام ...وعلياء ما بتجي معكم بعدين لكلور يأثر على لون بشرتها وعقب الملكه سووا اللي تبونه
نجود اللي هم ما نطرت ردي قالت:-ترى السمار موضه...تعالي علياء ولا يهمك
ضحكت وقلت لها:-موضه او لا ما بجي وياكم لاني ما اعرف اسبح
ومع مرور الوقت حسيت اني بديت اتعود على الاجواء صارت قطات ندى اخف وسعاد ونجود ما بطلوا مزح اما ام خالد وام طلال كانوا بس يسكتون في بناتهم ويقارنون كيف كانوا هم قبل وبناتهم اللحين اذن وقمنا للصلاه ونزلوا وداد والعنود اللي كانوا مختفيات وندى راحت المطبخ علشان تأكل فارس وما يزعجها على السفره وقت الغدا وعقب ربع ساعه تقريبا جت ندى من المطبخ من غير فارس وقالت
:-يا بنات تغطوا الشباب بيدخلون يسلمون
تغطوا البنات وكلهم لابسين جلال ومغطين وجهم بطرفه إلا انا لبست عبايه وبرقع لان وداد نست جلالها فوق فقلت لها تاخذ جلالي خاصه اني برتاح في العبايه اكثر......دخلوا الشباب وكانوا تركي وطلال وواحد ما اعرفه بعدين فيصل ودخل في الاخير خالد وهو شايل فارس على ذراعه
سلموا وقعدوا في زاويه بعيده عنا جنب ام خالد وام طلال الشخص الي ما عرفته قال لتركي ومرفع صوته قاصد اننا نسمعه
:- يقولون راسك يعورك... لكن ما ينلام غيرك وانا اخوك احد يركب بزان معه من الصبح
نجود اللي ما تحملت ردت بصوت عالي :-ما البزر إلا انت ياسليطين
وقبل ما تكمل كلامها قاطعها صوت خالد وهو يقول بنبرة تأنيب وتأديب
:- نجود لا يعلى صوتك و احترمي اخوك
نجود بأعتراض ووطت صوتها:- بس هو..........
قاطعها خالد بنضره قويه ووتكلم ببطء مقصود :- نجوووووووووود !!!
سكتت نجود وتكلم تركي يبي يخفف على نجود فقال :- الصراحه نجود اليوم تفوقت على نفسها جهزت من وقت ولا لطعتني كالمعتاد وكانت هادئه في السياره بس ((وعلى صوته كأنه بيوصل هالكلام لشخص معين)) عيبهم انهم بدل ما يقولون كلمة شكر يتهموني بالغرور ورفعه الخشم .....
هنا سمعت وداد كوني قاعده جنبها تهمس للعنود :- مو قلت لك اخوك مغرور وغثيث ((وتضغط على ضروسها)) واللي يقهر انه يحسب نفسه خفيف دم ...
العنود ترد على وداد :- هييييييييييييه شوي شوي على اخوي ترى هذا ثقه بالنفس مو غرور واخوي خفيف دم .. يكفي انه يعرف شلون يحرق دمك......فديييييييييته المزيون بالله مو ازين من ماجد
وداد ضربت العنود في جنبها وقالت :-صدق القرد في عين اخته غزال
الله يالثقه ... سكتي بس لا تخليني اغلط عليه
العنود :- ما ادري ليش انت ما تحبينه ... ولا غيره لانه اقرب لماجد منك
وداد تأشر على نفسها :- انا اغأر منه؟؟؟؟؟؟؟؟؟؟؟
رن موبايلي رفعته ولمن شفت المتصل ما حبيت ارد قدام الجماعه فرحت المطبخ اول ما ضغت على زر الرد حسيت ان في خطوات متجهه صوبي
..........
ما ادري وش اللي خلاني اروح وراها
بس كان لازم انبهها
ما حست فيني ولمن التفتت لي تفاجأت بالدموع في عينها
من هالشخص؟
وينبهها من شنو؟
وش اللي خلاها تصيح؟
اتمنى ان هالبارت ينال اعجابكم
واشوف تفاعلكم معاي
لان الوضع محبط الصراحه وانا قررت ان اذا ما في تفاعل خلاص اوقف القصه وما اكملها
اهديكم اعذب وارق التحايا
-
رد: رواية أطياف الغرام / الكاتبة : معاميريا ; كاملة
الجزء الخامس
(( غيض من فيض ))
لكل شخص طريقته الخاصه في التعبير عن مشاعره...ولكل شخص حريه التعبير عن مشاعره...لكن احنا في كثير من الاحيان نحط لنفسنا
خطوط حمره ما نتعداها الى ان يجي موقف يهزنا من الداخل ويخلينا
نضرب بهذي الخطوط عرض الحائط .... واغلب الاحيان يكون هالموقف القشه التي قصمت ظهر البعير...والناس تشوفه ما يستاهل منا كل هالانفعال بينما احنا نشوف انه مجرد غيض من فيض وانه اول الغيث
رن موبايلي رفعته ولمن شفت المتصل ما حبيت ارد قدام الجماعه فرحت المطبخ اول ما ضغت على زر الرد حسيت ان في خطوات متجهه صوبي
..... الظاهر اني اتوهم بلعت ريقي وتوكلت على الله ورديت
:-السلام عليكم و
ما كملت حتى السلام وجاني الرد:- جذي تسوين في امش ؟ انا اخر من يعلم!!!!!ولا تعلميني ولا تقولين لي ليكون مو حاسبتني ام؟؟
حسيت ان حراتي ارتفعت وجهي احمر من الاحراج وكأن الكل يسمعها
فقلت ادافع عن نفسي:-انا اساسا ما دريت الا متأخر .... وجدي قال ....
مره ثانيه قاطعتني وبحده اكبر قالت :- جدش اتصل فيني علشان يهددني يقول لي ترى بنتش بتزوج ولد عمها...وملكتها بعد يومين في بيت ابوها...واذا ما بتباركين لها لاتجين
سكت ما عرفت ارد اساسا وش اقول لها بس هي تابعت :-وانتي شلون ترضين في واحد امش تكرهه من كرهها لاهله؟؟
رديت عليها بغيض وقهر:- ليش هو بيدي ؟؟ لو بيدي ما وافقت ... والله غصب عني ...
ردت بسخريه وكان واضح من لهجتها انها مو مصدقتني:- مو بيدش !! وش اللي غاصبنش ان شاء الله ؟؟ يعني تبين تفهميني انش مو موافقه؟
حسيت انها ما راح تسمعني ولا حتى بتفهمني بس حاولت استجديها:- يكفي اني اعرف ان هالزواج بيفرقني عن اعز ناسي وبيفصلني عن...
للاسف ما حست فيني وقالت:- اسمعي يا بنت يوسف((دائما تقولها علشان تحسسني انها غضبانه علي ما تدري انها تحسسني انها ما تبيني واني مو بنتها))هالكلام مو علي... واذا تحسبيني ام لش تركي هالزواجه وردي البحرين؟؟
غمضت عيوني واخذت نفس علشان اقدر احبس دموعي:-ما اقدر ...لو اقدر مأ تأخرت لحظه وحده...ولو رجعت البحرين وين اروح؟؟
ردت وكانها تتكلم عن مسأله تافهه :-وين يعني ؟ اكيد بيت جدش
ما قدرت امسك دموعي اااااااااااااه ما اقسى قلبها :- ما اقدر...ما اقدر اخالف شوره واكسر كلمته ...ما اقدر اصغره قدام الناس وبعدين اقول له
خلني في بيتك!!!
بكل برود ردت :-عجل خلي اهل ابوش ينفعونش يا بنت يوسف
سكرت التلفون في وجهي ...نزلت التلفون طالعته وغمضت عيوني وعضيت على شفايفي علشان ما ابكي بس الالم اقوى مني...خلاص صدري ما عاد يوسع احس رئتي بتنفجر نزلت ادموعي غصب عني
...توني التفت وراي ابي اهرب ابي اكون بروحي إلا واتنصدم عيوني بثوب بيضه رفعت راسي ما ادري شلون عرفت من وسط دموعي ان هذا خالد ...وبدل ما امسك نفسي وما اصيح قدامه انهرت اكثر وصار بكاي مخلوط بأنين وفجأة ومن غير ما احس شفت نفسي في حظنه
خــــــــــالد
عادة الجلسه مع امي وخالتي ام طلال تريحني بس هالمره ما ادري ليش احس بخنقه واني متوتر ...في البدايه حاولت اشغل نفسي بفارس الاعبه واكلمه بس اول ما تكلمت نجود وعلت صوتها على تركي التفت لهم للجهة اللي كنت متجاهلنها.... وشفتها شفت سبب ضيقي وخنقتي كانت لابسه عبايتها وبرقع واللي قهرني انها ما غطت اعيونها...مع ذلك مسكت نفسي وحاولت اتجاهلها ...بس شدني صوت جوالها وانها اول ما
شافت المتصل طلعت ...وقفت وقلت للشباب :- ليكون ناوين تجلسون مع الحريم وتخلون الجماعه اللي في المجلس ؟
رد سلطان بانزعاج لانه حاب الجلسه :-أي جماعه الله يهداك...كلهم ابوك وعمك وعزيز وجد حرمتك
ما ادري ليش كلمة حرمتك ذكرتني فيها :-على راحتكم بس انا بروح مشوار قريب واذا تأخرت تغدوا عني ...يلا في امان الله
طلعت ادور عليها واول ما لمحت عباتها في المطبخ رحت على طول وراها و ما ادري وش اللي خلاني اروح وراها....بس كان لازم انبهها
واقول لها تغطي عيونها مو ناقص الا انها تتكحل بعد توني بناديها وبكلمها بس ردت على جوالها ... في الاول اثارت فضولي قالت
:- انا اساسا ما دريت الا متأخر .... وجدي قال ....
قاطعها الطرف الثاني عقب فترة صمت قالت
:- ليش هو بيدي ؟؟ لو بيدي ما وافقت ... والله غصب عني ...
هالشي حيرني واثار ضيقي بشكل رهيب وش اللي مو بيدها لكنها رجعت قالت الاشد مراره الشي اللي خمنته وحاولت انكره قالت
:-يكفي اني اعرف ان هالزواج بيفرقني عن اعز ناسي وبيفصلني عن...
انقهرت ما قدرت اتحمل اكثر هذا اللي مو بيدها وغصب عنها ...ليش ليكون تحسب اني ابيها وميت عليها... ومن هذا اعز ناسها اللي بافصلها عنه خساره ما كملت قاطعها الطرف الثاني ونطقت ويا ليتها ما نطقت
قالت:- ما اقدر ...لو اقدر مأ تأخرت لحظه وحده...ولو رجعت البحرين وين اروح؟؟
يعني هي ناويه تهرب ...ولو ما جواز سفرها عند عمي وخروجها من السعوديه يحتاج اذن ولي الامر كان هربت ضغت على اسناني وشديت على قبضة يدي احاول اسيطر على غضبي وانا كذا سمعت جملتها
الاخيره :- ما اقدر...ما اقدر اخالف شوره واكسر كلمته ...ما اقدر اصغره قدام الناس وبعدين اقول له خلني في بيتك!!!
خلاص طفح الكيل انا اليوم لازم اوريها قدرها زين لازم ... التفتت لي انذهلت من عيونها كانت حمرا ومليانه دموع شكلها خلاني اتجمد بمكاني اول مره احس اني محتار وما اعرف وش اسوي ودي اصرخ عليها والومها وافرغ كل حرتي فيها ...وفي نفس الوقت ما ودي اشوف دموعها وودي اهديها وامسح دمعها خاصه ان بكاها زاد لمن شافتني ...وما انقذني من حيرتي الا صوت طلال يناديني ودخل المطبخ
ناظرها بذهول والتفت لي وفي عيونه الف سؤال هزيت كتفي علامة اني نفسه ما ادري عن شي وقلت
:-انا دخلت وهي كذا
طلال ما اهتم لجوابي على طول راح لها وضمها بقوه في هذي اللحظه انا على طول طلعت برى وصلني صوت بكاها اللي زاد....ما اردي وين اروح ومن غير احساس توجهت مباشرة لسيارتي شغلتها ومشيت على طول ادور في الشوارع مو عارف وين اروح ما ادري للمره الكم دق جوالي بس هالمره قررت ارد
:-هلا
:-يعني انت قاصد انك ما تردعلي؟
ناظرت جوالي بذهول وفعلا المتصل تركي بس هذا مو صوته رديت عليه:-افاااااااااا يا ذا العلم انا ما ارد عليك
قاطعني بحده:-ايه وشف جوالك كم مره ادق عليك وما ترد واول ما دقيت عليك من جوال تركي رديت
ابتسمت بتعب وقلت:- موكذا السالفه...بس انا نسيت الجوال في السياره
واول ما ركبت السياره جاني اتصالك حتى قبل ما اشوف المكالمات
رد على بضحكه:-طيب صدقتك ...بس وينك فيه يا خوي صار لك اكثر من ساعتين من طلعت
فركت جبهتي بقوه عل عسى الصداع يخف:-كنت ضايق شوي قلت اطلع شوي اوسع صدري ...بس الوقت سرقني
قال لي وكأنه حس اني لا زلت متضايق:-شوي؟؟انت برى صار لك اكثر من ساعتين...خالد وش فيك؟ اقلقتني
طبعا انا اكذب على الكل إلا طلال فقلت له اصرف:-مو وقته هالكلام ...اقول انا جوعان ما اكلت شي من الفطور...((ابتسمت))يعني بقى لي شي ولا امر اشتري لي
ضحك بقوه:-هههههههههههه صحيح انهم ياكلون الاخضر واليابس بس البركه في خالتي وامي...تعال الخير كثير ولا تتأخر تراني جوعان اكثر منك....يلا استناك
سكر قبل ما اعرف هو ليش ما تغدا معقوله طول هالوقت كان معاها طيب ليش هالبكى وكل هالمده؟ ومن يكون اللي تبكي عليه بحرقه؟راسي بينفجر كلما احاول اتجاهلها والغيها من تفكيري ترجع من جديد وتسيطر على افكاري ما صار لي من شفتها اسبوع وهي عافسه حالي...انا لازم الغيها من تفكيري و...هي ثواني بس واخليت بقراري ياترى وش قالت لطلال؟...واذا هي فعلا ما تبي الزواج فليش اجبر نفسي واتزوجها ..((اخذت نفس عميق وضغت على السكان((المقود)) وقلت بصوت مسموع))
:-هه اللي يسمعها وهي تقول بتهرب ما يقول هي نفسها اللي هامها كلمة وسمعة جدها وابوها...لكن لا انا ما اتزوج وحده تفكر في غيري
رميت شماغي على الكرسي اللي جمبي ودخلت اصابعي في شعري وضغطت بقوه على راسي ورددت في نفسي
((تحب غيري؟؟طيب وانا؟ وساره ؟ بس انا وضعي غير انا........))
نفضت راسي ابي اتخلص من افكاري وصلت الاستراحه ومع وصولي قررت اتخلص من هالزواج باي طريقه ايه هذا احسن حل لا انا ولا هي نبي هذا الزواج ....نزلت من السياره وشفت طلال رسمت ابتسامه على وجهي ورحت له...........
وداد
من طلعت علياء علشان تكلم ما رجعت تأخرت والكل كانت في عيونه نظرة تساؤل بس اللي سأل هو نجود
:-دودو حبيبتي وين راحت علياء ؟
رديت عليها:-وانا وش دراني
دخلت سعاد في الموضوع وقالت:-بس انتي كنتي جمبها
قلت من غير اهتمام:- علمي علمكم من جاها الاتصال ما عدت شفتها
واذا هامتكم روحوا دوروها
نجود قالت بابتسامه:-جبتيها والله اللحين نروح ندورها ((ومدت يدها على سعاد علشان تقوم معها)) وبالمره نجيبها معنا علشان تتغدا
مسكت يد سعاد الثانيه وقلت :- جلسوا مكانكم اكيد البنت تعبانه وتبي تريح واذا جهزت السفره روحوا نادوها
اعترضوا بس امي تدخلت وقالتلهم :-وداد عندها حق خلوها ترتاح دوبها جايه من سفر وما ارتاحت وجبناها المزرعه
طبعا امي قالت كلمتها وراحت مع خالتي ام خالد الى المطبخ يشرفون على الشغالات ويجهزون غدا الرجال طلعت امي من هنا وقالت ندى
:-اقول وداد شفتي فستان علياء اخاف تحرجنا قدام الناس
وقبل ما ارد عليها قالت العنود:- حرام عليك وش تحرجنا الصراحه البنت باين من لبسها انها ذوق
طبعا ندى ما عجبها الكلام ورفعت حاجب وقالت :- العنود انتي لحقتي تشوفي لبسها علشان تحكمي
رديت وانا العب في جوالي :-ندى ... خفي شوي ما يصير كذا كل ما جبنا سيرتها قلبتي وجهك ((ناظرتها علشان اتأكد انها تسمعني وكملت)) انا ما اقلو لك حبيها بس صيري موضوعيه ولا تبيني مشاعرك هذي قدام الناس
ثارت ندى وقالت بحده :-انا مو موضوعيه يا وداد وبعدين مشاعري وانا حره فيها
رديت بهدوء :- ايه مو موضوعيه اجل كيف حكمتي انها بتحرجك
((ميلت راسي على جنب وحطيت عيوني في عيونها)) لانك تكرهينها قلت كذا ولا البنت ما بدر منها أي تصرف يخليكي تقولي هالكلام
هدأت ثوره ندى بنفس السرعه اللي اشتعلت فيهاوقالت :-ما ادري بس انا ما احبها
هنا تدخلت العنود مره ثانيه وقالت:-ندى بسألك سؤال انتي فعلا تكرهين علياء؟؟؟؟؟
ندى رفعت راسها للعنود وعلى وجهها علامات الدهشه والمفاجأة من السؤال وبعدها نزلت راسها وتنهدت:- تصدقون اذا قلت لكم ما ادري... واني اسوي كذا لاني خايفه انها تكون مثل امها
ابتسمت العنود ابتسامه تدل على انها متفهمه شعور ندى وقالت :- اذا كذا اجل لا تعامليها بجفاء لان لو خوفك طلع ماله داعي راح تندمين على تصرفاتك ((وكملت ردا على نظرة الاعتراض في عيون ندى )) يمه من عيونك...طيب ما قلنا حبيها عامليها مثل ما تعاملين شخص توك تتعرفين عليه ...
تدخلت انا وقلت :-ترى هي فعلا شخص تونا نتعرف عليه ...وعلشان تعرفين تتعاملين معها انسي امها...ولا تخلينها هاجس يسيطر عليك
دخلت نجود وسعاد قبل ما ترد ندى علشان يخبرونا ان الغدا جاهز
وقبل ما يروحون لعلياء اتصل طلال وخبرني ان علياء نايمه ونبهنا ما نصحيها من النوم لانها تعبانه وفعلا تركناها على راحتها الى وقت صلاة المغرب طلعت علشان اصحيها للصلاه وبالمره تاكل لها شي لانها ما تغدت رقيت الدرج وتوجهت للغرفه فتحتها كانت مظلمه وباااااااااااااااارده
ولعت النور وطفيت التكييف وجلست على حافة السرير علشان اصحيها واول ما همست باسمها رفعت راسها وابتسمت
:-شكلي نمت واجد
ضحكت على وجهها المنفوخ من النوم والتعب:-كثييييييييييييييييير ويلا قومي صلي فاتك العصر وصار وقت المغرب
قامت لمت شعرها وجهزت لها لبس عباره عن تنوره جينز طويله وبلوزه ورديه هاديه دخلت الحمام اخذت لها شاور سريع وعقب ما خلصت صلاة قلت لها
:-علياء ما تحسين بالجوع
ضحكت وقالت :-بلى احس بطني يقرصني من الجوع
رديت:- يلا اجل ننزل المطبخ علشان تاكلين لك شي يصبرك لوقت العشا
وتونا بننزل إلا البنات دخلوا عليناواخرهم سعاد اللي حامله في يدها صينيه في عصير للكل وسندويشات لعلياءنزلت الصينيه قدامنا وجلست جنب نجود على السرير وقالت:-علياء...الصراحه انا الفضول بيذبحني
ودي اشوف فستانك حق الملكه
ابتسمت علياء بنعومه وقالت :-ما طلبتي شي اللحين اطلعه تشوفينه
نجود حطت يدها على كتف سعاد وقالت :-ودنا نشوفك لابسته
هزت علياء راسها علامة نعم واشرت على عيونها بمعنى من عيوني
وقامت فتحت الدولاب فقالت ندى
:- ما عليكي منهم اول اكلي
طلعت الفستان وابتسمت لندى وقالت :- ما بلبسه اللحين بس ابي اخذ رايكم ...اي اكسسوار البس معه
اخذت العنود من علياء الفستان وفرشته على السرير وقالت لعلياء
:- مو مشكله بنساعدك بس مو شرط تلبسينه
طلعت علياء طقمين اكسسوار وقبل ما تورينا اياهم قاموا نجود وسعاد اخذوا الطقمين يشوفونهم فقالت لهم ندى بعصبيه
:-تعالوا هنا ورونا
ردت سعاد :-ما يحتاج تشوفين انا ونجود بنختار((ورفعت راسها لعلياء وكملت ))عندك غيرهم
كملت علياء سندويشتها وضحكت :-لا ما عندي غيرهم اساسا انا شاريتهم حق الفستان واحترت في المحل اشتري أي واحد فشريتهم اثنينهم
بطلت سعاد عيونها :-من جدك ما عندك غيرهم
ابتسمت علياء ابتسامه واسعه وقالت :-ايه من جدي ...لان ربي رزقني بزوجه خال كل ما رحنا السوق وحبيت اشتري تمنعني
عقدت حواجبي وقلت:- ليش تمنعك ؟وليش ما تروحين مع غيرها ؟
تدخلت سعاد:-او تروحين لحالك طلال يقول انك تسوقين؟
ردت علياء وهي تناظر حضنها:-ممنوع ارح اسواق بروحي وما اروح مع غيرها لان ما في الا هي وهاجر يقبل جدي اني اروح معها حتى هاجر اذا تروح معي ما يقبل جدي الا اذا كانت ويانا امها او زوجة خالي...((سكتت شوي وقالت ))اما ليش تمنعني فهذا لانها من تشوف الاسعار تسحبني من يدي وتقول بدل ما تضيعين فلوسك في هالخرابيط اشتري لك ذهب
اشرت ندى على واحد من الاطقم كان فضي ناعم على شكل طوق من الزهور المشغوله بفصوص فيروزيه وحلقه ناعم مكون من زهرة وحده مشابهه للي في العقد وقالت
:-هذا يناسب الفستان...صحيح الذهب ينفعك اكثر من الاكسسوار بس بعد الذهب ما يناسب كل لبس
ابتسمت علياء :-عندك حق بس من يقدر يقنع ام محمد بهالكلام..(( تنهدت وقالت ))بس الله راحمني بتشكيلات ديماس تدرين شغلهم راقي وحلو يدخلون الاحجار بشكل حلو في الذهب ويبان مثل الاكسسوار
اخذت العنود الطقم من يد ندى وقالت:-طيب هذا وخلصنا منه واللحي المكياج فكرتين وش بتسوين؟؟
رفعت علياء كتوفها وقالت:-ما ادري انا في المناسبات اروح صالون
((وعضت شفتها وقالت بخجل ))بس اهني ما اعرف ولا صالون انا حتى لنفسي ما اعرف احط مكياج....
استغربت وتوني بتكلم لكن سعاد الملقوفه قالت :-في بنت في هالزمن ماتعرف للمكياج
اشرت علياء على نفسها وقالت :-انا...((وبدفاع عن نفسها قالت تبرر))
لاني بصراحه ما احط لي مكياج تعرفون انا كنت اسوق وما اتغطى
والبيت يدخلونه اولاد خالي ...((سكتت شوي كانها تجمع افكارها وقالت )) اكذب اذا قلت اني ما اعرف بالمره بس بعد انا حدي مكياج نهاري
اما مكياج السهرات ما قط جربته الا على هاجر كتسليه....
ابتسمت وقلت لها :- كذا معقوله((ابتسمت على جنب وقلت))احنا ماتفقنا مع احد يعني اعتمدنا على الخبيره ندى تحجز لنا وحده تجينا هنا ((وقلت بتردد ))بس انتي عروس و.......
قاطعتني علياء وقالت:-اذا ما عندكم مانع انا قابله انها تمكيجني
هزت ندى راسها علامه لا عندها علياء تغير لون وجهها انصدمت قهرتني ندى وخزيتها بنظره معناها وين الكلام اللي قلناه الظهر لكن اللي قالته غفر لها لانها قالت
:- ما يصير انتي عروس انا باتصل في وحده اعرفها زين وشغلها لا يعلى عليه وعلشاني بتخلي شغلها وبتجي
رد اللون لوجه علياء وانصبغ لون وجهها بحمرة الخجل من تعليقنا عليها واستمرت سهرتنا على هالنمط وقضينا وقت ممتع وكأننا نعرف علياء من زمان....
طــــــــلال
اليوم خالد مو طبيعي اكيد فيه شي وشي كايد بعد هو صحيح من عرف بمخطط ابوي وعمي بتزويجه من علياء وهو متوتر بس لا اليوم في شي غييييييييير كنت ناوي اسأله على الغدا بس وجود تركي وسلطان معنا ما خلاني اتكلم وما صرنا لحالنا الا في نهايه السهره طلعنا نتمشى في وسط الزرع لغايه ما وصلنا للمسبح قعدنا على الكراسي اللي عند المسبح وكل واحد مقابل الثاني وكان الصمت هو عنوان جلستنا الى ان كسرت الصمت وقلت له
:-خالد علامك يا خوي اليوم منت طبيعي
هز راسه وابتسم :- ما فيني شي جديد وانت اعلم باحوالي
ناظرت عيونه اللي عرفت منها انه مخبي علي شي وقلت
:-تدري ان بكره العصر بتوصل عمتي ام ماجد؟
رفع راسه لي وكانه عرف وش اقصد بسؤالي وقال :- ليش تسأل
ابتسمت وقلت له :- انت عارف ليش اسأل انا اقصد ساره
غمض خالد عيونه وقال :- وش فيها ؟؟
سندت ظهري للكرسي وقلت :- وين صارت ؟وش بتسوي معها؟
سحب نفس وقال :-خلك من ساره وقولي علامها اختك؟
ما عجيتني تصريفته فقلت استعبط:- أي اخت حدد
لعب خالد بمفاتيح سيارته وقال:-علياء وش فيها ليه كانت تبكي؟
ابتسمت وانا اتذكر موقفي معها وقلت :- والله انها تونس هالبنت ، كل تصرفاتها غير متوقعه تدري اتوقع حياتك معها ما راح يتسرب لها الملل
ابتسم خالد بتهكم وقال:-غير ممله وغير سعيده ((تجاهل نضرة الاستنكار اللي وجهتها له وكمل))بعد ما قلت لي ليش كانت تبكي؟؟
رفعت رجلي وحطيتها في حضني مسكتها بيدي وقلت:-ليتك اخرت طلعتك شويه بس كان شفت علياء وش سوت
رجع خالد مفاتيحه لمخباه وانحنى باتجاهي وقال:-ليه وش سوت؟؟
اثار حماسي انتباهه فقلت له :-انا من شفت دموعها وشلون تشهق وهي تصيح خفت عليها ((ورفعت عيني بتجاهه)) ظنيت انك قلت لها شي عن ساره او حتى انك ما تبيها فعلى طول ضميتها لصدري ((ضحكت )) وما حسيت الا وهي تحاول تدفني وتبعدني عنها تحسبني انت وانا احاول اهديها وما في فايده فبعدتها عن صدري ومسكت وجهها وقلت لها علياء وش بك ليش تبكين ؟ومن سمعت صوتي رفعت راسها ناظرتني ورجعت دفنت راسها في صدري وبكت ((تنهدت وانقلبت ابتسامتي لعبوس )) بكت بحرقه وكل ما قلت لها كلمات علشان اهديها يزيد بكاها لدرجه اني خفت انها تختنق وما عاد تقدر تتنفس فقررت اسكت واخفف من ضمتي لها لغايه ما تهدأ وضليت على هالحال ربع ساعه...
ضحك خالد بصوت عالى وقال :-ربع ساعه واقف على رجلك في المطبخ
فرديت عليه اغايضه :-صحيح واقف على رجلي بس ضام غزاله لصدري
عصب خالد وقال بلهجة تهديد:-استح على وجهك هذي اختك وسالفه ضم ولم انساها
ضحكت عليه من قلب وقلت :-ابوك يا الغيره...ومن مين من اخوها
((رفعت حاجب ))وش اللي انسى هذي اختي ومن انت علشان تقول كذا
فهمني خالد فقال :-بكره اعلمك من اكون
تلاشت ابتسامتي وانا اتذكر بكره وش بيصير :- خالد
خالد :-سم
قلت له وانا انحني باتجاهه:- علياء امانه عندك ...اكرمها و...
ما كملت كلامي وقاطعني خالد:- افا يا ذا العلم توصيني على بنت عمي يا طلال
مديت يدي ومسكت يده وقلت :- اعرفك رجال والنعم يا ولد عمي ... بس انا ابيك تراعيها وما تجرحها ولو بكلمه ((سكت ماني عارف كيف اوصله قصدي فتابعت)) انا ما بقول لك حبها بس ابيك تتفهمها تحترمها ابيك تكون الصدر الحنون اللي تفرغ فيه همومها والظهر اللي يحميها ويسندها طول عمرها...
ابتسم خالد وقال:-طول عمرك حنون على خواتك وكأنك ابو لهم وما اقول الا يا بختها العنود فيك
حطيت يدي على قلبي وقلت :-العنود اااااااااااااااه من العنود ((وناظرته نظرت رجا)) طيب ما يصير املك معكم بكره
ضحك خالد وقال :- اقول يا شين رزت الوجه((سكت كانه متردد يسأل او لا لكنه في الاخير سأل)) إلا ما قلت لي هي ليش كانت تبكي ؟
ما قدرت اقوله عن السبب علياء استأمنتني على سرها اللي لو لا انها كانت منهاره وبحاجه الى انها تفضفض ما كانت قالته لي غير ان مو من مصلحة خالد وعلياء انهم يعرفون ان كل واحد فيهم رافض للثاني لكني تذكرت كلام علياء هي قالت انها من شافت خالد زاد بكاها لانها تحسبه سمع المكالمه بس انا طمنتها انه ما سمع شي فقلت علشان اتأكد
:-ليه انت ما سمعت المكالمه؟
رد خالد وقال اللي ريحني:-أي مكالمه انا دخلت المطبخ وشفت وحده عيونها غرقانه دموع<< مسكين يا طلال ما تدري ان خالد يعرف ان علياء ما تبيه ويظن الظنون فيها بعد وان سؤاله بس علشان يعرف هي وش قالت لك بالضبط علشان يكتشف نواياها
طلال:-كل السالفه ان امها اتصلت عليها تقول ما تقدر تجي
وانت تعرف البنات في يوم زي هذا يتمنون ان امهم تكون معهم
وطبعا علياء ما استحملت وبكت ولمن شافتك عرفت انك شفتها تبكي
فزاد بكاها من الحرج
يوم الملكه الساعه الرابعه عصرا
البيت حوسه ام خالد وام طلال مشغولين بترتيبات الملكه وضيوفهم اللي وصلوا من البحرين اما البنات فتاركين كل الشغل على الشغالات وامهاتهم وما همهم الا زينتهم بس ندى كانت مع العروس واقفه على راس الكوافيره وتدقق على شغلها وكل شوي تذكرها ان علياء عروس وانها لازم تطلع مميزه اما باقي البنات كل شوي وحده تجي اتطل على العروس البنات خلصوا وما بقى الا الرتوش الاخيره على العروس
دخلت وداد والعنود وكانوا جاهزات ولقوا ندى جاهزة بس بعدها ما
بدلت فقالت العنود
:-الناس كلها تحت وانت لسى بهدوم البيت
ردت ندى :- متأكده كلهم وصلوا
وداد مسكت ندى من يدها وسحبتها الى الباب :- كلهم وصلوا وعمتي ام ماجد توها واصله يلا بدلي علشان ننزل نسلم عليها
وقفت ندى عند الباب وقالت :-توها واصله ليه تأخرت هالكثر
ردت وداد وهي تتأفف:- اف ما ادري بس سعاد تقول انها تأخرت لان ساره نأخرت في المشغل
ندى استغربت قطبت حواجبها وقالت :-ساره جت؟؟وراحت مشغل تزين بعد؟؟
وداد فقدت صبرها فقالت :-ايه يلا تحركي بسرعه ما عندنا وقت
اخيرا ندى فتحت الباب وقالت :- انتم اسبقوني وانا بجي بعدكم
فتحت ندى الباب ولقت نجود وسعاد في وجهها توها بتتكلم بس سعاد سحبتها ونجود شدت وداد وصاروا كلهم واقفين عند الباب من برى
وقبل ما تتكلم ندى سعاد قالت
:- دريتو ان ساره وصلت ؟
وداد هزت راسها باشارة نعم وندى قالت :-ليش وش صاير؟
سعاد براءه:-ابدا بس اذا قالت لكم بتشوف العروس قولوا لها ما يصير ترقي لها فوق علشان نبي نفاجأ الكل
حطت ندى يدها على خصرها وقالت :-ومن صاحب هالفكره العبقريه ؟
ابتسمت نجود وقالت لندى :-انتي
فتحت ندى عيونها على الاخر وقالت :-انا؟!!!!!!!ابي اعرف ليه تكذبون وتحملوني المسؤليه...
تمسكنت سعاد وقلت لندى وهي تمسك كتفها:-الصراحه احنا قلنا لسارة انك ما خليتي احد يدخل يشوف العروس علشان تبينها مفاجأة للكل... فجينا نقول لكم علشان ما تغلطون قدامها وتحرجونا...
وكملت نجود :- وعلشان اذا طلبت منكم تشوفها ما تقولون كلام غير او تغلطون وتقولون انكم شفتوها
ندى تنهدت وهزت راسها وقالت :- الحمد لله والشكر صدق مراهقات
وعلى طول راحت تبدل هدومها اما ندى اللي تعرف مشاعر ساره تجاه خالد انذهلت من تصرف ساره و ليش طلبت انها تشوف علياء ؟؟
دخلت وداد عند علياء علشان تخبر العنود باللي قالوه البنات ولقت علياء جاهزه وما ناقصها الا انها تلبس فستانها اللي في يد العنود
العـــــــــنــــــــود
دخلت وداد وشكلها يوحي بان عندها سالفه حاولت استشف من نظراتها بس ما عرفت توني بفتح الفستان واجهزه لعليا ء الا وداد تقول لي
:- العنود خلي عنك الفستان تعالى ابيكي تساعديني في شغله تحت
قلت وانا ااشر على الفستان وعلياء
:-طيب وعلياء من يساعدها في لبس الفستان؟
اخذت الفستان من يدي وفرشته على السرير وقالت
:-ندى اللحين تجي وتساعدها ((والتفت على علياء وقالت)) ندى ما راح تتأخر عليكي لكن العنود انا محتاجتها ضروري
وطلعنا برى وقفتني في الممر وقالت لي عن فكرة نجود والعنود ابتسمت
وقلت :-طيب ليه شايله الهم هذي سعاد ونجود طول عمرهم وهم كذا مع ساره ...يعني هذا شي متوقع يبون يغيضون ساره فقالوا لها كذا
مسكتني وداد من كتوفي وقالت لي :-انا موهذا اللي محيرني
انا اللي محيرني ان ساره جت وتزينت وفوق هذا كله طلبت بنفسها انها تشوف علياء
ابتسمت وقلت لوداد:-اهدي يا بنت الحلال ولا تحتارين هذي كلها امور طبيعيه ساره مسويه كل هذا علشان تبين لنا انها مو متأثره بخطبه خالد لغيرها وان خالد مو اكثر من ولد خال ...((سحبت نفس وقلت )) يعني كل هذا علشان تصون كرامتها قدامنا احنا بالذات
حسيت ان وداد ما ارتاحت كليا لهالفكره رغم انها هدأت الله يهديها وداد طول عمرها حذره وحريصه في التعامل مع الناس وفوق هذا كله هي حساسه جدا
تـــــــــــــركــــــــــــي
تعبان طول اليوم شغل وتجهيزات حق الملكه ما كان عندي وقت اريح فيه كل اللي قدرت اسرقه من الوقت ساعه جهزت فيها علشان ارجع
وضليت طول الوقت واقف استقبل المعازيم الى ان وصل عمي ابو ماجد(زوج عمتي)ومعه ماجد اللي كان باين عليه التعب فقلت اجلس جنبه اتطمن عليه وارتاح من الوقفه شوي وخليت سلطان يستقبل الضيوف لحاله وجلست مع ماجد في زاويه ما يشوفني منها ابوي او عمي ضربت بيدي على فخذ ماجد وقلت
:-حيا الله ماجد
ابتسم في وجهي وقال :- ياالله يحييك ويبقيك
ابتسمت وقلت له في عتب :- ليه جاي متأخر ؟ ما كأنك من اهل البيت وبدل ما تفزع لولد خالك تجي حالك من حال الغريب
التفت لي وقال :-البركه في اخوانه واولاد عمه...((بلع ريقه وقال ))
لو كان يبيني افزع له واوقف معه في هاليوم ما تراجع عن خطبته لسارة وخطب بنت عمه...
حطيت يدي على كتفه وقلت بعتب :-افا ياماجد شايل كل هذا في قلبك علينا ؟
ناظرني وقال :-انت ما يدخلك انا اتكلم عن خالد ولو ما ابوي لزم علي ما جيت
ابتسمت بسخريه وقلت :-انا واخوي واحد يا ماجد واعذرني في هالكلمه لكن ما ظنيتك تفكر مثل الحريم اولا خالد متى خطب ساره علشان تقول انه تراجع عن كلمته وثانيا بنت عمه هذي تكون لك بنت خالك
وتوني بوقف شدني من كم ثوبي وقال :-اجلس يا رجال ولا تزعل
ما كان ودي ازعل منه فقلت له :-بجلس بس شوي شوي على ثوبي تراه جديد((وغمزت له ))ما قلت لي وش رايك في الاوف وايت والغتره
ضحك ماجد من قلب :-طول عمرك تقول بيج اللحين تقول اوف وايت هههههههه
رفعت حاجب وقلت :- اربع سنوات في بريطانيا وما تبيني اقول اوف وايت واثناء كلامنا دخل الشيخ اللي بيملك على خالدفقال ماجد
:-صدق الدنيا حظوظ ناس تخطب وفي ظرف اسبوع تتملك ((ويأشر على نفسه )) وناس تخطب وتستنى سنين علشان تتملك ...
حسيت بكلامه قطع الهوا عن صدري ما تحملت كلام ماجد عنها وعن خطبته وملكته المرتقبه احسه بكلامه يعصر قلبي انت في نعمه يا ماجد وش يعني تستنى سنه او سنتين دامك في الاخير بتتزوجها...آآآآآآآآآآه
لو تعرف وش كثر انت محظوظ
تعذرت منه وبعدت بحجه اني ابي اكون قريب من خالد وقت العقد
مقتطفات من الجزء القادم
خــــــــــالـــــــــــد
- حسيت اني اوقع على موتي بس...........
- شميت ريحت عطرها وانحبست انفاسي.........
- ايه انا احب ساره بس للاسف ما عادت ساره لي خلاص فقدتها.....
- انسي هذا ((وحطيته في جيبي))وهذا اللي ...........
علــــــــيـــــــــــاء
_ حسيت برجفه في كل جسمي .........
_ حسيت مثل الضربه على راسي ما صدقت الل اسمعه يحبها.........
_ رديت وانا امثل دور الواثقه رغم اني من الداخل انزف........
-والله لو كنت مكانش كان ما تجرأت وتكلمت...........
اسمحوا لي هذا ما استطعت كتابته
انتظر ردودكم وتوقعاتكم
ارق واعذب الاماني
-
رد: رواية أطياف الغرام / الكاتبة : معاميريا ; كاملة
الجزء السادس
(( غصه على غصه))
علــــــــــــيـــــــــاء
تركتني العنود بروحي بعد ما جت لها وداد اخذت الفستان لبسته وانا احاول اسكر السحاب سمعت احد يطق الباب سألت
:- من بالباب؟
جاني صوت ندى :-انا ندى ...جهزتي؟
ومن غير ما ارد عليها فتحت الباب وقلت لها بقلة حيله
:-ما عارفه اسكر السحاب
ابتسمت ومدت يدها وسكرته بعدين مسكتني من كتوفي وخلتني اواجها
ارتسمت على وجهها نظره غريبه ابتعدت خطوتين على ورى وقالت
:- ما شاء الله تهبلين ...عندها حق سعاد ما تخلي ساره تشوفك إلا حتى هم بيندهشون (رفعت راسها وحطت عيونها في عيوني) صراحه صراحه
بعد ما لبستي صرتي شي ثاني (ابتسمت) صرتي احلى
رديت لها الابتسامه ندى غريبه ساعات احسها تكرهني وتحقد علي وساعات احس فيها حنيه غريبه تجاهي ...رفعت راسي ووجهي احمر من الحيا ما اتحمل احد يمدحني سألتها:- من ساره؟...من جيت وانا اسمع اسمها
ردت ندى وهي تفتش على شي :- وين جزمتك لبستيها ؟؟(ومسكت يدي وجلستني على الكنب وقعدت قبالي عقب ما رفعت فستاني علشان اوريها الجزمه)ساره هذي تصير بنت عمتي ام ماجد صديقه وداد والعنود و....(ترددت كأنها تشاور نفسها بعدين قالت) اخوها ماجد متكلم على وداد يبي يخطبها...بس هذي هي ساره
وقفت وقالت:- بنزل تحت بسلم على الجماعه و بشوف الترتيبات وبرجع لك
هزيت راسي وابتسمت طلعت ندى وظليت قاعده بروحي بس هالمره ما في شي يشغلني عن التفكير ااااااااااه يا ربي خايفه والله خايفه من حياتي الجايه و من خالد و اخذت نفس علشان لا اصيح غمضت عيوني وحاولت افكر في اشياء ايجابيه فقلت في نفسي انا
بكون وسط اهلي صحيح بعيد عن جدي بس قريب من ابوي اخواني خواتي (وبعدت عن تفكيري ام طلال يعني اذا امي ماتتقبلني اكيد زوجة ابوي ما بتحبني رغم ان تصرفاتها ما تدل على هالشي) وانا جذي فتحت عيني على ضحكت ندى :-هههههههه نمتي ؟؟اصحي ترى عقب شوي بيجيبون الدفتر توقعي عليه
فتحت عيوني على وسعها وفتحت فمي وتحولت ابتسامتي الى ذهول:-ليش هم لحقوا يملكون؟؟؟
ضحكت ندى على شكلي وقالت :-هههههههه شكلك تحفه(مسكتضحكتها وكملت بجديه) نسيت طلال يقول نزلي عند باب المجلس الشيخ يبي يسمع موافقتك
مسكت يدي ووقفتني وانا بعدني ما استوعب الموقف وكل الي قلته:-هاا
ابتسمت ندى :- ذكرتيني بيوم ملكتي (مسكتني من يدي وكملت )يلا ترى ما في وقت للسوالف ترى فشيله نتأخر على الشيخ
سحبت يدي من يدها وقلت وانا ااشر على فستاني :- انزل للشيخ جذي؟؟
فستاني كان طويل لونه تركواز قطعته حريريه ضيق من فوق ومن عند الحوض يتوسع... عند الصدر في حركة تكسيرات ومن تحت الصدر في كرستالات طبعا هو علاق وعلاقه من الكرستال بس المصيبه ظهر الفستان مفتوح على شكل مثلث وفيه اكسات من الكرستال
طالعتني ندى وهي ماسكه ضحكتها وقالت :-انتي بتكلمينه من ورى الباب
وشدتني من يدي ومشت واول ما وصلنا لباب الغرفه قلت لها:-ندى هاتي شالي استحي طلال يشوفني جذي
طبعا ندى ولا اهتمت لاعتراضي وقالت :-ما في داعي وثانيا هذا انا طلال بيشوفني اجل اروح البس عبايه لان فستاني قصير وعلاق
قلت لها بترجي وانا امشي وراها:-بس انا مو متعوده البس جذي غير ان ظهر الفستان عاري
بس ندى ما اهتمت ولا كاني اتكلم وظلت ماسكه يدي الى ان وصلنا عند المجلس تركت يدي ودقت الباب لحظتها حسيت اني ما عدت اقدر اوقف
فسندت جسمي على الجدار طلع طلال وشاقه وجهه الابتسامه تكلم
بس ما سمعت وش يقول وما انتبهت الا ندى تهمس في اذني وهي تدفني
:- ردي على الشيخ يكلمك ؟
طالعت ندى وكاني صحيت من حلم وقبل ما ارد عاد الشيخ سؤاله
:- انتي علياء بنت يوسف بن سلمان ال... ؟
حلقي جف فرديت عليه بصوت مبحوح:-نعم
سأل الشيخ :-يا بنتي خالد بن مشعل بن سلمان ال... يبي يتزوجك موافقه ولا لا ؟
هني حسيت ان صوتي ضاع مني وان جسمي ضعيف وكان سخونه صابتني كرر الشيخ سؤاله وهالمره قدرت ارد:- ايه موافقه
تكلم الشيخ بس ما سمعته وش يقول وما وعيت إلا وندى ماسكتني تبي ترجعني الغرفه
خـــــــــــــــالـــــــــــــد
قضيت يومي بعيد عن الكل بحجة ان عندي مشاوير اسويها قبل الملكه
بس الحقيقه اني كنت ابي افكر على راحتي بعيد عن الجميع افكر شلون اتخلص منها انا ما ابي اربط مصيري بمصير وحده تحب واحد وتكلمه بعد!!... يمكن يكون طلال صدق انها تكلم امها بس انا لا ...شلون اتزوج وحده كانت تفكر انها تهرب علشان واحد تحبه...انا لازم اشوف لي حل
سحبت نفس قوي وسندت راس على الكرسي اااااااه المشكله اني بين المطرقه والسندان محصور بزاويه ...ما ابيها لكن ما اقدر ارفضها
...الصداع بيفجر راسي مديت يدي على درج السياره علشان اخذ لي حبة بندول وشفت هناك مفاتيح سيارتها مسكتها وجلست اتأمل شكل التعليقه جزمة رياضه سماويه ما ادري ليش احتفظت فيها وما رديتها
مسكتها في يدي وضغطت عليها بقوه ما اقدر اتراجع عن خطبتك
...ما اقدر اخذل ابوي وانزل راسه الارض ما اقدر اذل عمي واذبحه برفضي لبنته في هالوقت ...فتحت يدي ورجعت اتأمل التعليقه وكلمت نفسي بصوت عالي
:- والله ما اخليكي تفرحين برفضي (رجعت ضغطت على التعلقه) ماني خالد اذا ما ربيتك من جديد (اعجبتني الفكره ابتسمت)وبنشوف يابنت عمي (جا على بالي طلال غمضت عيني وتنهدت وقلت وكأني اكلمه)
علشان اقدر احافظ عليها لازم اشد عليها وما اخلي لها الحبل على الغارب تكلم ذا وتحب ذا
على اذان المغرب كنت في الاستراحه صليت وتوني بجهز نفسي إلا والشباب كلهم عندي مزح وغشمره طبعا مسكوني تعليقات واول ما دافع عبد العزيز عني التفتوا له وهات يا تعلقات وضحك بس تلفون من ابوي قطع عليهم وقاموا يجهزون انفسهم ويشوفون ترتيبات الملكه
وعقب صلاة العشا دخلت عند الرجال جلست وعن يميني ابوي وعمي وطلال جلس عن يساري ما قدرنا نتكلم من زحمة الناس اللي تسلم
وكلها دقايق ووصل الشيخ وطلب انه يسمع موافقة البنت بنفسه فراح معه طلال لحظتها التفت لتركي وقلت له
:-علامك ؟
ردعلي وعلى وجهه ابتسامه مزيفه :-ولا شي ما فيني الا العافيه
حطيت يدي على كتفه وقلت:- تركي انا عارفك زين وجهك يقول ان في
شي مضايقك
ابتسم على جنب وقال:- ولا يهمك يا خوك اليوم انسى كل شي وخليك في فرحتك
بابتسامه زائفه قلت له :- انسى كل شي ولا انسي اخوي ترى انت من رديت من برى وانت حالك غييييير (قلت ابيه يضحك ) ليكون سليطين
على حق يوم انه قال انك تحب وحده بريطانيه ومنت قادر على فراقها
ضحك وادري انها من ورى قلبه وقال بوعيد:- افاااااا يا خالد تصدق على اخوك ...وسليطين دواه عندي اللحين اروح له
قام تركي وشوي بس ورجع طلال مع الشيخ جلسوا جنبي ملك الشيخ وعطاني عقد الزواج اوقع عليه مسكت القلم بقوه لاني حسيت انه بيفلت من يدي ضاق نفسي وارتفعت حرارتي حسيت اني اوقع على موتي بس ... اذا ما وقعت بحكم على نفسي واهلي بالذل والمهانه حاولت استرخي وما اشد على اعصابي ووقعت ...لاحظ طلال ارتباكي فهمس باذني
:- لهدرجه العزوبيه غاليه (غمز بعينه)ترى دفعنا لك فيها دره ما لها ثمن (ابتسم بمكر وواصل ) باخذ الدفتر علشان القي نظره ثانيه على العروس
وقبل ما ياخذ طلال الدفتر قال له عمي:-طلال روح مع اولاد عمك علشان تشوفون وش صار على العشا
اعترض طلال :- بس يبه انا باخذ الدفتر للعروس توقع عليه
اشر عمي على فيصل وقال :- هذا اخوك بيوديه (وكمل يخرس أي اعتراض)المكان كله حريم واذا رحت انت بتتأخر على ما ياخذون لك طريق لكن فيصل غير
هنا قلت لطلال بابتسامة تشفي :- روح القي نظره على العشا (وكملت علشان اقهره)وانا بكلم العنود عندي سالفه معها
تظايق طلال وناظرني بنص عين:- بيجي اليوم اللي اخليك تشوفها بمواعيد
طلع طلال واستأذنت من ابوي اني بكلم في التلفون طلعت بعدت شوي
عن الازعاج ودقيت على العنود
علـــــــــيــــــــاء
للمره الثالثه قامت ندى علشان تطل على فارس قلت لها قبل ما تطلع
:- بدل ما تروحين وتجين عليه هاتيه ينام هني
ردت ندى وهي تسمع الدق على الباب:-اللحين غرفتك بتمتلي من البنات وازعاجهم فلو جبته هنا بيصحى(فتحت الباب ودخلت سعاد ونجود اشرت عليهم ندى وقالت) نعم وش تبون؟ مو العروس لازم محد يشوفها!!
قالت سعاد وهي تأشر على نفسها بغرور:- بس حنا مو أي احد(ابتسمت وكملت وهي ترقص لي حواجبها)نبي نشوف العروس وهي توقع
قالت ندى لسعاد :-اذا تبين تجلسين هنا اول طلي على فارس صحى
ولا لسى
بوزت سعاد وراحت اما نجود وقفت قبالي و قالت :-واو بتجننين اخوي اذا شافك كذا(عضت على شفتهاوغمزت بعيونها)
والله انك روووووعه خاطري اشوف ردة فعل بعض الناس
احس ان وجهي احمر بس استغربت من كلامها وسألت :- من بعض الناس؟
وقبل ما تنطق نجود قالت ندى :-ما عليك منها (ناظرت نجود ) طلال بيجيب الدفتر علشان توقع عليه علياء فإذا ما عندك جلال او عبايه هنا
توكلي على الله وروحي من هنا
دخلت سعاد فقالت لها نجود وهي تتصنع البكى :- سعوده شفتي اختك تطردني
سعاد هجمت على ندى :- لا يا عيوني كل شي ولا نجود ليش تطردينها؟
ندى ولا اهتمت :-انتي بعد الله معاكي نزلوا تحت جهزوا الشريط حق زفت العروس إلا اذا تبونها تنزل كذا سكيتي
نزلوا البنات وعقب شوي دق الباب ودخل فيصل وبيده دفتر الزواج
سلم واول ما رفع راسه وشافني صفروقال:-الله الله وش هالزين
والله انك شي
ابتسمت بخجل ورديت عليه:-مشكور رفعت من روحي المعنويه
التفت لندى وقال لها:-ندوش عادي خالد يشوفها كذا ما يصير له شي؟
ولع وجهي ودق قلبي بقوه من سمعت اسمه اما ندى ضحكت وقالت لفيصل:-والله انت اللي صار لك شي (اخذت الدفتر من يده ) نسيت انك جاي علشان هذا
اخذ الدفتر منها فتحه عطاني القلم واشر على الورقه وقال :-وقعي هنا
حسيت برجفه في كل جسمي جف حلقي وحسيت بطنين باذوني وغشاوه على عيني ما كنت اشوف الورقه والقلم يهتز في يدي ما حسيت الا ندى قاعده جنبي وماسكه كتوفي وتناديني بهمس :- علياء ... علياء (انتبهت لها والتفتت للخوف اللي في عيوني) اخذي نفس وسمي بالرحمن التوتر شي طبيعي حتى انا عانيت منه يوم ملكتي وزواجي
ابتسمت لي وحطت القلم في يدي سميت بالرحمن ووقعت اخذ فيصل الدفتر وباس راسي وقال :-واخيرا وقعتي مبروووووك (راح طيران للباب ) بروح قبل ما ابوي يزفني على التأخير
وقفت ندى وقالت :- مبروك وعقبال الزواج(تنهدت ) بروح اشوف فارس اكيد صحى وبنادي وداد والعنود علشان ينزلون معك تحت
طلعت ندى ولحظات بس وتدخل وحده كانت لابسه فستان احمرعلاق قصير لعند الركبه مكسر طبقات وعند الصدر مشغول بذهبي
شعرها اسود فاحم فيه خصلات ثلجيه رافعته على فوق عيونها واسعه
وبشرتها خمريه ناعمه كانت فعلا جميله تسألت من تكون معقوله تكون ساره!!
انتبهت انها قاعده تتأملني مثل ما تأملتها وكأن فيني شي ما عجبها
طالعتني باستعلاء وقالت:-انتي علياء ؟
ما عجبني اسلوبها فما رديت لكنها كملت:- وقعتي خلاص؟ (اندهشت وش هالسؤال وقبل ما اقول أي كلمه واصلت) على العموم انا جيت علشان اوصيكي عليه تحملي فيه حطيه بيعونك وقلبك خليه ينساني
ما فهمت شي او ما حبيت افهم شي لكن سألتها:-انتي من؟ ومن هذا اللي اخليه ينساش؟
انمسحت من على وجهها علامات الحزن والمسكنه وقالت بغرور:- انا ساره اللي قلب خالد ينبض باسمي وروحه مربوطه بروحي...
حسيت مثل الضربه على راسي ما صدقت اللي اسمعه يحبها؟؟!!
طيب ليش يتزوجني ؟ ليش يذبح روحه ويتزوجني؟ معقوله يكون مجبور...لا ما اصدق صاحب العيون الجليديه ينجبر على شي!!!!!
طالعتها وقلت لها وكبرياء الانثى هو اللي يسيرني:- شوفي اللي فهمته
انش تحبين زوجي موالعكس(ما ادري شلون طلعت مني كلمة زوجي)
ولا تخافين خالد بعيوني
قالت بغضب وقهر :- الظاهر ان فهمك على قدك انا خالد هو اللي يحبني ويتمناني واذا منتي مصدقتني اسألي العنود ووداد(وطالعتني بغرور )
اصلا هو كان خاطبني ولو ما رديته ما خطبك
جرحني كلامها اذاني اصابني فمقتل مهما يكون انا عروس بيوم ملكتها
عرفت ان زوج المستقبل اللي المفروض تكون كل دنيته ما يحبها ولا راح يحبها لان قلبه اهداه وحده ثانيه ورغم احساسي باالانكسار
رديت وانا امثل دور الواثقه رغم اني من الداخل انزف:-
اسمعيني زين يا بنت الناس مو انا اللي اسأل الناس عن زوجي
يحب ولا ما يحب وما اظنه خطبش الا لانش بنت عمته (ابتسمت بسخريه )هذا اذا خطبش لاني ما اصدق انش ترفضين
واحد تحبينه لدرجة انش تهدرين كرامتش و توصين زوجته عليه
كلام قلته علشان اطعنها مثل ما طعنتني وانقذ بقايا كبريائي وكرامتي
اللي نثرها كلامها مثل ذرات الغبار والظاهر اني اصبتها في الصميم
لانها طلعت وسكرت الباب بقوه من غير ما تقول ولا كلمه
ســـــــــــــــــــاره
استغليت فرصة ان البنات مشغولات بالترتيب لزفة العروس
وتضييف الناس وتوني برقى فوق لقيت فيصل يسأل وين العروس رحت وصلته لغرفتها اللي عرفتها من كلامي مع العنود استنيته لمن طلع ومن بعده
ندى... تيقنت انها لحالها... دخلت عليها تأملتها كانت جميله بشكل خلاني انحبط هذا نقطه كان من الممكن تكون في صالحي وراحت علي...
كنت بانفجر فيها من القهر لانها السبب في ان خالد يلغي خطبته
تقدمت منها ومثلت دور الحزينه المسكينه المحبه وقلت لها
:- وقعتي خلاص؟على العموم انا جيت علشان اوصيكي عليه تحملي فيه حطيه بيعونك وقلبك خليه ينساني
سالتني من اكون وكانت هذي فرصتي الي انتظرها فقلت لها بكل ثقه
:- انا ساره اللي قلب خالد ينبض باسمي وروحه مربوطه بروحي...
كان قصدي ازرع الشك في عقلها واخرب عليهم من اولها لكنها قهرتني
لمن فسرت كلامي على اني انا اللي احبه
فقلت علشان احسسها بغلطها وأأكد على ان خالد يحبني ويبيني
:- الظاهر ان فهمك على قدك انا خالد هو اللي يحبني ويتمناني واذا منتي مصدقتني اسألي العنود ووداد(صحيح انهم ما قالوا انه قال في يوم انه يحبني بس كان يهتم في اخباري ولمحوا انه كان ناوي يخطبني كملت )
اصلا هو كان خاطبني ولو ما رديته ما خطبك
كذبت هو ما خطبني رسمي ولا انا حلمت في يوم اني ارده رغم تشدده بس كان لازم اقول كذا علشان اهز ثقتها بنفسها واعرفها ان خالد ما فكر فيها إلا لاني رفضته لكن ردها اثار غضبي واللي قهرني انها ولا تأثرت بالعكس كانت واثقه من نفسها وفوق هذا اهانتني طلعت وسكرت الباب بقوه عل وعسى افرغ شي من اللي في صدري
:-ساره ؟!! وش جابك هنا
رديت على وداد اللي صدمني ظهورها قدامي :-ابدا جيت ادور ندى من جيت ما شفتها غيرمره
ردت وداد وكانها مو مقتنعه بكلامي :-ندى كانت طول الوقت مشغوله بعلياء وفارس
جاوبت باستنكار :-علياء ؟!!! غريبه ما توقعت ندى تهتم فيها
ردت وداد وكأن كلامي ما عجبها:- ليش ما تهتم فيها؟...علياء مهما يكون اختنا فمن الطبيعي اننا نهتم فيها
ناظرت العنود اللي وقفت جنب وداد وقلت :- ادري انها اختكم بس قلت انكم راح تاخذون وقت الى ان تتعودون عليها ...بس الظاهر انها قدرت تستولي على اهتمامكم مثل ما استولت على اشياء ثانيه مو من حقها
ردت وداد بحده :-وش تقصدين ؟ وش اللي استولت عليه ومو من حقها؟
العنود تدخلت مسكت كتف وداد وقالت لها:-ساره ما تقصد شي بس استغربت من سرعة تأقلمكم معاها وما عبرت صح (ناظرتني بلوم
وقالت) ياساره هذي اختهم وش بيقولون الناس لو ما اهتموا فيها
العنود كانت تبي تهدء الوضع بس انا كنت مقهوره وابي افرغ حرتي في أي شي ومن غير ما افكر او احسب حساب لكلامي قلت للعنود:-
إلا اقصد ما تشوفين شلون ردت علي وهذا ما كملت معاهم اسبوع (التفتت لوداد وقلت وانا ااشر على نفسي) انا يا وداد تكلميني بهالطريقه علشان بنت نجاة تراها مثل امها جت هنا علشان تاخذ خالد مني
وداد ما تحملت مني ونفظت يد العنود من على كتفها وتقربت مني وقالت وعينها بعيني:- اولا اسمها علياء بنت يوسف ثانيا من متى خالد لك علشان تاخذه منك ؟ اصحي يا ماما ما في شي اسمه خالد ساره لانه صارخالد علياء... وقبل ما تشوفين شلون اكلمك شوفي انتي شلون صرتين تكلمينا
اربكتني وداد ورديت ادافع عن نفسي:- انا مثل ما انا اكلمكم عادي
وبالنسبه لخالد انتو تعرفون انه كان يبي يخطبني و........
هالمره قاطعتني العنود :- هذا انتي قلتيها كان يبي لكنه غير رايه وخطب بنت عمه(ناظرتني بنظره غريبه وكملت)وصار من حقها خلاص ... (سكتت شوي) ترى وداد على حق انتي تغيرتي كثير يا ساره ما عدتي مثل اول.....
ما نطرت ردي مسكت وداد وقالت لها :- خلينا نروح لزوجة اخوي
دخلوا ثنتينهم الغرفه وتركوني في الممر لحالي ناظرت مكان العنود وداد الخالي صدموني صحيح اني بالفتره الاخيره انشغلت وما عدنا قراب من بعض مثل اول ...بس مو لدرجة انهم ينصرون وحده مثل علياء علي
نزلت تحت وقعدت جنب امي وانا افكر ...العنود ويمكن قالت هالكلام
لاني كنت المح لها ان خالد مو ستايلي واني علشان اقبله لازم يفك شوي ويصير فري مو كل شي لا تسوين وما يجوز وما يصير...لكن وداد
صار لها مده متغيره علي واللحين جايه تفضل بنت نجاة علي لكن ما عليه يا وداد (قلتها بوعيد)ما بعديها لك ...وبتشوفون ان خالد طول عمره وبيظل خالد ساره ...انتبهت على صوت امي تناديني
:- وش فيك وجهك متغير؟ و وين رحتي كل هالمده ؟
ابتسمت لامي :- ابد سلامتك ما فيني شي ...بس رحت اشوف بنت نجاة
امي فتحت عيونها على وسعها :- رحتي لها؟!!(ارتسمت نظرات الحنان على وجهها) ليش يا بنتي؟ وبعدين لا تقولين هنا بنت نجاة يمكن وحده من اهلها تسمعك غير ان خالك اذا درى بيزعل عليك
لويت فمي على صوب :- ما يهموني اهلها في شي... بس ان شاء الله علشان خوالي بس ما بقول بنت نجاة
تغير مزاج امي وقالت :- شوفي شلون نوال ولطيفه (تأشر على ام طلال وام خالد) يتحفون فيهم ... اللي يشوفهم يقول انهم مناسبين شيوخ مو عيال فقر
رديت على امي :-ولا تهتمين بعدين بيندمون اذا سوت فيهم مثل ما سوت امها
عجبها كلامي وقالت :-اي والله بكره يندمون
شوي بس إلا شريط الزفه يشتغل ...والكل وجه انظاره للباب يترقب دخول علياء
خـــــــــــالــــــــــــــد
على عكس أي عريس كنت متمني ان المبارك ما يخلص وابي اجلس مع الشباب لنهاية السهرة وما اطلع من عندهم إلا الى فراشي...بس مثل أي عريس العروس شاغله تفكيري...طبعا أي عريس يفكر شلون هي عروسته ويمني نفسه باحلى الامنيات ...لكن انا لا انا عارف شلون راح تكون علاقتي معاها واللي شاغلني شلون اوضح لها حدود علاقتنا و....
قطع حبل افكاري صوت تركي يقول لي :- خالد وين رحت ؟
رد عليه طلال :- يعني وين ...اكيد عند العروس (غمز لتركي )بس تدري ما يلوق له السرحان والهيام علشان كذا ماله داعي يشوف العروس
ياريت ما اشوفها لكن رديت على طلال بحده:- بشوفها وماني مستني اذنك
ضحكوا ناظرتهم بمعنى اهجدوا فقال لي تركي :-خلاص يابو الشباب ولا تزعل اللحين تشوفها (والتفتت لطلال وعلى وجهه ابتسامه واسعه ) قوم خذ له طريق ...الله لا يبلانا اذا خالد كذا اجل انت وش بتسوي
قام طلال وقال باستهبال:-انا بس يخلص الشيخ من كتب الكتاب بروح عندها لا تحلمون اجلس معكم
وقفت طلال وقلت له :-عاد انا ما ابي ادخل على الحريم يا ريت تكون في مكان لحالها (وعلشان اقطع سلسله التعليقات اللي بتنزل على مثل المطر كملت )علشان جدها يقدر يسلم عليها
هز طلال راسه وقال :- عندك حق بدق على ندى علشان يدخلوها المجلس(واتجه ناحيه ابوي وعمي وخبرهم بالسالفه وطلع وهو ماسك جواله في يده )
دخلنا المجلس انا وابوي وعمي وجدها واخوانها طلال وفيصل تقدمت ناحيتها كنت اناظر الارض ما ابي اشوفها ....باقي يمكن خطوتين واوصل لها...شميت ريحت عطرها وانحبست انفاسي ريحه ناعمه حلوه بس قويه اجبرتني ارفع راسي لها صدمني انها ما كانت تناظرني لا ...كانت تناظر اللي وراي... ولفت نظري انها لابسه جلال اخضر مطرز بخيوط ذهبيه على كبره...سحبت نفس وشديت على نفسي قربت اكثر ...مسكت يدها اجبرتها بهالحركه تناظرني ...كان في شي بعيونها بس الوقت ما سمح لي افسر وش هو كتمت النفس ما ابي اشم ريحتها غمضت عيوني وبست جبينها بعدها زفرت نفسي بقوه وقلت لها كلمه يتيمه :-مبروك
في هاللحظه تقرب عمي منها حضنها وباس راسها رفعت راسها له ابتسم لها وحضن وجهها بين كفوفه وقال لها:-مبروك يا بنيتي ...اللحين بس حسيت انك رديتي لحضني وان كانت فتره وتطلعين من بيتي بس
قاطعه ابوي وهو يمسك يدها ويشد عليها يناظرها وكلامه موجه لعمي وهي المقصوده فيه:- تطمن ترى علياء بنتي وفي عيوني وما بتطلع من بيتك إلا الى بيت ابوها
باس ابوي راسها وبارك لها ابتسمت له ورفعت عيونها للي وراهم لجدها ...قرب منها ومد يده لها وبدل ما تصافحه رمت نفسها في حضنه
ضمها بقوه باس راسها وقال لي:- ترى بنيتي امانه برقبتك... اكرمها ولا تزعلها... وان ابكيت عينها بحزن في يوم بكون انا خصمك وما بيشفع لك عندي لا ابوك ولا عمك (رفع راسها عن صدره وقال لها بابتسامه )لا تبجين وانا ابوش
قالت له وهي تمسك دموعها لا تنزل اكثر :- لا تخليني يبه خذني وياك
ضحك جدها ومسكها من كتوفها وقال وهو يأشر علي :- وتتركين هالوجه علشان تقابلين هالشيبات؟!!!!
وقبل ما ترد قلت له :- تكرم هالشيبات ...وبنت عمي بحطها في عيوني وبغمض عليها
ابتسم لي وبارك لي هو وابوي وعمي وطلعوا تقدم فيصل وبارك لها ومسك يدها وقال لي :- خالد لا تعرس بسرعه ترى نبيها معنا شوي في البيت
ضحك طلال بصوت عالي وقال لي وهو يرفع حاجب :-والله معاه حق اخوي مثلك مثل غيرك ما في زواج قبل ما تخلص دراسه
مسكتها من كتوفها وقربتها لصدري وانا احس برجفتها وقلت علشان اقهر طلال :-ولو بعد احسن من غيري (غمزت له ) على الاقل انا تملكت وغيري يتمنى
طلال اخذها من يدي وقال :- اترك اختي حسبي الله عليك.... اللي تسويه ممنوع ما تشوف وجهها شلون صار احمر
ضحكت على طلال وناظرتها كان الحيا كاسنها من ساسها لراسها وعاطنها حلى فوق حلاها وقلت له :-اختك هذي تصير زوجتي (اسطنعت الجديه وكملت ) اذا ما تركتونا انت واخوك لحالنا ب...
ما كملت جملتي ودق جوالي شفت المتصل العنود ابتسمت بمكر ورديت وانا اناظر طلال :-هلا وغلا بالعنود كل الغلا
ردت العنود :-علينا هالكلام انا كل الغلا ولا العروس
ضحكت على طلال اللي تنح من سمع اسم العنود وقالت العنود
:-ايه اضحك علي على بالك هالحركات تمشي علي ...المهم نبي ندخل نبارك لك
رديت عليها باهتمام :-من اللي بيدخل ؟
عددت العنود :-انا ونجود وامي وخالتي ام طلال وعمتي ام ماجد وخوات العروس وساره
ما ادري ليش ضايقني ان ساره تدخل وتبارك لي فقلت لها:- انا كذا ما رحت مكان ...اقول لك ما بدخل على حريم تقومي تدخلينهم كلهم علي
-
رد: رواية أطياف الغرام / الكاتبة : معاميريا ; كاملة
ضحكت العنود بربكه وقالت :-بس هذولا مو كلهم لسى اهلها من البحرين وبعض معارفنا وجيرانا القراب وترى كلها دقايق وبنطلع
قلت لها وانا لاوي فمي على جنب :- طيب لكن على شرط بس محارمي اللي يدخلون
قالت العنود ومبين على صوتها الارتباك :-الصراحه استحي اقول لخواتها لا تدخلون وساره مقدور عليها بس اخاف عمتي تزعل
ما كنت حاب اطول غير ان الوقت مو وقت نقاش فقلت باصرار:-
بس المحارم.... يلا كلها دقيقتين وتعالوا
سكرت السماعه وقلت لطلال :- يلا يا ابو الشباب اتركني مع حرمتي لحالي غير ان الحريم بيجون اللحين
ابتسم طلال وقال :-مردك لي (وغمز لي ) اما لحالك هذي دام فيها حريم فردد يا ليل ما اطولك
طلع طلال مع فيصل والتفت لعلياء واشرت عليها تجلس وجلست جنبها كان الكنب لشخصين بس من النوع الصغير ورغم انها جلست في اقصى الكنبه الا انها كانت قريبه حيل مني حسيت بتوترها فقلت لها من غير ما اناظرها :-اهدي يا بنت الحلال اللحين يجون الحريم ويقولون اني مسوي لك شي
رفعت راسها ناظرتني واول ما التفت لها نزلت راسها وقبل ما تقول أي كلمه سمعت دق على الباب وقفت بتروح للباب لكني مسكتها من يدها حاولت تسحب يدها لكني شددت من قبضتي وقلت لها:-اجلسي هذولا
اهلي واهلك يبون يباركون لنا
حسيت انها ما استوعبتني علشان كذا شديتها وجلستها جنبي ما يفصل بينا أي مسافه وحسيت برجفتها ولا اراديا مسكت يدها احاول اهدئ من رجفتها وانا ارفع صوتي واقول:- تفضلوا حياكم
دخلت الوالده وتقريبا كانت تركض بتجاهي ضمتني باست خدي وقالت والدموع مغرقه وجهها :- مبروك يا بعد عمري
وقفت لها وان لا زلت ماسك يد علياء وقفتها معاي مسكت يد امي بستها وبست راسها وقلت لها :-عسى عمرك طويل يا يمه ...عسى الله يخليك لنا تاج على روسنا
حطت يدها على خدي وقالت من بين دموعها:-الله يعطيني من العمر اللي افرح فيك وفي اخوانك واشوف عيالكم حولي (تركتني وسلمت على علياء باست خدودها وقالت لها) مبروك يا بنيتي ومن اللحين اوصيك على ولدي تراه زوجك راعيه وطيعيه وتحمليه
ابتسمت علياء باست راس امي وقالت بصوت واطي:-الله يبارك فيش..ان شاء الله ياخالتي من عيوني
قلت للوالده :-ايه كذا احد يوصيها علي من الصبح والكل يوصيني عليها وناسيني
ضحكوا الجماعه وردت نجود:-خلاص ولا يهمك كلنا بنوصيها عليك ترى يا علياء كل شي ولا خالد هذا عند امي وابوي في كفه والباقي في كفه
(قربت مني وكملت )غير انه اغلى ناسي ...
