هجرك أبد ما هز قلبي دام الشموخ مني و فيني / كاملة

.




قصه للكاتبه العنيده212


الشخصيات...
الشخصيات:
© عايلة بو سلطان (سهيل..).....(سويــحان..)
أبو سلطان متوفي.. أم سلطان مهتمة وااايد في عيالها..سلطان أكبر واحد متحمل مسؤولية الكل..شكله حلوو..اممم يسولف ويضحك بس يوم ايعصب محد اي صوبه...مالج على بنت عمه شما..عليا ومعرسة بولد عمتها اسمه منصور..وعندها ولد واسمها سهيل.. اليازية..3ثنوي خباال ع الأصوول..كل الرحامه طااحت فيها..من كانت في 3عدادي وهي كل من شافها خطبها ..خريييييش وما ترووم تسكت..تحب اتسولف وتضحك..بيضا وعيونها وساع وجحيلة..شعرها طاايح واسود وواصل لركبها..حياتها كلها سواالف وتحب تضحك..محد سلم من لسانها..اممم ..هي وسعيد تووم..سعيد أخوها..يشبها وايد بس هو أسمر وحياته شوي اغلظ..يبين عملاق ...طبعه شرات اليازية وأخس ..ومسوي جو في البيت....بعدين مهرووه الرقيقة..حليووة وماشالله عليها..تسمع شور اليازية غصب عن خشمها..وبعدين رااشد 3عدادي مأذي البيت كله وخاصتن الدريول والبشااكير..راعي الدرجات..(خلاف بتتعرفون عليه أكثر..)

© عايلة بو حميد..(العين..)(عمومة عيال بو سلطان..)..
بو حميد ريال هب مقصر في عيال أخووه..حرمته متوفية بعد ما يابت بنت وولد وبعدين عرس بحرمة أسمها خولة..طيوبة ويااهم وتحبهم واايد وهم يبادلونها الشعوور..العيال: حميد وذيج السنه مخلص الثاانوية..أتفق ويا أبووه انه من تخلص هالسنه يجابل حلالهم ويا عيال عمه..شكله وااااايد حلوووو..وخااااق بعمره عسب هالشي..خشمه مرفووع فووق..والبنات يموتن علييييه..وهو طاااااف..سلامه أصغر منه..ربيعة يزووي بس عكسها ..اللي محليها بياضها وعيونها الذبووحية..منطووقها عسل..تمووت على سلطان وما تعيش بلياه..وبعدين هدووفي اسمه هادف صف 3ابتداائي..وعنييييد..وهو ولد الحرمة الثانية..

©عايلة بو منصور..(سويــحان..)..بيتهم حذال بيت بو سلطان..
بو منصور وحياته كلها عزب ومزارع وأسهم..أم منصور وتكون أخت بو سلطان..ووااايد تحبهم..وعيالهم: ..أول واحد منصور وهو اللي ماخذ موزة..وبعده مبارك..مسافر لأمريكا عسب الدراسة ويا ولد خالته ناعمه وشكله حلوو واييد..بقت له سنتين وبيخلص..لانه ما سافر للإمارات الا مرة وحده وما طول بس أسبووع..من ييلس معه يمووت من الضحك ولا ايخلي حد بحاله..وطبعه طيب..ويييييعلق واايد..شعاره في الحياه..:
....ماني من اللي ينحني بالسهوله لي هامة يخضع لها العز ويلين....
بعد مبارك اتي ظبية ..حياتها كلها ويا اليازية وسلامووه..ربيعتهن الرووح بالرووح..امممممم بيضا وعيونها شوي صغار..شعرها نعيم ومايل لبني..وهاللي محلنه..تحب تعلق شرات بنت خالها وأخووها..ووايد تضحك..وبعد ظبيوه اتي مهوي دلوعة البيت..وصف أول ابتدائي..ودووم هدووفي يضربها ويكفخها..

©عايلة بوناصر (أبوظبي...)
بو ناصر شااغل عمره بالتجارة ويغلي حرمته واايد..أم ناصر (ناعمة...)وتكون أخت بو حميد وبو سلطان وأم منصوور(عساكم فهمتوا؟؟..يعني اليازية اتقولها عمووه..)ناصر هب معرس ويشتغل ويا ابووه..العنود..وماخذه ولد عمها بطي..وولدها اسمه خليفة...وعايشين في دبي..وبعد العنود ايي سيف..يدرس في الكلية..وبعد سيف الهنوف وتدرس ثنوية عامه(يعني شرات سلامة وظبية واليازيه..)وهي ربيعتهن ودووم وياهن..طبعها هاادي بس أحيانن تستخف..وتييها حالات..متعذبببة حييييل من الحب ومتخشعه تخشيييييع..(عقب تعرفوون كل شي..)
وبعد الهنوف حمدان صف اول ثنوي..دوومه يتضارب ويا الهنوف..

©عايلة بو عبيد...(الهير..)
بو عبيد..انسان يحب ايسولف ويضحك ويا الجميع..مع انه شيبة..ويكون أخو ام سلطان..وأم عبيد..انسانة ما تحب بناتها يظهرن الا وياها..وعصبية..وبعدين عبيد..انسااان لووتي ..في الساعة يكلم بنتين ..والمحترمة ايخليها غصبن عنها صاايعة..عينه زاايغة..وكم تمنا وتمنا انه يحب وحده من صج وينسى اللعب والهياته..وبعده ميثا..هي بعد 3ثنوي..نفس الشي منضمة لشلة ظبوي ويزوي..بس هي غيير..هادية ..ونادرن ما تسولف..بس اتمووت عليهن..بينها وبين سعييد قصة حب ما تنتهي..كلن ايحب الثاني أكثر..وبعد ميثا ميرة..أنسانه غاامضة..تقعد عند العرب ووجودها مثل عدمها..امممم..لها دوور في القصة..

©عايلة بو حمد..(أبوظبي..)..ويكونون عمومة عيال بو منصور..
بو حمد وأم حمد مربين عيالهم اووكي..حمد أكبر وااحد..في الكلية..حلو وااييد..يهتم في أخواتته ومدلعنهن...نورة..أنسانه متعذبه من بعد حبيبها عنها..منيرة..انسانه ما يهمها شي في الدنيا..درااسة ومطنشة ع الأخير..لدرجه انها احيانن تنسا الجنطة في المدرسة..وكم وااحد خطبها..بس هي ترفض وع قولتها انا ما أبا غير وااحد خقاااق..عسب أكسر خشمه..
((اممممم ..أدري طولت وااايد في الشخصيات ويمكن يستوي عندكم لبس..بس يلا..))))والسمووووحه نبدا القصة..

.


الجـــــزء الأول..

ليتني غيمه بسماكـــــــم..يوم بمطر في حــــويكم..
بروي الأرض وفلاكـــــم..لا ولا بالــــشمس فيكم..

يوم الخميس..
الساعه أربع ونص العصر..
سويحــان..

ما في شي كان أحلى من المطر يوم صب على منطقة سويحان..وروى زرعها..
الجو كان غيووم..والأرض مخروووسة مااي..والشباب هب مقصرين في التفحيط واللعب..كانن أربع سيايير اللي مغطية ع الكل..سيارة سعيد و منصور وسلطان وحميــد..كل الشباب اللي في سويحان متييمعن بسياييرهم قرب العرقووب العوود..وكل وااحد يشل بسياارته..كان صج منظر رهيييييييييب..وراشد هب مقصر قاعد ايصور بكيمرة الفيديو..كان الجو يخبببببل..والشباب فرحاننيين فيه..وكل وااحد يتحدى الثاني..زادت فرحة الشباب وهم يجوفون مبارك يظهر من سيارته واخييييرن شرف الأخ مبارك..انه ايي الأمارات بعد ما قعد في أمرييكا يدرس لسنتين..ظهر من سيارته وسلم ع الشباب كلهم ..اللي يقربوله واللي ربعه ..ومنهالشي..الين انضم الى عيال خواله وشاركهم التحدي..الكل كان فرحان بجوفت مبارك اللي يغلونه ويحبونه..
سعيد(يرمس مبارك من السيارة..والسيارة تتحرك..):حيييييييبه ولد أمريكا شيكا بيكا..تو الناس..
مبارك(هو الثاني يرمسه وموطي الدريشه..):خخخخ..صخ صخ يالعملااااق..فديييييت الإمارات..متووووله عليها..
سعيد:متوله عليها؟؟؟هيه ممممرة أجوووفك متوله عليها..الا هالمرة جم يووم بيتقعد..أسبوع ولا ستة أيااااام؟؟؟ولا بااجر بسير..(يطنز لان مبارك يوم يأ الإمارات قعد فيها أسبووع..)
مبارك:تتمصخر ويا ويهك يالأسوود..بقعععد ارببببببع شهوووووور..
سعيد:بل بل بل عيل الله يعين اليمييع..اسميهم بيموتون منك..
مبارك:هاهاهاها..سوالف والله..جم رقمك؟؟بعدين جايفني دركوولا العرب بيموتون مني..اسميييييهم الا بيموتون منك..انققققللللع قلعة تقلعك ولا اتيييبك..
ويفحط في ويه ويسير..
منصور:هههههههه..هاه بو عسكور اشوفهم طنشووك..
سعيد:هاهاهاهاها...الا بنسمحله هالمرة دامه ياي من السفر ..وعموه علني فداها بغت اتشووفه..
اييهم حميد..
سعيد:حوووه صرصوري يااااااااك الخقاق..
منصور:الصراصير عيالك..
حميد:وخقاق في عينك..حرك حرك.. طالع سلطون وبرووك وين وصلوا..
منصور يسير ويطنشهم..
سعيد:تعااال صرصور ويا ويهك المخشع..معاليه ان ما خليت ختيه ترقد اليوم عندنا وتخلي سهووول يوعيك من صياااااحه..
منصور(سمع الرمسه..):ههههههههههه..تعال بو عسكور خلنا نتفااهم..
سعيد(يطالع في حميد):طالع طالع يوم يبنا سيرة الحرمة تااااب...مصااالح..
حميد(يطالع سعيد بنظرات..):حرك حرك سيارتك يالبعير...أونه احن مسويين فريق..ويوم يأ مبارك تحدانا..وينهي رووح المنافسة على قولت بو سنيده..
راشد(يرمسهم بأعلى صوت..):حووووه يالبعراان يلا تحركوا..سوا شي قااعدين اتسولفون..(وماسك كيمرة الفيديو ويصورهم..)والله حرام عليكم هالكيمرة وهالفلم اللي مشترنه توني..
حميديرمس سعيد):الطيب عند ذكره..(ويعلي صوته عسب راشد يسمعه..)قعدوا عليييييك سببببع بعراان يالههههرم..الا حلااااااال علينا...
راشد:شو أيام الأسبووع..
سعيد:هههههههههههههههههه..الا يابوعبدالله يلا انسير..بييك رااشد وبيغسل شرااعك..
حميد:هاهاها..عاده اخووك يشرد بلاد..من رمسته..
سعيد:حوووووووووه..طالع طالع..
ويأشر على مبارك وسلطان ومنصوور..
حميد:لححححووول نقعونا خيانه..وصلوا رااس العرقوب..
ويحرك سيارته ويلحقه سعيد سايرين صوب الشلة..

. . .
بيت بو سلطان..
الساعه اربع ونص..


تظهر اليازيه من الميلس وهي تغني مستانسه بالمطر....وشوي الا أم سلطان تزقرها..اللي كانت واقفه عند الباب محتمية من المطر وعدالها مهرة..
ام سلطان:يزوووي وحطبه هاه وديتي المدخن وشيكتي ع الفوااله..
اليازية:هيه امايه هي..أمبونه كل شي مرتب..بس محد بييكم الشباب كلهم خاري وانا هنيه محبووسة..حرااااااااااام..
ام سلطان: حراام في الدرام يزووي عن الهذرة وحدري البيت لاا تمرضين علينا شراات هاايج الفترة..امممرة مسدووحه وما تتحركين..
اليازية:لا لا امااية والله حراام..مممممطر وتبني احدر..انا ابا اظهر..ودوووني اي مكان..
أم سلطان:حدري ترى محد متفيج لج..شو بلاها مهرووه هنيه قااعده...
اليازيه:اهئ اهئ انا اسفة بس مابحدر..ودوني ابا ااتحووط خاااري..
أم سلطان:يالله تهدي هالبنية..يزووي انا خبرتج وانتي بكييفج..مهرة يلا حدري دااخل علني فدااج ولا تسمعين شووور هاي الخبلة..
مهرة:انزين أماية..
اليازيه:اماااااية ابا اتحوط..
أم سلطان:صكي الدعنه محد بيوديج بقعه..
وتحدر ام سلطان البيت..
اليازيه:مهرووه ان حدرتي بيييييج شي مايا الكااافر..
مهرة:اهئ اهئ والله حرام بمرض..انتي جووفي عمرج كيف غادية..من فوووق لين تحت مااي..بعدن شو ميلسنج اهنيه جنه مااا عندج بيت..
اليازيه:اووووه..صخي صخي يالعنز..انا اتريا ظبوووي اللحين بتي ...وبنتحوط وننعم برؤية ضحايا سويحان..
مهرة:مادريتي؟؟
اليازية:الا دريت قوم عمي اللحين بيوون..امبونه ها حميد النذل يأ ولا ياب سلاموه وهدووفي..
مهرة:لااااا..شي ثااني..
اليازيه:جيه شو مستوي؟؟
مهرة:تدريــ......
اليازية:تعالي انتي جربي مني..أنا ما اسمعج..
مهرة:لااا بتخييس..
اليازيه:يلاا تعااالي..المطر ما ايي الا في السنه حسنه..
مهرة:والله اخاف ازجم امبوني ميهودة..
اليازيه:جب جب يالناقه وتعالي..
مهرة:لا ما بيي..
اليازيه:ان ماااييتي بتندميين طوول حياتج..لان عندي شي بخبرج اياه بس بعد ما تقووليين اللي عندج..طيعي الشور يا بنت افضل لج..
وتظهر مهروه صوب اليازيه وهي متيمده..
مهرة:اوووووووووويييييييييييييه برررررررررد..انتي كيف متحمله..اهئ اهئ تخيست..
اليازيه(اتعدل قصتها واتردها ع ورا..وويها كلللله مااي..):يلا يلا قولي السالفه اللي فاتتني..امبوني سي ان ان سويحان..ومصدرالأخبار.كييف فااتني..
مهرة:يزووي يزوووي بمووت بمووت..
اليازيه:مووتي علني فدا رووحي مووتي بس بعد ما تقووليين اللي عندج..
مهرة(اتطالع شيلتها..):لاااا تخيست تخيست تخيست..طالعي كندورتيه يديدده ويا شيلتها..جوفي جوفي كيف اتخيست..اهئئئئئئئئئ...
اليازيه(اتسويلها مالت..):ماااالت ع هالشييييفه..انزين انا بعد كندورتيه وشيلتيه يداد..وتخيسن..
مهرة:بس أنا ابا البس لبس يديد اليوم..لانه يوم مميز..وهاه تخيس..
ايازيه:مااالت ترااج اتطفريين..أمس سرت الخياط ويا موزووه ويبت كنادير ثانيات..شو بلااااااج..
مهرة:اووه خلاص انزين..بس أنا بمووت من البرد..طالعي الجو والله انه بررررد؟؟؟ماااااستحمل..
اليازيه:انتي لو ودوج الإسكيمو شو بتسوين..
مهرة:اصلن محد بيوديني..في الأحلااام..
وتلف ويها تبا اتحدر البيت..
جان تمسكها اليازيه..
اليازيه:ههههههههههه..شو جايفتني يااهل بتقصيين علي..قولي اللي عندج يلا بسرعه..
مهرة:يالدففففففففففششششششششه..يزووي حراام عليج تعذبيني..
اليازيه:لاتسوين عمرج متعذبه ومسيجينه..اعرفج يا ام دووييس..يلا قول يلا ترى صبري بدا يخلص..
مهرة:انزين بسير بيب جااكيييت برررررررررد..بمووووووت..
اليازيه:فقققققدتج ياويه العنز..شووو عندج..
مهرة:تعرفين مبارك.؟؟؟
اليازيه:لا ما اعرفه..منو هاه..؟؟
مهرة:اليازيه البقرة لا اتمين تستهبلييين..مباااااااااااارك ولد عموه عايشه..
اليازيه:اههههااااا..والله والله نسيته..بس شو فيه.؟؟الريال مسااافر ؟؟
مهرة:بو حمد يأ قبل شوي وسلم وسار صوب العرقوب عند الشباب..بس خلاااص خلصت السالفه..
اليازيه:ليش هو بالأصل متا يأ..؟؟
مهرة:قبببببببل شوي..
اليازية:هيه ويا ويهه فيه حيييييييل يتحوط..بس ما ينلام دام هالجو وين يرتاح..عفاري اتصدقين ان لي سنتين ما جفته...
مهرة:صيووووو طاااخ..هذيج السنه يأ..
اليازيه:هذييج السنه يوم يأ كنت انا في المستشفى مسدووحه فوق الشبريه رااقده..وقالولي انه مرتين يأ عسب ايسلم علي.بس أنا أكووون رااقده..وهو قعد أسبوعين يعني ما طوول..وانا قعدت في المستشفى أسبوعين..فما شفته..ولا حتا أتذكر شكله..يعني أخر مرة يوم شفته كنت أول ثاااااااانوي..وبعدين ليش اتولعين صوااريخ..أونه صيووطااخ..عاد قلنا مطر ومستانسين..بس المطر ممماااي..يعني ما ينفع صوااريخ..تتذكرين الضرااب مهرووه..
مهرة:حشااااااااااا...عنبوه مية مليون حرف في الثانيه..
اليازيه:تف تف تف تف..سيري يبيلي مااي نشف رييجي وأنا افهمج يالبغام..
مهرة:بغام في عيينج..يلا قعدي تحت المطر وغني ميحد الين ما اتييييج ظبيووه..هيه اتذكر ضرابتج ويااه..عنبووه سب وشتم وزعل..المهم بااااااي..
اليازيه:انققققققلعي ..فالنفاد اللي ينفدج...ع الفاضي أخت..ما تنفعين ويا ويهج..
مهرة:استغفر الله العلي العظييم..امممممرة محد يسلم من لساانج..
اليازيه:يلاا بااااي يالعنز..
مهرة:العنز انتي..
اليازيه:أأأأأأأأأأه لو كنتي عدالي جان استواابج شي..الا ربج بعدتي عني..
مهرة:يزوي عن الخبال ويلا حدري لا تمرضييين..
اليازيه:جب جب يلا انقلعي جدامي..خليني أغني..
تسير مهرة وتسمع اليازيه تغني..
اليازيه:ياا وصفة الحب يا دكتوري وطبي..يا راحة النفس في دنياي بأكملها..تنتنتاانتتبيم نتتنتااااتاتاتاتنن..طاطاطاطااتنتنتن تنت نتالتلالال>>>>أونها هااي الموسيقى..
مهرة:جب جب لا ينعزل حمد العاامري..
اليازيه:شوووووووووووووووو؟؟؟مهرة مهرة سيري سيري لا اييج هاك الطراق اللي بيشل سطاارج شل..وبيأدبج يالحيواانه..
وتربع مهرة وتحدر البيت وتغير وتقعد اتجوف خبال أختها من الدريشه..الياااازيه كانت مستانسة حييييييييييييييييييل..لانها اتممووووووووت على المطر..تمت اتدوور واتدوور وتربع وتغني تحت المطر..وفرحاانه..الا وظبيووه اتي..ويكمممل الخبال...تمن على هالحالة الليين ما قعدن ع الأرض..(تحت المطر..يعني مااشي يديد..)
اليازيه:ظبيووووووووه..
ظبيه:هاااااااااااه وووووويعه شو بغيتي؟؟حليب تراني هب أمج..
اليازيه:ابا اتهوط>>>أبا اتحوط..
ظبيه:تبين تتهوطين ماما بااسر بنتههووط..لالالا صدق يزووي ابا اظهر..مزرعه ومستحييل ايودونا..كلهم خااري يتحووطون بسياييرهم..لا والمشكله اني نسيت اعطي مبارك الكيمرة عسب ايصوور..
اليازيه:اوووه صح الحمدالله ع سلامت مبارك..والكيمرة عطيتها رشود..
ظبيه:الللللله يسسسسلمج..
اليازيه:الاا اسمييييه متفييييييييييييج..فيه حيل ويا ويهه ايجابل الشباب..
ظبيه:هب هب هبااج الرب..صخي عن لا تحسدينه عاده ما صدقنا ايي..هيه فديته فيه حيييل لاتحسدين خوويه علني ما خلا منه؟؟
اليازيه:خلج انتي عااده..حاشرتنا لا تحسدينه لاتحسدينه...
ظبيه:المهم قوم سلاامي بيوون؟؟
اليازيه:هيه بيوون..بس للحين مايوا..
ظبيه:هيه أدري تراني ما اشووفهم..
اليازيه:هيه زين والله عبالي هالعيون المبققات ع الفاضي..
ظبيه:خلج انتي عااده..اقوول وهيوور وينها؟؟
اليازيه:تصدقيين سافرت المريخ..
ظبيه:يامسخفج..
اليازيه:ياا حافظ عيل وين بتكوون اكيد في بيتها ميلسه..
ظبيه:نشي نشي فقققدتج دقيلها خليها اتزهب عمرها بنسير بنتحووط..بس العياييز علني فداهن بيسون لنا ساالفه..
اليازيه:شوووو علينا احن..بنشل ام سهيييل ويانا..
ظبيه:ههه..تدريبها موزوه ان شي مطر ما بتسير..الا اذ وقف..هذييج الساعه بتسير..
اليازيه:بس أنا أبا احووط تححت المطر..
ظبيه:هههههههههه..عيل قري محلج..
اليازيه:أأأأأووف بنحوووط يعني بنحووط...
ظبيه:حووطي محد قبضج..بس بزووواالج ..
اليازيه:ليييييييش..؟؟
ظبيه:يا حلااتج وانتي تمشين تحت المطر وارووحج..شو تسويين..
اليازيه:خخخ ماشي اصوور فيديو كليب..
ظبيه:تاااااااااااااااافهه..
اليازيه:كييييفي كيييييييفي خليني تاافهه..
ظبيه:بتبطييييييييييييييين ..ما بخلييج..أباج تعقلين عسب اتعرسين..
اليازيه:خخخخ..ييمكن لان مصيرنا مرتبط..
ظبيه:نشي نشي تخيسنا..
اليازيه:لا خلينا اشوي..
ظبيه:يزووي يزووي طالعي المطر خف...يالله الحين بيخلص..
اليازيه:خخخخخخ..بيخلص؟؟نشي نشي بندق لموزوه وهيور..
(هيره ربيعتهن الرووح بالرووح..)<<<<أمبونهن ما خلن حد مارابعنه..
ظبيه:هب لازم انا اللحين بسير البيت ببدل وبيب ختج وياي..عسب انحووط..
اليازيه:زين يلا..
ويتفارجن هنتينهن عسب ايبدلن ويحووطن تحت المطر...وقف المطر..وظهرت اليازيه وظبيه ومهرة وموزة(اللي هي ام سهيل..)يتحوطن..واليازيه مقهوورة من موزة..
موزة:بس بس يلا يلا انرد البيت..أكيد قوم عمي بو حميد يوا..
اليازيه:اسسسسسسستغفر الله العلي العظيم..يالبلشة..هيه انتي تراج رفعتيلي الضغط والسكر..شو بلاج تتحرطمين..سهيل ورااقد..
ظبيه:ههههههههههههههههه..
اليازيه:ضحك بليا ضرووووس..والله..هالجو الغاوي..وتبيني أقعد في البيت..لأا حشا ما طبيته ..
مهرة:هاهاها..سوالف يزووي..
اليازيه:صخي يالرقيقة..
موزه:انزين شو بلاج معصصبة..أنا أبا ارد عسب قووم عمي..
اليازيه:أاوهو قوم عمج سوا تلفون قالوا انهم بعد صلاة المغرب بيوون..وبعدين بيوون بيتكم ع طوول ما بيخطفوون علينا عسبة ولدكم مبارك اللي يأ اليوم..
مهرة:هييه صح...........بس وين هيوور..
ظبيه:هههههه..توج ذكرتيها...هيور ما ترووم اتي اللحينه ..قوم عمومتهم عندهم..بتحووط ويانا حواطة الساعه11..

موزة:هاهاهاها..وهاي حواطة الساعه11 أنا مابسير..
اليازيه:عللج ما ييتي ..بنااخذ عياييزنا علني فدااهن..وعااد اذا قووم عمي بيباتون عندنا..ااوف كششخه..ولا انتي خلج عاده مجابلة صرصورج وولدج الدلووع..
موزه:واااايه التراب..علني فداه منصور وسهيل..يعلني ما خلا منهم..جب جب ويا رمستج الماصخه..أصلن الغلط اني يايه ويااج..بتجوفين منو اللي بيطيع شوورج ويسير ويااج السووق..
اليازيه(وتنتبه لمصالحها..):ايه حصل يام سهيل..دنا بمزح..انتي الكل بالكل..
ظبيه:هههههههههههههااااااااااي..توها انتبهت لمصالحها العامه.. اليازيه:اممممممم..هب جنها هاي رنج سعيد..
موزة:هيه هاي رنج سعيد..
اليازيه:هيه هيه بخليه يحوطنا..
موزه:جيه هب سادتنج الحواطه هاي..
اليازيه:لاااااا هاي حواطه مصصصخره..
موزة:أفعل خيرن تلقا شرن..
اليازيه:طااعوا هااي بس..
ظبيه:اتطورت حرمه خوويه صارت تضرب أمثلة..
مهرة+اليازيه:هههههههههههه...
موزه:ضحكتن من سركن بلا انشالله..ترا هاكو البيت..بسير أمشي وخلن بو عسكوور ايحوطكن..
وقفت سيارة سعيد عدالهن..
سعيد:هلاا ماما كيف خال انته ..كيف جيكو..وين انت ما في شوف من زمااان..
مهرة:وااايه بدينا بالسخافه..
اليازيه:سخافه في عينج..
وماعليها اليازيه فجت الباب وركبت عدال أخووها..وظبيه ومهرة وظبيه ورا..
سعيد:شو ماما ما في يركب..مواصلات عامه..أنا في سوي بلووش..
اليازيه:يعني مواصلات عامه وببلاش..
موزة:لا بلاش ولا شياته..أنا بسير بغير وبستقبل العرب..
ظبيه:في ذمتيه امححححق ليل...يا غبيه يا حرمه لييش اتضيعين فرصة العمر..
موزه:شو بعرس أنا..
سعيد:لا ترااج معرسه فرصة العمر يمكن ظبيوه الناقه بتسفرج لندن عحسابها..
ظبيه:يالله انا ما بتيين يالعقده من طوولي اللي من سعوود الهههرم..
سعيد:ماااااالت ع هالشيفة..ما درينا من الههههرم..
موزه:حيااالله ظبيوه اشحالج؟؟
ظبيه:الحمدالله..
موزه:اممم..ترا منصور يسأل متا السفره..
الكل:هههههههههههههههههههههههه..
سعيد:ولا عيبتها السالفه بتسفر ريالها وياها..أونه يسأل متا السفره..
اليازيه:ههههههه..ترقع السالفه..
موزه:ويا وييووهكم تتمصخروون علي..سااد انكم واقفين اترمسووني وفي السيارة..وين منصور؟؟
سعيد:هههههه..ملت منا..صرصورج ورااج..
منصور(في السيارة.وموطي الدريشه..):هلا هلا والله هلا بالغلا كلله..
تركب موزة في سيارة ريلها..
سعيد:ههههههه..فرحانه ماشي تفاهم على طوول ركبت السياره..
منصور:جب جب يالبعير(ويطالع في موزة..)هلااااا والله بحبيبتي وغناتي وشمعة عمري..
سعيد:صيووو طااخ..طالعن طالعن هالصاارووخ..(ويأشر في الهوا أونه هاه صاارووخ..)موزوه خلج حرمه رزينه ولا اتصدقين هاللوتي توني سامعنه يرمس وحده ويقولها هلا بشجون وقلب منصور هلا والله بصالحه....فديييتج ويينج ما تنجافين..
اليازيه:طاااااااااااالعوا الأسم انتوا بس..
سعيد:هو اللي ي في بالي وقلته..
موزة:منصووووور صج هالرمسة..
منصور فاج عيونه..اليازيه وظبيه ومهرة ناقعات ضحك..
سعيد:نفجرت القنابل أعزائي المشاهدين في سيارة منصور ال....ي اللتي هي حالين في منطقة سويحان..نشكر وجودكم لمتابعة برنامجنا أخبار مغشوشة..معكم سعيد سهيل ال........ي..وشكرن..
هنيه الكل نققع ضحك..
موزة:لا اتغيروون السالفة..منصور ييب يب تلفونك..
منصور(يعطيها التلفون..ويطالع في سعيد):شو سويت انته الله يقلعك..اللحين انت ما اتجوفها كيف محرجه علني فداها..
سعيد:يالله شو هالدنيا..حووه لا تتفداها جدام يهااالوووه..
الياوزيه:أأخ أأخ ضحكتني..
وتطالع فيه..
سعيد:...................................ليش اتطالعنيي انا ما أرد علي يهاالووه..
ويضربها ع رااسها..
اليازيه:أأأأأأأأه يا علك العوووق..
سعيد:العوق اييج يالهرمه.يالله..يلا صرصوري تفاهم ويا موزتك..بس تحمل اتحطها في الثلاجه لانها بشر وانا اعرفك أحوول..بتحطها ويا الموز الأصفر..يلا مع السلامه..
ويحرك سيارته..والبنات مستانسات..ويرد مرة ثانيه صووب موزة ومنصوور..
سعيد:موزة فديتج شرات ما قلت لج خلج حرمة ما ترضى الخيانه..
منصور:انققققلع يا مسود الويه..
سعيد:زين صرصوري بااي..طالع طالع وررااك الشله يوا..
منصور:وخييييير يا طيير..اننقلع ابا اتفاهم مع حرمتيه..
سعيد:جي عاده ما عندكم حجرة ولا سهييل ما مخلنكم تااخذون راحتكم..
الكل:ههههههههههههههههههههههه..
وحرك سعيد سيارته وشغل الأف ام..وتموا ايسولف ويااهن..الين ما أذن المغرب ردوا الكل بيتهم..بعد صلاة العشا الكل متيمع في بيت بو منصور عسب العزيمة اللي مسوينها عسب مبارك وذياب..أصر بو منصور انهم ايسوون لهم العزيمة في بيت وااحد..لان قوم بو ناصر كانوا بيسون العزيمه مالت ولدهم في بيتهم..بس بو منصور اصر اهنم يسون في بيت وااحد..كانوا في عرب واااايد اللي يوا..قوم بو حميد..وقوم بو ناصر..وبو سلطان..وبو حمد(اللي هم عمومة قوم بو منصور..)وحتا قوم بو عبيد يوا..وعرب واايد من بوظبي..اللي هم عمومة قوم بو ناصر..وكالعادة الرياييل في ميالسهم..والبنات قاعدات في الصالة اللي فوق..والحريم في الصاله اللي تحت..
اليازيه:سهييييييل لييش ما تبا اتحبني..
مها:هو تيفه..خليه ما يبا ايبوثث..(هو كيفه خليه ما يبا ايبوسج..)
اليازيه:جب انتي جب..محد يبا رمستج..
تسير مهوي تربع وترتمي في حضن ظبيه..
ظبيه:حوووه يزووي يا ويه العنز شو سويتي في ختيه علني بلاج..
اليازيه:ليييش اتدخل نفسها في شي ماايخصها..
هادف:لا اذا ضربتيها أو فكرتي تضربينها يااويلج..
سلامه:عاااشواا..هب جنه قبل اشوي انت اللي ضاربنها..ولاعن خيرها..
الهنوف:لالالا اكيد يستعرض قواه جدامنا..
هادف:هاهاها..صخن يلا بنات ويرمسن..عيل تبوني أجوفها في الشارع تربع وأخليها..جان أمطها من شعرها..وألعن خيرها..وجان هي تصييح..بس أنا ما أحب حد يضربها..
اليازيه:ههههههههههههه..أشكر فنك ولد عمي..
هادف:يلا أنا بسير صوب الرياييل..وانا سمعت مهوووي اتصييح يا ويلكن كلكن..لانها حرمت المستقبل..
الكل:ههههههههههههههههههههههه..
سلامه:حيييييييييبه خوويه ولا بعد محيرنها..
اليازيه:ههههههههههههههه..محد هين..
تم سهيل ايصيح..
مهرة:سهوولي حبيبي شو تبا..
سهيل:ماماما..
ميثا:تعال سهوولي بوديك عند ماما..
الهنوف:يلا اللحينه شوفي طيبت الأنسة ميثاااااا..
اليازيه(تغير السالفه..):هيه هيه سير وياها ..أذيتنا ..وهاي أمك وينها ما تعرف اتسوي شي الا انها اتعقك..
الهنوف:لالا حرام عليج أكيد اتحصلينها مشغووله عند الحرمات..
سلامه:امبوونها هاي اليازيه بس جي ترمس..بس تعالي شوفيها وقت المصالح..يااا حلااتها..
ظبيه:هاههههههههاااااااااي..الا اشوفهم كشفوا خططج..
مهرة:امبوونها خططها مكشوفه وواضحه شرات وضووح الشمس..
ميثا(واقفه جدام يزووي وسهيل..):يلاااا سهولي تعالي..
اليازيه(تتمصخر..):يلاا سهولها سر عندها...
الهنوف:هيه سهوولي سر يلا..(هي بعد الثانيه تتمصخر..حرككككككات..)
ظبيه:ههههه..أقول ولد أخوي تعال عند عمووتك فديت رووحك شو تبابهن هاااييلا..
ميثا:خلج انتي عااده..
مهرة:ظببيه ماعليج منهن..وشلي ولد أخوج منهن..عن ايكسرنه وييبنه صوبكم امكسر..
سهيل:ووااااااااااااااااااااااااااااااااااااااع.... ..ماما..وااااااااااااااااااااهاااااا..مممممممممممم مممممممممممممماااااااااااااااااااااااااااااما...
الهنوف:يااا حافظ شو بغيت في أمك الي منقعتك..
ميثا(طفرت وقعدت..):ولا اوني مسويه عمري طيبه وبوديه..بس هو هب ويه طيبه وتفاهم..وما طااع..خقااااق..
اليازيه:معرررروفين بيت قوم عمي بو منصوور....الخقه الا من عقبهم..الا عموه فديتها هي الوحيده اللي ما منها مثييل..
ظبيه:هااااااااااه..؟؟؟بدينا بالغلط..امبونج انتي ما تسوين شي بياي..لا تخليني أقوم هل البيت كلهم عليج..
اليازيه:خلج انتي عاده..أذا بتتقومين هل البيت..أنا بقوم هل سويحان..
مهرة:عاااشوا بدت الضراابه..
ميثا:هاه طالعوا حتا سهيل سكت..
الهنوف:يبا ايتابع بهدوووء..
ظبيه:ما يبا ايخرب..
سهيل(ايقاطعها..):وااااااااااع..واووووواااااوواوواا وو...أبا ماما..ماما..
اليازيه:ههههههههههههههههههههه..لالالالالا غير رااايه...
ظبيه:مااااالت ع هالضحكه وصاحبتها(وترمس ختها مهوي اللي كانت قااعده فوقها..)نشي نشي علني فداج بوديه صوب أمه ..
الهنوف:هاها..تحافظ على ولد أخوها انه يووصل سالم غانم..
مها:اذين بثير وياث..
اليازيه:هههههههههههه..مهوي مرة ثانيه لاترمسين..
نورة:وااايه التراب ليش ما بغيتيها ترمس..؟؟
اليازيه:ههههههههههه..ماتعرف ترمس..
ظبيه:خلج انتي عاده من زيييين رمستج..على كل نهاااية جمله سبه..
منيرة:هيه ترى الجملة والسبه مرتبطات ويا بعض.((حبيت أذكركم ان نورة منيرة بنات عم ظبيوووه..))
اليازيه:شو بيعرسون ولا؟؟وأذا عرسوا بيبون كلمااات وأحرف..ههههاااااي..
ميثا:عافان الله..
((طبعن ميرة خت ميثا ما تشاركهم الحديث..))
منيرة:طااااالعوا الخبال وين وصل؟؟
نورة:هههههااي..أمبونها هاي أم الخبال..وما يأ الا من عقبها..
ظبيه:لحوووووول..من متا عرستي يزووي ويبتي الخبال..
اليازيه:ليش انتي ما حظرتي يوم خذت الينون..ااه ااه كنت ميهوده علني ما خلا منج..مسويه حاادث وسرتي تواام..
الكل:ففااااال الله ولا فالج..
منيرة:عنبووه هب فااال عليج..
اليازيه:هههههه..خليها عسب مرة ثانيه ما يحرجووني..
ظبيه:في ذمتيه امحححق ليل..تعال سهيل..تعااال..
اليازيه:ياهالسهيل اللي جلبنا فووق تحت..سهيل بابا ولد ماما..اذا بتصيح مع السلامه في حضن أمك المينونه صييح على كييف كيفك..بس اتحمل اتييك جي ضربه ع الطااير..
الكل:ههههههههههههه..
ميثا:يلا بنحاوول مرة ثانيه يمكن ايي صوبي عسب اوديه صوب أمه..
الهنوف:وانتي شو بلاج عليه حارقة أعصاابج ؟؟((ملاحظه تراها وااايد تكره ميثووه..))
ميثا:لا حاارقة أعصاابي ولا شي..الا هالولد غمضني يصيح يبغي أمه..
ظبيه(اترقع السالفه وتغيرها..):خليه عنج يا ميثووه أنا بوديه..
اليازيه:واااااااااايه يالله بالستر..اللحين يتعازمن ع الولد جنه كااااافي..
ظبيه:هههههههههه..فديت ولد خوويه ..تعال سهوولي..
ميثا:والله لا أنا اللي بوديه..خلج انتي هنيه عند ختج مجابلتنها..
الهنوف:لازم تسمعووون رمسة الآنسه ميثا..شو بلاكم(كانت تتطنز..)
ميثا:مشكووورة على انج تذكرينهن أنيه وحده مهمه..
الهنوف:أفااا هاه شي لازم محد ينساه..(تتطنز كالعاده..وأسلوبها يبين هالشي..)
((ميثا ما كانت تعرف لييييييش الهنوف تكرها وتتطنز عليها..مع ان الهنوف أحلى من ميثا..بس الأحساس ايقول عسب سعيد..ميثا قلبها طيب..بس ما حبت أسلووب الهنوف عشان جي هي بعد تراددها في ارمسه..))
ظبيه(وهي حاسه بالمشاحنات..):ما عليه بس يمكن ما تروومين له..
اليازيه:تعرفين تراه من جنس الرياييل..يمكن يرفسج ويوصلج بعيد ..ايسفرج ورا مغيب الشمس..
الهنوف:ههههههههههههه..جي عاده يعني ميثووه ما تتحمل..وااايه طلعتي هب قوية..
ميثا:هيه تراني مخليه القوه لغيري..
الهنوف:أشوفج ماشالله..
اليازيه(هي بعد حاسة بالشرار..):ههههههههههههههههه..يلا سهولي سر عند ميثاني..
تنش ميثا..وتسير صوبهم مرة ثانية..وتاخذ سهيل وهو سااكت ولا صااح(غريبه امبونه هالبيبي اربع وعشرين ساعه مشغل ونانه..)..
اليازيه:خخخخخخخ..لا هالمره اثبتي وجودج وطيبتج بنت الخاال..
الهنوف(بصوت وااطي..):امحق ليل في ذمتيه...
سمعتها ظبيه..وطنشت..وسارت ميثا تحت وين مالحرمات قاعدات..بس موزة محد..وييييييييين سااااارت...خبرتها عمتها أم سلطان انه موزة ساارت المطبخ..اوووهووو هاه وقته أسير المطبخ..
ظهرت ميثا من البيت صوب المطبخ اللي كان برع..عاده اونها هااي موزة ليش سايرة المطبخ..اللي يسمع ايقول بتطبخ العشا..لالالا..هههههههههه..أكيد تبالها حاااية..
رقت ميثا الدري((الدري الي يكون جدام المطبخ...)) الا موزة في ويها..
موزة:أووووووووه سهولي علني فدداااك..من صباح الله خير أدورك..
((طاخ طاخ طاخ ..شوفوا وين وصلت السالفه..من صباح الله خير أتدووووره...حتى ان ميثا كتمت ضحكتها..))
ميثا:كان عندنا فوق..وطوول الوقت ايصيح..(والبنيه تبا اتضحك..بس موزه عندها..عاده لازم تحترم جذباتها اشوي..)
موزه:شوو؟؟توني الا مطرشه البشكاره اتدور عليه عندكن فووق لان ما فيني ارقا الدري..بس هي قالت انها ما جافته عنلاتها..لا وتجذب بعد((لالالالا الحرمة طلعت مظلوومه وطلعت بعد ما تحب الجذب..بس هي اتبالغ اشوي*من صبااح الله خير..*
احم احم بسي حشيت واايد في الحرمه المباللغه..))
ميثا(تعطيها سهيل):هاااااااااج..ومرة ثانيه لا اتضيعينه..
موزة:ههههه..لا لا ما بضيعه(وتمت اتبووس ولدها وميثا اتطالعها)..ميثا علني ما خلا منج يبيله مااي..
ميثا:من عيوني..بس انتي تريي اهنيه..
موزة:لالا مافيني اتريااج..بلاقيج عند الصاله..
ميثا:اامممم..اووكي خلاص..
ويهت ميثوه صوب المطبخ عسب هالماي..يالله شكلي ما بخلص من مشاكلك اليوم يا سهوولي..حدرت المطبخ وهي اتغني(صوتها عادي.)المهم....وقف الزمن بالنسبه لها يوم هزها صوت سعيد وهو يرحبها..
سعيد:مرحبا مرحبا مرحبا ملااااااايييين هلا والله هلااا والله بغناتي برووحي..
ميثا(ويها أحممممممممممر وكم تمنت الأرض تنشق وتبلعها)
:...................(تبلع ريجها تراها متوترة..).............................سعيد..هلا شو يابك..
سعيد(يتقرب منها..هو كان وااقف عند الثلاجه):شو يابني..امممم..لحظه خلينيه أفكر..يمكن شوووق قلبي..
ميثا(ماشي تغير ويها أحمر وموطيه راااسها..):..............شوق قلبك؟؟؟(عنلااااااتج يا موزوه يا ويه العنز..لييش خليتيني أحدر المطبخ..وأنا أقول ليش ما تبا تترياني..يالله ميثوه هذا هب وقته اتسبين وتلعنين وتفكرين..سوي شي عسب اتظهريييييييييين..)..
سعيد:ميثوه شو بلاج..لا يكون شي في الخاطر..؟؟؟؟؟؟
ميثا:شي في الخاطر؟؟لا ما شي ..(فديييتك يا سعيد..)
سعيد(متلوم يوم أنه احرجها..):اها شحالج؟؟
ميثا:يسرك ..وانت شحاللك..؟؟
سعيد:ما نشكي باااس دامنا جفناكم..ميثووه ليش تستحييين مني..
((وييييييييهك لووووح..بالصراحه يعني أخبرك..صج شباااااب طاااااايش..))
ميثا:أستحي؟؟لا أنا عاااادي هب مستحيه..
سعيد:هيه أجوفج مررررة..بس اتصدقين حلو عليييييييييييج..
هنيه ماتت ميثا..وتحركت ويابت قلاص وملته ماااي وشردت من المطبخ..وسعيييد يضحك..بعد ما ظهرت هي هو بعد ظهر(يعاف المكان من عقبها..)وجافته يوم حدر الميلس..وهو بعد جافها..ابتسملها وابتسمت له..حدرت البيت وجافت موزة مشغوووله بالسوالف ويا الحرمات..بس يوم انتبهت لوجود ميثا..أبتسمت لها ابتسامه..يت ميثا صوبها وناولتها الماااي وطالعاتها بنظرة وسارت فووق صوب البنوتات..
مر الوقت..وتعشوا عربنا..هل الهير ردواا...(اهنيه ارتاحت الهنوف..)ويت الساعه 11..وسارت ظبيوه وسحبت اليازيه صووب حجرتها...وتمن يرمسن..
اليازيه:ششششششووووو؟؟ليش ان شالله ما يبن ايحوطن..؟؟
ظبيه:صخييييييي يلعلج العوق..وطي حسج..
اليازيه(اونها اتوطي حسها..):انزين لللييش.؟؟
ظبيه:ممممااادري..بعدين أحسن ما انسير..خلي باجر انسير ويا هيووور لان اللحينه هي أصلن ما بتسير ..عسب قووم عمها اللي من دبي..
اليازيه:لااا خلج انتي عاده..دامهن عياييزنا ما طاعن اليوم..أكييد بااجر ما بيطيعن بعععد..خلني خليني أسير أرمسهن..
ظبيه(تيودها من يها..):خلاااص يزووي بااجر بنسير نتحووط..
اليازيه:يالله..خلاص انزين..بس بععد بسير ارمسهن عن بااجر..
ظبيه:هب لاززم..باجر العصر انخبرهن..وفووق هاذا بنظهر من البيت الساعه 10..خلاص شو بلااج..
اليازيه:اوووووووووووف..انزين خلاص..
ظبيه(تبتسم..):انزين يلا انسير صووب البنات..
اليازيه:لالالا..أنا بسير تحت..
ظبيه:ليش لا يكون تبين اترمسينهن..؟؟
اليازيه:أكييييييييييد..مايباله..أبا اضمن ظهرتيه بااجر..
ظبيه:الله بلاني بوحده عنييده..
اليازيه:عييييييييل...
ظبيه:يزووي افهمييني..
اليازيه:ام سو سو سورري..
ظبيه:لا وقامت ترمس انجليزي.أنققققلعي ..
اليازيه:انتي اللي انقلعي..
ظبيه:هههههههههه..بس بتييين خايبة الأمل..
اليازيه:عاااااااااادي ما يهمني..نجررررررب..
وتظهر اليازيه من الحجرة صوب العياييز..نزلت وهي ع الدري..تسمع اصواتهن..سارت صوبهن..
اليازيه:السلاااااااااااااااااااااااااااااااام عليكن..
الكل:وعلييج السلااام..
أول ما قعدت..
أم سلطان:يزووي علني ما خلااا منج..سلطان له ساااعه يتريا حد منكن اتي..يباله حاايه من البيت..
نشت اليازيه وهي تصطنع البسمه..ومن خااااطرهااااااا مقهوووورة..((عنبوه توني الا يلست برمسهن.اتي انت يا سلطون اتخرب علي..))
ظهرت من الباب الرئيسي اللي هو باب الصاله..وأول ما ظهرت جاافت أخوها سلطان يزقرها..
سارت اليازيه صوبه وهي تنافخ..
سلطان:عافان الله..انا قلت لامايه تطرشلي وحده من خواتيه..هب بركااان..أو ظواهر طبيعيه..
اليازيه(معصبه..):خير أخووي أي خدمه..
سلطان:أبااج اتسيرين البييييت..
اليازيه(وكأنه حد جب عليها مااي..):نعم نعم نعم؟؟بتبطي أخووي..
سلطان:لا بتسيرين يعني بتسيرين....
اليازيه:سلطوون ليش انت ماتسييير..أنزين ليش ما اتطرش راااشد..
سلطان:رااشد طرشته ولا رد..له ربع سااعه..
اليازيه:اووووووف..
سلطان:لا تتأففين..ع بالج بغير رااي..
اليازيه:.......................
سلطان:انزين اذا سرتي بيبلج شي..
اليازيه:والله؟؟
سلطان:والله ما جذب علييج..
اليازيه:انزين شوو؟
سلطان:شي واااااااااااايد حلووو...انتي اتموتين عليه..
اليازيه:خلاص انزينه بسير..بس انت شوتبا؟؟
سلطان:يبي تلفوني الثاني..بتلاقينه فوق الشبريه..
اليازيه:أي وااحد اللي فيه البطاقه اللي مخزن فيها بس رقم سلاااموووه..
سلطان(يبتسم مستانس ذكرت أسم حبيبته..):خخ..هيييييه..
اليازيه:امممحححق لييييييييييل في ذمتيه..البنيه هب فايجه لك..مجابله البنات..
سلطان:صخي صخي ماالج خص يا عنز الحاارة..لو أشغال الدنيا كلها عليها..بتتفيجلي..سيري يبيه وهزبي بو سنيده..
اليازيه:هاهاها..والله ناااس..
وسارت اليازيه صوب بيتهم(اللي هو عدال بيت قوم عمتهم..)حدرت البيت وانصدمت يوم جافت رشوود قاعد ايسوق الدراجه ويتحوط بها في البيت..وفوق هاذا يايب دريولهم ودريول قوم عموتهم والبشااكير عسب ايصفقوله..
راشد:مرحبا يزوووووووي انضمي للجماهير..
اليازيه:ههههههههههههههههههههههههههههههه...بوسنيده شو اتسوي..خخخخخخخ..
راشد:خخخخ..ماشي يا الهرمه تعالي شاركيهم التصفيق..(ويطالع في جمهوره اللي هم البشااكير..)..صفقوا زيين..شو بلاكم جي ما تشجعوني..
البشاكير مستانسين ويضحكون ويصفقون له..وهو يستعرض لهم قواه..كان المشهد ينقققققققع ضحك..واليازيه ما رامت تسكت..كله تضحك وتضحك..حدرت البيت وسارت يابت التلفون..بس مالقت رااشد يوم ظهرت....ردت بيت عموتها وجافت سلطان وراشد يرمسون عطتهم التلفون ..
اليازيه:هاه وين الشي اللي حلو وبتعطيني اياه؟؟
سلطان:كنت بعطيج علوج..بس بقت حبه وقلت حرام أعطيج اياها..وعطيتها بو عسكوور..
اليازيه:فقققدتك..مردوووودة يالأخ..
سلطان:هههههههههههههههههه..
طنشته..وهي معصبه..وسارت المطبخ..تبا تشرب مااي ..لقت ظبيوه اهناااك..
اليازيه:ظبيوووه..شو تسوين اهنيه مخلي البنات اروااحهن..
ظبيه:هاهاها..أي بنات..من نزلتي تحت عند العياييز هن لبسن عبيهن وظهرن..للعين وبوظبي..ويوم اتخبرت عنج قالت لي لابشكارة ان سلطان يباج اتروحين البيت..
اليازيه:هيييه يباني اييب تلفونه..هاه جفتي ذياب..ولد امريكا رقم توو..
ظبيه:شو عشان أخووي رقم ون..مالت عليج.. هيه شفته ..رحييييييييييييييم..والله انه يشبه أخووي مبارك..نسسسسخه منه..نفس الطول ونفس الشعر ونفس العظمه..و نفس الحركات ونفس الأسلووب ..اتقولللييين تووم..
اليازيه:اهااا..كنت أبا اشوفهم هاييلا عيال أمريكا بس للحين ما شفت حد منهم..
ظبيه:عيال أمريكا في عينج..هااييلا عيال الأمارات العربيه المتحده..صدق يزووي ما شفتي حد منهم..
اليازيه(تمد يداتها..على طوول الباب..كأنها تمنع حد من أنه يحدر المطبخ..):هيه والله للحين حتا مبارك ما شفته..بس عفرووه قالت انه يأ بيتنا وسلم العصر..
ظبيه:هيه تراه ياكم العصر..
اليازيه:تعالي شو تسوين..
ظبيه:ماشي امايه تبا عصير برتقال....
اليازيه:انزين سويلها..
ظبيه:بلا استهبااااااال..شو تشوفيني أسوي..أرقص؟؟
اليازيه:هيه..
ظبيه:فقققدتج..تعالي بتخبرج شو بلاهن الهنوف وميثا..؟؟
اليازيه:ممماادري..حتا انا مستغربه من ميثا..شو بلاها جي ترادد الهنوف..
ظبيه:الصراحه ياليازيه لو أنا بدال ميثا جان سويت جي وأكثر..لان الهنوف زودتها..صح انها بنت خالوه ناعمه..بس ولو زودتها..وهي اللي تبدا وتتطنز..تتوقعييين ليييش؟؟
اليازيه:الجمال وقلنا الهنوف أحلى عنها..شو راايج نتخبرها..
ظبيه:والله ان ميثا بعد حللوه ..لالا شو نتخبرها..فضيحه..
اليازيه:هو صح انها حللوة..بس الهنوف أحلى..يمكن شي سالفه مستويه امبينهن؟؟
ظبيه:هيه صح يمكن....بس متا؟؟
اليازيه:مثل ما تدرين مستحييل شي ايفووتنــ.............
قطعت اليازيه رمستها..بسبة صوت لأأول مرة تسمعه..وكان ايقول..
.....:شو ما تبونا انحدر المطبخ..ولا لازم ندفع..؟؟شو تشتغلين؟؟دخول وخروج حق موول..والله هاه بيتنا هب موول..عاد تعالوا شوفوا الوقفه بس..
لفت ويها اليازيه..تبا اتطالع منو هالشخص اللي يعلق على وقفتها..منو صاحب الصوت اللي أول مرة تسمعه...ومنو هاللي تجرأ و تمصخر عليها..

الجــــزء الثاني..

شفته وفي شوفه فتـــــــني..ياني صــــدف من غير ميعاد..
أسهــام عينه صوبنــــــــي..كنه طليب الحق قصــــــــــــاد..

طالعت وراها..وكلها فضووووووووول تبا اتشوف هلإنسان..منوووووو.؟؟؟؟
بس خاب ظنها..شافت أنسان ماجد مرة شاافته..انسان كان في قمة الجمال..حتا هي بعمرها استغربت منه..عيونه وسااع ورموشه كثيفه..وعلى محياه ابتسامه تعذب القلب..وااشقاايه منو هالرحيييم..وفي عيونه تحدي وغموووض ونظرات قويه..غاامضه..
مبارك:مرحبا..
اليازيه:لا ترحب ولا شي..انا وااااقفه على كييفي...وهب اتي انت على أخر زمانك اتعلق ع وقفتيه..
فج مبارك ثمه..يبا يرمس ويوقف هاي عند حدها..قصوورها بعد..بس قفط شكله..يالله أنا كنت أسب وحده جي جمالها وأتمصخر عليييها..يالله صدقه من قال انيه غبي..توني عرفت اني غبي ..اووووف يخخخخخخخرررررررب بيتها..أأأااخ..اوووف اووف شو هالجمال..شو هالجسم ....طالعها مبارك بانبهار..ظبيه خير شر ما حست بالموقف..وهي أصلاً ما حست بوجود مبارك..(عرب مااخذين باالها..بتعرفونهم خلااف..)
تموا مبارك واليازيه يطالعون في بعض..الين ما تحركت اليازيه وحدرت المطبخ..
داار الصمت يوم حدرت اليازيه المطبخ..ولا ارادياً مبارك حدر المطبخ وهو يطاالع فيها..أووووووووول مرة ايجوفها..وينها هاي عني من زمااان..بس أنا اعرفها..
مبارك:السلاام عليكم..
اليازيه+ظبيه:وعليكم السلام..
مبارك((((في خاطرها..عنلاتج يا ظبيوه جان ما رديتي السلام أبغي اسمع صووتها..هب قبل شوي كانت بتاكلني..))))
ظبيه(ولا على بالها شي..):حيياااااااااللله بوحمد زين والله شرفت مطبخنا..
انصدمت اليازيه ..اللحينه هاذا مبارك..هاذا اللي ما شفته سنتين..هاذا اللي أخر لقاء امبينا كان ضرابه..وتذكرت الموقف..يوم كان مطر..وكانن البنات مستانسات حيل....ويوم ظهرن خاااري..يتحوطن..زقرهن مبارك وهزبهن..وكان هو في 3ثنوي..ومن هاك اليوم ما كانت اترمسه..وكانت اتعانده وتاخذ العيايييز وياها..لانها اتممووت ع الظهره..المهم تظهر..المهم..وكانت مطنشته..هو بعد الثاني..بس يوم يأ الإمارات..شاف عربه كلهم ..ومافقدها..وكان بس ايسلم عليها..لان لولا ظبيه جاان ما ذكرها..ويييييييل حالي ع الرحااامه اللي طاحت فييه..احسه يفرض حظوورة..لا عييل شباب سويحان في كووم وهو في كووم..
...طالعت اليازيه فيه..وشافته هو يطالع فيها..وأول ما شافته ع طوول سارت الثلاجه..وهي اتفكر..تغييير تغيير ..أحسه صار عااقل ..وودر يمكن حركات الإستهبال..شكله واااايييييييد غير..عظمته أكبر..بل بل بل كل شي تغير..الا اسلووبه..وييييييييييل حاالي ع الجمال اللي فيه..ينااااااااااااان..خباااال..
ظبيه:يزوووي العنز شو تبين ؟؟صح تبيني اسويلج عصير وياي..
اليازيه:لا مااريد..بس كنت أبا بيبسي ..ولقيت..((كانت تتكلم وعاطتنهم مقفاها..))
ارتسمت معالم الصدمه على ويه مبارك..اللحينه هااي الرحيمه والغاويه تظهر اليازيه..اللي أخر مرة ضاربتها وهزبتها..وكل وااحد ايطنش الثاني..أحييدها حللوة..بس مرررررررة تغيرت..يااااااويييييل حااللي عليها....هااي وينها ما شفتها العصر يوم ييت أسلم عليهم..وحتا يوم ييت هاايج السنه..أأأووه كانت تعبانه..بل بل بل..شو هالرحااامه؟؟اسميها غير غير غير..عيل من حقها تتخقق.زويا رااسها..
سااد الصمت..وقطعته ظبيه بصوتها الحلوو وهي اتغني..وما لقت غنيه غير غنية أنا شفتك للوسمي....اللي حس فيها مبارك لأول مرة انها تعنيله شي..وتذكره في شي..وحس انه هاه شعوره..
ظبيه:أنا شفتك أنا شفتك..حقيقة وابتدا عمري..
وحسيت بندم لاني قبل شوفك عديم الشوف..
أنا شفتك وعاتبت الليالي وانتها صبري..
وقلت الله يا حظي رجعلي فرحي المخطوف..
سلام الله على عينن خذتني وارتبش فكري..
خذتني في نواحيها وساقتني لحنان الروف..
هدتني وردتن حمرا نديه لونها سحري..
مثل لون الغلا شفاف العين شي مش مألوف..
(المقطع اللي في النص ماااااغنته..عاده كييييفها..)
عيونك روضة أحلامي..وأنا من شفتها عمري..
بدا توه و متأسف على عمرن مضاه احسوف..
عيونك أه يا عيونك..عيونك شمسي وبدري..
حبيبي خلني فيها تجمل سوبي معروف..
كل واحد كان ايطالع الثاني..يتذكر الضرابه والتطنيش والمصخره والزعل..ذاب مبارك في عيونها..وحس انه هو كاتب هالغنيه وخاصتن في مقطع عيونك أه يا عيونك..أحلى ما فيها اعيونها..وساع مجحله من ربها..ناعسه..((اسميه الا الريال راايح في خرايطها..))حس بقلبه ينبض....وردت الساعه بالنسبه له تمشي وتكمل دقايقها وساعاتها من تحركت اليازيه وويهت صوب الباب وظهرت..
مبارك(من ظهرت اليازيه..):عيونك أه يا عيونك..عيونك شمسي وبدري..
حبيبي خلني فيها تجمل سوبي معرووف..تصدقين ظبيه ما اأصدق انها اليازيه..
ظبيه:أوووووووووه انت بعدك هنيه..(طالعوا هااي انتوا بس يووم أقولكم ذهنها هب عندها..)هههههههه..لبيش امبونها اليازيه ما تغيرت ليش ما صدقت انها اليازيه..شو اللي متغير..
مبارك:...........................ممادري..مرررة متغيره..
ظبيه:هي من يومها حلوه ويوم أكبرت شوي استوت أحلى..كل من شاافها شهد علييها بالجماال..بس اليازيه ماتتغير في طبعها وسوالفها وأسلوبها ..شراات ما هي..
مبارك:أووووووونه..تصدقين يوم شفتها والله الغالي ما عرفتها..
ظبيه:هيه..
ظهر مبارك من المطبخ وفكره كله عند عيون اليازيه..عيون ذبوحيه ورمش جتالي..رمس أمه وتم ايسولف معاها بس عقله هب عنده..عند اليازيه ..

. . .

عرفتك قبل ما تعرف عليك..رسمتك في خيالي حلم غالي..
قبل عيني اتشوفك والتقيك..احبك يا خيالــــــن في خيالي..

أبوظبي..
بيت بو حمد..
الساعه 2ونص فليل..

نورة:والله انه صاار أحلى بكثييييير..مناير مناير أنا ما صدقت عمري يوم شفته..كنت مشتاقه له حيييل حيييل..فديتك فديتك يا مبارك..والله الغالي أنه محد يسوااه..والله انه ارحم وواحد شفته في حيااااتي..
منيرة:هيدي هيدي علي شوي شوي..نوااري هالرمسه الفاضيه شليها من رااسج..شو بغيتي فيه مبارك..اممرة جنج ما تعرفين انه لووتتي..وانه ما مخلي بنيه ما رمسها..وحتى لو كان في أمريكا..كان ايرمسهن..اممرة ما يصبر عنهن..
نورة:مااايهمني..بس منو اللي مخبرنج..
منيرة:منو يعني..حد غير ظبيه..وأكدلي حمد خويه..
نورة:ويرمس كيفه..ولو يبا ايرمس أماتهن كييفه..صدقين يامنوري أنا ما يهمني أذا كان ايحب غيري أو يحبني..المهم واللي أهم من المهم أني أناااا أحبببه وأموت بلياه..
منيرة(اأتسويلها مالت..):مالت على هالويه..فقققدتج بالخبله..نوااري ترا بطي يباج.. ولا تربطين مصيرج في مصير مبارك..لأنه مااا حفلج ولا امتحن بج ولا استهم بج ولا حتا فكر فيج ولا ييتي على باله(عنبوه خلصتي كلمات المعجم..)..حلفي انه هاه ما يعنيج..خلي عندج عزة نفس ولو شوي..وااحد مستحيل إنه أيفكر فييج..وين تبينه ايفكر فيج وهو مجابل بنات خاله سهيل..عنلاتهن كل وحده أحلى من الثانيه..وخااصتن اليازيه..هب جمال عليها..مشالله مشالله ن لا أحسد البنت اللحينه.. ..
(( للمعلومه:ترا بطي واحد من عربهم..ويبا نورة..بس هي رافضه..وقريب بتخبر هلها عن راايها..بس منيرة محتشرة وتحاول انها تقنعها وتنسا حبها لمبارك وتعيش حياتها ويا بطي..))
نورة:شو بلاني أنا..؟؟
منيرة:يالله..ما فيج شي..
نورة:لا اتكرهيني في البنيه..
منيرة:فقدتج ومن يكرها فديتها..والله انها طيبه وسوالف ومحد شراتها..بس ليش تكرهينها..انتي من قبل اشوي قلتي انا ما يهمني أن مبارك أيحبني أو ايحب غيري..
نورة:..................................... .....
منيرة:نواري فهميني ترا هب زين اللي اتسوينه في عمرج..لين متا يعني بتمين جي..اتحبين مبارك وتموتين عليه وهو مطنش وما عليه..
نورة:لين ما ربي يكتب شي ويستوي..ويخليني أين واترك مبارك..
منيرة:استغفر الله العلي العظيم..نوااراي انا أدري ان قلبج مجرووح من صد مبارك..وتجاافيه لج..هو كلمة اشحالج ما قالها لج..
نورة:بسبببتج..
منيرة:اوووهوووو ردينا للطير يلي..
نورة:هيه ..عيل تبيني أنسا..لو أنج ما رحتيله هاك اليوم يوم يأ الإمارات لمدة أسبوع وقلتيله ان نورة اتحبك..جان ما استوى هاه كله..
منيرة:انزين نورة واتحبك وبعدييين؟؟بيصدج جيه..قولي الا بيعاملج معامله اووكي..وانتي تعرفين طبع مبارك خقاق وغير عن أخوانه كلهم..صح أني أحب الواحد يوم أيكون خقاق..بس هاه خقته غير..شال البقعه مبارك من خقته..
نورة:اووووف..واللحينه هاه بطي شو اسوي به..
منيرة:دااامج طلبتي رااييي..أنا اقولج وواافقي عليه..كافي انه فيه اربعه اتقدمولج قبله وانتي هب طايعه..ومبارك حبيبج ولا عليه..أنا لو بدالج ما بحفله..واصلن شو اللي بيبني للحب..
نورة:يوم أيذوبج بكل شي..
تنش منيره..
منيرة:هاهاها..ترى هالخقاق للحينه ما شفته..وهزري ما بشووووفه..المهم نوااري باجر سيري صوب أبويه وخبريه عن راايج..ترى بطي طيب وريال ما ينعاب..وبيحطج على رااسه..ومبارك سويله بلوك ديليت..مثل ما سوالج هالشي من زماااااان..
وظهرت منيرة من حجرة أختها..وخلت نورة اتصارع أفكارها..وأخر شي حطت في بالها قرار..ورقدت..

. . .
بس من التــــعذيب يامحبي ... خل قلبي وقلبك ارباعه ..
طف نارٍ في الحشى اتشبي ... ماتهــــون دوم ولاعـــه..

سويحــان..
بيت بو منصور..
حجرة ظبيه..
العصر..الساعه 5ونص..

اليازيه:ظبيوه من باعنا بعناه ومن شرانا بعيونا حطيناه..طبي عنج حميد شكله الريال هب مستهم منج ولا حفلج..طبييييييي ما يسوى اثرج..خلاص ظبيوه علني فداج..يعني انتي كل ما اتشوفين حميد بتسوين جي..ترى والله ما يستاهل هاللي اتسوينه بعمرج..ليش حبيتيه يا ظبيوه وانتي تعرفين طبعه..انه خقاق وبيلعب وعقب بيتركج..
ظبيه:............................................. ....هب بيدي أحبه ولا أكرهه..
وتنش من مكانها وتسير تفتح كبتها وتظهر منه صندوق..وتقعد ع الشبريه حذال اليازيه..
ظبيه:هاج يزووي...روحي وديه عند حميد..
اليازيه:انزين بس شو هاه؟؟
ظبيه:هاه رسايل حميد..مال أول..
اليازيه تفتح الصندوق..وتقرا رساله رساله....
اليازيه:سمعي سمعي شو كاتب هالغبي..الى غلاي ظبيوه..أحبج وليتج تفهمين شعوري..ههههههههههههه..والله حركات..وين يبا هاذا؟؟
ظبيه:من زماااااااااان..من قبل ما ايسافر مبارك وذياب..
طالعتها اليازيه يوم قالت مبارك..بس ظبيه ما قالت شي..وتمت اليازيه اتفكر..
ظبيه:شو بلاج صااخه..كملي القرايه خلينا نضحك اشوي..مليت من كثر ما اصيحه وهو مطنش..اتصدقين يزووي..احساسي ايقول يوم انج بتحبين لج واااااحد..بتمييين جي قوية وما يهز قلبج شي..
اليازيه:.......................................... ...&لا تعلييييييق..&
ظبيه:حوووووه شوبلاااج؟؟
اليازيه:ما يابته أمه هاللي بيظوي راااسي..
ظبيه:هههههههههههههههه..
اليازيه:.....................................
ظبيه:حووه شو بلاج صخيتي؟؟
اليازيه:اممممم..مااااشي بس جي أستهبل..
ظبيه:يالله بالستر..انزين يلا كملي..أمبونج ما تعيشين بيا خبالج..
اليازيه(تقرا..وتغير صوتها أونها حميد..وتطنش اللي قالته ظبيه..):بس ظبيوه انا ابا اقولج شي..انا احن ما نصلح لبعض..وان الفراق أحسن شي..(وطالعت في ظبيه..ولقتها موطيه راسها وشعرها مغطي على ملامح ويها..)ظبيوه أكمل..؟؟
ظبيه:لأ خلاص..
اليازيه:يالله بالستر..توها تبا تضحك من سمعت طاري الفراق..عيونها ما أستحملت تبا ترد لشغلها وهو الصياح..لانها طفرت من البطاله..هههههههاااي..
ظبيه(ترفع راااسها وترد قصتها ورا أذنها..):ههههههه..بسج مصخره يا مصخره..قلبج قاااااااسي..
اليازيه:آه علني فدا قلبي القاسي..والله انج حاله مستعصيه..بتخبرج ظبيوه انتي اتحبين حميد..؟؟
ظبيه:هيه أحبه بس اللحين لأ..
اليازيه:لييش؟؟
ظبيه:لانه يبا ايذلني..
اليازيه:وانتي بتذلين عمرج وبتترجينه..
ظبيه:لا..
اليازيه:منو علمج؟؟
ظبيه:انتي..
اليازيه:هههههههههه..علني ما خلا منج يا ملعونة الصير..انتها التحقيق..نشي علني ما خلامنج وعيشي يومج..ترى هالدموع لا تذرفينها اللحينه..اذرفيها يوم أنا أموت لانه شي يستاهل..
ظبيه(اتنش من الشبريه وتلبس شيلتها..):مااااااااااااااالت عللييج..جي دوم رمستج لازم ينطرى فيها الموت..
اليازيه(تنثر قصتها وتعدلها..):هههههه..ربي جي خلقني..أذكر غيري بالمووت..شو أسوي؟
ظبيه:لا تسوين شي بس اترييني ولا تنزلين صوبهم الحوي..
اليازيه:لييش شو بتسوين؟؟
ظبيه:برد الأوراق والخرابيط مكانها..وبتعدل اشوي طالعي عيوني كيف؟؟يقول توني ظاهره من بيت عرب عندهم عزا..
اليازيه:ههههههه..ولا قمتي وتنكتين..
ظبيه(اتجحل عيونها..):من يومي أنكت..الا من حبيت حميد صرت أنكد على غيري حياته..ما صرت أنكت..
اليازيه:شو تقصدين..
ظبيه:أقصدج منكده عليج حياتج؟؟
اليازيه:جي شو مستوي؟؟
ظبيه:اوونج ما تذكرين هاك اليوم الساعه 11ونص..بعد ما ردينا من الحواطه ويا أمايه وخالوه رفيعه(اللي هي أم سلطان)..وجفت حميد وحدرت حجرتيه وصحت..ويتج مهوي تخبرج في بيتكم..وييتي تربعين بعد ما كان مزاجج أوكي من الظهره وكنتي مستانسه..شفتيني بحاله وشوي كنتي بتصيحين ويااي..
اليازيه(هي الثانيه اتعدل جحالها..):ههههههه..أيام عسى ربي ما يردها لنا وتنعاد من يديد..المهم أنا بظهر تحت صوبهم..(وتلبس شيلتها ..اللي كان لونها بني على لون كندورتها..)انزين ظبيوه يلا برايج..
ظبيه:اووكي..بااي..
وظهرت اليازيه وسارت الدري عسب تنزل تحت عند قوم عمتها وأمها اللي قاعدين في الحوي..وهي تنزل ع الدري..كالعاده اتفكر في ظبيه..كانت هاي حالتها من تظهر من حجرتها..يالله كيف هالأنسانه متحمله وجود حميد في حياتها..اللي جرحها وخلاها انسانه ضعيفه..وللحين متحملتنه..لو أنا جان سفرته..جي عاده مرة بسفر ولد عمي..صحيح انه هو طيب ومحد شراته..الا انه المفرووض ما يجرحهــــ............................
انقطع تفكير اليازيه وهي اتشوف مبارك توه بيرقا الدري..شافها مبارك..وابتسم لحظه الحلوو..(اووه الله اليوم يبا ايجازيني)..ورقا الدري وهو يطااالع اعيونها..اللي سحرته وخذت فكره..
مبارك:مرحبا اليازيه ..اشحالج..
اليازيه(مرتبشه ما تبا مبارك ايشوف عيونها..):..يسرك..الحمدالله ع السلامه..(وكانت ودها تجلع عيونها لان مبارك مركز عليها..)
مبارك:الله يسلمج..ولو انها يت متأخره..هاه هب مشتاقه للضرايب والسب ..؟؟
اليازيه:ههههههه..لا مشتاقين للهزب يوم المطر..
مبارك(يتفدى هالضحكه في خاطره..):عيل أمسات ما تمشيتن عسب أهزبكن..
اليازيه:لا أمسات ما كنا متفيجات حق الحواطه..ولا كان كالعاده انحوط ويا العيايز..
مبارك:هههههه..عاد هاه حركاتج معرووفه وواضحه شرات وضوح الشمس ..ميوده العياييز وياج عسب يوم أهزبج هن ايهزبني..
اليازيه:ههههههه..مع احترامي الشديد..دامك دريت اني الفايزه والمنتصره عليك..عيل اليوم يوم بنحووط لا ترز ويهك..وتم تهزب..لانهن هن بيهزبنك..وكالعاده انا اللي بفووز..
مبارك:هاهاها..منو قالج..ومع احترامي الشديد..اليوم ما بتمشين يعني ما بتمشين..ولا بتظهرين ويا ظبيوه اتحوطن..
اليازيه(باستهزاء..):جي عاده الأستاذ برووك شو بتسوي؟؟بتهزب العياييز..
مبارك:قلت لج ما بهزبهن..بس ما بتحوطين يعني ما بتحوطين..ويهي هاه والله ما بتحوطين..عناااااااااااد فييييييج..(وطالعها بنظره نزلت راسها تحت وخلاف رفعته..)
اليازيه:بحووط يعني بحووط..
مبارك:خلي الأنانيه هاييج المرة فزتي علي..واللحين ياني الدوور...وانا اللي بفوز..وبقهرج وبخليج اتقرين في البيت..
اليازيه:هاهاها..صدقني برووك ما بتقدر..
مبارك(يبتسم لها..):للحين تزقريني برووك..
اليازيه:هيه للحين..عيل شو تباني أزقرك..مبارك..
مبارك:هيه..
اليازيه:خخخ..شو أزقر أسامي أوزع بيوت شعبيه أنا ولا؟؟
مبارك:لا اتشوفين الحضور والغياب في الكلاس..
اليازيه:ههههههه..يلا مع السلامه أخوووي الكريم..(وشدت على كلمة أخووي..)
مبارك:وييييين..؟؟ما سولفنا فيااج..
اليازيه:ما سولفت فياي؟؟!!هاها..عاد اللي يسمع كنا انسولف أول..
مبارك:هههههه..كنا نتضارب..
اليازيه:شكلك عقلت ..عسب جي ما بتضارب..
مبارك:ههههههه..الا زااد الخبال والله يعينج عليه..الا انتي ما تغيرتي نفس سوالفج..
اليازيه:هاهاها.. امبوني ما أتغير..
مبارك:هيه أدريبج..يلا شي في الخاطر..
اليازيه:سلامتك برووك سراق توااير..
مبارك:ولا نسيتي هاللقب..اووكي باي عنز الحاره..
اليازيه:غربلات ابليسك.. للحين امسميني عنز الحاره..بيي يوم وبتسميني شي أحلى بوايد غصب عنك..
مبارك:يوم ايي هاليوم يصير خير..يا عنز الحاره..
اليازيه(تنزل درجه وحده..):مع السلامه سراق توااير..
مبارك:بااي عنز الحاره..
اليازيه:أخ لا تقهرني..
مبارك:بااي عنز الحاره..
اليازيه:لا تزقرني جي..
مبارك:اووكي عنز الحاره ما بزقرج عنز الحاره..
اليازيه:ماالت ضيعت وقتي ويااك..
مبارك:هيه صح يا عنز الحاره..
ودرته اليازيه .. هالأنسان لو عاملها وعاملته أحسن معامله..الا في الأخير هو الوحيد اللي يلعب بأعصابها..ويقهرها..يالله..واااااااايد متغير..صح هو من أول كان باررد بس اللحين صار بارد أكثر..يقهرني برووده..يالله هو ليش ماااااخذ فكري..اليازيه شوبلاج..خلاص يكفيج تفكير..
ونزلت صوب قوم عموتها وأمها وتمت اتسولف عندهن..ولا ترييت ظبيوه لانها تأخرت..وشوي الا يتهن ظبيه وحلت السوالف..

. . . .

متعني بصوتك وامتعك بالحـــــب..عطني قليل الحب واعطيك قلبي..
والحب اطهر عاطفه تدخل القلب..مجمل كلام الحب لاصرت جنبـي..


العين..
بيت بو حميد..
بعد صلاة المغرب..
حجرة سلامه..

لبست شيلتها وتشيلت على انها بتسير صوب العايله الكريمه تحت..((أوووه غريبه حميد هب في سويحان..أكيد سار ما صدق بوحمد يأ..يلا بسير تحت عندهم ما بفوت هاليمعه..))كانت هاي أفكارها الين ما انقطعت بصوت تلفونها على نغمة برقن لمع..شافت الإسم..معنا شجوني..اووه سلطان أكيد توه ظاهر من المسيد ومسويلي تلفون..
خذت التلفون من فوق الشبريه وردت..وأول ما ردت على طول سمعت غنية ميحد حمد..متعني بصوتك..ابتسمت سلامه وسمعتها كاامله..وأول ما خلصت..
سلطان:مرحبا مرحبا ملايين ولا يسدن في ذمتيه..
سلامه:هلا..شحالك؟؟
سلطان:يسرج الحال غناتي شحالج انتي؟
سلامه:بخير ربي يسلمك..هاه صليت؟؟
سلطان:هيه صليت لا اتوصيني..
سلامه:لا كنت بس اتخبر..
سلطان:عيبتج الغنيه..
سلامه:هيه عيبتني..بس فاجأتني فيها..
سلطان:علني ما خلا منج..
سلامه:اووه سلطانوه تراني أستحي..لو اتي بيتنا بتشوف ويهي غادي قوطي طماطم..
سلطان:يلا باااي بيي بيتكم..
سلامه:حيااك..غربلات ابليسك..
سلطان:تعالي وينج أمس ما شفتج؟؟
سلامه:فوق ميلسه عند البنات انسولف..
سلطان:خذتي تلفونج وياج..
سلامه:لا ماااخذته..أستحي أخذه..
سلطان:هيه يايبلج أياه عسب تستحين..منه ومني..
سلامه:لا غناتي بس نسيته..وهب حلوه اخذه وياي..وبعدين محد ايدق لي غيرك..لانك الوحيد اللي عنده رقمي..
سلطان:اووكييه عادي بس عيدي الكلمه اللي قلتيها قبل اشوي..
سلامه:اوووه ما فيني أعيد السالفه كلها..
سلطان:مابا السالفه أبا الكلمه..
سلامه(تستعبط..):أي كلمه؟؟
سلطان:امممممم أي كلمه؟؟؟مااااعليييه بأدبج أنا بعدين ..بس خلينا انعرس..
سلامه:ماااااشي عرس الا بعدين..
سلطان:هاهاها..مع احترامي الشديد حبيبتي العرس من اتخلصين الثانويه..ماااشي تفاهم على طوول بنعرس..من متا انا اتريااا..
سلامه:ههههه..ثرك مسيجين ومن قالك اتحب وحده نونو..للحينه ما خلصت الثانويه..
سلطان:والله هاه قلبي اللي مسويبي جي..
سلامه:هيه قلبك ما يستحي..
سلطان:تدريييييييييين؟؟
سلامه:شوووووووووو؟؟
سلطان:استويت اعشق قلبي وامووت فيه..لانه يكن مشااعر حب وهيام لأعز وأغلى انسانه وأحلى وحده في هالعالم كلله..
سلامه(ويها أحمر..):بل بل شوي شوي علي؟؟
سلطان:شو لون ويهج اللحينه..؟؟
سلامه:تتمصخر يعني شو بيكون لونه..أخضر؟؟
سلطان:شو إشارات المرور..
سلامه:ههههههههه..
سلطان:علني فدا هالضحكه وصاحبتها..والله سلامووه أحبج أحببببج..
سلامه(اتغير السالفه..):...انت محد عندك قااعد ودااق سوالف على كيف كيفك..
سلطان(فااهم قصدها..):لا محد عندي..ارووحي في عالم الحب..وانتي ويااي..
سلامه(امطنشه الرمسه اللي يقولها..):ولييش ويين قااعد؟؟
سلطان:في موتريه..
سلامه:هيه وأنا أقووول..
سلطان:ع بالج ما افهم حركاتج القرعه..
سلامه:ههههههه..لا لا اعرف انك تفهمها..
وتمت اتسولف عنده حوالي الساعتين ونست أفكارها..ونست انها تبا تقعد عند قووم أبوها..بس سلطان كالعاده اينسيها الدنيا ومافيها..

. . .

جنوب وشمال .. شرق وغرب توهمني.. جهاتي اربع وانته الخامسه تكمل..
توّهتني في غرامك ليت تفهمـــــــــــني..بعثرتني ليت افهم وين انا بوصــل..


أبوظبي..
بيت بو ناصر..
الساعه تسع ونص..
حجرة الهنوف..

كانت الهنوف قاعده ع النت..كالعاده يعني..لانها مدمنة من من الدرجه الأولى..
وكانت قاعده ع المسن اترمس ربيعتها فطوم..
فطوم(وصف الغزال..):
ازيـــــن حشرتينا..بس هو شافج ولا؟؟
الهنوف(مركون بين البحر والبيت وحداني..ابني لروحي أمل وجروحي ا تهده):
لا خسااااااااااره ما شفته..
وصف الغزال:
انزين كيف شكله..
مركون بين البحر والبيت وحداني..ابني لروحي أمل وجروحي اتهده:
ما فيني أوصفه لاني يمكن أطيح ع الكيبورد..عذااااااااااااااااب..
وصف الغزال:
ههههههه..مالت علييج..انزين شو قاعده اتسوين؟؟
مركون بين البحر والبيت وحداني..ابني لروحي أمل وجروحي اتهده:
قاعده ارمسج..
وصف الغزال:
واااع على استهبالج..
مركون بين البحر والبيت وحداني..ابني لروحي أمل وجروحي اتهده:
هب متفيجه لج..ولا كان أدبتج يالحماره..
وصف الغزال..:
ههههههههههه..محد غيرج حماره يا حماره..
مركون بين البحر والبيت وحداني..ابني لروحي أمل وجروحي اتهده:
ماااااااااعللييييييه يالسوده..
وصف الغزال..:
يلا هنوفي أنا بظهر تامريني بشي..
مركون بين البحر والبيت وحداني..ابني لروحي أمل وجروحي اتهده:
لا قلبي ويههههههج..
وصف الغزال..:
مالت على ويهج..بااااااااي..
مركون بين البحر والبيت وحداني..ابني لروحي أمل وجروحي اتهده:
باااااايات..
وظهرت اربيعتها من المسن وتمت قاعده ع المنتديات..الين ما انفج الباب..
ذياب:هاي أختي الصغيره المينونه..
الهنوف:هلا فيلسوف زمانك..
ذياب:يلا نشي نشي..
الهنوف:شو تباااااااا؟؟
ذياب:نشي أمايه تبااج اتزهبين الفواله عرب عرب بيون..
الهنوف:شو قاعد تتمصخر..امبونها الفواله اربع وعشرين ساعه مزهبه محد يشلها من محلها..
ذياب(ايدور على جذبه ثانيه..):انزين انزين نشي رمسي تلفون ترى عنودي تترياج الها ساعه..تقول يمكن اتي ويا رااسها..
الهنوف:امممم..ييمكن ليش لا..
ونشت الهنوف وسارت الصاله اللي مجابله حجرتها عسب اتشوف العنود شو تبا..بس لقت سماعة التلفون مكانها..والوضع عادي..ردت حجرتها وهي معصبه على أخوها اللي مستحيل في يوم يودر حركاته..
الهنوف:شو انت اتقص علي..
ذياب:تدرين ترا الهنود مقصه..مع فااااااااائق احترامي يعني..
الهنوف:ماااالت..يلا قم من كرسيه..
ذياب:اوووه عندها كرسي..اتصدقين طوول حياتي ما قعدت ع الكرسي..
الهنوف:عيل على شو تقعد..
ذياب:ع الطاوووووووله..هههههههااااااااااي..
الهنوف:وااااااااع على سخافتك....ذيابووه نش نش..
ذياب:شو يعني نش نش..
الهنوف:لا تحرق دمي..
ذياب:أأووه دمها قابل للإشتعال..يعني نفط..تعالي بنوديج المرافئ النفطيه..سبحان الله سمعنا ان دولة الإمارات غنيه بالنفط..بس موجوده في أجسام البشر..شوي على عمرج لا تولعييييين صوارييخ..
الهنوف:هههههههههههههه..دمك خفيف..
ذياب:ههههههه..لا تخافين هب ريشه لدرجة الطيران..الله يخلي الجاذبية الأرضيه..
ايي حمدان(تراه أخووهم..بس أذكركم..)..ويرمس ذياب..
حمدان:حووه ذيابوه ليش امجابل هاي الحيوانه..
الهنوف:محد غيرك حيوان..
ذياب:شو هالمشاحنات والحرب اللي في بيتنا..عيل أنا بكون رجل السلام في بيتنا وبنشر السلام في بيتنا..شو مشكل ماما؟؟
الهنوف:عرب النذاله منهم وفيهم..أمس كنت قاعده أرمس ربيعتيه من العين ع التلفون..يأ هاذا الحيوان(وتأشر على حمدان..)وفصل الوااير..شو هالحركات الماصخه..؟؟
ذياب:هاي حركات يهالوه ما تعرفينها..
حمدان:لأ ما تعرفها..علمها..ولا تباني أعلمك انت الثاني..
ذياب:هههه..الا أنا اللي بعلمك تراها حركات جديمه وانا مسويها من قبلك ويا العنود..يوم اترمس تلفون يا أفصل الواير أو اضغط الأرقام..
حمدان:حللللوه حركة ضغط الأرقام..يلا الهنوف سيري رمسي تلفون عسب أسويها..
الهنوف:مالت عليكم(وتصرخ..بصووووووووت عاااالي)..ظهرووووووووا من حجرتيه..
ذياب(مطنشنها ولا كأن سمع شي.):انزين حمدانوه وين بويه..
حمدان:هناك تحت ايسولف ويا عيوزه..نش انخرب عليهم بسهم تغزّيل..هاييل قاصين على أعمارهم..وخص الشيبه..مراهق في الخمسين..
ذياب:خخخ..بوي بيحفر قبرك وبيدفنك..شو بلاك هاي ناعمته..وين الشله الكريمه سيف وناصر..؟؟
حمدان:سيف ويا حمد..وناصر سار دبي..
ذياب:عيل تعال وياي بنروح المول بنشوف الغواني..امممممممرة مشتاق حيل لشغلتيه..بنيمع الشباب وبنتمصخر..
حمدان:هيه هم حتا مشتاقين لك لدرجه انهم ما وظفوا حد بدالك..تخيل لمدة سنتين..
ذياب:هيه فديتج جي هم بيسون..وراتبيه وين..
حمدان:راتبج عند بويه..عيل يلا غناتي هبابنا نوصل..
ذياب:هيه تراهن اللي هناك خلاف بيسرن وعيوني ما شافت حد..
حمدان:انزين علني ما خلا منج يلا بسرعه..
ذياب:يلا الهنوف....
حمدان:انزين نشي من الكرسي..العنود وين ولدج..
ذياب:هاه نشيت..ولديه عند أمايه مرقد..
ويوقف جدام الهنوف..وهي اتطالعه من فوق لتحت..
الهنوف:عنبوه بعير يايبنه من أمريكا هب خوويه..
حمدان(مسويلها طاف..):تعال ذياب انته تقلد منو؟؟
ذياب(يمشي ويسحب يد أخوه حمدان.):أقلد الهنوف والعنود..
ويضحك ذياب ويضحك وياه حمدان غياضن في الهنوف..اللي عصبت منهم ومن ظهروا حمدرت ربها..رقعت الباب بقوووووووو؟؟وقعدت ع الكرسي تكمل شغلها..
. . .

لابقوتك تجبرني أحبك ..ولابعنادك اطيعك..
أنت تضيع علي وقتك.. ولو تجيني أبيعك..

سويحــان..
الساعه10..
الحوي..
تي تربع مها صوب اليازيه وتوايها..
مها:تقولج ظبيه شي حواطه اليوم ولا لا؟؟
اليازيه(تنش من وين ما كانت قاعده في الحوي..):لا فديتج قوليلها شي حواطه..مستحيل ما ايكون شي حواطه..
مها:اووكي اللحينه بسير أخبرها..
اليازيه:يلا سيري..
تسير اليازيه صوب أمها اللي كانت في الصاله اترمس تلفون..وبعد ما بندت..
اليازيه:أمايه الساعه عشر خلينا انرووح نمشي..
أم سلطان:لا ما فيني أمشي اليوم ريولي اتعورني..
اليازيه(منصدمه وتتذكر كلام مبارك..):انزين أمايه بسير ويا ظبيه وعموه..
أم سلطان:عموتج ما بتسير..
اليازيه(فاجه عيونها..):ليش شو بلاها؟؟
أم سلطان:تقول ان مبارك قالهن ما يظهرن لأن الشباب مسوين يمعه ومتولفين قريب من هني..
اليازيه(منصدمه..):بس أمايه أنا ابا احوط..
أم سلطان(اتنش من مكانها..):ظكي عنيه اهناك..دوومج والمشي مخاوين..المهم يوم ايي سلطان خبريه اني أباه في رمسه..
اليازيه:شو هالرمسه؟؟
أم سلطان:ماالج خص..سيري رقدي..
اليازيه:شو أماايه ارقد اللحينه..تو النااااس..
أم سلطان:انزين خلاص يلا فاارجي..
اليازيه:أمايه بسير صوب ظبيوه..
أم سلطان:سيري بس لا تبطيين وما تيين الا ويه الفير..أعرفج يزووي وحركاتج..
اليازيه(مقهورة..):خيييييييييبه..ههههههه..لا تخافين أمايه علي..
أم سلطان:انزين يلا..يالمقوي..
اليازيه:ماااااااااماااااااااا اي لف يووووووووو..
أم سلطان:يالله بالستر ..
وتسير صوب الباب وهي اتفكر..سويتها سويتها يا برووك..معقووله معقوله ايي مبارك على أخر زمانه ويكسر رمستيه..ماعليه مااعليه يا مبارك..ان ما نكدت عليك حيااتك..ما أكون يزووي بنت سهيل..
كانت معصبه وايبين في شكلها..تخيلوها..تمشي بسرعه ومرتبشه..غمضت اعيونها يوم شافت مبارك..كانت ما تبا اتشوفه وهو كااشخ..صدت عنه..لانه كشخته كانت غير..وهي تكابر..ما تبا تتعترف ولو بين نفسها انه حلوو..وانه يستحوذ على كل فكرها..
شافها مبارك من بعيد..ابتسم ابتشامته المعتاده..وظهر من سيارته اللي كان مبركنها جدام الباب..وكان بيظهر..بس من شاف غناته..وين يظهر؟؟
نزل من سيارته بهيبته ..وببسمته..وبنظراته..ببروده..يأ صوبها ..ناظرته وصدت عنه..وكانت بتمشي بس صوته وقفها..
مبارك:مرحبااا..
اليازيه:مرحبتين........
مبارك:أووه أشوفج ما مشيتي..
اليازيه:هيه ما مشيت..سويتها يا برووك..
مبارك:لا تقولين برووك..هب أصغر عيالج..
اليازيه:اتهبي انت اتكون وااحد من عيالي..
مبارك(بابتسامه باارد حرقت اليازيه وزادتها قهر..):هههه..مشكوورة..
اليازيه:عفواً..
طالعته ...وشافته يبتسم لها ببروود..بس ابسرعه صدت عيونها عنه..مافيها عليه..مشت وتجدمت صوب باب الصاله بتسير صوب ظبيوه..
مستحيل في يوم اتعامل هلإنسان مثل أي حد غيره..طالعها مبارك لين ما وصلت للباب وحدرت البيت..أبتسم..ووطى راسه..سحب سفرته وحطها على كتفها(تراه بتسفر مرة ثانيه في سيارته..)هالإنسانه..غير ..في ذمتيه انها غييير..ليش يا مبارك اتييك هالأفكار اللحينه..اللي يقول أنك ما تعرفها من زمان..وعايش معها نص عمرك..
أروييج يا اليازيه..انتي بعدج ما شفتي شي..ان ما حرقت أعصابج..ماكون مبارك بن خليفه..
سار سيارته وحط السماعه وتم يرمس ربيعاته..بس فكره هب عند أي وحده..كان عند اليازيه..

. . .

ايه احبك هذا حظي الي انكتـــــب .. دربي الي امشيه و ادريبه تعـــــــب..
ايه احبك و انت في عيوني سهر .. و انت وســــــط القلب حرات و خبر ..

الهير..
بيت بو عبيد..
الساعه 12ونص..
الصاله اللي فوق..

كانت ميثا اتطالع التلفزيون وطايحه جدامه..حاطه على نجوم واتطالع...فزت من مكانها وهي اتشوف عبيد ايها ويبند التفزيون..
عبيد:يلا يسدج أغاني وذنوب..نشي رقدي....
ميثا:هههههههه..تو الناس..بعدها 12..ونص..
عبيد:ولو..ايقولج..نام بكير أصحى بكير شوف الصحه اشلون بتصير..
ميثا(تنش وتعدل شيلتها..):انزين عن الفلسفه وين كنت..؟؟
عبيد:كنت في سويحان..عند برووك..لا تخافين ما شفت سعيد توه اللحين مرمسني ويأ من بوظبي..وما اعرف شو عنده في بوظبي..
ميثا(قاااافطه..وويها أحمر..):....بسسم الله الرحمن لرحيم..انزين أنا ما اتخبرت..
عبيد(يحرك يداته لها ويعطيها ظهره..):انزين أدري..بس قلت أقصر المسافات..
ويحدر حجرته ويبند الباب..
ميثا:استغفر الله العلي العظيم..ماكو شغل على قولت يزووي..اووبس اليوم ما رمستها يلا بااجر برمسها..برووح أشوف ميرة أكيد مجابله الكمبيوتر..
وتويه صوب حجرة ختها بتشوفها..دقت الباب وسمعت صوت ختها اتقولها دخلي..حدرت الحجره ..ختها مطفيه الليت ومجابله النت..هااي حالتها جي دوووم..!!!!!!!!!!!!!
ميثا:ميرة بسج عيوناتج بيروحن بسبة النت هاللي أربع وعشرين مجابلتنه..
ميرة:شو أسوي طفرانه..
ميثا:اممم..شو تسوين..
ميرة:مااشي توني متعرفه على هنتين من المنتدى واللحينه أرمسهن ع المسن..
ميثا:أهااا..المهم قوم خالي محمد باجر بيونا..
ميرة:وخير يا طير..
ميثا:ما يهمج..؟؟
ميرة:لأ خلاص ما استوا ايهموني..
ميثا:ليش يعــنــ...........
ميرة(اتأشر لميثا أشاره على أنها تسكت.):ميثوه دخيلج لا تيبين سيرة هالسالفه..اللي صار صار..وهاه شي صح اني للحين ما نسيته..بس خلاص..هاه مصير كل إنسان في النهايه..
وردت اتجابل الشاشه ودمعتها ع خدها..شافتها ميثا..اتألمت على حالة ختها..وظهرت من الحجره..سارت لغرفتها وهي اتفكر في ميرة..لين متا يعني يا ميرة بتميين جي..مالومج انتي فقدتي غناتج..
غمضت ميثا عيونها وهي تتذكر..تتذكر وقلبها يعتصر على أختها..فجت ميثا عيونها وهي اتطالع بوها جدامها..
بو عبيد:ميثوووه ليش للحين ما رقدتي؟؟
ميثا:اللحينه سايرة لحجرتيه عسب أرقد..
بو عبيد:انزين وأخوج وينه؟؟
ميثا:توه حدر حجرتيه..قبل شوي يأ من سويحان ..
بوعبيد:هيه تراهم هاييلا الشباب ما عندهم شغله غير صك الخطوط..وميرة ختج وينها..؟؟
ميثا:في حجرتها..
بو عبيد:اها..زين يلا سيري رقدي..
ميثا:اووكيك..
بو عبيد:شوو؟؟
ميثا:انزين ابويه اللحين سايره..
بو عبيد:هيه..وأانا مستغرب شو بلاها االبنيه..سيري سيري علني فدااج..
وتقرب ميثا من أبوها وتبوسه ع راسه..وتسير حجرتها تبند الباب..عسب ترقد..

. . .

ما أحبك..ولا بحبـــــــك..وحبي لك من سابع المستحيلات..
بس أحب ألعب بقلبــــك..وأسطر ذكـــــــــــــائي في أبيات..

عند الباب..في بيت بو منصور..
الساعه 1ونص..

