بعض العرب ودك ترصه على القلب
وبعض العرب ودك ترصه بمشعـاب
وبعض العرب ياتيك هم علـى غلـب
وبعض العرب ياتيك هم بـلا اسبـاب
وبعض العرب ودك تزود له الصلـب
وبعض العـرب ودك تهفـه بنشـاب
وبعض العرب بلهوش ينبح كماالكلـب
وبعض العرب هرجه يجي سد وحجاب
وبعض العرب يالله عسى ينقلب قلـب
يرتاح من شكلـه ربعـه والاجنـاب
وبعض العرب يارب تسمع له الطلب
وبعض العرب يارب سكرلـه البـاب
وبعض العرب لاهو بموجب ولاسلـب
صفراًعلى يسـراك ما يـزود حسـاب
ـــــــــــــ .
بعض العرب ماينعطي وجه بالحيل
وليا عطيته وجه صارلك عله
وبعض العرب ماله سنع لكن حليل
بالضبط كنّك لاتمعنت ظلّـــه
وبعض العرب شقرا وشقرا مع الخيل
ماينفعك لولا الرموش المظلّــه
وبعض العرب لايعجبك ثرثرة ليــل
وباكر ترى ماقال لك شيء للــه
وبعض العرب مرسال مدري مريسيل
يساير العالم وهو حاصــلٍ لـــه
وبعض العرب يسلخ وينفخ وهو ريل
وفي زعمه أنه يفهم الكون كلّـــه
وبعض العرب ماغير بندق ودربيل
ومنين ماهب الهواء جـــايزٍ لــه
وبعض العرب يطلع كما طلعة سهيل
ويغيب نجمه قبل دربـــه تدلّـــه
وبعض العرب يوذيك بالقــال والقيل
تجلس معه ساعة والأخرى تمــلّه
وبعض العرب منظر وكشخة وتحليل
لكزس بحال والحال الأخرى كورله
وبعض العرب ماضيه ليلٍ على ليل
قد بصّموه وصوروه الأدله
وبعض العرب لا والله إلا تهــاويل
مهما عقدت الحبل لازم يحـلّه
ـــــــــــــــــــــ .
بـعــض العرب مـاهـي عـلــي الـعــز هــقــواه
نــظــرة حــولــه مـعــمــي الله بـصــيــره
وبـعــض الـعرب تـلـمـح بـقـبـلـة مـحـيــاه
أعــلــوم تــفــرح خــاطـــرك والـســريــره
وبــعــض الـعرب ودك تـسـوقــه لـمـثــواه
مــامــن مــســـد الله يـغــربــل مــريـــره
وبـعــض الـعرب مـجـلـس ومـدهــال تـلـقـاه
عــامــر مـحـلــه بـالـوجـيــه الـسـفـيــره
وبـعــض العرب مـا وجـب الـضـيـف لـــو جـــاه
وربـطــات مـالــه مـحـكـم ادبــــال ســيــره
وبـعـض العرب مــن صيـتـه الـنــاس تـنـصـاه
ضـيــف يـتـغـدا والـعـشـا لـضـيــف غــيــره
وبـعــض الـعرب ان حـــل ذكـــره وطــريــاه
مـكــروه وكــنــه نــافــخ لــنــار كــيــره
وبـعـض العرب سـعـدالـخـوي ان صـاح ينـخـاه
فـزعــه وسـيـفـه حـرمــه عــــن جـفـيــره
وبـعـض العرب كـنــه كـمــا الـــذر مـمـشـاه
والمصـلـحـه هـــي الـحــلا لــــه بـسـيــره
وبـعــض الـعرب جـمــه ولاتـاصــل اقـصــاه
ويـمـنـاه جــمــه يـسـقــي الــكــل بــيــره
وبـعـض العرب يتـبـع هــوا الـنـفـس وارضـــاه
ونـفـســه ورا الــلــذات تفرش حصـيــره
وبـعـض العرب قِـلـه عـــن الـطـيـب يـنـهـاه
وعـــن مـدتــه خـــلا يـديـنــه قـصـيــره
وبـعــض الـعرب نـفـسـه فـقـيـره ولا اغـنــاه
ونـفـسـه بـفـقـره زايــــده بــــزود خــيــره
وبـعـض العرب مـضـرب مـثــل فـــي حـمـيـاه
راعــــي حـمـيــا وفـزعــتــه لـلـعـشـيـره
وبـعــض الـعرب رجـولــة فــــي مـسـمــاه
ولـيــت الله حـطــه بـنــت واسـمــه مـنـيــره
وبـعـض العرب حـظـه كـبـيـرٍ ولـــه جـــاه
وعــنــد الـمـواقــف والـمـصـايـب خـبــيــره
وبـعــض الـعرب حـظــه تــعــلا وعــــلاه
وان عــــودة لــــه مـيـيــت والله ضـمــيــره
وبــعــض الـعرب ودك يـعـجــل ابـفــرقــاه
وفـــي خـوتــه تـمـسـي الـروابــع كـسـيــره
وبـعــض الـعرب مـن هــرجــه الــجــرح داواه
ثـاقــب نـظــر مـاخــاب مــــن يسـتـشـيـره
وبـعــض الـعرب فـي شوفـتـة انـقـول عــــزاه
كـنــك تـشــوف الـــداب وتـوحــي صـفـيــره
وبـعـض العرب قلـبـه عـــن الـحـسـد صـفــاه
فــيــه الـصــفــاوه والـنــقــاوه وفــيـــره
وبعض العرب مــــوذي لســــانه وأذاه
وكــــلٍ تــبــــرا منــه حـــتى نـصـيـــــره
وبـعـض العرب عـقــرب ثـــرا فـــي نـوايــاه
وعـلــي شبـيـهـه اشـكـالـه يـحــوم طــيــره
وبعض العرب ياسعــد واللــه شـــرواه
وجهه يزبـــن مـــن دخــــله ويجيـــــره
وبــعــض الـعرب الـعـلــم جــابـــه ووداه
وعـلـــمٍ درابـــه وصــلــه كــــل ديــــره
وبـعـض العرب رجـلـه عـــن الـعـيـب عـــداه
ونـفـسـه عـــن الــلــذات رابــــط خـفـيــره
وبـعــض الـعرب ياصـبـرهـا الـقــاع صـبــراه
مـــن زود كـبــره نـاسـيٍ مــــن كـبـيــره
وبـعـض العرب قـاطـع.. قـطــع عَـــود ربـــاه
وعـلـيــه لابـــــد الــرحـــى مـسـتـديــره
وهـــذا القـلـيـل الـلــي اخـتـصـرة وذكــرنــاه
والــنــاس واجـــــد والـطـبـايــع كـثــيــره
ولـــو قـلــت مـاقـلـت الـبشر ماحـصـيـنـاه
والـلــي خـلــق هـالـكـون مـحـصـي الـبـريـره
وصـلــو عـلــي مـرســول ديــنــ(ن) تـبـعـنـاه
نـبـيـنـا الـمـرســول بـــــأرض الـجــزيــره
ويــــاالله تـرزقـنــا شـفـاعـتــه وارضـــــاه
ويشـفـع لـنــا بحسـابـنـا عـــن سـعـيـره
.
