مححححد بهآلدنيآ يسسسستآهل >

السلام عليكم ورحمة الله وبركاته

إلى كل من عندها هم يثقلها
معطل حياتها
كارهه لأجله دنياها
أقولها وأقول لنفسي قبلها
محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انتي ومشاكلك واحزانك وافراحك وبلاويييييك كله ما يساوي جناح بعوضه
محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبية اصيح عليها
ياجماعه الدنيا تمشي
وإذافي توقف
فهو احنا اللي واقفين
القي كل همومك ورا ظهرك وخلي شعارك
محد بالدنيا يستاهل

لا أهل ولوجفوك
ولا زوج بهذلك
ولا صديقه جفت فيك
ولا حقير حرق قلبك
الدنيا عندالله جناح بعوضه بس
يعني حتى مو بعوضه
حقيييره ياجماعه

احتسبي كل بلاء عند رب العالمين
واحمدي ربك على كل نعمه انتي عايشتها
حنا في نعمه والله مو حاسين

الناس ..!!

الناس عامليهم بذوق وإسلوب .. وزي ما علمتك امك من يومك صغيره
سوي خير .. سوي خيييير ولا تنتظرين رد من احد
او اعتبار من احد .. اذا بتسوينه سويه لنفسك .. لك إنتِ عشان تعيشين مرتاحه
ما تنامين وتقولين زعلت فلانه وضايقت فلانه
وترا الدنيا دواره كما تدين تدان .. ربي ما ينسى ظلم !!

طنشي طنشي طنشي ..!!

فلانه تحش فيك فلانه تتكلم فلانه ما تحبك ..!!
خليها حلالها .. هو احسن بعد خففت علي ذنوبي .. وعطتني من حسناتها

تعلمي التطنيش والبرود وتوقعي انك تنصدمين .. وكل ما انصدمتي بأحد كل ما صرتي اقوى
كل ما صارت تجاربك وخبرتك الاجتماعيه أحسن وأحسن ..
....
رمت عليك كلمه .. عادي ولا كأني سمعت .. ان دل يدل على قلة ذوقها وتهذيبها ..

كشرت بوجهك .. ابتسمي !!

واذا رفعت صوتها .. وطي صوتك .. !

واذا اتجنبتك .. تجاهلي وجودها ...

"وترا ما طاح من النجوم اخف للسمـاء "

دموعك !!

دموعك ومشاعرك تراها اهم واغلى شي عندنا احنا البنات وهي اللي تتحكم بنفسيتنا وأفعالنا..
حبي نفسك حبي نفسك حبي نفسك ودلعيها ..!! عشان تعيشين مرتاحه... خلي قلبك لك
.. لا صديقه ولا قريبه ولا اي احد يستاهله .. حبي الناس بعقلك مو بقلبك عشان ترتاحين بحياتك ..


نحبهم !! ليش نحبهم في الاخير الي يبوكنا وهم مصدر تعاستنا وحزننـا!!

لا تبكين على احد ابداً ابداً مين ما كان
..!!
صدقيني لو كانوا يستاهلون كان ما خلوك تبكين ولا تحزنين ولا تتضآيقين ..
ولا خلوا مجال دمعه وحده تنزل من عينك


العافيــه !!



كافي انك تمشين وتحركين يدينك ورجولك
مافكرتي يوم تقولين الحمدلله !!
يارب اني أمشي مو أتسحب من كرسي لسرير وأشوف نظرات الشفقه تحرقني
احمدي ربك على كل نعمه انتِ فيها .. الحمدلله !!

المال ..!



تاكلين تشربين تشترين تتسوقين تلعبين بالفلوس بيدينك ورجولك عايشه بأمن وأمان
وتقولين يارب وش هالدنيا الغثا
فلانه ضيقت صدري
وعلانه سوت
وواختي سببت لي مشكله ولا أمي ولا أبوي
أنا ما أبي الدنيا كرهت العالم ابي اموت !



مره وانا في السوق واحد وأمه اشكالهم جداً مبهذله
و واقفين عند محل سينبون
ويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل اللي معاه والام طلعت اللي معها
كله على بعضه ما جا 4 ريال !!!
تخيوا سأل الولد اللي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه

شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!
احمدي ربك عشان ما يسلب نعمته عنك

وصلي لك ركعتين عشان ربي يرحمك
ويرفع عنك ضره
احمدي ربك على العافيه والله يابنات اني كنت يوم من الأيام ضااايق صدري من موقف صار لي مع وحده من البنات
وأنا أمشي كارهه الدنيا
وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم ثنتينهم
صم وبكم !!