قربت مني علشان تلمني لميتها ومسحت على راسها وقلت لها
:-الناس كلها في كفه وانتي من بعد امي وابوي في كفه
ابتسمت وقالت :- مو هذا اللي مصبرني على التفرقه (وناظرت امي وهي تبتسم ببرائه طبعا امي طنشتها واتجهت نجود لعلياء ضمتها وقالت )
مبروك ....ما اوصيك خلي لي شوي من قلبه مو تاخذينه كله
احمرت علياء وقالت بهمس:-هذا اذا قلبه مو مملوك لحد
لفتت انتباهي عبارتها اللي حتى نجود ما سمعتها استغربت كلماتها حسيت انها مو جايه من فراغ وقبل ما احط في بالي أي احتمالات انشغلت بالعنود اللي باركت لي وقالت بعتب :-
الله لنا نجود في كفه والناس كلها في كفه ...وانا وين رحت
لميتها في حضني وقلت في اذونها :- انتي في من يعزك اكثر من الناس كلها انتي ناس وقلب وروح طلال ...شفتي ان نجود معزتها اقل
دفتني ووجها احمر وهمست للعنود :-زوجك قليل ادب (رفعت صوتها وقالت ) لا تغرك شدته ترى على قد ما هو جبل في الشدايد على قد ما هو حنون وكريم في مشاعره مثل ما هو كريم بماله ...وبامكانك تملكينه
قالتها وكانها تقصد شي حسيتها تلمح لي واللي اثار دهشتي علياء بردها لانها قالت:- ما انكر ان خالد رجال ينشد فيه الظهر ومثل ما قلتي واكثر
بس ما اظن ان اخوش يخلي احد يملكه وإن اسكنه قلبه
اكيد بنت العم وراها شي شكلها مو خاليه ولازم اعرفه انتبهت على صوت خالتي ام طلال تبارك لي وتقول
:-مبروك يا ولدي ... ومثل ما امك وصت علياء عليك ...انا اوصيك عليها تحمل فيها ...وانت تعرف معزتك عندي ولو ما هي من بناتي كنت بوصيها عليك
ابتسمت طول عمرها ام طلال صاحبة واجب وحنونه حيل وما حنان طلال الا نقطه في بحر حنية امه وهشاشة مشاعرها يمكن يكون كلامها اثر في
الكل بس في شخصين كان تأثرهم اكبر من غيرهم وكل واحد منهم كان رد فعله مختلف عن الثاني الاول علياء اللي وجهها احمر وعيونها امتلت دموع عضت على شفايفها وتقدمت من ام طلال باست راسها ويدها وقبل ما تقول أي كلمه مسحت ام طلال دمعتها وقالت لها
:- مو وقت البكى لا يخرب مكياجك
هنا قالت عمتي ام ماجد :-عاد اللي يسمعك يام طلال يقول البنت يتيمه ما عندها ام ... واظنها مثل امها ما يحتاج توصين عليها الا لازم نوصيها على خالد
الكل اندهش واستنكر رد عمتي واول من تكلم هو امي :-والله يا ام ماجد اذا جيتين للحق المفروض كلنا نوصيه على بنت عمه (احس امي شددت على كلمة بنت عمه) بس وش تقولين في قلب الام
لوت عمتي ام ماجد بوزها وقالت من دون نفس:- ايه عندك حق (ومدت يدها لي وصافحتني ) مبروك يا خالد واتمنى انك ما تركت الذهب لاجل التراب
سمعت شهقة كانت صادره من وحده من الحريم اللي متغطيات بس ما ميزتها من تكون... لكنها شهقه هزتني من الداخل يمكن يكون كلام عمتي هو اللي احس فيه بس انه ينقال بهالطريقه البشعه وقدام الكل لا
... شهقه نبهتني لان علياء تسمع اللي ينقال وما ادري ليش نطت في راسي صورة جدها...واول تصرف خطر في بالي اني قربتها مني وحاوطت كتوفها وقلت لعمتي وما ادري شلون نطقت بهالكلمات
:- صادقه يا عمه... انا تركت عزوبيتي اللي بسعر الذهب ...علشان دره
...دره ثمينه ونادره ...وانتي ادرى ياعمه ان جواهر عمي بو طلال ما لها مثيل ولا بها شوايب ...والدليل انك تسعين تمتلكين وحده منهن
سمعت صوت سعاد المميز يقول :- صح لسانك يا ولد عمي والله ان كلامك هو الدرر ...وما يستاهل الدره الا اللي يحفظها ويصونها ويقدرها
وانا اشهد ان محد غيرك يستاهلها
راحت نجود لسعاد ضمتها وهي تقول :- والله صرنا نعرف نقول كلام كبير!!
العنــــــــــــــــــــود
كنت متوقعه ان اليوم بيكون الطابع المسيطر عليه التوتر بس ما توقعت اللي صار ... ساره اليوم مو على بعضها ... فضولها وسؤالها عن علياء ما توقعته وبعدين موقفها الغريب عند غرفة علياء اليوم ...ما توقعت ساره تقول هالكلام كانت تصرح ان خالد ملكها وكلامها يوحي انها ناقمه على علياء ...طبعا انا عارفه ان ساره كرامتها تنزف من سمعت خبر خطبة خالد لعلياء لكني توقعت انها ما توضح هالشي ...خاصه انها في الفتره الاخيره كانت دائما تقول عن خالد انه معقد وانها ما تبيه بس علشان ما تكسر قلبه بتقبله اذا غير من اطباعه...كلام كان يقهرني بالذات ان هذا الكلام او بالاصح اراء ساره ما تحولت لهذا الاتجاه الا بعد تعرفها على صاحباتها الجدد......وداد كانت الاكثر غرابه
انفعالها على ساره كان مبالغ فيه اللي يشوفها يقول ان علياء اختها اللي تربت معاه مو وحده توها تتعرف عليها من اسبوع
اذكر اننا عقب ما نزلنا علياء وانشغلت مع اهلها ووسط مبارك الحريم
اخذت وداد على جنب وقلت لها
:-وداد وش عندك على ساره؟ اكلتي البنت بقشورها
وداد ولا كان الموضوع هامها:- ليش ما سمعتي وش قالت ؟ هي اللي جابته لنفسها
سحبتها من يدها لعند المطبخ وقلت لها:-سمعتها بس البنت معذوره اللي تحبه خطب وحده غيرها ..وفوق هذا اعز صديقاتها(واشرت عليها وعلى نفسي ) بدل ما يخففون عنها جالسين يدارون العروس
وهنا ردت على وداد رد صعقني ما توقعته منها:- ليكون انتي مصدقه ان ساره تحب خالد (شافت شلون بطلت عيوني وكملت )هي كانت تحبه بس كان فعل ماضي ...والله نسيتي كلامها عنه (وقالت تقلد ساره ) صحيح ان خالد وسيم يهبل وشخصيه تشد بس معقد لا تروحون لا تسوون ما يصير ما يجوز وانا ما اتوزج واحد كذا ...اذا يبيني يغير من نفسه خله
كووووول(ورجعت للهجتها وتكلمت بجديه ) بذمتك مو تفكير تافه حتى سعاد ونجود ما يقولون هالكلام
حاولت ادور عذر لساره فقلت :-ادري بس بنت طول عمرها تعرف ان خالد لها وبلحظه يوقولون لها اخذ غيرك اكيد بتكون ردت فعلها قويه
يعني مثلا لو يقولون لي طلال خطب وحده غيري اتوقع اموت
ردت وداد وعينها في عيني:- بتموتين قهر ايه... بتبكين ايه لكن ما بتسعين للعروس والله اعلم وش تبين تقولين لها...وطبعا هذا لانك تحبين طلال بس ساره ماتحب خالد
اندهشت من تفكير وداد وقلت :-وداد لا تظنين ...وساره قالت انها كانت تدور على ندى ...ولا تخدعين نفسك انتي تعرفين ان ساره تحب خالد
ما اهتمت وداد وردت علي بجفاف :- انا ما اظن انا متيقنه والدليل نظرات ساره وعلياء لبعض...(مسكت اذنها وقالت )سمعيها مني يالعنود ساره ما تحبه ساره غرورها وانانيتها صورت لها ان خالد ملكها ولانها ما تحب احد ياخذ حاجتها تصرفت بهالطريقه
ما اقتنعت بكلام وداد او ما بغيت اقتنع وقلت لها :- وداد وش اللي بينك وبين ساره وانا ما اعرفه ؟؟
ولأول مره وداد ما تجاوبني تركتني ورجعت عند الحريم من غير ولا كلمه وهذا خلاني اشك اكثر ان في شي بين ساره و وداد
وكل هذا كوم وكلام عمتي كوم حتى ان وداد ما تحملته وشهقت بقوه
لكن تصرف خالد انقذ الموقف يا لبى قلبك يا خالد اللي يشوفك يقول انك تحب علياء ما يدرون انك ما تحب تجرح او تظلم احد
حسيت اننا طولنا مع العرسان علشان كذا رحت لجهت العروس وقلت لها :-يعني لمتى بتظلين لابسه الجلال ترى حنا اتفقنا انك تلبسينه بس قدام الشياب وخوانك بس قدام العريس لا
مديت يدي علشان اخذ الجلال بس علياء شدت عليه وقالت
:- لا خليه
تدخل خالد وقال :- وانا اقول يمكن هذي موضه ان العروس تلبس جلال مثل عرايس اول
ضحكت وقلت :-هذي عروسك تقول تستحي تدخلون عليها وهي من غير شي وزوجة خالها اقترحت انها تدخل بهالجلال
ابتسم خالد بمكر وقال :-هو صحيح الجلال حلو بس انا بعد ودي اشوف اللي ورى الجلال
هنا رفعت علياء راسها بحده وباين انها انصعقت ما قدرت امسك نفسي ضحكت وقلت لها :-وش فيك ترى من حقه يشوف الزين كله
واخذت لجلال منها وقالت ببرائه :-بس انا بردانه
في هالحظه تقربت ساره وقالت :- مبروك يا خالد
ساعتها التوتر ملى الجو ترقبت رده عليها عيوني ما نزلت من عليه
حسيته انصدم اول ما سمع صوتها التفت لها لفته بسيطه والو ما شاف انها متلثمه صد عنها وقال
:- الله يبارك فيك (والغريبه انه بدل ما يحاول يطول معها في الكلام ويسألها عن احوالها كعادته تجاهلها وقال لعلياء وهو يقلع بشته )
ولا يهمك اذا بردانه هذا بشتي يدفيكي
لبسها البشت ومن غير أي اعتراض من قبل علياء اللي شب وجهها من الحيا اما ساره فحتى ما باركت لعلياء وطلعت على طول من المجلس وامها قامت وراها وقبل ما يطلع الكل اخذت البشت من على علياء وقلت:- شلون بتلبسها الشبكه وهي لابسته؟
عطيته الطقم اللي شراها لها كانت زخرفته ناعمه مزين بكهرمان حوله فصوص الماس هادئ وحلو يدل على ذوق صاحبه الراقي قلعت علياء طقمها اللي كانت لابسته وقلت لخالد
:- ورينا شطارتك ولبس العروس شبكتها
ابتسم وقال :-والدبل ؟
ضربت على جبيني وقلت :-اوووه صح المفروض الدبل اول
لبسوا بعض الدبل وعقب لبسها خالد الطقم بمساعدتي وبعدها طلعنا وخليناهم لحالهم
خـــــــــــــالـــــــــــــد
واخيرا صرنا لحالنا بس المشكله ما ني عارف كيف ومن وين ابتدي جلست شبكت اصابعي بعضها حطيتها تحت ذقني لفيت لجهتها تأملتها
ابدا ملامحها ما توحي باللي تسويه ملامح هادئه ناعمه ناديتها
:-علياء...
رفعت راسها وردت بصوت واطي خجول:-سم
ابتسمت وقلت :- تدرين ان حجر الكهرمان يناسب لون عيونك
نزلت راسها خجلت وانصدمت من تعليقي لكني مديت يدي ورفعت راسها وقلت :-علياء في اشياء مهمه لازم نتفق عليها وقبل ما اقول أي شي عندي انا ابي اسمع منك
ما ادري ليش عرضت عليها هالعرض رغم اني تكلمت لهدف ثاني
لكنها ردت :-ما اظن ان عندي شي محدد اتكلم عنه غير دراستي يعني يهمني اني اكملها
قلت لها :-وانا ما بمنعك عن دراستك الا اذا تقصدين انك ما تبين زواج الا بعد الدراسه
سكتت ما ردت فواصلت :-موعد الزواج ما عندي فيه أي مشكله
بس انتي تعرفين ان هنا غير البحرين (انتظرت انها تعلق لكنها ردت هزت راسها علامه انها موافقتني ) يعني ما تقدري تسوقين ولازم تحطين في بالك روحه مع السواق لحالك ممنوع اقلها تكون معه زوجته
روحات السوق لحالك ممنوع وياريت يكون عندي علم باي مكان تروحينه
رفعت راسها وناظرتني بدهشه وقالت:- اولا انا ما تعودت اروح مكان بروحي وثانيا انا اخاف من السواقين ...(بلعت ريقها )لكن التقارير عن تحركاتي ليش ؟
رديت بكل هدوء:- انتي زوجتي ومن حقي ما تروحين مكان الا باذني
اخذت نفس وقالت :- انا ما انكر كلامك بس اسلوبك يوحي بشي ثاني
حسيتها عارفه ان في شي بداخلي ابي اقوله فقررت اني اكلمها مباشره
:- شوفي يا بنت عمي اللي يخليني اقول كذا هو مكالمتك في المطبخ
تذكرينها؟(ناظرتني وفي عيونها سؤال رديت عليه ) كنت موجود من بدايه المكالمه او بالاصح الجزء الاهم من المكالمه
نزلت راسها وقالت :-هذي كانت امي و........
قاطعتها وابتسمت بسخريه :-هه امك؟ امك تقول لك هربي ...يا بنت عمي خلينا واضحين ....(واصلت بانفعال )هالولد انسيه وما عاد تكلمينه انا هالمره سكت علشان ابوي وعمي واحترام لشيبات جدك بس مره ثانيه علشان نفس الاسباب ما يردني احد عن ذبحك
حطت يدها على حلقها واخذت نفس وكانها تستمد منه القوه وقالت :- وش تقول في ساره (وطالعتني بتحدي)بتنساها يا ولد عمي
صدمتني وجمدني الذهول لثواني توقعتها تدافع عن نفسها لكن ولا همها
:-علشان كذا قلتي لنجود اذا قلبي مو مملوك لحد؟
ردت بنفس الثبات ونظره التحدي :- ليش بتنكر انك تحبها ؟ ولا تحسب اني صدقت حركاتك قدام اهلك (غمضت عيونها وطالعتني بعيون حزينه ) رغم اني اشكرك على تمثيلك وردك على عمتي ام ماجد
قهرتني بتحديها لي واتهامها لي بالتمثيل انا تصرفي كان من دون تخطيط كان تصرف تلقائي لاعتبارات غير التمثيل وللاسف مشاعرها كان احد الاعتبارات اذا مو اهمها في ذيك اللحظه علشان جذي رديت عليها
:-ايه انا احب ساره بس للاسف ما عادت ساره لي خلاص فقدتها ... حبيتها رغم انعدام العلاقه بينا (ناظرتها وكاني ابي ازرع كلماتي في عقلها ) حبيتها لحياها وعفتها...
كلماتي اصابتها في الصميم والدليل دمعه يتيمه تمكنت منها وفرت من عيونها دمعه اثارت في داخلي نفس الشعور اللي خلاني اثور لكرامتها وارد على عمتي برد يرد لها اعتبارها فقلت
:- وساره اقدر انساها لاني مثل ما قلتي للعنود ما خلي حد يملكني وان اسكنته قلبي ...(اخذت نفس وسندت ظهري ) وبالنسبه للحركاتي هذي
شي ثاني لازم نتفق عليه...(ناظرتها ابي اتاكد انها تسمعني) ما ابي احد يحس اننا مو على توافق فاهمتني يا بنت عمي
سكتت وكانها تفكر في كلامي وبعدين ردت بسؤال يبعد كثير عن موضوعنا :- خالد ما دامك تحب ساره ليش تزوجتني وهذي فكرتك عني؟(وقبل ما ارد عليها واصلت ) وليش ما تبي احد يعرف عنا؟
ما حبيت ارد على اول سؤال رغم ان مسألة حبي لساره مختلفه عن الصوره اللي في راس علياء لكني رديت على سؤالها الثاني
:- ما ابي احد يعرف لعدة اسباب اولها هذي خصوصيات (وكملت وان عارف وش قصدها من ورى سؤالها ) ولا تتوقعين اني ابيهم يعرفون علشان انهي الزواج ....خلاص انتي زوجتي واي خلاف بينا يظل بينا
(سكت حسيت اني ثقلت عليها فقلت ) غير اني فعلا اشوف بنات عمي جواهر نادره وثمينه ما بها شوايب
ردت وهي تعصر جوالها :- لكنك تشوفني غير و........
ماخليتها تكمل وقلت :- اشوفك دره عليها غبره اذا نظفناها بيغشي العيون بريقها
فاجاتني بوقوفها وقالت :- مو لمن تمتلك الدره بالاول
وقفت قبالها وقلت وانا ااشر على صدري :- انتي زوجتي يا بنت عمي زوجتي فهمتي يا علياء
ما ردت علي لكني قلت لها :- نجي للمهم كلها يومين او اسبوع بالكثير اجيب لك بطاقه البنك بنزل في حسابك مهرك ومصروفك الشهري و.....
قاطعتني:- انا عندي حساب والمصروف ما له داعي انا......
هالمره انا قاطعتها:-كم مره اقول انك زوجتي وصرتي مسؤله مني
وحسابك في البحرين راح تلغينه وتحولين اللي فيه لحسابك الجديد
ودحين قبل ما اروح (اخذت كيسه كانت على جنب قريب من الكنبه فتحتها وطلعت جوال منها) هذا جوالك ورقمك الجديد خزنت فيه رقمي ورقم طلال وعمي وابوي وام طلال وامي وخواتي
طالعتني باستغراب وقالت:- بس انا عندي موبايل
اخذت جوالها من يدها ومديت عليها الجوال الجديد وقلت:- انسي هذا (وحطيته في جيبي)وهذا اللي راح تستخدمينه من يوم ورايح
مدت يدها وقالت :-هات موبايلي
رديت عليها بكل برود :-خلاص ما عدتي في حاجته
قالت برجى :-بس فيه ارقام ومسجات اشياء خاصه فيني
في هالحظه دق الباب ودخل طلال وقال:-هااا يا بو الشباب اشوفك نمت
يلا قدامي ...ترى عطيناك وجه زياده على اللزوم
ابتسمت في وجهه وقلت:-ما عليه بردها لك يا طلال
رفع يده بالدعاء وقال:- قريب ان شاء الله (وحط يده على كتفي )يلا مشينا؟
التفت لعلياء وقلت لها :- اذا احتجتين شي لا تترددين رقمي عندك (وحطيت يدي على جيبي وكملت) كلها يومين وارده
تغلب فضول طلال عليه وسأل :-وش اللي ترده
علياء سبقتني وقالت :- موبايلي (ناظرتني وكملت) خربان وخالد بياخذه علشان يصلحه
ضحك طلال وقال:-ما اخبرك بخيل يا خي بدل ما تشتري لها جوال جديد
تصلح القديم !!!!
ابتسمت وقلت :- من دون ما اعرف انه خربان جبت جوال جديد بس اختك متعلقه في القديم قلت اصلحه لها
مديت يدي لها صافحتها وما ادري ليش طولت على ما تركت يدها وقلت :-تصبحين على خير
ردت بهمس:- تلقى خير
وطلعت كملت السهره مع الشباب وكل واحد يعلق من صوب غير الاسئله الفضوليه وش قلت وش سويت كانهم حريم وطبعا كالمعتاد كانت اسئله ما لقت لها أي جواب
علــــــــــــــيـــــــــــاء
غريب هالخالد زرع في نفسي الف احساس واحساس في هالحظات البسيطه احس بالف شعور تجاهه ... احترمته خاصه بكلامه مع جدي ونظراته لابوه وابوي...حبيت بساطته وعفويته مع طلال ... حسيت بحنيته لمن ضم نجود لصدره...حسيت بغيرته وحميته لمن رد على عمتي من غير ما يقلل من احترامه لها.... عرفت شكثر يعز اهله وعيلته
وشكثر يحترم ابوي ويقدره من كلامه لانه حتى وهو يشكك فيني ويهيني
ما رضي يعيب على ابوي..... لكني كرهت فيه ظنونه ....حسيت ان كل المشاعر اللي اجتاحتني قبل انلغت في اللحظه اللي اتهمني فيها وبكل قسوه اني احب واحد وابي اهرب معاه...كرهته لمن اعترف بحبه لساره
وجا يفرض صيطرته علي باسم حقوقه....حسسني بالاسى على نفسي
لان نصيبي من مشاعره كان الشك ...حسيت بغصه وضعف لاني بداخلي تمنيت يكون نصيبي...احترام ...حنان...لكن ما عليه مو هو يحب ساره خليه لها يشبع فيها المغروره الحقوده
فجأة انتبهت لنفسي لا ما عجبتني الفكره ... اخلي ساره وبكل سهوله تشمت فيني لا والف لا ...ما دام انه ما يبي احد يعرف اللي بينا...و مثل ما يقول انا زوجته يعني كرامتي من كرامته
وهالمره كلمت نفسي بصوت عالي
:- والله لاعرفك يا خالد من هي علياء واخليك تندم على شكك فيني
... مو بس باكسب احترامك...الا بخليك تنسى ساره (ونزلت دمعه كنت حابستها) خلاص زمن الضعف ولى وما بسكت عن حقي ...وبرد اعتباري
مسكت الموبايل فتحته شفت قائمه الاسماء كان مسجل رقمه باسم خالد
بدلته كتبت ... ((الرجل الجليدي)) لويت فمي ما عجبني فكتبت ((قلب الصقيع)) في هاللحظه دخلوا البنات كلهم والغريبه ان ساره كانت وياهم
وما ادري ليش لحظتها قررت ابدل اسمه واكتب...........
ياترى وش اختارت علياء هالمره اسم لخالد؟
وش ممكن يصير بينها وبين ساره ؟ هل بتعدي الامور على خير او لا؟
هل بتقدر علياء تبر بقسمها وتذوب(( قلب الصقيع)) قلب خالد وتخترق اسواره ؟
وداد وش اللي خلاها بهالحده في التعامل مع ساره؟
طلال عرفنا شكثر يحب العنود لكن وش بقلب العنود؟
هاجر وش اخبارها مو غريبه ما تتصل على صديقه روحها في مثل هاليوم؟
خالد وش بيسوي في موبايل علياء وهل بيرده لها؟
تركي وش اخر طريق حبه؟
اسئله بعضها راح تلقون اجابتها في البارت الجاي
واتمنى اشوف توقعاتكم
اعذب وارق التحايا
-
رد: رواية أطياف الغرام / الكاتبة : معاميريا ; كاملة
الجزء السابع
((حيره!!))
نــــــــجـــــــود
ما صدقت ان خالد طلع وان علياء صارت لحالها ...وقبل ما تجي علياء لنا رحت لسعاد وقلت لها
:- سعاد يلا خلنا نروح لعلياء خاطري اعرف وش قال خالد لها
ضحكت ندى وقالت :- لا تحلمون تقول لكم ...مع اني ما اعتقد ان خالد بيقول شي
ابتسمت وقلت لها :- هو صحيح ان خالد جدي ومو رمانسي بس شكل علياء مو شوي ((غمزت لسعاد)) اكيد حركته
ردت سعاد :- ما عليكي منهم انا بجي معك
التفتت وداد على العنود وقالت :-الظاهر حنا بعد بنروح معهم ...لاني
اتوقع علياء تستحي تجلس وسط الحريم
وافقتها العنود وندى بعد اما ساره قالت :-اذا كذا انا بجي معكم ((رفعت كتفها وبررت )) ما احب اجلس مع الحريم لحالي
ابتسمت لها العنود ومدت يدها لها اشارة يلا مشينا...ودخلنا كلنا المجلس على علياء اللي كانت تلعب في تلفونها رفعت راسها لنا وابتسمت في وجهنا جلست سعاد جنبها على الكنب والباقي جلسنا على الكنب اللي قبالها سعاد لفت انتباها الجوال اللي في يد علياء وقالت
:- الله وش هالزين ((غمزت)) جوال جديد واخر موديل... لا تقولين هديه من المعرس
ابتسمت علياء بخجل وهزت راسها علامة نعم وكملت سعاد
:- طيب ممكن اشوفه ؟؟
مدت لها علياء الجوال وقالت :- تفضلي ... وبالمره سجلي رقمش
عاد انا هنا ما استحملت نطيت عند سعاد اشوف الجوال وقلت لعلياء
:- وانا ما تبين رقمي ؟((وبوزت )) والله ناس وناس
فتحت علياء عيونها على وسعها وقالت :- لا ابدا بس يا عيوني
خالد سلمني الموبايل وفيه ارقامكم وما ناقص غير ارقام خواتي
رفعت حاجب وقلت :- ايوه امممممممم ... وبطاقه بعد
سجلت سعاد رقمها وبعدين دقت على جوالها من جوال علياء واول ما شافت الرقم صفرت :- وفاتوره بعد((واشرت علي)) مو مثلنا كل شوي نشحن
تدخلت وداد :- على بالكم هي بزر مثلكم ... اكيد بيكون فاتوره ((وناظرت سعاد )) دقي على جوالي خليني اسجل رقم علياء
والغريبه ان ندى قالت :- وانا بعد
اما علياء ردت :- ولا تنسين تسجلي ارقامهم عندي
سعاد ناظرت ساره وقالت :- ان شاء الله ...وانتي ساره ما تبين رقم علياء
الكل التفت لساره يستناها تجاوب لكنها بكل برود قالت :- لا ما لي حاجته
ما عجبني ردها وقلت لسعاد :- سعوده وش فيك يكفي ارقام الحبايب
ولا تبين تملين الجوال ارقام وبس
العنود خزتني بنظره بمعنى زودتيها وسكتي احسن لك وقربت من علياء
وسألتها :- اذكر ان جوالك القديم كان بيدك وينه اللحين ؟
ما ادري ليش علياء اول ناظرت ساره بعدين قالت:- ابدا ... كان فيه خلل
واخذه خالد علشان يصلحه .
ردت ندى باستغراب :- ما له داعي يصلحه ما دام عندك جديد
ابتسمت علياء :- عندك حق بس هو شافني متعلقه فيه علشان بعض الاشياء المحفوظه فيه فما حب يكسر بخاطري واخذه علشان يصلحه
عاد هني انا وسعاد مسكناها تعليقات وسالناها بحشريه واضحه :- الا ما قلتي وش قلتوا ؟
وقبل ما ترد علياء قالت ندى :- وانتوا وش عليكم ؟ وبدل الهذره اللي ما لها معنى روحوا زهبوا لها عشى
ردت سعاد عليها :- طيب طيب ... ثواني والعشى يكون عندكم
وصينا الشغالات على العشى وكان عشاء هادئ خالي من الاحاديث لاحظت ان علياء ما اكلت الا كم لقمه وتوقعت ان السبب توتر العروس ليلة ملكتها خلصنا العشى والكل انشغل بالسوالف ندى مع ساره ووداد مع العنود وانا وسعاد قعدنا نسولف جنب علياء اللي ما كانت معانا فسألتها
:- علياء اللي واخذ عقلك ...وش فيك كل هذا تفكير في خلودي
ردت وكانها توها صاحيه من النوم :- هااااا... لا ابد بس افكر في هاجر رفيجتي معقول للحين ما اتصلت علي ؟
ردت سعاد بلا مبالاة :-عادي يمكن تكون مشغوله ولا عندها ضرف ...واذا انتي قلقانه عليها كثير دقي عليها
نزلت علياء راسها ورفعت ايدها تلب في شعرها وقالت :-ايه بس انا مو حافظه رقمها ومن الربكه عطيت خالد موبايلي بالبطاقه
قالت سعاد :- بعد محلوله دقي على خالد وقوليله انك نسيتي بطاقتك في الجوال وبيطرشها لك
طبعا من قالت سعاد اسم خالد عم الصمت المكان والكل ركز انظاره على علياء اللي قالت :-ايه بس استحي ادق عليه و.........
عاد انا ما استنيت علياء تكمل تبريراتها ومديت يدي على جوالها وقلت وانا ادق رقم خالد :- لا تستحين انا بكلمه
واول ما طاحت عيني على الاسم اللي ظهر على الشاشه قلت وانا اغمز:- اكيد بتستحي مو الاخ طلع اسمه ((لهيب الروح ))
وقبل ما تبتدي التعليقات رد خالد على اتصالي وتكلمت قبل ما ينطق باي كلمه :- هلا باخوي هلا بلهيب الروح
دزتني علياء وقرصتني في نفس اللحظه اللي رد خالد علي فيها وقال
:- لهيب الروح ؟ !!! من متى هالدلال قولي وش تبين؟؟
غمزت لعلياء وقلت :- هذا الكلام قوله للي التهبت روحه من رؤياك
(هالمره قرصتني علياء بقوه فصرخت) ااااااه خذ كلم زوجتك المتوحشه.
رميت الجوال في حضن علياء وبعدت عنها قبل ما تسوي فيني شي
وقلت للجماعه وبالذات ساره اللي من سمعت اسم خالد بطلت عيونها
وبان على وجهها القهر من سمعت اسم خالد في جوال علياء
:- يلا يا جماعه نخلي البنت تكلم زوجها على راحتها من غير عواذل
وقفوا البات وطلعنا كلنا من المجلس وتركنا علياء لحالها
((علـــــــــــــــــــيـــــــــــــــــاء))
يمكن لمن غيرت اسم خالد الى لهيب الروح كنت قاصده اغيض ساره
بس ما توقعت الامر يجي بهالسرعه ولاتخيلت الموقف يكون محرج بهالطريقه والمصيبه ان نجود وهقتني مع خالد رفعت التلفون من حضني بلعت ريقي وغمضت عيني ورديت على خالد
:- سلام.خالد انا....
قاطعني وقال:-شوي شوي ... وعليكم السلام واللحين قولي وش اللي تأمرين عليه
حطيت يدي على رقبتي وميلت راسي على جنب كاني بابعد التوتر بهالطريقه :- ما يامر عليك ظالم خالد ...انت اخذت موبايلي وبطاقتي فيه وانا
سمعت صوت ضحكته وبعدها قال :-ادري وصدقيني انا قاصد البطاقه مو الجوال ولا صدقتي اللي قلناه لطلال
اخذت نفس قوي هالمكالمه شكلها بتستنفذ كل طاقتي الباقيه :- لا بس انا انتطر مكالمه من رفيجتي واخاف تدق علي وتزعل اني ما رديت عليها
سكت شوي وبعدها قال:- جوالك ما فيه أي مكالمات لم يرد عليها ولا مسجات جديده ... واذا على صديقتك ما اظنها تزعل عليك في يوم ملكتك
رديت كمحاوله اخيره :-طيب عطني رقمها وانا ادق عليها من الموبايل الجديد
ما صدقت انه قال :- طيب وش اسمها عشان اعطيك الرقم
ابتسمت واخيرا فرجت :- راح تلاقي رقمها تحت اسم ((نصي الثاني))
ما ادري ليش حسيت من رده ان الجو تكهرب :-
نصي الثاني ؟ لقيته هذا رقم جوال ...وما قلتي لي ضروري تتصلين ؟
ما عجبتني لهجته لكني رديت :- اكيد هذي اعز رفيجاتي واغلاهم على قلبي
رد بجفاف :- واضح مو نصك الثاني الا وش اسم نصك الثاني ؟
حيرني طلبه لكن هي لحظه وادركت اللي يدور في باله فقلت له بغضب
:-انا ما اسمح لك تظن فيني ولمن اقول ان هذا رقم رفيجتي فأكيد هذا رقمها ... ويكفي الى هني ورجع لي موبايلي.
ردبكل برود ولا كأني قلت شي :-صدقيني اذا نصك الثاني دق راح اخليك
تكلمينه ... وقبل ما اسكر ما قلتيلي هذا غير لهيب الروح ؟
كنت ناويه ارد بغضب وهياج واطالب بموبايلي بس صعقني سؤاله واربكني وما عرفت وش اقول:- هم ...لا هذا غير ...هذا هذا .........
قطع جملتي الغير مفهومه وقال :- مو مشكله اشوفك اذا دق نصك الثاني
وساعتها يصير خير يا بنت عمي...
سكر الخط وقعدت يمكن ربع ساعه ابحلق في التلفون احاول استوعب الي صاراخيرا طالعت الساعقه لقيتها قربت على 12 والاخت هاجر ما تسهر الى هالوقت اكيد نامت ونستني وانا سويت لي سالفه علشانها وانا على هالوضع دخلت ندى وعلى وجهها ابتسامه عريضه
:- زين انك خلصتي مكالمتك ..واللحين قبل ما اروح انام تأمرين على شي؟
رديت لها ابتسامتها وقلت :-ما يامر عليك ظالم ...انا بعد ودي انام
ضحكت :- تنامين لسه بدري!! يعني بالعاده العروس ما يجيها نوم .
رديت عليها :- عاد انا غير احس ان جسمي كله متخدر وابي انام
هزت ندى راسها بتفهم وقالت :- يلا اجل وانا اللي اقول اني الوحيده فيكم اللي بنوم من بدري
وصلتني ندى للغرفه وراحت على غرفتها وانا ما صدقت بدلت ملابسي ومسحت المكياج ونمت على طول على عكس توقعاتي اني ما بقدر انام
لكن التعب هدني وخلاني ما اقدر اقاوم وانام
-
رد: رواية أطياف الغرام / الكاتبة : معاميريا ; كاملة
((خــــــــالــــــــد))
كنت قاعد وسط الشباب لمن دق جوالي وشفت ان المتصل عليا
استأذنت من الشباب ورحت عند المسبح ورديت عليها اثار استغرابي ان نجود هي اللي كلمتني وعلق في دماغي اسم لهيب الروح معقوله يكون اللي فهمته صح وان عليا استبدلت اسمي في الجوال بلهيب الروح
طيب ليش ؟ووش معنى هالاسم ؟او معقوله يكون اسم لشخص ثاني واقنعت البنات انه لي حطيت يدي على راسي ابي اوقف هالسيل من الافكار اللي اثارت اعصار من الحيره بداخلي وهنا فتحت جوالها اللي كان صامت واول شي فتحت قائمة الاسماء اللي ما كانت كبيره ومليانه اسماء بنات وكم اسم ذكوري مثل ابوي ابو محمد ابوي ابو طلال
خالي بو جاسم عمي بو عيسى وهذا اظنه جارهم الشيبه اللي وصل اليوم علشان يحضر الملكه.........المهم ما كان في اسم محير غير نصي الثاني
شفت الكالمات المستلمه والصادره اغلبها الى هالرقم معقوله تكون فعلا صديقتها او شخص ثاني وهي قاعده تستغفلني اوقات المكالمات كانت لا تسمن ولا تغني من جوع صحيح مافي مكالمات في وقت متأخر بس هذا ما ينفي انه رقم ولد ....واساسا اذا ما كان رقم ولد اجل من اللي كان يكلمها في المطبخ يبيها تهرب علشانه؟
فتحت الرسائل الوارده كلها رسائل عاديه تهنئه بالعيد والنجاح واكثرها من نصي الثاني وكانت من ضمنها رساله لفتت نظري
((سلام يا قلبو ...ادري انش متوتره ...بس ولا يهمش بكره اشوفش
وصدقيني اذا تكلمتين بترتاحين ....الا صحيح ما قلتين خلودي حلو ولا جيكر(جيكر =قبيح) سلامات))
اكيد هذا ولد وش يحسب اصغر عياله يقول خلودي ااااه انا لازم اوقفها عند حدها لا وشغاله لقاءات بعد
كنت ناوي اسكر الجوال بس قلت يمكن اشوف رد الرساله في الرسائل المرسله وما لقيت شي يلفت النظر غير رساله وحده الى نصي الثاني
((سلام هجور تكفين تعالي ابيش ضروري ))
سندت ظهري على الكرسي ورميت راسي على ورى وفتحت عيني اطالع السما معقوله اكون ظلمتها وفعلا كانت تبي تكلم صديقتها ابتسمت وانا اتذكرها تصرح تبي جوالها من حقها تغضب بس كون نصي الثاني طلع فعلا بنت هذا ما ينفي المكالمه اللي سمعتها ايوه المكالمه ...رحت للمكالمات المستلمه وبالذات بتواريخ تواجدها في السعوديه وكانت وحده من نصي الثاني والثانيه من امي نجاة
امي نجاة!!!كانها تتكلم عن وحده غريبه تناديها امي..معقوله تكون فعلا كانت تكلم امها ؟!! معقوله امها تقول لها هالكلام ؟!!
ولا يمكن تكون مسحت الرقم الي استلمت منه المكالمه ولغته من جوالها
بعد ما رفضت او خافت انها تهرب معاه
رجعت الجوال الى مخباي وهو على وضع صامتجلست ادلك رقبتيمحاوله مني لتخفيف الم الراس واهون على نفسي باني مهما طال الزمن بعرف الحقيقه وبكره ان شاء الله بعرف كل شي وبانهي هالحيره وثورة الاسله اللي مسيطره علي
((تــركــــــــــــــــــي))
عقب ما طلعوا المعازيم جلسنا كلنا الشباب مع بعض وكلها نص ساعه واستأذن عبد العزيز وفراس نايم على ذراعه يبي ينام خاصه ان وراه مشوار بكره والشياب طبعا كلمعتاد اول من قام ينومالتفتت لخالد وقلت
:- اللحين انا ابي اعرف صار لك فوق الساعه مع البنت وانت اول مره تتكلم معها وش تقول لها ؟
تدخل سلطان وقال :-اول مره يكلمها اكيد غثها بقصة حياته ضحك طلال وقال :- مسكينه اختي شلون قدرت تستحملك
حط خالد يده على كتف طلال وقال :- انا بكون احسن منك وما بخلي اختي تعاني وبقعد معاها اخفف عنها
مسك طلال يد خالد وقاله :- تكفى لا تكلف نفسك وتقعد معنا واحنا بنتصبر على فراقك
ضحكنا عليهم وبالذات على طلال وقطع ضحكنا جوال خالد رفع الجوال شاف اسم المتصل ابتسم وقال:- بالاذن اخلص هالمكالمه وارجع لكم
رديت عليه :- قول تصبحون على خير ... ولا تنسى تصحينا لصلاة الفجر
ابتسم وهز راسه تركنا وعقب شوي قام طلال :- يلا تصبحون على خير
رد عليه ماجد:- لا تقول انك بتنام لان خالد قام
ابتسم طلال وقال :- اكيد السهره ما تحلى من دونه غير ان وراي بكره قومه من الصبح علشان الجماعه اللي بترجع البحرين
وشوي الا سلطان متسحب بيروح يسهر مع ربعه وما بقى غيري انا وماجد وما ادري ليش ما حبيت اجلس معاه ؟
او بالاصح ادري بس ماني قادر اتقبله او اسامحه على انه اخذ وداد مني صحيح هو ما يعرف اني احبها لكنه يعرف اني كنت ناوي اخطبها
اول ما ارد من السفر والقهر انه بكل بساطه اتصل فيني على لندن علشان يقول لي
:- ابشر يا تركي بتزوج
وانا الغبي على نياتي فرحت له من قلب وسألته :- صحيح تستاهل كل خير ... ومن سعيدة الحظ نعرفها ؟ من العيله يعني؟
سكت بعدها رد علي :- الصراحه يا تركي ان الوالده هي اللي اختارتها وانا ما حبيت اردها
ابتسمت وقلت :- وش فيك تتكلم كذا ليكون العروس جيكره ؟
ردوكانه متردد يقول لي :- لا العروس ما عليها كلام ....العروس هي وداد بنت خالي بو طلال
سكت وانا بعد سكت انصدمت ما عرفت وش اقول حاولت اتكلم لكني كنت احس نفسي اغرق بانفاسي بس جاهدت وكل اللي نطقت به :-ومتى الملكه ؟
ردبعد تنهيده مسموعه:-عقب ما تخلص البنت جامعتها...هذا شرطها اول تكمل دراستها
يعني لسه باقي سنتين ليش استعجلت على ذبحي يا ماجد ؟!!على الاقل استنيت لمن يخلص كابوس الغربه وبعدين هدمت حلمي اللي مصبرني
اذكر اني همهمت بكلمات ما اذكرها قبل لا اسكر السماعه ومنها وانا احس اني كل ليله ارقد على شوك والعجيب اني كل ليله اشوف ماجد معرس وان العرس يقلب عزا....
وعيت من ذكرياتي على صوت ماجد يقول :-هي ابو الشباب وين رحت ؟
رديت بكل برود :-ابد بس من الصبح وانا واقف على حيلي والتعب هدني وصار لازم اقوم انوم...يلا تصبح على خير
وتركته قبل ما اسمع رده
صحيت من الصبح متأخر على موعدي المعتاد وزين ان خالد صحانا لصلاة الفجر تلقت لقيت ماجد نايم طلعت اشوف باقي الشباب خالد وطلال مو موجدين اكيد راحوا يوصلون جماعة البحرين للمطار وطبعا سلطان وفيصل لسه نايمين
وبعد ما استحميت دقيت على العنود وابتسمت :- صباحو فل
ردت على بمرح :-صباحو عسل ...امر تدلل
لهجتها رفعت من روحي المعنويه سألتها :- افطرتي ؟
بكلمه وحده ردت :-لا
قلت لها :- انا ماني حاب افطر لحالي فاختاري واحد من اثنين اما تجين معاي نفطر برى او تجهزين لنا الفطور ونطر هنا مع بعض
ردت :-خساره الفطور جاهز لكن تدري تعال بفطر معاك في الحديقه في الهواء الطلق
ابتسمت وقلت لها :-صار ..بس لا تنسين تخبرين البنات ان في حظر تجول
ردت بسرعه ولا يهمك كلها خمس دقايق ويكون كل شي زاهب
........توني بحط لقمه في فمي الا جوالي يدق والمتصل خالد رفعت السماعه وبعد السلام قال :-اسمع خبر سلطان يرجع الشياب على الرياض وانت خذ معاك امي وخالتي والشغالات
سألته بدون تفكير :- والبنات ليكون ماجد بيرجعهم ؟
قال خالد باستغراب :- ليش ماجد ما رد مع اهله البارحه؟
قلت له :- لا اساسا هو لسه نايم
رد خالد علي :- مو مشكله البنات راح يكونون معاي وكلها كم دقيقه وكون عندكم ...يلا سلام
سكر الخط قبل ما ارد عليه اكلت وانا شعوري بلا ملامح ما اعرف ان كنت فرحان ان وداد ما بتكون مع ماجد ولا متضابق لانها ما بتكون معاي وانتبهت على العنود تسألني
:-وش يبي منك خالد ؟
ابتسمت ورديت عليها :- ابد بس يخبرني اننا اليوم بنطلع الرياض ويقول زهبوا حالكم لانه ما يحب يستنى
فتحت العنود عيونها على وسعها وقالت :- ليش ؟!!وش يستنى مو احنا بنكون معاك ؟
قلت لها وانا ابتسم بخبث :-لا خالد الي بياخذكم ...انا رجال زين تحملتكم في الجيه وما اقدر اتحملكم في الرده ترى خالد كلها عشر دقايق وتلقينه على راسك
وما كملت جملتي الا خالد عندنا ويقول :- يلا حركوا ترى كلها ربع ساعه وانا ماشي
العنود ما صدقت خبر وعلى طول راحت تخبر البنات لانها تعرف ان خالد على صبره عليه الا انه اذا قال فعل
جلس خالد قبالي وقال وهو يمد يده على كاس العصير حقي :- تدري اني للحين ما افطرت
ابتسمت :- ومن ماسكك هذا انت تفضلت من غير عزيمه
ضحك خالد وقبل ما يرد على جت نجود ناحيتنا وقالت لخالد وهي تحط راسها على راسه ومطوقته بذراعاته من وراه
:- خلودي عاد احنا يبي لنا اكثر من ربع ساعه ..واذا ما فيه عليك كلافه ترى امي وخالتي والشغالات زاهبات ...فوش رايك تاخذهم وحنا نرجع مع تركي
طبعا انا تكلمت قبل ما يلين خالد ويطيعها :- نجود حبيبتي انا ما راح اخذكم ....(وغمزت ) وخلي العريس يوصل عروسته حرام تخلينه مع العجايز (ابتسمت نجود وكان الفكره عجبتها وكملت )وعلشان العروس خالد بيمدد لكم المده الى نص ساعه
وقفت واخذت مفاتيح السياره وجوالي واشرت عليهم اشاره سلام
((خــــــــــــــــالـــــــــــــد))
كنت ناوي ارد بقسوه على تركي بس راجعت نفسي ليش لا وش يضرني
رفت راسي لنجود وقلت لها
:- بعطيكم نص ساعه ...وعلى طريقك نادي عليا
كان في عيون نجود سؤال ملح لكني قطعت عليها الطريق وقلت
:-خليها تجيب لي معاها عصير ...(وما ادري ليش حبيت اغيض نجود فقلت ) واذا ما جهزت اغراضها انتوا جهزوها لها
حطت نجود يدها على خصرها وكانها بتعترض على شي لكن فجأة عيونها لمعت وقالت :- من عيوني ثواني وعلياء تكون عندك
وراحت ركض وكلها كم دقيقه والقى بنت بعبايتها وبرقعها واقفه قدامي
وتقول...........
((نجـــــــــــــــــــــود))
اول ما قال خالد زهبوا اغراض علياء تضايقت وكنت ناويه اهجم
وقول ان حنا محنا شغالات وان كا واحد يرتب اغراضه بنفسه
بس فجأة خطرت على بالي فكره ان اغيض ساره وفعلا
رحت اركض ولقيت اللي ابيه البنات كلهم في الصاله فقلت بكل هدوء
:- اسمعوا يا بنات خالد هو اللي بيرجعنا على الرياض ( وغمزت لعلياء ) عنده حق ما يقدر يخلينا وعروسه معنا وعلشانه يقول لكم عندكم نص ساعه تجهزوا فيها انفسكم
ردت ساره خلى الكل يلتفت عليها :- زين اجل بروح ازهب اغراضي علشاني بجي معكم
ما قدرت اتحملها او اجاملها فقلت :- مسامحه حبيبتي بس السيارة يا دوب تشيلنا وتشيل اغراضنا
لكنها ولا همها وقالت بكل برود :-مو مشكله مو انا راح اكون مكان ندى
اللي راحت مع زوجها
رديت من تحت الضرس :- بعد السياره ما تكفي غير ان خالد ما له علم بوجودك معنا
ما اهتمت وردت بكل وقاحه :- انا بقول له وساعتها بشوف اذا لي مكان في السياره او لا....
كلها كم سلمه رقتها على الدرج وقفتها جملتي :- حبيبتي علياء خالد يبيك في الحديقه ويقول لك خذي له عصير ... ولا تخافين تراه وصانا نجهز لك اغراضك.
ساره رقت الدرج بسرعه وعلياء جلست في الصاله وعيت تروح لخالد
وعقب جهد قالت انها بتلبس عباتها وبتروح له
من اللي سبقت وراحت لخالد علياء او ساره؟؟؟؟؟
وش بتقول ساره لخالد ؟وش راح يكون رده عليها ؟
ليش خالد طلب علياء ؟ وش ناوي يقول لها ؟
اعذب وارق التحايا
-
رد: رواية أطياف الغرام / الكاتبة : معاميريا ; كاملة
الجزء الثامن
((احساس))
في كثير من الاحيان نتصرف على اساس احساسنا بالاشياء واغلب الاحيان نحكم على الاشخاص نتيجه لاحساسنا وبغض النظر عن صحة احكامنا او تصرفتنا..... هل مره سألنا انفسنا هل احنا فاهمين احاسيسنا صح ؟يعني هل احنا قادرين على فهم انفسنا وبالتالي قادرين نترجم احساسنا صح ؟ مهما كانت الاجابه
يا ترى ابطالنا فاهمين انفسهم صح او لا؟؟؟؟؟؟؟
طــــــــــــــلأل
وصلت الجماعه ورجعت على البيت لقيتهم لسه ما وصلوا كنت تعبان ونعسان حدي وتوني بحط راسي وانام وتذكرت ان في اوراق مهمه لا زم اخذها من خالد علشان كذا اتصلت عليه واول ما رد علي قال
:هلا وسهلا ....
قلت له وانا ماني عارف سر مزاجه الحلو عقب السهر والتعب من مشاوير اليوم :- هلا بيك ...الا وينك فيه؟ وش سر هالانتعاش؟ترى رغم اني نمت البارحه الا اني ما ني قادر اوقف من التعب
ضحك وقال :- انا في المزرعه ...وتعال شوف الجو وانت تعرف السر
حكيت راسي من التعب ابي انام ورديت :- والله انك فارغ يوم انك ترد المزرعه ...وما دام المزاج عال وش رايك اليوم تتغدى عندي
سمعته يرد السلام على احد جنبه وبعدها قال لي :- ما اظن اقدر اجيك ليش في شي ؟
جاوبته والنعاس غالبني :- انا استناك على الغدا علشان نتناقش في المشروع اللي اوراقه في سيارتك
ردعلي وكل اللي سمعته :- تدري خليها على عشى وراح اتصل عليك قبل ما اجيك
طاح الجوال من يدي من التعب رفعته وقلت له :- صار اجل اشوفك على العشى
وسكرت قبل ما اسمع رده واستسلمت لسلطان النوم
علـــــــــــــــيـــــــــــــــاء
رحت المطبخ اجهز لسي السيد العصير وتوني بحطه في الصينيه الا ساره ماره قدامي وريحة عطرها سابقتها وطاقه اللثمه اللى تكشف اكثر مما تخبي ما ادري ليش استفزني منظرها فقلعت عبايتي وشيلتي وفتحت شعري اللي كنت لامته واضفت كاسه عصير ثانيه للصينيه وطلعت اول ما قربت لمحتها واقفه قباله وهو يبتسم لها اول ما وصلت سمعته يقول
:- صار يلا في امان الله
رفع عينه يطالعني وابتسم ابتسامه ما فهمت وش قصده منها رديت له الابتسامه وهمست وانا انزل الصينيه على الطاوله
:- سلام ،وصباح الخير
وتوني بقعد على الكرسي اللي عن يمينه بس قبل ما اقعد قرب الكرسي منه وقال
:- وعليكم السلام ،وصباح الانوار ((ومره ثانيه ابتسم نفس الابتسامه وكمل))اللحين تفضلي جلسي هنا
قعدت وانا ندمانه اني قلعت عبايتي وعلشان ما ابين ارتباكي شغلت نفسي بصب العصير ووقدمته له اخذه وقال لساره
:- مسامحه انشغلت في التلفون شوي وش كنتي تقولين
سحبت ساره الكرسي اللي قبال خالد وقالت بكل مياعه
:- سلامتك بس امي كانت تبي تكلمك
اول لف راسه لي وبعدين طالعها باستغراب
:- وينها عمتي اروح لها اللحين
قاطعته ساره :- لالا اهي قالت لي تدق عليها وبتكلمك
رفع خالد جواله وقال :- ما كنت اعرف ان عمتي عندها جوال
الا كم رقمها ؟
ضحكت ساره بمياعه خلتني التفت لها بحده وقالت
:- لا ما عندها بس كلمها على جوالي وهذا رقمه
قالت له الرقم وكلم عمته وكل اللي فهمته انها طلبت منه طلب لان رده الاخير كان :-لا تشيلين هم من عيوني ، ولا يهمك يلا في امان الله
رفع راسه لساره وقال :-يلا جهزي حالك علشان ترجعين مع البنات
واخذ كاسه العصير وشربها واما ساره قامت بعد ما عطتني ابتسامه صفره وكريهه نزلت راسي وانا اقول في بالي ((يعني لازم تلصقين فيه ))
وانتبهت على صوته يكلمني ورديت بلاهه
:-هاا
ضحك وقال :- اقول صبي لي كاس ولك بعد
اخذت الكاس من يده وصبيت له حطيت العصير قدامه وقلت
:- انا ما ابي ،توني افطرت و....
قاطعني وقال وهو يأشر على الكاس الثاني :- اجل هذا لمن ؟ابتسم على جنب وكمل لا تقولين انها لساره
ما ادري شلون فتحت فمي باستهجان وقلت :-هذا اللي ناقص عقب كل اللي سوته اضيفها بعد
سند ظهره على الكرسي وقال :- ليش هي وش سوت ؟
بلعت ريقي وقرصت عيوني فيه وقلت بحره :-المياعه والضحك ورقم تلفونها وما سوت شي (قهرتني نظرته البارده فكملت )يعني ترضاها
اوقف قدام ولد خالي جذي واتميع قدامه وارقمه بعد؟
قرب راسه مني بكل هدوء وقال :هه وش هذا غيره ولا؟؟؟؟
(ما رديت عليه قرب راسه مني اكثر )على العموم انتي سويها وذبحك بيكون على يدي فاهمتني يا بنت عمي؟
بلعت ريقي حسيت بخوف من نظرته وكأنه يعني كل حرف قاله هزيت راسي باشاره نعم
رجع سند ظهره وحط يده تحت ذقنه وقال :- نجي للمهم (طلع من جيبه موبايلي القديم حاس فيه وكمل)نصي الثاني اتصل فيك( ضغط على زر المايك وقال) كلميه
اخذت التلفون توني بمد يدي ارجعه لوضع الهاتف مسك يدي وطالعني بنضره تهديد وقال بهدوء يناقض الثوره اللي في عيونه وقال باصرار
:-كلميه على المايك ولا خايفه ؟
سحبت يدي من تحت يده فركتها وقبل ما ارد عليه جاني صوت هاجر تعاتب:- واخيرا ما بغيتي ...صار لي ساعه ادق عليش وانتي ما تردين
..ايه اكيد خلودي لحس مخش ونساش عمرش و هجور الحلوه
المهم ما قلتين بصراحه شلون شكله ومواصفاته هالخالد؟؟
ارتبكت ما عرفت ارد لكن خالد كان اسرع مني لغى المايك وحط الموبايل على اذني رديت على هاجر وانا اتجاهل سؤالها الاخير :-ابدا كنت نايمه وما سمعت التلفون ...الا انتي قولي ليش ما اتصلتين فيني البارحه ؟
ردت بكل بساطه :- بعد فيها اسباب؟موبايلي ما فيه رصيد عبيته اليوم وقلت اتصل ابارك وقبل ما انسى مبروووووووووووووووووووووووك
طالعته ورديت :-الله يبارك فيش حبيبتي
وقبل ما اسكر سجلي عندش رقمي الجديد (وانتبهت اني ما اعرف الرقم فقلت لخالد )كم رقمي؟
ضحك وفتح موبايله على رقمي اخذته ولقنته هاجر اللي علقت على وبعدها سكرت التلفون
مديت يدي بالموبايل لخالد وقلت له :-شكرا انقذتني من الاحراج (اخذ الموبايل وما تكلم وصرت اتكلم من غير هدف بس علشان اسيطر على
اعصابي المتوتره ) لانها كانت ما بترحمني من تعليقاتها و....
زهقني صوت موبايلي الجديد يرن وقبل ما اشوف من المتصل رفعه خالد وقال
:- عرفنا نصي الثاني وصدقنا ...لكن لهيب الروح ؟؟؟؟؟؟؟؟
شلون وليش؟
ارتبكت وما عرفت ارد وكالمعتاد ما لقيت غير اطراف شعري العب فيهم :-ابدا ........ اصلا...(اخيرا قدرت اجمع افكاري وقلت )انت مو قلت ما نحسس احد بالي بينا ؟
ابتسم على جنب :- بس ما قلنا نتصنع الحب
صدمني كلامه فرديت :- ابدا ...بس كل البنات تسوي جذي وانا سويت جذي علشان محد يشك
طالعني بنظره انه مو مقتنع وصعقني لمن قال :- طيب ولولا الناس تحت أي مسمى بتحفظين رقمي ؟
اكيد قلب الصقيع بس طبعا ما اقدر اقوله جذي قدامه فكذبت :- عادي
كنت بخليه خالد مثل ما كان
ناداني بصوت هادي ورخيم وكانه صادر من شخص ثاني:- عليا
طالعته التقت عيني بعينه حاولت اعرف وش تقول عيونه او وش اللي يدور براسه وياريت اعرف شلون يفكر انتبهت ان عيونه حلوه واسعه ومكحله برموشها ولونها عسلي صافي و لكنه قطع حبل افكاري ولحظة الاستكشاف لمن سأل السؤال اللي ما تمنيت يسأله
:- عليا من اللي اتصل فيك ؟ وليش طلب منك تهربين؟و
الحمد لله جت نجود وكانت حامله في يدها عباتي وشيلتي عطتني اياهم وقالت لخالد :-يلا ترى كلنا جاهزات(ولوت بوزها على صوب ) صدق ساره بتجي معنا
رد عليها خالد:- ايه مو انتم اللى قلتم لعمتى تبون ساره معكم
فتحت نجود عيونها على وسعها وقالت بتهور :- حنا ما عزمنا على احد يجي معنا واساسا حنل متفقات ننزل كلنا بيت عمي
رد خالد بحده :- طول عمرك ما تحبين بنت عمتك ليش ما اعرف (تأفف وهز راسه علامه لا ) على العموم انا بنزلكم بعدين بوصلها بيتهم ويلا اغراضكم في السيارة ولا لسه
ابتسمت نجود ومسكت يد خالد في يدها وباليد الثانيه سحبتني وقالت
:- مو بس الاغراض الا حتى البنات في السياره (التفتت لي )يلا انا باسبقكم
تركتني وركضت وما عرفت اركض وراها فخففت سرعتي وصرت امشي وراه وقف فجأة ورفعت راسي قبل ما اصدم في ظهره التفت لي واعطاني موبايلي القديم :- هذا جوالك ورجع لك
اخذته وقلبته في يدي:-ابوي عنده رقمي الجديد؟(طالعني بنظرة استفهام ما فهم وش دخله بالموضوع فوضحت ) ابوي ابو محمد عنده الرقم ؟
رد وهو مو فاهم :- امس عطيته الرقم علشان يدق عليك متى ما حب
ابتسمت مديت يدي بالموبايل وقلت :- خلاص عجل ماله داعي يكفيني هالموبايل (ورفعت الموبايل الجديد)
رد :- على راحتك بس بعد خليه عندك يمكن تحتاجين منه ارقام او...(ولمعت عيونه ) تردين على مسجات ما رديتي عليها مثل
شلون خالد حلو لو جيكر ...(ابتسم بمكر ) صحيح ما قلتي خالد حلو لو جيكر؟؟
احرجني شؤاله وحسيت ان حرارتي ارتفعت اغلقت موبايلي القديم ورميته باهمال في الشنطه وحمدت ربي اننا وصلنا للسياره لا حظت ان في كرسي فاضي ورى والثاني جنب السائق فتحت الباب بركب ورى صرخت على العنود
:- وين رايحه هذا مكان ساره ؟
رديت ببلاهه :-هاااا عجل انا وين اقعد ؟
ضحكت العنود على تعابير وجهي وقالت وهي ترقص حواجبها :-وين بعد ؟ اكيد جنب زوجك
توني بناقشها الا بصوت خالد :- يلا نبي نوصل قبل اذان الظهر مشينا
ردت العنود :-لسه ناقصين وحده
التفت للعنود ولي واقفه عند الباب :- من الناقصه ؟ نجود؟
هالمره ردت نجود :- لا انا هنا ناقصنا ساره
طالعني مره ثانيه والتفت على الكراسي ورى وقال:-يلا تحركن وحده تجلس قدام ترى ما ني بسواقكم
ردت العنود :- لا تخاف هذي علياء بتجلس حذاك (واشرت على الكرسي جنبها ) عندي سالفه مع ساره
طالعت نجود برجا وقبل ما اتكلم قالت نجود :- هذي ساره جت يلا يا علياء لا تأخرينا
قربت ساره وشافت ترتيبنا والقت على نظره قاسيه وحقوده
قهرتني فبادلتها بنظره لا مباليه وفتحت الباب وجلست جنب خالد
المشوار غلب عليه طابع الهدء والاحاديث الجانبيه الهامسه بين نجود وسعاد وبين العنود وساره بينما ندى كانت هادئه وكانها نايمه
وانا كنت العب باصابعي من الملل وبين لحظه والثانيه ارفع عيني اتأمل ملامح خالد وكل مره يكون انطباعي مختلف
( ليش يسأل عن المتصل ؟ يبي يعرف لانه مهتم ؟ ..ولا لانه يبي يأكد شكوكه تجاه سلوكي واخلاقي ؟؟ واذا عرف بيصدقني ؟ واذا صدقني هل بتتحسن صورته عني ولا بيقول البنت مثل امها ؟ ما ادري اقول له ؟
لا ما اقول احسن لانه ما بيصدق وساعتها بيحتقرني وبيقول اني استغل امي علشان اغطي على افعالي .....واذا صدقني بيشفق علي وانا ما ابيه يشفق علي انا ابيه يحترمني و........)
قفلت على افكاري ورجعت اتأمله تذكرت كلامه خالد حلو ولا جيكر؟
ابتسمت في نفسي خالد حلو مستحيل احد يقول عن صاحب هالملامح والتقاطيع جيكر...واساسا من اللي تطال واحد مثله صبور حنون
متواضع محترم و مهيوب وتقول عنه كلمه شينه ؟!!! .....وعيت لنفسي( علياء !!وش فيش ليكون انجنيتي ؟ تقولين عن اللي اهانش هالكلام ... واحذري لا تدورين له اعذار ) صحتني من افكاري
نجود تقول
:- ملينا خلودي ما عندك شي نسمعه ؟
رد عليها :- اصغر عيالك يا نجيد تقولين خلودي ؟
ابتسمت نجود ورمشت بعيونها بكل برائه :- افااااااااا يا ذا العلم ....ادللك ولا ما تبيني ادللك
ابتسم من ورى النظارات وقال :- خليت الدلال لك واذا تبين ما في اغاني واظن في سي دي قصايد هنا( واشر على مكانها)
ردت نجود :- امرنا لله قصايد قصايد ...علياء حبيبتي شوفيه وينه فيه
فتحت الدرج اللي قدامي شفت مغلف عليه شعار جامعه البحرين استغربت مديت يدي عليه وانتبه لي خالد وقال
:- تلقين السي دي تحت الظرف
رفعت الظرف وطلعت السي دي تلقائيا فتحته وشغلته واول قصيده كانت
اه يالجراح
لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ....
حسيتها تقصدني وان خالد يقول لي انه خلاص ما في امل انه في يوم يفهمني ... وان الصوره اللى رسمها عني في راسه مستحيل تتغير او ينساها...جرحني هالشعور...مهما يكون شعوري تجاهه ما احب انه يشوفني اقل من ..... من ويش يا علياء اقل مما يشوف ساره او اقل من خواته وخواتش او اقل مما تحبين انه يشوفش ؟؟؟ ومره ثانيه قفلت على الافكار اللي توديني لمكان ما احب اوصل له مكان فيه اسئله غريبه ومن غير اجوبه ....اساسا يكفي غرابه تصرفاته اللي تشغل تفكيري مره يعاملني ببرود ومره بحنا غريب
-
رد: رواية أطياف الغرام / الكاتبة : معاميريا ; كاملة
ساره :- معقوله بتروح من غير ما تنزل تتغدى عندنا تفضل حياك
عدلت شماغي وقلت :- تسلمين وما تقصرون بس ورانا مشاوير
فتحت الباب وقالت :- هالمره عاذرينك بس مره ثانيه ملزوم تجي عندنا
سكت ما رديت لكن عليا قالت :- خالد كأن وقت الصلاه قرب
ناظرت الساعه لقيتها فعلا قريب وقت الصلاه فقلت :- يلا في امان الله
وبس سكرت الباب حركت ورحت على روبنز وقفت السياره والتفت عليها :- وش نوع الاسكريم اللي تبغيه
ردت بكل هدوء:- سلامتك ما ابي شي
سألتها مره ثانيه :- وش النوع اللي تحبينه ؟
رفعت النقاب عن عيونها ناظرتني وقالت :- بس انا ما ابي ؟
ركزت على عيونها وقلت :- بس انا ابي ...يلا اختاري لي
واضح انها خجلت لانها غطت عيونها واكيد انصبغ وجهها بالاحمر مثل لمن البنات خلوها تجلس جنبي وقالت بصوت منخفض كلمه بس :- توفو
نزلت واشتريت لهم كلهم توفو مثل عليا واخذت لي بعد دخلت السياره عطيتها كيسه فيها اثنين ايس كريم والكيس الثاني وراي وقلت
:- فتحي لي واحد
فتحت واحد وعطتني اياه ناظرتها ما فتحت الثاني قلت لها :- فتحي الثاني واكليه
ميلت راسها على جنب :- بس انا ما ابي
الحيت عليها :- وانا ما احب اكل لحالي ولا احب احد يناظرني وانا اكل
تنهدت بقوه وقالت :- احس بالشبع وصدقني ما بطالعك
ابتسمت واصريت :- ولو اكلي معي
اخيرا استسلمت فتحته واكلت منه وقبل ما نوصل بيتهم قلت لها :-
عليا ... كلها كم يوم وتخلص معاملات قبولك في الجامعه و...
وبكره البنات بيروحوا للسوق علشان السنه الدراسيه الجديده (مديت يدي في جيبي وطلعت بوكي وعطيتها منه الفيزا كارد ) وهذا علشان تتسوقين على راحتك
ما مدت يدها وقالت :- بس انا عندي فلوس وما ني محتاجه و
ما عجبني كلامها فقلت لها :- ادري ان عندك فلوس بس لا تنسين اني صرت زوجك خلاص وانا المسؤل عنك
بعد رفضت تاخذها عصبتني فرديت بحده :- عليا لا تخليني اطلع من طوري خذيها وكلها يومين وتجهز بطاقتك وساعتها مصروفك بينزل في حسابك بس اللحين خذيها ....
اخذتها ودخلتها في شنطتها فتحت الباب علشان تنزل وقالت :- حياك انزل تغدى عندنا ما يصير تجي وما تتغدى
تذكرت جملة ساره وضحكت من قلب:-هههههههههه ولا يهمك بس اذا جيت اتغدى ابيك انتي تطبخين
ناظرتني بتحدي وقالت :- حياك واللي تبيه اطبخ لك
ابتسمت :- قريب وساعتها لا تتعذرين
انتظرتها الى ان سكرت باب بيتهم وحركت السياره وانا لازلت مبتسم على فكره انها بتطبخ والله يستر يمكن من القهر تسمني هذا اذا تعرف تطبخ اساسا
العــــــــــــــــنود
صلينا وتغدينا وبعدها نمنا ما قدرنا نقاوم عقب سهر البارحه نمت مع ندى في غرفتها ونجود مع سعاد وعلياء في غرفتها لحالها صحيت من النوم عل صوت اذان المغرب صحيت وداد وقلت لها تشوف البنات اذا صحو ولا لسه راحت تصحيهم ورجعت عقب خمس دقايق تقول
:- نجود وسعاد تعبوني على ما صحوا علياء تقول ما جاها نوم وجلست تعمل لنا بيتزا بتذوفنا اياها بعد الصلاه
قلت لها وانا اضبط جلالي :- وخالتي ام طلال تدري ان علياء في المطبخ
قالت وداد وهي تدخل الحمام علشان تتوضءللصلاه
:-موهنا المشكله ان امي تعرف وتخيلي اذا استمرت علياء على هالحال وشو بيصير
ضحكت على وداد :- اتخيلك واني في المطبخ وكيف تمسكين السمك واللحم وغيره
طلعت وداد من الحمام :-وع قرفتيني الله يقرفك ما قلتي حلا قلتي سمك
والجلال شيليه طلال مو هنا
شلت الجلال تركت وداد تصلي ونزلت تحت لقيت خالتي ام طلال وعندها علياء وقدامهم صحن بسبوسه وعلياء تصب قهوة لخاتي ام طلال سلمت عليهم وقعدت قبال خالتي وظهري لباب الصاله مديت يدي على قطعة بسبوسه :-واو لذيذه من عاملها الطباخ ولا من مخبز
ابتسمت خالتي ام طلال :-لا ذا ولا ذا هذي علياء سوتها
بحلقت في علياء:- من جد ولا اتصلتي على مخبز من ورانا
ابتسمت علياء :- لا حبيبتي عمايل ايديه وحيات عنيه
رديت عليها :- لا وتقل وداد انك مسويه بيتزا بعد !! متى لحقتي تسوي هذا كله ؟؟
ردت علياء :- ابدا طول العصريه ما جاني نوم ومليت وانا بروحي فقلت اشغل نفس بشي
رفعت حاجب :- وما لقيتي غير المطبخ (تنهدت ) ايه يا بخت خالد والله ولقى له حرمة سنعه
ضحكت خالتي ام طلال وهي تشوف وداد تنزل الدرج :- وانتم بعد تعلموا كيف تطبخون ولا ما تبون تصيروا سنعات
ردت وداد :-افاااا يام طلال وحنا مو سنعات ...واذا على الطباخ لا الطباخين ولا المطاعم مو مقصرين
طبعا خالتي ما عجبها رد وداد فقالت :- واذا قالك زوجك يبك تطبخين له ..وش بتقولين امي ما علمتني
مدت وداد يدها على قطعة بسبوسه وقالت :- ابدا بقول ام طلال ما قصرت بس انا ما احب الطبخ
طبعا خالتي ما عجبها الكلام حطت فنجان القهوه على الطاوله وقامت :- وهذا كلام تقوله حرمه لزوجها ؟؟ انا اقوم اشوف وش صار على العشا ابرك لي
راحت خالتي والتفتت وداد لعلياء وقالت :- شفتي وش سوت البيتزا في امي ...انا اقول انسي المطبخ احسن
ضحكت علياء وقلت لوداد :- مو بس بيتزا ترى البسبوسه والقهوه بعد
التفتت وداد لعلياء :- والله وكيف هذي سويتيها ؟؟
ردت علياء:- بكره دخلي وياي المطبخ واعلمش شلون سويتها
دخلت نجود مع سعاد وهي تقول :- بكره بنروح السوق اجلوا مشروعكم ليوم ثاني
وجلسنا باقي الوقت نتكلم عن روحة السوق وين بنروح ومن بيودينا وجدولنا هناك
طــــــــــــــــــــــــلال
رجعت من المسجد بعد صلاة العشا مع خالد وتركي دخلنا البيت وعلى طول دخلتهم المجلس ورحت انا على المطبخ اشوف زهبوا العشى ولا لسه دخلت وشفت وحده من ظهرها فاتحه الفرن قلت :-
هااااا... وش اخبار لبيتزا تبيض الوجه ولا ؟؟
رفعت البنت ظهرها وتجمدت مكانها ولحظتها بس عرفت انه مو علياء هذي وحده من بنات عمي نزلت راسي وقلت :-اسف كنت احسبك علياء طلعت وتوني عند باب المجلس الخارجي الا اسمع صوت علياء
:- العنود وش فيش كل هذا تجهزين صحن بيتزا ؟؟
غمضت عيوني واخذت نفس هذي العنود خساره ما شفت وجهها اخ لو التفتت لي بس ... ضربت جبيني واستغفرت ربي مهما يكون لسه ما صارت حلالي
رجعت عند الباب تنحنحت قبل ما ادخل وما لقيت الا علياء فقلت:- وش اخبار العشا عساك توصيتي فيه
ابتسمت بنعومه وقالت :-خالتي ام طلال ما قصرت كانت على راسهم لين كملوا شغل ...وانا ما سويت شي غير البيتزا وطبق الحلاوه اللي في الثلاجه .
حطيت يدي على راسها وقلت :- اهم شي تبيضين وجهنا قدام عريس المستقبل ...والا راح اقول له ان الحلا والبيتزا شغل الهنديه الجديده
دزتني من جنبها وقالت :- لا والله ...هنديه هاااااا (واشرت على نفسها )
ترى انا بنت يوسف ومافي احد يطبخ نفسي ...واذا ما عجبه ترى ما عنده ذوق
ضحكت من قلب :-هههههههههه زين يا بنت يوسف نشوف ...(هدأت عن الضحك وكملت ) بس اذا ما عليك امر خلي الشغالات يوصلن العشاء
للمجلس
تعشينا وعقب العشا فتحنا ملف المشروع وجلسنا نتكلم عنه طبعا تركي ما كان عاجبه ان يشتغل طول الوقت علشان كذا اول شي سويناه تناقشنا في المخطط الهندسي اللي هو من اختصاصه ولمن ابتدأ النقاش عن الميزانيه والعروض اعترض تركي
:- بس عاد لهنا وخلاص انا شغلي خلص والامور الماليه انا مالي شغل فيها
رفع خالد راسه لتركي وقال :- بس هي امور لازم تتعلمها لانك بعد كذا راح تستلم مشاريع وتكون مسؤل عنها من الالف الى الياء
حك تركي راسه وقال :- ان شاء الله عمي بس مو اليوم ..(وكمل يبرر) انتم اليوم ارتحتم الظهر وانا لا
ناظرته بخبث وقلت :- اذا كذا ما في مانع بس بكره انت اللي بتودي البنات السوق
فتح عينه وقال :- انا !!!وليش والسواق وش شغله ؟
رد عليه خالد :- السواق بيوصلهن للسوق لكن ما بيدخل السوق معهن
وانت تعرف اني ما احب يروحن السوق لحالهن
عدل تركي شماغه :- زين اجل سلطان يوديهن انا رجال عندي ارتباطات لكن سلطان ما عنده غير الطلعات مع ربعه
خالد :- صار بس قبل ما تروح ترى خواتك هنا يا ريت تاخذهن معاك للبيت
ابتسم تركي :- امري لله ... يلا في اما الله
تركنا وطلع وعقب ربع ساعه مليت من الشغل سكرت الملف رفعت راسي لخالد وابتسمت رد الابتسامه وقال
:-اعرفك زين يا طلال في راسك كلام قول واخلص
تذكرت علياء فقلت له :- ما قلت وشو رايك في عشانا؟
ابتسم خالد :- الحمد لله...والله ينعم عليكم ويزيدكم من فضله
سألته مره ثانيه :-و وشو رايك في البيتزا والحلا ؟
هالمره ضحك خالد بقوه وقال :-بس خلاص فهمنا يا رجال بكره عشاك على حسابي
ابتسمت بمكر :- من جد اسألك وشو رايك ؟
تحير خالد وعقد حواجبه :- ليه تسأل ليكون الطباخ جديد؟!!!
