طريقة عمل الممبار المصرى المحشى "من الألف إلى الياء...
************************************************
المقادير :
*********
1كيلو جرام ممبار عجل .
- 3 بصلات.
- شبت مقطع صغير – بقدونس مقطع صغير – كزبرة خضراء مقطعة صغير.
- ملح – فلفل أسود – كمون ـ كسبرة جافة ـ قرفة بودرة.
- 3 طماطم كبيرة.
- 1 كيلو جرام ارز مصرى.
- شطة وفلفل اخضر أو أحمر حامى ( لو عوزاه حار ).
- 2 ملعقة كبيرة سمن .
ـ 3 معلقة كبيرة زيت
اولا :طريقة تنظيف الممبار :
*********************
- اول حاجة تشيلى الدهن بتاع الممبار و تغسلى الممبار جيدا و تقلبة على الوش التانى,
ـ و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك ,
ـ و بعدين خلى ماء الحنفية ينزل داخله كويس و اغسلية تانى كويس جدا ,
ـ ثم ضعي علية كمية كويسة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل , ثم رشى رشة دقيق كمان وادعكية كويس جدا بإيديكى ,
ـ و بعدين ارجعى اغسلية كويس جدا ,بلطريقة دى تبقى مطمنة جدا جداا إنه نضف تماما,
ـ وابدئى بقى تقطعية بالمقاس اللى انتى عوزاه يعنى صغير او يبقى الأصبع طويل.
طريقة الحشوة ( خلطة المحشى العادى ) ..بس ع البارد( ..من غير تسبيك ) :
************************************************
ـ نغسل الارز جيدا ويصفى من ماؤه,
ـ نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والكسبرة الجافة والشطة وقرون الفلفل الحامى ونقلبهم جيدا وبعدين نحط السمن و3 ملعقة كبيرة زيت
ـ بالقمع أو باليد أنا بأحشيه بيدى لأنه ممبار عجل وبيقى فتحته واسعة ت أما الممبار الضأنى بأحشيه بالقمع لان فتحته بتبقى ضيقة جداا
- نحشي الممبار لثلثه بس, بالخلطة و بعدين نضغط على الممبار بإيدنا خفيف علشان توزعى الخلطة و عشان ما يبقاش الممبار مكبوس قوى( ومش يفرقع فى التسوية ),
- فى حلة كبيرة نغلى ماء و نضع به ملح وجميع التوابل اللى استعملناها فى الحشوة مع الحبهان ورق اللورا ,
ـ و نسخن ابرة او دبوس طرحة بالنار قليلا للتطهير, ونمسك كل قطعة ممبار ونشكشك فيه بالدبوس عشان لما تنزل النار وتستوى متفرقعش منك بعد التسوية ونمسكها و نزلها بالراحة فى الماء المغلى نلاحظ انها تنكمش و تتقفل من الطرفين,
ـ و يترك على النار والغطاء مرفوع عنه قليلا او متوارب حتى ينضج مش بياخد وقت يادوب نصف ساعة ,
- ثم فورا ينشل ويصفي من ماء السلق تماما, و يحمر في الزيت.ويرفع على ورق مطبخ لإمتصاص الزائد من زيت القلى ,أو يوضع فى الفرن تحت الشواية للتحمير مع متابعته على طول .
ـ ثم نكون مجهزين طبق تقديم كبير مغطى بالبقدونس ويرص عليها حبات الممبار المحمر ويرش الوجه بالبقدونس . ويقدم ساخنا .
إكتبى تعليق ..وإعملى لايك للصفحة يصلكم كل جديد .
متنسيش تعملى لايك للصفحة , عشان توصلك كل منشوراتى,
لازم تدخلى على صفحتى وتضغطى على زر اللايك ..وبكده تشجعينى اكتر واكتر
https://fb-s-a-a.akamaihd.net/h-ak-f...47afbc69bafbe4