ظبيه:انزين وشو بعد؟؟
اليازيه:ويا ويهج..اتشوفيني أتمصخر..
ظبيه:لا صدق وشو بعد؟
اليازيه:تتدرين من يوم ما كنت اصغيره وأنا اضاربه..للحين ما تغير شي..يحرقني برووده..وابتسامته..مادري شو أسوي في حياتي..
ظبيه:بل بل..اللحينه برووك امسوي كل هااذا فييج..عنبووه..
اليازيه:وياااااا ويهج يا العنز..
ظبيه:هاهاها..لا اتضحكيني معرووف من العنز..يا عنز الحاااااااره..
اليازيه:اهئ اهئ شو هاه اللقب اللي مخاويني من صغري..غيروووووووووه..
ظبيه:مااشي..طرتي حليتي ما بنغيره..
اليازيه:أأأأأأخ منج..يبالج تكفييخ..المهم أنا بسير بيتنا النا ساعه هنيه متفيرزات عند الباب انسولف..ضاقتبنا البقعه..
ظبيه:هههههههههههههه..اتخافين ولا أوصلج..
اليازيه:لأ ماخاف..جي سويحان فديتها فيها كل الأمان..
ظبيه:أأأأأأأأأأه..ابا ارقد.؟.مشتاقه لشبريتي..مع السلامه..
اليازيه:بااي..
وحدرت ظبيه بيتهم..وتحركت اليازيه خطوتين صوب بيتهم..الا اتشوف سيارة عافده عليها..
سعيد(اموطي الدريشه..):هههههههههههههههه...مرحبا ختيه العزيزة..
اليازيه:سعوووووود وحطبه..زيغتني يعلك العووق..
سعيد:ههههههه..عادي..هاه ما تولهتي علي..؟؟
اليازيه:لأ..تعال باجر..يمكن اتوله علييييييك..
سعيد(ايرد سيارته لورا..):عيل مع السلامه باجر بيي..
اليازيه:ههههههههههه..تعال ويا ويهك أمك حاشرتنا اتصلوا بسعيد اتصلوا بسعيد..
سعيد:فدييييييتها أمايه يعلني ما خلا منها...
وينزل من السياره..
سعيد:حد عندنا؟؟
اليازيه:ما دري..
سعيد:وليش للحينه خاري البيت..ولا ما عندج بيت؟؟
اليازيه:لأ عندي بيت..بس كنت عند قوم عموه عايشه..
سعيد:هيه..هههههههههه..ليش جي قزومه..؟؟؟؟
اليازيه(اتشوف سعيد اللي كان أطول منها..):ماالت عليك من أخو تووم..أنا بنوته وانت ريال شكبرك..ماااااااااالت علييييييك..
سعيد:..........آه....(يطالع السما..)عزاه من مثلي تعذب..ومن الوصل نفسه حريمه..(للمعلومه....صوت سعيد ماااشي شراته..واااييد حلوو..وتحسون فيه حزن..)
اليازيه:شو ضاربنك الهوى.؟؟
سعيد:أأأأأأأأأه ياليازيه والله مشتاااااااااااااااااااااااااااااااااااااااااا ق حييييييل لميثوه..
اليازيه:مشكله الحبايب..جي ما شفتها أمس؟؟
سعيد:شفتها..ورمستها..بس هاه ما يكفيني..حراام والله حراام تخيلي أشوفها بس دقايق..
اليازيه: تزوجها وبتشوفها بالأيام..ههههههههههههههه..
سعيد:أأأأأأأأأه صخي صخي يالهرمه صخي..
ويحدرون البيت..
اليازيه:صووت حد في الخيمه..
سعيد:هاييلا أكيد سلطون وبرووك..كل واحد ايمثل عمرة ساحر الليل..أأأأأأأه يالليل..أبدونك ما دري شو كنت بسوي..؟؟
اليازيه(معقده حياتها):بدوونه كنت ما بتقدر اتسوي شي؟؟ليش سعوود شو اللي مستوي..شو بلاه الليل..
سعيد:أحب والله بلاني بلوه كبيرة به..
اليازيه:انزينه وشو دخل الليل..؟؟
سعيد(يضربها عر اسها ضربه خفيفه..):انتي شو درااج يالياهل بالهوى وأشكاله..
ويعدون الخيمه..
اليازيه:بل بل ..شو سعيد ما تروح عندهم؟؟
سعيد:لأ هب فاايج أضحك..بسير وبنبطح ع الشبريه وبدق أبوها نومه..من الصبح في بوظبي..
اليازيه:ما تبا تاكل شي..؟؟
سعيد:لأ توني متعشي مع ذياب وحمد..يلا مع السلامه عنز الحاره..
اليازيه:ههههههههه..باي..
ويهت اليازيه صوب المطبخ .. تبا تااكل شي..ظبيوه ما أكلتها..كانت اتغني بس مقهورة ما ظهرت اليوم..وتقول في خاطرها..(شكلج يا يزووي ما بتظهرين دام حيوان زمانه هنيه ميلس في الإمارات..مااااالت عليك من مبارك..ماشفت البركه من ييت..)فجت الثلاجه تبا اتظهر لها شي تااكله..بعد عشر دقايق زهبت لها أكل خفيف..وظهرت من المطبخ وراحت الحوي وقعدت تااكل..وشوي سمعت صوت حد من وراها ولفت وشافت مبارك.

الجزء الثــــــــــــالث..

لايق عليك الحسن والزين ..متميزن بالوصـــــــف فتان..
تذبحني نظرة من العــــين ..واموت انا في بحر الأعيان..

مبارك:مرحبا يزووي..
اليازيه(اتنش..):هلا..
مبارك:افا ليش جي مبوزة..
اليازيه:ما كنت جي الا يوم شفتك..
مبارك:ههههههههه..شي طيب..
اليازيه:والله..مرة مستانس..
مبارك:اوف ما تتخيلين..
اليازيه:.............................الا اسميك يا مبارك امضيع مذهب حاط دوبك ابدووبي..........
مبارك:أنا مضيع مذهب؟؟؟هي انتي سمعي..أنا لا وحده راحت ولا يت وفكرت بس اتسبني..اليازيه حشمي وعن الغلط..وجاني غثيتج السموحه..الا انتي حرام حد ايعبرها ولا يستهم بها ويدزلها ويه..ولا ني بغريب اتعلميني ..وثمني رمستج قبل لا تنطقينها؟؟هب مبارك بن خليفه ال.........ي اللي اتعلمه بنيه ما درت وين الله عاقنها المذهب وغيره..
اليازيه*عنبووه كلني رادار مشغلينه..*:لولا حشيمة هل البيت يا مبارك جان حطيت الفرد بعيونك..ومرفوقات البدويات عن تضييع المذهب..ومحشومه بنت سهيل ما غلطت على ظيفن لفانا ..
مبارك:تسامحت منج ياليازيه جاني غثيتج..الا انتي حراام عليه الواحد يتسامح منج أو يفكر بهالشي..سمحيلي..ما كون ولد جباايل يوم إنيه اسبج والعن خيرج وفي داارج..الا رمستج مووول ما تنطاق..وما سنت عند الجبايل ولدهم ايسب البنات..الا انتي مطوووله لسانج ع الرايح والراد..وأنا مبارك ال.......ي..ولد عمتج بس غلطتي علي..وحشمتيه عراااس الكل..اللي منهم انتي....
ودرها وسااااااار..
انقهرت اليازيه..وتحلفت له..ومشت وهي معصبه وهاه الشي كان امبين من شكلها..حدرت البيت..وسارت لحجرتها..لييييييييييش ايعاملني جي؟؟شو اللي سويته له؟؟أنا مادانييه..يطلعلي الضغط..يقهرني ...السبال الحقير النذل..الخاااام..لعله الموت..يستفزني..أأأأأأأخ..وأنا ليش أحرق أعصااااابي..عسب واحد حقير..اه..بمووت من القهر..اممرة مسك الرمسه هب هين هالمبارك..سكتني..ولا انا ع بالي بسكته..يوم إنه في داااري..
وقفت ع الدريشه..وشافته ويا سلطان..واقفين عند الباب الكبير..وكان امبين عليهم انهم يضحكون..سحبت الستاره وسكرته..(وأنا ليش استهم به..بن عروه بيستهم به..ماااااااااااالت...)فجت شعرها ..وحطت في بالها ترقد وتخلي هالأفكار..بس شافت الكمبيوتر..وقالت بتحدر النت..حدرت النت..وقعدت لين الساعه 3ونص..وخلاف رقدت..

. . . .
احبك للوفا والله يــــــــــــــعلم.. وعمري من دفا قربك يطيبي ..
تعيش اسنين ياعمري وتسلـم.. تمنيتــــــك من العالم نصيبي ..

سويحــان..
الساعه 3ونص..الظهر..
بيت بو سلطان..

سعيد واقف عند باب حجرة اليازيه..ويزاعج ومكسر الباب..بس اليازيه نومها ثقيل..وتم عند الباب..عنبوه يا ولد الحلال كسرته..اذا محد يوايبلك سر(يرد علي ويقول..:ماااااااالج خص انتي كيفي كيفي..)خخخخ..مالت عليك..وبعد مووت..
اليازيه:هاااااااااااه؟؟منو ع الباب..
سعيد:بن عروة..فجي فجي برمسج..
اليازيه:عفون أرمس العرب كلهم بس انت يا بن عروه مع احترامي الشديد مابا ارمسك..بعدين بعد شوي بظهر..توني ظاهره من الحمام(الله يعزكم..)
سعيد:فجيييييييي الباب يا ملعونة الصير فجي..بسج رقااد..
وتفج اليازيه الباب..
سعيد:عنبووووووووووه جم شمس ع الكرة الأرضيه؟؟ويا هالشعر..شمس شمس مافي شك..
اليازيه:لا تستخف دمك..شو المطلوب..؟؟
سعيد:بيت شعبي وعماره طاال عمرج..
اليازيه:اوووه شو المطلوب؟؟
سعيد:ما عندي المعطيات والبرهان طاال عمرج؟؟
اليازيه:اوووووووووف سعيد شو تبا؟؟
سعيد:ريتي الساعه جم ولا لا؟؟
اليازيه:لا ماريتها ما أتعامل مع ساعات الحائط..جم الساعه..
سعيد:اتناظر الساعه..وش فيك مستعيل؟؟
اليازيه:يااااااااربي الله بلاني بك يا سعوود..
سعيد:منو هاه سعوود؟؟
اليازيه:أأأأأأأخ منك..ولد حارتنا..جم الساااعة؟؟
سعيد:عنبوه ميلستني جي جدام الباب..ماشي تفضل ولا نسيتي عمرج يالبدويه؟؟
اليازيه:سمحلنا الشيخ ..هب من عاداتنا يالبدو ما نرحب بعربنا..تفضل..
سعيد:محشومين البدو..زااااااد فضلج..
اليازيه:عيل اترياني الين ما ييب القهوه..والفواله..
سعيد:لا لا تسلمون ما يحتاي..
اليازيه:أفا ما هقيناها منك يا فلان اترد عربك..
سعيد:خخخخ.عايشه الدور..
اليازيه(بخيبة أمل..):سعيد بتخبرني الساعه جم ولا لآ؟؟
سعيد:هييييييههيههيههيههيههيههييييههيههييي..الساعه 3ونص..علني فدا رووحي..((معروووفة ضحكة سعيد..لأنها مميزة..))
اليازيه:شووووووووو؟؟يعني تغديتوا؟؟ليش محد يأ وتكرم ايوعيني..؟؟
سعيد:امممممممم..ما عندي الجواب..صح ميثووووه قبل اشوي دقت..وكانت تباج..سيري يلا دقيلها..
اليازيه:شو؟؟لا بعدني بتسبح وبغير..وبااااكل..وبتفيج وخلاف جي العصير بدقلها ..يعني يوم أتفيج..
سعيد:هههههههه..بليز يعني لا تضحكيني..أقولج سيري يلا دقيلها..لا أسفرج الهند..
اليازيه:يلا لا تخليني أشتكي..
سعيد:خوفتيني..عند منو حظرتج بتشتكين؟؟
اليازيه:عند منو يعني؟؟رااعي الدكان؟؟أكيد عند الشرطه..
سعيد:ليش انتي اتدلينه درب الشرطه..
اليازيه:هيه أدله بنت سهيل..تباني أسيرله..
سعيد:قصوورج لا خطيتي خطوه وحده برع البيت....يزووي نشي رمسي ميثا ابا اسمع صووووتها..
اليازيه:يالله..انت شو بلاك اليوم..اذا تبا اترمس ميثا سير انت ورمسها..ولا خل بن عروه ولا واحد من عياله ايرمسها ويااااك..
سعيد:صخي قطعيها الرمسه يا مسودت الويه..لو تدرين ؟؟انتي بكبرج ما تسوين شعره من شعر ميثا..
اليازيه:وااااااااااااااايه التراب..لا اتخليني أقوم البيت ابكبره عليك..فديت رووحي الكل يشهدلي بجمالي..والمعرووف اني أحلى وحده في العايله الكريمه الله يحفظهم..قوول الا ميثا اللي ما تسواني..ظهر ظهر من حجرتيه..
سعيد:ههههههههههه..انتي ما تسوينها..ميثا تااج رااسج..
اليازيه:سعيد لا تغلط وتتعدى حدودك..محد غير ربي وأبوي أمي هم اللي تاج رااسي..ولا البااقيين ما يسوون شي بالنسبه لي..حتا ميثتك ما تسوى شي..امبونها بنت سهيل حاشمه العرب الا انت ما تحشم ومضيع المذهب..
سعيد:هههههههههههه..هيدي هيدي ..كنت ابا اعرف شو بتسويين؟؟؟عنبوووه كلتيني يا بنت سهيل ..
اليازيه:عيل أشوفك تغلط علي..وأسكت..
سعيد(يقرب صوبها..):وهذا اللي يعيبني فيج يا اليازيه..غيييييير عن البنات كلهن..محشوومه عن الغلط..
اليازيه(تبتسم.):أعيبك ماعليك..ويله ويا سوااد ليله اللي يغلط علي في داااااري..(وتذكرت الموقف اللي أمس..)
سعيد:هب بس وييله وسواد ليله..الا حرمت عيشته....سيري سيري تسبحي..وداعة الله..
ويظهر من حجرته..أما اليازيه حدرت الحمام..*الله يعزكم*..

. . . .


هام قلبي في هواكم و انجــبر .. صدقونـــي جيف اسلا ما يصير..
يا حبيبي من نصابي في خطر .. و ارحم الي صار في حبك اسير ..

يوم الجمعه..
أبوظبي..بيت بوناصر..
العصر..الحوي..

كانت العايله كلها متيمعين..وخصوصن وياهم يدتهم..اللي هي ام امهم
**يدتهم شيخه..السموحه منكم نسيت ما أحطها في الشخصياات..**
حمدان وذياب وسيف ماكلين جو اليلسه بضحكهم..عكس ناصر اللي مشغل الاب توب والهنوف حذاله..
أما العياييز مجابلات الشيبه ويسولفون..وفجأه..
أم عبدالله(عبدالله هو اللي بو حميد وسلامي وهدووف..):سيف..
سيف:عووونج..
أم عبدالله:نش غربلات ابليسك نش يالهرم..ودني سويحان..
ذياب:جي عاده العيوز متولهه عليهم..وع السييح..؟؟
أم عبدالله:عيييييز حيلك يا مسود الويه..هيه تولهت عليهم..
ذياب:مسسسسسسسرع ما مداج يدووه تتولهين عليهم توج............
أم عبدالله:صخ صخ قطعها الرمسه..يا مسود الويه..
ذياب:هب جنهم قفطووني ولعنوا بو خاامسي..
سيف:امممممممممرة لا تتخبر..يدووه اشعنه ذياب ما يوديج..
ذياب فج عيونه منصدم...ومتحلف لسيف اللي كان ايحرك حياته قصده ايغيض بذياب..
أم عبدالله:لالالالا..أباك انت يا ملعون الصير..هاه بو هناد تباني أخبرهم شو مسوي أمس..
ذياب(يحرك حياته..قصده ايرد الحركه..):هاه العيوز خبري شعندج؟؟
أم عبدالله:صخ صخ انت ولا بهالعيرة عراااسك ..يا ولد امكيرا..(امريكا..)..
الكل سكت ما فهومها الا سيف تم نااقع ضحك..
أم ناصر(ناعمه بنت أم عبدالله..):ويدي أمايه علني فدااج شهالرمسه..؟؟
سيف:هههههههههههههههههااااااااااي..أمريييكا أمريكا..
هنيه الكل نقع ضحك..وما راموا يسكتون..ألا يوم سكتهم نااصر..
ناصر:ههههههههههه....بس بس يدووه شو مسوي بو هناد..؟؟؟
أم عبدالله:هيييييييييهاااااااء خله بو هناد ع صووب ظهر رااعي بنات...أمسات ميلس في الحوي يرمس تلفووون..
حمدان:انزين يدووه يمكن ربيعه..
أم عبدالله:صخ انته ربيعه بيقوله علني فدااج وغناتي ..
أبو ناصر:وخييييييييير ياااااااا طير..خلوه ايرمس ع كيييفه..
ذياب:عااااااااااااااااش شيبتنا..تحيا الحريه..تحيا تحيا..
حمدان:عيل سيفووه خذت الموافقه الرسميه..
الهنوف:جي عاده أميه ما سكتي شيبتج..
أبو ناصر:شاب شعر رااسج صخي عن تزعل العيووز وما نبات في الحيره..
أم نااصر:عيل شعنه ترمس جيي؟؟
أبو نااصر:علني فداج يا نعومتيه...بس جي قااعد أسولف..لا يكون زعلتي ماااهون عليييييج يالغاليه يالحلوه انتي يالغاويه..
ذياب:هلا والله هلا مافيه حييله شيبتيه ثرني طالع عليييه..عيل لا حد ايي ويلومني..من صغري أشوف أفلام هنديه مسجله..
أم عبدالله:شو هالمنكر..؟؟
ناصر:ههههههههههه..عنلاتتك..صخ لا ايسفروونك..
ذياب:اممممرة بنصخ ما صدقنا اني اماراتنا..
أم عبدالله:سيفووووه وويعه نش شغل مووترك..
سيف:يدووه مارووم أوديج..
أم عبدالله:اشعنه ما ترووم؟؟
سيف:عندي شغل بعد شوي بسيرله..
ذياب:يدووه يدووه لا اتصدقينه هاه جذاب..بيسير ايجابل ربيعته اللي أمس رمسها تلفوون..
أم عبدالله:عنلاااااااااااااتك يا سيف يا مسود الويه يا مضيع المذهب..يتسير اتجابل ربيعتك ربعبك بعير انت وياها وتطيحون من فوقه..منو هااي اللي مضيعه مذهبها منو هااي بنت الجباييل..وودني وودني صوب أبوها ان ما أدبته هو وبنته..
الهنوف:وشلج فيهم يدووه..؟؟؟؟(كانت ترمس وعيونها ع الاب توب)..
أم عبدالله:صخي انتي محد رمسج..ولا بهالعيرة عرااسج..موول بتوقعين مسدووحه ..طالعي تلفزيونج؟؟
ذياب: هههههههههههه في هييج الساعه بنطقج الشهااده..
حمدان:هاهاهاهاهاههاااا..شكر فنج يدوووووه..
الهنوف(اترمس ناصر..):اممممممممممرة عيبته السالفه..ما يصدق حد ايسبني ..
ناصر:ولا يدووه رمسيها بتقولج بهالعيره ع رااسج..خخ..
الهنوف:هههههه..لا تعلق لا بتنش وتكسرك..مافيها حييله البدويه..
بالأخير نش سيف وودا يدووته سويحان..

. . . .


أحبك يا نظر عيني غنــــــاتي .. و احب الارض لي تمشي عليها ..
و احبك حتى اكثر من حيـاتي .. و اسوم الروح لجلك و اشتريها ..

سويحــان..
بيت بو سلطان..
بعد صلاة المغرب..

ظبيه:اممممممم..قولي يا رب انه ما ايي اليوم مافيني أصيح..يلا أنا اترياج يزووي..
اليازيه:اوووكيك وداعة الله..والله يعيييينج عهالدموع اللي مبرمجه من اتشوف حميد ع طوول تنزل..
ظبيه:هههههه..الله يحفظج..يا يا يا عنز الحااااااااره..
اليازيه:مااااالت عليج بااي...انتي حرااام حد يرمسج..باااااي..
ظبيه:بايات..
بندت اليازيه التلفون وسارت حجرتها اتغيير..ظهرت لها كندوره برتقاليه ويا الشيله..وجحلت اعيونها وحطت قصتها ع طرف..ظهرت من حجرتها وسارت صووب مهرة..
دقت الباب وحدرت..
اليازيه:هااي مهرووه شو تسوين؟؟
مهره:مااشي اذااكر..
اليازيه:انزين بتسيرين وياي صوب بيت عموه عاايشه يدوه شيخه يت..
مهره:وااايه علني فدااها..اللحينه بخلص وبييكن..برايج اذا بتسيريين....
اليازيه:اوووووكيك..
نزلت اليازيه تحت ولقت رااشد في الحووي يلعب بالدراجه..
اليازيه:رشوووود يا مسود الويه..
راشد:هاااااااه يا بيضا الويه..(يتمصخر..)
اليازيه:شفت أمايه..
راشد:توها ظاهره العيوز من الباب سايرة أتشوف يدووه شيخه..
اليازيه:هيه عيل سبقتني..
رااشد:جب جب جب بس جب جب؟؟
اليازيه(معقده حياتها..):ياااااااالله بالستر..ووين سعيد..
راشد:ساروا العين صوب حميد..ووياهم سيف..وسلطان..بس أنا لا..
اليازيه:اااااااااهاااااااااااا..مع السلامه..(يعني يا ظبيه ما بيتصيحين..)
راشد:بااي..في ستن دااهيه(اوونه يتكلم بالمصري..)
اليازيه:بتخبرك انت شو من يواز عندك..
رااشد:علني فدااا الإمارات يواز بو صقر..
اليازيه:هيه ع بالي بعد..
تحركت اليازيه وويهت صوب الباب الكبير وظهرت وحدرت بيت عموتها عايشه..شافت أمها ومنصور وموزة وسهيل وعموتها عايشه ويدوتها شيخه..(وظبيوه محد..)سارت وسلمت عليهم وقعدت حذال يدوتها..تمت اتسولف وياها وتاخذ علومها لأن طوول الأسبوع اللي مضا كانت عند بنتها ناعمه..يأ سهيل وتم يلعب بعصا أم عبدالله..عاااااااااد الله يعينك يا سهيل بتاكلك العيووز..كله ولا عصاتها..
موزة(اتطالع في منصور تباه ياخذ ولده تراها قاعده ع الطرف..ما فيهم على حشرة العيوز.."وبصووت واطي..*:منصور منصووور شل شل سهيل بتاكله يدوتي اللحينه..
منصور*يطاالع فيها ويبتسم..*:............................ .
موزة(حطت في بالها ان هالأنسان ما منه فاايده..):سهيل تعال فديتك بخلي البشكاره اتبدل لك..
أم عبدالله:سهييييييييييل فدييتك فج العصا..
وتمط العصا منه وتحطه فوق اليازيه..
أم عبدالله:قبضيها قبضيها..(وعطتها اليازيه..)..
وشلت سهيل عندها وتمت تلعبه..المهم..مر الوقت ..والعيوز واليازيه اتسولف فياها..ويت ظبيوه وتمن ايسولفن فياها..كاااااانن ايموتن عليهن..ويحبن سوالفها..ونفس الشي مع أم عبدالله..كانن اليازيه وظبيه لهن معزززة غيير عن الكل..تمت اليازيه اتسولف والعصا عندها..نش منصور ونشت موزة وراه..أما سهيل تم يلعب عند يداتها..وكان يحااول ياخذ برقع أم سلطان..
أم سلطان:وييل حالي علييك يا سهوول جي عاده بغيت البرقع..
اليازيه:لا تحااااتين أمايه بعطيه برقع يدتيه..
أم عبدالله:قصووورج ان مديتي يدج ع برقعيه..يا مسودة الويه..
اليازيه:ههههههه..غريبه ما قلتي ولا بهالعيرة ع راا.............
مبارك(يقاطع سوالفهم..):السلااااااااااااااام عليكم..مرحبا مرحبااااا ملاااييين ولا يسدن في ذمتيه..تو تو مانورت سويحااااااان..مرحبا بشيخة الزين..
أم عبدالله:واااااايه يعلني ما خلا من هالشووف فدييتك يا مبارك..
ووخى تحت وبااس رااسها..كان قريييييييب من اليازيه..طالعته بنظره يوم رفع رااسه..وكان ايطالع خته ظبيه..يباها اتقوم من مكانها عسب هو يقعد..خقاااق بنظرة فهمته ظبيه..ووسعت له وقعد حذاال يدتها..كان ايسولف فيها وياخذ ويعطي..العيوز تمووت على شي اسمه مباارك..وكان دووم تفتقده..ما صدقت من اتشوفه خوفاتي اتفج شعرها وتنعش..
نشت ظبيه وساارت المطبخ..مادري شو كانت بتييب..بقت اليازيه قااعده ما ترمس..عكس العياييز ومبارك..
مبارك:عيل يا حظك يا سيووف يوم انه ماشي ضربه يت عرااسه..
أم عبدالله:هيييييييهااااء كنت بضربه الا قلت بسامحه هالمره..الا اللي يباله ضرب هاايييلا مسترغداته يبالهن تكسير راااااااااس..علني بلاهن..
مبارك:هههههههههه..علني فدااج يا يدووه..
وظهر تلفونه من مخباه..وطرش مسج لذياب..
""هلا ذيااب..شحالك..اسمع سولي تلفون وسو عمرك بنيه..يعني خل صووتك ابنيه....بسرعه..خلاف بخبرك السالفه."""
وصله التقرير..حط التلفون ع الأرض..وابتسم ابتسامة خبث..كمل سوالفه..رن تلفونه ع نغمة ميحد حمد شوقي حمايم..وشل تلفونه اللي كان ع الأرض..
مبارك:يدووه هاي ربيعتيه...
أم عبدالله:وااااايه التراب..هاتها هاته برمسها هاي اللي مضيعه مذهبها..
يرد مبارك ويحط السماعه ع أذن يدووته..وعاد ساعه لين ما يحصل أذنها تحت الشيله..هز رااسه ومد بووزه وين بلقا اذنها..طالعته اليازيه وشاافت شكله..
اشوي كانت بتنقع من الضحك..بس سكتت تبا اتشوف نهايتها..حتى أم منصور وأم سلطان سكتن..
أم عبدالله:ألوو..الوووو(وتعلي صوتها اتحيدون العياييز يوم يرمسن تلفون يعلن صوتهن على أخر شي لدرجه أن الأحبال الصوتيه يمكن تتقطع..اليازيه ومبارك نااااقعين ضحك والبقيه ساكتات..)...الو يعلج العووق يا ملعونة الصير ياللي ما تخلين ولا تحشمين..شو مسويه يا مضيعة المذهب..وين أبوج عنج وأخواانج وين أمج يعلها العوووق..هاه يا ملعونة الصير..شوو؟؟مبارك اربيعج..هو اللي متعرف علييج؟؟جب جب أقوولج جب ..ربعبج حماار انتي ويااه في السكه وطحتوا..يعلج العووق ان سويتي تلفون لمبارك لا تلوومين عمرج يا الصايعه يالضااايعه..
مبارك واليازيه كاااانوااااااا ميتييييييييين ضحك..عكس العياييز الثانيات كانن ايزيدن أم عبدالله..وأم عبدالله ع الريييييحه اتسب وتلعن..
أم عبدالله:الله يجلعج اننجلعي يا مضيعة المذهب انجلعي..غربلاااااااات بليسج من بنيه ما تخيل.
بند ذياب التلفوون وكان مييت ضحك ع سوالف مبارك..
أم عبدالله(ترمي التلفون في ويه مبارك..):خذ تلفونك غربلاااات بليسك انت وياها..انت يبالك تكسير رااس..عاد حي سيف ما خلاني أرمسها..وين العيرة..(واتطالع في اليازيه..)..هاتيها ..هاتيها ..
مبارك:ههههههههههههههههههههههههههههههههه..يدووووه خليني افهمج السالفه..
أم عبدالله:مااالت عللييييك..شو اتفهمنيه السالفه شو؟؟يبي العيره..
اليازيه قابضه العيرة في ايديها ما عطتها يدوتها..لأن اذا عطتها يدوتها يمكن صدق اتكسر راااسه..
أم عبدالله:حوووه شو بلاج جي مبهمه؟؟يبي العيرة..
مبارك(ايطالع في اليازيه ويبتسم لهاا..):يدوووه خليها ما تبااج تضربيني ..
اليازيه(تمد العيره..):هااج يدووه كسري رااسه ولا تخلين شي فيه..اللي شراته ما يبالهم غير التكسّيير..
مبارك:اففااااا افا والله ياليازيه..
أم عبدالله:صخ يا مسود الويه شو بلاك تتأفف..
مبارك:هههههههههههه..(ايطالع في اليازيه ويرمس..)..يدووه هااه ذيااااب هب بنيه شو بلااج ما نبا ضراايب..؟؟؟
تعمد ايقول هالرمسه ويشوف ملامح اليازيه..تنهدت اليازيه وابتسمت ..ووطت رااسها تحت..مبارك من بعد ما شافها كان خاطره ايرمسها..بس وين وع قولت أبلتنا السودانيه(مالنا في الحلوو نصيب..)..هههههههههه...
أم عبدالله:غربلااااااااات ابلسكم من رياااييل يا حسافة هاللحيه اللي فيكم..لعنبوكم رياااييل شكبركم..وعليكم هالحركات..عنلاااتك يا ذيابوووه..من عرفتكم يا مبارك ويا ذياب متخاااااااوييييييين في كل شي..حتى ع الشر..
رن تلفون مبارك..وحطه ع السبيكر..
ذياب:هههههههههههه...حيببببه راااعي سويحان شووووو سوييت في عيووزنا علني فدااها..تونا موصلينها صوبكم نباكم اتوصلونها صوب خالي عبدالله سالمه وما فيها شي..
أم عبدالله:عييييييييز حيلك يا مسود الويه..مسوي عمرك بنيه..هيييييييهاء لو أنك جبالي يا ذيابوه جنك مييت..يا مسود الويه..
ذياب:هههههههههه...من وييين طلعتي يدووه...من شو بمووت من عيرتج..؟؟؟
أم عبداالله:بتخبرك ذياب يا مضيع المذهب انت ترمس بنات تلفوون..؟؟
ذياب:مع فااائق احتراميه هيه أرمس..بس شوي هب شرات برووك هاللي عندج..يدووه يدووه طلبتج بس ضربه ع راااسه..بو البنات..مااااالت علييه..
أم عبدالله:في ذمتيه محد صااحي..كل وااحد اين عن الثاني..يا عوشه تراهم بيننوني..
أم منصور:عنلاتك يا مبارك..ذياب وين ناعمه عنك..خلها تكفخك...؟؟
ذياب:خاللووه ناعمه عند عوض ريالها حبيبها ...نظر عيونها..
اليازيه كانت تسمع وساكته..
أم سلطان:ذياب سلم على أمك..
اليازيه:في ذمتج أمايه هب مرمستنها العصير...
أم سلطان:امبلا رمستها علني فداها الا بس أسلم عليها..
مبارك:يا حبكن للسلام يالعياييز..
ويطالع في اليازيه..اللي قلبت ويها اترمس أمها..طنشته..حزت هالحركه في خاطر مبارك..وقال بيردها بطريقته الخاصه..
ذياب:يدووه متا بتيين عندنا..؟؟
أم عبدالله:ايي عندكم؟؟بتبطوووووون..في بوظبي يننتوني..وشرات الحاله اهنيه في سويحان..بسير بسير صوب ولديه..أخير عنكم..الا هناك حميد وهادف..وين اسير..
اليازيه:تعالي عندنا يدووه..
انتبه ذياب للصوت هالمرة..بس ما عطا السالفه اي اهتمام..(أكيد هاي وحده من بنات خالي سهيل ولا ظبيه..)
أم عبدالله:لا لا شكلي بنثبر اهنيه....هنيه أهون مبارك وبس..أما هناك سعيد وراشد وانتي تسويين عشرة..
مبارك:هههههههههههههههههههههههههههه..
اليازيه:أف ممممرة عيبتك..
مبارك(مطنش ايرد الحركه..):انزين ذياب ..يلا تعال انت والشله ..
انقهرت اليازيه ..وتمنت ان يدتها تاخذ العيرة وتكسر راااسه من صج..
ذياب:ههههههه..لا انت تعال..
مبارك:لا تعال انت..
ذياب:أحسن انت اتي..
مبارك:عنبوووووووه شو هاي ذلة عاار؟؟تبا اتي حيااك..
ذياب:شو ع بالك ..بموت بلياااك..مابيييك اذا تبا اتتتييي تعاااااااااال..مع السلامه..
مبارك:انجلع..
وكل وااحد بند في ويه الثاني..بس ع طووول مبارك دق لذياب مرة ثاانيه..
مبارك:ههههههههههههههه..يلا تعال وعن الحركاات..
ذياب:هههههههه..علني فدااك..وين متيمعيين؟؟
مبارك:تراني في سويحان اللحينه بسير العين..بس الشباب كلهم هناك..في المول..ييب حمدان وناصر..ترا نااصر عزابي..
ذياب:هههههههههاااي..ما خليت حد ..بييب الشيبه..بكبره..
مبارك:لو سمحت حنا شبابيه..لا اتخليني اييب بوويه بعد..
ذياب:عز الللللللللللله ما سرنا المول سرنا المزرعه..
مبارك:هههههههههههه..يلا مع السلامه..
ذياب:الله يحفظك..
مبارك:لحظه لحظه تعال شو لابس...؟؟؟
ذياب:لابس ملابس..
مبارك:أاااااااخ ع الأستهباال..
ذياب:هههههه..شو لابس بعد ..فستان؟؟
مبارك:هههههههه..مااالت ع ويهك..
ذياب:لابس كندورة سودا وسفره حمرا..
مبارك:هيه عيل وشراييك اتي سويحان بالمرة انسير بسيارتك..؟؟
ذياب:لاااوالله..وليش ما نسير بسيارتك..
مبارك:تراهن نفس الشي..
ذياب:أدررررييييييييبي مقصه جدامك بس يلا..
مبارك:يلا عيل اتريااااااااااك..
ذياب:اللحين ياااي..
مبارك:لا تتأخر حبيبي..
ذياب:انشالله غناتي..مبارك..
مبارك:عوونك..
ذياب:يااخي انا أحبك..
مبارك:سبحان الله شعور متبادل..
ذياب:يلا مع السلامه فقرتني..
مبارك:اللي يسمع انت اللي داااااق..
ذياب:لا تنسا فاتورتك هالشهر علي واللي بعده أنت..نسيييييييييت ولا أذكرك..
مبارك:آآآآآآ..لا تذكرني تذكرت...تذكرت يالبغاام تذكرت..
ذياب:الحمدالله والشكر..يلا مع السلامه..
مبارك:الله يحفظك..
بند مبارك وعلى طوول طالع اليازيه..شافها ونظرها مويه صوب الأرض...في شوووو سرحاااااااانه..؟؟؟طالع يدته..وأمه وخالته كلهم ايسولفون..اووف طفراان...انقطع تفكيره وهو ايشوف اليازيه وهي اتنش وساايرة صوب ظبيه..
مشت اليازيه..كانت تفكيرها في مبارك..
لييييييييش جي ياليازيه..شو بلااااج اتفكرين فيه جي؟؟ليش ارتحت يوم عرفت ان اللي على التفون مجرد ذيااب..ولد عموه ناعمه..ياللللللللللله..انا شو بيفكني من هالأفكار..لييييييش أفكر؟؟ياااليت ما يكون عندي عققل..
حدرت اليازيه المطبخ وشاافت ظبيه معابله المطبخ..
اليازيه:هلاااا ظبيووه..
ظبيه:حي من يانا ايسير..لا بطويل ولا بقصيير..زييين يتي يالمخرووشه..
اليازيه:مخروووشه ما غييرج..
ظبيه:هههههههه..شو بلاكم شاليين البقعه بالضحك والصقييع..
اليازيه:هاهاهاها..لا انتي ما دريتي بالسنااييح هااييلا ذياب ومبارك..اسمييهم لعوزاا العيووز تلعووييز ماشي شراته..
ظبيه:جيه ثرهم شو سواا؟؟
تمت اليازيه اخبرها السالفه اللي مستويه من اشوي..ونااقعات ضحك..حدر مبارك المطبخ..وتم ايعلق>>>>مااااييييييييوز.."ترى بو طبيع مايووز عن طبعه"
مبارك:عافان الله؟؟شو هالخبال..حشا هب حلووج علييكن..
ظبيه:هههههههه..سمعوا من اللي يرمس عن الخباال..شو سويتوا بيدتيه علني ما خلا منها..
مبارك:ماااشي ماااسوينا شي..
ظبيه:واااااايه يا كبرها عند الله..صج من قاال شباااااااب طااايش..
مبارك:ههههههههههه..ماشالله العلوم وااصله بسرررعه..
اليازيه:هيه وصلتها ..يالمجرميين..
طالعها مبارك وابتسم لها..
مبارك:عييل بنشغلج ياليازيه..
ظبيه:هاهاها؟؟يلا عاده اللحينه بنشوووف التفلسف ابعيينه..
مبارك:هيييييييهاااء..ماحيد التفلسف عند عيوون..
ظبيه:بس بس ولي يرحم واالديك..شو دراك انت بالتشبيهاات وغيرره..يلا يلا شو بتشغلها..
اليازيه:وااعثرتيه..شو مخلينيه ورقه تلعبون فيها..شغل وما شغل..علني بلا هالطااري..
مبارك:هههههه..انزين انتي سمعي وخلاف حكمييي..
(ويطالللع فيها..يخرررب بيتها هب جماااااال عليييها..)
اليازيه:يلا انزين سمعنا..
مبارك:شو بغني أنا؟؟
اليازيه:لا دخييل الله لا تغني أخااف اشرد..
ظبيه:هههههههههههه..لا فدييت خوويه صووته حلوو..
مبارك:منو قاال بغني..ودكن انتن تسمعن صووتي..
اليازيه:لا حوول الله ..شو اللحينه بتقوول؟؟
مبارك:لحظه...اممم..بشغلج برج الأخبااار في سويحاااان..
اليازيه:يااشقاايه..لا لا لا تيينا بطرك مرة ثاانيه..(طرك :شوورك..)
مبارك:ههههههه.ودج انتي بشووريه..
ظبيه:بو حمد امبوونها هاي شغلتها من زماان..
اليازيه:علني بلااكم يالمفلع..لعلكم النفااد.
ظبيه:ههههه..سمع انته الدعواات..
مبارك:امبوونها ما خلت شي من يدووه شيخه..كووبي بست..
اليازيه:اووه اوووه ظبيوه طلع يعرف الكووبي بست..
ظبيه:ههههه..شي طيب..
مبارك:تعالي انتي ظبيوه يا مضيعة المذهب...امايه بشووه موصتنج؟؟
ظبيه:موصتني افوور اللبن..وفورته..(فورت:سخنت..)
مبارك:انزين ويينه؟؟
ظبيه:لحظه خل الخبز ايخلص بودييه مرة وحده..تراه عشا يدتيه..
مبارك:اسمييهن سوالف..عشا الساعه سبع..
اليازيه:وش بغيتبها انت؟؟عيووز يوعاانه..تبا شي تااكله..
مبارك:هههههههه..خلج انتي عااده..المدافع والمحامي الرسمي...
اليازيه:الله لا تبلااانا..فدييتها يدووه علني ما خلا منها..
ظبيه:ههههههه..يلا مبارك هاه خلصتها..
مبارك:وإذا خلصتييه شو أسوي يعني؟؟
ظبيه:هههههههههه..ولاشي..اتشووووووووو..
اليازيه:هيييييهاااء اشوفج ظويتي اليهد..
مبارك:منوه هاللي متفيج اللي بيراابعبج صوب الدخااتر..
ظبيه:اووهووووو..عيل ما بسلم منكم انتو الأثنين..بلللليييييييز تركوني في حالي..
مبارك:جيه عاده اليازيه شو سوينا فيييها..؟؟
اليازيه:علمي علمك..البنيه عندها انفصاام في الشخصيه..
مبارك:أشك الصرااحه..
ظبيه:لا حوووووووووول..يلا يلا يزووي..
مشت ظبيه وخطفت جداام اليازيه وجدام مبارك وظهرت من المطبخ..تحركت اليازيه بتلحق ظبيوووه..طالعها مبااارك..تحركت اليازيه بسسرعه..!!!كأنه يقووولها لااااا لا تسيييييرررييين دخيييلج..طالعها بنظرات..وقفت اشوي وكملت..
خطفت جداااامها..وهي ما تبا اتشووفه..لأنه يسحرها..لان يجتلها في كل ثاانيه..لأنه أسر قلبها..لأن ملك رووحها..لأنه عذبها حيييل..مشت وهي تفكر فيييييه..سرحاااااااانه..كملت لين ما وصلت صووب الباب..ويوم كدها تبا تنزل من الدري..هزها صووته..وقفها..سحرها..جذبها..
مبارك:اليازيه..
كانت تمشي عادي اللي فاجأها الصوت وتحركت اشوي وطاحت خصله من شعرها الأسود النعيييم..ولفت ويها ولا زااالت الخصله طاايحه على تقااسيم ويها الحلللووو..
مبارك:اليازيه..أنا ..أنا..(ذااب الريال يوم شااف الخصله..)..
اليازيه:...........................؟(لا تعلييق..)
مبارك:كنت..كنت أبا..
اليازيه:.............................*بس انتبهت للخصله وعلى طول اتحجبت زيين..*..
مبارك(تشجع..مع انه ذااااااايب ورااايح في خرااايطها..لان صدق كاان جماال اليازيه غييييييييير..جمال بدووي ولا له مثيييل..):كنت ابا اقوولج لا تااخذين في خاطرج شي من صووبي..
اليازيه:مبارك المفرووض انك ما تعتذر..أنا الغلطاانه وأنا المفرووض أعتذر...لأن انا اللي بيديت وسبيتك..السموووحه منك يا مبارك...غلطت علييك وانت في دااري..آآسفه...على(مرتبكه..) على فكرة..أنت أول وااحد اعتذرله..
مبارك:هههههه..سبحان الله حتا انا اول مرة استسمح من حد..تتوقعين ليييييش؟؟
اليازيه:لييش؟؟
مبارك:لأن يمكن كل وااحد يهتم للثاني..
اليازيه:كييف يعني؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتهىىىىىىىىىىىىىىى الجزء..
ظنكم شو بيقووول مبارك لليازيه؟؟وهل بيعترفلها باللي في خااطره؟؟
ظنكم ذيااب شو اللي بيستويله؟؟والهنوف ليييييييييش متعذبه؟؟
وظبيه لييش اتصييح حمييد..؟؟وشو سالفتها؟؟وشو ساالفة مييرة وختها ميثووه ليش تتحسر علييها..ظنكم شو بيستوي بين سعيييد وميثا..؟؟
ونورة ياترا شوووو قرارها..؟؟

الجـــــــــزء الرابع..

انا شفتك وشفت الحب فيك..وكن اللي مضالي ما مضالي..
احبك واندفعلك واهتــــويك..نعم وامـــــوت فيك ولا ابالي..

اليازيه:كييف يعني؟؟
مبارك:خلاص انسي..
اليازيه:بس انت شوو تقصد؟؟
مبارك:ما كنت أقصد شي...
اليازيه:امم..خلاص يلا مع السلامه..
مبارك:الله يحفظج..
ظهرت اليازيه من المطبخ..ياااااالله شو قصده..هل هو يقصد انه ايحبني.شووووووو؟؟ايحبني؟؟!!!هيه ايحبني هو عيل شو ناقصه تراه الا شراتهم هاااييلا اللي ما يعبر يووم الا ودااقين الباب يخطبوون..وانا شو لي فيه؟؟اليازيه انتي تحبينه..هيييييه احبه..كيف وليش؟؟خلصوا الناس..ما لقيييت غير مبارك..لييش شو فيه مبارك؟؟رييياال ويسوى عشره..كااافي ان جمااله وهيبته وقوة حضوورة هي اللي تسحرني فيه..ونظراااتك ااااااه يا نظرااتك..اتطيحني وتشل عقلي..شو الحل؟؟اي حل.؟؟ليش هي في مشكله؟؟مااافي اي مشكله...لا مبااارك هو بكبره مشكله..كاافي اني من يأ ما خلااني احووط في الشعبيه..انزين هو ايحبني؟؟لا ما يحبني؟؟لييش ؟؟لا ايحبني ويمووت ع الأرض اللي امشي عليها..لاني حللوووة وملكت جماال..عيل من حقي ان العرب كل يووم ايخطبوني>>مصدقه عمرها الأخت..
قعدت اليازيه جدام يدتها..وابتسمت لها..
أم عبدالله"يدتهم..":شو اليازيه ماشوفج طريتي السيير اليوم؟؟
أم سلطان:مااادري شو استوابها؟؟من يوم الأربعااا وهي ما تسيير..
أم عبدالله:هييييييييهااا عيل حد مااخذ بالها..لايكوون العرس؟؟
اليازيه:لاااا حشا عليه مااطرالي..
ظبيه(اتفتن..):يدووه توه من يومين يو عرب يبونها لولدهم..وكالعادة رفضت..
تبا اتعنس..
اليازيه"بصووت واطي..":واايه صخي الله ينطبج..شو بيفكنا اللحينه من حشرة العياييز..
ظبيه؟"ترفع حياتها وتحركها مع ابتساامه خبيثه..":أحسن لييش تأخرتي في المطبخ ..ِشو كنتي اتسوين؟؟
اليازيه:واايه الترااب بصفعج يا مسودة الويه..
ظبيه:بل بل هيدي علي ماترووووومين واشهد اني ظبيووه..
اليازيه:يعلللج العوووق يا ملعونة الصير..أنا مارووم..أنا لو وحده ما تحشم العرب اليلوس هنيه جنج مدفوونه تحت التراب..
ظبيه:منووو صارق عشاج؟؟ههااااي..ربعي بتلقينه في المطبخ..عرسوا عرسوا ليزووي..
اليازيه:جب صخي يا مسودة الويه ..والله والله بأدبج يا ظبيوووه..
أم عبدالله:واايه يعلكن النفااد ..اممممممه علييييكن..؟؟صخن..
اليازيه:يدووه سمعيها شو تقوول؟؟شو عرس ما عرس؟؟أنا مافكر في هالشي..انا هميه دراستيه وبس؟؟
ظبيه:ييييييهاااا عاد اللي يسمع طااالعه الأولى ومقطعه الكتب تقطييييييييع؟؟
اليازيه:صح انتي اشطر مني ..بس انا للحين ما خلصت دراستيه..
ظبيه:هيييييييييييه ما خلصتي..ترااج تهتمييين للمطابخ...*وتغمزلها..*
اليازيه*فجت عيوناتها..*:تتمصخرييين ..يعللج الموت..
ظبيه*تقهر اليازيه*:هههه..لا تاكليلي فووادي..
اليازيه:مااالللت عليج تضحكيين بلا ضرووس..
أم عبدالله:ويدي قطعنها الرمسه..ناقص بس تتناتفن بالكشيش..عنلاتكن هب حلووج عليييكن..
اليازيه:هههههييييييههههيييييييييهههههي..نصلح ماال دعايات صح؟؟
ظبيه:يزووي بلييز بلييز صخي ويا هالضحكااات اللي بتشرد بلاد سبع وديان..
أم عبدالله:ركبج بلييييس انتي وياها..تعالن بتخبركن يالمخروشات ليش ما تسيرين ترقدن ولا بااجر ماوراكن دواام..ييييييها الا قولكن ينب كل وحده ايحكها من زماان ما طعم العيره..
ظبيه:وااييييه يدووه عاده كله ولا عييرتج..اسميها بتشل عقلي من رااسي شل..
اليازيه:مالت فقققدتتج يا ظبيوه يا ويه العنز(وتطالع يدتها.)..يدووه أنا باجر هب مداومه..
أم سلطان:ويدي؟؟!!شو عندج يزووي وين بتسيرين..؟؟
ظبيه:ههههههه...عزبة خالها في الهير..اللي في واادي معد..اتمووت عليها..
أم سلطان:وعاد اللي يسمع ايقول بترعين هوش ولا بتحلبين بووش...شعندج ما تبين اتسيرين؟؟..
أم منصور:الا تبا ترقد مسودة الويه..
أم عبدالله:امبونهن البنات ما يبن الدوام بسبة هالرقااد..عنلااتكن عبرتنه كل ابووه ..ويوم تصبحن في بيوت رياييلكن بتمسن وبتصبحن ارقود؟؟
اليازيه:هاها..لا يدووه..يوم انعرس بتشوفينا كيف؟؟؟غاديات حرييم بيووت..تنضرب فينا الأمثال..اسميكن مادريتن بمواهبنا يا عياييزنا الكرام..
ظبيه:الا هااي يزووي مظويه رمسه الله وعلم من وين مظوتنا..امممه علييج..
اليازيه:عنبووووووووه كلتوني بقشوري..انا ما قلت بسوي جريييمه..ان بغييييييب بغيييب يا نااس بغييب..يعني برقد..
أم عبدالله:غيبي غااب ذهنج..
وشوي الا تي موزة وتقعد..
موزة:عموه علني فدااج تلفون أم خليفه..يارتنا..
وتنش ام منصور صوب الصاله..عسب اترمس تلفون..
أم سلطان:وينه سهيل علني ما خلا منه..
موزة:هناك رقدته...بعد ماعيابي(لعوزني..)وطلعلي الضغط..
اليازيه:هيه هااي تراها نتاييج العرس..وين تبونا انعرس ونتعب اعمارانا..
ظبيه:هييها..عيل انتي فتحتي المحضر ياليازيه واتحملي اللي بييج..وأحن اللي ما صدقنا قطعتها مويز بييتها"سمعوا هااي إنتا بس..هب جنها هي اللي يابت السالفه.."
أم سلطان:شو بلااج ظبيوووه؟؟شو تقولن وتتساسرن؟؟
اليازيه:لا أمايه هي تتخبرني ما بنمشي اليوم..من زماااان ما مشيت..
أم سلطان:وااييه التراب شو من زمان مامشيتي؟؟عنبووه ما مرت الا ثلاث تيام ما مشيتي..بس..
أم عبدالله:لا انتن الهنتين لا تمشن قرن مكانكن ..ونسني..الا بتخبركن وينهي مهرووه عنكن..
ظبيه:مهرووه في بيتهم اتذااكر عندها بااجر امتحان..
أم سلطان:وانتن ما عليكن امتحان مجابلاتنا..
اليازيه"اتطالع ظبيوه":شي امتحان بااجر؟؟
ظبيه"اتهز كتوفها":اي دونت نوو..لا لا ماعلينا..
اليازيه:هزرج؟؟
ظبيه:امممممم..هب متأكده نشي بنحدر دااخل..بنرمس هيوور..
وينشن..وسارن دااخل..ظبيه شغلت التفزيون..اللي في الصاله الكبيرة..أما اليازيه قبضت التلفون ودقت على هيوور ورمستها..

. . . .


شوقي حمايم والغناوي ربــــابه..غنت على لحن الربابه حمايم..
يا صاحبي بعض النوايا تشــابه..والفـعل يفرق بين بايع وسايم..

العين
العين موول..
الساعه تسع ونص..

في هالوقت كانوا الشباب محتلين الكووفي..طاولتين وشالين البقعه ضحك وسوالف..
سعيد وذياب ومبارك وحمدان وحميد..قاعدين ع طاووله وحده..ومنصور وناصر وسلطان وعبيد على طاوله وحده..
سعيد:ههههههههههه..طالعوا عبيد بس..
والكل يطالع فيه..
ذياب:شرات الأطرش في الزفه..
مبارك:ههههههههه..شو درااه فيهم هاييلا..واحد معرس مدري وش يابه..؟؟وناصر موشك ع العرس؟؟وسلطان إنسان مالج..عبيد عبيد تعال اهنيه هاييلا شواب..
منصور:شااب شعر رااسك..لو تدري احن بزنس ماان..نتكلم ع الشغل..
سلطان:هيه ما انشوف الراايح والرااد..وتنمخر..
مبارك:انتوا الأثنييين بالذات لاترمسون..
يرن تلفون ذياب ويسكتهم كلهم..
ذياب:صخواا يا ملااعين الصير..
سعيد:منو منو؟؟؟؟
حمدان:طااالعوا اللقافه..
سعيد:ماالك خص..
مبارك:شو بتتضاربون..صخوا..منو ذياب..؟؟
ذياب:الحكومه..
مبارك:هيه عيل سلم عليها..
سعيد:اوووه والله وتولهت عليها..سلم عليها..
ناصر:قلها يمكن نتاخر اليوم اشوي تسمحلنا..
حميد:حوووه..منو الحكووومه..
مبارك:صخوا رمس الخقاااق..
عبييد:راااعي العيين..
حميد:يلا انجبوا لا ايمع عليكم شباب العين وانرووغكم..
مبارك:هههههههههه..عيل لا اتطب سويحان..
عبيد:والهير لا تجرب صووبها..
ناصر:وأبوظبي ما بتشم ريحتها..
حميد:يلا أي منطقه ثاانيه..؟؟مسويلي حظر..
الكل:ههههههههههههههههههههههه..
حميد:انجبوا انتوا اللحين في العين..
ينش ذياب:لحظه أمايه أنا ما أسمع شي..
حميد:خخخخ..هب منك..من السماعه اللي ملصقنها أربع وعشريين سااعه..
سعيد:يرمس فلانه وعلانه..
عبيد:واللي اتوايج من دريشة بيتهم..
مبارك:واللي واقفه ع الرصيف..
الكل:ههههههههههههههههههههههه..
عبيد:نشوا يلا بنحوط..ملينا من اليلسه..
ناصر:لالا قعدوا ما فينا..
سعيد"اينش":ههههههههه..قد قال مبارك شوااب..انت وبوسهيل وسلطوون..
سلطان:منو هاه سلطون؟؟أصغر عياالك..
مبارك:اااااااه توك دريت....يلا يلا خاطريه اتمصخر..
حميد:ليش شو بتسوي..؟؟
مبارك:ههههههه..بمشي والبنات بيرقمن..
سعيد:ماايحتااي يا ريال...توك رااد من امريكا شو بغيت بعواار الرااس..
حميد:عااد عندي هنتين ثجيلات دم..لو تباهن اممرة واصلات..أحسن من بنات أمريكا..
ذياب "ايييهم بعد ما كان ايرمس امه تلفون":لاااا بنات امكيراااااااا..
هنيه ناصر وذياب وحمدان نقعواا ضحك...
سعيد:امكيرا؟؟شو السالفه..
تم ذياب ايخبرهم السالفه يوم أن يدته ماقالت أمريكا أمكيرا..تموا الشباب على حاالتهم سوالف ومصخره وتضييع وقت..والكل سكت يوم شافوا سيف ياااي صووبهم..
سيف:هااااااي كيفكون صبايا..
مبارك:عليييييه يالقوم..
ذياب:ونعلن أعزانا المشاهدين الحرب الأهليه..مع السوري ولا اللبناني..
سعيد:هاه رقمتها..
سيف:هيه يلا سووا حفله..
مبارك:عاااااد سمحولنا حفله بدوون كيك..
تموا على هالحال..الين الساعه 11ونص..كلن ساار بيته..

. . . .

لو بعتني شاريك شاريك..شاريك وانسا كلمة اثمان..
في خلوتي قلبي يناديــك..ينده عليك بحييل ولهااان..

بيت بو ناصر..
الساعه 12ونص..
حجرة الهنوف..

كانت الهنوف قااعده ع الشبريه ومنثرة الكتب كلها جدامه"للمعلومه الهنوف انساانه شااطرة ولو انهاا مجاابلة النت"..
تنهدت من الخااطر..أأأأأأااااااه يالله شو هالحاله.باجر سبت ودواام..مافيني أدواام..أبااا ارقد؟؟وليش ما أرقد اللحينه..هيه اللحين برتب الجنطه وبدق أبوها نوومه..
ردت وانسدنت ع طرف لاشبريه..وغمضت اعيونها..وييينك ياسعيد..حراام سنه كامله ما سمعت صووته..لييش الجفا ياقاسي والصد والهجران وتعيشنا بمآسي وأنته كلك حناااان..المشكله انك وعيت ع الدنيا ياسعيد وجدامك ميثووووه لعلها الموت أميييييييييين..حيوانه كريييهه جايفه عمرها مدري ع شوووه؟؟اللحينه انا شو أسوي..؟؟العرب كلهم مرتااحيين واتم انا جيه متعذبه وماباات الليل اهويس بسعييد..وهو مسويلي أكبر طااف..انا احيانن أحس انه ما يعرف انه عنده بنت عمته ناعمه واسمها الهنوف..حبه لميثا معميه عن ايشووف اي وحده ثاانيه..أحيانن حتا احس انه مايرمس بناات.لالالا أكييد يرمس بناات..يالله شو أسوي؟؟شوووو أسوي؟؟أنا أقدر أخلي سعيد يكره ميثا ولا هب الكره العاادي..الكره اللي ايخليه ايعااف شوفتها لعلها النفااد..بس بس حراام..بكوون جرحته..جرحته..جرحت قلب غناتي..بس هو ماايعرف..يالله..أنا أبالي وحده اتساعدني..واتكون بنفس الوقت قريبه من ميثا؟؟؟؟؟؟؟؟؟؟؟؟؟؟؟؟؟؟؟؟
منو منو منو منو منو؟؟؟؟؟؟؟؟ظبيه...لامستحيل ظبيوه ظبيوه كاافي اللي اييها من حميد..انزين؟؟اليازيه..لااااا اليازيه بتقول أخووي وبنت خاالي ليييش افرقهم..اصلن بتذبحني..مهرووه..لا عاد هااي خلوها ابصوب بتم اتصيييح لي ..حرام عليييييييييج..عيييييييييل منو؟؟منوووووووووووو؟؟؟منو اللي بيساعدني..؟؟مافي حل غير فطووم..فطووم أم الخطط.. اللحينه أكيييد قااعده ع النت..يلا بحدر وبحصلها..
نشت الهنوف من يلستها..وبطلت الكمبيوتر..وقالت الين ما يخلص تشغيل وتحميل ومااادري شوو؟؟بتصير المطبخ بتييت لها أكل..
ظهرت من حجرتها..ونزلت تحت..كانت لابسه بجامه لونها وردي..وفاجه شعرها..وشعرها يوصل لين نص ظهرها..كانت سرحانه بحالتها العصيبه..لين ما سمعت ضحك وصقييع..فجت دريشة المطبخ وشافت خوانها شالييين البقع بصواتهم..ذياب وناصر وحمدان وسيف..
ظهرت لهم من المطبخ وميوده بيدها كاافي..
الهنوف:عنبووووووووووه شو هالضحك..
ذياب"يطاالع في خوانه":ههههههههههههههههههههه..مادرت هاي باللي صاار..
حمدان:هههههههههههه..الهنوف لو دريييتي باللي صاار؟؟والله لتموتيين ضحك..
الهنوف:بسم الله شو بلاكم؟؟
سيف:مبارك تعرفلها على سووورية بالغلط..
ناصر:هههههههههههههههههههههههههههه...ولا ترمس إماراتي ويا ويها..
ذياب:ويوم عرف انها سوريه نش وخلاها قااعده ع الطاوله ارووحها..
سيف:عاااااااد سعيييييد ماااااقصر تم ايعق تعليقاات..ومباارك قااافط..ههههههه..
ناصر:ونحن انشاارك..ونتمصخر على الشعر والبنطلون..
ابتسمت الهنوف:هههههههههه..سوالف والله..
خطفوا خوانها من عدالها..طالعتهم يضحكوون ويبتسموون وحالتهم لله..يالله يااابوا طاريك يا سعيد..فدييييييييييت رووووووحك...ليتك بس اتحس فيني..
وفجأه تذكرت ربيعتها..وراحت ابسرعه فووق بعد ما خذت وياها عصير برتقاال..وحدرت المسن ولقت ربيعتها فطووم..وتمت اتخبرها عن اللي في باالها..
وعاد فطوووم ما قصرت..

. . . . .

انته الغـــــــــــــلا بد الملايين ... في خــــاطري يا اعز انسان..
روحي وروحك صدق روحين ... في جسم واحد طول الازمان..

بيت بوسلطان..
يوم الجمعه..
وحده ونص..
ظهرت اليازيه من حجرتها ولقت ختها مهرووه طايحه جدام التلفزيون وطالع حفلة ستاار أكاديمي..
اليازيه:هااااه مهرووه ليش ما رقدتي؟؟
مهره:اتريا الجزء الأخير من الحفله بشوفه وبرقد..
اليازيه:هييييه...وهالمرة منوه؟؟
مهره:شيما وريم غزااالي..
اليازيه:واااااااع ماالت عليهن وشله طالعينهن..هاه مووضه جديمه..اللحينه برنامج الميدان هو حديث الناس..
مهره:شووونسوي؟؟طفرااانين؟؟
اليازيه:سيري سيري يالمتفيجه ورقدي..شو بغيتي بهااييلا المسترغدات؟؟
مهره:جيه عااده ما بتداومين بااجر؟؟
اليازيه:هاهاها..ولا طرى على بااالي..قررنا أنا وظبيوه انغيب بااجر لأن ما علينا امتحان..ورمسنا هيووور وسهيله وودووم..هن بعد قالن بيغيبن..
مهره:هيييه ماشااالله علييييكن..
اليازيه:تعالي وين رشوود؟؟
مهره:توه اللحينه خطف وسااار يرقد بعد ما جلب في التلفزيوون واستخف دمه..
اليازيه:تفديين ثره يالهرمه..تعااالي قوم سلطون وسعييد مايوا..
مهره:لاا سلطان توه يأ وتخبر عنج ويوم سألته عن سعيد..قال انه يسولف تحت ويا مبارك..
طالعتها يووم قالت مبارك..تباها اتقوول اي شي ثاااني..لانه بيرحيها اشوي..بس مهره اكتفت بالسكووت وتمت اتطااالع التلفزيووون..
نزلت اليازيه نظرها تحت وحدرت حجرتها ورقعت الباب بقوو..ووقفت عند الدريشه وفجتها..وهب المهب اللي استااانست منه...وحرك خصلاات قصتها ..كاااااان هوااا باارد يبرد الفوااد..تمت اتطاالع النجووم اللي متناثره ع خد السما..وقتها اتذكرت سالفة الليل ويا سعييد خوها..عيل الليل هو الوحيد اللي يسامره كل عااشق..وانت ياااسعيد عاشق ميثا..وانا عاشقه منو؟؟هيه عاشقه رووحي..نزلت نظرها تحت وشافت منصور وسعيد ومبارك قاعدين ايسولفون..وسعيد ومبارك كسرواا منصور..لفت ويها عنهم..
وييل حاالي تعودت على وجوود مبارك في حيااتي..يالله..من أول كنت أكره وأعاف شوفته..واللحين أتمناااااااااااها..ليييييش؟؟ليش؟؟ليش اتغير شعووري..وأنا شو أبا بالحب لعن الحب وسنينه..على قولت ربيع القلب..يييها من هااي حااله.. الله يعنيج يا ظبيووووه..اللحيينه أكيد تتقلبين على الشبريه..اتفكريين في حمييد..اللي جرحج..وخلاج انسانه ضعيفه فوق ضعفج..
ظبيوه اتحبك يااحمييد..وانت كنت تلعب بمشاعرها..كنت اتمثل الحب علييها..وهي ذاايبه فييك..وبكل سهووله اتييها وبكل قووات ويه اتقولها الفرااق أحسن لأني ما حبيتج ولا في يووم بحبج..كاااااانت صدمه على قلب ظبيه المسيجينه..كانت اتصييحه وكان قلبها يتألم كل مااااتشووفه..بس اللي محيرني..ليييش حميد سوااا جي..؟؟يعني هو شوو استفااد..غير دعواتي عليييه..اللي أعرفه هو طيب وعايش ويانا ومتربي وياانا..بس أكييد في سبب عسب ايسوي جيييي..أكيييد..شو تتوقعون؟؟بنت؟؟بس حميد خقااااااق وراافع خشمه ع الكل..كيف بيحب له بنت..وانا شووو لي؟؟لو ايحب عيووز حتا..بس ظبيه؟؟لااا ظبيه لاازم تنسااه..وكيف تنسااه..كيييييف؟؟أأأأأأأه لو أنه سعيييد أيحب ظبيه..اوووف كنت بحظر أفلاام هنديه كل يووم ومجانن..
بس مشكله هو ايحب ميثا؟؟مسجينه ميثا هي بعد طيبه ومحد شرااتها..العقل كله فيييها..حرام تااخذ وااحد شرات سعيد باايع الدنيا ومستخف..ليش هو أصلن فكر يااخذها..ياااللله تجمع بينهم ولا تفرقهم..بسير بشوف مهرروه..
ظهرت هااي المرة بس مهره مااحد..أكييد ملت وساارت ترقد..يلا أنا بجلب اشوي..
يودت اليازيه الريمووت بعد ما انسدحت ومدت اريولها..وتمت اتجلب من قنااة لقناة..ياها سعيد..
سعيد:هاهاهاهاااااااااي..السلاااام علييهم..شحالكم وشو هبااتكم؟؟
اليازيه"اتنش من مكانها":الحمدالله يسرك الحاال ومن صووبك بو عسككوور؟؟
سعيد:هههههااااااااي..يلسي بخبرج السالفه..
ويلس سعيد والأبتساامه ما فارقته..
اليازيه"تيلس":بسم الله شو مستوي؟؟
سعيد:طااااااال عمرج هاه ولد عمج نذل..ساار عند مبارك وقاله عندي هنتين ثجيلات دم..وعاد مبارك قال عطني رقم أي وحده منهن..المهم رمسها وحده منهن جدامنا..وقالت انها من العين واللحينه هي في المول..عاااااد احن سوينا حفله؟؟قلنا لمبارك لازم اتسولف فياها وتتعرف عليها أكثر..يمكن يستوي نصييب..عادا الريال أمممرة ماااصدق ع الريحه..سار ورمسها وقال لها أنا جريب منج وأبا اشوفج..وهي الثانيه بعد ما صدقت..المهم يوم تلاقواانصدمنا..استغربنا..
لابسة بنطلون وفاجه شعرها لونه أصفر..حتا ذياب علق وقال شعر عيوز..ولابسه نظرات..مبارك من شافها قربت صوبه وخبرته إن هي اللي كانت ترمسه..نش وخلاها قااعده أرووحها..ههههههههههههههه..
اليازيه:.....هههههههههههههههههههههههههه....حلوة حلووووة..خله يستاهل عسب ما يرقم مرة ثانية..
سعيد:ههههههههههه..مستحيل ..يلا بسير برقد وبحلم ميثا..
اليازيه:عافانا الله..بتحلم شو؟؟
سعيد:بحلمج؟؟
اليازيه:هيه عيل يا سعد حظك..
سعيد:سعد؟؟سعد ولا سعيد..؟؟هههههههههههههههههه..
اليازيه:أشهد انك أكبر متفيج..
سعيد:ههههههههاااااااااي..اللحينه أنا متفيج..عيل لو شفتي مبارك كيف اليوم؟؟مستاااانس حييل..أستوى أكبر المتفيجين..
اليازيه(مهتمه):ليش يعني شو استواله؟؟
سعيد:مااااااادري يمكن ليلة عرسه..ههههههههههههههههه..
اليازيه:الله يعين ميثا إذا خذتك..اسميها بتييب عوار الراس لعمرها اذا وافقت..
سعيد:هههههههه..ودها أصلن بواحد شراتي..من قدي راعي العراقيب..
اليازيه:هيه بابا أنا يريد نووم..
سعيد:سيري عنلاتج وحد منعج..والله بنات غريبااااااات..
ويطنشها ويسير حجرته يرقد..وهي بعد ساارت ترقد..

. . . .

يوم السبت
بيت بو سلطان..
الساعة تسع ونص..

طير الحمامي هيج غرامي .. هايم هيامي والشوق غلاب
هزعـــــت فني ياطير مني .. لكـــان ظني تطريلي احباب

ام سلطان وأم منصور وأم عبدالله..وراشد وظبيه واليازيه ومهروه..كلهم قاعدين في الصالة العوده ايشوفون الميدان..وكان في هالوقت اعلانات..
أم عبدالله:ظبيه..ِو هالرمسة اللي تحت..شو مكتوب..؟؟
اليازيه:ويل حاالي على فضول العياييز..
ظبية:يدووووووووه علني فدااج هاه العرب اللي يتابعون الميدان يطرشونه بتلفوناتهم..
أم عبدالله:هييييه..رشود قرا المكتوب ولا ما تعرف؟؟
راشد"يطالعهن جنه متوهق":لالالا أعرف أقرا..
أم سلطان:عيل يلا ..
راشد"يطالع في ظبيه":لا امايه خلي ظبيوه امبوني اليوم ميهوود ..
اليازيه:هيييه من هالدراجات..اللي ما تفارقهن..
راشد:جب انتي لا افرج بهالريموت..
ظبيه:خلاص أنا بقرا ما في داعي لهالمشاحنات..
راشد:ههههههههههه..تعترف انها بقرة..
ظبيه:أنا اريد أن اقرأ..
راشد:وياااااااويهج أونه ترقع السالفه..
ظبيه:يلا يدووه ..ابدأ..
أم عبدالله:هيه بدّي خلينا انشوف شو مكتوب..
ظبيه:انزين ..العوامر يحيون مسلم العامري ..ويقولون محد غيره بياخذ اللقب..
جبيلة بالخيل من الرماح يرشحون مسلم العامري..هل الهير كلهم وياك يا مسلم العامري..هل اليحر ويااك يالعامري..بم جتب وياك يالعامري..طالعوا تراهم كلهم يبون العامري ايفووز..
أم منصور:ييييييها كلهم ع مسلم العامري..وينه ما شفنا يوالته..
أم سلطان:ويدي عوييش يمكن احينه ايبونه..عيل بنترياه..
راشد:يااهي مصيبة..
أم سلطان:شووو بلاك تتحرطم..؟؟
راشد:مااشي امايه أنا مريض نفسياً..
أم عبدالله:صخ يا مسود الويه لا بهالعيرة ع راااسك..
اليازيه+ظبيه:هههههههههههههيييييييهيهيههي..
راشد"ايفرهن بالريموت":ضحك بلا ضرووس يا ملعونات الصير...انجبن..
أم عبدالله:بس صخن عن الريال شو بغيتن فيه..يلا فاارجن فاارجن..
ظبيه:وييييه يطردونا..
اليازيه:يدووه لييش احن ما سوينا شي..
أم عبدالله:عنلاتكن هب حلووج عليكن..طيعن الشور وانجلعن فوق..لا بركتن فيك من بناات ..
اليازيه:يالله شو هاي الدنيا..لو سمحتن النقاش وااااااجب..
راشد:واجب ولا نشاط..هههههههههاااااااي..
اليازيه:وانت وشعلييييييك؟؟
راشد:عليّ ملابس ..
أم سلطان:طيعن شوور يدتكن..يلاا فاارجن..
تنش اليازيه وتنش وراها ظبيه..
اليازيه:مااعلييييييييييه يا رشووود يا النذل..أأدبك أنا بس ترياني..
ظبيه:هههههههههههه..غنيله ماال أحلام..
اليازيه:ناااويلك على نيه..بس انته اصبر شويه..
أم سلطان:ويييييدي شو هالمنكر بعد..فااارجن..
اليازيه:ههههههه..خلاص مع السلامه امايه ما تامرييني بشي..؟؟
أم سلطان:لا جلبي ويهج..
اليازيه:قفطوونا مالنا قعده..نشي بنسير فووق..
ظبيه:مهرووه ما بتسيرين؟؟
مهره:لا بقعد اهنيه بتريا موزة لين ما تي..
اليازيه:عيل بتبطين..يلا ظبيووه..
ويسيرن ظبيوه واليازيه فووق عسب ايشوفن تكملة الميدان..

. . . . . .


اشقـــــــــــيتني بمعانقة حب عذري..ليت الخيال اللي يلمك معي جــــــــــــاك..
الوقت يتحكم بعذرك وعـــــــــــذري..والشوق لي خذني بعــــــــــشقتك وداك..

بيت بو حميد..
الساعه 10ونص..
حجرة سلامه..

سلامه:سلطووني..
سلطان:عيون سلطونج أأمري شو في الخاطر؟؟
سلامه"كالعاده ويها أحمر..":هههههه..بسكر عموه ريسه تزقرني..
سلطان:ياااااااالله..وماترووم تزقرج الا هالوقت..
سلامه:مااااادري فيها..يلا مع السلاااااامه..
سلطان:عنبووه والله والله بسكر غناااااااااتي..فدييييت رووحج سلامي ليش ما اتيين بيتنا..؟؟
سلامه:هب فااضيه اييكم..
سلطان:أأأأأافااااااا..ليش جيه شو عندج؟؟
سلامه:هههههااااااي..ما عندي شي؟؟بس استحي ارووح بيتكم..
سلطان:لااااااا والله..انزين ابا اشوفج؟؟
سلامه:هب لاازم اللي يسمع ما تعرفني..بعدين يوم أكون مشتاقه بربع صووبك عسب اشووفك..
سلطان:وياااااويهج..هاه وأن االلي متعّني وداق أبا اسولف عسبة الشووق اللي في قلبي..بس مااعليييييه شوفي من بيرد عليييييج..يلا مع السلامه..
سلامه:...............سلطـــــ................اوويه رقع التلفوون في ويهي..هههههههه..
طرشت له مسج..

"افااااااا..اهووون علييييييك..حرام عليك فدييت رووحك يا قلبي لييش زعلت..أنا ما اعيش بدوونك..يلا دق.."
وتمت نااقعه ضحك..لأنها تعرف يوم بيقرا المسج على طوول بيدق..وشوي الا ودق التلفوون..وشافت الأسم..أووه سلطان..وتمت أتفكر..لا مابرد علييييه..بخليه عسب يتأدب وما يفكر ايسويها مرة ثانيه..وتم ايدق فوق الخمس مراات..وهي مطنشه..وأأأخر شي طرش مسج..
"لييييييش ما تردين ..شو هااي حركاات اليهاالوه..يلا ردي.."
راحت وطرشت له..
"خلك منو قال لقلبك ايحب يااهل..وبعدين لييش تبند التلفون في ويهي.."
رد وطرشلها..
"لأنج قهرتيني..وانتي اصلن ما تشتاقين شرات ما أنا أشتاق.."
فردت عليه بمسج مكتووب فيه..
"هيه..وانت صدقت اني ما اشتااق لك؟؟"
طرشلها مسج..
"اووهوو..ياليااهل بنتم ع المسجات اللحين..ماارووم أبا اسمع صووتج.."
طرشت له مسج ثااني..
"ليش أتسبني..؟؟حرام علييك؟؟أبا اقوولك شي.."
طرش هو الثاني مسج..
"شووو ؟؟"
طرشت مسج وكاانت مترددة اتطرشه..
"تدري سلطان أنا أحبك مووت..بس اتغلا..أحبك موووت.."
طرشت هالمسج من بعدها ما وصلها شي..راحت جدام المنظره وتمت اتجحل اعيونها وسوت لها قلووس..على أساس انها بتنزل تحت وبتدق لربيعتها عليا اتييها..وسمعت صووت المسج ربعت صووب التلفون وفجت المسج وقرته..
"فجي الستاره.."
سارت على طوول وفجت الستارة وشافت سلطان وااقف جدام الباب..وساند ظهره ع السيارة ويطالعها..بندت الستارة ولبست شيلتها ورااحت تربع وظهرت من حجرتها وخطفت على هاادف..وهو يطالعها مستغرب..كانت تمشي بسرعه وسارت صووب الباب الكبير ماال الصاله..وفجته..وشافته جدامها..وكردة فعل طبيعية ردت ع ورا..كأنها انصدمت وجوده في هالمكان..
سلطان"يبتسم لها..":ييتي تربيعين صح؟؟
سلامه"تردله الأبتساامه:...هيه..حيااك..
سلطان"يخطف جدامها ويحدر الصاله":شحاالج؟؟
سلامه:هههههه..يسرك..هب جنه قبل اشوي مرمسني..
سلطان"ييلس ع الكرسي":هههههااي..لا شوفتج غير عن سمااع صووتج..
سلامه"واقفه جدامه":ما كنت متوقعه انك اتي..
سلطان"ايود يدها..":ههههههه..ليش؟؟
سامه"تسحب يدها":شو تبا تشرب؟؟
سلطان:ماله داعي تيبين شي..ظنتي اتشوفين الفواله مكودة كلها اهنيه..مايحتاي اتفارجينا..
سلامه"تيلس ع الكرس اللي جدام كرسي سلطان":هيه مسرع ماااييت..
سلطان:طيراان..
ايي هادف..
هادف:السلاااام عليكم..
سلطان:حووووووه يااكم هادم اللذات..هاه هادف شحالك ؟؟يلا سر عند أمك..؟؟
هادف:بسم الله..أمايه محد سارت اليمعيه وللحينه ما ردت..وخلتني عند هااي العنز..
سلطان:لو سمحت هااي حرمتيه لا تسبها انزين؟؟
هادف:مااااالت على هالويه..قبل ما تستوي حرمتك كانت ختيه..شو هالدنيا؟؟مع السلامه..
سلطان:في ذمتي انه هب يااهل..هاه شايب..
سلامه:لساااانه طوييييييييييل..ويغث الواحد..
سلطان:عيل في ناااس أخس من اليازيه ختيه..الحمدالله..
سلامه:حرام علليييييك فديتها يزووي ليش جيه عنها اتقوول..هي طبعها البنيه جيه..
سلطان:هيه طبعها جيه وحتى الهندي ما سلم منهااا..
سلامه:ههههههه..وهذا اللي محليها فوق حلاتها..
سلطان:أقوول سلامي..."ويقطع رمسته بسبة صوت المسج"..لحظه..
سلامه:خذ راحتك..
يظهر تلفونه من مخبااه..ويقرا المسج..
سلطان:سمعي بو عسكوور شو مطرش..تلبس جنز..ولا تركب بنز..ما تتغير يا ويه العنز..خخخ..وياااااااوييهَ مسود الويه..
سلامه:هههههههههههههههههه..دومه هاه ويا مسجاته..
سلطان:...انزين سمعي بقولج شي"وصوت مسج ثااني يقطع رمسته"..شو هاذا شكلنا اليوم ما بنفتك من المسجاات.."ويطالع تلفونه"لا هالمرة من مبارك..سمعي..مشتاق أضمك..ألمك وأشلك وأحطك في أقرب زباله جداامي...
سلامه:هههههههههههههههههههههههههه..
سلطان:لا تضحكيين؟؟
سلامه:والله مسجات تنقع ضحك..الصراحة كلام اسبيشل..
سلطان:تدرين اتلاقينهم يالسين عدال بعض ودروا اني عندكم..عسب جيه هالحركات القرعة..
سلامه:انزيييييين قوول اللي عندك..
سلطان:تدرين سلامي في شي في خاطريه وأبغي أقوله.."ويقطع رمسته صوت التلفوون.."..
حميد:مرحبااا سلطوون..
سلطان:سلطوون في عينك..هاه شو تبااااا؟؟
حميد:في بيتنا هااه؟؟
سلطان:هيه وشو يعني؟؟
حميد:ظهر ظهر عمتيه ريسه محد وسلاموه في البيت..هب زين اتجابلها..
وصوت سعيد ومبارك يضحكون عنده و حميد بعد هو يضحك..
سلطان:ضحك بلااااا ضرووس..
مبارك"بصووت عالي":عيبتك المسجات؟؟
سلطان:ما قريتها هب فااظي..
سعيد"يسحب التلفون":شو اتسوووووووون؟؟
مبارك+حميد:هههههههههههههههههههههههههههههههههه..
سلطان:صدق عزاابية..انجلعوا يلا هب فاااظي..حميييد أأدبك أنا يييا هادم اللذات..
حميد:هههههههههههههههههه..
سلطان:وين انتوا اللحينه؟؟
حميد:يااريال ميلسين جدام البيت ..واللحينه بنحدر بيتكم..
سلطان:هييييه..وعمي عبدالله وينه؟؟
حميد:عمك عبدالله ساار دبي من المغرب واللحينه سويت له تلفون قال يتعشا عند ربيعه وخلاف بيي..
سلطان:انزييين يلا جلب ويهك..
حميد:مااريد عطني ختيه برمسها..
سلطان:بن عرووه وعياله العشرة..انجلعواا..
حميد:أنا وااحد اللي يرمس هب عشرة..
سلطان:ادري تبا اتطفربي.."يعلي صووته":حمييييييد يا ملعون الصير..اقلب ويهك..
حميد:عنبوووووه..خوفاتي تظهرليه من التلفوون..وتلعن خييري..المهم خوويه هدووف لا تخلونه يقعد عندكم ماافينا يتخرب الولد..بعده صغير..
سلطان:جـــب..ويرقع التلفون في وييهه؟؟
وتم ميلس عند سلامه ربع سااعه وخلاف صك خط سويحان..

. . . . .

أحب صوتك..ومحلا رنة الهاتـف..لي من جدامكم حبيبي صدق تسعدني..
ومحلا حديثك معاي يوم تتعاطـف..كلمة أحبــــــــك من الخاطر تفرحني..

جدام بيت بو سلطان..

حميد:حدروا انتوا وأنا برمس تلفوون وخلاف بييكم..
سعيد:هاااااه منو هااي؟؟
مبارك:لا يكووون حبية القلب..
حميد:هيه فديتها توها متذكرتني..
سعيد:يلا يلا بو حمد..طاالع هاه هو وشكله ايحب بنت اترمسه تلفوون..
حميد يودرهم ويركب سيارته..ويرد ع التلفوون..
حميد:مرحبا غناتي..
......:هلا..شحالك؟؟
حميد:يسررج..وينج من يوم الأربعا ما ترديين ع التلفون..خفت علييج..
......:سمحلي كنت في بوظبي ميلسه هالويكند عند يدووه..
حميد:شو بلاها يدتج..؟؟
....:مااشي تعاني من السكر والضغط..واللحينه ارتاحت اشوي ومن ارتاحت أنا رديت..
حميد:هييه الحمدالله على سلامتها..
.....:الله يسلمك..وشحالك انت..؟؟
حميد:الحمدلله..تولهنا..
.....:على منو؟؟
حميد:علييكم..
.....:وحن بعد..وين داارك؟؟
حميد:سويحان..
.....:وشو مودنك هنااك؟؟
حميد:اووهو عند قووم عمي..
.....:وليش انشاالله..ظنتي هااك الويكند كنت ميلس عندهم..
حميد:يااالله..وانتي وشلج؟؟
...:شو وشلج؟؟تعرف اني ما أحبك تسير هنااك..والسبب وااضح..لا يكون حاط عينك على اليازيه..
حميد:غناتي علني فدااج..لا تفهميين السالفه على هواااج..
....:عيل يلا اقنعني..
حميد:الشباب كلهم هنيه متولفيين..وييتهم..حرام؟؟عيب ؟؟فيها شي؟؟
....:لأ مافيها شي..سووري..
حميد:لا عاادي اصلن ما استوى شي.كالعاده اتحبين تحرجيين..
.....:سمحلي حميد انت تعرف انت شو بالنسبه لي؟؟
حميد:أعرف والله أعرف وهاللي مصبرني على عتاابج الداااااايم..
.....:اوووه يلا حموودي كله ولا زعلك..ما فيني أصيح اللحينه..
حميد:لالالالالالالا..كله ولا دمووعج..يااويلج حبيبتي ان صيحتي..بييج البيت..
......:هههه..لا فديتك هب لازم..خلاص مابا اصيح..
حميد:انزين ممكن سؤال؟؟
....:أعرف السؤال؟؟
حميد:عيل يلا اسألي وجاوبي..
.....:اووجي..السؤال ايقول ليش خصيتي اليازيه بالذااات؟؟صح؟؟
حميد:هيه صح..والجواب..؟؟
......:الجووااب ايقول يا سيد حميد..أنا جم مرة جفت اليازيه..وجماالها ماله شبيه ولا له مثييل..البنيه ينعد فيها القصييد..وهي أحلى وحده جفتها في حيااتي..مستحييل ما تنتبه لها..وأناااااا أغيير منها واييييييد..
حميد:هههههههههههههه..شو يالمينونه..أنأ أعترف لج أن اليازيه أحلى وحده شفتها في حيياااتي..وأنا شباب العاايلة كلهم يذوبون من يشوفونها..إلا أنا..أنا محد ايهمني غييرج..وإنتي أحلى منها بوااييد في نظري........انتي تدريين أني حبيتج وماااارووم على فرااقج..
......:انزين شي طيب..حبيبي حميد أنا بخلييك اللحينه..وهالله وهالله على عيونك..
حميد:ههههههههههه..تبيني أييج اللحينه واتم أطاالعج..فجي باب بيتكم..
.....:هههه..تدري أنا وااثقه فييك أكثر عن عمري..يلا مع السلامه..
حميد:الله يحفظج غناتي..
.....:اووجي بدقلك قبل ما ارقد..
حميد:اتريااج عيوني..الله يحفظج..
....:مع السلامه..
بند حميد التفون وبااسه..وحطه في مخبااه..وظهر من سيارته..وويه صوب بيت عمه..ومشا في الحوي..وهو يسمع ضحك رااشد وسعيد ومبارك..وأول ما مد يده على الباب انفج ..
ظبيه:حميد!!!!!!!!!!!!!!!!!!!!!!!!!!!!!!!!!!!!!!!!! !


ظنكم شو بيستوي بين حميد وظبيه؟؟؟
ومنو هالبنيه اللي يحبها حميد؟؟
ظنكم شو اللي بيستوي بين سلامه وسلطان:؟؟هل بيتغيروون؟؟
وظبيه؟؟واليازيه؟؟شلون بتصير حياتهم؟؟

الجزء الخامــس..

غلطان من حبك وخــــــاواك..يا خاينن حبي يا ظــــــــــــلام..
عقب المودة تقول مابــــــاك..مبعد وناوي هجر وخصــــــام...

بيت بو سلطان..
الساعه 11..
جدام الباب العود للصاله..

ظبيه:حميد؟؟!!!!!!!!!!!!
حميد:هيه حميد..السلام عليكم..
ظبيه*ظهرت من الباب عسب يحدر حميد*:وعليكم السلام..
مشت بسرعه لدرجة انها ما عطته مجال انه يسألها عن أحوالها..صحيح هو استغرب منها..بس معها حق باللي اتسويه..وحتا أنا اللي سويته فيها هب اشوي بس لي أعذاري واسبابي..حدر البيت وطنش كالعاده..
أما ظبيه حدرت المطبخ ..كانت تلوم قلبها الجريح..تلوم روحها ليش أغلت حميد لييش؟؟ليش خصته عن البشر ليش..قعدت ع الكرسي وسندت يداتها على أطراف الطاوله..وحطت يداتها على ويها..كانت تعاني..من هالدمعه اللي تبا تنزل وهي مانعتنها..كانت اتحاول تمسك نفسها وتتحكم في دموعها..كانت تبا قلبها يقسا ولو لمرة في حياتها..كانت تتمنا إنها في يوم تنسا معاناتها في هالحب ..ولكن يا قلب متا بتنسى..متا بتنسى إنك في يوم..أغلييت شخص وحبيته ..متا بتنسا إنك في يوم إنجرحت من خلك..متا بتنسى إنك في يوم تعنيت من أجل حبك..متا بتنسا إنك في يوم نزفت من جرحن اعلن صموده فيك..صعب صعب إنك تنسا يا قلبي كل هالأشياء..صعب إنك تنسا محبوبك..صععب..
انهز قلب ظبيه وأعلن استسلامه للجرح..الجرح اللي تأكدت في هاللحظه إنه بيضل مخاويها..طوووول العمر..
انفج باب المطبخ..وحدرت اليازيه..
اليازيه:ظبيووه..
ربعت صوبها ..
اليازيه:ظبيووه ..اتصيحين؟؟
تشل ظبيه يداتها عن ويهها وترمس بصوت مخنوق:لا للحين ميودة عمري..
اليازيه:توني شايفتنه..
ظبيه:شفته وكنت بنتصادم..
اليازيه:"بعد ما قعدت":ههههههه..الحمدالله..ما استوت حوادث في بيتنا..
ظبيه:لأ تطمني..انزين؟؟
اليازيه:شو انزين؟؟أي خدمه..؟؟
ظبيه:هههههههههههههه..فااتحه مطعم..
اليازيه"ارتاحت يوم شافت ظبيه تضحك مستانسه":ههاااي..لأ كفتيريا..
ظبيه:اتصدقين انصدمت يوم شفت مبارك وسعيد ميلسن عند قوم يدووه..
اليازيه:هههههههه..حتا انا قلت بنزل تحت عندج وبساعدج ويوم نزلت سمعت أصواتهم شاليين البقعه بضحكهم..وصقيعهم..
ظبيه:هههه..
اليازيه:اها..وشو بعد؟؟
ظبيه:شو بعد؟؟مااشي انتهت اليلسه نشي بنسير بيتنا..
اليازيه:ههههههههه..عسب حميد يا بووج سويله طاااف وأكبر طااف..
ظبيه:لأ السالفه هب جيه..يعني وين تبينا انسير صوب العياييز..وبيسون لنا طاااف..لأن الشباب اميلسن عندهن..واذا رمسنا بيطيحن فينا..
اليازيه:انزين يلا سرينا..
نشن وويهن صوب بيت أبو منصور..

. . . . .

ليتني ما عرفتك ليتني ما هويـــت..لا رســـمتك بعيني اجمل الأمنيات..
ولا جعلت القصيده تبكي بكل بيت..لا كتبت المشاعر من فواد وذاات..

بيت بو بطي..
حجرة الهنووف..
الساعه عشر ونص..

كانت الهنوف قاعده ع الشبريه تمارس هواياتها المعتاده..الرسم..كانت راسمه
ولد وماسك بلوونه..وكاتبه ع الطرف..
آه لو تدري حبيبي .. كان والله ما قســـــيت ..
من غرامك كم أسهر بالليالي ما أنـــــــــــام ..
لا هنى زادي وشربي لا و لا بيومي إهتنيت ..
تايه مضيع دروبي وسط عتمات الــــــــظلام ..
في هالوقت نزلت دمعه ع خدها..وتلتها دمعه ثاانيه..مسحتهم الهنوف بطرف كمها ابسرعه..لانها عودت نفسها ع هذا الشي..كل ما تنزل دمووعها..تمسحها ع طوول..لانها كانت متمسكه في امل ان حبيبها ايكوون في يوم لها..تحملت..وعانت .وقست ..وصبرت..كله لانها تحبه وتعشقه حييل...تنهدت الهنوف تنهيده دلت ع حزنها من جهل حبيبها بحبها..ومن الوحده اللي عاشتها...ونشت من الشبريه وهي تاخذ الورقه وياها وتقطعها كالعاده وترميها في الزباله..هذي ك انت نهاية كل ورقه كان مكتوب فيها شي لحبيب الهنوف او حتا اسمه او حرفه..لانها ما تحتاي هالأوراق انها تذكرها باللي في قلبها..سارت الحمام الله يعزكم..وغسلت ويها..وظهرت برا صوب امها..
الهنوف:السلام عليكم..
ام ناصر:وعليكم السلام.هاه يا بنيتي ذاكرتي ولا جابلتي تلفزيونج ولا اورقاج تشخطين عليها..
الهنوف(وبظحكه بلا نفس..):هههه..لا ذاكرت وخلاف شخطت ع قولتج واللحين ييتج..
أم ناصر:دام جي سيري عيل زهبي الفواله وبييج بعد اشوي بنزهب العشا ارباعه.. ترا ربع ابووج اللحين بيوون..وأنا ميهووده ما فيني أعابل المطبخ..
الهنوف:تااامرين امر يا ناعمه..بس ما خبرتيني شووو بلاااج؟؟
أم ناصر:سيري سيري وعن اللوااااته..ما فيني إلا العافيه بس صداع خفيف..
الهنوف:يالله متا بتفهمين يمايه اني احبج موووووت..
ام ناصر:يوم تعقلين..فاارجي..
الهنوف:هههه..انزين اللحينه بفااارج..
وتسير الهنوف وتجابل المطبخ..ويوم كانت في المطبخ ياها حمدان..عاد هي من شافته توقعت ضرابه يديده..وااحد..اثنين ..ثلااثه..نبدا الضرااابه..
حمدان:ههههاااهاهاهاهااايي..أقول جم راااتبج آخر الشهر؟؟
الهنوف:أأأووووهووو..حميدان ما فينا ع الضراايب اليووم..ترى أمايه تعبانه وميهودة وما ترووم أتعابل المطبخ؟؟فيعني لو تكرمت ظرووفك فاارج..
حمدان(يقلدها):فيعني لو تكرمت ظرووفك فااارج..ماالت فقدتج يالخامه..شو بلاها أمايه..سمعي؟؟
الهنوف:أوووه شو بلاااك؟؟يا خي انت ثجييل دم؟؟حد خبرك؟؟
حمدان:هيه خبرتيني هاايج المرة..
الهنوف:أووو حموود شو تبا طفرتبي..
يحدر سيف المطبخ وشايل في يده عصير..
سيف:مرحبن..كيف الحال؟؟
الهنوف:ياااااالله دخييييلكم ظهروا برى.ما بااكم هنيه..
سيف:ما هي المشكله أختي الكريمه..
حمدان:هاهاهاهااااي..
الهنوف:ضحك بلياا ضرووس..
حمدان(يبتسم وشوي بينشق حلجه):تعالي صوري ضرووسي..
ذياب:سللااااامن علييييهم..
الهنوف:وذيااااااب؟؟؟عز الله ما بسوي شي اليووم..شو بلاكم شو بلاكم..؟؟شعنه هنيه متفيرزين ظهروا ظهروا...
ذياب:شو بلاااج تتحرطمين..لا يكون حمدان شن الحرب عليييج وإنتي ما كنت مستعده..
حمدان+سيف:واااااكككككااااااااااك..
سيف:عيل ما بتسلمييييين من لساان أخووي..
حمدان:هههههه..منو بيفجج منه اللحينه..؟؟
الهنوف:حراااااام عليييكم..صخوا ما فيني علييكم..امبوني مصدددعه..
ذياب:مصدددعه؟؟شو هالمصخره..هيي انتوا متأكدين هااي ختنا..
الهنوف: ليش انشاالله شو فيني؟؟
ذياب:مااادري أحسج غبية..
حمدان:على قوول سعيد:توني عرفت إن الغباء معنااااك..وإن الينون منك وفييك..
صخت الهنوف..يالله شووو هااالحاله..ولو تعمدت أنساه ولو لحظات..يبوولي طاريه..لييييش يا قلبي مكتوب لك أنك تعااني..
يرن تلفووون سيف..ويظهر من عندهم..وذياب وحمدان يتمشوون ورااه..قعد ذياب في سيارته لأنها بتأمنه من هااييل المفلع..وهم يدقوون علييه الدريشه..
ذياب:بابا جريده اتهااد ما يلييييد؟؟تنين لوبيه بث ماا في ثياده..
"بابا جريدة الإتحاد ماتريد؟؟ربيتين بس مااشي أزيد عنها؟؟"
بند سيف عسبة سخافه هالمفلع..وظهر من سيارته..
حمدان:شووبلاك عصبت؟؟يااخي نتمصخر؟؟
ناصر:السلاام علييكم؟؟
الكل:وعليييكم السلام..
ناصر:شو بلاكم جيه اشكالكم..؟؟
سيف:هاااايييلا البغام ما يخلون حد يااخذ رااحته..بس وهاه ويهي يا ذيااب اني لاردها لك..وبتشوووووف؟؟
ويودرهم ويحدر البيت..تموا يطالعونه..وفجأة نقعوااا ضحك على حالته..

. . . . .


ماريد اتذكر ماضيٍ به شكـــــــيت..منيتي بس أنسى ما تعدى وفــــــــات..
لا ذكرتك حبيبي من فوادي بكيت..ممطر الدمع الأحمر وجنتي والشفـات..

بيت بو حمد..
يوم الثلاثاء..الساعه تسع ونص فليل..
حجرة نورة..

منيرة:أووووه أووه مبرووك نوااري مبرووك علنييي فداااج..
نورة"بدون نفس":الله يبارك فييج..منوري أحس عمري مخنووقه..ممادري ممادري كييف؟؟
منيرة:ومااالت ع هالشيفة.."اتسويلها ماالت"..يا نورة للمرة للألف اقولج بطي مااشي شراته..صح إنه زوين..يعني ما فيه هااك لجمال اللي في مبارك..بس ماااشي شرااته..
نورة:أوووه ردت وتقولي بطي وبطي..خليني أنساه ولو لحظه..مااصدق إنيه حرمته..لا مااصدق..أحس عمري بكاابوس ولاللحينه ما صحيت منه..
منيرة:بسج عاده نورة تراج اتغثيين بالواحد..يابووج شو بغيتي فيه مبارك..دام انه لابسنج..سمعي بقولج شي..
نورة:شو عندج؟؟
منيرة:الملجه بعد أسبوعين..
نورة:لااااااا والله..منو قاال؟؟أصلن ليش مايشااوروني..
منيرة:خلاص عيل بعد ثلاث سنوات..ههههههههههههههههههههههه...
نورة:هههههه..ويااويهج..منبيرة اللحينه شو أسوي.؟؟؟
منيرة:شو تسوين بعد..لا تسوين شي..
نروة:ومبااارك؟؟
منيرة:أوووووووه ردينا للطير يلي..خلاص شو بغيييتي فيه..دام بطي عندج بيخلييج تنسيييين الدنيا وما فيها..
نورة:يعني خلاص مبارك..يعني خلاص مبارك ما أفكر فييه..
منيرة:يااااااالله..نورة تراني ملييت منج..مبارك سويله بااي.
نروة:أنزين خلاص..
منيرة:يلا بسير ببشر خاالووه غبيشة..أكيييد تتريا ردج ياللييدي نورة..
نورة:سيري وسلمي علييها..
منيرة:سلاامن يووصل..
وتظهر منيرة من حجرة ختها..وتدق على خالتها غبيشة..

. . . .


طاحت دموعي غرام وقلت وش حدك..؟؟يا دمعتي تنزلين ومرتبك عالي..
قالت مكاني خلقه الله على خـــــــــدك..ولا عيونك مكان صـــاحب الغالي..

المدرسة..
الصف..
يوم الأربعاء..