تذكرت كلامي لعلياء وابتسمت :- ايه وش رايك ؟
ردخالد وهو يمد رجليه ويمسح على بطنه :- والله انه طباخ(ن) سنع
بتزا كانها شغل مخبز والحلا لذيذ مره ...وهالمره اذا عزمنا الشباب
قول له يسوي لنا منه
ضحكت :- اذا تبي من هالحلا انت وصي الطباخ بنفسك ( ما فهمني فكملت ) لان طباخنا الجديد بنت يوسف حرمتك
ابتسم خالد على جنب وقال :- متأكد انها مسويته ؟
ضحكت :- لا تخاف حرمتك تعرف تطبخ مو مثل ما سوت ندى في عزيز
عزمته على العشا وجابت نص الاكل من المخبز والنص الثاني شغل الطباخ وقالت له انها طابخته
سند ذقنه على يده المتكيه على الكرسي وقال :- مو المهم الطباخ المهم المره تحافظ على حرمه بيتها وزوجها ... والباقي تتعلمه مع الايام
سندت ايدين على اركبي وشبكتهم ببعض وقلت له :- يا بختك حرمتك جاهزه ما يحتاج تتعلم شي
ابتسم لي :- ايه بكره نشوف ( وقف ودخل جواله في جيبه وحمل مفاتيح سيارته والملف )يلا ورانا بكره شغل من بدري
((وداد))
كنت قاعده في الصاله جنبي عباتي ومجهزه حالي علشان السوق وجنبي علياء وشوي الا تجي سعاد وفي يدها جوالي يصيح عطتني اياه وقالت
:- نسيتيه فوق وخذي كلمي هذي العنود
رديت على العنود :- هلا .. وينكم فيه ترى كلنا جاهزات
العنود :- ابد كلها خمس دقايق ونكون عند الباب
تأففت :- يعني لسه ما وصلتوا وليش كل هالتأخير
ردت :- ابد الله يسلمك هذا سلطان نسانا وطلع مع ربعه ولمن اتصلت عليه قال ما يقدر يجينا
ميلت فمي على جنب :- اجل من بيودينا
ردت العنود :- من غيره اخوي حبيبي تركي
ما ادري ليش ما احب سيرته يمكن لاني احسه مغرور وشايف حاله او لانه كان دايما يتحداني ويفرض شخصيته علي لمن كنت صغيره وكنت برد على العنود برد خشن بس خفت تكون تكلمني على المايك علشان كذا قلت :- المهم في من يوصلنا .. يلا احنا نستناكم
سكرت الجوال وقلت لعلياء وسعاد :- الاخ تركي بيوصلنا
لاحظة علامات الارتياح على وجه سعاد الي قالت :- احسن ... بيخلينا على راحتنا ولا بيستعجلنا ولا بيتدخل في اللي ما له مثل سليطين
اما علياء فكان عندها الامر سيان وانا قلت :-بالعكس على الاقل سلطان خفيف دم والجلسه معه ما تنمل لكن تركي ثقيل و......افففففففف خليها على الله
دقت العنود علي وقالت انهم عند الباب ركبنا السياره واول ما وصلنا المجمع قال تركي :- اسمعن زين ابيكم كلكن مع بعض مو كل جماعه في صوب
لويت فمي من تحت الغشوه وقلت في نفسي بدينا لكن نجود قالت
:- بس كذا بناخذ وقت طويل
ابتسم لها :-ولا يهمك بالنسبه للوقت خذوا راحتكم
فعلا الحسنه الوحيده انه خلانا على راحتنا لكنه طول الوقت كان معنا ويتكلم مع العنود عن عدة مواضيع وما يتركها الا اذا كلمته نجوداو اذا سحبتها علشان تنقي معي بعض المشتريات
دخلنا مانجو وما قصرت نجود في المشتريات وبعدها قالت لتركي
:- تركي حاسب لي
اخذ منها تركي الاغراض وفوقها اخذ اللي شرته العنود وراح يحاسب عنهن قربت من العنود وقلت
:- زين انه حاسب خفت لا يتركنا علشان نجود قالت له حاسب
ظربتني العنود بكوعها وقالت :-لا تغلطين ترى اخوي من يومه كريم
ولعلمك قبل ما نجيكم عرض بطاقته علينا بس حنا مارضينا ناخذها
لويت فمي وقلت :- ااه وجعتيني وكل هذا علشان تريك زين لا تزعلين
صدقنا انه كريم
العنود ما عجبها كلامي فقالت :- طبعا كريم لكن الدور والباقي على عريس المستقبل الا ولا مره سمعت انه عازم اخته او تركي على
فطور ولا كوفي حتى
قرصتها بعيني وكانها تشوفني من ورى الغشوه :-واخوك يا عيني مقطع حاله من العزايم
طبعا انا ما احمل مشاعر خاصه تجاه ماجد بس أي كلام في صالح تركي يغيضني وقبل ما ترد على العنود قرب تركي مننا وقال
:- اذا ما تعبتوا من السوق انا تعبت فوش رايكم اعزمكم على الفطور في دي كيف
ردت العنود تغايضني :- يسلم لي الكريم
قهرني الوضع جلسنا وطلب لنا فطور وقعدنا على طاولتين طاوله هو معاه خواته والثانيه قباله عليها انا وخواتي وقبل ما يكمل فطوره جاه تلفون رد عليه
:- هلااااااااااا وعليكم السلام حيا الله هالصوت ........ايه اعرفه ليش؟؟
....... بس انا امس كلمته واتفقت معاه.......طيب طيب انا جاينكم اللحين
سكر الجوال وسألته العنود :- وش فيه وش صاير ؟
رد عليها وهو يتصل :- ابد مشكله في الشغل
الظاهر رد عليه المتصل لانه قال :-سلام ....وينك فيه ؟..........
تمام اجل تعال مجمع ال........علشان البنات لسه ما خلصوا
........ايه بس سلطان بعيد وكذا انا بتأخر على شغلي ........طيب استناك
سكر الجوال وقال للعنود قبل ما تسأله : كلها ربع ساعه ويجيكم خالد
ما ادري ليش ارتحت يوم سمعت انه بيفارقنا لكن انتبهت لعلياء توترت
وصل خالد سلم علينا وتكلم مع تركي شوي وعقب ما خلصنا فطور طلعنا نكمل مشاويرنا وطلبت نجود منه يودينا مجمع ثاني ابتسم لها وقال
:- من عيوني بس اول نروح مسجد علشان نصلي الظهر بعدين نروح مكان ما تبون
وصلنا عند المسجد نزلنا كلنا وقبل ما ندخل المسجد نادى العنود كلمها وبعدين دخلنا للصلاة
علـــــــــــيـــــــــاء
صدق اني ما تعودت اروح السوق وفي رجال ويانا يعني عادة نكون شلة حريم وبس لكن وجود تركي كان ارحم بالنسبه لي من وجود خالد اللي حسيته مثقل على انفاسي لانه من لحظة وصوله حسيت اني مراقبه وانقلب مشوار التسوق من متعه الى كابوس
ارتحت اول ما دخلنا المسجد وعقب ما خلصنا صلاة سبقوني البنات على السياره وحطيت ايدي على قلبي خايفه يكونون مثل المره اللي طافت يخلوني اقعد جنبه لكن قبل ما اقرب واشوف وين بقعد سمعته يناديني
ياترى وش يبي خالد من علياء ؟؟
وساره وينها ومعقوله خلاص تراجعت عقب اللي سوته ؟؟
هاجر وش الحدث المهم اللي صار لها ؟؟
اذا تبون تعرفون انطروا الاجابات انشاء الله في البارت القادم
اتمنى ان البارت مو ممل
اعذب وارق الامنيات
-
رد: رواية أطياف الغرام / الكاتبة : معاميريا ; كاملة
((الجزء التاسع ))
(فقدتك)
علـــــــــيــــــــــــاء
بلعت ريقي وقبل ما ارد عليه رفعت يدي للبرقع اتأكد اني مغطيه عيوني (ااخ يا ربي ...الله يستر وش يبي بعد؟!!!!) رفعت عيني له لقيته قريب حيل مني ارتبكت رجعت خطوه ورى ونادى مره ثانيه
:- عليا (طالعني ولما تأكد اني منتبهه له كمل) ليه ما شريت لك شي ؟؟
استغربت شدراه ؟:- من قال؟ بالعكس أي حاجه تعجبني اشتريها
رفع حاجب والقى نظره بمعنى مو علي هالكلام وقال:- وكل اللي تحتاجينه قميصين وتنوره ؟!!! غير اني من جيت ما شفتك تشترين شي
وشدراه ومن غير ما احس سألته :- وش دراك انا وش شريت ؟؟؟
ابتسم وقال :- ادري مثل ما ادري انتي ليه ما تشترين واللحين اسمعيني زين يعليا اما انك تشترين كل اللي ناقصك او راح ادخل معك وانقي لك كل شي بنفسي
خفت لا يسويها فقلت :- ما له داعي تتعب نفسك انا اذا عجبني شي بشتريه
ميل فمه على جنب وقال :- بنشوف (سكت شوي مشى ومشيت وراه وفجأة التفت لي ) تعالي قدامي
فعلا مشيت قدامه وانا افكر اني افك نفسي واشتري من فلوسي ولا استخدم بطاقته بس المشكله انه اكيد بيلاحظ خاصه ان ما عندي غير فلوس بحرينيه... طبعا ارتحت اول ما شفت ان العنود قاعده قدام كملنا تسوقنا على خير ورجعنا البيت المغرب نزلنا كلنا في البيت اما خالد تركنا وراح المسجد يصلي
نزلت عقب صلاة المغرب للصاله ادور البنات ما لقيتهم وما لقيت غير فيصل يلعب بلايس تيشن رفع راسه لي
:- وش رايك تلعبين معي دور ؟
ضحكت :- كرة قدم عاد...ما اظن افلح فيها (ما حبيت اكسر بخاطره واذا عل البنات انا طول اليوم كنت معهم ) بس ما عليه يلا عاد انا ابي يطاليا
قعدت وكنت ناويه العب شوط واحد بس تحمست رغم الخساره الفادحه وقررت العب الشوط الثاني ....واثناء اللعب دخل طلال
:-سلام ..وين الباقي ؟
ردينا عليه السلام وعيونا معلقه في التلفزيون وسألنا مره ثانيه
:- وين باقي اهل البيت؟
رفعت راسي له :- خالتي في غرفتها عند ابوي الحين تجي ..والبنات مع بنات عمي في الحديقه
رد طلال :- يعني مافي احدغريب
ما انتبهت للي قاله لاني التفتت لقيت فيصل سجل علي هدف اعترضت
:- لالالالالا هذا غش ما اقبل هذا هدف غير محسوب
فيصل ماتنازل:- لا مو غش وهذا هدف محسوب
تخصرت وقلت له :-لا يا عيني.. لايا حبييي ..لا يا عمري هذا غش هدف غير محسوب انت استغليت اني مشغوله مع طلال وسجلت علي هدف
(ولفيت راسي لطلال وكملت ) مو....
ما عرفت اكمل كلامي لان عيني طارت للثوب الثانيه وصاحبها اللي قال
:- السلام عليكم
بعدني في حالة صدمه مو مستوعبه شي وانتبهت على فيصل يقول له
:- وعليكم السلام .. هلا خالد شفت علياء ما تبي تنفذ الشرط اللي عليها
فقالت اني اغش
ابتسم طلال :- ليه علياء أي فريق؟؟
فيصل :- ايطاليا
ضحك خالد وطلال لكن خالد سكت قبل وقال :- ما يضر يا فيصل لا تحسب هالهدف وبنشوف من يفوز
قهروني واحرجوني وهم يضحكون علي لان فرق الاهداف كان 6 اهداف لصالح فيصل فتركت اللعبه وقفت
:- بس خلاص ما بلعب
وعلى طول رحت جهت الدرج وقفني فيصل من وراي
:- بس كذا انتي خسرتي ولازم تنفذي الشرط
لفيت رحت المطبخ وقعدت على الطاوله ما سكه راسي وصحت قهرشلون طلال خلاه يدخل جذي ما يشوفني وش لابسه طالعت ثيابي
بدله سبور من ثلاث قطع ورافعه اكمامها للكوع وشعري مرفوع بكلبسه باهمال رفعت راسي على صوت خطوات من وراي وصوت خالتي ام طلال تقول:- عليا انتي هنا وانا ادورك .
ابتسمت لها :- امري خالتي
ردت على ويدها على كتفي :-ما يامر عليك ظالم ..بس خالد برى (ابتسمت بحنان) يبي يشوفك ..روحي بدلي هدومك وروحي له المجلس
ما ابي اروح ما ابي اشوفه بس ما اقدر اقول لخالتي هالكلام فقلت :-
بس فيصل يبيني اسوي له كيكه بالشوكولا و........
نادت الشغاله علشان تجهز العشا وقالت لي :- ما عليك من فيصل
روحي شوفي زوجك
طعتها صعدت بدلت هدومي لبست تنوره جينز لتحت الركبه مع بلوزه صفرا ناعمه وصندل خفيف وطبعا اللبس من اختيار الثنائي نجود وسعاد
نزلت ورحت المجلس واول ما فتحت الباب انصدمت بان اللي قدامي طلال مو خالد وكان شكل طلال تعبان ما يطمن على طول رحت له
:-طلال وش فيك ...(على طول جا على بالي خالد قاله شي عني نرفزه ) خالد قالك شي
رد علي بكلمتين :- ايه ذبحني
خفت وش قال خالد وش سوىفي طلال ؟؟؟مسكت طال من كتوفه وسألته
:- طلال يا عمري ...وش فيك وش قالك خالد
لكنه رفع عيون حمرا من الدموع المتجمعه فيها ورافضه تنزل وقال :- مو اللحين بعدين ...بعدين
وتركني وقام ((اااااااااااااااااااه يا ربي وش اللي صار وش اللي قاله خالد وعفس طلال جذي ...لا ويقول ذبحني ))قعدت شوي احاول اهدي من نفسي لكن ابد ما في فايده فرحت لعند غرفة طلال مديت يدي بدق الباب
لكن تراجعت في اخر لحظه قلت خله يرتاح على الاقل ساعه بعدين اكلمه
قعدت في غرفتي لكن التوتر ما خف والتفكير في اللي صار مو مريحني فقررت انزل تحت عل وعسى الهي شوي مع الجماعه
هـــــــــاجــــــــــــــر
عقب ما شبعت صياح نمت من التعب وقعدت على صوت امي تدق الباب
:- هاجر قعدي اذن العشا وانتي للحين نايمه
فزين من فراشي وطالعت الساعه لميت شعري وقلت لامي
:- بس كاني قعدت
ردت امي :- زين عجل صلي وانزلي تعشي
ما ابي عشى اصلا نفسي مسدوده عن الاكل لكن امي واعرفها ان ما نزلت على العشى بترجع مره ثانيه صليت ونزلت اتعشى ومن القهر اكلت اللي في صحني كله ولا حسيت بالشبع ففتححت الثلاجه واخذت كاسه ايسكريم
ودخل سويلم :- وين بتضعفين وانتي متوليه الحلاوات (مد يده واخذ كاس اليسكريم من يدي ) ترى هاليومين ما يبون الا الرشيقه
وقفت وتخصرت :- انا رشيقه غصب عنك واللي مو عاجبه يرقع راسه بالطوف( وسحبت الايسكريم من يده ورحت الصاله تربعت على الكرسي وكلت كل الايس كريم من القهر)
مر سالم من قدامي وفي يده مفاتيح السياره :- اذا سألت عني امي اوابوي قولي لهم راح القهوه
ما رديت عليه وقلت في نفسي ( يعني جبت شي جديد مو انت يا في القهوه تشيش يا تغازل في المجمعات والتلفون )
فتحت التلفزيون قلبت القنوات ما عجبني شي( اااااااااااااف وينش يا عليا تعالي شوفي هاجر وش صار فيها ) تلفت الصاله ما فيها احد والتلفون جنبي يلا خلني اتصل على عليا افضفض شوي
دقيت عليها واول ما ردت قلت لها :- وانتي ان شاء الله لمتى بتقعدين في السعوديه
بكل برود ردت على :- اولا وعليكم السلام ..ثانيا عرس جاسم بجيكم وبقعد اسبوع بعد
تأففت :- يعني عقب يومين ....انا وش يصبرني يومين
اكيد علياء حست فيني لانها قالت :- وليش تصبرين يومين قولي فضفضي وش فيش
حكيت جبيني :- وش فيني بعد غير حمد واخته الملقوفه جواهر
ضحكت :- وانا اقول يمكن عندها سالفه جديده
كان ودي لو علياء جنبي كنت ضربتها:- انا بموت من القهر وانتين تضحكين
ردت بكل هدوء :- بسم الله عليش من القهر وعسى يومي قبل يومش
رديت عليها بكل رواقه :-عليا من جد تحبيني هالكثر ؟
ضحكت علي :- لا مو لهالدرجه بس اجاملش
تناسيت همي ورديت :-وانتي تطولين بنت جاسم تكلمش
ردت علياء :- بدينا... ولا تحطين راسش براسي ترى منتي قد بنت يوسف
رجعت لهمي وقلت :- عليا انا غلطت اني ما كملت دراستي ؟
ردت علياء :- انتي تعرفين رايي ان اهلش او بالاصح سالم اذا ما خلاش تشتغلين هذا مو معناه ما تدرسين في الجامعه
ضحكت بسخريه :-هه اللي يسمعش يقول الاخ مو واقف عظم في البلعوم
وسمح ادخل الجامعه
علياء :- صدقتي .. بس انتي بعد ما كنتي مهتمه هالكثر ...هاجر وش صاير يخليش تقولين جذي
تنهدت بقوه وقلت :- جواهر اليوم كالمعتاد ثقلت دمها وسألتني بكل وقاحه قدام خواتها (قلدت صوت جواهر اللي تتكلم من انفها ) هاجر بجد ومن دون لف ولا دوران انتي قلبك ما به احد؟ وطبعا رفعت راسي ورديت عليها لا حبيبتي انا قلبي فاضي وما يملاه أي احد
وطبعا الاخت ما وقفت ثقاله دمها عند هالحد وقالت :- ولا حتى حمد اخوي ؟؟....ولو تدرين وش صار فيني يا عليا احس ارتفعت حرارتي و
ما عرفت ارد هذي شلون خطر على بالها هالسؤال لكن استدركت نفسي وقلت لها:-ومنو حمد علشان يشغل قلبي ولا يترس راسي
والخبيثه قالت :-يعني تبين تقولين ان حمد مو قد المقام ؟
ورديت بكل غباء :- ولا يسوى عندي شي
غبيه غبيه مو ادري اني غبيه ااااااااااه يا عليا لو كنتي موجوده ما كنتي سمحتي لي اقول جذي
ردت علياء :- انتي غلطتي والمفروض ما تقولين هالكلام
رديت احاول ادور عذر لنفسي :- يعني تبيني اقول قدامهم جذي بكل بساطعه اني احبه ....مستحيل
حسيت علياء ابتسمت :-ادري ان كبريائش ما يسمح لش تقولين لهم انش تحبينه بس المفروض تتصرفين بدلوماسيه خاصه ان حمد ولد خالتش وهالمره خذي حذرش يعني تخيلي لو خالتش سمعت
رديت ودموعي تحدرت على خدي :- مو هني المصيبه
شهقت علياء:- اووووووه خالتش سمعت ؟!!!!!!!!! تدرين انا من رايي تعتذرين وتقولين انه كلام قلتيه علشان تغيضين جواهر خاصه ان خالد خوش رجال وما يستاهل
صدق هم يبكي وهم يضحك :- يا هو اصحي أي خالد حمد حنا نتكلم عن حمد (وبوزت مره ثانيه )وياريت خالتي الي سمعت لان اللي سمع الكلام هو حمد بنفسه
اتوقع ان علياء بطلت عيونها وفمها بعد لانها شهقت وقالت :- يا ربببببببببببي..من جد تتكلمين لو مقلب ؟ زين وش قال ؟ لو ما تكلم ؟ وش رديتي عليه ؟
تذكرت اللي قاله وشوي وبصيح :-اتمنى لو اني امزح لو انه حلم بس سمعني وقال ويا ريته ما قال ....تدرين وش قال لي .......قال مو حمد الللي يلتفت او يهتم لناس جهال واقل منه مستوى واللي بتزوجها وبملك قلبها اكيد بتكون على قد ما هي حلوه ومزيونه على قد ماهي مثقفه
ومؤدبه وقريب ان شاء الله تعرفونها والتفت لي وكمل ولا تنسين تغطين شعرش عدل ( بس ما قدرت بكيت من الحره والقهر) شفتي طلع يحب
اكيد وحده تدرس معاه في مصر ....
ردت علياء :- اهدي يا هاجر .. الخير فيما وقع ما دام الصبي حاط عيونه على وحده ثانيه(سكتت شوي وتنهدت ) يعني انه سمع انش ما تحبينه اهون من انه يسمع انش تموتين عليه
دق جرس البيت سلمت على علياء وسكرت التلفون بسرعه ورحت اشوف من عند الباب لبست جلالي وقفت ورى الباب سألت:- من؟
رد على بصوته المميز :- انا حمد خالتي هني ؟
حبست انفاسي وبعدها رديت وانا مغمضه عيوني بقوه :- لا هي عند الجيران ( طالعت الساعه ) كلها خمس دقايق وترجع
ولانه متعود ينتظرها داخل البيت قلت له وانا افتح الباب :- تفضل حياك
دخل خطوه داخل البيت :-عمي بو عيسى موجود او حتى سالم
رديت وانا منزله راسي :- ابوي عند عمي بو محمد في مجلسهم
وسالم ...
وقبل ما اكمل كلامي كمل سالم اللي وصل فجأه :-وسالم هنا وصل وشاف بعيونه (مسك حمد من قميصه ) تستغل غيبه اهل البيت وجاي تتعدى على محارمنا
انا انذهلت من كلام سالم وفهمه للموقف غلط لكن حمد كان اسرع مني وقال وهو ينزل يد سالم عن قميصه :- اتركني يا سالم ومو انا اللي يخون هله انا كنت ........
قاطعه سالم ومسكه مره ثانيه يبي يجره للشارع :- لا تكذب تراني اعرف هالاعذار والحيل زين
طبعا لان حمد اقوى من سالم بحكم الفرق بين بنيه سالم الضعيفه وقصر قامته بينما حمد اطول واعرض منه ما قدر يجره بره بس بعد اصواتهم
كانت واصله لبره فمسكت سالم اترجاه :- سالم تكفى بلا فضايح ترى حمد ما سوى شي
لكن سالم ما اهتم في كلامي ودزني على الجدار ساعتها طحت ولا دريت وش صار بعدها لاني ما وعيت الا وانا في غرفتي
-
رد: رواية أطياف الغرام / الكاتبة : معاميريا ; كاملة
طـــــــــــلال
دخات غرفتي وطفيت اللمبات ما ابي احد يدخل علي ويكلمني شغلت التكييف ورميت روحي على السرير حطيت ايديني ورى راسي وتوسدتهم حاولت الاقي حل للمشكله وش اسوي انزل لابوي واكلمه
طيب وش اقول له مو هم يدرون اساسا شلون عمي يتصرف بهالطريقه
ولا حد يقول لي انه مجرد كلام ما يصير اظل طول عمري متعلق بأمل وفي لحظه وحده يسلبونه مني ضغطت على راسي بقوه اااااااااااااااه يا راسي
راسي يعورني مره وكله بسبب الطرق المقفله لكن ما في الا.....
قطع حبل افكاري صوت دق على الباب هذي اكيد علياء جتني مرتين تبي تعرف وش فيني بس انا كنت ارد عليها انها مشكله في الشغل واكيد عقب اللي قلته في المجلس ما صدقتني
فقلت :- عليا ..صدقيني ما فيني غير عوار راس
ردت علي زين على الاقل كل لك لقمه علشان تشرب لك حبتين بنادول وترتاح
عرفت انها ما بتستسلم فتحت النور وبعدها فتحت الباب
:- تفضلي
ابتسمت وحطت الصينيه على الطاوله اللي قبال التلفزيون ومسكتني من يدي جلستني وقالت
:- ممكن تتفضل وتاكل
اكلت سندويشه بالغصب وبلعت رواها حبتين باندول وكل هالوقت وعلياء تناظرني نزلت كاسه الماي وقلت
:-اللحين تطمنتي ..يلا بنام
ناظرتني وعلى وجهها علامات القلق:- لا ما تطمنت من جد طلال وش فيك وش قال لك خالد
اغتصبت ابتسامه وقلت :- مشكله في الشغل اظطرت خالد يطلع من البيت حتى من دون ما يسلم عليك واللي ذبحني ان هالمشكله بطيح على راسي خاصه ان حلها بياخذ وقت وخالد عنده مشاريع ثانيه يتابعها
( اشرت على نفسي ) يعني ما في غير الفقير لله يحلها ويتحمل مسؤليتها
طالعتني علياء وكأنها مو مصدقتني :- زين اذا هو سوى المشكله ليش انت تحلها
ابتسمت :- لانها مو ظمن تخصصه انتي تعرفين خالد شغلته تعاملات اداريه عقود صفقات تعرفين مدير اداري والمشكله ماليه يعني من تخصص(اشرت على نفسي ) مدير الحسابات
ابتسمت :- تدري اول مره اعرف انك محاسب ؟
ضحكت احاول اغطي على همي :- مو حنا وحده اداريه متكامله
ابوي وعمي اداره اعمال وخالد شؤون قانونيه وانا ماليه وتركي هندسه
استغربت :- توك تقول خالد اداره اعمال
ابتسمت :- لا تستغربين ترى الخبره خلت خالد يتولى بعض الامور الاداريه مع الشوؤن القانونيه ترى زوجك يتدخل في كل شي تلاقينه
يلم بكم شغله في المحاسبه والهندسه ( ابتسمت لها ) والله يستر بكره يتدخل لك في امور البيت والمطبخ
اشتعل وجه علياء وصار احمر من الحيا استأذنت وطلعت وكلها كم دقيقه ودقت وداد الباب دخلتها
:- امري وش تبين تراني تعبان وابي انام
ابتسمت وداد :- اذا عليا اللي صار لها كم يوم معانا عرفت انك متضايق حيل وان السالفه اكبر من مسائل شغل تبيني انا اصدق
انه ما بك شي
طبعا ممكن اكذب على الكل واداري عنهم بس لان وداد تعرف كل السالفه والاهم تعرف حقيقه شعوري قلت لها كل السالفه
جلست على الكنبه وجلست قبالي على الطاوله وقالت
:- علياء تقول دخلت عليك المجلس ولقتك في حال غير الحال
وبعدها رقيت لغرفتك من غير ما تكلم احد وش صاير يا طلال
رفعت راسي اناظرها :- وما قالت لك اني قلت ان خالد ذبحني
فتحت وداد عيونها على وسعهن واخذت نفس قوي :-
ليش وش سوى خالد والسالفه تخص عليا ولا ...
ما كملت خلت جملتها معلقه وكملت بدالها :- السالفه تخص العنود
ضغطت بيدي على راسي وكملت :-عمي اتصل على خالد وخبره
ان في رجال جاه يخطب بنته وان عمي اتفق معاه يمره بكره عقب صلاة العشا و........
قاطعتني وداد :- انت متأكد انه يخطب العنود مو يمكن يخطب نجود
رفعت راسي لها :- يا ريت لنجود .. بس المشكله انه خطب العنود
رجعت وداد تقول وهي مو مصدقه :- انت متأكد انه خطب العنود
مسحت وجهي بيدي :- بنفسي سمعت عمي يقول لخالد ( اليوم جوني خطاب لاختك وادري اني محيرها بس الرجال طلبني وانا اعطيته
وما اقدر ارجع في كلمتي) .....حتى خالد ما وع لنفسه الا وهو يقول لابوه( ولمن حيرتها مو كنت عاطي كلمه كيف رجعت فيها ) لكن اللي كسرني وخلى خالد طلع على وجهه لمن قاله عمي ( المشكله اللحين اني ما ابي اعطيها للاثنين علشان كذا ابيك تجيني ضروري )
حطيت يدي في شعري وشديته بقوه :- وما في غيرها محيره لي عرفتي يا وداد ان الخاطب جا للعنود
ردت وداد وتبي تتعلق بأوهام :- بس عمي قال ما يبي الرجال يعني اكيد بيلاقي له حل وبيرده ولو انه يعرف انه يوم طلبه انه يبي العنود كان ما تمم له
ابتسمت بسخريه :- بس عمي قال بعد انه ما بيعطي بنته حتى للي محيرنها يعني ما بيعطيني اياها وش اسوي يا وداد وش الحل
رفعت كتوفها علامه ما ادري وقالت :- ما ادري ..ما ادري ..طيب طيب ليه ما تروح بكره وتحجر عليها و........
ما كملت لاني قلت لها :-فكرت اسوي كذا ...بس ولو مو انا اللي اخذ العنود غصب عن اهلها انا ابيها برضاها ورضى اهلها واولهم عمي
ابتسمت وداد :- بس العنود تبيك مثل ما تبيها
مسحت على راس وداد:- لكنها ما تبي واحد ابوها ما يرضاه لها ولا انا ارضى لها تاخذ واحد ابوها ما يبيه
ابتسمت لوداد:- عرفتي اللحين ليش احس اني مذبوح ليش احس ان الدنيا خانقتني وظاغطه بكل ثقلها على صدري (دمعت عين وداد مسحت دمعتها وكملت ) بس انا زين والدليل اني ما زلت اتنفس ما زلت حي
(وكملت في نفسي....وان كان الموت ارحم....وواصلت اطمنها ) وبكره ان شاء الله نفتك من الخاطب الجديد (تنهدت ) وبعدها انا بشوف وش اللي يخلي عمي وابوي زعلانين علي
غلطت وجبت سيرت ابوي وداد ما فاتها هالشي لانها قالت :- وابوي ؟!!!!!!!! ليش وش فيه ابوي
اصطنعت ابتسامه وكانت باهته وقلت :- الظاهر اني مسوي غلطه كبيره مره وانا ماني حاس لاني اول ما قلت لابوي عن اتصال عمي قال لي
(اعرف الرجال طلب عمك وعمك تمم له قبل يعرف طلبه لكنه ان شاء الله بيشوف له حل وللثاني بعد ) ساعتها سألته من الثاني ليكون ما قدرت اقول انا فقلت اللي محيرنها ورد علي يا وداد ويا ريته ما رد لانه قال ( ايه تراه بعد ما يستاهلها ) انا ما استاهلها يا وداد انا طيب يمكن اكون ما استاهلها بس مو يحرموني منها
حسيت اني بانهار علشان كذا طلبت من وداد تتركني لحالي
ســـــــــــــاره
فتحت الدرج وطلعت الجوال الثاني فتحته لقيت فيه مسجات كثيره ما اهتميت اقراها وعلى طول رحت لقائمة الاسماء وصلت لاسم خالد اللي سجلت رقم تلفونه عندي بعد ما خليته يتصل على امي في المزرعه
المهم فكرت اضغط على زر الاتصال واكلمه بس تراجعت ...اكيد بيعرف صوتي وساعتها بتنقلب الامور ضدي ... طيب خليني ارسل له مسج
يا ربي وش ارسل له فتحت المسجات اللي واصلتني عل وعسى الاقي مسج مناسب لكن كلها كانت .....وينك؟ وحشنا الصوت والله ؟ واخرها من عصام يطلب يشوفني ........ افففففففف والله انك فاضي
شفت كم مسج عجبوني وتوني بأرسل واحد منهم الى خالد الا الجوال يرن في يدي والمتصل عصام افففففففف اللحين وش يفكني منه رفعت السماعه قال لي :- هلا بعمري هلا بقلبي ....والله اني مشتاق لك مووووووووووووت صارلي زمان ما سمعت صوتك
مديت رجليني وفكيت شعري العب فيه :- ابدا ... بس كنت مع العايله في المزرعه ولا قدرت اخذ الجوال معي (تنهدت ) انت بعد وحشتني
رد بهيام :- دامك مشتاقه لي تعالي نطفي نار الشوق ونقعد مع بعض
فتحت عيني وعظيت على شفايفي :- لا ما اقدر الوقت ما يسمح غير ان امي حاطه بالها علي هاليومين
تنهد ورد بحزن :- يعني ما اقدر اشوفك ؟ ترضينها لي اتعذب ؟ وانتي تدرين انك الهوا اللي اتنفسه
ابتسمت ورديت بدلال :- اكيد ما ارضاها لك ..واتعذب لعذابك بس
سالفه اننا نشوف بعض خليها لوقتها ...(وحطيت يدي على خدي )
علشان تشتاق لي اكثر
وظل عصام على هالحال ربع ساعه يقنعني اننا نتقابل الى ان وعدته
:- طيب انا اللحين ما اقدر بس اوعدك اول ما تبدأ الدراسه ادبر لي يوم ونلتقي
صرخ عصام صرخة انتصار :- تسلمين يا عمري اللحين بس ردت لي روحي ... ااااه يا من يصبرني لين تبدأ الدراسه
ضحكت بنعومه :- علشاني اصبر ...ولا نا ما استاهل
عصام بلهفه :- الا تستاهلين ونص بعد .... يلا قبل ما اتركك تأمرين على شي
ضحكت :- سلامتك حبيبي
سكرت التلفون ورحت على المسج اللي كان ((تعاتبني نفسي عند ذكراك الا اوفيك حقك ..واخبرك بان قلبي لا ينبض الا بحروف اسمك ))
لا غيرت رايي المسج قديم وما يصلح غير ان خالد بيطنشه ولا بيعطيه وجه الاحسن استنى الى ان تبدأ الدراسه وساعتها ابتدأ الشغل
اول مسجات من فاعلة خير تبعد عليا من طريقي وبعدها نقلب الى المواساة والعواطف الى ان اكسب قلبه
عجبتني الفكره ايوه كذا هذي الطريقه المناسبه لشخص مثل خالد
رضيت عن نفسي وشغلت الكاسيت ورقصت لين تعبت
الى هنا وانتهى البارت
انتظر ردودكم وتعليقاتكم وتوقعاتكم
ارق واعذب التحايا
-
رد: رواية أطياف الغرام / الكاتبة : معاميريا ; كاملة
((الجزء العاشر))
(ابي املكك)
اكثرنا اذا مو كلنا حبينا... بعضنا كان حب مراهقه واكتشف بعدين انها مجرد مشاعر اعجاب... وبعضنا كان حبه حقيقي بمقدار حقيقه وجودنا وطبعا بعضنا فقد حبيبه في اول او نص او حتى نهايه الطريق لكن هل هالفئه حاربت علشان حبها وصرخت بكل لغه ممكنه(( انت لي وابي املكك......لانك اذا ما كنت تدري ....انت لي انا وبس ))
ويبقى السؤال حتى بعد هالصرخه بتقدر تستعيد اللي فقدته او لا؟؟؟؟؟؟؟؟؟
وش حال اللي مو عارف اساسا يترجم مشاعره ؟
سعـــــــــــــــاد
اليوم على الفطور كان الوضع كئيب ما حبيته امي وابوي كانو يتبادلون نظرات ما فهمت معناها وطلال كان واضح على وجهه انه تعبان مره ومو طايق ياكل وشكله جلس معنا على الفطور غصب ...انتقلت بنظري لوداد واضح انها مهمومه وتاكل وبالها مو معنا وكل شوي ترفع راسها تناظر طلال شكلهم بينهم شي ...اما عليا كانت تناظر بصحنها وتقلب
الاكل اللي فيه بالملعقه ...اما فيصل فهو الوحيد اللي كان ياكل ولا هامه شي ...كنت ناويه اسأل وش فيكم بس صوت عليا قطع الصمت
رفعت راسها عن صحنها ونادت :- يبه
ابتسم لها ابوي :- امري يبه
ناظرته وناظرت من بعده امي :- تسلم لي يبه ...يبه انا ابي اروح البحرين
الكل التفت لعليا واستنينا نسمع رد ابوي
تسند ابوي على كرسيه :-احم ... ليش يبه عسى ما شر ؟؟؟(ودار عيونه بينا ) احد قايلك شي ؟ او سامعه شي ؟
ردت عليا باندفاع:- ابد بس زواج جاسم ولد خالي عقب كم يوم وانا ابي احضر عرسه ومن بعد اذنك ابي اقعد اسبوع هناك
زفر ابوي زفرت ارتياح وقال :- من عيوني ...واليوم بحجز لك على اقرب رحله للبحرين
قام ابوي من على السفره ناظر طلال وقال :- يلا يا طلال والا منت بناوي تداوم اليوم ؟
وقف طلال :- بس بنزل شويه اوراق عندي فوق وبتلاقيني وصلت الشركه قبلك
ناظره ابوي باهتمام :- عن السرعه (والتفت لنا ) هاااا تامرون على شي قبل ما اروح
طبعا اول شخص رد هو امي :- سلامتك يا بو طلال
طلع ابوي وكلها دقيقتين وطلع عقبه طلال وانا توجهت لعليا :- انت من جدك بتجلسين في البحرين اسبوع ؟!!!
ابتسمت عليا :- كنت حابه اقعد اكثر بس استحيت اطلب من ابوي اكثر من اسبوع
تخصرت وقلت :- لا والله .. استحيتي هااا ...وانااقول هالاسبوع باستغلك وكل يوم نطلع لمكان شكل بحجه نعرفك على الرياض
ابتسمت عليا و وداد ولا هي هنا انتبهت لها :- دودو وش فيك ؟ من صباح الله خير وانتي مبوزه ومو على بعضك ؟
وداد ناظرتني وكانها ما فهمت وش قلت لها لكنها ردت :- ما فيني شي بس انتي يتهيأ لك ( وناظرت امي تكلمها ) يمه ابي اروح بيت عمي بو خالد
وقفت امي ونادت الشغاله ترفع الصحون من على الطاوله :- ستي نظفي المكان عدل و بلغي الطباخ اننا اليوم بنتعشى بره ( وقبل ما اسأل وين بنروح ردت على وداد ) اجلي روحتك اللحين ترى كلنا المغرب بنروح عازمتنا خالتك ام خالد على العشى
راحت امي وتركتنا و وداد راحت غرفتها وبقيت انا وعليا قلت لها بهمس :- تظنين ليش هالعزومه ؟ ليكون على شرفك ؟
فتحت عليا فمها :- هاااا لا ما اظن لو السالفه جذي كان خالتي قالت لنا
...اكيد عزومه عاديه (سكتت شكلها تفكر في كلامي بعدها قالت ) عن اذنك بروح اشوف وداد شوي
تركوني لحالي كنت ناويه اسلي نفسي باتصال لنجود بس قلت اكيد هي نايمه اللحين احسن شي اخذ لي قصه اتسلى فيها
علــــــــيــــــــاء
صعدت فوق وصلت لغرفة وداد دقيت الباب ما ردت اخذت نفس ودقيت الباب مره ثانيه فتحت الباب شكلها كانت بتقول شي بس اول ما شافتني قالت :- دخلي عليا (واشرت على سريرها ) تعالي هنا ما لي خلق اجلس على الكنب
قعدت على السرير وسندت ظهرها على مخدتها وتغطت بلحافها وسحبت
الدبدوب حظنته ... قعدت قبالها على السرير ميلت راسي على جنب
:- وداد ... ما بسألش وش فيش لان اللي فيش في طلال ...وداد طلال وش فيه ؟
تنهدت وداد ونزلت راسها تلعب في الدبدوب:- طلال اذا ما انحلت مشكلته بيموت وهو حي
ما ادري ليش قلبي قام يدق بقوه وخوف على طلال :- ليش طمنيني وش السالفه ؟
قالت لي وداد سالفه الخطاب وكلام عمي وطبعا قبلها وضحت لي شكثر طلال و العنود يحبون بعض .... حسيت بالعجز وما عرفت شلون ارد او اواسي وداد لكني قلت
:- الحمد لله ان عمي بيرد هالرجال وهذي بما انها محيره ما في اسهل منها
فتحت وداد عيونها وقالت :- طيب وش استفدنا ما دام عمي مو قابل طلال بعد
عضيت شفتي وانا افكر بعدين قلت :- تدرين هذي حلها عند ابوي
المفروض طلال يكلم ابوي ويشوف ليش هم معارضين
(حطيت يديني على خدي وتأففت ) اساسا انا ما اصدق ان طلال ممكن يسوي شي يزعل احد منه ....اكيد طلال فهم السالفه غلط
ظمت وداد الدبدوب بقوه وقالت :- وانا من رايك علشان كذا كنت ناويه ازور العنود واعرف منها السالفه ...بس امي الله يهديها ما رضت اروح
رديت بتساؤل :- زين ليش ما اتصلتي عليها ؟
لوت وداد بوزها :- حاولت بس جوالها مغلق
وتركت وداد وهي تحاول تدق على العنود تذكرت هاجر قلت اتصل اتطمن عليها من اللي صار لها امس وابشرها اني بكره او بعده بكون عندهم في البحرين لكني دقت لين قطع الخط ومحد يرد
غريبه عمرها هاجر ما تأخرت في الرد على موبايلها حاولت مره ثانيه لمن عطاني اشاره ان الهاتف مغلق... هالشي وترني وخلاني احاتيها
توني بدق على بيتهم لقيت موبايلي يرن في يدي
طالعت لقيت المتصل لهيب الروح (وش يبي هذا اللحين داق ) استجمعت قوتي ورديت :- سلام عليكم
رد بجفاء :- وعليكم السلام ..كل هذا الخط مشغول من كنتي تكلمين ؟
ضايقني السؤال بس ما لي مزاج اخذ واعطي معاه فرديت :-كنت ادق على رفيقتي
رد باستهزاء :- واكيد خبرتيها عن سفرك للبحرين ...وانا متى كنتي ناويه تخبريني ؟ عقب ما تروحين ولا مو على بالك
قهرني اسلوبه فرديت :- ما في داعي تعرف ما دام ابوي يعرف وسمح لي
رد باستهزاء :- يعني انا رايي مو مهم طيب بنشوف من بيحجز لك ..وشلون بتسافرين من غير اذن زوجك ...اوه نسيت اساسا شلون بتسافرين وجوازك معي ..مع السلامه
سكر الخط قبل ما ارد عليه اوف هذا وش فيه كل شي يعسره وانا الغبيه
استفزيته ادري عنه واقف لي على الحبه والمصيبه ان جوازي عنده
يا ربي ما لي غير ادق عليه
حاولت ادق عليه لكن ابد حاقرني ولا رد وصلت عدد المكالمات عشر مكالمات اخرتها انقهرت سكرت الموبايل توني بحذفه بس تذكرت هاجر يمكن تشوف المكالمات وترد اخذت التلفون ونزلت تحت
ما لقيت احد في الصاله طليت بره لقيت فيصل يلعب كره وسعاد عند المسبح تقرأ تذكرت طلال والعنود فكرت اخليها تدق على نجود وتعرف منها السالفه بس تراجعت ما حبيت ان الكل يعرف وساعتها تكبر المشكله
مليت ما عندي شي اسويه فقررت اشغل نفسي في المطبخ دخلت المطبخ لقيت خالتي ام طلال هناك تكلم الشغاله وتوصيها تقول للطباخ على كم طبق حلاوه فقلت
:-ما عليه خالتي الحلو انا بسويه
ردت خالتي :- بس انا بوصي على اكثر من صنف ناخذه معنا بيت عمك
:- مو مشكله انتي قولي لي وش تبين واللي ما اعرفه الطباخ يسويه
عددت ثلاثه اصناف كلها اعرفها وكلها تبي منها طبقين ابتسمت ورديت
:- خلاص خالتي ما في داعي انا بسويهم كلهم (كانت بتعترض ) ترى انا مو متعوده اقعد من غير شغله تملي وقتي
اعترضت :- بس يعليا ما يصير تتعبين حالك والطباخ موجود
ابتسمت :- تعبكم راحه اللحين بابتدي بالاطباق البارده وعقب الغدا بشتغل على الفرن
رفعت خالتي كتوفها علامة استسلام :- على راحتك (ابتسمت ) وبيضي وجهنا ترى جدة خالد وخالاته هناك
طلعت وتركتني متوتره حيل خايفه من هالناس الجدد اللي بشوفهم والكريه اني اكيد بكون محل تقييم وما ادري وش الانطباع اللي باتركه عندهم بيحبوني او لا
((وداد))
نزلت العصر لقيت امي وعليا وسعاد جالسين في الصاله وامي تتقهوى وجلست بين امي وسعاد
:- متى ان شاء الله بنروح بيت عمي ؟
ردت سعاد :- عقب صلاة المغرب علشان امي تساعد خالتي (وغمزت ) وناخذ معنا الحلا اللي مسويته عليا
التفت لعليا بدهشه :- انتي اللي سويتي الحلا ؟؟طيب والطباخ وينه
هالمره امي تكلمت :-اختك لزمت ...ويلا ما بقى شي على الاذان علشان تصلن وتجهزن حالكن ترى ام خالد عازمه عمتك هذا غير امها وخواتها
سعاد من سمعت ان اهل خالتي معزومين نطت واقفه ومسكت عليا من ايدها تقول :- وللحين جالسه يلا ما في وقت ..لازم تكونين برفكت
ضحكت امي على جنان سعاد وقالت لي :- وانتي بعد روحي مع خواتك
ابتسمت لامي وسألتها :- مع من بنروح ؟
:- مع السواق ..لان ابوك بيطلع من المسجد على بيت عمك
سألتها مره ثانيه :- وطلال متى بيروح ؟
قامت والصينيه بيدها :- ما ادري ... ليش عاد تسألين ؟
وقفت اخذت من ايدها الصينيه :-ابدا بس اذا بيتأخر ..نروح انا وعليا معاه (وكملت اعلل) ما يصير العروس تروح كذا من وقت
ما اهتمت امي لكنها ردت :- اجل دقي عليه وبلغيه
فعلا اتصلت عليه ولزمت عليه يودينا الى ان وافق صراحه ما كنت حابه انه يروح بيت عمي في هاليوم لحاله وخذت سالفه عليا حجه علشان ما يردني
عقب صلاة المغرب امي وسعاد سبقونا على بيت عمي جهزت حالي ورحت لعليا اخبرها اننا بنروح مع طلال .... مرنا طلال عقب صلاة العشا ركبنا السياره كان الصمت سيد الموقف ما عرفت وش ممكن اقول له كلها عشر دقايق ووصلنا بيت عمي وقف السياره مشينا ورى طلال وشفت تركي ماسك جواله يكلم احد بس اول ما شافنا سكر الجوال وتقدم صوبنا والابتسامه شاقه وجهه
:- هلا طلال واخيرا جيت ؟ (وقبل مايرد طلال التفت لنا وكمل ) حيا الله بنات عمي كيف حالكم ؟
طبعا مالي نفس ارد عليه فردت عليا :- بخير عساك بخير
و قبل ما نتحرك قال لطلال :- تعال ابيك تراني من عقب الصلاه وانا استناك
بس طلال رد بلا مبالاه :- مو اول خلنا ندخل المجلس نشوف وش بيصير وبعدين انا تحت امرك
لكن تركي مسك طلال من يده وقال :- لا ما يصلح تدخل المجلس ترى كل شي يخرب ... تعال ابيك في مشوار ضروري
لكن طلال ما همه تركي ورد وعيونه مليانه الم :- مشوارك مو اهم من اني احضر خطبة بنت عمي
تركي سحب نفس قوي وقال :- أي خطبه يا ابن الحلال !!ترى من اللحين اقول لك ان العريس بيردونه ... ومشوارنا اهم من هالخطبه
وخالد موصيني ان محد يروح معي هالمشوار غيرك
وقبل ما يعترض طلال سحبه تركي لناحيه السيارات وساعتها صرنا ما نسمع وش اللي يدور بينهم سحبت عليا من يدها وقلت
:- يلا ندخل قبل ما يطلع احد من الرجال وحنا واقفات هنا
دخلنا وكانت الصاله فاضيه الظاهر ان الكل متجمع في مجلس النساء
تركنا عباياتنا في غرفة العبايات واول ما وصلنا مجلس النساء سمعنا صوت ساره
:- اجل وين وداد وعليا ؟ والله ناويات ما يجون ؟
ردت امي :- تلاقينهم على الباب
ما لحقت امي تكمل جملتها الا ودخلت وانا ساحبه في يدي عليا كان الكل موجود ما عدا سعاد ونجود قامت العنود ومسكت عليا من يدها وقدمتها لجدتها
:- هذي جدتي (وقالت لام مالك ) وهذي عليا بنت عمي
تقدمت عليا من ام مالك سلمت عليها وباست راسها وايدها ابتسمت ام مالك ورفعت راس عليا :- الله يرضى عليك يا بنتي (والتفتت لبنتها ام خالد ) يا زين ما اخترتوا جمال واخلاق
طبعا عليا احمرت وزين انها قدرت تسلم على بقية الجماعه وعقب ما سلمت على ام نواف وام حياة خوات ام خالد راحت بتجلس جنبنا لكن ام مالك قالت وهي تأشر جنبها :- تعالي جلسي هنا جنبي
طبعا عليا ما قدرت تعترض وراحت جلست جنبها
اما انا قعدت بين العنود وساره اللي همست :- يعني اللحين لحقت جدتك تعرف اخلاق عليا
ناظرتها بمعنى وش هالكلام لكن العنود ردت :- طول عمرها جدتي تعرف الشخص من اول نظره ولا مره خابت نظرتها
لوت ساره فمها وقالت :- بنشوف
طبعا قضينا الوقت في السوالف اما الجده والخالات ما خلوا عليا فصفصوها من الاسئله خاصه انهم ما يعرفون عنها الا انها بنت يوسف بن سلمان وهي كانت تجاوب بكل لباقه وبكل صبر خاصه على اسئله الجده اللي في بعض الاحيان كانت خاصه لكن من وجه نظرها انها تبي تتطمن على عزيزها ومدللها اول حفيد لها خالد
اما انا كنت في علم ثاني احاتي طلال ومستغربه من العنود اللي ولا على بالها ...معقوله لانها تدري انهم بيردون هالخاطب .. وما تدري ان ابوها حتى طلال ما يبيه
وعلى سيره طلال يا ترى لوين اخذه تركي وليش ابعده ؟!!!!!
-
رد: رواية أطياف الغرام / الكاتبة : معاميريا ; كاملة
طــــــــــــــلال
ما كنت ناوي اطيع تركي لاني كنت ناوي ادخل المجلس واول ما يرد عمي الرجال وقبل ما تتفرق الجماعه احجر عليها واطلبه قدام الكل
ان املك عليها الليله بدون تأجيل وساعتها عمي ما بيقدر يردني وفي نص الطريق قلت لتركي
:- تركي ارجع ما بقدر اروح معاك لمكان ارجع اللحين
استغرب تركي اصراري وسألني :- ليش وش بترجع تسوي
ومن حرتي قلت له اللي افكر فيه وساعتها فتح تركي عيونه مستغرب من كلامي ومستنكرنه لكنه فجأة ضحك من قلب لدرجه ان عينه دمعت وقال :-
هاااااااا علشان كذا خالد لزم انك ما تدخل المجلس وتجي معي
هالمشوار
التفتت له :- تركي وش فيك انت ما تحس ؟ انا روحي تنسحب مني شوي شوي وانت تضحك (ضربت الباب بقوه ) انت قلبك من وشو مخلوق
مسك كتفي بيده اليمين وقال :- اهدى وصدقني انا حاس فيك بس كل اللي تسويه ماله داعي
ناظرته بغضب لان كلامي ماعنى له شي لكنه قال
:-طلال معقوله طول اليوم خالد ما اتصل عليك او حتى راح لك المكتب ؟
سؤال بعيد كل البعد عن اللي حنا فيه صدق مالك سالفه يا تركي
:- جوالي صامت من البارح وخالد اليوم ما شفته
ابتسم :- افتح جوالك وشوف كم مكالمه من خالد
ما كنت حاب اشوف شي بس قلت يلا ما يضرني واستغربت ان في 56 مكالمه لم يرد عليها من خالد ناظرت تركي
:- وش عنده خالد وش كان يبيني فيه
ضحك تركي بمكر :- بس نخلص مشاويرنا بتعرف كل شي (وناظرني بخبث ) وبتحمد ربك اني ما خليتك تسوي اللي براسك
الا اخاف اندم اني ما سويت اللي معزم عليه انتبهت اننا وقفنا عند مركز الشرطه سألت تركي :- وش عندك هنا ؟
نزل من السياره ورد علي :- بكفل واحد من الشباب
ما كفتني هالمعلومه :- ليش مسوي حادث ؟
دخل تركي وسأل عن الظابط المسؤل وبعدها قال لي :- لا ...اعوذ بالله سكران وفي شقه ذعاره
استغربت معقوله تركي يعرف هالاشكال :- وانت من وين تعرفه وش لك فيه تكفله ؟
ابتسم تركي قبل ما ندخل مكتب الظابط وقال : بعدين بتعرف من وين عرفته وليش كفلته
ما عجبتني اجابته دخلنا على الظابط ولقينا محامي الشركه موجود داخل وهو اللي دبر امر كفاله الشاب وطبعا اكد الظابط على انه ما يسافر بره السعوديه من الان الى موعد محاكمته وواضح من كلامه انه صاحب الشقه وان امر كفالته كان صعب وشائك
طلعنا من المركز وما عرفت اسأل تركي عن شي لانه اصر انا نوصل الشاب لبيته والاعظم انه نزل واشر علي ننزل بيتهم وطلب يكلم ابو الشاب
دخلنا المجلس نستنى الرجال وتفاجأت انا اعرف هالشايب هذا الحاج عبد الكريم صديق ابوي وعمي معقوله هذاك الشاب يكون ولده ... الحاج عبد الكريم عرفنا بدوره رحب فينا وشكرنا على اللي سويناه لولده وضيفنا القهوه ساعتها حط تركي فنجاله على الارض قدامه وقال للحاج عبد الكريم
:- طلبتك يا عمي تقول تم
من نظرته حسيته عارف او حاس بطلب تركي بس ما قدر غيريقول
:- تم ...وطلبك البيه لك يولدي
شرب تركي قهوته وقال :- يا عمي طلبتك تحلل ابوي من عهده لك
الشايب ما عجبه الكلام فقال :- بس يا ولدي هذا
قاطعه تركي اللي نفذ صبره :- انت تممت لي يا عمي ...ثانيا ترضاها يا عمي تزوج بنتك لشارب خمر يلعب باعراض الناس ..تأمن بنتك عند واحد عاصي لابوه وما يخاف الله
نزل الشايب راسه للارض وقال :- لا والله ما ارضاها على بناتي ولا على بنات الناس ... وابوك محلل وجميله فوق راسي
سلمنا عليه وطلعنا في السياره زفر تركي بارتياح وقال من غير ما يناظرني:- تخيل هالرجال كان محير نجود لولده هال..... استغفر الله
طبعا عقب اللي شفته وسمعته كان بالي في وادي ثاني يعني انا كنت حارق دمي وذابح عمري وفي الاخير اطلع فهمت الامر غلط والكلام كله كان عن نجود وعيت على ضحك تركي
:-ههههههههه اتخيلك يا طلال تحجر على نجود لا وتملك عليها الليله
تكون فرحان وشاق الحلق واول ما يوقول لك المملك اسم العروس اتخيلك هههههههههه
ما قدر يكمل جملته من الضحك اكيد كنت بتمنى الموت ساعتها ولا يصير هالشي بس في هاللحظه شاركت تركي ضحكه
مسح تركي دموع الضحك وقال :- عساك ارتحت اللحين
جاوبته بعد ما تنهدت :- ايييييه احس حمل جبال نزل عن ظهري بس بعد عقب اللي شفته ما ني مستعد اصبر الى ان تتخرج
ما فهمني تركي ومن غير ما يسأل قلت له :- خلاص انا اليوم بخطب العنود
ناظرني تركي :- لا تقول بتملك الليله !!!
ابتسمت :- ودي بس بعد ما ودي ملكه العنود تكون كذا سكيتي
رد تركي وهو يوقف السياره بيتهم :- احسب بعد ...تراك مجنون وتسويها ( وغير لهجته ) انا جوعان تتوقع انهم تعشوا ولا لسه
رديت عليه :- والله اذا ابوي وعمي يدرون عن مشوارك اكيد لسه
دخلنا المجلس وفعلا كانوا يستنونا لان عمي وابوي من شافونا همسوا لخالد اللي جانا على الباب وسألنا :- بشروا
ابتسم تركي :- تم والله يسر لنا ...وانت بشر تعشيتوا
ضحك خالد :- اللحين بس راح سلطان علشان يجهز السفره
دخلنا وسلمنا وطبعا اجلت مشروعي لعقب العشى
خــــــــالــــــــد
من البارحه وانا مزاجي مو شي اول شي مكالمة ابوي اللي خلتني اطلع من بيت عمي على وجهي وكنت حامل هم طلال والعنود وحتى عقب ما عرفت ان المقصوده هي نجود ما ارتحت بالذات لمن عرفت ان اللي خاطبها عنده الجنسيه الامريكيه و ما فيه شي يدل على انه سعودي ومسلم غير بيانات هويته ...والامر انها محيره لواحد اعوذ بالله منه طبعا ضاقت بي الدنيا معقوله نجود الصغيره الحساسه تزوج واحد من هذولا يذلها ويعذبها ...هذي يبيلها واحد يداريها يعاملها مثل بنته قبل ما يعاملها مثل زوجته يبيلها رجال ينشد به الظهر يحميها من كل شي
وطبعا ما نمت انا وابوي الا لمن عرفنا شلون بنتخلص من هالاثنين
...ناظرت طلال اللي جالس جنبي على السفره وشكله مشغول البال
من كثر ما كنت شايل هم نجود نسيت اخبره ان العنود مو هي المقصوده وما تذكرت الا يوم ثاني حاولت اتصل عليه لكن ابد ولا عبرني ....
خفت يتهور اذا دخل المجلس ويسوي شي يخرب كل شي ويندم عليه
علشان كذا وصيت تركي ما يدخله المجلس وياخذه معه
وما لحقت اتهنى الا وعمي يوصيني احجز لعليا على اول رحله للبحرين
وقهرتني حضرتها ولا معتبرتني زوجها هذا وانا موصيها ما تطلع مكان
الا قبل تخبرني ساعتها اتصلت عليها وقلت اللي قلته وسكرت الجوال في وجهها دقت على اكثر من عشر مرات لكني طنشتها... يا انا يا انتي يعليا وبنشوف وش بتسوين علشان تروحين البحرين
قمنا من على العشا وهالمره انا اللي رحت المطبخ علشان اجيب القهوه والحلا وعلشان اتطمن على نجود واطمنها بعد ترى المسكينه من درت وهي حابسه حالها في غرفتها
دخلت المطبخ لقيت العنود مع خالتي ام نواف واقفات يجهزن الحلا
سلمت وبعدين قلت :- العنود جهزتي الحلا والقهوه
ردت وهي تأشر :- كاهي جاهزه هناك
رحت وفتحت الصواني لقيت من ظمنهم الحلا اللي اكلت منه في بيت عمي وقال طلال ان عليا مسويته فقلت للعنود وانا شايله في يدي
:- هذا رجعيه الثلاجه والباقي يكفي
حملت اطباق الحلا وكملت قبل ما اطلع :- رفعيه لي ولا حد يمد يده عليه
ضحكت خالتي ام نواف وقالت :- ليه وش معنى
رديت عليها :- ابد بس انا احب هالحلا
غمزت خالتي :- تحبه ... غريبه العروس ما قلت انها مسويته لك
لفتت نظري جملة خالتي فقلت :- ليش ؟...هي عليا اللي مسويته
ابتسمت العنود :- كل الحلا مسويته عليا
ردت خالتي :- لا لا تصدقيه اكيد هو عارف ولا ما وصى عليه
ابتسمت على تفكير خالتي ورحت المجلس بعد ما وصيت العنود انها تدق علي عقب ما تسوي لي درب لاني ابي اكلم نجود
عقب ما خلصت الحلا دق جوالي وكانت العنود ساعتها ناظرت طلال ورديت :- هلا بالعنود
طارت اذون طلال وعيونه عندي اما العنود قالت
:- اهلين ...خالد نجود للحين بغرفتها بس قبل ما تروح لها جدتي تبيك تسلم عليك في مجلس النساء
تأففت طبعا مو لاني ما ابي اسلم عليها لا بس لاني ما احب ادخل عند الحريم فقلت :- طيب انا جاي بس خليها تطلع لي في الصاله
فهمتني العنود فقالت :- لا تخاف قبل ما تجي بصرف البنات
تنهدت :- امري لله كلها خمس دقايق واكون عندكم
علــــــــيــــــــاء
من طلبت ام مالك من العنود تدق على خالد وتقول له يجيها تسلم عليه وانا قلبي يدق وفرحت لمن قالت العنود بعد ما كلمته
:-كلها خمس دقايق ويجي (ناظرت جهة وداد وساره ) يلا يا بنات نفضي المكان لخالد علشان ياخذ راحته
وقفت وداد لكن ساره قالت :- ما له داعي نروح مكان ... كلها دقيقتين يسلم على جدته يكفي نلبس عباياتنا
ردت عليها ام مالك :- بس انا ابي خالد في مويضيع وما ابيه يتضايق
تأففت ساره وقالت لي :- ما بتجين معنا ؟
وقفت وقبل ما اتكلم قالت ام مالك وهي ماسكتني :- لا عليا بتقعد معي
لوت ساره بوزها وانا ما حبيت اقعد ولا اكسر خاطر خالتي ام مالك فقلت
:- ما عليه يا خالتي بس انا بروح اقعد مع البنات شوي
ابتسمت ام مالك :- ناديني يمه ...وبعدين وين تروحين ترى اللي بيدخل رجلك مو غريب
حسيت درجت حرارتي ارتفعت حاولت ادور عذر :- بس يمه
مسكتني من ايديني وقعدتني :- لا بس ولا شي واذا على زينتك
ترى انتي زوينه وما له حاجه تسوين شي
استسلمت قعدت وانا اطالع الارض ورفعت راسي لا اراديا اول ما سمعت صوته يتنحنح دخلته امه واول شي سواه سلم على جدته حب راسها و يدينها سألها عن احوالها بعدين سلم على خالاته وعمته واخر شي سلم على خالتي ام طلال وقبل ما يجلس قالت له جدته
:- يعني ما سلمت على حرمتك
ساعتها بس طالعني بنظره غريبه كأنها نظره تقيميه قرب عندي مد يده وقال وهو حاظن يدي في يده بقوه :- شخبارك يا بنت عمي
بلعت ريقي ورديت بهمس :- طيبه طاب حالك
ترك يدي رفعت راسي لقيت عيونه في عيوني وكأن فيها نظره تهديد
قعد جنب جدته وقال لها
:- تدرين يمه انك وحشتيني مووووووووت
ميلت فمها على جنب :- ايه اضحك علي بهالكلام لو واحشتك كان جيتني
ابتسم :- والله مشاغل ما تخليني احك شعر راسي (مسك يدها وقال ) ترى انا عتبان عليك ما جيتي ملكتي
لفت راسها عنه :- انا اللي زعلانه لو همك اني ما جيت ملكتك كنت سألت عني
هالمره ردت ام طلال :- خالد ما يسأل عنك يمه ؟!!!!!!!!هذي عاد ما اصدقها وهو كل يوم يكلمك في التلفون
ردت على بنتها :- بس ما اهمه لو اهمه كان جاني يوم ثاني من ملكته
وجاب عروسه بعد علشان اشوفها
قالت عمتي ام ماجد :- هذا انتي شفتيها حالها حال هالبنات ما بها زود
ردت ام مالك :- ايه شفتها يا ام ماجد وشفتها احلى من كل البنات
ام ماجد باستنكار:- من تقصدين بكل البنات؟
وقبل ما تشب حريقه بين الثنتين تكلم خالد يقطع الجدل وقال لجدته
:- افااااااا يمه زعلانه مني طيب قولي وش اللي يرضيكي واسويه
بس انتي قولي وش يرضيك
ابتسمت له جدته التفتتت لي :- عليا قهوي رجلك يا بنيتي
وقفت رحت للصينيه حطيت له صحن حلا وقربت عنده وجدته توشوشه
ابتسم على كلامها بلعت ريقي مديت يدي بالصحن :- تفضل
اخذ من يدي الصحن وتبسم على جنب ورفع حاجب على طول رجعت مكاني وانا العن نفسي يوم طعت سعاد ولبست هالفستان لانه قصير لتحت الركبه واكمامه جبانيز وفتحته دائريه واسعه نوعا ما ماسك عند الصدر والخصر وواسع من عند الحوض لتحت هذا غير الخلخال اللي في رجلي اكيد شافه لانه طالعني لمن سلم علي من فوق لتحت والحين ما ادري وش قالت له جدته علشان يطالعني جذي
وعيت من افكاري على صوته يقول :- اذا كان هذا يرضيك ولا يهمك
اقنع عمي بو طلال واجيبها لك براس الخدمه لعندك
ردت عليه وهي تنقل نظرها بين خالتي ام طلال وعمتي ام ماجد :-
انا اقدر اجيبها عندي وهذي امها ام طلال تسمعني انتي وبناتك معزومين عندي على الغدا الاسبوع الجاي ...
لفتت نظري كلمتها امها ما ادري ليش فرحت فيها بس تهدمت فرحتي لمن قالت عمتي ام ماجد
:- من وين بنتها بعد يا ام مالك ترى عليا بنت نجاة ولا نسيتي
شوي وكنت بقوم احب على راس خالتي ام طلال لمن قالت
:- كيف ما هي بنتي يا ام ماجد دام هي بنت يوسف يعني هي بنتي
( وكملت كلامها وهي تناظر خالتي ام خالد ) ولا انا غلطانه يا ام خالد ؟!!!
ردت خالتي ام خالد :- لا منتي بغلطانه وترى عليا من يوم صارت حرمه لخالد صارت بنتنا
عمتي ام ماجد ما عجبها الكلام وقفت وقالت وهي لاويه بوزها :- ايييييه الله يهنيكم فيها ...اذا ما عليك امر يا ام خالد نادي لي ساره بروح البيت
ام مالك :- ليه منت بقاعده تشوفي هديتي لعليا
ردت عمتي :- مالي حاجه اشوفها يلا مع السلامه
طلعت عمتي بعد ما وصت خالتي ام خالد الشغاله تنادي لها ساره وراحت وياها توصلها للباب
لاحظت ان خالد خلص الحلاوه اللي في يده وحط الصحن على الطاوله اللي قدامه قمت اخذت الصحن وحملت دله القهوه والفنجال وقفت جنبه علشان اقهويه صبيت فنجال وقدمته له اخذه من يدي وهو يطالعني لمست يده الدافيه يدي البارده سحبت يدي بسرعه وزين انه ماسك الفنجال زين ولا كان انكت عليه
عقب ما شرب القهوه طلعت ام مالك علبه وقدمتها لي مع دخول ام طلال
:-هذي هدية الملكه ومنها ان شاء الله الى هديه العرس ( اشرت) فتحيها
ابتسمت بأحراج :- ما له داعي يمه كلفتي على نفسش
ام مالك :- لا كلافه ولا شي وتراها اقل من غلاتك
تشاغلت بفتح العلبه واذوني عند خالد اللي قال :-
افاااااا وانا مالي هديه ... واشوف الغلا راح لغيري بعد
ضحكت ام مالك:- ترى ما هديتها وعزيتها الا من معزتك (والتفتت لخالتي ام طلال ) ما رديتي على عزومتي
ردت خالتي :- وحنا ما نقدر نردك بس عليا بتروح البحرين تحضر عرس ولدخالها وبتقعد هناك اسبوع
ردت ام مالك :- اذا كذا نأخرها للاسبوع اللي بعده ...سمعت يا خالد ؟
فتحت العلبه لقيت فيها عقد ذهب يجنن مشغول بطريقه حلوه
قلت لها :- مشكوره يمه
ابتسمت لي وقالت :- ودي اشوفه عليك ( التفتت لخالد ) قوم لبسها العقد ما بتعرف تلبسه لحالها
هاااااااا شنو يلبسني اياه لا اعترضت :- ما في داعي انا اعرف البسه بروحي
لكنه قام والا اهتم اخذه من يدي وفتحه وقبل ما ينزل نفسه علشان يلبسني وقفت درت له ظهري وبعدت شعري علشان يعرف يسكر العقد
ما صدقت متى سكره وقبل ما اشم نفسي مسك كتوفي ولفني في مواجهته مسك العقد ضبطه على صدري واول ما لامست يده صدري زادت رجفتي وما عرفت شلون اتصرف فعلى طول رجعت مكاني
قال لجدته :- والله ان ذوقك حلو يمه
ردت عليه :- ترى حرمتك اللي زينت العقد مو العقد اللي زينها
ابتسم وطالع الساعه :- زين يا جده صار لازم اخليك غير اني ابي اكلم نجود (طالعني ) عليا قومي سوي لي طريق لغرفه نجود
هذا وش فيه وش وراه اكيد ناوي على نيه ولا ما قال جذي وهو يعرف اني اول مره ادخل بيتهم وتوني بقول اني ما ادل غرفه نجود
قالت ام خالد :- يلا يعليا وصلي رجلك لغرفة اخته
قمت وانا حاسه ان وراه شي
تــــــــركــــــــي
عقب ما طلع خالد من المجلس وشاف طلال انه تأخر دق عليه
:- وينك فيه ليه تأخرت وانا قايل لك ....
ما كمل كلامه الظاهر ان خالد قاطعه
:- طيب بس ربع ساعه بعدها بتوكل على الله ومو لازم وجودك
قال خالد شي بعدها وصلنا صوت ضحكه
سكر طلال جواله فقلت له بهمس
:- انا اشوف انك تأجل السالفه لغير اليوم على الاقل علشان خاطر نجود
رد بحده ومن تحت الضرس انما بصوت واطي :- انت لا تشوف شي
وعلشان خاطر نجود بسوي اللي ناوي عليه اليوم علشان تفرح من بعد النكد
ابتسمت :- علينا ...علشان نجود ولا علشان قلبك
طنشني وواضح عليه التوتر خفت اتحرش فيه ازود يقوم يضربني
جاء ماجد وجلس جنبي :- بطلع اليوم اسهر مع الشباب في الشاليهات
وخاطري تجي معي
ناظرته :-ما اقدر بكره عندي شغل بدري
ما كأنه سمعني :-كلنا ورانا دوامات ... بس تدري يوم الخميس من يداوم بدري غير انك ولد صاحب الشركه يعني محد بيحاسبك
رديت :- لاني ولد صاحب الشركه والحلال حلالنا لازم اداوم بدري واحاسب نفسي مثل ما احاسب غيري ولا راح الحلال بسبت الاهمال
ما تراجع :- طيب وش رايك في بكره ليله جمعه يعني اجازه
عدلت جلستي :- تدري يا ماجد انا ما احب اسهر في أي مكان او مع أي احد
ماجد:-افاااااااا انا أي احد
هزيت راسي :-انا ما قصدتك بس هم ما اعرف هاللي بتسهر معهم غير ان واحد من ربعي بيوصل بكره من لندن و وعدته اقضي اليوم معه
ما اقتنع ماجد لكنه سكت دخل على نهايه حديثنا خالد وعلى وجهه ابتسامه ما اعرف كيف افسرها كأنه داخل حرب وكاسبنها ابتسامه فيها فرح ومكرجلس جنب طلال وواضح انه سرحان في اللي مخلي مزاجه متغير كذا المهم دام مزاجه تمام هذا معناه ان نجود صارت تمام وهمها كله راح اما طلال اللي ما كان ملاحظ أي شي والسبب الي شاغل باله
قال لخالد :- اخيرا شرفت
التفت له خالد :- طيب لا تاكلني وروح اجلس جنب ابوك وتوكل على الله
فعلا طلال طاع خالد وراح لعند ابوه وهمس في اذن ابوه بعدها لاحظت ان عمي قطب حواجبه وقال شي لطلال
رجع طلال وهمس في اذن عمي ساعته عمي ابتسم وهز راسه
التفت عمي لابوي وقاله
:- يا بو خالد انا اليوم جاينك وابي اخطب بنتي العنود لولدي طلال
ابوي ناظر طلال بعدين قال لعمي :- والله البنت بنتك ... وطلال اولدي ما ينرد واذا على الخطبه انت تدري انهم من زمان مخطوبين لبعض
رد عمي :- تسلم ياخوي بس ترى هالخطبه طولت وانا اقول نبي نملك عليهم
ابوي ناظر طلال وقال :- بس انت تدري ان البنت ما تبي تتملك
قبل ما تخلص دراستها
عمي بعد ناظر طلال وبعدها قال لابوي :- يتملكون اللحين وبعد ما تخلص دراستها نزوجهم
رد ابوي :- ما اقول الا اول اشوف وش راي البنت
هنا تكلم عمي ابو ماجد واظن ان طلال اكيد كان وده يقوم يحب راسه
:- وش تشور فيه البنت بعد ...ترى البنت محيره له من زمان واذا ما ملكوا اليوم بيملكون اللي بعده وانااقول خير البر عاجله
ناظر ابوي طلال وقال له :- هاا يا طلال متى تبي تملك ؟
طبعا طلال كان يبي الملكه في اقرب فرصه بس عمي اجلها اسبوعين علشان الكل يلحق يجهز حاله غير ان عليا الاسبوع الجاي بتكون في البحرين
خــــــــالــــــــد
تعمدت ان عليا هي اللي تسوي لي الدرب بس علشان اكلمها خاصه عقب اللي قالته جدتي وعلى باب مجلس النساء قالت عليا
:-خالد انا اول مره ادخل بيتكم وما ادله
ابتسمت :- انا ادل وكل اللي ابيه تشوفين اذا نجود معها احد او لا
اشرت لها على جهة الدرج وقبل ما ترقى الدرج التفتت لي وقالت
:- خالد بغيت اكلمك عن روحتي البحرين انا...
