#الجزء_1
في مكان ما بالجامعه تتحدث فتاتان
جميلة : مدام هتبقي مبسوطه روحي انتي انا مش عايزة اروح
نورا : انا اتحيلت عليكي كتير اووي مصعبتش عليكي
جميله : انتي عارفه رأي وعارفه كمان اني مش هغيره فكل محاولاتك دي مش هتجيب نتيجه معايا ، روحي شوفي حالك بئا وانا هاروح علشان اعمل الاكل لبابا زي موعدته..
نورا : خلاص انا ماشيه عايزة حاجه
جميله : سلمتك ، سلام
وتذهب كل منهما في طريقه جميله الفتاه ذات البشره الخمريه والعيون البنيه الواسعه والطول المناسب وذات اللبس المحتشم تذهب الي بيتها في حي راقي بمصر الجديدة ، اما نورا الفتاه ذات البشرة البيضاء والعيون العسليه والطويله وبوجها برأءه مثلا اوجه الاطفال ولكنها تغطيه بالميكاب التي تحبه حتي تظهر كأنسه جامعيه وليست طفله بريئه تذهب الي اصدقاءها في نفس الكليه..
********************
امجد : ايه اومال فين صحبتك مش هتيجي بردو
نورا : طب كويس انك عارف ، اومال فين اسلام
امجد : راح يجبلنا حاجه نشربها ، اهو جاي هناك اهو .وبعدين دا كله ومعرفتيش تقنعيها ..
فترد فتاه اخري
وصال : ومالك كدا مهتم بيها اوي
امجد : ياستي ولا مهتم ولا حاجه
ياتي اسلام : مش يلا بئا مدام اتجمعنا .والواد باسم قالي هيستنانا هناك
كلهم : يلا
ويذهبون معا امجد هذا الشاب طويل البنيه ذات جسم مرسوم وذات البشره البيضاء والعيون العسليه الفاتحه وهذا الذقن والشنب البسيط ذادو من جماله وجاذبيته.وهذا غير شخصيته القويه التي تجذب الفتيات ايضا اليه ،ونضع في الاعتبار ايضا ان هذا جعله الشاب المتكبر المغرور الذي لا تتوقع منه افعاله..
واسلام هذا الشاب الذي فيه من جسم امجد كانه تصغير لامجد ..
وهذه الفتاه وصال التي تغار علي امجد وتحبه بل تعشقه وتحاول قدر الامكان لفت انتباهه..
**********************
في المنزل الموجود بمصر الجديدة وخصيصا في المطبخ..
الاب(شوقي): ها يا جوجو طبخلنا ايه انهاردة
جميله بابتسامه : عملالك الاكل اللي بتحبه محشي ورق عنب وجلاش باللحمه وحمرت فراخ وعملت كمان ملوخيه خضرا دا غير التحليه كمان
شوقي : كل دا يابنتي تعبك معايا علطول كدا
جميله : بس يا بابا متقولش كدا ، احنا عندنا كام بابا يعني..
وتأتي الخادمه الي المطبخ وتقول : اودي الاطباق علي السفرة يا جوجو
جميله : ايوة يا دادا هدي وانا هودي معاكي اهو ، واتفضل يا سي بابا معنديش رجاله يقفو في المطبخ ..
وبتجمع شوقي وبنته والدادا هدي التي تعتبر مربيه جميله وجزء من هذه الاسرة ايضا ..
*********************
وفي مكان اخر فيلا فاخمه في احد الكمبوندات الشهيرة ، يجلس سامي وزوجته نرجس وامه رقيه وبنته ريم واخيها رياض ...
سامي بجديه : يلا نبدأ الاكل بئا مش هستناه اكتر من كدا..
نرجس : استني يا حج ، والله ماكدة عليه
سامي بجديه : وانا مش هستني حد يلا بسم الله
ويبدو في تناول الطعام ...
سامي : مالك يا امي مش بتاكلي ليه الاكل مش عجبك تيته رقيه : انا هستني امجد ومش هاكل من عيرو كلو انتو وانا طالعه اوضتي ..
***********************
تاني يوم في الكليه ولن ننسي انهم في اخر سنه من التعليم الجامعي في كليه التجارة...
نورا : اخيرا هتيجي معايا في رحله
جميله بضحك : افرحي ياستي ، بس متتعوديش علي كدا
نورا: دا احنا هنعمل جو تحفه واحنا شله كدا
جميله : هنتجمع الساعه كام
نورا : بكرا الساعه 7 الصبح
جميله : طب هاروح المدرج قبل مالدكتور يخش ومعرفش اخش انا بعديه
نورا : وانا هاروح اشوف اسلام
*********************
ليلا في المنزل الموجود بمصر الجديد
جميله : هو المفروض اخد من هنا اكل ولا اشتري هناك..
دادا هدي : انا عملت الاكل وهتاخديه معاكي
جميله : ماشي ،يلا تصبحي علي خير
دادا هدي: وانتي من اهل الخير يا جوجو
*********************
في اتوبيس الرحله..
نورا : بس انا عايزة اقعد ورا معاهم
جميله : روحي انتي عارفه اني مبزعلش ..
نورا : هشوف بنت من اللي ورا يرضو يجي يقعدو قدام..
وبعد ان وصلو وقفت شله امجد تتريق علي خلق الله،فردت فتاه علي التريقه التي سمعتها عنها منهم.
الفتاه بصوت ليسمعو : ربنا يهدي
فتعصب امجد مما حدث وفي هي علي غفله وعائدة من حيث اتت مد امجد رجليها ليكعبها فنجح ف ذلك فضحكت شلته وكانت جميله تشاهد ما حدث من بعيد، فذهب اليها لتساعدها علي الوقوف
جميله : انتي كويسه
الفتاه : ايوة شكرا
جميله : تعالي معايا ..
وتنظر لهم نظرات تدل علي وضعتهم في نظرها فرمقها امجد بنظرات الغضب..
********************