ظبيه"بصوت وااطي":ههههه..الله يخسج يزووي انجبي..
اليازيه"هي بعد بصوت واطي":مالت وليش أنجب..خليني أسولف..
ظبيه:ههه..سكتي سكتي..
اليازيه"تتمصخر":صخن ولا بهالعيره على رووسكن ..
ظبيه"مارامت توطي صوت ضحكتها":ههههههاااي..الله يخسج..
المعلمة:إيه ده ورا ورا يلا ابسُرعه..
اليازيه:أبلة ما سوينا شي..
المعلمة"تصرخ بصووت عالي":ورااااااا..
تنش اليازيه وظبية ويوقفن وراا..واليازيه تتمصخر على الأبلة..وظبيه تضحك..
اليازيه:ظبيووه...الطلي الطلي حوشيه حوشيه..بيرووح صوب البعير..وابويه عساه فوق الأبله..
ظبيه:هههههههه.."ودمعت عيونها من كثر ما تضحك.."ههههههه..
الأبلة:دنتو مصخره قوا الصف..اووووووت..اوووووووت..
اليازيه:زين يت منها.."وتسحب يد ظبية.."...
ظبيه:اووه منج لحظة بنرمسها..
اليازيه:شوو بغيتي فيها..؟؟
ظبيه:ما تشوفينها ترووغنا..
اليازيه:خليها ترووغ..على كيف كيفها..
الأبلة:أيييه بتحلوا مشكلة الشرق الأوسط..
اليازيه:هييه بتين ويانا بنحلها ربااعه..
البنات:ههههههههههههههههههههههههههههههههههه..
الأبلة:أوووووووووووووووووت..
اليازيه:مع السلامه..
ظبيه:أووووف..
ويظهرن من الصف..
اليازيه:برق لمع في مقلتي والحشا ناار..وأشوف من بين المقادير حتفي..
ظبيه:ماااااااالت على هالويه..
اليازيه:جي لعلج الحووم..
ظبيه:بس بس بسبتج راغتنا..
اليازيه:لعلها الموت المصريه..بسفرها..
ظبيه:لااا دخييلج يزووي كرمينا بسكووتج..بسبتج راغتنا..
اليازية:اوهو طفرتيبي وطلعتي الضغط والسكر لي..انجبي..
ظبيه:خلاص انزين لا تصاارخين فوقي بنجب..
اليازيه:انزين هاه صف ودووم وسهيلة..
ظبيه:خير يا طير؟؟
اليازيه:امممممف عليييج..
وتدق باب الصف وتفجه..
اليازيه:السلاام عليكم..شحالج أبلة..؟؟
الأبلة:وعليكم السلام..يسرج الحال..
اليازيه:ممكن سهيلة برمسها..
الأبلة:لا..
اليازيه"بصوت واطي":مالت فقدتج.."وتعلي صوتها"..انزين ودووم..
الأبلة:لاا..
اليازيه:مع السلامه..
الأبلة:الله ويااج..
وترقع يزووي الباب بقووو..
اليازيه:فقدتها مسودة الويه..
ظبيه:خخخخ..تعالي هيوور اليوم لييش ما داومت.؟؟
اليازيه:اليوم بتخبرها وبأدبها..
ظبيه:الله اليوم اربعاااء..وبرقد بااجر..
اليازيه:لالالاباجر بنسير المزرعه ويا يدووه..ولا بهالعيرة ع رااسج..
ظبيه:اممم..أووكي خلاص..
اليازيه:أونج اتفكرين..غصب عنج أصلن بتيين..
ظبيه:انزين انزين بيي..بس لا تصارخين والله أسمعج..
اليازيه:فقدتج..

. . . . .
احبك للوفـــا والله يعلــــــــــم.. وعمري من دفا قربك يطيبي ..
تعيش اسنين ياعمري وتسلم.. تمــــــنيتك من العالم نصيبي..

يوم الأربعاء
الساعه خمس ونص..
في ضحايا سويــــحان..


مبارك:يلا بوسنيده تعال سيارتيه ..."ويرمس سعيد اللي كان ع الخط"..هاه بو عسكور قر مكانك اللحين بنييك..هيه بسيارتيه..فدااعة الله..ههههههههه..ويا ويهك..فداعة الله..
راشد:دااام جي يا عقيد القوم يلا بركن السيارة وبيك..
وقف مبارك سيارته ..وظهر منها..اونه يستقبل حضرة الشيخ راشد..وسلطان طفراااااان من حركاتهم..
جان ايي ذياب يوقف بسيارته....وخلاف كلهم ظهروا...
ذياب:حووووه...شو بلاكم انتوا اللحين..
سيف:لان اخوي راشد يبغي يغير الجو..تعرفه عاد انته وحشرته..
مبارك:هيه ابغيه ايغير جو عندي....
منصور:اسمييييييييييكم متفيجين..يلا أنا ..ورانا صك خط للهير ونرد هنيه..الساعه تسع لازم أكون في سويحان..
ذياب:اقول سلطان ومنصور..يلا بنسير وبنخليييهم ..هب لازم ايسيرون الهير ..
مبارك:اسمييييكم متفيجين..
راشد:ههههههههههههههههههههههههههههههههههه..حلوووووو وووووه..
منصور يطالع اخوه مبارك بنظرة..
سلطان:التقليد مضر بالصحه..
منصور:وهو سبب رئيسي لامراض القلب والسرطان..
ذياب:لذلك احذروا التقليد..
مبارك:ههه..ممممرة تضحكووووني...
راشد:ااااااااخ بموت بموت من الضحك..."ويحط يداته ع بطنه"..هاهاهاها..نكيتين..
مبارك يشل سفرته ويحطها ع كتفه..وراشد يشل نظارة سلطان اللي كان لابسنها.."نظاره طبيه ملونه.. واحيانا يلبسها واحيانا لا.."ويلبسها..ويطالعون فيهم ويركبون سيارة مبارك..ويوطون الدرااايش ويشغلون المسيل على غنية ميحد...
راشد"أونه يغني ..ماادري منو قااص عليه وقاله صوتك حلوو..سووااا طااف"..:
وين هاذيك السوالف..روحت من وقت سالف..
يوم كان الحب يسمو بالمحبه الأوليه..
يا حبيب الروح انا منساك..طول العمر حالف..
وش حياتي دون حبك؟؟مثل مجنون الهويه..
مبارك:روووووووووووووووح...ما فيك حيييييييييله ويا الصوت..
ويطالع فيه ويضحك وايقول:اقص اقص عليك دخييييييلك لا تصدق..
راشد:لو حد غيرك قالي يمكن أصدق..بس تباني أصدقك معرووف سبيح وبيع في الرمسه..
مبارك:هههههههههههههه..مسود الويه..
ويشخط ويل...وراوحو.. اسيرون ع عرب سويحان...
سلطان:الحمدالله ع نعمة العقل..
منصور:الحمدالله الحمدالله..
ذياب:هههههههههههههههههههههه..حركااااااااااات الفتحه والضمه..
سلطان:وياا ويهك مستوي استاذ عربي...
ذياب:هاهاهااها..الحمدالله أنفع..
وذياب سار سيارته...وقعد يتريا منصور..بس منصور نقعه خيانه وركب عند سلطان..وشخطوووه ويل وسبقوه..وشوي ايدق تلفونه..
منصور:ههههههههههههههههههه..
ذياب:ولك عين ويا ويهك ادق علي..
منصور:شو ع بالك كل يوم عيد..
ذياب:هيه هيه صح صح سمعت اخر غنيه حق ميحد حمد..؟؟؟؟؟؟
منصور:لأ شو هي سمعني اياها..
يبند ذياب التليفون في ويهه..ويتم ناقع ضحك..

. . . . . .
يا عز من في الأرض مخلوق ..مسموح لو للقلب ســــــراق ..
حق علينا وعطني حـــــــــقوق ..ونبغي حقوق الود برفــــاق ..

في بيت بو حميد..
في الحووي..
الساعه خمس ونص ..

سلامه:أنزين حميد إنت وين بتسير..؟؟
حميد:وين بسير بعد؟؟أول شي بسير بوظبي..صوب سيفووه..وعلى صلاة العشا بنسير سويحان..
سلامه:إنزين اللحينه ودني سويحان ويا هدووف..
حميد:باجر بوديج..أصلن اللحينه عموه ريسه ما يتخلييج إتسيرين سويحان..
سلامه:ليش؟؟
حميد:تبا اتسير السوق ..وإنتي أكيد بتسيرين وياها..بس بعد صلاة العشى..
سلامه:أها دام جيه عيل يلا بااجر اتوديني..
حميد:أووكي يستوي خيير..واللحينه بتميين جيه قاعده..سيري سويلج شي..
سلامه:لا اللحينه ربيعتيه عليووه بتي..
حميد"طالعها باهتمام..":امم..أووكي يلا مع السلامه..
سلامه:الله يحفظك..
وأول ما وقف وسار صوب سيارته ..حدرت بنيه البيت..بنت ييرانهم..أسمها علياا..فجت الغشوه..بس من شافت حميد ردت وحطتها..سارت سلامه صووبها..وحميد يتابع عليا بنظراته..سلمت سلامه على عليا..ورحبتبها..
سلامه:مرحبااا هلا والله ملايين..شحالج عليوه..
عليا"بكل دلع":هلا فيج..أنا بخير انتي علومج؟؟
سلامه:مااشي علوم يديده..تعالي بنحدر بينقعد في الصاله..
سمعها حميد..وابتسم لعليا..شافته بنظرة وحدرت البيت..أما حميد ركب سيارته وهو يبتسم ومستانس..وأخييييييراً شفتتتج..ومن قدييييي؟؟

. . . . .


يا خسارة حبنا فيكم حــــــــــرام ..واتضح لي معدنك على العـــــــموم..
ما على شوقك ولا حبك مــــلام..والملامة هي على قلبي الـــــــــــــوم ..

الساعه ثمان ..
بيت بومنصور..
الصاله اللي فوق..

ظبيه:أأأووووه..ييتنا بطرج انتي اللحينه..خلاص دامه تحت بسويله طااف..
اليازيه:هيه خلييج جي ابااج..الطاف لا تنسينه..
ظبيه:انزين انزين ..هاه يوم رمستي الهنوف شو قالت؟؟بيوون؟؟
اليازيه:لا مابيون..قالت انها هي وعموه ناعمه وحمدان بيسيرون دبي صوب عمومتهم..وان ناصر وعمي بو ناصر سايرين الشارجه..وذياب أونه بيي هنيه..وسيف وحميد اللحينه يايين..
ظبيه:هيه تراني سمعت مبارك ايقول ان ذياب هنيه..بس هب عندنا..انزين وقوم سلااامووه..؟؟
اليازيه:لااا خلي قوم سلامه ع صووب..اللحينه راحت عنها ربيتعها عليا..وبعد شوي بيسيرون السوق..يمكن بااجر اييون..العصر..
ظبيه:اهااااا..
اليازيه:نشي بنسير بيتنا..
ظبيه:لاا ما فيني..بعد اشوي قوم عمي ..بيوون..بنترياهم..
اليازيه:اوووهووو..انزين سمعي أنا شفت البشاكير مسويات بيتزا..شو راايج انتي اتيبين العصير وبنقعد في السكه..
ظبيه:اووه ما فينا حد يشوفنا..
اليازيه:شوووو هالغبيه..اي انتي يا غبيه كل شي ما فييج ما فيج..أصلن محد هم الشباب كلهم راحوا الهير..
ظبيه:جيه وين سااروا..مامداهم توني شايفه سعيد ومبارك وراشد..ميلسين عند يدووه..تحت ودريت انه حميد وذياب وسيف عند واحد من ربعهم..وبيوون بعد شوي.
اليازيه"تكمل الجذبه":لالالا منو قالج؟؟انتوا مصادرج ومراجعج خرطي..فديتني انا الوحيده علوومي صح..يلا مع السلامه..اتريااج في السكه..
تنش يزووي وتربع من ظبيوه..وظبيوه اتطالعها باستغراب..شو عندها هالغبيه؟؟
أما اليازيه خطفت على موزة ..الي كانت قاعده في الصاله اللي تحت..
موزة:هاه هاه..وين بتسيرين؟؟
اليازيه:وين سايرة بعد..اتصدقين بخطف على مهره ختيه علني فداها..وبنسافر أمريكا على حساب الدريول..لا تستخفين سيده موزة بنانا..
موزة:بسسسسم الله الرحمن الرحيم..جم حرف في الثاانيه..
اليازيه"اتسويلها ماالت":ماالت فقدتج يالأخت المينونه..جابلي جابلي سهييلج..
موزة:مالت علييج..هي انتي سمعي يوم اتسيرين هناك عند أمايه سلمي عليها..وقوليلها قوم بوحمد بيوون اللحينه من بوظبي..خليها اتي هنيه..
اليازيه:نعم نعم نعم؟؟لو سمحتي عدلي أسلوبح هاه الماصخ ويااي..لا اعفد اللحينه عليج وامسحج عن ويه الكرة الأرضيه..
موزة:بل بل بل مستويه ارترتيقر..بالأصل هو ما بيسوي جيه..
اليازيه:واااااااايه االتراب..أقول بنانا حد خبرج انج ثجيلة دم..أنجلعي جلعة ابلييس..
وتودرها وتسير المطبخ أونها بتشوف شو عندهم أكل..طالعوا بس كيف هالبنيه اتهمها بطنها..؟؟المهم ..حدرت المطبخ وشافت عموتها عايشه اتعابل..
اليازيه:مرحبا عمووه..
أم منصور:هلا وااالله بيزووي..مرحبابج غناتي..وينج ما شفتج من ييتي سرتي صوب ظبيه وتوها مخبرتني البشكارة إنج ييتي..
اليازيه:هههه"طالعوا تضحك على شي ما يضحك..بس يلا اونها ترقع السالفه"..
علني فدااج عموه..كله من بنتج البغام..اتسويلي تلفون "وتتمصخر على اليازيه وتقلد صوتها"..تعاااااااليلي اليازيه علني فدااج..مافيني أظهر من البيت..
أم منصور:هههههه..ما علييج منها..
اليازيه:عموه وين الفواله لا يكون ظهرتوها..
أم منصور:ييتي متأخره..جانج بغيتي ظهري برى صوب أمايه شيخه بتلاقين عندها..ولا حدري الصاله عند موزة هناك تراها ميلسه..ولا سيري صوب ميلس الحرمات..
اليازيه:حشا يا عموه ما خليتي شي ما قلتيه..اصلن انا اللحينه بيي..بس بسير صوب مهره وامايه بشوفهن..وبرد..من بعد صلاة العصر ما شفتهن..بسير اللحينه صوبهن..
أم منصور:انزين عيل سلمي على أمج وخليها اتي..
اليازيه:يااااااالله يالعياييز..توكن قبل اشوي متجابلات..الا ما تروومن ع البعاد..
أم منصور:ههههههه..خلج انتي عاده..
اليازيه:عيل يلا مع السلامه عموه..
أم منصور:الله يحفظج..
وتظهر اليازيه بس حاولت انها تتبتعد عن قوم يدوتا ماا فيها على الحشره..
سارت بيتهم..وشافت الحووي فاظي..غرييبه....
"كان ع بالي بلاقي أمايه ومهرووه هنيه..غريبه.."...
آسفه اليازيه بس توقعج هب في محله..
"لالا عاادي ما عليج يالعنيده212.."
"خلاص انزين يلا سيري حجرتج..أبا أكمل القصه..بسج هذرة.."
"ههههه..يلا أنا اللحينه سايرة"..
تتحدوني قاعده أرمسهم..ههههههه..
المهم حدرت اليازيه حجرتها بعد ما مرت على اللي في البيت..أمها في المطبخ..تزهب القهوه..تبا تاخذها وياها صوب بيت بو منصور..ومهره تتسبح..
فجت شعرها وظهرت لها كندورة حمرا ياي فيها برتقالي..ويا شيلة فيها تطريز برتقال وأحمر..حدرت الحمام "الله يعزكم"..وتسبحت ..وتمت اتسحي شعرها..وجحلت اعيونها..جحال خفيف..كانت اليازيه أبد ما تسوي كريم ولا قلووس أو اي شي ثاني من غير الجحال..عكس بنات العايله..كلهن يسون هالأشياء غير ظبيه واليازيه..
سحت قصتها وحطتها على طرف ..وكانت قصتها توصل على نهاية ويها..رفعت شعرها كله فوق..وسوت شعرها كبابه"البعض ايقول كعكه..المهم"..وحطت الشيله..وكالعاده لازم اتطيح خصله سودا على ويها الأبيض..كان جمالها جمال ربااني..هالبنيه تخخخخخخببببببل بصورة ما تتوقعونها...تحركت جم خطوة..ومعروفة مشيت اليازيه كلها ثقه..غير هالبنيه في كل شي غيير..
وظهرت من حجرتها..وسارت صوب مهره..وفجت الباب..
اليازيه:أدري اللحينه بتقولين بسم الله لا أحم ولا دستور..بس أنا يااايه أتخبرج
شي بيتزا من اللي مسوينها ولا؟؟
مهره:حشااااا..انزين سلمي..
اليازيه"تسند ظهرها على طرف الباب وتربع يداتها..أونه عسب ما تطول السالفه":السلام عليكم..شحالج مهرووه الغلا عساج طيبه..وييج مختفيه عن الأنظاره..شو اتابعين اخبارنا من ورا الكواليس..؟؟ههههههههههههه..هاه أمس سامعتنها من سعيد..
مهره:هههههههههه..ويا ويهج..مادري سيري المطبخ وشوفي اذا في شي؟؟
اليازيه:أأأأوووهووو..وأنا اللحينه ضاربه مشوار صوبج..ومتعنيه..وحالتيه لله..وأخر شي ما تعرفين ان شي بيتزا أو لاا؟؟انتي بالله بشو تنفعين..ويااا حركاتج يالقرعه..
مهره:كلتييني..
اليازيه:تراني للحينه ما طحت فييج لأني هب متفيجه للضرابه..يوم انرد من عند العرب بأدبج..لالالا بااجر لأني من أرد بشوف الفلم الهندي..أووكي بااجر بأدبج بس هب الصبح لأني بسير المزرعه..من أرد يعني الساعه عشر ونص..صح لا تبندين باب الحجره أعرف الحركات اليهالوه هااي..هب جني طولتها وهي قصيره يلا مع السلامه ومرة ثانيه من أنشدج ولا اتخبرج عن شي يا تسكتين ولا تقهريني يا اتجاوبين وتريحيني..مع السلاامه..هيه صح لا تبطين يلا بسرعه..أووه ولا انتي بتيين مع أمايه..
مهره:حشاااااااا..ميت ألف حرف في الدقيقه..رحمي لسانج..
اليازيه:ليش شكالج الحال؟؟ههههههههههههههه..مع السلامه..لقد أهدرت وقتي..
مهره"اتهز رااسها..كأنها تتأسف على خبال ختها"..
اليازيه"طاعوا بس هالهنديه..برااا بلادنا يلاا...هههههههههههه..والله ناس اتييهم حالات غريبه..الحمدالله اني عاقل..
مهره:انتي عااقل؟؟؟ا العقل مقاطعنج..
اليازيه:هههههههههههه..ليش دنماركيه..؟؟هههههههههههه...
وتظهر من حجرتها وتسير صوب المطبخ وحصلت البيتزا شوي وكانت بتسوي عرس..بس الحمدالله الله ستر..زهبت البيتزا وحطته في صحن..وشلته وياهاا صوب بيت بو منصور..ظهرت من بيتهم..شافت سعيد ومبارك وواحد وياهم ما عرفت منو هاه؟؟كان معطنها ظهره..ما اهتمت وحدرت البيت..حطت الصحن في المطبخ ويوم شافت بشكارة قوم بو حمد..عرفت انهم يوا..وحدرت البيت..وسلمت..وطالعتها ظبيه بنظرة..وقعدت حذالها..
ظبيه"تهمس لليازيه":شو سويتي انتي فيني..العصير معقوق في السكه..
اليازيه:ههههه..صخي عن لا تفضيحينا..
وسارن منيرة ونورة واليازيه وظبيه فوق يقعدن ارواحهن البنات..وخلاف يتهن مهره..

. . . . .

وعند الشباب..اللي كانوا قاعدين برى..كانوا ايسولفون وطايحين في حمد اللي توه يااي..
حمد:حشااااااا كلتواني بقشووري يا عيال سويحان..
سعيد:هاهاهااااااي..برايك يا ولد بوظبي..جيه احن..
مبارك:زين محد ذياب ولا بيسكتنا..
سعيد:خل ذياب محد يرومله في الضرايب ..أخسسس منا..
حمد:انزين يلا نشوا بنسير داخل..
أول ما نشوا...وصل لمبارك مسج..
" مـاتــــــــــــــدري؟! إنـي مع النفس
اسولف بك ،،،
وإنك إذا غبــــــــت ابسأل كيفها
احوالــك ،،،
طيـــــــــــب؟! مادام~هالقلـــــب~
تمســـــك بك ،،،
تكفى كثر~ماأفقدك~
خلني على بالـــــــك ..!"
مبارك:اتريوني اللحينه بييكم.."وقااال في خاطره بتبطيين دامج بغيتيني أحطج على بالي.."...
سعيد:هاهاهاها..من منو المسج..؟؟لا يكون اتحب بنت اترمسك تلفون.ِشرات ولد عمي..
مبارك:تخسييييي الا هي أحبها شو خلصن بنات الجباايل..لا لا غناتي هاي تقضية وقت..
سعيد:هيه ع بالي بعد..يلا حمد بنسير وبنخلييه يااخذ راحته..بو تقضية وقت..ههههههههههههههههههههههههههه
حمد:ههههههه..حشا ما يسوا عليه..سوله سوله طاف بو حمد..
مبارك:ههههه..وأنا لولا الطاف جنه ميت بس الله ستر..
سعيد:ويااااااكبرها عند الله..
مبارك:شوف سعيد انت انسان من حد يفتحلك المجال للسوالف..على طول ماشي تفاهم اتسولف ولا اذا سولفت ما ترووم تسكت..فأنا انسان مشغول ..مع السلااامه..
سار بعيد عنهم اشوي..تقريباً جدام الباب العود لبيت بو سلطان..
وبعدين حدر سعيد صوب ذياب وراشد وسعيد ومنصور وسلطان والبقيه اللي كانوا في الميلس عند الشواب..
مبارك:انزين..
البنيه:ومن متا اطرش مسجات..وحالتي لله..مبارك انت ما تحس فيني شكثر أنا متعذبه..انت طيحتني وفز قلبي لك..ومارام يشوف غيرك..ليش تستانس يوم اتعذبني..لييش؟؟
مبارك:اوووهووو تدرين أنا شو يابني لج..؟؟أبا افهم وين كان عقلي وأنا ارمسج أول مرة..وين كان عقلي يوم تعرفت عليج.؟؟"حوووه كل البنيه"..بقولها لج وبكل صراحه..أنا رمستج بس عسب انشغل عن من هم في قلبي..عسب اتنااااساهم.."في ذمتي انه ما قصر..عطااها كاااااش في الويه"...ولا ايي على بالج ولو في غفله ان مبارك ال.....ي ايحبج أو إنه حتا ايفكر..فيج انتي يالخامه..ما بقا غيرج أفكر فيها..إنتي وحده باايعه عمرها برخيص..وبعتي ثقة هلج فييج.."ويطالع دريشة اليازيه..كان واقف جدام غرفتها بالضبط"..وأعيد وأقولج أنا ما رمستج الا عسب شي وااحد..عسب أحاول اشغل نفسي عن من هم في القلب..حياج ختيه وهالرقم نسيه من باالج ومسحيه من تلفونج..وإن شفت مسج ولا مسكول منج..تأكدي ميه في الميه إن فضيحتج بتنتشر في الدار كلها..وبسبتي..انجلعي يالحقيرة..
ورقع التلفون في ويها.."في ذمتكم ما يباله تصفييق حار..يباله صح؟؟طق طقطقطقطقططقططقططقطقطقطقططقطقطقطقطقطقطقططقطقطقطقطقط ق..."
مبارك:بس عاد أخجلتوني..هههههه..
"انرد للقصة"
يود تلفونه ومسح رقم البنيه..هاي أخر بنيه أرمسها عسب اتنسيني اليازيه..كلهن ما يسون ظفرها..محد منهن ياب رااسي غيرها شيخة الزين..كنت أحاول الهّي تفكيري عنها يوم أرمس هاااييلا المسترغدات لعلهن النفاد..ياااااااااالله كيف هالبنيه معذبتني..كيييييف..وتلوميني يا فتـ علف ــون..أأأأأأأأأه ..شو أسوي ذبحتني هاييج المرة يوم شافتنا أنا ومنصوور وسعيد تحت..يوم طالعتني بنظره هزت كيااني..وفوق هاذا تعمدت تقرهني وبندت الستارة..حد عنده حل..بليز يخبرني بلييز..أبا اييب راس هالبنيه وااااااالله لايييبه..توني عرفت إنتي من أي طينه ياليازيه..راااسج عنييييد وأعند مني "212"مرة..>>>ههههه..شفتوا رقمي المفضل...عرفتوا ليش حاطتنه..؟؟؟خخخخخ..
شل نفسه وسار بيتهم..وقلبه مليااان همووم..

. . . .

ما صنت حب الذي يهـــواك..هدمت كل الـحب بيديـــــك..
غلطان اللي حبك وأغــــلاك..واللي بكل العــمر يفديـــــك..

بيت بو منصور..
الساعه 12..
الصاله اللي فوق..

نورة:خلاص عيل أنا برقد في عند أمايه..وانتي منيرة رقدي عند ظبيوه..
منيرة:أوووكي..
ظبيه:أوكي عيل يلا أحن بنسير حجرتنا بتيين عندنا نورة بنقعد بنسولف..
نورة:لالا مافينا منهد حيلي من الضحك بسير أرقد أخيرلي..
ظبيه:هيه عيل براايج..يلا منوري..
منيرة:يلا..
ويفترقن البنات ..ظبيه ومنيرة سارن حجرة ظبيه..ونورة نزلت تحت بترقد عند أمها..
في حجرة ظبيه..
منيرة:ههههههههههه..الله يخسج يا ظبيوه تتمصخرين علي ..انزين أنا احبها هالبنيه..صح ذكرتيني هي بتترياني ع الأيميل الساعه 12 وربع..اللحينه الساعه جم؟؟
ظبيه:أأأأأوهو اللحينه الساعه 12ونص..
منيرة:لااااااااااااااا..قولي والله..
وتعفد ع الكمبيوتر وتشغله..
ظبيه"اتفج شعرها":هههههه...جيتك على الموعد ولا جيت وش عن لقانا مانعنك..ههههههه..
منيرة:الله ينطبج انجبي..
ظبيه:انزين انزين..شو اسمها..دينا ولا لينا؟؟ههههههههههههههههه..
منيرة:مالت عليج..أسمها رنا..
ظبيه:أبصم بالعشره ان أمها مصرية..
منيرة:ههههههههههه..هب بس أمها مصريه..ألا هي البنيه مصريه..ههههههه..
ظبيه:جذوووووووب..حلللللفي؟؟
منيرة:والله ما جذب..ههههههههههه..أبوها اسمه سامي..
ظبيه:ههههههههههااااااااااااااااااااااي..هههههههههه هههه.شو بغيتي فيها المصريه..
منيرة:مااشي والله ان سوالفها حلوووه..وما تنمل..
ظبيه:بتشوفين باخذ ايميلها وبعطيه اليازيه بخليها تتمصخر عليها..
منيرة:لالالالالا..كله ولا اليازيه..بتنتف البنيه..
ظبيه:ههههههههه..عادي ما فيها شي..
قعدت منيرة ع المسن اترمس البنيه..وكانت حريصه من أن ظبيه اتهف الأيميل..بس ظبيه هفته..وبعد ما بندن المسن..سارن يرقدن..

. . . .

لــــــول معي زايد غلاكم أفدي بروحي واشتريكم..
أحرب و اشني من شناكم ما ارتضي بالشين فيكم..
وأنتو تجافون اصدقاكم من دون زلات تجــــــيكم..
كدرتو الخاطر تراكم و عرفت قاصي اوليـــــــــكم..

بيت بو منصور...
الساعه ست ونص الفير..
في الحوي..

ظبيه كانت قاعده عند يدوتها ..تبا اتسير وياها المزرعة..وكانن يتريون اليازيه اتييهن..وخلاف بيسيرن مع بو منصور المزرعه"للمعلومه مزرعة بومنصور عدال مزرعة بوسلطان..بس سلطان امسوي طاف لمزرعتهم..فاللي يهتم فيها هو عمه عبدالله..بوحميد"..
أم عبدالله:وينها أمج ما شفتها ؟؟
ظبيه:أمايه خلت البشاكير ايبن الريوق اهنيه وسارت ترقد ميهوده من أمس فليل مادري شو بلاها..
أم عبدالله"اتصب لظبيه حليب بالحلبه ..ومدته لها.."هاج بنيتي شربي تراه زين الحليب..
ظبيه:لا لا يدووه ما ريد أشربه شميت فيه ريحة الحلبه..
أم عبدالله:ويدي وشو فيها الحلبه شربيه يلا حرام ينجب برخ..
ظبيه:اخخخ..استغفر الله مخيس ريحتها..
أم عبدالله:خلج انتي عاده من زين ريحتج..شربيه ولا بهالعيرة ع رااسج..
ظبيه:أووهووو من هالعيرة..يدووه ماباااه حرام عليج..اللحينه بتيي يزووي وخليه تشربه..أدريبها اتموت على شي أسمه حليب بالحلبه..
أم عبدالله:هيه عيل بترياها..أما انتي يا مسودة الويه ..حرام علي ان ما خليت ينبج أيصيحج من هالعيرة"وتأشر على عصاتها"..
ظبيه:هاه يت يزوي خليها تشربه..
اليازيه:السلااام عليكم..
أم عبدالله+ظبيه:وعليكم السلام..
وتوخي اليازيه ع يدتها اتسلم عليها..وتقعد حذالها..
اليازيه:وشحاااالج يام عبدالله؟؟ربج بخير؟؟
أم عبدالله:مانشكي بااس..يزوي هاج الحليب بالحلبه شربيه.."وتاخذه وتعطيه اليازيه"..
اليازيه:شووووووو؟؟حليب بالحلبه وأشربه؟؟لا يدووه مالي خاطر..
أم عبدالله:غصصصب عنج..يلا شربيه حرام ينجب برخ..شربيه لا بركة الله فيكن من بنات..
اليازيه:الله يهديج يا يدووه عزير من تعزرين عالشي خلاص نفقد الأمل..
أم عبجالله:لا أمل ولا حلم..شربيه فقدتج..توني صابتنه حق هاي المخروشه ظبيوه يعلها النفاد وقالت مخيس ريحتها هالحلبه..
اليازيه:هاااااه؟؟يعني هاه حق ظبيه"وتعطيه ظبيه"..مااالي خص..
أم عبدالله:شِربيه يا يزوي لا اييج شي شي ما يا الكااافر..شربيه..
وأول ما حطت القلاص قريب ثمها طالعت في ظبيه لقتها تضحك..ردت وحطته ع الأرض..
أم عبدالله:وااااااايه التراب ليش ما شربتيه؟؟
اليازيه:ماااااابا شربه الا يوم ظبووي تشربه جدامي..والله والله الغالي لأشرب بعدها..ليش أنا اشرب حليب بالحلبه وهي ماتشرب..العــدل والمسااوة..
أم عبدالله:يلا ظبيوه شربيه فقدتج شربيه..ياااهو بزى فيكن هب في حد..
ظبيه:يدووه هاي اليازيه بزايه هب أنا..
أم عبدالله:صخي يلا..وشربي الحليب يعلكن النفااد..
ظبيه:يدووه لا حرام علييج..
أم عبدالله:قطعيها الرمسه يا مسودة الويهه..
بالأخير ادبست بكوب الحليب..واليازيه تضحك عليها..وخلاف يأ دوور اليازيه..وادبست هي الثانيه بكوب حليب بالحلبه"اخخ وووع..اسنغفر الله"
وأول ما خلصت فجت حرارة اللقيمات وتمت تااكل منها..>>اتعوض من بعد الحلبه لقيمات..
نشن بعد ما يأ بومنصور وتقهوى وتريق..وع الساعه سبع ونص ظهروا من البيت ساييرين المزرعه..على كروز الفين وسته..أم عبدالله وظبيه واليازيه ..روووح كلهن اربااعه..وتمن ايحنن فوق رااس بو منصور ايوديهن المطعم..وأم عبدالله معصبه عليهن..ووقفوا عند المطعم اللي عدال التسويق..واشتروا سندويشات براتا جبن مع بيض..وعصير سنتوب منقا..جنهن يهااال..
وفي السيارة:
أم عبدالله:ويدي شو هالمنكر اللي يايبه يا بومنصور؟
أبو منصور:شو نسوي يا عموه هااييلا حشرنا الا نبا سندويشات..جنهن يهال بو خمس سنوات..
أم عبدالله:أقوول هاييلا مبزيات بس محد يأ وصدقني..يايتنا بطرهن وبهالسندويشات بيض ما بيض جنهن الا مصريات..
اليازيه وظبيه:هههههههههههه..
وصلوا المزرعه وسارت أم عبدالله اتحوط بين الزرع..أما بو منصور يلس عند النحل..وشاف البنات يلعبن بالغطاس..
أم منصور:لحووووول..أنا شو اللي صارلي وخلاني اييب هالمفلع ويااي..
ظبيوووه يزووي بسكن لعب بالغطاس شو تبنه انتن؟؟سيرن صوب يدوتكن سيرن لا بركة الله فيكن من بنات..
اليازيه:عمي أنا ما سويت شي هااي بنتك الهرمه هي اللي تلعب..
ظبيه:عنلاااتج يالسباله...أبوي لا اتصدقها تراها جذووب..
أبو منصور:انزين يلا خطفن جدامي وسيرن صوب يدوتكن تراها هناك عند النخل بتلاقنها..
ظبيه:يلا اللحينه سايرات..
وسارن صوب يدوتهن..
أم عبدالله:ويدي شو يابكن اهنيه..
اليازيه:بالنقل الجوي..هههههههه..
أم عبدالله:نقلج أبليس قول أمين..نجلعن..ماريدكن عندي بتعايابي ..أمبوني ميهوودة..
اليازيه"اتقرب صوب يدوتها":شو بلااج يدووه..رب ما شر؟؟
أم عبدالله:ما من شر..الا راسيه يدوور..واللحينه خف؟؟
اليازيه:انرد البيت يدووه؟؟
ظبيه:هيه يمكن ترتاحين..
أم عبدالله:لالاهنيه احسن..
وتمن قاعدات عند يدوتهن..وع الساعه تسع ونص ردوا للبيت..والبنات من ردن تسبحن ورقدن...
. . . . . .


ليته درابي وعانا صوابي ....أنا المصابي في دنيت أغراب
عــايش بدنيا فيها وهنيــا ....مــا لذ هنيا فيها ولا طــــــاب

بيت بو سلطان..
حجرة اليازيه..
أربع ونص العصر..

كانت اليازيه رااقده..أونها تعبانه من روحة المزرعة اليوم..قطع نومها صوت مهره..وهي اشوي وبتكسر الباب..
مهره:أووووه..والله حرام عليييج بسسج خستي رقااد..اليازيه..اليازيه..
الياازيه..يداتي بيتكسرن من دق الباب وانت لا حياة لمن تنادي..
<>للمعلومة الأخت اليازيه نومها ثقييل بشكل ما تتوقعونه<>
خطف سعيد وشاف مهره محتشرة وحالتها لله..
سعيد:عافانا الله..شو بلاج اتباااغمين؟؟أحيدج رقيقة توها ظهرت الدفااشه..
مهره:ناقصتنك أنا الحينه..أمايه موصيه علي أوعي هالناقه من الرقاد..من ردت من المزرعه وهي رااقده للحينه ما نشت..
سعيد:انزين خلييها ترقد..
مهره:لا فديتك أمايه تباها اتسير وياكم المستشفى..
شوي ويتفتح الباب..
اليازيه:أووه جمهوري العزيز أسفه تأخرت علييكم..شو بلاج انتي محتشرة..في ذمتي انيه ما تهنيت برقادي في الآونه الأخيرة..
مهره:يلا بدلي أمايه تبااج اتسيرين المستشفى..
سعيد:بسسرعة لا تتأخرن..ولا واالله أدبر وانقعكن..
ويسير سعيد..
اليازيه:أقول مهره اشعنه بغيتوني أسير المستشفى...
مهره:ع الساعه وحد الظهر قبل ما نتغدا..يدووه شيخه فديتها تعبت عليينا..ووداها مبارك توام..ودق ايخبرنا انهم بيرقدوونا..ايقولون انها تعبانه واايد..
اليازيه:قووولي وااالله؟؟وأنا أقوول يوم سرنا المزرعه من صدق كان ويهها أمبين انها تعباانه..
مهره:يلا انزين أنا أبا اسير ويا أمايه..بس هي مممااا تبااني أسير..اتقول قعدي في البيت..ليييش؟؟لييش تبااج انتي اتسيرين وياها..
اليازيه"نافخه عمرها":لأني صاحبة مواقف..فمثلن لو يستوي شي لا سمح الله أروم أسوي شي اتحرك..بس انتي بتقرين مكانج يا مبهمه ولا اتصيحين..قلبي ويهج يلا..
ورقعت الباب في ويه مهره"امبونها هاي اليازيه موووول ماشي اسلوب "..المهم بعد ربع سااعه كانت متزهبه.."مده قصيرة جداً..مع انها تسبحت ..بس تبااا تظهر لو انا أقل من ربع سااعه..المهم"ظهرت من حجرتها وسارت تحت لقت أمها قاعده في الصاله..سلمت عليها وحرجت عليها العيوز عسبة إنها للحينه رااقده..ياهم سعيد وقالهم يظهروون لأنه مل..ويوم وقفوا جدام الباب العود مال الصالة..
سعيد:هاه أم سلطون شو بغيتي النيسان ولا الرنج..
اليازيه:لالالا الرنج الرنج شو بغينا فيها النيسان خلها حق عراقيبك..
أم سلطان"ناقمتنها":طالع هاي يايتنا بطرها..(شورها)..
سعيد"يطالع اليازيه":أظني مارمستج ..أنا زقرت أم سلطان..إنتي أم سلطان؟؟
اليازيه:أأأخ ويهي احترق..
سعيد:مطاافي مطاافي بسرعه..
اليازيه:ههههههههههه..الله ينطبك تتمصخر..
سعيد:انجبي..هاه امايه شو بغيتي..؟؟
اليازيه:الرنج صح أمايه..؟؟
سعيد:واالله انج بقرة ما تفهميين؟؟لا ترمسيين ياليعره..
اليازيه:أأأأوووه خلاص انزين انت طلعتلي الظغط ماارووم لك..
سعيد"يبتسم ابتسامة نذاله":ولاااا كأنج ختيه التووم.."يطالع أمه"هاه أمايه..؟؟
أم سلطان:هيه بعد ما شبعتوا ضرايب..أبا النيسااان..
انحبطت اليازيه ..ركبوا نيسان سعيد الي مزودنه وما خلا لا هدرز ولا غاز ولا توربو الا وحطه في نيسانه....ويوم صاروا قريب من مستشفى توام..
اليازيه:ياااالله..الله يقلع البلييس..بوعسكور عطني تلفونك برمس ظبيوه بشوف أخبارها..
سعيد:تراهم بعد صلاة العصر ظهرهم مبارك صوب توام..ورد البيت عسب يرقد..
أم سلطان:هيه فديته بوحمد أبدن ما قصر ..ودى عمتيه علني فداها واللحينه وداهم..ورد أحسن له عسب يرتاح..
اليازيه:.......................................... ...
كانت اتفكر فيه.."شو يا قلبي شكلك اليوم مشتاق..مشتاق لمباارك؟؟لا حشااا عليك ومنو هو مبارك عسب تشتاق له..منو هو؟؟الا واحد سحرك بعيونه..وخلااص مبارك أنا مستحيل أفكر فيك في يوم..وإذا فكرت فيك..بعرف عمري ..أنا استويت مينووونه..وأكبر مينوونه.."كانت هااي أفكارها ..كانت تقص على رووحها أونها ما تحب مبارك.."وااحليلها"..وكانت تحاول تقنع عمرها إن مبارك ما يسوى شي..
وقف سعيد سيارته ..ظهرن أم سلطان واليازيه والبشكارتيين..أما سعيد فسار عند ربعه..
أول ما دخلن المستشفى حدرن المحل مال الحلويات..وخمتلها أم سلطان أربع سلال كافي..وحده من البشاكير شاله أكياس الفواله والقهوه ..والثانيه شاله السلال مال الكافي..واليازيه تمشي عدال أمها وميودة سله صغييرة ..لونها بني وشكلها حلووو..والحلويات اللي فيها مزينه بالبني..والذهبي..وصلوا غرفة أم عبدالله..ودقن الباب وحدرن..سلمن ولقن ظبيه وسهيل وأم منصور..
تحمدوا لأم عبدالله بالسلامه وقعدن يتقوهن..وشوي نشت أم سلطان وأم منصور يبون أيزورن حرمة ييرانهم..تراها ربت ....وبقن في الحجرة اليازيه وظبيه..
اليازيه:هاه ظبيوه وين قوم منيرة ونورة.؟؟
ظبيه:قبل شوي كانوا هنيه وردوا لبوظبي بعد ما سلموا على يدووه..
اليازيه:أها..بسم الله وينه سهيل..توه كان هنيه..
أم عبدالله:ويدي؟؟ظبيوه يالبقرة نشي لا بركة الله فييج..ودوري ع الياهل أكيد ظهر برع..
ظبيه:انزين انزين يدووه..
وظهرت ظبيه اتدور على سهيل..وقعدت اليازيه عند يدوتها ع الكرسي اللي قريب من السرير..
اليازيه:هب جنها طولت ظبيووه وين ساارت؟؟
أم عبدالله:خوفاتي ضاع الياهل..
اليازيه:لا تفوالين بالشر يا يدووه اللحينه بيوون..
وسمعوا صوت حد ايدق الباب..وصوت ريال يهوّد..
أم عبدالله:أحدر أحدر محد غريب..
وحدر ذياب "بطل القصه رقم 2" بكل هيبته..وميود يد سهيل..
انصدمت اليازيه من شافته..هب سعيد قبل اشوي قال إن مبارك رد البيت يرقد..بس هاذا مبارك..ويوم انتبهت عدل..لالا هاذا هب مبارك..وعلى طوول تغشت..
ذياب"رفع راسه بعد ما كان يرمس سهيل":السلاام علييكم..
أم عبدالله+اليازيه:وعليكم السلام..
ووخى ذياب على يدته ايسلم عليها..بس كان من الطرف الثاني من السرير..
ذياب:شحالج يدتيه شيخه عسااج طيبه وشو هبااتج؟؟
أم عبدالله:ما نشكي بااس علني فداك..إلا هالصداع عايابي ..
ذياب:تقومين بالسلامه يدووه..
اليازيه"وااااايه التراب ايقولها يدووه..منووووو هاذا..لو أنا ما أعرف مبارك زين بقوول هاذا مبارك..بس هاذا أحلى"..
ذياب ايطالع البنت المتغشية ..
أم عبدالله:وييدي يزووي شعنه متقطعه بشيلتج..تراه الا ذياب ولد عموتج ناعمه..
انصدمت اليازيه..وجنه حد صب عليها مااي باارد..ومن أثر الصدمه ما سوت شي تمت في مكانها..وذياب موطي راسه...
أم عبدالله:وااعثرتيه جنج صمخه ما تسمعين..فجيها هالشيله اللي متلحفه بها ولا بهالعيرة ع رااسج..جنج الا ساحره وبتطير..
وشلت اليازيه الشيله عن ويهها؟؟؟؟!!!!؟؟؟؟؟!!!!!!!!!!!!!!!!!!!!!؟؟؟





انتهىىىىىىىىى البااارت...
ظنكم شو اللي بيستوي في هاللحظه..؟؟
والهنوف شو مخططاتها؟؟ومبارك بعد شو اللي برااسه؟؟
أكيد عرفتوا البنيه اللي يرمسها حميد؟؟

لجـــــزء الســـــادس..

شفته وروح خاطري مشـــحوني..عني بعيد وصورته في عيونـي..
والناس مـــاتدري عن ال ماياني..كـــني طعين بمرهفن مسنونــي..


وشلت اليازيه الشيله عن ويهها..كانت اتحس بإن دمها كله اتيمع في وييهها..بس سوت طاف""تدرون لولا الطاف هاه جن أمور الحياه ما مشت..طبعن أمثال العضوة العنيده212..""..طالعها ذياب..نظرة نظرة وحده بس صابته في قلبه..شافها وكم تمنى أنه ما حدر عند يدته ولا حتى فكر إنه يسير المستشفى..كم تمنى إنه سمع كلام مبارك ورقد عنده..ولا شاف هالدماني الللي واقفه جدامه..شاف ذيج العيون الذبوحيه..والبياض والثغر الوردي..شافها وانتهت معاناة ذيااب بشوفتها..شاف أمل حياته..غناة رووحه..دافعه للحيااه.. وكم تذكر ذييج الليالي اللي ما يبات فيها بسبة هلبنيه..شافها وبردت نااار الشووق..
انصدم ذياب..هااااي اليازيه..أنا متأكد إنها اليازيه..معرووفه اليازيه بجمالها..
وييينها ما شفتها من زمان..سنتين مرن وأنا ما شفتها..اللحينه أشوفها..
اللحين اشوف من سلبت عقليه وخلتيني بلا حس..اليازيه أأه ياليازيه لو تدرين باللي خاطريه صووبج..عانيت وقسيت ع طووول هالسنتييين..وكل مابأبا اشووفج ما تسمح لي الظرووف..كل ما أبي اشبع عيني بشووفتج ترد تعاندني الظرووف..كل ما أبا أشووفج وأنسى البعاد ..ترد الظروف وتعاندني..واالله أدري انج موول ما فكرتي فيني..وهالشي هب في يدي..
+++أخبركم سالفة ذياب ولا هب لازم؟؟يعني من الأجزاء الياايه..؟؟؟؟؟
ولا أقول أحسن أخبركم ..السالفه وبما فيها أن ذيااااب اليازيه عنده تسوى كل شي..تقولين نظر عيونه غناتة وروحه وقلبه وكلش ي كل شي..ايمووت فيها..بس تدرووون..إن هالحب ماحد يدري عنه شي..امممممممرة..حتا مبارك مبارك خوي ذياب ما يعرف عن اللي في خاطر ذياب..
ذياب كان يسهر الليل ويعاف الرقاد ..كللله من اليازيه..والسبب الوحيد هو أن ذياب يعرف ان اليازيه تحسه شرات خوها سلطان وسعيد وراشد..وهو يقدر أيخلي البنت تتعلق فيه وتموووت على الأرض اللي يمشي عليها"لا تخافون ما بيسويلها سحر"..بس هو وده ان اليازيه اتحبه من نفسها..وبدون أي تلميح من صووب ذييياااب..وهااي هي سالفة ذياب المسيجييييين..+++انرد للقصه..
ملاحظه صغيروونه:خواني تراني بالعمد ما حطيت هالنقطه في النبذه اللي عن ذياب..والسبب والله مجهووول..وخلصت الملاحظه..خخخ
تحركت اليازيه لورا عند الطاوله عسب اتقهوي ذياب..وانفج باب الحجرة..
ظبيه:وااعثرتيه وينه سهيل؟؟يدوه ما لقيته؟؟"وتنصدم يوم اتشوف سهيل واقف عدّال ذياب..وتبتسم"هههه..إنت هنيه يالبعير وأنا أدوّر علييك..
أم عبدالله:حدري انتي يابه ذياب من شوي..
ذياب:هيه تراني لقيته عند الباب العود اللي هنيه..يالس يتمنظر في الناس..
أم عبدالله:وااااحليلك يا سهولي؟؟ماصاح؟؟
ذياب:لااا شو يصيح بعد؟؟الله يهديج يا يدووه سهيل ريال هب حرمه ايصيح ..صح سهيل؟؟
سهيل:........................................ "يهز راسه..أونه صح كلامك يا ذياب.."
ذياب"يرد لحالته العصيبه..ألا وهي الإستهباال..":هههههههه..حيرتني يا رياال انت سهيل ولا الدريول..اتهز رااسك..جنه الا هندي توه يااي من بلاده..
الكل:هههههههههههههههههه..
ظبيه:الله ينطبك ويا سوالفك يا ذياب قاعد تتمصخر على سهيل وعمته واقفه عنده ..وع رااسه..
ذياب:والله..عيل ليش يا عمته يوم ضاع الياهل ما دورتي علييه..هيه كنتي ملتهيه بالسوااالف..الا خلااف ذكرتييييه..
أم عبدالله:خلهن هااااييلا ..اليوم سارن المزرعه هياي..والله لا شفتهن يا ذياب لا اتنتف شعرك تنتيف..قذاا..يلعبن بالغطاس ويربعن بين النخل جنهن يهاال..خص خص يزووي هاي الإبلييس راكبنها ااممرة ما ينرام عليها بنت سهيل..عنيييده وراسها ياابس.. وظبيه الا وراها ..
ظبيه:هههههااي..حرام عليج يا يدووه هي القايد وأنا الجندي..
اليازيه"اتحيدونها ما ترووم تيود السانها..ومقوي..":وااايه التراب جاني انا القايد..يعلج تفدين اثريه يالهرمه.."وتطالع يدتها"أمبوني يا يدووه طيبه ومحد شراتي..ولا اتصدقين هااي بييعه في الرمسه ومادري من وين مظويتنها..
ذياب..انصدم للحينه يزووي ما تغيرت..لسااانها الطوويييل..اممرة محد يروومله..
ظبيه:كلتيني كلتيني بقشووري..
أم عبدالله:بس بس قطعنها الرمسه ما تحشمن لعنبوكن هنيه ميلسه جدامكن ما اتشوفن..
ذياب:ههههه..يدوه الله يهديج بلاج احتشرتي عليهن..
وتعطيه ظبيه القهوه..ترى الأخت اليازيه ما تبا اتناوله الفنيال..فخلت ظبيه..
ذياب:الا وينهن خالتيه عايشه وخالتيه حصه ما شوفهن هنيه..
أم عبدالله:هنيها تراهن سارن يسلمن على يارتنا ربت..
ذياب:أها..
ظبيه:يدوه
أم عبدالله:علمج يوم العلم يااج..
ظبيه: بنسير أنا ويزوي تراني شفت هيور هني..انزين؟؟
أم عبدالله:بن عروه ..والله ان شبرتي شبر خاري الحجرة لا اييج شي ما ترضينه..
اليازيه+ذياب:هههههههههههههه..
ظبيه:ماالت عليييكم لييش تضحكون..
اليازيه +ذياب:مواطنين..
انصدموا لأنهم قالوا الكلمه ويا بعض..وكل وااحد شاف الثاني..
اليازيه يوم شافته..ما توقعت ان في رياااييل جيه ميزهم ربي بالرحامه والجمال..
شافته وتذكر قلبها مبارك.."يشبهه مووت في ذمتيه انه يشبه مبارك..جنه هو..لييش؟؟يمكن عشان عموه ناعمه وعموه عايشه توم..عسب جيه هم يتشابهون.."
أما ذياب فاكتفى بجمله وحده"يا حظ من قلبج هوااه"
قطع الصمت والنظرات صووت صياح سهيل..اللي صاح جيه فجأه بدوون أي سابق انذار..
أم عبدالله:ياااشقااايه..اللحينه هاذا وين أمه..وين ساارت؟؟
اليازيه"طبعن المتحدث الرسمي":أمه ما يت يدووه قاعده في البيت..بعد اشوي بتي..
أم عبدالله:كيف يعني بعد شوي ..وهاه البغام منو بيسكته؟انتي؟؟
اليازيه:لاا حشا علي..ظبيوه ترااه ولد أخوها..
ذياب"ينزل على مستوى سهيل ويشله ":شوو بلاك سهيل اتصيح هب قبل شوي قلنا الريااييل ما يصيحون..
سهيل:وااااااااااااااااااااااااااااااااااااااا ااع وااااااااااااااااااع اهاااااااااااااااااااء ماما ماما ..
ذياب:يا رب سكنهم في مساكنهم..تونا وش حلاتنا ؟؟انفجرت في ويهي؟ودوه ودوه الفلوجه..قنابل نوويه..
أم عبدالله+اليازيه+ظبيه:ههههههههههههههه..
"طبعاً العيوز ضحكت جيه أونه فهمت الساالفه..مشكله العياييز يسون عمارهن فهيمات وعارفات كل شي..ونرد ونقول طاااااااف.."
أم عبدالله:يزووي لا بركة الله فيج سويلها تلفون اصورنا هاليااهل..
"أصورنا=أزعجنا">>لهجه بدويه عريقه..
اليازيه:يدووه هالحجرة ما فيها تلفون..
ذياب:هااج تلفوني..
ويمده لليازيه ويرتبش من اللمسه اللي كانت غير مقصوودة..وحس بالإحراج يوم اليازيه سحبت يدها بسسرعه..ردت اليازيه لورا وسوت تلفون لموزة وقالت موزة انها اللحينه بتي..
اليازيه:انزين سمعي انتي يا بزنس ومون بنانا خلي عنج الحواطه ويا صرصورج ولا تبطين..ولدج هالبغام شل أذونا شل و خلانا بليا حس..وييلج يا سواد ليلج ان شفته عند حد بدوونج..يلا لا تبطين..
وترقع االتلفون في ويها..والله ايخلفن وينسن ونحن اللي نعاني من هاليهال..
وردت لها التلفون بس هالمرة كل واحد كان أحرص عن الثاني من أنه يلمس يد الثاني..>>>ثاني وثاني..أكيد هالجمله غير مرتبه لان كلمة ثاني انعادت مرتين..&قواعد العضوة العنيده212&..طاااف<<<

. . . . .


يا ليت اقدر اوضّح لك بعض امـــــــري..وارسل حروفي باسـم الحب تهجالك
يا ليت تدري عن الشوق الذي بصدري..يا ليــــت احظى بلحظه يوم بوصالك


جدام بيت بو سلطان..
الساعه 11ونص..
يوم الخميس..

خطف سعيد على إنه ساير صوب مبارك..من خطف ع السكه اللي بين بيتهم وبين بيت قوم عمته ..شاف اليازيه وظبيه ميلسات في السكه..
سعيد"بصوت خشن":يزووي ظبيه شو اتسون هنيه..
نشن البنات وتفرقن وهن متروعات ..وحدرن بيت بو سلطان..
سعيد:هههههههههههه..أنا سعيد بسم الله جنكن الا عنز فاجينهن في سبااق..هههههههههههههههههههههههههه..
ظبيه:سعيد؟؟!! الله ينطبك..دوومك ويا تعليقاتك علينا..
اليازيه:هههههههههههههه..شو سويت فينا؟؟
سعيد:الا انتن شو اتسون هنيه..يلا يلا ع البيت بسكن سوالف وحش..
اليازيه:لا لا بنقعد اشوي..
سعيد:نشششن يلا.."ويتمصخر"..بسرعه بسرعه المدير سلطان يترياكن خص انتي يا اليازيه..
اليازيه"تتطنز":لاااوالله..منو ودى أسامينا الإدارة..وليش أنا اللي يبوني بالذات..
ماالي خص ظبيوه الا اتي معي..
ظبيه:لالا أنا مالي خص فييج..أصلاً أنا بسير البيت يلا مع السلامه..
سعيد:والله بنات ما عندهن ساالفه..اخيرلي اسير صوب بوحمد..
طالعته اليازيه..بس قال..
سعيد:انقققققلعن يلا يالعنز..
وسار وخلاهن..ونشن ..
اليازيه:تعالي شي متحان يوم السبت..
ظبيه:هيه امتحان عنقليزي..يباله درااسه..
اليازيه:مااعندج سالفه..أنا بغش ما فيني أذاكر..
ظبيه:اشعنه شو وراج؟؟
اليازيه"تتمصخر واتطالع وراها":بيتنا..
ظبيه:يا هي مصيبه عشتها ويااج. ..أنا أقصد شعندج ما تذاااكرين؟؟
اليازيه:أأأه..أسفه فهمتج غلط"اتسوي عمرها اتكيت ورقه.."طال عمرج..عندي اسبابي..
ظبيه:ألا وهي؟؟
اليازيه:هههههههههه..سمعي أول شي بوفر التركيز والمذاكره للمتحانات..لأن بتي فتره يمكن ما نشوف بعض..وبنقطع الكتب تقطييع..وثاني شي باجر لازم ايظهرووني..أبا اسير صوب بيت عمي..وبجمع اثنين في بعض..السوق وسلامه..
ظبيه:كييف يعني..؟؟
اليازيه:الله يعيني ع غبااائج..سمعي صح أنا بسير العين صوب بيت عمي..
ظبيه:هيه صح..
اليازيه:ومناك بسحب سلامه وع السوق يالقووم..
ظبيه:هههه..الله ينطب بلييسج..
اليازيه:أقول ختيه قولي مااشالله عن اتصيبني بعين..مافينا..
ظبيه:والله؟
اليازيه:خلاص خلاص بنبد السالفه ما تنعطين ويه..
ظبيه:ااايي بسج ..
اليازيه:خخخخخخ..انزين..تعالي عندج كاافي..؟؟
ظبيه:يااالله راديو ماتروم اتيود لسانها دقيقتن ..من سالفه لسالفه..
اليازيه:تدرين بسوي طاف لأني محتاايه..ردي ع السؤال عندج كااافي؟؟
ظبيه:توني مخلصه السله اللي يبتيها اليوم في المستشفى..
اليازيه:حراام والله ما كلت غير حبه وحده..
ظبيه:ولااا يهمج يابنت سهيل بنسير حجرة مبارك وبنهف بااتشي من عنده..مكودنه اخووي ع الفاضي..
اليازيه:هيه صح نستفيد منه..بس أقولج اللحينه ما بنحتايه..بنسير عند مهره ختيه أكيد شي في ثلاجتها..
ظبيه:انزين هالمرة بناكله ابحلال ولا بحرام؟؟
اليازيه:اسسستغفر الله..هو في كل الحالات حلال..بس احن اللي نحرمه يوم نسرقه..هههههه..سمعي..شوراايج بنقولها تعطينا..تدرين ختيه طيبه وغنولها يا طيبه..وااحليلها مهره علني فداها..ما بترد لنا طلب..
ظبيه:انزين نشي بنحدر صوبها..وينهي؟
اليازيه:في حجرتها..نشي يالعيوز يعلج الحوم نشي بنحدر صوبها وبنسرطلنا شي..
ظبيه:واعثرتيه..اللحينه انتي من نشيتي الصبح وانتي تسرطين..
اليازيه:هههههه..حليب بالحلبه..امممم..تدرين لأول مرة لساني يتعب من الرمسه الزايده..
ظبيه:أكيد هاي حاله واللحين بترووح..
اليازيه:عسى ظنج في محله..
وحدرن بيت بو سلطان وسارن فوق عند حجرة مهره..وأول ما وقفن عند الباب..رفعت ظبيه يدها عسب اتطقه..بس اليازيه يودت يد ظبيه..
اليازيه:سمعي أنا اعرف انج انسانه غير سياسيه..وأن السياسه خلوها حقي..فلو سمحتي يا انسه ظبيه قولي خيراً أو اسكتي..يعني اذا بترمسين رمسي عدل يعني رمسه فيها قردنه فيها ابتسامه..واذا ما تعرفين انجببببي..
ظبيه:جب جب هب جنج ذيج المرة قلتيها هالرمسه..
اليازيه:في الإعاده افادة يا ذكيه زمانج..
وتطق ظبيه الباب وتفجه..بس اليازيه بندته ولا كأنه شي مستوي ..
ظبيه"محرجه ويها حمّر":أووه وبعدين ويااج..
اليازيه:صخي"وفجأه تنفجر ضحك"...خخخخههههههههههههههههههه...طالعوا ويههها..هههههههههههههههههههههههههه..هيدي هيدي على عمرج ..
كككككهههههههههههه...
ظبيه:أووه ..فقدتج..
وتفج الباب وتحدر ووراها اليازيه..وكانت مهره قاعده ع الكمبيوتر تطبع أوراق لفايل الدين..
مهره:هلا واالله..وينج ظبيه من زمان ما شفتج ولا كأن بيوتنا حذال بعض..شفتج اليوم بعد صلاة العصر وسلمت علييج وماسولفت فياج كنتوا ساييرين صوب يدوه..
اليازيه"اتسوي مالت لعمرها":وانا مسوين لي طااف..ولا أكبر طاف..
ظبيه:علني فداج والله يا مهره ..ولاكأنج أخت هاي العنز اللي عندنا..
اليازيه"تضرب ظبيه ضربه خفيفه ع راسها":انجببي..علني فداااج مهرووه شحالج..؟؟تصدقين اشتقت لج حيل..
مهره"تشل أوراقها وترتبها":ههههههه..يزووي تتفداني..لاشي غريب..
اليازيه:لا غريب ولا شي..
مهره:ولا جنها رقعت الباب في ويهي ..اليوم العصر..
اليازيه:أأأه..هاي اليازيه الثانيه..
ظبيه:هيه هيه صح صح وهي الأولى..
اليازيه:تتمصخرين يالمنتفه..
ظبيه:لا اتطنز يالحلوه..
اليازيه:هههههههه..هب أول مرة أسمعها..
ظبيه:وااايه ليش خاقه بعمرج..
اليازيه:من حقيييي..اي مهره"ردت لأسلوبها"..سمعي أبا كافي..تعالوا وليش أستأذن..أوني مسويه عمري طيبه..
وتسير صوب الثلاجه واتفجها..ولقت لها حلويات شلتهن كلللللهن وما خلت شي..
اليازيه"واقفه عند باب الحجره ومهره اتطالعها باستغراب":شكرن لكي..ظبيه تعالي..
ظبيه:هههههههههههه..مشكووووورة مهره علني فدااج..برد لج خلاف..بااي..
مهره"تبتسم":باااااي..
وسارن حجرة اليازيه...نصه حطنه في ثلاجتها والباقي شلنه تحت ..وقعدن في الصاله..
ظبيه:وينها خالوه حصه ما شوفها..
اليازيه:فديتها والله حصه بنت علي..ساارت عند يدووه بتبات عندها..
ظبيه:هيييييه..
اليازيه:اتصدقين كان في بالي شي إني اسير ويا أمايه ابات عند يدووه..بس بعدين فكرت فيج ما تروومين اتعيشين بليااي..فقلت أكنسل الفكرة أحسن..
ظبيه:ممممممممرة مصدقه عمرج..تعالي حلو طعم الكافي؟؟صح؟؟
اليازيه:رقييص..بسا اللي هناك في الثلاجه طرررررر..
ظبيه:وليش ما يبتيه يالبخوله"بخوله=بخيله..تراها الأخت ظبيه اتجلب الرمسه"..
اليازيه"بخووله؟؟!!!ههههههههههههههههههه..أي لهجه هااي..؟؟
ظبيه:لهجتيه..مااالت صخي يالعنز ..فريتي رااسي..بهالضحك..اممرة لسانج ما يقر محله الا يتحرك ويضحك..
اليازيه:فرييت رااسج..؟؟!!هههههههههههههه..وين؟؟المريخ ولا المشتري. شدعوه هو حصاه أفرها..ههههههههههههههه..
ظبيه:لا الشمس..
اليازيه:حلفي؟؟لا ع بالي بلوتو؟؟؟!!!!!!!!!!!هههههههههههههههههه..

. . .. .

ليتني ما عرفتك ليتني ما هويـــت..لا رسمتك بعيني اجمل الأمنــيات..
ولا جعلت القصيده تبكي بكل بيت..لا كتبت المشاعر من فأواد وذات..


بيت بو ناصر..
يوم الجمعه..
الساعه أربع العصر..

كانت الهنوف مجابلة كتبها..خلصت وحطتهم في الجنطه..وقعدت ع النت على طوول..فجت إيميلها..ولقت اربيعتها فطوم..وعلى طول رمستها..
أحبك كثر ما تنبت على خد الثرى أشعاريf:
مرحباااااا هنااايف شحاالج؟؟
حب كل الناس حبيتك..حب ومرصع بالألماس:
هلااااااااا فطامي شحاالج ربج ابخير؟؟
أحبك كثر ما تنبت على خد الثرى أشعاريf:
هلا فييج..ما نشكي بااس..اللحينه حدرتي ويا ويهج من متى وأنا أترياا..
حب كل الناس حبيتك..حب ومرصع بالألماس:
علني فدااج والله..توني مخلصة المذاكرة وحدرت على طوول.
أحبك كثر ما تنبت على خد الثرى أشعاريf:
هيييه ثرج مسكينه..اليوم اتذاكرين..
حب كل الناس حبيتك..حب ومرصع بالألماس:
ليش؟؟إنتي متى ذاكرتي؟؟
أحبك كثر ما تنبت على خد الثرى أشعاريf:
أووه..من يوم الأربعااء..عسب اتفييج يوم الخميس واليمعه..ما فيني ألوع بجبدي وأجاببل هالكتب..
حب كل الناس حبيتك..حب ومرصع بالألماس:
هييييييه..حييج..
أحبك كثر ما تنبت على خد الثرى أشعاريf:
انزين ليييش جيه سااكته..شو إتذكرتي سعيد.؟.؟.؟.؟.^_^..هااااااه؟؟؟
حب كل الناس حبيتك..حب ومرصع بالألماس:
ماالت علييج ومن متى أنا اصلن نسيته عسب إتذكره..
أحبك كثر ما تنبت على خد الثرى أشعاريf:
مالت عليييج إنتي؟؟
حب كل الناس حبيتك..حب ومرصع بالألماس:
إنزين صح شو انسوي اللحينه..؟؟
أحبك كثر ما تنبت على خد الثرى أشعاريf:
يبتلج حل..سوي عرس^___^ هههههههههههههههههههااااي..
حب كل الناس حبيتك..حب ومرصع بالألماس:
قوولي واااالله..يلا يلا شعندج خبري أي خطه..
أحبك كثر ما تنبت على خد الثرى أشعاريf:
سمعي..إنتي ييبي رقم تلفونه ..ورمسيه ..على إنج أي وحده..وخبريه خلاف إنج الهنوف وإنج تموووتين ع الأرض اللي يمشي عليها..
حب كل الناس حبيتك..حب ومرصع بالألماس:
شووووو؟؟ما تحقلي نفسي أسوي جييييييه..
أحبك كثر ما تنبت على خد الثرى أشعاريf:
عزة نفسي..ما بتسمحلي..إنسى جرحي واركد ليك..
حب كل الناس حبيتك..حب ومرصع بالألماس:
أأأأوووه لا تمييين جيه..فطوم قولي شي ثااني..
أحبك كثر ما تنبت على خد الثرى أشعاريf:
يلا انزين ..أحسن شي انتي ترمسينه..ولا شوراايج أنا أرمسه وأقوله إنه ميثا معرووفه راعية شباب وحركاات..
حب كل الناس حبيتك..حب ومرصع بالألماس:
لالالاشو هااللي اتقولينه..مستحيل أخرب سمعة البنيه عسب حبي لسعيد..ولا بعد هب أي بنيه..البنيه اللي ايحبها..وفوق هاه نحن نعرفهم وترا ميثا تقرب لبووي من بعيد..
أحبك كثر ما تنبت على خد الثرى أشعاريf:
انزين اييج شور..تريي شهرين ثلاثة اشهور..لين ما تهدى عقولنا اشوي..وربج يفرجها يا بنت الحلااال..صبرج انتي بس..
حب كل النااس حبيتك..حب ومرصع بالألماس:
تعودت أنا أصلن دوووم أصبر..من عرفت سعيد وأنا صاابرة..
أحبك كثر ما تنبت على خد الثرى أشعاريf:
ييييييها..عاد الله يعينج ع البلوة اللي الله بلاااج فيها..إنزين قووولي لي ..جد مرة شاافج فيها..
حب كل الناس حبيتك..حب ومرصع بالألماس:
تدرييين آخر مرة شفته هب عيد الفطر هاه..عيد الفطر اللي قبله..يعني من سنه ..وفوق هاذا ما سلمت عليه من جرييب..الا من بعيييييد قالي السلام علييكم..ومن بعد هاييج المرة ما شفته..موووووووول..
أحبك كثر ما تنبت على خد الثرى أشعاريf:
اهاااااااا...انزين وميثا..كيف شكلها وكيف أوضاعها..
حب كل الناس حبيتك..حب ومرصع بالألماس:
ميثا انسانه عااديه..بيضا وبياضها ياي على سماار..عيونها حلوه وخشمها بعد..شعرها أسود عاادي..وضعيفه..عايشه في الهير..وهي في صف 3ثنوي..يعني شرات اسعيد وشراتنا..اتحب اتسولف..سوالف عاديه..بس ما تنكت واايد..عكس سعيد اللي كله تعليقاات..اتحسينها اشوي رزينه ..بس تدرين فطوم أنا أحلى منها بوااايد..
أحبك كثر ما تنبت على خد الثرى أشعاريf:
اهاااااا..وشو بعد؟؟
حب كل الناس حبيتك..حب ومرصع بالماس:
شو بعد..ما في شي..اللي أعرفه عنها قلته..بس تدرين هي واايد طيبه..
أحبك كثر ما تنبت على خد الثرى أشعاريf:
اووكي هناايف سمعي..أنا اللحينه بحدر المنتدى وبشوف شغلي..وانتي بعد لج فترة ما حدرتييه والأعضاء يتخبرون عنج..فاللحينه بنحدر..و هالساالفه خليها علي..ولا اتحاتينها موول..شيليها من رااسج..اووووجي؟؟
حب كل الناس حبيتك..حب ومرصع بالألماس:
اووجي بس ...........ولا أقول يلا خلااص..بررااييييج..بااي..
أحبك كثر ما تنبت على خد الثرى أشعاريf:
بااي..
وتمت الهنوف عالمنتدى..تتمنى شي يشغل باالها..

همسات صوتك ونار الشوق بي عاصف..متى حبيبــــــــــي بك الأيام تجمعني..
أكف دمعي ودمع العـــــــــــين بي ذارف..أخفي دموعي ودمع العين يفظحني..


جدام بيت بو منصور..
الساعه تسع ونص..
يوم الجمعه..

حميد كان ايرمس حبيته وغناة قلبه..
حميد:انزين عليا بااجر بداومين..
عليا:هيه ما يباله..
حميد:اووه انزين عليا بااجر غيبي ابا اشووفج..
عليا:حميد عن الأستهبال..جريب كنت شايفنّي..
حميد"يعلى صوته اشوي..":بس يوم شفتيني تغشيتي..
عليا:لاا عيل جيه أظهر جدامك وجدام سلامه شو بتقوول عني.؟؟حميد سمحلي بس انا اللحينه بسكر..
حميد:عليا لحظه انتي فاهمه السالفه غلط..
عليا:تامر بشي..؟؟
حميد:انزين لحظه خلينا نتفااهم..
عليا"تسوي عمرها اتصيح":حميد أنا غلطانه لأني خليت قلبي يمشي ع هوااه..ويحب وااحد شراتك..
حميد:أأوووه..ردينا للرمسه اللي ما تنفع..يابنت الحلال انتي اللحينه من شووو زعلانه..
عليا:زعلانه لأنك اترمسني باسلوب مااصخ..بااي حميد..
حميد:لا عليووه فديتج لا تبندين ماهون علييج..
عليا:انزين خلااص حميد أنا هب زعلاانه بس أبا اسكر..
حميد:افاااولييش؟؟
عليا:مشغوله اشوي..
حميد:مشغووله؟!؟!؟امم..أوكي بااي..
عليا:يوم أفضا بدقلك..مع السلامه..
حميد:ااوهو..خلاص وداعة الله..
بند حميد وطالع تلفونه..وحطه في مخبااه..وأول ما بيحدر بيت عمه..شاف ظبيه توها ظااهره من بيت بو سلطان..
كانت الأخت تمشي وموطيه رااسها..ويوم شافت حميد من بعيد..ما انتهبت ان هاه اللي جدامها حميد..ع بالها سعيد..ولا حد من عيال خالتها ناااعمه..
ظبيه:مرحبا يالأسود..
حميد"يجرب منها":أسوود في عينج..يالقرعه..
ظبيه"منصدمه":شوو؟؟حميد..؟؟اي انت لا اتسب..
حميد:إنتي اللي بديتي..
ظبيه:انزين كنت اتحراك سعيد ولا حد من عيال خالتيه نااعمه..
حميد:هيه صدقتج؟؟
ظبيه:ثجيل دم..
حميد:احترمي الفاظج..
ظبيه:اووه أنا كيف نزلت مستوااي ورمست هالأشكال.."ما كانت تدري هالقوه من وين يت؟؟؟؟..غريبه ظبيه وترمس جييه"..
حميد:هالشكل اللي جبالج..كنتي اتموتين عالأرض اللي يمشي عليها..وما كنتي اتصدقين روحج يوم اتشوفينه..ومن طلب الفرااق والبعاد..صرتي أتصيحينه كل ما شفتيييه ولا لمحتي طيفه.."حراااام عليييك..لا تجرحها زيااده"
ظبيه:............................................. ......."حرااام .."
حميد"اتلوّم>>يمكن تأثر برمستي..":أنا يا ظبيه ما سويت هالشي الا غصب عني..والله يشهد إني ما قصدت أجرحج ولا أحطم قلبج..بس هالظروف ودوومها اتعاند..وهالقلب..مارووم اتحكم فيه..أنه يحب منو ويكره منو..بس ولو ما اسمح لج اتسبيني..
راااااااااح حميد ورااااااااحت رووح ظبيه..ظروف وعاندته..وقلب ما يروم يتحكم فيه..يعني يا ظبيه في انسانه حميد ايحبها..اه يااااااادنيا..كيف اتجرحيني في كل لحظه..كيف انتي قااسيه وما ترحميني..حبيبي نظر عيوني..غناة قلبي ايقولي انه ما تركني الا بسبب قلبه اللي يعشق ع كيفه..حرااام يا دنيا اللي اتسويينه في قلبي..والله حراام..الين متا يا دمع بتم تنزل على خدي..لين متا ياا قلب بتتحمل هالجرووح..والله اني تعبت..خلااص تعبت..ماروم أتحمل..
مشت خطواتها..ثجيله بطيئه..متقاربه من بعضها البعض..مشت وكلها أهات وونات الم شقا عنا خوف ...مشت وخلت قلبها وسط جرحه الدامي..ودمعتها تاخذ حريتها وتنزل على خدها الوردي..مشت ظبيه ودموعها على خدها..مشت ظبيه وهي اتعاني من هالمعاناه..مشت وما تدري شو اللي بيستوي لها في الأيام اليايه..
قطع خطواتها صوت خووها منصور..
منصور:ظبيووه..
ظبيه:........"تمسح دموعها واتطالع وراها"...هلا شو بلااك منصور؟؟
منصور:امممم..شو فييج؟؟
ظبيه:مااشي بس عيوني اتعورني..
منصور:من متى عيونج اتعورج..؟؟
ظبيه:ممادري..بس..بس شي دخل فيها ودمعت..شو فييك؟؟
منصور:انتي اللحينه سايرة البيت..
ظبيه:هيه..
منصور:زقري وحده من البشاكير خليها اتي تااخذ اسهيل وترقده..شفت مها قبل اشوي سايرة لبيتنا واعرفها مهووي ياهل بتسير تلعب ولا بتزقر حد..
ظبيه:اووجي..اللحينه سايرة لهن..
كملت خطواتها صووب البيت..وسارت المطبخ اتشوف البشاكير..زقرت وحده من البشاكير عسب اتسير صوب موزة..وخلاف سارت حجرتها..وقعدت اهناك..
وطنشت اليازيه..اللي كانت تترياها في بيتهم..
كانت ع الشبريه قاعده وحاظنه المخده واتصيح..
"الحينه هو خلاني وحده ما تسوى شي..ذلني عسب أنا الغبيه كنت امووت علييه.. حميد يالحيوان ليش اتسوي فيني جييه..ليش تستانس يوم اتشوف الدمع في عيوني وناوي ينزل....."
تمت اتفكر ..وحالتها لله..وع الساعه عشر ونص..انفج باب الحجرة وحدرت اليازيه..وانصدمت من الموقف اللي اتشوفه..وسارت تربع صووبها..وقعدت حذالها ولوت علييها..
اليازيه:بسم الله الرحمن الرحييم..ايي شو بلااج لي سااعه اتريااج وينج مايتي..
ظبيه"اتصييح":...........................حميد شافني ياليازيه شاافني..
اليازيه"تمسح دموعه ظبيه":أووه وبعدين ويااج انتي؟؟االلحينه كل ماشفتيه بتصيحين..وين الرمسه اللي قلتيها..أونج بتوقفين السالفه لأنج مليتي..ظبيه سمحيلي اذا خبرتج انج غبيه..خلي قلبج ايولي ويكفيج صيااح..بسج بسج
عنبوووه الأحبال الصوتيه تشتكي..
ظبيه:اليازيه انتي فااهمه السالفه خطأ..
اليازيه:......يلا انزين قولي السالفه صح..
ظبيه"تهدى شوي وتمسح دموعها":ماالت فقدتج يالخبله تتمصخرين صح؟؟
اليازيه:لالاأفا شو اتمصخر..؟؟قاعده اتطنز..هههههههههههه..
ظبيه:أووه..سخيفه..خلاص ما بقوول..
اليازيه:واالله لا تقولين شو السالفه؟؟
ظبيه:يوم كنت ظاهره سايرة للبيتنا عسبة ملفج النذل..
اليازيه"اتقاطعها":لو سمحتي لا اتسبين ملفي..ههههههههههه..عصبتي صح؟؟ههههههههههههههههههههههههه..
ظبيه"اطنش":شفته من بعيد وع باالي هاه سعيد ولا حد من عيال خالتيه ناعمه..بس ظهر الحقير حميد..وأنا من بعيد قلت مرحبا يالأسود..
اليازيه"ميته ضحك":ههههههههههههههههههههه..قلتي لحميد؟؟ءءءءءءهههههههههههههههههههههههههههه...ا لله يعنيج..
ظبيه"طفرت":أووه تراج اتطفرين خلاص مابقول..
اليازيه:لا لا كملي..
ظبيه:انزين قالي أسود في عينج..واشوي تضاربنا وخلاف قلت أنا كيف نزلت مستوااي لهالأشكال..رد وقالي هالشكل كنتي اتموتييين عليه وع الأرض اللي يمشي عليها..وتم ايذكرني إني أنا كنت احبه ..وبعدين طبعن أنا كان ما عندي شي اقووله..فسكت...أعتقد انه تلوم..فراح وقالي أنا ما سويت هالشي الا عسبة قلبي ..أونه الظروف اتعاند..وقلبه ما يرووم يتحكم به يكره منو ولا ايخلي منوو؟؟فذمتي انه ورا السالفه بنت..
اليازيه:أكييييييييييييييييييد بنت عيل عيووز..ههههههههههههههه..
ظبيه:ياااللله طولج ياارووح..سمعي انتي وين سلامه..
اليازيه:سلامه؟؟ااه سلامه بنت عمي من شوي ظهروا..حتى قوم عمتيه ناعمه من شوي ظهروا..
ظبيه:أووه حرااام الهنوف ماايت..
اليازيه:رمستها قبل شوي..قبل مااييج..ياالللحساااسه..
ظبيه:ههههههههههههه..
توقف اليازيه وتسير صوب ثلاجة ظبيه وتظهر قرشة ماي..وتفجها وتصب اشوي ع يدها..وتحط قطرات من الماي ع خدها.واتنفش شعرها وتقعد ع الشبريه وتحظن المخده..
اليازيه:اهئ اهئ اهئ اهئ.."اونها ظبيه..وظبيه ميته ضحك"...حميد شاافني ياليازيه شاافني..واااهههههههههههههههههههه..حلووووووه..
ظبيه:هههههههههههههههه..فقدتج يالخبله تتطنزين..
اليازيه:ههههههههههههههههههه..شووو أسوييييييي؟؟؟

. . . .

أهد بفراقك الدنيا ولا أهـــــــــــدك..أبني بوصلك طموحاتي وآمالي..
برودة الشوق تدفا في حضن يدك..حرارة الوصــــل تبرد لا تهيالي..

بيت بو حميد..
الساعه عشر ونص..
حجرة سلامه..

كانت سلامه اتذاكر لأنه بااجر يوم السبت..وبيبدا أسبوع يديد..ويوم يديد..رتبت الجنطه..وسارت اتييب تلفونها من عند هادف..مستوي تلفونها تلفون هادف..اربع وعشرين ساعه عنده..ظهرت من حجرتها..وشافت الصاله اللي فوق فاظيه محد فيها..فحطت في بالها انهم تحت..فنزلت تحت ...وشفت أبوها وعمتها ريسه وحميد وهدووف..كلهم ميلسين عند التلفزيون..حميد وأبوه يسولفون..وهادف ايحوط في الصاله..وأم هادف اتشوف التلفزيون مرة ومرة تسمع سوالفهم..
سلمت سلامه وقعدت حذال أبوها وتم ياخذ علومها ويسألها عن الدراسه..
هادف:طالعوا طالعوا بس هاي كيف تتدلع على أبووووي..
حميد:أأأونه يغير ويا وييههه..
هادف:بس بس انت يلا ..
حميد:عاااشووا انت الي تسكتني..
بوحميد:هههههههههههه..هادف غدا ريال اللحينه بسكتني بعد شوي..
هادف:هيه بستوي ريال وبعرس بمها..بنت عموه عايشه..
حميد:وياااويهك..صخ صخ وييب التلفون اللي عندك..
سلامه:هيه تراه مستوي تلفون الأخ هدووف هب تلفوني..
حميد:عاد إنتي مممرة بغيتي التلفون..خايفه سلطوون ايدق ولا شي..
سلامه:هههههه..شو غيران ولا ؟؟
حميد:هاهاهاهاها..بغيتيني أغير من منو؟؟من سلطووون..هاهاهاهاهاها..بليييز يعني لا اتحاولين اتضحكيني..
سلامه:فقدتك يالخبله..هيه تغار منه..ماالت..
وتنش وتاخذ التلفون..
هادف:تبين التلفون؟؟
سلامه:عيل اشعنه نشيت..
حميد:اتسوين ريااضه..هاهاهااهاههههاااااي..
بو حميد+ريسه:ههههههههههههه..
سلامه:خليتني مطنزة ويا ويهك جدامهم..
حميد:امبوونج انتي دوومج مطنزة..توج دريتي.. حراااام..
وتم الأخ حميد يغلس عليهم..الله يعييييينهم..

. . . . ...

فز قلبي يوم لاقيتـــــــــك..يا قمر في ليــــل الغلاس..
لو طلب اعيوني اهديـتك..لك فدا يـــــاعذب الأنفاس..

بيت بو منصور..
الساعه خمس ونص العصر..
يوم الأثنين..

أم عبدالله وأم منصور فارشات وميلسات وجدامهن الفواله والقهوه..ويتقوهن ويبين اعلوم فلانه وأخبار علانه..وعرس فلانه وش سووا فيه ..ومن هالعلوم اللي الكل يعرفها..حدرت عليهن اليازيه وظبيه...لأنهن كانن في بيت بو سلطان..
اليازيه و ظبيه:السلاام علييكم..
العيااييز:وعليكم السلام..
يقعدن..
اليازيه:وشحاالكم وشو هباااتكم ربكم بخير؟؟
أم عبدالله:امممرة ما نشكي بااس..
أم منصور:يزووي أمج وينها ؟؟للحينه ما يت..
اليازيه:هيه أمايه علني فداها..اللحين اللحين بتيي؟؟
وجان اتي أم سلطان..وتسلم وتقعد..
اليازيه:بل بل بل شو هالكشخه حصوووه..على وين العزم؟؟
أم سلطان:لااوالله..لا يكون لاعبه ويااج في الشاارع..
اليازيه:أماايه حراام علييج من لي غيرج انتي يا قمر يا حلو انتي..خليني أدلعج وانتي دلعيني..
أم سلطان"اتسوي طاف لليازيه":يلا يا عمتيه يلا يا عاايشه خلنا انسير..
اليازيه:هاهاهاااي..أشم ريحة خيانه حصوه لا اتروحين عني..
أم منصور:قري مكانج انتي ويا ظبيوه..
اليازيه:أأأأخ ويهي..لالاصدق عموه وين ساييرين؟؟
أم عبدالله:يزووي والله ان ما صخيتي لا بهالعيره ع رااسج..اممرة شافتني صاخه خذتي راحتج..فقدتج يا مسودة الويهه..تعالي هاه رشوود خووج وينه من أمس ما شفته..
اليازيه:أأأووه يدووه ثرج ميلسه هنيه وميهودة ولا دريتي بالعلوم اليديده..
أم عبدالله:وش من العلوم اللي عندج..خبري يا بنت سهيل..
اليازيه:أمسات ولد ولدج حفيدج الغالي..طاح وهو يلعب بالدرايه..وجان يتعور في يده..
أم عبدالله:ويدي ومتى هالرمسه..؟؟
أم سلطان:أمس فليل الساعه ثنعش ونص..
أم عبدالله:عنلاكن يا مسودات الويه ولا حد اتي وتخبرني..امممه عليكن..المهم وينه اللحينه؟؟ماشفته؟؟
اليازيه:هاهاهايي..داق أبوها نومه الأخ وغاييب اليوم شعليه يده مكسورة وين بيرووم أيود القلم..
أم عبدالله:صخي صخي يا ملعونة الصير..خوج تعبان وااحليله..وانتي طاييحه فيه..
اليازيه:يدووه وين تعبان الا هاييلا قولي مقصه..والله اني أرووم أسويها هالحركه أوني تعبانه وتودوني المستشفى وفي اليوم الثاني أغيب..اشعنه يعني هي صعبه المسأله..
ظبيه:هاهاهاهااي..لالالاحلي بقلم رصاص وخلاف حبرّي..ههااااي..
اليازيه:شو حصة رياضيات..؟؟
ظبيه واليازيه:هيييههيهيهههيههيهيههييي..
أم منصور:فقدتكن فاارجن يلا اترمسن ولا حد درى باللي اتقولنه..
أم عبدالله:أممممرة ما ستويت افرق بينهن وبين السيلانيات..
أم سلطان:يييها عاد يوم يرمسن ذيج الرمسه العنقليزيه..والله انيه أموت من الغييض..كل وحده اتحييس بلسانها..شرات منّان بيدار العزبه..
اليازيه:هاهاهاهاااي..فدييت عييوزي.
أم سلطان:اممرة بنت سهيل محد ييتحداها في الرمسه..بيعه وسبييحه..
اليازيه:خخخخ..للأسف يامايه شهاده اعتز بها..يلا قولولي وين بترووحون..
أم منصور:الله يسلمج بنرووح صوب بيت عمج وبنحط أمايه هناك..وخلاف بننزل رماح صوب موزة بنت خليفه علني فداها خالتيه..
اليازيه"اتطالع يدتها":افا يام عبدالله شعنه ما بتسيرين صوب ختج؟؟
أم عبدالله:مارووم تعبانه..
ظبيه:ليش يدووه شو بلاج؟؟
أم عبدالله:الركب ملعوزتني..
ظبيه:يييها الله يعينج يا يدووه..
اليازيه"اترمس يدتها":أقول يدووه بغيتيني أسير وياج..
أم عبدالله:صخي صخي هب فاضيه لج اللحينه اتفرين لي رااسي..
اليازيه:امممرة خيليه ما تنراميين..
وخلاف سارن العياييز لدربهن وأما ظبيه واليازيه سارن فووق عسب ايخلصن ملف الدين..

. . . . .

خذ ما تبا يا مســـــهرني..لا تستمع واشي وحـــساد..
كل المشاعر لك تغـــــني..يا من بجمالك أســــر بلاد..

بيت بو ناصر..
الحوي..
الساعه8 ونص..

سيف وناصر وذياب وأم ناصر وابو ناصر..قاعدين في الحوي ايسولفون..
أم ناصر:امبونكم انتوا يا عيال عوض من سمعتوا طاري العرس اشتطيتوا..جنه حد ايقوللكم حدروا النار..
الكل:ههههههههههههههههههههههه..
ذياب:والله واستوت أمايه تنكت..فدييتها..
أبو ناصر:حوووه..جنك الا من صدق امضيع مذهبك ياللي ما تخيّل ولا تستحي..
تتفدى حرمتيه جدامي..
ذياب:ما نرووم مانرووم الشايب الهاايم ..
ناصر:ماسمعك اتصدق ولا جان دفنك..
ذياب:هاهايي..عيل بحمد ربي..
ابو سيف:تعال بتخبرك الشيخ ذياب..
ذياب:واابوكم رحنا وطي.أمر تدلل شو في الخاطر؟؟
ابو سيف:انت يالبعير سرت أمس الشركه..
ذياب:أأأووه أوووه سمحلي الشيبه علني فدااك بس رقدت والله نسييت..
أبوسيف:هب منك..من اللي يعتمد علييك يا ويه العنز..انججللع هناك ما تنفع لعنبو أمك عيل من جابل الشغل أمس..؟؟
ناصر:هد هد يابوناصر انا انا جابلته..
ابو سيف:هيه أحيدك يا ناصر ما يفوتك شي ..أحسن من هالخبله ذياب الجبش..
سيف ياخذ تلفون أبووه..ويطرش مسج لتلفون أمه..
سيف:أمايه أمايه مسج..
ذياب:وين وين التلفون..
أم ناصر:هاك جنه الا تلفونك..
ذياب:الله يهديييج يا ناعمه ربج تكون عيوز باخذ رقمها وبنطرشه لشيبتنا..الهاايم..
أبوناصر:امممرة ما تقصر يا بن عوض..
ناعمه:ويدي بتخربوون شيبتيه الله يقلعك يالمصرقع يا ذيابوه..في ذمتيه انك خرااب داار..
ذياب:أنا أنا؟؟؟للحينه أنا خرااب دار..؟؟أفا افا يا ناعمه..زعلانه..
ام ناصر:هيه زعلت منك..
ذياب:بل بل كيف انرااضيج يا نعومتيه..
أم ناصر:هاااه أسير أخطب..
سيف:امممرة ع الهوى أمايه داقتنها..
ذياب:شو شو .؟؟بغيتي اتخطبلي وأعرس جدام هااييلا المفلع نصور وسواف..
لالايرضيك يا بوناصر باللي اتقوله ناعمتك..
ناصر:هاه هاه لا تفرها صوبنا أعرفك معدنك نذل..
سيف:ذياب غير السالفه ما فينا ع الشواب اللحينه..
بو ناصر:اممرة عادي أنا عندي عرستوا ولا ما عرستوا وعللكم ما عرستوا..
المهم ناعمتيه عندي..
ذياب:انرووح ونرد ع الغزل هاه اللي ما يخلص..
سيف:ولا قاام ايغازلها عيني عينك..
ناصر:هاهاهااااااي..
أبو ناصر:اشهد انكم هدّام لذات..انجلعوا يلا..خلوني عند حرمتيه..
ذياب:هاهااي..يقولج يا أم ناصر ان اللي يتغزل في حرمته وحاطنها فوق راسه..
يكون معرس ...سمعي شو يقوول ذياب ولدج ابيات مهدائة حقج..
نصيحه واحتفظي فيها قصر معج الزمن أو طال..
أبيج تسمعين كلامي زين وتحطينه على بالج..
إذا شفتي ريالج مهتم بج ومسمعمج كل يوم موال..
غزل وغناتي وأحبج ..عرفي انه معرس وخلي رمستيه ع باالج..
تراها رمسة ولدج الغاوي ذياب هب واحد من العذال..
اممرة هاه شيبتج رمسيه نصيحتيه طر نفذييها وهو عدّالج..
وسلامتكم..
سيف:تستوي شاعر في الخراب ويا ويهك..
ناصر:ويااااا ويهك ذياب الغاوي أووونه..منو قااص علييك.؟
أبو ناصر:صخوا خلوني أمردغه بالعصا مسود الويه..اييب الشعر مادري من وين ..شعر الخرااب..بغيت اتخرب حرمتيه علي..
ذياب:ووواابووكم كلتوني كلتوني بقشووري..شو قاعد أتمصخر..
أم ناصر:اللحينه من صجك ذيابوه العنز ولا تتمصخر..عوض لا اتكون معرس من وراايه..
عوض:لااا حشا علي من العرس..وين تبيني أعرس وهالزين كلها عندي وين تبيني أعرس وهالعيون خليني خليني ساكت أحسن ترى السااني اممرة هب راايم يوصف هالملاك....علني فدااج أنا بس..
أم ناصر:لالابس ذياب ويا رااسه مظوي هالرمسه اميّن ماادري.."وسكتت فتره"عوض انت معرس؟؟؟؟؟؟؟؟؟؟؟
ذياب:هلا هلاا عاشوا هلاوالله..تنقع المضرابه بتحبوا ميين؟؟ناعمه..حبيبكم ميين؟؟عووض؟؟يلا قولوا معااي ..
ناصروسيف:عوووض..ونااعمه..
ذياب:اوونكم حركاات اترقعون السالفه..أمايه المسج ما قريناه..
"على فكرة المسج فااظي..بس سواف عليه حركات"
ذياب:هااي كيفك يا ام ناصر..أنا اسمي لينا..زوجتو لعود..عود زوجك..
"عود=عوض"..عود امعزبني ..ولاك تأبري ألبي شو بدي أعمول وياااه..
ناصروسيف وذياب:هههههههههههههههه..
أم ناصر:واابوكم شو هالمسج امممرة ما فهمت شي..
ذياب:أمايه أخاف عليج أنا ماريدج تسمعينه..لالالامستحيل أقرا..
ناصر وسيف ميتين ضحك..
بوناصر:الله يجلعك يالأغبر هااي رمسه اتقولها..
ذياب:هااهايي..امسوي عمرك فاهم يالشايب الهايم..كشفتك..أنا خلاص انتهت اللعبه...
بوناصر:صخ يا مسود الوييهه واحشم..قاعد تلعب بليستيشن ويااويهك..
ذياب:أأخ ويهي احترق..
بو ناصر:جلعته..عساك تنحرق بالكامل..
ام ناصر:واايه الترااب كلتوه علني فدا قلبك يا ذياب شو هالمسج قرااه عدل ولا اتم اتحييس بلسانك علينا..
ذياب ايطالع ابوه ويرفعله حياته..قصده ايغايضه..
ذياب:بل بل عوض ناعمتك ثرها تتفدى عرب غييرك..لالالاماايوووز..
بوناصر:هاهاهاي..بس تفدتني قبلك..ولو خيرووها بيني وبينك بتختارني..
ذياب:ماايبااله امبونها تغرم علليييك..وين أنا ما أسوى شي جداامك..
ام نااصر:وااعثرتيه هي انت ذياب لي ساعه أرمسك..
ذياب:انزين شوو أسوي الف وااحد ايرمسوني..
سيف:طاخ طاخ طاخ واحد اثنين ثلاث اربعه..احن اربعه اللي ميلسن عندك وينهم الألف مالتك..منو هم؟؟
بوناصر:لاا هاااييلا السكون اللي في رااسه فقدته الخبله..
ام ناصر:يلا يلا قوول شو مكتوب في المسج..
ذياب:لحوول..وانتي محتشرة عسبة المسج..مافيه شي يا ناعمه فااظي فااظي..
أم ناصر:هيد هيد علي اشوي بتاكلني بحلجك فاجليااه كله جنك الا بقرة جاايفه حريق..
الكل:هههههههههههههههههه..
بونااصر:عساه عرق فلفل أحمرفي هالحلج..
ذياب:بل بل بل بششرد ..
بوناصر:اشرد جلعتك بالدرب اللي يودي وما اييب..انجلع داامك ما اتسير الشركه..ذياب سمع رمستيه بااجر الثلاثاء بتسير الشركه يومين يوم الثلاثاء ويوم الأربعاء..فااهم؟؟
ذياب"ايحك شعره ببراءة":امممم..فاهم..حكم القوي ع الضعيف..تاامر أمر يا عوض..من عيوني..

. . . . . . .


والله اني أحبه وحيل مولعبه..وانه اللي تمكـــــن وسط الفوادي..
كم ليله سهرت ومنه الســبه..وعفت ذوق الشراب ولذة الزادي..

بيت بو منصور..
الساعه 12ونص..
جدام الببيت..