ما يتكلمون

بنات صغار عمرهم اقل من عشرين والدنيا قدامهم مايتكلمون
محد يفهملهم
والله اني استحقرت همي ونفسي

قلت يارب انت انعمت علي انا كل يوم اتكلم مع أهلي
هُم مـآيقدرون
أنا إذا بغيت أصرخ صرخت
هُم مـآيقدرون
أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي
هُم مـآيقدرون
كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا ضايقه ولحد يكلمني
مالي خلقكم
ولحد حاس فيني
والله ولا شي ولا احد بالدنيا يستـــاهل همي !!
إذا عندك هم صلي ركعتين واطلبي ربك يفرجها
لاتذلين نفسك لخلقه
ترى كلهم ضعاف
ما راح يسوون لك شي
واحتسبي الأجر
احمدي ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمدي ربك على كل بلاء
لأنه خير والله لك
وانتِ اللي في النهايه بتلاقينه حسنات
ولأن الدنيا ماااشيه
وبتنتهي بيوم من الأيام
ومرح تبقى كل النعم اللي اليوم انتِ تطولينها
مرح يبقى إلا عملك

حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص
إذا ارتفعت حرارتي ماتحملت وقعدت أصيح طول الليل
و بلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــدٌ
وش له من الأجر عندالله
ياجماعه فكروا بس وش سويتوا ؟
وشو البلاء العظيم اللي مريتي فيه واللي بيكفر لك ذنوبك ؟
هذا طبعاً إذا احتسبتي الأجر وماكسبتي زيادة سيئات بالقنوط
وسوء معاملتك لاهلك والناس !
إنتِ عندك مشكله مع زوجك؟
بلاء في واحد من عيالك؟
مشكله مع صديقه؟
جفاء شخص تحبينه؟
ابتلاء في أمك وخواتك؟
عندك أب أو زوج أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميلة دراسه-عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمدي ربك إنك مو في فلسطين ولا العراق
عرضك مستباح
دمك مستباح
تصبحين وتنامين خايفه تعدين عيالك واخوانك قبل يفجعك الصبح الثاني
بواحد منهم
احمدي ربك إذا أصابك واحد من هالإبتلاءات إن ربي رفع عنك بقيتهم
إذا أصبتي بالتهاب في الحلق فاحمدي الله أنك لم تصابي بسرطان في البلعوم
وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر )
وإذا أصبتي بمرض في عينيك فاحمدي الله أنك لم تصابي بالعمى
حنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكري بجد
قاعده على النت
ولا تسولفين مع صديقتك عالمسن !
ولا تلفزيون ولا فيلم ..
ولا نااااايمه
وربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله ؟
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!
وربي إن ما أجاب دعوتك ألحين
بيثيبك على دعاؤك
وبتاخذين أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
يبي ينكد حياتك؟
لاوالله لأنه يحبك
ربك يحبك
في أحلى شعور من هذا
=') !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
يبي يجمع لك رصيد
تلقاه بعدين
ربك هو اللي بلاك ماتستحين تشكين لغيره ؟
وتعصينه وهو أكرمك بابتلائه؟
أسأل الله أن يرفع عن كل قارئه كربها ويفرج لها كل ضيقه ويفتح على قلبها ويهديها وييسر أمرها ويكشف ضرها إنه سميع سبحانه مجيب الدعاء

إن رباً كفاك ماكان بالأمس
سيكفيك في غدٍ ما يكون

http://gfx2.hotmail.com/mail/w4/pr01...cons/heart.gif
http://gfx2.hotmail.com/mail/w4/pr01...embaressed.gif ~بسومهـ~ http://gfx2.hotmail.com/mail/w4/pr01...embaressed.gif

بسووومه وقسم بالله إنك أكوس بنت شفتها ياشيخه لو تبين هديه إتشرطي بس قولي وش الهدية اللي تبينها أعطيك الحين عشان ه الموضوع اللي أقل شيئ يقال عنه إنه رآآآآآآآآآآآآآآآآآئع >>> أقول لا تصدقين بس الحين وتقولي فين الهدية ترى أمزح ^_^

والله العظيم ياحبني للتفائل ويازينه ووش حلاته >>> الحمد لله متفائلين مستانسين مروقين