قاطعتها عمد :- مو وقته اجلي الموضوع لوقت ثاني
ردت على وعيونها مليانه رجى :- بس زواج جاسم عقب كم يوم واخاف ما يكون عندك وقت قبلها
ما ادري ليش نظرتها هذي اضعفت قلبي وخلتني من المستحيل افكر في اني اردها لكني قلت :-بس انا اللحين مشغول خليها لبعدين
عضت على شفايفها :- بعدين متى ؟؟
وقبل ما ارد عليها جاني اتصال من طلال يستعجلني علشان يبي يخطب العنود اللحين وبوجدي وعقب ما سكرت الجوال ناظرت عليا وقلت لها
:-شفتي هذا طلال يبيني ضروري ويهددني ما اتأخر اكثر من ربع ساعه
فاذا ما شفتك الليله دقي علي وباشوف موضوعك
واضح ان كلامي ما عجبها لكنها استسلمت دليتها على الطريق لغرفه نجود وقلت لها :- هذاك باب غرفة نجود بس شوفي لي الدرب وانا بانطر هنا
وبعد شوي رجعت العنود وقالت :- تفضل نجود بروحها
بس لفيت بروح لنجود لمست عليا كتفي وقالت وواضح على وجهها الحرج :- وين غرفة العنود ؟
ابتسمت ورفعت حاجب :- تدرين اول دخلي معي لنجود وبعدين ادلك على غرفة العنود
دخلت غرفة نجود ودخلت عليا وراي شفت نجود متضايقه وللحين اثر البكى باين على وجهها جلست جنبها على سريرها ومسحت على شعرها
:-ممكن اعرف وش اللي مزعل الحلو
رمت نجود نفسها في حظني وقالت وهي تصيح :- ما ابيه ما ابيه
امم امم اهئ اهئ ما ابي اتزوج ما ابيه
حظنتها حاولت اهديها وشوشتها في اذونها :- خلاص اللي تبينه صار
رفعت راسها تناظرني برجا وعيون غرقانه بالدمع :- جد؟!!
ابتسمت وانا العب في شعرها :-وجد الجد بعد انا من الاصل ما كنت ابيك تعرفين
قطبت حوجبها :- ليش ؟
اشرت على راسها :- لاني ما ابي اشغل هالراس والقلب بمواضيع ما لها داعي ( وقبل ما تعترض كملت ) لاننا مستحيل في يوم من الايام نزوجك لواحد ما يعرف قدرك انتي اذا بنزوجك نزوجك للي يحفظك ويصونك وفوق هذا يحبك بعد
خجلت نجود بعدت عني وقالت :- بس انا ما بتزوج ...يكفيني انتم حولي
شديت خدودها :- بس حنا مو دايمين لك
بوزت :- لا تقول جذي ترى انا ما اقدر استغني عنك
تذكرت ان عليا موجوده معنا فقلت :- لا تقولين كذا قدام عليا تراها تغار
التفتت نجود لعليا وضحكت وانا حسيت نظرات عليا ترمي سهام
قالت لها نجود :- لا تخافين مكانك بقلبه محفوظ ولا حنا مالنا الا الفتافيت
ردت عليا :- وليش اغار ما في شي يخليني اغار
اما انا فوقفت وحبيت راس نجود :- اخر مره اشوف هالدموع ...ويلا انا بروح ترى طلال يستناني
وصلت عند الباب وتذكرت ان نجود ما تعشت :- وتعشي قبل ما تنامين
(اشرت لعليا ) تعالي
طلعت من غرفة نجود وقلت وانا اتأملها :-عليا وش سويتي لجدتي
ما فهمتني بعدين ناظرتني بتحدي وقالت :- سحرتها مثل ما سحرت الكل
بس الظاهر سحري على ناس وناس
عجبني انها انغاضت فواصلت :- ومن هالناس عمتي ام ماجد ؟
تنهدت وناظرتني في عيني :- وساره (رفعت يدها واشرت علي ) واولهم انت
مسكت يدها تأملت الدبله :-اذا صنتيها اكيد سحرك بيتمكن مني
نظرتها تبدلت ذهول وبعدين خجل حمر خدودها وقالت بهمس
:- مو انا اللي يأمنوني واخون الامانه ...لكن عيبي اني ما اعرف اسحر
كان ودي احظن وجهها بين يديني لكني تركت يدها وقلت
:-الوقت بيحكم اذا انتي قد الامانه أما عن السحر فعيونك مليانه سحر
ازدادت حمره خدودها نزلت راسها وسألت بارتباك :-وين غرفة العنود ؟
اشرت على غرفة العنود تركتها وانا نفسي ما ني عارف شلون قلت هالكلام الظاهر ان كلام جدتي اثر على دخلت المجلس وانا افكر بان اللي سويته جرعة كبيره على عليا معقوله تكون فعلا تأثرت معقوله تكون كلماتها صادقه مثل ما توحي عيونها ولا فعلا عيونها مليانه سحر مثل ما قالت جدتي ابتسمت على جنب لمن تذكرت جدتي تقول ((قول الصراحه
هالسحر كله ما هز قلبك والله اذا مو سحر عيونها حركك اكيد حلاوة روحها وجمال اخلاقها ومبسمها نساك حالك وخلاك تتوه )) هي فعلا خلتني اتوه اتوه من الحيره في امرها مو من شي ثاني رغم ان كلام جدتي شغلني وخلاني افكر اعطيها فرصه واشوف وش ممكن يجي منها
واولها وش بتقول يا ترى علشان ترد البحرين وخلني اشوف حيلها
طولت البارت
ادري ان ما جبت شي عن هاجر
او حتى وش صار بين البنات في غرفة العنود ؟
وش رد فعل عليا على كلام خالد؟ وش بتقول له علشان تخليه يوافق على روحة البحرين من غير شوشره؟
والاهم العنود وش رد فعلها اذا عرفت عن ملكتها القريبه؟
وش اللي ينتظر تركي البارت الجاي؟
وش راح تسوي
وش صار في البحرين وش ممكن يصير
انتظر ردودكم وتعليقاتكم
اعذب وارق التحايا
-
رد: رواية أطياف الغرام / الكاتبة : معاميريا ; كاملة
طــــــــــــــلال
ما كنت ناوي اطيع تركي لاني كنت ناوي ادخل المجلس واول ما يرد عمي الرجال وقبل ما تتفرق الجماعه احجر عليها واطلبه قدام الكل
ان املك عليها الليله بدون تأجيل وساعتها عمي ما بيقدر يردني وفي نص الطريق قلت لتركي
:- تركي ارجع ما بقدر اروح معاك لمكان ارجع اللحين
استغرب تركي اصراري وسألني :- ليش وش بترجع تسوي
ومن حرتي قلت له اللي افكر فيه وساعتها فتح تركي عيونه مستغرب من كلامي ومستنكرنه لكنه فجأة ضحك من قلب لدرجه ان عينه دمعت وقال :-
هاااااااا علشان كذا خالد لزم انك ما تدخل المجلس وتجي معي
هالمشوار
التفتت له :- تركي وش فيك انت ما تحس ؟ انا روحي تنسحب مني شوي شوي وانت تضحك (ضربت الباب بقوه ) انت قلبك من وشو مخلوق
مسك كتفي بيده اليمين وقال :- اهدى وصدقني انا حاس فيك بس كل اللي تسويه ماله داعي
ناظرته بغضب لان كلامي ماعنى له شي لكنه قال
:-طلال معقوله طول اليوم خالد ما اتصل عليك او حتى راح لك المكتب ؟
سؤال بعيد كل البعد عن اللي حنا فيه صدق مالك سالفه يا تركي
:- جوالي صامت من البارح وخالد اليوم ما شفته
ابتسم :- افتح جوالك وشوف كم مكالمه من خالد
ما كنت حاب اشوف شي بس قلت يلا ما يضرني واستغربت ان في 56 مكالمه لم يرد عليها من خالد ناظرت تركي
:- وش عنده خالد وش كان يبيني فيه
ضحك تركي بمكر :- بس نخلص مشاويرنا بتعرف كل شي (وناظرني بخبث ) وبتحمد ربك اني ما خليتك تسوي اللي براسك
الا اخاف اندم اني ما سويت اللي معزم عليه انتبهت اننا وقفنا عند مركز الشرطه سألت تركي :- وش عندك هنا ؟
نزل من السياره ورد علي :- بكفل واحد من الشباب
ما كفتني هالمعلومه :- ليش مسوي حادث ؟
دخل تركي وسأل عن الظابط المسؤل وبعدها قال لي :- لا ...اعوذ بالله سكران وفي شقه ذعاره
استغربت معقوله تركي يعرف هالاشكال :- وانت من وين تعرفه وش لك فيه تكفله ؟
ابتسم تركي قبل ما ندخل مكتب الظابط وقال : بعدين بتعرف من وين عرفته وليش كفلته
ما عجبتني اجابته دخلنا على الظابط ولقينا محامي الشركه موجود داخل وهو اللي دبر امر كفاله الشاب وطبعا اكد الظابط على انه ما يسافر بره السعوديه من الان الى موعد محاكمته وواضح من كلامه انه صاحب الشقه وان امر كفالته كان صعب وشائك
طلعنا من المركز وما عرفت اسأل تركي عن شي لانه اصر انا نوصل الشاب لبيته والاعظم انه نزل واشر علي ننزل بيتهم وطلب يكلم ابو الشاب
دخلنا المجلس نستنى الرجال وتفاجأت انا اعرف هالشايب هذا الحاج عبد الكريم صديق ابوي وعمي معقوله هذاك الشاب يكون ولده ... الحاج عبد الكريم عرفنا بدوره رحب فينا وشكرنا على اللي سويناه لولده وضيفنا القهوه ساعتها حط تركي فنجاله على الارض قدامه وقال للحاج عبد الكريم
:- طلبتك يا عمي تقول تم
من نظرته حسيته عارف او حاس بطلب تركي بس ما قدر غيريقول
:- تم ...وطلبك البيه لك يولدي
شرب تركي قهوته وقال :- يا عمي طلبتك تحلل ابوي من عهده لك
الشايب ما عجبه الكلام فقال :- بس يا ولدي هذا
قاطعه تركي اللي نفذ صبره :- انت تممت لي يا عمي ...ثانيا ترضاها يا عمي تزوج بنتك لشارب خمر يلعب باعراض الناس ..تأمن بنتك عند واحد عاصي لابوه وما يخاف الله
نزل الشايب راسه للارض وقال :- لا والله ما ارضاها على بناتي ولا على بنات الناس ... وابوك محلل وجميله فوق راسي
سلمنا عليه وطلعنا في السياره زفر تركي بارتياح وقال من غير ما يناظرني:- تخيل هالرجال كان محير نجود لولده هال..... استغفر الله
طبعا عقب اللي شفته وسمعته كان بالي في وادي ثاني يعني انا كنت حارق دمي وذابح عمري وفي الاخير اطلع فهمت الامر غلط والكلام كله كان عن نجود وعيت على ضحك تركي
:-ههههههههه اتخيلك يا طلال تحجر على نجود لا وتملك عليها الليله
تكون فرحان وشاق الحلق واول ما يوقول لك المملك اسم العروس اتخيلك هههههههههه
ما قدر يكمل جملته من الضحك اكيد كنت بتمنى الموت ساعتها ولا يصير هالشي بس في هاللحظه شاركت تركي ضحكه
مسح تركي دموع الضحك وقال :- عساك ارتحت اللحين
جاوبته بعد ما تنهدت :- ايييييه احس حمل جبال نزل عن ظهري بس بعد عقب اللي شفته ما ني مستعد اصبر الى ان تتخرج
ما فهمني تركي ومن غير ما يسأل قلت له :- خلاص انا اليوم بخطب العنود
ناظرني تركي :- لا تقول بتملك الليله !!!
ابتسمت :- ودي بس بعد ما ودي ملكه العنود تكون كذا سكيتي
رد تركي وهو يوقف السياره بيتهم :- احسب بعد ...تراك مجنون وتسويها ( وغير لهجته ) انا جوعان تتوقع انهم تعشوا ولا لسه
رديت عليه :- والله اذا ابوي وعمي يدرون عن مشوارك اكيد لسه
دخلنا المجلس وفعلا كانوا يستنونا لان عمي وابوي من شافونا همسوا لخالد اللي جانا على الباب وسألنا :- بشروا
ابتسم تركي :- تم والله يسر لنا ...وانت بشر تعشيتوا
ضحك خالد :- اللحين بس راح سلطان علشان يجهز السفره
دخلنا وسلمنا وطبعا اجلت مشروعي لعقب العشى
خــــــــالــــــــد
من البارحه وانا مزاجي مو شي اول شي مكالمة ابوي اللي خلتني اطلع من بيت عمي على وجهي وكنت حامل هم طلال والعنود وحتى عقب ما عرفت ان المقصوده هي نجود ما ارتحت بالذات لمن عرفت ان اللي خاطبها عنده الجنسيه الامريكيه و ما فيه شي يدل على انه سعودي ومسلم غير بيانات هويته ...والامر انها محيره لواحد اعوذ بالله منه طبعا ضاقت بي الدنيا معقوله نجود الصغيره الحساسه تزوج واحد من هذولا يذلها ويعذبها ...هذي يبيلها واحد يداريها يعاملها مثل بنته قبل ما يعاملها مثل زوجته يبيلها رجال ينشد به الظهر يحميها من كل شي
وطبعا ما نمت انا وابوي الا لمن عرفنا شلون بنتخلص من هالاثنين
...ناظرت طلال اللي جالس جنبي على السفره وشكله مشغول البال
من كثر ما كنت شايل هم نجود نسيت اخبره ان العنود مو هي المقصوده وما تذكرت الا يوم ثاني حاولت اتصل عليه لكن ابد ولا عبرني ....
خفت يتهور اذا دخل المجلس ويسوي شي يخرب كل شي ويندم عليه
علشان كذا وصيت تركي ما يدخله المجلس وياخذه معه
وما لحقت اتهنى الا وعمي يوصيني احجز لعليا على اول رحله للبحرين
وقهرتني حضرتها ولا معتبرتني زوجها هذا وانا موصيها ما تطلع مكان
الا قبل تخبرني ساعتها اتصلت عليها وقلت اللي قلته وسكرت الجوال في وجهها دقت على اكثر من عشر مرات لكني طنشتها... يا انا يا انتي يعليا وبنشوف وش بتسوين علشان تروحين البحرين
قمنا من على العشا وهالمره انا اللي رحت المطبخ علشان اجيب القهوه والحلا وعلشان اتطمن على نجود واطمنها بعد ترى المسكينه من درت وهي حابسه حالها في غرفتها
دخلت المطبخ لقيت العنود مع خالتي ام نواف واقفات يجهزن الحلا
سلمت وبعدين قلت :- العنود جهزتي الحلا والقهوه
ردت وهي تأشر :- كاهي جاهزه هناك
رحت وفتحت الصواني لقيت من ظمنهم الحلا اللي اكلت منه في بيت عمي وقال طلال ان عليا مسويته فقلت للعنود وانا شايله في يدي
:- هذا رجعيه الثلاجه والباقي يكفي
حملت اطباق الحلا وكملت قبل ما اطلع :- رفعيه لي ولا حد يمد يده عليه
ضحكت خالتي ام نواف وقالت :- ليه وش معنى
رديت عليها :- ابد بس انا احب هالحلا
غمزت خالتي :- تحبه ... غريبه العروس ما قلت انها مسويته لك
لفتت نظري جملة خالتي فقلت :- ليش ؟...هي عليا اللي مسويته
ابتسمت العنود :- كل الحلا مسويته عليا
ردت خالتي :- لا لا تصدقيه اكيد هو عارف ولا ما وصى عليه
ابتسمت على تفكير خالتي ورحت المجلس بعد ما وصيت العنود انها تدق علي عقب ما تسوي لي درب لاني ابي اكلم نجود
عقب ما خلصت الحلا دق جوالي وكانت العنود ساعتها ناظرت طلال ورديت :- هلا بالعنود
طارت اذون طلال وعيونه عندي اما العنود قالت
:- اهلين ...خالد نجود للحين بغرفتها بس قبل ما تروح لها جدتي تبيك تسلم عليك في مجلس النساء
تأففت طبعا مو لاني ما ابي اسلم عليها لا بس لاني ما احب ادخل عند الحريم فقلت :- طيب انا جاي بس خليها تطلع لي في الصاله
فهمتني العنود فقالت :- لا تخاف قبل ما تجي بصرف البنات
تنهدت :- امري لله كلها خمس دقايق واكون عندكم
علــــــــيــــــــاء
من طلبت ام مالك من العنود تدق على خالد وتقول له يجيها تسلم عليه وانا قلبي يدق وفرحت لمن قالت العنود بعد ما كلمته
:-كلها خمس دقايق ويجي (ناظرت جهة وداد وساره ) يلا يا بنات نفضي المكان لخالد علشان ياخذ راحته
وقفت وداد لكن ساره قالت :- ما له داعي نروح مكان ... كلها دقيقتين يسلم على جدته يكفي نلبس عباياتنا
ردت عليها ام مالك :- بس انا ابي خالد في مويضيع وما ابيه يتضايق
تأففت ساره وقالت لي :- ما بتجين معنا ؟
وقفت وقبل ما اتكلم قالت ام مالك وهي ماسكتني :- لا عليا بتقعد معي
لوت ساره بوزها وانا ما حبيت اقعد ولا اكسر خاطر خالتي ام مالك فقلت
:- ما عليه يا خالتي بس انا بروح اقعد مع البنات شوي
ابتسمت ام مالك :- ناديني يمه ...وبعدين وين تروحين ترى اللي بيدخل رجلك مو غريب
حسيت درجت حرارتي ارتفعت حاولت ادور عذر :- بس يمه
مسكتني من ايديني وقعدتني :- لا بس ولا شي واذا على زينتك
ترى انتي زوينه وما له حاجه تسوين شي
استسلمت قعدت وانا اطالع الارض ورفعت راسي لا اراديا اول ما سمعت صوته يتنحنح دخلته امه واول شي سواه سلم على جدته حب راسها و يدينها سألها عن احوالها بعدين سلم على خالاته وعمته واخر شي سلم على خالتي ام طلال وقبل ما يجلس قالت له جدته
:- يعني ما سلمت على حرمتك
ساعتها بس طالعني بنظره غريبه كأنها نظره تقيميه قرب عندي مد يده وقال وهو حاظن يدي في يده بقوه :- شخبارك يا بنت عمي
بلعت ريقي ورديت بهمس :- طيبه طاب حالك
ترك يدي رفعت راسي لقيت عيونه في عيوني وكأن فيها نظره تهديد
قعد جنب جدته وقال لها
:- تدرين يمه انك وحشتيني مووووووووت
ميلت فمها على جنب :- ايه اضحك علي بهالكلام لو واحشتك كان جيتني
ابتسم :- والله مشاغل ما تخليني احك شعر راسي (مسك يدها وقال ) ترى انا عتبان عليك ما جيتي ملكتي
لفت راسها عنه :- انا اللي زعلانه لو همك اني ما جيت ملكتك كنت سألت عني
هالمره ردت ام طلال :- خالد ما يسأل عنك يمه ؟!!!!!!!!هذي عاد ما اصدقها وهو كل يوم يكلمك في التلفون
ردت على بنتها :- بس ما اهمه لو اهمه كان جاني يوم ثاني من ملكته
وجاب عروسه بعد علشان اشوفها
قالت عمتي ام ماجد :- هذا انتي شفتيها حالها حال هالبنات ما بها زود
ردت ام مالك :- ايه شفتها يا ام ماجد وشفتها احلى من كل البنات
ام ماجد باستنكار:- من تقصدين بكل البنات؟
وقبل ما تشب حريقه بين الثنتين تكلم خالد يقطع الجدل وقال لجدته
:- افااااااا يمه زعلانه مني طيب قولي وش اللي يرضيكي واسويه
بس انتي قولي وش يرضيك
ابتسمت له جدته التفتتت لي :- عليا قهوي رجلك يا بنيتي
وقفت رحت للصينيه حطيت له صحن حلا وقربت عنده وجدته توشوشه
ابتسم على كلامها بلعت ريقي مديت يدي بالصحن :- تفضل
اخذ من يدي الصحن وتبسم على جنب ورفع حاجب على طول رجعت مكاني وانا العن نفسي يوم طعت سعاد ولبست هالفستان لانه قصير لتحت الركبه واكمامه جبانيز وفتحته دائريه واسعه نوعا ما ماسك عند الصدر والخصر وواسع من عند الحوض لتحت هذا غير الخلخال اللي في رجلي اكيد شافه لانه طالعني لمن سلم علي من فوق لتحت والحين ما ادري وش قالت له جدته علشان يطالعني جذي
وعيت من افكاري على صوته يقول :- اذا كان هذا يرضيك ولا يهمك
اقنع عمي بو طلال واجيبها لك براس الخدمه لعندك
ردت عليه وهي تنقل نظرها بين خالتي ام طلال وعمتي ام ماجد :-
انا اقدر اجيبها عندي وهذي امها ام طلال تسمعني انتي وبناتك معزومين عندي على الغدا الاسبوع الجاي ...
لفتت نظري كلمتها امها ما ادري ليش فرحت فيها بس تهدمت فرحتي لمن قالت عمتي ام ماجد
:- من وين بنتها بعد يا ام مالك ترى عليا بنت نجاة ولا نسيتي
شوي وكنت بقوم احب على راس خالتي ام طلال لمن قالت
:- كيف ما هي بنتي يا ام ماجد دام هي بنت يوسف يعني هي بنتي
( وكملت كلامها وهي تناظر خالتي ام خالد ) ولا انا غلطانه يا ام خالد ؟!!!
ردت خالتي ام خالد :- لا منتي بغلطانه وترى عليا من يوم صارت حرمه لخالد صارت بنتنا
عمتي ام ماجد ما عجبها الكلام وقفت وقالت وهي لاويه بوزها :- ايييييه الله يهنيكم فيها ...اذا ما عليك امر يا ام خالد نادي لي ساره بروح البيت
ام مالك :- ليه منت بقاعده تشوفي هديتي لعليا
ردت عمتي :- مالي حاجه اشوفها يلا مع السلامه
طلعت عمتي بعد ما وصت خالتي ام خالد الشغاله تنادي لها ساره وراحت وياها توصلها للباب
لاحظت ان خالد خلص الحلاوه اللي في يده وحط الصحن على الطاوله اللي قدامه قمت اخذت الصحن وحملت دله القهوه والفنجال وقفت جنبه علشان اقهويه صبيت فنجال وقدمته له اخذه من يدي وهو يطالعني لمست يده الدافيه يدي البارده سحبت يدي بسرعه وزين انه ماسك الفنجال زين ولا كان انكت عليه
عقب ما شرب القهوه طلعت ام مالك علبه وقدمتها لي مع دخول ام طلال
:-هذي هدية الملكه ومنها ان شاء الله الى هديه العرس ( اشرت) فتحيها
ابتسمت بأحراج :- ما له داعي يمه كلفتي على نفسش
ام مالك :- لا كلافه ولا شي وتراها اقل من غلاتك
تشاغلت بفتح العلبه واذوني عند خالد اللي قال :-
افاااااا وانا مالي هديه ... واشوف الغلا راح لغيري بعد
ضحكت ام مالك:- ترى ما هديتها وعزيتها الا من معزتك (والتفتت لخالتي ام طلال ) ما رديتي على عزومتي
ردت خالتي :- وحنا ما نقدر نردك بس عليا بتروح البحرين تحضر عرس ولدخالها وبتقعد هناك اسبوع
ردت ام مالك :- اذا كذا نأخرها للاسبوع اللي بعده ...سمعت يا خالد ؟
فتحت العلبه لقيت فيها عقد ذهب يجنن مشغول بطريقه حلوه
قلت لها :- مشكوره يمه
ابتسمت لي وقالت :- ودي اشوفه عليك ( التفتت لخالد ) قوم لبسها العقد ما بتعرف تلبسه لحالها
هاااااااا شنو يلبسني اياه لا اعترضت :- ما في داعي انا اعرف البسه بروحي
لكنه قام والا اهتم اخذه من يدي وفتحه وقبل ما ينزل نفسه علشان يلبسني وقفت درت له ظهري وبعدت شعري علشان يعرف يسكر العقد
ما صدقت متى سكره وقبل ما اشم نفسي مسك كتوفي ولفني في مواجهته مسك العقد ضبطه على صدري واول ما لامست يده صدري زادت رجفتي وما عرفت شلون اتصرف فعلى طول رجعت مكاني
قال لجدته :- والله ان ذوقك حلو يمه
ردت عليه :- ترى حرمتك اللي زينت العقد مو العقد اللي زينها
ابتسم وطالع الساعه :- زين يا جده صار لازم اخليك غير اني ابي اكلم نجود (طالعني ) عليا قومي سوي لي طريق لغرفه نجود
هذا وش فيه وش وراه اكيد ناوي على نيه ولا ما قال جذي وهو يعرف اني اول مره ادخل بيتهم وتوني بقول اني ما ادل غرفه نجود
قالت ام خالد :- يلا يعليا وصلي رجلك لغرفة اخته
قمت وانا حاسه ان وراه شي
تــــــــركــــــــي
عقب ما طلع خالد من المجلس وشاف طلال انه تأخر دق عليه
:- وينك فيه ليه تأخرت وانا قايل لك ....
ما كمل كلامه الظاهر ان خالد قاطعه
:- طيب بس ربع ساعه بعدها بتوكل على الله ومو لازم وجودك
قال خالد شي بعدها وصلنا صوت ضحكه
سكر طلال جواله فقلت له بهمس
:- انا اشوف انك تأجل السالفه لغير اليوم على الاقل علشان خاطر نجود
رد بحده ومن تحت الضرس انما بصوت واطي :- انت لا تشوف شي
وعلشان خاطر نجود بسوي اللي ناوي عليه اليوم علشان تفرح من بعد النكد
ابتسمت :- علينا ...علشان نجود ولا علشان قلبك
طنشني وواضح عليه التوتر خفت اتحرش فيه ازود يقوم يضربني
جاء ماجد وجلس جنبي :- بطلع اليوم اسهر مع الشباب في الشاليهات
وخاطري تجي معي
ناظرته :-ما اقدر بكره عندي شغل بدري
ما كأنه سمعني :-كلنا ورانا دوامات ... بس تدري يوم الخميس من يداوم بدري غير انك ولد صاحب الشركه يعني محد بيحاسبك
رديت :- لاني ولد صاحب الشركه والحلال حلالنا لازم اداوم بدري واحاسب نفسي مثل ما احاسب غيري ولا راح الحلال بسبت الاهمال
ما تراجع :- طيب وش رايك في بكره ليله جمعه يعني اجازه
عدلت جلستي :- تدري يا ماجد انا ما احب اسهر في أي مكان او مع أي احد
ماجد:-افاااااااا انا أي احد
هزيت راسي :-انا ما قصدتك بس هم ما اعرف هاللي بتسهر معهم غير ان واحد من ربعي بيوصل بكره من لندن و وعدته اقضي اليوم معه
ما اقتنع ماجد لكنه سكت دخل على نهايه حديثنا خالد وعلى وجهه ابتسامه ما اعرف كيف افسرها كأنه داخل حرب وكاسبنها ابتسامه فيها فرح ومكرجلس جنب طلال وواضح انه سرحان في اللي مخلي مزاجه متغير كذا المهم دام مزاجه تمام هذا معناه ان نجود صارت تمام وهمها كله راح اما طلال اللي ما كان ملاحظ أي شي والسبب الي شاغل باله
قال لخالد :- اخيرا شرفت
التفت له خالد :- طيب لا تاكلني وروح اجلس جنب ابوك وتوكل على الله
فعلا طلال طاع خالد وراح لعند ابوه وهمس في اذن ابوه بعدها لاحظت ان عمي قطب حواجبه وقال شي لطلال
رجع طلال وهمس في اذن عمي ساعته عمي ابتسم وهز راسه
التفت عمي لابوي وقاله
:- يا بو خالد انا اليوم جاينك وابي اخطب بنتي العنود لولدي طلال
ابوي ناظر طلال بعدين قال لعمي :- والله البنت بنتك ... وطلال اولدي ما ينرد واذا على الخطبه انت تدري انهم من زمان مخطوبين لبعض
رد عمي :- تسلم ياخوي بس ترى هالخطبه طولت وانا اقول نبي نملك عليهم
ابوي ناظر طلال وقال :- بس انت تدري ان البنت ما تبي تتملك
قبل ما تخلص دراستها
عمي بعد ناظر طلال وبعدها قال لابوي :- يتملكون اللحين وبعد ما تخلص دراستها نزوجهم
رد ابوي :- ما اقول الا اول اشوف وش راي البنت
هنا تكلم عمي ابو ماجد واظن ان طلال اكيد كان وده يقوم يحب راسه
:- وش تشور فيه البنت بعد ...ترى البنت محيره له من زمان واذا ما ملكوا اليوم بيملكون اللي بعده وانااقول خير البر عاجله
ناظر ابوي طلال وقال له :- هاا يا طلال متى تبي تملك ؟
طبعا طلال كان يبي الملكه في اقرب فرصه بس عمي اجلها اسبوعين علشان الكل يلحق يجهز حاله غير ان عليا الاسبوع الجاي بتكون في البحرين
خــــــــالــــــــد
تعمدت ان عليا هي اللي تسوي لي الدرب بس علشان اكلمها خاصه عقب اللي قالته جدتي وعلى باب مجلس النساء قالت عليا
:-خالد انا اول مره ادخل بيتكم وما ادله
ابتسمت :- انا ادل وكل اللي ابيه تشوفين اذا نجود معها احد او لا
اشرت لها على جهة الدرج وقبل ما ترقى الدرج التفتت لي وقالت
:- خالد بغيت اكلمك عن روحتي البحرين انا...
قاطعتها عمد :- مو وقته اجلي الموضوع لوقت ثاني
ردت على وعيونها مليانه رجى :- بس زواج جاسم عقب كم يوم واخاف ما يكون عندك وقت قبلها
ما ادري ليش نظرتها هذي اضعفت قلبي وخلتني من المستحيل افكر في اني اردها لكني قلت :-بس انا اللحين مشغول خليها لبعدين
عضت على شفايفها :- بعدين متى ؟؟
وقبل ما ارد عليها جاني اتصال من طلال يستعجلني علشان يبي يخطب العنود اللحين وبوجدي وعقب ما سكرت الجوال ناظرت عليا وقلت لها
:-شفتي هذا طلال يبيني ضروري ويهددني ما اتأخر اكثر من ربع ساعه
فاذا ما شفتك الليله دقي علي وباشوف موضوعك
واضح ان كلامي ما عجبها لكنها استسلمت دليتها على الطريق لغرفه نجود وقلت لها :- هذاك باب غرفة نجود بس شوفي لي الدرب وانا بانطر هنا
وبعد شوي رجعت العنود وقالت :- تفضل نجود بروحها
بس لفيت بروح لنجود لمست عليا كتفي وقالت وواضح على وجهها الحرج :- وين غرفة العنود ؟
ابتسمت ورفعت حاجب :- تدرين اول دخلي معي لنجود وبعدين ادلك على غرفة العنود
دخلت غرفة نجود ودخلت عليا وراي شفت نجود متضايقه وللحين اثر البكى باين على وجهها جلست جنبها على سريرها ومسحت على شعرها
:-ممكن اعرف وش اللي مزعل الحلو
رمت نجود نفسها في حظني وقالت وهي تصيح :- ما ابيه ما ابيه
امم امم اهئ اهئ ما ابي اتزوج ما ابيه
حظنتها حاولت اهديها وشوشتها في اذونها :- خلاص اللي تبينه صار
رفعت راسها تناظرني برجا وعيون غرقانه بالدمع :- جد؟!!
ابتسمت وانا العب في شعرها :-وجد الجد بعد انا من الاصل ما كنت ابيك تعرفين
قطبت حوجبها :- ليش ؟
اشرت على راسها :- لاني ما ابي اشغل هالراس والقلب بمواضيع ما لها داعي ( وقبل ما تعترض كملت ) لاننا مستحيل في يوم من الايام نزوجك لواحد ما يعرف قدرك انتي اذا بنزوجك نزوجك للي يحفظك ويصونك وفوق هذا يحبك بعد
خجلت نجود بعدت عني وقالت :- بس انا ما بتزوج ...يكفيني انتم حولي
شديت خدودها :- بس حنا مو دايمين لك
بوزت :- لا تقول جذي ترى انا ما اقدر استغني عنك
تذكرت ان عليا موجوده معنا فقلت :- لا تقولين كذا قدام عليا تراها تغار
التفتت نجود لعليا وضحكت وانا حسيت نظرات عليا ترمي سهام
قالت لها نجود :- لا تخافين مكانك بقلبه محفوظ ولا حنا مالنا الا الفتافيت
ردت عليا :- وليش اغار ما في شي يخليني اغار
اما انا فوقفت وحبيت راس نجود :- اخر مره اشوف هالدموع ...ويلا انا بروح ترى طلال يستناني
وصلت عند الباب وتذكرت ان نجود ما تعشت :- وتعشي قبل ما تنامين
(اشرت لعليا ) تعالي
طلعت من غرفة نجود وقلت وانا اتأملها :-عليا وش سويتي لجدتي
ما فهمتني بعدين ناظرتني بتحدي وقالت :- سحرتها مثل ما سحرت الكل
بس الظاهر سحري على ناس وناس
عجبني انها انغاضت فواصلت :- ومن هالناس عمتي ام ماجد ؟
تنهدت وناظرتني في عيني :- وساره (رفعت يدها واشرت علي ) واولهم انت
مسكت يدها تأملت الدبله :-اذا صنتيها اكيد سحرك بيتمكن مني
نظرتها تبدلت ذهول وبعدين خجل حمر خدودها وقالت بهمس
:- مو انا اللي يأمنوني واخون الامانه ...لكن عيبي اني ما اعرف اسحر
كان ودي احظن وجهها بين يديني لكني تركت يدها وقلت
:-الوقت بيحكم اذا انتي قد الامانه أما عن السحر فعيونك مليانه سحر
ازدادت حمره خدودها نزلت راسها وسألت بارتباك :-وين غرفة العنود ؟
اشرت على غرفة العنود تركتها وانا نفسي ما ني عارف شلون قلت هالكلام الظاهر ان كلام جدتي اثر على دخلت المجلس وانا افكر بان اللي سويته جرعة كبيره على عليا معقوله تكون فعلا تأثرت معقوله تكون كلماتها صادقه مثل ما توحي عيونها ولا فعلا عيونها مليانه سحر مثل ما قالت جدتي ابتسمت على جنب لمن تذكرت جدتي تقول ((قول الصراحه
هالسحر كله ما هز قلبك والله اذا مو سحر عيونها حركك اكيد حلاوة روحها وجمال اخلاقها ومبسمها نساك حالك وخلاك تتوه )) هي فعلا خلتني اتوه اتوه من الحيره في امرها مو من شي ثاني رغم ان كلام جدتي شغلني وخلاني افكر اعطيها فرصه واشوف وش ممكن يجي منها
واولها وش بتقول يا ترى علشان ترد البحرين وخلني اشوف حيلها
طولت البارت
ادري ان ما جبت شي عن هاجر
او حتى وش صار بين البنات في غرفة العنود ؟
وش رد فعل عليا على كلام خالد؟ وش بتقول له علشان تخليه يوافق على روحة البحرين من غير شوشره؟
والاهم العنود وش رد فعلها اذا عرفت عن ملكتها القريبه؟
وش اللي ينتظر تركي البارت الجاي؟
وش راح تسوي
وش صار في البحرين وش ممكن يصير
انتظر ردودكم وتعليقاتكم
اعذب وارق التحايا
-
رد: رواية أطياف الغرام / الكاتبة : معاميريا ; كاملة
((الجزء الحادي عشر))
(ضــــــــيــــــــاع)
اسوء شي انك تتوه وتحتار في نفسك ما تدري انت وش تحس فيه بالضبط ولا انت قادر تحدد سبب تصرفك ... او انك تعرف لكن في شي في دخيله نفسك يمنعك من الاعتراف فيصور لك غرورك وكبريائك
اسباب بعيده عن الواقع كل البعد
ســــــــــــاره
قعدت على سريري وفتحت الاب توب ومن الملل ما عرفت وين اروح مالي خلق افتح المسن واكلم احد فقلت اروح اتسلى في الشات لكن روحي المعنويه ما ساعدتني كل من هالعجيز لو بس تموت وتريحني احسها عظم واقف لي في البلعوم طول عمرها تنقد تصرفاتي ...سكرت الاب توب بقوه ادري انها حابه الحيه علياء بس علشان تغيضنا انا وامي
...وهذيك مثل الحيه عرفت شلون تحبب العجيز فيها ... تأففت وانا اتذكر امي في السياره تقول لي
:-ما سمعتين العجيز تبي تحرني تقول جايبه للمقروده هديه لااااااااا وتنبيني اجلس اشوفها
ما كان كلامها هامني لكن انقهرت اكيد هديتها مب قليله فسألت :-وش جابت لها ؟
ردت امي وهي تلوي بوزها :- ما شفت شي قهرتني العجيز ما حشمتني حتى قدام خالد وانا في بيت اخوي عازمه الكل قدامي على غدا عندها
...وانا حتى ما عزمتني ولو رفع شره
ناظرت امي :- بس المقروده ما بتروح لان اللي فهمته من وداد انها بتروح البحرين تقعد لها اسبوع هناك
تنهدت امي :- مو عشان كذا اجلوا عزومتهم لرجعتها
تدخل ماجد:- الا ماقلت لكم...اليوم طلال طلب العنود من عمي
لويت فمي :- ما جبت شي جديد
ناظرني من المنظره :- الجديد انهم حددوا الملكه بعد اسبوعين
رفعت حواجبي وشهقت :- صدق !!!بس لا وداد ولا العنود جابوا سيره
ابتسم ماجد:-لانه شي ما كان مخطط له( ونادى امي ) شفتي يمه هذا طلال وبيملك يعني ماله داعي استنى لش ما نتوكل على الله ونحدد ملكتي على وداد مع طلال
اعترضت :- لا ما يصير نبي كل واحد ملكته لحاله علشان نلبس ونفرح
بوز ماجد :-وانتي من اخذ شورك
لكن امي ردت :- وانا اقول اركد احسن و اختك عندها حق انا ابي افرح فيك لحالك (انتبهت امي لان ماجد ما عجبه الكلام فقالت تراضيه )
لا تخاف بتكون قريب ان شاء الله بس بعد ملكت طلال
رديت :-بس الدراسه بتكون ابتدت و.........
قاطعني ماجد:- سكتى بس اللي يسمعك يقول مقطعه حالها في الدراسه
ما حبيت ارد عليه لان في شي ثاني شاغل بالي عزومة العجيز للحيه عليا لازم امنعها او على الاقل اضمن ان عليا ما تروحها خاصه ان العجيز مو هينه لها مكانه وغلا عند خالد فوق الكل واذا تقربت من عليا
بتهد كل شي انا مخططه له
العنــــــــــــــــود
طول ما حنا قاعدات في غرفتي وساره تتأفف من تركنا الجماعه وحبستنا في الغرفه ادري ان الفضول ذابحها تبي تعرف وش يصير تحت
لكن وداد اللي صايره ما تستحمل شي من ساره قالت لها
:- ومن متى يا ساره تحبين تجلسين مع الجماعه طول عمرك تقولين جلست العجايز تملل
ردت ساره :-ادري بس كان خاطري اجلس مع خالات العنود من زمان ما جلست معهم
ابتسمت الطف الجو :-اذا على خالاتي ولا يهمك انزل اناديهم لك اللحين
مسكتني ساره :- خلاص ما له داعي (سكتت شوي بعدين سألت ) الا ما
قلتي لي جدتك وش تبي علياء فيه؟
رفعت كتفي وقلت :- علمي علمك
ابتسمت وداد:- يحليلها ام مالك احسها حبت عليا من اول نظره
ناظرت وداد:- عندك حق اول مره اشوفها تعامل احد بهالطريقه
تدخلت ساره :-الله العالم بعد ما تعرفها اكثر وش يكون رايها فيها
ما عجب وداد الكلام وخفت تثور وتقول شي يجرح ساره فقلت
:-اكيد بتحبها زود يعني من ناحيه عليا حبابه ومن ناحيه ثانيه زوجه الغالي
في هالوقت دخلت الخدامه تنادي ساره طلعت ساره والتفتت لوداد
:-هالمره ابيك تردين علي بصراحه من غير ما تتهربين
ابتسمت وداد:- وانا من متى اتهرب او حتى اخبي عنك شي
ناظرتها بجديه :-طيب بنشوف (تربعت على الكنبه وقابلتها )حطي عينك في عيني وقولي لي بصراحه وش بينك وبين ساره؟
ولا اهتزت وداد وكل اللي قالته :- غير اللي تعرفينه ما بينا شي
قربت منها :- من غير لف ودوران ليش تعاملينها كذا بجفاف وعدائيه
سحبت وداد نفس طويل وزفرته بقوه :-لان حالها مو عاجبني من تعرفت على هالبنات وهي في النازل وكل ما نصحتها ما تسمعني وانتي تعرفين شقد ساره تهمني
بعد ما عجبتني اجابتها :- هذا شي نعرفه من اول ما دخلت الجامعه بس بعد ما كنت كذا معاها (رفعت صبعي احذرها )وداد لا تكذبين
نزلت راسها :-بتعرفين بس في وقته واذا تأكدت اكثر
كنت بصر عليها تعلمني بكل شي اللحين بس دخول سعاد منعني
قعدت قبالنا وقالت :- خالد عند نجود ...(ناظرتني بتوسل )اكيد يقول لها ان السالفه انحلت وما له داعي تزعل مو؟
ابتسمت :-ما ادري بس ملامح خالد لمن دخل البيت كات تقول انه مرتاح وان كل شي تمام
وحنا على هالموضوع دخلت عليا على طول غمزت لها وقلت :-واخيرا تعالي جنبي يا مرت اخوي
جلست جنبي وشكلها في عالم ثاني دزيتها وقلت :- احم وش صار ؟
ردت بنبره هاديه :- ما صار شي
وقبل ما اسألها انتبهت وداد للعقد وقالت :-الله يهبل من وين لك ؟
طبعا ساعتها كلنا التمينا حواليها ضحكت وقالت :-تركوني بفكه واعطيكم تشوفونه ...وهذا من عند امي ام مالك
سعاد:-الله وطلعت ام مالك ذوق وحنا ماندري
رديت عليها :- هاااااااااا كل شي ولا جدتي
شوي الا نجود دخلت وطمنتنا عليها وبعدها قالت :- عنوده عنادي جوعانه ابي عشى
ضحكت على حركتها وقلت :-والله عشاك وعشى الانسه سعاد في المطبخ
سخنيه على الميكرويف واكلوه (تذكرت الحلا فقلت علشان احرج عليا ) ولا تلمسون الحلا اللي في الثلاجه ترى عليا موصيه عليه ما يضوقه احد قبل خالد...
البنات صفروا وهي احمرت وقالت تدافع عن نفسها :- بس انا ما وصيت على شي و......
قاطعتها :- انتي ما وصيتي بس الاخ من شاف الحلا عرف انك مسويته
وهدد محد يمد يده عليه(غمزت) تتبعين مخطط الطريق لقلب الرجل معدته ؟
دزتني عليا وقالت :-صدق انش مثل اخوش ما تستحين لكن الله يوريني فيش يوم
ردت نجود:-زين انا جوعانه (اشرت على لبسها )ومالي خلق انزل كذا
(ميلت حالها تدلل علي )هاتي لي العشا
تخصرت :- لا والله خدامتك ؟؟؟؟؟
وقفت وداد :- خلاص لا تتخانقون انا بنزل اجيب لكم عشا (ناظرتني ) في احد من الشباب تحت ؟
رديت :- لا كلهم في المجلس
تــــــــــركـــــــــــي
ضايقه فيني الدنيا واحس اني اذا طولت في المجلس بختنق توني كنت
فرحان حيل لطلال والعنود وكسر ماجد فرحتي ومسك روحي وعصرها لمن همس في اذني سم
:-وش رايك اكلم ابوي نخطب وداد ونملك مع طلال
حسيت النفس انقطع عندي وحاولت اشهق علشان اخذ نفس فتحت زر الثوب وقلت بصوت مبحوح
:-وليه العجله خلكم على كلامكم الاولي احسن
ما طاعني:-لا خير البر عاجله وخلني استغل الفرصه اخاف ما تتكرر
توه بيقوم يكلم ابوه لكني سحبته من كمه كان ودي اصرخ فيه وقف لا تروح على الاقل استنى الى ان اطلع بعدين تناقش في موتي لكن كل اللي قلته :- تعال اصلا مهي بعدله تخطب البنت هنا انا اقول الكلام يصير في مجلس ابوها احسن
قبل شوري على مضض اذا انا نفسي مو مقتنع بكلامي لانه بيأخر المصيبه لكن ما بيمنعها بس بعد اهون لاني بكذا اقدر ابعد ولا احضر دفن قلبي وعزا روحي
طلعت ابي اشم هوا ابي اتنفس لفيت للحديقه الخلفيه ولمن قربت عند المطبخ سمعت حوسه هذي اكيد العنود او نجود دخلت لقيتها فاتحه الثلاجه تحوس فيها تنحنحت :- عندي لك خبر بمليون ريال
ما في حس درت ظهري :- عنوده اقول.........
تجمد الكلام على لساني وانا اشوفها قدامي مذهوله ومتجمده مكانها ونطقت :- انت ما تستحي تدخل من غير ...
قاطعتها ابرر :- بس انا كنت احسبك العنود
ما قبلت عذري لانها صرخت :- اييييه وتبيني اصدق انك مو قاصد مو هذا اللي ناقصك غرور وتكملها بـ....
ما كملت لاني طلعت من المطبخ خلاص ما عادت الدنيا توسعني ماادري وين اولي وين اروح على طول رحت لسيارتي ركبتها وسقت وضليت كذا الى ان وصلت اطراف الرياض في الصحرا فتحت الدريشه علشان نسايم الليل تلفحني وترجع لي نفسي لكن هيهات ترد لي الروح... اليوم شفتها اخذت روحي في اول زفره زفرتها في وجودها وما ردتها لي
...شعرها هذا هو ما تغير لونه نعومته ولا عيونها وسعها كثافة هدبها وشفافية نظرتها ااااااااااه من عيونها ما صوب قلبي غير عيونها وما حرق روحي ونثرها رماد غير نظرة الاحتقار في عيونها ...شفت وليتني ما شفت شكثر موبس كارهتني الا محتقرتني بعد
-
رد: رواية أطياف الغرام / الكاتبة : معاميريا ; كاملة
((وداد))
ما ادري شلون جتني الجرأة وقلت هالكلام وليش قلته اساسا وش اللي خلاني واقفه وما تحركت من مكاني ...احس اني غلطت عليه انا بعد بدل ما اترك المكان قعدت اتساير معاه ...لكن هو كذا دايم وجوده يستفزني ويثيرني فشلون وهالموقف حاصل معاه والغريب انه اول مره ما يلقى كلام يسم بدني فيه ويغايضني ...الصراحه ما ادري لكن عيونه كان فيها شي ما ادري هم او تعب وعقب ما صرخت عليه شفت في عيونه نظره اول مره اشوفها كأنها انكسار او حزن او........ اوووووه انا ما ادري ليش شاغله بالي فيه وهو اكيد ولا على باله اللي صار .... رجعت الوم نفسي بس انا قطيت كلام قاسي ما خليت مغرور ولا صايع وقليل حيا واخلاق ... نزلت الدموع اللي كانت متجمعه في عيني كرهة نفسي اني بكيت وكرهته اكثر انه بكاني...رجعت انفض راسي من هالافكار على اخر الزمن افكر في تركي بصراحه هو يستاهل محد قال له ما يستأذن ....
تذكرت البنات حملت صينية العشا ورقيت فوق
علـــــــــيـــــــــاء
ماني مصدقه اني في طريقي للبحرين فرحانه اني بردالبحرين لدرجه ان وجود خالد جنبي مو مضايقني او حتى مزعجني لكنه طلع روحي علشان في النهايه يوافق تذكرت ذيك الليله انشغلنا بخبر ملكة العنود قمنا نصارخ من الفرحه وكل وحده تحظنها وتبارك لها وكأنه يوم ملكتهاوما لاحظنا انها جامده ولا على بالها والغريبه ان حتى وداد القريبه منها حيل ما لاحظت الظاهر ان في شي شاغل بالها ومخليها مو على بعضها...لكن نجود لاحظتها وطلعت البنيه مو عارفه شلون تعبر عن شعورها... فرحتها كانت اكبر من انها تعبر عنها ببسمه او حتى صرخت فرح وخجلها اساسا منعها من هالشي غير انها كانت مقهوره ان كل شي صار بشكل فجائي ومو بالصوره اللي كانت مخططه لها فكان التعبير الوحيد اللي فجرت عواطفها فيه انها تبكي وبحرقه وكأنها لا سمح الله فاقده حبيب
طبعا نسيت ليلتها اكلم خالد او بالاصح ما تذكرت الا بوقت متأخر فاستحيت اكلمه ...حاولت اتصل فيه يوم ثاني لكنه ولا عبرني مارد واخرتها قطع الاتصال في وجهي وعقبها بربع ساعه اتصل فيني
:-سلام ...عسى ما شر داقين علي
ما عجبتني لهجته :-وعليكم السلام ... انت قلت لي ادق عليك
حسيته ابتسم بخبث لانه قال :-والله بس اللي اذكره ان المكالمه المفروض تكون البارحه مو اليوم
اكتئبت ليكون بياخذها حجه وما بيخليني اتكلم :- بس حنا ما رجعنا البيت الا متأخر وخفت ادق عليك ازعجك
رد ببرود :- واللحين اتصالك ما ازعجني ؟
احرجني ليكون فعلا كان مشغول وانا ازعجته حاولت اتعذر
:- ما كنت ادري انك مشغول حسبت ....
قاطعني :- ما صار الا الخير وما له داعي تتعذرين وانا لمن قلت دقي علي ما حددت الوقت (سكت شوي )وهذا انا اقول لك الوقت قدامك مفتوح متى ما حبيتين دقي
ما عرفت وش ارد عليه :-زين ...ما قلت شلون عن عرس جاسم ؟
احسه كان يلعب باعصابي :- تبين تروحين ؟
جاوبت بسرعه :-اكيييييد هذا ولد خالي محمد
سأل :- لهالدرجه غالين عندك ؟
ابتسمت :- مو انت ما تعرف خالي محمد ولا خالتي ام جاسم ... تراها في حسبة امي وما عندها بنات فمو عدله البنت ما توقف مع امها في عرس اخوها
خالد باستتغراب :- اخوها؟
ابتسمت :- تقدر تقول انا متربيه بين عيال خوالي وكلهم في حسبة اخواني وخواتي
رد :-طيب علشان جدك وخالك بتروحين البحرين...وحسبة خواتي على عيني وراسي لكن حسبة اخواني انسيها
هذا وش فيه لازم يغثني بس بعد فرحتي غطت على كل شي الى ان قال
:- طبعا ما بتروحين لحالك وبما ان الكل مشغول فبتروحين معاي
لا اراديا قلت :-شنو؟!!!وابوي وطلال ؟؟؟
رد علي :- وراهم اشغال ...وعمي لمن عرف ان عندي شغل في البحرين
ترك جملته معلقه بمعنى فهميها ابوش اللي امرني مو مني لنفسي لكن احساسي كان يقول انه كان مخطط لهالشي..... انتقل تفكيري لهاجر يا ترى وش صار عليها وليش ما ترد على موبايلها فقلت ادق على بيتهم لكن تراجعت خلني افاجئها باني صرت في البحرين احسن وصلنا على باب البيت نزلت ونزل خالد وراي ينزل شنطتي فتحت باب البيت الوقت اللحين ظهر واكيد جدي في المسجد ترك خالد الشنطه على الباب من داخل وقال :-يلا ...واذا احتجتي أي شي دقي علي
دار ظهره لكني وقفته :-خالد (طالعني وفي عيونه سؤال وش تبين؟ )
اقول يعني ما بتجي تتغدى عندنا ؟
ابتسم :-لا... الجايات اكثر اخليك ترتاحين
وقفته مره ثانيه :- زين وين بتاكل وبتبات؟ و... ما بتجي تسلم على جدي؟
قرب عند الباب :-وش افهم هذا اهتمام فيني او.......؟؟
تراجعت خطوه على ورى :-هااا ابدا بس جدي اكيد بيسألني عنك
ضحك :- قولي له خالد بيمرك العصر ...وساعتها برد على كل اسئلته
مع السلامه
سكر الباب اووووووووف وانا لازم احرج نفسي وياه ما ادري ليش دائما يفسر كلامي على كيفه ياحبه لانه يحرجني
عقب ما صليت تذكرت هاجر دقيت عليها وابد ما ترد واخيرا قررت ادق على بيتهم :-سلام عليكم
رد علي صوت اظنه صوت سالم :-وعليكم السلام نعم امري اختي؟
:-هاجر موجوده
سأل :-من يبيها ؟
وش عليك انت من يبيها صدق ثقيل دم :-قولها بنت جيرانكم ابو محمد
رد بدفاشته :-هلا بالجاره هلا عليا لحظه اناديها
اوف يحسب نفسه خفيف يا ثقلك (تخرعت لاني سمعت هاجر ):- هلا
رديت :-بس هذا اللي قدرتين عليه (ما ردت فواصلت ) زين هجور انا في البحرين
ردت من غير حماس :- متى وصلتين ؟
لا هذي مو هاجر اكيد فيها شي :-هجور وش فيش ؟ ولا اقول تعالي عندي وقولي لي كل شي
ردت وكأنها بتصيح :- عليا انتي تعالي عندي ضرور ي ابي اكلمش
خوفتني نبرتها فوعدتها :-خلاص ولا يهمش على اربع بكون عندش
هــــــــــــــاجـــــــــــــــــر
ما ادري ليش مجرد ان عليا جنبي هالشي ريحني يمكن لانها الوحيده اللي تحس فيني وتعرف عني كل شي في البدايه ما عرفت وش اقول بعدين ابتديت معها من خلصت مكالمتي وياها......
:-ما وعيت لنفسي الا وانا بغرفتي في البدايه ما استوعبت وش اللي صار الظاهر اني كنت احلم لكن الالم اللي براسي واثر الضربه على جبيني قالت شي ثاني غير موبايلي اللي اختفى
استغربت عليا :- اختفى وين راح ؟ وما دريتي وش صار بين حمد وسالم عقب ؟
ابتسمت بتهكم :-قولي من خذاه(سألت بنظره من؟)سالم اخذ موبايلي وللحين ما رده اما عن اللي صار فما عرفت الا عقب يومين
فتحت عليا عيونها على وسعها :- يومين ؟!! يعني امس ...وش هالبرود معقوله ما سألتي قبل
حطيت يدي على وجهي ومسحت شعري على ورى :-ما عرفت وش اسأل ومن اسأل حاولت اسأل امي بس خفت اني اسوي فضيحه وانها ما تعرف شي اساسا بس عقبها بيومين دخلت امي غرفتي وقالت لي
:-يمه يا هاجر بكره بيجونش خطاب وجهزي نفسش
شهقت عليا :-خطاب اليوم !!! ومن هذولا ؟
ارتفعت حرارتي ودمعت عيني :- حمد يا عليا
ابتسمت عليا ودزتني :-خرعتيني وبعدين تقولين لي حمد (مسحت دموعي وضمتني ) المفروض ترقصين من الفرح مو تصيحين
صحت زود وقلت من بين شهقاتي :- مو انتي ما تعرفين وش صار
فكتني عليا :-هاجر لا تلعبين باعصابي يعني وش صار ؟
اخذت نفس علشان اهدأ وقلت :-عقب ما قالت لي امي ما صدقت انا بنفسي سمعت حمد يقول انه يحب وحده وبيخطبها فوش اللي يجبره يخطبني الا اذا سالم مسوي له شي فرحت لسالم لكنه بكل بجاحه قال لي اسألي ابوش هو اللي كلم ولد خالتش مو انا (سكت ما عرفت اواصل تذكرت شعوري بالحرج شلون اروح اسأل ابوي وش صار وليش حمد بيخطبني ) استجمعت قوتي ورحت له تدرين وش قال ؟؟؟؟
مسكت عليا يدي وقربت مني :- انا واثقه ان عمي بو عيسى تصرف صح (ابتسمت )ما اظن انه تصرف بتسرع او حتى من غير ما يسمع حمد واكيد انه اكتفى بالي قاله حمد ولا كان سألش انتي بعد
ابتسمت :-يمكن يكون توقعش للاحداث صح بس ما فكرتين اذا السالفه جذي وش اللي دفع حمد لخطبتي وعينه على وحده ثانيه ؟
طالعتني عليا بنظرة استفسار :- ما ادري ....حيرتيني
تأملت اظافري وقلت :-ابوي دخل البيت وانا مرميه عند الجدار وسالم ماسك حمد من ثيابه يهدده طبعا صرخ ابوي في سالم يترك حمد وطاعه واشر لهم يدخلون المجلس ساعتها حاول يصحيني وخذاني على غرفتي وانا بنص وعيي بعدها رد لهم سمع منهم وطلب يكلم حمد بروحه
(سكت الكلام وقف في حلقي ما قادره اتكلم )
حطت عليا يدها على كتفي ضغطت عليها تواسيني :- حبيبتي اذا ما تبين لا تقولين
حطيت يدي على فمي علشان ما اصيح :- ابوي شاف ان سالم غلطان لكن اصواتهم وصلت للجيران وهذا سوى شوشوره في الفريج (صحت من قلب طلعت كل اللي كنت كاتمته من سمعت السالفه ) وعلشان محد يقول ان السبب في هوشتهم هاجر وعلشان محد يتكلم علي (رجعت اصيح )
حظنتني عليا :-خلاص سمي بالرحمن ولا تسوين في روحش جذي واذا
كان هذا تفكير حمد فنعم الرجال اللي يفكر في شوفاته قبل ما يفكر في نفسه
عطتني كاس ماي وهي تسمي علي بالرحمن شربت شوي بعدين قلت :-
مو هو ...ابوي اللي عرضني عليه مثل أي شي يعرضونه في السوق
(كملت من بين شهقاتي )انا يا عليا يرخصني ابوي وبهالطريقه (ضربت خدي ) لا والاخ حمد رد على ابوي انه بيفكر يومين بعدين بيرد عليه
حظنتني عليا الى ان هدأت وقالت :- انا اقول قومي توضي وصلي لش ركعتين لله علشان تهدين وترتاحين (ابتسمت ) ترى اليوم بيجي حمد يخطبش وش تبينه يقول عنش جيكره
دزيتها :-يحلم انا اصلا احلى منه ومن الصايعه اللي يحبها ويحمد ربه اذا وافقت عليه
استغربت عليا بعدين ضحكت :-من جد تتكلمين ؟(هزيت راسي ايه فكملت)خلاص ولا يهمش ما دام في مجال ان توافقين او لا رفضيه
(مسكت خدودي شدتهم ) ولا تقولين ان عمي رخصش لاحد
مسحت دموعي وقفت وقلت :- مثل ما تكبر ورد بعد يومين انا بعد بخليه ينطر يومين وبعدين برده
ابتسمت عليا :-هذي هاجر اللي اعرفها بس اقول اخذي هاليومين وفكري فيهم بجديه ترى حمد مثل ما تعرفين رجال كامل والكامل الله
ما ناقصه غير هالسنه ويتخرج (حطت يدها على قلبي ) وشاوريه اذا رفض رفضي واذا وافق وافقي
ميلت فمي على جنب :-هه وش الفايده وهو يحب وحده ثانيه
ابتسمت عليا:-احساسي يقول انها مو احسن والا احلى من بنت جاسم
وان بنت جاسم اذا بغت قدرت تنسيه الدنيا كلها مو بس بنت وحده
دخلت اتوضأ طلعت لقيت عليا مجهزه جلابيه شك خفيف مخصره وقالت :-هذي انسب حاجه وتكشخي وغيضي جواهر
لبست جلالي :-ما له داعي لان جواهر مجرد تعرف ان حمد بيخطبني اكيد انفجرت من القهر وثانيا انا عندي ثياب اكشخ من جذي
غمزت :- بس هذا الوحيد المحتشم اللي يناسب الشوفه
شهقت :-نعم ومن قال ان في شوفه
ابتسمت عليا وكأنها تشمت علي :-مو يمكن يطلب يشوف الحاجيه
تذكرت اول ما رجع من السفر لمن شافني متغطيه وقال لي حاجيه رفعت المخده بحذفها على عليا لكنها جت في الباب اللي سكرته
حــــــــــمـــــــــــــــد
صعقني طلب عمي بو عيسى ما توقعت انه يعرض علي اتزوج هاجر في البدايه تحججت باني ما اشتغل فشلون اخطب لكنه قال مو مشكله اللحين خطبه واذا اشتغلت اتزوج ما عرفت وش ارد عليه فطلبت مهله يومين
في هاليومين كان كل تفكيري شلون اتزوج وحده ما اعرف عنها غير القليل من طفولتها اذكرها كانت متينه وخدودها حمر وماترضى تتمشط ولبسها دائما صبياني وكانت دائما تلعب مع الاولاد وما عندها من البنات ربع تلعب معاهم غير بنت جيرانهم .....صار لي سنين ما شفتها وتقريبا ما اعرف عنها غير انها من خلصت ثنوي قعدت في البيت .......اففففففف ما فيها شي من الي اتمناه كنت احلم ان زوجتي تكون ناعمه كلها انوثه مثقفه تحاورني تناقشني نظرتها وبسمتها تسحر وكلامها ....مو وحده مثل هاجر نظرتها كلها تحدي وكلامها سم صبياينه وعنيفه والله يستر يمكن تكون جيكره وللحين متينه حتى اخر مره شفتها ما لحقت اشوف ملامحها من كثر ما قهرني كلامها
ما قدرت ارد على عمي بو عيسى اني ما ابي بنتك وش اقول له وش عيبها... بما ان كلامها هذاك اليوم يدل على انها ما تقبلني ولا تطيقني قلت يلا انا بروح اخطبها واكيدهي بترفض وبتفكني
فقلت لامي واصريت على خطبتها بالاول عارضوا لاني ما اشتغل بس لمن اصريت وقلت انها مجرد خطبه وافقوني
وهذا انا اليوم في بيتهم عقب ما خطبها ابوي طلبت اني اشوفها طبعا سالم عارض لكن عمي بو عيسى قال انه من حقي
دخلت لقيت امي وخالتي في الصاله واشر علي سالم ادخل وحده من الغرف شكلها مجلس النساء قعدت انطرها انفتح الباب و........
انتهى البارت
في انتظار تعليقاتكم وردودكم
اعذب وارق التحايا
-
رد: رواية أطياف الغرام / الكاتبة : معاميريا ; كاملة
((الجزء الثاني عشر))
(ألوم قلبي)
في بعض المواقف يكون رد فعلنا اقل مما نتوقع ويحسسنا بعدم الرضا عن انفسنا لان الموقف كان يستحق رد فعل اقوى من هذا بكثيييييييير .....وش اللي يمنعنا ؟؟؟ ما ادري!! احيانا تربيتنا
واخلاقنا واحيانا صدمتنا و ذوهولنا واحيانا كرامتنا ....لكن الغريب ان الامر اذا تعلق بأحد نقدره او نعزه او نحبه دائما دائما نتناسى هالاسباب ونتهم نفسنا بالضعف
ونلوم قلوبنا
علـــــــــــــــــيــــــــــــاء
رديت من عند هاجر وانا قلبي معاها شاغله تفكيري ومخليتني سارحه في عالم ثاني سكرت باب البيت تقدمت بس خطوتين وصدمت بشي شهقت بقوه وقبل ما استوعب اللي يصير حولي سمعت زوجة خالي محمد تناديني
:- هلا بعليا تو ما نور البيت (تقدمت مني ولمتني لصدرها بقوه ) الحمد لله على سلامتش يمه
قاطعتها ناديه بنت خالي سعود :- عاد يام جاسم تركي لنا مجال شوي
وتقدمت مني وسلمت علي دخلتهم الصاله وقبل ما اسكر الباب تلفتت ما لقيت احد في الحوش
الظاهر انه راح المجلس..... كانت لمتنا حلوه من زمان عن بنات خالي وبالذات ناديه لانها اقرب وحده لسني ما تفرقنا الا عند صلاة المغرب وعقب الصلاه دخلت على ناديه الحجره
:-عليا ...حبيبتي بغيت اطلب منش طلب
ابتسمت في وجهها اللي يشوفها شلون خجلانه يقول تستحي من ثيابها لكنها ابد بس تتمسكن علشان حاجتها :- امري عمتي وش بغيتي
تربعت على سريري :-الصراحه اخواني كلهم مشغولين مع جاسم في تجهيزات العرس
ومحد فاضي لي .....
سكتت قربت منها قومتها من على السرير :- كم مره اقول لا تقعدين على سريري ...وما فهمت وش حاجتش بالضبط ؟!!
رمشت بعيونها :- تودينا السوق (لمحت نظرة الاعتراض على وجهي ) ما بنطول ناقصني بس
صندل يناسب فستاني والبنات يبون يمرون يشترون اكسسوارات بس
كنت برفض لكن تذكرت اني نفسي ما شريت شي والعرس عقب بكره فقلت :- ما عندي مانع (توها بتنط تبوسني لكني وقفتها ) لكن جدي ما يرضى اطلع باليل وبالذات السوق
غمزت ولا يهمش احلها لش في لحظات بس انتي جهزي نفسش وطلعت من غير ما تقول هي وش ناويه عليه وفعلا ردت عقب شوي وقالت
:- يلا لا تأخرينا ترى جدي وااااااااااااافق وبالثلاثه
استغربت هذي وش قالت علشان جدي يوافق بهالسهوله سألتها وكل اللي قالته :- بعدين اقول لش
نزلت لقيت خالتي في المطبخ تطبخ العشا وصتني على شوية بخور وعطور علشان الصباحيه واسبوع العرس طلعنا انا وناديه ودعاء وسمر فتحت باب الطبيله لقيت سيارة سالم كالمعتاد ساده على الطريق تلفتت لقيته واقف على باب بيتهم وياه واحد ناديت سمر بما انها الصغيره
:- سمر حبيبتي روحي نادي سالم يجي يحرك سيارته علشان نقدر نطلع
فعلا راحت سمر وكلنا نطرناها داخل السيارة عدلت المنظره وعدلت البرقع تليقفت ناديه
:- هييييييييييه ليش بعد هذا (تأشر على البرقع )ترانا في البحرين مو السعوديه
دزيتها :- لا توقلين هيه ناديني عليا ترى والله ما في سوق
ردت بادب مصطنع :- ان شاء الله عمتي
ابتسمت من تحت البرقع :- ايه جذي تمام ...والبرقع خلاص تعودت عليه وانا ما احب البس شي وبعدين اقلعه على حسب الخريطه لاني على جذي بقلع الحجاب اذا سافرت لندن ولا ....
ما كملت لان سالم جا علشان يحرك سيارته لكنه عقب ما حركها اشر علينا ما نتحرك ونزلت الدريشه اشوف وش صاير يمكن في تاير نايم ولا شي لكن كل اللي قاله
:- مسامحه علياء بس كنت بعتذر على اللي صار اليوم
استغربت وش يقصد لكني ما حبيت اطول معاه فقلت :- مو مشكله ما صار الا الخير
لكنه رجع يقول :- والله ما كنت ادري ان توأم روحي هو انتي لاني ساعتها كنت
بطلت عيوني ما فهمت شي :- هااااااا وش تطلع توأم روحي هذي بعد ؟!! أنت ما تستحي؟!!
ابتسم بدفاشه :- لا تفهميني غلط ..اقصد اسمك في الموبايل توأم روحي
تأخر استسعابي شوي وقبل ما ارد سمعت صوت من وراه
:- بعد عن السياره احسن لك
التفت سالم لوراه وكان واضح انه مرتبك ومصدوم :-هه انا بس كنت اتحمد للجاره بالسلامه و......
ما كمل كلامه الا وخالد شادنه من ثوبه وقرب منه حيل وقال والشرر يتطاير من عيونه
:- تتحمد لها بالسلامه ولا .....(قطع جملته ورمى سالم على الارض ) والله لو تعيدها وتقرب من حرمتي مره ثانيه ما يخلصك مني الا الموت (رفسه )وحط في بالك زين بنات الحمايل لا تقربهم
وقف سالم وثوبه كلها متوصخه تراب ورجع بيتهم ركض احسه كان خايف ومنحرج في الوقت نفسه اما انا فحسيت ان روحي بتطلع وان الدور جاي على والمفروض اني ابعد اللحين بالسياره لكن رجولي ما طاعتني حسيتها تجمدت نفض خالد يده وقرب مني
:- وين رايحيين بهالليل
بلعت ريقي :- ابد ناقصتنا شويه اغراض من السوق بناخذها ونرد
قرص بعينه :- وما في رجال توديكم مشواركم
نظرته كانت تقول انه لازال ثاير وماسك اعصابه بالزور خفت من عيونه وما عرفت وش اقول له غير :- كلهم مشغولين
قرب من الدريشه لدرجة اني حسيت انه بيدخل راسه :- طيب ...وهذا انا جيت انزلن انا بوديكن السوق
رغم هدوء صوته لكن لهجة الامر والسلطه كانت واضحه لدرجة ان البنات نزلوا من غير نقاش ساعتها قلت من غير تفكير بس ثرثره علشان اقدر اسيطر على اعصابي
:- ليش انت تدل الاسواق ؟
ابتسم من غير نفس:- مو اول مره اجي البحرين واللي ما ادله تدليني اياه
فتح باب السياره واشر علي اطلع منها واول ما طلعت وعطيته ظهري ابي اروح سيارته
وقفتني جملته الحاده :- احمدي ربك ان بنات خوالك معك ولا كان لي تصرف ثاني معاك
سرت رعشه في جسمي وش يقصد ؟!!! ليكون على باله اني وسالم حسيت ان الغضب والقهر تمكن مني والتفت له :- وش بتسوي يعني بتضربني ولا بتذبحني واذا كنت فاهم اني
ريخصه فهذي غلطتك ولا يمكن اتحملها ...(ارتجفت شفايفي وهددت دموعي بانها تنزل )
ولا تظن اني سهله و.....
ما قدرت ضعفت ما عرفت وش اقول وشلون اوقف سهام الاتهام والحتقار من عيونه
ما ادري ليش جرحتني هالنضره واللي خلاني فعلا ابكي انه ما اهتم ابد
وكل اللي قاله :- هذا مو وقت الكلام وامسحي هالدموع اللي ما تودي ولا تجيب
البنات يستنونا في السياره (وكمل بسخريه ) ولا تنسين تغطين عيونك يا...حرمي المصون
ركبنا السياره وهو طول الوقت ساكت ما تكلم وكان صمته اثقل من كلامه حتى انه ما حاول يلتفت لي او يقول لي كلمه وحده طول الطريق الى ان خلصنا كل المشتريات وما بقى غير اني اشتري فستان بمستلزماته دخلنا واحد من المحلات وقمت انقي مع البنات من غير نفس فستان وصاروا كل وحده تأشر على واحد الى ان استقروا على اثنين واحد اصفر والثاني بنفسجي الصراحه الاثنين كانوا حلوين واحترت اخذ اي واحد فيهم
ناديه اصرت :- ما عليش من دعاء وسمر خذي النبفسجي بيطلع يهبل عليش ولونه يطيح على بشرتش اكثر من الاصفر هذاك يناسب السمر اكثر
تأففت :- ما ادري احس ما عارفه اختار يعني كلامش صح بس قصات الاصفر احلى
ساعتها ناديه سحبت الاثنين وقالت لي :- تدرين الحل الامثل تدخلين وتشيكينهم وتشوفين ايهم احلى
التفتت لخالد الواقف ورانا على بعد خطوات ورجعت اطالع ناديه :- اخاف ما يرضى
ثنت حواجبها وقربتهم من بعض :- ليش رجلك غيور ولا معقد ترى ما بيشوفونك رجال ولا في كامرات في غرف التبديل
ما عجبني كلامها :- بس انت تعرفيني ما احب غرف التبديل(رفعت كتوفها بمعنى ما عندي لش حل ثاني تأففت ولويت فمي ) امري لله بقوله واشوف وش يرد على
الامر تطلب مني طاقه وشجاعه كبيره اني اتوجه له واكلمه عقب الكلام اللي قاله خاصه ان الوضع صاير معكوس وقاعد يتصرف على اساس اني انا الغلطانه وفوق هذا يعاقبني
بانه يتجاهلني لكن كله من قلبي الغبي اللي حاطه في مكانه اعلى منه وما يستحقها
صرت قريبه منه حيل رفعت عيوني لعيونه لااااااااااا مستحيل اكون احب قلب الصقيع
اللي عيونه ميته ما فيها احاسيس واذا تحرك فيها الاحساس يكون غضب وسهام مسمومه تجرح في الصميم هذي مجرد احترام لعمي ولصله الدم اللي يخليني ما ارد عليه بشكل مناسب
لكن خلاص مثل ما هو لغى هالاعتبارات انا بعد بلغيها وبرد عليه بنديه
:- خالد ( رفعت الفساتين اللي في يدي )انا محتاره اشتري اي واحد فيهم
ما كان مهتم اني قربت منه لكن لفت انتباهه كلامي وطالعني بنظره تقول والمطلوب
كملت وانا ما اعرف وش اقول :- عادي ادخل اجربهم علشان اشوف ايهم انسب ؟؟؟
طالعني وبعدين نقل نظره للفساتين اللي في يدي :- عرضيهم اشوف
استغربت طلبه لكن نفذت من غير ما افهم شي طالعهم بنظره انتقاديه بعدين قال
:- ما في داعي الاثنين ما يصلحون الاصفر قصير مره والثاني صدره عاري مره
طالعتهم مره ثانيه عنده حق بس وش اسوي العرس عقب بكره وانا ما شريت شي
يأست وقلت بانفعال لكن بصوت واطي :- زين وش اسوي ما في شي عاجبني وما عندي وقت الف السوق (بان على صوتي اني شوي وبصيح ) يعني اروح بعباتي !!!!