مبارك:هههههههههههههههههه..هههههههههههههه..ويا ويهك.."ويلعب بتلفونه"يلا سعيد شل ذييج الشله من زمان ما سمعت صووتك..
سعيد:امممم..لا اتخليني استحي..
مبارك:امممم..وياااويهك..تستحي من شوو؟؟
سعيد:جب جب يالأغبر..شو تبا تسمع..
مبارك:اممممم..أبا اسمع ليت ما شفته وحبيته..
سعيد:اممممرة فاالك طيب..
ليت ما شفته وحبيتــــــــه...وليت ما عبر له ألساني ....
حبكم ذكرى وانا انهيتــــه...لا تظن يعود لك ثانــــــي ...
يا حسافة عمري قضيتــه...كنت فيه أغلى من أعياني ....
كل حبيب لجلك اجفيتـــــه...لجل حبك يا أغلى انساني ...
لي يحبك ليه صديتــــــــه...تجرحه ومن الجفا يعانـي ....
عكس ما يعطيك أعطيتـه...منه شوق ومنك حرمانــي ....
كنت غالي وانته ما اغليته...كان بك هايم وولهانـــــي ....
تزرع الهجران واجنيــــته...وانته في هالامر خسراني ....
وانا بعدك ما تمنيــــــــــته...بس وقت فراقنا حانـــــي .....
لا تحاول حبك انهيتـــــه...وانتهى من كل وجدانـــي .....
وسلامتكم..
مبارك"ايوقف التسجيل":امممرة صوتك طر..
سعيد"ينفخ عمره":هب أول مرة أسمعها..
مبارك:ويااويهك..
سعيد:حد خبرك انك انسان فااظي وباجر بتصبح وبتمسي رااقد وأنا المسكين اللي بسرح للمدرسة بااجر..
مبارك:هاهاهاااااي..مسكيييييين..
ويحط طير الحمامي لميحد حمد..واتم ياابس وسعيد يطنز علييه..
سعيد:هاهاااي..شوي شوي ع رقبتك اممررة بترووح في خراايطها..
مبارك:عنبووه..أقول انت متا بترقد؟؟
سعيد:اللحينه .."اينش"..يلا براايك..شي في الخاطر..
مبارك"هو الثاني بعد اينش"..ابدن ومن صوبك بو عسكور..
سعيد:سلااامتك..يلا حياك الله..
مبارك:الله يحييك..
وكل واحد ايسير بيته..حدر مبارك البيت وهو حاط السماعات يرمس ذياب وخلاف بند منه. ..وحاط السفره ع كتفه..ويمشي ويدلع بشعره..
كانت اليازيه واقفه ع الطرف عند باب المطبخ تتريا ظبيووه اتي وتييب الأوراق وياها..
شافته وفز قلبها وحس بفرحه ووله..وتمت اتطالعه..ومبارك يمشي ولا علييه..دهمان الريال يبا اينام ما انتبه لحد..كانت مشيته وقفته حركة يده..كلها تسحر اليازيه..وفجأه يأ ذياب ع بال اليازيه ..ذياب أحلى من مبارك..بشوي..بس في نظري مباارك أحلى من ذياب..وشخصية مبارك بعد أحلى من شخصية ذياب..
في ذمتي إن مباارك غيير عن الشباااب كلهم..اممممرة محد شراته..
حدر مبارك الصاله وشاف ظبيه ..
مبارك:ظبيوه العنز وين سايرة؟؟
ظبيه:أنا عنز يالتيس..يزووي تترياني عند باب المطبخ عسب اييب لها هالأوراق..
مباارك:اليازيه؟؟!!وينها أنا ما شفتها ..توني ياي من برع..
ظبيه:إنت أعمى ما اتشوووف..
مبارك يود يد ظبيه ويلويها ..
مبارك:اللحينه أنا أعمى ...
ظبيه:لااا منو قاال..فجني فجني لا بركة الله فيك من ريال..تعال انت ليش امسمينك مبارك ما شفنا البركة فييك..
مبارك"يشد قصتها":شووووو؟؟
ظبيه:خلاص خلاص اعلن انسحااابي..بس يلا فجني..البنيه تترياني..
مبارك:انجلعي يلا..
وظهرت ظبيه صوب اليازيه..
اليازيه:بسم الله ليش جيه ظبيوه شكلج اتخوفين؟؟تانسين شي علني ما حلمج..
ظبيه:جب انتي ودعوااااتج..ماادري أحس عمري اشوي مصدعه عاد الأخ مبارك ماقصر تم ايلعوزني..المهم شو بقا..
اليازيه:ااااممم..مال العربي الله يجلعها شو نسويلها..؟؟يعني لازم نشاط لازم لازم؟؟
ظبيه:لازم لازم..سمعي بطلعلها بحوث من النت وبطبعها وخلصنا..
اليازيه:أأأوووكي اتسوين خير علني ما خلامنج..يلا أنا بسيير برقد ميهوودة..
ظبيه:يلا تبني أوصلج..
اليازيه:لالامايحتاي من بعد البيت يعني الا فرة حصاه..يلا تامرين شي..
ظبيه:سلاااامتج يالذوووق..ومن صووبج..
اليازيه:قلبي ويهج..خخخ..
ظبيه:اوني ويا ويهي أقولج ذووق..وين الذوق ووين انتي..يلامع السلامه..انجلعي..
اليازيه"اتدزها ع ورا..أونها تبا اتضارب":انجلع هاه؟؟اتروغيني يا مضيعه المذهب..
ظبيه:هاهاهااا..لا لا اعلن انسحابي..
اليازيه:يلاا بااي..صح باجر بنمر عليج بدريولنا اووكي..
ظبيه:انزين انزين اتسوين خيير فيني..بااي..
ويتفارجن..سارت ظبيه فوق وبطلت الكمبيوتر وشبكت النت عسب اتدور بحوثات عن الشعراء والأدباااء...واليازيه سارت بيتهم عسب ترقد..

. . . . . .


كنت خلي وكنت معطنـــــك..المحبه وخالـــص مطاعي..
كنت عندي فووق معلنـــك..عقبها وأمسيــــت بالقاعي..

مدرسة ظبيه واليازيه..
الصف..
الساعه12ونص..

ظبيه:بل بل بل اليازيه الأبلة بتكشفج..وياااويهج..
اليازيه:أووه يووعااانه..
وتخلي القلم ايطيح بالعمد وتنزل تحت أونها اتشله وحطت درزن حبات بطاطا في ثمها..
ظبيه:هههه..سخيفه..
اليازيه:...."الأكل في ثمها وترمس بشكل ينقع ضحك وبصوت غليييظ"..وانتي الأسخخخف..
ظبيه:يزوووي أحس عمري مدوخه..
اليازيه:شووووووو؟؟يلا يلا برع الصف صووب الإدارة..بنسوي تلفون للبيت..
ظبيه:أووه انا ما استعبط..صدق يلا بنستأذن من الأبلة..
الأبله:شو فيكن انتن يالغلامتين يا اتسولفن يا تتضاحكن..
اليازيه:"بصوت واطي"..ويااويهج .."اتعلي صوتها"..ماشي الا ظبيوه علني فداها تعبانه وحاسه بدوخه بوديها صوب الإدارة..
الأبله:هيه دام جيه براايكن سيرن..
اليازيه:يلا ظبيوه نششي..
ظبيه:اووه انزين انزين..
ويظهرن من الصف..وسارن صوب الإدارة ورمسن الوكيله..وعطتهن التلفون عسب ايدقن لهلن..
ظبيه:هاه بدقين ع منووه؟؟
اليازيه:بفكر...اممم بسوي لأمايه..
ظبيه:لالاترى العياييز سارن ويا موزة ابوظبي..بيسلمن ع خالتيه ناعمه ومناك بيمرن السووق..
اليازيه:وأي دريول وداهن..
ظبيه:دريولنا ..تعالي تبين ادريولكم ايي ويودينا وين..؟؟
اليازيه:وين ايودينا بعد ..المستشفى..
ظبيه:ولييش انشااالله؟؟
اليازيه:عسب انشوف شو فيج مستويعه.."في هالوقت ظهرت الوكيله"
ظبيه:اووه يزووي أنا هب فاايجه لسخافتج..
اليازيه:جججب وانا ما استخف اللحينه حمدي ربج حد حفلج..وامتحن بج..يلا اندق على منووه يا ذكية زمااانج..
ظبيه:كلتيني كلتيني عنبوووه..دقي ع منصور..
اليازيه:الريال هب فاظي اتلاقينه اللحينه وسط اشغاله ويا أبووج..
ظبيه:اووكي دقي ع بوحمد لأنه هو الوحيد الفاظي..اتلاقينه اللحينه في البيت رااقد..
اليازيه:هاااه؟؟لحظه لحظه وانتي ليش ما اتدقيين له..
ظبيه"تيلس ع الكرسي":مااريد..انتي دقي..تدرين أنا للحينه ميودة رووحي اشوي وبنسدح جداامج..والله الصداع عايابي..
اليازيه:.........خلاص انزين يودي عمرج زياده..كم رقمه..
وعطتها ظبيوه رقم مبارك ودقت له..طووط طووط طووط ..وطووط..
اليازيه"ترقع السماعه جنها مستانسه محد رد":خخخ..محد رد..
ظبيه:أووه وينه هاه اللحينه ويا شكله..
اليازه:....................ههههههههههه...أكيي د رااقد الريال هب متفيج لج..
وشوي ايدق تلفون المدرسه..
ظبيه:ردي أكيد هاه برووك..
اليازيه:أرد؟؟ولا ماأرد؟؟
ظبيه:رديييي..
اليازيه:شووهاي الغبيه..أسوي دعاية نسايم مال شيما الشمري..
وتشل السماعه..
مبارك:مرحبا..
اليازيه:مرحبتيين..وينك؟؟في البيت ولا؟؟
مبارك:اااه انتي اللحينه اليازيه..انزين قولي شالحال ؟؟شالعلوم..؟؟
اليازيه..اتطالع في ظبيه وييهها أحمر..وظبيه اتهز رااسها ما فيها ع سخافة أخوها اللحينه..
مبارك"درابها ساكته قال أنا بتكلم..":شحالج ربج الا بخير؟؟
اليازيه:يسرك الحال..بس نباك اتيي المدرسه ظبيوه ظاربتنها يهده وتعبانه..وطبعن ما حصلنا غييرك..
مبارك"ماااد بوزه":ظبيوووه.."ويوطي صوته"..اووه شو هالحاله؟؟
اليازيه"سمعته":حااله في عينك..يلا تعال ختك ميودة عمرها عن لا اطيح عليّ..
مبارك:ثمني رمستج يالغبيه..تريني بعد دقايق بكون عندكن..مع السلامه..
ويرقع التفون في ويهها..
طالعت اليازيه السماعه بعد ما شلتها..والله انه ما يخيل ولا يستحي..جي يرقع السماعه في ويهي..أرووووويه مسود الوييهه..
طالعت ظبيه ولقتها راقده..سارت صوبها..
اليازيه:ظبيوووه ظبيووه شو فييج نشي نشي..؟؟
ظبيه"بصوت مخنوق":ما فيني شي بس اتريا الغبي مبارك ايي..
اليازيه:اهاا..إنزين بسير بييب اغرااضج..
ظبيه:ويبي أغراضج بعد..
اليازيه:أنا؟؟لالالا..ما با اسير ويااج..
ظبيه:يزوي عن السخافه شو بتخليني أسير جي..ارووحي..
اليازيه:أي سخافه؟؟ماريد أسير ويااج..وييا الأخ مبارك..
ظبيه:أأأووه...يزووي خلي الإستهبال..
اليازيه:شوفي انتي وويهج انا ما استهبل..وبعدين اشعنه..أنا أسير اخوج يا بنت الحلاال عندج وبعدين سيرتيه وياكم مالها دااعي..
ظبيه:اعرفج أصلاً إنتي ما تبين اتشوفين برووك..
اليازيه:.......بسج ظبيوه مالها داعي هالرمسه...
ظبيه:ههههههه..وياااويهج..تدرين هو اصلن يموووت فييج..وإنتي بعد..بس كل وااحد ايسوي عمره ما يداني الثاني..ياهي خقه فيكم هب في حد..
اليازيه:سمعي ظبيوه لا تحكمين ع كييفج..أنا شعوري صوب مبارك ما حددته للحين..هو ايحبني هالشي رااجعله..وبعدين أنا ما أشوف هالشي فيه بصراحه يعني..وتبيني أسير اللحينه لييش عسب تحرجيني ويااه..أنا انسانه ما فيني ع الضرايييب..
ظبيه:انزين بشووه اتحسين..؟؟
اليازيه:...ماااا احس بشييي....
ظبيه:تدرين اليازيه شخصيتج القويه يالمقوي هي اللي ما تخلييج اتصدقين انه في شي اسمه حب..
اليازيه:تبيني احب عسب اتعذب شرااتج..عسب اعاني وأذرف الدمعه ..عسب ما باات الليل واهويس باسمه..عسب كل ماا شوفه ينحرق قلبي..ظبيه شفت العذاااب الليي يااج بسبة الحب وحمييد..خلاص كرهت الحب ..كل ليله أشوف دمعتج ع خدج بسببة هالحب..كل لحظه أسمع ونتج ..بسبة هالحب..وتبني أحب..وتبيني أحب؟؟أنا لو حبيت هاك الحب.. بخفي شعوري في قلبي..مستحييييل اعترف لحد إني أمووت فييه..لييش؟؟عسب ايذلني..وايعذبني..
ظبيه:لييش أبا افهم ليييش؟؟تدرين يزووي هب كل نهاية قصة حب الفراق والبعاد..أنا وغيري اللي عانوا من هااي النهايه...بس مردنا ننسى كل شي..ونخليها ذكرى في قلوبنا..ونجابل حياتنا..صحيح بيهزني الشوق لحب حمييييد..بس النفس عافته..يزووي الحب غيير ..في ذمتيه انه غييير..انتي اللحينه متعقده مني..إنتي غيييروانا غيير..انا اعترف اني انساانه ضعيفه..مارووم أتحمل اي كلمه..بس انتي قويييه..ورمستج اتهزنا ..يعني بيي مثلن مبارك أخووي بيذلج وبيعذبج..تدرين حميد ما حبني بس كان يبا ايضيع وقته ووقتي..بس مباارك يحبج ..محبه أبد ما توصل محبتيه أنا..لحمييييد..
اليازيه:وانتي يا الشاعريه من وين دريتي ..هو يااج ولا طرش بعييره ايخبرجج..أه أه عرفت كتب لج رساله ايخبرج ياللي خاطره..
ظبيه:عرفت من نظراتها من اييب طاريج من سرحانه ..مباارك ميتيم بج ومستححيييل يتخلى عنج..
اليازيه:لا توووهميني يا ظبيه..يلا يراايج بسير أييب عبايتج..وجنطتج..
ظبيه:واااالله انج تيين ويايه...
اليازيه:صومي ثلاث تياام محد بييي ويااج..
ظبيه:طلبببتج يزوووي دخييييييييلج عشاان خاااطريه..
اليازيه"ترد خصله من قصته ع ورا وترفع واحد من حياتها..":.................
>>اونها اتفكر..
ظبيه:حرااااام علييج..
اليازيه:انزين انزين لا تصيحين عليينا..
وظهرت ع طوول ما تبا تسمع اي كلمه من ظبيه..صدق واالله شكل ظبيووه امممرة مايسر..وفوق هاذا بتدافع عن الحب وما الحب مسودة الوييهه..هاي عادي عندهاا اذا حبت مرة ثاانيه..واتحب مرة ثاانيه لان الحب الأولي..كاااان مصخره...
سارت اليازيه الصف وخذت العبي وأغراضهن ..وقالت للمس انهن بيسيرن البييت..كانت اتفكر بكل كلمه قالتها ظبيووه..وحدرت الإدارة ..كااان هالممر فااظي..شافت بس بشكارة تمشي عطتها الأغراض اتحطهن عند باب الإدارة وهي شلت العبي..مشت خطواات صوب الحجره اللي كانت فيها ظبيووه..وفجت الباب وشافت مبارك في ويييهها..انصدمت بوجوده ما كانت تدري انه بيي بهالسرعه..وع طوول اتحجبت..سلمت..
اليازيه:السلام علييكم..
مبارك وظبيه والوكيله:وعلييج السلاام..
الوكيله"كانت متغشيه":هاه اليازيه انتي بعد بتسيرين..
اليازيه:هيه تراني...............................
وكمل مبارك الرمسه..
مبارك:هيه بظهرهن كلهن ترى اليازيه بنت خالي وظبيوووه ختيه وبوديها المستشفى..ويزووي لازم اتكون وياها..
الوكيله:بس لازم ايكون اللي بياخذ اليازيه أخوها أو ابوها..ويوز يكوون عمها أو خالها..
مبارك:اشووفج امسويه محاظرة دينيه..يوز وما يووز..ختيه شو بسويبها أنا مثلاً..أقوول يلا مشن جدامي..وكتبيلي اللحينه ورقه عسب هالحارس المتفيرز برع..سخافة أخر زمن في المدارس..
طبعن اليازيه وظبيه شاقات الحلج اشوي وبينشق ..بس ما تحركن..طالعهن مبارك بنظرة ومن بعد هالنظرة مشن جدامه..ووصلوا برع وركبن سيارته..ورقع الباب بقوو..وويه صوب تواام..

الجزء الســـــابع..

بعيونك السود تتجنى على قلبـــي..سود المدامع زهت ولو ما تكحلها..
وانته هواي وروحي وانته محبي..وغيرك عذيلن لروحي ما يعادلهـا..

وصلوا مستشفى توام وظهروا..مبارك متجدمهن ووراه ظبيه واليازيه..كانن متغشيات بشيلهن..
اليازيه:ويييل حالي شيلتيه شفافه..مرة ثانيه ما بلبسها يوم أسير المدرسه..
ظبيه:يا سخيفه يا متفيجه أنا اللحينه مدوخه..وينه هالأخ مبارك..
اليازيه لحظه لحظه انتي شويشوي علينا..هدي هدي..
...
بعد مرور ساعه ونصف..
...
ظبويه كانت راقده في الحجرة..ويزووي قاعده برع..وحدر عليهن مبارك..
مبارك:السلام عليكم..
اليازيه:عليكم السلاام..هاه شو قالوا ؟؟
مبارك:قالوا إن الشيخه ظبيوووه ممرة متعبه عمرها..وإن السهر هو اللي مسبب هاه كله..يعني بسبة الإرهاق..وقالوا العصير بيظهرونها.. هزرج شو عندها مخلنها تسهر؟؟
اليازيه:ترى أمس ما رقدت عدل..رقدت الساعه 3 الفير..
مبارك:وليش انشالله شو عندها..؟؟
اليازيه:تراها كانت قاعده ع النت اتظهر بحووث مال أبلة العربي..
مبارك"ايطالع ظبيه":هييه..
اليازيه:مبارك؟؟
مبارك"ايطالعها..وكللله شوووق":أمري شو في خاطرج..
اليازيه"اتوطي رااسها وخلاف رفعته ":دقيت ع قووم عمووه؟؟
مبارك"يبتسم":هيه امايه وخالوه حصه اللحينه بين ..
اليازيه:اهاااا..
مبارك:يوعانه؟؟
اليازيه:لأ..
مبارك:جذووب..لج ساعتين هنيه..شو في خاطرج تاكلييين..
اليازيه:ماااااللي نفس..غصب هو؟؟
مبارك:هيه غصب ياليعريه..هب ناقص اتطيحين انتي علينا من اليووع..شو تبين تاكليين؟؟
اليازيه:ولا شي؟؟
مبارك:رمسي؟؟
اليازيه:قلت لك مالي نفس..
مبارك:ليش شو كنتي ماكله في المدرسه؟؟
اليازيه:معكروونه بالباااشميل..عسب جيه أنا هب يوعانه اللحينه..
مبارك:أحيييدج اتموتين ع العييشه ولو كنت من دقيقتين ماكله..
اليازيه:وللحينه أمووت ع العيشه ..بس مالي نفس آكل..
مبارك:انزين تبين أيسكريم..
اليازيه:لأ..
مبارك:كافي؟؟
اليازيه:لأ..
مبارك:عصير..؟؟
اليازيه:لأ..
مبارك:كابتشينو..؟؟
اليازيه:لأ..
مبارك:مااي..؟؟
اليازيه:لأ..
مبارك:بيتزا؟؟
اليازيه:لأ..
مبارك:تكرهيني؟؟
اليازيه:لأ..
ابتسم مبارك وعضت اليازيه شفايفها.."حيواان قدر ايقص عليّ.."..وانفج باب الحجرة حدرت أم منصور وأم سلطان..
أم منصور:السلاام عليكم..ويدي ظبيووه شو فييها علني فدااج يا غناتيييه علني فدا رووحج...ظبيووه..ظبيووه..
مبارك:وعلييج السلاام"وسار صوبها ويودها وقعدها ع الكرسي وباسها ع رااسها"..بلاااج يام منصوور؟؟البنيه رااقده وبعد شوي بتنش..خليها تترتاح..
اليازيه"سارت صوب أمها وعمتها وسلمت عليهن":زيين ييتن وخليتن هالمشاوير لبوظبي..
ام سلطان:صخي انتي..شو فيها يا مبارك؟؟
مبارك:منو للي شو فيها..ظبيه؟؟"بلا ذهن الريااال"..
ام منصور:عيل اليازيه..هيه ظبيه..
مبارك"يبتسم":هههههه..ما فيها الا العافيه بزى بنات يا خالتيه شووو نقوول..؟؟الله يسلمج قالوا البنيه ما ترقد شرات العالم والناااس ..سهرانه مجابله كمبيوترها عسب هالدراسه..
أم منصور:علني فارقها هالدراسه دامها طيحت بنتيه في المستشفى علني فدااها..
أم سلطان:اتغديتي يزووي.؟؟ولا سيري البيت مالج حاايه اتقعدين احن هنيه بنكفي..
مبارك"بصوت واطي سمعته اليازيه":ان سرتي وييييلج..
اليازيه:هيه أمايه ميهوودة وابغي ارقد..وفوووق هاذا يوعانه.."ترى السالفه سالفة عناد"..
مبارك"بصوت واطي":وانا المسيجين لي ساعه أتخبرج شو بغيتي تااكلين يون مالج نفس ياويه العنز.."يعلي صوته"..أقول أمايه منو يابكن؟
أم منصور:منو يعني ؟؟؟ راعي الدكان؟؟
اليازيه:ههههههههههه..لاتلومينه يا عمووه ولدج الغرام مغرمبه.."الغرام=هي كلمه بدويه تنقال ..ومعناها شرات الينون..حبيت أحط معناها عسب تفهمون معناها إنها غير عن الحب والهيام..وخاصةً الغرام المعروف.."
أم سلطان:وانتي الغرام ما غرمبج..الا انتي الغرااام والينون ..انتوا الثنينه لا ترمسون عن العقل..
أم منصور:ووياكم هاي المسدووحه..
مبارك:تووج تتفدييينها يامايه واللحينه غرمبها الغرااام..
أم منصور:صخ انته..الحمدالله انك كنت في البيت ولا محد بييهن المدرسه علني فارقها ..
مبارك:خلووني أنا بصووب مستوي رجل الإنقااذ في العايله الكريمه..أول شي يدووه واللحينه ظبيوه وبعد يوم االله يعلم منوو؟؟
اليازيه:رورا بشكارتنا تراها تعباانه..ههههههه..
أم منصور وأم سلطان ومبارك:هههههههههههههههههههه..
مبارك:ع الفاضي عندكم دريول..أكيد يغرم علييها هو بيوديها ما يقصر عبد الرزاق ريال والنعم فيه..
اليازيه:عيل قربوه يايينكم خطابين يوم الخميس..
مبارك:عاد اختاروااا من بغيييتوا مادليين ولا ناتيييرا"أسامي بشاكير قوم بو منصور"..وجان بغيتوا دارسينا.. سيروا صوب منصور هو اللي يدفع راتبها يعني هو المسؤوول عنها..
أم سلطان:أشوفكم خليتوهم عيالنا نخطب ونتخييير..
ام منصور:يابووج هااييل عيال آخر زمن..ناقص الا ندفع مهورهن..
اليازيه:ههههههه..حرام عليكم..أمايه اللحينه منو بيوديني البيت..
وطالعت مبارك اللي ع طوول ناظرها بنظراات..شلت عقلها..
مبارك:وين اترووحين ؟؟بعد اشوي بتنش ظبيوه وما بتلقااج بتشتط ..وبعدين هم العصير قالوا بيظهرونها..>>>شوفوا الأعذار..
أم منصور:هيه قعدي شو عندج في البيت..
اليازيه:لا عموه علني فدااج بسير بتغدى وبتسبح وبرقد..وظبيوه ما عليها شر اتقوم بالسلامه..والعصير يايتنكم وبظهر وياها..
أم منصور:دام جييه برايج غناتي..
أم سلطان:يلا بسوي للدريول..اخلييه اييج مع رورا ..تراها كانت ويااه..
اليازيه:انتي بتسوين ولا ادقلج الرقم..
أم سلطان:لالادقي انتي وانا وشدرااني برقم عبد الرزااق..
وتاخذ اليازيه التلفون من أمها واتدق لعبد الرزاق"ادريولهم"..وترمسه أم سلطان..
أم سلطان:هاه وينك يا مسود الويهه..كاافوور..وش وداااك كافور هناك عافد ع العرب تعال اهنييه بغيتك اتوصل اليازيه ..مهرووه دريول ماما عايشه بيسيرلها..
يلاا تعال خلاف خلاف سير انته كافور مالك..شو حايتك فيه يالأغبر..يلا انقققلع..
وتبند أم سلطان..
اليازيه :وينه أمايه وين ساار؟
أم سلطان:مادري هاه شو ايسمونه هاك السوق العود..هيه كافور..
اليازيه:ههههههههه..كارفور كارفور..
ام منصور:صخي ولا اتمين اتميلين ثمج..
اليازيه:تاامرين أمر..خخخ..
يلست اليازيه اتسولف عند أمها وعموتها..ومبارك مكتفي بالصمت بس كان ايعلق ع العياايييز..الين ما دق السيد عبد الرزاق..وقال انه يتريا برع..نشت اليازيه وتحجبت زين..ومبارك ايطالعها بكل حركه اتسويها بسمتها سوالفها حركة يدها..كان ايهتم للتفاصيل في حركاتها..لاحظت هالشي اليازيه..بس طنشت"طنش تعش"
أم منصور:ويدي يزووي وين ظاهره جيه ارووحج..برووك نش وصلها تحت..
مبارك:اتخافين اليازيه اتسيرين ارووحج..
ام منصور:لا ادق سوالف وتاخذ شورها..البنيه بغت اتسير وانت ميلس يالشايب ..نش..
مبارك:فدييت عيووزي يوم اتعصب..وهاه نشينا وبنوصلها هالليدي ديانا..
اليازيه:لو سمحت لا اتشبهني باموات..
مبارك:خلاص انزين..ما بنشبهج حد..
وخطف جدامها وهي اتطالعه بالنسبه له هي قزووم وفج الباب..
مبارك:لأنه ماالج مثيييل..
حطت اليازيه الشيله ع ويها ولحقته ..كان امبينهم خطوه وحده..كل واحد مرتبش أكثر عن الثاني..ووصلوا صوب اللفت..ضغط مبارك ع الزر..وتم واقف عداله يتريا اللين ما ايي..ويزووي واقفه بعيد عنه اشوي..انفج اللفت وحدروا..كان فيه هندي وسستر هنديه..وداقين سوالف..تدروون انتوا بمبارك واليازيه كل واحد ايحب ايتمصخر أكثر عن الثاني..
مبارك:هاذا هسبند انتي ..
اليازيه:هههههههه..انزين ارمس انقليزي..
مبارك:مشكله اللي عدالها منتف..شكله ما يعرف شو يعني انقليزي..خليه يفهم عسب ايكون امبينهم مشرووع زوااج..
الهنديه اتهز راسها..واليازيه اتضحك..
مبارك:هلاا ما فيها حيله قاعده اتيبس..علميه علميه هالأغبر اللي عداالج ينفع لبرنامج الميدان يتصور عدال سعود الكعبي عسب ينفجر تلفزيونا..
اليازيه:هههههههههههه...
مبارك:تعالي بتخبرج كم كيلو دهن حاطتنها في رااسج..لا اتقولين ثنين لأني من سابع المستحيلات أصدق؟؟اذا قلتي أربع يمكن أصدق..
اليازيه:ههههههههههه..أي كريم تستعملينه..؟؟
الهنديه اتهز رااسها..
اليازيه:ههههه..لالالامن صدق هاي اتيبس..
وصلوا الطابق الأرضي..وانفج الباب وظهروا عربنا وكل واحد ساكت..وصل مسج لتلفون مبارك فجه ونقع ضحك..كان ذياب امطرش له نكته..خطفت بنيه شوي قزووم..عاقه الغشوه ومظهره القصه وحاطه ذيح النظارات الورديه"أونها مال الشمس..اذا ما خاب ظني من دكان عبد الحميد شارتنها"..طالعها مبارك مرة وحده وخلاف قلب ويه..والبنيه ذايييبه وراايح في خرايطها من شكل مبارك اللي كان لابس كندورة كركميه السفره نفس اللون..وتحيدونه انتوا مبارك رحييم..والرحامه كلها عنده..البنيه تعمدت تخطف حذاله"بس تتدرون البنيه اتكووون شيفه جدام اليازيه"..تعمدت اليازيه اتشوف مبارك شو بيسوي بس شافته امطنننننش ع الأخير..ولا كأنه شي مستوي..ظهروا من المستشفى..وشاف مبارك سيارة البيت مال قوم بو سلطان..
اليازيه:خلاص مبارك شفتها السياره أنا بسيرلها..
مبارك:لالاأنا بوديج لين عندها..
اليازيه:هب لازم..
مبارك:شو بغيتيني اخلييج تمشين ارووحج وسط هالسيارات..قلت لج بوديج يعني خلاص..
صخت اليازيه ما فيها ترمس شوي وبيعطيها ككككف..وصلوا السياره وفجت الباب اللي ورا وقعدت..وأول ما كانت بتبنده..سمعت مبارك ايقوول..
مبارك:يلا فمان الله الله يحفظج..
اليازيه:مشكوور مبارك ع التوصيله..
مبارك:ولو ما بينا هيد الحكي..
وسار وهو مبتسسسم..
اليازيه:حط حط ميحد حمد خلنا نتسمع كم غنيه تشفي العووووق..
وحط عبد الرزاق..ميحد حمد..

. . . . . .

وين إنت يلي كل ما قلت وين إنت..حتى السؤال ايقول وين الإجــابه..
عامين ضايق وانـته لليوم ما بنت..هي حالتي بين الحزن والكــــآبه..

بيت بو ناصر..
الساعه أربع العصر..
الصاله اللي تحت..

بندت الهنوف التلفون..كانت اترمس اليازيه وخبرتها اليازيه اللي استوالها اليوم ويا ظبيه..وقالت لها انها بعد شوي بتسير صوبهم في المستشفى لأنم بيظهرون ظبيه..
أم ناصر:هاه بنيتي شو قالت لج اليازيه؟
الهنوف:قالت لي إن ظبيه بيظهرونها العصير..وهي سايرتلها بعد شوي..
أم ناصر:وظبيوه علني ما ذوق حزنها شو بلاها اشعنه دوخت في المدرسه؟؟
الهنوف:البنيه أمس هب راقده إلا ع ويه الفير..عسب جيه هي ميهووده اليووم..
أم ناصر:هيه عيل أنا بسيرلهم بعد صلاة المغرب..بتسيرين ويااي؟؟ترى هاييج المرة يوم ما سرتي احتشرن البنات وسون لي سالفه عسبج..
الهنوف:........مدري أمايه أسير ولا لأ؟؟
أم ناصر:لالالالاتعالي هيااي شوفي يدتج شيخه أكيد اليوم بتي من عبدالله علني فداه؟؟
الهنوف:رمستيها انتي أمايه اليوم؟؟
أم ناصر:هيه رمستها..يلا أنا بسير أصلي..
الهنوف:براايج أنا بعد بسير أصلي..
نشن ثنتينهن عسب ايرووحن ايصلن..وبما أن حجرة أم ناصر تحت..فوصلت حجرتها قبل الهنوف..اللي كانت تمشي ببطئ ع الدري جنها متعاااااااايزة..
وسمعت صوت التلفون مال البيت ايدق..فربعت صوووبه مسرعه..عاد حمدان شافها.. ون تو ثرييه...نبدا الضرابه..
حمدان:بل بل بل شوووهاه؟؟الهنوف ولا أحد المتسابقين في سباااق الجري؟؟ههههههههههههههههههه..
الهنوف:واايه ما يطيع زيني أرمس هالأشكال..
حمدان:ليش انتي فيج زين؟؟والله وقاصه على عمرها الشيخه..
وسار وخلاها..
وتشل الهنوف السماعه..وكانت العنود ختها..
الهنوف:مرحبا مرحبا ملااااايين هلا والله..
العنود:هلا فيج شحالج؟؟
الهنوف:يسرج وعلومج انتي؟؟
العنود:على حطت يدج..
الهنوف:على حطت يدج هاه؟؟أول ما رديت من المدرسه خبرتني أمايه يعلني فداها انج حااامل..يالنذله يالخاينه..من يومين دريتي انج حامل ولا تبين اتخبرين..شوه بنحسدج أحن..مالت فقدت هالشيفه..
العنود:هيدي هيدي علي شوي كلتيني ..
الهنوف:يلا قولي أسبابج..
العنود:ههههههه..تصدقين اني نسيت ما اخبركم..
الهنوف:واييييه فقدتج يا مسودة الويه ليش تنسينا..عنلاتج احن هلج ولا حبيب القلب بطووووي..نسااج حتا اسمج..
العنود:هههه..بلاج غديتي جبريت حشا ما ينرزا عليج..
الهنوف:لأ بس أنا مقهوووورة..
العنود:انقهري ترى هاي روضه اتسلم عليييج..
الهنوف:الله يسلمها..ولا أقول عطيني عطيني إياها برمسها..انتي ما تنفعين..
العنود:اووكيك..هاج روضوه هنوفي تبا اترمسج..
الهنوف:واتدلعني اونها ويا ويها..
روضه:ألوووه مرحباااااااا..
الهنوف:مراااحب..شحااااالج؟؟
روضه:بخير يعلج الخير وعلووووومج؟
الهنوف:مااااشي علووم..بس جغرافيا..ههههههههه..
روضه:ههههههههههههههههههه
"روضه..واتكون بنت عم الهنوف..عايشين في دبي..وبطي"ريال العنود"ايكون أخوها..."
الهنوف:هاه هالويكند تعاااالوا..
روضه:أنا مالي خص في قوم أمايه اذا يت العنود عندكم بيي وياها..
الهنوف:هي ع بالي بعد..
روضه:خبرتج هاي العنز انها حاامل ولا لأ..
العنود"بصوت عالي":لا اتسبوني ولا بزقر بطوووي فديته..خليه ايأدبكن..
الهنوف:عدال عدااااال..جانه الا بييني بوظبي عسبج وعسب الأدب..
روضه:ههههههههههههه..وعلوم الدراسه بعد؟؟
الهنوف:نشقح بس ما ننطح..هههههه
روضه:ههههههههههه..
الهنوف:يلا عيل ابتدائيه بخليح بسير أصلي..
روضه:ابتدائيه في عيينج..انجلعي يلا..
الهنوف:أفاا افاا..هب منج من اللي يتعنا ويرمسج..يا مسودة الوييهه..
روضه:هههههه..حتا أنا بسير أصلي وخلاف بذاكر الإمتحان..اعديبه الكتاب من يوم الأربعا اللي فات..
الهنوف:مسودة الويهه عنلاتج ياللي ما تخليين اهتمي لدراستج ترا ماشي بينفعج غيرها..
روضه:هاهاهااااي..بلييز يعني لا اتضحكيني..اوكي وخلصت دراسه وين أعلقها هالشهاده..في المطبخ؟
الهنوف:لا هب لازم في ميلس الحرمات..
روضه+الهنوف:هههههههههههههههههه..
روضه:يلا فارجي روحي صلي..
الهنوف:بفارج أكيد عيل بتم أرمسج لين متا؟؟
روضه:هيه صح يوم أييكم لازم اتظهريني مكان لا اتحبسيني في البيت..
الهنوف:افا افا عليج بنت العم أكيد بنظهرج وبنحوطج وبنقلب حسج..
روضه:لالالا الأخيرة ما نباها..أقول انتي سوالفج ما تخلص..مع السلامه..
الهنوف:باااي..وهاي العنود اللي عندج بوسيلي ولدها ونتفي شعرها..
روضه:هههههههه..ما طلبتي السااااع..
الهنوف: يلا فمان الله.
روضه:الله يحفظج..
وبندت الهنوف..وسارت لحجرتها..وهي ترقا الدري شافت ذياب اخوها..
ذياب:اووه ..وين تلفوني اللحين..
ويدخل يداته في مخابيه ولا لقاه..
ذياب:يلا انقفضي ويبي تلفوني من الحجره.
الهنوف:انزين انزين بنييبه كلتنا..
ذياب:انتي وحده وين الباقين..مااتعرف ترمس..
الهنوف:بيب التلفون واسكت عني..من يرمس واحد منكم اطيحون فيني..حشا ولا كأني ختكم..
ذياب"يتمصخر":حراام..مسجينه..ويل حالي عليها..بنت صغيره..محد ايحبها..حراام..عطوني كلينكس عسب امسح دموعي"ويصرخ عليها"يلااا انقفضي عنلاتج حفظتينا هالموال كل ويوم الثاني شغلتيها هالإسطوانه..
الهنوف"تربع لحجرته":عنبوووووووووه هب صوت عليييييك..
ذياب:هب هباج الرب لا اتعينيني اللحينه..
الهنوف:الله والصوت عاده..يخبببل..
ذياب:عدال عدال من زين صوتج عاده..للحينه أنا مستغرب كيف ما شردت..وااحد اثنين ثلاااثه..والشششرده من صوت الهنوف..
الهنوف"مربعه يداتها":..................................."واتطال عه بنظرات"..
ذياب:جرحتج..لالا..حرام والله حرام..يلا غني..اجرحتني كلمةٍ منك..حافظتها؟
الهنوف:لأ..
ذياب:هههههههههه...عيل ماتنفعين يالبقره...
وسارت الهنوف اتييب تلفون ذياب..ومن يت عنده..قام ومط قصتها نثرها..وشرد عنها..
الهنوف"اتصرخ عليييه""ثجييييييييييييييل دم..
ذياب"هو الثاني ايصرخ..مع انه تحت واقف عند الباب العوود":وانتي خفيفة دددم..
وظهر وخلاها..

. . . . . . .

ايفوح بركان الغلا والصدر فــاح..ويضيق من ليل الجفا كونن فسيح..
يا معودن عيني على قل المـراح..ويميل غصنك ويتعلق به جريــــح..

بيت بو سلطان..
الساعه 12ونص..
الحوي..

حدر سعيد بيتهم والهم مالي قلبه..كلله من هالحب اللي لعوزه..شاف الميلس وحط في خاطره إنه يحدر ويطالع التلفزيون..فج الباب ولقى الميلس ثثثثثلج..وبااااارد..
ووحده من الثريا مولعه والباقيات مبندات..وشاف راشد أخوه ع الطرف رااقد فوق وحده من الكنب..وحاط تحت راسه مخده صغيره..ولابس كندورة سودا شتويه..ومغطي عيونه ونص خشمه بسفرته الحمرا..وراااااااقد وما عليييه من حد..والتلفزيون مشغل على قناة نجوم..واتحيدونه سعيد ابو النذاله؟؟سار صوب راشد وشل السفره ورماها بعيد ويود راشد من شعره وخلاه ايوقف ع ريوووله..نذاله صح..؟؟
راشد:اااااااااااااي يعلك العوووق فجني خلني أرقد..
سعيد:ماشي ماشي رقاد في الميالس..ظنتيه عندك حجرة..سر ارقد فيها..عبرت الرقاد ويا ويهك.؟.
راشد"ايدز سعيد ع صووب..ويرد مكانه يرقد"سخييف وتافه ولا عندك سالفه..انجلع يالثوور..
سعيد"يضحك":هههههههه..أنا ثور يالتيس..نش نششش..
ويرد مرة ثانيه ويود شعر رااسد ويمطه..وشعر رااشد طوويل رهييب..ويخاف عليه..فنش ورما سعيد بالريموت..والأخ سعيد قاعد يضحك..
سعيد:هههييهههههي...ههههههههيييهههي..طالعوا شكله انتوا بس..ههههيههييهي..ايقول توهم ظهروه من محطة غسيل سيارات مكانيكيه..يههههييييييهههههي..>>وعاد هاه سعيد يوم يضحك معروفه ضحكته اتشل البقعه شل..
راشد"رد يرقد مرة ثانيه":........................................... ......>>نومه ثقيل..
سعيد:نش نش ترى سلطان ياب دراجه يديده..
راشد"يفز":وينها وينها؟؟
سعيد:في الحوي ..اربع صوبها..وخلاف تعال برويك فلم دراجات شو يخخببببل..رهيب رهيب طر ..
راشد:يلا بشوفها وبيك..
سعيد:ههههههههههييههي..هههههييييههههههيي...اتريااك. .يارياال الدراجات..ههههييههيي..
وظهر راشد ونش على طول سعيد وراه وبند باب الميلس..بالمفتاح..وقعد ايطالع التلفزيون ..الا وشو يسمع حد يدق الباب..
راشد:يااااااااااااالنذذذل..توني شايف سلطان وقال انه ما ياب شيي ولا حتا فكر اييب دراجه..
سعيد:هههييههيييههههي..وإنت كل ماحد قالك شي صدقت..مسجييييين..ثرك على نياتك..
راشد:وياااويهك يالسبال ..انزين شي فيلم..؟؟
سعيد:هههييههههي..ههييهههيييييهههههي..لا ماشي..
راشد:يالسباااال..فج الباب ليش شارد ومهوير مني..فج الباب..
سعيد:هههههه..الشرده نص المريله..مقيووووله طال عمرك من زمان هالرمسه..
راشد:انزين شو استفدت يالنذل؟؟
سعيد:ههيييهههههي..خليتك اتنش من الرقااد..
راشد:اتصدق ان المسأله صعبه..ههههههههه.بسير الميلس الثاني وبرقد..
وسار راشد البيت..بعد ما بند باب الميلس الثاني بالمفتاح..وسار المطبخ..وياب قلاص مااي باارد..ويربع البيت ربيع ماشي شراته..خايف سعيد ايشوفه..وحدر البيت واتخبا ورا الباب العود..
أما سعيد ظهر من الميلس اللي كان يالس فيه.."يلعبون حظراتهم شرات اليهال"..وسار الميلس الثاني وحاول ايفج الباب بس ماراام..فعرف ان راشد داخل وأكيد رقد ابو الرقاد..فقال هو الثاني بيسير البيت وبيرقد..وأول ما حدر البيت انجب عليه مااي بارد وسمع صوت رااشد وهو يضحك..
راشد:ههههههههه..ههههههههههه..ههيهيههيههييييههيييهه ي.."اونه يقلد سعيد"..ههههيههيهيي..رشووووه المسجيين..
سعيد:تعااااااال ويااااويهك ان ما أدبتك مسود الويه..
ويشرد راشد وسعيد وراه وراه..ولا راام يقبضه..لأن رااشد كان واايد سريع..ويسوي عمرها ايسوق دراجه ويظهر صوتها..
راشد:شحووووووووووووووووووه..ووووووووووووووهووووووو ..شحووووووه..."وأونه يلف يداته ومسوي عمرها قابض الدراجه.."..هلاا مافيني حيله..
سعيد:ما فيك حيله الله ينطبك..بس والله والله أردها لك..
راشد:متا؟؟قول عسب استعد..ههاهههههااي..
سعيد:وتقهرني يالأغبر..تعاااااااال "ويصرخ فوقه"..تعاااااااااال..
ظهر سلطان من حجرته..لابس وزار وفنيله والنظارات..
راشد+سعيد:هههههههههههههههههههههههههه...
راشد:رجل معاصر وبدوي..
سعيد:هههههههههيييي..يجمع الإثنان..ههههههههههههه..نظارة ووزار وفانيله..
راشد:البداوة والمعاصره..ههههههههههه..
سلطان:وياااويوهكم..كنت قاعد ع الاب توب شو أسوي يعني أجابله جيه..وبعدين ليش هالصريخ والصيااح..
راشد:أنا مالي خص..ترى بوعسكور هو اللي يباغم..
سعيد"ايرمس راشد":جب جب انته ولا كلمه مسود الويهه..
راشد:أنا مسود الويه يالجذاب؟؟
سعيد:جب جب يالمقصه من حد قالك رمسه صدقتها..ع الأقل أحسن منك..هب مقصه..
سلطان:بااااااس..كل واحد يحدر حجرته ويرقد هزريه عندكم دوام بااجر؟؟
سعيد:بل بل وانت وشله اتصاارخ؟؟هد هد عصابك بو ميييد..ما بيستويبك شي الله يهديك بس..عنبوه رياييل أحن ما اتشوفنا..
سلطان:انزين يلا سيروا..رياييل وجنكم يهال..سهيل وهدووف..
راشد"يرقا الدري":هههههه؟؟مع السلامه الجذاب..مع السلامه الرجل المعاصر..
سلطان:انقلع يالمصرقع اتققققققلع..
راشد:أكيد بنقلع عيل بتم امحابلنك..
سعيد:ااااااااي ويهك احترق..
سلطان:احلف انته بس؟؟ويهي هب ويهك ليش تتألم..؟؟
سعيد:خوفن عليك يا أخي..
سلطان:الحمدالله والشكر..سر سر أرقد اخير بدل هالينون ..
سعيد:ههههييهيههييي..بسير برقد بعد ما اتمصخر على يزووي..تامر بشي بو مييد؟؟
سلطان:اقلب ويهك..
سعيد:تاااامر أمر..مع السلامه..
ويرقا سعيد الدري..ويسير صوب حجرة اليازيه..ويدق البا ويحدر..
سعيد:سلاااااامن عليييهم..
اليازيه:مرحباااا وااااااالله بالشخصيه السياسيه الهاامه..وعليكم السلام..
سعيد:شحالج بنت سهيل ربج ما تشكيين بااس؟؟
اليازيه:ابدن ومن صوبكم.؟؟
سعيد:يسرج ..شو اتسوين؟؟
اليازيه:هاهاهااااااي..قاعده ارمس ارمس ارمس....ارمس...ارمس....
سعيد:هههيييههييي..علق الشريط..
اليازيه:هاهاااي..أرمس أرمس..ميثووه حبيبة القلب..
ويفز سعيد صوبها ويطالع الشاشه..
اليازيه:عنبوووه..لالاأفا أفا ادخل ادخل في الشاشه حلفت علييك..أفا ..
سعيد:انجلعي هناك؟؟وين ؟؟أي محادثه؟؟
اليازيه:هاي هايي..شو تبا شو تبا؟؟يلا مع السلامه عطيناااااك ويه..
سعيد:جب جب شو أبا بعد؟؟بالتفكير يعني بالعقل يعني شو أبا؟؟أبااا أرمسها..شو أبا يعني أجابل ويهج المخشع..
اليازيه:نعم نعم نعم؟؟شو مب ماليه عينك..
سعيد:لاوالله..مب ماليه عيني جان تعيبج الرمسه بنت سهيل..نشي نشي برمسها..
اليازيه:لالارمستك هب عايبتني وأنا بنت سهيل..ميثا ما بترمسها..
سعيد:بلا هالعناد ونشي..أبا اقولها شي..
اليازيه:يوم اتشوفها قلها..اللحينه عندي بنات قاعده أرمسهن..
سعيد:منو منو؟؟
اليازيه:ياللقافه..ماالك خص ياخي مالك خص..رززززة..
سعيد:نشي دام النفس راضيه علييج..ما بطول..
اليازيه:تدري أنا انسانه ماديه وما عندي شي بلااش..
سعيد:اوووه..شو تبييين؟؟بيوت شعبيه ما أوزع؟؟ولا أقول قدمي أوراقج عند السكرتير وراجعينا بعد أسبوع وخلاف أحن بندق علييج..
اليازيه:شو طالبه وظيفه أنا؟
سعيد"يت في باله فكره":انزين شو تبيين ؟؟أفا كم اليازيه عندنا..أصلاً قعدت أرمس ميثا أو لا..فأنا بعطيج من الباتشي اللي في حجرتيه..توني توني اليوم شاري سلتين وحده لي ووحده لج..شفتي كيف انتي دووم ع البال تطرييين..
اليازيه"ع طوول تنش من الكرسي":وااااايه علني ما خلا..فدييتك بووو عسكور.."واتبوسه بين حياته"..يلا أقل من ربع سااعه..اممم10 دقايق..
سعيد:أفا حتا أقل من 10 دقايق"وايقول في خاطره:جان ما بطيت واستوت ساعه.."كله ولا انردج بنت سهيل..ظهري يلا..
اليازيه:أكييد بظهر..عسب تاخذ راحتك..يلا بسير حجرتك..
وظهرت اليازيه من حجرتها سايرة صوب الباتشي.."اللا موجود"..وبند سعيد باب الحجرة..وقعد ع الكرسي..ورفع أكمام كندورته..وسوا بلوك لكل البنات اللي اللي كانن ايرمسن اليازيه..وبند كل صفحات النت اللي كانت اليازيه فاجتنها..وبدا ايكلم ميثا..
ما ترتضي نفسي مذله و حقران.. بردها عمن سعالي بذلي..:
مرحبااااااااا..
مذبووح لك مشتاق والشوق ذباح..s:
هلا وينج انتي وين سرتي..لي ساعه أرمسج وانتي مطنشه..شو عندج الشيخه ولدج ايصيح..
ما ترتضي نفسي مذله و حقران.. بردها عمن سعالي بذلي..:
هههههههههه..كنت أرمس اليازيه..سوري طولنا..
مذبووح لك مشتاق والشوق ذباح..s:
هاه انتي مهره..شحالج؟؟
ما ترتضي نفسي مذله و حقران.. بردها عمن سعالي بذلي..:
لا أنا هب مهره..
مذبووح لك مشتاق والشوق ذباح..s:
منوووه؟؟ظبيه؟؟
ما ترتضي نفسي مذله و حقران.. بردها عمن سعالي بذلي..:
لا هب ظبيه؟؟
مذبووح لك مشتاق والشوق ذباح..s:
ههههههه..منو عيل..
ما ترتضي نفسي مذله و حقران.. بردها عمن سعالي بذلي..:
ياااااله علني فدا هالضحكه..أنا سعييييييييييييد..
مذبووح لك مشتاق والشوق ذباح..s:
منو؟؟سعيد؟؟هعههععههعهعهعهعهعهع..بليييز يعني لا اتحاولين اتنكتين يزووي ويا حركاتج القرعه..
ما ترتضي نفسي مذله و حقران.. بردها عمن سعالي بذلي..:
واااالله الغالي اللي في سماه انيه سعيد..
مذبووح لك مشتاق والشوق ذباح..s:
؟؟؟؟؟؟؟؟؟؟؟؟؟؟؟
ما ترتضي نفسي مذله و حقران.. بردها عمن سعالي بذلي..:
شحالج؟؟
مذبووح لك مشتاق والشوق ذباح..s:
بخير ربي يسلمك..
ما ترتضي نفسي مذله و حقران.. بردها عمن سعالي بذلي..:
ماشي شحالك؟؟اعلوومك؟؟شو مسوي؟؟
مذبووح لك مشتاق والشوق ذباح..s:
ربك الا بخير؟؟
ما ترتضي نفسي مذله و حقران.. بردها عمن سعالي بذلي..:
يييييييييها..عاد لا تتخبرين تو ما تشافا العووووق..بس بشوفت كتابتكم..
مذبووح لك مشتاق والشوق ذباح..s:
بسم الله عليك من العووق..تعيش ساالم يا بوعسكور..
"وتموا فتره سااكتين"..
ما ترتضي نفسي مذله و حقران.. بردها عمن سعالي بذلي..:
ليييييييش ما ترمسين؟؟اممممم..أكيد غضبانه من هالنك الماصخ مال يزووي المقوي..ثواني بغيره..
مذبووح لك مشتاق والشوق ذباح..s:
لا هب من النك..كنت ظاهره أرمس أمايه..
"يغير سعيد النك"..
.. وانته هواي وروحي وانته محبي.. :
وعلوومج؟؟أخبار الدراااسه؟؟
مذبووح لك مشتاق والشوق ذباح..s:
زينه كل شي تمام التماااام..
.. وانته هواي وروحي وانته محبي.. :
ميثا ليش ماترمسين..ليش ساكته؟؟
مذبووح لك مشتاق والشوق ذباح..s:
ممممممماعندي شي أقوووله...تعال انت وينك ما تنشاااف؟؟امممره من شهرين ما ييت الهير..لهالدرجه احن هب هاميينك..ولا الهير هب من مستوااك..
.. وانته هواي وروحي وانته محبي.. :
بل بل بل كلتيني ..هيدي هيدي علي..ما فضييت اييكم الهير في هالشهرين...يا في العين ولا في بوظبي..أو ميلس اهنيه في سويحان عند الشباب واللمه اللي ايسونها..
محبي يالغلا بالله هيــــــــد..ترفق و ارحم اللي فيك ذايب..
تملكني ودادك دون مادري..تمكن لين صاب القلب صايب..
تقبلتي الأعذااار غناتتتييييه؟؟
مذبووح لك مشتاق والشوق ذباح..s:
اممممم..تقبلناااااهاا..خلاص السموحه منك بو عسكور حرجنا عليك ولا درينا بالظرووف..
.. وانته هواي وروحي وانته محبي.. :
افا غناتيه ما بينا هالرمسه..الا معاتبه وحلات العتااب منكم"ييهاا..ريال شااعري.."
.. وانته هواي وروحي وانته محبي.. :
طلبتج طلبه قولي تم..
مذبووح لك مشتاق والشوق ذباح..s:
اووول شو؟؟يمكن ما رووم أسوي اللي تبااه؟؟
.. وانته هواي وروحي وانته محبي.. :
انج اتحطين المايك..لاااا ترمسين ..بس أباج تسمعيني شو بقووول..
مذبووح لك مشتاق والشوق ذباح..s:
اووووكي..لحظه..
مذبووح لك مشتاق والشوق ذباح..s:
حطيته..
تم سعيد يحنحن ويزقرها باسمها..
.. وانته هواي وروحي وانته محبي.. :
تسمعيني..؟؟؟؟؟
مذبووح لك مشتاق والشوق ذباح..s:
هيه أسمعك..
سعيد:احم احم..السلام علييكم..شالحال أعزائي المستمعين..معكم راعي الشلات والعراقيب..سعيد الـ.........ي..ويهدي هاذي الشله لهل الهير...يبدون بحرف الميم..
وشل اسعيد هالشله وميثا تسمعه..
سعيد:دوم عيني تشتكي منك..تذرف الدمعه من أسبابك..
تشتكي وتسألني عنك..صدق مثلي الشوق عايابك؟؟
ااااه ويلي كييف مغلنك..لك غلى في القلب متشابك..
سيدي واللي مسوّنك..ماارخص قدرك مع أحبابك..
روف باللي من العنى حانك..لي مسح دمعك عن أهدابك..
انته لو تبعد عن مظنك..والوله عوّد بك وياابك..
ادري الأشوااق يابنك..ما يطوول داييم اغيابك..
مرحبا مليون يوم انك..ييت متوله وحيابك..
دوم عيني تشتكي منك..تذرف الدمعه من أسبابك..
وسلامتكم..
مذبووح لك مشتاق والشوق ذباح..s:
تسسسلم بو عسكور ولا عدمنا هالصووت الغاوي..
.. وانته هواي وروحي وانته محبي.. :
من طيييب أصلج غناتيييه..تدرين باااجر بييكم..
مذبووح لك مشتاق والشوق ذباح..s:
نتريااا عيل..وياليت ما تخلف الوعد يا بن سهيل..
.. وانته هواي وروحي وانته محبي.. :
ما هو من طبعنا يالبدو نخلف بوعودنا..وكل واحد قد كلمته طال عمرج..
مذبووح لك مشتاق والشوق ذباح..s:
مقيوله من زماان في البدوو..تامر بشي بو عسكوور..اللحينه بظهر..
.. وانته هواي وروحي وانته محبي.. :
تسلمييين الغلاااااا..شو بترقدين؟؟
مذبووح لك مشتاق والشوق ذباح..s:
هيه برقد..وانته بعد سر أرقد باجر مداارس..
.. وانته هواي وروحي وانته محبي.. :
يلا أنا بعد بسير أرقد؟؟الله يحفظج الغلااا..
مذبووح لك مشتاق والشوق ذباح..s:
فدااعة اللله..
وظهرت ميثا..
اليازيه:سعيييييييييد يالجذااااااب..سعيييييييد..تجذب عليّ..والله واستويت مقصه..
سعيد:ههههههاااايييهيههييي..توني أكتشفت شي..
ويفج البااب لها..ويربع يداته..ويطالعها..
اليازيه:شو اكتشف مستر سعيد كشيّف؟؟
سعيد:إن اخواني بسرعه ينقص علييهم..راشد واليازيه..هيههييييي..بسرعه أقص عليكم يالمقصاات..
اليزيه:ماااعلييييه..بطريقتي اخاصه بخلييك اتييب لي بااتشي..وويهي هاااه"واتأشر على ويها"..
سعيد:ههييهيهييي.أنا ايبلج بااتشي..؟؟بتبطيييين..تشااوو..
وتربع اليازيه صوب الكمبيوتر وتصرخ..
اليازيه"معصبه":سعود ووحطبه..ليش بندت صفحات النت..كنت محمله أغاني ميحد حمد..
سعيد:هيههيي..والله وشغلوج حماليه..هههاااييييههي..أي غنيه؟؟؟
اليازيه:تكلمني وبركان الغلا..
سعيد:اووووه رهيباااااااااات ع الأخير..طر.."قصده بس الغيااض" ..
اليازيه:اوووووهووو ولييش انزين بندتهن..وياااويهك يالمصرقع..
سعيد:أرحم منج..
اليازيه:وااايه لا تقارن نفسك فيني..
سعيد:ماااعندج مووونه..انجلعي ..
وظهر وخلاها في حجرته..وحملت الأغاني ووخلاف رقدت..

. . . . .

يعني جمعت الليل وأنفاس الصباح..حتا تجســـــــد فيك معناه المليح..
الفرحه اللي كنها طعم النجـــــــاح..والمده اللي تجرح الكف الشحيح..

مدرسة البنات..
وقت البريك..

ظبيه واليازيه وسهيله وهيور..كان يالسات ايسولفن..
سهيله:بل بل وينها هاي ودوم معقوله اليوم اتكون غايبه ولا اتخبر حد..
هيور:صخي صخي انتي يا شوق العامري ..يا حبيبة العامري..يا عيون العامري..
سهيله:لا والله ويوم انيه شوق العامري ما رمس..اشعنه؟؟
هيور:ماشي بس جييه..ماباج ترمسين..
اليازيه:هاهاااي..ضرابه ضرابه ضرابه"واتصفق بيداتها"..
ظبيه:الحمدالله والشكر..خلن المواقع يالسخيفاات..
هيور:أي مواقع بس قاعده أمزح وياها..ما واقعتها يوم أواقعها بخبرج..
اليازيه:هههههههه..سهوله ما اتحب المزح..
ظبيه:اتحب الجد..
هيور:ع بالي العم..طن طن طن طن طنطنط.."أونها موسيقى"..
الكل:هههههههههههههه..
اليازيه:ياناعم العود مزحك يذبح وجدك..
هيور:يذبح وأنا كل ما جا منك يحلالي..
ظبيه:الله الله يا فتان من قدك..
سهيله:حتا عيوني لوصلك موتها سالي..
اليازيه:هل تصدقن يالحلوات انيه مقهورتن وأشد القهري..
سهيله:واااايه التراب لييش مقهووره..؟؟؟
هيور:أنا اعرف..
ظبيه:هاها..اشم ريحة خيانه..عندكن سالفه هاااه؟؟
اليازيه:ليش الأخت كلب بوليسي..
هيور:ههههههااااااااي..
سهيله:ما يضحك هيور لهالدرجه عيبتج السالفه..بعدين انتي يزووي لا تتمصخرين على ظبيووه..تدرين انيه أنا حتا اشك عندكن سااالفه..
هيور:اووووووووووووووووووووه نسيييت..الله ينطب العدو..
اليازيه:شو اللي نسيته يالعيووز؟؟
ظبيه:عيرتها..>>تقصد عصاتها..
الكل:ههههههههههههههههه..
هيور:تعالي اليازيه شو سالفة بوحمد..مبارك أخو ظبيووه..يلا يلال اعترفي شو سالفتكم..
سهيله"وما خلت اليازيه ترمس ع طوول هاللي بدت":هااااااااااااااااااااه..أي سالفه وين وين محد خبرني؟؟شوهالخيانه؟؟
مبارك:أي سالفه؟؟منو؟؟أي مبارك؟؟"وتطالع ظبيه"..هاه الحيه الحمرا شو قلتي لهم..؟؟؟شو من رمسة ظويتها يالنذذله؟؟
ظبيه:هههههههه..هههه..ما قلت شي فدييتج..
اليازيه:تتفديني هااه؟؟هب من الله..قولي شو سويتي يا سودا الويه..
هيور"وتطول في الرمسه جنها تنغز":روحـــــه للمستشفى..وينزل مبااااارك ايوصل يزوووووي..حركااات حركات..
ظبيه:تعالي انتي شو درااج هيور..أنا خبرت ودووم..
سهيله:صعبه يعني..ودوم خبرت هيور..وهيور مفروض اتخبرني..بس شو نقووول..مضيعه مذهبها الشيخه..
اليازيه:ربعي برع أكيد في حوي البيت ناسيتنه..هههههههههاااي..ولا روحي الصف أكيد في الدرج..خخخخ..
ظبيه:هههههههههههههاي..
اليازيه:أونج تضحكين هاه..ترقعين السالفه..أشوفج من اللحينه متهوّبه..بس دوااج في الببيت يالمصرقعه..
سهيله:وليييييين متا يعني؟؟أنا اللحينه قاعده مثل الأطرش في الزفه..حد منكن تتكرم وتخبرني الساالفه...
هيور:أنا بتكرم طال عمرج وبقووول السالفه..السالفه وبما فيها أن الأخت اليازيه.."وتأشر على اليازيه اللي كانت اتطالع ساعتها"..ومبارك اللي هو أخو الكونتيسه ظبيه"واتأشر على ظبيه اللي كانت تبتسم"..بينهم علااقة حب..
اليازيه"اتفز":شووووووووووووووووووووو؟؟؟حوووه ثمني رمستج بنت عبييد جان تعيبج الرمسه...شو اللي اتقولينه؟؟
سهيله:اوووووه..يعني ما بتخلينها اتكمل السالفه؟؟
اليازيه:ليش بالأصل في سالفه؟؟
سهيله:دامج محتشرة وحالتج لله..بنشك ان في سالفه؟؟
هيور:انزين يزووي خليني أقول اللي عندي..
اليازيه:قولي أم الخريرفات..
هيور:هههههههههاي..الله يهديج بس..انزين..مثل ما تدروون يزووي مقوي فهي مسويه طااف للريال..وهاذا مبارك رحييييييم..يغغغغرم..اممم..أعتقد انتي سهيلوه ما جفتيه هاك اليوم وخذ ظبيه..يوم كنا راديين البيت..المهم..ان هاه مبارك هو حتا عنييد..بس عناده ما يسوى شي جدام هالمصرقعه يزوووي..واللحينه يزووي أونها ما تحبه وتعتبره..امممممم..شرات......امممم..يعني أونه ما يهمها...
سهيله:اووه يا عيني يا خشمي يا اذوني..شوووهالحركاات يزووي..والله وقمتي اتحبين؟؟غريبه؟؟؟مع ان كل وحده منا في الشله لها غناة قلب وشوق..الا انتي..هاهاهاهاه..ظوا رااسج بوحمد..الرحيم..
ظبيه:اوووه وليش غريبه أنسه سهيله..شو هي ما عندها قلب ما عندها احاسيس ما عندها مشاعر؟؟هب انسااانه..ولا شخصيتها القويه هاللي تخفي هالأشياااء..
اليازيه:ماشالله عليج كفيتي ووفيتي..اممممممممممممم..أنا مبارك يوم أحبه بستوي مينووونه..
ظبيه:نعم نعم نعم؟؟ليش مب مااالي عييييينج..
اليازيه"قصدها اتغيضها":لا مب مااااالي عيييني جان تعيبج الرمسه..انا انسانه ما اعترف بشي اسمه حب..واذا اعترفت به..وحبيت..فما بكون غبيه شراااااتكن يالأربع ..
سهيله:شوو تقصدين..؟؟
اليازيه:أقصد ان كل وحده منكن يا هيور وظبيوه وسهيلوه وحتا وودوم..أعترفتن باللي في خاطركن للي تحبنه..ااممم..أون ان حركاتكن بينت هالشي؟؟..أما انا فمستحييل ومن ساابع المستحيلات ان اقول باللي خاطريه..
ظبيه:ولييش انشاااالله؟؟
اليازيه:انتي يوم حبيتي حميد..واعترفتي له بااللي خاطرج قام السباال وجرحج..وانتي سهيله يحبج واحد عامري من العين..وللحينه يحبج..والله يعلم باللي ياااي..وانتي هيور..متيمه بشي اسمه خالد..اللي هو ولد عمج من دبي..وهو كان في قمة النذاله بعد اسبوع قام وخطب اختج ..واللي وافقت واللي ما كانت تدري باللي في خاطرج عكسه هو اللي يعرف كل شييي..وودوم..بعد ما ملجت..وتعلقت بشي اسمه حمد...استواله حادث وبأثره توفا الله يرحمه ويغمد رووحه الجنه..وين تبني أقول باللي خاطريه للي أحبه..عسب انجرح منه..ولا تاخذه الدنيا عني..فأحسن شي أي شي في خاطريه أخليه مكتووم في هالقلب...
هيور:……….شو نسوي ياليازيه..؟؟؟هالدنيا جيييه..
سهيله:وانتي اليازيه يعني ما بتترتاحين الا وفتحتي سالفة الجرح من يديد..ربج ما كانت ودووم هنيه ولا ماتت من الصياح..
اليازيه"ع الريحه حد يغلط بعشر ترد عليه":وليش انشاالله ما أرمس..ولا افتح هالسالفه..هالسالفه بتنتفح بدل المرة ألف..عيل تبني أشوفكن جيه وأسكت..لا والله ما صار وأنا بنت سهيل..تبني أشووف كل وحده راضيه بعذابها ولا وبعدكن اتدافعن للحب..انتن شو ما تفهمن..حيوانات..ما اتوبن عن المدافعه للحب..كم تعنيتن وكم شقيتكن..وكم تعذبتن؟؟لييش ؟؟أبا افهم؟؟ليش؟؟هب عشان هالحب اللي لاعب بقلووبكم..عسب عرب ما يستاااهلون انهم حتا يااخذوون ثانيه من تفكيرنا..ومثل ما تدرين عرب عن عرب يفرقووون..سهيله أنا لييش أذكر هالسالفه وأعيد وأزيد فيها؟؟قصدي مب تجريح ولا اهانه..ولا اتشمت فيييكن..قصدي اني أوعيكن من هالخيال اللي عايشتنه…أنا ما اقولكن كرهن الحب وعيشن بلاااه…حبن ولكن بمنطقيه..إن هالحب يمكن ما يعيش..حبن ولكن بتفكيير..حبن ولكن بعزة نفسكن..بكرامتكن..بشمووخكن..كبدويات ما يرضن بالمذله والإهانه..كبنات جباايل ما يهز قلبهن حبن ولو من مولدهن مخاويهن..سهيله..أدري ان ولد خاالج يموووت علييج..عكس حميد وخالد اللي كان اللعب وتقضية الوقت غاية مرادهم..ومثل ما قلت عرب عن عرب يفرقوون…أدري والله ادري ان الحب شي طبيعي ايكون في كل انسان..بس
سكتت اليازيه..وتنهدت من الخاطر..تشفق لحال كل وحده من ربايعها..سكتت اليازيه وانربط لسان كل وحده فيهن وما رامن يقولن شي بعد ما قالته اليازيه..
وشوي الا ايشوفن ودووم يايتنهن..
اليازيه:هههههههههيييي..هاي ودوم اقبلت علينا شكلها يايبه عيشه وياها..اللللللله..
الكل:ههههههههههههههههههه..
اليازيه:يلا عاده عن الزعل وحركات النص كم مالتكن..
وتي ودوم..
ودوم"ميودة كيس بالعرض..ويبين ان فيه صحن":مرحباا بنات..لالالاأول شي السلاام عليكم..
الكل:وعلييج السلام..
اليازيه:هلا والله هلا بالحامل والمحمول..
ظبيه:هههههه..بطنها ايدلها ان في شي في الكيسه..
وديمه"تقعد":ههههههههه...ويا هالبطن يا يزووي..يايبه صحن بيتزا وبيبسي وفطاير..
اليازيه:يلا يل اجي بسرعه أبااا آكل..
سهيله:ههههههه..واشعنه الشيخه متأخره..ع بالنا أنج بتغيبين؟؟
وديمه:ههههههه..خليها مستوورة..نشيت متأخر والين ما يزهبن البشاكير العيشه والين ما ألبس ..طبعن يبااله وقت..
هيور:هييييييه.."وتسرطلها حبة بيتزا"..إنها لذيييذه..

. . . . . .

خلك معي خلي ترى الناس للناس..ضدي ترى ضدي ومعايا معايا..
أحس بك دايم بأنفاس الأنفــــــاس..وإنته ضيا عيني ومنايا منــايا..

يوم الخميس..
بيت بو منصور..
الساعه عشر ونص..الصاله اللي فوق..
ظبيه:والله ع بااالي انكم بترقدوون اليوم عند قوم خالج بو عبيد..بس الحمدالله انكم ييتوا اليوم..شو سويتي أمس..؟؟
اليازيه:هههههههه..أمس...؟؟بس كنت أتطنز على سعيد وميثووه..واليوم العصر سرنا مزرعتهم اللي في وادي معد..
ظبيه:أهاااااا..أما أنا أمس صكيت خط العين..صوب بيت خالي عبدالله..وسرنا السوق أنا وموزة وسلامي..
اليازيه:حيييكن والله..
ظبيه:يلا بسير تحت بييب لج شي تاكلينه..
اليازيه:لا تبطيين انا يووعانه..
ظبيه:انزين انزين ما بطي..
اليازيه:بسير حجرتج وباخذ التلفون برمس وحده من بنات الشله..
ظبيه:اووكي..يلا اللحينه بييج..
اليازيه:باااي..
وسارت اليازيه وسحبت التلفون مال البيت .. وبندت الباب مال الحجرة بس هب بالمفتاح..وتمت ترمس سهيله وهيور..كاانن شابكات بعض..ويسولفون وميتات ضحك..وبين هالسوالف..انفج باب حجرة ظبيوه..وانصدمت اليازيه باللي شافته..

الجزء الثـــامن..

خذ نصيبه من ظلام الليل شعره اتحدرا..مثل شلالن حدر ما بلل العود النظيــــــــر..
ليت وقتي يغمد اسيوفٍ بعد مايشهـــرا..وليت حظي ما يعاندني وعلى الرغبه يسيـــــــــر..

انصدمت اليازيه من اللي شافته..وقلبها طاااح..كانت بين الحيااة والمووت..موقف أبد ما تنحسد علييه..نشت من الشبريه"كانت يالسه وفوقها التلفون"وظهرت قصتها السووده النعيمه..وغطت على نص ملامح وييهها..كانت ثابته في مكانها..وما رامت حتى اتحرك يدها..كانت اتحاول انها تتحرك..اتقول شي اتسوي شي؟؟بس مارااامت..خافت..زاغت..انصدمت..مممرة ..هب مصدقه اللي اتشووفه..كان وااحد لابس كندوورة كحليه شتويه والسفره نفس اللون..وميود في يده جاكيت جلد كحلي..من شافته ما عرفت منووه هالي مغبي ويهه بقناع الوحووش"قناع وحوش كان مبارك لابسنه..وكان من صج أيخوووف .."..
امممم..شو أقولكم عن مبارك..اللي من صج من صج انصدم بوجود اليازيه غناة قلبه..حبيبة رووحه..شجون فواده..ضما خافقه..نظر عيونه..معنا وجوده..وخوز القناع اللي لابسنه بعد تنهيده طووييييله كانت من الخاطر..شاف ذيييج الخصله طايحه على وييهها الناعم..يااالله كم تعذبني هالخصله..؟؟والله انها تخبببل..عنلاااته يخرب بيتها محلاااااااها..
انتبهت اليازيه لهالخصله من نظرات مبارك اللي كان مرتبش ومصدووم في نفس الوقت..وعلى طووول اتحجبت..
مبارك:السلام عليكم..."تو النااس.."..
اليازيه:هلا وعليكم السلااام..
مبارك:ااا..سوري حدرت علييج جيه..في خاطريه انه ظبيووه في حجرتها..وكنت بزيغها..زيغتج؟؟
اليازيه:هيه وااايييييد..طيحت قلبي عنلااتك..ومرة ثاانيه دق الباب جانك حادر على غرفة أختك ولا غيرها..
مبارك:سلامة قلبج الشيخه ..ومممممرة فالج طيب..طلباتج أوااامر..>>>يابها على شكل طنازة واستهزاء وهالشي نرفز اليازيه..
مبارك:ولا قبل ما دق الباب بسير بيتكم أطلب مقابلتج عسب أتخبرج أدق الباب ولا لا؟؟>>>بصراحه هو عصب علييها..
ودرها ولايم الباب..بس ما هانت عليييه؟؟رد وفج الباب مرة ثانيه وشافها موطيه راسها تحت اتطالع التلفون المرمي تحت..كانت نظرتها حزن..قهر غيض وكل شي..فعرف انها خذت في خاطرها..رد قيس زمانه وزقرها..
مبارك:اليازيه..
طالعته وهي رافعه وحده من حياتها ..وناظرته نظرة قوووويه..كللها شموخ وتحدي..
اليازيه:هاه نسيت شي كان ودك اتقووله وتوك تذكرته؟؟
مبارك:السموووحه..بس حبيت أخبرج شي انيه بعد شوي ساير لبوظبي..شي في الخاطر؟؟
اليازيه"طنشت انها اتقووله لا أو نعم":...اتروح وترد بالسلامه..
وخطفت جدامه..
اليازيه:سمحلي الشيخ "قصدها اترد الحركه"..هب من طبعيه أقفي بالعرب..بس ظبيووه اترياني تحت..وماروم أتأخر عليها أكثر..حيااك..
راحت اليازيه بعد ما شافت غيااض الدنيا كله اتيمع في عيون مبارك..اللي رفع يده وكان وده ايعض اصبعه السبابه..من القهر..بس رد ونزلها بسرعه..
"ملاحظه:مبارك يوم ايعصب يعض طرف اصبوووعه؟؟وهالشي معرووف فالعايله.."..
نزلت اليازيه ع الدري وهي مستانسه جنه عندها عيد يوم قهرت مبارك..بيرووح بوظبي..وليش ؟؟شو عنده؟؟وكم يووم؟؟وليش خبرني..؟؟العلوم كلها بييببها من عند ظبيووه..بس هاي أكيد بتم تتمصخر..
نزلت تحت ؟..وسارت المطبخ..وعرفت من ظبيه ان مبارك بيقعد أسبووعين في بوظبي..بطلب من ذياب..."ومثل ما تدروون مبارك امممرة ما يرد ذبياب"..ويوم درت بهااي العلووم..قالت في خاطرها"واااااي أسبوعين وااااايد..كيف بعيشهن هالأيام بدون شوفته"..
ظبيه:يزووي ما خبرتج؟؟
اليازيه:هااااه شوو عندج؟
ظبيه:أمس يوم يأ مباارك ذلييت عمري عنده..عسب ايعطيني شي ايهمج..وعطااني؟؟
اليازيه:شو شو شو؟؟
ظبيه:يااااللقافه؟
اليازيه:قوولي ياالبقره قوولي؟؟؟شو عطااج؟؟
ظبيه:أاناااااا بقرة؟
اليازيه:هيه عيل شو ؟؟ثوور؟؟قووولي؟؟
ظبيه:وإنتي لييش مستهمه؟
اليازيه:اللحينه بتقووولين ولا لأ؟؟تراج انتي اللي قلت ايهمني..
ظبيه:لالاانتي مستهمه هب عشان هالشي ايهمج..عشااان مبارك..قولي ياخي قوولي؟؟
اليازيه:إنتي ما توووبين؟؟ماااتيووزييين؟؟أنا جم مرة قايله لج ما اتييبن هالسبيرة..شو حيوانه ما تفهميييين..بعدين سمعي لاانتي ولاأخووج بستهم منكم..بن عروه وعياله بيستهموون..جان تعيبج الرمسه انتي مااااا عندج سالفه..
ظبيه:حوووه حوووه ..هدي هدي..هههههههههه...الله يهدييج بس..طالعي شقايل زيغتي سهولي فدييته..دوااج عند سلطون ومنصور..
اليازيه:منوو هاييلا عيااالج؟؟
ظبيه:هههههههه..الله يهديج بس.
اليازيه:منووو محفظنج اياها هالكلمه..من رمسنا وقلنا لنا كلمه قلتي"وتقلد صووت ظبيه"..الله يهديج بس.
ظبيه:لاتتمصخرين؟
اليازيه:بتمصخر شو بتسوويين يعني..
ظبيه:ما بعطييج الشي.
اليازيه:واااااايه جني الا استهميييت من هالشي..احسه ما ينرزا..تعالي شوفتيني انسدحت عندج من الغيض ولا طيحت دمووعي..؟؟ماا عندج موونه..
ظبيه:وووييل حالي عليييج..اشعنه معصبه الغلا..مستويه جبريت عافانا الله.."وتتدلع بلسانها"..
اليازيه:جبريت عساه يحرقج..وياهالحلج..
ظبيه:شوو بلاه حلجي..؟؟..فديييته..
اليازيه:عرق فلفل أحمر عساه فييه..بسير بيتنا..
وتنش..تنش وياها ظبيووه.
ظبيه:وين وين ما كملنا حديثنا..
اليازيه:انجلعي ويا هالحديث ..ماااعندج مووونه..
ظبيه:ههههههه..ما تبين الشريط؟
اليازيه:أي شريييط بعد؟؟شو هالمحرماات والمنكر..لالالالا ماريييد منج شي صاحبة سووء وخراب دار..
ظبيه:أوننننني أووووني..والله وطلعت علييج حركات يزووي..واذ قلت لج من عند مبارك..
اليازيه:ظبيوووه ويه العنز ما اتوووبين..
ظبيه:والله والله يايزووي..يوم درى إنج سايره الهير بدون محد خبره إنه جلب البيت فووق رااسي وليش ما خبرتيني وماادري شوو؟؟ويوم قلت أباه هالشريط اللي صوره راشد يوم صب المطر علينا ويوم يأ هو من أمريكا..قالي ماالج حايه فييه..بس يوم قلت اليازيه تبااه..قال اممممرة وااصل..شو يعني؟؟أي واحد بيعرف انه ايحبج..
اليازيه:خلصتي؟؟
ظبيه:لأ..لحظه اشوي..
اليازيه:هب فاييجه للسوالف البطاله..>>>تتمصخر<<<..اأبااااااااااااااا ارقد..
ظبيه:اوووه يزوووي ليش جيه..ياخي احترميني شرات ما أنا احترمج..
اليازيه:شووو اسويييلج يعني؟؟تراج من الصبح اتعقين رمسه وأنا ساكته عنج..ميوده لساني عنج.
ظبيه:انزين سؤال وااااااحد؟؟والله بس سؤااال واااحد؟؟وابي جوابه نعم ولا لا؟؟
اليازيه:بعد طوول تفكيير":اسألي؟؟
ظبيه:نعم ولا لا؟؟اتحبين مبااااااارك؟؟؟وراااس سهووولي انج يا اتجاوبين بكل صدق وصرااحه..حلفتج بالله يزووي حلفتج..انتي ما تتخيلين شقايل ايهمني هالجوواااااااب..دخييييييييييييييييييلج يزووي..عسب كل غااالي علييج يا انج اتخبرييني ..
انصدمت يزووي من هالسؤاال مع إنها متوقعتنه..فمشت خطوات وردت اتطالع في ظبيه وقالت.
اليازيه:ممماااعرف..يوم أعرف شعووري والله والله الغالي إنيه أخبرج..ظبيووه انا محتاارة..ماعرف مبارك شوو بالنسبه لي..أحيانا أحس عمري أكره..أبغضه..وأحيانا أقول انه غناااة قلبي وشجوونه..والله انيه في حييرة مالها أول ولا آخر..بس من أعرف هالشي..إنتي أول من يعرف..وخلييييييه سر بيني وبينج..
خلصت جملتها الأخيرة..راحت بعد ما تركت ظبيوووه في حيره..

. . . . .

ذكرتني بــه ليه اعتني بـــه...حب وحبــيبه والشوق جذاب
ولفن يحبـــه قلبــي ولبـــــه..ويذوب صبه كالشمع لي ذاب

يوم الجمعه..
الساعه خمس ونص..
بيت بو عبيد..

في هالوقت كانت ميثا قاعده عند قوم أبوها في الحوي..يتفاولون وفي نفس الوقت ايسولفون..كان عبيد ايخبرهم عن تل الساد اللي بيكون في يوم الخميس ..وطبعاً كل الشباب بيسيرون له..وخلاف نش بوعبيد ونش وياه عبيد سايرين للعزبتهم اللي في وادي معد..وتمت ميثا عند أمها..الين ما طبت عليهم حرمت ييرانهم..عشبة..
عشبه:السلااااام عليييكم..
أم عبيد:مرحباا مرحباا ملاايين توما نور البيت في ذمتيه..وعليج السلام"ويتوايهن"..
عشبه"أم عيسى":شحاالج يا ام عبيييد؟؟ربج ما تشكيين بااس؟؟
أم عبيد:لا علني فدااج .. وشحااالكم انتوا وشعلووومكم؟؟شحال عيالج واهلج وتوااليج؟؟
أم عيسى:مافيهم الا العافيه غناتيه..وشحال عيالج انتي؟؟ربهم الا بخير؟؟
أم عبيد:امممرة ما يشكووون بااس علني فدااج غناتيه..حيااالله من يانا..
أم عيسى:الله يحيج ..
وتصب ميثا لأم عيسى القهوه وتناولها الفنياال..
أم عيسى:شحاالج ميثا غناتيه..
ميثا:ايسرج الحال خالتيه ومن صووبكم؟؟
أم عيسى:الحمداالله بخير ونعمه..
قربت ميثا الفواله من أم عيسى..وخلاف نشت سايرة للبيت..تبا اتشوف ميره ختها وين؟؟
رقت الدري وهي تفكر في شو اللي بتقوله لميرة..دقت الباب..وبطلته ميرة اللي كانت لابسه كندورة بنفسجيه وعاقة الشيله..ورافعه شعرها كلله فووق..وبهالشكل هي تااخذ ملامح واايد من ميثا..
ميثا"تبتسم":شحاال الحلويين اليوووم؟؟
ميرة:الحمدالله بخير..
ميثا"دوومها ما تلقى تجواب ويا اختها":..امم..شو تسوين؟؟
ميرة:قاعده أدرس..
ميثا:عليج أمتحان بااجر؟
ميرة:هيه..
ميثا:شو من مادة..؟؟
ميرة:عربي..
ميثا:صعبه دراسته ولا؟
ميرة:عادي..
ميثا:خلصتي ولا بعده باقيلج واايد..
ميرة:اللي بقا درسين..
وتمت ميرة اتطالع الكتاب..فظهرت من حجرة أختها..ويلست ورا البيت..حاظنه ريولها ووتتذكر كل شي..كل اللي استوى قبببل..سنه..تذكرت وطاحت دمووعها تشكي من اللي استوى..
قبل سنه..كانت ميثا صف ثاني ثنوي..وميرة أول ثنوي..كانن ربايع واخوات وأكثر..كل وحده اتحب الثانيه زوود عن الثانيه..ما تتوقعون كيف كانوا ايحبون بعض..كل شي ويا بعض...اكلهن نومهن سيراتهن رداتهن..ويااا بعض..ومثل ما تدرون ميثا اتحب سعيد...وما تفكر الا فيه..وميرة بعد..اتحب ولد خالها واسمه هزاع..وهزاع بعد كان ايحب ميرة..هزاع في هاييج الفترة كان ثالث ثنوي..يعني أكبر من ميثا..وفي يوم ساارت ميرة..مع غبووش بنت خالهن للسوق.."على فكره قوم خالهن عايش في العين"..بس ميثا ما رااحت لأنها كانت تعبانه وما فيها ع الحواطه..وفي السيارة ..
غبوش:اممم..ميرة..
ميرة:هااااه يالقذا شوو تبين؟؟
غبوش:ميرة..ميرة أنا بقول لج خبر..أبد ما بيفرحج ..
ميرة"قلبها مقبووض":غبوش شو السالفه..
غبوش:ميرة..ميرة أمسات أبوي مرمس خويه هزاع عن سالفة العرس.."وتسكت"..
ميرة:رمسي انزين شبلاج صاخه؟؟
غبوش"وقاله انه بيخطب له ميثا..أختج..وأخويه هزاع رفض..بس أبوي قاله مااالك غير بنت عمتك...ميثا وغيرها لأ..
صدمه حطمت قلب ميرة الصغير..حطمت قلبها وأعلنت نهاية حبها..
غبوش:أنا للحينه ما قلت لج شي..
ميرة:..............شو مستوي بعد؟؟هب كاافي اللي قلتيه؟؟؟.....
غبوش:وظهر من البيت..وما رد الا اليوم الفير..سلم علينا وظهر..وخلاف رمس أمايه وقالها انه بخير ولا يحاتونه..
ميرة:شوووووووو؟؟؟شو يعني ظهر من الفير ولا قالكم وين بيسير..لالالالا..هزااع وينه..أباااا هزاااع أبا نظر عيوني أباا غناتيه..
كانت ميرة اتصيييح هزااع دم..مقهوورة من كل شي..المهم انها وصلت البيت..ولا رمست حد..كل حب في قلبها لميثا اتحوّل لكره..مع ان ميثا مالها ذنب..بس فكرة ان هزاع بياخذ ميثا ..استحوذت تفكيير ميرة..وتأكدت ان هالشي بيصير..ولو شوو ما سووا..لأن أبو هزاااع انسان شاايب وفوق هاذا عصبي..فمحد بيردله كلمه..ولا ومتعصب ومعقد..التفاهم ما يمشي وياااه..
وفي اليوم الثاني...بعد صلاة العشا..حدر عبيد البيت وحالته لله..وقاالهم ان هزاع مسوي حادث في الشارجه..وتوفااااااااااااااااااااااااا..
ميرة عاشت في غيبوبه لمدة 3شهوور..وميثا كانت اتعاااني يوم اتشووف أختها في هالحاله..وكانت تتريا اللحظه اللي تنش اختها من هالغيبوبه..وتنسى هزاع والحب اللي في قلبها..وتردلها ميرة بضحكتها وابتسامتها المعهوودة..بس استوى كل شي بالعكس..قامت ميرة بالسلااامه..وخاب ظن ميثا..ميرة استوت تكرههاا..وما تداني شوووفتها..كانت اتعق على ميثا رمسات اتقطع القلب..بس من اتشوف ميثا اتصيح..وتسبها وتلعن خيرها..كانت اتقولها"ليش انتي اللي ما متي بدل هزاع".."يعلج الموووت لو انج ميته كان بوهزاع ما فكر فييج".."انت حيوانه وجلبه..انا مااااريدج اتكونين ختيه"..الين ماهدت..واستوت ما اترمس ميثا..وخلاف فكرت انها تبتعد عن الناس كلهم..ما تبا اتحب من يديد؟؟وانقطعت علاقة ميرة بكل الناس..مااغير أمها وابوها..حتى غبووش ما استوت اترمسها..عاشت ميرة في حجرتها..في عالمها الصغير الأسود..مجابله هالنت..وكاتمه كل شي في قلبها..بس الأيام كفيله انها تمسح الجرووح من كل قلب..وردت ميرة اترمس ميثا..بس بحدوديه وجفا..
كانت هاااي سالفة ميرة..اللي استوت عندها حاااااله عصيبه من انها اتشووف ختها وتكرهها..بسبب أفكااار مالها أول ولا أخر..
نشت ميثا وويها أحمر..ورااسها داايخ..وحدرت البيت..وتسبحت ..وخلاف تمت اتكلم يزووي..

. . . . . .

مطعــــون قلبي في الهوى كله اجراح..إدوااه عندك عالجه لا تزيـــــده..
طعناته ما هي من سكاكين ورمـــــاح..من سيف حبك من مسافة بعيده..

بيت بو ناصر..
بعد صلاة المغرب..
الحوي..

كانت الهنوف توها حادرة عى أمها وأبوها..اللي ميلسين في الحووي..وحمدان أخوها يالس برع في الشارع..جدام الباب ويا ولد ييرانهم..وناصر عند ربيعه..وذياب وسيف ومبارك ظاهرين صوب بوظبي موول..
أبو ناصر:شحالها الغلا؟؟وش علوومها؟؟
الهنوف:ايسرك الحال بو ناصر..والله ماشي علووم..نكد في هالدرااسه..
أبو ناصر:الله يوفقج غناتيه..وتيبين هااييج النسبه اللي ترفع الراس..
أم ناصر:واايه فديتها الهنايف"يدلعونها بهالأسم"بتبيض الويه وهي بنت عوض..
الهنوف:ولا انتي قمتي تمدحين ابووويه..اسمييييكم حركااااااااات..
ام ناصر:نشي نشي التلفون يصيح ارووحه هناك..أكيد هاذا نصوور..هو قال انه بيدق بيخبركم اذا بيتعشا اهنيه ولا عند ربيعه الشامسي..
الهنوف:ههههاااي..ياهو يا عنوود تراها اليوم ما رمستني..
وتنش الهنوف..وتتمختر في المشيه عسب اتقهر العنود..مع انها هب متأكده انها العنود..بس من شاافت الرقم ضحكت..
الهنوف:ههههههههه..والله كنت حاااسه انج انتي..شححححاااااااالج؟
العنود:بخير الحمدالله..وعلمووج؟
الهنوف:مااشي يديييد..شو تريدين؟؟ليش مسويه تيلفون؟؟
العنود:ويااويهج يالبقرة..داقه أخبرج انيه بيي..بس حرام حد يصك خط دبي للبوظبي عسب مجابلتج..وينها أمايه علني فداااها..
الهنوف:اوووه بتيوووووووون؟؟لالاشي صاير في الجنيا الحامل بتيينا بنسوي حفله..وبنييب أكل من المطعم..كللللللللووووووش..العنود بتيييييي..وييبي ويااج روووضووه..
العنود:؟؟روووضه؟؟؟لالالا البنيه ما بسريبها ويااي وهي عندها امتحان..خلاف ترسب ويقولون العنود هفت بها صووب اهلها..
الهنوف:عدااال عدااال..عاد هي ماشالله بتقطع الكتاب من زود المذااكره..خليها خليها اتي ويااج..
العنود:لحظه لحظه؟؟....."أونها ترمس رووضه"....اتقولج ما بتيي امتحان واااااااايد صعععب..
الهنوف :ماالت علييييييج..مع السلامه..عندي خط..
العنود:اتخيلي يكوون سعيد..
الهنوف:هاهاهايي..من سابع المستحيلات..هاذا نصوور..
العنود:رردي ردي لا ايسوبلج حشره بيقولج ساااعه لين ما تردين..مع السلامه..
الهنوف:الله يحفظج..
وردت الهنوف عل الخط الثاني..
سعيد:ألوووو..مرحبااااااا..
الهنوف:مرحبتين.."وشكت انه سعيد"..
سعيد:شالحاااااال؟؟"وتدروون انتوا كيف يرمس سعيييد.."..
الهنوف:ما نشكي بااس..
سعيد:منو؟؟ الهنوف؟؟
الهنوف:......."مااااا كااااانت مصدققه..يعني هو يذككككككرني..لاااااا..ما صدق...مستحيييييييل ايكووون عرفني..وااااااااايه فديييتك يا سعيييد.."............
سعيد:الوو..الوو.؟؟حوووووووه ..بلاج صاخه..
الهنوف:آآأآأآ...أنا..الهـ..الهنوف..
سعيد:والنعم والله..بس شوفيج؟؟
الهنوف:هاااه؟؟ما ما فيني شي..
سعيد:زين..وين ذياب..؟؟أسويله تلفووون ويعطيني مغلق..ونفس الشي مبارك..وسيف ما يرد..
الهنوف:ااا..ساروا بوظبي موول..انزين دق ع تلفون ذياب الثاني.."وكااااانت مستاانسه...لأنها من سنه ما رمسته.."
سعيد:عطيني الرقم؟؟
عطته الرقم..وهي ذاااااااااايبه..
سعيد:نخدمج في الأفراح بنت العمه..ولا هنتي..مع السلامه..
الهنوف:....فداعة الله...
بندت الهنوف السماعه بقووة..لاارادياً..وتنهدت من الخاااطر..تعلن عن الهم اللي ساكن في قلبها سنين..وتو ما انزاااح..بس بسمااااااع صوووت سعيد..ربعت حجرتها..وغيرت ملابسها..ولبست هاايج الكندورة الحمرا..و تكشخت..وكانت مستانسه بس لأنها سمعت كم كلمه من سعيد..من بعد طوووووووول جفااا..
ونزلت تحت تتريا العنود ختها..عسب اتخبرها اللي استوالها..

. . . . . .

لو بغيت الروح ما تغلى عليك..كل عمري لك ولو تاخذ عليـه..
لو بغيت القلب في مدة ايديـك..كيف أنا بعطيك قلبــن انه فيه..

بيت بو حميد..
الساعه 8ونص..
الصاله..