محتسبين كل أبو جد المصايب اللي تجي عند رب العالمين

أقول للي مسوين فيها داخلين جو وعايشين الرومنسية وانو متعذب وحالته حاله >>> أقول ترى وربي ما عندك سآآآآلفة ترى وربي ما حد درى عنك ^_^

يعننك مسوي إنك رومنسي وياقلبي وشلون خلاني وخلتني وشلون سابني وسابتني
وتعيش الليل بهواجيسه والدموع نازله أربع أربع والصدر ضايق كأنك في فرن والا شواية >>> أكتب وأنا جوعآآآآن

أقول قم بس قم وربي اللي مسوي زعنان/هـ على شانه/ــا مادرى عنك وتلاقيه/ــــا الحين مرووووووووووووق المنجا على قولت أهل الحجاز >>> وربي يا أنا افتقدتهم لبى قلوبهم بس

أقول وربي كل الناس بتجلس تتكلم عليك ووتتريق عليك وتقول الله يشفيك من اللي انت معيش نفسك فيه

أقول قم تلايط/ي وواجهي هالبلاوي بالصبر والاحتساب والأجر والتعويض من رب العالمين >>> دخل جو المطاوعه ^_^

لا تقولي اللي يده بالنار مو زي اللي يده على الكبسه >>> قصدي المويه

أقووووول وربي إن ما عندك سالفه يازينك وانت ساكت >>> وربي النار اللي تقول عليها انحرقنا فيها كثيييييييير

بس وقسسسسسسسم ما زادتنا اللا قوة وصلابه وكلو بالاحتساب والصبر لله

ما سمعت ربك وش يقول يوم يقول المولى عز وجل (إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ)

إنت عارف/هـ اللي عايش النكد والهم شو معنى بغير حساب يعني وش اللي ما يخطر على بالك تلاقيه بالدنيا قبل الآخره

أقولك وش تسوي الحين عشان تطرد أبو أم جد اللي جاب النكد لصدرك >>> تعال أعلمك بس لا تعلم النكد عشان ما يشرد هههههههه

أقول قوم/ي تلايط الحين واتفل إبليس >>> الحين تلاقي إبليس إنعمى وجهه من التفل ههههههههههه

المهم وبعدها قوم إتوضأ >>> أدري إنك بتقول مو وقت صلاة الحين >>> ترى عندنا وقت صلاة فينفع تصلي بتوقيتنا ههههههههههه

المهم قوم وقول بسم الله واتوضأ وبعد تخلص من الوضوء قول

أشهد الا اله الا الله وأشهد أن محمد رسول الله >>> ترى ذي تفتحلك أبواب الجنة الثمانية كل أبوها تدخل من الباب اللي يطيب خاطرك >>> يازين الجنه مو سهر الليل وآآآه ياقلبي حبيبي خلاني والله يا راح تشوف حبايب يوسعو الخاطر بالجنه

الله يرزقنا وإياكم الجنه قولو آمين >>> إيه إنت/ي ليه ما قلت آمييين هاااااه أكيد ما تفلت على إبليس ^_^

وبعدها قول

« اللَّهُمَّ اجْعلْني من التَّوَّابِينَ واجْعلْني مِنَ المُتَطَهِّرِينَ » .>>> ترى هذي بعدها تقول أي دعاء ربنا يستجيبلك فيه >>> لا تنسى تدعيلي مو تدعي علي *_*

المهم بعدها امسك ذيييك السجآآده وافرشها وكبر وصل ركعتين تفتح النفس الضايقه >>> ولاجيت تسجد إدعي ربك بكل ما في قلبك والله إن الله ما راح يخيب ظنك>>> هيا لا أشوف واحد يدعي يبي سيارة لمبرجيني والا وحد تبي زي فستان فلانه اللي يهبل ياهووو احنى في ضيقت الصدر مو في ..... هههههههههههه

وبعد ما تسلم وربي يا إنك راح ترتاح راحه ما بعدها راااحه >>> وخصوصا مخصوصاً خصيصاً متخصصاً لو كانت الصلاة بالثلث الأخير من الليل

ياااااربي وش هالغثى وش فيك لسه الضيقه ماراحت >>> أوووووووووف لازم اتعبنى معاك/ي يعني

تيب أنا أقلك وش تسوي بعد ما تسلم مد يدك على المصحف اللي فوق التسريحه عندك >>> مسوي ولد نعمة عنده تسريحه ههههههههههه