ابتسم بشكل اول مره اشوفه :- انا عندي عباتك افضل (كنت بهيج عليه لكنه كمل )بس ولا يهمك ما بترجعين الا وانتي شاريه كل اللي تبين
مسك يدي وتقدم يشوف الفساتين قام يقلب فيهم الى ان وصل لفستان لونه اخضرحرير طويل ضيق عند الصدر ونازل واسع وبانسيابيه من عند الخصر ومشغول بشك عند الصدر وسيره حول الرقبه والظهر عاري شوي اخذه وقال لي
:- وش رايك ؟
ما عجبني ابدا وبالذات لونه خاصه اني ما احب هالدرجه من الاخضرلكن بكل غباء رديت
:-على كيفك
ندمت اني ما قلت له ان الفستان مو حلو خاصه انه ابتسم وقال :- خلاص الفستان ومستلزماته انا اللي بختارهم لك
وراح للبائع وكلمه شوي عقب دخل البائع المخزن وطلع وفي يده فستان نفس موديل الاخضر لكن لونه اسود اخذه خالد ورجع عندي وبابتسامه على جنب
:- وش رايك مو احلى من الاخضر؟
فعلا كان حلو بشكل غريب لدرجه كأنه فستان ثاني هالمره هزيت راسي اشاره نعم وقلت
:- مو بس احلى الا روعه
ما عرفت ليش ضحك وقبل ما تشتد ضحكته كتمها وراح يحاسب على الفستان
طلعنا من المحل وفعلا اختار بنفسه الصندل والاكسوار وكانوا حلوين لدرجة ان البنات صاروا
يتهموني باني اخترت الاحسن لي وهم خليتهم على الهامش
خلصت مشاويرنا تقدم خالد للسياره وانا عيوني عليه وتفكيري معاه... ذوقه حلو وشكله بعد مو اول مره يتسوق لحريم ولا شلون عرف قياسي من غير ما يسألني ليكون كان يتسوق لحريم و
اشتعلت النيران براسي على هالفكره ايه ليش لا واضح انه مو اول مره يسويها
دخلت السياره وهالفكره لاعبه براسي وماني عارفه اتكلم لان البنات ويانا وصرت اهز رجلي بقوه من التوتر
لغاية ما وقفنا عند مطعم وسألنا :- ها وش تأمرون عليه
البنات خجلوا وما ردوا عليه فوجه سؤاله هالمره لي بشكل خاص :- عليا وش تامرين عليه
كان ودي ارد عليه واقول(( ودي اعرف كل اسرارك وكل شي عنك ودي..ودي اتخلص من سيطرت صورتك على افكاري ودي تكون مثل ما كنت شخص عادي كل اهميته انه ولد عمي ودي ان المساحه اللي محتلنها في عقلي تنقص وتتضاءل ما تزيد)) لكني رديت
:-ما ادام انت عازمنا فخليها على ذوقك
نزل من السياره وما رجع الا ومعاه اكياس العشا مد يده اول بثلاثة اكياس من ريحتها واضح انها مشويات ومعجنات وكيس فيه عصير وقال لي هذا عشا البنات
وصلته لهم وعطاني الاكياس الباقيه وقال :- وهذا عشانا(قرب مني وهمس ) لاتنسين حنا بعدنا ماتكلمنا
اول ما قرب مني قلبي رجف وحراتري ارتفعت لكن عقب اللي قاله زادت رجفة قلبي وبردت اطرافي ما ادري ليش احاسيسي صارت متناقضه يعني خايفه اني اكلمه واقعد وياه بروحي وبنفس الوقت اترقب بلهفه على امل ان يكون لي نصيب من الكلام ويفتح لي قلبه ويسمعني
-
رد: رواية أطياف الغرام / الكاتبة : معاميريا ; كاملة
حـــــــــــــــمــــــــــــد
رجعت البيت وانا تفكيري في هاجر اتذكر لحظة اللي انفتح فيها الباب ودخلت منه وقفت عند
الباب ولا تحركت وكل اللي شفته بنت قصيره نوعا ما وشعر اسود ناعم واصل لكتوفها ومغطي ملامحها حاولت اتبين ملامح وجهها لكن ابد فقلت
:- يعني بتظلين واقفه عند الباب جذي ؟
ابد ولا تحركت ولا حتى ردت بكلمه تنهدت هذي اكيد ناويتها من الاول قربت انا منها ولمن صرت على بعد كم خطوه قلت لها
:- زين رفعي راسش اشوفش مو تنحسب علي شوفه وانا ما شفت غير شعر
رفعت راسها وانصدمت اني قريب منها لهالدرجه لدرجة انها بعدت خطوه على ورى
كانت خدودها حمر وعيونها مرتبكه حلوه والخجل على عكس ما توقعت لايق عليها ومخلنها شي ثاني ...فكرت اني ابي في هالحظات القليله اني اشوفها في كل حالاتها يا ترى شلون بتكون
وهي زعلانه مدهوشه والاهم لمن تكون ثايره ولسانها مثل المدفع لفت نظري لون عيونها
عسليه مايله للاخضرار :- هاجر هذا لون عيونش ولا عدسات
رمشت بعيونها مو فاهمه وش علاقه عيونها لكنها ردت بكل تلقائيه :- لا هذا لونهم ....ليش فيهم شي ؟!!!
حبيت اغيضها واستفزها فقلت وانا رافع كتوفي وكان الامر عادي جدا :- ابد بس كانها عيون قطوه
رفعت عيونها لعيوني وهي تقذف شرار :- شنوووو!!!! يحصل لك عيون مثلها علشان تتكلم
حلوه حتى في انفعالها حبيت ازيد عليها فقلت
:- تدرين انتي ما يعيبش شي غير لسانش بس مع الوقت هالشي بيتصلح ان شاء الله
تخصرت وقرصت في عيني :- والله انا ما يعيبني شي ...واذا مو عاجبك ترى الباب يوسع جمل
كنت بضحك لكني مسكت نفسي وقلت ارد لها كلامها عني قدام جواهر
:-رغم انش ماترسين عيوني ولا تملين قلبي ...بس ماشي الحال
حسيت انها مو على بعضها طرفت بعيونها ونزلت راسها ولمن رفعت راسها كانت عيونها غرقانه بدموع رافضه تنزل ااااااااااخ وشكثر انا غبي واضح اني جرحتها في الصميم غمضت عيوني على صورة عيونها وتوني باعتذر الا تقول لي
:- بس انا اللي ما يترس عيني ويملى قلبي ما ابيه
حسيتها عطتني كف على وجهي.... صفعه على العين ثار دمي من الغضب ولا اراديا مسكتها من كتوفها وهمست في اذنها :- بتوافقين يا هاجر ...وما بتكونين لغيري واذا مو طيب غصب
وطلعت وانا نيران تشتعل في راسي وتلتهب في صدري تسويها وتردني صحيح اني ما جيت اخطبها الا بعد ما كلمني ابوها ويمكن انا رحت لخطبتها من غير حماس وعلى امل انها ترفضني لكن ............ما ادري شلون هالبنت كل ما تتواجد في مكان تلفت انتباهي وتخليني اختبر جميع احاسيسي خلال تواجدها ..... واليوم عقب ما شفتها تملكني احساس بانها لي مو لغيري واحساس ثاني يقول اني في شي ناقص ما شفته واني بحاجه للوقت علشان اشوف واكتشف الناقص ...واحس ان هالشي يخصني ......اااااااااااه كل شي كوم وعيونها كوم
تحسها تخترق قلبك خجلها وبرائتها تثير فيني الغرور والفخر ....دهشتها تذهلك وتخليك تسعى لاكتشافها وانك تطفي شعلة الفضول فيها ....وفي غضبها تحسسك بانها ند لك وتخلي الدم يغلي في عروقك .... وحزنها يضعفك ويهز قوتك ويخلي كل همك انك تراضيها ويخليك متلهف انك تضمها وكانك تحميها من كل شي حتى من نفسك .... ياترى وش الشعور اللي بتزرعينه في نفسي اذاابتسمتي او ضحكتي ؟؟؟؟
ابتسمت على هالفكره لكن في شي هدم هالابتسامه لو رفضت وش راح اسوي وشلون انفذ وعدي لها .... ايه هذا وعد وعهد اخذته على نفسي سواء كان الدافع له التحدي او اي شي ثاني لكن ما راح تكونين لغيري مهما تطلب الامر مني يا هاجر
خــــــــــالــــــــــد
كنت عند الباب بطلع اقضي شويه مشاوير قبل اذان المغرب وفهاللحظه دخلت وصدمت في صدري ما اضنها استوعبت وجودي الا وحده من الحريم تناديها على طول طلعت وانا حاط في بالي اني ما بعديها لها تطلع من دون اذني هذا وتونا واصلين اجل بعدين وش بتسوي هذا وانا موصيها ....وعقب الصلاة رديت بيتهم تحت الحاح من جدها ابو محمد علشان اتعشى معاه
لفت نظري باب الكراج مفتوح دخلت لقيت سيارتها وداخلها حريم وعند السياره رجال في البدايه ما عرفت هذولا من لكن اول ما قربت عرفتها من عيونها الظاهره من البرقع ...وعرفته هذا هو نفس الشاب اللي شفته يوم جينا ناخذهم للرياض غاضني الموقف انا من البدايه وهالشاب مو نازلي من زور واللي زاد وغطى اني سمعته يقول لها
:- لا تفهميني غلط ...اقصد اسمش في الموبايل توأم روحي
ساعتها ما قدرت اتحمل على طول دزيته وقهرني انه يكذب علي يقول يتحمد لها بالسلامه ساعتها مسكته من ثوبه وعقبها رميته على الارض ورفست ااخخخخخخخخخ يالقهر لولا وجود البنات وخوفي من اني اسبب فضيحه كنت ذبحته وما تركته الا عقب ما يسلم روحه لباريها ...والجبان هرب عقب اول رفسه والله اني كنت ناوي عليه ما اخليه الا عقب ما يتكسر ولا ينزف ويترجاني اتركه ...شرد وانا صدري مليان غل وقهر ما ادري شلون تحملت اكلمها
....وطول الوقت في السياره وانا ساكت عنها وحتى ما اناظرها كل هذا في محاوله مني لمسك اعصابي
ما كنت حاب ابين وجود اي خلاف بيني وبينها قدام اهلها غير ان سكوتي افضل لاني لو تكلمت اكيد كنت بجرح فيها وباهينها ويمكن حتى امد يدي عليها وهذا شي ما احب اسويه في حرمه فشلون .........نفضت راسي عن هالفكره ولاول مره من طلعنا السوق التفتت لها كانت تناظرني وكانت عيونها تحاول تقول شي وشي من الاعتذار والعتب واضح فيها ....لكني تجاهلتها الى ان جت وقالت
:- خالد ( رفعت الفساتين اللي في يدها )انا محتاره اشتري اي واحد فيهم
كنت ناوي من البدايه اساعدها بس لا زلت مقهور فناظرتها بمعنى وش المطلوب مني فالت
:- عادي ادخل اجربهم علشان اشوف ايهم انسب ؟؟؟
طبعا انا غرف التبديل في المحلات والاماكن العامه ما احبها واكرهها وبالذات لاهلي فشلون حرمتي فقلت لها :- عرضيهم اشوف
كان واضح انها ما فهمت الغايه لكنها طاعتني عرضتهم كانوا حلوين لكني اول ما تخيلت شلون بيكونون عليها ما عجبني ان احد غيري يشوفهم عليها حتى لو كانوا حريم فتحججت بقصر الاول وفتحة الثاني الواسعه
ساعتها قالت لي :- زين وش اسوي ما في شي عاجبني وما عندي وقت الف السوق (بان على صوتها انها بتصيح ) يعني اروح بعباتي !!!!
ابتسمت عليها كانت تبان مثل الطفله الصغيره اللي تبي شي بالحاح وابوها منعها تشتريه وعجبتني فكره انها تروح بعباتها فقلت استفزها :- انا عندي عباتك افضل (لكن بعد ما هانت علي ترد من غير ما تاخذ اللي تبيه فكملت) بس ولا يهمك ما بترجعين الا وانتي شاريه كل اللي تبين
ساعتها سحبتها من يدها مثل الاطفال وحاولت انقي فستان حلو ومناسب واهم شي يكون طويل ومو عاري شفت فستان اخضر قطعته وقماشه وحتى قصاته حلوه لكن لونه ما حسيته مناسب
فسألتها عن رايها ....وكنت بضحك لمن سمعتها تقول لي على كيفك ولهجتها تقول ارجوك كل شي ولا هالفستان ...رحت للبايع وتفاهمت معاه على انه يشوف لي نفس الموديل بس بلون ثاني عدد لي كذا لون وما عجبني الا الاسود وساعتها سألتها عنه وما قدرت امسك نفسي لمن
لمحت فرحتها الواضحه في صوتها وهي تقول :- مو بس احلى الا روعه
وقفت عند احد المطاعم شريت عشا وتعمدت ان عشانا انا وعليا يكون لحاله لاني كنت ناوي ما ابات الا وانا مكلمنها وفعلا وصلنا بنات خوالها لبيوتهم وبعدها رديت معاها بيت جدها
حملت العشا ونزلت هي الاكياس الباقيه توجهت للمجلس لكنها وقفتني تقول لي
:-اذا ما عليك امر ...حطهم في المطبخ
سألتها :- ليش ما بناكل في المجلس
هزت راسها اشارة لا وقالت :- بنتعشى في الصاله (وكملت تبرر) البيت ما فيه غير جدي
حسيتها تبينا نكون قراب من جدها علشان ما اكلمها لكن هيهات يا بنت عمي ما راح انام قبل ما اتكلم معاك
فعلا حطيت الاكياس في المطبخ وطلعت للصاله لقيتها بترقى الدرج حسيتها تبي تأجل لحظة المواجهه فقلت :- على وين ؟
التفتت لي وقالت وهي حامله الاكياس في يدها :- بحط الاغراض في غرفتي وببدل هدومي وبرجع
رديت عليها :- خليها لبعدين ...انا جوعان غير اني ابيك في موضوع مهم
رجعت وحطت الاغراض على جنب قلعت عباتها وكانت لابسه بنطلون جينز وبلوزه سوده مرسوم عليها زهور بالذهبي جهزت السفره وجلست قبالي
:- تفضل ...سم
ادركت ان هذي او مره نجلس مع بعض لحالنا على وجبه لكن يا خساره مالي نفس اكل شي
:- سم الله عدوك بس بغيتك اول في سالفه
رفعت راسها وناظرتني وادهشني انها قالت :- على شرط تسمعني مثل ما راح اسمعك
كنت بقول لها ان اللي بقوله ما يتطلب منها انها تتكلم لكني وبكل بساطه هزيت راس وقلت
:- طيب يا بنت عمي ...سمعيني وقولي لي وين كنت طول النهار ؟....والاهم ليه ما
استأذنتي ؟
بللت شفايفها وقلت بصوت هادئ :- كنت عند الجيران ازور صديقتي و....
ما تحملت يعني كانت في بيت الحقير قاطعتها بحده وانا احاول ما ارفع صوتي
:- عند الجيران...بيت اسود الوجه هالنذل؟!!
مسكت يدي وقالت وعيونها تترجاني :-خالد ...انت وعدتني تسمعني ...وانا كنت رايحه لصديقتي
نفضت يدها عن يدي وقلت بسخريه :- لا والله وليه هي ما تجيك ؟....وكيف رحتي من غير اذن ؟
هالمره خالطت نضرة الرجا في عيونها نظرة اسف وعتب وقالت :-ظرفها ما سمح ...وهذي صديقتي واحتاجتني اقول لها لا؟؟؟(استنتني اجاوبها لكني ما حبيت انطق كنت بشوف اخرتها فكملت )...وانا يا ولد عمي ما اخطي خطوه من غير اذن.. وجدي كان يعرف وسمح لي ازورها
قربت منها وناظرت عيونها مباشره :- وانا ؟؟تمثال من غير لزمه يا.....حرمي المصون
علشان تطلعين للاسواق وغيرها من غير شوري
بلعت ريقها وقالت :- خالد انا استأذنت من جدي و.........
قاطعتها وانا شاد على قبضت يدي عن لا اتصرف اي تصرف اندم عليه :-
جدك على عيني وراسي ...بس دامني موجود الاولى تاخذين الاذن مني .....واقولها لك ولاخر مره ...ما تتحركين الا بشوري(شدست على اسناني) فهمتيني ؟؟؟؟
تبللت عيونها بالدمع ونزلت منها دمعه خاينه ما كانت تبيها تنزل وقالت بصوت متقطع وهي تحاول تداريها عني :- اسفه ...والله اسفه ...اعذرني يا خالد ما تعودت اخذ شور احد غير جدي...وما حسبت انه ممكن يوافق على شي انت ما ترضاه
دمعه يتيمه لكنها هزتني من الداخل ولهجتها حسستنس باني جلادها مع ان المفروض اكون سندها وحمايتها لكن اللي سوته مو قليل وما ادري ليش بدل ما احسسها بغلطها اكثر وارد عليها الرد اللي يشفي غليلي قلت وانا احاول ابين اني هادئ بس علشان تهدأ وتتطمن
:- يمكن يكون كلامك صحيح ....بس خلي في اعتبارك اني صحيح ما كنت بمنعك من السوق
بس ما كنت بسمح لك تروحين لحالك وبالذات في الليل
رفعت عين حمره من الدمع المحبوس :- بس انا ما كنت بروحي بنات خوالي
اعترضت :- مهما يكون كلهم حريم ....وهذا انا اقول لك في وجودي ما له داعي تسوقين
حاولت تبرر لنفسها :- انت ما كنت موجود وجدي سمح لي
ناظرتها بحده :- مو لو كنت حاطه في بالك اعتبار لزوجك (واشرت على صدري ) واتصلتي علي اكيد كنت بجي وباخذك للمكان اللي تبين ....(اخذت نفس بقوه ) وبيت جيرانكم لا عاد تدخلينه
فتحت عيونها على وسعهم وقالت :- ليش ؟!!وهاجر انا....
يمكن للمره الالف اقاطعها :-هاجر خليها هي تجيك ولا كلميها ....لكن روحه لبيتهم لا لا
ردت :- زين ما قلت شي بس ليش ؟؟؟عطني مبرر؟؟
الى هنا ما قدرت امسك نفسي مسكتها من كتوفها وقلت وانا ضاغط على اسناني بصوت منخفظ لكن غاضب :- وتسألين ليش ...عقب عقب (كنت بقول سواد وجهك مع النذل جاركم بس قلبي بكل غباء تدخل ومنعني اجرحها رغم انها بهالحركه ذبحت كرامتي ) عقب سواد وجه جاركم و
توأم الروح يا عليا ...توأم الروح ؟؟؟؟
نزل الدمع من عينها وانت من الالم ضعفت لمن شفت دمعتها تجري على خدها انهار وتركتها
:- انت فاهم غلط هذا كان يقصد
كرهت اني اسمع مبررات ما لها داعي وخفت اسمع اكاذيب وقفت وقلت
:- سمعته باذني ...وما اظن اني سمعت غلط
درت ظهري خفت اني اضعف اكثر قدام دموعها واصدق اكاذيبها لكني سألت سؤال كنت محتاج اسمع اجابته :-هذا هو نفسه صاحب هذيك المكالمه ؟
همست بصوت مخنوق :- لا
سألت مره ثانيه :- ومن هذاك ؟؟ومن هذا ؟؟
ردت بنفس الصوت :- واذا تكلمت بتصدقني ؟؟
حسيت انها بتشعل جمر في صدري واني مو قادر اسمع صوتها وخالطته الدموع فقلت
:-تصبحين على خير يا............. عليا
توجهت للباب وسمعت خطواتها من وراي مسكت يدي وقالت برجى :- خالد ارجوك اسمعني
لكني نفضت يدها وطلعت ما ابي اسمع اكاذيب ما ابي اكون غبي اكثر مما كنت اليوم ما ابي اكون مستغفل يكفي اني تهاونت لو كان الوضع في احد غيرها كان ما يكفني اني ابكيها بدل الدموع دم(ضربت على صدري بقوه) كله من قلبي
الى هنا انتهى البارت
اتمنى انه اعجبكم
اعذب وارق التحايا
-
رد: رواية أطياف الغرام / الكاتبة : معاميريا ; كاملة
حـــــــــــــــمــــــــــــد
رجعت البيت وانا تفكيري في هاجر اتذكر لحظة اللي انفتح فيها الباب ودخلت منه وقفت عند
الباب ولا تحركت وكل اللي شفته بنت قصيره نوعا ما وشعر اسود ناعم واصل لكتوفها ومغطي ملامحها حاولت اتبين ملامح وجهها لكن ابد فقلت
:- يعني بتظلين واقفه عند الباب جذي ؟
ابد ولا تحركت ولا حتى ردت بكلمه تنهدت هذي اكيد ناويتها من الاول قربت انا منها ولمن صرت على بعد كم خطوه قلت لها
:- زين رفعي راسش اشوفش مو تنحسب علي شوفه وانا ما شفت غير شعر
رفعت راسها وانصدمت اني قريب منها لهالدرجه لدرجة انها بعدت خطوه على ورى
كانت خدودها حمر وعيونها مرتبكه حلوه والخجل على عكس ما توقعت لايق عليها ومخلنها شي ثاني ...فكرت اني ابي في هالحظات القليله اني اشوفها في كل حالاتها يا ترى شلون بتكون
وهي زعلانه مدهوشه والاهم لمن تكون ثايره ولسانها مثل المدفع لفت نظري لون عيونها
عسليه مايله للاخضرار :- هاجر هذا لون عيونش ولا عدسات
رمشت بعيونها مو فاهمه وش علاقه عيونها لكنها ردت بكل تلقائيه :- لا هذا لونهم ....ليش فيهم شي ؟!!!
حبيت اغيضها واستفزها فقلت وانا رافع كتوفي وكان الامر عادي جدا :- ابد بس كانها عيون قطوه
رفعت عيونها لعيوني وهي تقذف شرار :- شنوووو!!!! يحصل لك عيون مثلها علشان تتكلم
حلوه حتى في انفعالها حبيت ازيد عليها فقلت
:- تدرين انتي ما يعيبش شي غير لسانش بس مع الوقت هالشي بيتصلح ان شاء الله
تخصرت وقرصت في عيني :- والله انا ما يعيبني شي ...واذا مو عاجبك ترى الباب يوسع جمل
كنت بضحك لكني مسكت نفسي وقلت ارد لها كلامها عني قدام جواهر
:-رغم انش ماترسين عيوني ولا تملين قلبي ...بس ماشي الحال
حسيت انها مو على بعضها طرفت بعيونها ونزلت راسها ولمن رفعت راسها كانت عيونها غرقانه بدموع رافضه تنزل ااااااااااخ وشكثر انا غبي واضح اني جرحتها في الصميم غمضت عيوني على صورة عيونها وتوني باعتذر الا تقول لي
:- بس انا اللي ما يترس عيني ويملى قلبي ما ابيه
حسيتها عطتني كف على وجهي.... صفعه على العين ثار دمي من الغضب ولا اراديا مسكتها من كتوفها وهمست في اذنها :- بتوافقين يا هاجر ...وما بتكونين لغيري واذا مو طيب غصب
وطلعت وانا نيران تشتعل في راسي وتلتهب في صدري تسويها وتردني صحيح اني ما جيت اخطبها الا بعد ما كلمني ابوها ويمكن انا رحت لخطبتها من غير حماس وعلى امل انها ترفضني لكن ............ما ادري شلون هالبنت كل ما تتواجد في مكان تلفت انتباهي وتخليني اختبر جميع احاسيسي خلال تواجدها ..... واليوم عقب ما شفتها تملكني احساس بانها لي مو لغيري واحساس ثاني يقول اني في شي ناقص ما شفته واني بحاجه للوقت علشان اشوف واكتشف الناقص ...واحس ان هالشي يخصني ......اااااااااااه كل شي كوم وعيونها كوم
تحسها تخترق قلبك خجلها وبرائتها تثير فيني الغرور والفخر ....دهشتها تذهلك وتخليك تسعى لاكتشافها وانك تطفي شعلة الفضول فيها ....وفي غضبها تحسسك بانها ند لك وتخلي الدم يغلي في عروقك .... وحزنها يضعفك ويهز قوتك ويخلي كل همك انك تراضيها ويخليك متلهف انك تضمها وكانك تحميها من كل شي حتى من نفسك .... ياترى وش الشعور اللي بتزرعينه في نفسي اذاابتسمتي او ضحكتي ؟؟؟؟
ابتسمت على هالفكره لكن في شي هدم هالابتسامه لو رفضت وش راح اسوي وشلون انفذ وعدي لها .... ايه هذا وعد وعهد اخذته على نفسي سواء كان الدافع له التحدي او اي شي ثاني لكن ما راح تكونين لغيري مهما تطلب الامر مني يا هاجر
خــــــــــالــــــــــد
كنت عند الباب بطلع اقضي شويه مشاوير قبل اذان المغرب وفهاللحظه دخلت وصدمت في صدري ما اضنها استوعبت وجودي الا وحده من الحريم تناديها على طول طلعت وانا حاط في بالي اني ما بعديها لها تطلع من دون اذني هذا وتونا واصلين اجل بعدين وش بتسوي هذا وانا موصيها ....وعقب الصلاة رديت بيتهم تحت الحاح من جدها ابو محمد علشان اتعشى معاه
لفت نظري باب الكراج مفتوح دخلت لقيت سيارتها وداخلها حريم وعند السياره رجال في البدايه ما عرفت هذولا من لكن اول ما قربت عرفتها من عيونها الظاهره من البرقع ...وعرفته هذا هو نفس الشاب اللي شفته يوم جينا ناخذهم للرياض غاضني الموقف انا من البدايه وهالشاب مو نازلي من زور واللي زاد وغطى اني سمعته يقول لها
:- لا تفهميني غلط ...اقصد اسمش في الموبايل توأم روحي
ساعتها ما قدرت اتحمل على طول دزيته وقهرني انه يكذب علي يقول يتحمد لها بالسلامه ساعتها مسكته من ثوبه وعقبها رميته على الارض ورفست ااخخخخخخخخخ يالقهر لولا وجود البنات وخوفي من اني اسبب فضيحه كنت ذبحته وما تركته الا عقب ما يسلم روحه لباريها ...والجبان هرب عقب اول رفسه والله اني كنت ناوي عليه ما اخليه الا عقب ما يتكسر ولا ينزف ويترجاني اتركه ...شرد وانا صدري مليان غل وقهر ما ادري شلون تحملت اكلمها
....وطول الوقت في السياره وانا ساكت عنها وحتى ما اناظرها كل هذا في محاوله مني لمسك اعصابي
ما كنت حاب ابين وجود اي خلاف بيني وبينها قدام اهلها غير ان سكوتي افضل لاني لو تكلمت اكيد كنت بجرح فيها وباهينها ويمكن حتى امد يدي عليها وهذا شي ما احب اسويه في حرمه فشلون .........نفضت راسي عن هالفكره ولاول مره من طلعنا السوق التفتت لها كانت تناظرني وكانت عيونها تحاول تقول شي وشي من الاعتذار والعتب واضح فيها ....لكني تجاهلتها الى ان جت وقالت
:- خالد ( رفعت الفساتين اللي في يدها )انا محتاره اشتري اي واحد فيهم
كنت ناوي من البدايه اساعدها بس لا زلت مقهور فناظرتها بمعنى وش المطلوب مني فالت
:- عادي ادخل اجربهم علشان اشوف ايهم انسب ؟؟؟
طبعا انا غرف التبديل في المحلات والاماكن العامه ما احبها واكرهها وبالذات لاهلي فشلون حرمتي فقلت لها :- عرضيهم اشوف
كان واضح انها ما فهمت الغايه لكنها طاعتني عرضتهم كانوا حلوين لكني اول ما تخيلت شلون بيكونون عليها ما عجبني ان احد غيري يشوفهم عليها حتى لو كانوا حريم فتحججت بقصر الاول وفتحة الثاني الواسعه
ساعتها قالت لي :- زين وش اسوي ما في شي عاجبني وما عندي وقت الف السوق (بان على صوتها انها بتصيح ) يعني اروح بعباتي !!!!
ابتسمت عليها كانت تبان مثل الطفله الصغيره اللي تبي شي بالحاح وابوها منعها تشتريه وعجبتني فكره انها تروح بعباتها فقلت استفزها :- انا عندي عباتك افضل (لكن بعد ما هانت علي ترد من غير ما تاخذ اللي تبيه فكملت) بس ولا يهمك ما بترجعين الا وانتي شاريه كل اللي تبين
ساعتها سحبتها من يدها مثل الاطفال وحاولت انقي فستان حلو ومناسب واهم شي يكون طويل ومو عاري شفت فستان اخضر قطعته وقماشه وحتى قصاته حلوه لكن لونه ما حسيته مناسب
فسألتها عن رايها ....وكنت بضحك لمن سمعتها تقول لي على كيفك ولهجتها تقول ارجوك كل شي ولا هالفستان ...رحت للبايع وتفاهمت معاه على انه يشوف لي نفس الموديل بس بلون ثاني عدد لي كذا لون وما عجبني الا الاسود وساعتها سألتها عنه وما قدرت امسك نفسي لمن
لمحت فرحتها الواضحه في صوتها وهي تقول :- مو بس احلى الا روعه
وقفت عند احد المطاعم شريت عشا وتعمدت ان عشانا انا وعليا يكون لحاله لاني كنت ناوي ما ابات الا وانا مكلمنها وفعلا وصلنا بنات خوالها لبيوتهم وبعدها رديت معاها بيت جدها
حملت العشا ونزلت هي الاكياس الباقيه توجهت للمجلس لكنها وقفتني تقول لي
:-اذا ما عليك امر ...حطهم في المطبخ
سألتها :- ليش ما بناكل في المجلس
هزت راسها اشارة لا وقالت :- بنتعشى في الصاله (وكملت تبرر) البيت ما فيه غير جدي
حسيتها تبينا نكون قراب من جدها علشان ما اكلمها لكن هيهات يا بنت عمي ما راح انام قبل ما اتكلم معاك
فعلا حطيت الاكياس في المطبخ وطلعت للصاله لقيتها بترقى الدرج حسيتها تبي تأجل لحظة المواجهه فقلت :- على وين ؟
التفتت لي وقالت وهي حامله الاكياس في يدها :- بحط الاغراض في غرفتي وببدل هدومي وبرجع
رديت عليها :- خليها لبعدين ...انا جوعان غير اني ابيك في موضوع مهم
رجعت وحطت الاغراض على جنب قلعت عباتها وكانت لابسه بنطلون جينز وبلوزه سوده مرسوم عليها زهور بالذهبي جهزت السفره وجلست قبالي
:- تفضل ...سم
ادركت ان هذي او مره نجلس مع بعض لحالنا على وجبه لكن يا خساره مالي نفس اكل شي
:- سم الله عدوك بس بغيتك اول في سالفه
رفعت راسها وناظرتني وادهشني انها قالت :- على شرط تسمعني مثل ما راح اسمعك
كنت بقول لها ان اللي بقوله ما يتطلب منها انها تتكلم لكني وبكل بساطه هزيت راس وقلت
:- طيب يا بنت عمي ...سمعيني وقولي لي وين كنت طول النهار ؟....والاهم ليه ما
استأذنتي ؟
بللت شفايفها وقلت بصوت هادئ :- كنت عند الجيران ازور صديقتي و....
ما تحملت يعني كانت في بيت الحقير قاطعتها بحده وانا احاول ما ارفع صوتي
:- عند الجيران...بيت اسود الوجه هالنذل؟!!
مسكت يدي وقالت وعيونها تترجاني :-خالد ...انت وعدتني تسمعني ...وانا كنت رايحه لصديقتي
نفضت يدها عن يدي وقلت بسخريه :- لا والله وليه هي ما تجيك ؟....وكيف رحتي من غير اذن ؟
هالمره خالطت نضرة الرجا في عيونها نظرة اسف وعتب وقالت :-ظرفها ما سمح ...وهذي صديقتي واحتاجتني اقول لها لا؟؟؟(استنتني اجاوبها لكني ما حبيت انطق كنت بشوف اخرتها فكملت )...وانا يا ولد عمي ما اخطي خطوه من غير اذن.. وجدي كان يعرف وسمح لي ازورها
قربت منها وناظرت عيونها مباشره :- وانا ؟؟تمثال من غير لزمه يا.....حرمي المصون
علشان تطلعين للاسواق وغيرها من غير شوري
بلعت ريقها وقالت :- خالد انا استأذنت من جدي و.........
قاطعتها وانا شاد على قبضت يدي عن لا اتصرف اي تصرف اندم عليه :-
جدك على عيني وراسي ...بس دامني موجود الاولى تاخذين الاذن مني .....واقولها لك ولاخر مره ...ما تتحركين الا بشوري(شدست على اسناني) فهمتيني ؟؟؟؟
تبللت عيونها بالدمع ونزلت منها دمعه خاينه ما كانت تبيها تنزل وقالت بصوت متقطع وهي تحاول تداريها عني :- اسفه ...والله اسفه ...اعذرني يا خالد ما تعودت اخذ شور احد غير جدي...وما حسبت انه ممكن يوافق على شي انت ما ترضاه
دمعه يتيمه لكنها هزتني من الداخل ولهجتها حسستنس باني جلادها مع ان المفروض اكون سندها وحمايتها لكن اللي سوته مو قليل وما ادري ليش بدل ما احسسها بغلطها اكثر وارد عليها الرد اللي يشفي غليلي قلت وانا احاول ابين اني هادئ بس علشان تهدأ وتتطمن
:- يمكن يكون كلامك صحيح ....بس خلي في اعتبارك اني صحيح ما كنت بمنعك من السوق
بس ما كنت بسمح لك تروحين لحالك وبالذات في الليل
رفعت عين حمره من الدمع المحبوس :- بس انا ما كنت بروحي بنات خوالي
اعترضت :- مهما يكون كلهم حريم ....وهذا انا اقول لك في وجودي ما له داعي تسوقين
حاولت تبرر لنفسها :- انت ما كنت موجود وجدي سمح لي
ناظرتها بحده :- مو لو كنت حاطه في بالك اعتبار لزوجك (واشرت على صدري ) واتصلتي علي اكيد كنت بجي وباخذك للمكان اللي تبين ....(اخذت نفس بقوه ) وبيت جيرانكم لا عاد تدخلينه
فتحت عيونها على وسعهم وقالت :- ليش ؟!!وهاجر انا....
يمكن للمره الالف اقاطعها :-هاجر خليها هي تجيك ولا كلميها ....لكن روحه لبيتهم لا لا
ردت :- زين ما قلت شي بس ليش ؟؟؟عطني مبرر؟؟
الى هنا ما قدرت امسك نفسي مسكتها من كتوفها وقلت وانا ضاغط على اسناني بصوت منخفظ لكن غاضب :- وتسألين ليش ...عقب عقب (كنت بقول سواد وجهك مع النذل جاركم بس قلبي بكل غباء تدخل ومنعني اجرحها رغم انها بهالحركه ذبحت كرامتي ) عقب سواد وجه جاركم و
توأم الروح يا عليا ...توأم الروح ؟؟؟؟
نزل الدمع من عينها وانت من الالم ضعفت لمن شفت دمعتها تجري على خدها انهار وتركتها
:- انت فاهم غلط هذا كان يقصد
كرهت اني اسمع مبررات ما لها داعي وخفت اسمع اكاذيب وقفت وقلت
:- سمعته باذني ...وما اظن اني سمعت غلط
درت ظهري خفت اني اضعف اكثر قدام دموعها واصدق اكاذيبها لكني سألت سؤال كنت محتاج اسمع اجابته :-هذا هو نفسه صاحب هذيك المكالمه ؟
همست بصوت مخنوق :- لا
سألت مره ثانيه :- ومن هذاك ؟؟ومن هذا ؟؟
ردت بنفس الصوت :- واذا تكلمت بتصدقني ؟؟
حسيت انها بتشعل جمر في صدري واني مو قادر اسمع صوتها وخالطته الدموع فقلت
:-تصبحين على خير يا............. عليا
توجهت للباب وسمعت خطواتها من وراي مسكت يدي وقالت برجى :- خالد ارجوك اسمعني
لكني نفضت يدها وطلعت ما ابي اسمع اكاذيب ما ابي اكون غبي اكثر مما كنت اليوم ما ابي اكون مستغفل يكفي اني تهاونت لو كان الوضع في احد غيرها كان ما يكفني اني ابكيها بدل الدموع دم(ضربت على صدري بقوه) كله من قلبي
الى هنا انتهى البارت
اتمنى انه اعجبكم
اعذب وارق التحايا
-
رد: رواية أطياف الغرام / الكاتبة : معاميريا ; كاملة
((الجزء الثالث عشر ))
(الوم قلبي )
الفصل الثاني
تـــــــــــــركــــــــــــــــــي
من يوم موقفي مع وداد وانا اتحاشى اني اسمع اسمها وكأني بهالطريقه بانساها او بتروح من بالي ....المشكله انها عمرها ما فارقت خيالي وبالذات عقب اللي صار صرت احمل معاي نظرة الكره الممزوج باللوم والغضب اللي وجهتها لي ....وما صدقت ان خالد سافر علشان ادفن نفسي بالشغل وتقريبا شكرت طلال على انه مزعجني بمشاويره ومخططاته لملكته الى ان اتصل فيني اليوم
:- سلام ..تركي اسمعني ابيك اليوم عقب صلاة المغرب تمرني
كنت تعبان مره وما لي خلق لشغلات طلال بالذات وهمي اني احط راسي وانام
:-وعليكم السلام ...انت اللي اسمعني انا رجال تعبان وابي انام فأجل شغلك لبكره
اصر طلال :- لا هذي شغله ما تتأجل وكلها خمس دقايق وحنا مخلصين
تأففت وش يفكني منه رديت عليه :- اذا انت ما تتعب فانا شحني خالص وما اظن اني اقدر استوعب شي
ضحك طلال :- بنشوف اذا جيت تملك وش بتسوي ....ويلا عاد انا استناك (حاول يتمسكن ) يعني شفتوني لحالي وخالد بعيد عني تسوون فيني كذا
ضحكت :- بس بس ترى ما يلوق لك الدلع ...طيب امر يا عمي وين تبيني اجيك؟
احسه اكيد ابتسم ابتسامه انتصار :- في البيت ...يلا سلام
سكر الجوال وانا بعدني ما استوعبت اللحين انا اتهرب من طاريها اقوم اروح برجلي لبيتهم
كنت بدق على طلال واتفق وياه اننا نتقابل بره لكن رجعت وفكرت كوني بروح بيت عمي مو معناه اني بشوفها....طبعا كنت ناوي اريح شوي قبل ما اروح لطلال لكن التفكير في وداد منع عني النوم
طلعت من المسجد ورحت على طول لبيت عمي دخلت السيارة وقبل ما انزل دقيت على طلال
:- يلا انا عند الباب اطلع لي
رد على :- وين ؟؟؟ ادخل وصف السياره في الكراج انا ابيك هنا
رديت عليه :- طيب اجل تلقاني في المجلس
سكرت ودخلت المجلس ولعت اللمبات وجلست استناه الا فيصل دخل
:- هلا بولد عمي ..طلال يقول لك تعال داخل
ابتسمت لفيصل :-هلا فيك ...وين داخل ؟؟
ابتسم طلال :- جناح طلال ....حياك
رحت ورى فيصل وصلنا لفوق واشر على باب وقال
:- هذا جناح طلال
دقيت الباب ودخلت لقيت طلال جالس وقدامه خريطه يتأملها
:- خير ....وش تبي مني ؟؟وش معنى هنا ؟؟
التفتت لي وابتسم :-ابد كنت ابي شورك في هالخريطه وعن بعض التعديلات
جلست قباله اخذت الخريطه :- هذي خريطة لبيت (رفعت حاجب ) لا تقول بيت المستقبل
ابتسم :- ايه كنت ناوي اخليك انت تصممها بس شفتك مشغول واشفقت عليك
ضحكت عليه :- افااااااا يالحنون واضح انك مشفق على ولا اقول لك تعبان تقول تعال وفي الاخير علشان تبي تعدل في الخريطه ...يا اخي روح للمهندس اللي صممها وخليه ايشيل ويضيف اللي تبيه
سند ظهره على الكنبه وناظرني على جنب وقال :- مو هذا اللي انا جالس اسويه
ما فهمته لكنه رجع وقال :- دقق في الخريطه زين
ناظرتها كأني شايفها قبل ... ابتسمت توني استوعب ان هالخريطه انا راسمها كجزء من مشروع التخرج ...اذكر اني كنت مصمم مدينه سكنيه وعقب ما خلصتها لقيت ان عندي وقت قبل تسليم المشروع فرسمت هالخريطه للفلل لكني استثنيتها بسبب تكلفتها العاليه وغيرت التصميم ....واذكر ان خالد وطلال لمن شافوها اعجبوا فيها سألت طلال
:- من وين جبتها ؟؟
ابتسم :- انت خليتها عندي ...تذكر انك لغيتها من مشروعك وقلت انك ما عدت بحاجتها وساعتها عرضت اشتريها منك لكنك رفضت ؟؟
تذكرت الموقف :- ايه بس كنت اضنك تمزح
ابتسم :- لا ما امزح والصراحه ما ني قادر اصبر ابي اشتغل عليها بأسرع وقت
حكيت راسي وقلت :- زين اجلها لمن يخف ضغط الشغل (هز راسه بمعنى لا ) افففففففف يعني ما في مفر ؟؟....طيب وش تبي تغير ؟؟
ابتسم بمكر :- ولا شي بس كنت ابي اعطيك اياها لاني بكلفك بتنفيذها
طويت الخرائط ووقفت :- طيب اجل متى ما فضيت بروح اعاين الارض واشوف متى ابتدي شغل ....واللحين شوف لي درب بروح اناااااااااااام
:- ما يصير اول تعشى وبعدين طير بيتكم مثل ما تبي
طلع وتركني لحالي ما لقيت شي اشغل نفسي فيه ففتحت الخريطه شوي الا الباب ينفتح هذا اكيد تركي رجع لكن اللي صدمني الصوت اللي سمعته
:- اسمع انا للحين ما جهزت حالي لملكتك
حاولت ابين لها انها غلطانه واني مو طلال فتنحنحت :-احم احم
لكنها ما ميزت الصوت :- لا تحاول تنحنحت او لا ...تودينا السوق يعني تودينا ولا يرضيك اروح مبهذله وانا اخت المعرس
قربت مني وهي تنهي جملتها نزلت راسي وجمعت شجاعتي قبل لا تقرب اكثر
:- طلال مو هنا
سمعت شهقه قويه :- هذا انت !! شلون ....
ما كملت جملتها وتراجعت خطوات لورى توها بتطلع الا صوت طلال في الممر ارتبكت ما عرفت وين تروح اشرت لها على باب على جنب انها تدخله وفعلا راحت سكرت الباب وراها وفتح طلال الباب حط صينيه الاكل على الطاوله وقال
:- تخيل البنات يبون اوديهم السوق بكره
رديت عليه :- وش عليه ودهم مكان ما يبون خاصه انك بكره اجازه
فتح عيونه :- لا وين بكره بروح اتفق مع المطعم وبشوف لي مقهوي وغيره
ابتسمت بخبث :- تعال يا رجال على الاقل تأنسني لا ني بودي العروس واختها السوق
تنهد طلال :- ودي بس هالمشاغل لازم اخلصها بكره .....(هالمره هو ناظرني بخبث )
دامك كذا كذا رايح السوق خذ معاك بنات عمك
بلعت ريقي يطلب مني اخذها معاي كنت ناوي ارفض بس تذكرت انها محبوسه في الغرفه الثانيه فقلت لطلال :- طيب انا بخلي العنود تدق عليهم ويتفقون (اشرت على العشا )
اقول مو ننزل نتعشى في المجلس احسن
وقفت وحملت الخرائط ونزلنا المجلس يا ترى وش بتقول هل بتقول اني استغليت الامر وتعمدت اني اوديهم السوق او ان الامر مايعني لها شي ....وصلت البيت وحطيت راسي على الوساده ابي انام لكن هالمره هاجمتني صورتها وهي مذهوله ومرتبكه مو عارفه وين تروح وش تسوي... لا يق عليها الوردي طالعه حلوه وصغيره ابتسمت وانا اتذكر شكلها برموده رياضيه وعليها بلوزه ربع كم من نفس اللون وشعرها رافعته ذيل حصان ....شكلها وحتى تصرفها وارتباكها حسسني اني كنت واقف قبال طفله ...ابتسمت وغمضت عيوني على هالصوره
علــــــــــــــــــيــــــــــــــــــــاء
قهرني مو مقهوره الا بموت قهروغيظ طلع ولا اهتم وش ترك وراه ما كلف نفسه حتى يسمعني مسحت دمعه خاينه نزلت على خدي و وعدت نفسي انها بتكون اخر دمعه ضعف اذرفها ...ايه دمعة ضعف شلت صحون العشا وحاولت اشغل نفسي بترتيب المطبخ على امل ان اعصابي تهدأ لكن هيهات كل ما تزداد سرعتي في ترتيب المطبخ زاد غضبي ...
ركبت غرفتي وانا اوجه هالمره اللوم لنفسي كل مني لو انا عرفته حدوده من البدايه وما سكت عنه ما كان تجرأ واهاني لااااااااا وانا اللي عمري ما سكت عن حقي ارتبكت وما عرفت شلون ارد عليه
....تربعت على السرير وحطيت المخده في حضني وليش اساسا انا قاعده اسوي جذي وعلشان من ؟؟علشان اهلي ؟!!! هه ليش هم دارين عن هوى داري او مهتمين انا وش احس فيه
ولا علشان ابوي ؟!!! يمكن اكون احبه رغم علاقتي السطحيه فيه بس بعد هو اللي قدمني ذبيحه سهله لولد اخوه ..... لكن علشان شيبات ابو محمد ما بسكت لك يا خالد ....عجل انا عليا ينظر لي بانتقاص ويشكك باخلاقي ....والله اللي رفع سبع وبسط سبع يا خالد الا اعرفك من عليا واخليك تندم على كل كلمه قلتها في حقي في ساعه ما ينفع فيها الندم ...وماني تربيه بو محمد اذا خليتك تفكر مره ثانيه تجرح فيني او حتى تنتقد تربيتي.... لعبت في دماغي فكره وقلت لازم انفذها ...ونمت وانا مرتاحه من قراري
هـــــــــــــــــــــــــاجــــــــــــــــــــــ ــر
طلع حمد وتركني مبلمه وبعدني ما استوعب وش قال وما وعيت الا على صوت الباب يتسكر
ضغطت على اسناني وقبضتي بقوه لدرجةان اظافري ارتزت في راحة يدي وش هالغباء وش هالغباء شلون سكت له شلون ما رديت عليه شلون خليته يطلع وهو معتقد انه افحمني وانه حكرني في زاويه وما عرفت ارد عليه .....طلعت انا بعد من الغرفه والف شيطان يلعب في
راسي طلعت وانا ما اشوف قدامي مرت على امي وخالتي وانا ابد ما كأني اشوفهم نادتني امي ولا رديت وسمعت خالتي تقول
:- خليها على راحتها اكيد مستحيه تقابلني ...تعرفين البنات في هالمواقف ....خاصه اول مره تتكشف على غريب
طبعا ما سمعت رد امي لاني وصلت عند باب غرفتي...... مستحيه يمكن يكون هذا شعوري اول ما دخلت لكن ولدش ما قصر فيني طلعني مهانه ومجروحه وخلاني اغضب من نفسي لمن ضعفت وما رديت عليه .....انا يهددني اني بوافق اذا مو طيب غصب ما عليه بنشوف يا حمد من اللي رايه يمشي على الثاني وشلون تقدر تغصبني ........ طلعت من غرفتي ادور على سالم
لقيته في وجهي مديت يدي له وقلت
:- ابي موبايلي ( فجأة تنبهت لشكله كان مبهذل وثوبه كلها تراب ومتكرمشه ونعله في يده كانه طرار في نهاية دوامه كنت بسأله كم حصيلت اليوم و مسكت نفسي عن لا اضحك وكملت ) اظن ما في داعي يضل عندك
طالعني من غير اهتمام وقال :- تعالي اخذيه ودام فعلا توأم الروح طلعت عليا حلال عليش الموبايل
دخلت وراه اخذت الموبايل الي كان طافي لان الشحن خالص وسألته باهتمام
:- سالم وش اللي مسوي فيك جذي ؟ليكون تهاوشت ويا حمد مره ثانيه ؟؟
عبس في وجهي وقال :- لا حمد ما يقدر يسوي جذي ...هذا واحد من انساب الجيران السعوديين (ضغط على اسنانه )صدق ان السعوديين جلوف ومتخلفين وغير حضاريين
وبالذات هالمغرور
استغربت وش بينه وبين اهل علياء علشان يصير فيه جذي اكيد مسوي شي فسألته والفضول بياكلني :- ليش انت وش مسوي ؟
صرخ على :- انتي ما يخصش .....ويلا طلعي برى داري قبل لا يجيش كف
طلعت من غرفته وانا ماسكه نفسي عن لا اضحك ودخلت غرفتي خساره كنت بدق على عليا بس ما ينفع خليها لبكره لمن الموبايل يشحن...... بدبت ثيابي و توني بسويها لاول مره في التاريخ وبحط راسي وبنام من وقت ولاااااااا بدون عشا الا وباب غرفتي يدق ....امي ما تدق الباب الا اذا شافته مقفول ...معقوله سالم؟ بس توني جايه من عنده سألت بصوت عالي
:- نعم من ؟
جاني صوت ابوي :- انا ...فتحي الباب وانا ابوش
نطيت بسرعه ولبست جلال الصلاه لاني كنت لابسه بيجامه قطنيه قصيره وانا مو متعوده اقعد قدام ابوي جذي وعلى طول رحت فتحت الباب دنقت على راسه
:- هلا والله بو عيسى تو ما نورت داري
ابتسم ابتسامه حانيه وقال لي وهو يقعد على السرير ويأشر على اقعد صوبه (صوبه =جنبه )
:-يبه انتي شفتين اليوم حمد واذا كنتون اول مره تقعدون مع بعض فهذا مو معناه انكم ما تعرفون بعض
سكت شوي وانا في حالة ترقب يا ترى وش اللي تبي توصل له يبه لكنه كمل
:- وانا ما بستعجلش واقول لش وش رايش فيه اللحين... لكن انا اقول صلي استخاره وبعدها ردي علي خبر (وقف وحط يده على كتفي ) وفكري يا بوش زين .... و ترى ان سألتيني وانا اخبر منش بالرجال اقول ان حمد رجال ما يعيبه شي والرسول (ص) يقول ((اذا جاءكم من ترضون دينه وخلقه فزوجوه ))
ما ادري ليش حسيت اني اذا تركت ابوي يطلع او حتى تركته يواصل كلام بيقرر بعدها اني خلاص لازم اوافق على حمد فقلت له وانا ما سكه يده ابوسها
:- واذا قلت يبه انا حمد هذا نفسي عايفته ما ابيه ؟؟؟؟؟؟؟
-
رد: رواية أطياف الغرام / الكاتبة : معاميريا ; كاملة
العــــــــــــــــــــنود
من يوم تحدد موعد ملكتي وانا مو على بعضي ....وداد تقول انه توتر اي انثى مقبله على خطوه مثل هذي بس انا احساسي غير انا طول عمري او بالاصح من فتحت عيوني على طلال وانا اتمنى هذا اليوم وارسم عدة لوحات لفرحتي بهذا اليوم بس ما ادري ليه لمن قربت هالامنيه تتحقق حسيت ان في شي يشوب فرحتي ....قلبي مقبوض ومتوتره حدي ...الكل يعتقد ان السبب التجهيزات وموعد الملكه القريب ....لكن قلبي يقول شي ثاني ....ما عارفه اترجم هالشي غير انه خوف ...من شنو وليش ؟؟؟هذا اللي ما عندي اجابه له
حبيت انفض عن راسي هالافكار قلت اروح لنجود لكن اول ما طلعت من غرفتي لقيت سلطان قدامي اللي من شافني ابتسم وغمزلي
:- ايييييييييييه وش عليها العروس عقب كم يوم وتصير حرم طلول
حمر وجهي ضربته على كتفه :- انت ما فيك حيا !!
ضحك :- لا ما استحي ولا ني بعاقل الا اذا زوجتوني (قرب مني وهمس في اذني ) بجد ما تشوفين لاخوش الفقير بنت كذا يعني على كيفك
دزيته وقلت :- مو اذا كبرت بعدين نتكلم في الموضوع (شفت تركي مقبل وراه ) واول نزوج
هذا بعدين نلتفت لك
عبس طلال واشر على نفسه :- تركوا هذا في حاله لانه ما يبي يتزوج
اتجهت له :- وليش ان شاء الله ...وش ناقصك
ابتسم على جنب :- مو كل الناس تشوفني بعيونك
مسكت فيه وجلسنا في الصاله اللي فوق :- ولو بعد بتظل ما يعيبك شي والبنات تأشر عليك وتقول هذا يشبه فارس احلامي
ناظرني بعين مرهقه وحزينه :-بس لو قربوا بيقولون مغرور ورافع خشمه وما ينطاق و.....
رفعت يدي قدامه :-وقف وقف وقف ... من هذا اللي يقدر يقول عنك هالكلام ....واذا في احد اكيد انه مو صاحي ...
دخل يده في شعره وقام :- فيه يالعنود من قال فيه (غمض عينه ) واخاف يكون على حق
اندهشت من كلامه وما حبيت يروح عني وما وضح قصده :-ومن هذا ؟؟وليش يقول جذي ؟؟
دار ظهره لي :- انا تعبااااااااااااان وابي انام
مسكت يده ودرته علشان يواجهني :- وش الي متعبك يا خوي ؟
ابتسم ابتسامه باهته :- طلال ...مو يقولون العرس لثنين والجنون لتركي
نزلت راسي وتركت يده وقبل ما ارد عليه قال :- على فكره بنات عمك بيجون معنا السوق بكره
ودخل غرفته وسكر على نفسه الباب وتركني بدل ما يخف توتري وتروح عني همومي افكر فيه يا ترى من يوجه كلام مثل هذا لتركي وليش ؟؟واللي مضايقني ان هالكلام مأثر كثييييييير فيه وجارحنه من داخل لان عيونه كانت تلمع من الالم وهو يتكلم .... واضح انه مشاعره وروحه متألمه بسبب قرب هالشخص منه وما اضن انه الم كبرياء بس
((وداد))
ما ادري ليش كل ما اروح مكان الاقي هالمخلوق اللي اسمه تركي في وجهي لا واللي يقهر اني هالمره داخله عليه ولا على بالي وعقب اللي قلته وسويته فيه اكيد بيقول اني متقصده وان هذي حركات بنات علشان الفت نظره ...واللي زاد وغطى ان هو اللي بيودينا السوق وكأن ما
في البلد الا هالولد... حطيت صبعي في فمي وعضيت على اظافري وانا اهز رجلي بقوه
بس خلاص بكره اذا دقت على العنود باعتذر وباتحجج بالتعب ولا بلا قي لي عذر
لكن اني اركب معاه في نفس السياره لاااااااااااااااااا....مو هذا اللي ناقص عقب اللي صار اذا رحت وياه ساعتها بيقول اني ما استحي ووجهي مغسول بمرق....وقفت وناظرت شكلي في المرايه لمست شعري اللي رافعته ذيل حصان وجبته قدام دققت في لبسي وشكلي ...ويا ريت كنت لابسه شي عدل ولا مضبطه حالي مثل الاوادم وش بيقول عني ....اكيد ضحك على شكلي واكيد يتشمت على ان ما عندي ذوق وبيقول عني مبهذله و........نفضت راسي وش هالتفكير
يا وداد !!!وش يهمك شلون ينظر لك او ش يفكر عنك ..... حطيت يدي على جبهتي ....ليكون سخنت وقمت اهذي ....اذا ماجد اللي اسمه خطيبي عمري ما فكرت شلون يفكر فيني او وش بيكون رايه اذا شافني ...اجي اليوم وافكر فهالمغرور تركي ...غمضت عيوني ورجعت لسريري فكرت ادق على العنود بس تراجعت وش اقول لها اكيد بتحس من صوتي ان في شي ...رميت الجوال على جنب وحظنت المخده .....خلاص بكره بروح معهم السوق وامري لله .... يعني مو معقوله احسس تركي بالانتصار او ان الموقف اللي صار اثر علي وما خلاني اروح معهم
حطيت راسي على الوساده وسألت نفسي ((ليش انا عاطيه تركي كل هالمساحه من تفكيري وليش انا مهتمه))
جاوبت نفسي (( طول عمره محتل اكبر مساحه من تفكيرك في الاول كان صوره لفارس الاحلام المثالي طول وعرض ووسامه رغم ان اخوانه اوسم منه بس كنت اشوفه اوسمهم ...والاهم كان دائما المدافع عنا في الصغر الى ......))
عصرت المخده وغمضت عيوني عن لا تنزف دمع وانا اتذكر لمن كنت في ثالثه متوسط كنت رايحه بيت عمي علشان اذاكر مع العنود وساره لقيته واقف مع ماجد يسولف عليه ....ايامها كنت اتحجب وما اتغطى عنهم فوقفت في زاويه اضبط نفسي واتأكد ان شكلي مرتب واني مو مبهذله وساعتها.......
قطع فيض الذكريات صوت دق الباب وقفت قدام المرايه تاكدت ان شكلي مضبوط وان ما في اثر الحرب النفسيه اللي خضتها وفتحت الباب لقيت سعاد وراها فيصل يقولون
:- ممكن نتفضل ؟
اشرت لهم يدخلون :- نعم ...وش صاير انتوا اثنينكم هنا ؟
حاست سعاد شعر فيصل وقالت :- انا مو جايني نوم قلت اجيك نتسلى مع بعض اما (اشرت على فيصل ) فضولي فما اعرف ليش جاي
بعد فيصل يد سعاد عن شعره وتكتف وقال :- انا جيت علشان اضمن انها (يقصد سعاد ) ما تغثك بدل ما تسليك
ابتسمت لفيصل :- انا ادري وش بتتكلم فيه اكيد عن عرس طلال لكن انت وش وراك ؟
ابتسم :- مو جايني نوم وش رايكم تسهرون معاي ؟
تخصرت سعاد :- انا اسهر مع بزر وش نسوي نسهر على فلم كارتون ولا نلعب بليس تيشن
فيصل يعرف ان سعاد تحب تلعب اونو فقال
:- الفلم اللي تبينه سهري عليه وانا بلعب مع وداد اونو
سعاد اللي اخر اونو شرتها قطعتها عقب ما تهاوشت مع فيصل لمن غلبها قالت
:- صدق !!! ومن وين لك الاونو ؟
ضحكت عليها :_ الحمد لله والشكر ..انتي البزر مو فيصل
سعاد ما اهتمت وقالت لفيصل :- فصيل ... مو ابوي عقب مل تخانقنا نبه عليك ما في اونو تدخل البيت ؟
تنحنح :- هو قال بس انا بعد فيصل مو اي احد بس قلت له خاطري فيها ..سمح لي اشتريها
ابتسمت :- يا كذاب ...اساسا ابوي ما سمح لك الا لمن بكيت عنده ووعدته ما تتخانق مع اختك
وثانيا لو سمحتم تبون تسهرون مو في غرفتي ...عندكم الصاله يرمح فيها الخيل سهروا على كيفكم انا وحده تبي تنام ....يلا مع السلامه
طلعتهم وقفلت الباب عليهم وحاولت اني انام
خـــــــــــــــــــالـــــــــــــــــــــد
طلعت من بيت عمي بو محمد وانا اعصابي فلتانه درت في الشوارع شوي بعدها وقفت السياره عند البحر نزلت وجلست قدام البحر اناظر امواجه وهي تضرب الشاطي كانت هايجه وغضبانه
تبي تكسر الصخور اللي قدامها وتفتتها مثل ما موج صدري يبي يفتت عروقي من الالم اللي يكسر قلبي ويوزعه شضايا تمزق رئتي ...ناظرت البحر وحسيته قدام المي صغيييييييييييير وما يقدر يحتويه قعدت القرفصاء ونزلت راسي على ركبي وضغطت على راسي بقوه
:- بس بس لا عاد تفكر فيها....ما يكفيك اللي جاك منها ؟ وين كرامتك وين عزتك علشان تخلي حرمه تهز كيانك
ااااااااااااااااااااااه نفثتها اهه حاره من صدري يا ريت كانت اي حرمه كنت ما اهتميت ولا ترددت لحظه في اتخاذ قراري لكن.... هذي بنت عمي يعني لحمي ودمي
هذي زوجتي يعني سمعتي كرامتي ونفسي .... بس لو هي مهتمه وحاسه بهالشي ما كانت سوت فيك كذا .... هه وهي اساسا كانت تبيك علشان تهتم فيك او حتى تراعي احساسك
.... بس مهما يكون الحرمه اذا تزوجت يكون من واجبها انها تحافظ على كرامة زوجها وتحفظ لها هيبته قدام الناس مو تسويه مهزله وبيزه ما يسوى ....
ماني قادر انسى الموقف اللي صار قدامي الا ما ني قادر انسى كلماتها في مكالمتها مع هذاك
ولا انسى استهانتها بي واستغفالها لي تطلع ومرتين في نفس اليوم ولا همها وجودي
دق جوالي ما كنت ناوي ارد لكن المتصل كان لحوح طلعته من مخباي ابي اقفله اول ما شفت اسم المتصل ما قدرت الا اني ارد
:- نعم ؟
الطرف الثاني :-....................
:- وعليكم السلام
الطرف الثاني :-.................
:- ما اقدر
الطرف الثاني :- .........................
:- طيب طيب ....على الساعه تسع بكون موجود
الطرف الثاني :- .................................................. .......... ......
وقفت بسرعه وصرخت :- نعم !!!!!!!!!!!!
الى هنا وانتهى البارت
قراءة ممتعه ان شاء الله
اعذب وارق التحايا
وفي امان الله
-
رد: رواية أطياف الغرام / الكاتبة : معاميريا ; كاملة
((الجزء الرابع عشر ))
(جمرات في القلب)
عمركم حسيتوا انكم بين المطرقه والسندان ....وان احلى الخيارين مر؟؟؟
عمركم حستوا انكم لازم تقررون بين امرين ....وبداخلكم تتمنون لوفي خيار ثالث؟؟؟
عمركم جربتوا تقبضون على الجمر ؟؟؟
عمركم حسيتوا ان صدركم ضام بين ضلوعه جمره ؟؟
بعض ابطالنا راح يطرون يختارون بين اثنين وهم عارفين انهم بهالخيار يقبضون على جمر يلهب نار .... وبعضهم في جمره اساسا قاعده تسعر في قلبه فيشوف نفسه مدفوع دفع لهالتصرف ......لكن هل خيارهم راح يكون خيار صحيح ؟؟؟ وهل هالدافع او التصرف راح يلقى القبول؟؟؟
وهل من الممكن ان تشفى الحروق ومن غير ما تترك اثر؟؟؟
نـــــــــــــــــــــــدى
كنت قاعده في الصاله قبال شاشه التلفزيون وفروسي نايم بحضني ...وطبعا ما نام الا عقب ما هد حيلي...مليت اليوم طول النهار وانا لحالي وكل تفكيري في الرياض تمنيت لو اني هناك مع البنات اكيد طوال الاسبوع فرفره في الاسواق ....راح بالي لطلال وارتسمت ابتسامه على شفايفي اكيد اللحين طاير من الفرح واكيد مو عارف ينام وتلاقيه مزعج الكل بكلامه عن ملكته وعن العنود ...صحيت من افكاري على صوت الباب دخل عزيز وقلع شماغه ورمى جسمه على الكنبه جنبي التفت له بابتسامه
:- وعليكم السلام والرحمه ....كلنا بخير الحمد لله
ناظرني بعيون مرهقه وقال :-اففففففففف اليوم كان متعب وما فيني حيل حتى اتكلم
سألته :- طيب انت اكلت شي ؟؟
رد وهو مغمض عينه :- لا انا ما ابي شي غير اني انااااااااااااااااام
انا عاذرته بس بعد انا ميته ضيق وملل وما صدقت يجي احد اجلس معاه
:- معقوله بتنام من اللحين ؟!!! لسه بدري (طلبت برجى ) اقعد معاي شوي
وقف :- ندى هذي مو سالفه اقول لك تعبان تقولين اقعد
فتحت عيوني :- طيب شوي شوي ليش معصب
تنهد بقوه :- شوفي نفسك وش جالسه تسوين يعني بدل ما تقولين لي حبيبي قوم نام وارتاح
تقولين تعال اشغل وقتك بسخافات
هذا وش فيه ما صارت مره في حياتي طلبت منه يجلس معاي :- انا يا عزيز الجلسه معاي
سخافه (دمعت عيني ) غير انها اول مره اطلب منك هالطلب
صرخ :- اوهووووو مو اول مره تجر ثاني مره
انزعج فراس من صراخ ابوه فصحى وظل يبكي وطبعا هالامر كالمعتاد يزعج عزيز
:- سكتي ولدك تراه صدع راسي
ضميت فراس لصدري وانا اهمس في اذنه بشويه كلمات تهديه واول ما رجع يهدأ قلت لعزيز
:- مو انت اللي صحيته من صراخك وثانيا مثل ما هو ولدي تراه ولدك
ما اهتم للي قلته عطاني ظهره ورقى الدرج ...طفيت التلفزيون وحملت فراس لغرفته نزلته في سريره وجلست جنبه اتأمله(( اساسا مو مصبرني على اطباع عزيز الحاده الا شيئين ولدي ومعرفتي ان عزيز من داخله طيب وحنون ....بس المشكله الكبيره انه تربى على ان اي شي يطلبه ينوجد وما تعود على الرفض واذا احد رفض طلبه ما يهدأ الا اذا نفذ له طلبه ....وكل هالدلال من خالتي ام عبد العزيز الله يسامحها ..هذا كله ليش انه ولدها البكري الله يعين لوان ما عنده اخوان صبيان )) قمت من عند فراس وتركت الباب اللي يفصل بين غرفته وغرفة نومنا مفتوح سحبت لي بجامه ودخلت الحمام ....طلعت عقب شوي وعزيز غرقان في النوم أو كنت اظنه نايم ...تسحبت ودخلت في الفراش توني بحط راسي على المخده وبغمض عيوني الا عزيز ملتفت لي يقول :- اقول نامي جنب ولدك احسن
قعدت ومسكته من كتفه :- عزيز وش قصدك ؟
رد بكل برود :- خلك عند ولدك الى ان تغيرين رايك
اخذت نفس علشان ما تنزل دموعي وحاولت امسك اعصابي :- بس يا عزيز حنا اكثر من مره تناقشنا في هالسالفه وقررنا اننا ........
قاطعني :- انتي قررتي لكن انا بعدني على رايي ...اتركي المانع
نزلت دموعي :- بس يا عزيز خاف الله فيني فراس بعده صغير ....وانا اقول خله لمن ...
قعد على حيله :- وانا اقول ما بصبر الى ان يكمل سنتين ....وتراني احذرك انك قاعده تعصيني
في شي من حقي
وقفت ولبست الروب وقلت بعصبيه مخلوطه بالدمع :- ومن حقي بعد اني ارتاح شوي ...ومن حق فراس انه يلاقي الحنان والاهتمام ...مو احمل عليه وهو بسن 6 اشهر وساعتها اكيد بينهمل
ابتسم بسخريه :- هه هذا لانك مو قد المسؤليه يا مدام ....ولا غيرك ربى توم
صحت قهر:- غيري مو انا يا عزيز ...وانا ماقلت ما ابي عيال انا قلت نأجل هالمسأله شوي
دار لي ظهره ونام :- وانا اقول ما بستنى ...ومن هنا الى ملكة اخوك ابي اسمع قرارك وبعدها انا بتصرف
حز في قلبي تجاهله لي غير اني خايفه من سالفه بتصرف ((ااااااااااه ما اقساك يا عزيز هانت عليك العشره وتطردني من غرفتنا )) طلعت ورقدت في غرفه فراس وما قدرت انام وكل بالي مشغول مع عزيز ...وش اسوي له علشان يقتنع ويرضى ؟؟ واذا ما رضى يا ربي معقوله
اطيعه واحمل في هالوقت ؟؟....ناظرت فراس ...بعده صغير يا عمري واعرف نفسي في الحمل والوحام ما انطاق على طول تعبانه وما اقدر حتى ارفع راسي .... يا ربي وش اسوي
اخاف اطيعه وساعتها ولدي وين اوديه عند امي في الرياض وانا في الشرقيه ولا عند ام عبد العزيز اللي ما تقدر تتحرك من المرض وكبر السن ولا اترك ولدي في يد الخدامات ما ادري
وش يسوون فيه ...... واخاف اظل معنده مع عزيز وما يقتنع وساعتها ربي يغضب علي
ااااااااااااه يا ربي انا مو حمل كذا ابد ...بكيت قهر وذل ومهانه من اللي يسويه عزيز فيني
حسيت ان التعب هدني لكن ماقدرت انام ...لان ما في حد يقدر ينام على سرير من جمر وشوك
وهذا اللي كنت حاسته
خـــــــــــــــــــالد
كنت ناوي اقفل الجوال واطنش لكن اول ما شفت المتصل طلال قلت ارد عليه اعرفه ما بيتركني الا اذا رديت عليه اعرفه كل ما يشغل باله شي يجافيه النوم وساعتها لازم يسهرني معاه
ولان مزاجي متعكر ومالي خلق شي رديت برود
انا:-نعم ؟
طلال بنفس ضايقه :- السلام عليكم
انا:- وعليكم السلام
طلال :- خالد اجل اشغال البحرين وارجع
انا:- ما اقدر
طلال :- كنت عارف انك بترد كذا ....اجل اسمع انا بكره على التسع ونص بكون في المطار ابيك تجيني
انا:- طيب طيب ....على الساعه تسع بكون موجود
طلال :- .الصراحه كنت ابيك في موضوع ملكتنا انا والعنود ...... انا ابي الغيها
وقفت بسرعه وصرخت :- نعم !!!!!!!!!!!!
ما لحق طلال يرد علي لاني واصلت :- انت واعي للي انت تقوله ....انت انجنيت
رد بكل هدوء:- واعي لكل كلمه انا اقولها .... انت اهدا واسمعني
هذا مو عاقل عقب اللي قاله يبيني اهدأ:- يعني تبي تقول لي عقب ما جهزتوا كل شي وانطبعت الكروت للمعازيم ويمكن نصهم اذا مو كلهم وصلتهم الدعوه تجي تقول لي غيرت رايي وما ابي اختك وتبيني اهدأ ..... شوف يا طلال انت ولد عمي وصديقي لكن مو على حساب اختي ومشاعرها وكرامتها فهمت
ساد الصمت من بينا شوي بعدها قال لي طلال :- انت اللي ما فهمت ...انا عمري ما بسمح
لاحد مهما يكون يهين العنود او يحط من كرامتها ...وصدقني اللي يهينها ما بيرضيني غير دمه
ضغطت على اسناني وغمضت عيني بقوه :- باين يا ولد عمي وهذي اولها تبي تفضحنا وتنكس روسنا
سمعت تنهيدت طلال :- لا حول الله هذا ظنك فيني وانا اقول ما حد بيناصرني غير خالد
وقلت اجيك البحرين علشان ارد معك وتوقف معاي قدام ابوي وعمي
حسيت بالم فضيع في راسي وكأن الي سوته اخته ما يكفيني فجا اخوها واغلى انسان على قلبي يكمل علي :- في كل شي انا معاك يا طلال الا هذي انا اول واحد يوقف ضدك
.... رغم انه يعز علي اعطي اختي للي ما يقدرها
ردطلال بحده :- افااااااااااا انا ما اقدرها ؟!!!! اصلا لو ما كنت اقدرها واحبها ما كنت فكرت اني الغي سالفه الملكه واسويها عرس مره وحده
كأن احد ضربني على راسي :-هااااااااااااا وش تقول ؟!! يعني انت ما تبي تتخلى عن العنود ؟
ضحك طلال :- فالك ما قبلناه ...اتخلى عن روحي ولا اتخلى عنها
ضحكت على غبائي وعلى حركة طلال فيني :- طيب واذا قلت لك انا مع ابوك وعمك واقول مثلهم اول املك وعقب ما تخلص البنت دراسه اعرس
انصدم طلال :- اللحين اقول لك انا ما اقدر اصبر على فراقها اكثر من كذا تقول
اقعد سنه بس مملك ...تدري انا بكره عندك ولاني بتاركك الا اذا اقتنعت
ابتسمت :- طيب على فرض انا اقتنعت ....ما سألت نفسك العنود وش بيكون رايها؟؟
سكت طلال شوي بعدين رد :- تدري انا بكلم وداد اللحين تشوف ردها بعدين نتناقش في الموضوع
صرخت عليه :- تعال يالمجنون ... انت شايف الساعه اللحين كم ؟ انا اقول اجلها لبكره وكذا كذا انا برجع السعوديه قبل موعد الملكه وساعتها نتكلم في ذا الموضوع
انا متأكد انه ما اقتنع لكنه قال :- اللي تشوفه بصبر لبكره ....وخلاص ماله داعي تجيني المطار
بجلس هنا اكمل تحضيرات الملكه احسن
ركبت السياره وسندت راسي على السيت وقلت :- طيب انا بكره وراي قومه من الصبح
ضحك طلال :- لا تحاول ما ني بتاركك
نزلت راسي على السكان :- بس انا تعبااااااااااااااان وابي ارتاح
كالمعتاد حس طلال ان تعبي ما له علاقه بالبدن وانه تعب الروح فقال
:- سالفة عليا ؟اسمعني يا خالد اذا ضليت كذا عايش على فكره انك مجبور عليها وانها سبب حرمانك من ساره فـ........