في هالوقت كانت سلامه يالسه عند يدتها..وهدووف عندهن..أما ريسه فكانت في المطبخ..
أم عبدالله:هاااااادف ايلس ولا بهالعيرة ع راااسك مسود الويه..فريييت راااسي...
هادف:يدووووه..تبيني أيلس؟؟
أم عبدالله:هيه عيل..
هادف:عطيني عيرتج بيوول بها..
أم عبدالله:لاا وش وتقول انته؟؟بتبطييييييي..
هادف:خلاص ما بيلس..
أم عبدالله:عيل بزقر لك حميد..
هادف"ويقفز صوب الكنبه الثنيه":هههههييهي...حميدان محد..
سلامه:بس هدووف احشم..يلا رووح ارقد..بااجر مداارس..
هادف مسوي طااااااااااااااااااااف..
أم عبدالله:وين حميد..وين ساار؟؟
سلامه:سار للرماح..قالي معزووم عند واحد اسمه حمد الخيلي..منو هاه يدتيه لا يكوون ولد يدووه موزة"موزة اتكون خت شيخه اللي هي أم عبدالله"..
أم عبدالله:هيه ترى بو شهاب ولدها..
سلامه:امممم..هيه هيه..أحييييييييييده يدووه من زماااااان..
أم عبدالله:تراه ما طب لا سويحان لا ياكم اهنيه..
وشوي الا اليازيه وظبيه حادرات عليهن..لا بسات نفس الشي كبدي>>بالمصلى..؟؟؟؟!!!!
اليازيه+ظبيه:السلااااااااااام عليييكم..
ووايهن هدووف..وخلاف وايهن يدوتها وباسنها ع راسها..وخلاف وايهن سلامه..
أم عبدالله: حي من يانا يسيّر .. لا بطويل ولا بقصيّر ..
اليازيه:الله يحيييج يدووه..
أم عبدالله:شحالج يزووي..ربج ما تشكين بااس..؟؟
اليازيه:أبد ما نشكي علني فدااج الا فراااقج ويينج ما بغيتي اتطبين سوييحان..امميرة يا يدوووه في ذمتيه انها ما تسوى بلاااج..
أم عبدالله:علني فداااج يا يزويي..اممر الأربعا الياي عندكم..
اليازيه:لالالا لا اربعا ولا خميس..اللحينه تراه سلطان برع..يايين انشلج..
سلامه:شووووو؟؟لالا يدووه بتقعد عندنا..حشا ما كملت اسبوووعين ولا وبغيتوها..
أم عبدالله"اتسوي طاف لليازيه وسلامه":شحالج غناتيه ظبيووه..
ظبيه:يسرج الحال يدووه..ومن صووبج..
أم عبدالله:الحمدالله افخير ونعمه..
اليازيه:يلا يدووووه سلطوون يتريانا..
سلامه:سلطوون في عينج..
ظبيه:اووه اوووه عندنا محامي رسمي عن بو ميييد..
ويسمعون سلطان ايهّود..
سلطان:هووود هوود..
ظبيه:الطيب عند ذكره..
اليازيه:محد علني فداااك هدا هدا يا غناتيه..
أم عبدالله"تضرب اليازيه ع رااسها بخفيف":مسودة الويه تتطنزين يا العنز..
اليازيه:ههههههههههههه..
حدر سلطان وكان كااشخ ع الأخير"تراه ساير صوب غناة القلب ..سلاموووه"..وكان مبتسم..وااااييد فيه من سعيد واليازيه..ووخى على يدته وباسهاع راااسها..
أم عبدالله: حيالله من يانا ولفانا..شحالك غناتيه؟؟
سلطان:المرحب بااجي..ما نشكي بااس ومن صوبج بنت خليفه..
أم عبدالله:ابخيير ونعمه..وشحالها أمك ربها ابخير؟؟
سلطان:الحمدالله ما تشكي .."ويطالع صووب سلامه"...شحالج سلامه..
ظبيه واليازيه:ههههههههههههه....
سلامه:يسرك الحال ومن صووبك؟؟
سلطان:بخير ربي يسلمج.."ويطالع ظبيه واليازيه بنص عيين"..
أم عبدالله:اشعنه فاجات هالحلووج ومظهرات هالضرووس وتتضاحكن يا المفلع..
اليازيه:نضحك على سلامه وسلطان..
سلطان:شعب فااظي..
سلامه:ويستخف دمه..
ظبيه:مااااااعندناااااا شي انسووويييييه؟؟ليش انتوا محتشريييييييين؟؟
اليازيه:ههههههههههه...ولا سلااااموووه أونها تستحي...
أم عبدالله:يعلني بلا رييحكن مسودات الوييه..
سلطان:خلج عنهن يدووه بيرفعن ضغطج...نشي سلااامي أباج في رمسه..
اليازيه:لعنببوووها من سنه ..لا لا لا ماايووووز...
سلطان:افتت عاد مفتية الجمهوريه..
أم عبدالله:ييتنا عاده انتي بطرج..صخي سوودا الويه لا افرج بهالدله..وش لعنبوها من سنه..تراها على ذمته ومااالجييين.. غربلات بليسج..
سلطان:يدووه امبونا ما امتحنا من رمستها..
اليازيه:لااا والله ؟؟ولييش ما امتحنتوا؟؟إذا انتوا ما امتحنتوا منو بيمتحن؟؟
سلطان:بن عرووه..نشي نشي سلااامووه..
ونشت سلامه..
اليازيه:اممممممرة طلباته أواامر..
أم عبدالله:وش بغيتيها اتسوي عنلااااتج..تعصيييه؟؟
اليازيه:لاا هب جييه السالفه..أقول ماشاااالله علييها حرمة بيت ومطييعه..وأنا اشهد انها بنت عبدالله..
وساروا سلطان وسلامه للحوي..
اليازيه:يلا ياا شيخوووه اروّح بيتنا..
ظبيه:هههههههه..
أم عبدالله:وااااايه الترااااب..لا يكون لاعبه ويااج..يا سووودا الويه..لالالا قد قلت أنا يبالج حد ايمردغج بالعصا..يمبج ايحكج..يالعنز..
اليازيه:ولاااك تأبري ألبي ..عم بمزح معك..
أم عبدالله:لا عم ولا خال..
حدرت عليهم ريسه"أم هادف"..
أم هادف:السلاااام علييكم...
اليازيه وظبيه"اينشن":وعليكم السلام..
أم هادف:حياالله من يانا ولفانا..تو مانوور البيت..
ظبيه:المرحب بااجي..منور بوجودكم..
اليازيه:الله يحييج..
وتوايهن..
أم هادف:شحالج ظبيه..وشحال اهلج وعربانج وتواليج؟؟
ظبيه:ابخيير ونعمه..وشحالج انتي؟؟
أم هادف:يسرج علني فدااج.."واتطالع يزووي"..شحالج يزووي ربج ما تشكين باس؟؟
اليازيه: ما نشكي بااس عمتيه ومن صووبج؟؟
أم هادف :ابخير ونعمه والحمدالله..قربن للفواله..
ويقعدن وتقص أم هادف التفاح و البرتقال والموز ...الخ..وتحطه في صحنين واحد خلته صوب اليازيه وظبيه و الثاني صووب عمتها أم عبدالله..
أم عبدالله:ربي لاهانج يا ام هادف..نشي زهبي أغراضيه بسير سويحان صوب عيال سهيل الله يرحمه..
أم هادف"اتناول ظبيه فنيان الشاي":أفااا يا عموووه..جنج الا ما بغيتي تيلسين عندنا كمن يووم..
أم عبدالله:هب جيه السالفه علني فداااج..ترى سلطان ياب يزووي وظبيووه ومتعنيين عسب اييون وياخذووني صوبهم..ولا بردهم ..
أم هادف:داام جيه السالفه اللحينه بنش..
اليازيه:والله ماا صاار..أنا بنش يا عموه..
ظبيه:أفا واحن هنيه ميلسات انتي تنشين..؟؟؟
أم هادف:علني فداااكن وهاذي الشيمه فييكن..علني ما خلا منكن..
أم عبدالله: ماعلليج فيهن هااييلا تربيت حصووه وعويش..بناتيه.."على فكره حصه هب بنتها..اللي هي أم اليازيه بس تعتبرها شرات بنتها"..
أم هادف:والنعم فيهن..
ونشن صووب حجرة أم عبدالله..وحدرن..
ظبيه:وااااييه شقايل ريحة الدخون والعطر مازرة المكااان..
اليازيه:حتى حجرتها اللي عندنا جييه علني فدااها يدووه..تدرين ما عرفووا انه هااي خطتيه..والله مسكين سلطوون يبا ايشوف ست الحسن والجمال سلامه..وتراه مستحي من عمي وحميد كل يوم والثاني طااب عليهم..فقالي دورويلي حجه عسب اسيير لهم..وطبعن انا اشترطت علييه انه ياخذني أنا وانتي ويااه ..
ظبيه:وانتي بدوورج أم سبعه وسبعين ما قصرتي دورتييله خطه الجذاب ايصدقها..
اليازيه:ههههههههههههه..وياا ويهج...يلا خلينا انزهب اغرااضها..واايه شوفي هالعطر.غرااام..بهفه..
ظبيه:يا سراااقه..بخبرها..
اليازيه:عاادي عندها ..دهن عووود ..واايه يا حلااات ريحته...أحلى من اللي عندي بوااايد..ما تبين؟؟
ظبيه:لا هو حلال واحن بنحرمه بالسرقه..
اليازيه:هفي هفي ما بتعرف يدووه.واذا تخبرت بقووول انا شليتهم..
ظبيه:وليش أسوي هاه كله..اللحينه بظهر صوبها وبقولها يدووه خاطريه في عطر من عطوراتج الغااويه..امممرة بنت خليفه هب مقصره..
اليازيه:اوووه انزين خلاص فكينا..
وخلصن تزهيب بالأغراض..وظهرن برع..وشافن سلطان واقف وميود يد يدتها وسلامه جدامه وهادف وأم هادف..زخته بنظرة وقالتله بهمس يوم وقفت..
اليازيه:هههههااي..باقي الشرط الثاني..
سلطان:ياالللله يعينيي منج..انزين انزين ما نسسيييينا..
اليازيه:ههههه..تدري لازم انذل اشوي دام عندنا هالتفكير الحلووو..والمتكتك...
سلطان:وياا ويهج..ملعونة الصير صخي..
اليازيه"ببرودة أعصااب":هههااي..من عيووني يا عيون سلاامي..
وطالعت في ظبيه اللي كانت صاخه وما ترمس..استغربت منها اليازيه..وخلاف ظهروا ووادعوهم وركبوا السيارة..
اليازيه:يلااا أخوووي الكريم شوووف شغلك..
سلطان:لازم اتذل بتمووت اذا ما بتذل..أي مطعم تبووون؟؟
اليازيه:اممم..خلنا نتشاور اشوي..هاه ظبيه اي مطعم..
ظبيه:شووورج بنت سهييل..مالي حايييه ا نا في المطاعم..توني ماكله خبز وشاربه حلييب لبن..
اليازيه:انزين انا بعد كلت..بس ولو مالنا غنا عن اكل المطاعم..
أم عبدالله:وشله المطاعم..ودنا ودنا سويحان يلاااا..بلا دلع بنات..
اليازيه:لالالامالي مااالي خص..يدووه علني فدا خشمج..عن خاااطريه عن خاااطريه..لا ترديني..هو واعدني..
سلطان"مستانس لأن يدته ترووم اتكنسل هالشرط بكبره":هاه بنت خليفه شووو الشووور؟؟؟
أم عبدالله:..............................."اتفكر".... ....
اليازيه:يدووووووه..
ام عبدالله:يلا خلاص ودهن المطاعم..ولا عاد اسمع انكن يبتن أكل من عنده..هااي أخر مرة..
سلطان"انحبط مسكين":امرنا لله..
وتعفد يزووي ع السييت الاول وتبوس يدووتها ع رااسها وع خدها؟؟..
اليازيه:واايه فديييتج علني مااا خلا منج ياأم التأثير القوي والهااام..أدريبج غناتيه ما تردييني..
ظبيه:أمبوونج عزير يا اليازيه..من عزرتي ع الشي الا واتسوينه..
سلطان:شرات يدووه..لزووم ان رمستها هاللي تمشي..
اليازيه:وليييييي الفخر..ظاهره ع يدووووه غناة قلبييييي..
سلطان:ما قلتن يالمصرقعات..أي مطعم تبن؟؟
اليازيه"اترمس ظبيه بصووت واطي":دخيييلج ظبيووه خلينا انذله..
ظبيه"اتطاوعها":اووكي..انااااااا ابااااااااا بيتزااااااهااااااااااات>>عاد ظبيه يوم تتدلع شي ثاااني..
سلطان:وااايه فقدتج.."حبيت اخبركم انه سلطان يعتبر ظبيه شراات اليازيه بالضبط"..
ظبيه:عنلااااااتك..
سلطان:وشله اتحيسين علييج بلساانج..
ظبيه:مب ع رااسك هو؟؟
اليازيه:تنقع المضرابه..
سلطان:لاااهب جييه السالفه..خايفين عليه ايطييييح..وما فينا عقب ع بغيييمج يالعنز..
اليازيه:اجرحتني كلمتن منك..سببت في قلبي أوجاااعي..
ظبيه:سخيييف يا سلطوون..شو بلاك استخفيت يوم شفت سلااامووووه..أحيدك عاااقل..
اليازيه:هب مغرووووم..ومفلع..وغبييييي..ومينوووون..وكل الصفات الينونيه واللتي تدل ع الينون..
سلطان:ييييييها..لا حد ايلووومني..شفت شوقيه..
ام عبدالله:صخن انتن عااده..طفرتن بالرياااال..
سلطان:أأأأأأأأه..أول مرة حد ايحس فيني وعرف انه هااييلا البط طفرنبي..
ظبيه واليازيه:لاااا واااااللله؟؟؟
ووصلوا صوب المطاعم وتشرن الهن أكل ..وخذ سلطان بيتزا للبنات..وحسب احساب موزة ومهره ومهووي..وسوا تلفووون لموزة اخته..عسب ايخبرهم مااا يسوون عشا انه بييبلهم عشا..وخلاف مر ع مطعم شعبي ..وطلب عشااا كاامل..لهله ولقوووم بو منصوور..

. . . . . .

شط الحشا من شطبه والقلب مني صوبه ...
وخلي مريح ولا درى لي حلبـــي ماحلبه ...
حل بحشايه ياملا حب الحبيب وامتـــــلى ...
والقلب دونه ماسلى شط الفواد وعذبــه...

أبوظبي موول..
الساعه تسع ونص..
الكووفي..

ذياب ومبارك وسيف..قااعدين ووياهم اربيعهم علي..اللي هو ربيع سيف الرووح بالروووح..وشوي ايدق تلفوون مبارك..ويرد..وكان سعييد..
مبارك:حييييييييييبه بوووو عسكوور..
سعيد:مرحباااااا بو حمد ؟؟شحااالكم وشو هباااتكم؟؟
مبارك:امممرة ما نشكي بااااس غير فرقاااااااكم..وعلوووومك؟
سعيد:والله مااشي اعلوووم..وينك انته اللحينه..
مبارك:في بوظبي موول ..أنا وذياب ومخاوينا سيف وعلي ربيعه..
سعيد:سلم سلم علييهم..
مبارك:سعيد بن سهييل ايسلم علييكم..
الكل:الله يسلمه..ردله السلام..
مبارك:هم بعد ايسلموون عليييك..
سعيد:الله يسلمهم ويسلمك..شو بلاك غالق التلفوون..انته احمد ربك حد معبرنك ومسوييلك تلفوون..
مبارك:ههههههه..ويااويهك يالثوور..يااخي هاي طلعتلي الضغط..الا وبغت اترمسني..وانا ماا فيني علييها..
سعيد:ليش سوريه؟؟؟هههههههههههههه..ولا انت خلاص تعقدت من السوريات..
مبارك:ويااويهك..لا هب سوريه..بس أنا اعتزلت المهنه..
سعيد:بل بل بل من متى هالرمسه...؟
مبارك:اممم..ماادري والله..خليناها لأصحابها..انته وذيابووه وسيف وعبيد وحمييد..الا صح اعلوومه عبيد..وينه الريااال اممرة ما نعرف أخبااره؟؟
سعيد:توني الا مرمسنه ويتخبرني عنك..ترااه غير بطاقته.. ابطاقته الأوليه ضااعت..وعطيته رقمك أنا..
مبارك:هيييه عيل سوويت خير..
سعيد:أسمّع..
مبارك:هااه كلي اذانن صاغيتن..
سعيد:بتسير له تل السااد يوم الأربعا دراجات..ويوم الخميس سياايير..
مبارك:هيه..تونا كنا نرمس عنا..هيه بنسير لها..ماشالله الوحداويين اهنيه وكلهم معزميين ع السيرة..وانتوا..؟؟
سعيد:هيه مااايبااااله..وبيخاوينا عبيد..وحميد وحمد الخييلي..
مبارك:دااااام جيه زييين والله..حميد وينه؟؟
سعيد:عند حمد الخييلي..هيه رمسته الخيلي انته؟؟
مبارك:هيه أمساات مرمسنه..ريال والنعم فيييه والله..اشهد انه مخااوي شما..
سعيد:والنعم فيه والله.....مرحباا مرحباااا بشيخة الزين مرحباااا ملااااين..تو ما نورت سويحان في ذمتيه..
مبارك:شوو بلاك اترحب بمنوو؟؟
سعيد:هههههههه..بيدوووه شيخه توه سلطان والعنز هنتينهن ضاربين خط للعين عسب ايبوونها..
مبارك:منو العنز الهنتيين؟؟
سعيد:هههههههااي..منو غيرهن سويحرات الليل..يزووي وظبيوووه..
التزم مبااارك السكووت وماااارراااام ينطق بكلمه..............وسمع صووت اليازيه لدرجه انه نش من مكانه وخلى الربع ارووحهم..سمعها وهي اتقوول..
اليازيه:وااااايه ليش اتسبني بو سكوور"تراها ما اتحب اتقووول عسكور..سكوور أونه ولدك سمه سكووور بيطلع سكر شرات عمته"...
سعيد:ما سبيتتتج انا..انجلعي من ويهي..
اليازيه:ممممممممماااااااااااااا عندك موووووووونه..
سعيد:ذللللللفي..
وتسير اليازيه..
سعيد:أها ومتا بتيي انته؟؟
مبارك:.....................
سعيد:حووووووووووه وين سرحت بوووحمد؟؟
مبارك:هااه؟؟شو قلت؟؟
سعيد:متااااااااااا بتشرف سويحان..
مبارك:ما بطي اهنيه..بييكم قبل يووم الخميس..
سعيد:اهاااا..يلا بخلييك يابوا أكل برووح ببلع..
مبارك:ههههههه..كل زياده واحسب حسااابي..ههههههه..
سعيد:خههههيييهههييي...ولااا توووصي..
مبارك:ههههه..يلا فداعة الله..سلم ع اللي عندك..
سعيد:يووصل..الله يحفظك..
مبارك:مع السلامه..
ورد مبارك عند الربع ..بس ماا حصل لا سيف ولا علي..
مبارك"ييلس ع الكرسي":وينهم الربع؟؟
ذياب"بعد تنهيده":....أأأأاااااه....ساروا..
مبارك:شووو بلاااك ذياب..هب عاايبني اليووم..شو شاغل بااااالك..
ذياب:ماااشي..
مبارك:تدري ذياب ..انت تقدر اتقص ع العالم كله..بس أنا مستحييييييييل ومن سااابع المستحيلات انقص عليّ..قول اللي في خاطرك؟؟يمكن ترتاااح..
ذياب:............................................. ..
مبارك:ايطالع ساعته ويغني":غريب أمرك يا صاحبنا..يا أغلى من حبايبنا ..متغير علينا اليوم ..ياروحي منته عاجبنا..يا رووحي منته عااااجبنا..
ذياب:هههههههه..ولا وقمت اتغني ..
مبارك:لا اتغير الساااالفه ..قول شاللي في خااااااطرك؟؟
ذياب:ييييييييييييييييييييييهااااا..لا تزيييييييد المووااجع يابوحمد..خلنا نكتم احسن لنا..يوم انه قلبي عشق اللي ما درى بحاااالي..ولا ييت أبد على باااله..أحبه وليت بس يدري..انه دووووم افباااالي..وكم تمنيييت وصله ياابوحمد..بس الأيام جارت دوومها اتعااااند..وبنتم نصبر يا بوحمد..لين ما ربنا الي في سماااااه..يينا منه الفرج..
مبارك:اتصدق كنت حاااس انك اتحب..
ذياب:وكيف عرفت؟؟
مبارك:مااعرف..اتحب منوووووو؟؟قووووووول؟؟
ذياب:هههههههههههههااااي..خلاف بخبرك..ما فيني اللحينه أخبرك.
مبارك:كييفك..نش بنحووط اشوي..
ذياب:يلااا..
ونشوا..وتموا ايحوطون في المووول..وع الساعه 11ونص..ردوا البيت..

. . . . . . .

نسيت حتا تقول وش فيك وش صابك..يوم الألم عذب عروقي واشقاهم..
بديت ناسن على ناسك واصحابـــــــك..واتعبت نفسك تدورهم وتلقـــاهم..

يوم الأحد..
المدرسه..
في البريك..

كانن الشله المعهوودة..قاعدات يدندن..كل وحده يايه بغنيه واتغني..الين ما سكتتهن هيور..
هيور:بسس صخن وياهالأصواااااات..ايروووووووعن..
اليازيه:لالالالالا..لا اتعممين..في ذمتيه ان صووووتي احلى صووت..
ظبيه:عاده هااي اللحينه بتخق..منو بيفجنا منها..
سهيله:شو عندج هيوور؟؟ليش خليتنا نسكت..
هيور"اتظهر أوراق صغيره من مخباها":بنلعب لعبه..
ودوم:الله..شوووو من لعبه؟؟
هيور:شوووفن هالأورااق..فيها شي مكتووب..برميها أنا على الأرض..وكل اشوي ايي دوورو حده..ونقرا الكلاام المكتووب..واللي مطلووب لزوومن علييها تنفذه..ولا بتيييب سلة بااتشي لكل وحده..وبتم تشتريلنا ع حسابها يوم انكون في المدرسه لمدة أسبوووع..
اليازيه:الللللللله حلووووه اللعبه..كلها تحدي..كششششخه..وياهالراااس..والله وتطلع منه أفكاار..
هيور:ليش ع باالج رااسي مزهريه..
اليازيه:هيه وظاهر منها وردتيين..
ظبيه:وحاطينها ع مكتب ..
سهيله:وعداالها صوورة..
الكل:ههههههههههههههههههه..
ودوم:يلا بدينا بظبيه..
ظبيه:لالالالالالالا..
اليازيه:يالله عاده ظبيووه فدييتج شو بيستوي يعني؟؟
ظبيه:...اممم..خلاص يلا..
وتسحب ورقه..وتقراها..
ظبيه:مكتوب اتسلميين على بنت تختارها سهيييله..
هيور:يلااا سهييله اختاريييلج بنيه ظبيه اتسلم علييها..
سهيله:....اممم.......ام..فخور؟؟
اليازيه وودوم:هههههههههههههههااااي..
هيور:واييه رحتي وطي..
ظبيه:يعلج الوووق..مالقيتي الا هاااي..لالا..اخيخخخخخيييييي..ما دااانيها..خاقه بعمرها ونافخة رااسها ع الفااضي..
هيور:عيل ييبي سلال البااااتشي..وتشريلنا مدة أسبووع..
ظبيه:شووووووو؟؟توني أمس مطرشه ادريولنا للعين عسب اييب لكن بيتزا من بيتزاهااات وتكون طازجه..وتبن اتخسرني يالبقر..
اليازيه:خخخخ..اللي فاات ماات..واحنا عيال يووم..
ودوم:هههه..تفلسفت اليازيه..سيري سلمي عليها شو بيستوي يعني...
اليازيه:يلااا ظبيوووووه روينا الشجاعه..
هيور:خلييج شجاعه..شرات ما تشجعتي وقلتي لحميد..مرحباا يالأسود..
الكل:هههههههههههههههههههه...
ظبيه:فقدتكن يالمفلع..بسير وأمري لله..
وسارت ظبيه وسلمت ع البنت اللي كانت قاعه جبااالهن..ويوم ردت سون شلتها حشره..
الشله:ووووووووووووووووووه..
وتقعد ظبيه..
ظبيه:نذلاااااااااااااات..
هيور:هههههههه..الله يهديج..يلا دوور وودوم..
ودوم:يلا..
وتاخذ ورقه وتقراها..
ودووم:مكتووب ابووس كل وحده عرااسها..
الكل:هههههههههههههههههههه..
اليازيه:يلا نشي بووسي يدووتج يزووي..
ودوم:والله وقامت يدووه اتطلع عمرها..
ونشت ودوم اتحب كل وحده ع راااسها..
ودوم:افتكيييييت الحمدالله وانجزت المهمه..
هيور:دوور سهيله..
سهيله:امممممممممممممممممم..يلا..
وشلتلها ورقة وقرتها..
سهيله:واااااااااااااااااو..لالالالالالالالالا لا مستحييييييييل ابا ورقة ثاانيه..
هيور:شوو مكتووب؟؟لا ايكووون حق البرتقاله..خخخخخخ..
ظبيه:أي برتقااله؟؟
اليازيه:بسم الله علييج سهووله شوو فييج ركبها يني...
ودوم"تاخذ الورقه وتقرى":مكتوب اتنشين وترقصي البرتقاله واحن بنغني..هههههههههههههههههاااااااااااي..
اليازيه:ههههههههههههه..
ظبيه:ههههههههههه..يلا سهيله نشي..
سهيله:وااااايه والله انيه مانش..لو اتموووتن..
اليازيه:عييل علييج الباااتشي..
سهيله:اهئ اهئ..خمس سلاات؟؟حراااام اتكووون لكن؟؟
الكل:هههههههههههههه..
سهيله:دوووررج هيووور أم كرشه"لأنه هيور اشوي متيينه"..
هيور:هههااي.."وتشل ورقه وتقراها"..مكتووب اتقلدين الوسمي..
اليازيه:وووواااايه طلبها سهل..
سهيله:اتلاااقينها ضامتها من أول وتغش علينا..
ظبيه:لالالا ما اتسويها هيوور..انسانه مسلمه اتخاف ربها من الغش..
اليازيه:بس في الإمتحان ما تخاااف..
هيور:فقدتج يا خبلووووه..اخاف في كل زمان ومكااان..
ودووم:خلااااااااص..يلا قلدي الوسمي..
ونشت هيوور وتمت اتقاد الوسمي يوم يغني غنية مشتاق لي..وخلاف قعدت..وبقت أخر ورقه وكانت لليازيه..فقرتها..وكلهن صااخااات..
اليازيه:المكتووب..احم احم..حبيتي عشقتي..ومتي ع التراااب اللي يدووسه..وهو نفس الشي ..يحبج وزووود عن ما انتي اتحبيينه..وبعدين جفااج..هجررررج..وصار يبتعد عنج بكل المحاوولااات والطرق..وبعدين يأ عندج يطلب منج اتساامحينه ع القصوور..شو بتسوين..المطلوووب ثلاثة أبيات..اممممم...
ظبيه:هاه شوو بتقوولين له؟؟
هيور:فكري يلا في ثلاثة أبياات..
سهيله:ولا تحرمييينا من قصيدج الغاوي بنت سهيل..
ودوم:صخن حلنها اتفكر..
اليازيه:بقوله:هجرك أبد ما هز قلبي ..دااام الشمووووووخ مني وفيني..
أغليييك أدري وهاذا ذنبــــي..واللحين غلااااااااااك ما يعنيييييني..
أكرر أبد ما يـــــــهز قلبــــي..حبن ولو من مولدي مخاااااويني..
الشله:وووووووووووووووووووووه..
وتمن ايصفقن ..
ظبيه:اششششششششكر فننننننننج..
سهيله:خطييييييييييييرة في ذمتيه انج خطيييييييييرة..
هيور:فديييييت قلبج ..والله انج رهيييييبه..
ودوم:مااااافييييج حيله بنت سهيييل..اممممرة غرااام..
اليازيه:بس عااااااااده اخجلتووووووونا...
الكل:ههههههههههههههههههه..

. . . . . . .

والله إني من الوجدان حبيتــــك..وتدري بحبك ملك قلبي ووجداني..
يا منيت الروح كم قربي تمنيتك..أذرى ودادك وانتـــه حيل تذراني..

بيت بو سلطان..
الساعه تسع ونص..
يوم الإثنين..

سعيد كان ميلس عند يدووته واليازيه وخلاف ياله تلفون ونش..ويت مهره وقعدت..
أم عبدالله:وييينه أخوووج رشوود للحينه ما نش من رقااده من رد من المدرسه..
مهره:توني ياايه من عند الشيخ رااشج وما طاع اينش..طردني..
اليازيه:خخخخخ..مسكيييييينه..
أم عبدالله:زقري زقري محي الدين خليه ايوري الضو..البرد ياينا بعياله..
مهره:انزين اللحينه بزقره..
ونشت مهره ي الوقت اللي حدر سعيد البيت..
اليازيه:شوووو ذهاااب وايااب..
سعيد:ججججب..هاج هالكيس..توه دريول قوم ربيعتج..امم..مادري شسمها..المهم أخت علي يابنه وقالي حق يزوي..
اليازيه:هيييييييييه.أكيد من سهيله..قرب بو سكوور خذلك بااتشي..
وقعدوا وفجت السله وتموا ياكلون منها..وخلاف نش سعيد بعد مامزر مخبااه..وركب نيسانه وسار للعراقيب..وحدرت عليهم موزة ووياها سهيل ولدها ومها..
أم عبدالله:واااايه علني ما خلا..تعالي فدييتج مههرووويه..
وتسير مها تيلس عند يدتها..
اليازيه:وينها ظبيووه ليش مايت..
موزة:للحينه رااقده..سيري شووفيها..وشو ساالفة هالبااتشي توه دريويل قوم بو علي يايبنه وحطيتها جدام غرفة ظبيووه
اليازيه:هههه..هاااي سهيله واعدتنا به..بتيين ويااييه مهرووه..
مهره:يلا نشي..
وساارن مهره ويزووي صووب ظبيه..وحدرن على ظبيووه وهي راااقده..
اليازيه:نشششششششششششي..يااابووج أنا طفرااانه..
ظبيه:هاااه نشيت..شو تبييين؟؟
ايازيه:تعالي بنسوولف..
ظبيه:بنت خربااانه..تريني تحت اللحينه بييكن..
اليازيه:لا تبطييين بقروووه..
ظبيه:انزين ..
وظهرن من عندها ..وترينها تحت..

. . . . . .

كاملن بالجمال وكمله ربــــــه..هو مليك الفواد وغاية مرادي..
سحره اللي يتل القلب من لبه..أشهد انه سحرني زد العبـادي..

بيت بو ناصر..
الساعه 10 ونص..
الميلس..

مبارك وذياب ميلسين في الميلس وحاطين على قناة حواس يتشوفون..
مبارك:هاه بتقووول من البنت اللي اتحبها..
ذياب:هههههههههههه..
مبارك:تدري أمس ما رقدت بت أفكر منووووو خاطفة قلب ذياب ..
ذياب:يييييييييها لا تتخبر..غزااال ومحد يعادلها في جماااااالها..
مبارك:قوووول..
ذياب:تبا تعرف؟؟
مبارك:هيه..

الجزء التاســع..

كل ما ظوى ليلي طرالـي..غر جميـــل وباهي اللون..
ياللي هدب عينه ظلالــي..ينزع فوادي بحد مسنون..

وفجأه انفج الباب وحدر سييف ويا ربيعه علي..وتوايهوا وتموا يسولفون..
سيف:أأأأووووه نسيت حط حط على قناة دبي..
مبارك"ايحط على قناة دبي":ليش شوو تبا اتشووف؟؟
سيف:هاذا شسمه؟؟؟معضد الكعبي..
ذياب:تقصد نجم الخليييج..يابووك له نص ساعه مخلص..يلا استأذنكم..
ونش ذياب وطالع مبارك..وخلاف ظهر من الميلس عسب ايقوول لهم ايحطوون العشا في الميلس الثاني..قعد مبارك سرحان ..ايقوول في خاطره منووو هاللي ذياب ايحبها..
ويت دعاية داوني..وفيها اثنين دووم ايمثلوون مع بعض أونهم قطع قمااش..واللي لونه أزرق اسمه علي..والثانيه لونها وردي..أونها تزقر حبيبها ..وتقوووله علييييي.."هاي دعايه دووم اتيي على قناة دبي"..
سيف:علي علي يزقرووونكم..فز..
الكل:ههههههههههه..
علي:وياا ويهك..شكلي بغير أسمي..
مبارك:لا دخيييلك اسمك حلوو..ولا تتعقد من هالمصرقع..
سيف:أنا مصرقع يا ولد امكييييييييراااااا..؟؟؟...خخخخخخهههاي..
مبارك:ههههههههههههههه..
علي:أمكييرا؟؟شو هااي بعد؟؟
سيف:الله يسلمك هااي يدووتي ما تعرف اتقول امريكا..فتقول امكييرا..
علي:هههههههههههههههه..
مبارك:والله حرام عليينا..نتمصخر علييييها..
سيف:علني فداااااها محد شراتها..
وحدر ذياب علييهم..
ذياب:هاه بو هناد مسود الويه..تتفدى منوووو؟؟
علي:غناته اللي يرمسها تلفوون..
ذياب:لعنبووك ماا تستحي ولا تخيل تتفدى جداام الريااااييل..لالالا انته يبااالك ضرب بعيرة يييدوووه..
علي:هههههههايي..لالا مانرووم عليه ولد امكيييييييرا..
الكل:ههههههههاااي..
ذياب:هلاااااا وانته شو درااك بهااا؟؟
علي:توهم مخبريييني..
مبارك:ترااه كان يتفداها.
ذياب:أسميكم سووووواااالف..نشوا نشوا العشا يتريااكم...
ونشوا كلهم يتعشووون وياهم ناصر وحمدان..وبعد ما تعشوا..ركب مبارك سيارته وويه صوب سويحان دوون ما يخبر حد من هله..

. . . . .

يزورني دايم خـــــــــياله..حتى ولو في جــــمعة الناس..
ويفز قلبي لـــــــي طراله..واسري بشوقي بليل الغلاس..

بيت بو منصور..
الساعه 11..
حجرة ظبيه..

اليازيه:اووووه شو بلاه اتبند الكمبيووتر..؟؟
ظبيه:شو مستويبه..
واتي صووب اليازيه..
ظبيه:كان معلق؟؟
اليازيه:لا نصه واقف ونصه يالس...هههههههههههههه...
ظبيه:وياا ويهج..والحل يعني؟؟
اليازيه: مااااشي حل..الا انه نسير لبيتنا..
ظبيه:ما فيني اضرب خط لين بيتكم..
اليازيه:وااااااايه الا فرة حصااه..يلا يالعيووز...
ظبيه:يلا فكري معاااي هيوور تتريانا اللحينه..
اليازيه:كانت اتخبرني سااالفة مهمه..وايي كمبيووترج مسود الويه ويعلق وخلاف يتبند..وااالله حااله..صدقيني فييه فيرووس..
ظبيه:يمكن لييييش لا؟..يقهرني هالكمبيوتر.."وتضرب الشاشه بيدها"..
اليازيه:اييه لا تضربين الشاشه ما فينا بااجر نصبح في مخفر الشرطه..الحبيبه مشتكيه عليييج..وبعدين أنا من الناس اللي يحبون ايحافظون على حقوق الآلاااات..
ظبيه:هيه صدقتج..بس والله والله عذبني هالكمبيووتر..مااالي خص لازم ايبوون واحد يديد ..وشاشته اتكون ظعيفه شرات شاشتج..
اليازيه:انزين بيبوون لج..اللحينه خلينا انسير بيتنا..أكيد للحينه هيور ما ظهرت من المسن..
ظبيه:لقد وجدتها..
اليازيه:من هي ؟؟
ظبيه:الفكرةُ..
اليازيه:اين هي..أريد ان أسلم عليها..ههههاااي..
ظبيه:ههههههاااي..الفكره طاال عمرج انشل لاب تووب مبااارك.
اليازيه..سرحت من طرت مبارك..كانت من الخاطر مشتاقه..وطول هالفتره اللي سار هو بوظبي..كانت ما ترقد الا يوم تتخيله..""ياااااااااااااااااااااااااالله كم مشتااااقه لشوفت مبارك..مشتاقه مشتاقه حيييل..والله من سار بوظبي وأنا أحس شي ناقصني.كأني فقدت نصي..ثرك تعنيلي يا مبارك..""
اليازيه:لاااااا..اتخيلي اييي اللحينه..
ظبيه:أمسااات مرمس أمايه ايقوول يوم الخميس بيي..
اليازيه:ااامممم..دام جيه هجوووم يالقوووم..؟؟
ظبيه:يلاااا انسير حجرته..
وظهرن من حجرة ظبيووه..
اليازيه:ظبيه غديتي دبببببه..
ظبيه:هاااااااااااه؟؟؟دبببه في عييينج..."وتفج الباب مال حجرة مبارك"..يلا حدري حجرة غنااة قلبج..
اليازيه:غناة ولا محطه..ويبتعلك حمااااااااااا..
ظبيه:خخخ..حدري حدري يلا يالغبيه.
اليازيه:لالاااا..إنتي أول؟؟أفا كيف ما ايووز إني أكوون ورااج..
وتحركت ظبيه وتبتسم..وحدرت اليازيه قبلها..
اليازيه:الحمدالله والشكر..أقص علييج واتصدقيين..
ظبيه:أنا مقصه يالدباسه..
اليازيه"اتسوي عمرها استانست من سوالف ظبيه على انها واايد اتضحك"..هاهاهاااا.."واتاشر عليها بيدها"..الله يقطع سواالفج..
ظبيه:ههههههههههههههههههههه..تتمصخرين ويااا هالويه..
وتسير صوووب المكتب وتقعد علييه..
اليازيه: واايد مااخذه رااحتج الشيييخه..
ظبيه: ياالله..أخوي أخوي أخوي كيفي كيفي كيفي.."واتسوي حركه اونه ع كييفها"..
اليازيه:الغاليه أبا اتأكد من معلوومه..إنتي مهاا؟؟
ظبيه:لا..
اليازيه:كنت أحسبج مها..يلا يلا شغلييه أكيد البنيه تتريانا..
ظبيه"وتفج الاب تووب":حشرتييييينا..هاه بطلناه..
وحدرن البنات المسن..طبعن من ايميل ظبيه ..
ظبيه:لاااا واالله ولييييش ما نحدر من ايميلج؟؟
اليازيه:ياالله..ظبيوه لا اتطفريبنا..خلييينا انشوف شو سالفتها..
كانت اليازيه قاعده ع الكرسي..مال المكتب..وهالمكتب مجاااااابل الباب على طووول..وظبيه ساحبه كرسي وقاعده عدالها..اليازيه كااانت ميييته ضحك على هيووور اللي طاحت ع الدري وانكسرت ريلها..وظبيه تضرب اليازيه على انه لييش تضحك ع البنت..
اليازيه:خليني خليني أضحك..
ظبيه:حراام البنت متعوقه وانتي تضحكيين..صدق مضيعه مذهب..
اليازيه:هيه صح مضيعه المذهب..أبا اضححححك..ههههههههههههههه..ههههههه..طاحت تبا اتشوووف غنيه..بنت في قمة السخااافه..ههههههههههه..
انفج الباب بقووة..وحدر مباارك..وكان ايرمس تلفوون ويضحك..ومن شافهن..ابتسم لهن..وبند..وشاف اليازيه وهي مظهر قصتها ..وأول مرة ايشوفها لابسة كندووورة فوشييه..كااان شكلها غييييييير..احلىىى بواااايد..لأنها دووم تلبس يابني يا برتقالي وبييج..هالألوان..بس اللون الوردي والسماوي والأحمر..كانت ناادراً تلبسها..مبارك ما نطق بكلمه..وهن تمن مبهمات فييه جنهن أول مرة ايشوفنه..وكانن وااييد منصدمات من ييته..
مبارك"يعدل الوضع":...السلاام علييكم..
اليازيه وظبيه:وعليكم السلام..
نشت ظبيه ووايهت أخووها..
ظبيه:وشحاالك بوو حمد؟؟
مبارك:ما نشكي ومن صووبج؟؟
ظبيه:ايسرك الحال..
واشتغلت ظبيه رادار اتشوف نظرات اليازيه ومبارك..وفهمت كل لهفه وشوق في عيون كل وااحد منهم..لأنه هالشي كان امببببييييين ووواااااضح شراااات وضوووح الشمس..
مبارك:شحالج اليازيه؟؟
اليازيه:ابخير ونعمه..ومن صووبك..
مبارك:ماااا نشكي بااس..
ورفع وااحد من حياته يوم شافها يايه بتظهر من الحجره.."ويييييييييللللللل حاالي عليها..حد كان متوقع انيه بشووفها أول ما ايي من بووظبي.."..
ويوم ظهرت..
ظبيه:حووه بوحمد..اشوي اشوي على هالعيون الحلوااات..
مبارك:في ذمتي محد حلوو غيييرها..
ظبيه:لييييييش عيونك تتبعها؟؟
مبارك"ايلف ويهها ويطالع ظبيه":لأني أحبها..
ظبيه"حطت ايديها ع ثمها":اوووه والله واعترفت الشيخ مبااارك..تعال ما خبرتني أنته امس رمست أمايه وقلت انك اليوم بتيي..شووو اللي ياايبنك اليووم؟؟
مبارك:شوووق قلبي شلني صووبه اذا منه طرى..واتوجد يا وجودي واكتم بقلبي كسير..والله يا ظبيه انيه ما صكيت هالخط الحيوان الا عسبها وعسب اقوولها شي..
ظبيه:وشو هالشي؟؟ممكن أعرف؟؟
مبارك:لا مب ممكن.."ويلايم الباب مال الحجره وخلاف ويرد يفجه"هيه صح شفت الهنوف قبل ما اظهر وتسلم عليييكن.."ورقع الباب في ويهه ظبيه..الأسلوب عند الشباب منعدم.."..
ظبيه:أأأأأأأأأأأأأأأأأأأأأأأخ ويييهي أحترق..
وربعت ورى اليازيه ..ولقتها اشوي وبتظهر من الباب العود مال الحوي..
ظبيه:اليااااااااااازيه..
اليازيه:ووووااايه باجر بصبح وأنا ما اسمع..هاه شعندج تباااغمين ويه العنز..
ظبيه:مبااااااااااااااااارك..
اليازيه:تعالي يلا بنسييير بيتنا بنطمش..
اشوي والا مها يااايه عندهن..
مها:أبااا حلااااااووة..اهئئ اهئ اهئ اهئ..>>>عاد هااي يوم اتصيييييح..اتغث الواااحد ..
اليازيه:هههههههههههههههه؟؟والله انها سوالف..الغاليه ممكن رقم..
مها:أبااااااااااا حلاااااااااااوووووووة..
ظبيه:ماما مها رووحي العبي بعيد عنا..اليازيه اباااج في رمسه..
اليازيه:ههههههههههه..ومها ما تبااا تلعب اهنااك بعيد عنج..ههههههه..سمعي اللحينه شوو بقووولها..مهاااااااا شووووووو تبيييييييييييين..؟؟
مها"تبتسم":ابااااااااااا كاااااااااافي..
اليازيه:يلا سيري ييبي سهوولي وتعالي بيتنا وبعطيييييج كاافي وااايد واايد واايد..
مها:سهيل أمه رقدته..
اليازيه:وانتي بالله ليش ما ترقديين..ولا اونج تتعودين ع السهر..ههههاي..
ظبيه:لا والله؟أشووفج خليتي ختيه مصخره..
اليازيه:لا مصخره ولا شياااته..الله يهدييج بسسسسس..
ظبيه:سيري سيري مهووي علني فدااج دااخل..والله ودوختيلي رااسيه..
اليازيه:كم دووووخه؟؟هههههههه..
ظبيه:يزووي انتي لين متى بيتم هالمخ في نعالج..
اليازيه:تبيني أطلعه لج اللحينه من النعال..
ظبيه:هيه يلا..
اليازيه"تتمصخر":أأأأوووه..هب لابسه نعاالي..خخخخخخاهههههااااااي..والله والله ظبيوووه أبا اضحك..يلا انا بسير عند يدووه بسوولف عندها..ورمستج بااجر باااجر قوووليييها..
ظبيه:فقققدتج..مع السلااااامه..ما تبيني أوصلج؟
اليازيه:لا مشكووورة ظبيوووه الخرييييش..
ظبيه:اللحينه أنا الخرييش..وانتي؟؟
اليازيه:العقووله>>العاقله..
ظبيه:هههه..
اليازيه:ما يضحك..هههخخخخااااهههههههي..
ظبيه:الحمدالله والشكر ينت البنيه..
اليازيه:يلا ع مستشفى الميانين..ههههههههههااهاهاهاااايي..مع السلاامه مع السلاااامه..ههههههه..والله فيني ضحكه غريبه عجيبه..
ظبيه:باااي..أخاف أنا الثانيه استخخخف..
اليازيه:ليش قالولج مريضه بمرض معدي..هههههههااااااااي..بااي..
ظبيه:مع السلامه يلا مهووي..
وسارت اليازيه بيتهم..ومالقت حد في الحووي ..حدرت البيت وشافت راشد وسلطان قاعدين ويطالعون مباراة..
اليازيه:السلااام عليييكم..
سلطان وراشد:..............................."مندمجين"...
حوووه...ردوووا السلااام يا خلق الله..
سلطان وراشد:وعليكم السلام..
اليازيه:مباراة منووو هااي..؟؟
سلطان وراشد:............................................ >>طاااف.
اليازيه:مااالت علييكم ما تنفعوون..
وسارت من عندهم وهي اتدندن..
اليازيه:هي خلاصة حبي وشجووني..وانته دووم الكوكب العااالي..
بس لا تغدر ولا تخوني..العرب ما تورد اللاااااااااالي..العرب ما تورد اللااالي..
وصلت الصاله اللي فوق..وشافت مهره اختها قاعده..
مهره:هللللللاااااا اليازيه..
اليازيه:هلااااا فيييييييييييج.شحالللللج مهروووووه العننننننز..
مهره:عنز في عينج سوودا الويه..يلا يلا بنت سهيل روينا الرقص ...
اليازيه:الله سووود العيووون..
وتمت اليازيه ترقص وحالتها لله..وخلاف سارن يرقدن..

. . . . .

تقول القلب كيف انهيه عنـك..يعاندني ولا يرتااااح دوونــــك..
جتيل الحب واشواقي دعنـك..وأموت ان صار مغلق تيلفونك..

بيت بو حميد...
الساعه 12..
حجرة حميد..

كان حميد منسدح فوق الشبريه..وقابض الريموت ويقلب من قناة لقناة..فز يوم سمع تلفونه ايدق..أكييييد محد غييييرها ..شل تلفونه وعلى طوول رد..ضما الخافق يتصل بك..
عليا:ألوو مرحباا..
حميد:مرحباااااااااااااا ملااااااييييين ولا يسدن في ذمتيه..شحالج غناتيه؟؟
عليا:أنا بخير ومن صوبك؟؟
حميد:مااا نشكي باااس..وينج انتي..تدرين أنيه كنت بمووت..تلفونج ألف مرة قلت لج لا تغلقينه..حطيه ع الصاامت بس لا تغلقينه..
عليا:الأخ مطرش مسجات وأنا قاعده عند خالي وأمايه..قريت المسج وعلى طووول بندت التلفوون..شو تبا تفضحني انت..
حميد:انزين تلفوونج لا تغلقييينه..
عليا:أأأأأأااه....خلاص انزين ما بغلقه..وعلوومك انت ؟؟لا يكوون سرت سويحان اليوم..؟
حميد:لااا اليوووم ما سرت سويحان..
عليا:وين سرت عيل..أحيدك الا مطيح عند عمومتك..
حميد:انزين خلاص..سرت الرماااح..
عليا:هاااه ومن عندك في الرماااح..عايشه ولا فاطمه..؟؟
حميد:عليوووه احترمي الفاااظج..عاد قلت أحبج وأمووت علييج لا اتزودينها..مالها دااعي هالغيييرة كلها..شو ع بااالج اني بكوون خااين..
عليا:اثبتلي..
حميد:شو اثبتلج..
عليا:أي شييييي..ع الأقل اثبتلي انك اتحبني..
حميد:عليا انتي شو اللي في خاااطرج؟؟..
عليا:اللي في خااطريه ابا اعرف منووووو هاااااااي ظبييييييييه؟؟
حميد:ظبيه؟؟؟؟!!!!؟؟؟!!وإنتي شوو درااج عنها؟؟منو اللي مخبرنج؟؟؟
عليا:شفتها مرة عندكم..والحلااه اللي فيها هب اشوي..ملكة جماال..افتكينا من اليازيه بنت عمك اتيينا بنت عمتك..ما شفت الخيير لا من عمك ولا من عمتك..عندهم بنات ايعقن الطير من السمااا..
حميد"معصب ع الأخير":عليوووووووووووووووووووووه..جججججب ولا كللللمه..أشووفج دخلتي في العايله..تدرين هن أشرف منج..وثااني شي لا تتدخلين لا في عمي ولا في عمتي..مستوااج ايقل عنهم بواايد انج ترمسيين عنهم.. عليا اذا بتميين جييه..غيرة وما غييرة..سمحيلي هالحب اللي ايعور الرااس انا مااابااه..
عليا:..................."اتصييح".................. .......
حميد:اتصيحين؟؟
عليا:هيه أصييح..عيل تبااني أضحك وأنا اشووف حبيبي متغير علييي..حمييد انت لييش استوييت جيه..جاااااسي..ما تقهر الرمسه..
حميد:هيه ما اقهرها هالرمسه دام انها يايه ع عمومتيه..شو تبيين اللحينه..
عليا:....................حميد..
حميد:هاه اسمعج.
عليا:سوووري والله والله ماا اعيييدها مرة ثاانيه..
حميد:........................
عليا"وبدلع":حميييد..ما اهوون عليييك..
حميد:خلاص انزين..
عليا:قوول سالفة ظبيه..والله والله ما بقوول شي ..بس فضووول..
حميد:انزين..بس شرط اتقوليين من اللي قالج عن ظبيه..؟؟
عليا:اووكيك..
حميد:طال عمرج..هاي ظبيووه بنت عمتيه..ربيعة اليازيه الرووح بالرووح..اتمووت علي شي اسمه حميييد..من ايي صوبهم ترتبش البنيه..وطبعن هالشي من كانت في الإعداديه..وأنا استغلييت هالشي..وبديت العب علييها..وامثل علييها اني أحبها..وخلاف بديت اتعلق بها..او قولي اني استويت اهتم بها..بس من عرفتتج..خلاص ودرتها..لأني لقيت الحب عندج..رديتلها كل رسايلها وهداياها..وقلت لها الفراااق احسن..ومن هااك اليوم وما بينا الا السلاام..خلاص ارتحتي..ريحتي هالفواد الغيوور..؟؟؟؟
عليا:هيه خاص ارتحت...واللي خبرتني هي سلامه اختك..
حميد:هيييييييه..
عليا:يلا بسير برقد..بااجر مدارس..
حميد:انزين وانتي ظاهره من المدرسه بااجر بييج..
عليا:يستوي خير..
حميد:تامرين بشي؟؟
عليا:لا حياتي تسلم..يلا فداااعة الله..
حميد:الله يحفظج..
وبندت عليا..وتنهد حميد..
"أنا شووو اللي يخليني أحب وحده شرات عليووه..مع إني متأكد إنها ما ترمس حد غييري..بس شو اللي يجذبني لها..يمكن لأنها تفهم باللي يدوور في بالي..وتفهمني أكثر عن أي حد غيري..فديييتها محد شراتها.."
؟؟!؟!؟!>>>>>مستغربه منه وااااااايد..

. . . . .

رفقه عليك تقـــول لي تم ..وتقـــول حاضر يا غناتي ..
عود تراني حـــــيل مغرم ..مشــتاق شوفك يا شفاتي ..

العراقيب..
الساعه 12ونص..

في هالوقت كان سعيد يالس في هالعراقيب..ومثل ما تدروون مستحيل ايمر يوم وسعيد ماا ييلس في هالعرااقيب..كان قاعد ع الأرض..ويشل..ويعاني من هالبعاااد اللي بينه وبين ميثا.."ياااااااااااااااااااااااالله كم أحبها البنيه..ما رووم أعيييش بلاها"..سعيد حياته موته..بس بشوفت ميثا..أكثر انسااانه ايحبها..في هالوقت دق تلفونه..بوحمد يتصل بك..خذ التلفون اللي مخيس تراب..
سعيد:مرحباا ملااااييين..
مبارك:مرحبااابك زوود..شحاله بو عسكور؟؟
سعيد:ايسرك حاااله الا عوووق القلب ماله شفا يا بوحمد..وينك؟؟
مبارك:الا اهنيه احووط في هالعراقيب ادوّرك..
سعيد"اينش يمكن ايشوف ليتات سيارته":هيه هيه شفتك..جدم جدم بعدك..
مبارك:يلا االلحينه ياينك..
سعيد:اتريااك..
وبندوا التفلون..وشوي ايي مبارك..ويسوي عمره اونه بيدعم سعيد..
سعيد:عاد قلنا فليل بس لا اتسوي عمرك ما تشوووف..يالثوور..
مبارك"يظهر من سيارته ويرقع الباب بقوو":الثثثور انت..
ويتوايهون..
سعيد:مرحبا ..يابووك كسرت الباب..
مبارك:انزين انت وش دخلك؟؟سيارتي ولا سيارتك؟؟
سعيد:لا بس ارفق بحالها..دووم اتيني تشكي..كسرت خاطريه..
مبارك:هههههههههه.."ويطالع السيارة ويفسخ نعاله ويرميها اونه يضربها"..اتخونين من ورايه..تربعين ورا سعيد..يا خسارة الأيام اللي عشتها ويااج..مسودة الويه..
سعيد:هد هد يا بوحمد..تفاهم ويا حرمتك في البيت..
مبارك:شووو تباني ادخل هالخامه في بيتي..بتبطيييييي..انتي طالق..
سعيد:استهد بالله ياريال وحط الرحمن في صدرك..انتوا بينكم عياال..
مبارك:هههههههههههههههههههههههههههههاااااااي...وياا ا ويهك..
سعيد:شو تباني اسوي لقيت حد يتغيرم ويااي..قلنا يلااا..والله تو ما نروت سويحان..وين سرت انت وويهك..خليتني اجابل هالشواب..منصور وسلطان..قذذذا ويا سوالفهم..ولا سوالف الثلاثي المرح..أمايه ويدوه وعموه عايشه..والله والله انهن طمااااااااشه..أقعد اتمصخخخر علييهن من الخاطر..
مبارك:شووو نسوي عاده..والله هاه ذياب اممممرة ما نرووم انقوول له لأ..وهناك والله كششخه..علي وسيف وحمد ولد عمي..حششرة سوووالف..
سعيد:بس بدووني أكيد ما استانستوا هاايج الوناسه الحقيقيه..
مبارك:جب جب علمك حميد الخقه..
سعيد:لااااااا..استلفتها بااجر بردها ..
مبارك:ههههههههههههه..
سعيد:............................... ."يطالع جدامها وفي عيونه لمعه غريبه"..
مبارك:بلاااك مستهم بوو عسكوور..ما تعودنا عليك جييه؟؟
سعيد:المحبه عذبت هالقلب يااا بو حمد..
مبارك:اوووووه..ياهالمحبه الللي عذبت القلووب..والله لتشوفني ابخير ونعمه..بلااا هالقلب اللي استصاب من دمااني..
سعيد:وانت بعد؟؟؟عز الله متنا يا بوحمد..
مبارك:ان ما كنا أموااات اللحينه..شل شل لنا ذييج الشله..اللي تشفي العوق..مع اني أظن ماشي يشفي هالعووق..
سعيد:غييير شوووفت المحبوب..
مبارك:ما غلطت يا بن سهييل..يلا..
ويشغل التسجيل..اللي في تيلفونه..
مبارك:ومعكم اعزائي المستمعين سعيد الــ......ي..
سعيد:احم احم..
والله إني من الوجدان حبيتك..وتدري بحبك ملك قلبي ووجداني..
يا منيت الروح كم قربي تمنيتك..أذرى ودادك وانته حيل تذراني..
أحب شخصك إذا حبيتك أوفيتك..من حيث قلبك مثل ما أهواك تهواني..
أهلاً هلا بك هلا والله حييتك..ضاعت بشوفك أحاسيسي وبرهاني..
اشوف طيفك اذا برقت ما ريتك..وأرجع حبيبي لشوفك كم ضرياني..
أتخيلك في عيوني شخص لاقيتك..أفرح ولكن غير الطيف ماياني..
أغلط باسمك اذا تحذرت سميتك..يا حبي اللي باسمك يغلط السااني..
أسرابي الشووق يا وصلن ترجيتك..ضامي بوادي هواكم لا تناساني..
والله إني من الوجدان حبيتك..وتدري بحبك ملك قلبي ووجداني..
وسوااااالم..
مبارك:تسلم بو عسكووور..أشهد انك ما فيييك حييييله..
سعيد:الله يسلمك با بوحمد ويسلم غااليك..
مبارك:يلا سعيد سرينا نرقد..
سعيد:وعلى شووورك..
ونشوا وكلن ركب سيارته..
مبارك:هههههههه..مالي غنى عنها حرمتيه..
سعيد:أقوولك بينكم عيااال..
مبارك:ههههههه..يلا يلا..

. . . .

>>>>>يتبع..

سود الهــــدب وادعاجي اناجي..حلو الصبا مزيون..
شوفه لذيــذ اعلاااجي للشااجي..والمعضلات تهون..

بيت بو سلطان..
الساعه 3ونص..
الصاله..

في هالوقت حدر سعيد على أمه وراشد اللي كانوا ميلسين ..وراشد حاشر أمه..
أم سلطان:يا رااشد الله يهديك صخ اشوي..فريت رااسي..
راشد:ابااااا الغدااا.انا ما اقهر اليوووع..
سعيد:السلااام علييييييييكم..
ووخى على أمه وباسها ع رااسها..ورمى الكتب عداله..
راشد وأم سلطان:وعلييك السلام..
أم سلطان:مرحبا مرحبااا هلا والله بغناتيه..
سعيد:مرحبااابج زوود يا عيوني وحياتي وقلبي و...ووو..وكل شي وكل شي...والله أمايه أحببببج..
أم سلطان:علني فدااك يا بو عسكوور محد شراتك..
راشد:ايوااا انتي دلعي الكبير وخلي الصغير ماله رب..لي ساعه اصايح أبا غدا ومحد مسويلي سالفه..
ويفج سعيد السفره ويمرر ايده بين شعره..وياخذ السفره ويرميها في ويه راشد..ويحط راسه فوق ريوول أمه..
راشد:يا الثووووووووور..
سعيد:مامامامااما..سوفيه سوفيه ايثبني..
أم سلطان:ياااالله جنكم يهاااال..
راشد:أبااااااااا غدااا..
سعيد:شو بلاااك اتباغم..اتذكرني بالمصريات اللي في التلفزيوون..
راشد:من زيينك انته اتذكرني في اليسا..ههههههههاااااااي
سعيد:هههههههههاااي..وما لقيت الا اليسا..أكرهااااااااا..
راشد:هههههه..امايه شورايج نخطب أليسا لسعيد..وبعد سنتين العرس..
أم سلطان:ويدي ومنوو هااي سيلا...شو تباني أخطب البشاكير لولديه ..لا علني فداااك..
راشد:بشكاره؟؟؟هههههههههههههههههههههه..لا يامايه هااي مغنيه..
أم سلطان:غنا الأبليس وياها وشلها..
سعيد:ما علييج منه هالثور يامايه..وقوليلي سلطوون وينه..؟؟
أم سلطان:منو هاه سلطون؟؟قل سلطان..
سعيد"انسان سياسي":أفاااا علييج..وينه الشيخ سلطان؟؟
أم سلطان:علني ما خلا منه..سار يتسبح واللحينه بيي..
سعيد:اهاااااااااا..
وشوي الا مهره واليازيه يايات..
مهره واليازيه:السلاام عليكم..
الكل:وعليييييكم السلااام..
راشد:هاه ين السويحرات...يلا اباا الغداااا..
مهره:شو مشكلته ؟؟
اليازيه:مضيع اليواااااااز..ههههههههه..
ويسيرن صووب أمهن..ويبوسنها على رااسها..
أم سلطان:شحالكن بناتي؟؟
مهره واليازيه:ماا نشكي بااس..ومن صوبج؟؟
أم سلطان:بخير يعلكن الخير سيرن بدلن..الين ما ينجبون الغدا..
اليازيه ومهره:انشاالله...
راشد:منو محفظكن الرمسه..اتقولنها مع بعض..
سعيد:أمس ما رقدن...باتن الا يحفظن في الرمسه..
اليازيه:تتمصخرووون؟؟تيمون وبومبا..
راشد:عيااالج..
سعيد:اننننننننننقلللللعي..وشلي كتبي ويااج حطيهن في الحجره وشغلي المكيف ..وخلاف بندي الباااب..يلااا بسررررعه..
اليازيه:شو بشكارتك اليديده..؟؟
راشد:لا للحين ما غيرها..هههههههههههاااااااي..أبااا غداااااا..
اليازيه:صخ صخ يالبيبي.."وتقلده"اباااا غدااااا..
سعيد:يلاااا انقفضي..
أم سلطان:يلا يزووي طيعي رمسة خووج يالمقوي..
اليازيه:أااخ ويهي احترق..
راشد:اتغشي اتغشي بسسرعه..
سعيد:ههههههه..وانتبهي لكتبي لا اتسميمنها..
اليازيه"اتشل الكتب":مااالت علييك..
سعيد:شووووووو؟؟
اليازيه:ماشي مااشي..
وسارت اليازيه..وبعد ما غيرن ..يا سلطان وتغدوا كلهم ربااعه..

. . . . .

من يحس بلوعتي ووجدي ودموعي ... ويدري حجم النار اللي تسكن ضلوعي
رغم هاذا انا معلن لك خضــــــوعي .... عذابـــــــي انت وسبـــــــة جــــروحي

بيت بوناصر..
الساعه 5ونص..
الحوي..

كانت الهنوف توها حادرة الحوي..وماشافت الا امها..
الهنوف:السلااام عليييج ناعمه..
أم ناصر:وعلييج السلاام ..هاه علمج انتي الثانيه أخووج..
الهنوف"اتبوس أمها ع رااسها":امممموااااح.."وتقعد"..أي واحد منهم؟؟وشو علمني؟
أم ناصر:علمج ما اتقولين أمايه..تزقريني جيه حاافي..
الهنوف"توها استوعبت":اهاااا..يوم أقوولج ناعمه..يالناعمه انتي..
أم ناصر:شو لاعبه ويااج بالشارع أنا؟؟سوودا الويه..
الهنوف:والله يامايه إنيه أمزح ويااج وما أقصد شي.."وتصبلها فنيان شاي"..الا وينهم القووم؟؟..امممرة ما شووفهم اهنيه..
أم ناصر:أبوج وحمدان ساروا للعزبه..وذياب مسود الويه وسيف ساروا صوب ربايعهم..وناصر علني ما خلا منه..سار دبي..
الهنوف:ييييها..واحن اللي ميلسات اهنيه..اسميه حالنا مووول ما بيتغير..نحمي هالبيووت..وانتي يامايه ما بتسيرين لج بقعه..
أم ناصر:اللحينه بتييني أم علي..وبنسيّر ع حرمات الحارة..دقي لفطووم خليها اتيي ويا أمها..
الهنوف"اتنش":هيه والله بخليها اتيي..امبوني ملانه..
وحدرت البيت وقعدت ع الكنبه..وحطت التلفون فوقها..ودقت الأرقام..
الهنوف:ال..السلام عليكم..اا..وين فاطمه؟؟..اووكيك..
تريت الهنوف دقايق الين ما تي فاطمه..
فاطمه:هلاااا الهنوف..
الهنوف:هلاا فيج..شحالج ؟؟
فاطمه:بخير ونعمه..وعلوومج انتي؟؟
الهنوف:ماا نشكي باااس..
فاطمه:ويييينج اترييتج ع المسن ولا حدرتي شعندج اليووم ما حدرتي..
الهنوف:والله ما فيني ع النت..عففففته..أقوولج رقدت واللحينه نشيت..
فاطمه:اهااااااااااااا شي طيب..وتطورتي الهنوف استويتي اتعافين النت..
الهنوف:هيه والله واتطورت..اربع وعشرين سااعه مجابلتنه شو اللي ابغيه منه..تعالي أمج بتيي..ليش ما تين وياااها؟؟
فاطمه:تدرين انا مقهووورة من هالأخ علي"علي هو ربيع سيف أخو الهنوف"..
الهنوف:أفاا وليش مقهوورة؟؟شوو سوااالج؟؟
فاطمه: قالي حدري المطبخ وسويلي شااي ..مع انه القهوة والفواله مكودة في الصاله بس اونه ما يبغي شاي بالهيل..يبغي شااي عادي..وقمت وسويتله دله كامله..جان ايقولي اللحينه بظهر ويا سيف..اللي هو أخووج..عطييته نظرة من الخاطر..ونزلت صووب كريم الدريول قلت له يا كريم اليوم أنا استويت طيبه و سويتلك هالدله ..
الهنوف:هههههههههههههههههههههه..والله انج سوالف ويااا اخووج..هو اللي رد علي صح؟؟
فاطمه:هيه..
الهنوف:انزين يلا تعالي..والله والله طفرانه..
فاطمه:حدري المسن..
الهنوف:ماااااااااارييييييد..
فاطمه:أكيد شي سبب..
الهنوف:ما بقولج لا..بس في سبب..
فاطمه:شووو...؟؟
الهنوف:اخويه سيف أمس هزبني هزب محتتتترم..تم ايقولي حياتج كلها ع النت..ونت ما نت وحشرني حشرة..قلت أحسن اريحه واريح عمري..
فاطمه:انزين وهو ليش محتشششر؟؟
الهنوف:لأني في هالويكند اللي فات..قلت لأمايه ان عيوناتي واااايد يعوّرني..فقالت خلي سيف ما ورااه شغله هو اللي يوديج المستشفى ايشووف شو فييج؟؟ووداني الأخ الكريم..وقالولي عندها ظعف نظر..وكله من هالشاشه ومن هالكتب..وطبعاً الشيخ سيف من الله يبا يقبض شي علي..وعاد يوم درى أبوي وهو ناصر سووولي حفله..ولاا ذيووب وحمدوون..يضحكوون علي..
فاطمه:ههههههههههههه..يعني انتي اللحينه عميه..
الهنوف:لالالا..بسم الله علي..هاه فطووم بتييين؟؟
فاطمه:امممم..بشووف على حسب الأوضااع..إذا بيي بسويلج تلفوون..
الهنوف:اووكي بس لا تبطين علي..يلا مع السلامه..
فاطمه:الله يحفظج..
وبندت الهنوف..وراحت للمطبخ..

. . . . .

احبك لو بغيت أنساك ماقدر ..احبك لا تسال القلب و اصبر ..
احبك من زمن يوم الطفولة ..و يوم الوقت أحلام و تصور..

بيت بوحميد..
الساعه 7..
الصاله..

في هالوقت كانت سلامه يالسه ويا حرمت أبوها...وهادف راقد ع ريوول أمه..وشوي يسمعون حميد يالس يغني..
حميد:السلاااام عليييكم..
الكل:وعليكم السلااام..
حميد:اسمعن ترى عشا الشبااب عندنا..سون هااك العشاا اللي يسلم ع الفوااد..
أم هادف:أفااا علييك يا حمييد لا تووصي..
حميد:يلا تاامرون بشي..
أم هادف:سلامتك..
طالع سلامه وظهر من البيت..ونشت أم هادف وزقرت البشكارة عسب اتودي هادف حجرته..وخلاف هي سارت الحجره..تمت سلامه اتطالع التفلزيوون ..الا ويوصلها مسج..وفجته وتمت تقرا..
" الله يا كم أحبك وأغليك..
وغلاك في قلبي تعدى حياتي ..
وشلون ماأحبك وأنا ميت فيك..
وأموت في حبك ولو هو مماتي ..
أسمع حبيبي عسى الله يخليك..
ان مت حبي لك ترا هو وصاتي.."
كان هالمسج واصل من سلطان..وقبل ما يدق على طوول هي طرشتله مسج..
" لو يموت الشوق بقلوب البشر..
مايموت بخافقي شوقي عليك..
خذ مسافه يوم اسبوع وشهر..
واعرف اني طول عمري مشتريك..
بيننا الايام واحكام الظروف..
وراح تعرف وش كثر قلبي يبيك.."
وأول ما وصلها التقرير..على طوول دق التلفون..وردت..
سلطان:مرحبااااااااااااااا ملااااااايييييين..
سلامه:مرحباابك زوود..
سلطان:شحالج غناتيه؟؟
سلامه:ابخير ربي يسلمك..وشحالك انته.؟؟
سلطان:يسرج الحااال..بس مشتاااااااق واااااااايد..
سلامه"اتغير السالفه":وين انت؟؟
سلطان:يلي كل ما قلت وين انت..حتا السؤال ايقول وين الإجابه..
سلامه:ههههههههه..أقصد ويين دااارك..في أي بقعه..؟؟
سلطان:أدري بس أستهبل..
سلامه:هاه علمووك الخباال ولا بعدهم؟؟
سلطان:أمممم..تقدرين اتقوليين أثروا علي اشوي..فدييتج انا في العين..
سلامه:اووه يعني انت هنيه..
سلطان:هيه اهنييه..بس ماا ااقدر اييج..غثيتكم كل يوم والثاني طاب بيتكم..
سلامه:شووو هالرمسه بوميييد..البيت بيتك..وما ينور الا بووجودك..
سلطان:علني فدااج غناتيه..اها وشي امتحان بااجر..
سلامه:لا ..ما اتشوفني مستانسه..
سلطان:أها وشو خاطرج تاكليين؟؟
سلامه:امممم..توني ماكله ورق عنب..
سلطان:مااالي خص ..لا ترديني..يلا شوو في خاطرج؟؟
سلامه:امممم..أقوولك ماله داعي اتكلف عمرك..
سلطان"وبجديه":سلامه..
سلامه:هااااااه؟؟والله سلطان مالي نفس آكل شي..
سلطان:يلا بسرعه الهندي له سااعه وااقف..
سلامه:أي مطعم اموقف انته اللحينه..
سلطان:بييتزا هاات..
سلامه:اووكيك..يبلي..امممم..بيتزا ع ذووقك..
سلطان:ما تبين شي ثااني؟؟
سلامه:لا الشيخ سلامتك..
طلب سلطان وتم ايرمس سلامه..وخلاف قالها تخلي البشكارة تظهر عسب يعطيها البيتزا..ورد هو سويحان...

. . . . .

أنساك كلمه مالها أيّة وجود بمرجعي..والقلب لامنّه نوى غيـــــــرك حبيبي بامنعه
تنتابني ذكراك ما بين الوعي واللاوعي..ما كنّك الاّ بحر حلمي والمشاعر الأشرعه
بيت بو سلطان..
الساعه 8ونص..
الحوي..

اليازيه وأم سلطان ومهره ويدوتهن شيخه"أم عبدالله"..قاعدات في الحوي وجدامهن الفواله..يتفوالن ويسولفن..
اليازيه:أماايه بااجر بغييب...
أم سلطان"تشربلها قهوه":حلم بليس في الجنه..
اليازيه:ياامااايه والله حراام علييج عفت الدراسه..خليني أغيب هالأسبووع..
مهره:لاا والله اسبووع كامل.بتفوتج الدراسه وبترسبين يالشيخه اليازيه..
اليازيه:صخي انتي لا اتسمعينهن الرمسه هااي..مادري من وين مظوتنها.
أم سلطان:لالا ..صح كلامها مهره..بعدين شو الفايده يوم اتفووتج الدرووس..
أم عبدالله:وجانج عايفة الدراسه يا بنت سهيل...عرسي..
اليازيه:وانتوا يعني عندكن البنيه اللي ما تبا الدراسه اتعرس..مب شرط..
أم سلطان:ياليازيه..ترى عمج عبدالله موصي سلطان ايخبرني....انهم كل ما يوهم عرب يبونج لولدهم ردووهم عسب هالدراسة ..ومن تخلصين هالمدرسه..الثنويه..بيخبروونج ان فلان بن فلان يبغييج ..تبغينه ولا لا؟؟وهالرمسه وصلتج واللي علي سويته..
اليازيه:ردووهم هاااييلا اللي بيووني حتى من بعد ما اخلص الثنويه..
أم عبدالله:ويدي وشله انردهم دون ما نشاورج..جاد واحد ولد جبايل وما ينعاب..بتوافقين عليه..
اليازيه:لا حووول..خلاص انزين سدووا الموضوع..
وحدرت علييهن أم منصوور..
أم منصور:السلاام علييكن..
الكل:وعلييج السلاام..
أم سلطان:حيالله من يانا ولفانا..
أم منصور:الله يحيييج..ويبجيييج ياام سلطان..
وتحط الحراره اللي عندها ع الأرض..وتوايه أمها وخلاف اتبوسها ع رااسها..وتوايه أم سلطان والبنات..مهره واليازيه..وخلاف تقعد مكان اليازيه..اللي هو عدال أم عبدالله..
أم عبدالله:وشحالج يا عوييش؟؟وشحال عيالج؟؟
أم منصور:بخير يامايه ما نشكي بااس..وشحالج انتي عساج طيبه؟؟
أم عبدالله:لالالا الحمدالله ما بنا الا كل خير..
أم منصور:وشحالج يا حصه عساج بخير..؟؟
ام سلطان:بخير علني فدااج وشحالج انتي؟؟وشحالهم عيالج؟؟
أم منصور:بخير علني ما خلا منج..وشحالج يزووي؟؟؟
اليازيه:بخير يعلج الخير..وشحالج انتي؟؟
أم منصور:يسرج الحال علني فدااج..وشحالج مهره..عساج بخير..
مهره:بخير علني ما خلا منج..ومن صووبج؟؟
أم منصور:ما نشكي بااس..
أم عبدالله:ووينها موزة بنت سهيل..غدت ما تيي اهنيه؟؟
أم منصور:اللحينه بتيي علني فداج..الاا منصور اللحينه بيظهر ومن يظهر بتييب ظبيوه سودا الويه وبين..
اليازيه:هههههههههه..يسبوونها ظبيه وااحليلها..
وشوي يت موزة وميودة سهيل..وظبيه وميودة مها..وبعد ما سلمن وسألن عن الحال..
أم عبدالله:ويدي مهووي وشله ما تسلمين على يدووتج؟
أم منصور:والله انها غثتني يامايه..اربع وعشرين ساعه اتصييح..
أم سلطان:جااد فيها شي يا خويتي..وديها عند الدختر..
أم منصور:بزى بنات علني فدااج..
أم عبدالله:وااقع الا ظوت اليهده..ربيعيبها عند الدختر..
وتي مها صوب يدوتها وتيلس في ثبانها..
ظبيه:طالعوا شقايل تتدلع علي يدووه..مبزاايه..
اليازيه:هاه هاه أنا اغير ما بغي حد ييلس عند يدوووه..
وسهيل رايح راد عندهم..وخلاف شرد وظهر الشارع..
موزة:ويل حاالي من هالولد..سلييييمه..سلييييمه..يتكم هي البشكاره؟؟قلت لها اتسير بيتكم؟؟
اليازيه:شفتيها مهرووه؟؟
مهره:منو هي؟؟
ظبيه:هههههههههه..مب في عالمنا الأخت..وين هالمخ؟؟
مهره:وييا وييهج..والله ما سمعتها زين..
موزه:شفتيها هي بشكارتيه ؟؟
مهره:هيه يت ..في المطبخ هي اللحينه..
موزة:وااايه التراب وليش ما تيي..مسودة الويه.."وتصايح"..سليييييييمه..
سليمه"يايه تربع":هاه هاه مااما سو فييه؟؟
موزة:سهيل مسود الويه ظهر الشارع..ربعي يبيه..
سليمه:زين زين..
أم منصور:لا بركة الله فيهن من بشاكير....ساعه الين يتوايبن..
وتمن الحرمات ايسولفن..ونشن البنات وحدرن الصاله وقعدن..
ظبيه:تدرين يزووي باجر علينا امتحان عربي..
اليازيه:قوولي والله؟؟ذاكرتي؟؟
ظبيه:لا للحينه ما ذاكرت..بس تدرين ماااريد أمتحن..
تنش مهره..
ظبيه:وين بتسيرين؟؟
مهره:بييب شي ناكله..
اليازيه:هيه والله اتسوين خير..
وتسير مهره..
ظبيه:وانتي لييش ما تسيرين؟؟؟
اليازيه:هي الصغيرة ..وأنا انسانه متعايزة ما فيني أنش..انزين ظبيووه ليش ما بتمتحينين..
ظبيه:والله هب فاايجه أفج الكتاب وأحفظ.وانتي بتذاكرين..؟؟ولا العاده بتغشين من إيمان المصريه..
اليازيه:أكيييييييد بخليها تغششني..ما فيني أذاكر..
ظبيه:هيه والله طفرة..
ويدق تلفون البيت..
اليازيه:ألووو..هلا اليازيه شحالج؟؟أنا بخير..مهره سارت المطبخ واللحينه بتيي..لا سلامتج..الحينه بتييي وبقولها اتسويلج تلفون..فداعة الله..
وبندت اليازيه..
ظبيه:منو هاااي اليازيه؟؟
اليازيه:هاي يزووي ربيعة مهره ختيه..قلت لها مهره محد في المطبخ ويوم اتيي بخليها اتسويلج..
ظبيه:لا يكون اللي شعرها مايل للبني..؟؟ودوومها ويا مهره...
اليازيه:لا هاايك شمووس..اليازيه وحده ثانيه..
ظبيه:أهااا...انزين شغلي هالتلفزيوون..
اليازيه:لا والله؟؟وانتي شله ما تنشيين..شدعوه الغاليه ركبتج مكسوورة..
ظبيه:لا الغاليه ريلي..ههههههه..نشي نشي سودا الويه..
اليازيه:وااااللله الغالي ماا انش..
تنش ظبيه..وتبطل التلفزيون..واليازيه على طول يودت الريمووت وتمت اتقلب بين هالقنوات..
ظبيه:عاد حطي شي يتشاهد...
اليازيه:أفا علييج بنت عاايشه..
ظبيه"تذكرت شي":اووووه صح يزووي..
اليازيه:هاه اني بروبلم..؟؟
ظبيه:الا اكبر بروبلم..
اليازيه:بسم الله شوو مستوي؟؟
ظبيه:مباارك؟؟
اليازيه:شو بلاااه مبارك؟؟
ظبيه:ايقوول انه ما رد من بوظبي أمس الا عسب ايقوول لج رمسه..تتوقعين شو هالرمسه؟؟
اليازيه:يووم أعرف بخبرج؟؟؟
وتيييهن مهره وميوده صينيه فيها بيببسي..وكيك ومكسرات وماي..
اليازيه"تقعد ع الأرض":مرحباا مرحباا ملااييين بالحامل والمحمول..
مهره:ايوااااا..يالمصااالح.."وتحط الصينيه ع الأرض وتيلس"..
ظبيه"تيلس عدال مهره":فدييتج مهرووه تعبناج..
اليازيه:لا تعب ولا شيااته.."وتسرطلها حبة كيك"..
ظبيه:صخي انتي محد رمسج..
اليازيه:غشوني غشووني قفطووني..ويهيييييييييي احتتتتترق..
الكل:هههههههههههههه..
اليازيه:هيه صح مهرووه ربيعتج اليازيه دقت بغتج يوم كنتي في المطبخ..
مهره:اللحينه بنش وبدقلها..
اليازيه:هيه لا تبطيين عليها..
ونشت مهره...وسارت وقعدت ع الكنبه..دقت أرقام ربيعتها..
مهره:مرحباا يزوي..شحالج؟؟
اليازيه"أخت مهره":بخير ربي يسلمج اشحالج انتي؟؟
ظبيه:ياااالرزة..البنيه اترمس ربيعتها..
اليازيه:هههههههههههههههههههه..والله أدري..بس كيفي كيفي..وكييفي..

. . . . .

يلي على روحي ابــــديك..غلاك عندي مالــــه اوزان..
اموت وان طول تجافيـــك..واحيا اذا شفتك بالأعيـــان..

بيت بو عبيد..
الساعه 10..
الصاله..

في هالوقت كانت عليا قاعده اتشوف التلفزيون..وخطفت ختها ميرة جدامها..
ميثا:ميرة..
ميرة:نعم؟؟
ميثا:ميرة..انا..
ميرة:انتي شوو؟؟
ميثا:انزين تعشيتي..
ميرة:لا ما تعشيت..اللحينه مشغوله هب فاضية للعشا..
ميثا:اها..اذا جيه خلاص براايج..
ميرة:اذا شي رمسه في خاطرج تعاليلي للحجرة بعد نص ساعه..أنا اترياااج..
وسارت ميرة..وتمت ميثا اتراقبها بنظراتها الين ما اختفت.."ياالله شووو أقولها..؟؟يعني كيف أرمسها؟؟برمسها وبقولها باللي في خاطري"
قطع تفكير ميثا صوت عبيد..
عبيد:مرحبااا ميثووه...
ميثا"تنش عسب اتوايه":مرحباابك زوود..
عبيد"ييلس ع الأرض":وينها امايه ماا شوفها..
ميثا:أمايه سارت ترقد..مصدعه اشوي..
عبيد:أهااااا..
ميثا"تيلس":شفته أبويه انته؟؟
عبيد:بس رمسته قال انه عند غانم بن علي..ليش يلستس..
ميثا:لا والله عيل تباني طوول الوقت واقفه..تعال انته ويين سرت؟؟
عبيد:وين سرت بعد؟؟رحت دبي..صوب أخواليه..وسلمت على خالي..وشفت غبوش وتسلم علييج..وتقول انها ادق ع التلفون مال البيت محد يرد ..وخلاف سرت العين عندي اشويت أشغال..وبعد صلاة المغرب سرت سويحان وسلمت على هلها..وييت اللحينه..
ميثا:اها شكلك تعبان..بسير بنجبلك العشا..وبسير حجرتك بشوفها جانها مرتبه..
عبيد:والله اتسويين خير..وينها ميرة ماا شوفها هنيه..
ميثا:قبل شوي كانت اهنيه..واللحينه سارت حجرتها..
عبيد:اها يوم اتسيرين فوق زقريها ..ابا اسلم علييها..
ميثا:ان شاالله..شفت يزوي انته؟؟يوم سرت سويحان..
عبيد:لا ما شفت حد..كنا في خيمة معضد بن حمد..ما سرنا بيوتهم..
ميثا:اهاااا..مرتين أدق بيتهم ويقولون محد هي..أكيد كانت عند ظيووه..
عبيد:منوو ظبيوووه؟؟
ميثا:بنت عمة اليازيه..
عبيد:اها لا يكون أخت مبارك...ولا أخت ذياب..
ميثا:لالا أخت مبارك..
عبيد:أهاااااااااا..يلا يلا سيري..
ميثا:دقيتها سواالف عندك..ههههههههه..
عبيد:ليش الأخت طباله..
ميثا:هههههههه..وياا ويهك..
وسارت ميثا للمطبخ..وخلاف سارت لحجرة أخوها وبطلت المكيف..وبندت باب الحجره..ووقفت جدام حجررة ميرة..كانت مترددة يا اترمسها في الموضوع..أو اتقولها تنزل تحت تتعشى معهم وتسلم على عبيد..اللي من الفير ظهر من البيت..
وأخر شي دقت الباب..وفجت ميرة الباب ..وطالعت ميثا بنظرة حنووووونه..
ميثا:هاي ميرة..
ميرة:هايات..حيااج..
وتفج لها باب الحجره كله..
ميثا:لا ما بحدر يايه أقولج تنزلين عندنا تحت وتسلمين على عبيد..
ميرة:اهااا..يلا ببدل وبيي..>>>لأنها كانت لابسه بجامه..
ميثا:نترياااج..
وسارت ميثا ونزلت تحت..وقالت أحسن شي نأجل الموضوع شوي..في الويكند..

. . . .

بعدك شرات الموت الأحمـــــــــــر..وانت بسهمك جاتلــــــــــــني..
عود عساه الكســــــــــــــــــر ييبر..ويجزاك رب العـــــرش عني..

بيت بو سلطان..
بعد صلاة المغرب..يوم الخميس..
الصاله..

اليازيه ومهره طايحات عالأرض ايشوقن التلفزيون..ياهن راشد وكاشخ وحالته لله..
راشد:وش راايكن فيني؟؟
اليازيه"اتنش من مكانها وتفج شعرها وتربطه مرة ثانيه":بل بل بل على وين العزم يالشيييخ؟؟
راشد:رايحين لتل السااد..ويا هالوردة..يعني شعرج هالكبر وفوق هاذا حاطه لج شباصه مالت ورود..
مهره:هههههههههههههههه..
اليازيه:جب انتي الثانيه..ماالك خص فيني..ويا منوو بتسير؟؟
راشد"ييلس":أنا وسلطان لنسير باعه ويا منصور..وذياب وسعيد ومبارك وحمد ولد عم مبارك ارباعه..وعبيد وسيف ارباعه..وحميد وحمد ارباعه..
مهره:منوو هاذا حمد؟؟الثاني مب ولد عم مبارك..
اليازيه"تعرفين انتي يدووه موزة..أخت يدووه شيخه"أم عبدالله"..هاذا ولدها واسمه حمد..
مهره:اهاااااااااا..أحيدها يدوووه موزة من زمان ما يتنا..
اليازيه:الركب ملعوزتها علني فدااها..راشد لا تنسى اتشل الكاميرا الفيديو عسب اتصور...
راشد: يا سخيفه يا تافها يا غبيه..
مهره:هههههههههه..
اليازيه:ضحك بلا ضرووس..أي انت لييش اتسبني؟؟
راشد:اول اول شي بيظهروونه في التلفزيوون..أكيد على قناة دبي الرياضيه..وثاني شي..حميد بيشل ويااه كاميرا..وحتى ذياب..
اليازيه:اهاااا..شي طيب..ولو هالشي ما يمنع انك ما تسبني..
راشد:شو هالغبيه؟؟جب جب بس جااااب..
اليازيه:شوفوا انتوا بس ملعووون الصبر اتسكتني هااااه؟؟
اليازيه:اسكتج واسكت عشرة من أشكااالج؟؟
اييهم سلطان وهو كااسخ..عاد مستحيل يسلم من لسان الأخت اليازيه..
اليازيه:بل بل ..شكلك معرس..شو لا يكوون عرسك انته وسلامتك اليوم ولا خبرتوا حد..ما هي ببعيده عليكم انتوا الأثنيين..قيس ولييلى..
سلطان:وشله اتباغمين انتي..
مهره:ردييي الشهاده على أخوويه لا تحسدييينه..
سلطان:احم احم..شوفوا انتوا بس كيف النااس..أسلوب رقه..دلع..مب انتي ويه العنز يزووي..اترمسين جنج ترمسين الهند.
الكل:ههههههههههههههههههههههه..
اليازيه:وااااااااايد فقدتك سلطووون ..انا ويه العنز..من زييينك يالتيييس..
اييها سلطان ويلوي يدها..
سلطان:أنا شووووووو؟؟
اليازيه:أأأأأأأأأأأ...النجده النجده انقذووني من هاذا الوحش..أنت سلطوون التييس..
سلطان"ويزيد عسب ايعورها":هااااااااه؟؟شو قلتي ما سمعتج..
راشد:خخخخ..مسكيييييييييينه..
مهره:حرام عليك سلطان خلها..الشييييييييمه..عسب خااطر سلامه..ما فينا تتكسر هاي اللحينه..
سلطان:خلاص عن رمسة مهره بخلييج..وولا انتي حرام حد ايخلييج بدوون ظرب..يالمخرووشه..
اليازيه"اتطلع له لسانها":اننننذذذذذذذذذذااااااااا..ما بترووم تقبضني اللحينه..يالتييييييييييييييييييييييييييييس..ي ا تيس سلامه..خخخخ..تييس سلامه..
سلطان:أنا تيس سلامه؟؟
اليازيه"خايفه":لا اللي عدالك..
والكل طالع راشد الي عصب..
اليازيه:بلاك صنفرت يالسووري..
راشد"ايفرها بالريموت لأنه كان أقرب شي منه":أنا تيييييييس سلامه..
وينش وراها..وتستوي الصاله حلبة سبااق..اليازيه تربع وراشد وراها..وسلطان ومهره يا ايسولفون ولا ايشووفون الأغاني اللي على التلفزيوون..
وفجاة ايدق تلفون سلطان وسط هالضحك والصريخ والصقييع..وكان ايرمسهم بهداوة..بس بس بس..بس مسويله طاااااااف..
سلطان"ايصرخ عليهم":باااااااااااااااااااااااااااااااااااااااااا اااااااااااااااااااسس..
الكل وقف مكانه لأنه سلطان يووم أيعصب عادي اينش ويدفنهم اهنيه..اليازيه قعدت ع الكنبه..وراشد سار صوب المنظره ايشوف شكله..ومهره بندت التلفزيون..
سلطان:هلا حميد..بخير ربي يسلمك ومن صوبك..وينك انته اللحينه..سعيد سار يتسبح وهو بيسير ويا ذياب ومبارك..خلاص براايك ..انا؟؟ ..لا ويا منصور وراشد..هيه..يلا ..فداعة الله..يوم توصل اهنا طرشلهم مسجات ..سعيد ومبارك وذياب..اووكيييك..ههههههههههه..ههههههههههه..سل م عليييها..ووينه عمي..من أمس ما شفته..اهاا..الله يعطيه العافيه..يلا ..اتريااك..الله يحفظك..
بند التلفون وطالع فيهم واحد واحد..وشافهم ملتزمين الصمت..محد منهم يرمس..
سلطان:بلااكم صااخين..كملوا كملوا حشرتكم الين ما يتكرم الشيخ سعيد وينزل من فوق..
محد رمس وكلن يالس في مكانه..
سلطان:شووو بلاكم انتوا اموات..شغلي التلفزيون انتي..
ومهره اتبطل التلفزيون.
سلطان:علي الصوت..
وتعليييه..
ويطالع راشد واليازيه..
سلطان:قومي اربعي انتي وانته نش وراها واربع..أبا اضحك اشوي..هههههههههههههههههههههه,..
ونشوا كلهم..
اليازيه:ماااا بترووم يالسوري تقبضني..وييييييوييييييويويووي..مسكيييييين..
سلطان:اربع يالمغرووم وراها لا اتخليها..
وشوي الا سعيد نازل من الدري..وقاعد ايدندن..وخلاف كلهم نشوا وساروا لتل السااااااااااااااااااااااااااد..

. . . . .

أحيا وأعيش العمر والعمر يجــري..وأن كان فوقه عمر عشــــــته برجواك..
زاد الغرام وفاض بالحب نهـــــري..أضما الضماير وانت حسيت واسقــــاك..

تل الساد..
الساعه تسع ونص..
ع العرقووب..

في هالوقت..تقريباً كل شباب دولة الإمارات العربية الحبيبه متيمعين في هالمكان..زحممممممممممه وع الأخير..عربنا كانوا كانوا ميلسن كلهم ويااا بعض..وخلاف نشوا..ذياب ومبارك وسعيد وحميد وحمد..أما عبيد وحمد الخييلي وحمدان وسلطان ومنصور وناصر..وراشد..فتموا يالسين..
وعند قوم مبارك..يااهم ربيعهم خليفه المنهالي ..ووايوهم..وبعد العلووم والأخبار..
خليفه:مرحبااا مرحبااا تو مانورت الساد واليحر بكبرها..مرحبا بهل سويحان..
مبارك:والمرحب لاهاان..
ويوا رباايع خليفه..مبخوت العامري..ومحمد الصيعري..وتعرفوا على بعض أكثر..
محمد:وعشاااكم عندي يالجماعه الليله ومحد ايردني دامني قلتها..
مبخوت:لا لا يامحمد العشاا عندي..بيتنا أقرب..
خليفه:لا لا لا عندك ولا عنده...عندي..
مبارك:أفا عليكم بس..وشله عشا وحشرة..
وتدروون تموا الشباااب على هالحاله..الين ما اتفقوا انهم يتعشوون عند العامري..وبعد العشاا..ردوا كلن لبيته..أما مبارك فيلس اشوي عند العراقيب هو وسعيد..وخلاف ردوا للبيوتهم..
مبارك يوم حدر البيت..كانت الساعه 12ونص..سار للمطبخ عسب ايشرب له مااي..سمع صوت ظبيه واليازيه يتضاحكن..رد للسياره ويلس فيها..وشوي الا ايشووف اليازيه ظاهره من المطبخ..ومشت وخطفت على سيارته..فج باب السيارة وظهر منها..ومشى ورا اليازيه..وزقرها..وهو مصمم ايقولها عن اللي في خاطره..
مبارك:اليازيه..

سود الهــــدب وادعاجي اناجي..حلو الصبا مزيون..
شوفه لذيــذ اعلاااجي للشااجي..والمعضلات تهون..

بيت بو سلطان..
الساعه 3ونص..
الصاله..

في هالوقت حدر سعيد على أمه وراشد اللي كانوا ميلسين ..وراشد حاشر أمه..
أم سلطان:يا رااشد الله يهديك صخ اشوي..فريت رااسي..
راشد:ابااااا الغدااا.انا ما اقهر اليوووع..
سعيد:السلااام علييييييييكم..
ووخى على أمه وباسها ع رااسها..ورمى الكتب عداله..
راشد وأم سلطان:وعلييك السلام..
أم سلطان:مرحبا مرحبااا هلا والله بغناتيه..
سعيد:مرحبااابج زوود يا عيوني وحياتي وقلبي و...ووو..وكل شي وكل شي...والله أمايه أحببببج..
أم سلطان:علني فدااك يا بو عسكوور محد شراتك..
راشد:ايوااا انتي دلعي الكبير وخلي الصغير ماله رب..لي ساعه اصايح أبا غدا ومحد مسويلي سالفه..
ويفج سعيد السفره ويمرر ايده بين شعره..وياخذ السفره ويرميها في ويه راشد..ويحط راسه فوق ريوول أمه..
راشد:يا الثووووووووور..
سعيد:مامامامااما..سوفيه سوفيه ايثبني..
أم سلطان:ياااالله جنكم يهاااال..
راشد:أبااااااااا غدااا..
سعيد:شو بلاااك اتباغم..اتذكرني بالمصريات اللي في التلفزيوون..
راشد:من زيينك انته اتذكرني في اليسا..ههههههههاااااااي
سعيد:هههههههههاااي..وما لقيت الا اليسا..أكرهااااااااا..
راشد:هههههه..امايه شورايج نخطب أليسا لسعيد..وبعد سنتين العرس..
أم سلطان:ويدي ومنوو هااي سيلا...شو تباني أخطب البشاكير لولديه ..لا علني فداااك..
راشد:بشكاره؟؟؟هههههههههههههههههههههه..لا يامايه هااي مغنيه..
أم سلطان:غنا الأبليس وياها وشلها..
سعيد:ما علييج منه هالثور يامايه..وقوليلي سلطوون وينه..؟؟
أم سلطان:منو هاه سلطون؟؟قل سلطان..
سعيد"انسان سياسي":أفاااا علييج..وينه الشيخ سلطان؟؟
أم سلطان:علني ما خلا منه..سار يتسبح واللحينه بيي..
سعيد:اهاااااااااا..
وشوي الا مهره واليازيه يايات..
مهره واليازيه:السلاام عليكم..
الكل:وعليييييكم السلااام..
راشد:هاه ين السويحرات...يلا اباا الغداااا..
مهره:شو مشكلته ؟؟
اليازيه:مضيع اليواااااااز..ههههههههه..
ويسيرن صووب أمهن..ويبوسنها على رااسها..
أم سلطان:شحالكن بناتي؟؟
مهره واليازيه:ماا نشكي بااس..ومن صوبج؟؟
أم سلطان:بخير يعلكن الخير سيرن بدلن..الين ما ينجبون الغدا..
اليازيه ومهره:انشاالله...
راشد:منو محفظكن الرمسه..اتقولنها مع بعض..
سعيد:أمس ما رقدن...باتن الا يحفظن في الرمسه..
اليازيه:تتمصخرووون؟؟تيمون وبومبا..
راشد:عيااالج..
سعيد:اننننننننننقلللللعي..وشلي كتبي ويااج حطيهن في الحجره وشغلي المكيف ..وخلاف بندي الباااب..يلااا بسررررعه..
اليازيه:شو بشكارتك اليديده..؟؟
راشد:لا للحين ما غيرها..هههههههههههاااااااي..أبااا غداااااا..
اليازيه:صخ صخ يالبيبي.."وتقلده"اباااا غدااااا..
سعيد:يلاااا انقفضي..
أم سلطان:يلا يزووي طيعي رمسة خووج يالمقوي..
اليازيه:أااخ ويهي احترق..
راشد:اتغشي اتغشي بسسرعه..
سعيد:ههههههه..وانتبهي لكتبي لا اتسميمنها..
اليازيه"اتشل الكتب":مااالت علييك..
سعيد:شووووووو؟؟
اليازيه:ماشي مااشي..
وسارت اليازيه..وبعد ما غيرن ..يا سلطان وتغدوا كلهم ربااعه..

. . . . .

من يحس بلوعتي ووجدي ودموعي ... ويدري حجم النار اللي تسكن ضلوعي
رغم هاذا انا معلن لك خضــــــوعي .... عذابـــــــي انت وسبـــــــة جــــروحي

بيت بوناصر..
الساعه 5ونص..
الحوي..

كانت الهنوف توها حادرة الحوي..وماشافت الا امها..
الهنوف:السلااام عليييج ناعمه..
أم ناصر:وعلييج السلاام ..هاه علمج انتي الثانيه أخووج..
الهنوف"اتبوس أمها ع رااسها":امممموااااح.."وتقعد"..أي واحد منهم؟؟وشو علمني؟
أم ناصر:علمج ما اتقولين أمايه..تزقريني جيه حاافي..
الهنوف"توها استوعبت":اهاااا..يوم أقوولج ناعمه..يالناعمه انتي..
أم ناصر:شو لاعبه ويااج بالشارع أنا؟؟سوودا الويه..
الهنوف:والله يامايه إنيه أمزح ويااج وما أقصد شي.."وتصبلها فنيان شاي"..الا وينهم القووم؟؟..امممرة ما شووفهم اهنيه..
أم ناصر:أبوج وحمدان ساروا للعزبه..وذياب مسود الويه وسيف ساروا صوب ربايعهم..وناصر علني ما خلا منه..سار دبي..
الهنوف:ييييها..واحن اللي ميلسات اهنيه..اسميه حالنا مووول ما بيتغير..نحمي هالبيووت..وانتي يامايه ما بتسيرين لج بقعه..
أم ناصر:اللحينه بتييني أم علي..وبنسيّر ع حرمات الحارة..دقي لفطووم خليها اتيي ويا أمها..
الهنوف"اتنش":هيه والله بخليها اتيي..امبوني ملانه..
وحدرت البيت وقعدت ع الكنبه..وحطت التلفون فوقها..ودقت الأرقام..
الهنوف:ال..السلام عليكم..اا..وين فاطمه؟؟..اووكيك..
تريت الهنوف دقايق الين ما تي فاطمه..
فاطمه:هلاااا الهنوف..
الهنوف:هلاا فيج..شحالج ؟؟
فاطمه:بخير ونعمه..وعلوومج انتي؟؟
الهنوف:ماا نشكي باااس..
فاطمه:ويييينج اترييتج ع المسن ولا حدرتي شعندج اليووم ما حدرتي..
الهنوف:والله ما فيني ع النت..عففففته..أقوولج رقدت واللحينه نشيت..
فاطمه:اهااااااااااااا شي طيب..وتطورتي الهنوف استويتي اتعافين النت..
الهنوف:هيه والله واتطورت..اربع وعشرين سااعه مجابلتنه شو اللي ابغيه منه..تعالي أمج بتيي..ليش ما تين وياااها؟؟
فاطمه:تدرين انا مقهووورة من هالأخ علي"علي هو ربيع سيف أخو الهنوف"..
الهنوف:أفاا وليش مقهوورة؟؟شوو سوااالج؟؟
فاطمه: قالي حدري المطبخ وسويلي شااي ..مع انه القهوة والفواله مكودة في الصاله بس اونه ما يبغي شاي بالهيل..يبغي شااي عادي..وقمت وسويتله دله كامله..جان ايقولي اللحينه بظهر ويا سيف..اللي هو أخووج..عطييته نظرة من الخاطر..ونزلت صووب كريم الدريول قلت له يا كريم اليوم أنا استويت طيبه و سويتلك هالدله ..
الهنوف:هههههههههههههههههههههه..والله انج سوالف ويااا اخووج..هو اللي رد علي صح؟؟
فاطمه:هيه..
الهنوف:انزين يلا تعالي..والله والله طفرانه..
فاطمه:حدري المسن..
الهنوف:ماااااااااارييييييد..
فاطمه:أكيد شي سبب..
الهنوف:ما بقولج لا..بس في سبب..
فاطمه:شووو...؟؟
الهنوف:اخويه سيف أمس هزبني هزب محتتتترم..تم ايقولي حياتج كلها ع النت..ونت ما نت وحشرني حشرة..قلت أحسن اريحه واريح عمري..
فاطمه:انزين وهو ليش محتشششر؟؟
الهنوف:لأني في هالويكند اللي فات..قلت لأمايه ان عيوناتي واااايد يعوّرني..فقالت خلي سيف ما ورااه شغله هو اللي يوديج المستشفى ايشووف شو فييج؟؟ووداني الأخ الكريم..وقالولي عندها ظعف نظر..وكله من هالشاشه ومن هالكتب..وطبعاً الشيخ سيف من الله يبا يقبض شي علي..وعاد يوم درى أبوي وهو ناصر سووولي حفله..ولاا ذيووب وحمدوون..يضحكوون علي..
فاطمه:ههههههههههههه..يعني انتي اللحينه عميه..
الهنوف:لالالا..بسم الله علي..هاه فطووم بتييين؟؟
فاطمه:امممم..بشووف على حسب الأوضااع..إذا بيي بسويلج تلفوون..
الهنوف:اووكي بس لا تبطين علي..يلا مع السلامه..
فاطمه:الله يحفظج..
وبندت الهنوف..وراحت للمطبخ..

. . . . .

احبك لو بغيت أنساك ماقدر ..احبك لا تسال القلب و اصبر ..
احبك من زمن يوم الطفولة ..و يوم الوقت أحلام و تصور..

بيت بوحميد..
الساعه 7..
الصاله..

