[ ممنوع ] أنا أنساك لو في – دقيقة - !

مدخل :






تعال , دامه [ صعب ] قربك / دخيلك


وإلا السهل من حضرة الحُب ما أبيه



أقول أبيك ,, وقلت : ممنوع أجي لك


ما تدري كل ممنوع / لي رغبةٍ فيه





:



[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .







[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )







[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .







[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }







[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك







[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك







[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.







قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]







دام .. المشاعر .. يا حبيبي , رقيقه ؟
و القلب خان أحبابه اليوم / .. صانك .







بردان ؟؟ شبّ إحساس " قلبي " حريقه
إدفا عسى تكسب ( دفاك , و رهانك )







" سيفك " إذا خان الرفيق بـ رفيقه ,
يعني أشيلك , لو تعثَّر .. [ حصانك ] .. .







لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :







دام " القوافي " في بحورك ../ غريقه
( شاعرك ) يبدع و إنت إطلق عنانك







بـ أكتب قصيدي فيك وهذي الحقيقه
ياللي تِهِز [ أبيات شعري ] .. كيانك







مخرج:







مسموح كل إنسان يقرا المعاني


لكن شعور القلب يا ناس محفوظ



ما قلت من ( حظَّه ) لأنه لقاني


أقول أنا من يوم ألاقيه : محظوظ







:

أحمد الصانع


مماراق لي

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

رررررررررروعه يعطيك العافيه

شآكر لك على الطرح الذوق
والى الامام من جديدك

لك ودي

يعطيك العافية ع طرحك للقصيدهـ

صح لسان شــــاعرها وسلمت يداك..

مودتـــي

أقول أبيك ,, وقلت : ممنوع أجي لك


ما تدري كل ممنوع / لي رغبةٍ فيه