قاطعته :- يا ريت السالفه جت على كذا (اخذت نفس بقوه وزفرته اهه حاره ) تعرف زين اني عقب ما كلمت ابوي تناسيت انهم اجبروني عليها ....وساره ما ادري اذا كنت بتصدقني اولا
ما كانت في نظري غير مثال للمرأه اللي تصلح تكون زوجتي ....وثورتي في البدايه بس لانهم
حرموني من اختياري وفرضوا على شخص مجهول ...اما اللحين فهي ما تعني لي اكثر من كونها بنت عمتي
اظن ان طلال تحير لانه قال :- زين ليش الضيق انا اشوف انك بكذا بديت توزن الامور بشكل صحيح وتجتاز العقبات اللي كنت انت واضعنها ....وعلى حسب معرفتي بعليا المفروض انك اللحين على الاقل على الاقل عرفت انها زوجه مناسبه لك
كنت ناوي اداوي جراح كرامتي بنفسي واقفل عليها صدري من غير ما احد يعرف عنها شي بس خلاااااااااااااااص فاض فيني وماعدت اتحمل اكثر وما لقيت نفسي غير وانا اقول لطلال
عن اكثر شي حارق قلبي ومشعل النار فيني عن اول مكالمه لها سمعتها وادعيت اني ما سمعت منها شي وعن الخسيس النذل ولد جيرانهم... اول ما خلصت كلام حسيت ان في احد شاركني همي وفي احد حاس فيني ومقدر المي وحيرتي لكن لازال ثقل الهم مثل ما هو ماذي روحي
لكن طلال رد بشكل مغاير للي توقعته صحيح ما كنت متوقعه يلوم اخته او حتى يصدق عليها
بس ما توقعته يلومني
:- اذا تبي كلمة الحق يا خالد سمعها مني للاخير مثل ما سمعت منك وحطيت طين وعجين على قلبي علشان ما اهادك على اللي قلته عن اختي تراك اذا ما كنت واعي انت تتهمها في شرفها واخلاقها ولو ماني عارفك زين كان بيكون لي معاك تصرف ثاني .....يا خالد انت غلطااااااااان
....انت سمعت مكالمه من طرف واحد يعني ظنك ممكن يكون خاطئ غير ان المكالمه ممكن تحمل الف معنى غير اللي فهمته ....وانت غلطتك انك اتهمتها من غير ما تسمع تبريراتها للموقف وهذا شي انت عدته اليوم يعني انا ما بقول انك سمعت غلط ...ولا بفسر الموقف على كيفي لكن .....
قاطعته :- طلال انت منت حاس فيني ...لمن تكون الحرمه موضع الشك اختك يمكن تكذب نفسك وتقول انك غلطان ...لكن لمن تكون زوجتك وقبلها بنت عمك ...فساعتها ما بيكون عندك وقت تفكر هالتفكير وكل اللي بيخطر في باللك الم كرامتك المهدوره واستغفالك والحط من قدرك ومن قبل من؟؟ من قبل لحمك ودمك
رد طلال بنفس هدوءه السابق :- شوف انا ما باخترع مبررات ولا بعذرك لانك مهما يكون غلطت في حق عليا لمن ما سمعتها لكن الغلط مدروك والسالفه محلوله
زاد الم راسي وحسيته بينفجر وتمنيت انه يكون في حل فعلا
:- وشلون تنحل
سألني :- انا اعرف ان عندك بكره اجتماع مع بو نادر ...متى بيكون هالاجتماع ؟؟
ما فهمت وش علاقه الاجتماع بالموضوع لكني رديت :- الساعه عشر
تنهد :- طيب اجل بكره من الساعه ثمان تكون عند عليا وتسمعها وش تقول وما له داعي تتكلم
ابتسمت بسخريه :-وانت تتوقع انها تقبل تتكلم معاي او اني اقدر اتحمل اللي بسمعه
ردطلال :- غصب عنك وعليا ما عليك منها انا بتفاهم معاها وانت ما عليك الا انك تكون عندها الساعه ثمان ...ويلا مع السلامه بحاول انام عقب ما غثيتني
سكر الجوال وخلاني لحالي تتقاذفني موجه جديده من الافكار جالس اناظر البحر وافكر في كلامه... معقوله لو سمعتها بلاقي راحتي ؟؟او ان المي وجرحي بيتسع ؟؟
وفي الحالتين كيف بتصرف ؟؟والاهم هي كيف بيكون رد فعلها وكيف بتتصرف ؟؟
وحتى اذا كنت غلطان ياترى بيرضيني تبريرها ؟بيريحني ؟بيغسل همي ؟
ولا بيحملني هم جديد ؟!!!
هـــــــــــــــاجـــــــــــــــــــر
وطيت على يد ابوي وبستها وقلت :- واذا قلت يبه انا حمد هذا نفسي عايفته ما ابيه ؟؟؟؟؟؟؟
سحب ابوي يده ومسح على راسي وقال بلهجه حانيه :- ليش وش فيه حمد وش يعيبه ؟
بلعت ريقي وش اقول اللحين وشلون ارد على ابوي لكن اخذت نفس وقلت
:- حمد ما عليه قاصر ومثل ما قلت على دين وخلق بس
سكت ما عرفت اكمل لكن ابوي قال :- شوفي يا بنتي صدق ان الزواج مو غصب والراي والشور لش ...لكن بعد انا ولي امرش ومن حقي اسأل عن السبب لمن ترفضين واحد
مثل حمد ما يعيبه شي وكل واحد يتمنى يناسبه
يا ربي ابوي صعبها وما اعرف وش ارد عليه وفجأة خطر على بالي اني اقول
:- انا ما انكر يبه ان كل بنت تتمنى رجال مثل حمد بس بعد ما في حره ترضى على نفسها يزوجونها رجال ما يبيها
عبس ابوي وقف :- ومن قال ان حمد مايبيش او اني ارضى لش بهالشي ؟؟
خفت لا ابوي يعند ويقلب علي وساعتها يجبرني عليه فقلت
:- يبه انت تعرف مثلي ان حمد ما جا يخطبني الا عقب ما كلمته انت من بعد اللي صار مع سالم
قاطعني ابوي :- يمكن اكون قلت له يملك عليك بس ما جبرته وهو ما اعترض اصلا واليومين اللي اخذهم كان يفكر فيهم شلون يقنع اهله بالخطبه وهو بعده ما كمل دراسه وانا اقول رجال مثله ما ينرد
طالعت ابوي وحاولت معاه للمره الاخيره :- لكن انت تدري يبه ان الجيران سمعوا اللي صار بين سالم وحمد واكيد يبه تلقاهم يتكلمون .....واذا وافقت اكيد بيقولن ان اخوها على حق ولا ليش يجي يخطبها وهو بعده ما خلص دراسه وهي وافقت على طول ؟....لكن اذا رفضت بينقطع كلام الناس وبيقولون ما رفضته الا لان ما بينهم شي
سكت ابوي يفكر في كلامي وحسيت انه استساغ الفكره وانه بيعدل عن رايه لكنه قال
:- شوفي يا هاجر كلام الناس ما يخلص والزواج يبه حياة ومستقبل وعمر ما يصير نقرر فيهم على حسب كلام الناس لاننا جذي بنخسر واجد وانا اشوف انش تبعدين عن راسش هالافكار ....والاحسن تصلين استخاره وعسى الله يهديش للاحسن
وتركني وطلع من غير ما استفيد شي وكأنك يا بو زيد ما غزيت تضايقت حاولت انام يمكن ظليت على هالوضع ساعتين بعدها استسلمت وفكرت اتصل على عليا طالعت موباليلي لقيت اني ومن غبائي ما شغلت الشاحن شغلته ورحت اتسحب على الدرج اشوف اذا في احد في الصاله او لا ولمن شفت المكان خالي نزلت ورحت عند التلفون ودقيت على عليا
طولت عليا على ما ردت
:- هلا واخيرا ....وين كنتين ما تردين على
رديت من غير حماس :- ابدا هني بس نايمه
طالعت الساعه لقيت انها 1 فقلت امزح :- من اللحين نايمه ؟؟(ورفعت حاجب ) زين ما تبين تعرفين وش صار اليوم
الظاهر اني ما حركت فضولها لانها قالت :- وش رايش بكره تمريني وتقولين وش صار بالتفصيل
تنهدت :- يعني ما تبين تسمعيني ؟؟وثانيا انتي تعرفين ان سويلم مسوي لي حظر تجول
ردت عليا بصوت مبحوح :- ما اظن اخوش يمنعش عقب ما جا حمد يخطبش ...غير اني ما اقدر اجيكم لان خالد مانعني من دخول بيتكم ؟
نسيت موضوعي ورديت بحده :- نعم؟؟؟خير ان شاء الله ؟؟؟ ليش السيد خالد ما يبيش تدشين البيت ؟؟
تنهدت بضيق :- اسألي اخوش
على طول تذكرت منظر سالم وكلامه فقلت :- يعني السعودي اللي تهاوش مع سالم هو خالد ؟
ردت عليا :- تهاوش!! ليش هو اخوش الجبان اصلا قدر حتى يواجه خالد هو ما تحمل رفسه
وشرد
ضحكت وقلت :- وليش تهاوشوا ...اقصد رجلش ضرب سويلم
قالت لي عليا على الموقف وشلون كلمها سالم وان خالد سمعه وانها مقهوره من سالم اللي حطها في هالموقف مع خالد:- تصوري يا هاجر ...ان خالد على باله ان بيني وبين اخوش شي
ولا شلون يتجرأ ويقول لي هالكلام واللي زاد الطين بله اني بكل غباء طلعت من البيت من غير اذنه وكأني اتقصد الغيه
هديتها وقلبتها مزح علشان اغير مزاجها :- يا عيني كل هذي غيره الظاهر الولد خلاص ذاب وما عاد يشوف غيرش
تنهدت عليا :- اي غيره اي خرابيط الا قولي غيظ قهر حقد و.........الم
ابتسمت :- الم ؟؟وتقولين مو غيره مو لو ما تهمينه ما تألم
سكتت شوي بعدين ردت :- اهمه لاني بنت عمه واسمي مقرون باسمه لا غير ......يا هاجر لو شفتينه وهو يطق سالم او حتى شلون يهدده كنتي عذرتيني ساعتها تمنيت اني ما انوجدت
...لو شفتي شلون ما كان طايق حتى يكلمني وشلون غصب نفسه وكلمني ...كانت عيونه مليانه ما ادري عتب ولوم و......... ذبحني يا هاجر لمن صغرني واحتقرني لمن ...
وقفتها :-بس بس يا جولييت كل هذا عرفتيه من عيونه وتقولين ما احبه !!!! ولا تقولين انها مجرد ثوره كرامه وكبرياء لان صوتش يقول غير جذي....وبكره بكون عندش وساعتها بنتكلم على راحتنا
ردت برجا :- هاجر لا تسكرين خلش شوي ...ترى ماني عارفه انام خاصع عقب اللي قررته
استغربت في العادة تقول اذونها عورتها واني اهذر على الفاضي لكني استسلمت:- وش هذا اللي قررتيه ؟؟
ردت بغموض :- مو وقته وصدقيني بتعرفين قبل غيرش
عرفت انها مستحيل تعلمني فغيرت الموضوع :- زين سمعي اهم شي .....
وقلت لها عن كل اللي صار لي اليوم الى لحظة اتصالي فيها وكملت :- والظاهر اني ما لي غير اكلمه بنفسي
ردت عليا :- اولا من وين بتجيبين رقمه ؟ثانيا فكري زين مو يمكن هالفكره تنقلب ضدش ؟
ثالثا والاهم ان ابوش على حق وانا من رايه وفكري زين قبل ما تتهورين وفي ذمتش وش بتقولين له ؟؟
رديت بانزعاج لانها كانت ضد فكرتي:- رقمه موجود في دفتر الارقام عند امي وهذا ما في اسهل من الحصول عليه لان امي تتركه في الصاله عند التلفون ...وما اظن ان الفكره بتنقلب ضدي لان اللي بقوله اكيد بيخليه يتراجع عن خطبتي بنفسه
احبطتني لانها قالت :- وما فكرتين في عمي وش بتكون ردة فعله اذا جاه حمد وقاله له خلاص ما ابي بنتك ؟
حكيت راسي انا فعلا ما فكرت في هالنقطه فقلت :- من اللحين لبكره بشوف لي دبره في هالسالفه (وقلبت الموضوع ) ما قلت لش سالم وش قال
ردت بلا مبالاه :- يعني وش بيقول اخوش غير كلام يسد النفس مثل وجهه
ابتسمت بمكر وقلت لها عن اللي قاله لمن سألته من طقه وفوق ما توقعت ثارت عليا وقالت بحده :- يخسي الا هو الـ............ ما ابي اوسخ لساني علشان واحد مثل هذا ما يعرف وش معنى الرجوله وعمره بيكون رجال ....واللي يتكلم عنهم تراهم احسن منه وما هو الا اقل من تراب رجولهم الا هو الوسخ اللي نعولهم انظف منه ....وخالد هذا اللي مو عاجبه يسوى بلد من اشكاله وتراه عمه وتاج راسه وان كان خالد ما يقبل يكون على راس واحد مثل هذا
ضحكت عليها من قلب :- شوي شوي لا تنفقع مرارتش السعوديين وقلنا هذولا اهلش وانتي على حق...لكن خلودي لا تقولين ان السالفه بس لانه ولد عمش وان رجال وكفو ....ترى انا عارفتنش زين واعرف ان قلبش اللي ثاير على سويلم الله لا يسلمه اللي باليني وبالي الاوادم بس لانه كان يقصد خلودي
وعلى اخذ ورد بيني وبين عليا انا احرق اعصابها كل ما قلت لها انها تحب خالد وهي
وبكل اصرار تنفي هالشي واخر شي قالت
:- انا اصلا ما قلت غير الحق وهذي شهاده فيه لكن بعد مستحيل انسى او اسامحه عقب ما جرحني وشكك فيني
كنت برد عليها لكنها قالت ان في مكالمه جايتها من اخوها
-
رد: رواية أطياف الغرام / الكاتبة : معاميريا ; كاملة
((وداد))
طلعنا للسوق من الصبح علشان نلحق على الوقت خاصه ان العروس معنا كانت طلعه عاديه استمتعنا فيها لكن الغريب فيها ان تركي من ركبنا الى اللحين ما يتكلم الا اذا سألوه خواته او طلبوا منه شي وكانت ردوده مختصره على غير عادته في انه ياخذ ويعطي معهن ....كنت بسأل العنود وش فيه اخوش ؟....لكن تراجعت اخاف يسمعنا ويحسب اني مهتمه فيه
والظاهر ان السالفه مو لافته نظر احد غيري ....طبعا سعاد ونجود نقوا لهم فساتين وما بقى احد غيري اساسا انا احب اخيط في هالمناسبات وما احب الجاهز بس الله يسامحهم الوقت ما يسمح وزين ان العنود قدرت تخيط لها فستان راح يجهز قبل الملكه بيوم ....اخذت العنود على جنب في المحل علشان انقي لي فستان وسألتها
:- وش فيه اخوك اول مره اشوف هالمغرور قافل فمه ولا بالعاده مصدعنا من ظرافته ؟
ناظرتني العنود من تحت البرقع بعتب :- حرام وداد لاتقولين عنه جذي ترى والله تركي حباب وما في منه اثنين .... ويا ريت ادري وش فيه كنت على الاقل شاركته همه
بطلت عيوني :- همه؟؟
سحبت نفس :- ولو انه مو الوقت او المكان المناسب بس الظاهر ان في مشكله او سوء تفاهم بين تركي وبين حد
قطبت حواجبي مستغربه :- حد مثل من ؟؟ومشكله من اي نوع ؟؟
التفتت العنود تتأكد ان تركي بعيد وما يسمعنا :- ما ادري نوع المشكله يعتمد على هالحد من يكون ...وانا شاكه انه اما يكون واحد من ربعه او ......... وحده ما خذه قلبه وهي ولا على بالها
ماادري ليش ضايقتني فكره ان تركي يحب وحده وما حبيت ابين هالشي فشغلت نفسي باني انقي لي فستان ....خلصنا شراء وباقي لنا نشتري جزم طلعنا من المحل وكان يكلم احد في الجوال التفتت للعنود وسأل:- وين بتروحون اللحين ؟؟
اشرت العنود على محل احذيه قريب وقالت بندخل هنا بنشوف
ناظر اسم المحل وذكره وقال :- طيب استناك
دخلنا المحل وهو وقف عنده ما دخل معنا ما عجبنا شي وطلعنا لقيناه واقف مع ماجد وساره
سلم ماجد علينا وبعدين رجع يقول لتركي :- ما قلت لي ان بنات خالي معك ؟
رد تركي عليه :- انت ما سألتني من معي
ناظرني ماجد وسأل :- افطرتوا ؟؟
انحرجت اول مره من خطبني يكون بينا كلام غير السلام لكني رديت :- افطرنا
ابتسم وقال :- اجل انا عازمكم على كوفي ومنها تريحون شوي
ردت عليه ساره :- بس انا ما افطرت (غمزت له ) وفطوري اليوم عليك
وقربت مني وقالت :- ما قلتي لي وش شريتوا؟؟
رديت عليها وحنا نمشي للمحل ورى ماجد وتركي اللي دق جواله ورد عليه بحراره
تركي :-هلاااااااااااااااااا عاش من سمع هالصوت
:-..................................
تركي :- وينكم فيه اللحين ؟؟
:-.....................
تركي :- جد !!من متى ؟
:-.......................
تركي :- افاااااااااااااااااا والله انكم على طول في البال
:-......................
ضحك تركي بقوه :-لاااااااااا إلا هذي و الليله ان شاء الله انا عندكم
مزاجه من هالمكالمه انقلب 180 درجه الظاهر فعلا ان السالفه فيها بنت وواضح من المكالمه انها كانت بعيده عنه ولمن رجعت ردت له الروح ....لمت نفسي وش لك فيه قلعته حب ولا ما حب على راحته ....واذا كان يعرف بنات مثلها ما يسوون فهو الخسران ...والله من يتوقع ان تركي يعرف بنات ؟.....لكن الغروريسوي كل شي .............
نبهتني من افكاري ساره تسأل :- الا متى بترد عليا من البحرين ؟
استغربت اهتمام ساره وسؤالها عن عليا لكني رديت :-عقب اربعة ايام ليش تبين منها شي ؟
رفعت حواجبها مستنكره :- انا ابي منها شي !!! مستحييييييييييييييل
لويت فمي مع انها ما تشوفه وقلت :- وليش مستحيل ؟
ماردت ساعتها قلت للعنود بهمس :- الظاهر ان حبيبة اخوك رضت عليه
همست لي :- ليه وش معنى حكمتى ان عنده حبيبه ؟
رديت:- ما شفتي كيف مزاجه انقلب لمن كلمته واضح من كلامه انه يكلم بنت
قرصتني في يدي وقالت :- حرام عليك تظنين ...وثانيا ما كان مبين اذا يكلم بنت او ولد واذا فعلا يحب بنت تركي مستحيل يسوي اللي في راسك ترى تركي اذا حب ما بيكلم ويبني علاقات زي كذا لا ...تركي اذا حب بيروح من باب بيتهم ويخطبها
يخطبهاااا تركي يخطب...عورت قلبي هالكلمه ما عرفت ليش كرهت ان تركي يحب او يخطب... لا المفروض انه يضل عازب اصلا تركي ما يناسبه ان يكون متزوج
دخلنا الكوفي وجلسنا على طاوله في جنب متداريه عن باقي الطاولات باصيص من نبات الزينه وجلسوا الشباب في الطاوله اللي قدامنا تكلموا شوي وبعدها جانا سالم
:- وش تشربوا ؟
ردت نجود :- كلنا نبي كابتشينو وساره ما اعرف وش تبي
ردت ساره :- كلها كرواسون وكوفي
نزل لها ماجد وهمس في اذونها بشي ابتسمت وقالت :- طيب طيب اللحين بقول
ابتعد ماجد وصى على الطلب وجنبه تركي وهم راجعين قال شي لتركي على طول تركي عبس وجا عند طاولتنا في اللحظه اللي همست ساره في اذوني
:- ماجد يبي طلب صغيرون ....يبي شيئين طلبهم مني وانا قلت اول اشاورك ....يبي صوره لك ويبي رقم جوالك
ذي من جدها جالسه تشاورني وقبل ما ارد عليها سمعت صوت طلال بغضب يقول
:- يلا مشينا
قالت نجود :-والكابتشينو
رد عليها بحده :- اذا وصلنا البيت صلحي لك واحد
شهقت نجود :- نرجع الحين ؟؟بس حنا ما كملنا اغراضنا
رد بهدوء لكن بلهجه امره :- مره ثانيه خذوا اللي ناقصكم بس اللحين كلكم بتجون قدامي على البيت
ساعتها قرب ماجد منه وقال :- والله اذا بترجع خواتك على كيفك بس بنات خالي بو طلال خلهم يكملون اغراضهم معنا
التفت له تركي ولازالت عيونه تنفث شرار :- كلهن مثل ما جوا معي بيرجعن معي
ومشى قدامنا تقدمت نجود والعنود ووقفت سعاد لكني وقبل ما اوقف قال ماجد
:- وداد انتوا تبون تردون البيت ؟؟
ما رديت لان اللي الكلام اللي قالته ساره صدمني خلاني اغص بعبرتي ولا عرفت اتكلم لكني اخذت نفس وقلت
:- يلا يا سعاد نرجع البيت
رجعنا البيت نزلت سعاد وقبل ما انزل قال تركي
:- نجود نزلي واتنوا خلكم معي
نزلت نجود وفتحت الباب بنزل لكنه قال :- سكري الباب ترى ما تشوفين طيب
خفت من حدة لهجته وسكرته وقبل ما يحرك السياره سألني
:- وش ردك على ماجد يا وداد ؟
انصدمت هذا وش دراه :- وانت شدراك ؟
رد ببرود وهو يناظرني من المرايه :- هو قال
ثار الدم في عروقي لهالدرجه يعتقدون اني رخيصه رايح يعرض على اخته انه يبي يكلمني ويبي صورتي وهو ما بينا اي شي غير كلام يعني ما احل له او يحل لي وفوق هذا يقول لصاحبه والثاني جاي يسمع ردي رديت بغضب وحراره مثل حراره النار اللي تلهب بجوفي
:- انتم ما تحسون؟ ...تحسبون بنات الناس لعبه ...انا ابي اعرف من سمح لكم تعتدون على بنات الحمايل وتسترخصونهم و...........
ردبهدوء :- يعني انتي رافضه عرضه ؟
قهرني بروده :- ليه هو انتم تحسبوني رخيصه ولا قليله تربيه علشان اقبل عرض وقح ومشين مثل اللي عرضتوه
هاج تركي وصرخ :- لا تعمممين وهالكلام وجيه له مو لي
سكت ونزلت دموعي تجري انهار عمر ي ما تصورت اني انحط بهالموقف نزلت العنود وجلست جنبي ضمتني وقامت تهديني وعقب ما خلصت نوبه بكاي قلت لها
:- ابي انزل البيت
لكن تركي رد :- مو قبل ما نقضي مشوارنا
استغربت وش هالمشوار لكن العنود قالت :-اي مشوار الله يهداك انت ما تشوف حالة البنت
غير ان هالمشاوير كلها تتأجل
رد برود:- الا هالمشوار ...بتنزلين تجلسين قدام ولا احرك ؟؟
طبعا العنود شافت انها مو عدله تترك تركي جالس قدام وكأنه سواقنا وفي نفس الوقت مو عارفه تتركني علشان كذا قالت لي
:- وداد انا بنزل قدام ...عادي اتركك؟
لكني مسكت في يدها وقلت ومو هامني اذا صار تركي لحاله قدام او لا
:- لا خليكي جنبي
علــــــــيــــــــــــاء
الساعه اللحين سبع ونص طبعا البارحه ما نمت من اول وانا بالي مشغول احترق بافكاري وهمومي على مهل وكل ما احاول انسى او اتناسى يجي شي ويذكرني وطبعا الي خلاني اترك محاولاتي اليائسه في اني انام هو مكالمه طلال في اخر الليل ....اول ما شفت ان المكالمه منه وفي هالوقت قلبي نط من مكانه وقمت اهوجس يا ترى وش صاير يخلي طلال يدق في هالوقت
رديت على مكالمته بيد ترجف ونفس لاهث
:- هلا طلال عسى ما شر
رد بهدء :- اهلين ....حنا الحمد لله ما فينا شي بس انتم وش فيكم ؟
ارتحت شوي ان ما فيهم شي بس بعدني حايره من سبب اتصاله هالوقت ومستغربه سؤاله
:- ابد حنا ما فينا شي
رد علي :- طيب ممكن تقولين لي ليش خالد معتفس وانت مو على بعضك ؟؟
كذبت :- تلاقي الشغل تاعبه وانا ما فيني الا العافيه
الظاهر ان عنده خبر بكل شي لانه قال :- عليا اذا حبيتين تدعين انك بخير وانكم ما بينكم شي فبراحتك ....لكن خالد انا عارفه زين وعارف انه فيه شي شاغل باله ومو مريحه
ومثل ما انتي اختي وارتاح لراحتك ترى خالد اكثر من اخو ويضايقني اني اشوف الهم ماكله
سحبت نفس طويل يعني هو يغلط وانا انلام :- وانا وش دوري في هذا كله ؟؟
سكت طلال شوي بعدين قال :- ريحيه ترى عذابه وراحته في يدك
انا بكبري مخنوقه واحس ان كرامتي مهدوره بس عقب اللي قاله طلال حسيت انه يبيني اقدم روحي قربان لراحة اللي طعني :- وشلون بالله اريحه ؟؟ اذبح روحي ولا اسمح له انه يهيني ويذلني اكثر
رد طلال رد غريب :- ريحي حالك وساعتها بيرتاح
ما فهمت وش يقصد فقلت :- شلون يعني ؟؟
طلال :- خالد كرامته مجروحه وتنزف بقوه والسبب هو ذاته اللي متعبك ومبعدك عن الكل
وانا اقول انك اذا سمحتي له يشوف روحك من الداخل اكيد بيرتاح وانتي بعد بترتاحين
غمضت عيني طلال يبيني اعري نفسي وروحي قدام خالد :- انت وش تبيني اسوي بالضبط
طلال :- ولا شي ابيك تجلسين مع خالد وتفتحين له قلبك
رديت بعصبيه :- بس ولد عمك ما يبي يسمع شي انا اخاف اذا قعدت معه بدل ما يسمعني يطعني ...
طلال :- هالمره غير هالمره خالد بيسمعك والى الاخير بس على شرط ......انش تقولين له كل شي وبالذات تفاصيل مكالمتك مع امك لانها هي اللي حارقه قلبه ومسهدته .....الصراحه انه كسر خاطري وكنت بقوله كل شي ...بس انا وعدتك غير اني اشوف انه لازم يسمع هالكلام منك ...وعلشان يقدم لك الاعتذار المناسب ....وبالمره وضحي للاخ الغيور سالفه ولد الجيران اللي ماني عارف لها ساس من راس
حتى هذي وصلت طلال :- هو قالك عن اللي سواه سالم
رد :- هو ما كان بيقول شي بس عمرك شفتي احد يقبض على جمر وما يصرخ اااااه
اذا كان قابض على جمر فانا قلبي هو اللي ضام الجمره :- انا بقول له كل شي بس خليه يعرف اني ما بقبل اعتذارته واني اذا كنت بسامح فبشروطي
رد طلال :- قويه يا بنت يوسف وانا اقول انه يستاهل علشان يحرم ..... انا اللحين بروح انام وانتي بكره بنفسك قولي له هالكلام ...تراني عزمته عندك على الفطور الساعه ثمان
ومن سكر التلفون وانا مو عارفه انام اخيرا نزلت وشغلت نفسي في تنفيض الغبار من ولهيت نفسي بشغل البيت الى الساعه سبع دخلت المطبخ عقب ما تحممت ولعت فحمه علشان ابخر البيت
ولاني شفت ان عندي وقت قبل ما يجي شغلت نفسي في اني اقلي كم بيضه وحطيت الشاي على النار..... دق الجرس طالعت الساعه لقيتها ثمان بالضبط جدي اللي كان شاغل نفسه في الزرع هو اللي راح يفتح الباب وانا ساعتها ارتبكت ما عرفت وش اسوي
حملت صينية الريوق وحطيتها في الصاله ووقفت اضبط نفسي على السريع
وساعتها انفتح باب الصاله ودخل خالد بروحه
الى هنا وانتهى البارت
في انتظارردودكم وتعليقاتكم
اعذب وارق الاماني
في امان الله
-
رد: رواية أطياف الغرام / الكاتبة : معاميريا ; كاملة
((الفصل الخامس عشر))
( اماني مجنونه)
وما نيل المطالب بالتمني ......ولكن تأخذ الدنيا غلابا
يمكن كلنا متفقين على هالشي كل امنيه علشان نحققها لازم نسعى اليها
لكن هل كل امنيه تستحق منا العناء ؟؟؟.....واذا كانت هل تحقيقها راح يرضينا ؟؟؟
طبعا اذا توقفنا مع انفسنا واجهناها بهالسؤال.. هل فعلا حنا نبي هالشي؟؟ ...اكيد بتكون الاجابه فرحه لتحقيق الامنيه ....لكن لمن تكون هالامنيه امنيه مجنونه نتخيل ان تحقيقها هو الحل فساعتها اشك ان النتايج تكون مرضيه .....على العموم معظم ابطالنا يسعون وراء امنيه من هالنوع ...هل بينجحون في تحقيقها اولا ؟؟؟
وأذا تحققت هل بيرتاحون ؟؟
تـــــــــــــــــركـــــــــــــــــــي
لا زالت اعصابي فالته صحيح اني ارتحت لمن عرفت انها رافضه عرض ماجد بس بعد انا للحين ما شفيت غليلي فيه ....كسرت خاطري وهي تبكي لكني ما بينت هالشي ... من طلعنا من بيت عمي وانا في فكره تلعب براسي واناوي انفذها بس كل شي يعتمد عليها وحنا في الشارع كلمت العنود
:- هدأت بنت عمك ولا للحين ؟؟
ردت العنود :- هي اللحين احسن ...بس ما قلت لنا وين بنروح ؟؟
ناظرتها من المرايه الاماميه كانت تمسح دوعها من تحت البرقع :- اول بنتكلم وساعتها بقول لكم وين؟؟؟
ردت وداد بحده :- وانا ما بيني وبينك كلام رجعني البيت
حطيت يدي على راسي وقلت :- على راسي بس عقب ما نخلص مشاويرنا
همست شي في اذن العنود اللي قالت :- تركي وداد تعبانه وتبي ترتاح فعلشان خاطري اجل مشاويرك لوقت ثاني وخلي الكلام لبعدين
وقفت السياره عند احد المطاعم وقلت :-نزلوا
طبعا ما تحركوا من مكانهم فقلت اوضح نقطه مهمه للكل :- هو احد الامرين اما تجلسون وتسمعون وبعدها نقرر نكمل مشاويرنا او لا ....او نرجع لكن ساعتها بتكلم مع عمي وطلال
وما اظن ان في حد ساعتها يقدر يلومني
طبعا كلماتي جابت نتيجتها كنت متوقع انها رغم رفضها لعرض ماجد الا انها ما تبي احد يعرف عنه فنزلت مع العنود ....اخترت وحده من الكباين وطلبت لهم شاي اخضر علشان يهدأون وانا طلبت تركش كوفي علشان توقف راسي
العنود :- طيب وش الكلام المهم اللي بتقوله ؟؟
رديت وانا افكر في الخطوات اللي ناوي عليها :-بس يجي الطلب بنتكلم ما احب كل شوي احد يقاطعني
وفعلا عقب ما وصل طلبنا قلت عقب اول رشفه :- العنود وماني بحاجه لموافقتها على اي شي لكن يا بنت عمي وان كنت اليوم مسؤل عنك في هالمشوار الا اني بحاجه اسمع ردك
ما ردت على في الاول لكنها عقب شوي قالت وبهدوء :- ليش انت وش ناوي عليه ؟؟
تنهدت وسندت نفسي على الكرسي اللي مقابلهم ثنتيناتهم :- كل شي يعتمد عليك كل شي
ورجعت ارشف من قهوتي وقلت والفنجان في يدي :- ما بقول وش اللي خلى ماجد يتجرأ ويطلب طلب زي كذا....ولا بقول انه تجاوز حدوده ويستحق انه يتعاقب ....لـــ
ما كملت لان وداد قاطعتني :- وش قصدك باللي خلاه يتجرأ ؟.....ليكون انت بعد مثله تفكرني سهله ورخيصه ...او لاني مخطوبه له خلاص صار من السهل وبهالحجه التعدي على كرامتي
وطلب اشياء مهينه .... او انه لمن اهاني اعطاك الحق في اهانتي ؟؟؟
ما توقعت ثورتها فقلت اقاطعها :- يعني ما سمعت شي من هالكلام توجه له او لاخته (رفعت يدي علشان ما تقاطعني مره ثانيه ) وبالمناسبه ما قلتي انتي وش ناويه تسوين عقب ما ....وباستخدم كلماتك تعدى على كرامتك وطلب اشياء مهينه ؟؟؟
ردت وليتها ما رت كنت متوقع عقب هالثوره تقول قلعته وما ابيه واذا هذا اولها ينعاف تاليها او في اسوء الاحوال ما لك دخل لكنها قالت :- مو هو يبي ردي ؟؟؟وراح يوصله ردي عن طريق اخته ....و
قهرتني ما ناقص الا تدور له الاعذار... وين راح لسانها اللاذع اللي ما رحمني رغم اني ما اخطيت وما تقبلت عذري ... ايه مو هذا ماجد خطيبها ويمكن بعد حبيبها مو تركي المغرور
الـ..... اكيد تلاقيها بتوجه له عتب خفيف ويمكن تزعل منه بس لانه خبرني وطبعا الكل يعرف ولا تركي .....على طول قطعتها وقلت بكل ثقه
:- شوفوا انتي وهي ... اذا ماجد غلط وطلب شي ما يجوزه لا الدين ولا المجتمع فساره بعد غلطت ...والله في وحده متزنه و....(هزيت راسي ما ابي اغلط عليها ) تساند اخوها في سالفه زي ذي وبكل اريحيه تلعب دور الوسيط ....هذا بدل ما تلومه وتوجهه ...ومثل ما هو غلطان وبياخذ جزاه هي بعد غلطانه .
العنود اللي كانت تسمع لنا قالت :- تركي ...انا ابي اعرف انت وش ناوي عليه بالضبط ....وعذرا بس اذا كان ماجد وساره غلطوا انا وش دخلي بالموضوع
حطيت يدي على الطاوله وسندت راسي :- دخلك انها صديقتك مثل ما هي صديقة بنت عمك
وانتوا الثنتين بتسوون مثل ما اقول لكم ...اول شي ارقامكم هذي بتتغير وما راح توصل لساره
وثا.....
قاطعتني وداد :- ومن قال اني بغير رقمي ؟
قرصت بعيني ورديت بحده :- انا...انتي مستوعبه وش اللي ممكن يصير لو ما استأذنتك ساره
وفاهمه وش معنى انها تستأذنك ؟؟
تراجعت وسندت ظهرها على كرسيها وقالت :- ولو .... انت ما لك حق علي
نرفزتني طلعت الجوال وقلت :- طيب يا بنت عمي..انا مالي حق ...اختاري من الاحق علشان يتصرف طلال ولا عمي يوسف
حطيت الجوال على الطاوله وكتفت يديني انتظرها ترد وابتسمت لمن قالت
:- وعلى فرض غيرته ...وش بقول للبيت ليش غيرته وساعتها أكيد الكل بيعرف باللي صار
ابتسمت ابتسامة انتصار وقلت :-قولي ان جوالك تكسر ولا طاح في الماي والبطاقه احترقت
علشان كذا طلعنا هالمشوار تشترين لك جوال(اشرت على العنود )وانها طلبت مني استخرج لك بطاقه ولها بعد ..
تدخلت العنود :- طيب بطاقه لها ويمكن يصدقون لكن انا؟؟ليش
ابتسمت واناارفع الجوال واتصل على واحد من الربع يشتغل في الاتصالات :- لانها ارقام مميزه (رد على سعود فقلت له ) سلام هلا بمطول الغيبات
رد علي بضحكه :- وعليكم السلام أنا مطول الغيبات ولاانت القاطع
ضحكت :- وش اسوي والله كل ما يكون عندي وقت واروح عندكم الديوانيه اسأل عنك يقولون مسافر
سعود :- ايه اضحك علي وقول ان هالمكالمه لله ما وراها شي
ضحكت:- افااااااااااا يا سعود اللحين انا ما ادق عليك الا لحاجه ؟؟؟وانا اللي اقول بعزمك على عشوه محترمه الليله
سعود اللي اهم شي بطنه قال :- والله انا حاضر لك بس اهم شي العشا دسم ويستاهل
ابتسمت :- اجل جوع حالك علشان تقدر تاكل ترى الليله عازمكم على العشا بمناسبه رجوع عبد الله من بريطانيا ولا يفوتك ترى راجع بالحرمه من هناك
ضحك سعود :- عسى مهي بجانيت
عفست وجهي :- سديت نفسي الله يسد نفسك جانيت عاد ....الرجال عنده ذوق تزوج مريم اللي كانت معنا في كلاس مستر جون بيرل .....المهم انا بغيت منك رقمين وعلى ذوقك
ابتسم سعود :- رقمين عاد ...ليكون اللي ما سويته في لندن بتسويه هنا
كشرت :- ليش تحسب الناس مثلك ...هذولا للاهل وتكفى ابيهم في اسرع وقت
سعود بكل ثقه :- الليله الرقمين بيكونون عندك ....بس ما قلت لي وين العزومه؟
ابتسمت :- لا تخاف انا بنفسي بمرك
سكرت الجوال وقلت لوداد :- وهذي البطاقات بتوصلكم الليله ...واللحين بنروح تشترين لك جوال جديد بدل اللي خرب
وطلعنا من المطعم على اول محل نزلت لحالي ورفضت ان اي وحده منهم تنزل معي نقيت احدث جوال وبلون بناتي ورجعت بالكيسه عطيتها للعنود توصلها لوداد اللي فتحت الكيس تدور على الفاتوره لانها قالت
:- بكم ؟؟
طنشتها لكنها اصرت فقلت :- ما بينا حساب ....واعتبريه هديه من العنود
وطلعنا لمشوارنا الاهم والاصعب
علــــــــــــــيــــــــــــــاء
اول ما انفتح الباب وبانت ثوبه منه حسيت بجسمي كله يرجف تقدم مني ومد يده يصافحني
:- السلام عليكم ...صباح الخير
بلعت رقي واستجمعت قوتي علشان ارفع راسي له كان مبين على وجهه الارهاق والتعب معقول اللي قاله طلال؟ ومعقول اللي بقوله بيريحه ؟واذا ريحه انا..برتاح او لا؟؟ رديت وانا احس بحراره كفه ابتدت تتسرب الى جسمي ونقلت لي احساس غريب خلى قلبي يرجف وبلذه فسحبت يدي
:-وعليكم السلام ...صباحك نور ...تفضل
اشرت عليه يقعد وقربت منه صينيه الريوق وقلت
:- تفضل ولو انها مو من مقامك
ابتسم ابتسامه صغيره لكن مؤثره :- انا من الجوع مستعد اكل اي شي ...وفي عيوني هذي وليمه
ما رديت عليه لكن سألته :-تشرب شاي ولا عصير
:-شاي احسن علشان يهدأ الصداع شوي
صبيت كاس الشاي وحطيته قدامه رفعت عيني لعينه كان واضح عليهم التعب .... الظاهر انه مثلي لا تعشى ولا نام شغلت نفسي بان اسوي له سندويشات وقدمتها له اخذ وحده منهم وناولني اياها :- ما احب اكل لحالي ... وما يصح ما تاكلين مع ضيفك
اخذتها من يده وحاولت اكلها لكن التوتر والترقب عندي كان احد من الجوع فما قدرت اكل وهو نفس الشي ما مد يده عزمت عليه :- اذا مو عاجبك اسوي لك غيره
لكنه اشر علي وقال :- عاجبني وصدقيني جوعان ....لكن ما تعودت اكل وانا تعبان (مسك ذقني ورفع راسي لين صارت عينه بعيني وكمل ) وطلال قال ان راحتي عندك
صعبه والله صعبه اني اكشف نفسي بهالطريقه وخاصه ان عارفه اني اذا تكلمت ما بيكون علشان اخفف حمل عن ظهري لا بيكون دفاع عن النفس وانا ما احب اني اكون موضع شكوك علشان ادافع عن نفسي بس بعد هذي فرصتي علشان اعرفه من هي علياء واحترت من وين ابدأ لكني في الاخير اخترت ابتدي من البدايه
:- خالد انت وش معلوماتك عن امي ؟
كان مبين انه استغرب من السؤال لكنه رد :- تزوجت عمي مده وعقب خلافات تطلقوا
نزلت راسي وانا احرك كاس الشاي في يدي :- وما قالوا لك ان سبب هالخلافات طبيعة امي التملكيه والانانيه (سحبت نفس من الصعب ان تنتقد امك ) يعني ما تحملت ان يكون لابوي زوجه غيرها رغم انها هي الثانيه ...ما تحملت انها تطلب من ابوي شي ما يوافق عليه
وهذا ادى الى انقلاب مشاعر امي تجاه ابوي وهله اللي هم بطبيعه الحال انصاره
فرك خالد عيونه وجبينه :- ما ني فاهم وش دخل امك في......(ما كمل وواضح انه غير رايه عن اللي بيقوله لانه قال ) بس المرأة بالذات في امور الحياه الزوجيه تحكمها في اغلب الاوقات عاطفتها واكيد انقلاب مشاعرها تجاه الكل كان رد فعل على الطلاق
ابتسمت ابتسامه ساخره :- بس امي تشوف ان قبولي فيك خيانه لها وعصيان لها ....لانها تعتبر الامر حرب قائمه وان موافقتي عليك انضمام لحزب العدو ....وجدي كان يعرف انها بتحكم على الامر بشكل غير عقلاني علشان جذي لمن خبرها بأمر خطبتي خبرها على اساس انه امر منتهي وحذرها من التدخل(نزلت دمعه من عيني حاولت امسحها قبل ما يلاحظها خالد)
لكنها اتصلت فيني يومها تبيني الغي امر الخطبه كلها لان الامر في نظرها خيانه لها وطلبت مني اترك كل شي وارد البحرين(ساعتها ان سيل من الدموع يهدد بالنزول لكني كبتها وكملت ) وحتى لمن قلت لها اذا رديت وين اروح قالت لي اجي هني في بيت جدي (اخذت نفس علشان اقدر اطرد الالم من صدري ) كانت تبيني افشله قدام الناس كلها وبكل بساطه اقول له استقبلني في بيتك لان امي ما تبيني عندها
خلاص احس ان قوتي كلها انهارت وما عاد فيني حيل اتحمل اكثر كنت ابي ابكب و بحرقه لكني حاولت اتماسك :- تبوني اقول لكم هذي امي متصله تقول انها تكرهكم وانها مو راضيه على زواجي وفوق هذا ما تبيني ولا تتحملني لاني بكون ازعاج لزوجها ولاني من ريحة ابوي
تبوني اقول امي ما تحبني ما تبيني ..ما تبيني
ساعتها ما حسيت الا بحرارة الدمع اللي جرى على خدي وشهقه طلعت غصب عني وفي لحظه حسيت بدفى الكون كله يلفني لكن ريحه عطره نبهتني الى اني في حضنه وسمعت همساته الدافيه تقول
:- بس حنا نبيك و.......
رفع راسي وامرني :- عليا ناظريني (وما ملكت غير اني اطيعه طالعته ومسح بكفه دموعي )
دام اني حي ما ابي اشوف هالدموع و............
قاطعته وانا ابعد نفسي عن حضنه الموقف احرجني وحسسني بضعفي وانا ما ابي اضعف قدامه مسحت دموعي وقلت :- اليوم تعال على الغدا الكل راح يكون موجود وامي من ضمنهم
قابلها وشوف بنفسك
ابتسم وقال :- بس عاد ابي اذوق طباخك ؟!!
ما حبيت اعلق غير ان في موضوع لازال معلق بينا :- اما بالنسبه لسالم
انقلب وجهه وتحولت الابتسامه الى عبوس غمض عيونه بقوه وعصر جبينه براسه وقال
:-راسي بينفجر ....ما عندكم بندول اكسترا يهدأ هالصداع شوي ؟
وقفت :- بلى شوي واجيبه لك
رحت ورجعت بحبتين بندول اكسترا وكاس ماي وقلت :- بس اول كل شي ترى مو زين على معده فاضيه
مديده :- واللي يعافيك ....عطيني اياها
قعدت قباله وضميت قبضتي عليهم :- اول اسمع (دقيت على هاجر واول ما سمعت صوتها حطيته على المايك ) سلام هجور شخبارش
ردت وكانها توها صاحيه من النوم :- وعليكم السلام ما يسرش الحال
كنت ابي اتطمن عليها لكن مو وقته فسألتها :- حبيبتي بقول لش امس لمن اخوش جاني عند السيار قال لي شي غريب ما فهمته
اكيد سيرت سالم ضايقت هاجر لانها ردت :- وش قال سويلم الله لا يسلم فيه ولا عظمه
ترى هو سبب اللي انا فيه
لمحت ابتسامه على وجه خالد لهالدرجه مضايقه سالم ومستانس ان اخته تدعي عليه فقلت
:-حرام هجور ما يجوز تدعين
لكن مزاجها كان متعكر فقالت :- عليا اختصري وخلش من اللي يجوز واللي ما يجوز وش قال ؟؟
قلت لها عن جملته :- يقول لي لو كنت اعرف انش توأم روحي ولمن عصبت عليه قال اني فهمته غلط لان توأم روحي اسمي في الموبايل
تنهدت هاجر وتأففت :- يعني النحيس ما صدقني الا عقب ما سوى لش سالفه هذي يا طويله العمر انا مسجله رقمش البحريني باسم توأم روحي وخبرش اليومين اللي فاتوا حرز على موبايلي حوله صامت وتركه في غرفته ولمن رجعتي البحرين وحاولتي تزعجيني بمكالمتش
انتبه الاخ ان المتصل اسمه توأم روحي وكان بيرد عليش وبيهزأش لكن الله ستر والشحن خلص ولمن سالني قلت له انه رقمش ....وهذي السالفه كلها
رفعت حاجب لخالد وطالعته بمعنى اقتنعت وارتحت لكنه اشر انه يبي يقول شي
فقلت لهاجر :- لحظه حبيبتي اسمع كأن ينادوني ( رجعت الموبايل لوضع الهاتف وسكرت على السماعه وهمست لخالد ) نعم وش تبي ؟؟
قال بكل برود :- اسأليها تحت اي اسم مسجله رقمك السعودي
استغربت ما فهمت وش الفايده من هالسؤال بس ما حبيت اطول على هاجر وعلشان يسمع بنفسه الاجابه رجعته على السبيكر وسألتها لكنها ضحكت وقالت
:- تطمني سالم مستحيل يشك في الرقم السعودي او حتى يفكر فيه لاني مسجلته تحت اسم ام الوليد
عصبت عليها :- شنو ...ليش ان شاء الله شايفتني جدتش ؟وشمعنى الوليد ؟
ضحكت :- اهدي شوي ....ترى مسيرش بتجيبين عيال يزعجونا ....وخبري خالد يسمونه ابو الوليد
كحيت وارتفعت حرارتي كل مني انا اللي احرجت نفسي على طول ودعتها وسكرت الخط
وما رفعت راسي لخالد اللي سمعته يقول
:- يعني ماله داعي نغير الرقم لكن الرقم البحريني خلاص الغيه
ما عجبني تحكمه فيني وقت بتحدي :- بس انا ما استغني عنه وما اقدر ....
ما كملت لانه قاطعني :- عليا الولد هذا ممكن يكون اخذ رقمك وساعتها بياذيك بالمكالمات الغير مرغوبه وغيرها وانا ما ارضى انك تتعرضين لمواقف زي كذا ورقمك السعودي مدول وتقدري
تستخدمينه هنا
يمكن يكون كلامه مقنع لكني لازلت مقهوره منه ومن اتهامته وحتى عقب ما سمع كل شي بدل ما يعتذر قاعد ويتأمر علي خلااااص لازم يعرف حدوده واني مو عبدته يأمرني ومن غير نقاش يبيني اطيعه انا انسانه لي كياني واذا كانت حجته اني زوجته لازم يعرف انه ما بيملكني غير بانه يحترمني :-ما ترضى لي مواقف مثل هذي ولا شاك اني ممكن اكلمه او ارد عليه واسايره
ما ادري ليش طالعني بغضب وبسرعه تحولت الى نظرة حزن وبعدها قال بصوت التعب ما قلل من نبره الثقه فيه
:-عليا يمكن الكل يشوف اني غلطان ومالي عذر حتى انا نفسي
لمن عرفت حقيقه الوضع جالس الوم نفسي لكن عمرك جربتي تعيشين تجربتي تسمعين الشخص اللي بترتبطين فيه واللي المفروض بيكون شريك عمرك والشخص اللي شرفك وسمعتك وكرامتك قبل اسمك بيرتبط فيه يطعن فيك حي في مكالمه لو سمعتيها من طرف واحد بتحسينها مكالمه بين محبوب ومحبوبه ......عليا ترى اللي سمعته يجرح الحجر الصم فشلون كرامة بني ادم (غطى وججه بكفوفه وكمل ) عليا ترى كرامتي المجروحه والاهانه اللي حسيتها من ورى المكالمه خلتني اعمى عن اني انظر للامر بعقلانيه ومنعتني اني اجلس معاك مثل هالجلسه قبل .....يمكن ما تعتبرين كلامي هذا عذر مقبول بس انا مستعد اسوي اللي يرضيك
ما توقعت ان الفرصه تجيني لعندي وبهالسهوله فقلت وانا ما ابي افكر في اللي قاله
:-وانا ما يرضيني اني ارتبط في شخص بدل ما يكون سندي وحمايتي يكون هو اللي يطعني في صدري ويهيني كل ما سنحت له الفرصه وبدل ما يصوني ويحفظ كرامتي هو اللي يهيني ويبهذلني ويرخصني في كل مره اشوف نظره الاتهام في عيونه (طالعته وياريت ما طالعته لان نظراته اللي تمثل ثورة غضب مكتومه سلبتني كل شجاعتي لكني ضغطت على نفسي وكملت ) خالد احنا ماننفع نكون مع بعض (بلعت ريقي )خالد طلقني ........
-
رد: رواية أطياف الغرام / الكاتبة : معاميريا ; كاملة
الـــــــــــــــــــعنـــــــــــــــــــود
انا طبعا فاهمه تركي ولو وداد تركت عصبيتها شوي بتلقى ان تركي عنده حق يعني مو عوايدنا ولا طبعنا ولا حتى مستساغ او حتى مشروع ان الرجال يكلم غريبه قبل ما يملكون
وكون ماجد تجرأ وفكر في هالشي ومع من ؟...مع بنت خاله فهذا معناه ان حتى مروه وغيره على محارمه ما عنده ...ومن حق تركي يتصرف بهالطريقه اساسا المفروض ان وداد تشكره انه ما كبرها وخبر اخوها او ابوها وحاول يلملم الموضوع ....صحيح اني في البدايه شفت انه تصرف مبالغ فيه انه يغير ارقامنا بس لمن فكرت فيها لقيتها معقوله لان ساره اليوم جت لوداد وطلبت منها بدون تردد او حتى احساس بالذنب اذنها علشان تعطي رقمها وصورتها لماجد وجايه فرحانه باخوها وجرأته والقهر انها تشوف الامر غايه في الرومانسيه بدل ما تنصحه وترفض الامر بشده ...والصراحه عنده تركي حق يغير الارقام لانها ممكن تحت الحاح ماجد تعطيه الرقم وهالمره من غير ما تشاور وداد ....انتبهت للطريق اللي حنا فيه اعرفه
سألت تركي بشك :- حنا وين رايحيين بالضبط
ما جاوبني وكل اللي قاله:- اتصلي على ساره سأليها وين هي فيه اللحين
استغربت ليش يسأل عنها ولاني مو حمل عصبيتعه اتصلت عليها
:- سلام
ردت ببرود :- هلا
سالتها :- الا ساره وينكم فيه اللحين ؟
ردت بدون نفس :- يعني وينا فيه عقب حركات اخوك البايخه ؟....ردينا البيت وانا كنت ناويه اقضي يومي في السوق
ما عرفت شلون ارد عليها فقلت اختم المكالمه :- اجل اخليك يلا مع السلامه
سكرت الجوال وناظرته :- تقول في بيتهم
رد :- تمام اجل اللحين بنروح عندها
توترت وش يبي فيها؟ وش ناوي عليه ؟ مو بيغير الارقام ومانعنا نعطيها االارقام خلاص وش يبي بعد ؟؟؟سألته
:- تركي ليش نروح لهم خلاص اللي صار صار وانت بتغير الارقام....يعني ما له داعي نكبرها وحنا ما نبي احد يعرف شي
وقف السياره حذا بيتهم والتفت لي وقال :- اسمعوني زين انتم بتروحون لساره وش بتقولون لها مو شغلي بس المهم ما ابيكم ترجعون السياره الا وكل صوركم اللي عندها في يدكم
شهقت :- وهذي شلون نسويها ....تركي ترى البنت اكيد بتزعل وبتخبر عمتي وساعتها ....
قاطعني :- بتزعل يمكن لكن اذا خبرت امها عن سواد وجه اخوها وانها موافقته على طلبه اكيد ساعتها امها بتزعل منها وبتطلب منها تكتم الامر
ناظرت وداد وما عرفت بسبب غطاها هي وش تفكر فيه فقلت اترجى تركي
:- بس صعبه والله صعبه يعني على الاقل اتركنا اليوم نفكر شلون نجيب الصور من عندها بدون ما نخلق حساسيات و.........
لكن تركي ولا كانه يسمعني دخل سيارته داخل البيت ووقف السيارة عند باب الصاله وقال
:- يا تنزلن اللحين وترجعن بصوركن او المهله بتكون علشان غيركم يتصرف
(ناظرني) انتي تتوقعين طلال وانا اتكلم عن اهدأنا اذا عرف عن اللي صار بيرضى بوجود صورك او صور اخته عندها ....والشيبان لو عرفوا ساعتها مو بس يجيبون الصور الا يحرمون عليكم التصوير بعد
تخيلت فعلا لو عرف طلال او ابوي وش راح يكون رد فعله ولا خالد اذا كان تركي اكتفى بكذا فخالد اذا عصب ممكن يسوى كل هذا وبعد مايرضيه فقلت لوداد
:- وداد ...
ما كملت لانها فتحت باب السياره وقالت :- مالنا راي مو اليوم حنا عبيد اخوك
نزلت وسكرت الباب بقوه
دخلنا وكانت عمتي في الصاله وقدامها دله القهوه وتمر قربنا منها سلمنا عليها وسالناها عن ساره فردت عمتي
:- من رجعت مع اخوها على طول رقت لغرفتها ومنها ما نزلت (اشرت على الكنبه جنبها ) اجلسوا اللحين انادي الشغاله تناديها لكم
لكن وداد قالت لعمتي :- ما لك لوا يا عمتي بس حنا بنطلع لها غرفتها
وتركنا عمتي ورحنا لغرفة ساره وقفت على الباب ودقيته جاني صوتها من داخل الغرفه
:- نعم ؟؟
رديت بهدوء :- انا العنود معي وداد
ومن دون ما نسمع جواب فتحت باب غرفتها وبايتسامه ساخره قالت
:- يعني جيتوني عقب الفلم اللي سواه تركي
ما عجني لا اسلوبها ولا كلامها فقلت :- مو حنا جينا بطلب من تركي
رفعت حاجب :- ليش؟ لا تقولين فكر وعرف ان ما له دخل وان الامر عادي واحد بيخطب وحده ويبي يعرفها زين قبل ما يملك عليها
ساعتها بس انفجرت وداد في ساره وقالت :- عادي ...عادي اكلم واحد ما يحل لي ؟؟وعادي تعطينه صوره لي ؟؟ من متى الحرام صار عادي ؟؟ويا عمري اللي يبي يعرف اللي بتزوجها يسأل عنها ...وتعالي هنا اخوك ليكون من المريخ عشانه ما يعرفني ويبي يتعرف علي ....ودامه يبي يشوفني ليش ما طلب يشوفني الشوفه الشرعيه بدل ما يطلب يتمقل في الصور
فتحت ساره عيونها على وسعهم ما توقت ان وداد تثور عليها كذا فقالت برود
:- هدي نفسك ...ودام الامر مو عاجبك ليه ما رديتي علي هناك ؟ ولا انتي ما كنتي بتمانعين لو ما عرف احد بالامر ولمن عرفوا جايه.....
ما كملت لان وداد قاطعتها وقالت :- ما رديت لاني ما حبيت اسوي فضيحه في مكان عام
وردي اذا تبينه ترى ....
قاطعتها ساره :- اوهوووووووو يعني ما تبين تسوين فضيحه وما تبين تكلمينه او تعطينه صورتك خلاص عرفنا وش بعد ناقص
هالمره انا تكلمت :- نبي صورنا
تخصرت ساره :- وشو ؟؟وليش يعني ؟؟
رديت بنفس الهدوء :-اقول لك تركي هو اللي جابنا بس علشان الصور ولو طلعنا من غيرها الامر بيكبر وبيوصل لابوي وعمي واكيد ساعتها بيوصل لابوك وعلشان الموضوع ينلم عطينا الصور
عضت ساره على شفتها وقالت بقهر :- كل الصور في الدرج بس والله بتندمون على هالحركه
فتحت الدرج واخت انقي صورنا وحتى الصور اللي تجمعنا فيها و وداد ساعدتني اما ساره فضلت ساكته ولا حركت ساكن واول ما خلصنا قالت
:- خلصتوا ؟؟
هزيت راسي اشاره نعم فقالت :- اجل طلعوا ولا عاد ترجعون مره ثانيه
تقدمت ووصلت عند الباب لكن وداد قالت لساره
:- قبل ما اطلع وصلي هالرد لاخوك قولي له وداد ما يمهرها اللي يبخس قدرها وهو ما عرف قدري....فما له داعي يتعني ويخطب
الغريب ان ساره ابتسمت وقالت بخبث :- ما راح اوصل شي ....ولعلمك ماجد الليله بيحدد مع ابوك موعد ملكتكم بعد ملكة طلال (ضحكت بسخريه )وساعتها رفضيه على راحتك
سحبت وداد من ذراعها وانا حامله صورنا في كيسه والحمد لله ان عمتي ما كانت مكانها لمن نزلنا وعلى طول طلعنا لسيارة تركي اللي ما كان فيها استغربت وين راح لكن وداد قالت وهي تأشر على جهة المجلس
:- مو هذا تركي مع ماجد ؟
التفت لهم وكان واضح رغم المسافه ان الاثنين ماسكين في بعض ويصارخون على بعض
وسرعان ما فلت تركي ماجد على الارض وكلمه وهو يأشر بصبعه كأنه يهدده وبعدها رجع السيارة واول ما شافنا قال
:- جبتوا الصور ؟
اشرت على الكيسه اللي عندي وقلت :- جبناهم ...(ترددت لكني في الاخير سألته )تركي انت وش عندك مع ماجد ؟وش قلت له ؟
تجاهل سؤالي وقال :- وين تحبون تروحون البيت او بيت عمي
رديت :- بيت عمي ....نزل وداد وناخذ نجود ونرجع بعدها البيت
حرك السياره وقال :- بس لا تتأخرين لان وراي شغل لفوق راسي
وفعلا نزلنا عند بيت عمي طلبت من وداد تنادي نجود لكنها قالت
:- نزلي انتي ناديها
ترددت بعدين قلت لها :- اخاف في احد و......
فهمتني فردت :- طلال مو هنا وامي اللحين تلاقينها اما في المطبخ او تجهز حالها لصلاه الظهر في غرفتها ....
نــــــــــــــــــــدى
قعدت من الصبح لقيت فراس لازال نايم بسته ورحت غرفة النوم ونفس المنظر عزيز نايم بنفس الوضع اللي نايم فيه ولده تسحبت علشان ما اوعيه وعلشان ما اشوف النضره اللي انرسمت في عينه البارحه فتحت الكبت ونقيت لي تنوره سوده لتحت الركبه وبدي احمر بربع كم دخلت الحمام وبعدها طلعت لقيت سعود صاحي ومشغول يجهز له ثياب قربت من الكبت وقلت
:- انت اخل تحمم وما بتطلع الا هدومك جاهزين
رد من غير ما يفسح لي :-بس الزوج يبي اكثر من هدوم جاهزة يا بنت يوسف
تعلقت عيوني فيه :- وانا وش مقصره فيه ؟؟
التفت لي ومسك كتوفي :- تبين تحرميني من العيال يا بنت يوسف
غمضت عيني وبلعت ريقي :- شلون تقول كذا وفراس مو ولدك ؟
فلتني تركي وقال :- بس انا ابي له اخو
هالمره انا مسكت وجهه بين ايديني :- اخو؟؟ ولد يعني ...طيب لو جاك بنت
ابتسم وقال :- باذن الله وحوله بيجيني ولد ...بس انتي طيعيني
ما حبيت اهدم فرحته لكن ما اقدر اكذب عليه :- انا على طول تحت شورك وحتى في هذي كل اللي انا طالبته الوقت
انطفى نور الفرحه من عينه وماتت مثل ما ماتت الابتسامه على شفته وقال بحده
:- الوقت ما اقدر اعطيك الا لغايه ملكة طلال وبعدها يا ندى بنشوف وش بيصير
(دار ظهره واتجه للحمام )وجهزي حالك بنروح بيت هلي امي تسأل عنكم
جهزت ثيابه على السرير وجلست قدام المرايه انشف شعري وانا تفكيري مشغول ((متى يا عزيزبتحس فيني وبتفهمني متى يا رب متى ؟؟والله ما ني قادره متحمله احس نفسي بين نارين...نار جفاك ونار طلبك والنارين تلهب بجوفي لا هذا مريحني ولا هذا مريحني ))
رحت غرفة فراس قبل ما يخلص عزيز من حمامه جهزت اغراض فراس خاصه انا بنقضي كل اليوم عند خالتي ام عبد العزيز قعد فراس من نومه جهزت واول ما خلصت لقيت عزيز على راسي :-جهزتي ؟؟
حملت فراس قلت له :-باقي البس عباتي خذ فراس على ما البس
اخذه ودخل وراي لغرفتنا لبست شيلتي وعباتي واخذت من عنده فراس اللي اول ما شافني لابس العبايه رمى نفسه على وهو يبتسم :-ويييييييييه فدييييييييت البسمه وراعيها
عمري اللي يجننون
لوى عزيز فمه :- واضح واول الجنون تمنعيني من حقي
ما رديت عليه لانه بكل بساطع ترك المكان وطلع وحطيت يدي على فمي امنع نفسي من البكي وانا اناظر مكانه الخالي
وصلنا بيتهم دخلت الصاله لقيت المكان خالي دخل وراي عزيز وسأل الشغاله
:- كريشما وينها ماما كبير
كريشما :- ماما كبير في صاله داخليه (عزيز على طول توجه لها ساعتها قربت مني كريشما ) هاتي عبايه مال انته
ابتسمت لها :-زين امسكي فراس اول (قلعت البرقع )خالتي لحالها داخل ؟؟
كريشما تحمل فراس :- لا في داخل بابا كبير وعلي
رجعت لبست البرقع :- حسبي الله عليك يا كريشما اللحين علي داخل وتقولين هاتي عباتك
اخذت فراس ورحت للصاله لقيت عمي بو عبد العزيز جالس يتقهوىوجنبه ولده علي وخالتي قباله وعن يمينها عزيز دخلت سلمت على عمتي بست يدها وراسها ابتسمت في وجهي وقالت وهي تمد يدها على فراس :-حيا الله الحامل والمحمول هلا بالغاليه مرة الغالي وام الغالي
رديت بصوت واطي :- تسلمين يا خاله ويسلم قلبك وشلونك اللحين ؟؟
ردت باعياء :- هذا انا مع ابر السكري والرطوبه اللي خانقتنا
قام علي من مكانه وجلس عن يسار امه
:- وش لك بالشرقيه يمه هذا بيتي بالرياض اكتمل طيعيني وتعالي معي
من قرب علي بعدت عن خالتي وسلمت على عمي وجلست جنبه اقهويه
وخالتي ردت على ولدها :-ويه عاد اروح الرياض واترك بيتي انت اللي انقل للشرقيه واترك عنك الرياض
ضحك علي على امه وقال :- ما تركين بيتك ولا ما تقدرين على فراق بو عبد العزيز؟
دفته خالتي وتصنعت الغضب :-استحى يا ولد انا امك تقول لي كذا
تعذر منها وطى على يدها يبوسها :- اعذريني يمه بس والله الوحده وما تسوي يا ام عبد العزيز
عادت عليه امه كلامها :- وش لك بالهم والغثى اترك الرياض وانقل للشرقيه
ابتسم لها :-ما اقدر يمه هناك فرصتي للبروز احسن غير ان العروض اللي لقيتها هنا ما ترضي طموحي
ردت عليه :- اجل تزوج وخذ لك بنت الحلال اللي تونسك في وحدتك
قام وقف وقال :-على يدك يام علي
عزيز اللي كان ساكت نطق :- وشو ام علي قول ام عبد العزيز
ابتسم علي :- شفتي يمه ولدك مستخسر اناديك ام علي
عزيز وقف قدام اخوه وباس راس امه :-مهما يكون هذي الغاليه وما احب اسمها يرتبط في غيري
علي الي تصنع الزعل عند امه :- ما تقولين شي يمه ولا يرضيك اللي يقوله عزيز
خالتي اللي مشغوله في فراس تلاعبه قالت بدون مبالاه :- كلكم عيالي
ضحك عزيز وقال لاخوه :- شوفها ولا معطيتنا وجهه
تدخل عمي :- امك دامها شافت فراس خلاص ما يملا عينها حد
ضحك علي :- ليكون غيران من البزر يايبه
ابتسم عمي :-اذا علي انا امك من جابتكم وهي مو معبرتني لكن الدور عليكم تتعودون
(وقف )يلا لمتى بتظلون جالسين عند الحريم
طلع عمي وعزيز التفت لامه يكلمها :- يمه وش رايك في اخو لفراس ؟
رفعت راسي اللي كنت منزلته ابي استوعب اللي عزيز يقوله وخالتي قالت
:- ندى انت حامل يمه ؟؟
عزيز رد على امه :- لا يمه بس نخطط حق اخو لفراس
تدخل علي :- مو كأنه صغير ...الا هو كم عمره ؟
عزيز :- 6اشهر
ام عبد العزيز توجه كلامها لعزيز :- غريبه خبري فيكم اولاد هاليومين ما تبون عيال واجد
ولا تجيبون على بعض (ناظرتني وهي لا زالت تكلمه )يعني ندى ما تقول شي
رد عبد العزيز وهو لاغي وجودي :- بالعكس انا وزوجتي متفقين على هالشي وندى ما عندها اعتراض
لوى علي فمه وقال :- بس يا عزيز فكروا زين ترى الولد صغير وبحاجه لرعايه واهتمام
يعني المفروض تكونون اوعى من كذا و.........
قاطعته خالتي لمن شافت نظرات الاستياء وعدم الرضى على عزيز وقالت بس علشان مدللها ما يتضايق :- وانت شعليك منهم ...وانا بعد اقول احسن علشان العيال يكبرون مع بعض ويصيرون قراب من بعض (وابتسمت لعزيز )وعلى البركه يمه
لحظتها طلع علي بدون ولا كلمه وعزيز سلم على امه وطلع ولا احد حاس فيني ليش سويت فيني كذا يا عزيز يعني تبي تحطني قدام الامر الواقع تخضعني لرغباتك بطريقه مذله وكأن ما لي شعور او احساس ولا كأني ترجيتك بدل المره الف على الاقل تعطيني فرصه اجبر نفسي على الموافقه ... فرصه احسس نفسي ان لي راي مؤثر في حياتنا وان لي عندك خاطر ...مو كذا تزرع فيني شعور بالعبوديه والذل
-
رد: رواية أطياف الغرام / الكاتبة : معاميريا ; كاملة
((الجزء السادس عشر))
(تحديات)
لمن تؤمن بفكره معينه ساعتها تقاتل وتتحدى الكل علشان تحقيقها .... وأكيد راح تلاقي اللي يساندك علشان توصل لخط النهايه ....بس لمن تكون الفكره مجنونه او مضره او حتى جبانه
فأكيد بتتزايد العقبات قدامك وساعتها فعلا بتحتاج لانك تتحدى الكل.....
بس الشي اللي فعلا استغرب له هو ليش في بعض المواقف ما تظهر روح التحدي الا علشان نحطم انفسنا ؟!!!!!!!!
بعض ابطالنا راح يتحدون علشان يتخلصون من الالم اللي يعصر قلبهم ....لكن هل سينجحون ؟
واساسا هل كلهم اذا فازوا بالتحدي فعلا بيرتاحون ؟
طـــــــــــــــــــلال
ما صدقت اني اخلص مشاويري بهالسرعه و لحقت ارجع البيت قبل اذان الظهر تحممت ولبست استعدادا لصلاه الظهر نزلت الصاله لقيت وداد توها داخله من الباب سألتها
:- ها وش الاخبار قلتي للعنود ؟؟وش ردت عليك ؟؟
اشرت على وحده وراها وقالت :- هذي هي عندك اسألها بنفسك
ورقت لغرفتها وتركتني مع العنود في الصاله لحالنا قربت من العنود اللي تراجعت للخلف ما حبيت اخوفها فقلت لها
:- العنود انا كنت ابي ......