في هالوقت كانت سلامه يالسه ويا حرمت أبوها...وهادف راقد ع ريوول أمه..وشوي يسمعون حميد يالس يغني..
حميد:السلاااام عليييكم..
الكل:وعليكم السلااام..
حميد:اسمعن ترى عشا الشبااب عندنا..سون هااك العشاا اللي يسلم ع الفوااد..
أم هادف:أفااا علييك يا حمييد لا تووصي..
حميد:يلا تاامرون بشي..
أم هادف:سلامتك..
طالع سلامه وظهر من البيت..ونشت أم هادف وزقرت البشكارة عسب اتودي هادف حجرته..وخلاف هي سارت الحجره..تمت سلامه اتطالع التفلزيوون ..الا ويوصلها مسج..وفجته وتمت تقرا..
" الله يا كم أحبك وأغليك..
وغلاك في قلبي تعدى حياتي ..
وشلون ماأحبك وأنا ميت فيك..
وأموت في حبك ولو هو مماتي ..
أسمع حبيبي عسى الله يخليك..
ان مت حبي لك ترا هو وصاتي.."
كان هالمسج واصل من سلطان..وقبل ما يدق على طوول هي طرشتله مسج..
" لو يموت الشوق بقلوب البشر..
مايموت بخافقي شوقي عليك..
خذ مسافه يوم اسبوع وشهر..
واعرف اني طول عمري مشتريك..
بيننا الايام واحكام الظروف..
وراح تعرف وش كثر قلبي يبيك.."
وأول ما وصلها التقرير..على طوول دق التلفون..وردت..
سلطان:مرحبااااااااااااااا ملااااااايييييين..
سلامه:مرحباابك زوود..
سلطان:شحالج غناتيه؟؟
سلامه:ابخير ربي يسلمك..وشحالك انته.؟؟
سلطان:يسرج الحااال..بس مشتاااااااق واااااااايد..
سلامه"اتغير السالفه":وين انت؟؟
سلطان:يلي كل ما قلت وين انت..حتا السؤال ايقول وين الإجابه..
سلامه:ههههههههه..أقصد ويين دااارك..في أي بقعه..؟؟
سلطان:أدري بس أستهبل..
سلامه:هاه علمووك الخباال ولا بعدهم؟؟
سلطان:أمممم..تقدرين اتقوليين أثروا علي اشوي..فدييتج انا في العين..
سلامه:اووه يعني انت هنيه..
سلطان:هيه اهنييه..بس ماا ااقدر اييج..غثيتكم كل يوم والثاني طاب بيتكم..
سلامه:شووو هالرمسه بوميييد..البيت بيتك..وما ينور الا بووجودك..
سلطان:علني فدااج غناتيه..اها وشي امتحان بااجر..
سلامه:لا ..ما اتشوفني مستانسه..
سلطان:أها وشو خاطرج تاكليين؟؟
سلامه:امممم..توني ماكله ورق عنب..
سلطان:مااالي خص ..لا ترديني..يلا شوو في خاطرج؟؟
سلامه:امممم..أقوولك ماله داعي اتكلف عمرك..
سلطان"وبجديه":سلامه..
سلامه:هااااااه؟؟والله سلطان مالي نفس آكل شي..
سلطان:يلا بسرعه الهندي له سااعه وااقف..
سلامه:أي مطعم اموقف انته اللحينه..
سلطان:بييتزا هاات..
سلامه:اووكيك..يبلي..امممم..بيتزا ع ذووقك..
سلطان:ما تبين شي ثااني؟؟
سلامه:لا الشيخ سلامتك..
طلب سلطان وتم ايرمس سلامه..وخلاف قالها تخلي البشكارة تظهر عسب يعطيها البيتزا..ورد هو سويحان...

. . . . .

أنساك كلمه مالها أيّة وجود بمرجعي..والقلب لامنّه نوى غيـــــــرك حبيبي بامنعه
تنتابني ذكراك ما بين الوعي واللاوعي..ما كنّك الاّ بحر حلمي والمشاعر الأشرعه
بيت بو سلطان..
الساعه 8ونص..
الحوي..

اليازيه وأم سلطان ومهره ويدوتهن شيخه"أم عبدالله"..قاعدات في الحوي وجدامهن الفواله..يتفوالن ويسولفن..
اليازيه:أماايه بااجر بغييب...
أم سلطان"تشربلها قهوه":حلم بليس في الجنه..
اليازيه:ياامااايه والله حراام علييج عفت الدراسه..خليني أغيب هالأسبووع..
مهره:لاا والله اسبووع كامل.بتفوتج الدراسه وبترسبين يالشيخه اليازيه..
اليازيه:صخي انتي لا اتسمعينهن الرمسه هااي..مادري من وين مظوتنها.
أم سلطان:لالا ..صح كلامها مهره..بعدين شو الفايده يوم اتفووتج الدرووس..
أم عبدالله:وجانج عايفة الدراسه يا بنت سهيل...عرسي..
اليازيه:وانتوا يعني عندكن البنيه اللي ما تبا الدراسه اتعرس..مب شرط..
أم سلطان:ياليازيه..ترى عمج عبدالله موصي سلطان ايخبرني....انهم كل ما يوهم عرب يبونج لولدهم ردووهم عسب هالدراسة ..ومن تخلصين هالمدرسه..الثنويه..بيخبروونج ان فلان بن فلان يبغييج ..تبغينه ولا لا؟؟وهالرمسه وصلتج واللي علي سويته..
اليازيه:ردووهم هاااييلا اللي بيووني حتى من بعد ما اخلص الثنويه..
أم عبدالله:ويدي وشله انردهم دون ما نشاورج..جاد واحد ولد جبايل وما ينعاب..بتوافقين عليه..
اليازيه:لا حووول..خلاص انزين سدووا الموضوع..
وحدرت علييهن أم منصوور..
أم منصور:السلاام علييكن..
الكل:وعلييج السلاام..
أم سلطان:حيالله من يانا ولفانا..
أم منصور:الله يحيييج..ويبجيييج ياام سلطان..
وتحط الحراره اللي عندها ع الأرض..وتوايه أمها وخلاف اتبوسها ع رااسها..وتوايه أم سلطان والبنات..مهره واليازيه..وخلاف تقعد مكان اليازيه..اللي هو عدال أم عبدالله..
أم عبدالله:وشحالج يا عوييش؟؟وشحال عيالج؟؟
أم منصور:بخير يامايه ما نشكي بااس..وشحالج انتي عساج طيبه؟؟
أم عبدالله:لالالا الحمدالله ما بنا الا كل خير..
أم منصور:وشحالج يا حصه عساج بخير..؟؟
ام سلطان:بخير علني فدااج وشحالج انتي؟؟وشحالهم عيالج؟؟
أم منصور:بخير علني ما خلا منج..وشحالج يزووي؟؟؟
اليازيه:بخير يعلج الخير..وشحالج انتي؟؟
أم منصور:يسرج الحال علني فدااج..وشحالج مهره..عساج بخير..
مهره:بخير علني ما خلا منج..ومن صووبج؟؟
أم منصور:ما نشكي بااس..
أم عبدالله:ووينها موزة بنت سهيل..غدت ما تيي اهنيه؟؟
أم منصور:اللحينه بتيي علني فداج..الاا منصور اللحينه بيظهر ومن يظهر بتييب ظبيوه سودا الويه وبين..
اليازيه:هههههههههه..يسبوونها ظبيه وااحليلها..
وشوي يت موزة وميودة سهيل..وظبيه وميودة مها..وبعد ما سلمن وسألن عن الحال..
أم عبدالله:ويدي مهووي وشله ما تسلمين على يدووتج؟
أم منصور:والله انها غثتني يامايه..اربع وعشرين ساعه اتصييح..
أم سلطان:جااد فيها شي يا خويتي..وديها عند الدختر..
أم منصور:بزى بنات علني فدااج..
أم عبدالله:وااقع الا ظوت اليهده..ربيعيبها عند الدختر..
وتي مها صوب يدوتها وتيلس في ثبانها..
ظبيه:طالعوا شقايل تتدلع علي يدووه..مبزاايه..
اليازيه:هاه هاه أنا اغير ما بغي حد ييلس عند يدوووه..
وسهيل رايح راد عندهم..وخلاف شرد وظهر الشارع..
موزة:ويل حاالي من هالولد..سلييييمه..سلييييمه..يتكم هي البشكاره؟؟قلت لها اتسير بيتكم؟؟
اليازيه:شفتيها مهرووه؟؟
مهره:منو هي؟؟
ظبيه:هههههههههه..مب في عالمنا الأخت..وين هالمخ؟؟
مهره:وييا وييهج..والله ما سمعتها زين..
موزه:شفتيها هي بشكارتيه ؟؟
مهره:هيه يت ..في المطبخ هي اللحينه..
موزة:وااايه التراب وليش ما تيي..مسودة الويه.."وتصايح"..سليييييييمه..
سليمه"يايه تربع":هاه هاه مااما سو فييه؟؟
موزة:سهيل مسود الويه ظهر الشارع..ربعي يبيه..
سليمه:زين زين..
أم منصور:لا بركة الله فيهن من بشاكير....ساعه الين يتوايبن..
وتمن الحرمات ايسولفن..ونشن البنات وحدرن الصاله وقعدن..
ظبيه:تدرين يزووي باجر علينا امتحان عربي..
اليازيه:قوولي والله؟؟ذاكرتي؟؟
ظبيه:لا للحينه ما ذاكرت..بس تدرين ماااريد أمتحن..
تنش مهره..
ظبيه:وين بتسيرين؟؟
مهره:بييب شي ناكله..
اليازيه:هيه والله اتسوين خير..
وتسير مهره..
ظبيه:وانتي لييش ما تسيرين؟؟؟
اليازيه:هي الصغيرة ..وأنا انسانه متعايزة ما فيني أنش..انزين ظبيووه ليش ما بتمتحينين..
ظبيه:والله هب فاايجه أفج الكتاب وأحفظ.وانتي بتذاكرين..؟؟ولا العاده بتغشين من إيمان المصريه..
اليازيه:أكيييييييد بخليها تغششني..ما فيني أذاكر..
ظبيه:هيه والله طفرة..
ويدق تلفون البيت..
اليازيه:ألووو..هلا اليازيه شحالج؟؟أنا بخير..مهره سارت المطبخ واللحينه بتيي..لا سلامتج..الحينه بتييي وبقولها اتسويلج تلفون..فداعة الله..
وبندت اليازيه..
ظبيه:منو هاااي اليازيه؟؟
اليازيه:هاي يزووي ربيعة مهره ختيه..قلت لها مهره محد في المطبخ ويوم اتيي بخليها اتسويلج..
ظبيه:لا يكون اللي شعرها مايل للبني..؟؟ودوومها ويا مهره...
اليازيه:لا هاايك شمووس..اليازيه وحده ثانيه..
ظبيه:أهااا...انزين شغلي هالتلفزيوون..
اليازيه:لا والله؟؟وانتي شله ما تنشيين..شدعوه الغاليه ركبتج مكسوورة..
ظبيه:لا الغاليه ريلي..ههههههه..نشي نشي سودا الويه..
اليازيه:وااااللله الغالي ماا انش..
تنش ظبيه..وتبطل التلفزيون..واليازيه على طول يودت الريمووت وتمت اتقلب بين هالقنوات..
ظبيه:عاد حطي شي يتشاهد...
اليازيه:أفا علييج بنت عاايشه..
ظبيه"تذكرت شي":اووووه صح يزووي..
اليازيه:هاه اني بروبلم..؟؟
ظبيه:الا اكبر بروبلم..
اليازيه:بسم الله شوو مستوي؟؟
ظبيه:مباارك؟؟
اليازيه:شو بلاااه مبارك؟؟
ظبيه:ايقوول انه ما رد من بوظبي أمس الا عسب ايقوول لج رمسه..تتوقعين شو هالرمسه؟؟
اليازيه:يووم أعرف بخبرج؟؟؟
وتيييهن مهره وميوده صينيه فيها بيببسي..وكيك ومكسرات وماي..
اليازيه"تقعد ع الأرض":مرحباا مرحباا ملااييين بالحامل والمحمول..
مهره:ايوااااا..يالمصااالح.."وتحط الصينيه ع الأرض وتيلس"..
ظبيه"تيلس عدال مهره":فدييتج مهرووه تعبناج..
اليازيه:لا تعب ولا شيااته.."وتسرطلها حبة كيك"..
ظبيه:صخي انتي محد رمسج..
اليازيه:غشوني غشووني قفطووني..ويهيييييييييي احتتتتترق..
الكل:هههههههههههههه..
اليازيه:هيه صح مهرووه ربيعتج اليازيه دقت بغتج يوم كنتي في المطبخ..
مهره:اللحينه بنش وبدقلها..
اليازيه:هيه لا تبطيين عليها..
ونشت مهره...وسارت وقعدت ع الكنبه..دقت أرقام ربيعتها..
مهره:مرحباا يزوي..شحالج؟؟
اليازيه"أخت مهره":بخير ربي يسلمج اشحالج انتي؟؟
ظبيه:ياااالرزة..البنيه اترمس ربيعتها..
اليازيه:هههههههههههههههههههه..والله أدري..بس كيفي كيفي..وكييفي..

. . . . .

يلي على روحي ابــــديك..غلاك عندي مالــــه اوزان..
اموت وان طول تجافيـــك..واحيا اذا شفتك بالأعيـــان..

بيت بو عبيد..
الساعه 10..
الصاله..

في هالوقت كانت عليا قاعده اتشوف التلفزيون..وخطفت ختها ميرة جدامها..
ميثا:ميرة..
ميرة:نعم؟؟
ميثا:ميرة..انا..
ميرة:انتي شوو؟؟
ميثا:انزين تعشيتي..
ميرة:لا ما تعشيت..اللحينه مشغوله هب فاضية للعشا..
ميثا:اها..اذا جيه خلاص براايج..
ميرة:اذا شي رمسه في خاطرج تعاليلي للحجرة بعد نص ساعه..أنا اترياااج..
وسارت ميرة..وتمت ميثا اتراقبها بنظراتها الين ما اختفت.."ياالله شووو أقولها..؟؟يعني كيف أرمسها؟؟برمسها وبقولها باللي في خاطري"
قطع تفكير ميثا صوت عبيد..
عبيد:مرحبااا ميثووه...
ميثا"تنش عسب اتوايه":مرحباابك زوود..
عبيد"ييلس ع الأرض":وينها امايه ماا شوفها..
ميثا:أمايه سارت ترقد..مصدعه اشوي..
عبيد:أهااااا..
ميثا"تيلس":شفته أبويه انته؟؟
عبيد:بس رمسته قال انه عند غانم بن علي..ليش يلستس..
ميثا:لا والله عيل تباني طوول الوقت واقفه..تعال انته ويين سرت؟؟
عبيد:وين سرت بعد؟؟رحت دبي..صوب أخواليه..وسلمت على خالي..وشفت غبوش وتسلم علييج..وتقول انها ادق ع التلفون مال البيت محد يرد ..وخلاف سرت العين عندي اشويت أشغال..وبعد صلاة المغرب سرت سويحان وسلمت على هلها..وييت اللحينه..
ميثا:اها شكلك تعبان..بسير بنجبلك العشا..وبسير حجرتك بشوفها جانها مرتبه..
عبيد:والله اتسويين خير..وينها ميرة ماا شوفها هنيه..
ميثا:قبل شوي كانت اهنيه..واللحينه سارت حجرتها..
عبيد:اها يوم اتسيرين فوق زقريها ..ابا اسلم علييها..
ميثا:ان شاالله..شفت يزوي انته؟؟يوم سرت سويحان..
عبيد:لا ما شفت حد..كنا في خيمة معضد بن حمد..ما سرنا بيوتهم..
ميثا:اهاااا..مرتين أدق بيتهم ويقولون محد هي..أكيد كانت عند ظيووه..
عبيد:منوو ظبيوووه؟؟
ميثا:بنت عمة اليازيه..
عبيد:اها لا يكون أخت مبارك...ولا أخت ذياب..
ميثا:لالا أخت مبارك..
عبيد:أهاااااااااا..يلا يلا سيري..
ميثا:دقيتها سواالف عندك..ههههههههه..
عبيد:ليش الأخت طباله..
ميثا:هههههههه..وياا ويهك..
وسارت ميثا للمطبخ..وخلاف سارت لحجرة أخوها وبطلت المكيف..وبندت باب الحجره..ووقفت جدام حجررة ميرة..كانت مترددة يا اترمسها في الموضوع..أو اتقولها تنزل تحت تتعشى معهم وتسلم على عبيد..اللي من الفير ظهر من البيت..
وأخر شي دقت الباب..وفجت ميرة الباب ..وطالعت ميثا بنظرة حنووووونه..
ميثا:هاي ميرة..
ميرة:هايات..حيااج..
وتفج لها باب الحجره كله..
ميثا:لا ما بحدر يايه أقولج تنزلين عندنا تحت وتسلمين على عبيد..
ميرة:اهااا..يلا ببدل وبيي..>>>لأنها كانت لابسه بجامه..
ميثا:نترياااج..
وسارت ميثا ونزلت تحت..وقالت أحسن شي نأجل الموضوع شوي..في الويكند..

. . . .

بعدك شرات الموت الأحمـــــــــــر..وانت بسهمك جاتلــــــــــــني..
عود عساه الكســــــــــــــــــر ييبر..ويجزاك رب العـــــرش عني..

بيت بو سلطان..
بعد صلاة المغرب..يوم الخميس..
الصاله..

اليازيه ومهره طايحات عالأرض ايشوقن التلفزيون..ياهن راشد وكاشخ وحالته لله..
راشد:وش راايكن فيني؟؟
اليازيه"اتنش من مكانها وتفج شعرها وتربطه مرة ثانيه":بل بل بل على وين العزم يالشيييخ؟؟
راشد:رايحين لتل السااد..ويا هالوردة..يعني شعرج هالكبر وفوق هاذا حاطه لج شباصه مالت ورود..
مهره:هههههههههههههههه..
اليازيه:جب انتي الثانيه..ماالك خص فيني..ويا منوو بتسير؟؟
راشد"ييلس":أنا وسلطان لنسير باعه ويا منصور..وذياب وسعيد ومبارك وحمد ولد عم مبارك ارباعه..وعبيد وسيف ارباعه..وحميد وحمد ارباعه..
مهره:منوو هاذا حمد؟؟الثاني مب ولد عم مبارك..
اليازيه"تعرفين انتي يدووه موزة..أخت يدووه شيخه"أم عبدالله"..هاذا ولدها واسمه حمد..
مهره:اهاااااااااا..أحيدها يدوووه موزة من زمان ما يتنا..
اليازيه:الركب ملعوزتها علني فدااها..راشد لا تنسى اتشل الكاميرا الفيديو عسب اتصور...
راشد: يا سخيفه يا تافها يا غبيه..
مهره:هههههههههه..
اليازيه:ضحك بلا ضرووس..أي انت لييش اتسبني؟؟
راشد:اول اول شي بيظهروونه في التلفزيوون..أكيد على قناة دبي الرياضيه..وثاني شي..حميد بيشل ويااه كاميرا..وحتى ذياب..
اليازيه:اهاااا..شي طيب..ولو هالشي ما يمنع انك ما تسبني..
راشد:شو هالغبيه؟؟جب جب بس جااااب..
اليازيه:شوفوا انتوا بس ملعووون الصبر اتسكتني هااااه؟؟
اليازيه:اسكتج واسكت عشرة من أشكااالج؟؟
اييهم سلطان وهو كااسخ..عاد مستحيل يسلم من لسان الأخت اليازيه..
اليازيه:بل بل ..شكلك معرس..شو لا يكوون عرسك انته وسلامتك اليوم ولا خبرتوا حد..ما هي ببعيده عليكم انتوا الأثنيين..قيس ولييلى..
سلطان:وشله اتباغمين انتي..
مهره:ردييي الشهاده على أخوويه لا تحسدييينه..
سلطان:احم احم..شوفوا انتوا بس كيف النااس..أسلوب رقه..دلع..مب انتي ويه العنز يزووي..اترمسين جنج ترمسين الهند.
الكل:ههههههههههههههههههههههه..
اليازيه:وااااااااايد فقدتك سلطووون ..انا ويه العنز..من زييينك يالتيييس..
اييها سلطان ويلوي يدها..
سلطان:أنا شووووووو؟؟
اليازيه:أأأأأأأأأأأ...النجده النجده انقذووني من هاذا الوحش..أنت سلطوون التييس..
سلطان"ويزيد عسب ايعورها":هااااااااه؟؟شو قلتي ما سمعتج..
راشد:خخخخ..مسكيييييييييينه..
مهره:حرام عليك سلطان خلها..الشييييييييمه..عسب خااطر سلامه..ما فينا تتكسر هاي اللحينه..
سلطان:خلاص عن رمسة مهره بخلييج..وولا انتي حرام حد ايخلييج بدوون ظرب..يالمخرووشه..
اليازيه"اتطلع له لسانها":اننننذذذذذذذذذذااااااااا..ما بترووم تقبضني اللحينه..يالتييييييييييييييييييييييييييييس..ي ا تيس سلامه..خخخخ..تييس سلامه..
سلطان:أنا تيس سلامه؟؟
اليازيه"خايفه":لا اللي عدالك..
والكل طالع راشد الي عصب..
اليازيه:بلاك صنفرت يالسووري..
راشد"ايفرها بالريموت لأنه كان أقرب شي منه":أنا تيييييييس سلامه..
وينش وراها..وتستوي الصاله حلبة سبااق..اليازيه تربع وراشد وراها..وسلطان ومهره يا ايسولفون ولا ايشووفون الأغاني اللي على التلفزيوون..
وفجاة ايدق تلفون سلطان وسط هالضحك والصريخ والصقييع..وكان ايرمسهم بهداوة..بس بس بس..بس مسويله طاااااااف..
سلطان"ايصرخ عليهم":باااااااااااااااااااااااااااااااااااااااااا اااااااااااااااااااسس..
الكل وقف مكانه لأنه سلطان يووم أيعصب عادي اينش ويدفنهم اهنيه..اليازيه قعدت ع الكنبه..وراشد سار صوب المنظره ايشوف شكله..ومهره بندت التلفزيون..
سلطان:هلا حميد..بخير ربي يسلمك ومن صوبك..وينك انته اللحينه..سعيد سار يتسبح وهو بيسير ويا ذياب ومبارك..خلاص براايك ..انا؟؟ ..لا ويا منصور وراشد..هيه..يلا ..فداعة الله..يوم توصل اهنا طرشلهم مسجات ..سعيد ومبارك وذياب..اووكيييك..ههههههههههه..ههههههههههه..سل م عليييها..ووينه عمي..من أمس ما شفته..اهاا..الله يعطيه العافيه..يلا ..اتريااك..الله يحفظك..
بند التلفون وطالع فيهم واحد واحد..وشافهم ملتزمين الصمت..محد منهم يرمس..
سلطان:بلااكم صااخين..كملوا كملوا حشرتكم الين ما يتكرم الشيخ سعيد وينزل من فوق..
محد رمس وكلن يالس في مكانه..
سلطان:شووو بلاكم انتوا اموات..شغلي التلفزيون انتي..
ومهره اتبطل التلفزيون.
سلطان:علي الصوت..
وتعليييه..
ويطالع راشد واليازيه..
سلطان:قومي اربعي انتي وانته نش وراها واربع..أبا اضحك اشوي..هههههههههههههههههههههه,..
ونشوا كلهم..
اليازيه:ماااا بترووم يالسوري تقبضني..وييييييوييييييويويووي..مسكيييييين..
سلطان:اربع يالمغرووم وراها لا اتخليها..
وشوي الا سعيد نازل من الدري..وقاعد ايدندن..وخلاف كلهم نشوا وساروا لتل السااااااااااااااااااااااااااد..

. . . . .

أحيا وأعيش العمر والعمر يجــري..وأن كان فوقه عمر عشــــــته برجواك..
زاد الغرام وفاض بالحب نهـــــري..أضما الضماير وانت حسيت واسقــــاك..

تل الساد..
الساعه تسع ونص..
ع العرقووب..

في هالوقت..تقريباً كل شباب دولة الإمارات العربية الحبيبه متيمعين في هالمكان..زحممممممممممه وع الأخير..عربنا كانوا كانوا ميلسن كلهم ويااا بعض..وخلاف نشوا..ذياب ومبارك وسعيد وحميد وحمد..أما عبيد وحمد الخييلي وحمدان وسلطان ومنصور وناصر..وراشد..فتموا يالسين..
وعند قوم مبارك..يااهم ربيعهم خليفه المنهالي ..ووايوهم..وبعد العلووم والأخبار..
خليفه:مرحبااا مرحبااا تو مانورت الساد واليحر بكبرها..مرحبا بهل سويحان..
مبارك:والمرحب لاهاان..
ويوا رباايع خليفه..مبخوت العامري..ومحمد الصيعري..وتعرفوا على بعض أكثر..
محمد:وعشاااكم عندي يالجماعه الليله ومحد ايردني دامني قلتها..
مبخوت:لا لا يامحمد العشاا عندي..بيتنا أقرب..
خليفه:لا لا لا عندك ولا عنده...عندي..
مبارك:أفا عليكم بس..وشله عشا وحشرة..
وتدروون تموا الشباااب على هالحاله..الين ما اتفقوا انهم يتعشوون عند العامري..وبعد العشاا..ردوا كلن لبيته..أما مبارك فيلس اشوي عند العراقيب هو وسعيد..وخلاف ردوا للبيوتهم..
مبارك يوم حدر البيت..كانت الساعه 12ونص..سار للمطبخ عسب ايشرب له مااي..سمع صوت ظبيه واليازيه يتضاحكن..رد للسياره ويلس فيها..وشوي الا ايشووف اليازيه ظاهره من المطبخ..ومشت وخطفت على سيارته..فج باب السيارة وظهر منها..ومشى ورا اليازيه..وزقرها..وهو مصمم ايقولها عن اللي في خاطره..
مبارك:اليازيه..

الجـــزء العاشــر..

فز داير فز كنه عن شـــــــعوري ما درى..وهو يدري انه لقلبي وأيـــــــامي أمير..
غار لون الورد من لونه وأخذت معطرى..والقمر من لوون خده وابتساماته يغير..

طالعته وكلها فضووووول..أكيييد اللحينه بيقول الرمسه اللي ما يا وما تعنا الا عسبها..كان قلب اليازيه ينبض بدقات خووووف..خايفه من شووو؟؟ما تعرف...بس كانت خايفه..طالعته..ويييل حالها..شافت مبارك ونظرته مكسوورة..وصوته تعبااان..شوو بلاااه؟؟توني أمس شايفتنه كان بكامل صحته..شو اللي حل علييه..
اليازيه:هاه مبارك؟؟
مبارك:............................................ ....................
اليازيه:مبارك..شي يعورك..تانس شي؟؟انت امس كنت أووكي ..بس اليووم حالك أبد ما عيبني..
قرب مبارك صوبها..وكل خطوه يخطوووها تزيد دقات قلب اليازيه من الرووعه..أحساسها ان شي بيصير بيقلب الدنيا علييها..بيغيرها..بيستوي لها شي..
مبارك:اليازيه..طلبتج اتقولين تم...
اليازيه"بعد تردد":تم..
مبارك:بسألج سؤال..وأبغييج اتجاوبيني بكل صرااحه..وبكل غاالي عليييج يا اليازيه يا انج اتجاوبيني بصراحه..
اليازيه:بوحمد تراك زيغتني ..شو اللي مستوي..
مبارك:كل خيير..بس بسألج سؤال..بتجاوبين بصراحه..؟؟
اليازيه:هيه بجاوبك بصراحه..
مبارك:وخلييج قد كلمتج ..ولا تردين عنها..
اليازيه:هب اليازيه بنت سهيل اللي ترد في كلمتها..شو اللي في خاطرك؟؟شو السؤال؟؟
مبارك:.....مبارك..مبارك اللي جدامج..شو يعنيييلج؟؟هو شو بالنسبه لج؟؟
اليازيه..انصدمممممممت...وما كانت متوقعه هالسؤاال ابد..طالعته بنظرة حزينه..نظرة بس..فسرت كل شي كان من صوب مبارك في قلب اليازيه..طالعته بنظرة جنها متلومه وما تعرف بشووو ترد..
أما مبارك جنه فهم كل شي..وابتسم ابتسااامه حلووووة..وقالها..
مبارك:اليازيه..أبيييج تسمعيني رمستيه..وأبييج تتأكدين منها..ولا اتحسبيني أتمصخر ويااج ولا اسوولف..أنا من رديت من أمريكا لعلها النفاد..وشفتج وقلبي ويااااج..أنا من شفتج وحياتي من دوونج ما أسميها حياااه..اليازيه..لا تفهمييني غلط بليييز..اليازيه..يوم سرت أنا بوظبي..حسيت شي ناقصني..شي ايقولي مبارك رد لسويحان عسب قلبك اللي اهناك..مبارك في عرب اهنااك يتريوونك..مادري ليش كنت أتوهم انج اتحبيني..وانج انا ..وانا انتي..اليازيه..والله والله الغالي اني ما اقص عليييج..اشتاقلج في كل وقت..كنتي عندي او لاا..أنا حبييتج ومستحييل أضحي فييج..ولو شووو ماصاار..اليازيه ..اليازيه..أنا أحبج..أحبج..
لحظااااااااااااااااااااااااااااااات صمت طوييييييييييييييييييييييييييييله..مرت اسنين قاسيه على اليازيه..وبكل جرأة هو ايقولي هالرمسه..مباارك؟؟مباارك ما غيره..غناااة القلب..شوو أسوي ...؟؟شوو أقوول؟؟بشوو أرمس داام السااني أنقطع..وينج اليازيه..وينها قوتج وطولت السانج كلها تركتج وخانتج..ليش يربتش حالي جدام مبارك وأكوون أضعف من الظعيفه جدامه..أرده..ولا اسير..ولا اسكت..ولا اسبه..ولا ولا ؟؟؟؟؟؟؟؟؟شوو أسوي..شووو أسوييي؟؟؟ياااااااااالله..ولا اقوله باللي في خاطريه..ولا المح عن اللي في قلبي..
مبارك"بكل هدوؤة اعصاب":ادري صدمتج؟؟..
اليازيه:هيه صح صدمتني..
مبارك:انزين ما جاوبتي على السؤال؟؟
اليازيه:مبارك أنا .. .."وتشجعت"..ما أنكر انك تعنييلي وتعنيلي واايد..ما أنكر انك تستحوذ على تفكييري...ما أنكر اني عشت أخس أيامي يوم سرت بوظبي..ما أنكر اني كنت أشتاق لشووفتك..بس مبارك..أنا انساانه مستحيل أظهر عواطفيه ومشاعريه جدام من قلبي ايحبه..أنا انسانه للحينه ما اعترفت بشي أسمه..الحب..لأني ما ظن هالشي موجود في حياتنا..ما ظن ان حد ممكن ايغير هالفكره ابرااسي ..
مبارك:هالفكره بغيره لج..في ذمتي اني بغيرها..ما بكووون مبارك الــ.....ي..اذا ما غيرتها..بس انتي اتحبيني؟؟؟ردي علي؟؟لا تخليني في حيرة..
اليازيه:.......................................... ..............................
مبارك:قولي عن اللي في قلبج..قووولي ياليازيه دخييييييلج لا تعذبيني..كفايه ما يا منج من صد..
اليازيه:مبارك..مع الأيام بتعرف اني أحبك أو لأ..و ظنتي هالشي ما بيصعب علييييك..
راااااااااحت اليازيه ..ولللحينه اتحس عمرها عايشه بخيال..تبى شي ..اي شي يأكدلها إنها عايشه في الواقع..في الحقيقة..بس محد..أنا وييين؟؟ِو اللي استوى؟؟أبد ما كانت بذهنها..كان الذهن شاارد..بس بس..خلااص اليازيه تمالكي أعصابج على الأقل لين ما توصلين حجرتج..
حدرت الصاله مالت بيتهم..وشافت أخوها سلطان يرمس تلفون..ومن أسلوبه وابتسامته عرفت انه يرمس سلامه..فودرته ورقت الدري..ببطئ شديييييييد..كانت أفكارها..متلخبطه..كل فكره اتزيد من صداع اليازيه..مبارك ايحبني؟؟وانا احبه؟؟وبعدين؟؟يعني شو نهاية هالحب..قبل ما أفكر بنهايته..لازم أفكر ببدايته..اليازيه انتي كنتي هب معترفه بشي اسمه الحب..كنتي تنكرين وجوده..واللحينه انتي اتحبين..كييييييف؟؟كيييييف؟؟كيف لأول مرة اتخليين قلبج يتحكم فيييج..وين عقلج اللي كان سيد الأمور في كل شي..أنا اللحين حبيت..لا مااا حبيت..حبيت..لا ما حبيت..اااااااااااااااااااااااااه..والله اني حبييييييت..
حدرت حجرتها ورقعت الباب بقووووووووو...؟!؟!؟..جنها مقهوورة لأنها من أول حطت هالفكرة في بالها..يااالله..شوو الحل؟؟أنا ليييش حبيتك يا مبارك..ليش خليت قلبي ينقااد صوبك بلا حاسيه..لييش..لييش انته بالذات يا مبارك..اااااااه يا قلب لييت كل المشاعر اللي فيك منعدمه..أنا خاايفه..خاايفه اتعذب شرات ما تعذبت ظبيه..خايفه مبارك ايخون فيني..ويطلع ايقص عليّ..خايفه أذرف الدمعه ليل ونهار..خايفه أعيش حياة منهارة..خايفه ينجرح قلبي..خايفه أصير ظعيفه..خايفه ان اليازيه بنت سهيل الــ.........ي تتغيّر..خايفه تنجلب حياااتي..بالمختصر أنا خايفه من هالحب....................!!!!؟؟؟؟؟!!!!!
طاحت ع الشبريه..وشربت لها حبتين بندوول..وسمت بالرحمن وقرت المعوذات..ورقدت بعد عنا طووويل من أفكااار عذبتها..

. . . . .

أما مبارك..كان تفكييره شي ثاااني عن تفكير اليازيه..كان مستانس..وكلمة مستانس شوي على الفرحه والوناسه اللي في قلبه..هم وانزاح..الهم هو انه خافي حبه لليازيه..ويوم صارحها..قدر ايأثر عليييها..ويخليها اتقول هي بعيد باللي في خاطرها..ولا يهمج يا عمر الذكريات"عضوة في منتديات ألم الإمارات"..راس اليازيه بيلين بيلين..ولو طارت فوق ونزلت تحت..راسها القوي بيلين..للحين أنا مستانس من اعترافها بشوقها لي..فديييييييتهااااااا..
بالأول كنت أعتبر اليازيه تحدي..ولازم أكون انا الفااايز..كنت اعاندها واسبها واتمصخر عللييها..وفي نفس الوقت يظهر شووقي وحبي لها بعيووني ونظرااتي..بس أسميهاا طيحتني..واللحينه أمووووت علييها..وبتشوفون كيف بغير اليازيه..من بااااجر..
رقد مبارك..وأحلامه كلها في اليازيه..بس محد يدري..؟؟؟؟؟هل بيتموووون في هالحب..ولا بيستوي لكل واحد منهم شي!!!!!!!!

. . . . . .

تكلمني ونومك غالبـــــــــنك..وأنا مابا السـهر يتعب عيونك..
دخيلك سد خطك راجيــــــنك..رجيتــــــك باللذي غلاك بونك..

بيت بو حميد..
حجرة حميد..
الساعه2ونص..فليل..

وبعيد عن اليازيه ومبارك..كان حميد..يرمس عليووه سودا الويه..
حميد:عليا فدييتج سيري رقدي..ساد انج من غبشه وااعيه..سيري وطي رااسج..مب زين السهر علييج ..وباجر جمعه وحشره ..
عليا:حميد حبيبي أنا مااريد أرقد..مشتااقه حيييل لسوالفك..
حميد:وأنا بعد مشتااق لج حييل..بس لا تسهرين واايد وعسبتيه مب زييين لج..يلا سيري رقدي..سدي خطج يلا..
عليا:صدقني ما بسد الخط..الا يوم أتسمعني شي..
حميد:أممممممم...شو تبيين تسمعين غناتيه..شو اللي في خاطرج؟؟
عليا"وبصوت تعبان..":أي شي..بس أبا ارقد وصووتك يرن في أذوني..فديتك حميد لا تردني..
حميد:لا افا ما عاش من يردج...يلا..>>>>>صوووته حلوووو..
تكلمني ونومك غالبــــــــــــــــنك..وأنا مابا السهر يتعب عيـــونك..
دخيلك سد خطك راجيــــــــــــــنك..رجيتك باللي غــــــــــلاك بونك..
غضيضن في الهوا وصغير سنك..من النسمات تتمايل غصــــونك..
اداري لك ومن قلبي أحنــــــــــك..وأخاف عليك من لاظي شجونك..
تقول القلب كيف انهيه عنــــــك..يعاندني ولا يرتــــــــااح دووونك..
جتيل الحب واشواقي دعـــــــنك..وأموت ان صار مغلق تيلفـــونك..
وسوااالم..
عليا:فدييييييييييييييت هالصوووت ..وفدييت صاحبه..والله حميد دوونك مااارووم أعيش صدقني مااارووم أعيش..أحبك يا غناتيه ..والله أحبك..
حميد:عليا..انا بدوونج..ما أسوى شي..أمووت ولا اختار بعادج..انتي غيير..وحبي لج محد ايساااويه في هالكووون كله..طلبتج عليا عيووني...لا ترديني..
عليا:أأأأأأمر حبيبي شو اللي في خااطرج..
حميد:ما يامر علييج عدو..أنا مااا اريد انش بااجر واسمع خبر ان عليووه قلبي تعباانه..صوتج هب عايبني اليوم..سيري رقدي..وأول ما تنشيييين طرشيلي مسج..ولا ياااويييلج مني..
عليا:فدييتك يا حميد..أنت أكثر وااحد مهتم بصحتيه..ودوونك أنا ماروم أسوي شي..هاه حميد حبيبي تامر بشي..؟؟؟
حميد:لا حياتي..ومن صووبج..
عليا:ارقد زييين..أوكييك؟؟
حميد:اووكي..
عليا:يلا حبيبي تصبح على خير..
حميد:وانتي من هله..فداعة الله..
عليا:الله يحفظك..
وبند حمييد..وحط تيلفونه عداااله ورقد...
***خلونا اشوي نسولف عن حميد وعليا...***
++عليا وحميد..اثنين حبوا بعض..كلن ايحب الثاني زوود عن الثاني..يومياً يرمسوون بعض..حميد ايحب عليا بجنووون..ومايرووم أيزعلها أو يعصب عليها..واذا زعل عليها ما يدووم هالزعل أكثر عن دقيقتين..طلباتها أوامر..ايشوفها ملاك في عيوونه..مع انها هب حلووه ..يعني فيها حلاه اشوي..بس تبون تعرفون ليش هو ايحبها..؟؟؟؟لأنها تفهم أفكاره..او تفهم تفكيره وبشوو ايفكر..قدرت هي الوحيده من ميات البنات اللي ايرمسهن..انها تسحره باسلوبها..وجاذبيتها في الحواار..كانت تلبس جدامه قناع الطيبه والتفاهم..هو يعرفها من يووم ما كانوا اصغار..بحكم انهم ييران..الباب بالباب..بس من كبرت عليا..مااستوت اتشوووف حميد الا من بعيد لبعيد..ومثل ما تدروون..عليا دوومها ويا سلامه..وفي يوم دقت على بيت بو حميد لأنها تبا سلامه..وحميد هو اللي رد ع التلفون..جذبته بصوتها النعيم..واسلوبها في الكلام..كانت غيييير بأسلوبها عن أي بنت ثانيه...شل حميد رقم التلفون من الكاشف..وعرف ان رقم بيت ييرانهم..وكل ماا يت عليا بيت هل حميد..كان حميد ايتابعها بنظراته..وعليا لاحظت هالشي وعرفت ان حمييد منجذب لها..وكانت اتفكر فييه..وكانت اتقول في خاطرها كيف بترك وااحد شرات حميد..جمال..وسامه..فلووس..رحامه..ملايين البنات يترين اشاره منه..بدت هي الثانيه..تجذب حميد لها أكثر وأكثر..وكل ما تبااه صاار.لين ما قدرت اتظهر لها تلفون..بعد ما اقنعت ابوها لأنها تحتايه بحكم ان أخوانها كلهم معرسين و ساكنين في بوظبي..ويدتها دووم تعبانه..وأمها انسانه ما تهتم لهالأشياء..البنيه ظهرت ولا ما ظهرت عادي عندها..ومسكين الشايب ظهر لها تلفون وعلى نياته..بس هي خانت ثقة هلها ورمست حمييد تلفون..بالأول..كانت اتمووت في شي اسمه حميد..تعيبها سوالفه ورمسته صوته يوم ايشل لها..كل وااحد صار يغرم ع الثاني..لين ما تغيرت عليا وظهرت على حقيقتها..بدا اسلوبها يتغير ويا حمييد..لدرجة ان حميد شك انها مب هي اللي رمسها أول...ويوم صارحها باللي في خاطره واللي لاحظه..بدت اشوي تعدل اسلووبها..كانت انسانه خبيثه وهدفها بس تجرح قلب حميد وتعذبه..والأهم تستغله..فكانت تطلب منه هدايا..عطور..ميكب ..ملابس..وهو أبد مب مقصر وياها..بالعكس كان يعطيها فوق اللي تباه..هاذي هي سالفة حميد وعليا..محد يدري هل الزمن بيفرقهم..ولا أقداره؟؟ولا نوايا عليا..الله العااالم...+++

. . . . . .

تفضّل رووح في حــــــالك..وأنا مابـــــاك بالمــــرة..
وبلقى غـــــــــــيرك بدالك..وبنسى حــــــبك وغدره..

بيت بو منصور..
الساعه5ونص..
يوم الجمعه..

كانت ظبيه قاعده ع الدري اللي جدام باب الصاله..اتشوف اليازيه ويدتها وأمها وأم سلطان وموزة ومهره واختها الصغيرة مها..الكل قااعد ايسولف ..بس هي مالها خاطر للسوالف والحشرة والضحك..فكانت مكتفيه بس بشوفتهم وهم مستانسين..
وفجأه وبدون أي انذار سابق ..شافت طيف حميد واقف جدامها..حميد!!؟؟..حميد يا ظبيه حميد؟؟؟!!!..حبيبج ..غناة قلبج..لا حميد جرحني..حميد خانني..حميد كان بالأحرى يلعب بأحاااسيسي..ليش يا حميد؟؟لييييييش شو سويتلك أنا..بشو قصرت علييك..أأأأه يا دنيا..أأأأه..اللي حبني وحبيته..في الأخير يودعني بجفا ونسيان..وخلاني أعيش بأحزان مالها اول ولا اخر..ليش أنا أتعذب..وهو مستانس..ليش اتطيح دمعتي من أشوف وهو من يشوفني يبتسم لماضيه ..لييش يستوي ويااي جييه..؟؟؟؟؟!!
ويييييييل حاااالي علييك يا حميد..وييل حاالي..ويل حالك يا قلبي ويييل حااالك..أنا لازم أنسى حميييد..لاازم انساااه..لازم أمحييه من باالي..ومن هالقلب اللي هو أساس المصااايب..محد بيقدر اينسيني ايااه الا هالإنسانه اللي جداامي..اليازيه..أأأأه ياليازيه لولاج مادري شو كنت بسوي..لولاج يمكن ما اقدر أعيش لحظة فرح..صدقووني هالإنسانه غيير..ربي ميزها بالجمال..وبالقلب الطيب..أنا بنسى حمييد على يدها..فدييتج ياليازيه..شيختنا كلنا..الله يسعدج ويااا مبارك أخووي..
اليازيه"تقعد حذال ظبيه":بل بل بل بل كل هاذا الوقت أفكااااار..أكيد هالمخ"وتأشر على راس ظبيه"..يشكي اللحينه..
ظبيه اتطالع في اليازيه وتبتسم لها..
اليازيه:بسم الله شياااااج؟؟
ظبيه..على حالها اتطالع في اليازيه وتبتسم..
اليازيه:عز الله البنت فقدت عقلها..أخيتي ماذا بك؟؟
وظبيه على حااالها..
اليازيه"اتصرخ بأعلى صووتها":عموووه عويييش بنتج غدت مينووونه..
أم منصور:شوووو؟؟وش اتقولين..
ظبيه"تضرب اليازيه على كتفها":ياااالعنز ..
اليازيه:محد غييرج عنز..ظبيوووه..
ظبيه:عيوونها..
اليازيه:صح كنتي اتفكرين بحميد..
ظبيه"اتطالع الأرض":هيه صح..كيف عرفتي؟؟
اليازيه:يوووم أشوفج مستهمه واتفكرين..وايي عندج وارمسج وانتي لابستني..وخلاف يوم تنتبهين لي اتمين تبتسمييين..أعرف انج كنتي اتفكريين في حميد...لأنه هو الإنسان الوحيد في هالدنيا يقدر يااخذ تفكيرج جييه؟؟
ظبيه:ما جذبتي يا بنت سهيل..وربي شاهد علي يا يزووي..اني كنت أفكر انساااه وأنسى كل لحظه عشتها وياااه..بس كيف مااادري..
اليازيه:تبين تعرفين كييف؟؟
ظبيه:كيف..
اليازيه:هههههههه..بالإستهبال..وقفي..
اتوقف ظبيه..وتسحبها اليازيه بيدها..صوب الباقيين ..
اليازيه:السلاام عليييكن..
الكل:وعليج السلام..
تيلس اليازيه وتهمس ليدوتها برمسه..وخلاف راحت يدوتها وعطتها عيرتها"عصاتها"..وتشلها اليازيه هالعيره ومن الخاطر مستانسه..وردت ووقفت جدام ظبيه..
اليازيه:سمعن انتن كلكن ياللي اهنيه..وكلكن شاهدات ع اللي بسويه..أمايه ويدووه وعموه عايشه قولن تم..
العيااييز كلهن صخن..وخلاف رمست البووس العوود..
أم عبدالله:تم..واللي بغيتنه لكن..
اليازيه:هاه عموه عايشه..
أم منصور:تم..
اليازيه:هاه أم سلطوون..
أم سلطان:تم..ولا تقوليين سلطوون..
اليازيه:أأأأأأأخر مرة..خلاص ما بقوول..اللحين راضبيه عليّ..؟؟
أم سلطان:هيه رااضيه..
اليازيه:هاه مهره وموزة شاهدات صح؟؟
مهره:شااهدات..
موزة:شاهدات ونص..بس رمسي يلا شوو في خاطرج..؟؟
اليازيه:اللي في خاطريه شي ما ينرزا..بس أنا مكبرة الموضوع..
أم عبدالله:انزين يلا رمسي وبلا هالرمسه الفاظيه..
اليازيه:أأأأأخ ووييهي احترق..يا طويلات الأعمار..اللي ابغيه منكن انكن تلبن اللي بغته ظبيه..
موزة:كيف بغيتهن ايسون..
اليازيه:اللحينه بتشوفن..
وطالعت ظبيه..وقالت...
اليازيه:يلا نبدا المقابله..السلام عليكم>>>>على فكره كانت تتكلم لغه عربيه فصحى..
ظبيه:وعلييج السلام..
اليازيه:كيف الحال يا أخيتي؟؟
ظبيه:يسرج ..
اليازيه:أختي الكريمه انتي الأن على الهواء مباشره في قناة على كيف كيفك"أسم قناتها..طبعاً غيير موجود في تلفزيوناتكم"ومن برنامج اللي تباه بيصير..>>وهاذا اسم برنامجها..
ظبيه:واااو..أول مرة أسمعبها هالقناة..
اليازيه:يا غبيه لأنها من وحي الخياااال..
ظبيه:أهااا..انزين والمطلووب؟؟
اليازيه:هههه..تقلبين ويييهج...لالاأقص عليج لا تقلبين بس أطوويييه..هههه...لالاأقص علييج..المطلوب يا طويلة العمر..انج تطلبين شي..واحن بنسويه لج..
ظبيه:قلاص مااي..خخخخ..
اليازيه:مااااااااااااااال أوووووووووووووول..ظبيه لا تستهبلين.."وبهمس"قوولي السووق..
ظبيه:ابا السووق..
اليازيه:والآن ينتهي وقت برنامجنا..لنا لقاء أخر..تحياتي..بنت سهيل الــ.......ي..
وتطااالع فيهن..>>اونهاع التلفزيون وما تبا حد يعرف اسمها..
اليازيه:يلا ودوووها السوق..طبعن هي ما بتسير الا ويااي..
أم عبدالله:امممممرة ما طلبتن الشيخاات..واللي تبنه على حساابي..
اليازيه:انزين تعالي ويانا يدووه..
أم عبدالله:لالا ما بسير أنا ما فينا ارقى الدري المسير>>>تقصد الدري اللي يتحرك..<<<خلن موزة اتسير عندكن..
اليازيه"اتطالع في ظبيه":ييييييييييهااااااااااااااااااا...وماااا لقيتوا غير موزة اللي ما تخلي حد ايشووف شي..منصور أكيد اللحينه بيي..سهيل أكيد بيصيح..لحظه برمس مهره بشوف ايصيح ولالا؟؟يااهي مصيبه..
الكل:ههههههههههههههههههههه..

. . . . .

لو ذقت منك هجر بعطيـــــك...حب وغلا وأحلى شجوني ...
لا ظن يالمحبوب ناسيـــــــك...ولا ظن حبك لي يهونــــي...

بيت بوناصر..
الساعه 8ونص..
حجرة الهنوف..

في هالوقت..كانت الهنوف قاعده ويا بنت عمها"روضه"..ع الشبريه ويسولفون..
روضه:هاه وأخباره حبيب القلب..؟؟
اتنش الهنوف من الشبريه واتسير صوب الثلاجه واتظهر عصير وحلاوه..وفي نفس الوقت ترمس..
الهنوف:حبيب القلب؟؟؟!!ما بقول غير شي واحد..ليته درااابي..وعانا صوابي..وانا المصابي في دنيييت اغراااب..ااااااااه يااا رووضه من بعد ما رمسته..خلااص أحس عمري مت وحييت من يديد..
روضه:يالله..لهالدرجه اتحبينه يا الهنوف..وما كنت اتوقع هالحب كله ايكوون في قلبج..يااحظه يا الهنوف..دامج متيمه فييه جييه..
الهنوف:المشكله أنيه ما اشووفه..اااااااه ياهالحظ النحس..والله أحس بغصه كل ما اتذكر هالشي يا روضه..
روضه:علني فدااج يا الهنوف..والله ما يسوى علييج هاللي مسويتنه في عمرج..
الهنوف:انتي ما تفهميين؟؟اقوووولج احببببببه..والله أحبببببببه..أنا متحمله هالعذاب كله عسب سعيد..وبتم أتحمله يين ما اموت..
روضه:ادري اتحبينه وهاللي يقهرني..انسيه شوي..بس شوي..انتي لين متى بتميين جييه..الم عنا وشقا هي حيااتج..
الهنوف:الين ما ربي يرفق بحالي وسعيد ايحبني..
روضه:مستحييييييل؟؟؟!!!
الهنوف:شووووو؟؟
روضه:الهنايف عيشي الوااقع..خلييج انسانه وااقعيه..سعيد ايحب وحده اسمها ميثا..واهي اتحبه..وفوق هاذا تقربله..بنت خاله..ما اظن ان في شي يمنع ان يعرسوون..
الهنوف:شووو؟؟يعرسون؟؟!!!رووضه..دخيييييييلج بس..انتي ناويه اليوم ما تظهرين من بيتنا الا ومينتني..
روضه:ظنتي أنا اقوول شي واقعي يالهنوف..
الهنوف:انزين شووو أسوي؟؟
روضه:شي سهل..تنسييييينه..امحييه لفنره من باالج..وان شالله ربي يعطيج على قد نيااتج..
الهنوف:شووو؟؟انا انسا سعيد..لالالالالا مستحييل..ماااااروم..انتي ما تتوقعين شقد أحبه سعيد..هو حياتي..ومستحيل أتخلى عن حياتي..هو عيوني..وما ريد أترك عيوني..هو قلبي اللي وهو نبضه..وماروم أترك قلبي..رووضه انتي تطلبين المستحيل..
روضه:انزين شو بتسوين؟؟
الهنوف:شو بسوي يعني؟؟ما بسوي شي...بصبر ..وبنشوف نهايتها شو؟؟
ويسمعون صوت حد ايدق الباب..وسارت الهنوف وفجت الباب..وشافت الخدامه وقالتلها ان هل روضه يتريونها برع..
الهنوف:لاااا حراااااام قعدي عندي بعدج اشوي..
روضه:يا حلوووه بااجر مدارس..
الهنوف:انزين وينها عبااتج..؟؟
روضه:تحت في ميلس الحرمات..يلا نزلنا تحت..
الهنوف:يلا..
روضه كانت لابسه كندورة سماوويه وكانت كاشخه لأنها من زمان ما يت بيت عمومتها..أما الهنوف لابسه كندورة كبديه..وكانت بس مجحله اعيونها..والهم والحزن امبين في عيونها..نزلن تحت..وسارن الميلس مال الحرمات وخذن عباية روضه..ونزلن الحوي..وطبعاً العايله الكريمه كلها اهنيه..ذياب وسيف وحمدان وناصر وبطي..وخليفه واقف عندهم"ولد العنود وبطي"..وأبو ناصر وابو بطي..طبعأ هاييلا كلهم واقفين جدام الباب العود مال البيت..أما الحرمات واقفات في نص الحوي..أم ناصر وأم بطي..والعنود.."حبيت أحط لكم ملاحظه ان روضه ما عندها غير أخ واحد وهو بطي..وما عندها أخوات..وأنا هالعايله ما حطيتها في الشخصيات...لأنها تعتبر من الشخصيات الثانويه..أوان دوورهم بسيييط.."
المهم..وصلن الهنوف وروضه صوب الحرمات..
الهنوف:روضه روضه؟؟
روضه:بسم شيااج؟؟
الهنوف:سيف سيف..
روضه:وينه وينه؟؟
الهنوف:هناك ما اتشوفينه واقف عند الريااييل..محلااااااااته ..والله انه حلوووو..بس تدرين ذياب أحلى منه..؟؟"قصدها اتعصب بها"..
روضه:بس بس محد شراااااته بو هناد فدييتتتتتته..
الهنوف:الله يتمم علييكم يا روضه..ويتوج هذا الحب بالزواج>>تتكلم لغه عربيه فصحى..
روضه:هلاا ابله سحر احيدج في دبي شو يابج لبوظبي؟؟
الهنوف:هههههههههههههه..وياا وييييهج يالعنز..
وساروا قووم روضه لبيتهم اللي في دبي..وسارت الهنوف حجرتها..وأول ما بندت باب الحجره جاان حد ايي ويفجه مرة ثانيه..
سيف:هاه شو قالت؟؟شو قالت؟؟
الهنوف:بسسسم الله الرحمن الرحيم...ماقالت شي بس تدري أنك انت ويياها أكبر سخيفين؟؟
سيف:لييييش؟؟
الهنوف:يعني اتشوفها واتشوفك..بس تبتسمون لبعض ..وتتبادلون النظرات..حتى ما سلمت عليها ولا شي..لعنبووه من مذهب عندك انت وياها"واتقول في خاطرها..حمدوا ربكم ع الأقل اتشوفون بعض"..
سيف"ييلس ع الكرسي":اهاااا..انتي الأسخف..شو يعني أسلم علييها مرتيين..مرة قدامكم ومرة من وراكم..أسمييج سوالف..خخخ..
الهنوف:اوووووووونه..يعني انت كنت مسلم علييها من أول..
سيف:اوووه..سلمنا وسولفنا ورمسنا وضحكنا..ويااا ويهج ماشي يديد عندج....يلا مع السلامه..
ويظهر من الحجره..وقعدت الهنوف ع الشبريه..وسرحت بأفكارها الدايمه..لين ما نشت وتسبحت..جنها تبى تغسل قلبها من الهموم..

. . . . . .

بعدت ومرت الأيــــــام..وقلبي ما ســـلا عنكم..
فوادي في هواكم هام..وطول الوقــــت يتبعكم..

بيت بو سلطان..
الساعه تسع ونص..
الحوي..

في هالوقت..كان سعيد ميلس في الحوي ويا اخووه راشد..كان ايطالع راشد وسرحان..وراشد ولا عليييه..همه الوحيد يستانس وهو يلعب بالدراجات..
راشد:صورني صورني..
سعيد:فاظي أنا يحترق تلفوني واييب واحد يديد..
راشد:هههه..وااايد واايد واايد ضحكتني..الله يقطع سوالفك..
سعيد:بشوو تنقطع..
راشد"يوصل لنهاية الحوي ويرد":بالسكين ولا بالمقص..
سعيد:ع بالي المشرط..ههههههههههههههاااي..
راشد:ماا يضحك..
سعيد:أنا ابا اضحك..انت وش دخلك..بعير متطور..يلعب دراجات..
راشد:هههههه..أنا بعير يالتيس..
سعيد:تيس ولا كبش..اسمييييييك سوااااااالف..
راشد:لا يكوون تبا الرقم؟؟
سعيد:لا لا ما ارقم شباب..
راشد:بس بنات..؟؟
سعيد:حرام لا تنسى العياييز..
جان تظهر أم سلطان من البيت..
ام سلطان:سعييد..
سعيد:لبيه..
أم سلطان :لبيت حايه..تبى العشا اللحينه علني فداااك..
سعيد:اممممم..مالي باارض..بعد شوي بعد شوي..
أم سلطان:وانت رشوود؟؟
راشد:يامايه الله يهديج لا تقولييين رشوود..يا اتقولين راشد يا بو سنيده..بس رشوود..لالالا ما يعيبني هالإسم الدلع..
أم سلطان:مسود الويه بزقرك على كيييفي..
سعيد:هلاااا..عاشت العيووز..
جان اتطالعه أم سلطان بنظرة..
سعيد:اسفين غلطه مطبعيه..عاااااشت أماااايه..
راشد:بل بل شفيها العيوز قلبت علييك بو عسكور..
أم سلطان:عيز حييلك يا ويه العنز..ما خبرتني تبى العشى اللحينه ولا ويا خوانك وخواتك..
راشد:لالالاأباه اللحينه..يوعان يوعان..
سعيد:عنبووووه هب بطن عندك..
أم سلطان:رد الشهاده عن لا تضربه بعين..ويعاف شوفت القوت..
سعيد:بل بل قالولكم ساحر..
راشد:هيهيي..مسكيييييين..
سعيد:قلبك يحسب اني مولع بك..
راشد:شوو هاذا؟؟
سعيد:أكمل الفراغات؟؟؟؟
راشد وسعيد:ههههههههههههههههههههههههههاااااااي...
أم سلطان:الحمدالله والشكر مظهرين لي هالضرووس ما اتقول الا مسوين لكم دعايات شروا التلفزيون..
سعيد:ههههههههههههههههههههههههه...
راشد:هههههههههههههههه..أي معجون أسنان..؟؟
أم سلطان:صخ صخ انته لا ترمس..
وتسير عنهم..
راشد:قفطووني قفطووني..قفطوووني قفطووني..
سعيد:مثثثثثكيييييين..
راشد:محد غيرك مثثثثثثكييييين>>>كانوا بالعمد ايقولون حرف السين ثااء..
الا واليازيه حادره عليهم هي ومهره ..وميودات أكيااس في يداتهن..
سعيد:لا مرحبا ولا مسهلا..تو ما اظلم البيت..
اليازيه:يا وقح..
سعيد:وقحه ما غيرج >>>وكانزا ينطقون حرف القاف بالعاميه..
راشد:خخخااي..وقح؟؟!انزين نطقيها صح القاف.
سعيد:ما تعرف مسكييينه..
راشد:من وين يايات الحلوات الشينات...
مهره:من السوق..
راشد:خبرتن سلطون انكن بترووحن..
اليازيه"تضحك بشكل طنازة":ههه..طالعوا هاذا بس..يا غبي..أكيييد خبرناااه..
وسارن وحدرن البيت..
سعيد:يااخي هاذي البنت مستخفه..
راشد:وأكبر مستخفه..
سعيد:الله يعطيها العقل..

. . . .

أسامر طيفكــــــم بأحلام..ونوحــــي من تعذركم..
حياتي عشتها في أوهام..وقلبي ذااب في صدكم..

جدام الكورنيش..
الساعه 11ونص..

ذياب واقف جدام الكورنيش ..ويفكر في اليازيه.."يالله كم أحبها هالبنيه وهي امممرة مب حاسه فيني..شووو أسوي؟؟؟أنا متأكد ان مالي غيير مبارك..هو أكييد بيساعدني..محد غييره...بااجر بسير سويحان..جاد اشووفها ..ياااالله لو تدرين بهالحب اللي في قلبي..ظنتيه ما بتتركيني..وييين إحسااسج ياليازيه..ليتج اتحسين فيني..كيف بتحس فيني وأنا اعاملها معاملة الأخ لأخته..وهي بالنسبه لها شي عاادي..لازم أغير معاملتي لها..بس مااارووووم..إذا هي تبى اتحبني اتحبني..بس أنا أخلييها اتحبني..ماااريييييد..ماارييييييييد..مع اني أروم أسوي هالشي..وأخلييها تتعلق فيني..واليازيه طبعها عنيييد..فيعني اذا عاندتها ..أقدر أكسبها..خلااص ذياب لا اتعب عمرك بهالأسئله وبهالأفكار اللي ما تودي ولا تيييب.."
لف على إنه بيركب السياره وبيرد البيت..جان ايدق تيلفونه..شاف التلفون..بو حمد الغالي.."الطيب عند ذكره"..قالها في خاطره..وحط السماعه في إذنه ورد..وركب السياره..
ذياب:مررررررررحباااااااااا ملااااااايييييين ولا يسدن في ذمتيه..
مبارك:مرحبااااااابك زوووووود..شحاااااله ذيبنا؟؟
ذياب:اممممممرة يسرك حاله..وشحالك انته؟؟
مبارك:ابخير ونعمه..ويين انت؟؟
ذياب:لا لا مقطع عوّد علي وأنا اترياك لا هنت..الحاال وااحد والظروف اتشابه..وإذا سألتك اتحبني قلت لي كنت..وأنا ابتسم من باب حب الدعابه..
مبارك:الله والله إني أحبك للحينه..واني ما تغيرت علييك..بس اترك الإستهبال لمدة دقيقه وخبرني ويييينك اللحينه؟؟
ذياب"يبغي يطفر بمبارك":دقيقه ولا ثانيه..؟؟
مبارك:لا ع بااالي ساااعه..
ذياب:هههههههههههه..ما مشت ويااك..طال عمرك أنا اللحينه ساير البيت ..كنت في الكورنيش..وانت وين؟؟
مبارك:اممممممم..قاعد أحووط بالسياره..انزين تعال لنا بااجر..
ذياب:تصدق ؟؟!!
مبارك:شوو؟؟
ذياب:كنت مفكر أييك بااجر..
مبارك:عيل غدااك عندنا يا بن عوض..
ذياب:يستوي خير..
مبارك:ذياب شكلك متخشع تخشييييع من الحب..
ذياب:اممممممرة لا تتخبر..
مبارك:يلا عيل بخلييك...تامر بشي؟؟
ذياب:سلامتك الغالي..ومن صوبك..
مبارك:لا ترد في كلمتك...ههههههههه..تعال باجر..عسب أحل مشكلة قلبك..
ذياب:هههههههه..أفا علييك يا حلال المشاكل..داام السالفه جيه..بصبحبكم..من بعد صلاة الفير..وأنا عندكم..يعني ريوقي عندكم..
مبارك:ههههههههه..وياا ويهك..ما تنعطى ولو نص ويه..
ذياب:يااهي مصيبه..يا خي انت لييش بخييل..
مبارك:كيفي كيفي كيفي..يالله كيفي أقوولك كيفي كيفي..ما تفهم انته؟؟!كيفي كيفي..
ذياب:اووووووووه ..طفرتبنا كيفي كيفي..
مبارك:انزين كيفي..
ذياب:والله والله صدقتك..بس اقلب ويهك..
مبارك:على أي صفحه..
ذياب:الثالثه؟؟
مبارك:ملغيه..
ذياب:انزين خلاص لا تقلب ويهك..
مبارك:لا لا بقلبه..
ذياب:لالاأفا ما يستوي..حلفت علييك..أفا لا تردني..
مبارك:ههههههه.أأأأأأأأأأأه..تدري ذياب ابا ارقد ..يلا مع السلامه..
ذياب:وياا ويهك..ارقد زييين...
مبارك:لااااا تووووصي..
ذياب:يلا مع السلامه..أحلام ورديه..
مبارك:يا غبي أنا ولد..خل اللون ازرق..
ذياب:احلام زرقاا..
مبارك:هههههههههه..
ذياب:ياا بووك انته ما تخلص سوالفك..انقققلع يلا..
مبارك"يغني":تحب تقفطني..ما بتترتاح الا يوم تقفطني..تستانس يوم اتقفطني..يااخي انت لازم تقفطني..
ذياب:الللللله حلوووووه غنيتك..متى بتنزلونها في الأسواق..
مبارك:اممم..والله للحين ما خلصوا تصميم الألبوم..من أعرف اكييد بخبرك لاتحاتي..
ذياب:الا صح وش اسمه البومك؟؟
مبارك:تقفطني؟؟!!
ذياب:اووه غااوي الإسم الصراحه..
مبارك:من ذوقك..مع السلامه..حراام حراام خسرتني..
ذياب:انزين انزين بس بقووولك شي..
مبارك:مهم يعني؟؟
ذياب:بل بل بل وااااااااااااااااااااااااااايد.وأكبر مهم..
مبارك:أووه لازم يعني؟؟
ذياب:خلاص اذا ما تبا كيفك..؟؟
مبارك:لالاأبا..
ذياب:لالاخلاص شكلك مشغوول.
مبارك:لا مشغول ولا شاغل..قوول شعندك؟؟
ذياب:لحظه..عندي سياره وعندي كندورة ولابسها وفيها بووك وهالبوك فيه فلوس وفيه بطاقة البنك والبطاقه الصحيه..وصورتك صورة الشباب.وعندي نعال لابسنها..ووو..وعندي اشياا واايده مب لازم أذكرها..أووه صح ولابس وزار وفنيله..وحاط السفره ع رااسي..ووو..
مبارك:يعني ما عندك سالفه بس تستخف وتحرق أعصابي..
ذياب:سالفه؟؟؟!!!أي سالفه..اذا عندك سالفه قوولي ولا تخليني جيه..على اعصابي..
مبارك:وااايه التراب على قولت أمايه..انت ليش متفيج جييه..
ذياب:والله ماادري..يمكن لأني نعسان..
مبارك:يمكن..انزين شي سالفه عندك؟؟
ذياب:لا والله ما عندي..تعال باجر يمكن شي..
مبارك:يا سخييف ياتافه..مع السلامه..
ذياب:مع السلامه..
وكلن بند عن الثاني.."اتصدقون هااييلا أحلى اثنين عندي في القصه؟؟!!"

. . . . .

اسراب حبك جاتني سرب مع سرب..واتسيدن كل الضمير وسرنبي..
لحظه بعدك في الحشا ولعت حـــرب..نيرانها بين الحنـــــــايا تشبي..

الهير..الساعه6ونص..
بيت بو عبيد..
حجرة عليا..

في هالوقت كانت ميثا منسدحه ع الشبريه..والشووق ذابحها لشوفت نظر عينها سعيد...الين مايأ عبالها اليازيه...واااااايه.. اربع ايام ما رمستها..
وتمت اتدق الين ما حنوا عليها وردوا..
راشد:هلا..
ميثا:أهليين..اشحالك بو سنيده..
راشد:يسرج حالي ما نشكي باس..الا انتوا شخباركم يا ميثووه..
ميثا:ههههه..بخير دامكم بخير..أخبار دراجاتك..سلم عليهن..
راشد:هههههههههه..سبحان الله توني شايف وحده منهن وقالت سلملي على ميثا..انتي مشتاقه لهن..
ميثا:واااااايد..
راشد:حتى هن سبحااان الله..
ميثا:ههههههههههه..عنلاتك خسرتنيه..وينها اليازيه..
راشد:اممممممممم..مدري والله ظنتيه تحت اتشوف الزير سالم..
ميثا:اسمييها اختك ما عافته هالمسلسل..كم مرة اتشووفه؟؟
راشد:تصدقين انها حافظته..اليوم بسمعلها ..
ميثا:هههههههههه..وخبرني النتيجه..لا تنسى..
راشد:أفا علييج ما طلبتي..انزين شو رايج اتدقين ع التلفون اللي تحت..لأني انسان هب متفيج انزل تحت وازقرها..عسب سوالف بنات فاضيات..
ميثا:مشكوووووووور يا بن سهيل..نخدمك في الأفرااح..
راشد:عفواً..ونحن في الخدمه..
ميثا:تامر بشي؟؟
راشد:لا تسلمين ومن صووبج..؟
ميثا:بعد ما تخلص الأخت الكريمه من مسلسلاتها التاريخيه خلها اتدقلي تلفوون..
راشد:اووكي اوووكي..دوونت ووري..
ميثا:والله واتطورت عزبتك..قمت ترمس عنقلييزي.
راشد:الا من يومي متطور..وبعدين هاذي اصلن موهبه عندي مخفيها..
ميثا:ماشالله ماشالله..
راشد:شكرا شكرا..والحمدالله قلتي مشالله..مافيني اصير طايح اللحينه من عيينج..
ميثا:لاااااوالله؟؟فديتني عيني هب حاارة..أوكي انا ببند لا تنسى سلم ع عمتيه واخواتك كلهن..
راشد:سلامن يووصل..مع السلامه..
ميثا:الله يحفظك..
من بندت ميثا حدر حجرتها عبيد..
ميثا:بسم الله الرحمن الرحيم ؟؟شو ماشي احترام جي حدرت جنك حرامي..
عبيد:حرامي ياخذج ولا يردج..كنتي ترمسين منو؟؟
ميثا:راشد..
عبيد:شو؟؟منو راشد **وفج عيونه..**
ميثا:بسم الله الرحمن الرحيم..شو بلاك راشد راشد بن سهيل..كنت داقه ابا ارمس اليازيه قالي راقده..بس..
عبيد:هيه ع بالي بعد..انزين ليش ما تنزلين تحت اتسويلي أكل..
ميثا:ماااريييييييد..عنبوه عندك ثلاث بشكارات ميلسات اهناك..أشرلهن وبتناقزن لك..
عبيد:اوكي اوكي معالي معالي بردها يا سباله..
ميثا:السباله بنتك..
عبيد:أأأه بنتيه بتطلع شرات أمها تينن..
ميثا:لا وواثق بعد..سبحان الله تطلع معوقه..
عبيد:فال الله ولا فالج.جب يا مسودة الويه..
ميثا:خخخ...الا وين بترووح..جي عاده كاشخ فوول..
عبيد:ماشي والله سايرين صوب الغواني بنرقم وبنرد..
ميثا:صح نسيت عفرووه بنت ييرانا اتسلم عليك واايد..
عبيد:يابووي سيري ويا اليهاالوه..عمرها 13 سنه شو لها بسواالف الحب..أحسن شي تقولين لها ان عبيد يعشقله وحده واهي ما تفارق خياله..
ميثا:لالا..شو؟؟حرام تجريح القلوب وتكسير الخواطر..
عبيد:لحوول..عيل خليها متمسكه باحلام الفقرااء..
ميثا:كيفك..
عبيد:انزين يوم ترمسين وحده من ربايعج الغاويات خبرين لا تنسين ابي اسمع صووت ايرد الرووح>>>قاعد يتمصخر وقصده ايعب بأخته..
ميثا:ليش هي روحك وينها..؟؟
عبيد:والله ماااااااادري..بس من أشوف ذييج الغاويه بخبرج منوو هي اللي سلبت رووحي وقلبي وخذت تفكييري صووبها..أبد ما فارقتني صوورتها..
ميثا:الصراحه انت شي ثاني..تحديت قيس في الشعر..ما نرووم ما نرووم..هاذا وانت للحين اتفكر بالحب ولا حبيت..أسمييك سوالف..
عبيد:جفتي عاد..بعدين قولي مشالله لا ينربط اللحينه لسانيه ومارووم أطلع حرف..
ميثا :هي انجوفك من اللحين ما رمت ترمس..
عبيد:أكييد اتجوفين ..عيل ع الفاضي عندج اعيوون..
ميثا:لا هب عالفاضي..
عبيد:أووكي يلا مع السلاامه..
ميثا:الله يحفظك..هيه صح..اليوم بتسير سويحان؟؟
عبيد:هيه بكوون عندهم بعد صلاة المغرب...
ميثا:اووكيك..لحظه بعطيك شي تعطيه اليازيه..
عبيد:يلا بسرعه..
وسارت ميثا للكبت..وظهرت كيسه عيناويه..وكان فيها بوكس..طالها عبيد بنظرة..
عبيد:لمنوه تبينه؟؟
ميثا:لظبيه ومهره واليازيه..
عبيد:شو اللي داخل هالبكس..لحظه بفجه..
ميثا:لالاتفجه..مافيني يتخرب التعديل بسبة فظوولك..
عبيد:سخيييفه..
ويظهر عبيد من حجرة أخته بعد ما عيابها..ظنتيه هااي شغلة الشباب بس ايطفروون بنا ويكرهونا حياتنا>>>حرام واحن البنوتات الدلوعات..
نرد للقصه..لأني اذا بديت أرمس..هزري بعبر الوقت كله وما برووم أيود يداتي من أنها تكتب باللي يقوله لساني..فأفضل حل إني أقطع السوالف..
ونـــــــرد للقــــــــصه..

. . . . .

انته الغلا بد الملاييـــــــــــــن ... في خاطري يا اعـــــز انسان
روحي وروحك صدق روحين ... في جسم واحد طول الازمان

بيت بو سلطان..
الساعه سبع ونص..
المطبخ..

اليازيه:اووونه اوونه والله اتطورتي مهره قمتي اتسوين بيتزا..أحيدج مال ميكب وتنانير..
مهره:صخي صخي لاتظربيني بعيين..
اليازيه:بس بس الله ايخليج عاده من زين هالبيتزا..
مهره:تتمنيينها..
اليازيه:هههههه...بيتزا ما بعد المغرب....ما تنطبخ الا الساعه سبع ونص....
مهره:حووه اذيتينا لج العوق ياربيه .....اووه الجبن ما ظهرته..وبعدين شو فيها بيتزا بعد المغرب..بالعكس حلووو..
اليازيه:انا بظهره..بس العصير أحلى..العرب متولفين وداقين السوالف..
وتنش من فوق الطاوله..
مهره:اونه اونه شوفوني طيبه..
اليازيه:هههههه..والله سوالف مهرووه..أم البيتزا ما بعد المغرب...العصير ما تنطبخ..
مهره:صخي صخي تراج طلعتي ظغطي..
اليازيه:ويا ويهج مستويه عيوز..اونه ظغطي..احيد عمرج 16 هب 81..
مهره:هبي هبي هباج الرب..وين تبين 81 ؟؟
اليازيه:السوق..ههههههههههه..
مهره:اشهد ان البنيه استخفت..خبله خبله؟؟
اليازيه:لا غبيه..ههههههههه...
مهره:وحيااتج ليش اللحين تظحكين..
اليازيه:كييييييييفي..
مهره:ويا شكلج يالبقرة..
وترميها بالمنشفه اللي كانت عدالها..عاد اليازيه ماصدقت تستوي ضرابه..وع طول نشت ويودت يد مهره ولوتها..
مهره:آآآآآآآآآآآآآآآآآآآآآآآآآآآآآآآآآآآآي..ا ه يعلج الحوم فجيني فجيني..
اليازيه:تحيديني احب الضرايب ..
مهره:يوزي يوزي عن الخبال..ودريه ولو ثانيه..
اليازيه:لا استطيع لانه يسري في عروقي..
مهره:عرق فلفل عساه في حلجج..وخري عني..يوزي يابنيه عقلي عقلي الين متا بتمين غبيه..والله سباله..
اليازيه:سبال ايعلقج في مروحه..
مهره:ما تفهم ما تفهم انتي والحمار واحد..
اليازيه:حمار يربعبج ويا بيتزتج في السكه وتطيحين منه..
مهره:هبي هباج الله..هب دعواات عليج..
اليازيه:خخ..
مهره:يلا هاه خلصت تعالي ببدل الين ما تخلص وبنطرش صوب ظبيوه..
اليازيه:عنبووه..العرب رقوود رقوود..>>تستخف الساعه 7ونص منو بيرقد؟؟؟
مهره:رقدوا عليج سبع بعارين..سبع ونص منوو هاللي بيرقد اللحينه؟؟
اليازيه:اسميج بغيتيني اموت بسبة بعرانج يالعيوز..امممممم..اللي راقد اللحينه أكييد سهيل..واحتمال اتكون مهوي بعد راقده..
مهره:اوونه ..
اليازيه:شو أونه..
مهره:ماشي ماشي..
وتدزها اليازيه بقوووة..وعاد مهره ع طوول تجدمت..
مهره:يااااااااااالله شو هالدفاشه..خليج خليج جي يعني اتكيت..
اليازيه:تركيت تركيت ع قول مناحي في اخواني واخواتي..
مهره:ههههههههههههههههه...
وبعد ما تركن المواقعه ..سارن فووق..وتسبحن وتكشخن..وقعدن في الصاله وكل وحده اتقول الزين عندي..وخلاف يودت اليازيه التلفون عسب اتدق لظبيه اتييهن..
اليازيه:الووووو مرحبااا ممكن أرمس الحمارة ظبيه..ولا لا؟؟
مبارك:لا مب ممكن..أول شي رمسيني وخلاف رمسيها..شحاااااالج؟؟
اليازيه"وويها قافط":آ..هلا مبارك أنا بخير ومن صوبك..
وتطالعها مهره بنص عين وتسير لحجرتها..عاد اهنيه عصبببببت اليازيه على حركة مهره ونظراتها..
مبارك:الحمدالله ايسرج حالنا..
اليازيه:ووينهي ظبيه..
مبارك:في حجرتها..تبينها؟؟
اليازيه:أكييد مايباله..
مبارك:دام أنا ارمسج بسدج عن كل الناس...اليازيه أمس أكييد ما رقدتي...؟؟
اليازيه:هيه صح أمس ما رقدت..بت أفكر..
مبارك:في شو كنتي اتفكرين؟؟
اليازيه:ممادري..مب في شي محدد..
مبارك:بس شو اللي أكثر شي فكرتي فيه..
اليازيه:رمستك اللي أمس قايلنها..
مبارك:وشو راايج فيها؟؟
اليازيه:أمس يوم كنت أفكر ما وقفت عند شي معين..أو قول إنيه للحين ما اتخذت اي رااي فيها..
مبارك:أهاااااااا..
اليازيه:هاه مبارك خلصت الإستجواب..
مبارك:هههههههههههه..لا بقى سؤاال أخير..ممكن نسأله؟؟
اليازيه:اسأل..
مبارك:جاوبيني ..اتحبيني؟؟
اليازيه:.......................................... ........
مبارك:أدري بتقوولين لييش محتشر يبغي يعرف اني أحبه ولا لا؟؟؟بس أنا مشتاق لكلمة أحبك..
اليازيه:مبارك..بليييز لااتم جيه ويايه..
مبارك:بس أنا ما بخلييج الا يوم اتقولين باللي في خاطرج..
اليازيه:اللي في خاطريه واايد..ومارووم أقووله..
مبارك:ااااااااه..انزين ريحيني ياااخي..حرا عليييج اتسوين فيني جيييييه..
اليازيه:خبرني بشو أريحك وبريحك..
مبارك:كلمة أحبك في ذمتيه انها تشفي كل عوووق..
اليازيه:تنتظر كلمة أحبك..شايفك مشغوول فيها..كل شي بوقته حلوو..لييش مستعجل علييها...
مبارك:ما ودي أفارقك يا غناتي قبل ما اسمع كلمة أحبك..اليازيه..والله والله انيه أحبج..تعالي بخبرج نكته..
اليازيه:أسمعك..
مبارك:أسمعك ولا اشوفك..
اليازيه:لا..أشوفك واسمعك..قول يلا النكته أبا اضحك..
مبارك:في نكته مستخبه ورى الباب..ليييييييييش؟؟
اليازيه:لييش؟؟
مبارك:قتلت واحد من الضحك..
اليازيه:هههههههههههههههههههههههههههههههه..
مبارك:بل بل ظهرتي ضرووسج اللحينه..
اليازيه:لا اتصدق اضحك وثميه مسكر..
مبارك:ليش ثمج باب..هههههههههههههههههههه..
اليازيه:ماااااااااااا يضحك...
مبارك:لا تتضحكيين..
اليازيه:ههههههههه..بس اتصدق حلوه ثميه بااب..أقول والله انك مخرف..عطني عطني أختك الخريييش..
مبارك:اوووووووووه..ذياب يترياني برع..يلا اللحينه بزرقها..
اليازيه:اترياا..
مبارك:انزين تاامرين بشي...
اليازيه:لا سلاامتك..ومن صوووبك..
مبارك:لا تنسيييييين أحببببببببج..
قفط ويييه اليازيه عنلاته هاه ما يستحي مسسود الويه..
وشوي الا ظبيه شاله السماعه وترمس بدوون نفس..
ظبيه:هلا اليازيه شحالج؟؟
اليازيه"تتمصخر وتقلد صوتها":أنا بخير شحالج؟؟
ظبيه:يسرج..
اليازيه:شو الأخت توج ناشه من الرقاد..
ظبيه:هيه..تسبحت وييت اشووف من ع االتلفون..
اليازيه:لا والله ليش الأخ مبارك ما زقرج..
ظبيه:هاه؟؟لا توه اللحينه شفته واقف جدام حجرتيه ومن فجيت الباب شافني ونزل تحت..وهو شاااق الحلج..هااااه هووو الللي رد عللييييج؟؟
اليازيه:هيه هو اللي رد علي..
ظبيه:هاه شو قلتوا اعترفي اعترفي؟؟أووووووووه صح..أمس شايفتنكم واقفين في نص الحوي...شووو السالفه اعترفي اعترفي...يلا يلا قوولي...شوو قالج..أكيد هي الرمسه اللي ما يأ الا عسبها من ابوظبي..رمسي سوود الويه ويه العنز رمسي..
اليازيه:تبين تعرفين كل شي..
ظبيه:أأأأأأأكييييييييد..
اليازيه:تعالي بيتنا..
ظبيه:اللحينه بييييكم طيراااااان..
اليازيه:ليش الأخت حمامه..خخخخ..تعالي تعالي وييبي ويااااج سهييييلي..
ظبيه:ولو تبيين بييب وياايه مها والسله كلها اللي اهنيه..
اليازيه:اوووه اووه مسوييين شلات وعصابات..يلا خلي الخربطيييشن مالج وتعالي ..عسب أخبرج السالفه من طق طق لسلام علييكم..
ظبيه:يلا يلا مع السلامه..انزين السالفه اتخص منوووو؟؟؟
اليازيه:تدرين؟؟
ظبيه:شووو؟؟
اليازيه:أنتي أكيد من زمان ما سمعتي صووت القطار...؟؟
ظبيه:اصلن ممرة ما سمعته..
اليازيه:سمعييه اللحينه..ترااه واايد حلوو..وفوق هاذا يجرح..
وترقع السماعه في ويه ظبيه..
مرت ربع ساعه..الا وظبيه طابه عليهن في الحوي..وسلمت على أم سلطان وأم عبدالله اللي كانن يالسات ايسولفن..ووياهن مهره..وخلاف سارن مهره وظبيه وراحن صووب اليازيه..قعدن في حجرتها..وظهرت مهره على طوول لأنها حست انهن عندهن سالفه..وما تبا ااتخرب عليهن..مع انها تعرف انهن عاادي اذا خبرنها..
وبدت اليازيه اتقووول كل شي استوى..سالفة أمس فليل..وسالفة التلفون اللي كانت مستويه قبل اشوي..وبين ما كانن مندمجات في هالسوالف..دقت البشكارة الباب..وظهرت لها اليازيه ورمستها..
اليازيه:ايي العنز بسير برمس وودوم ع التلفون تترياني..
ظبيه:رمسيها وسلمي عليها..تعالي لييش ما يبتي لي مااي..بس بيبسي وحلاوه..والشي اللي ينفعني ما اتيبيينه..
اليازيه:سيري سييري للمطبخ..اتدلينه الدرب انتي..
وظهرت اليازيه..وعلى
وول نشت ظبيه وظهرت..وتزلت تحت..وشافت راشد وتمت تتمصخر اشوي..وسارت للمطبخ..وبين ما كانت تشرب لها مااي..لفت ع ورا تبا اتشوف منو هالي ايهوود..وكان ميود في يده كييسه عيناويه..؟؟؟!!!؟؟!؟!؟!؟!؟؟!

الجزء الحادي عشر..

يوم شفته والتفت صوبي..فز قـــلبي وقال هاونه..
ادلع بالحب محبوبـــــــي..حبّيبــــّي ماني بناسنه..

انصدم الأخ"عبيد"..من شاف ظبيه وهي اتطالعه ومنصدمه من وجود هالشخص..انصدم من شكلها الهادي..ومن عيونها اللي من أي حد ايشوفها يعرف انها هالبنيه حزينه..فضووووول جتل عبيد في هاللحظه..مننننووووو؟؟منوو هالبنيه..لا اليازيه ولا مهره..هااي وحده غير..وعاد اتعرفونه انتوا عبيد ويا لقافته..
عبيد:السلاااااااام عليييييج..
أما..ظبيه فمن شافته ايبحلق اعيونه ويطالعها اتغشت بالشيله البيظا..عاااد اتخيلوا انتوا الشكل...
ظبيه:وعليك السلام..
عبيد:وشحالكم؟؟
ظبيه:يسرك ومن صووبك؟؟
عبيد:ماانشكي..
سكت فتره ايرتب افكاره ويريد ايحدد شووو يقوول..جان تظهر ظبيه وهي مسرعه.."شو الأخت سياره؟؟!!"..
عبيد"ايرمس رووحه بصوت واطي":عافانا الله بلاها شردت؟؟
وصلت ظبيه فووق...وهي اتشاهق وحالتها لله..
اليازيه:بسم الله يا رب سكنهم في مساكنهم..من وين ييتي تربعين..؟؟من أمريكا..اها يلا هيور ببند بشوف شو سالفتها هالناقه..اوكيك..يلا بااي..
ورقعت السماعه ونشت..
اليازيه:هاه الناقه رب ما شر؟؟
ظبيه"تيلس ع الكنبه":ناقه في عينج..والشر اييج وما اييني..فزي في عرب في المطبخ ما دريت منو هم..
اليازيه:عرب؟؟!!!هو في الأخير بيكونون عرب..بس منوو؟؟وحده ولا واحد..
ظبيه:يوووووووه واااحد..سيري عفد وان اشرب مااي..
اليازيه:وايه التراب من هاييلا الشباب وصلت فيهم المواصيل ايحدرون بيووت العرب ويعفدون في مطابخهم..أسميهم من صج مضيعين المذهب..وأسميها من صج الدنيا خربانه..وقالوا أحن للحين عايشين في سلام..وين سلام..لا سلام ولا كلام..ولا أمان..
ظبيه:اوووووه فجت ثمها اللحينه هاي منو بيبنده..يزووي هاذا واحد حدر وسلم وتخبر عن الحال شووو فيج؟؟؟
اليازيه:لاوالله..هالخراااااااااب بأم عينه..وينه وينه هاه مسود الويه..
ظبيه:أقوولج تحت في المطبخ..
اليازيه:نشي بنرووح انشوف منوو هاذا؟؟
ظبيه:......لالامابسير وشو له اسير بقعد اهنيه وبرمس هيور ولا ودوم ولا سهيله بس ماريد أسير ماريد ماريد..
اليازيه:عووذ بالله اووكي اووكي ما استوى شي..
سارت اليازيه ونزلت تحت وسارت للمطبخ..وحدرت وكلها فضوول منوو هالللي في المطبخ..بس بس بس ..خاااااب ظنها ما شاافت حد..المطبخ محد فيه غير البشكاره ملتهم اللي اسمها انين..
انين:مدام اليازيه هيدا شب يجي هون وعم ايأوول هيدا الكيسه لألك..
"تراها بشكاراتهم صغيره في السن..ومن كان عمرها 16وهي في لبنان تشتغل فوق الخمس سنوات..أما اللحينه فعمرها فوق العشرين سنه..واااايد قزووم وشكلها حلووو....اندونيسيه..واليازيه يوم تسمعها ترمس تضحك.."
اليازيه:ههههههههههههههااااي..شب ..؟؟!!ع بالي صخ....المهم شو اسمه..
انين:مابعرف ..
اليازيه:ههههههه..يبي يبي الكيسه..
وخذت الكيسه ومشت بهونها..وسارت فووق..وصلت فوق وماجافت ظبيه..عيل أكييييد راحت سودا الويه..سارت لحجرتها وقعدت ع الأرض..ولقت رساله جان اتفجها وتقراها..
"""""
مرحبااااا يزووي القرعه..ههههه..سوري ...شحااالج وشحاال اليميع؟؟وينج يالقاطعه من أدق قالوا مجابله الزير سالم اتطالع فيه...المهم..يابه لج هديه بدون مناسبه..الصراحه يوم جفتها عيبتني وقلت لازم أخذلج ويايه..وخذت لمهرووه وظبيووه علني فداهن..والله متولهه عليييهن حييييييل...وبااي..
تحيااااااات:
ميثوووه..
"""""
فجت اليازيه البوكس ولقت ساعه بنيه رهيييبه...وكانت من الخاطر حلووووه..
وسارت وخذت بوكس مهروه وظبيوه..وسارت لحجرة مهره ودقت الباب وفجته ع طوول ..ولقت مهره يالسه ع الكمبيوتر..عطتها وتمت اتسولف عندها..وخلاف شلت بوكس ظبيووه وسارت لبيت عموتها عسب تأدب ظبيه لأنها راحت بدوون ما تخبرها..وعسب تعطيها هدية ميثووه..

. . . .

من يحبك كثر ما حــــــــبك انا..من يحبك حاول ويا ما إجتهد..
من في عينه شوفتك كل المنا..لا ورب الـــعرش ماغيرك ابد..

سويـــحان..
الساعه 12..

في هالوقت ذياب ومبارك توهم ركبوا السياره.. طبعاً سيارة ذياب لأنه المقصه..
المهم..كانوا عند ربيع مبارك اللي اسمه خلفان..وعازمنهم ع العشا..مبارك كان امصمم ومقرر انه ما يبات الليله والا يعرف منووو هاللي ايحبها ذياب..كان ذياب ايغني واللي في باله غيير عن بال مبارك..جان يرمس مبارك..
مبارك:انزين وعلوومك ذياب ويا المحبوووب..
ذياب:من متى أصلن أشووفه هالمحبووب..في ذمتيه اني متوووووله عليييييها حيييل..اتصدق مبارك أني ما حبت حد شرات ما حبيتها..غريبه هالإنسانه ..في كل شي غريبه..
مبارك:انزين قوول قوول في اللي خاطرك..
ذياب"يرمس بطريقه اتضحك":والله شو أقووول؟؟هالإنسانه تعاملي وياها مب وااايد ..يعني بينا السلام ..وان شي سالفه يمين يسار بس..
مبارك:وانزين ليييش ما تقولها انك اتحبها وانك قريب بتخطبها..
ذياب:لاااا وااالله؟؟؟وانته امقرر كل شي ع كيفك..؟؟!!!
مبارك:هههههه...عيل ما بتاخذ اللي اتحبها..أصلاً غصبن عنك بتااخذها..وهاه ويهي اذا ما خذتها..
ذياب:الصراحه الصراحه انا خاطري فيها..وغيرها بقلبي ما سكن شخص ثاني..ولا رام قلبي في غيابها يخونها.."ويهز راسها جنه هندي.."
مبارك:تعرف انك غبي وسخيف وما عندك ساالفه..انزين من طريقة سوالفك..شكيت انها وحده من بنات عايلتك...بنت عمك..ولا؟؟؟؟
ذياب:لاااااا وين بنت عمي..روضوووه سيف يبغيها..
مبارك:انزين منوووو؟؟
فج ذياب ثمه على انها بيرمس وبيقوووول اسم اللي ايحبها..اسم اللي يعشقها..أسم من ملكت قلبه ولا راام ينساها لثواني..
بس خسااااااااااارة..
وأكبر خسااااره..
تدرووون شووو صاااااااار؟؟؟
؟
؟
؟
!
!
؟
؟
؟
دق تلفون ذياب ...وعض مبارك ع شفايفه منقهر..
ذياب:....اوكييييك لحظه برد...
مبارك:لا..قوووول..منو البنيه..
ذياب:يا غبي هاي الحكووومه..اذا ما رديت عليها بسرعه بتسويلي سااالفه...
مبارك:اووووه ذليتنا..انزين يلا رد..
ذياب"ايرد ع تلفونه":هلا أمايه..انا بخير ومن صووبج؟؟في سويحان..ويا مبارك..تعشينا عند واحد من الربع..اممممم..وصلنا بيت خالوه عويش..اللحينه بيي..لا افا علييج..انزين..اوكي اووكي ..يعني زين زين..والله اللحينه بنزل مبارك وبيي..حلفت لج..يلا مع السلامه..الله يحفظج..
وبند التلفون..وطالع مبارك اللي سند راسه ع الكرسي وسوى عمره نايم..
ذياب:ولاك عم تأبر ألبي..شو نمت؟؟
مبارك:هاه خلصت مكالماتك..
ذياب:هيه خلصت هاي الوالده اتسويلي محاظره..
مبارك:وووواااوووو..وصلنا بيتنا..ياخي فيني رقااد فظييع..
ذياب:يلا اظهرمن السياره وانتقل للشبريه وارقد..
مبارك:شو تطردني يا ويه الكبش..
ذياب:ههههههههههههههههههه...أنا ويه كبش..وانت شو؟؟
مبارك:ويه مبارك..يلا برايك.
وظهر مبارك من السياره..وحدر البيت..لقى العرب كلهم ارقووود..وأول ما حدر حجرته وبند الباب..تذكر السالفه على إنه ما عرف منو البنيه ..ظهر تلفونه ودق لذياب..بس التلفون مغلق.."مسرع ما أغلقته مسسسود الويه"...

. . . . .

نامت عيونك ونام الليل بهدابــــــــك..واللي شكوا غيبتك ذا النوم ما ياهم..
زادوا على جرهم كم جرح باسبابـك..وان اقبل الليل صوت الجرح صحاهم..

يوم الاثنين..
الساعه11ونص فليل..
بيت بو ناصر...الحوي..