المهم امسك/ي المصحف واستعذ بالله من الشيطان الرجيم >>>> ياكره إبليس لي اليوم ههههههههههههه

وافتح على سورة البقرة أو أي سورة ضاربه في مخيخك وقول بسم الله الرحمن الرحيم وأقرأ

ويازينك لو بديت تحفظ القرآآآن وربي بن أم أم جدها ضيقه لسه بتجيك

ياخي ليييه ما تخلي مرارة الليمون عصير حلو تشربه >>> فاشخ المقوله ذي من الشيخ عائض القرني الله يستر لا يروح يشتكينا على التعدي على حقوق الطبع

من جد خليك بدال منت متضايق تكون شخص منتج فاآآآآهم في الدنيا


أقووووول تعال هنا >>> لا تقلي لسه باقي فيه ضيقه

ترى ربنا قال
( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ )




سآآآآآآآآآآآآآآآآآآآآآآمع/هـ يعني قل لكل هم ونكد وحسد وضيقه وحقد >>> انقلعي من عندي مو أنا اللي راح تكسرينه

دوري غيري يابابا وإلا أقول قولها دوري غيري ياماما أحسسسن >>> المهم تدور حد ثاني لأنها ما تقدر إنها تلوي ذراعك ولا تكسر ظهرك ^_^ >>> صح يالقوي

وربي أحس إني استرسلت كثيييييييييير في الرد >>> بس وربي من كرهي للاستسلام لشي مال أم جد أهل أبوه داااعي

وياحبني للتفائل ^_^

أروح ملح عند اللي كتبت الموضوع >>> مسوي يحرجها *_*

وتستاهل أحلى تقييييييييم بالشن >>> يقصد تقييميشن >>> ما يقلد أحد >_<

يلا في أمان الله

وطنش تعش تتنتعش

ويآآآآآآآآآآآآآآرب بسومه ما تصدق وتطلبني الهدية اللي قلت أبي أجيبها هههههههههههه

مع السلامة

فعــلآ الــدنــيـا مـاتسسوى جنــآح بعـــوضــه

دنــيـا فــآنيــه مــايبقــى إلا وجـهه الكــريم

ما تنامين وتقولين زعلت فلانه وضايقت فلانه

بهــذي مــو مــعاكِ تــدريـن لأن الشخص لا بــد قبــل النــوم يعــاتـب نفسسه

منـو زعــل بهـاليــوم ومــين اللـي آخــذ بخــاطــرهـ عـليك لا بـد مـن الأنسسآن يعــاتـب نفسسه

قبــل النــوم ولا يكـون بخــآطــرهـ ششي عـلى آحــد..

وفيــه بعـض الأششخـآص هــذا إبتــلاء مـن رب العـآلمـين مـو نــقول

ليشش يسسوون كــذآ وليشش واللـه إنــهم..........؟

مــاهـو بيـدهم يعــني الفلسفــه الـزآيـده مـآلهـا دآآآآآآآآآآآآعــــــــــــــــــــي

آهــم ششي نــدعــي لهــم إن اللـه يفتــح عليهــم ويبعــد عنـهم الضيــقه والهـم

وإذا تبــي أو تبيـن تسسويـن ششي لا آحــد يتفلسسف إدعــي يكــون آفضـــل ششي


أسأل الله أن يرفع عن كل قارئه كربها ويفرج لها كل ضيقه ويفتح على قلبها ويهديها وييسر أمرها ويكشف ضرها
اللهــــــــــم آآآآآآآآآآآآآآآميييييييييييين

004004

تعلمي التطنيش والبرود وتوقعي انك تنصدمين .. وكل ما انصدمتي بأحد كل ما صرتي اقوى
كل ما صارت تجاربك وخبرتك الاجتماعيه أحسن وأحسن ..
....
رائعه


رائعه


رائعه


رائعه


كم انتي مبدعه وربي لو اجلس اتكلم من هنا لبكره ماراح اوفي حق جمال هالموضوع بجد يابسومه انتي اكوووس بنت بالدنيا وماعليك من غني هديتك عندي

على هالموضوع الخطيرون اللي يستاهل فايف ستاار وتميز بعد بجد بجد في الصميم ....

ماشاء الله غني ماترك شي الا كتبه ذا وهو جوعااان اجل لو شبعاان وش بيسوي ههههه يسلمو يامبدعه