قاطعتني بانها قالت بصوت هامس
:- ممكن تبعد شوي ؟
انتبهت اني ساد عليها الطريق لفوق ابتسمت
:- اول توافقين على طلبي (ومن غير ما استنى ردها ) العنود وش رايك نخليها ملكه و زواج مره وحده؟
رفعت راسها بحده وقالت بصوت مهزوز من الانفعال:- مستحييييل
وتفادتني ورقت لفوق بسرعه صحيح ان خالد قال لي ان العنود مستحيل توافق بس بعد صدمني ردها ...يعني توقعتها تفكر شوي او حتى ترد علي عن طريق وداد ...بس بعد ضحكني رد فعلها رغم انها ما قالت غير كلمه لكني حسيتها تختزن بداخلها الاف المشاعر... توتر وانفعال وخجل ....( خساره لو بس وقفت شوي كنت اكيد باقنعها )...طلعت من البيت لقيت سياره تركي برى (اوه يعني العنود ما بتجلس عندنا ) قربت منه سلمت عليه ولفت نظري انه متضايق حيل
:- لا تقول ان الحريم اتعبنك في السوق
حاول يبتسم:- ابدا وتراهم ما خلصوا مشاويرهم
اتكيت على دريشه السياره وقلت له :- ولا يهمك انت ارتاح وبكره انا بوديهم
ضحك :- ريح حالك لا انا ولاانت سلطان بيتكفل فيهم
بوزت :- يعني اللحين فضى سليطين
قربوا خوات تركي من السياره فقال :- زين اخليك علشان الحق ارجعهم البيت واصلي واروح لاشغالي
كنت بابعد بس حبيت اشوفها فطولت السالفه مع تركي:- طيب بس الليله اكيد بتجينا ؟
خساره نجود هي اللي جلست قدام وما سمعت من كلام تركي غير نهايته
:- .............عازم الربع وبسهر معاهم
خلاص مالي نفس اطول كلام بس علشان ما يحس تركي قلت
:- رتب مع ربعك على عشا متأخر ...وتعال هنا اول (غمزت ) ولا تفوت عليك منظر ماجد الليله
ضم تركي حواجبه مستغرب :- ليه وش فيه ماجد؟
ابتسمت :- ابد غار مني ويبي يتملك بسرعه ..والليله بيجونا يحددون موعد الملكه
جمدت ملامح تركي وراح اللون من وجهه وكأنه صعق بهالخبر وفتح فمه بيقول شي لكنه تراجع استغربت حاله وقبل ما اسأله وش بك قال بصوت مبحوح
:- ما اظن بس بحاول ...يلا في امان الله
رفعت ظهري وسلمت عليه توجهت لسيارتي وانا بالي مشغول فيه يا ترى وش فيه تركي معقوله شكوك خالد صحيحه وان بين تركي وماجد شي ؟....يعني المفروض انه يفرح لصديق عمره بدل ما يعبس كذا ...ركبت السياره واتجهت للمسجد وانا فكري وبالي مشغول بشي واحد
العنوووووووود واللي بسويه ( رفضتي نعرس اللحين وهذي نقطه لك ...لكن بنشوف وش بتسوين يوم الملكه ) انعشتني الفكره وخلتني طول اليوم في حاله من الروقااااااااااااااان
خــــــــــــــــالــــــــــــــــد
ما ادري كيف قدرت اخلص الاجتماع مع بو نادر وانهيت كل شغلي معاه ...احس راسي بينفجر خلاص رديت الفندق واخذت لي شاور وحبتين بندول نايت وحاولت انام لكن القلق والتوتر كان اقوى من الحبوب علشان كذا طول على ما اخذ مفعوله .....اخ للحين يتردد كلامها في راسي ما توقعت ان نهايه حوارنا تكون كذا ....اول ما تكلمت حسيت بتعاطف معاها ولمن بكت حسيت بالندم حسيت باني جرحتها واهنتها حسيت اني كسرتها إلا حرقتها بشكوكي ...لكن تماسكها في البدايه خلاني احسبها قويه بس لمن انهارت عرفت شكثر هي ضعيفه وهشه... شعورغريب دفعني لاني اضمها مو علشان تهدأ لا ....ضميتها علشان تتطمن وعلشان ما تذوبها حراره الدمع علشان تحس بالدفى علشان تحس بنار الندم اللي تكويني علشان تعرف انها لي وبسسسسسسسسسسسس.....لدرجة اني اعتذرت ...ايه اعتذرت يمكن ما يكون اعتذار صريح بس انا كنت اعتذر كنت اقول لها من ورى كلامي اني ما شكيت وما اهنت الا كدفاع عن كرامه تنزف نيران حولت قلبي الى رماااااد ..... الكرامه اللي جرحها ما التئم حتى عقب اللي قالته
كرامتي وغروري كرجل اللي هدتها لمن قالت انها مغصوبه علي يعني رافضتني وهالمره غرست خنجرها للاخير حتى وصل للعمق وحركته بقوه في الجرح وهي تقول بكل بساطه
:- خالد احنا ماننفع نكون مع بعض .......خالد طلقني ........
وش تبي من المطعون غير انه يصرخ ويأن فقلت وانا احاول اني اكون هادئ
:- نعم!!!وش قلتي
وعادتها مره ثانيه وهالمره حسيتها طعنه في الروح :-طلقني ...حنا مستحيل نقدر نعيش مع بعض
خلاص ما عندي قدره على الاحتمال الصبر نفذ هذا اذا واحد يقدر يصبر على الالم وهو ينازع الموت ليش احس بالموت ما ادري كل اللي عرفته انه الم لا يطاق في راسي وصدري ما قدرت اصرخ لكن الغضب والاصرار واضح في صوتي المنخفض
:- طلاق مافي يا بنت عمي
استفزتها لهجتي وعدم انصياعي لرغبتها فطعنتني مره ثانيه
:- بس انا ما ابيك ...يعني بتعيش مع وحده ما تطيقك تكرهك ؟؟
اعماني كلامها عن اني اتكلم بمنطقيه وخلاص اصلا ما عاد للمنطق مكان
:- مو مهم انتي وش تبين او ش تحسين المهم اني طلاق ماني بمطلق
ما تراجعت ولمع في عيونها تحدي اكبر
:- ليش هو غصب ...ولعلمك اذا ما بتطلق من نفسك بتطلق غصب عنك ...بقول لابوي و.....
عندها قدره جباره على تعذيبي وهالمره صرخت ومن غير احساس
:-اللي ما طولينه بايدك واصليه برجلك ....والطلاق لا تحلمين فيه ولعلمك زواجنا عقب شهرين (صديت بطلع قبل ما ارتكب فعل اندم عليه وقلت وانا صاد عنها )وصدقيني كل غلطه او حركه مستفزه بتقصر المده
.....يمكن اكون قسيت عليها ويمكن اكون اخترت الاسلوب الاسوء ويمكن اكون ارتكبت غلط
في ردة فعلي وتعاملي مع الموضوع يمكن ما كنت منطقي او موضوعي .....لكن من متى يفكر الشخص في الاسلوب الافضل لانقاذ روحه من الهلاك
ليش اعتبرها روحي لا لا ....انا جالس ابالغ كل السالفه انها جرحت كبريائي وغروري واثارت روح التحدي في داخلي ....ثانيا هو الزواج لعبه علشان الطلاق يجي بهالسهوله ..هذي خلاص صارت حرمتي يعني لي لي انا وبسسسسسسسسسسس..... صحيح ان الزواج مو غصب ولا تعايش بالجبر مع الطرف الثاني ....بس انا اعرف انها مستحيل تكون لغيري مهما يكون اللي بيعترض طريقي......ريحتني هالفكره او الحبوب اخذ مفعوله ما ادري لاني عقب كذا نمت ولا حسيت بشي حولي........
صحيت من النوم على صوت جوالي تنبهت للوقت فتحت عيني على الاخر
:- معقوله نمت تقريبا يوم كامل
حسيت ان جسمي متكسر وما فيني قوه تجاهلت المتصل ورحت على طول علشان اتحمم وصليت كل الصلوات اللي فاتتني استغفر الله اول مره اسويها خلصت من الصلاه فتحت جوالي اللي كان مليان مكالمات لم يرد عليها من تركي وطلال و.....رفعت حاجب عليا
توني بدق عليها بشوف سبب اتصالاتها لكن منعت نفسي هي اللي تبيني وانتبهت للمسجات وحده من طلال
((وينك اتصل ما ترد ....المهم العنود ما واففقت على فكرتي ..وانا ناوي ....ولا اقول تعال بسرعه وانا اقول لك ))
ابتسمت هالمجنون متى بيركد اخاف اذا زوجناه يجن زياده
فتحت المسج اللي بعده وكان من تركي
((ضــــــــــــــايق مررررررره ...احس اني بختنق يا خوي ....خالد تعال تكفى تراني احس بيومي قرب))
الهواجس لعبت في دماغي وابليس يوسوس في صدري وش فيه تركي؟؟ اتصلت عليه لكن جواله مغلق اتصلت على البيت ردت العنود
:- نعم ؟
وحشوني وبالذات العنود من سافرت وانا اسمها اسمعه من طلال يوميا وهذا اللي خلاني اشتاق لها اكثر
:-السلام عليكم ...هلا بالعروس
واضح انها استحت لان نبرتها انخفضت وصارت اقرب للهمس
:- وعليكم السلام ...اخبارك واخبار عليا
زفرت كل الحراره اللي بصدري :- تمام (وعلشان ما تسأل عنها اكثر قلت ) وينه تركي
العنود :- في الشركه على حسب علمي ليش ؟؟؟
ما حبيت اقلقها :- ابدا بغيته في شغل وجواله مغلق ....خلاص راح ادق عليه في الشركه
سكرت من العنود ودقيت على مكتبه لكن ما في اي رد
رميت الجوال وقمت اجهز شنطتي خلااااص الليله برد السعوديه سكرت الشنطه الا جوالي يدق من جديد لقيت المتصل عليا كنت بتجاهلها عقاب للي سوته بس ما قدرت رديت عليها ببرود
:- نعم ؟
ما تكلمت مره ثانيه قلت :- نعم ؟داقين خير انشاء الله ؟
جاني صوتها الهامس :- اليوم زواج جاسم .... ابي اروح الصالون وبعدها الصاله
كنت ابيها تطلب اذني بصراحه فقلت :- ما فهمت وش المطلوب ؟
ما على صوتها لكن نبرتها شابتها شي من الحده :- مهما يكون لا زلت زوجي فقلت اخذ اذنك
ما ادري ليش ابتسمت :-مع من بتروحين ؟
سكتت بعدها قالت :- مع واحد من عيال خالي
سألت :- لحالك مع ولد خالك ؟
تنهدت :- لا مع بنات خالي
يعني مو عاجبك اني اسأل طييييييب يا عليا :- ومتى بتروحون ومتى بتردون ؟
ردت وهي تحاول ما تبين انزعاجها الواضح :-بنروح عقب ساعه الصالون واول ما نخلص بنروح العرس لكن متى نرد هذي على حسب الوقت يمكن وحده يمكن اكثر ويمكن اقل
على طول قلت لها :- لا تروحين
ردت بحده من صدمتها :-نعم ؟!!انت وش..
ما كملت لاني قلت :-لا تروحين مع حد انا باخذك كل مشاويرك
عليا :-بس انا وعدت البنات اكون معاهم و........
قاطعتها بتأنيب :- المفروض ما تواعدين قبل ما تشاوريني ...وترى البنات بتكونين معهم في نفس المشغل وفي قاعه الاعراس بعد ...جهزي حالك اقل من ساعه وانا جاي
سكرت الخط من غير ما استنى ردها اساسا انا تكلمت اكثر من اللازم ..أووووه تذكرت اني لازم ارجع السعوديه باسرع وقت ..بس لو تركي يرد واعرف وش فيه بالضبط ... غير اني من خوفي على تركي نسيت عليا مو معقوله ارد السعوديه واتركها هنا خاصه عقب اللي قالته امس ...لكن بكره باذن الله بكون هناك
-
رد: رواية أطياف الغرام / الكاتبة : معاميريا ; كاملة
هــــــــاجــــــــــر
ما لي مزاج عروس وطقطقه لكن بعد علشان خاطر عليا بس جيت والقهر اني قعدت انطرها اكثر من ساعه في القاعه ....ولمن شرفت حضرتها لفت على خلق الله تسلم عليهم ....وبعدين فكرت تجي عندي سحبت الكرسي اللي جنبي وقالت
:-هلا هجور ...من متى انتي هني ؟؟
رديت ويدي على خدي :- صارلي ساعه ...وحضرتش توش واصله
دزتني بكوعها :- الا المزاج معتفس وش صاير ليكون حمد له دخل في السالفه ؟
طالعتها بنضره بائسه :- افففففففففف راسي يعورني من الصبح وانا افكر شلون اتخلص منه مو عارفه وش اسوي وين ما اطقها عوجه
ابتسمت :- عاد هجور للحين هالفكره البايخه في راسش !!
طالعتها بنص عين :- فكره بايخه هاااااااا عجل تبينه عقب اللي قاله اوافق عليه واخليه يفرح انه مشى كلامه علي !!
مسكت عليا يدي وقالت بجديه :-وعلشان تحدي سخيف تخربين على روحش (كنت بتكلم بس نضرتها منعتني وحطت صبعها على راسي )فكري عدل وش عيبه حمد علشان ترفضينه
(وغمزت )غير ان القلب يعشقه واذا على التحدي اذا تزوجش وعرفش زين اكيد بيندم انه خطبش بهالطريقه وساعتها سوي فيه اللي تبين
حلوه الفكره اتزوجه واعرفه ان الله حق وما يتجرأ ويتحداني بس بعد مؤلم اني اتزوج واحد ما يحبني وماخذ مسأله الزواج تحدي والقهر اني احبببببببببببه وعلشان ما تصر عليا على فكرتها اكثر غيرت الموضوع
:-حلو الاسود عليش (حركت حواجبي )الا ماقلتين وش قال خلودي لمن شافش؟؟
تحولت بسمتها الى عبوس وقالت :- ما قال شي اخذني من البيت للصالون من غير ولا كلمه ورجعت البيت ابدل وهو نطر بره وطلعت له ونفس الحال وكل اللي قاله قبل ما انزل اذا خلصتين دقي علي
غمزت :- على هالكلام الا شكلش ينطق الحجر ....بس الظاهر خايفه من الحسد ولا اللي صار مشفر
ضربتني على كتفي ودزتني :- صدق انش قليله حيا ....وثانيا وين بيتكلم والاخ يزعم زعلان من عقب ما تهاوشنا امس... مو كأنه هو الغلطان وعلى باله انه اذا سوى جذي بتنازل
هذي شتقول وش هالالغاز :- اي هواش وانتوا توكم مالكين ... وش هذا اللي ما بتتنازلين عنه؟؟
اعرفها عليا ما كانت تبي ترد وعلشان تسكتني قالت :- مو وقته بعدين اقول لش
وطبعا ما عرفت شي لاننا رجعنا البيت قبل وانصدمت يوم ثاني لمن عرفت انها رجعت السعوديه..... بس الحلو انها جتني من السما الطريقه اللي ارد فيها على حمد وغصب عن خشمه بعد .....
علـــــــــــــــيــــــــــــاء
اساسا ما كنت ابي ادق عليه بس فكرت اني اهدي الامور شوي يعني مسأله الطلاق اكيد ما بتم وقلب الصقيع معند فخليني اسير الامور على الاقل هني واذا رحنا السعوديه ساعتها بابتدأ الحرب اللي لازم اخوضها واكسبها بعد ..... توقعته يتكلم يقول اي شي وان كان اعتراض على اي شي لكنه ابد طول الطريق ظل ساكت وما سمعت صوته غير لمن رد علي وقال انه بياخذني كل مشاويري .....جاسم من سمع ان العروس جاهزه اصر ان الزفه تكون من وقت ودخل عقبها بربع ساعه بس وما طول وطلع واخذها ....اسرع زواج حضرته يعني بالعاده يخلص العرس على الوحده او الثنتين لكن جاسم ما صارت الساعه 11الا خلاص اخذ عروسه وطلع
وبما ان هجور طلعت عقب ما شافت العروس وباركت لها فما بقى احد اقعد معاه فاضطريت ادق على خالد في الاول كان الخط مشغول وفي المحاوله الثانيه رد
:- نعم ؟
كان واضح ان مزاجه للحين زفت رديت بهدوء :- خلصت ممكن تجيني اللحين
خالد بنفس المزاج :- انا موجود برى...لا تتأخرين
وسكر الخط من غير ما يسمع ردي لاااااا مصخها على باله ان هالحركات ما تغيض يسكر الخط في وجهي ....عاد هالمره ما بسكت له ..... ركبت السياره حتى ما سلمت وهو ولا على باله كان مشغول في موبايله والظاهر ان محد يرد عليه لانه تأفف بحده وقبل ما يضغط على زر الاتصال جاه اتصال رد عليه
:-هلا
الطرف الثاني :-.............................
خالد بايتسامه مصطنعه :-زين بس لا تاكلني ... وانا كلها كم ساعه واكون عندكم
الطرف الثاني :-.......................................
خالد :- ما في داعي اجلس اكثر من كذا ...اشغالي وخلصتها (ميل فمه بحركه ساخره )واخاف اذا طولت غيبتي تبهذل الدنيا
الطرف الثاني :-.........................................
خالد بعتب :-افاااااااااا يا طلال انا ما لي لزمه ؟؟ واذا كذا ليش متصل فيني ؟
طلال :-..............................................
خالد وعلامات الدهشه على وجهه:- جد؟!! متى ؟؟
طلال :-.....................................
خالد :- الله يبارك لهم (سكت شوي بعدين سأل ) الا ياطلال انت اليوم شفت تركي ؟
طلال :-.....................................
خالد :- ما ادري مشغول بالي عليه وكل ما اتصل فيع الاقي جواله مغلق
طلال :-........................................
خالد :-تدري الوضع كذا ما يطمن خاصه انه مرسل لي يقول (طالعني بعدين قال ) نتكلم في ذا الموضوع بعدين ...كلها كم ساعه وتلقاني عندك بالسعوديه يلا في امان الله
سكر الخط التفت لي وقال :- الليله ماجد خطب وداد وحددوا ملكتهم عقب ملكه طلال ....
سكت ما عرفت وش ارد عليه فهزيت راسي باشاره نعم وكاني اقول له اني فاهمه وسامعه
بعدها قال وهو يطالعني بنظره حسيتها تبي تنفذ لروحي لكن البرقع مثل درع حصين تجاهها
:- عندك ساعه بالكثير جهزي اغراضك وبدلي هدومك لاننا بنطلع على السعوديه
استغربت وش يطلعنا في هالوقت :- بس هذا مو وقت سفر خليها لبكره الصبح احسن
رد ولا كأني تكلمت :- هذا حنا وصلنا جهزي حالك وانا بستناك في الصاله
اففففف دخلت البيت وهو وراي وصلت الصاله قلعت عباتي والبرقع ورميتها على الجلسه العربيه اللي في الصاله وانتبهت انه موجود فقلت له
:- ما راح اتأخر بجهز اغراضي وببدل هدومي وبنزل .... تامر على شي قبل ما اروح
ماادري وش اللي خلاه يبتسم لكنه قال :-ممكن اكل شي ترى صار لي يوم كامل ما ضقت الزاد
كسر خاطري فعلا كان واضح عليه التعب والارهاق تقدمت المطبخ قلت اسوي له كم سندويشه
ياكلهم على ما اجهز نفسي وتوني فتحت الثلاجه طلعت العصير والاجبان وغيرها الا هو واقف على راسي ابتسم على جنب وهو يطالعني من فوق لتحت بنضره تقيميه حبست انفاسي حسيت ان نضراته وهي تنتقل على مهل من شعري لوجهي لصدري لخصري لرجلي وترجع مره ثانيه بنفس النضره ....تحرق الدم وتهيجه بجنون لدرجه ان كل دمي حسيته اندفع لراسي واشعل خدودي وخدرتني نضرته لمن استقرت على عيوني ما كان يطالع عيوني لا ....كان يفتش في قلبي وهمس بصوت هيج جيوش الدم وخلى قلبي يدق بقوه لدرجه اني خفت انه يسمعه
:- تعرفين انك هزمتيني وسحرك تملكني (مسح على شعري بيده اليسار ورفع يدي اليمين لفمه وباس يدي لامست انفاسه الحاره جلدي وارسلت الرجفه لكياني حس بالرعشه تسري في جسمي وضمني لصدره ) وتعرفين ان سحرك اشعل الحيره والمراره في صدري
ما حبيت اضعف او انهي الامور بهالطريقه ويمكن بدايه كلامه ونضرته هى اللي سحرتني لكن اللي ردني لارض الواقع كلاماته حتى وهو يبي يقول ان لي تأثير عليه جاي يقول اني ما سببت له غير الالم والعذاب والمراره ايه مو انا الشوكه اللي انغرست في خاصرته ومنعته من تحقيق اعز امانيه انه يرتبط بساره بعدت عنه بحركه حاده وقلت
:- والله شفاك بيدك طلقني وبترتاح
حسيت شرارات الغضب طفرت من عيونه تنسف كل اللي يواجهها وقال وهو ضاغط على اسنانه
:- والله يا بنت عمي ان هذي ابعد لك من نجوم السما (وقرب مني وهمس في اذوني )
وما بيفكك مني الا الموت
حسيت ان انفاسي انسلبت مني والدنيا ضاقت بوجهي لمن ذكر الموت لكني اصريت وقلت
:- بس انا روحي ما ترضى بالمهانه والذل ....
ما كملت ابتسم بسخريه والم وقاطعني :- وانا بعد ما ارضى لك المهانه والذل...والطلاق فيه
حط من قدرك يا بنت عمي....لكن اذا تبين ترتاحين (اشر على رقبته ) اذبحيني وفي هذي ما بقول لا
حطيت يدي على فمي عاقل هذا ولا مجنون ما يحبني وروحه متعلقه في غيري ويعترف انه يتألم في كل لحظه لكن بس علشان ما يتراجع في كلمته يفضل الموت على راحته نزلت دمعت الم وحيره وقهر وطلعت وراها انه من الروح
:- انت ليش ما تشوف انه من الجنون استمرارنا مع بعض ....شلون ترضى على نفسك تتزوج وحده غصب عنك وحده ما تبيها وتتمنى غيرها ؟؟
مسح دمعتي اليتيمه ورفع حاجب :- يمكن لاني مجنون ...ويمكن لاني عاقل ...ويمكن لاني مغامر ابي اشوف سحر دمعتك وبسمتك وحنانك وقسوتك وش ممكن يسوي (ابتسم )ويمكن تكونين فاهمه غلط وتشوفين الامور معكوسه
قعد على الكرسي وقال :- انا بصلح لنفسي السندويشات وانتي روحي شوفي شغلك و........ وسيرت الطلاق تراها لمعلوماتك تقصر المده ....بس هالمره بعديها
ما كنت في وعيي كلماته شغلتني وزادت على حيرتي حيره اقلقتني وزعزت استقراري كنت مصره ومستعجله على الطلاق لكن اللحين صرت اتأرجح بين نارين مرات اتمنى الطلاق بسرعه ومرات اتمنى يكون عندي الوقت اللي اسمع منه هو نفسه تفسيره لكلامه
هالافكار كانت هي المسيطره على طول الوقت وما تركتني الا على عتبات بيتنا وهو يقول لي
:- الحمد لله على السلامه (وناظرني كأنه بيقول شي لكنه تراجع )
وانشغلت بعدها مع طلال اللي كان ينطرني عند الباب
مـــــــــــــــــــــاجـــــــــــــــــــد
يمكن خطبت دلال بس تلبيه لغربة الوالده لكن بعد ما رجع تركي من بريطانيا صرت احس اني لازم امتلكها ومحد غيري يطالها ....هو صحيح ان تركي عمره ما قال انه يحبها او حتى يتمناها لكن في الفتره الاخيره من دراسته صار اذا تكلم عن رجعته وعن عروس المستقبل احسه دائما يوصف وداد اذا تكلم عن فتاه احلامه وهالشي خلاني اتعلق فيها رغم انها بنت خالي وقريبه مني مثل ما هي قريبه منه بس شوقه ولهفته خلتني اشوفها بمنظار مختلف وخلاني اوافق امي على طلبها مباشره وكأنها تنفيذ لرغبه مدفونه في نفسي ..... وحتى اتصالي لتركي ما كان علشان اسمع منه كلمة مبروك لا انما علشان اعرفه اني قدرت اسبقه هالمره وانال الي هو يتمناه لكن رده ما شفى غليلي لانه ما اهتم وبارك لي بكل بساطه
....فتناسيت وانشغلت عن وداد ويمكن فقدت رغبتي في الارتباط فيها لكن لمن رد تركي من بريطانيا رجع لي الحماس خاصه ان كنت اشوف في عيونه الم الخساره اللي ما يوضحها فعله او حتى صوته اذا ذكرت وداد قدامه ....واخرها فكرت اني اوريه ان وداد لي وبس وانها حلم مستحيل يطوله فطلبت من ساره صوره لوداد ورقم جوالها وتعمدت ان تركي يعرف هالشي
...لكن رد فعله كان مخالف لتوقعاتي توقته يتألم يعارضني يناقشني انما يسوي اللي سواه واخرتها يجي البيت ويقول لي
:- شوف يا ماجد انا ما سكت عنك الا لاني ما ابي اسوي فضايح ... لكن ان عدتها مره ثانيه صدقني ما تلوم الا نفسك
تكلمت ببرود :- اي فضايح خطيبتي وطلبت صورتها ورقم جوالها وين المشكله
ساعتها ما تحمل مني تركي ومسكني من ثوبي :-الا فيها حط من قدر بنت خالك واهانه لها ودوس على كرامتها ...واذا كنت تشوفها خطيبتك فهذا يعني انك اكثر واحد لازم يحافظ على سمعتها مو يسوي اللي سويته
رديت بتحدي وانا افك نفسي من يده :- وداد حرمتي واسوي معاها اللي ابيه وانت مالك دخل
هالمره مسك ثوبي ووشدني له وقال وهو يخنقني بتشديده على قبضته على الثوب
:- صدقني اذا تجرأت وعدتها ساعتها تحلم انك تنال ضفرها وسواياك بتوصل لخوالك وساعتها
ما حد بيردني عن ذبحك
ابتسمت بسخريه :- اصحى من حلمك ترى وداد لي مو لك وابشرك الليله انا وابوي بنروح نحدد موعد الملكه وان كنت رجال اوقف في وجهي وامنعني
هزته كلمتي لدرجه انه نفض يده عني بقوه ورماني على الارض وقال بلهجه يشوبها شي من الجنون:- وانا احذرك ابعد عن وداد لانك ما تستاهلها ...
ضحكت :- تحذرني ليه وش بتسوي!!!.... بتفضح بنت عمك وسط الرجال وبتقول اني كنت ابي صورتها ورقم جوالها وساعتها فسر لهم كيف اني تجرأت على بنت خالي وطلبت منها هالطلب
..ولا بتقول انك تحبها وتبيها لنفسك
صرخ تركي :- صحيح انك نذل وخسيس لكن لو على ذبحي ما خليتك تتزوجها
وتركني من غير ما يسمع ردي عليه وراح لسيارته ....يمكن اكون هزمته لكني لا زلت خايف منه لانه رجال عند كلمته عمره ما وعد واخلف غير انه رجال لا يستهان به وخفت انه يسوي شي رغم تأكدي اني بكلامي سديت عليه كل السبل ...علشان كذا كنت طول ما حنا في المجلس عند خالي وانا اناظر الباب اخاف ان تركي يدخل في اي لحظه ويخرب على كل شي
وارتحت انه ما ظهر طول الوقت واول ما طلعنا ملاني شعور مختلف الشعور بالنصر وهذا الشي خلاني اتجرأ واتصل عليه لكن جواله كان مغلق فبعثت له رساله
((بارك لي يا تركي تراك خسرت وفزت انا بالدره ))
وعلى الساعه وحده وصلني تقرير باستلام الرساله وبعدها صوت رساله من تركي يقول فيها
((لاتفرح تراك ما ملكتها ...وخسارتك قربت ))
هذا وش جالس يقول ليكون انجن انا خلاص بملك عقب طلال باسبوع او اثين على الاكثر وهذا جالس يهذي حاولت اتصل فيه كان مشغول وبعد عدة محاولات رد على طول قلت له
:- انت وش اللي تهذي به انجنيت ولا وشو؟؟
رد برود :- انت اللي تهذي ولا في حد يبارك لحد على وهم و حلم مستحيل يتحقق
رديت بعصبيه :- انت اللي تحلم ترى ملكتي عليها بالكثير عقب ثلاثه اسابيع
ضحك :- ثلاثه!!! كثيييييييييييير ترى حلمك ما بيطول اكثر من اسبوع
خلاص فلتت اعصابي وما عدت اتحمل :- يعني وش بتسوي خلااااااااص انا خطبتها وتحددت الملكه افهم يا بني ادم
سألني برود :- وانت ليش تبيها؟؟
سحبت نفس ورديت بغرور:- علشان اكسرك ... علشان تعرف اني مثلك واحسن منك بعد وان مو كل اللي تتمناه تقدر تنوله ... علشان تعرف اني اقدر احصل على اللي انت نفسك ما تقدر تحصل عليه
سكت تركي شوي بعدين قال :- شوف ياماجد انا عمري ما قلت اني احسن من حد ...وياريت نلت كل اللي تمنيته .....لكن وداد مستحيل تكون لواحد مثلك ما يعرف قدرها
وموتي ولا ان وداد تكون لك
ضحكت بهستيريه :-وداد ما بتكون الا لي ...وان كنت جبان ما تبي تعترف انك تتمناها وتحبها الااني اقول لك خلاااااااااااص ما عاد لك حق تقول هالكلام وهالمره بيمنعك كونها ملك لغيرك ملك لي (ضحكت ) وهذا سبب اشرف من جبنك
همس بنبره وعيد :-ما الجبان والخسيس الا انت .... وهذا انا اتحداك ترى ملكتها صحيح عقب ثلاثه اسابيع لكن العريس هو انا مو انت
وسكر بوجهي حاولت ادق عليه مره ثانيه لكن ابد قفل جواله وما عاد فتحه الى ان استسلمت
نــــــــــــــــــــــدى
من بدايه اليوم وانا مو مرتاحه وجا عزيز وكمل علي عقب اللي قاله قدام امه طبعا طلع مع اخوه ولا همه الدمار اللي خلفه في نفسي لكن مستحيل اسكت لك يا عزيز ولا تتوقع انك بهالحركه قدرت تنتصر على او تخضعني لا تراك بالعكس زدتني اصرار وعزم على موقفي واللي سمعته بعد كذا بينه وبين اخوه الدكتور علي قهرني وخلاني مو مستحمله الاثنين عزيز
بتسلطه وانانيته وتجاهله لرغبات الاخرين واحاسيسهم ما دام الامر يرضيه واخوه على المغرور اللي شايف نفسه فوق الكل واحسن من الكل ......كنت في المطبخ مع كريشما
اشرف على تجهيز الغدا توني خلصت وكن ناويه اروح لغرفة الطعام القريبه من المطبخ علشان ارتب السفره الا اسمع صوت عزيز واخوه علي ولاني ما كنت لابسه شي يسترني رجعت المطبخ وقلت لكريشما
:-كريشما هاتي لي جلال علشان اعرف اطلع ترى بابا علي هنا
هزت راسها وقالت :- زين ماما بس اول اودي صحون غرفه اكل
وطلعت وانا جلست اسمع اصواتهم الجايه من غرفة الطعام كان عزيز يقول
:- وانت تبي تفهمني اني غلطان لمن اتمنى طفل ثاني !!
رد عليه علي :- الغلط مو انك تنجب طفل ثاني لكن انا اشوف التوقيت غلط
عزيز بسخريه :- حتى هذي يبي لها توقيت ؟
تأفف علي :- طيب انت كونك رجل مشغول وما تجلس مع عيلتك كثير ما تحس باللي اقوله لكن زوجتك كيف وافقتك ؟؟
عزيز :- زوجتي شورها من شوري وما تطلع من طوعي هذي كل السالفه
علي :- ولو اعتراض الزوجه او انها تتناقش مع زوجها ما يعني انها طلعت من شوره
دخلت خالتي ام عبد العزيز اللي قالت :- علامكم صوتكم واصل لاخر البيت ؟
رد عزيز:- ابد بس علي يبي يقنعني ااجل فكره الانجاب اللحين
ردت خالتي على ولدها علي :- اترك اخوك في حاله ...والتفت لحالك طيعني وانا من بكره اخطب لك بنت عمك .....
قاطعها علي :- الله يهداك يا يمه انا حتى لو ابي اخطب ما باخذ وحده جاهله وغير مثقفه انا ابي وحده دارسه وفاهمه
خالتي :- ومن قال ان بنات عمك مو دارسات !! تراهم اخلاق وزين وعلم مثلهم مثل حرمة اخوك
تدخل عزيز :- اسمع كلام الوالده وصدقني بترتاح
علي بسخريه :- اي ارتاح !! اذا مثل حرمتك انا ما ابيها
تنرفز عزيز :- ليش وش فيها حرمتي ؟؟
علي برود :- وحده وش اقول جاهله فهمها على قدها تفكيرها تفكيرحريم قبل ...اجل في وحده في هالزمن تقبل تنجب على طفل صغير وما تراعي انه يحتاج اهتمام ورعايه وحسن تربيه ...يا اخي اذا جابت عيال على بعض وين تلقى الوقت لكل ذا .... انا تبيني اتزوج وحده تفكيرها ما هداها على الاقل انها لسى طالعه من تجربه حمل وولاده متعبه وانها لازم ترتاح وتستمتع بامومتها على ما تفكر تنجب واحد ثاني ....لا انا اذا بخطب بخطب لي وحده مستواها التعليمي والفكري ارفع وارقى من كذا بكثير
هه يعني الاخ على باله هو الوحيد المتعلم الفاهم والواعي وهو اساسا ما يشوف ابعد من انفه ولا من وين حكم اني جاهله و..........حسبي الله عليك يا عزيز اللي خليت واحد مغرور وشايف حاله مثل اخوك يتكلم على سمعت خالتي تتكلم بس ما فهمت وش تقول لان كريشما جت ومعها جلالي والبرقع لاني اتغطى عن اخوان عزيز لبستهم ودخلت وسلمت عليهم وقبل ما اطلع للصاله نادتني خالت ام عبد العزيز
:- تعالي يا ندى سمعي علي وش يقول (والتفتت لولدها ) عيد اللي كنت تقوله
رفع حاجب وقال :- ما قلت شي غير انك اذا كنتي مصره تخطبين لي انا ما ابي من العيله انا
يا ام علي ودي تخطبين لي زميلتي الدكتوره اسيل ...وش قلتين ؟؟يا هذي يا ما في خطبه
خالتي لوت فمها :- سمعتي يا بنتي عايف بنات عمه علشان وحده تشتغل مع رجال
ابتسمت اساسا افتكوا بنات عمه والله من هي اللي بتتحمل هالكم من الصلافه والغرور
الا وحده زيه ...وهو اللي بيندم والله بنات عمه ما ينعافون جمال واخلاق وعلم مثل ما حضرته يبي قطع افكاري صوته
:- يمه هي صحيح تشتغل مع رجال بس محافظه على نفسها وعلاقتها بزملائها في حدود العمل يعني ما اخطت واذنبت وثانيا لو ما في طبيبات حريم ما كنت انتي نفسك رضيتي تتعالجين
هزت راسها بعدم اقتناع :- انا ما قلت ان بها عيب بس حنا عوايدنا ما تسمح ان الوحده تشتغل في مكان كله رجاجيل تراه عيب ومنقود عندنا ...انت ما تشوف الحريم عندنا اللي تشتغل تلقاها في مدرسه ولا مكان ما به اختلاط ... اسمعني يا وليدي والله ان بنات عمك اصلح لك ...
تدخل عزيز :- انا اقول يمه اخطبي له اللي يبيها واهم شي انها ملتزمه بحجابها ودينها
وهو يشتغل معها واعرف باخلاقها
ايه بالنسبه لك يا عزيز اهم شي طلبات الرجل تجاب سواء كانت صح او خطأ واللحين جاي تفكر بمنطقيه ولمن طلبت انا اني اشتغل رفضت وتحججت بالبيت ومسؤلياته يعني المدرسه تنشغل عن عيالها وبيتها وزوجها والطبيبه تقدر توفق بينهم
ما ردت عليه عمتي وسألت علي :- وطبيبه وشو بعد اطفال ولا نساء؟؟
ابتسم علي :- يعني الحرمه ما تتخصص الا في ههالمجالين ؟.....لا هذي طبيبه عظام
خالتي بدهشه :- عظاااااام !! يعني تكشف على رجال (هزت راسها بعنف )لا لا ما تصلح لك دور لك على غيرها
عبس علي ومسك يد امه وباسها :- على راحتك يا ام علي الشور شورك والراي رايك ...ولو ان قلبي ما يبيها الا هي وغيرها لا ...يعني اذا قلتي ما اتزوجها اقول لك على راسي لكن تقولين لي تزوج غيرها اقولك لك سامحيني ما اقدر قلبي ما يسمح لي
طبعا كلهم يعرفون نقطه ضعف امهم... يتمسكنون ويحسسونها انها كاسره بخاطرهم وانها بتحرمهم من امانيهم و وفرحتهم فعلى طول تخضع لهم وتنفذ رغباتهم
ناظرتني وقالت :- تظنين يا ندى ان العرب ما بتتكلم علينا و........
كسرت خاطري وعلشان اطمنها قلت :- محد راح يتكلم ترى علي رجال كبير وفاهم والرجال الحرمه تنسب له مو هو اللي ينسب للحرمه ...ويا خالتي اذا البنت اصلها طيب وعلى خلق ودين فما اظن يعيبها شي والمهم انه يرتاح لها (وكملت اقصد علي ) وعلي دكتور ما تناسبه الا وحده مثقفه ومتعلمه وفاهمه تناقشه وتحاوره وتكون ند له في الفكر
اظن انه حس اني سمعت الكلام اللي قاله عني وفهم الرساله اللي كنت قاصده اوصلها له لانه رغم غروره ما انكر حدة ذكائه وفعلا ما ضيع فرصه وقال
:- سمعتي يمه هذي حرمة اخوي فهمتني والله انها مثل ما يقول عزيز حرمه عاقل شورها ما يطلع عن شور الرجال
قهرني رده كان يقهر يعني يبي يوصل لي اني ما افهم واني ما قلت كذا الا لاني بكل بساطه تعودت ان ما يكون لي راي واني مثل الماشيه وين ما يأشر لها الراعي راحت وراه طبعا سكت وما رديت لاني اذا رديت بيتطور الموضوع وراح افرغ كل حرتي فيه وفي اخوه اللي قاعد جنبه وعلشان ما انغث اكثر انسحبت بحجة اني بروح اطل على فراس .............
وفي نفسي اتوعد عزيز اني ما بعديها له لكن اول ما وصلنا البيت عقب ما تعشينا عند خالتي انشغلت بوداد اللي دقت علي وهي تصيح تقول ان ماجد الليله بيجي مع ابوه علشان يحددون ملكتها ....في البدايه ما فهمت ليش هي زعلانه كذا وش الامر الغريب في ان ماجد يخطبها
..لكن اول ما حكت لي عن اللي سواه هو و اخته ساره انا نفسي اشتعلت النيران بقلبي ....واللي ضايقني انها صارت تصيح بقوه ما ابيه ما ابيه ....وطبعا كان من الصعوبه اني اهديها خاصه اني بعيده عنها وما اطالها فاول ما سكرت اتصلت على طلال بحكم قربه منا وقلت له يروح يطل على وداد ويطمني عليها وكل اللي قلته انه تصيح بسبب التوتر من مسأله قرب ملكتها
....لكن طلال شغله اكيد شي ثاني لانه ما عاد اتصل فيني وساعتها ما نمت الا لمن وافق عزيز انه بكره يوديني الرياض ..........
انتهى البارت
اعذب و ارق التحايا
-
رد: رواية أطياف الغرام / الكاتبة : معاميريا ; كاملة
((الجزء السابع عشر ))
(ربح الخساره )
ادري العنوان غريب لكن هذا واقع مو كل احلامنا اذا حققناها راح نكون سعداء بتحقيقها
لسبب بسيط اننا في احلامنا تناسينا او استبعدنا ان ربحنا للمعارك اللي نخوضها قد نخسر في الطريق للربح الكثير فلا يعود للربح معنى
او ان يتحقق الربح لكنه مقرون بخساره فيكون ربح مؤلم
او ان الربح نفسه يكون هو الخساره
علــــــــــــــيــــــــــــاء
اليومين اللي طافوالبيت كان في حاله قلق والجو مشحون بالتوتر والحديث الشفوي بينا ثقيل ومختصر والاعجب ان رغم قلت الكلامات لكن حوار العيون كان ما يتوقف كان على اوجه
عيون وداد كانت تشتكي من الم حاد كانت تقول لطلال تكفى اوقف جنبي ساعدني وطبعا الكل عارف عقب موجة البكاء في ليله ردتي من البحرين واللي تجددت في اليوم الثاني او بالاصح استمرت وسلبتها قوتها وادخلت على صوتها بحه من انهاكها لاحبالها الصوتيه انها ما تبي ماجد .....وش الاسباب ؟!!!! هذا شي ان كان في احد يعرفه غير طلال اللي طول معاها على ما هدأها فهو ندى
وعيون ندى اللي تقول لوداد قلبي وياش ولطلال تقول فديته الحنون الله يعينك
هذا غير النظرات السرحانه والتنهدات اللي تقول ان ندى فيها شي بس مو حابه احد يعرفه
وعيون خالتي ام طلال اللي ملت من سؤال ما لقت له اي نوع من الاجابات المريحه ومات السؤال على شفايفها لكن عيونها ما توقفت في محاوله لمعرفه الاجابه
وش فيكم ليش يا وداد ما تبين ولد عمتك ؟.....وش اللي متعبك يا ندى؟... ولا تقولين ما في شي ....طلال المفروض تفرح ليه شكلك مهموم؟....وحتى انا سألتني ولا زالت تسألني بعيونها
وش بك ؟ صار عليك شي في البحرين ضايقك ؟
وعيون طلال اللي تطالب ندى بالمساعده...وتقول لوداد صبري وان شاء الله بتفرج لكن في نفس الوقت تحس بحيرته شلون بيقدر يحل الامور.....وتقول لامه تطمني ما في الا كل خير.....وتوجه العتب واللوم لي عتاب حاد ما قادره اتحمله عقب ما صارحته برغبتي في الطلاق من خالد ...حاول يقنعني بعدم معقوليه ومنطقية طلبي وزعل من قلب لاني في نظره غلطت غلطة اكبر من غلطه خالد الي فرض امور من غير ما يعرف حقيقتها بينما انا ارتكبت خطأ فادح لاني عميت عن الحقيقه المطروحه قدامي لاني كنت انتظر اعتذار بلا معنى ... وكل اللي قدر عليه انه يقنعني اني ااجل موضوع الطلاق الى ان تتم ملكته وينتهي موضوع وداد على خير ...طبعا هو فرح بموافقتي على اساس اعيد التفكير واغير راييي ....لكن بالنسبه لي هيهات اغير رايي وانا بنفسي بكلم ابوي عقب ملكة طلال وانتهاء موضوع وداد
على الساعه تسع الصبح كنا قاعدين كلنا في الصاله طبعا ما عدا ابوي وطلال اللي في الشركه وفيصل اللي سهر لصبح على البليس تيشن والحوار معدوم بينا الى ان قطع حدة الصمت صوت خالتي ام طلال تقول لنا
:- ام خالد اتصلت تذكرنا بعزومه امها لنا اليوم على الغدا
ما تلقت اي نوع من الرد فقالت :- جهزوا حالكم عقب صلاة الظهر اما خالد او تركي بيمرنا علشان يودينا بيت ام عبد الملك
تبادلت ندى النظرات مع وداد وبعدها قالت :- يمه انا ما قلت لعبد العزيز و وداد تعبانه ما اظن تروح معكم فأنا بجلس معها وانتوا روحوا
قالت سعاد بتضرع لخالتي :- بصراحه انا استحي اروح بيتهم ما ني متعوده عليهم ولا اعرفهم كويس (وغمزت ) غير ان العزومه مهي لي
قبل ما خالتي انفتح باب الصاله وسمعنا صوت عمتي تقول :- يا هل البيت وينكم ؟
توجهت لها خالتي ام طلال ترحب فيها
لفت نظري ان وداد اللي ارتعشت اول ما سمعت صوت عمتي بعدها وقفت بسرعه وراحت فوق
دخلت عمتي وسلمنا عليها وبطبيعة الحال سلمنا على ساره اللي كانت واقفه وراها جلست عمتي اما ساره قلعت عباتها وهي تسأل
:- إلا وينها وداد؟؟
استغربت لمن ردت عليها ندى :- نايمه بغرفتها تعبانه ولا تقدر تقابل احد
ردت ساره وهي تجلس جنبي :- عسى ما شر وش فيها ؟؟
ندى وكأنها مو طايقه ترد على ساره :- ابدا شويه ارهاق وصداع اذا ارتاحت بيروح
ابتسمت ساره وطالعتني بنظره غريبه :- مو مشكله اذا ما شفتها اللحين اشوفها بعدين
...خاصه ان امي جايه اليوم ودها تتغدى عندكم تقول واحشينها
بانت الدهشه والضيق على ندى وردت خالتي ام طلال
:-حياكم الله في اي وقت ترى البيت بيتكم
ابتسمت ساره لخالتي :- تسلمين يا خالتي (ولفت لي ) الا يا عليا متى عزومتكم عند ام عبد الملك ؟
حسيت من رفعت حاجبها انها عارفه الرد وان توقيت زيارتهم مو جاي عبث لكني رديت بكل هدوء :- ما ادري الخبر عند خالتي ام طلال
سمعتنا خالتي وردت :- والله من شوي دقت ام خالد تقول ان عزومتهم اليوم و..............
قبل ما تكمل قاطعتها عمتي :- وخزياه يعني حنا بجيتنا خربنا عليكم (ووجهت كلامها لبنتها )ساره دقي على السواق يرجعنا البيت
حلفت خالتي:- لا والله ما تطلعون من هنا الا متغدين ....واذا على ام خالد وام عبد الملك محلوله (نادت سعاد ) سعاد هاتي التلفون ودقي لي على خالتك ام خالد
قامت سعاد وعطت امها السماعه عقب ما دقت على بيت عمي :- هذا هو يرن
اخذت خالتي السماعه :- السلام عليكم ....وين ماما ام خالد ؟؟
:-.................................
ام طلال :- زين قولي لها ام طلال تبيك
ام طلال :- هلا بوخيتي السلام عليكم
ام خالد :-..................
ام طلال :- عاد سامحيني يا ام خالد ماني عارفه وش اقول لك بس اعتذري لي من امك...كان خاطري اشوفها بس اليوم مانقدر نجيكم
ام خالد :- .......................
ام طلال :- لا شر ولا ضر بس اليوم جاييني خطار وحلفت عليهم يتغدون معنا
ام خالد :-........................
ام طلال :- والله البنيات ما اظن يجون لان وداد تعبانه وندى ما خبرت زوجها وسعاد تقول تدرين عنها تستحي تقابل الناس خاصه انها مو معتاده عليكم وعليا ما اظنها تروح لحالها
ام خالد :-...........................
ام طلال :- ادري بس ما اظن ابو طلال يرضى غير انها تستحي و.............
ام خالد:- ................................
ام طلال :- بس يا اختي ...........
ام خالد :-........................
ام طلال :- زين اجل هذا انا استنى
سكرت خالتي التلفون وقالت لعمتي :- خلاص ما لك عذر وطلعه من هنا قبل ما تتغدين معنا ما في
طالعتني ساره وعلى وجهها علامات السرور :- لا تزعلين يا عليا خيرها في غيرها (وطالعتني بوقاحه ) واظن كفايه الايام اللي قضيتيها معاه في البحرين
نرفزتني نضرتها :- لا تحاتين ماني زعلانه ....وثانيا العزومه عزومة حريم يعني زياره البحرين ما لها دخل
تنهدت وقالت بوقاحه :- يا عيني ادري انها عزومة حريم بس الامر ما يخلى من نظرات وحركات تحيي الايام اللي قضيتوها هناك
كنت بصرخ في وجهها بلا قلت حيا واحترمي نفسك ترى مو كل الناس مثلك لكني بصعوبه سيطرت على نفسي ورديت علشان اقهرها وبصوت واطي علشان الباقي ما يسمعون
:- شي طبيعي بين كل زوجين (تنهدت)والصراحه خالد اثبت لي انه رومنسي وبكل جداره
خزتني بعيونها وكأنها تبي تذبحني :-اكيد رجال وبيشوف وحده راميه روحها عليه بيسوي كذا واكثر بعد
كان ودي اخنقها لكني تصنعت الدهشهوقلت عقب ما شهقت :- سااااره جنيتي !!! كل السالفه ان كلماته ونظراته تذوووووووووووب ااااااه يا ساره عيونه اذا طالعني ولا كلامه اللي يخلي قلبي يرجف مثل العصفور المبلول ....ولا حرارة كفه اذا صافحني .....(طالعتها ما ابي يفوتني رد فعلها ) الصراحه اعذرش يوم انش تكذبين وتحطين نفسش في موقف مذل يوم ملكتنا
توقعت كل سي الا انها تمد يدها علي وتسطرني حطيت يدي على خدي وصحت اااااه
وقفت ساره وكانت بتطلع لكن عمتي مسكتها وسألتها
:- وش عندك مع بنت خالك ؟؟
خفت من هالسؤال لاني متأكده ان ساره راح تكذب لكنها سكتت ما عرفت ترد فسألتني خالتي ام طلال وهي تشوف سعاد ترفع يدي عن خدي المحمر وضمني لصدرها وندى المذهوله من الموقف كله :- وش صاير يا عليا ؟؟
قررت ان ارد لساره الصفعه بس بطريقتي وقلت وانا امسح دمعتي وابعد نفسي من حضن سعاد :-ابد يا خالتي بس كنت اسأل ساره ليش رفضت خالد لمن تقدم لها ؟؟
عقدت ندى حواجبها وقالت لي :- من قال هالكلام !! وخالد اساسا ما خطبها و..........
قاطعتها :- هي اللي قالت لي بنفسها يوم ملكتي ...واذكر انها وصتني عليه بعد
ساره هاجت :- تكذب انا عمري ما قلت هالكلام
رفعت حاجب وقربت منها :- عجل ليش مديتين ايدش عليي؟؟؟؟
الظاهر ان الموقف كان اقوى منها ولا كانت ابتكرت اي كذبه وقلبت السالفه علي لكنها راحت لحضن امها وبكت بقوه وهي تقول
:- شفتي وش سوت فيني بنت اخوك ؟؟ تكذب علي وتهيني بس خلاص ما لنا جلسه هنا
مسكتها امها من كتفها وقالت لخالتي
:- ما هقيتها منك يا ام طلال تنهان بنتي في بيتك وتسكتين !!!!
حست اني احرجت خالتي لكني استغربت لمن قالت :- تعرفيني يا ام ماجد ما ارضى بالاهانات ...وانا اللي ما هقيتها منك تشوفين بتنك تمد يدها على بنت خالها وفي بيت ابوها وما تردينها
....وعليا ما غلطت وكل اللي سوته انها ردت على سؤالنا
عمتي ما عجبها طبعا رد خالتي فمسكت بنتها وقالت :-هذا حق الضيافه يا ام طلال؟؟؟
اللي ما توقعته رد ندى :- والله لو ما حق الضيافه يا عمه كان امي ردت الصفعه صفعتين
...لكن الضيف ما ينهان وان هان غيره
ردت خالتي على ندى بحده :- ندى خذي خواتك وروحوا فوق..(بعدها لفت لعمتي ) حقك محفوظ يا ام ماجد وانتي راعيه بيت ومثل ما ساره بنتك هم بنات اخوك بناتك وهذولا بعدهم صغار ما يعرفون كيف يتصرفون وحق علي وامسحيها في وجهي و.........
قاطعتها عمتي :- والله لو ما اخوي وغلاته كنت طلعت وما عتبت باب بيتكم لكن هذا انا اقول اذا تبيني اجلس عندك عليا ما ابي اشوفها
وصلنا فوق واخر ما وصلني رد خالتي ام طلال تقول :- ولا يهمك عليا ما راح تشوفيها طول اليوم
خــــــــــــــــــــالــــــــــــــــــــد
صار لي يومين من رديت من البحرين وكنت متوقع اني اذا وصلت برتاح شوي واني اذا شفت طلال بيخف شي من الهم اللي على كتفي لكني لاول مره ما عرفت افضفض لطلال او اقول له عن اللي في قلبي ....وبدل ما اسمع منه اللي يسر وينسيني اللي انا فيه لقيته مهموم ومشغول البال.....وما اقل لي الا بعد جهد ومحاولات مستميته اخرتها قال لي عن وداد اللي من عرفت عن جيت ماجد وابوه وهي تبكي وكل اللي تقوله انها ما تبي ماجد ولمن سألته عن السبب قال لي وبكل غموض اسأل تركي ...ما فهمت وش دخل تركي في الموضوع لكن طلال قال لي بنوع من العصبيه
:- اخوك يعرف كل شي وقوله يوم انه تصرف في الاولى ليه ما تصرف في الثانيه (ومسك راسه بقوه ) لو قالي من الاول ما كان صار هذا كله وكن انهيت الموضوع من اوله
حطيت يدي على كتفه :- طيب قول لي يمكن اقدر اساعدك
رفع راسه وعينه حمرا :- قلت لك اسأل تركي وهو يقول لك وساعتها بنشوف كيف تنحل
(ابتسم على جنب ) الا بتنحل بس اهم شي تركي يكون معي واللحين روح بيتكم ارتاح وانا بعد بروح انام
ابتسمت في وجهه:- يعني تطردني !!
ابتسم :- يا اخي اي اطردك انت بس شوف حالك شوي واتنام وانت واقف
سلمت عليه وطلعت للبيت وانصدمت هناك بتركي اللي جالس في الصاله واللمبات مطفيه نورت الصاله وجيت جنبه
:- وش بك ليه متضايق ؟؟
رفع راسه مدهوش :- خالد!! متى جيت مو المفروض انك توصل بكره ؟؟
ابتسمت :- والله لو ما عمي امني على بنته كنت لقيتني عنك من المغرب .... والمهم اني هنا جيتك بس علشان اعرف وش اللي مضايقك (حطيت يدي على كتفه ) ها قول وش اللي متعبك ومن اللي متعبك ؟؟
سكت لكن بعدها قال :- وش تسوي اذا كنت تحب وحده وتبيها لكن سبقك عليها اعز الناس لك ...وقبل ما يملكها عرفت انه ما يستحقها الا ما يستاهل تراب رجليها
سحبت نفس بقوه :- قبل ما اسألك من هي البنت ومن هو الرجال بسألك هي تبيه ؟؟
التفت لي وعلامات الهم واضحه في عيونه :- مو هذا اللي ذابحني اني ما ني بعارف اذا هي تبيه او لا والمصيبه اني انحطيت ونزلت لمستواه وتحديته وانا متناسي لمشاعرها وقلت له اني بتزوجها وما بتكون له ولو على موتي
هالمره جلست على الطاوله اللي عند الكنبه علشان اكون قباله :-لذي الدرجه تحبها ؟
مسح وججه بايده ورد علي بحزن :- وارخص روحي علشانها
انحنيت في اتجاهه:- تركي من هي البنت ومن هو الرجل وليه حكت انه ما يستاهلها
ضرب ذقنه بقبضته :- مو وقت الاسماء بس وش تقول عن واحد يبعث اخته للبنت اللي خطبها يبي منها صورتها ورقم جوالها علشان يتعرف عليها قبل الملكه
عقدت حواجبي :- والله انه رجال ما فيه مروه ....يعني ما يقدر يستنى الى ان يملك وبعدها ياخذ اللي يبيه ومن البنت نفسها ...واخته كيف طاعت اخوها و.......
ابتسم طلال بسخريه :- وازيدك من الشعر بيت تراه ما اكتفى بكذا لا ...الا جاني بنفسه وقال عن سواد وجهه وبكل غرور قال لي استنى كلها دقايق والرقم بيكون في يدي ...(ضرب فخذه بقوه) والله ثم والله لو ما خوفي من اني افضحها كنت دفنته مكان ما كان واقف...وكل اللي قدرت عليه اني اهدده انه يبعد عنها ولا يقرب منها لكنه بكل برود خبرني انه بيحدد يوم الملكه
وبعث لي يذبحني يبيني ابارك له انه خلاص بيملكها(مرريده على شعره ومسكه بقوه ) وتخيل يبيها بس علشان يكسرني بس علشان يبعدها عني هذا جزا الصداقه يدري اني احبها ويقوم يحرمني منها
ما ادري ليش حسيت انه يجاوب على سؤالي لطلال فقلت له :- علشان كذا تركي زعلان منك
رفع راسه مستغرب :- تركي؟؟زعلان مني ليه ؟؟
فركت جبيني :-يقول لو انك قلت له عن اللي سواه ماجد بوداد من الاول كان وقفه عند حده وهان عليه انه يوقف هالخطبه من اولها وتراه يقول لك مثل ما تصرفت في الاولة يبيك معاه
علشان تتصرفون في الثانيه
تركي وكانه ما فهم كلامي :- وتركي وش دراه ؟ ومن اللي قال له ؟
ابتسمت :- اللي بكت طول اليوم ما تبي ماجد لانه ما صانها وهانها وهي بنت خاله
تركي وعلامات السرور بدت تغزو ملامحه :- يعني وداد ما تبيه و........(تحولت ملامحه للحزن فجأة ) وحتى لو ما تبيه وقدرنا نمنعه لكن تعتقد اني استحقها و انها تبيني و........
مسكته من كتوفه :- انا اقول انه من حقك تطلبها وما اظن انها تردك وعقب اللي سويته تراك تستاهلها واذا على التحدي(ضربت صدره ) تراه قلبك اللي تكلم بعد ما هيجته الغيره والمره علشان هذي تصفح وتسامح ....وقبل ما تنام طلال يبيك بكره في مكتبه
ما عرفت وش اللي صار بين الاثنين وكل اللي اعرفه انهم اليوم بيقابلون ماجد وطبعا ما عرفت وش صار بينهم لان امي اتصلت تخبرني ان اليوم الغدا عند جدتي وانها وخواتي بيروحون مع سلطان وكلفتني امر بيت عمي علشان اخذ معي بنات عمي وخالتي ام طلال لكنها قبل صلاة الظهر بشوي اتصلت تقول
:- خالد يا عمري لا تنسى تمر على عليا عقب الصلاة
رديت عليها وانا مشغول بشويه وراق قدامي :- ان شاء الله بس خليهم يجهزون حالهم من بدري لاني عقب الصلاة مباشره بمرهم
سمعتها كانها تكلم احد حولها بعدها رجعت قالت لي :- انا اللحين مشغوله ...دق انت على حرمتك وخلها تجهز حالها وقول لها تبلغ خالتك ام طلال ان عمك موافق انها تجي عند جدتك لحالها
لحالها!! رفعت راسي عن الاوراق بحده :- لحالها !!والباقيات و..........
ضحكت امي :- وش فيك يا امك هذا بدل ما تستانس انك بتكون معها لحالك ؟
ابتسمت على تفكير امي اااااااااه لو تدرين بس :- لا بس استغربت مو العزومه لبيت عمي كيف تقولين اللحين انها لحالها ؟
ردت امي :- ابد يا وليدي بس خالتك ام طلال جوها خطار وحلفت عليهم يتغدون عندها والبنات لهم ظروفهم وعاد انا ما رضيت ان عليا ما تجي تراك تعرف امي اذا ما جت عليا بتزعل ويكفي انها ما قدرت تحضر ملكتك (انشغلت تكلم احد حولها بعدها قالت لي ) اسمع يا خالد
هذي جدتك توصيك ما تتأخر ....اخليك في حفظ الله
سكرت وانا حالي مقلوب ما ابي اكون معاها لحالي لكني رجعت واستسغت الفكره بالعكس كذا احسن وهالعزومه وتواجدها لحالها من غير خواتها او خالتي بيرجح كفتي ....فكرت اكتب لها مسج لكني تراجعت ودقيت عليها رفعت السماعه وجاني صوتها
:- نعم ؟
رديت بنفس برودها :- السلام عليكم
ردت :- وعليكم السلام ....امر اخوي بغيت شي ؟؟
استفزتني كلمة اخوي :- اولا انا زوجك مو اخوك يعني المفروض تنقين كلمه غير هذي
احس اني بديت اطلعها من برودها لانها قالت :- وش يعني اقول امر عمي او ........
قاطعتها :- تقولين امر حبيبي امر عمري امر قلبي امر يا حياتي امر يا .....
خلااااااص فعلا قدرت استفزها واطلها من طورها لانها قالت :- لا ياعيوني لا تحلم وتبي تقول قول ما تبي على راحتك
ضحكت عليها وقلت اغيضها :- ما عليه عيوني بعد مقبوله ...المهم جهزي حالك بعد الصلاه بمرك نروح عند جدتي وخبري خالتي ام طلال ان عمي موافق
سكرت من غير ما اسمع ردها وبعد الصلاه رحت بيتهم وكنت خايف لا انها تنقعني برى علشان كذا تعمدت ادق على خالتي اخبرها بوصولي واني استنى عند البابوكلها خمس دقايق الا عليا عند السياره مدت يدها على الباب اللي ورى وكنت مسكره فتحت لها الباب اللي قدام وقلت
:- تعالي قدام ترى ماني بسواقك
تأففت وركبت قدام وطول القوت ما نطقت بكلمه ولمن قربنا نوصل قلت لها
:-ما ابي احد من اهلي يحس ان بينا شي
ناظرتني بعد ما رفت الغطا عن عيونها :- والمطلوب ؟؟
قربت وجهي من وجهها وهمست :- تجي على نفسك مثل ما بجي على نفسي وتحسسينهم انك عايشه احلى ايامك
بعدت حالها ولصقت في الباب :-دامك بعيد عني فما في مشكله
ابتسمت :- مو هنا المشكله اني بعد الغدا متعود اجلس مع جدتي شوي واكيد تبي تشوفنا مع بعض
بلعت ريقها وقالت بصوت حاولت انه يكون هادئ :- وش قصدك تبيني اجلس جنبك وامثل دور المغرمه الهيمانه
وصلت بيت جدتي وقفت السياره عند باب الصاله وقلت :- عليك نور بس بحدود (توها بتصرخ لكني حطيت يدي على فمها من ورى النقابورفعت يدي بسرعه وكان كهربا لسعتني )وصلنا ادخلي وانا بروح اوقف السياره في الكراج وبجي اسلم
تحول غضبها الى ارتباك :- بس انا اول مره اجي هني واستحي ادخل بروحي (ناظرتني برجا ) بدخل وياك
تنهدت :-بس الكراج بعيد عن هنا والشمس هالوقت حاره و
ردت :- ما عليه انا بنطرك عند الباب
احتديت :- عند الباب لا بعدين خالي ولا واحد من عيال خالاتي يشوفونك واقفه هنا وساعتها ما بيتركوك في حالك
مسكت يدي :- زين وش اسوي والله استحي انزل بروحي تدري بروح وياك و...
ما ادري ليش حست لمستها بعثت نيران في جسمي ورغم كذا مسكت يدها الناعمه برقه وقلت لها :- ولا يهمك اللحين العنود تجيك وتدخلين معاها
حاولت تسحب يدها لكني شددت مسكتي وابتسمت لها :- لامفر انتي لي وبكل الطرق (فتحت كفها واشرت على باطنه ) تعرفين وش تعني البوسه هنا ؟؟
ما ردت واحمرار خدوها ومحاولتها الضعيفه في انها تسترد يدها اعلنت عن حياها الشديد وهمست لقلبي لك تأثير عليها يعني لك امل في انك تخليها تتراجع عن فكرة الطلاق المجنونه
رديت عليها :- تعني احبك وانا ملكك ( رفعت يدها مره ثانيه وبست ظهر كفها ) وصدقيني اذا حاولتين تفهميني وتكرمتين و وهبتيني قلبك ساعتها قلبي وعيوني قبل ما اقبل باطن كفك بيصرخون بحبك
سحبت يدها على استحياء :- اخاف اذا ملكتك قلبي اكون ساعتها دست على كرامتي ومكنتك من ذبحي بالاهانات
ابتسمت وقبل ما ارد عليها ردت العنود على جوالها وامرتها تجي تدخل عليا سكرت من العنود ولفيت على عليا :- واذا قلت لك انك على خطأ ؟وان اللي صار سببه ثورت قلب عطشاااااااااااااااااان واذا ارتوى مستحيل يقسو او يهين لانه بكل بساطه بيكون عبد للي يرويه ؟؟
ردت وفي عيونها حيره اكبر من انها تخفيها :- عطشان لشنو ؟وارويه بشنو ؟
ابتسمت لها ورفعت حاجب وانا اشوف العنود قربت من السياره :- هذا اللي لازم تعرفيه لحالك
فتحت العنود الباب لعليا واول ما نزلت من السياره ضمتها وهي ترحب فيها فتحت دريشه السياره وقلت للعنود :- كفايه لم وضم ترى هذي حقوق ناس
ضحكت العنود :- لا تخاف ما راح تخلص وحقك محفوظ
دفتهاعليا وقالت لها شي ما سمعته ......وقفت السياره في الكراج وبالي مشغول فيها يا ترى كلامي اثر عليها ولا زي عدمه ...والتساؤل الاكبر اللي تردد في راسي معقوله قلت لها هالكلام بس علشان تتراجع عن الطلاق ؟؟؟...............
دخلت اسلم على جدتي وخالاتي لكن للاسف ما قدرت اكلم عليا لان خالي عبد الملك كان موجود
وطلعت معه للمجلس وعقب الغدى جلست معهم شوي وبعدها طلعت من عندهم علشان اجلس مع جدتي دخلت لقيتهم كلهم موجودات امي وخالاتي وخواتي والاهم عليا اللي جالسه جنب جدتي سلمت وقربت من جدتي بست راسها وجلست جنبها وسألتها
:- الا ما قلتيلي يمه وش رايك في حرمتي ؟
تبسمت :- هذا هو رايي ما تغير الا انت وش رايك ؟
غمزت لها :- وانا لي راي من بعد رايك يا يمه
مسكت يدي وقالت وهي تهمس في اذني :- يعني قدرت تنسيك سويره ؟؟
تفاجأت بسؤالها وما كنت عارف كيف ارد عليها لكنب توعيت انلو ما جدتي قالت اسمها م كنت تذكرتها فقلت :- واللي تحصل له بنت يوسف يفكر في غيرها
عادت سؤالها :- متأكد يعني سفرت البحرين ما جت بلاش
ضحكت عليها :- الله يهداك يمه سفرت البحرين قضيتها في الشغل (ومسكت يدها وبستها ) وتطمني ترى هذيك الله يستر عليها انا كنت ابيها لانها بنت عمتي .....لكن اللي جنبك فوق انها بنت عمي لكنها ساحره مثل ما قلتي عليها يمه زين وجمال ولا العيون والشفايف (غمزت ) تذبح يمه تذبح
وفعلا كلامي جاب مفعوله لان جدتي ضربتني على كتفي وقالت :- استحي يا ولد كل هذا وانت بعد ما تدخل عليها ....ولا تقول هالكلام قدامي بعد ؟؟
ضميتها وبست راسها :- وش اسوي يمعه مو قلت لك ساحره
دفتني وقالتهالمره بصوت مرتفع :- زين ما تبي تتقهوى علشان تروح
ابتسمت لها وكملت كلامي وهالمره الكل يسمعنا :-افاااااا يمه مليتي مني
التفتت لعليا وقالت لها :- يمه قهوي رجلك
وقفت عليا وجابت لي صحن الحلا مسكته وقبل ما تبعد سحبتها وجلستها جنبي وطبعا هي ساعتها قلب وجهها احمر من الحيا لكني ما رحمتها وهمست في اذونها
:- كذا تضيفين رجلك ؟....(طبعا ما ردت فواصلت ) المفروض تجلسين جنبي وتأكليني
حمر وججهها زود وكانت بتقوم لو ما اني مسكتها وجدتي لاحضت فقالت
:- انت وش قلت للبنت حسبي الله على عدوينك ؟
غمزت لجدتي :- يعني وش يقول الرجال لحرمته
عليا ذابت في ثيابها وجدتي قالت :- عليا صبي لرجلك قهوه (التفتت لي ) وانت اقول احسن لك تعرس بسرعه
ضحكت وقلت لها :- كأنك بقلبي تصدقين اني معزم يوم ملكت العنود اكلم عمي واحدد موعد العرس (ناظرت عليا وانا اخذ منها فنجال القهوه ) وش رايكم اخليه عقب شهرين ؟؟
خالاتي عجبهم الوضع والعنود ونجود اعترضوا
:- لا ما يمديها تجهز حالها غير ان الدراسه بتكون ابتدت
هزيت راس ي علامه لا وقلت :- انا سألت امي وجدتي ما سألتكم
امي قالت بهدوء :- انا اقول اجلها شوي خليها في اجازه نص السنه علشان يكون عندها وقت تجهز حالها وما تشغلها دراسه ومنها تسافرون لكم اسبوعين عسل
لفيت على جدتي وانتي يمه :- والله كلام امك صحيح ...مع اني ابي افرح بك ليوم قبل بكره
ناظرت عليا وقلت :- اذا على الدراسه فالعرس ما بيمنعها من الدراسه ...واذا على شهر العسل أاجله لأجازة نص السنه
رجعت عليها الفنجال عقب ما هزيته بمعنى خلاص ما ابي غيره ووقفت وانا اقول لها
:- عليا جهزي حالك كلها ساعه واردك بيتكم
اعترضت نجود :- يلا عاد خالد ما شبعنا منها خليها معانا لعقب العشا
هزيت راسي لا لكن نجود اصرت :- علشان خاطري
نفس الرد هزيت راسي لا ساعتها العنود قالت :- طيب علشان خاطر جدتي وامي
ابتسمت وقرصت خدها :- خاطرهم ولا خاطرك يا مكاره على العموم خاطرهم على راسي بس عمي موصني اردها قبل المغرب ....يلا في امان الله
-
رد: رواية أطياف الغرام / الكاتبة : معاميريا ; كاملة
طــــــــــلال
المفروض ان مشواري مع تركي لاى ماجد تكون نتيجته انه يتراجع عن خطبته لوداد من غير شوشره على اساس انه اتفاق بين الاثنين وانهم ما يبون بعض لان رفض وداد لماجد وتمسك ماجد فيها وبالذات بعد تحديد موعد الملكه بيخلي من الصعب اذا مو من المستحيل ان ابوي يوافق على طلب وداد لكنه رفض انه يتراجع عن خطبتها حتى لمن قلت له انها رافضته
والقهر انه رد علي بكل وقاحه لمن واجهته باللي سواه
:- انت فاهم غلط انا ما كنت ابي صورتها او رقم جوالها أنا .............
قاطعته وكلامه بدى يخليني اطلع من طوري :- فااااهم غلط لا والله وكيف المفروض افهمك ان شاء الله
رد بنفس البرود :- انا ما كنت ابيهم لانها راح تكون كلها لي وعقب الملكه اقدر اطلبهم ...لكني كنت ابي اختبرها توافق اولا والحمد لله طلعت عند حسن ظني ورفضت
رده خلاني اهيج وعلى طول مسكته من رقبته وعطيته كف وضربته وانا اصرخ عليه :- لا يا الخسيس اختي انا تختبر اخلاقها وش قالوا لك تربيه شوارع ولا اهلها ما عرفوا يربونها
كنت ناوي اذبحه لو ما بعدني تركي عنه لمن شافني مسكت رقبت ماجد وكنت ناوي اخنقه
ساعتها ما جد جلس على الارض وهو يكح
:- انا ما قلت كذا بس من حقي اتطمن على زوجة المستقبل
حاولت افر من يدين تركي :- صدق انك نذل هذي بنت خالك ياللحقير وش تختبرها فيه
وتعال هنا ياللجبان (التفت لتركي ) اتركني عليه اذبحه
لكن تركي ومن غير ولا كلمه طوقني ومنعني من اني افلت من يده فصرخت على ماجد
:- واللي يختبر اخلاق بنات الناس يشهر فيهن قدام الناس ويفتخر لربعه انه بيجيب رقمها ؟؟
ماجد وهو يمسح على رقبته :- اي ربع انا ما شهرت بها وحتى ساره طلبت منها من غير ما يحس احد
حاولت افلت من يد تركي مره ثانيه :- واختك هذي ما تعرف تقول لك ان اللي تطلبه ما يجوز
ما تعرف تقول لك ان بنت خالك اشرف منك ومن الاف زيك ....وتكذب بعد يالخايس مو انت قلت لتركي بلسانك انك طلبت رقمها وصورتها ؟؟(صرخت بقوه ) رد ياللجبان وياللحقير هذا بعد اختبار لاخلاقها انك تتكلم عليها عند ولد عمها ياللحقير
بكل برود قال ماجد :- انا تعمدت اقول لتركي هالكلام علشان اعرف اذا كان يحبها وهي اذا كانت تبادله نفس الشعور
ساعتها ما حسيت الا وتركي فكني وراح ركض لماجد ومسكه من رقبته وسنده على الجدار وهاتي ضرب في كل مكان في لين تعب بعدها رماه على الارض وقام يرفسه وهو يصرخ عليه
:- انت ما فيك ذره مروه او اخلاق تقول هالكلام عن بنت خالك تخلخلت ضلوعك يالنذل يالحمار
واصل تركي سيل الشتائم والضرب وانا اتفرج وبكل برود على الموقف واول ما تركه تركي وهو يتنفس بقوه من التعب مسكت ماجد من ثوبه وقلت له
:- ترى اللي جاك اقل من حقك وداد اذا ما تركتها طيب بتتركها غصب وكلها يومين بالكثير ويوصلك رد خالك
لكن الامر المحزن ان ماجد سبقنا وراح للوالد وهو على حالته بعد ما ضربناه وخبر ابوي السالفه بشكل مغلوط وقال له ان تركي اخترع هالقصه كلها وان ما صار اي شي من اللي قاله والغرض ان تركي يبي وداد لنفسه ....لكنه مصر يبي وداد .....ساعتها رجع ابوي البيت هايج
وطلب يكلمني في المكتب دخلت عليه وانا مستغرب سبب غضبه لكنه فاجأني لمن قال
:- ليش ضربت ولد عمتك ؟
اندهشت وش دراه ومن اللي قال له لكني قررت ارد عليه واقول السالفه اختصارا للوقت
:- لانه تجرأ واهان وداد ومو مره انما مرتين
رد ابوي بحده :- اهانها ؟وكيف اهانها ؟
بلعت ريقي :- اول مره بعث اخته علشان يبي رقم جوال وداد يكلمها قبل الملكه وفوقها صوره بعد و.............
قاطعني ابوي :- ومن قال لك هالكلام تركي ؟؟
كنت برد لكن ابوي واصل كلامه :- مو كل شي تسمعه تصدقه وانا ابوك قبل ما تعرف حقيقته
وترى هالكلام مو صحيح واليوم جاني ماجد مبهذل ومضروب وقال لي عن السالفه وان تركي يبي بنت عمه له علشان كذا كذب على ماجد.....ولو ما اني عاذره لانه توه شاب وغرور الشباب ماخذه وانه يشوف انه احق ببنت عمه كنت عاقبته وحاسبته حساب عسير على كذبته اللي تمس سمعة بنت عمه قبل كل شي ...لكن كل اللي بسويه له هو قرصت اذن بس...انا نقلته لفرع جده لمدة سنتين والقرار ساري المفعول من بعد ملكتك على اخته
صابني ذهول حاولت ارده عن قراره :- يبه انت غلطان وماجد هو اللي يكذب ولو كان صادق ما كان قال انه يختبر اخلاقها ...يقول في وجهي انه كان بي يختبر اخلاق وداد من ورى طلباته
مسكني ابوي من كتفي وقال بهدوء :- ادري انك تعز تركي كثير وتتمناه يكون لاختك بدل ماجد
وانا بعد رغم ان ماجد ما ينعاب لكن تمنيت لو ان تركي سبقه وخطبها مني...بس هذا نصيبها
ومو عدله نرد الرجال عقب ما قربناه ..... وليه علشان كذبه !!!