الهنوف قاعده في الحوي..وسرحانه بأفكارها..وميودة في يدها بطاطا برنقلز وتاكل منه وتفكر..حب الهنوف لسعيد مب مثل أي حب..اتخيلوا..اتحبه وتعرف شوو اللي في خاطره..ميثا في خاطره..تعرف ان هي بالنسبه له ولا شي..وحده لا اتودي ولا تييب..وحده مالها معني في حياته..ومع هاذا تحبه..تسمع رمستهم يوم ايقولن ميثا لسعيد؟؟وسعيد لميثا..ومع هاذا تحبه..تسمع سوالفهم يوم ايشوفون بعض..ويوم يتلاقون ميثا وسعيد..ومع هاذا تحبه..تسمع صوته في تلفونات أخوانها وهو ايشل شلات كلها شوق ومحبه..وتسمعه يوم ايقول اهدااء الي حرف"M"..ومع هاذا تحبه..تحبه وتحبه وتحبه..ومتحمله كل هاذا العنا..ولا زالت تحبه..أبد ما فكرت في النهايه..أبد ما فكرت في الفراق..لأنه متمسكه بأمل ضعيييييف..إن الله يعطيها قد نياتها ..وتعيش باقي عمرها مع سعيد..ولكن كيف وليش وشلووون؟؟ما تعرف..لأنه اللي امبين للحينه ان سعيد يبا ميثا من خاطره"بس أنا؟؟منووو؟؟أنا؟؟انتي من يالهنوف..انتي منوووو؟؟أأأأأأأأأأأأه"............
قعد ذياب عدالها وطالعها بنظره يتسائل جنه ايقووول شو اللي ميلسنج اهنيه..بس هي مدت البطاطا له..عسب ياكل وياها..
ذياب:شو اللي ميلسنج اهنيه؟؟
الهنوف:ماااشي بس طفرانه وقعدت في الحوي..
ذياب:شو مااشي مدارس بااجر..
الهنوف:في مدارس بس أنا باجر عندي موعد عسب اعيوناتي الساعه تسع ونص..
ذياب:اها..يلا حدري عسب يوم اتسيرين باجر عند الدكتور مادري الدكتورة ما يتمون ناقعين ضحك ع عيونج المدفنه..
الهنوف:ههههههههه..يالسبال..
ذياب"يشد قصتها":للحينه أنا سبال ياسباله.
الهنوف:لالالالالالا مب سبال..بس لا اتعورني..
ذياب:واااااايه يالرقيييييييييقه..
ونش ذياب بعد ما مزر يده من البطاطا..
الهنوف:عنبووووه لهفت أبوووه..
ذياب:يووووم يكووون بفلووسج رمسي..ويه العنز..
وحدر ذياب البيت..ولحقته الهنوف..ويوم حدرت الحجره..شدهااااااا شوووووقها على انها تيلس ع النت..بطلت الكمبيوتر..وشبكت النت..وما عرفت شووو اتسوي..فقالت بتسوي لها ايميل يديد..ويوم أختارتلها اسك عسب هالأيميل اليديد؟؟؟؟؟...."M5WET_ALMOOT".."مخاوية الموت"..مارامت اتسوووويه..فقالت أكيد حد مسونه هالإيميل..ومخاوية..يعني بنيه..أوووف فيني فضووول عسب اتعرف على هالبنيه..
فجت إيميلها الثاني اللي هو"alJRE_AL5AAFY".."الجرح الخافي..على فكره هاي ايميلات افتراضيه من رااسي..يعني منقعه.."..وضافت ايميل مخاوية الموت..وانضاف هالإيميل..ولقت صاحبته اوون..جان اترمسها على طووول..
كرهت الحال من صغري..فديت الموت لو يدري:
السلاام عليكم..
الجسد موجود والروح اطلعت....والزمن غدار لكني صبور:
وعليييكم السلام..
كرهت الحال من صغري..فديت الموت لو يدري:
شحالج؟؟
الجسد موجود والروح اطلعت....والزمن غدار لكني صبور:
يسرج الحال وشحالج انتي؟؟
كرهت الحال من صغري..فديت الموت لو يدري:
بخير والحمدالله..
الجسد موجود والروح اطلعت....والزمن غدار لكني صبور:
منووووو وياايه؟؟
كرهت الحال من صغري..فديت الموت لو يدري:
اممممممممممم..وحده..
الجسد موجود والروح اطلعت....والزمن غدار لكني صبور:
ههههههه..هو أكيد وحده..مع ان الإيميل ما ايبن هو ايميل واحد ولا وحده..
كرهت الحال من صغري..فديت الموت لو يدري:
لالاأنا وحده..وعلووومج..شو ماشي مدارس بااجر..
الجسد موجود والروح اطلعت....والزمن غدار لكني صبور:
لاا أكيد في مدارس..بس بااجر بغيب..
كرهت الحال من صغري..فديت الموت لو يدري:
ولييييييش؟؟>>على فكره أنا حتى بااجر بغيب..
الجسد موجود والروح اطلعت....والزمن غدار لكني صبور:
والله ما شي سبب محدد..من زمااااااان ما غبت فعسب جيه بغيب..وانتي لييش بتغيبين؟؟
كرهت الحال من صغري..فديت الموت لو يدري:
والله عندي موعد عند دكتوور العيون..
الجسد موجود والروح اطلعت....والزمن غدار لكني صبور:
شو بلاها عيوناتج؟؟
كرهت الحال من صغري..فديت الموت لو يدري:
مااشي بس بيسون لي فحص..لأنها واايد اتعورني..
الجسد موجود والروح اطلعت....والزمن غدار لكني صبور:
أهااااااااااا..سلاااااامااااات وما اتجوووفين شر..
كرهت الحال من صغري..فديت الموت لو يدري:
الشر ما ايييج يالغلا..
الجسد موجود والروح اطلعت....والزمن غدار لكني صبور:
الا ما خبرتيني من وين يبتي الإيميل..
كرهت الحال من صغري..فديت الموت لو يدري:
الصراحه أنا كنت بسوي لي ايميل يديد..بنك مخاوية الموت..وحاولت اسويه بس ما رمت..فعرفت ان في بنيه امسويه هالإيميل ونفس النك..فياني فظوول انيه اتعرف على هالبنيه اللي سبقتني..
الجسد موجود والروح اطلعت....والزمن غدار لكني صبور:
ههههههههه..الصرااحه ساااالفه غريبه..ولو تبيييين الإيميل امممممرة ما يغلى عليييج..
كرهت الحال من صغري..فديت الموت لو يدري:
لااااا علني فداج غناتيه..بسويلي ايميل ثااني ..نوو بروبلم..
الجسد موجود والروح اطلعت....والزمن غدار لكني صبور:
والله لو تبينه تاااخذينه..ماشالله فاتحتلي دكان ايميلات أنا..
كرهت الحال من صغري..فديت الموت لو يدري:
نفس الحاله..أربع وعشرين ساعه يالسه ع النت اسويلي ايميل..مااشي شغل..ما قلتيلي أسمج..
الجسد موجود والروح اطلعت....والزمن غدار لكني صبور:
امممممممم..أنا أقوول دامنا من البدايه اتعرفنا..فخلينا بالألقاب وخلاف راح اقوول لج اسمي..
كرهت الحال من صغري..فديت الموت لو يدري:
اوووووكيك ع رااحتج..أنا الجرح الخافي وانتي مخاوية الموت..>>طالعي الإستهبال..
الجسد موجود والروح اطلعت....والزمن غدار لكني صبور:
اها وما قلتي لي إنتي اي صف؟؟
كرهت الحال من صغري..فديت الموت لو يدري:
3ثنوي؟؟وانتي؟؟
الجسد موجود والروح اطلعت....والزمن غدار لكني صبور:
انا 2ثنوي..يعني انتي أكبر مني بسنه..شووو له مجابلة النت سيري ذااكري..؟؟؟
كرهت الحال من صغري..فديت الموت لو يدري:
حرااام علييييييج تونا ع الإمتحانات..وبعدين لا تخاافين عليّ..فديتني شااطره..
الجسد موجود والروح اطلعت....والزمن غدار لكني صبور:
اوووووونه..
كرهت الحال من صغري..فديت الموت لو يدري:
والله الغالي..طالعه الثانيه ع الصف..
الجسد موجود والروح اطلعت....والزمن غدار لكني صبور:
وكيف تيلسين ع النت اربع وعشرين سااعه واتذاكرين...
كرهت الحال من صغري..فديت الموت لو يدري:
شوو أقوولج؟؟والله ما أعرف..بس من أخلص مذاكره على طووول أقعد ع النت..أقووول مخاوية الموت..
الجسد موجود والروح اطلعت....والزمن غدار لكني صبور:
آآآمري الغلا..
كرهت الحال من صغري..فديت الموت لو يدري:
الصراااحه في خاطريه سؤاااال محيرني..
الجسد موجود والروح اطلعت....والزمن غدار لكني صبور:
شووووووووو؟؟
كرهت الحال من صغري..فديت الموت لو يدري:
انا انسانه كنت أظن ان محد في هالدنيااا شراااااات ما أنا تعذبت..وكم مرة تمنيت الموووت..بس ايي اللحينه واتعرف على وحده خااوت الموووت..ليش حاااطه هالنك؟؟؟؟
الجسد موجود والروح اطلعت....والزمن غدار لكني صبور:
ييييها يالجرح الخافي..من فااارقت خلي وأنا والموت أخوان..من غيره يواسيني..اللي جرالي ما ظنتي جرى لغيري..واللي في قلبي ما ظن حد يرووم يحمله في قلبه..الشي اللي في قلبي غرررررييييييييب..
كرهت الحال من صغري..فديت الموت لو يدري:
شووو اللي في قلبج؟؟؟؟؟؟؟؟؟؟؟
الجسد موجود والروح اطلعت....والزمن غدار لكني صبور:
في قلبي شووووووق لخلي..
كرهت الحال من صغري..فديت الموت لو يدري:
وليييييش ما اتشوووووفينه..ويروووح هالشوووق..
الجسد موجود والروح اطلعت....والزمن غدار لكني صبور:
هالشووق بالذااات ما أقدر أخليييه يرووح..تعرفين لييش؟؟
كرهت الحال من صغري..فديت الموت لو يدري:
ليش؟؟؟؟
الجسد موجود والروح اطلعت....والزمن غدار لكني صبور:
لأني خلي فاارق الدنيا ومستحيل ايرد لها مرة ثااانيه..
كرهت الحال من صغري..فديت الموت لو يدري:
الله يرحمه ويغمد روووحه الجنه..حيج يا مخاوية المووت..أنا حبيبي عايش في في هالدنيا..ويصدني ويجفااني..حبيبي عايش في هالدنيا ولا درى بحالي..حبيبي عايش في هالدنيا ويحب غييري..والله انه عذاااااااب قااااااااااسي..
الجسد موجود والروح اطلعت....والزمن غدار لكني صبور:
الله يعييينج يا الجرح الخافي..بس شووو نسوي..
كرهت الحال من صغري..فديت الموت لو يدري:
ما خبرتيني حبيبج كان ايحبج...؟؟؟
الجسد موجود والروح اطلعت....والزمن غدار لكني صبور:
هيه كاان ايحبني وأنا أحبه..
كرهت الحال من صغري..فديت الموت لو يدري:
هاي الدنيا علني فداااااااااااج شووو نسوي؟؟نحب ونكره..وفي الأخير انمووووت..المهم خلينا ..وقوليلي شو الدراسه ويااج..
الجسد موجود والروح اطلعت....والزمن غدار لكني صبور:
والله الدراسه أووكي..وأمشين ويااااهاااااا..
تمت الهنوف اتسولف يا "مخاوية المووت"..ارتاحت لهالأنسانه واااايد..ولقيت من يشاركها الهمووووم..

. . . .

عبر انغام المغني والكـــــــــلام..الحب يتجدد مع غيرك لـــــــــــــــزوم..
عش مع غيري وجرب والختـــام..لاتفكر رجعتك في اي يــــــــــــــوم..

بيت بو حمد..
يوم الثلاثاء..
حجرة نورة..الساعه5ونص..

فجت منيرة باب حجرة نورة والبسمه شااقه ويهها..وعفدت على نورة اللي كانت اتسحي شعرها وواقفه جدام المنظرة..
نورة:بسم الله شووفيج؟؟
منيرة:الملجه يوم الخميس هاااه؟؟سودا الويه ليش ما خبرتييني؟؟
نورة"اتلف شعرها":شوو أخبرج؟؟
منيرة:شو بلاج الشيخه مشفرة؟؟لا يكوون قطعنا تفكيرج بالأخ بطي...
نورة"تلبس شيلتها":اوووه عن السخافه ..وينها أمايه..
منيرة:طالعوا كيف تقلب السالفه ..المهم..من وين بتشترين الفستان..
نورة:وين بعد..بدورلي جاهز..اليوم ثلاثاء..عندي اليوم ويوم الأربعاء..
منيرة:بس مب جنه مستعجل اشوي..لو ايخلونها الخميس الياي..
نورة:مممادري فيه..مادري ليش مستعجل..وبعدين أنا اقوول نملج ونفتك..
منيرة:شووو له بعد يبغي ايشوووفج..
نورة:ياااسخيفه خل عنج هالسوالف عااده..
منيرة:أخيتي الكبيرة خليييج عاادي..أنا أختج الصغيره..
نورة:صخي منووور..وين أمايه..؟؟؟؟
منيرة:أمايه تحت..ويا أم بطي..
نورة:شوو يعني ما ترومين تزقرينها خالوه فطيم..
منيرة:لا نسيت...
نورة"اتسير وتيلس ع الشبريه":الله يعيني علييج..
منيرة:الشيخه ليش يلستي؟؟..والحرمه اللي قاعده تحت منو بيسلم عليها؟؟..شو انييب وحده بديله لج..؟؟؟
نورة:أووووووه والله والله أستحي..
منيرة:عافانا الله شو بتسوييلج هي؟؟بتاكلج؟؟
نورة:منيرة ما فيني ع صدعتج اللحينه يالمقوي..
منيرة:اللحينه أنا مقوي يوم أقولج سيري سلمي ع الحرمه...
نورة:أوكي ممكن تسكتين يااخي انتي اتخلين الواحد يرتبش..ججججب..
منيرة:واايه ويهي أحترق ..سمعي انتي لا اتقفطيني..
نورة:اوووووكي من عيوووني..بس سكتي اشوي..
وشوي الا حدرت عليهن خالتهن غبيشه..
غبيشه:السلاااام عليكم..
نورة ومنيرة:وعليج السلام..
ونشن ووايهنها..وخلاف ظهرن الصاله اللي فوق..وقعدن..
غبيشه:هاه نورة شحالج؟؟
نورة:الحمدالله بخير..
منيرة:وأنا حتى بخير..
الكل:هههههههههههه..
منيرة:وينهم فهد وعويش علني فداهم ما أشوفهم اهنيه..
"فهد وعويش هم عيال غبيشه.."
غبيشه:فهوود ما يبته ..قاعد يلعب بليستيشن..وعويش راقده تحت عند البشكاره..
وتيود منيرة التلفون..وتدق ع التلفون اللي تحت..وردت وحده من البشاكير..وقالت لها اتييب مااي وعصير وبسكويت...
غبيشه:الله يهديج ليش هاه كله..نشن خلنا انسير هبابنا نوصل أحينه لأسواق بوظبي..تدرن اللحينه عصر وزحمه السووق..
منيرة:يا خالووه فيه وقت..
غبيشه:وين فيه وقت..أقووولج يوم الخميس الملجه..هيه صح مالة المكياج والشعر..اتفقت وياها..وقالت يوم الخميس الساعه1ونص..بتيي البيت..ومالت الحنا قالت باجر بتيي الساعه ثمان..
منيرة:بس أنا بسير أي صالون وبتحنى..وهاي اللي بتيي خلوها اتحنيكن انتن..
غبيشه:كيفج عيل..
منيرة:اااووبس نسيت ما أدق على ظبيووه وبنات عمي سهيل..وحتى الهنوف ما دقيت لها..ولا سلااامووه..
"بنات عمي سهيل..تقصد يزووي ومهره..لأن أبو منيرة ايكون ولد عم ابو سلطان..فيعني بينهم قرابه..ونفس الشي مع سلامه والهنوف.."..
نورة:شو له ادقين لهن..؟؟
منيرة:عسب أخبرهن إن ملجتج يا ست الحسن والجمال يوم الخميس..عسب هن بعد ايزهبن عمارهن..تدروون في شي في بالي..
غبيشه ونورة:شوووو؟؟
منيرة:إن احن يالشله الكريمه نلبس هندي ..ومب شرط ايكون نفس الشي..بس ايكووون هندي..
غبيشه:هيه والله حركه حلللوووة..
منيرة:ووووووواااايه فديييتني أم الأفكار..
وشلت السماعه ودقت على ظبيه والهنوف واليازيه..وخبرتهن عن اللي في بالها..وكلهن وافقن ع الفكره..وقالت لهن إنها بترووح اتدور اليوم وين المحل الحلووو مال هالثياب..وخلاف هن بيسيرن له..وبعدها بنص ساعه..لبسن عبيهن وظهرن ويا الدريول صووب السووق..

. . . . .

أشهد اني سهرته في الليــــــــالي غرام ..أشهد إني مشيته لين شفت الدليل..
أقضي عمري لشفه لو مضت ألف عام..وافيٍ ما أفرط فيه والله إني بخيـــل..

المدرسه..
يوم الأربعاء..

في هالوقت..كانت اليازيه تمشي..ووياها هيور وسهيله وودوم..كانن رايحات للبوابة اللي برى عسب ايردن لبيوتهن..
هيور:وانتي يزووي السوده شوو له كاشخه وظبيووه غايبه؟؟
اليازيه:ياااااخي كيفييي كيييفيييي..خليها الغبيه تغييب وتمتحن يوم السبت..
ودوم:وانا من متى أقوول وأتخبر لييش ظبيوه غايبه ولا حد ترمس..
سهيله:يزوويي اتقول ان ظبيووه عليها موعد عسب اسنانها..وخلاف بتسير بوظبي وتتشرى لها لبس عسب ملجة بنت عمها..
ودوم:وانتي يزووي بتسيرين؟؟
اليازيه:أكييد بسير ..تراها ملجة بنت عمي بعد..لأن ابو نورة اللي هي ملجتها وأبوي الله يرحمه هم عيال عم..فهي تقربلي..
هيور:وشو اتشريت لج شي ولا؟؟؟
اليازيه:لأااااا..مهروه اليوم سارت العين وبتشووف شي لبووس هنديه عندهم..لأنا اتفقنا كلنا نلبس هندي..
سهيله:الصراااااااااحه كششخه..
هيور:وبنت عموتج..شوو أسمها؟؟
اليازيه:منووو الهنوف؟؟
هيور:هيه الهنوف..
سهيله:أحيدها من زمااان يوم يت عندكم شفتها..مااشالله عليها رحيييمه..
ودوم:بل بل بل وين سيارتنا..
اليازيه:ظنتي هااذي...قولي الا احن وين سيارتنا..ما اشووفها..
هيور:غريبه مع ان درويلكم دووم ايي بسرعه..
سهيله:تعالي عندنا يزووي بنوصلج أنا وودوم..
"ترى ودوم وسهيله بنات عم..وبيوتهن عدال بعض..فيسيرن بدرويل واحد..شرات ظبيه واليازيه"..
هيور:لالالاتعالي عندي..أرووحي في السياره ويا البشكاره والدريول..دخيييييلج..
اليازيه:بل بل هاذا كل جمهووري..
سهيله:وااااااااااايه شوفن شوفن اللي أشووووووفه..بل بل مااااااشالله..
هيور:بسم الله شوفيج سهيله..
سهيله:مااشالله مااشالله..ياااابوكم خايفه أحسد الريال اللحينه..
ودوم:أي ريال وأي حسد..
سهيله:شوفن جدامكن انتن اللحينه..
كلهن طالعن السياره الا اليازيه اللي ردت وحدرت الإدارة..وخذت تلفون وحده من الإداريات ودقت ع تلفون أمها..
اليازيه:هلا امايه..الحمدالله..وين الدريول محد يأ..وسلطان..وشو مودنه بوظبي..انزين وسعيد ..ليش رااقد..شوووو؟؟مبااارك..وانتي ومهرووه يعني لازم تتغدن عند قووم عمي..لا ما شفت حد برع..اللحينه بظهر وبشووف..اوكي يلا بااي..
"شووو هاااذي المصخره..اللحينه مبارك ايي ياااخذني..الله يعييين..ويييل حااااالي.."..
ووقفت عند ربايعها..وهن يصارخن وحالتهن لله..
هيور:صدق والله كلامج سهيله مااااشالله عليه رحيييم..
ودوم:أول مرة أشووف وااحد فيه هالرحامه هااذي..اتصدقن يشبه ظبيه..
اليازيه:انتن اييه..شوو بلاكن يشبه ظبيه ورحيم..فهمووني السالفه..
هيور:اتشوفين هالسيارة اللي جدامنا..
اليازيه"تطالع السيارة اللي كانت مجابلتنهن..":أخييييييراً حصلته..هاذا مباااارك..
كلهن طالعنها منصدمااات..
سهيله:الله يقلعج اللحينه تعرفينه انتي هاذا..
اليازيه:هييه أعرفه..ولد عموووه عايشه ..أخوو ظبيه واسمه مباااارك..
هيور:لازين والله..اللحينه هاااذاااا مبارك..؟؟؟
اليازيه"اتطالع هيور بنقمه":هيه هاااااااذااااا مبارك..
ودوم:يا حظج يااا حظج ومن قدج..دامج بتركبين عند هاذا الرحيم..
اليازيه:بسم الله شوو فيكن؟؟شكله عاادي..
سهيله:ويييييين عااادي...؟؟؟طالعي انتي شقااايل يطالعنه البناااات..
هيور:في ذمتيه انه ذوبنهن..
طالعت اليازيه شلة البنات اللي عدالهن..هيه صح كلهن يطالعن فيه وحالتهن لله..اوووف شووو هالحاله..
اليازيه:يلا انا بسير الريال له سااعه يتريااا..
هيور:اييي يلسي جدام وخلي حركاتج القرعه..
اليازيه"تتحجب عدل":سخييييفه..تاامرن بشييي..
سهيله:أجازة ممتعه..
هيور:ييبي علوم السيره هااي..
ودوم:ييبي أخباار الملجه..واتسوين خير لو اتصورتن ..
اليازيه:ااااااممممم..بفكر..
مشت اليازيه وويهت صوب سيارة مبارك..كل البنات كانن ايطالعنها لأنها بتركب عند مباارك..اللي شكله من الخاطر طيحهن..فجت الباب اللي ورى..وحطت الشنطه ويوم حس مبارك انها بتركب ورى رمس..
مبارك:تعالي يلسي جداام عسب ما أكوون دريول..
اليازيه:..................................... .
ماااا كاااااااانت تعرف شووو اتقوول..سمعت كلامه دوون اي معانده كالعاده..وفجت الباب وشافت ربايعها اللي يطالعنها بنظرااااااات..ويلست..وأول ما بندت الباب حرك مبارك السيارة..وكان ايسووق بشوي شوي..
مبارك:شحاالج؟؟
اليازيه:يسرك ومن صووبك..
مبارك:ماا نشكي..شو الإمتحان سهل.. ولا؟؟
اليازيه:يعني مب صعب واايد..
مبارك:اهاا شي طيب..سمعي بقوولج شي..
اليازيه"اتطالعه باهتمام":شو؟؟
مبارك:الأسبوع الياي على نهايته أنا مساافر لأمريكا..
صدق من الخاطر كانت نظرة حزييييينه من عين يزوووي..انتبه مبارك لهالنظرة وتبون الصدق؟؟!!.. استااانس واايد على انه ما تبااه ايساافر..
اليازيه:ولازم يعني هالأسبوع اتسااافر؟؟
مبارك:تبين الصدق؟؟
اليازيه:هيه..
مبارك:ماودي اسااافر..
وطالعها جان اتوطي رااسها..
اليازيه:بس لازم اتساافر..باقي سنتين وتخلص..بس أنا سمعت من سعيد انك بتقعد اربع شهور..شهريين واحد ما كملته..
مبارك:هههههه..لا كنت اقص علييه وصدق المسكييين..
اليازيه:مرة ثانيه لا اتقص على أخوووي..
مبارك:انشاااااااااالله..
اليازيه:ولا تعطيه معلومات خطأ في خطأ...
مبارك"بطريقه اتضحك":انشاااااالله عموووتي..أي أوواامر ثانيه..
اليازيه:ههههههه..لا سلامتك..
مبارك:علني فدااا هالضحكه.."يغير السالفه" ومن زمان ما أشووفج تمشيين..شو اعتزلتي المهنه..
اليازيه:واعتزلت الساحه الفنيه بعد..
مبارك:ولييييييييش؟
اليازيه:انشغلنا..
مبارك:اها زيين زيين والله..اليازيه..
اليازيه:هلااا..
مبارك:يوم أسافر بتفقديني؟؟
اليازيه:...........................
مبارك:يوم أسافر بتتولهين عليّ..؟؟؟
اليازيه:..............................
مبارك:ليش ماتردين؟؟
اليازيه:انزين انت شوو تقوول؟؟يعني اتقوول اليازيه بتتوله علي ولا تقول ما بتتوله عليّ..
مبارك:اممممممممم..تبين الصراحه؟؟؟
اليازيه:أكييييييييد...
مبارك:اقووول ان اليازيه بتتعذب من أنا اسيير..
اليازيه:ههههههه.على فكره انته واايد خااق بعمرك..
مبارك:ومن حقيي..اول شي رحيم..انتي ما شفتي البنات اللي في مدرستكم كييف ذاايبات من شاافني..وثااني شي..اليازيه بنت سهييل اتحبني وأنا احبها..>>>صدقووني ويهه لووح مثبت بمساامير..
اليازيه:مبااارك مسود الويه لااا تخق بعمرك..
مبارك:انزين انزين خلاص لا تااكليني..ما قلتي لي بتسيرين الملجه...
اليازيه:هيه بسير..
مبارك:أهااااااااا..
سكتوا فتره..محد يعرف شوويقول.."لهالدرجه السوالف خلصت؟؟"..ميارك ملتزم الصمت واليازيه نفس الشي.. جان يشغل مبارك الإف ام ويسمعون الأغاني دون محد يرمس..
وقف مبارك السياره جدام البيت..
اليازيه:مشكوووور مبارك ونخدمك في الأفرااح..
مبارك:ما نبا شي منكم غييير الوصل..
اليازيه:علييك سوالف..
مبارك:تامرين بشي..
اليازيه:سلامتك..
وظهرت من السيارة وفجت الباب الثاني وشلت شنظتها..وحدرت البيت وعيووون مبارك تحرسها لين ما وصلت لباب الصاله..ويوم وقفت جدام الباب صدت وطالعت مبارك..جان يبتسملها وايسويلها باي..ويحرك السيارة بسرعه..

"هاه عمر الذكريات..أعيبج انا..هاذا أول موقف..تريي وشوفي شو اللي بيصير..".......

اسراب حبك جاتني سرب مع سرب..واتسيدن كل الضمير وسرنبي..
لحظه بعدك في الحشا ولـــعت حرب..نيرانها بين الحنـــــــايا تشبي..

الساعه3ونص..
بيت بو حميد..

في هالوقت سلامه ومهره يالسات في الصاله اللي فووق..يشربن عصير..كانن توهن متغديات ويا الحرمات..والحرمات اللحينه تحت ويا يدووتهن أم عبدالله..
سلامه:هاه لقيتي شي اهنيه في العين ولا؟؟
مهره:الصراحه مااشي عيبني غير النعول والإكسسورات..أما اللبوس أبد مب حلووووة..
سلامه:اوكي شرايكن أرمس ظبيه واليوم العصر بنتلاقى في السوق ويا الهنوف وبنتشرى ربااعه..وبااجر الصبح بنسيير السووق اللي في العين وبنتشرى الإكسسورات والنعوول..
مهره:اتصدقين الحمدالله انها امس يت الحناية وحنتنا..ولا كان اليوم موول ماااشي وقت..
سلامه:أنا من دقت لي منوور اتخبرني ..بعد صلاة العشى سرت الصالون..
مهره:لا احن مووزة دقت ع الحرمه هااي اللي تعرفها..ويابت وياها وحده ثانيه..وكلنا تحنينا..لحظه ما رمست يزوي بشووف شو أخبارها؟؟
سلامه:هيه صدق ما تخبرنا عن الإمتحان شوو سوت فيه..
ويودت سماعة التلفون..ودقت رقم بيتهم..وردت اليازيه..
اليازيه:هااااااه سوودا الويه مهرووه توج اتفيجتي اتدقين بعد ما عبرتي الأكل كله وامليتي كرشتج يالبقره..
مهره:بسسسسم الله كلتيييني..اول شي السلاام علييج..
اليازيه:وعليييج السلااام..
مهره:شحاالج؟؟
اليازيه:مااا نشكي..ومن صووبج..
مهره:بخيير..هاه بشري شوو سوتي في الإمتحاان؟؟
اليازيه:امممممم..اووكيك يمشي الحال مب صعب واايد..شو شي عيبج في العين ولا؟؟
مهره:الصراحه مااشي حلوو..قلت أحسن نتشرى من بوظبي..بس النعول والأكسسورات الصراحه كشششخه وحلوه..وللحينه ما رمست ظبيووه اشوفها شو سوت؟؟
اليازيه:توني اللحينه مبنده منها..واتقول انها تشرت لها لبس هندي كشششخه..وقالتلي ان الهنوف العصر بتسير لهالمحل وبتتشرى منه..
مهره:اووكيك يكوون أحسن..عيل العصر بنمر عليج وبناخذج..
اليازيه:وأمايه وينها؟؟
مهره:تحت تشرب جااي..تعالي وموزة شو تشرت لها؟؟
اليازيه:قالت بتسير اليوم وبتتشرى ثوب من اليشمك..
مهره:اهاااا زين والله..تغديتي ولا؟؟
اليازيه:توني اللحينه متسبحه..وراشد وسعيد رقوود..بوعيهم عسب نتغدى ربااعه..
مهره:ماااظني ينشوون هاااييلا..تغدي وما عليج منهم..
اليازيه:أوكيييك..يلا بااي..
مهره:الله يحفظج..
بندت مهره وتمت اتسولف ويا سلامه عن الملجه المفاااجأة..

. . . . .

الروح لك والقلب بيتك ... وانت الذي لايمكن اتهون
يابعد عمري لا خليتـك ... والله وغلاتك فيــك مفتون

بيت بوعبيد..
يوم الخميس..حجرة ميثا..
الساعه 6ونص..

في هالوقت..ميثا معفسه الكبت فووق تحت..تعرفون ليش؟؟عسب رقم ربيعتها اللي انتقلت لدبي..والرقم كان عندها..بس ضيعته..حدر عليها عبيد عسب يقووول باللي في خاطره..
عبيد:شوو تسوين يالناقه..
ميثا:لا اتسبني لو سمحت..
عبيد:شوو اتسوين؟؟
ميثا:يالله ضيعت الرقم اللحينه من وين بييبه..
عبيد:رقم منوو؟؟
ميثا:ربيعتي اللي انتقلت لدبي..
عبيد:مب لازم اترمسينها عاادي..
ميثا:بلييز خل شويراتك لك..ما محتايتنها..
عبيد:الله لا تبلانا...سمعي بخبرج ساالفه..
ميثا"اتطالعه باهتمام":اتخص منوو؟؟
عبيد:بلاج فجيتي عيوناتج جنج قطوه..السالفه ما تخص سعيد..
ميثا:ليش شفتني ايييب طاريه..وبعدين خل هالسخافه منك..
عبيد:لو سمحتي لا اتسبين ولا تقطعين السالفه..خليني أقوول كل شي بتسلسل وبترتيب..
ميثا:انشاااااااالله عمي..
عبيد:تحيدين يوم عطيتيني الكيس اللي فيها هدايا مالتج..
ميثا:هيه..
عبيد:هييييه..هاذاك اليوم اللي سرت فيه لسويحان..حدرت المطبخ اول ماااييت..لأني اكيد بلاقي ياليازيه ولا مهره..ولا عموه حصه..بس ولحسن حظي ما لقيت أي وحده منهن..لقيت وحده ..شووووو أقوووووول؟؟في ذمتيه ان قلبي من شافها استصاااب..
ميثا:شفت منووووووووو؟؟
عبيد:ماااااااعرف..حدرت وسلمت..وهي من شافتني فزت وتغشت..وردت السلام..وتخبرتها عن الحال..جان اترد علي وتظهر من المطبخ جنه حد يربع وراها..والله انها حلوووووة..
ميثا:لحظه لحظه..في هااك اليوم محد كان عندهم..لا بيت عمومتهم..ولا بيت عموتهم ناعمه..انزين قلي شو كانت لابسه..
عبيد:لابسه كندورة سماويه وشيله نفس الشي..
ميثا:يعني اللي في المطبخ ظبيوووووووه...
عبيد:لا يكووون هاذي ظبيوووووه اللي خت منصور ومبارك..
ميثا:ااممم..هيه..
عبيد:الله..يعني اسمها ظبيه..بل بل بل اسم على مسمى..
ميثا:شووو عيبتك؟؟
عبيد:الا..اسمييييييييها ضوت هالراااس..
ميثا:عههههههههههه..يعني حبييييييت..
عبيد:اووه والله يعييينا..تصدقين انها حلووة؟؟
ميثا:فديتها ظبيوووه محد شراتها..رزينه وطيووبه وحبووبه..وطبايعها حلوووه..
عبيد:بس بس يكفي يكفي لا تعذبيني..هزرج حد محيرنها..؟؟
ميثا:لا مااا ظني..
عبيد:اهااااااا زين زين والله..
ميثا:عبيد شو اللي في رااسك اللحينه.بشووو اتفكر؟؟
عبيد:مااااااااااالج خص..اللي علييج سويتيه والف شكر..
ظهر عبيد من حجرة ميثا وهو يردد في خاطره"ظبيه ...ظبيه ..ظبيه...ااه يا ظبيه..اسميييج لعبتي بقلبي..بس الأياااام بيننا..بتشووفيني كيف بخليييج اتموتين على شي اسمه عبيد"..................................؟؟؟!!!؟؟!؟؟ !؟!؟؟!
وحط يداته فوق بعض ..جنه يبى يسوي شي جاايد..

. . . . .

انته من تستاهل اشواقي ... والخفوق وناظر عيوني ..
ساكنن في داخل اعماقي ... راسخ ومشــــيد اركوني..
بيت بو ناااصر..
بعد صلاة العشا..
حجرة الهنوف..

كانت الهنوف يالسه فووق الكرسي..والعنود ختها اتعدلها..عسب الملجه اللي بيسيرون لها اليوم..
الهنوف:شوورايج باللبس حلوو؟؟
العنود:هيه الصراحه وااايييد عايبني..وأظني محد بتلبس شرااتج..
الهنوف:لييش يعني؟؟
العنود:صخي لا ترمسين..عسب ما تتحركين؟؟
الهنوف:لااوالله أبا ارمس..
العنود:لاحقه لاحقه..تعرفين لييش محد بتلبس شراتج..
الهنوف:لييش؟؟
العنود:قلت لج لا ترمسين؟؟
الهنوف:بس انتي اللي سألتيني؟؟
العنود:اووكي خلاص سمعي..لأنه اللون ماالج شوي غريب..مايل للزيتووني..
أظني يعني من توقعاتي محد بتلبس هاللون..
الهنوف:يمكن لييش لا..
العنود:شوو بتسوين في شعرج..
الهنوف:بعد صلاة العصر سرت الصالون واستشورته وسويت له فيير من تحت..
العنود:بس انتي قلتي بتصبغينه..
الهنوف:رمست امايه وما طاااعت..قالت اذا يدووه شيخه علني فداها شافت شعريه مصبووغ بتسويلي فضيحه لا صارت ولا استوت..خلينا مستوورين..
العنود:ههههههههههههه..والله انج سوالف..وشو دراها يدووه شيخه..ما بتشوفج اصلاً..بتلتهي ويا العياااييز والحرمااات..
الهنوف:شدرااج..يمكن اتشوفيني بالصدفه..خلينا نتحاااشى الفضاايح..
العنود:اووكيك يلا أنا خلصت..وسويت لج مثل ماتبين..على قولتج خفيف ولا تكثرينه واايد..
الهنوف:ترااج واايد تتطنزين..
وتسير الهنوف جدام المنظرة واتطالع عمرها..
الهنوف:تنفعين في صالون..
العنود:انا؟؟؟!!قولي موزة ولا اليازيه بنات خالي سهيل..أسميييييييهن رهيبااات ومتفننات في الميكب..
الهنوف:هيه مااشالله عليهن..عرب عندهم مواهب هب احن..مالت عليييينا..تدرين ان اليازي هي بتسوي الميكب لعمرها..أما الباقيات بتييهن وحده وبتعدلهن..
العنود:شوو عليها اليازيه مااشالله تسوي مييكب رهيييب..
الهنوف:صح ما خبرتيني اخباارج وياهالحمل..؟؟
العنود:والله أأأأووكي..بس والله اللي مخوفني خلووف..تدرينبه دلووع ورااسه ياابس..الله يعيني بس..
الهنوف:كلله منج انتي وبطوووي مالج..
العنود:حرااااام علييج..تدرين اللي بياخذ نوااري اسمه بطي..
الهنوف:ويااا كثرهم اللي اسااميهم بطي..تعالي شو سوى يوم عرف انج حاامل؟
العنود"تيلس ع الشبريه":استاانس وااااايد..ويبى بنت..
واول ما خلصت رمستها جان ينفج الباب بقووو..ويحدر خلووف...وهو خاايف وزاايغ..ويبربع ورااه سيف..
سيف:ايييي تعال يا ولد الغبيه..
خليفه"ولد العنود":لا تسب امممماااايه..
سيف:أمك في عيينك مسوود الويه..ليش تشرد مني؟؟
ويسير خليفه وييلس ورى أمه..
العنود:بسسسم الله شووفيك..شو سويت في الياهل طالع عيونه انته بس شقاايل مستويه..
سيف:لااا والله..انتي ما تشووفين كندورتيه..عنبوووه قلاص عصير كااامل انجب فووقي بسبته الغبي..
الهنوف:ههههههههههههههه..ياا مسكييين..وويين مااا اشوووف لا عصير ولا هم يحزنون..
سيف:لا خلاص بدلت الكندوورة ..بس خااطري أصفعه..
خليفه:وإنته ليييش اتسب خالي حمدان..
العنود:صخ انته....
الهنوف:خلووف خله ايسب حمدااانووه هاللي مأذينا..
خليفه:لالا..خالي حمدان طيب وما أحب حد ايسبه..
الهنوف:عشنا وشفنا..
العنود:انزين سيف انته شوو بتسويي بخليفه اللحينه اذا يأ عندك..
سيف:اتصدقين بحبه ع رااسه؟؟بضربه عيل شوو بسويبه؟؟
الهنوف:حراااااام عليك يا بوهناد..تضرب هالياااهل..
سيف:عسب يتأدب..
العنود:لا خلاص هااي أخر مرة سير خلوف بووس خالك ع رااسه..
ويسير خليفه عند خاله سيف..ويظهرون من الغرفه وهم مبتسميين ..وشاقيين ويوهم من الونااسه؟؟؟!!!؟؟؟!وكأنه ما استوى شي ولا كأنه سيف محرج ع خلووف..جاان ايي حمدان ابو النذاله..ويبتسم وسند ظهره ع الباب مال حجرة الهنووف ومربع يداته..
حمدان:هاه علوومج الهنوف؟؟
الهنوف"بظييجة نفس":بخييير..
حمدان:بل بل شوووفيها شبريتج جيه وسخه..وعيييييييييي..
جان ايطااالعن الشبريه..
الهنوف:واااايه شبريتي..
العنود:هاذا أكيييد خلووف..
الهنوف:هيه صح..كله من سيييف اللي يربع ورااه..
حمدان:هاهاهاهاااااههاااا..قووولي كله مني أنا..أنا اللي خليتهم بتضااربوون ويسون هالخطه كلها عسب اتسيرين الملجه وانتي متنرفزة وبنفسيه مب زينه..
الهنوف:يعلللللن شيطانك يعل العله اتصيبك..
حمدان:بعد بعد سبي يالناقه عسب تتنرفزين أكثر..
العنود:شوو حركات اليهال هااي..يلا حمدان قمنا نظهر..وانتي لبسي يلا بسرعه..
وظهرت العنود ويا حمدان وساروا للصاله تحت..وين ماكان ذياب وأبوه وناصر قاعدين..أما سيف وخليفه يالسين جدام التلفزيون يلعبون بلي ستييشن..
يلست العنود بعد ما باست أبوها ع راسه..
ناصر:واللحينه منوو بيودي أمايه..
سيف:أناااااا انساااان مااااالي شغل في حد..
ناصر:أنا وربيعي بنسير في سيارة وحده..
وكلهم طالعوا في ذياب..
ذياب:رحنا وطي..لا اتعقوون صوبيه..
أبو ناصر:عيوزيه أنا بشلها ويايه..وانتوا كيفيكم بخواتكم..
جان اتيي أم ناصر"ناعمه"..وكااشخه وهاك البرقع اللي من بعيد يلمع..واللبس الزين..
ذياب:بل بل بل..الشيخه ممكن نتعرف..
سيف:الرقم الرقم لو سمحتي..
أم ناصر:صخوا ملاعين الصير..وينها الهنوف ماا أشووفها..
الهنوف"يايه":يلا أمايه انا زااهبه..

. . . . .

يامحبي ياهوا بالــــي ...دوم خلنيه علـــى بالك ...
بعدكم هم وغربالـــي...جان مثلي ياشـــقا حالي..

سويحـــان..
بعد صلاة العشا...بيت بو سلطان..
الصاله..

اليازيه وأم عبدالله وأم سلطان وراشد..قاعدين في الصاله يشربون جااي..
ام عبدالله:يزووي؟؟ملعونة الصير شوو لابسه..؟؟
راشد:لابسه لبس هنووود جنها الا وحده من بناتهم..
اليازيه:يالله..شووووو هالرزة؟؟
راشد:انا رزة ؟؟ججججب..
اليازيه"اتسويله طااف":الله يهديج يا يدووه شو بعد لابس لابسه ثوب؟؟
أم عبدالله:مب جنه ثوبج قصير وصروالج ظاهر.."يزووي لابسه بنجابي"..
راشد:ههههههههههه ااااااااااي؟؟هخخخخخخخخههههههههههااي...
اليازيه:ماا يضحك..
أم عبدالله:هاه مسود الويه ضهرت الضرووس مالنك لعل العووق ايصيبها..
اليازيه:هاهاهااااااااا..
راشد:جب لا افرج بهالدله..
أم سلطان:وااعثرتيه..دوومهم الا مواقعه..يلا يزووي فاارجي وزقريهن عنبووه للحينه ما خلصن..
أم عبدالله:يعلني بلا رييحهن مضيعات المذهب..
اليازيه:ههههههههه..ماادرييييتن..؟؟؟
أم عبدالله+أم سلطان:شوو؟؟
اليازيه:مهروه عند قوم عمتيه افبيتهم..لها أكثر من نص ساعه..
أم عبدالله:وايه التراب وليش ما صبغت ويهها اهنيه..
اليازيه وراشد:هههههههههههههههههههاااااااااااااي..
راشد:صبغت ويهها؟؟؟؟خخخخخخ..والله انج يااا يدووه سوالف..
أم سلطان:وانته ملعون الصير وشله تتطنز على يدووتك..من صجها اللحينه من شاف وحده منهن جنها الا ساااحره وبتطير..طالع طالع انته شقاايل يزوي فقتها ..طالع شقايل امسويه في رووحها جيه..
"اليازيه كانت لابسه بنجابي لونه عنابي..وفيه شك ذهبي خفيف..وكان امخصر عليها..واااااايد شكلها رهيب..امسويه ميكب ذهبي على عنابي..ومخليه قصتها من النص..وحاط سلسه فضيه بين شعرها..ولابسه اكسسوارات هنديه..ونفس الشي ويا النعوول..وفاجه شعرها..كانت من صج اتخبببببببببل ..."
اليازيه"اتنش":حرااااام علييج يامايه..
وسارت ويابت عبايتها وشيلتها..ونشن العياييز..ووياهن راشد..وركبوا السيارة ويا الدريول..ووقفت السيارة جدام البيت..وظهرت اليازيه عسب تزقر مهرووه وعموتها....
حدرت اليازيه الصاله..ومالقت غير عمتها عايشه ومخلصه فقالت لها انهم يتريونها في السيارة..وخلاف سارن العياييز كلهن في سياره وحده ووياهن راشد..سارت اليازيه فوق لحجرة ظبيه..وفجت الباب..
اليازيه:يالعبدااااااات ما خلصتن..
ظبيه:لأ لحظه اشوي..يزووي شو رايج في الميكب حلوو..
اليازيه:اووف رهيييييييب..اشووف مهرووه..
مهره"اتغمض عيونها":حلوو؟؟
اليازيه:ههههههه..قلت أبا اشوف ما قلت رقدي..
"مهره وظبيه لابسات بنجابي أحمر والشك اللي فيه ذهبي..من ناحية الشكل كان أحلى من لبس اليازيه..بس ظبيه ومهره واايد ضعيفات..فكان اللبس الهندي أحلى بكثيييييير على اليازيه..وكلهن فاحات اشعورهن..وحاطات ميكب كشششششخه..على فكره شعر مهره قصير..يعني لين نص ظهرها.."
ظهرت ظبيه الكاميرا وتصورن كمن صوورة..وشلن العبي وظهرن بسرعه لأنهن اتأخرن..ومفرووض ايكونن قد وصلن لبوظبي..
نزلن تحت..ويلسن مهره وظبيه..أما اليازيه سارت قسم موزة..اللي هو حجرتين..وحده لمنصور وحرمته..ووحده لسهيل..وصاله..وحمامين..
اليازيه:شو فيج موزة ما لبستي عبااتج..
موزة:مااابسير..
اليازيه"فاجه عيونه":سخييفه لييش؟؟
موزة:وين أسير..سهيل فديته تعباان وما فيني اشله ويتعذب مناك..
اليازيه:الولد مااا عليه شر..
موزة:ماادري.بييلس اشوي عنده وخلاف اذا تحسّن بيي..
اليازيه:والله لترووووحين وغصب عنج..وسهيل أنا بييلس عنده..ومب لازم اسير..لعنبووه من مذهب..انتي حرمه ولد عمهم وشله ما اتسيرين..
موزة:حشااا كلتيني..بس انتي لازم اتسيرين..
اليازيه:شووو انتي ما تفهميين..؟؟؟سيري انتي أنا بييلس عند سهيل..
موزة:اممممممممم..لالاأنا بيلس..
اليازيه:شو ما تستأمنينه عندي...
موزة:لا مب عن جيه..
اليازيه:عيل يلا فاارجي..
موزة:والله انيه مفتظحه منج..
اليازيه:برع الحجره لو سمحتي..
وظهرت موزة من القسم..وجان يطبن مهره وظبيه على اليازيه..
ظبيه:ليش ليش ليش ما بتسيرين؟؟
اليازيه:غيرت رايي..
ظبيه:سخييفه..نشي نشي وسهيل مااا عليه شر..
اليازيه:ياااااالله..لا تلوعن بجبدي انتن اللحينه..سهيل وبيلس عنده..وخلااص ..
تمن ايحاولن وياها..بس يزووي عزير من تعزر ع شي محد ايروووم ايرمسها ومستحييل اتغير رايها..
ظهر الكل من البيت..بحسب اعتقادنا..ويلست يزووي في الحجره تتأمل سهيل وهو راقد..فكرت اتخلي بشكارته اتسويله حليب..يمكن يووعااان؟؟نشت على طوول..عسب اتنفذ اللي في بالها..ظهرت من الحجره..وكانت لابسه عباتها المفتوحه..ومظهره بس قصتها..وع بالها ان محد في البيت غيرها والبشااكير وسهيل..ظهرت ووصلت عند باب الصاله الثاني..اللي يودي صوب المطبخ..جان حد يزقره اسم ظبيه..
مبارك:ظبيووووه تعالي تعالي..
لفت اليازيه بدون ما اتعدل شيلتها..من الروووعه اللي فيها..انصدم مبارك من شااافها..صدق صدق من الخاطر ذوبته..لأنها بدون ما اتحط شي في ويهها اتخبلبه..وعاد لو تعدلت..انصدم مبارك..وتم ايطالع فيها..عدلت شيلتها ورمست..
اليازيه:برووك مسود الويه انته ما سرت..
مبارك:والحمدالله انيه ماسرت..شو ميلسنج في سويحان..
اليازيه:سهيل ميهوود علني فدااه وكانت موزه ما بتسير..فقلت لها اتسير وأنا بييلس عنده..
مبارك:ليش شوو فيه هو؟؟
اليازيه:مااادري شو فيه بالظبط..
مبارك:وينه هو اللحينه..؟؟
اليازيه:في حجرته..
لف مبارك ويهه..ومشا كمن خطوة..ورد وطالع وراه..
مبارك:تعالي..
انقادت لأمره بدوون ما تعاند هالمره..ومشت ورااه..حدروا الحجره مالت سهيل..وشله مبارك..
مبارك:قولي للبشكاره اتييب ملابسه ..واتلبسه في السيارة..الياهل ما عليه شر..
اليازيه:بس بيتعب ...........
مبارك"ايقاطعها":لا اتحاااتين علني فدااج..يلا..
حمّر ويه اليازيه وصفّر وخضّر..يعطي في الويييييه..
اليازيه:شوو تبانا انسير ارووحنا..شل سهيل ووصله صوب أمه..
مبارك:ههههههههههه..لالالا ..سعيد يترياني في سيارته..
اليازيه:اهااا....
ظهروا من البيت..ويا البشكاره بعد ما زهبوا ثياب اسهيل وحليبه..وويهوا صوووب بوظبي..بداية الأمر..كانت اليازيه صاخه وما ترمس..وخلاف بدت اتشاركهم المصخره والضحك..والإستهبال..وسعيد موجود فما يحتااي نوضح كيف استوت السياره من سياره للسيرك..نش سهيل من رقاده..وتم ايصييح اشوي ويسكت اشوي..الين ما وقفوا في الواحه وظهر مبارك وسعيد وتشروا عصير وكافي وسندويشات للكل..
وردوا ايسولفون ويضحكوون..وسهيل بدا على اشوي اشوي يهدا ويبتسم..وصلوا لبيت بو حمد ع الساعه تسع بالضبط..
وظهرت اليازيه ويا البشكاره اللي كانت شاله اسهيل ..والشنطه اللي فيها ملابسه..حدرت اليازيه من البيت اللي ورى..وما شافت غير منيرة اترمس تلفون..منيرة من شافتها بندت وربعت صوووبها..ووايهتها..
منيره:يااااالنننذله شوو هالحركات القرعه قالوا ما بتيي..
اليازيه:ربج شو نسوي..غصب يينا..ووينهن؟؟
منيرة:فوق فوق تعالي..
"منيرة كانت كااشخه فوووول..رهيييبه واتيين..لابسه بنجابي زيتوني على أخضر..وتقؤريباً لونه شرات لون بنجابي الهنوف..وحاطه ميكب أخضر..وفاجه شعرها ومسويت له فير من تحت.."..
راحن فوق..وكانت الصاله ما فيها الا كم حرمه يالسات ع الكراسي لأنها هااي الصاله الصغيره فيها الدري اللي يودي فوق....ترتيب الملجه كااااان أأأأووكي وحلوو...الصاله العوووووده..الحرمات يالسات عليها..لأنه مااشاالله صالتهم واايد عوووده..ومقسمه لعدة أقسام..أما الريااييل حاطين لهم خيمه جدام البيت..
حدرن الحجره اللي يالسات فيها البنات..وسووا حفله بدوون كيك من شااافن اليازيه...بين الموجودين كانت سلامه..اللي كاااانت أحلى وحده فيها..لابسه طبعاً بنجابي ..لونه وردي فااتح..وحاطه ميكب وردي...حللللوووووه وووايد..
وخلاف نزلن البنات تحت"الهنوف_ظبيه_اليازيه_مهره_منيرة_سلامه"..وح درن الصاله العوده..اللي مغيرين تصميمها ..ومخلينه تصميم ماايل للتصميم الهندي من حيث الألوان والأثاث. بطلب طبعأ من منيرة....من حدرن الشله الكريمه..
العيون كلها متوجهه عليها..وعلى كل وحده منهن..
يلسن البنات على صووب..وبدن ايسولفن ويضحكن وكل وحده منهن اتقوول الزين عندي..وخلاف نشن ورقصن كلهن مرة وحده..وساعات مرت دقااايق بالنسبه لهن..وقالوا ان نورة اللحينه بتظهر..
ظهرت نورة وكانت من الخاطر حلووه..لابسه فستان وااااايد رقيق وحلوو..وتصميمه هاادي ورهيب..لونه شمااامي..والورود اللي فيه ورديه..ولافه شعره على ينب واحد..وحاطه فيه ورود ورديه..وحاطه ميكب وردي..وفيه اللون الشمامي..وبعدين طلب المعرس انه ايشووف حرمته..ويلس معاها اشوي وخلاف ظهر من عندها..
وانتهت الملجه على خير...وعلى نهايتها...:
وقفت اليازيه عدال سلامه وسحبتها من يدها..ووقفتها ورا البيت..وكانت في بشكاره اموقفه هناك وميودة عباة سلامه وشيلتها..
سلامه:يزوووووي الخبله شوو تبين؟؟
اليازيه"تاخذ العباة والشيله":لبسي لبسي..أخويه سلطوون فديته يبغي ايشووفج..
سلامه"تاخذ العباة والشيله ":وين يبا ايشوفني؟؟شو أخووج ين؟؟
اليازيه:بسم الله منج..انتي عسااج اتينيين ولا هو..يلا يتريااج ..لا ترديييينه حراام حرااام..
سلامه:اوووووووهوووووو..احن الحينه بنسير..
اليازيه:ماا علييج مااعليج..بتريااج اهنيه..
لبست سلامه عبايتها..وحطت الشيله ..ومشت ويا اليازيه لين الباب اللي في السكه..
اليازيه"اتأشرعلى سيارة سلطان":اتشوفينها هالسيارة..؟؟
سلامه:أعرفها أعرفها..والله والله ان سرتي يا ويلج..دقايق وبيي..
اليازيه:بنشووفها هالدقايق..؟؟؟؟
سلامه:مااالت..
سارت سلامه سيارة سلطان وظهرلها الأخ الكريم وفجلها الباب..ويطالعها ...واليازيه تنقع ضحك جنها اتشوف فيلم كوميدي..مرت دقيقه..خمس.عشر..ربع ساعه..والأخت ما شرفت..ومن حسن الحظ ان تلفون أم سلطان كان ويا اليازيه..دقتلها في الوقت اللي ظهرت سلامه من السيارة..
اليازيه:اعترفيييييييي شوووووو كنتوا اتسوووون؟؟
سلامه:مسودة الويه..قاعد ايسلم ويسوولف..
اليازيه:هاذا كله سلااام..
وخلاف كلن رد لبيته..والحمدالله..عدت هالليله على خير..

. . . .

عشتك (الم) كلك متاهات وهبال ... معنى العذاب وجاير الهم قربك ..
في داخلي يبني لك الكره تمــثال ...بـــين الحنايا لو تصورت يربك ..

العيــن..
بيت بو حميد..
الساعه 8ونص..يوم الإثنين..

حدرت سلامه الصاله ومعصبه ع الأخير..شووو هاي الدنيا الفوووضى..
سلامه:حميد؟؟حميد؟؟
حميد"يالس ع الكنب ويدخن":هاه شعندج يالقذاا..
سلامه:حميد انته ترمس عليووه..
حميد:وانتي شوو درااج..
سلامه:شفت رقمك في تيلفونها ويوم تخبرتها قالت لي السالفه كلها..
حميد:شوو قالت لج؟؟؟
سلامه:حميد خل اللي قالته..
حميد:سمعي مرة ثانيه لا اتسيرين بيتهم..
سلامه:حميد انت تعرف ان عليا محيرة لولد عمها..وهي اتحبه..
داااااااااااارت الدنيا بعيييوووون حميد..ومن الصدمه مارامت اريووله تشله..فيلس ع الكنبه..
حميد"بصوت مبحووح":أتحبه؟؟؟!!!؟؟؟!!!

الجــزء الثاني عشر..

جرب وعيش وحب غيري بدنيـــاك..ماظن تلقى مثل شـــوقي وحنيني..
لأني بصراحه شخص حبك وداراك..وأرخص لك الغالي وباعت ثميني..

وقف قلب حميد..كيف يعني اتحبه...إذا هي اتحبه أنا منووو؟؟أنا منوو بالنسبه لها..عليا اتحبني....عليا مستحيل ما اتحبني..انا قلبها وروووحها..كيف ..عيل سلامه أكيد تجذب ...أكييد تجذب...
حميد"يصرخ في ويه سلامه":مسوودة الويه لا تجذبين..يعل العله اتصييبج..ليش اتقولين هالرمسه؟؟لييش؟؟
سلامه.حميد حط الرحمن في صدرك..عليا محيرة حق ولد عمها..واهي تباه واتحبه..
حميد:جــــــــــب..
نش حميد..وظهر من البيت..وسار وقف جدام بيت قوم عليا..وسوالها تيلفون..
حميد:عليا..
عليا:مرحباا حميييد..شحالك؟؟..
حميد:حالي؟؟؟عليا انتي محيرة لولد عمج..
عليا:شووووو؟؟؟
حميد:ردي...
عليا:هيه محيرة..
حميد:ولييش ترمسيني..؟؟؟
عليا:لأني أحبك..حميد انت مب فاااهم السااالفه..
حميد:عليا..أبا اشووفج اللحينه..اللحينه..
عليا:شو انت ينيت..
حميد:من حبيتج وأنا أكبر مينوون..اللحينه أبا اشووفج..
عليا:اووكيك سوولي تلفون بعد اشوي...بشوف الوضع..وين انته اللحينه..
حميد:جداام بيتكم..
عليا:شوووووووو؟؟حميد خل الإستهبال اللحينه..
حميد:أي استهبال؟؟؟عليا انا اللحينه بحدر بيتكم..
عليا:شوووو؟؟؟حميد انا بوقف ورا بيتنا..هناك محد بيشووفنا..
حميد:ااووف..يلا اتريااج..
لف حميد سيارته ووقف جدام الباب الوراني اللي يودي في السكه..ظهرت عليا وهي لابسه كندورة ورديه وشيله ورديه..وواقفه جدام الباب وميودة تيلفونها..ودقتله..
عليا:هاه شفتني؟؟
حميد:ابا ارمسج..
عليا:مااروووم أظهر أكثر عن جيه..
حميد:انزين شو السالفه..
عليا:حميد صح أنا محيرة لولد عمي واسمه خليفه..
حميد:لعله الموووت..وينه هو اللحينه؟؟
عليا:هو يدرس في لندن ..بعد ثلاث اسنين بيي..بس صدقني من ايي ويبا ايعرس..بوقف في ويووهم..ولو كلهم حاولوا انهم يخلووني آخذه..مستحيل أخذه..مستحيييييييل..
حميد:عيل سلاموه الحيوانه اتقول انج تبغينه..
عليا:حشى عليّ..انا مستحييييييييييل اعيييييييييييش مع واااااحد غيرك..
حميد:عليا..حدري سيارتيه محد بيشووفج..
عليا:فدييت قلبك أنا والله..بس والله مارووم..اللحينه بسير المول..
حميد:ويا منوو بتسيرين..
عليا:ويا أمايه..
حميد:عيل بشووفج اووكيك؟؟
عليا:يستوي خير..يلا سير انته اللحينه..
حميد:اووكي غناااتي..تامرين بشي..
عليا:هيه..
حميد:شو في خاطرج؟؟
عليا"وتمثل بصووت مخنووق":ماباك اتصدق اي رمسه تنقااال عنيه..أنا أحبك ومستحيل أحب وااحد غيرك..خلها دوووم هالرمسه في بالك..يا حميد عليا اتحبك ومستحيل تتخلى عنك..صدقني مستحيل..
حميد:فديييييييييتج يا عليوووه..
عليا:عيل يلا برايك غناتي..وبينا كوول..
حميد:اكييد..فداعة الله...
بند التيلفون..منووو ايقوول انه هااي وحده اتخوون..حميد خل عليا دووم في بالك..عليا ما تخوون..لو شو ماصار..عليا ما تتخلى عنك..عليا اتحبك..
حرك سيارته وويه صوب المول..يبغي ايشوووفها المسكين..
حميد ايموووت على عليا..وصدقووني لو ان في رمسه أكبر من هالرمسه..يمكن يتأثر منها..بس من يرمس عليووووه ..خلاص أفكاره كلها اتروووح..بس من سماع صووتها..من أسلووبها..ومن الأوهام اللي يعيشها..
رمسة سلامووه صح في صح..عليا محيره لولد عمها ..وهي اتحبه ..وهالشي من زمان سلامه تعرفه..وكانت دووم عليا اتخبرها يوم اترمس ولد عمها"خليفه"..او يوم ايي من لندن ويسلم علييهم..بس اللي ما تعرفه سلامه..إن حميد اخووها يرمس عليا..اكتشفت هالحقيقه..يوم كانت عند عليووه..ميودة تيلفون عليا..وشافت المسجات من اسم حميد بن عبدالله..جذبها الإسم وقرت المسج وشافت الرقم..وانصدمت يوم شافت رقم أخووها حميد..سألت عليا..وعليا قالت لها..أنا ما أحب خليفه...أنا أحب حميد...وحميد هو اللي ياب رقمي ورمسني..
ردت سلامه بيتهم تبا اتخبر أخوها الحقيقه..وكانت متوقعه ردت فعله..انه يودر عليا وينساها..بس طلع العكس..ردة فعله اتبين انه يموووت على عليا..ووهالشي بحد ذاته ..محد ايرووم ايغيره غير حميد..
حميـــــــــــد؟؟بروحه ..هو اللي يغير حبه لعليا لكره..كيييف؟؟؟؟!!!!؟؟؟!!!

. . . .

احبك موت يالغالي وابــــيك..انا اهــــــواك يا روحي واباك..
ترد الروح بي لمست ايديك..واحب اعيش في هالدنيا معاك..

بيت بو عبيد..
الساعه 7 المغرب..

كانت ميثا يالسه عند أمها وأبوها في الحوي..فنشت وفكرت اترووح عند ختها ميرة..وصلت لفوق..ودقت الباب..وظهرتلها ميرة لابسه بجامه عيناويه ..وفاجه شعرها ومن النص رافعه قصتها فووق ..وحاطه قلووس ..صدق صدق كنت من الخاطر حلوووة..ويبين عليها براءة الأطفال..بس هالبراءة وهالحلا ايروووح من الحقد اللي في قلبها..
ميثا:مرحباااااا مييييرووه..
ميرة:هلا..
وتفجلها الباب عسب تحدر..حدرت ميثا ويلست ع الشبريه..
ميثا:شووو اتسويين؟؟
ميرة:مااشي يالسه اسويلي تواقيع من برنامج الفوتشوب عسب المنتدى.."وكاانت اترمسها من طرف خشمها..بطريقه أبد مب حلوه"..
ميثا:اهاااا..ميرة في رمسه في خاطريه..
ميره"تيلس على الكرس مال الكمبيوتر وعاطيه ميثا مقفاها":
شعندج؟؟"باستهزااء"..
ميثا:ميرة انتي ليش ما تيلسين ويانا؟؟
ميرة:بس..
ميثا:بسبتيه صح؟؟
ميرة:هيه صح..
ميثا"انزين لييش؟؟
ميرة:ماااااااا أداااانيج ماااا أداانييج..غصب يعني أيلس مع وحده..ماا أداانيها..
ميثا:انزين انا ابا افهم شي واااحد..انا ماالي ذنب في اللي استوى..
ميرة"اتطالع ميثا بعد ماا لفت الكرسي":شوو مالج ذنب..انتي اصلاً كل شي استوى بسبتج..أنا اعرف انج كنتي اتحبين هزاع..
ميثا:شووووووووو؟؟انا أحب هزاع؟؟ميرة لا توهمين عمرج..انتي تعرفين انيه أحب سعيد وماا أحب غيره..كيف اتفكرين بهالشي..
ميرة:ولو..انتي كل اللي صار بسبتج..
ميثا:شوو يعني..انا اللي رحت وقلبت السيارة ..ولا أنا اللي صاحب السيارة من الصوب الثاني..؟؟؟انا مااالي خص فاللي استوى..هاذا حكم ربنا يا ميرة..ولازم نرضى باللي يستوي..
ميرة:إنتي لو أنج مب مووجووده في هالدنيا..كان ما فكر بو هزااع يخطبج لهزااع..
ميثا:وأصلاً حتى لو خطبووني لولدهم..مااا بواافق..
ميرة:جذاابه..بتوافقين تبين اتغييضيني..أااااناااا أكرهج ..ماا أحبج..انتي وحده حيوانه..
ميثا:ميرة فديتج حطي الرحمن في صدرج وخلي هالرمسه التافهه..انتي تعرفين غلاتج عندي..وكيف انا أعزج..مستحيييل أسوي أي شي يضرج..
ميرة:انتي برمستج هاي تفكرين انج اتخليني أحبج شرات قبل..أأ..أصلاً أنا ماا أدري كيف حبيتج من قبل..ماادري وين عقلي..
ميثا:ميرة حرام عليج لا اتقووليين هالرمسه..
ميرة:ظهري ظهري من حجرتيه أنا ماااابا أشوووفج..ميثا حاولت كم حاولت أن علاقتنا اترد شرات قبل..بس مااا نفع وياااي..لأن هزااع للحينه عاايش في قلبي..مييييثا دخييييييلج خلينا جيه أحسن..أنا ماا ريد أفتح الموضوع هاذا ويااج مرة ثانيه.."وبصووت عالي وبعصبيه"..ظهري مااااااااريدج اهنيييييه ظهري..وغلات اسعيد عندج تظهريين..انا مااا أبا اشووفج..
بدا صوتها يعلى ويعلى..وميثا اتحاول تهديها..تبا تظهر من الحجره..بس قلبها ما يطاوعها اتشووف ختها جيه حالتها وما اتسوي شي....بس ميرة إنسانه تحولت بعد وفاة هزاع الى وحش..أبد ما تسمع الرمسه من حد...فجأه طااحت ع الأرض وتمت اتصيييح من خاطرها..وميثا يالسه عندها وتصيح وياها..ما كانت تعرف شوو اتسوي الا انها اتصييح وياها..جرح ميثا كان أكبر من جرح ميرة..لأن ميثا اتعاني من عصبية ختها..من جفاها من قساوتها..كانت كل يووم تسمع كللااام جاارح منها..كلام صدق من الخاطر يجرح..
ميرة:ااااااكررررررررهج يا ميثا ..أكرررهج ..ظهرررررررييييي من حجرتيه..عبييييييييييييد.."وتصرخ بأعلى صووتها"..عبيييييد..تعال ظهر هالينيه من حجرتيه ..أنا ماابااها اهنيه..ماااريد أشوووفها دخيييلكم ظهروها..
فج عبيد الباب وتم يطالعهن منصدم..ميرة أول ما شاافته ربعت صوبه وطاحت في حظنه..واتصيييح بطريقه هستيريه..هاذا كله لأنهم يابوا طااري هزاع وسبب وفاته..مسحت دمووعها وأشرت على ميثا..
ميرة:ع..عبيد رجييتك رجييييتك يا عبيد..أ..أأأأنا..مااابا اشووف...أشووفها اهنيه..مممـ..اار..ييد ..أر..مسها..عبيد ..انا أكره ..مييييـــ..ثا..مااريدها في حجرتيه..
عبيد:خلاص مييروة فديتج لا اتسووين بعمرج جيه..
ميرة"بعصبيه":ااا..اانتوا ما..ما تفهمووون..أأأنا..ما ما ..أحبها شلوو..شلووها من ..عنديه ماا ابااهااا.."وردت اتصييح مرة ثانيه"...
عبيد كان متعوود على هالحاله..دوومها مييرة اتيي عنده واتصييح..ومتفهم حالة ميثا..لأن ميثا تبا اختها تردلها ميرة الأوليه."مسكين غثن الريال كان بيسير صووب ربعه..متواعدين في المول.."...
عبيد:خلاص ميثا علني فدااج..ظهري ..أنا بييلس عندها..
ظهرت ميثا بدون ماا ترمس..وأول ما ظهرت شافت أمها يالسه ع الكنب اللي في هالصاله..ويالسه اتصيييح من الخاطر..سارت ميثا صووب أمها..ويلست ع الأرض..
ميثا:فديييتج أمايه لا اتصيحين..انشاالله..انشاالله ميرة بتردلنا ميرة الأوليه...
دخييلج لا اتصيحييين..
أم عبيد:اااااه ياا ميثا..كيف ما أصيح وأنا اشووف حالة بنتيه جييه..فدييتج ياميثا..طلبتج لا اتسيرين لها مرة ثانيه..لا اتحرقين اعصابها ..هي من تشوفج تشتط وجنا الينون دشوا راسها..
ميثا:يااماايه انا ماا اسير لها الا ابا اراضيها..اباها تردلنا ميرة الأوليه..ماابااها تعيش حياتها وهي حابسه عمرها في هالحجره ومجابله هالكمبيوتر..أباها اتعيش حالها حال البنات اللي فعمرها..ييلسن مع أهاليهن..يسولفون..يظهرن..بس صدقيني مااشي أمل..الا اذا هزااع رد للحياه..وهاذا شي مستحيييل ايصير..الله يصبرنا..
نشت مييثا وهي من الخاااااااااطر متضاايجه..بمجرد ما حدرت غرفتها
طااحت ع الشبريه وتمت اتفكر بطريقه اتخلي أختها ترد لحالتها الطبيعيه..بس خااب ظنها..يتها بكل الطرق بس مااشي فااد.."هل بتم ميرة جيه؟؟"..سؤال
طرحته على نفسها..بس للأسف ما لقت جواب..


"...ترى الأيااام بتعطييج الجوااب..بنتريا ويياج..."

. . . .

اجيك يسلم راسك وشلون ما جـيك...وياك انا بالــــــذات صعبه اتغلى..
والله مادري من الغلا وين اوديــك..تسوى عيوني ولا بعد يمكن اغلى..

العيين موول..
يوم الثلاثاء..
الساعه 8ونص..

في هالوقت اليازيه وموزة وظبيه ومهره في لايف ستايل..واليازيه وظبيه يتشرن مناظر ..
اليازيه:شوو راايج في هالميداليه....
ظبيه:اممممم..حلوة..
اليازيه:علقيها في رقبتج..ههههههههههههاااااااي..عسب يوم اتظيعين نلاقييج..ههههههههههههههه...
موزة:صخي سودا الويه..يلا خلصن بعدها مهره تبا سبلاش وخلاف بنسير البيت..منصور اللحينه مسويلي تلفون..
اليازيه:والله ما طبييت البيت الا وقد شريتلي أكل...أباااااااااا أكل..
موزة:أووكي البرنسيسه اليازيه..أمرج..
اليازيه:أصلاً حتى لو ما طعتي بسير بسير"واتشق ويهها بابتسامه"..
ظبيه:يلا يلا خلصنا..
وظهرن من لايف ستايل وحدرن سبلاش..عاد اللحينه اليازيه بتشووف شغلها وبتستهبل..شافت بنيه صغيرة..تعطوونها فوق العشر سنوات..وامبين عليها انها هب امارتيه..يعني سوريه..مصريه..من هالشي..ولابسه تنورة جنز قصيرة..وعليها بوت وردي..وبدي وردي..فيه ورود زرقا..وحاطه شباصه صغيره على شعرها القصير اللي لونه بني..سارت صووبها..
اليازيه:مرحبااا..
البنيه:مرحبتين..
اليازيه:شوو أسمج؟؟
البنيه:ما يخصج..
اليازيه:أااخ ويهي أحترق..انزين وين أمج..؟؟
البنيه:أمايه سارت كان كان..
اليازيه:انتي امارتيه؟؟
البنيه:هيه إمارتيه..عندج ماانع؟؟
اليازيه:لا والله ما عندي مانع..عندي دواس..وفتون عند هااييج البنيه"وتأشر على مهره"..هههههههههههههههههههه..
البنيه:ما يضحك ليش تضحكييين...؟؟
اليازيه:كيييييييييفي...ما قلت لي شووو اسمج..
البنيه:الغلا..
اليازيه:عااشت الأسامي..
البنيه:عاشت أياامج..
اليازيه:أمج إماراتيه..؟؟
البنيه:لا أمايه لبنانيه..
اليازيه:لالالازين زيين والله..
البنيه:وانتي أمج اماراتيه..؟؟
اليازيه:هيه انا أمي إماراتيه..
البنيه:شوو أسمج..
اليازيه:اسمي الغلا..
البنيه"اتصرخ":جذاااابه..
اليازيه:أعصاابج أعصاابج..حطيها في ثلاجه..
البنيه:أمايه أمايه يت..انا بسييير..
اليازيه:انزين عطيني أيميلج؟؟هههههههه..>>>>>تستهبل ع البنيه..
البنيه:شوو..ما فهمتج..>>>مسكينه شو دراها بالإيميل..
اليازيه:خلاص انزين رقمج..
البينه:شوو تبيني أغااازل...في عيينج..
اليازيه:اقوول سيري سيري أمج تتريااج..حشااا كلتيني..
البنيه:ليش الأخت ساندويش..
اليازيه:لا اااايسكرييم..
البنيه:ههههههههه..شو شو شو اسمج..؟؟
اليازيه:خندووشه..
البنيه:اسمج واايد غااوي...يوم امايه اتييب بنت بسميها خندووشه..
اليازيه:هههههههههههههههههه..
البنيه:يلا براايج..
اليازيه:ماا عطيتيني الرقم؟؟
البنيه:تسعه تسعه تسعه..
اليازيه:جذااابه هاه رقمنا..
البنيه"صدقت":اووووووويه..انتي من الشرطه..
وشردت البنت...
اليازيه:هههههههههههههههههههههههههههه..هههههههههههه هههههه...
موزة:انتي لييش يايه السووق عسب تستهبلين ع الخلق وتضحكييين..
اليازيه:هههههههه..يلا خلصتن..
موزة:انزين تشري لج شي..
اليازيه:ههههههههههههه..عقب عقب..يلا يلا سحبي هالسنااييح اللي عندج..
وظهرن من المحل..بس مهره وموزة قالن بيردن للسياره..على أساس ان ظبيوه ويزووي يسيرن فووق ويتشرن اللي يبنه...ويوم وصلن فووق..كااان زحمه من الخاااطر..الأرض ممزووورة شباب..
ظبيه:رديينا ..ردينا..براايه الأكل..المطابخ ممزورة ولله الحمد..قمنا رديينا..
اليازيه:مطابخ في عينج..وعن السخافه..متسترات والحمدالله...جدامي يلا..
مشن ووقفن جدام ماكدوونالز..
ظبيه:نعم نعم..الأخت اليازيه اشووف استهبالج وصل حده..
اليازيه:ليش في أي بلد هو اللحينه..حخخخخ..
ظبيه: ما يضحك..بس من بااسكن رووبنز..لعلج الحووم هاذا بيبطي لين يخلص الوجبات..
اليازيه:لا لا ماشالله عليه سريع..اتشوفين هاذا العامل شفته أنا في سباق المارثون..ومااشالله عليه ماخذ المركز الأول..
ظبيه:اووو اليازيه حراام علييج..خايفه حد ايشووفنا..
اليازيه:منووو يعني؟؟
ظبيه:اتخيلي مبارك هنيه..في ذمتي ذمه ليقصبنا قصااب..
اليازيه:ياالقعتيه من هالبنييه...منو بيشووفنا يعني غير زوير وعوير واللي ما فيه خير..
ظبيه:غربلات ابلييسج يالمقوي..
اليازيه:وانتي شفييج مصنفره..بصراخج هاذا شليتي البقعه..
ومااا علييها الأخت ..طلبت من ماكدونالز ست وجبات..أربع لهن..وثنيتين زياده..للي في البيت..وسوت لظبيه وتحّرطيمها طااف..
ظبيه:عنبوووه طلبتي حق قبيله..
اليازيه"طاف"..:قمنا طلبنا من بااسكن روبنز لين ما يخلصوون..
ظبيه:مااا يغترج شي لعلج النفااد..
اليازيه:.......................
ظبيه:أيي ارمسج انا؟؟
اليازيه:منوو انتي..اا..اذا تبغين اترميني قدمي أوراقج في مكتب السكرتير وراجعينا بعد اسبووعين..
ظبيه:واايه التراب واايد خااقه بعمرج..
اليازيه:من حقييييي..ظبيه..
ظبيه:والضرييييس..
اليازيه:تشريييلنا على ذووقج ...
ظبيه:ااااييييييها خاطريه أذبحج..
اليازيه:شدعوووه قالولج عنز العيد...
ظبيه:هههههههه..شو في خاطرج؟؟؟
اليازيه:أممممممممم..اي شي..
طلبت ظبيه..ووقفت خلاف جدام اليازيه..
اليازيه:هاه شو طلبتي..؟؟
ظبيه:بالكراميل..
اليازيه:لالالا..أنا با ايسكرييييم..خخخخخخخخهههههههههه..يلا أنا بسير صوب مكدونالز..وبيب الأغراض..وانتي ييبي الأيسكريم ولحقيني..
ما عطتها مجال ترمس..تقوول شي..على طوول فحطت..وقفت ظبيه جدام العامل اللي بيعطيها الآيسكريم..ويوم عطاها طاحت الملاعق والكلنكس..فوطت تحت..وطااحت غشوتها.."متغشيه بالغشوه الدورايه"..وما تحس جدامها الا ان ريال لابس كندوورة كركميه يوطي تحت وياخذ الملاعق والكلنكس..
فز قلب..*""عبيد""* يوم شافها ..انصصصصصدم من الخاطر..هاذي اللي شفتها في مطبخ قوم عموووه حصه..يعني هاذي هي ظبيه..ظببببببيه يا عبييييد ظبيه..اللي خطفت قلبك...
ونفس الشي ..فز قلبها من شافته....وحاولت تتذكر وين شافتها بس مارامت..نشت على طوول وحطت الغشوه ع ويهها..
ظبيه:أسفين ع الإزعاج.."ماااكاانت تدري شوو تقول..جسمها كله ينتفض"..
عبيد:بالحل الشيخه..
شلت الأغراض وطلعت بسرعه من المحل رايحه صوب اليازيه وقلبها يدق بقووو.."ظبيه لييش خايفه..ليش قلبج جيه يدق.."وقفت جدااام اليازيه وتنهدت تنهييده من الخاطر..
ظبيه:هاه خلصتي..
اليازيه:هيه يلا..شووو فييج؟؟
ظبيه:ولا ولا شي..
وسارن ونزلن تحت وين السيارة..وصكوا خط سويحان..وأول ما وصلوا البيت..وقفت اليازيه جدام الباب العوود..
اليازيه:أجيييك يسلم رااسك وشلووون ما أجييك..ويااك أنا بالذااات صعبه أتغلا..
ياااااااخي أنا أحب بيتناا وااايد وااايد..اممممممممووووووواح..
مهره:والله خباااال ع الأصووول..

. . . . .

ولحدن معي يسواك يازيــــن الاخــلاق ...يامالك عقلــــــي وروحي وذوقــــي
خذني بروف الله واطلب لطف ورضاك ...وارحم خفوقن لجل شوفك يتوقــــــي

بيت بو حمد..
الساعه 11ونص..
الصاله..

منيرة طايحه جدام التلفزيون وحاطه قناة حواس واتطالع..من غنيه لغنيه لين ما غمضت اعيونها ورقدت وهي مب حاسه..مرت ربع ساعه..والحبيبه راقده..وشوي..الا ينجب عليها مااي باارد..فزت المسكينه وهي متروووعه..
منيرة:بسم الله الرحمن الرحيم...منو منو ؟؟؟
حمد:ههههههههههههههه..بسم الله منج..شووو بلااج راقده اهنيه..ضاقتبج البقعه..
منيرة:اتنش":ياالمااصخ..والله كنت يالسه اشووف التلفزيوون..
حمد:سيري سيري رقدي فووق..
منيرة:بسير برقد فووق..بس مرة ثاانيه لا اتوعيني جيه..
حمد:كيف تبغيني أوعييج..؟؟
منيرة:منوورة حبيبتي فدييت رووحج يا غناتي نشي سيري فووق ..لا ترقدين اهنيه تراه الرقاد اهنيه ما ينفع ومضر بالصحه..
حمد:انشااااالله عموووتي تاامرين أمر بس مرة ثانيه انشاالله..
منيرة:شو عندك..حق شوو هالشريط"شريط فيديو.."..
حمد:هاذا طال عمرج"وويييلس"..توني ياي من سويحان..وشفته في الميلس...وهفيته..ههههههههههه
منيره:هههههههههههههههه..
حمد:في اليوم اللي فيه يأ مبارك من سوييحان..راشد بن سهيل صوره..يوم كانوا في العرقوب...فعشان جيه أنا شليته أبغي أشوف لأنه في هاذاك اليوم كنت في راس الخيمه عند قوم خوالي..عرفتي؟؟
منيرة:اها..يلا أنا بسيير فووق..تامر بشي ؟؟
حمد:لا..
سارت منييرة وهي مقهوورة..أبااا اشووف الفيديو..حراااااام..يعني لو ما رش علي ماي..وسويت عمري ناايمه..جاااااان زين..
وقفت في الصاله محتارة..اتحدر حجرتها ولا أتحدر حجرة ختها.."يلاااا بنتفلسف اشوي"..فجت الباب وحدرت على نورة اللي كانت يالسه اترمس تيلفون"بطي"..وأول ما حدرت منيرة استأذنت منه وبندت..
نورة:هلا منيرة..
منيرة"تيلس ع الشبريه وتطالعها بنص عين":هلااا بج زوود..ياااعيني يااا عيني..شووووو هالحركااات القرعه..والله واستويتي ترمسين سريع..
نورة:هههههههههه..ما اسمحلج لا تغلطين على بطي..
منيرة:بل بل بل ..اشوووفه الريال ذوبج ورحتي في دباديب الغرااام..لالالا الصرااحه خطييييييييير ولد خالي ..طلع رااعي بنااات..
نورة:شوو بعد رااعي بنات؟؟
منيرة:يعني كييف طيحج..؟؟الا وقد رمسله كم بنت..يعني صاحب خبرة..
نورة:الحمدالله ما طحت يالسه فووق الشبريه..
منيرة:هههههههههههههههه..والله انج سوالف..خبريني خبريني شوو يقوول لج..
نورة:رووحي فجي شنطتج وذااكري..
منيرة:شووو؟؟أذااكر؟؟صدق والله ليش ما أذااكر..لا ماارووم..تعرفين ليش؟؟
نورة:لييش؟؟
منيرة:نسيت الشنطه في المدرسه..
نورة:قووولي والله..
منيرة:والله صدق ..
نورة: ما أظن انج بتنجحين في ثاني ثنوي..
منيرة:خلييها على الله..
نورة:انزين اللحينه يوم يتقدموولج الشباب..لييش ترفضين..
منيرة:لا أباا وااحد سبيشل..الصراحه الصراحه كلهم ما عيبووني..اللي رحيم وتافه..واللي سوالف ومقبول..ما ما يعيبووني..اباا وااحد يعني..كيف أقوولج...البنات يحسدني علييه..
نورة:ومنوو هاذا عنتر زمانه..
منيرة:لا تتمصخرين..إنتي صبري..وبتشوفين أختج منيرة بتاخذ منووووو؟؟

. . . .

يزورني دايـــــــم خياله..حتــــى ولو في جمعة الناس..
ويفز قلبي لي طـــــراله..وأسري بشوقي بليل الغلاس..

المدرسه..
يوم الأربعاء..

تو البريك مخلص..والحصه بدت..بس الأخوات ما فيهن يدرسن..فأسهل شي سونه عسب ينطردن..هو انهن يتضاحكن....
اليازيه:هههههههههههههه..سوالف..
ظبيه:بس بس اللحينه بتطردنا..
اليازيه:وأنا ليييش أضحك..محبتةً فيييج..أباها تطردنا..يعني لييين متى بنتم انجذب اونه نبا الحمام..عسب نظهر..
المس"مصريه تراها هي الي دوم تطردهن":ايه ياليازيه..؟؟ممكن اشوية هدووء..
اليازيه:أااااممممممرة ما طلبتي..من عيوووني يا كل الغلا..
ظبيه:بلا استهبال..خليينا نفهم الدرس اشوي..
اليازيه"تحط راسها ع الكتاب":بخبرج نكته..
ظبيه:كتبيها..
اليازيه:والله ما كتبتها..تبين يدي اتعورني وانتي يالسه عدالي..
ظبيه:عنلاتج يالسباله..انزين قوولي..
اليازيه:سمعي..القطار لييش مهم..
ظبيه:اممممم..يستخدمونه في المواصلات..
اليازيه:لأ..
ظبيه:عيل..
اليازيه"تضحك":ههههههههه..تحته خطييين..ههههههههههههه...
ظبيه:ههههههههههههههههههه..
المس:برررااااااااااااااااااااااااااااااااااااااااا اااااااااااااااع..
اليازيه:اتنش وترمس بصووت وااطي":زين يت منج..نشي نشي ظبيه..
ونشت ظبيه..
اليازيه:يلا مع السلامه..
ونشن ثنتينهن وظهرن من الصف..جان ايشووفن هيور يالسه اتحووط ارووحها..
اليازيه:مرررررحبا مرررررحبا ملااايييين ولا يسدن..
هيوور:اوووووه يزووي وظبيوووه..شنقل ومنقل..مرحبااااابكن زووود..
ويتوايهن..وجان يدورن بقعه محد من الإداريات اتييها..وييلسن..
اليازيه:متى ييتي؟؟
هيور:والله توني أول ما دخلت الصف..قالتلي انتي متأخره ييبي ورقه من الإداره..حطيت العبايه والشنطه عند الباب وخليتها اتولي ملعونة الصير..
ظبيه:هيه زيين ييتي..قلنا أكييد بتغييب..
اليازيه:نشن بنحوووط يلا..
ونشن وحاطن اشوي..جان ايخطفن جدام صف سهيله وودوم..
اليازيه:بل بل محد في الصف..
ظبيه:يلا حدرنا..أكيد راحوا المختبرات..
هيور"تفج قرشتها وتشرب مااي ومن خلصت رمست":واووووو صفهم باارد..
اليازيه:لا والله..قمنا بندنا المكيفات..
ظبيه:حراام علييج خليهم بيوون يبون الصف باارد..
اليازيه:لالا بنطفييها..منو قالهم يظهروون من صفهم..
ونشت وطفت المكيفات كلها..ويلست ع الطاوله وتمت اتطبل..وهيوور وظبيووه ايسوولفن وهي اتخرب عليييهن ووتتمصخر..

. . . . .

مرفوق مابك زلة الشيـــــن ... حشــي ولابك أي نقصان..
اسمك وحرفك دايم يزيـــن ... سيد العذارى ريم الاوطان..

بيت بو ناصر..
يوم الأربعاء..
الخيمه..الساعه ثمان..

في هالوقت..سيف وربيعه علي يالسين في الخيمه..وبعد السوالف والحشرة..فجأه اثنيتهم سكتوا..سيف فكره عند روضه بنت عمه..وعلي ماادري شو فيه"يمكن السوالف خلصت..ههههههههههه"....
>>>تدرون ان علي سكتني عسب ايقوول اللي في خاطره..ماا عليه اردها لك يا بو حسن<<<<<..
علي:بلاك يا بوهنااد؟؟هاليومين ماادري شووفيك؟؟
سيف:من جماله يا علي حتى البدر منه خجلا..ميزه بالحسن رب الكوون خلاق العظيم..
علي:ههههههههههههه..أسميك متخشع من الحب..
سيف:يييييها لااااا تتخبر وأنا اخووك..
علي:هانت هانت يا بوهنااد..صبر بعد سنه..ولا احسن سنتين...
سيف"ايفره بالريمووت":مسووود الويه..يالسباااال..
علي:اييي لا اتسبني انزين ولا بزقر أمااايه..
سيف:بس بس أمايه بتصفع أمك..
علي:هاهاي..لا اتضحكني..أمايه ماخذه الحزام الأسود في الكارتيه؟؟
سيف:كارتيه؟؟امي خبيرة في لعبة التيكوندو..
سيف+علي:هههههههههههههههههههه..
علي:حشا ما استون امهات..طرزان وباتمان ..خخخخ..
سيف:هههههههههههه..خليناهن أبطال رسووم متحركه..
علي:الله يطول بعمارهن..
سيف:قم احنا بنتضارب..
علي:صدق ياخي من زمان ما تظاربنا...
سيف:متى آخر مرة نقع البوكس..
علي:أظني يوم كنا صف ثاني اعدادي..
سيف:اوووه يعني من زمان..
وأول ما نشوا المفلع اونهم بتضاربون..دق تيلفون علي..
سيف:هاهاهااااي..هاذا ااعتبره انسحاب..يعني انا الفايز..
علي:في عينك فاايز..
رد علي على تلفونه...وكانت أخته فطووم .."فطوم ربيعة الهنوف لو تذكرونها؟؟!"..وخلاف بند..
علي:يلا أنا بسير..
سيف:أفا ما تضاربنا..
علي:يااخي ايقولون العيوز تعبانه..فديتها بسير اوديها الدختر..يلا براايك..
سيف:يعني مااشي ضرابه..والأهم صحة الوالده..طمنا..
علي:لا اتوصي..
ظهر علي وسار لبيتهم...ونفس الشي ظهر سيف وسار الصاله ولقى أمه اترمس تيلفون..وذياب يالس عندها ومطفرنبها..مرة يرفع البرقع ..ومرة يحط راسه ع ريووولها..ومرة أيحبها ع جبتها..
سيف:هههههههه..بتصنفر تراها العيووز..
أم ناصر"اتبند التلفون":منوو العيووز..
سيف:رحناا وطي..
ذياب:خخخخخخخ..هاي حرمت سيف..يالس ايقووولي انه يبا يااخذ وحده عيووز...
سيف:يالسبال..أصلاً انا ما يبت طااري العرس..
أم ناصر:اااه لو واحد منكم ايعرس جاان زين..ذياب بوويه فدييت خشمك..وش راايك أخطبلك وحده..امممرة اتعق الطير من السما..
ذياب"ايفز":عووووذ بالله من هالطااري.. لا حول الله يوم الله يبليك بحرمات تراك أبليت ..وبعدين سيف الأكبر ومفرووض ايعرس قبلي..ومفرووض ما تفتحين هالموضوع ويايه قبل ما تفتحينه ويا السكين هاللي جدامج..
سيف:هاه؟؟هاه؟؟لا اتفر صوبنا ويا ويهك يالسبال..والسكين عساه افبطنك..
أم ناصر:هيه صح سيووف انت لييش ما تعرس؟؟شو اللي ناقصنك..روضه ومحيرة لك..
سيف:امايه الله يهديج ..لحظه خليني أخلص دراستيه..الا ما خبرتيني كنتي اترمسين بوويه صح؟؟
أم ناصر:هيه صح..وايقول انه خالكم عبدالله امسوي له تلفون ويقول غدانا عندهم..وبعد الغدا بنسير البر وبعد صلاة المغرب بنرد..
سيف:لالالاالصراحه تخطيييط حلوو..أحسن بنستانس اشوي..
ذياب:أكيد قوم عمتيه عويش ويانا وقوم عمي عبيد"اللي هو بو حمد"..وعيال خالي سهيل الله يرحمه..أسمييييينا بنستانس..
استانس ذياب من خاطره..وأخييييراً بشووفج يا اليازيه..على قد المرات اللي ذياب ايرووح لسويحان..الا انه ولا مره شافها الا في مستشفى توام..وسلم علييها..هالمرة الوحيده اللي من رد من السفر شافها..وبعدها ما قد شافها مووول..وعلى قد المرات اللي ايسير لبيتهم..الا ان الحظ ما حالفه بالعكس وقف ضده..وما رام ايشوف اليازيه او يلمح طيفها..
استانس ذياب لأنه بيشووفها قبل ما يسافر..الله ..أنا بسافر اليمعه وبشوووفها الخمييس..ياهالحظ الحلوووو..

. . . . .

تبي الصراحه تراني صدق حبيتك..واحترت وشلون أعبرلك عن أشـــواقي..
يا بعد هالناس أنا من قلبي أغليتك..حبك جرى في العروق وعاش بأعماقي..

بيت بو سلطان..
الساعه تسع ونص..
الحوي..

في هالوقت..البقعه منشله بصوت اليازيه وهي تضحك ويا ظبيووه..كانن متكشخات لسبب غير معرووف..لابسات كنادير عنابييه وشيله نفس اللون..ومجحلات اعيونهن ومظهرات القصه..الصراحه الصراحه كاانن حلواات واايد..
يالسات الأخوات الكريمات ع المنصه..وجدامهن الفواله والقهوه والشاي..
ظبيه"تاكل حلوه عمانيه لأنها مدمنه حلوة عمانيه":هههههه..طالعي سهيل انتي بس..
اليازيه"تقص لها تفاح":ههههههههههههااااي..رشووود السبال لا اتسوي به جييه..احسن تردفه..
راشد يلعب بدرايته..كالعاده..ولازم ايحووط بها الحوي كاامل وتستوي دورة كامله..بس الشي اليديد هالمره..هو سهيل..يالس فوق الدرايه وراشد يدفه..بس الوضع ما عيب راشد..لأنه يبا يلعب..
راشد"امعصب":شو هالحااااله؟؟مووووزة ويه العنز ويينها تااخذ ولدها..
اليازيه:لعلك العوووق يالسباال..لا اتتقوول الحقيقه جدام الولد يكره أمه بعدين..ههههههههههههاااااااااااااي..
ظبيه وراشد:ههههههههههههههههااااااااااي..
راشد:يلعن شكلج...أزقرن انزين بشكاارتها سليمه لعلها ما تسلم..
ظبيه:لالالا...زقروا دريولكم اسمااعيل تراه ايحبه..
"اسماعيل..وهاه الدريول ابرووحه سوالف..من يوم ما كان عمره 20 سنه..وهو يشتغل عندهم..واللحينه داق الثلاثين وفوق..ترى دريولنا اسمه اسماعيل..وسوالفه نقلتها لكم.."
رااشد:اسمااااااااااعيل ..
اسماعيل:هاه شو يريد انته؟؟؟"ولا ويوم يرمس يرمس من ورا خشمه"..
راشد:ليش هارب مني..قرب قرب يعلك ما تربح..
ويقرب اسماعيل من راشد...وأول ما يأ صوبه..جان رااشد يضربه ضربه خفيفه..
راشد:يوم أرمسك يالسبال لا تم أترمسني من ورى خشمك..
اسماعيل:اوووه انت شو يريد اللهينه؟؟
راشد:يود يود عندك سهيل واذا صااح خله ايصيح ليين بااجر..او لين اتيي امه..
اسماعيل شل سهيل وتم واقف يطالع رااشد..راشد ركب درايته وفحط في ويه اسماعيل..جان اسماعيل يتحرطم..
اليازيه وظبيه:هههههههههههههههههههههههه..
اليازيه:طالعي انتي كيف ماد البوز شبرين..اسماعيل ما في يزعل هاذا شيكو شيكو.."اتطالع ظبيه"..ظبيه باجر بداومين..
ظبيه:هيه بداوم عيل..
اليازيه:امممم..شو رايج أطرش للشلة الكريمه مسجات..
ظبيه:طرشي...غريبه عموه حصه ما شلت تلفونها..
اليازيه:ربج نسته ولا هي مووول ما تباني أخذه..
شلت اليازيه التلفون بس هو على طوول دق..المتصل..حرم الشيخ سلطوون..
ظبيه:منوو؟؟
اليازيه:ههههااااي..حرم الشيخ سلطون..هاذا راشد جيه مسمي سلامه..ألوو..
سلامه:السلام علييكم.
اليازيه:وعليييج السلام..وشحاالها؟؟
سلامه:يسرج الحال ومن صوبج ..؟؟
اليازيه:ما نشكي باس..ويين؟؟
سلامه:والله في السيارة سايرة صوب الخياط اللي فصلنا عنده الكنادير البنيات..
اليازيه:شوو خلصهن؟؟
سلامه:هيه كلهن..عندي خبر بيفرحج انتي بالذااااات وااااايييييد..
اليازيه:شو شو شووو؟؟
سلامه:عنبوووه والله بقوولج خلي اللقافه..
اليازيه:خلج انتي عاااده..شوو قووووولي؟؟
سلامه:باجر غداكم عندنا..وبعد الغدا تتوقعين وين بنسير..؟؟؟
اليازيه:اممممم..مب حاطه شي في بالي..الا بنسير السووق..
سلامه:شو مااشي شغل...بنسير البر..
اليازيه:......واااااااااااااااااااااااايه قوولي والله؟؟
سلامه:فديتج ما جذب..تونيه مرمسه أبوويه قالي..
اليازيه:والله انيه مستاااااانسه حيييل..
سلامه:المهم أنا وصلت الخياط..ببند..يلا بااي..هيه صح الدريول بيي الساعه عشر ونص ووياه الثياب..
اليازيه:.أووكيييك..الله يحفظج..
بندت اليازيه..
اليازيه:ظبيوووه ظبيوووه..
ظبيه:بلاج محتشرة شووو اللي مستوي..؟؟؟؟
اليازيه:وأخييييييييراً بنسييير للبر...
..مرت ربع ساعه وهن ايسوولفن..جان سهيل ايسير بيتهم..وراشد محد..اما العيااييز كلهن في بيت بو منصور..ويياهن موزة..أول ما نشن بيحدرن البيت جان اتييهن مها..
مها:يززززووي...يزوووي..
اليازيه:هاه حبيبي شوو تبين؟؟
مها"تعطيها كيس متوسط لونه بيج":هااذااا الكيس من عند مبالك أخوويه..
ظبيه:يااعيني ياااعيني..
اليازيه:عينج ولاا خشمج..
ظبيه:ههههههههههههه..
سارت مها ..وفتحت اليازيه الكيس..فشافت الرساله وشلتها وقرتها..
""""
خذني معك لأي درب تريــــد ..
مسأل انا وش نهاية طريقــــــــــه..
مقوى الجفا لو كان قلبي حديـــــد..
فرقا عشير بالملا من يطيــــــــقه..

..m..
"""""
قرتها بصوت عالي..وأول ما خلصت القرايه جان اتطالع ظبيه وشافتها تاكل كافي...
اليازيه:الله من وين؟؟
ظبيه:من الكيس..
وتشرد ظبيه..وهي مستانسه..
اليازيه"اتصرخ بصووت عااااالي":..يالسراااااااااقه..
ظبيه"تضحك":انقققلعي..على حساااب أخووووويه..ههههه..

. . . . .

عرفتك قبل ما تعرف عليك..رسمتك في خيالي حلم غالي..
قبل عيني اتشوفك والتقيك..احبك يا خيالــــــن في خيالي..

يوم الأربعاء..
العراقيب..
الساعه12ونص..

سعيد ومبارك وسلطان يالسين..ويسولفون يتريون منصور اييب لهم العشا..ومشغلين سيارة سلطان ومخلين ليتاتها اتييهم .."مسكيين مقصه"..
مبارك:اووووهوووو..شوو بلاه هاذا تأخر..
سلطان:تلاقونه نساناا..
سعيد:عيل أكييييد شاف ختيه مووزة..يالله..
مبارك:يااخي دقووله..
سعيد:وانت لييش ما اتدق..
مبارك:انزين انته دق.."ويغمزله"..
سعيد"فااهم قصده على إنهم يتمون جيه لين ما يطفر سلطان ويقول أنا بدق":لا لا لا مااريد أدق..
مبارك:انا ماا بدق..
سعيد:يالله شو بتخصر..دق..
مبارك:لالا...ماريد انته دق..
سلطان:خلااااااص يعلكم ما تربحون..أنا بدق..
سعيد:هاذا اللي نباه..
سلطان:صخووا..
سعيد:ووويييييييهييييييييي أحتررررررررق..
مبارك:مطاافي مطااافي..
الكل:ههههههههههههههه..
سلطان:هلا..وييينك يااخي بنموووت يواعى..انزين يلا..ايقوول قريب..
سعيد:تعرفون انيه أكره كلمة قريب..
مبارك:لييش..
سعيد:لأنها بعيييد..
مبارك:ياااااااااالله..
سعيد:يوم ايي بنعفد علييه انزين؟؟
مبارك:ماا طلبت..
سعيد:انزين سلطان؟؟
سلطان:ماالي خص فيكم يالمفلع..
مبارك:لقط ويهك يلا..لا تقول احترق لأن المطافي راحت..ههههههههههااااااي..
الكل:هههههههههههههه..
سعيد"يهمس في إذن مبارك":انته اي اسمع يوم اييون بنسرق العشا بنرووح نتعشى بروووحنا مالنا شغل فييهم..
مبارك"يضحك ضحكة نذاله":هههيهيهيههيهيهيييي..حلوووووة..
دقايق ووصل منصور..وأول ما وقف سيارته وفج الباب ..جان يعفدوون عليه مبارك وسعيد..
مبارك:ويين الأكياس ماا أشووف شي..
سعيد:حووووووه..بتم يووعان يعني..
سلطان:هههههههههههههههههه..
منصور:بسم الله شفيكم..الأكياس ورى..
جان يفتحون الباب اللي ورا..ويشولن الأكيااس ويشردوون..
منصوور:حووووووووه تعالوا ويين سايرييين..
مبارك:هههههههه..ما نحبكم..
سعيد:نكرهكم..اي ولد امكيرا..شووو يعني بالعنقليزي..
مبارك:نسيت..بس يوم أكوون في أمريكا اتذكر..هههههههههه..

. . . . .