ما قدرت اقنع ابوي لانه رفض يسمعني و وداد عقب ما حكيت لها اللي صار وان في يدها تبرأ تركي وترد ماجد بنفسها إلا انها سكتت ما ردت علي وكل اللي قالته بعد ما الحت عليها ندى
((افكر ويصير خير ))
اليوم عااااااااااد يوم نسيان الهموم لانه وبكل بساطه يوم ملكتي اليوم العنود بتكون لي لي انا وبس
-
رد: رواية أطياف الغرام / الكاتبة : معاميريا ; كاملة
هـــــــــــــــــــاجـــــــــــــــــر
الايام اللي فاتت كنت اتبع سياسه البكاء والاضراب عن الطعام طبعا قدام امي وابوي علشان يرحموني ويفكوني من حمد هو صحيح اني احبه بس ولو انا ما اتزوج واحد ما يحبني ولا الاخ جاي يتحداني ان موافقتي مو مهمه وانه بيتزوجني سواء رضيت او انرضيت ....المهم ان هالسياسه الطفوليه ما مشت على امي وابوي الظاهر ان الوالده لاحظت اني اكل من وراهم والوالد ما يدلع الدموع عنده شي غير مؤثر الى ان تلقيت اتصال من لولوه رفيقتي من ايام الثانويه
:- هلا هجور شخبارش
رحبت فيها :- هلا وغلا يا عمري ...وش صاير متذكرتني ؟؟ وش تبين ؟؟
ضحكت لولوه :- بل يعني محد يدق الا اذا يبي شي ؟
ابتسمت :-مو جذي بس استغربت من زماااااااااان ما سمعت صوتش
ردت :- ادري ادري والصراحه انا ما دقيت لله
تخصرت وكأنها تقدر تشوفني :-بعععععععععد ترى ما اخذتين دقيقتين من رفعت السماعه هاااا
قولي اسمعش بس مو شرط تلقين اللي تبينه
لولوه :- بل بل ما يسوى علي لا عيوني ما بتصرفين شي من جيبش كل السالفه اني جايبه لش عريس
بلمت ما عرفت وش اقول وتحولت نبرتي من الهزل الى الخجل:- هااااااا (بلعت ريقي ) لولوه لا تلعبين علي ترى مزاحش بايخ ؟
تأففت لولوه :- لا اله الا الله .....انا قايله احد يدق عليها غيري قالوا لا انتي تعرفينها دقي عليها وشوفي رايها
الظاهر ان مخي اليوم في اجازه لاني للحين ما استوعبت شي فسألت بغباء:- رايي في ويش؟؟؟
ضحكت لولوه :- شوفي هذي خالتي تبيش لولدها رائد وناوين يجون يخطبونش بس في الاول يجسون النبض ها وش قلتين ؟؟
توني بقول عن حمد ومشكلتي اللي ما انحلت بس لقيت فضولي اشتغل وسألتها
:-ومن وين خالتش تعرفني علشان تبيني لولدها ؟؟
ردت لولو ه :- شافتش انتي وعليا في زواج نسيب عليا بس لمن عرفت ان عليا مرتبطه لفت على ام عيون خضرا الحلوه (ضحكت ) المؤدبه الراكده هههههههههههه تصوري تاخذين رائد ويكتشفون جنونش ههههههههه
تضحك علي السباله :- جني يركبش ان شاء الله قولي امين انا مجنونه!!! (وكملت بغرور ) والله ان خالتش هذي مره ما في منها تنحب من السمع
واخيرا لولوه سيطرت على نفسها :- بسم الله علي ان شاء الله عدويني (تنهدت )ايه اكيد خالتي بتعجبش مو مدحتش لكن معذوره ما تعرف عن خبالش يالمربوشه (تنحنحت )
انجي للمهم ما قلتين هجورتي وش رايش ؟؟؟
دورتها في دماغي اقول عن حمد او لا لكن في النهايه لمعت في راسي فكره فقلت :-
شوفي انا في هالامور ما اقول اي او لا
ما فهمتني :- شلون يعني ؟؟
بلعت ريقي:- يعني اذا قلت تفضلوا وابوي درى اني على علم وش اقول له والله استحي منه بيقول عني قليله حيا
انجرت لولوه للي انا ابيه :- اشلون يعني والحل ؟
قلت ببرائه :- يعني الي يبيني يكلم ابوي وانا ما لي دخل
ردت لولوه :- زين وخالتي وش اقول لها ؟
اف ما عملت حساب لهذي :- قولي لها ما لقيتيني وانهم اذا يبوني البيت الف من يدلهم عليه
لولوه :- تدرين عجل خير البر عاجله عطيني رقم ابوش وانا اخلي زوج خالتي يكلمه ويتفقون على وقت الزياره
تبلعمت :- واذا سأل ابوي من وين له الرقم ؟؟
ضحكت لولوه :- لا تخافين ما بيسأل وبعدين انا بتصرف يلا خسرتيني بسرعه عطيني الرقم
ابتسمت :- صدق بخيله
عطيتها الرقم وسكرت منها وانا في راسي موال ما بيكمل الا اذا عرفت متى بيزورونا والمشكله اني ما اقدر اقول للولوه تخبرني عن وقت زيارتهم....لكن الفرج جا في نفس اليوم واحنا قاعدين نتعشى قال ابوي لامي
:- ام عيسى ؟
ردت عليه امي :-امر
ابوي بعد ما اخذ رشفه من الشاي :-ما يامر عليش عدو بس ابيش بكره تجهزين المجلس ترى بيجونا ضيوف عقب صلاة العشا ولا تنسين القهوه والبخور وغيرها
ابتسمت امي :- ان شاء الله يا بو عيسى بس من هذولا وش يبون ؟
رد ابوي :- الحمد على النعمه اللهم زدها واحفظها من الزوال (رفع راسه لامي ) والله هم جماعه من بيت الـ........ وما قالوا وش يبون ومي عدله اسأل ضيفي عن حاجته قبل ما يقولها بنفسه
هزت امي راسها موافقه على كلام ابوي وانا عاد عرفت من اسم العيله انهم بيت خالة لولوه خلاص بكره ان شاء الله من الصبح بشتغل على باقي المخطط
وفعلا على غير عادتي قعدت من الصبح ومن شدة الاثاره ما عرفت اكل شي وما صدقت خبر ان البيت فضى ابوي مع عمي بو محمد وامي كالمعتاد عند الجيران هالحزه ((هالحزه =هالوقت )) ما عرفت ادق على من بالتحديد حمد او جواهر في النهايه قررت اني ادق عليه هو بنفسه بس للاسف الرقم خارج نطاق التغطيه اففففففففف حاولت مره ثانيه بعد نفس الحاله في الاخير استسلمت وقلت انطر شوي لكن دخول سويلم خرب علي وش هالبلشه وش اقوله هذا اذا سألني من تكلمين اخرتها قررت ادق عليه من موبايلي وفعلا صعدت غرفتي وقفلتي على نفسي ورحت على السرير لميت نفسي في زاويه ودقيت عليه الحمد لله هالمره يرن مره ثنتين ثلاثه واخيرا رد
حمد :- الو
ما في رد احس كل خلاياي تجمدت والشجاعه والحماس اللي كانوا فيني اختفوا
حمد :- الو من معاي
بعد ما في رد ساعتها عصب وقال
:- انا ما ني فاضي للحركات البايخه بترد ولا اسكر
خفت يسكر وتضيع علي الفرصه فقلت باندفاع
:- لا...لا تسكر
حسيت انه عرف صوتي ويبي يتأكد لمن سأل :- من معاي ؟
تنحنحت وبلعت ريقي:- اناااااااا هاجر
نبره استغراب وقلق طغت على صوته :- هاااااجر وش صاير عسى ما شر خالتي فيها شي ابوش فيه شي ؟؟
قطعت سيل الاسئله :- ما فيهم شي الموضوع يخصني انا
رجع الهدوء لصوته :- نعم ؟ وش هالموضوع
استجمعت كل قوتي وقلت :- انت تعرف اني ما ابيك ...(صمت ما في اي رد الظاهر انه يبيني اكمل) وانا الصراحه كلمت ابوي بس ما اقتنع باسبابي ....بس انا قلت انت رجال ما ترضى على نفسك انك تتزوج وحده ما تبيك فلو تكرمت و.........
ما عرفت وش اقول بالضبط لكنه فهم وقال
:- هممممممممم وش المطلوب مني بالضبط ؟؟
حسيت بالحر الشديد لدرجه ان التنفس صار صعب :- اعتذر لابوي باي حجه وساعتها اذا شاف ابوي ترددك مع رفضي اكيد بتنفض هالسالفه كلها
احسه متقصد يستفزني لانه قال :- بس انا ماعندي اعذار اقدمها لاني ناوي اكمل للاخيييييييييييييروالله نسيتي كلامي
بس خلاص طفح الكيل فقلت اخر شي عندي :- بس انا ما ابيك غير ان اليوم جاييني خطاب والصراحه الصبي ما ينرد بس حضرتك واقف لي عظم في البلعوم ....افهمها يا اخي ما اشتهيك ولا اطيقك فليش تربط نفسك فيني ؟؟؟
كل اللي قاله :- والله لادبش على قلت حياش يا بنت جاسم وبتشوفين ؟؟
ما عاد فيني عقل يوزن الامور فرديت :- انا متأدبه غصب عنك ...وهذا انا اقول لك ابعد عن طريقي يا ولد الناس وخلني اتهنى مع اللي احسن منك
سمعت صوت ضربه وبعدها قال بهدوء عجيب :- ولا يهمش اليوم بانهي كل الامور بس ما قلتي متى بيجونكم ؟؟
احس كأن احد صاب علي ماي بارد فرديت من غير احساس :- عقب صلاة العشا
وسكر من غير ولا كلمه اضافيه والغريب اني ما حسيت بالراحه مثل ما كنت اتوقع بالعكس رميت الموبايل وتكورت على نفسي وقعدت اصيح من قلب ما ابيه بس بعد ما ابي غيره
ولا ابيه يتخلى عني بكل هالسهوله ...ما ادري وش كنت متوقعه منه صدق اني غبيه يعني وش بيقول معقوله بيقول احبش وما اقدر استغني عنش ومستحيل تكونين لغيري ....اصحي يا هاجر اصحي.... واستمريت في البكاء الى ان نمت من التعب
العــــــــــــــــــــنــــــــــــــود
من بداية اليوم ولقلق والارتباك كان رفيقي طول الوقت اليوم ملكتي على طلال ما ادري شلون تحملت تعليقات البنات وشلون رديت عليها واحس ان كل خطواتي مشوشه والامور غير واضحه فستاني كان زهري فاتح علاق فتحت الصدر نوعا ما واسعه ضابط على الصدر والخصر ومن عند الحوض يبتدي ينزل بانسيابيه علي جسمي قير الى اسفل الركبه ولا بسه معه صدل كعب عالي وخيوط ...شعري كله مموج والميك اب هادئ وناعم كنت قلقانه على شكلي لكن نجود وبنات عمي مدحوا شكلي في محاوله فاشله لرفع التوتر عني وحتى وداد اللي من سالفه ماجد مو على بعضها احسها اليوم تناست كل همومها بس علشاني انا وطلال
قربت مني وهمست
:- كانك اميره من الخيال ...ما اقول الا الله يعين طلول (ابتسمت ) ترى ولدنا من غير شي مجنونك
وقبل ما ارد عليها اندق الباب وكراحت نجود ورجعت لنا ووجهت الكلام لي
:- هذا تركي يقول الشيخ يبيك تحت علشان يسمع موافقتك بنفسه
حسيت ان الهوى انسحب من الغرفه كلها فهويت على نفسي بيدي واخذت نفس لحد ما حسيت ان رئتيني ما عادت تقدر تتحمل اكثر وصلت لباب بصعوبه واول م طلعت التقت عيوني بعيون تركي كانت عيونه مليانه حنان وابتسامته مطمئنه وحسيت بحمره الخجل تكسي خدودي لمن قال
:- كل هذا لطلول اكيد بيجن الرجال ...الليله بيفصخ العقل
نزلت راسي من الحرج وما عرفت ارد عليه مسكني من يدي وحس برجفتها وبرودتها
فقال يطمني
:- كلها كلمه موافقه وبعدها توقيعك الكريم على العقد وبعدها اذا ما تبين تشوفينه انا مستعد انذبح على يد طلال بس انفذ لك رغبتك
نزلت مع طلال لعند باب المجلس الداخلي وقف الشيخ ورى الباب وسألني حسيت حلقي جاف وان من المستحيل يطلع صوتي حاولت ارطبه بس ما في فايده فهمست لتركي
:- حلقي يابس ابي كاسه ماي
ضحك تركي واعد الشيخ علي السؤال ساعتها قلت والدمعه ماليه عيوني وبصوت مهزوز
:- موافقه
دخل الشيخ وانا ما احس بش حولي وتفاجأت بتركي يمد يده على بكاس ماي اخذته وحست اني شربته كله دفعه وحده عطيته الكاس ومن دون ما اناظره رحت ركض لغرفتي وصلت وان الهث تلقتني وداد بحضنها جلستني وقالت
:- وش فيك ؟؟ العنود وش صار ؟؟
رديت كأني وحده توها صاحيه من النوم :- هاااااااا لا ما صار شي
ابتسمت وداد والبنات كلهم عيبونهم علي :- ما صار شي والشيخ اللي نزلتي على شانه ؟
رفعت راسي لوداد وقلت في محاوله لتفريغ مت التوتر :- كله من اخوك صدمني لمن عرفت انه لغى حجز القاعه للمكله واستبدلها بخيمه في حديقة البيت ...كنت عامله حسابي انه بيكون بعيد وانه بينشغل بالمعازيم وما بشوفه .....
ضحكت ندى من قلب :- وانتي على بالك ان طلال بيتركك اليله من غير ما يشوفك (وغمزت )
اجل لو تعرفين وش ناوي عليه وش بتسوين ؟؟؟
البات اشتعل فضولهم من كلام ندى وسبقت نجود وسألت السؤال اللي كنت بسأله
:- ليه هو وش ناوي عليه
ردت ندى وهي تلعب حواجبها :- سررررررررررر ما اقوله
نشيت سعاد في حلقها :- يلا عاد ندوشتي بجد قولي لي وما بقول لحد بس انا لحالي
اعترضت نجود :- لا مو بس لحالك انا بعد ابي اعرف
ندى ما اهتمت وكل اللي قالته :- مفاجأه بعدين كلكم تعرفونها ...ويلا اللحين لازم ننزل للضيوف وانتوا (اشرت على سعاد ونجود ) جهزوا شريط الزفه
طلعت ندى وراها البنات وما بقى معي غير وداد وبعد اقل من خمس دقايق رجع تركي يدق الباب لبست وداد عبايتها وتغطت فتحت الباب لتركي اللي دخل وهو حامل دفتر الزواج بيده تقدم ومع كل خطوه كنت احس ان قلبي يرجف ورعشة جسمي تزيد واللي زاد اني حسيت بمغص مفاجئ في بطني وصل عندي وفتح الدفتر عطاني القلم وقال
:- يلا يا حرم طلال وقعي خلينا نفتك من حنت زوجك
ما ادري ليش ناديت وداد البعيده عني
:- وداد تعالي عندي
حسيتها متردده تقرب مني وتركي من سمع اسمها احسه جمد مكانه لكني ناديتها مره ثانيه
:- وداد تعالي جمبي لا تركيني
احس ان خطواتها بطيئه واخذت لها وقت طوييييييل الى ان وصلت لعندي ساعتها تشبثت بيدها بقوه وبالايدين
ابتسم تركي :- واللحين بالله كيف بتوقعين ؟
فلت يدي اليمين وضليت ماسكه فيها بيدي اليسار احس ان كنت انحت في صخر مو اطبع توقي على ورق وما صدقت اني خلصت انحنى تركي على راسي وباسنس وقال
:- مبروك ...(ورفع طرف عينه لوداد وكمل ) مبروك مقدما يا بنت عمي
(عطانا ظهره متوجه للباب ) خساره ما بقدر احضر ملكتك
ما لحق تركي يوصل للباب الا حست ان رجفتي ازدادت قوه لكن بعد ما طلع استوعبت ان وداد هي اللي ترجف وكانها ورقه في مواجهة الريح انقلب الوضع وبدل ما تهديني وقفت وجلستها احاول اسكن الرعشه اللي غزت جسمها صبيت لها كاسه ماي سميت بالرحمن وخليتها تشربها
ةلمن هدأت سألتها :- علامك ؟؟...وداد بك شي حاسه بشي
احسها تمالكت نفسها بصعوبه وكل اللي قالته :- ابد ما في شي (ابتسمت ) يلا ننزل للحريم تحت لانا لو تأخرنا اكيد طلال بيقلب علينا الدنيا تراه موصينا ما نأخرك
وفعلا جلستي مع الحريم ما طولت وطلال طبعا رفض يدخل عند الحريم وتصرفاته كلها كانت غريبه يا دوب سمح لامي ونجود وامه وخواته انهم يدخلون وما ادري وش اللي منع عمتي ام ماجد من الدخول بس اللي ما توقعته انه لمن تقرب مني بس صافحني وقال لي مبروك بنوع من الجفاف ..........وش فيه ؟؟ليش كذا توقعته من كلام خواته واخواني انه يكون اكثر رومانسيه لكنه ابد كل اللي سواه بعد كذا انه طلب من ندى تجيب الشبكه لبسني اياها على عجل وطبعا ندى هي اللي لبستني الحلق ....تقربوا مني الباقي يسلمون علي ويباركون واللي تضمني واللي تبوسني واللي توصيني عليه وانا ما عدت استوعب حاجه كل اهتمامي مصبوب على الرجل اللي يتصرف بآليه جنبي واول ما خلصوا سلامات اشر على ندى وهمس في اذنها بشوية كلام هزت براسها واشرت على كيسه وصرفت الجماعه وصرنا لحالنا
.............والغريب انه ما تكلم جلس ساكت يجي خمس دقايق ....ما ادري ليش حسيت الدموع تجمعت في عيني وش فيه هذا ؟؟ ليش يعاملني كذا ؟؟وما ادري كيف واتتني الجرأه وسألته
:- طلال وش فيك ؟؟ وش صاير ؟؟
طالعني وهو يقرص بعيونه :- وتسألين بعد وش فيني ؟؟ يعني ما تعرفين وش صاير ؟؟
اقول لك خليها زواج مره وحده تقولين مستحيل ....وتبيني اضحك ؟؟
حسيت ان الدمعه هزمتني فقلت :- طيب انا وش ذنبي والله اني استحي ومو متعوده و...........
قاطعني :- عاد مبرراتك اللحين ما لها اهميه وقبل ما اسمع بقيه القائمه (قام وجاب الكيسه اللي اشرت عليها ندى ) شوفي هذي وبعدين نتفاهم
فتحت الكيسه وكلي فضول اعرف وش داخلها واول ما طلعت اللي جواتها فتحت عيوني على وسعها ...........
الى هنا وانتهى البارت
اعذب وارق التحايا
وفي امان الله
-
رد: رواية أطياف الغرام / الكاتبة : معاميريا ; كاملة
((الجزء الثامن عشر ))
(رد فعل )
من القوانين الاساسيه في الفزياء هو قانون نيوتن اللي يقول :-
((لكل فعل رد فعل مساو له في القوه مضاد له في الاتجاه ))
وانا اشوفه قانون ينطبق حتى على النفس البشريه واكثر افعالنا او تصرفاتنا عباره عن رد فعل
لكن هل يكون رد فعل صائب ؟؟؟؟؟؟؟؟؟
ما ادري شلون راح تشوفون رد فعل كل من
طلال تجاه رفض العنود لمقترح الزواج المبكر
حمد تجاه رفض هاجر له
وداد تجاه ماجد
ندى تجاه عزيز .....وعزيز تجاه ندى
واخيرا رد فعل ابو طلال تجاه....وداد ....علياء ....ماجد .....تركي ....خالد
العـــــــــــنــــــــــــــود
فتحت الكيسه وكلي فضول اعرف وش داخلها واول ما طلعت اللي جواتها فتحت عيوني على وسعها ........... ما ني مستوعبه شي طلعت القطعه السودا من الكيسه ورفعتها قدام طلال
:- وشو ذي ؟؟
ابتسم وميل فمه على جنب :- وشو بعد عبايه وبرقع
ما كان هذا سؤالي انا عارفه انها عبايه بس استغربت اول مره اعرف ان حد يهدي زوجته يوم الملكه عبايه .....ما عرفت وش ارد عليه او ش اقول له لكنه فاجأني بأنه قال
:- طيب البسيها خليني اشوفها عليك
وانا اردها في كيسها قلت له :- ليه ما شفتني قبل بعبايه
ناظرني من فوق لتحت بنظرات احسها احرقتني
:- الا...بس الصراحه انا اشوفك بالعبايه احلى
هذا وش جالس يقول !!!!!! بالعبايه احلى ...يعني لدرجه ذي طلال يشوفني قبيحه ومو مستحمل حتى يناظرني ....وانا اللي كنت اتوقعه ما يرفع عينه من علي وانه ..........حسيت
بالف احساس واحساس لكن ما بينها ايس شي من اللي كنت اتخيل اني ممكن احس فيه في ليله مثل هذي حسيت بالالم والمهانه والغضب ...وحسيت ان دموعي تبي تغسل احزاني علشان كذا لبست العبايه والبرقع وبعدها توجهت للباب وانا اوقل بصوت منهك
:- تصبح على خير
ما لحقت امسك قبضه الباب لان طلال كان اسرع سند نفسه على الباب
:- على وين ان شاء الله ؟؟
تجاهلت سؤاله وقلت وانا ودي اصرخ في وجهه
:- لو سمحت بعد عن الباب
مسك يدي في يده وتوجه لباب المجلس المؤدي لخارج البيت
:- بنطلع بس من هذا الباب
مشيت معه خطوتين برى المجلس وبعدها استووعبت هو وش قال
:- نطلع وين نروح ؟؟
ما رد علي وفتح باب سيارته اللي كانت واقفه قريب المجلس واشر عليب اركب رفضت اركب وهالمره سألته بحده :- طلال ...انا برد البيت ومستحيل اروح معك الى اي مكان
قرب مني وقرص بعيونه وقال بلهجه حاده وان كان يهمس
:- ركبي السياره اللحين ...وكلمة مستحيل لا عاد تقولينها في وجهي
قلت في محاوله مني لردعه عن اللي ناوي عليه
:- وش بيقولون الناس اذا عرفوا اني طلعت معاك و........
قاطعني :- وش بيقولون يعني ....حرمه وطلعت مع زوجها ...ولعلمك خالد وندى يعرفون اني باخذك معي ....
ركبت السياره وانا اقول :- وامي وابوي ؟؟
قفل الباب وركب جنبي ساق السياره ولمن صرنا بالشارع قال
:- انا زوجك وانتي حرمتي ...هذا اللي بيقوله عمي
كنت ناويه اسأله وين ماخذني لكنه قال اللي صعقني
:- وترى الزواج اللي قلتي عنه مستحيل انا اشوف انه ما له داعي
خـــــــــــــــالـــــــــــــــد
الحمد لله محد انتبه ان العريس من طلع يشوف العروس ما رجع ..... احس اني تعبت في ملكة طلال اكثر مما تعبت في ملكتي .... احس فرحتي ناقصه او اقل مما يجب تفكيري موزع بين العنود ورد فعلها من اللي ناوي عليه طلال ...وتركي اللي استسلم لقرار عمي بنفيه لجده ورفضه انه يدافع عن نفسه او حتى اني اتدخل في الموضوع واساعده ....واكثر شي اثر فيني الانكسار اللي واضح في عيونه ...والتعب اللي مسيطر على روحه خاصه بعد ما رجع من عند العنود بعد ما وقعت على عقد زواجها كان جالس عن يميني انحنيت في اتجاهه
:- وش فيك يا اخوي ؟
انتبه من سرحانه وفشل في انه يرسم ابتسامه
:- ابد غير اني فرحان لطلال والعنود
مسكت يده وضغطت عليه بحركه تدل على اني حاس فيه
:- تكذب على الناس كلها الا انا ....الدعوه فيها وداد
بلع ريقه وقال وهو يناظر ماجد اللي جالس في الطرف الثاني من الخيمه
:-حتى ملكتها ما بقدر احضرها (ضحك بسخريه ) وانا اللي مسوي روحي رجال واتحداه انها ما بتكون لغيري
ناظرت ماجد بنظره تحمل الكثير من الكره لانه سلب اخوي احساسه بالحياه لانه سلبه روحه
:- وانت رجال والنعم ...وداد اذا تبيها ما بتكون الا لك (حسيته بيعترض فواصلت )وكل شي بيدك انت
زفر زفره حاره حسيتها جزء من اللهيب اللي يحرق جوفه
:- وهي ؟؟؟....ادري بتقول انها ما تبيه لكنها ما عبرت عن هالشي ...واخاف انها ما تبيني واكون في هالحاله ....ظلمتها
ما لحقت ارد عليه الا جواله يرن تركته يكلم وانشغلت بعدها في المعازيم
طلعت من الخيمه ابي ابعد شوي عن الضجه وروائح العود والبخور توجهت للحديقه وفي طريقي مريت على المطبخ واستوقفتني صوت صرخه على اثرها دخلت المطبخ من غير ما اتأكد من اللي داخل او اذا الحريم متغطيات او لا
وكل اللي استوعبته ان علياء كانت تصرخ
:-اااااااااااااااااااااااااااااااااااااح اح اح ااااااااااااااااااااه
وشفت نجود في المطبخ تحاول تمسك عليا والشغالات واقفات على جنب مو عارفات شلون يتصرفن على طول ركعت على ركبي جنب نجود وسألتها وانا الاحظ ان ارضيه المطبخ متلعوزه
وبلوزة علياء الحمرا مبلوله وجزء من تنورتها البيضاء متحول الى اللون الاصفر وهي دموعها تجري انهار على خدودها بس للاسف مي قادره تمحي علامات الالم من وجهها
سألت نجود
:- وش صاير ؟؟؟......وش فيها عليا ؟؟
وقبل ما ترد نجود جاني رد من شخص كان واقف في الزاويه ما انتبهت له اول ما دخلت
:- ابدا كانت ماسكه كاس الكوفي واندلقت عليها
عندها صرخت نجود
:- كذاااااااابه ....انتي اللي دلقتي عليها الكاس متعمده (وجهت كلامها لي وهي تبكي وتأشر على ساره ) شفتها بعيوني
ردت ساره تدافع عن حالها
:- هي اللي تكذب والله انا وش اللي يخليني اسوي كذا
صرخت نجود
:- نفس السبب اللي خلاك تصطرينها وفي وسط بيتهم
ساعتها ما تحملت صراخهم وخاصه وانا اشوف عليا تتألم ودموعها رافضه توقف فصرخت في نجود
:- بس.... وروحي بسرعه هاتي عبايه اغطيها فيها
(والتفت بحده لساره وقلت بلهجة تهديد ارعبتها ) والله ثم والله اللي ما احلف به باطل
اني ما بعديها لك ...ولو ما انك حرمه كنت دفتك في مكانك
ما لحقت انهي جملتي الا نجود جت وفي يدها عبايه لبستها عليا حملتها على ذراعي وقلت لنجود
:- مد يدك على جيبي طلعي مفتاح السياره
طلعته وقالت وهي تمشي وراي
:- بجي معك
ما كانت في مزاج يسمح لي بمناقشتها غير اني ابي اعرف وش اللي حصل بين عليا وساره وخلى ساره تتصرف كذا
حـــــــــــــــمـــــــــــــــــــــد
ما اعرف شلون قدرت اقضي الساعات اللي تلت اتصال هاجر .....استفزتني مكالمتها لابعد حد وخلتني ازيد اصرار على اصراري الاول في اني اتزوجها ...صدق ان سالفه الخطبه في البدايه كانت بسبب ابوها واني ما كنت افكر فيها ابد ....لكن من شفتها هذاك وتحول شعوري ساعتها للفضول ابي اعرف هاجر اللي اختلف شكلها كل هالاختلاف شخصيتها شلون صارت والاكثر حسيت انها لغز خاص فيني وانا الوحيد المعني باكتشافه ....وحركه التحدي اللي هي بدتها اثارت فيني روح الحماس اكثر من التحدي وان كنت حسيت بشويه غضب .....لكن اتصالها اليوم ....اثار فيني شعور جديد شعور عارم بالغضب اكتسح روحي ....معقوله هاجر تكون لغيري ..مستحيل لو على موتي ...هاجر ملكي ومستحيل تكون لغيري ....لا المسأله مو تحدي لا المسأله صارت دفاع عن حقوق ....ما ادري ليش عقلي مستسلم لفكره ان هاجر انخلقت لي مو لغيري ....وانا الوحيد اللي يحق له انه يشوف بسمتها وضحكتها ودمعتها انا الوحيد اللي له الحق في انه يراضيها ويمسح دمعتها ويلمسها ويضمها مستحيل اني اخلي رجال غيري يلمسها ............ويييييييييييييش رجال غيري يلمسها هالفكره اثارت جنوني وخلت الوقت يخنقني ببطئه والمسافات قدامي تطول ....كنت في واحد من الشاليهات في حوار مع الشباب وكان من المفروض اننا نبات هناك ...لكن هيهات اقعد دقيقه وحده في حوار عقب مكالمتها
....طبعا اعتذرت للشباب بضروف عائليه منعتني من اني اقعد معاهم وطلعت على اول مركب رحلات يردني من حوار وما صدقت اني وصلت لكن لا زال الوقت طوييييييييييييييييييييييييل
فحاولت اشغل نفسي لكن كل اللي قدرت اسويه اني ظليت الف بالسياره في الشوارع الا ان اذن المغرب رحت لاقرب مسجد صليت فيه وطلعت بعدها على طول للبيت سبحت ولبست ثوب وغرقتها عطر وحتى الجزمه الله يكرمكم لمعتها قبل ما البسها اخر شي وقفت قدام المنظره
اعدل غترتي واول ما خلصت كان اذان العشاء يأذن وطبعا تعنيت للمسجد اللي جنب بيتهم وصليت فيه ....التقيت هناك بعمي بو عيسى
:- هلا بحمد
رديت والتوتر لازال مسيطر علي وان كنت من بعد الصلاة هدأت شوي لكن الوقت والترقب لازالوا يقتلوني وبطء
:- هلا فيك عمي (حسيت اني لازم ابرر وجدي في فريقهم (فريقهم = فريجهم =حارتهم ))
كنت ناوي امر على واحد من الربع ساكن قريب فقلت اصلي هنا مره وحده
ابتسم عمي بو عيسى وقال لي وابو محمد واقف جنبه
:- دامك عندنا تفضل المجلس عندي (وكمل لبو محمد ) اليوم بيجوني ضيوف غرب وابيك عندي يا بو محمد
ما سمعت رد ابو محمد وبالنسبه لي هذي فرصه وجت لي من السما وفعلا توجهت معهم للمجلس اللي كان مجهز لاستقبال الضيوف توجهت لعند دلال القهوه والشاي وقهويت عمي بو عيسى وبو محمد وبعدها دخل سالم واستلم مكاني ومالحق قعد شوي الا موبايله يرن طالع الشاشه ارتبك وما رد قطع الاتصال لكن المتصل كان لحوح وقبل ما سالم يحول موبايله للصامت قال له ابوه
:- رد عليه ولا طفى هالموبايل ما نبيه يفشلنا قدام الرجال اللي بيجونا كل شوي يرن
رد سالمعلى المتصل :- نعم وش بغيتون
الطرف الثاني :-.......................
سالم :- لان الوقت غلط
الطرف الثاني واللي حستيه صوت انثى بحكم قربي من سالم :-....................
سالم :- قلنا مو وقته ....ولا لا تدقون انا اذا فضيت بجيكم
وسكر غمزت له قاصد احرجه خاصه اني عارف سواياه مع البنات
:- من هذولا ؟؟وين بتروح لهم
سالم وهو يحول موبايله لصامت :- هذولا الربع يبوني اروح لهم القهوه
طبعا ما صدقته فقلت له :- تدري اني ملان وربعي كلهم في حوار ....وش رايك اجي وياك القهوه
ساعتها همس سالم :- بس انا معزوم وما اقدر اخذك معاي
ضحكت بصوت خافت في محاوله مني اني ما الفت نظر عمي بو عيسى
:- الا قول ان الجلسه خاصه وتخاف ابو صوت ناعم يزعل عليك اذا جبت احد وياك
سالم عمره ما خجل من الكلام عن علاقاته لكن وجود الشياب في المجلس له احكامه ودخول الضيوف علينا قطع الحديث من بينا
كانوا ثلاثه رجال اثنين منهم شياب الظاهر انهم ابوه وعمه والثالث اكيد عريس الغفله
طول القعده وانا ما رفعت عيني من عليه وش فيه زود علي او احسن مني؟؟؟ ....هذا ياخذ هاجر مستحيل نجوم السما اقرب له ...ورغم ابتسامته العريضه الا اني ما قدرت ابتسم في وجهه وكنت حاقد عليه لانه موضع ترحيب وكان ياخذ ويعطي في الكلام مع سالم اللي شاف موضوع مشترك بينهم اللي هو الكوره ....ورغم حبي لها الا ان التزمت بالصمت بسبب احساسي ان اي شي يتكلم عنه هو شيئ تافه ما يستحق اني اناقش فيه
الا ان عم الصمت وكان صوت ابوه الصوت الوحيد في المجلس
:- والله يا بو عيسى احنا اليوم جايينك طلاب حاجه ولمعرفتنا فيك وفي اخلاقك وكرمك
جيناك واحنا كلنا شوق اننا نصير منكم وتصيرون منا
عمي بو عيسى والظاهر انه ما فهم وش طلب الرجال
:- يا بو رائد اطلب اللي تبيه وما يردك الا لسانك واذا قدرت اعطيتك
ابتسم الشايب :- يا بو عيسى احنا من كثر ما سمعنا عنك حبينا ناسبك ونبي كريمتك لولدنا رائد
وقبل ما يرد عمي بو عيسى تكلمت وعيني في عين عمي بو عيسى
:- اسمح لي يا عمي وان كانت العين ما تعلى على الحاجب (والتفتت لبو رائد ) بس البنت مخطوبه لي وملكتها يوم الخميس الجاي ......وتراك انت وجماعتك معزومين
عم المجلس صمت حاد يكاد يصم الاذان الى ان تكلم بو رائد
:- الله يبارك لكم ...واعذرونا والله لو اننا نعرف ان البنت مخطوبه ما كنا جيناكم و...
رد عليه عمي بو عيسى يرفع عنه الحرج
:-وانا اشهد ان نسبكم يشرف وينشرى بالذهب ...ولو ما البنت مخطوبه لولد خالتها ما كنا عزيناها عليكم
بعد خروج الزوار الغير مرغوب فيهم من قبلي غمرتني الراحه الممزوجه بشيئ من القلق تجاه رد فعل عمي بو عيسى اللي ما وجه لي ولا كلمه من ساعة ما تكلمت وانتظر الى ان طلع بو محمد وسالم اللي ما صدق ان الضيف يروحون علشان يقدر يروح وين ما يبي ساعتها حاولت اتحجج بصديقي اللي ساكن قريب منهم لكن عمي سبقني وقال لي
:- عجل ملكتك على هاجر الاسبوع الجاي يا حمد
بلعت ريقي اللي نشف من التوتروتنحنحت علشان يطلع صوتي وقلت
:- ادري اني اللي سويته غلط واني المفروض ما اقول جذب بس والله يا عمي خفت البنت تروح من يدي وتحت عيني وانا ما سويت شي
لا زالت ملامح عمي لا تفسر :- ومن قال اني باسمح بخطبه على خطبه ؟؟
احرجني رده :- هااااااااا بس يا عمي انا شفتكم تأخرتوا علي في الرد وانت تعرف كلها عشرة ايام وانا راد مصر وخفت لا اروح قبل ما املك عليها .....وخفت اكثر ان طول المده يجي من وراه الرفض
ادري ان كلامي ومبرراتي ما تغفر لي عند عمي بو عيسى ولو انا مكانه كنت شرحت اللي يتجرأ ويسوي في وحده من خواتي جذي ويحرجني قدام ضيوفي
لكن سؤال عمي فاجأني
:- انت تبي هاجر من خاطرك
من غير تفكير او تمهل رديت :- وش للي تقول يا عمي وهو في احد ما يتمنى هاجر
والله اني ما تهورت الا لاني ابيها من قلب
ابتسم عمي بو عيسى :- يعني مو لاني طلبت منك تخطبها ...........
ما خليته يكمل وقلت علشان اطمنه :- انا اساسا ما كان ماسكني عن خطبتها الا الدراسه والوظيفه (وكملت وهالمره بصدق ) ولو ما كنت ابيها ما كنت جيت وسويت اللي وسيته قدام الرجال
طلعت من بيت خالتي وانا مرتااااااااااح اني انهيت مهمتي على خير وحصلت اللي ابيه ضمنت ان هاجر ما بتكون لغيري وضمنت عدم تراجع عمي عن الخطبه مهما سوت هاجر خاصه عقب اللي صار قدام الخطاب وبو محمد .....ورحت البيت وانا في دنيا غير الدنيا قلعت الجوتي والثوب وضليت بالسروال والفانيله وانسدحت على السرير ابي اغمض عيوني اناااااااااام عقب التعب وشد الاعصاب اللي حسيته طول النهار واول ما ابتدى النوم يداعب اجفاني دق موبايلي
زاللي خلاني افز قاعد على سرير ان المتصل كان هاجر
-
رد: رواية أطياف الغرام / الكاتبة : معاميريا ; كاملة
طــــــــــــــــــــــــــــــلال
من اول ما دخلت عليها وانا ماسك نفي ما ابي اناظرها ما ابي احسسها انها كل دنيتي واني ماني حاس باحد غيرها ....ومسكت نفسي عن الضحك لمن شفت نظرتها اول ما طلعت العبايه من الكيسه ...الصراحه تمثيل الزعل والغضب عليها خاصه عند السياره تطلب مني جهد كبير علشان اقسو عليها وجهد اكبر علشان امسك نفسي وما اراضيها وامنع نفس من اني اضمها وانزل راسي على شعرها واشمه و...........وصلنا للمكان المطلوب وهي ارتعبت اول ما شافت اننا دخلنا من بوابه جنبها لوحه مكتوب عليها املاك خاصه وسألت وفي صوتها رجفه
:- طلال وين حنا فيه ؟
طنشت وما رديت عليها وصلنا الى خيمه منصوبه في وسط الارض والاضاءه منبعثه منها وسط عتمة الليل المحيطه بالمكان وقفت السياره وقلت لها
:- تفضلي نزلي
ما تحركت من مكانها رحت فتحت لها باب السياره
:- العنود نزلي
هالمره ردت بتوسل:- تكفي يا طلال رجعني البيت
ابتسمت ومسكت يدها بحنيه ورفعتها لفي بستها :- من عيون طلال يا عيونه بس اول نزلي شوي
احسها لانت شوي لكنها قالت :- اول اعرف حنا وين فيه ....وهالخيمه لمن ؟؟و....
قاطعتها :- كل شي بتعرفينه في وقته (حاولت انزلها لكنها عندت وعلشان ما اخوفها قلت ) الخيمه انا مجهزها علشانك وحنا في ارضي
احسها ما استوعبت رغم انها ما سألت ولا تحركت من مكانها فسويت اللي لازم اسويه من البدايه نزلت وشلتها بين ذراعاتي وسكرت باب السياره برجلي وهي تصرخ
:- طلال نزلني....طلال نزلني وردني البيت ط...............
دخلنا الخيمه ونزلتها وماتت بقيه حروف اسمس على لسانها اول ما استوعبت اللي هي تشوفه
الخيمه ارضيتها كلها مفروشه باوراق الجوري الحمراء وفي وسطها طاوله مستديره عليها شموع معطره والعشا مجهز قربت من الشموع ولعته ورفعت الغطى عن اطباق العشا وعلشان يكمل الجو شغلت الشريط لموسيقى كلاسيكيه ناعمه شتت غيوم التوتر اللي كان الجو مشحون بها ...رفعت راسي للعنود لقيتها على وقفتها ما غيرت شي قربت منها ورفعت البرقه عن وجهها
:- يعني معقوله طول سهرتنا بتحرميني من شوفه هالوجه
نزلت راسها بحياء وقالت :- بس انت تقول اني بالعبايه احلى
ضحكت :- وانتي اي كلام انا اقوله تصدقينه .....شوفي في كل شي صدقيني الا اذا قلت انك مو حلوه او ان قلبي ما يعشقك وانفاسي ما تردد اسمك ترى انتي حياه الروح وعيني في كل ثانيه تشتاق لطيفك وما يسكن قلبي غيرك ولولاك مت مخنوق واللحين ترضين اني اجلس معك بحسرتي ان البنت اللي اعشق التراب اللي تمشي عليه تحرمني من نظره وهي حلالي
حمرت خدودها ونزلت راسها والجمها الخجل فقلت :- يعني بتظلين واقفه كذا بعباتك
مديت يدي بقلعها العبايه لكنها مسكتها بقوه وقالت بهمس
:- ومتى بتردني البيت ؟؟
رفعت راسها :- ناظريني يا العنود وقولي لي ......انتي ملانه مني وتبين الفكه ؟؟
هزت راسها علامه لا وقالت :- بس يا طلال البيت اكيد .........
قاطعتها :- اولا بنتعشى ....وثانيا رجعتك في ايدك متى ما بغيتي ترجعين بس امري وارجعك
بلعت ريقها :- بس انا شبعانه و.........طلال رجعني البيت
ابتسمت :- من غير كلمه السر ما في رجعه
استغربت وقربت حواجبها من بعض :- وش كلمة السر بعد ؟؟
اشرت عليها تجلس على الطاوله وفعلا جلست وهي تترقب اجابتي
:- تقولين حبيبي عمري قلبي روحي يا بعد روح طلال مو طلال حاف هاااااااا تبين ترجعين يا حياتي وروحي وعشقي وجنوني انتي
نزلت راسها عرفت ان خجلها منعها من انها توقلها :- على العموم انا مستعد انطرك طول الليل لين تشفقين علي وتقولينها
ورفعت لها لقمه علشان تأكلها :- اذا ما اكلتي لحالك ترى انا مستعد ااكلك بنفسي وترى العشا بعده ساخن ما شاء الله عليه سليطين يعتمد عليه
ردت وهي تاخذ اللقمه من يدي :-انا باكل لحالي ......بس ما جاوبت على اسألتي
ابتسمت :- وين حنا فيه ؟........حنا في ارضي (واشرت على نموذج الفلا اللي ورى ظهري )مكان بيتنا المستقبلي
وقفت العنود واتجهت الى النوذج قربت منه وناظرته بتأمل وما لقيت نفسي لا واقف وراها ومنزل راسي اشم ريحة شعرها اللي خدرت روحي وزفرت نفس من شدة قربي منها حرك شعرها وكرد فعل منها رجعت على ورى وبدل ما تهرب مني جت في احضاني لميتها بقوه وطبعت قبله رقيقه وناعمه على رقبتها هيجتني واشعلت نيران الشوق فيني وحسيت بالرعشه اللي سرت في جسمها .....حاولت انها تفر مني لكني شددت من ضمي لها وقلت بهمس وشفايفي تلامس اذونها
:- ما قلتي وش رايك في بيتنا المستقبلي ؟؟
حاولت مره ثانيه تفر مني وقالت بصوت مهزوز :- طـ طلاا طلال
قلت وصوتها يطربني وقربها يسكرني :- عيونه وروحه وعشقه وهيامه
زاد اهتزاز صوتها :- طلال تكفى اتركني
درتها علشان اروي ضما عيني لوجهها واطفي شوق عيني لعينها لكني انصمت بدمعه تعلقت برمشها تبي تلحق سابقتها علشان تلامس خدودها الناعمه مسحت دمعتها بصبعب وبست صبعب المبلل بدموعها وتركتها ورجعت جلست مكاني ......تحركت ورقفت ورى كرسيها وقبل ما تتكلم وتطالب اني ارجعها قلت وانا ارفع كيسه واطلع منها علبه مغلفه
:- هذي هديتك (ابتسمت ) فتحيها وقولي لي رايك (ناظرت العبايه ) والعبايه بس علشان نجي هنا
فتحت العلبه وطلعت منها لاب توب سوني لونه بنك عرفت من وداد ان العنود ودها فيه بدل لاب توبها الاسود والو ما شفت الفرحه ما ليه عيونها احس ان كل فرحه وسعادة الدنيا تسربت لصدري وضاعت علومي لمن قالت بانفعال
:- مشكوووووووور يا عمري
بلمت هالكلمه شلتني لثواني :- ها وش قلتي ؟؟تكفين عيديها
نزلت راسها وقالت بارتباك :- ابد ما قلت غير مشكور
ابتسمت بخبث :-يعني ما تبين ترجعين بيتكم وبتجلسين معي طول الليل
رفعت راسها بحده :- الا ابي ارجع البيت
جاوبتها وعلى فمي نفس الابتسامه :- من غير كلمه السر ما راح اتحرك من مكاني
استغربت منها توجهت لعبايتها لبستها ولبست البرقع وقالت بعدها
:- حبيبي ابي ارد البيت
ما صدقت اللي سمعته اذني سحبت نفس بقوه وزفرتها اااااااااااااه
قطعت المسافه اللي بيني وبينها في ثواني ورفعت البرقع من على وجهها وقلت
:- توقلينها من غير ما اشوف وجهك مو مقبوله
ساعتها مسكت يدي وهي مو عافه وش سوت فيني احرقتني وضاق صدري وبغى يتفجر من الفرحه والتهب قلبي بنيران مياه الدنيا كلها ما تطفيها وقالت
:- طلال تكفى رجعني البيت
ما اقدر اقاومها رفعت يدها لفمي بستها :- من عيوني اللحين ارجعك
رجعتها وطول الطريق وان معتصم بالصمت ويكفيني انها جنبي وكفي يحتضن كفها
واول ما وقفت عند باب بيتهم قلت لها قبل ما تنزل
:- اخذت من تركي رقم جوالك (غمزت لها ) انطري مكالمه مني الليله
فكت يدها من يدي بسرعه ونطت من السياره وهي تقول
:- مع السلامه ...تصبح على خير
حتى ما نطرت ردي وطارت لبيتهم على طول وما حركت الا لمن اختفت من قدام عيوني
-
رد: رواية أطياف الغرام / الكاتبة : معاميريا ; كاملة
((الجزء التاسع عشر ))
(رد فعل )
رد الفعل عند الانسان ليس له قياس محدد ولا يخضع لحسابات او قوانين معينه
وغالبية ردود الافعال تكون غير متوقعه .....والاغرب انها ساعات تجي فعلا مغايره لكل المقاييس لانها تكون عكس اللي نحسه .... وساعات يكون لنفس الشخص اكثر من رد فعل واحد تجاه نفس القضيه ....ما ادري هو بطء في الاستجابه او ان النفس البشريه تختزن الفعل وفي كل مره تستذكره يكون لها رد فعل مختلف ؟؟؟
نــــــــــــــــــــــــــــدى
ابتدأت اليوم فرحانه ومتناسيه كل همومي وفرحة طلال كانت اكبر من ان صدره لحاله يختزنها
فكان لنا نصيب من عدوى الفرح ......الى ان جتني سعاد تقول بصوت لاهث
:- ندوش ما دريتي باللي صار ؟!!
توقعت انها عرفت عن طلال والعنود لكني حبيت استهبل فقلت :- ليش وش صاير ؟؟
اخذتني على جنب وهمست في اذوني :- عليا في المستشفى
شهقت وبطلت عيوني على وسعهم :- في المستشفى ؟!!! وش فيها ؟؟
حركت يدها قدامي :- اششششششش لا يسمعونك العجايز .....ساره كبت على عليا كاسه كوفي وحرقتها
لا عاد اول صفعتها واللحين حرقتها معقوله ساره البارده تسوي كذا ؟!!
:- وليش حرقتها ؟؟اقصد عليا وش قالت لها
سعاد وهي تتكتف :- ما يبيلها تفكير لنفس السبب اللي خلاها تصفعها خلاها تحرقها
((الصراحه ما اصدق ساره البارده الهادئه تسوي كذا ....وعلى وشو على كذبه ما ادري من اللي اخترعتها فيهم ....والله اني خايفه ان عليا ابتدت تسوي حركات مثل امها ))
انتبهت من افكاري وقلت لسعاد :- يعني تبيني افهم ان ساره علشان هالسالفه تصرفت على غير عادتها وحرقت عليا من غير ما عليا تقول لها او تسوي لها شي ؟؟؟
ردت سعاد وصبعها على راسي :- انا ابي اعرف انتي شلون تفكرين ؟؟........خذيها بالعقل الكل يعرف ان خالد عمره ما خطب ساره ....وان الدعوه كذب في كذب ...لكن عليا شخص غريب ما تعرف خلفيات الموضوع فشلون بتخترع كذبه زي هاذي .....ويا حبيبتي اللي دفع ساره انها تصفع عليا وتحرقها وقدام الكل مو الكذبه نفسها لا ؟؟
هزيت راسي ابي استوعب اللي تقوله سعاد واللي خلى تفكيري يتجه لطريق مختلف
:- وشو هو الدافع يا بو العريف ؟؟
ابتسمت سعاد :- بكل بساطه ساره تشوف ان خالد ملكها وبس وعليا سلبتها املاكها فحبت تنتقم من عليا والله العالم وش قالت لها واكيد رد عليا افحمها وما شافت لها منفذ تنقذ كرامتها من خلالها غير تصرفات هبله ومن غير تفكير
اقنعتني سعاد بكلامها خاصه انه يفسر اللي صار من غير ما يترك اي ثغره :- طيب وعليا من امعاها اللحين وش اخبارها ؟؟
تنهدت سعاد :- معاها نجود وخالد .....وما اعرف وش صار عليها لان الثنتين تركوا جوالاتهم هنا
طرأت على بالي فكره وانا اناظر الصاله والحريم اللي فيها وساره اللي ماخذه زاويه لحالها جنب امها :- طيب هاتي جوال عليا علشان نتطمن عليها
بلمت سعاد :- وشلون بتطمنين عليها
حطيت صبعي على راسها :- شغلي مخك...بندق على خالد (وكملت بتساؤل ) انتي تعرفين عليا مخزنه رقم خالد تحت اي اسم
ابتسمت :- هو احد ينسى ((لهيب الروح ))
راحت ورجعت وجوال عليا في يدها مدته علي :- تفضلي
اخذته وقلت :- يلا خلينا نروح الصاله نكلم هناك
سحبت سعاد الجوال من يدي :- اقول لك الحريم ما يعرفون عن عليا تقولين بتكلمين قدامهم
ابتسمت على جنب وانا اغمز لها :- ليه ما تبين ساره ساره تسمع المكالمه؟؟
وقبل ما ترد سعاد دق جوالي وكان المتصل عزيز التفتت لسعاد وقلت لها
:- هذا عزيز ...روحي انتي وكلمي خالد ولا اقول لك عطي خالتي ام عبد الملك تكلمه احسن منك ومني
ضحكت سعاد :- اه منك تبين تولعينها انتي تعرفين ان خالتي ام عبد الملك ما تحب ساره
على العموم اخليك مع عزوز
كنت ناويه اضربها بس ركضت قبل امسكها ناظرت جوالي قبل ما ارد على عزيز سحبت نفس اهدي من نفس ورديت
:- هلا حبيبي
عزيز :- هلا ....ندى انتي للحين في بيت عمك
ما استغربت جفاءه خاصه بعد الخلاف اللي بينا :- ايه تعرف الحريم يطولون مو مثل الرجال
سكت فتره بعدها قال :- كذا ما ينفع .....لكن تدرين بكره عقب اذان المغرب جهزي حالك بمرك
ما كنت حابه ارد الشرقيه فقلت بدلال :- عزيييييييييز حبيبي بلاها بكره اجلها ليوم ثاني
تنحنح :- وشو اللي ااجلها ؟؟
:- الشرقيه
ما ادري ليش حسيت ان نبرته تغيرت للغضب :- اول ما نخلص مشوار علي بنرجع الشرقيه ولا تحسبين انك اذا اجلتين اني بانسى اتفاقنا
كنت ناويه ارد عليه اي اتفاق هذا اللي تتكلم عنه لكني قلت :- وانا وش دخلني في مشاوير اخوك
رد من غير نفس :- امي مصره تشوف البنت اللي بيخطبها علي ومصره انك تكونين معهم
ما لي نفس اروح مكان فقلت :- بس انا وجودي ما له داعي
عزيز وبنفس المزاج المتعكر :- ادري بس امي مصره انها تروح وانتي واختي مزنه معاها
مع مزاجه هذا اكيد بيكون من الجنون معارضته فقلت :- صار بعد اذان المغرب راح اكون جاهزه ان شاء الله
قال عزيز وكأنه يتقصد انه يغثني :- بنطلع من عندهم على الشرقيه على طول فجهزي كل اغراضك ترى المهله خلصت من اليوم
ما رديت عليه انا اساسا ناويه اجي له من زاويه ثانيه والكلام اللي بقوله يحتاج اننا نكون في مواجهة بعض مو عن بعد كذا سلمت عليه وسكرت الجوال
-
رد: رواية أطياف الغرام / الكاتبة : معاميريا ; كاملة
علـــــــــــــــــــيــــــــــــــاء
صرخت من غير احساس او شعور وما قدرت اوقف على رجلي ونزلت الارض وانا اصرخ من الحراره وكل اللي اعرفه ان نجود كانت قاعده جنبي ومحتاسه مو عارفه شلون تتصرف طبعا كان الفرق ثواني من صرختي الى تواجد خالد في المطبخ او لما شفته كنت ناويه اكتم صرخاتي بس الالم ما عطاني فرصه وما قدرت اتماسك قدامه ....سمعت صراخه على نجود المسكينه وكلامه لساره (((والله ثم والله اللي ما احلف به باطل اني ما بعديها لك ...ولو ما انك حرمه كنت دفتك في مكانك ))) حسيت ان كلماته هذي ردت لي اعتباري قدام ساره لكن اول ما شالني على ذراعه وقربني لصدره وانا في دنيا ثانيه كل اهتمامي واحاسيسي مع العضلات الصلبه اللي جسمي الغض متسند عليها ودفء جسمه ودقات قلبه المنتضمه اللي بعثت في نفسي شعور اشبه بالمسكن .....بتقولون شلون انتبهت لكل هذا وهي تتألم من حراره الحرق بقول
ان خالد هذا انسان غريب مجرد حضوره وتواجده جنبي يفقدني تركيزي على الاشياء من حولي واليوم اكتشفت ان قربه يسلبني احساسي بكل شي حولي ما عدا هو هو وبس ..... ولول ما نزلني على السيت الوراني في السياره رجع لي الاحساسس بالالم بقوه خاصه مع الفكره الجديده اللي جت على بالي((انا بكل غباء احب شخص ما يكن لي اي نوع من الشعور ودفاعه عني كان لمجرد اني زوجته وكرامتي من كرامته .....))استرسلت في افكاري ((معقوله يا عليا لانش تحبينه بتنسين موضوع الطلاق ......لا لا لا تسوينها لان احساسش بالذل من شخص ما يعني لش كل شي راح يكون اشد ايلام من الذل على يد شخص ما يعني لش اي شي ))
قطع افكاري وصولنا للمستشفى نزل خالد وكان ناوي يشيلني على ذراعه مره ثانيه لكني رفضت
:- ما له داعي اقدر امشي
من غير ولا كلمه شالني وتوجه للاستقبال اشرت له وحده من الممرضات على غرفة المعالجه بعد ما قال لها انها حاله حروق نزلني على سرير المعالجه وطلع برى الغرفه عقب شوي دخلت دكتوره مصريه كشفت على الحرق عالجته بصمت وبعدها سألتني وهي تكتب شويه ادويه على الوصفه الطبيه
:- الحمد لله ان حرق بسيط لا هو الحرق ده من ايه ؟؟
كنت متوقعه ان اي دكتور بيسأل هالسؤال فقلت :- ابدا كنت رافعه كاس كوفي ولد اختي يركض قريب مني ...صدمني وانكتت القهوه علي
سلمتني الوصفه وقالت :- اه كده طيب مش مشكله هو مجرد احمرار عاوز له كده كم يوم ويروح ...وده مرهم تحطيه على الحرق مرتين في اليوم ..وكمان دي حبوب مسكنه تاخديها لمى تحسي بالالم
سالتها وانا اطالع في اسماء الادويه واستغرب من الصيادله شلون يعرفون يفكون هالشفره
:- زين دكتوره بس الحروق هذي وبالذات اللي في صدري ورقبتي راح تترك اثر ؟؟
وقبل ما ترد دخل خالد بعد ما استأذن وسأل عن حالتي ردت عليه نفيس الردود وبعدها قالت له
:- وما تخافوش الحروق مش حتترك اي اسر لو انتزمتي على العلاج
وقبل ما تطلع التففت لخالد وقالت :- الحمد لله على سلامه المداد يا استاز
رد خالد وعينه مركزه علي :- الله يسلمك (طلعت الدكتوره وساعتها قال ) هاتي الوصفه اصرفها من الصيدليه و...............
قطع كلامه دخول نجود اللي ضمتني وهي تتحمد لي بالسلامه
نجود :- الحمد لله على سلامتك اشوى ان الحرق سطحي (طالعت خالد ) اظن اننا بنرد البيت على طول مو ؟؟
ابتسم لها خالد ابتسامه كنت حابه انها تكون موجهه لي لانها ابتسامه خاليه من اي معاني مخفيه وراها :- اول شي خليني اقول لزوجتي الحمد لله على السلامه (قرب مني ونزل راسه وطبع قبله دافييييييييييييييييه على خدي وقال بصوت تغلبه البحه ) الحمد على السلامه يا عمري ( ومسك يدي وطالعني وكأنه يدور على شي ) تقدرين تمشين ؟؟
ابتسمت له ابتسمت لعيونه :- اكيد اقدر ترى الحرق مو في رجولي
غمز وهمس في اذني :- طيب ممكن اتأكد
حسيت ان درجة حرارتي ارتفعت وان اذوني قبل خدودي حمروا وما رديت والظاهر انه استمتع باحراجي لانه كمل بهمس :- اختاري اما توريني مكان الحرق او تخليني اتأكد ان رجلك ما فيها اي حروق
نزلت راسي وغمضت عيني وكل اللي قدرت اوقله هو :- خالد جوز عني
ضحك والتفت على نجود :- خللك جنبها دقايق اصرف الدوا اول وبعدها نمر بيت عمي ننزل عليا هناك وبعدها نرد البيت
فعلا ما طول خالد على ما رجع لنا ركبنا السياره وهالمره نجود سبقتني وركبت ورى فاضريت اني اكون جنبه ما لحق يحرك السياره الا موبايله يرن عقد حجاته وطالعني
:- جوالك معك ؟
استغربت سؤاله :- لا نسيته
اخذ موبايله وعطاني اياه :- ردي اكيد يبونك
اخذت الموبايل وانا مستغربه بس اول ما شفت ان المتصل ((العليا )) عرفت ليش عطاني اياه رديت وقبل ما اتكلم وصلني صوت خالتي ام عبد الملك
:- ساعه علشان ترد الله يهداك ؟؟المهم وش اخبار عليا ؟؟
ابتسمت وقلت بهدوء :- بخير عساش بخير
انذهلت :- عليااااااااااا !! شعلومك يا بعدي وين خالد عنك ؟؟وش قالوا لك المستشفى ؟؟
رديت بنفس الهدوء والابتسامه ما فارقتني :- الحمد لله الحرق سطي شويه احمرار ويروح
وخالد جنبي تبينه ؟
سمعتها تحمد الله :- الحمد على سلامتك يا بنيتي ...ايه عطيني اكلمه ؟؟
عطيت خالد موبايله :- خالتي ام عبد الملك تبيك
اخذه مني وقال والابتسامه شاقه حلقه :- حيا الله الصوت وراعيته ....امري يا بعد خالد وروحه
ام عبد الملك :-.......................
ضحك خالد بقوه :- والله ان هالكلام من قلبي
ام عبد الملك :-.........................
خالد تغيرت ملامحه للعبوس :- اقول لك بس على شرط ؟؟ موافقه ولا لا ؟
ام عبد الملك :- .................................
خالد :- كل اللي اعرفه من نجود ان ساره تعمدت تحرق عليا
الظاهر ان ام عبد الملك قاطعته :-...............................
خالد :- والله ما صار لي وقت اسألها بس اللي اعرفه ان عليا مستحيل تكون غلطت عليها
وترى يمه هذي مو اول مره تهين حرمتي وانا اقسمت بالله اني ما بعديها لها
ام عبد الملك :-............................
خالد :- كذبت على حرمتي تقول لها اني خطبتها قبل وانها ردتني وما اعرف بعد وش حصل باضبط والظاهر ان رد عليا ما عجبها فمدت يدها على عليا قدام الكل ....انا يا يمه تنهان مرتي قدام الناس ومحد يدافع عنها ترضين يمه (طالعني وكمل ) قلب خالد ينداس وما يرد له اعتباره
والله يمه لو هي مره ما سامحتها كيف وهي ثنتها
ام عبد الملك :- ...........................
جالد :- اول شي ما ابي اشوفها في البيت ومثل ما اهانتها قدام الكل تنطرد قدام الكل
ام عبد الملك :-...........................
خالد :- استني مو اللحين كلها خمس دقايق ونكون عندكم يلا في امان الله
سكر خالد والتفت لي :- عليا ليه ساره سوت كذا؟؟ واللحين اب الرد
بلعت ريقي احترت اقول اللي صار بالضبط ولا ....وما كان في وقت للتفكير خاصه تحت الحاح
خالد فقلت باختصار :- البنت ذبحتني من تشوفني قعدت تتغزل فيك وترمي علي كلام يمين وشمال وتصرح اكثر مما تلمح اني اخذتك منها وهي اللي لها الحق فيك وانك تحبها وما اخذتني الا لانها رفضتك من قبل وانت خطبتني عقابا لها (حسيت بسخونه على خدي دمعت عيوني من غير ما احس ) تقول انك تحبها ومستحيل تفكر في غيرها تقول انك وان كنت بعيد عنها بالجسد لكن قلبك وروحك وياها
ابتسم بسخريه :- بس هذا ما يخليها تحرقك وهالكلام ان كان بيغيظ حد فالمفروض انه يغيظك
ما استحملت انه يبتسم واكيد في داخله يضحك علي وسعيد ان حبيبته تبادله نفس الشعور ولولا غروره كان اكيد تراجع عن نواياه تجاهها :- اي مو لان كلامها يقهر اول مره قلت لها انها كذابه وان من المستحيل وحده تحب واحد هالكثر ترفضه وتجي يوم ملكته توصي زوجته عليه ....يعني وبكل بساطه ان اللي تحبه ما يحبها وهي اللي راميه نفسها عليه ....علشان جذي مدت يدها علي
حسيت ان شي في نظرته تغير ما ادري كأنه استرجع شي في ذاكرته او قاطعني وقال
:- في يوم الملكه ؟؟علشان كذا ما قلتي عن .....(كأنه توه تذكر وجود نجود فكمل ) والمره الثانيه ؟؟
صديت عنه وطالعت الشارع من الدريشه :- ما تحملت وقاحتها وقلت ادبها فصفعتها وقلت لها انها لو تكلمت مره ثانيه عن زوجي اني راح اجرها من شعرها وأطردها من بيت ابوي وبيت عمي اللي هو بيت زوجي وقدامك ....فكان ردها انها حرقتني
ضحك خالد بقوه :- ههههههههههههههههههههههه(بصعوبه تماسك ) طيب شوفي انا اقول لك نفذي كلامك يا بنت يوسف تراها عادتها وبيت زوجك بيتك (ضحك مره ثانيه ) بس من غير شد شعور ترى البنت ماهي محرمه لي
هــــــــــــــــــــــاجـــــــــــــــر
انصدمت يوم جاني سالم حامل صينيه القهوه اللي جابها من المجلس وهو يقول لي
:- يلا يا عروس وديها المطبخ
اخذت منه الصينيه وانا لاويه فمي :- بلا عروس بلا بطيخ ....انا لحين ما وافقت
من الهبل اللي فيني كنت احسبه يتكملم عن رائد نسيب لولوه لكن سالم صعقني برده
:- خلاص ما عاد لرايش لزمه حمود من الغيره ققفل عليش وابشرش ترى الملكه يوم الخميس الجاي
عقلي رافض انه يستوعب او يفهم سالم :- سويلم بلا مصاخه ترى ما احيب المزاح في هالامور
ضحك سالم :- كيفش لا تصدقين اللحين ابوي يجي ويعطيش العلوم
حسيت من جملته ان السالفه صدق لكن شلون والمكالمه و......سألت سالم
:- ترى ما لي مزاج اصلا شلون يحددون موعد الملكه وانا ما وافقت الا رايي المبدئ كان الرفض
سالم ما كان يعرف اني رفضت حمد طالعني بحده :- وليش ان شاء الله رفضتينه هااااااااااااا؟
خفت يعصب ويشدني من شعري وساعتها ما اطول منه حق ولا باطل واكيد ما بيسمعني
:- انا ما قلت اني رفضته انا قلت رايي المبدئ يعني حتى بعدني ما فكرت
ابتسم سالم :- خالاص ريحناش من التفكير والملكه قرييييب
قلت وانا ابي اعرف شلون صارت هالسالفه :- انا ابي اعرف شلون ابوي وافق على تحديد الملكه مكن دون ما ارد عليه خبر
وقالي سالم كل اللي صار ساعتها حسيت ان الضغط والحراه ارتفعت عندي وان اباليس العلم كلها محاوطتني ركبت غرفتي وقررت اتصل عليه اليوم ما بنام قبل ما اعرف ليش سوى هالحركه النذله فيني لازم اعرفها حدوده ولازم خلاص ما عاد فيني صبر وتوني بدق عليه الا امي تناديني حاولت اتماسك واهدي من اعصابي نزلت وشفت امي وجنبها ابوي في الصاله
اشر ابوي اجي اقعد جنبه
:- تعالي ابغيش في سالفه
اعرفها اكيد يتقول لي عن سوايا حمد قربت من ابوي وانا ادعي انه رافض لتصرفات حمد لكنه صدمن لمن قال :- تدرين يا هاجر ان حمد ولد خالتش رجال ما ينعاب وا ينرد وانا من قبل كلمتش عنه وانتين ما اعترضتين عليه ....وتذكرين انش قلتين انش ن تبينه لانه ما جا خطبش من نفسه ؟؟
ما رديت انتظر اخرت كلامه فهزيت راسي اشارة موافقه على كلامه فتابع
:- واليوم حمد كان عندي في المجلس وخطارنا اللي كنت انتضرهم طلعوا خطاطيب
قاطعته امي :- خطاطيب !!! وحمد ولد اختي ؟؟
ابتسم ابوي لها :- ايه خطاطيب لهاجر...و ولد اختش حتى ما نطرني يسمع ردي وعلى طول نط قدام الجماعه وقال لهم ((البنت مخطوبه لي وملكتها يوم الخميس الجاي ......وتراك انت وجماعتك معزومين ))....يعني ولد اختش ضمن بتش لانه قدام الرجال قال انه خطبها وحدد بعد الملكه (والتفت لي ) الصراحه انا في الاول زعلت منه لاني ما رديت عليه وعتبت عليه لاني في كل الحالات ما برضى بخطبه على خطبه .....لكن سمعيني يا هاجر زين انا خلاص ما في يدي ان ارده عقب ما ربطني بكلمه قدام الرجال ..وترى يا بنتي انتين رفضتينه من قبل لانه ما جا خطبش من نفسه ...وانا اقول لو انه ما يبيش كان ما سوى اللي سواه ...ترى ما في رجال يربط نفسه هالربطه مع وحده ما يبيها
نزلت راسي وقلت باستسلام :- اللي يريحك يبا سوه وانا راضيه فيه
لكن طبعا حمد مستحيل اخليه لازم ابرد حرتي فيه والليله قبل اي شي انسحبت بهدوء ورحت غرفتي واتصلت عليه واول ما رد وقبل ما يقول اي كلمه هجمت عليه
:- انت مخلوق من ويش ما تحس ما عندك مشاعر اقول لك ما ابيك اقابل الموت ولا اقابلك
تقوم بكل بساطه تجي تقول قدام العلا والملا اني مخطوبه لك والملكه يوم الخميس
على عكس صراخي رد بكل بروده العلم :- الا كلي احساس ومشاعر وعلشان جذي اشفقت على الولد المسكين اللي كان بيرتبط فيش فضحيت وتنازلت وقدمت خدمه للبشريه باني اتزوجش
زاد هيجاني لا خلاص استخفيت رسمي :- ليش وش شايفني علشان اشفقت عليه ليكون على بالك انك تنطاق ولا تتعاشر ترى احمد ربك انك وان بالغلط قدرت تلاقي وحده مثلي
نفس البرود ولا كأن كلامي حرك منه شعره وحده :- شايفنش علة حقيقتش وحده نعومة شعرها ونحافة خصرها وبياض وجمال بشرتها الناعمه الملسه وخضار عيونها الصافيه
ما قدرت تغطي على قلت ادبها وطول لسانها وتسرعها
اكره هالاسلوب اسلوب الهجاء بهيئه مدح لكن مثل كل انثى مدحه لشكلي كان له مفعول المهدئ على اعصابي :- لااااااااااااا والله انا قليله ادب وطويله لسان واللي قلته اللحين مو قلت ادب وطوالت لسان ..وثانيا وش عليك انت اذا كنت طويله لسان او لا
تغيرت نبرة صوته احسه يبتسم :- اللي قلته اللحين تقرير واقع انتي سألتيني شلون شايفنش فرديت علش ....وثانيا انتي خلااااااااااص في حكم زوجتي يعني لي كل الحق وبشكل حصري بعد في اني اتغزل في معانيش بكيفي شلون اوصفش ...وبالنسبه لطول اللسان وقلت الادب فهذي راح تكون مهمتي وياش الا وهي تأديبش
رديت بتسرع :- وانت متخيل اني ممكن اعيش وياك ....لا يا حبيبي ده بعدك ...اصلا انت من تتكلم يرتفع ضغطي وتنفقع مرارتي وينلغي العقل عندي واهستر
ضحك هالمره :- حلو منش انش تعترفين اني حبيبش هذا اولا وثانيا لا تتحديني ترى اخليش تجربين العيشه معاي من يوم الخميس يعني هي ملكه وعرس مره وحده واظنش جربتين تتحديني قبل ....وثالثا شكرا يا عمري ما دريت ان لي هالتأثير الكبير عليش
قهرني كل ما اقلو له كلمه قلبها علي :- لا تصدق روحك ترى كلمة حبيبي كلمه وتنقال يعني بلا معنى ....وترى هالتأثير من كثر الكره لا غير
رد ببرود :- كلمه حبيبي لغيرى وان كانت بلا معنى ما تنقال مفهوم ؟؟
واذا انتين مو مصدقه يوم الخميس بتصدقين ...وادري يا عمري انش خجلانه تقولين لي احبك فتعبرين عن مشاعرش بشكل عكسي
اخر جمله حسيتها ضربتني في الصميم احسها فعلا وصف دقيق لمشاعري لكن مو بس الخجل بروحه الا الا معاه احساسي بانه ما يحبني والضروف وغروره كرجل وكبريائه ههم اللي خلوه يرتبط فيني وهذا هو دافعي لتصرف بهالشكل ....لكني ما استسلمت وقالت في محاوله مني لرفع ضغطه
:- لا مو مفهوم ....ترى بعدك ما صرت زوجي علشان تأمر وتنهي على كيفك...واستنتاجاتك كلها غلط وكل السالفه ان عمري ما اهتميت او حتى فكرت التفت لك والظروف هي اللي حكمت باني انتبه لوجودك ومن مواقفك السخيفه كرهتك
غريبه وين ردوده السريعه والجاهزه حسيت ان قلبي عورني لمن ساد الهدوء من بينا الى ان جاني رده اللي انعشني اكثر من ما اغضبني
:- مو مشكله يوم الخميس اجيب لك قائمه الاوامر والنواهي .... وبطوف هالمره كذبتش والايام بينا وراح اثبت لش انتي وش كثر تحبيني ....وعلى فكره الاوامر تقول تأدبي لكن خلش خبله
ترى جمالش وخبالش هم اللي خلوني انجن وامشي ورى قلبي علشان اخطبش
ما ادري ليش بلمت وقلت بكل عفويه :- هاااااااااااااااااااا ؟؟
ضحك وقال بصوت حنون :- هاجر ...تصبحين على خير وهالمره طلب مو امر احلمي فيني
ما عرفت ارد عليه فقفلت في وجهه
ادري انكم بتعتبون علي ان ما جبت سيرت وداد وتركي وماجد
ولا احرزنا تقدم في سالفه عزيز وندى
ولا عرفتون وش بيصير على ساره
بس ان شاء الله البارت الجاي
بيحتوى على كل هالاشياء واكثر
اعذب وارق التحايا
وفي امان الله