يا مشعل القلب تكفى خفف اشويه..القلــب من كثر صدك ويلي لحاله..
دامه ايحبـــــــك ولا له غيرك بغيه..وشله تحطه بدنيـــــا الهم وتلاله..

بيت بو حميد..
الساعه 3ونص الظهر..
جدام ميلس الريااييل...

في هالوقت..ذياب ميود التلفون ويرمس مبارك..على فكره ترى مبارك في الميلس..بس شوو نقوول اذا الينون وصل حده..
ذياب:ايي اقلب ويهك..بسير المطبخ..
مبارك:ليييش؟؟
ذياب:بس أبغي أرمس أمايه فيها شي؟؟
مبارك:لأمافيها..يوم توصل المطبخ زف لهم الخبر..وقل لهن يتزهب الحرمات بسسسرعه..ما نريدهن يتسحبن لنا..
ذياب:يلا بابا مأ السلامه..
مبارك:مأ السلامه>>اونهم هنوود..
بند ذياب وحط التلفون في مخباه وويه صوب المطبخ..أوونه يبا يرمس أمه..حدر المطبخ شاف ""**""اليازيه""*""..ووياها مها..لولا الحشيمه جان سوى عرس ..مسكيين استاانس وايييييد يووووووم شاااافها..ماا صدق عيونه..
ذياب:السلام عليييكم..
اليازيه:وعلييكم السلاام..هلااا ذياب عااش من شافك..وييينك تنشااف..؟؟
ذياب:هههههههه..حرام علييج دووم أنا في سويحان..انتي اللي ما تنشاافين..علوومج عسااج طيبه..
اليازيه:والله ما نشكي باااس..أخباارك انت شوو تسوي؟؟
ذياب:والله امشيين الحال..وعااد بااجر السفر وبنفاارق..ينفارق البلاد..
اليازيه:هانت هانت يا ذياب الا سنتيين وبتفتكوون من هالدراسه..
ذياب:شو تسوين اهنيه مب يالسه عندهن السبالات..
اليازيه:ههههههههه..هاذي أذتني مهوووي..تبا عصير..ييت اهنيه ومالقييت ولا بشكاره تعطيني العصير..واتشوفني متلعوزة وياها..
ذياب:هههههههه..والله انج سوالف يا مها..شوو بغيتي بالعصير..؟؟
اليازيه:فديييتها ما تغدت ويانا..
ذياب:ااالمهم..سيري زقري أمايه أبغي أرمسها..وأقولها تقوول للحرمات يتزهبن بسرعه..
اليازيه:تبا الصدق..؟؟
ذياب:هيه..
اليازيه:البنات كلهن متزهبات بس العيااييز لأ..
ذياب:هههههههههه..عيل اللحينه بتزهبن غصب عنهن..
اليازيه:يلا براايك.
ذياب:الله يحفظج..
ظهرت اليازيه.."صدق والله انه يشبه مبااارك واايد..ايقول هو واقف جدامج..أسمييييكم انتوا الإثنين..سوااااالف"..ووصلت الصاله العوده وين الحرمات الكباريه يالسات..البووس"أم عبدالله"..ووياها أما سلطان وأم منصور وأم ناصر وأم حمد..وأم هادف..وزقرت أم ناصر وقالت لها اتسير للمطبخ عسب ذياب اللي يترياها هناك..
سارت فووق للبنات اللي يالسات في الصاله اللي فوق..سلامه ونورة ومنيرة والهنوف ومهره وظبيه..وخبرتهن انهم اللحينه بيسيرون للبر..على فكره كاانن كلهن مطقمات ويا بعض ولا بسات كنادير بنيه وشيل نفس اللون..
مرت نص ساعه..وتزهبوا عربنا للكشته..
سعيد بياخذ وياه مهره و""الهنوف""..واليازيه وظبيه..ومبارك بياخذ وياه مها وأمه ....وحميد بياخذ وياه سلامه وعمته أم هادف واخوه هادف..وذياب وياه سيف أخوه..وناصر ويياه حمدان أخووه..اما حمد مركب ويااه أمه واخته نورة..وااامممم..أم بو منصور وأبو ناصر في سيارة وحده..وأبو حميد وأبو حمد في سيارة وحده..والبووس العوود "أم عبدالله"..راكبه ويا سلطان ووياها أم سلطان وراشد..وأخيييرأ منصور ووياها حرمته"موزة"..وسهيل ..
وبجييه..العرب كلهم ويهوا صووب البر؟؟بتسع سيييايير؟؟بيقعدوون فيه لين صلاة المغرب ..في سيارة سعيد..أجواااء كشششششخه..والهنوووف وااايد مستااانسه لأنها شاافت سعيد..اللي من حدرت السياره سلم عليها وخذ أخبارها..
وصلوا ""بر محظا""..وهالمنطقه من ورى البريمي..يلسوا فرشوا زواليهم..الحرمات في صووب ..وبعيد عنهن أشوي البنات..والرياييل قريب من الحرمات..
وقفوا الشباب بسياييرهم يبون ايسون سباق..والحكم منصور..في البدايه كان أسرع وااحد مبارك..وعقب ذياب..وأخيييراً فااز سعيد بنيسانه اللي دوومه اايطر به العراقيب طر..وخلاف يلسوا الشباب..يتفوالون ويتقهوون.
في الفترة اللي البنات يالسات ويسولفون..وناقعات ضحك بسبة اليازيه ومنيرة بسوالفهن اللي اتضحك..
اليازيه:انا بسير سيارة سعيد وويه بييب منها البيبسي والبطاطا والكاافي..
لأاترمسن الا يوم ايي..
ونشت اليازيه وسارت صووب سيارة سعيد اللي قريبه منهن..في الوقت يالي مبارك وذيااااب..واقفين ويروومون اثنيناتهم ايشوفون اليازيه..ومبارك ميود يد ذياب..
ذياب:أأأأأأأأأه..
مبارك:بلاك؟؟
ذياب:تبا تعرف منو اللي احبها..
مبارك:هيه..
ذياب:اللي جدامك..
وأشر علىىىىىىىىىىىى الياااااااااااااااااااااااااااااااااااااااازيه ..
طالع مبارك جدامه؟؟؟؟؟؟؟؟؟؟؟؟؟!!!!!!!!!!!!!!؟؟؟؟؟؟؟؟؟؟؟؟؟؟؟؟!! !!!!...
ذيــــــــــــــــــــــــــــــــــــــــاااااب؟؟ ايحب اليازيه....
فج مبارك يده من يد ذياب وطالع ذياب..وشاف نظرة الحب في عيوووووونه؟؟

الجــزء الثــالث عشر..

ஐوشلون اذا توأم روووحي يهواك..وأنا من صـــوب أغليك.. ஐ
ஐوالله احترت يا غناة الروح وياك..قلي وش أسوي وألبيك.. ஐ

تحطم قلب مبارك من صوب..ومن صوب تشتت تفكيره..ما كان يعرف..شو يقول؟؟شو يسوي؟؟أو بشو يرد..جنه حد ربط لسانه..ذياب..ذياب يحب اليازيه..واليازيه اتحبني..وأنا أحب اليازيه..السالفه تلخبطت في راس مبارك..أببببد ماراااااااام ايفكر ........شاف ذياب..كان ذياب يبتسم ويطالع اليازيه..واللي زاد الطييين بله..إن الأخ ذياب ما يود لسانه..بالعكس..
ذياب:ااااااااااخ...ويل حالي يوم لاقيته..استصاب القلب وحبيته..
مبارك:هههه..يلا يلا خل انسير صوب الرياااييل..
ضحك مبارك..ومية ألف ونه في قلبه..ضحك مبارك..وبدى جرح قلبه يتألم..ضحك مبارك..ضحك وضحك ووده يصيييح..يصييح على الحظ النحس..يصيييح من هالزمن القاسي..يصييييح من الحب وبلاااويييه..
"وانا اللي مفكر أقوول لأمايه اتحيرها لي اليوم..عسب يوم ارد من أمريكا أملج علييها..أنا اللي ما ذووق الرقااد بسبة اليازيه..أنا اللي من أشوووف ابتساامتها انسى هموومي وأحزاني..اااااااااااااااااه يااااااا القلب..لييتك ما هويت ولا تعنيييت..أأأأأأأأأأأأأأأأأأأأأأأأأأه..ابد ما أكتملت فرحتي..ذياب..ذييياب بعينه..هو اللي يهاذي باسم اليازيه...هو اللي يشكي من كثر ما يحبها..شووو أسوييييي؟؟شووو أسوي؟؟؟؟؟؟؟؟؟؟؟؟؟؟؟؟؟؟انا وذياب ..أنا وذياب انحب اليازيه..كييييف..وللييش؟؟
شووو أسوي؟؟هل أخلي اليازيه..أو أجرح قلب ذياب..ربييعي..نبض قلبي..شووو اللي استووواااالي..؟؟؟؟؟؟؟؟؟؟؟
ذياب كان أبد ما يأ على باله ان مبارك ايمووووت على شي اسمه اليازيه..بالعكس كان مستانس وااايد لأنه شااافها..
مر الوقت ببسرعه على الكل لأنها أوقااات فرح..والكل استانس...ألا واااحد من بدهم..خاطره يفارجهم وينفرد بروووحه عسب تاااخذ دمووعه رااحتها وتنزل على خدها..عسب ايصدق كل اللي استوى..
ஐ...مباركஐ...
مبارك هو الوحيد اللي مر عليه الوقت ببطئ..كان سااالي بيلسته..وووياااهم لكن رووحه يعتبرها ظهرت من جسمه..حس في لحظه ان من كثر الحزن اللي في قلبه..ان ذياب اييه ويقوول له كنت أمزح ويااك..اليازيه عمري ما فكرت فيها..
كان وده يصرخ والعالم كللللللله يسمعه وهو يعلن عن جرووح قلبه..بس منو اللي بيحس..منو اللي بيساعدني ..منووو..؟؟
الكل رد بيته..ورد مبارك البيت؟؟وصدقووني من بعد اللي استوى..أبببببد ماا رمس ولا ظهر كلمه وحده من ثمه..الا اذا حد رمسه..بس في دقايق ..اتغير..من الإنسان المرح والمتفائل...الى واحد الحزن منه وفييه..الى واحد فقد الإبتسامه..وصل حجرته..وأول ما حدر طااااااح ع شبريته..ودفن ويهه في المخده..من صدمته ما رااام ايفكر بشي.......مرت ربع ساعه.......نص سااعه..........ساعه....بس مبارك ماا رقد.......دق تلفونه..فز من الشبرية.."توأم رووحي يتصل بك"..ماا عرف شوو يسوي..الا انه بند في ويهه..بس سرعان ما حس بالذنب..هو شووو ذنبه اذا حب اليازيه..بس بس بس مااااا أرييد أرمس حد...مااااا أرييد أشووف حد..تم التللفون يدق ..ويدق..ويدق..فوق العشر مرات..بس مبارك ماا يرد...لسبب غير معرووف..وصله مسج من ذياب..
"مبارك والله ان الرقاد ماياني..تانس شي فدييتك..دخييلك يا مبارك.والله انيه ميت من الخووف عليك..انزين طمني انته في البيت؟؟.."
بس مبارك ما طرش مسج الا من بعد ربع سااعه كان يصااارع فيها أحاسيسه ومشاعره بمسج..
"لا تخاف أنا في البيت"..
رقد مبارك بعد ما صلى صلاة الفير..ورقد وقلبه ممزووووووور همووووم..

. . . . .

رسمتك في خيالي في ضمـــيري.. جميلن ماعلى وصفك انا اقدر..
اشوفك كالسما الصافي في ليله..قمرها نــصف شهر ويوم يظهر..

يوم اليمعه..
بيت بو سلطان..
الساعه 11ونص..
حجرة اليازيه..

في هالوقت اليازيه واقفه جدام التواليت..تسحي شعرها..كانت توها متسبحه..
وفكرها صووب مبارك اللي بيسافر اليوم..وليش له يومين ما صار ينشااف..
انفج الباب وكانت مهره..لابسه بجامة..وفااجه شعرها..
مهره:السلاام علييج..
اليازيه:وعليييج السلام..هلا شفييج؟؟
مهره:والله ابغي أرقد بس أمايه فديتها طرشت البشكاره اتقول وحده منكن اتسير وتوعي سعيد..وراشد..
اليازيه:هههههههه..سيري سيري علني فدااج رقدي..انا أنا بتكفل بهذه الحرفه..ههههههه..
مهره:اوكيك يلا بااي..
اليازيه:بااي..
اليازيه"اترمس روحها بصوت مسمووع":حرفه ولا مهنه..صدق انيه خبله..
ظهرت مهره في الوقت اللي لبست اليازيه شيلتها..كانت بس مجحله عيونها ومظهره قصتها..سارت حجرة سعيد..اتدق الباب..مرة مرتين..ثلاث مراات..لين ما عصبت..
اليازيه:بووووووو سكووووووور فج البااب يالسبااااااال..
مااااااشي رد..
اليازيه:فج الباااااااااااااااب..سعيييييييييد ويه العنز..
مااااااشي يرد"شي يقهر الصرااحه"..
عيزت منه وسارت حجرة راشد..عاد هاذا برووحه سالفه..هو يوم يرقد ما يبند الباب شرات سعيد..ايخلييه امبطل..جان اتدق الباب وتحدر..ما ظني انها حدرت حجرة بشر..حدرت حجرة حيوانات..شبريه مبهدله وراشد راسه ع الأرض وريووله ع الشبريه..والمخده ابصووب..والمكيف مويه علييه..ومخدات ع الأرض مجابله التلفزيون اللي كان مشتغل ومشبكه فيه البلي ستيشن..وعلى شريط قراند..وفوق مكتبة التلفزوين صحن كروون فلكس مخلص وعداله عصير ديوو..
اليازيه:حوووووووووووه شووو هاااذااا؟؟
راشد:........."ماشي رد..الأخ راقد شو له اتصارخين"..
اليازيه:ياااااااااا بووووو سنيييييده...يالله شوو الحل؟؟راشد راشد نش نش سلطان يابلك درايه يديه في ذمتي انها رهيييييييييبه.."حراام دومهم يقصون عليه"..
فز راشد من طاري الدرايه...
راشد:شوو شووو شووو؟؟وينها ووينه سلطان؟؟
اليازيه:خخخخ.أمايه تقوول نشوا يلا صلاة اليمعه..
راشد:يااااااالسباااااله..
ظهرت اليازيه وهي تربع لأنه عاادي يلحقها ويقطع شعرها شعره شعره ويخليها بدوون شعر"قرعه"..ردت لحجرة سعيد..وتمت اتدق الباب ولا حد يتوايبلها..جان تنزل تحت..شافت أمها يالسه ووياها سلطان قاعدين ايسولفون ويتريقوون..جان تسلم وتبوس أمها ع رااسها وتوايه أخوها..
اليازيه:شصبحتوا؟؟"تصبلها فنيال شااي حليب"..
أم سلطان:بخير علني فداااج..
سلطان:أمس سهرتي للساعه كم؟؟
اليازيه:لييش؟؟
سلطان:سألتج ياوبيني؟؟
اليازيه:انزين لا تعصب...سهرت لين الساعه 2ونص..
أم سلطان:أنتي اللي يالسه في الصاله وتضحكين..
اليازيه:ههههههههههههاي..لهالدرجه صوتي كان عالي..
سلطان:أنا حتى كنت أسمع صووت حد يضحك..
اليازيه:كنت أطالع فيلم كوميدي على تو...بس أسميه رهييب..
سلطان:ههههههههه..أنا بعد كنت سهران وأضحك..على الفيلم نفسه..خخ
اليازيه:ووووووووااكككككككااااااك..بس حاط صوتك ع السايلنت..والله هااي مهرووه نذذذذذله نقعتني خيانه وسارت ترقد وللحينه راقده..
أم سلطان:فدييتها مهرووه تلاقينها ميهوودة من كشتة أمس..
اليازيه:أسمييييييييينا استانسنا من الخاطر..يا حيها من تمشيه..كل يوم ودونا..
سلطان:منو بيتفيج لج كل يوووم بيرابع لج صووب البر ..عسب خاطرج..
اليازيه:المشكله انيه أنا اللي طلبت..لو في عرب غييري..طلباااتهم اوااااامر..
أم سلطان: لعنبوو داارج صخي شوي من يلستي وانتي تهذربين..لسانج ايحكج..ماا ترووم اتيووده اشوي..
اليازيه:بل بل بل اللحينه كل هاذا في خاطرج من صووبي...افا يا ام سلطوون..اللحين..اللحين انتي سببتي ألم في قلبي..جرحتني كلمةً منك..سببت في قلبي أوجاعي..يعني شو بيستوي اذا خليتي مهره تكتب هالكلام اللي في خاطرج على ورقه..عسب ما انصدم أكثر..انتي اللحينه يوم تويهين هالكلام لي أحس أحس..
أم سلطان:خلج انتي عاده..مااتيوووزييين.."اتطالع سلطان"..شو اليوم مبارك وذياب بيساافرون؟؟
سلطان"ايطالع اليازيه بنظرات جنه يتمصخر عليها":هيه فديييتج طيارتهم الساعه 9فليل..
انقبض قلب اليازيه وحست بحزن فظييع في قلبها.."اليوم مبارك شجوون الخافق بيسااافر ..شو بسوي من بعده؟؟شوووو؟؟..يالله اترجعه لنا بالسلامه.."..
في هالوقت ياهم سعيد..واللحين الله يعين اللي في الصاله..سلم ويلس ومرت دقيقتين وهو ميود لسانه..بس يااه الإفراااج..
سعيد:شو الريووق..
محد غيرها ام لسانين بترمس..
اليازيه:اممم..بلاليط..جباب..كرواسون..بيض وجبن..وووو..
سعيد:شو الأخت مشتغله في أي مطعم..؟؟؟
اليازيه:مشتغله في مطعم حصة للوجبات الشعبيه..
سعيد:وموقعكم دبليو دبليو دبليو حصه أكل دوت كوم..
الكل:ههههههههههههههههه..
أم سلطان:عنلاتكم ملااعين الصير..
سعيد:صنفرت العيوز اللحينه..
أم سلطان:عيزن ركبك مسود الويه..
سعيد:بل بل بل بل بل أحسن لي ألأسكت لا يتطنزون عليّ اللحينه..في حد ناقص...
سلطان:مهره ورااشد..
سعيد:قمنا فتون سوينا لهم هجوووم..
أم سلطان:حزّن ومن فتوون ذيه؟..
سعيد:اليازيه..وخلينا نرقى السطح اللحينه بتحصليين الشيشه..
أم سلطان:لااباس..اكتملت السالفه..
سعيد:خرااب يا أمايه خرااب..يهدم بيووت يكسر درايش يفجر مدارس..
اليازيه:يااااحيه من خراااب دامه بيفجر المدارس..

. . . .

وإن خنتني أعلــــم ترى ما بعد خنت..الا مـــــــــعك لكن خونك ذرابه..
خنتك مع طيـــــــــــفك بعد ما تيقنت..أنــــك علي بعد الثرا والسحابه..

بيت بو منصور..
الساعه2ونص..

في هالوقت كانت ظبيه توها ظاهره من حجرتها..عسب تتغدى تحت مع هلها..بس اللي شد فكرها ..إن مبارك اليوم محد شافه..وهاليوم هو يوم سفره..مفرووض ييلس وييااهم..لأنه سنه ما بيشووفهم..او سنه ونص..كانت اتفكر بهالأشيااء..وفكرت بعد ان مبارك من ردووا من البر هووو أببببد مااا يرمس..حتى في السيارة كان سااااكت..وهالشي عكس طبع مبارك اللي كله ايحب ينكت ويعلق..
..فكرت ظبيه اتسيرله الحجره وتشووف شو سالفة..لأنه ظبيه أقرب وحده له في البيت..
وقفت جدام حجرته وكأنها متترددة اترمسه باللي خاطرها..ولا اتزقره للغدا..فقالت أحسن أرمسه اللحينه..دقت الباب..مرة مرتييين..جان تسمع صوت مبارك يقوول دخلي..مبارك عرف ان ظبيه هي اللي واقفه ع الباب...لأنه محد حجرته فوق الا هو وظبيه..وأمه مستحييل ترقى الدري..لأنه تعاني من تهشم في العظاام..
حدرت ظبيه ..وانصدمت من شكل مبارك..مبارك كان لابس كندورة بنيه وحاط السفره ع كتفه..ويالس ع الكنبه ومدد راسه علييها..وحاط يداته الثنتين على عيوونه..وأي واحد ايشووفه يقوول هاذا ايصيح..
ربعت ظبيه صووب مبارك..
ظبيه:مبارك اتصييح؟؟
مبارك"يخوز يداته عن وييهه":ههههههههههه..أصيييييح وليييييش؟؟
ظبيه:اوووه..على بالي انك اتصيييح..
مبارك:شوو قالوا لج ؟؟؟ظبيه؟؟
ظبيه:واايه فديتني ذااات احساس مرهف..
مبارك:اهاااا..
ظبيه:مبارك"وتيلس ع الكنبه اللي حذاله"..
مبارك:شووفييج؟؟
ظبيه:مبارك شو الي حل عليييك..من أمس وحالتك والله مب عايبتني..رقدت وأنا قلبي علييك..خايفه استوى علييك شي..
مبارك:مااشي..بس النمله اللي مربيها ماتت..>>>يتمصخر...
ظبيه:هههههههههههههههههههههههههههه..هههههههههههههه. .عنلاتتتتتك يالسباااال..
مبارك:بسج ضحك ما ينرزا علييج..عندكم غدى ولاااا تبوني أطبخ لكم..
ظبيه:لالاعندنا غدى والحمدالله...
مبارك:عيل نشي يلا بطني زعلانه مني..ماا فيني نتطلق بعدين..ساد السيارة طلقتها
..
ظبيه:هههههههههههههههههههههه..
وينش مبارك ويا صوب ظبيه ويمد يده له ..ويسيييرون رباااعه..
انسان غريييب..يخفي جراحه بابتسامته..انسان ..تحمل ألم قلبه وخفاااه لجل غييره..

بنشووووف شووو بيسووي مبارك؟؟؟

. . . . . .

والله لخلي سنين الماضيه تعني..وأوادع الناس وأرجع وأخذ المعنا..
يمكن حبيبي اذا غنيت يسمــعني..قبل البحر يا قــلوب الشوق يبلعنا..

بيت بو ناصر..
الساعه 4ونص العصر..
حجرة الهنوف..

في هالوقت الهنوف يالسه ع الكمبيوتر..اتظهرلها صور..أونها كمبيوترها فااظي...فجت المسن..ومالقت غير مخاوية الموت اوون..وهي مممرة متعلقه فيييها..وكونوا صداقه قويه..
سود الليالي بالسهر لوعتني..فعل الحبيب اللي صعيب مناله:
هلاااا مخاوية الممووووووووت..
الحال عقبك صار ناحل وداني ... لو شفتني بتسيل دمعة عيونك :
مررررررررحباااااااااا ملاااييين ولا يسدن في ذمتيه..وووييينج ملعووونة الصير ما استوتيتي تحدرييين؟؟والله اذا ماا شفتج اوون على طووول أظهر ..المسن دووونج مب شي..
سود الليالي بالسهر لوعتني..فعل الحبيب اللي صعيب مناله:
فدييييييييييييييييييييييتج والله..بس بديت اللحينه أدرس عسب الإمتحانات النهاائيه..تعرفين ثااانويه عاامه مب أي شي..
الحال عقبك صار ناحل وداني ... لو شفتني بتسيل دمعة عيونك :
الله يوفقج غناااتي ونستاانس بالنسبه الحلووة...بس قوليلي اسمج عسب اقدر أظهرها.
سود الليالي بالسهر لوعتني..فعل الحبيب اللي صعيب مناله:
هههههههههههههه...اسمي الهنوف عوض الـــ.....ي...وانتي؟؟؟
الحال عقبك صار ناحل وداني ... لو شفتني بتسيل دمعة عيونك:
قووووووووووووولي والله؟؟أنتي في بوظبي صح؟؟
سود الليالي بالسهر لوعتني..فعل الحبيب اللي صعيب مناله:
هيه أنا في بوظبي؟؟انتي تعرفيني؟؟
الحال عقبك صار ناحل وداني ... لو شفتني بتسيل دمعة عيونك:
هيه..أنا ميرة..من الهير..أخت مييثا...اللي اتحب سعيد وسعيد ايحبها..
سود الليالي بالسهر لوعتني..فعل الحبيب اللي صعيب مناله:
ااااااااااااااااااااهاااااااااااااااااااا..تو ني عرفتج..
الحال عقبك صار ناحل وداني ... لو شفتني بتسيل دمعة عيونك:
يعني انتي اتحبين سعيد ولد عمتيه حصه..
سود الليالي بالسهر لوعتني..فعل الحبيب اللي صعيب مناله:
هههههههههههههههههههه..هيه بس شوو أسوي مب عاطني فيس..تدرين لييش؟؟
الحال عقبك صار ناحل وداني ... لو شفتني بتسيل دمعة عيونك:
ليش؟؟
سود الليالي بالسهر لوعتني..فعل الحبيب اللي صعيب مناله:
لأن الظروف أبد ما قد مرة جمعتنا ويااا بعض الا يوم سرنا البر أمس..يوم ركبت سيارته وسلم عليّ..
الحال عقبك صار ناحل وداني ... لو شفتني بتسيل دمعة عيونك:
انتي اللي تستاهليين سعيد مب ميثا الحيوانه..
سود الليالي بالسهر لوعتني..فعل الحبيب اللي صعيب مناله:
للحينه مب مقتنعه بهالكره اللي تكرهينه أختج..ياااامااااااا حااولت أفهمج بس مااارمت أووصل تفكيييرج..
الحال عقبك صار ناحل وداني ... لو شفتني بتسيل دمعة عيونك:
امممممممممممممم..وما ظني بعد تفهميني..ميثا انسانه أبد ما تستاهل سعيد قد ما انتي تستااهلييينه..
سود الليالي بالسهر لوعتني..فعل الحبيب اللي صعيب مناله:
فدييتج يا ميرة..بس شووو نسوي..خلاص الأمل اللي كنت متعلقه فيه رااااح..واللحينه انا متأكده ان ميثا لسعيد..وسعيد لميييثا..ماا ظني أروووم أغير شي من هالحب..الله يصبرني..
الحال عقبك صار ناحل وداني ... لو شفتني بتسيل دمعة عيونك:
امممممممممممممممممم..أنا أقدر أساااعدج..
سود الليالي بالسهر لوعتني..فعل الحبيب اللي صعيب مناله:
تسلمييين فدييتج بس أنا ماا أريدج أتسووييين اي شي..خلي الأمور تمشي على كيفها واتوقف عند أي نقطه..وأنا بكووون رااضيه..بس أشوووووف سعيد مرتتااااااح..
>>>>>>تغيرت وجهة نظرها مع الأيام<<<<<<<
الحال عقبك صار ناحل وداني ... لو شفتني بتسيل دمعة عيونك:
بس أنا ما أتحمل اشووفج تتعذبين..وختيه مييييثوووه السباله الحيوانه مستااانسه...ماااااااااااااااا أتحمل..لأنج تعنيني واااااايد أكثر من السبااالووه مييثا..
سود الليالي بالسهر لوعتني..فعل الحبيب اللي صعيب مناله:
للحينه مستغربه منج كييييف تكرهين ختج جيييه؟؟ميييرو حبوبه ترا هااي أختج حرااام عليييج اتسوين فيها جيييه..
الحال عقبك صار ناحل وداني ... لو شفتني بتسيل دمعة عيونك:
بلييييييييييز هنوفه غناتي لا اتحاولين ويايه أنيه احب ختيه..هاه من ساااااابع المستحيييلات..وبيني وبينج..أبغييها اتحس باللي انحسه احن اللحينه..أباها تفاارق سعيد شرات أنا ما فااارقت هزااع..وأباها اتحس باللي اتحسيينه انتي لأن سعيييد بعيييد عنج..خلينا انعذبها اشوووووي..
سود الليالي بالسهر لوعتني..فعل الحبيب اللي صعيب مناله:
حراااااااااااااااااااااااااااااااااااااااااام عليييج..ما أقوول انيه اكرهها بسبة انها روووح وقلب """سعيد"""..بس بعد ما أرضى انها تتعذب..
الحال عقبك صار ناحل وداني ... لو شفتني بتسيل دمعة عيونك:
بسج انتي عاااااده..خلج من العواااااطف..السااالفه هاااي خليها علي..
سود الليالي بالسهر لوعتني..فعل الحبيب اللي صعيب مناله:
لاااا ميروووه فدييتج..صح أنيه كنت أفكر بشي ايخلي سعيد يكره ميثا..بس اللحينه لأ...مااريد هالشي يستوي..
الحال عقبك صار ناحل وداني ... لو شفتني بتسيل دمعة عيونك:
سمحيييييييييييييييييييييييييييلي الشيخه..بس هالشي بيستوي..ما قلتي لي ذياب خووج اليوم بيساافر؟؟؟
سود الليالي بالسهر لوعتني..فعل الحبيب اللي صعيب مناله:
هيه فديييييت قلبه..اليوم بيساافر..ويمكن بيرد بعد سنه أو نص سنه..
الحال عقبك صار ناحل وداني ... لو شفتني بتسيل دمعة عيونك:
الله يرجعه لكم بالسلاامه..ويتوفج في درااسته..
سود الليالي بالسهر لوعتني..فعل الحبيب اللي صعيب مناله:
امييييييييييييييييييييييين..والله انيه اتمنى هالشي من خااطريه..
الحال عقبك صار ناحل وداني ... لو شفتني بتسيل دمعة عيونك:
يلا عيل أنا اللحينه بظهر..بشووف كتبيه اشوي..
سود الليالي بالسهر لوعتني..فعل الحبيب اللي صعيب مناله:
عيل أنا بعد بظهر..تاامرين بشيييي فديتج؟؟
الحال عقبك صار ناحل وداني ... لو شفتني بتسيل دمعة عيونك:
هيه..ذااااااااااكري زيييييين...
سود الليالي بالسهر لوعتني..فعل الحبيب اللي صعيب مناله:
هههههههههههههه..يلا عيل بااي..
الحال عقبك صار ناحل وداني ... لو شفتني بتسيل دمعة عيونك:
الله يحفظج..
ظهرت الهنوف من المسن..وخلاف ظهرت من حجرتها..وهي تفكر.."يالله انا اللحينه طوووول هالمده كنت أرمس ميييرة أخت مييثا..ولا بعد خبرتها سااالفتيه كلها مع سعيييد..امممممممم..بس اتصدقوون احسن..".....

"وقفه مع الفلسفه"

++اكييد الكل.. استغرب من الهنوف وميره اللي تطورت بسرعه..وكييف ساارن أيحبن بعض..ميرة ما استبعد هالشي منها..لأنها أخيييراً لقت من يدااري دمعتها..ويحفظ أسرارها..ويهتم بها..بعد ما تخلوا الكل عنها"بحسب وجهة نظرها..بس أنا اشووف لا تخلوا ولا شياته"..وحست ميرة بالرااااحه لأنها تعرفت على الهنوووف..وبالنسبه للهنوف هي بعد ارتاااحت لميييرة..واااايد..واستوت كل يوم اتحبها أكثر عن اللي قبله..بنشووف شوو نهاية هالصداااقه..تفييد ولا تضر؟؟+++














. . . . .

لاقال دعني وانا ما قـلت له دعني..يا لين سالـــت من الفرقا مدامــــعنا..
حتا في يوم الموادع يوم ودعـــني..بكت جميع اللــيالي من مــــــوادعنا..

والله يمتعك بلـــــــــــقاي ويمعتني..بلــــقاك والسحب تمطر من تمـتعنا..
والله لخلي سنين الماضيه تــــعني..وأوادع الـــناس وأرجع اخذ المعـنا..

يمكن حبيـــــبي اذا غنيت يسمعني..قبل البحر يا قلوب الشـــوق يبـلعنا..
اللي خذاني وعيا ما يرجعنــــــــي..والدرب مجــــهول والتفكير ضيعـنا..

بيت بو سلطان..
الساعه7ونص..
حجرة اليازيه..

في هالوقت..كانت اليازيه طايحه ع الشبريه وتسمع أغاني ع الإف ام..تبوون الصدق ماكانت تسمع..كانت سرحاااااانه بخلها اللي اليوم راح ايفااارقها ويودعها..
انفج الباب وكانت مهره ...لابسه كندوورة بيج..وفيها ورود بنيه وشيله شرات لون الكندورة..ومظهره قصتها ومجحله اعيونها وحاططه قلووس..وشكلها واايد حلووو..
مهره:شو يزووي السباله ما بتسيرين؟؟
اليازيه:قبحتك الألهه"تتكلم بلغة عربيه فصحى..وهالكلمه تعلمتها من مسلسل الزير سالم"..لا تسبيني يا سباااااالووووه...
مهره:من عيووووووووني ..بس ليش ما بتسيرين؟؟
اليازيه"اتجذب":رااااااااسي وااااااااااااايد يعورني وأحس بحرارة..
مهره"تلمس رااس اليازيه":امممم..ما أحس بأي حراره..
اليازيه:سيررري انتي شوو درااج بالحراره ..هااي ايسموونها..ايسموونها ..شووو ياربي؟؟اها..يسموونها حرارة دااخليه..يعني محد ايحس فيها الا انا فديتني..
مهره:واااااااايه الترااب..
اليازيه:ظهري ظهري يعلج ما تربحيييين..ظهري سووود الله ويهج ملعونة الصير..
مهره:خلاااص بظهر كلتييني بقشووري..
اليازيه"اتسوي عمرها مستغربه":قشوورج؟؟لييش الأخت موزة ولا برتقاااله؟؟؟
مهره:اف من هالإستهبااال الفظييع..يااخي عقلي ولو لمرة وحده في حيااااتج..يعني انتي لما تستويين عيووز بتميين جيييه مستهبله..
اليازيه:للأسف ماا روووم..تعرفين لييِش..؟؟
مهره:ليييييش...؟؟؟؟؟؟
اليازيه:خخخخخ..بكوون خلاص قد خرفت..كركركركركركركركر..
مهره:سخييييييييييييييييييفه..
اليازيه:محد غييرج سخييفه ياللي ما تخيلين اتسبين اللي أكبر عنج..وينه أحترام الكبير والرحمه بالصغييير.."اتسوي عمرها معصبه"..ويينه رمسي وووويييينه..
"وتنش من الشبريه وتسير تجابل مهرووه"..ويينه قوليلي ويييينه.."وتلصق ويهها جريب من ويه مهره"..ووووووووييييييييينه؟؟
مهره:عووذ بالله..لا لا لا أفا لصقي ويهج بعدج للحينه ما لصق..ياغبيه خوفتيني..
اليازيه"تنسدح ع الشبريه وتضحك ضحك هستيري":..خخخخخخخخخ..هههههه.
هههههههههههههههههههههههههههههههههههههههههههههههههه ه..
طالعوا شقاايل خوفتها..؟؟؟ههههههههخخخخخخخخخخككككككااااك..
مهره:عافان الله احسن لي أسير قبل ما استوي شرااتها أكبر مينووونه..
اليازيه:هههههههههههههه..سلمي سلمي علييهم اللي اتشووفينهم اهناك..حتى لو شفتي بشكارة قووم عمتيه ناعمه سوسي...لأنهم يعرفوون انيه طيبه..ومتوواااضعه..هههههههههههه...
مهره:ماا يضحك..يلا مع السلااامه..
اليازيه"تبتسم":الله وياااج..
من ظهرت مهره..أختفت الإبتسامه من ويه لليازيه...لأنها انفردت بأفكااارها..الكل سااروا بوظبي..قوم بو سلطان وقوم بو منصور..وقوم بو حميد..لأن عوض"ابو ناصر"..عازمنهم عل العشا..ولأن طيارة الأخوان"مبارك وذياب "..بتكون من مطار بوظبي..اليازيه ما سارت..وتعرفوون انتوا السبب..لأنها ما تبى اتشووف مبارك وهو يودعها..وهالشي تعرفه ظبيه.."أكيييد الكل سااروا..بسير بييبلي أكل وبييلس في الصاله برمسلي وحده من الشله.."هااي الفكره اللي كانت في بال اليازيه..ونشت عسب تنفذها..
نزلت تحت وأول ما ظهرت الحوي..شاااافت مبارك يالس ع الدري اللي جدام الباب العود..حست بصدمه كبييرة وشوووق فظييع لمبااارك..زقرته وكلها ألم وقهر من هالظرووف..زقرته وحست إنها هاي آخر مرة تزقر باسمه..
اليازيه:مباارك..؟؟!!!
نش مبارك ولف ويهه وجابل اليازيه..
مبارك:هلا يزووي..
اليازيه:انت للحينه ما سرت..
مبارك:لأ..كنت أترياج..عرفت انج ما بتسيرين بوظبي..فقلت اسلم علييج اهنيه..
اليازيه:أهاااا..
مبارك:لييش ويهج جيه غاادي..جنه حد ضاربنج ببوكس..
اليازيه:في عييينك بوكس يالسباال..
مبارك:لا اتسبيني يا عنز الحاره..
اليازيه:انشااالله برووووك سراااق توااير..
اليازيه +مبارك:هههههههههههههههههههههههه..
سكتوا فتره..كل وااحد يتأمل في الثااااااني..لين ما وطت اليازيه رااسها تحت..والدمعه في عيونها تلمع تتريا اليازيه تظهر اي كلمه عسب تنزل..
مبارك هو الثاني الدمووع في عيوونه..مااااااااااااااااوده ايفااارق غناااااته ونبض قلبه..اليازيه..بس هالظرووف ولازم يتمااشون وياها..
مبارك"والغبنه ضاربتنه":اليازيه فديتج..
اتطالعه اليازيه..
مبارك:اشوووفج على خيير..
اليازيه:الله يردك لنا بالسلااامه..
لف ويهه مبارك بعد نظره حزينه ووجهها لليازيه..رحل مبااااارك وكللللله ألم من هالواااقع اللي يعيشه..رحل وبقى قلبه عند اليازيه أماااااانه..

ســـافرت عنك وخافقي معك ..ياسيدي عـــــــندك أمانه ...
ما طـــــــاع يالــغالي يودعك ...يرحل و يتـــــرك مكانه ...
خله معـــك يسـهر ويسمعك ...خله يسامـــــــرك بحنانه ...
اذا الولــــــه والـشوق ولعك ..بتشوف طيفي في عيانه ...
لو شفت عني البــــعد يمنعك .. لوطول غيابــــي زمانه ...
لالا تبكي في يوم مــــــدمعك ..ماهو علشاني عشــــانه ...
بكره الليالي بتجـــــــــــمعك...يانبض قلبي ياكيـــــــانه ...
راجع لدانيا يافرحتي معـــك...راجع ولي عندك كمانـــه ...

. . . . .

اشوف طيفك اذا برقت ما ريتك..وأرجع حبيبي لشوفك كم ضرياني..
أتخيلك في عيوني شخص لاقيتك..أفرح ولكن غير الطيف ماياني..

بيت بو منصور..
يوم الأحد ..الساعه5ونص..
حجرة ظبيه..

في هالوقت ظبيه واقفه جدام المنظرة واتشووف عمرها..فجأة..ياها طيف عبيد وهو في المطبخ..وهو في الموول..ما كانت تدري لييش هالوقت وهاللحظه اتخيلته..ليييش يفز قلبها من اييبوون طاريه..أأأأأأأه..
صج من الخاطر تنهدت ..وظهرت على طوول من حجرتها ..ونزلت الحوي..وما حصلت حد.."عيل أكيد في بيت خالي سهيل."..خطفت بسرعه ع المطبخ وفجت الثلاجه وظهرت كيك سويسروول..وسارت بيت خالها..
حدرت وشافت أمها وخالتها حصه يالسات"حراام ما أكتملن الثلاثي المرح يدووه فديتها يوم كنا في بوظبي ردت ويا قووم خالي عبدالله...والله سويحان غدت باايخه..لا برووك ولا يدوووه.."
ظبيه:السلاااام عليييكن..
الكل:وعللييييج السلام..
أم سلطان:حي من يانا ولفانا..
ظبيه:الله يحييج..
أم منصور:وينها موزوووه؟؟
ظبيه:امممممم..ماا شفتها..
أم منصور:اف عليج سودا الويه ما تنفعييين..
ظبيه:لاا حووول..الله يهدييج أمايه..أكييد يالسه في قسمها مجابله ريالها وولدها..
أم منصور:جب يالسباله..وين اتجابل ريالها وريالها ساير للعزبه..
ظبيه:بل بل بل ووووييييهيييي..محححححححترق..
أم منصور:ياا عساااج تحترقين وياااه..
أم سلطان:هههههههههه.شرات يزووي ملعونة الصير مووول ما يصخن اشويه الا ومشغلات وناناتهن..
ظبيه:ههههههههههههههههه..حرام عليييكن..يوم نعرس كل وحده منكن بتجااابل الثانيه بتقووول..ييييييها وينكن يا يزووي وظبيه ووين أياامكن..ابدن وأنا اشهد محد شروانا انا وبنت سهييل..
اليازيه"ترمسهن من بعيد":هااااااااااااه جني اسمع اسم بنت سهيل..
ظبيه"اتفج الكيك اللي وياها":جنه محد غيرها..شقايل جيه ما عندكم بنات غيرها..
اليازيه"اتوقف ع رااس ظبيه":ايي انتي سبااله متطورة رمسي شوو كنتي اتقووليين؟؟
ظبيه:مااااااارررررريد أخبرج..
اليازيه:يعني ما بتقوولين؟؟"بأسلووب جنها اتهددها"..
ظبيه:ماااااا بقوووول..
اليازيه"اتشل الكيك منها وتشرد":هههههههههههههه..عادي لا تقوولين بس تحلميين تتهنين بهالكيك..يااااااااام..
ظبيه"اتنش وتربع وراها":يييييييييييبيييييييي الكيك ماااااالي..
اليازيه:بتبطيييييييييييييين..لحظه لحظه خليني أسوي تلفون لبن عروه هو بيبلج اللحينه..
ظبيه:اهئ اهئ اهئ اهئ اهئ...ابااااا الكييييييك..
ويسون شكل دائرة وهن يربعن جدام العيااييز..
أم منصور:حشى حشى ياليعاارى..
أم سلطان:عنلااااتكن وعنلات الشيااطين اللي في هالرووس..قرن مكانكن يلا مسودات الويه..
ظبيه:قووولوا لها اللي ياني منها يكفيني عمر..
اليازيه:عمر ولا سامي>>>اونها أسامي مصريين..
ظبيه:لا سامر..
اليازيه:الله..سااامر وييييجذبني الهوى..
ظبيه:صخي سوود الويه ويبي الكيك..
ام منصور:في ذمتيه انه ما استوى كيك..
أم سلطان:عاد من زينه هالبلا اللي ياكلنه..
ظبيه:قولن لها لا تشرد منيه..
اليازيه:جب يالهرمه ويلسي عسب أنا أيلس وآكل..ويوم أخلص لا تنسين اتقولين لي بالصحه والعافيه..ولا اقوول يوم أبدا أكل..
في هالوقت ظهر سعيد من البيت..وشاف الضرابه المستويه..
سعيد:صدق شعب فااااظي..
ويسير صوب الحرمات ويسلم..وبعد السلام...
أم منصور:ايلس فديييت رووحك اشرب لك جاي واهبشلك من هالفواله..
اليازيه"اترمس ظبيه":شووفي شووفي كيف العنصريه الوواضحه..شوفي شقايل يعاملوننا ويعاملوونهم..
سعيد"سمع الرمسه":لا فدييتج عمووه ما اشتهي شي..توني ماكل شيتوز"البطاطا الحاااااااااااار"..
أم سلطان:شوو هاه بعد؟؟
سعيد:شرات العيش واللحم..سبحااان الله اخترعوا شي يشبه العيش واللحم..
أم سلطان:ياازينه من أخترااع..
اليازيه:صيووووووووووطااااااااااخ..بو سكور لا تولع صوارريخ ع العيااييز ..عمووه امايه ترااه هاه ايقص علييكن..
سعيد:جب انتي عبوّده"يقصد عبده..بس الإستهبال واااجب"..لا ااييي اللحينه وأزغدج اتوقعين مسدووحه تتطلبين الرحمه..
اليازيه:قبل ما اتيي أصلاً بشرد..
ظبيه:تراها شرات العامل اللي في العين موول مشتركه ويااه في سباق المارثون..خخخخخ..
اليازيه:ههههههههههههههههههههههههههههههه..
سعيد:شوووووو؟؟ماا فهمت؟؟
أم منصور:طبهن فديييتك.هاايييلا من يرمسن ويا رمستهن الماصخه..ما اتقول الا اماتهن هنديااات..ولا تأثرن من البشااكير يعلهن النفاااد..
اليازيه:لالالالا..ظبيووه الغلا تراااهم بدوا يغلطوووووووووووون..
سعيد:مساااكين..
اليازيه:ااييي انت لا اتسبنا ولا نبلش فيك البلشه اللحينه وتتمنى انك ما خطفت من هنييه..
سعيد:فرجينا يبعتلك حمه..شو راح تعملي؟؟
ظبيه+اليازيه:خخخخخخخههههههههههه..
اليازيه:شو الأخ سووري؟؟
سعيد:هههههههههههههههههههههههههههه..جب جب ...
اليازيه:أمايه بتسيرين مكان..ولا شوو راايكن انسير العزبه..ونشم لنا الهوى الزين..بدل ما حنا يالسات اهنيه وسط هالبيوت الكريهه.."قصدها بس اتطفر بسعيد"..
سعيد:ييتيينا بطرج انتي اللحينه..صخي..
ام منصور:لا لا ...نشي يا حصه بنسير العزبه بنشووف الحلال..من زمان ما ظهرنا صووبهم..
سعيد:ماااااااااااااااااعليييه يستوي خير.."ويطالع ظبيه واليازيه بنظرات"..
ظبيه:هيااااااااااااااا..
ركبت أم سلطان جدام..ووراها ظبيه..وفي الوسط اليازيه وورا سعيد أم منصور"طبعاً رااحن بدوون عبي..بالمصلى..الا العزبه"....بدت الرحله على قوولت اليازيه"الأخت يالسه في المدرسه..طاااف"..
وصلوا العزبه..ويلسن العيااييز جريب السيارة..أما البنات ابتعدن اشوي عن العزبه..ويلسن على عرقووب صغيير..
ظبيه"تلعب بالرمل":شوراايج دقي على هيوور خليها اتيي..
اليازيه:ربج يوا هلها من وقت..
ظبيه:ماا ظني طالعي عزبتهم ماشي سياايير..
اليازيه"اتظهر تلفون أمها من مخباها":لا أحسن أطرشلها مسج...يمكن التلفون عند أخووها هادف"أخو هيور صف أول ثنوي"..
ظبيه:هيه أحسن..
وطرشت مسج لهيور كاتبه فيه:
"مرحبااا..هيور انا وظبيه في عزبتنا..تعالي للعزب يلا.."..
ظبيه:اكييييد بتيي..
اليازيه:ان شاالله..ان شالله ترقع ليه..
ظبيه:اووووووووف لا تستهبلين انتي اللحينه..
اليازيه"اتنش":اللحينه بسوي فيديو كليب...
ظبيه:لاااااااااااااااااا..مافيني عليييج...
اليازيه:شو قالولج يالسه ع رااسج أنا..
ظبيه:لا بس أحياناً أمل من الإستهبال..
اليازيه:ملي ليين تقولين بس ما بمتحن منج؟؟
ظبيه:ياااااااااخاينه..
اليازيه:حبي يا ظلام..
ظبيه:شغلووج أكملي الفراغات..
اليزيه:واول راتب هالشهر..
ظبيه:هههههههههههههههههههه...
اليازيه:سوالف والله كم رقمج؟؟
ظبيه:ماا عندي رقم..
اليازيه"اتقلد اليهال":مثكييييييييييييينه..ماا عندها رقم..
مر الوقت وهيور ياتهن وتمن ايسولفن..قرب وقت صلاة المغرب..وهيور ردت لبيتهم..وشوي الا أم منصور تزقر ظبيه واليازيه عسب يغتبقن.."وهالكلمه معناها يشربن لبن الرجاب..وما يعنون فيها اي لبن..بس لبن الرجاب..كلمه بدويه"...وبعدين ردوا للبيت..
وطبعاً سعيد المسكين هو اللي ابتلش ووردهن..

. . . . . . .

ارخصت له عمري فداله..لو هو تجــــنا وصد لاباس..
قلبي وروحي كـــــلها له..تفداه سيدي عذب الأجناس..

أمريكا"أمكيرا"..
الساعه تسع ونص..
الشقه..

في هالوقت كان ذياب امشغل الاب توب..ويالس عليه..أما مبارك حاطله بطاطا شيتوز في صحن..
ذياب:شوو تاكل؟؟
مبارك:شيتوز بدوي..
ذياب:ههههههههههههههههه..كل هاه عسب انك حاطنه في صحن..
مبارك:خخخخخ..شوو نسوي..تصدق انيه طفران..
ذياب:بااجر أول يوم والله يعينا..
مبارك:والله لو ما خذنا الإجازه هالكورس ايكون احسن..
ذياب"عيونه ع الشاشه":لييش؟؟
مباارك:عسب انسير في الصيف...
ذياب:لالاالحمدالله..ان سرنا..
مبارك:لييش؟؟
ذياب:مااشي كنت مشتااق ليزووي والحمدالله شفتها..
انقبض قلب مبارك..حس باحساااس غريب...حزن على ألم على قهر..شل الدفتر اللي عداله وقال لذياب..
مبارك:هههههههه..الله يعينك..
ذياب"يتنهد":اااااااااه..ويعين الجميع..
كتب مبارك ع الدفتر اللي عنده..وبخط يدل على قهر هالإنسان اللي يكتب..
مكتووب لي أحب..وأشووف غيري ياخذ أحبابي..
مكتووب لي أحلم..وأشوف غيري تتحقق له أحلامي..
مكتووب لي أحزن..وأشوف غيري يسرق أفراحي..
مكتووب لي أحب بصمت..وأشوف غيري يعلنه للخلق..
مكتووب لي أداري دمعتي..وأرسم على وجهي ابتسامه..تخفي "جراحي.."..

ملاحظه..
"هالكلام اللي كتبه مبارك..انا قريته في بطاقه وحده من ربيعاتيه طرشتها لي بالإيميل..ومن قريت الكلام يتني فكرة انيه أكتب قصه توضح معاناة هالإنسان اللي كتب هالكلام..يعني النقطه الأساااسيه في القصه كلها..هو عذاااب مبارك.."..

. . . . .

اشــــتاق انا لك واتلذذ بالاشـــــــــواق *** والــــــــــبعد منك يالغلا زاد شوقـــي
انته حبيبي ولك غلا وســــط الاعماق *** سارين في دمي وجارين في عروقي

المدرسه..يوم الأربعاء..
حصة العربي..
صف يزوي وظبيه..

في هالوقت كانت المس ..اتقول اسامي البنات اللي ما سمعن الأبيات الشعريه..وقالت اسم اليازيه..جان تشتط اليازيه لأنها سمعت وظبيه شاااهده..
اليازيه:يااا مس انا سمعت والحمدالله..
المس:لا ما سمعتيييش..."على فكره هالمس اللي ادرسهم عيووووز عيووز..يعني خلاص منتهيه.."..
اليازيه:انا سمعت وظبيووه شاهده.."بصووت واطي"..يالمنتهيه..
ظبيه:هيه تراها سمعت..
اليازيه:هاللي قدرت علييه..لسانج يعورج..
ظبيه:حرام عليج مس والله انها سمعت..
المس:لااا..انا عملت ليها صفر..ازاي سمعت؟؟انا ما بخسرش حاقه..انتي الخسرانه..ده العلامات علاماتك ياليازيه..
اليازيه:لعب حرمااات مخبل..
نشت اليازيه وهي تلعن المس في خاطرها مليووون ألف لعنه..وسمعت لها..ومب هااك التسمييع الأوووكي لأنها ما راجعت اللي حافظتنه..وأول ما خلصت ظهرت لها مصاصه وهي مفوووووووووله ومصنفره..
عاد اللحينه بتقوول اسامي اللي ما سون لها نشاط..وذكرت اسم ظبيه..جان يشتطن ظبيه واليازيه...هاي العيووز وااايد مخرفه...شقاايل حاطينها اتدرس وهي مخرفه وع الأخيير..
ظبيه:أنا سويييت لج بحث 12 صفحه...كيف ما سويت لج نشاط..
اليازيه:هيه يا سم"تراهاا قلبت الكلمه لأنها المس غدت سم".. تراها مسويه وأنا شفتها يوم اتسلمها ليدج لعلها الكسر.."طبعاً ما وطت صوتها ..لأن المس مااا تسمع شي...أقووولكم عيووز؟؟؟!!!!"..
المس:ايه دنتوا اللحينه بتكدبوني..
اليازيه:أقووولج لعب حرماات ما تسمعين الرمسه..
ظبيه:خلاص خلاص بييب لج نشاط لعلج ما تربحين..
اليازيه:خخخخخخخ..معلمات آخر زمن..

"هالموقف استوالي أنا وربيعتيه..يوم كنا صف 3عدادي"..

. . . . .

انته دفا كل العواطف اذا هــــــــب..نسناس برد الشوق لا صرت قربي..
شعور ويلبيك في الشرق والغرب..مـــــــــــن وين ما ناديت خلي يلبي..

بيت بو حميد..
الساعه10ونص..
يوم الأربعاء..

في هالوقت سلامه يالسه في الصاله ويا هادف..أما امه فكانت في المطبخ عسب العشا..تفكييير سلامه خذه حميد أخوووها..شقااايل ايرمس وحده شراات عليا..لا والمشكله انه ايحبها..ويموووت علييها...
دق تلفونها وشافت المتصل "حبك ملكني"..وهاذا سلطان..استانست يوم جافت اسمه..لأنه من يومين ما رمسها..
سلطان:ألوو مرحبا..
سلامه:مرحباااااا ملااااييين ولا يسدن في ذمتيه..
سلطان:هاه اشووفج اترحبييين..
سلامه"اتنش وتظهر للحوي":اتولهت عليييك يالسبال..
سلطان:يااكبرها عند ربي..سلااامه بنت عبدالله الــ...........ي..اتولهت على سلطان بن سهيل الـــــ.......ي..لالالا..شي مستحييييل..
سلامه:أشوووفك تستهبل..
سلطان:أنا استهبل؟؟وييينج من يومين أطرش مسجات وكله التلفون مغلق....
سلامه:هيه والله نسيييت سالفته هالتلفون..خليته امبند ولا بطلته
سلطان:لالالالا...ماا قصرتي..
سلامه:ههههههههههه..يلا عاده عن الحركات القرعه..
سلطان:لا حركات قرعه ولا صلعه..
سلامه:هههههههههه..اشووفك تطورت وصرت تستخف..محد بيلووومك سعيد و يزووي عندك..وراااشد بعد..
سلطان:الحمدالله انه مهره مب شراتهم..والله لو انها شراتهم ونفس طبعهم..اسمييني رحت في خراايطها..تراها هاللي مصبرتني علييهم..
سلامه:يلا عاده يابوميد هم الا اخوانك ومالهم غييييرك..
سلطان:اقووول احن متى بنعرس؟؟
سلامه:يوم أخلص دراستيه في الجامعه.
سلطان:جب بس جب..
سلامه:ليش اتحاول اتسكتني..
سلطان:اونه يوم أخلص دراستيه في الجامعه..في ذمتيه انج بتبطيييييييين..
سلامه:حرااام علييك ..
سلطان:الحمدالله ربي ما حرمه..يااخي انا ريال ابا اعرس وافتك..
سلامه:خلني أفكر بالموضوع..
سلطان:هههههههه..بلييييز لا اتضحكيني..في كل شي بااخذ راايج الا في هالشي..والسموووحه..
سلامه:حرام عليك سلطان ربايعيه كلهن بيسيرين الجامعه..
سلطان:دراسه من بعد الثانويه لأ..يعني لأ..بعد ما تيبين النسبه بأسبووع بنعرس..وهاذي رمستيه ومب مغيرنها لوو شوو يستوي؟؟
سلامه: سلطان..
سلطان:ولا حتى ملك..
سلامه:فديييتك سلطان خلني أكمل الدراسه..
سلطان:أبغي أفهم انتي شو بغيتي فيها الدراسه..
سلامه:مااشي..بس حلو الإنسان يوم يكون متلعم..
سلطان:وانتي اللحينه متعلمه..تعرفين تقرين؟؟
سلامه:هيه..
سلطان:تعرفين تكتبين؟؟
سلامه:هيه..
سلطان:جذي الإنسان يكوون متعلم ..يقرى ويكتب..
سلامه:شو يعني ماشي أمل..
سلطان:لا أمل ولا حتى نقطة أمل..
سلامه:خلاص خلاص؟؟!!
سلطان:وأكبر خلاص..
سلامه:الله يهديك....
سلطان:ويهديج وياايه..
سلامه:هههههههههههه..شو بلاك اليوم..أحسك غيييير..
سلطان:شوو بعد غيير..فديتني ما تغيرت..الا انتي اللي يمكن متغيرة..
سلامه:واااااايه التراااب من شوو بتغييير..
سلطان:اممممم..مااااادري لا تتخبرييني؟؟
سلامه:اذا ما تخبرتك عيل اتخبر منووو؟؟؟
سلطان:اممممممم..مب لازم تتخبرني حد..خلج جيه..
سلامه:اها..شي طييب..
سلطان:على بالي نذل..
سلامه:ههههههههههه..في ذمتيه ان شي مستوي بك...
سلطان:لاا الحمدالله ما استوالي شي.
سلامه:يلا عيل انا ببند..
سلطان:شعندج؟؟
سلامه:شوو بعد؟؟بسير أزهب العشا ويا عمتيه ريسه..فضيحه الحرمه مبركنه أربع وعشرين ساااعه وانا مريحه ومرتاحه..
سلطان:خلاص عيل..سيري..تامرين بشي..
سلامه: سلامتك...فداعة الله..
سلطان:الله يحفظج..
بندت سلامه التفون وحطته في مخباها..وويهت صوب المطبخ..حدرت وشافت البشاكير يالسات..
سلامه:شو عشا خلاص..
وحده منهن المفلع:ايوااا خلاص..
حست سلامه بخجل لأنها ما ساعدت مرت أبووها في العشا..فسارت الصاله ولقتها يالسه ويا هدووفي..
سلامه"وييهها محمر":سمحيلي عمووه كنت أرمس سلطان وما لحقت عليج وأساعدج يوم كنتي اتسويين العشا..
أم هادف:لا والله عادي فديييت رووحج خذي راحتج..عاده اللي يسمع جني الا سويت شي..امبونهن البشاكير سون كل شي..الا انا واقفه ع رووسهن لعلهن النفااد..
سلامه:ولو لازم أكون فيااج..السموحه منج عموه..
أم هادف:ما استوى شي غناتيه سلامه...ليش مكبرة السالفه..سيري فديتج ذاكريلج كلمه..قريب الإمتحانات بتبدا..ونباج اتبيضين الويه..وتيبين النسبه الزينه اللي تفرحنا كلنا..
سلامه:انشالله يا عمووه..نبا دعواتج عاده..
أم هادف:يشهد الله يا سلاموه انيه أدعيلج انتي وحميد من خاطريه..وان الله يوفجكم في حياتكم..ترااكم شرات عيالي..
سلامه"اتبوسها عرااسها":فدييتج يا عمووه..من دوونج ما ندري شو كنا سوينا..
الله لاا يحرمني منج..
أم هادف:ولا منج..
هادف:انتوااااا ليييييش اتصييييحوووووون..فلم هندي..
سلامه:ههههههه..اسكت انته لا ترمس..يا بو لسانين..
هادف:ماماتيه شوفيها اتسبني..ايي انتي اذا ما سكتي بسير صوب سلطان وبجتله..عسب اتصيحين..
سلامه:شوووووو؟؟اذا جتلت سلطان بجتلك..
هادف:عادي..وأمايه بتجتلح بعدين...هههههههههه..
أم هادف:فديته متأثر بالرسووم اللي ايشوفها..
سلامه:عاد هالرسوم اللي اتيي الحينه كلها عنف في عنف..مااشي رسوم شرات أول ..
أم هادف:هيه والله من حدرت الصاله شفته واقف ع الكنبه اونه يبا يطير..
سلامه:هدووفي لا اتسوي هالحركات خلاف بتطيح وبتتكسر..
هادف:ظنتي في شي أسمه المستشفى..
سلامه:ويا ويهه ايقفطني ..ما ظنتيه في يوم من الأيام بيحبني هالولد..
هادف:بالله لييش أحبج..؟؟؟
سلامه:عشاني أختك..
هادف:خليني أفكر..
تمت سلامه اتسولف ويا ام هاف وهادف اللي كان يحب يعاندها...

. . . . .

انته حبيبي لقلـــــــبي نوره وضيه..تحلــــــى بعيني وقلبي صرت تحلاله..
وانته ربيع الخفوق وشمسه وفيّه..وأن حب غيرك خفوقي بقطع وصاله..

جدام العين موول..
سيارة حميد..
الساعه11ونص..

في هالوقت حميد واقف يتريا الهندي اينزل الأغراض اللي مشتريها في السياره..فج الباب الوراني..وحط الهندي الأغراض..وكان بوكس وااايد وااايد وااايد عووود..لونه عنابي..وداخله ميكب وأغراض ثانيه من كريستيان ديور..و فندي..و بوجاتي..وعلب متوسط فيها باتشي..ودباديب صغيرة حطانها على طرف..وورد مجفف حاط فوق بطاقة مكتوب فيها..
"كل عام وانته بحياتي حبيبي لا حد مثلك ولا حد سواك..
تسكن بقلبي ومن فؤادي قريب يا أغلى ناسي ويا أحلى ملاك..

كل عام وانتي بألف خيير..

تحيات..

حميد الـــ......ي..."..

وورقه ثانيه في ظرف حاطنه..لون الورقه ولون الظرف أحمر..وفيها رسمات ورود جوريه..ومكتوب في الورقه قصيييده..

"كل سنــــــــه وإنته بخير وعيد ميلادك سعيد
كل سنه وإنته يا غـــــــــالي أجمل أيام العمر

كل سنه وحبك في قلبي يا بعد عمـــري يزيد
كل سنه وإنته رفيقي وصاحبي وأغلى البشر

ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر

حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر

شو أقـــــــــــــدم لك هديه ما يوفيك القصيد
إنته أغلى من هدايا الكـــــــــون يا أحلى قدر

ودي لو أهديك روحــــــي والا قلبي والوريد
كل مــــــــا تطلب حلالك لو طلبت حتى النظر

الهديه ماهي الا رمز والرمز مـــــــــــــا يفيد
لا تظن إني بوافــــــــق أشتري غرشت عطر

يا عطر عمري وحياتي يا قديمي والجــــــديد
هاك خذ عمري هديه والله يفــــــــــداك العمر

المهم تكــــــــــــون راضي وغير هذا ما أريد
ما أريد الا أشــــــــــوفك نجمة في عز الظهر

وما أبي غيري يشـــوفك خلني في قلبك وحيد
لا تظن في حــــــــــد غيري يحبك إنته هالكثر

بحتفل فيك وبغني وبكتب أشعــــــــار وقصيد
الله يالأيام تمشي كنها فـــــــــــــي لحضه تمر

إنطفت عشرين شمعه يالله عقبــــــــال المزيد
ما أصدق هذا إنته طفل ٍ بســــــــــــرعه كبر

الله يخليك لأهلك يا عسى عمــــــــــــرك مديد
وتبقى لي يارب يارب قـــدوة وإعجاب وذخر

وأحيا قربك طول عمري وأبقى في ظلك سعيد
وتبقى إنته في حيــــــــــاتي أجمل أيام العمر

كل سنه وإنته بخير وعيــــــــد ميلادك سعيد
كل سنه وإنته رفيقي وصاحبي وأغلى البشر"..

كل هاذا عشان السباله عليوووه اللي يحيبها ويمووت ع الأرض اللي تمشي عليها..دق لها تلفون ورمسها..
حميد:مرحبااااااااا ملااييين ولا يسدن في ذمتيه..
عليا:مرحبااابك زوود يالغالي..
حميد:شحالج..>>>على فكره اللحينه هو ساير لبيتها..
عليا:يسرك ولا يضرك ومن صوبك..
حميد:ماا نشكي باس..عليا فديت قلبج ظهري من بابكم الوراني..وشلي الأغراض اللي بحطها اهناك..
عليا:الله يهديك يا حميد..شو اللي حاطه بعد..توك امس يايبلي سااعه>>اونه اونه..
حميد:يلا بسرعه اتريااج لا تبطين..
بند التلفون وظهر من سيارته وهو شال البوكس..وحطه جدام الباب وركب سيارته يتريا عليا تظهر..ظهرت عليا وأشرتله اونها اتسلم وحرك سيارته ومشى..صوب سويحان لأن الشباب امسوين يلسه اهناك..

"أكييد تمنت عليوووه السباله كل يوم ايكون عيد ميلادها..خخخخ"...

. . . . .

لمنا جو المحبه وضمنـــــــــــا ..ومن بعد قربك انـــا كيف ابتعد..
شوف ما كبر يا حبيبي عشقنا.. فاق كل العشق وحـــده وانفرد..

العراقيب..
الساعه12ونص..

في هالوقت ..خمس سيايير اموقفينها الشباب على شكل دايرة..ومولعين الليتات..ويالسين وسط هالسيارات..سعيد وخليفه"ربيع سعيد"..وحميد وسلطان ومنصور وخلفان والمر..وكانوا توهم متعشين على حساب سلطان..
المر:يلا عاد سعيد شل لنا ذيييج الشله الطر..
سعيد:أفا علييك مااا طلبت..
وعاد كلهم شغلوا تلفوناتهم ع التسجيل..
سعيد:
حبك ملكني وأصبح القلب مفتـــون..فتان حسنك بالجمال عجــــــــــيبي..
تفدى عيوني نظرتن ذيك العيــــون..يا نظرتن منها فؤادي صويبــــــــي..
منهو غلاتك عندنا منهو يكـــــــون..من اللي شراته من يسااوي حبيبي..
من عقب عينه ما رأت عيني عيون..لا يا عيونن نورها ما يغيبـــــــــي..
له بفؤادي حب ما مثله ايكـــــــــون..لا يا خسارة يا ضياع النصيبـــــي..
على زمانن مر من دونك شلـــــون..أشوف ذاك الوقت كنه غريبـــــــي..
اسنين عمري مالها بدونكم لـــــون..عجّل بطبك دام انته طبيبـــــــــــي..
ما دامني بالحب غالي ومصــــيون..أقولها منهو اللي يساوي حبيــــبي..
حبك ملكني وأصبح القلب مفتـــون..فتان حسنك بالجمال العجيبــــــــي..
وسلامتكم..
الكل:لا خليينا منك يا بو عسكوور..
فتره يلسوا الشباب ايسولفون..جان ايدق تلفون حميد وينش..والمتصل واحد من ربايعه واسمه محمد..نش حميد وخل الشباب ..ويوقف جدام سيارته..مسك التلفون وهو منصدم من اللي يسمعه..منصدم وقلبه منقبض من ألم فظيييع حسبه..
بند التلفون وحس ان الدنيا كلها اتدوووووور به..ليييييييش كله هاه يستوي لي يوم حبيييييتج يا عليا..

الجزء الــرابع عشر..

أوعدك ما ندم لين مامــوت وأنساك..وأرحل من الدنيا وذكرى سنيني..
ما تدري إني كنت متحمــــل أخطاك..لأنـــك مثل قلبي وروحي وعيني..

انجرح قلب حميد وهو يسمع سالفة عليا منه..
"عليا..عليا؟؟؟!!عليا اتسوي فيني جيييييه..عليا اتخووني انا؟؟!!عليا..
عليااااااا؟؟!!عليا انا اللي حبيتهااا من قلبي..عليا نظر عيووووني..ماااااا أصدق..
بس محمد مستحيل ايقص عليّ..هو داق يتخبر جاني أعرف هالرقم..
رد عند الشباب واستأذن منهم وركب سيارته الاس ال ار..ورد لبيتهم..حدر البيت محد كان وااعي..الكل رااقد..أون انه سلامه يمكن اتكوون يالسه في حجرتها..حدر حجرته وهو مععععصصصصصصصصب وع الأخير..وعلى طوووول دق على عليا..
عليا:وياااااا مرحبااااااااااا..
حميد:ججججب يااللي ما تستحيييين..جب..
عليا:بلاك حميد فدييييتك..
حميد:لا تتفديني لج الحووم يالهرمه..انا شوو سويت لج عسب اتسووويين لي هاذا كله..
عليا:لييش اتسبني حميد..حميد؟؟!!؟؟؟...أنا شوو سويت لك..مفرووض ترمسني اليوم بأسلووب حلوو..لا تنسى اليوم عيد ميلااادي..
حميد:عليا انتي شو تبين بمحمد؟؟؟
عليا:شووو؟؟؟مــ..منوو محمد؟؟؟
حميد:اونج ما تعرفينه..محمد المري..
عليا:للأسف ماا أعرف حد بهالإسم..
حميد:جذوووووووووووووووب..توه الريال مرمسني وعاطني رقمج يا سووودا الويه..شو له اتدقين له وتطرشين له مسجات..وتطلبيين منه انه يواعدج..عليا...عليا فهميييييني طوول هالسنين اللي عشناها ويا بعض..كنت انا شوو أعني لج...؟؟
عليا:كنت..كنت ولا شي..كنت بالنسبه لي وااحد أستغله وبس..
حميد:تستغليييني أنا...أنا...
عليا:هيه صح كنت أقص عليك بكم كلمة وانته اتصدق..حميد.. ولد عمي يباني ومستحيل اودره عسبك..وسالفة محمد..واحد جذبني اسلووبه لا غييير..يمكن مع الأيااام أحبه..
حميد:شوووووووووو؟؟؟؟؟جييه اتسوين يا مسووودة الويه يا مضيعة المذهب..مااا علييييييييييه..
عليا:ههههه.شو بتسوي يعني؟؟
حميد:شو بسوي؟؟؟براووويييج شو بسوي..والله والله الغالي بتندمييين ع اللحظه اللي تعرفتي علييها..ومن بااجر بترقدييييين ودمووعج هماّله من اللي بسويييه لج...
عليا:هههههههههه..شو بتسوي؟؟؟
حميد:يستوي خير يالصايعه..يستوي خير ..
وبند الخط ابويهها..وحط رااسه ع الشبريه ويداته ع ويهه..وتنهد تنهييييييده من الخاطر..وتندم ندم حرق فؤااده وعذبه تعذييب..تندم ع اللحظه اللي شاف فيها عليا وانجذب لها..تندم ع اللحظه اللي ياب فيها رقم تيلفونها..تندم ع اللحظه اللي رمسها أول مرة وذاااب بحلاة صوووتها وروعة أسلوووبها..تندم ع اللحظه اللي نطق فيها بكلمة أحبج لعليا..تندم على كل لحظه من عمره قضاها ويا عليا..وتندم على كل ليله يسهر ويا صووت عليا..شي فظييع ايحس به الإنسان يوم يعرف ان خله كان يستغله..وإنه ماا يكن له اي قدر او شيمه..وانك انسان ما تعني له بالأبد..شي الصراحه يقهر..ويجرح القلب..ويحرق اليوف..
حميد..عااااااش الحب ويا عليا..بس حب ما كان صاادق من صوبها ولو في لحظه..فجأة..ذكر بنيه هو كان يعيش وياها الحب بس كان من صووبه ابد مب صاادق..كان حب جذب في جذب وحب مراهقه ومضيعة وقت واستهبال..والأخير تجريييح قلووب..تذكر البنيه وتذكر كم حبته وعانت منه..وهو ما يسوي شي الا انه يجرح قلبها كل يوم والثاني..وتذكر دمعة اعيوونها وهو يوم كان ايقولها انه ولا يوم في عمره فكر انه يحبها او حتى يفكر فيها..وتذكر كيف كان نظرة عيونها..وكيييف استوى ويهها."ظبيه"..هي اللي عانت منك يااا حميييد..وانت يااا ما وياا ما قسيييت عليييها..

. . . . .

قلبي اللي بصـــــــــــــدري ..صار يشـــــــهد ويدري..
ان درس ابتـــــــــــــــعادك.. اصعب درووس عمري..

امريكا...
جدام البحيره..

كانوا مبارك وذياب يالسين جدام البحيرة ع الكرسي...وكانوا مطقمين في اللبس..بنطلون اسود وتي شيرت بيج امخطط بالأسود..وجاكيت جلد بيج ومن ورا رسمه بالأسود..وكانوا قاعدين ايسولفون ويعلقون عالراايح والراد..
ذياب:هههههههههههههه..اقول بو حمد صخ عن لايسفروونك اللحين..
مبارك:ابركها من ساعه خلهم ايسفرووني..
ذياب:شف شف هالبنيه..
ويطالعون ع اليمين وايشوفون بنيه شعرها اسود وبيضا ولابسه تنورة بنيه وجاكيت اسود..وحاطه ع رقبتها شال بني..وكأن عمرها جي 10 سنين.. مبارك:حوه..عرفتهم ذياب منو هاييلا..
ذياب:لاوالله ما عرفتهم..
مبارك:شو هالغبي..هااييلا اللي من أمس يوا اهنيه تراهم في نفس العماره ..اللي احن ساكنين فيها..
ذياب:امبوني مخلي الذكاء لك..انزين ام هلال شو بعد..؟؟
مبارك:تتطنز يالثور ويا شكلك؟؟
ذياب:لا شكل اللي عدالي..
مبارك:انزين اسمع وعندهم بنت رحييييييييمه..>>قصده ايشوووف ردة فعل ذياب..من يسمع طاري بنيه...
ذياب(واهو ينش..):وخير ياطير..
مبارك:انت ما تفهم ..؟؟
وينش مبارك..ويمشون راادين للعماره..
ذياب:تصدق لا..؟؟وجاااااان ابتلش بك يا بروووك..
مبارك ايوطي تحت ويشل ثلج بيده ويمش ورا ذياب اللي مو منتبه له وحاط يداته في مخباه..
مبارك: ذيااااب..
لف ذياب ويه ع ورا..وجان يرميه مبارك بالثلج..
مبارك:ههههههههههههه...هههههههههههههه..شو بلاك العاشق الولهان..؟؟
ذياب:أأأأأأأااه متا بنرد البلاد وبفتك منك يالنذل..
مبارك"ايي صوبه ويمش وياه..":هعهعهعهعهعهعهع..لاتخاف امبوني مقوى ع فراااااقك..
ذياب:اوووكي حبيبتي يلا بنسير البيت..
مبارك:فدييت رووحك انا..
ذياب:وانا بعد افدييج برووحي...
مبارك:ههههههههههه..وجان استحي..
ذياب:الله يبحص عدووك..عايش الدوور..
مبارك:ياريال خلني استهبل..في بلادهم..واعقل في بلادي..تدري الموضه الشبااااااب الرزان..والعقال...جي بتطيح البنات..
ذياب:عقال ولا سفره..
مبارك:ههههههههه..لالا كندوره..
ذياب:شو البس الرسمي في بلادنا..؟؟؟؟؟؟؟
مبارك:ههههههههههه..لازم بنفتخر به اهنيه..
وجان اتمر عليهم عيوز فاجه شعرها الأصفر وميوده حبل رابطه به الكلب الصغير..مالها..
مبارك:تعرف هااي شو في بلادنا؟؟عيوز لابسه برقع ..
ذياب:والكلب تيس..سارحه لعزبتها العيوز واااحليلها..
الكل:هههههههههههههههههههههه..
ومروا ع البنت الصغيره وسالوها عن اسمها وقالت لهم غايه..وجان ايروحون..من عندها..راادين للعماره..

. . . . . .

بيت بو ناصر..
يوم الخميس..
الساعه خمس ونص..

ان كنت ناوي ع الهجر..برضى أنا بحكم الـــقدر..
مكتوب لي هاذا المصير..اللي انكتب لازم يصير..

كانت الهنوف قاعده ع النت اترمس ربيعتها..وخلاف بعد ما ظهرت اربيعتها..يودت التلفوون ودقت حق اختها العنوود..
العنود:هلا والله..
الهنوف:أهللللللليييييييييييييييين..فديت ختيه اللي بتي اليوم عندي..
العنود:هههههههه..اشحالج؟؟
الهنوف:كالعاااااااااااده طفراااااااااااانه..أمس ما كنت جي بس اليوم لا ..
العنود:ههههههههههه.من السوق..
الهنوف:انزين يلا تعالي..
العنود:هههههههههه..تنكتين حضرتج ولا تحاولين..
الهنوف:ولا وااحد..
العنود:مابييكم ..
الهنوف:ليييييييييش...؟؟؟؟؟؟
العنود:لاني قبل امس كنت عندكم ..احسن اتقعدين اتذاكرين ابركلج..
الهنوف:انزيين قعدي عندي سوولفي..في التلفون..
العنود:لالالالا..بسير فووق صوووب ريلي قاعد ارووحه مجابل ولده..
الهنوف:أأخ منج ما تنفعين..انقلعي..
العنود:انقلعي هاه؟؟مادري منوه قبل شوي يترياني ايي عندهم..
الهنوف:مابي منج احسان..
العنود:ههههههههه..أوكي اوكي يلا بااااي..
الهنوف:بااي ..
العنوود:ذاكري يالعنز ودري النت والرمسه الفاضيه في التلفوون..
الهنوف:العنز بنتج هاللي في بطنج..
العنود:شو درااج يمكن ولد..
الهنوف:انزين سيري جابلي ريلج يالحرمه النذله..
العنود:في عيينج..يلا سيري وانسي حبيب قلبج اشوي..
الهنوف:ااااااه لااتين ع العووق..يلا بااي..
العنود:الله يحفظج...
وبندت الهنوف وسارت تحت صوب أمها..اللي كانت في الحوي تسقي الزرع وميوده الهوز..
الهنوف:امايه ابا اظهر..طفرت من مجابلة الغرفه والنت والكتب..
ام ناصر:قري يا بنيه في بيتج..لا بركن الله فيج اونج تذاكرين وانتي تجذبين..تحسبيني ماعرف انج امبققه عيونج ع هذا مادري شو يسمونه..اللي شرات التلفزيون..
الهنوف:هههههههههههه..الكمبيوتر الكمبيوتر..
ام ناصر:هو هاذا..
الهنوف:اهووون علييييج؟؟
ام ناصر:هيه تهونين ونص..
الهنوف:أأأفا..
وشوي يحدر عليهم سيف..
سيف:السلااااااااااااام عليكم..
الكل:وعليكم السلام..
ام ناصر:هاه خراب الدار كفيت من الحوااطه..
سيف:مرحبا والله منو هاللي يرمسني..
الهنوف:امنا واسمها ناعمه..تعرفها ولا لا..
سيف:هيه لا تكون هاي شيخة ابوظبي.والله والله مرحبا ملااااااااااايييييييين ولا يسدن في ذمتيه..
ام ناصر:هيه ما ورا هالترحيب الا وشي ..
سيف:أفااا..شو بلاها ناعمه ناقع الفيوز عندها..
ام ناصر.:شو شايفني؟؟
سيف:ملاك الكوون..
الهنوف:هههههههههه..سيف ابا اظهر..
سيف:انزين عادي كل البنات يظهرن..ظهري ما فيها شي..
الهنوف:يييييييييس...اخيران لقيت حد بيحوطني..
سيف:حووه حوه وين وين تبيين ؟؟دريول ابووج انا؟؟قلت ظهري بس ماقلت انا اودييج..
ام ناصر:لا حوول..انته شو بلاك ع ابوك..شيخك تراه..
سيف:عاااشوا ..وينك وينك يا عوض عسب تسمع ناعمه شو تقوول..
الهنوف:روووووح العيووز ما فيها حيله..
ام ناصر:عيز حيلج..نشي نشي ذااكري..
الهنوف:بس سيف يبا يحوطني..
سيف:حشااااا علي احوط هالأشكال..مايطييع زيني..
الهنوف:اممممممحق ليل..اخواني لاينفعوون ولا يضروون..هيه بتحوط المسترغدات مالك..
ام ناصر:صخي صخي..
الهنوف:هاه صخينا..بس حراام ابا أظهر..
سيف:مع ويهج منو بيظهرج؟؟
الهنوف:انته..
سيف:لالالا..انا انسان بيزي..برووح سويحان..
الهنوف:شلني ويااك..
سيف:بتبطيييييييين السااع..
ام ناصر:ياعيالي صخوا دوختونيه..والله ان ما صخيتوا برشكم بالمااي..
شرد سيف..والهنوف تمت مكانها..
سيف"وهو يربع..":عااشوا نظر عيين عوض..مافيها حيله..
الهنوف:ههههههههههههههه..وينك يا شيبتنا تسمع عيوزنا..
جان ترش ام ناصر الهنوف وسيف ميييييييييت ضحك..
ام ناصر:الشيبه والعيوز عياالج..انقلعي يلا..
وتخيست الهنوف من فووووق لتحت..
سيف:كنت عادي احوطج..بس اللحين مستحييل اوديج عسب ما تتوسخ الأودي مالتيه..قري في بيتج اخير لج..
الهنوف تسير حجرتها عسب اتبدل ووتتحرطم..
الهنوف:يالله شو هذا لا حبيب ايحس ولا اخو ينفع ولا ام تواسي..اففففففففف..شو هالحاله؟؟؟
أما سيف ع طوول ركب سيارته وصك خط سويحان..

. . . .

علمتني الليـــــــــالي..بــــعدك انته يا غالي..
أمشي بين البرايــــا..وأشـــــعر اني لحالي..

يوم الخميس..
الساعه 6 العصر..
بيت بو منصور..الحوي

اليازيه وظبيه يالسات ع الدري ووياهن مها الصغيرة اللي جدام المطبخ ايسولفن عن الفلم الهندي اللي كان أمس..أما ام سلطان وام منصور وموزة وسهيل يالسين ع المنصه يسولفن هن بعد"ظنتي مااشي يديد .."..
ظبيه:اممممممممم..وبس..
اليازيه:خلصت قصتج..
ظبيه:هيه آآآآآخر شي مات وااااحليله..
اليازيه:ابااااا أفهم أمس لييش ما قلتي لي ان الفيلم بيكوون حلووو...اللحينه شوو أسوي بج..؟؟؟
ظبيه:حرااااام عليييج..تدرين كنت أصلاً ما بشووفه وبسير أرقد بس ما ياني رقاد لأني كنت أفكر بهاك الريال......................"وحطت يدها ع ثمها لأنها ما كانت تبى اتقوول شي من اللي في خاطرها لليازيه."..
اليازيه"مستانسه لأن ظبيه كشفت عمرها":هاااااااااااه؟؟هاااااااااااااااااه.؟؟ب دينا انخش عن بعععععععض..
ظبيه:شووو اخش عنج وتخشين عنيه..بسم الله من هالطاري..
اليازيه"تمط قصة ظبيه":رمسي ملعونة الصير..شوووووو السااااالفه؟؟
ظبيه:حووووووووه..بتنتفين شعريه انتي..لييييييش غيراااااانه..
اليازيه:بتقوووليييين السالفه ولا بيزه لج يز..
ظبيه:امممممممم..والله مالي خاطر اسوولف لج اللحينه..هب متفيجه..
اليازيه:ان شالله متى الشيخه بتتفيجين؟؟
ظبيه:مادري والله...
اليازيه:يوم تتفيجين بس اشريلي اشاره وبعرف انج تفيجتي..
ظبيه:شو من اشااره؟؟
اليازيه:حولي عيونج..
ظبيه:ان شاالله عمتي اليازيه..
سكتن فتره واليازيه تتريا ظبيه اتحول عيونها..وتطااااااااالع ظبيه بنظرااات...
ظبيه:لييش اتطالعيني جييييه..شو تبين؟؟
اليازيه:هعهعهعهعهعههعههعهع...ابباج اتحولين عيووونج بس الظاهر ما بتحولينها..
ظبيه:اممممم..بعدين بعدين بخبرج الساااالفه..بس انتي ذكريييييني..
مها:أي ساالفه؟؟
ظبيه:خلج بحاالج انتي..اللحينه بيي هدووف وبتلعبين ويااه..
اليازيه:اوووووونه؟؟؟؟؟
ظبيه:والله اللحينه بيوووون..
اليازيه:جيه شقايل محد مخبرني يععععلج العووووق مضيعة المذهب..؟؟
ظبيه:واللله عااده نسيييت..
مها:طالعن طالعن يوا يوا..
اليازيه"اتنش ":هيه والله هاذا استيشن عمي عبدالله...
ظبيه:ياا رب سلااااامووه يت وياااااهم..
اليازيه:نشي يالغبرة بنرووح صوبهم..عمي فدييييته من زماان ما شفته...
ظبيه:يلا بس لا اتسبيييني..
اليازيه:خلااااص نششششي..
ظبيه"اتنش بكسل":اخييييراً نشيييت..
يودت اليازيه يد ظبيه وسحبتها ومها تمشي جدامهن..ظهروا قووم بو عبدالله..من السيارة وين ظبيه واليازيه في الوقت اللي هم كانوا ايسلموون..طبعاً اليازيه بما انها الجريييئة سارت صوب عمها أول شي ووايهته وسارت وسلمت على أم عبدالله وأم هادف وسلامه ووايهت هادف..ويلست عدال عمها..وام عبدالله يالسه عدال ولدها عبدالله من الصوب الثاني..
بو حميد"بعد ما تخبر عن حال ام منصور وام سلطان":شحاااالج ياليازيه ربج ماا تشكين بااس؟؟
اليازيه:ايسرك حاالي يا بو حميد..ولا يضرك..ومن صوووبك؟؟
بوحميد:ماا نشكي بااس..شحالج ظبيووه؟؟
ظبيه"دووومها تستحي ":الحمدالله شحالك؟
بو حميد:مااا نشكي..يلا عااده الإمتحانات قربت..ونبااكن اتبيضن الويه..واتييبن النسبه اللي ترفع الراس فووق..وتخلي العرب كلهم يرمسوون عنها..
اليازيه"المتحدث الرسمي..":أفااا عليك يا بو حميد..ما ينخاف علينا احن..بس عاده عندنا طلب صغيييييروووووون..
الكل سااكت يترريون بو حميد يرمس..
أبو حميد:لج اللي تبينه..
اليازيه:اللي اباااه ..
موزة"اتقاااطع يزووي":ههههههه..انا عرفته..
الكل:شووو؟؟
موزة:اللي تباه هو الكافي يملي ثلاجتها اللي في الحجرة..
يزوي:صح...كيف عرفتي؟؟
موزة:خخخ.انا اعرف اللي تبينه ..شو غيير الحلويات والكافي والآيسكريم..
اليازيه:لو سمحتي لا تقولين أيسكريم..
سلامه:عيل شوو تقوول؟؟
اليازيه:عسكريم..
الكل:هههههههههههههههههههههههه...
تم بو عبدالله يالس اشوي..وخلاف ركب سيارته وويه صوب بوظبي..لأنه عنده شغل هناك..حولن الحرمات بعد صلاة المغرب بيت بو سلطان..في الوقت اللي رااحن البنات فوق في الصاله اللي في بيت بو منصور..بحكم انهن ما يبن ازعاج من الشباب اللي هم "حميد وسعيد وسلطان ومنصور وراشد"..ولا من العياييز اللي سارن من شوي..بعد فتره بسيطه يأ سلطان ووياه مهره أخته..وخلاه اتسير فووق عسب تزقر سلامه لأن يبا ايسلم علييها..يت مهره صوبهن وسلمت على سلامه وقالت لـها اتسير لسلطان اللي يترياها تحت..وتمن البنات ارواحهن ايسولفن ويستهبلن..
اليازيه"اتطالع ظبيه":هاه اشحالج يالبقره..؟؟
ظبيه:بخير ربي يسلمج يالكلبه..
اليازيه:شوووووووه عاده جي يعلج الحووم..
ظبيه:ماعليه ماعليه ..يعلي الحوم؟؟
وتنش اونها بتسير زعلت..
اليازيه:اوووووووووونه..قعدي قعدوا عليج سبع بعراان..
مهره:..خخخخخ..خووووش سبه..
اليازيه:شو هالغباء..اهو يقوول خوش فله..
ظبيه:فله ولا فندق ههههههههههه...
اليازيه:ماا يضحك ..هيه صح ما خبرتكم؟؟
ظبيه+مهره:شووووو؟؟؟
اليازيه:تعرفت ع هندي في الماااسن..
ظبيه:هههههههههههههههوووووووو...
مهره:منوه شاروخان؟؟
اليازيه:لااا..سلمان خان...
ظبيه:هيه ترا هيلا اللي نعرفهم..
مهره:تعرفون ابغي اسوي شي..
اليازيه:شووووو؟؟يا مسودة الويه..
مهره:خلج انتي عاده..من زييييينج..تشردين قبااااايل..
ظبيه:خ خ خ خ خ ...طرووووها..
اليازيه:واااااااااااااااااااااااااايه بالستر..جايفتني ورقه..
مهره:لا قلم..
ظبيه: لا تطروون المدرسه..
مهره:لييييش عاده..
اليازيه:اللي ما تستحي تراها طلقت ظبيووه..
الكل:هههههههههههههههههههههههههههههه..
مهره:يالله..انتي الييين متى يعني عقلح في نعالج..هااااه؟؟
اليازيه:اللحين انا عقليه في نعاليه..
ظبيه:لا في مخباااج..امبووووو...
اليازيه:اه يعلكن العوووق..تتمصخرن عليه..
ظبيه:لا ع اللي عداالج..
اليازيه:اف منكن يالمجرمات..
ظبيه:حووووه..المجرمات بناتج..احن ما ذبحنا حد..والله..
اليازيه:سلياب باس هتاكا وري تلاهتافنم مبينت نتاه ونرملا ...
ظبيه:شو هالرمسه..
اليازيه:فتحي القااامووس وبتعرفين المعنا..
مهره:هههههههه..بس بس هذيج المره سووتها اونه رمسه هنديه,...
ظبيه:حركااااااااات..
اليازيه:فتحه ولا ضمه..
مهره:كسرة..
اليازيه:خبله..
مهره:انتي..
ظبيه:واااااااااااااااااااايه شو هالخبايل اللي عنديه..يتواقعن كل دقيقه..
اليازيه:يا ويل يا ويل حااااااالي يام الذوووق..
مهره:ههههههههههههههههههههههههههههههههههه..
ظبيه:ضحكتي من سرج بلا انشالله.تتطنزين علي؟؟
مهره:لااااااا افا..من قال..
ظبيه:ريموووه البطه السوده..
اليازيه:هيه هيه يالبزيه جذبي جذبي ترى الجذب مخاااوييييييييج من صغرج..
ظبيه:الله يبحص عدوج كفشتيني..
اليازيه:كفشتيني..عربي عربي عربي لو تكرمت ظروووفج..
ظبيه:ما عندي ظرروووف بس رساايل..
وتنش يزووي..
مهره:وين وين؟؟
اليازيه:ما يخصج يلا قري مكاااااانج..
ظبيه:مالي حص والله مالي حص..ماما لازم اسيللل وياج..
اليازيه:يا بنتيه تراااج طفرتيبي وفقرتيني..
مهره:تعالوا مهووووووي وينها..
ظبيه:سارت ويا امايه..
جان اتسير وترد وهي ماسكه عبي بيدها..
اليازيه:يلا تعالوا بنلعب..
مهره:شووو؟؟
اليازيه:باتماااااان..
ظبيه:هيا هيا..سابق لا تتردد ..لاحق الفوز مؤكد..لا لن يهزم ابدن من سعى بأصرار..
اليازيه:لااااااااااااا..هاي مال سابق ولاحق..حق باتماااان غيييير..
مهره:تعرفينها..؟؟؟؟
اليازيه:ضوء لمع وسط المدينه رسم ندائن لمنادينا..(اههه خلين اخواني يخبرووني اياها..)
وبعد ماحفظنها..
ظبيه:يلا بنغنيها وبنربع وبنخلي العبي تتطاير ورانا..
اليازيه:هههههههههههههههههههه..يلا يلا..
وبدن يلعبن ويغنن..وشوي بدن يتضاربن..جان اليازيه تاخذ المخده الصغيره وتضرب ظبيه..وبدن يخربن الصاله..
ظبيه:أأأأأأأأأأأأأأأأأأأأأأأأأأأأأأي ياليازيه السوده يعلج العوووق..
اليازيه:العوق في بطنج..علج تفدين اثري...
جان اتي مهره وتضرب اليازيه ع راسها..
اليازيه:اااااااااااااااااااااااااااااااااااااااااا اااااااي..اهئ اهئ ما عليه يا الصخله ..أرويج..>>على فكره اليازيه دوووم اتسمي مهره الصخله..
وتمت تربع ورا مهره اللي كانت تربع بسرعه..
ظبيه:خخخخخخخخخخخخخخخخخخخ....ههههههههههههه...ب س بس لا تموتني ضحك..
اليازيه"وهي تربع والشعر طايح وراها..":ماااعلييييه ماااعليييييييييييييه..تضحكين ويا ويهج...
ظبيه:بس بسسسسسسسسس..هههههههههههههههههههااااي ..والله بموووت..
مهره:هههه..موتي موتي محد قبضج..بس بس
لا اوديج الشرطه..
ظبيه:ههههههههههههههههههههه......................مه رووه مهرووه..
اليازيه:بسم الله خلي البنت تربع..
مهره"وتطالع اليازيه اللي كانت وراها":..اول مرة اشوف عرب يحبوون يتعبون ارواحهم..
اليازيه:لا والله بس من الغياااض اللي فيني..تعااااااااااالي..
ظبيه:مهره تراج بتطيحين طالعي جدامج..
وتطالع مهروه جدامها وطراااااااااااااااااااااااخ..وطاحت ع ويها..اهنيه يلست اليازيه ع الأرض وهي مييييييييييييييييييته ضحك..اما ظبيوه طلعت الضحكه المعتااااااااده؟..
اليازيه:ههههههههااااااهااااااااااااااهههههاااااااا ااااااي..خخخ..
هيهييييههههههييي ييييييييااااااا..
نشي نشي يعلج العوق خليني ارووم اشوف ويهج..اريد اضحك..
ظبيه:هههههههككككككككاااااااااااااك...
والله بطنيه عورني ..هههههههههههه..نشي عنلاتج نشي. ههههههه...
وتنش مهرووه وهي ماسكه يدها..وطالعت فيهن وخلاف نقعت ضحك..
مهره:ههههههههههههههه..تضحكن علي ضحكوا عليكم ينوون..
اليازيه:عساهم في رااااسج..
ظبيه:ههههههههههههههههههههههههههههههه....
اليازيه:بسم الله شوو بلاااها..
مهره:الينون..مايوا راسي يو في راسها..
اليازيه:ههههههههيييييييييييييييي...
مهره:هههههههههههه..
جان اتي سلامه..
سلامه:بسم الله بسم الله يا رب سكنهم في مساكنهم..عوذ بالله عوذ بالله..يارب تحمي هالبيت من الجن والشياااااااااطين..لعنببووكن اصواتكن شاله البيت شل محترم..
اليازيه:ع بالي قليل ادب..ههههههههههههههههههههههه..
ظبيه:بسنا بسنا اسمينا اليوم مطيحات في تواام..
مهره:بسم الله جي عاده..
وينشن ويقعدن ع الكنب والصاله فوق تحت..مخرررررررررررربه..
اليازيه:اسميهن البشاكير بيحدرن الجنه من فعايلنا..
مهره:هيه والله..
ظبيه:تعالي وين سرتي ..مالقيتج..>>>تستهبل..
سلامه: مااشي كنت يالسه عند سلطان تحت.."وييهها أحمممممر"..
اليازيه:ع بالها ظعتي..
سلامه:خخخخ..شايفتني ياااهل..
ظبيه:عيني تقووم بتصغير الأشياء احم احم...
مهره:يلا تعالوا بنرقص..
ويبطلن نجووم ويرقصن على غنية الموت الأحمر لحربي العامري..
مهره اللي اخترعت الفكرة قعدت ع الكنب وتم اتشجع..
مهره:عااااشوا عاشوووا ..صوبنا صوبنا..روووح سلامه بنت عبدالله ما فيييها حيله..
وتمن ايولن وسلامه تنعش ..واليازيه لفت الشيله ع شكل سفرة..واونها واحد من الشباب..وتيول وتيول..اما ظبيوه سارت حجرة امها ودورت لها برقع ويت تريع وهي لا بستنه...
الكل:ههههههههههههههههههههههههههه..
وتمت ترمس اونها عيووز..
سلامه :أأأأأأأأأأاخ والله انيه تعبت..من الضحك..تعالوا بطني يوعانه..
اليازيه:عادي بس اكليييها..
مهره:خخخخ..
ظبيه:اللي معها فلووس تطلبلنا من المطعم او من الدكاان..اليازيه عندج..ولا انررووح انهف من حجرة عايشه..يعني امايه..
مهره:لالالالالا..بلا سرقات محرمه...انا عندي فلووس..بس من وين من المطعم ولا الدكان.؟؟.
اليازيه:لالا المطعم فليل من الدكان..
مهره:شوووركن وهداية الله..يلا شو تبن..
سلامه:1ميرندا..ثنين كتكات..بدرهم بطاطا عمان الحار...
اليازيه:ثنين بيبسي واحد جلكسي كراميل اربعه علوج..وووووووو...ايسكريم ..اي ايسكريم..
مهره:هيه هيه..
ظبيه:واانا..انا ابغي 1 شاني..وثنين تويكس وبدرهم بطاطا الأصابع..واممممم..بس..
مهره:هيه ماااااشالله افقرني افقرني..كل وحده عندها خزاانننييين...
ومسكت التلفوون ودقت ع الدكان ووصته باللي يبنه وقالتله اييبه بيت بو سلطان..لانهن بسيرن بيت بو سلطان..

. . . . .